40-1-1a


༼ཀ༽ ༄༅། ༈ །མདོ་སྡེ་སྣ་ཚོགས་ཀྱི་སྐོར་བཞུགས་སོ། །
(黃)  經藏第一部
40-1-1b
圣贤劫大乘经
༄༅༅།   །རྒྱ་གར་སྐད་དུ། ཨཱརྱ་བྷ་དྲ་ཀལ་པི་ཀཱ་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ། འཕགས་པ་བསྐལ་པ་
བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་
ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དབྱར་གནས་
པར་བཞུགས་བཞུགས་ནས། དབྱར་ཟླ་གསུམ་འདས་པ་དང་། ཆོས་གོས་མཛད་དོ། །ཆོས་གོས་མཛད་ནས། ཆོས་གོས་
མནབས་ཏེ། ལྷུང་བཟེད་ཐོགས་ནས། ཡངས་པ་ཅན་གྱི་གྲོང་ཁྱེར་ག་ལ་བ་དེར། དགེ་སློང་འབུམ་དང་ཡང་ཐབས་གཅིག །
བྱང་ཆུབ་སེམས་དཔའ་བྱེ་བ་ཕྲག་བརྒྱད་བཅུ་སྙེད་དང་ཡང་ཐབས་གཅིག་ཏུ་གཤེགས་ཏེ། བྱོན་ནས་ཚལ་ཆེན་པོར་
གཤེགས་པ་དང་། ནང་དུ་ཡང་དག་འཇོག་ལས་བཞེངས་སོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་
དེ་ཡང་ནང་དུ་ཡང་དག་འཇོག་ལ་ཞུགས་པ་ལས། ནང་དུ་ཡང་དག་འཇོག་ལས་ལངས་ཏེ། དགེ་སློང་
40-1-2a


གི་འཁོར་དང་། དགེ་སློང་མའི་འཁོར་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོའི་འཁོར་
དག་དང་ལྷན་ཅིག་ཏུ་སྟན་བཏིང་བ་ལ་འདུག་གོ། །བྱང་ཆུབ་སེམས་དཔའ་དེ་དག་ཀྱང་སྣང་བ་ཐོབ་པ། གཟུངས་ཐོབ་པ། ཏིང་ངེ་འཛིན་ཐོབ་པ། མངོན་པར་ཤེས་པ་ལྔ་དང་ལྡན་པ། ཚིག་གཟུང་བར་འོས་པ། ཚུལ་འཆོས་པ་མེད་པ། ཤེས་ཀྱི་ཁེ་དང་། 
ཆགས་སེམས་དང་བྲལ་བ། ཟང་ཟིང་མེད་པར་ཆོས་སྟོན་པ། ཆོས་ཟབ་མོ་ལ་བཟོད་པའི་ཕ་རོལ་དུ་སོན་པ། མི་འཇིགས་པ་ཐོབ་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་སྤངས་པ། ཆོས་ཀྱི་རང་བཞིན་ལ་ཐེ་ཚོམ་མེད་པ་ཐོབ་པ། 
བསྐལ་པ་གྲངས་མེད་པར་སྨོན་ལམ་ཤིན་དུ་བརྩམས་པ། བཞིན་འཛུམ་པ། གསོང་པོར་སྨྲ་བ། ཁྲོ་གཉེར་མེད་པ། ཚིགས་སུ་བཅད་པའི་དབྱངས་ཀྱིས་སྨྲ་བ། སེམས་ཟིལ་གྱིས་མི་ནོན་པ། སྤོབས་པ་རྒྱུན་མི་འཆད་པ། མཉམ་པ་ཉིད་ལ་བཟོད་པ་ཐོབ་
པ། འཁོར་མཐའ་ཡས་པ་ཟིལ་གྱིས་གནོན་ཅིང་མི་འཇིགས་པ་ཐོབ་པ། ཚིག་གཅིག་གིས་བསྐལ་པ་བྱེ་བ་ཚར་ཕྱིན་པ་སྟོན་པ་ལ་མཁས་པ། ཆོས་ཐམས་ཅད་ལ་སྒྱུ་མ་དང་། སྨིག་རྒྱུ་དང་། ཆུ་ཟླ་དང་། རྨི་ལམ་དང་། བྲག་ཆ་དང་མཚུངས་པར་མོས་པ། ཤེས་
པ་མི་འཇིགས་པ་ཚད་མེད་པ། སེམས་ཅན་གྱི་སེམས་ཀྱི་རྒྱུ་བ་ཕྲ་མོའི་ཚུལ་དང་སྤྱོད་པ་སྣ་ཚོགས་ཤེས་པ་ལ་མོས་པ། དགེ་བ་རྒྱ་ཆེ་བ། སེམས་ཐོགས་པ་མེད་པ། ལྷག་པའི་ང་རྒྱལ་མེད་ཅིང་བཟོད་པ་དང་ལྡན་པ་དགེ་བ་ཇི་ལྟ་བ་བཞིན་དུ་བརླབས་ཆེ་བ། སངས་
རྒྱས་ཀྱི་ཞིང་གི་བཀོད་པ་མཐའ་ཡས་པར་སྨོན་ལམ་རབ་ཏུ་བཟུང་བ། འཇིག་རྟེན་གྱི་ཁམས་གྲངས་མེད་པའི་སངས་རྒྱས་རྗེས་སུ་དྲན་པའི་ཏིང་ངེ་འཛིན་རྟག་པར་རྒྱུན་དུ་མངོན་དུ་གྱུར་པ། སངས་རྒྱས་དཔག་ཏུ་མེད་པ་ལ་གསོལ་བ་འདེབས་པ་ལ་མཁས་པ། ལྟ་བ་ཐ་དད་
པ་དང་། བག་ལ་ཉལ་དང་། ཀུན་ནས་དཀྲིས་པའི་ཉོན་མོངས་པ་རབ་ཏུ་ཞི་བར་བྱེད་པ་ལ་མཁས་པ། ཏིང་ངེ་འཛིན་གྱིས་རྣམ་པར་རོལ་པ་བརྒྱ་སྟོང་བསྒྲུབ་པ་ལ་མཁས་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་བྱམས་པ་ལ་སོགས་པ་དང་། འཇམ་དཔལ་
40-1-2b


གཞོན་ནུར་གྱུར་པ་དང་། སྤྱན་རས་གཟིགས་དབང་ཕྱུག་དང་། འབྲུག་སྒྲ་དང་། དགེ་བ་བརྒྱ་སྟོང་གི་མེ་ཏོག་ཀུན་དུ་རྒྱས་པའི་བློ་དང་། བསྒྲུབ་པ་མཐའ་ཡས་པའི་བློ་ཅན་གློག་གིས་རབ་ཏུ་བརྒྱན་པའི་སྒྲ་དབྱངས་དང་། ཆགས་པ་མེད་པའི་མཐའ་དང་ལྡན་པའི་བློ་ཅན་དང་། 
རྣམ་པར་བསྒྲགས་པའི་རྒྱལ་པོ་དང་། འཐུན་པ་དང་མི་མཐུན་པ་མཐོང་བར་གྱུར་པ་དང་། གསེར་སྟུག་པོ་བསྩགས་པའི་འོད་གཟི་བརྗིད་ཀྱི་རྒྱལ་པོ་དང་། དཔག་ཚད་བརྒྱར་རྣམ་པར་བལྟ་ཞིང་འགྲོ་བ་དང་། སྤོབས་པ་བརྩེགས་པ་དང་། ཡེ་ཤེས་ཕུང་པོ་དང་། མཐོང་
བ་དོན་ཡོད་དང་། བཟང་སྐྱོང་ལ་སོགས་པ་དང་། སྐྱེས་བུ་དམ་པ་བརྒྱད་པོ་གང་སྤོས་ཀྱི་གླང་པོ་དང་། རིན་ཆེན་མཐའ་ཡས་མཛོད་དང་། ཤེས་རབ་བརྩེགས་པ་དང་། མཆོད་པ་བཀོད་པ་དང་། སེང་གེ་རྣམ་པར་སྒྲོགས་པའི་སྒྲ་དབྱངས་ཀྱི་རྒྱལ་པོ་དང་། བློའི་བཀོད་པས་
ལེགས་པར་བརྒྱན་པ་ལ་གནས་པ་དང་། སེང་གེའི་སྟབས་ཀྱིས་འགྲོ་བ་དང་། སྤོབས་པ་མཐའ་ཡས་པར་བསྒྲུབ་པ་ལ་འཇིགས་པ་མེད་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་སོགས་པ་དང་། སྟོང་གསུམ་གྱི་སྟོང་ཆེན་པོའི་འཇིག་
རྟེན་གྱི་ཁམས་ན་གང་དག་རྒྱལ་པོ་ཆེན་པོ་བཞི་པོ་རྣམས་དང་། བརྒྱ་བྱིན་དང་། ཚངས་པ་དང་། དབང་སྒྱུར་དང་། ཚངས་པ་ཆེན་པོ་དང་། ཀླུའི་རྒྱལ་པོ་དང་། གནོད་སྦྱིན་གྱི་བདག་པོ་དང་། ལྷ་མ་ཡིན་གྱི་བདག་པོ་དང་། ནམ་
མཁའ་ལྡིང་གི་བདག་པོ་དང་། མི་འམ་ཅིའི་བདག་པོ་དང་། ལྟོ་འཕྱེ་ཆེན་པོའི་བདག་པོ་དང་། དྲི་ཟའི་བདག་པོ་དང་། དེ་དག་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ། བཅོམ་ལྡན་འདས་ལ་མེ་ཏོག་སིལ་མས་
གཏོར་ནས་འཁོད་པར་གྱུར་ཏོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་ཉིན་ཞག་བདུན་ཟས་བཅད་དེ་འཆག་ཅིང་འགྲེང་ལ་འདུག་བཞིན་དུ་གློས་མ་ཕབ་པར་རྨུགས་པ་དང་། གཉིད་མེད་པར་མངོན་པར་བརྩོན་པར་
གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་ཆོས་གང་རྫོགས་པར་བགྱིས་ན་སེམས་ཅན་ཐམས་
40-1-3a


ཅད་ཀྱི་བསམ་པ་དང་སྤྱོད་པ་འཚལ་བར་འགྱུར་བ་དང་། སངས་རྒྱས་རྣམས་ཀྱི་དགོངས་པའི་བཀའ་ལ་འཇུག་པར་འགྱུར་བ་དང་། ཕྱིན་ཅི་ལོག་ཏུ་སྟོན་པ་ལས་མི་སྟོན་པར་འགྱུར་བ་དང་། སྒྲ་ཇི་ལྟ་བ་བཞིན་དུ་
བདེན་པ་ཤེས་པ་ལ་རྗེས་སུ་འཇུག་པར་འགྱུར་བ་དང་། ད་ལྟར་གྱི་སངས་རྒྱས་ཐམས་ཅད་ལ་སྒྲིབ་པ་མེད་པར་འགྱུར་བ་དང་། འདི་ལྟ་སྟེ་སངས་རྒྱས་དང་འགྲོགས་པ་འཐོབ་ཅིང་མཐོང་བ་དང་། ཆོས་ཀྱིས་ངེས་པ་འཐོབ་པར་
འགྱུར་བ་དང་། འཇིག་རྟེན་གྱི་ཆོས་ལ་ཡང་སྤྱོད་ལ་འཇིག་རྟེན་པས་ཀྱང་མི་གོས་པར་འགྱུར་བ་དང་། སྙོམས་པར་འཇུག་པ་ལ་གནས་ཀྱང་དེ་དེར་སྐྱེ་བར་མི་འགྱུར་བ་དང་། མྱ་ངན་ལས་འདས་པའི་ཆོས་ལ་སྤྱོད་ཀྱང་ཡོངས་སུ་
མྱ་ངན་ལས་འདའ་བར་མི་འགྱུར་བ་དང་། སངས་རྒྱས་ཀྱི་སྨོན་ལམ་ཡོངས་སུ་རྫོགས་པར་མ་བགྱིས་བ་དང་། ཉན་ཐོས་དང་། རང་སངས་རྒྱས་ཀྱི་ཆོས་ལ་སྤྱོད་ཀྱང་ཐེག་པ་དེ་དག་གིས་ངེས་པར་མི་འབྱུང་བར་འགྱུར་བ་དང་། 
སངས་རྒྱས་རྗེས་སུ་དྲན་པ་ལ་སེམས་ནག་ནོག་མ་མཆིས་པར་འགྱུར་བ་དང་། ཁམས་སྣ་ཚོགས་ལ་ཡང་འཇུག་ལ་ཐམས་ཅད་ཀྱི་རྗེས་སུ་ཡང་འཇུག་པར་འགྱུར་བ་དང་། ཞུ་བ་དང་། སྤོབས་པའི་བསམ་པ་ལ་ཟིལ་གྱིས་ནོན་པར་
མི་འགྱུར་བ་དང་། སངས་རྒྱས་ཀྱི་ཞིང་གི་བཀོད་པ་མཐའ་ཡས་པ་རབ་ཏུ་འཛིན་ཅིང་ཤེས་རབ་མ་ལུས་པར་འཐོབ་པར་འགྱུར་བ་དང་། སེམས་ཅན་རྣམས་ཡོངས་སུ་སྨིན་པར་བགྱིད་ལ་སེམས་ཅན་གྱི་འདུ་ཤེས་ལ་ཡང་མི་གནས་
པར་འགྱུར་བ་དང་། ཆོས་ཀྱང་སྟོན་ལ། དམིགས་པ་ལ་ཡང་མི་གནས་པ་དང་། མྱ་ངན་ལས་འདས་པ་ཡང་སྨྲ་ལ་ཉེ་བར་ཞི་བ་གང་ཡང་མི་དམིགས་པར་འགྱུར་བ་དང་། བྱང་ཆུབ་ཀྱི་ཕྱིར་ཡང་སྤྱོད་ལ་མི་གནས་པར་ཡང་འགྱུར་
བ་དང་། མཆིས་པ་དང་། མ་མཆིས་པ་ཡོངས་སུ་སྤངས་ཀྱང་རྒྱ་ཆེན་པོ་ལ་མོས་པར་འགྱུར་བར་བགྱིད་པ་དག །བཅོམ་ལྡན་འདས་བདག་མ་འཚལ་བཞིན་དུ་ནི་མི་ཞུ་ན། འོན་ཀྱང་བཅོམ་ལྡན་འདས་ཀྱིས་བསྟན་དུ་གསོལ། 
40-1-3b


དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །ལྷ་མི་གནོད་སྦྱིན་དྲི་ཟ་འཁོར་མང་པོ། །མཐའ་ཡས་ཇི་ལྟར་མོས་བཞིན་ཚོགས་ལགས་པས། །བྱང་ཆུབ་
སེམས་དཔའ་རྣམས་ཀྱི་སྤྱོད་པ་གང་། །འཇིག་རྟེན་དག་གི་མགོན་པོ་འོད་མཛད་པ། །སྨྲ་བའི་ཟླ་བ་ལ་ནི་ཞུ་ལགས་ན། །གོ་རིམས་བཞིན་དུ་བདག་ལ་ལུང་བསྟན་གསོལ། །བྱང་ཆུབ་སྤྱོད་མཆོག་ཡོན་ཏན་ཐོས་
ནས་ནི། །སྐྱེ་བོ་ཕལ་ཆེན་འདུན་གྱུར་བྱང་ཆུབ་བརྩོན། །བྱང་ཆུབ་ཡོན་ཏན་མཆོག་ལ་དད་བསྐྱེད་ནས། །ཡོན་ཏན་ཀུན་མཐར་ཕྱིན་ལ་ཞུ་ལགས་ན། །གྲགས་པ་མཐའ་ཡས་བདག་གི་སེམས་མཁྱེན་ཏམ། །རྒྱལ་
བ་མ་གཏོགས་དཔང་གཞན་བདག་ལ་མེད། །རྒྱལ་བའི་ཡོན་ཏན་ལྷ་མི་ཤིན་དུ་སྐོམ། །སྟོབས་བཅུའི་སྤྱོད་པ་རྣམ་པར་ཕྱེ་སྟེ་གསུངས། །ཡོན་ཏན་མཆོག་སྤྱོད་བྱང་ཆུབ་ཡོན་ཏན་བྱུང་། །གྲགས་མཛེས་ཚུལ་ཆེན་
ཁྱོད་ཀྱི་མཁྱེན་སྤྱོད་གསུངས། །ཇི་ནས་ཡེ་ཤེས་འོད་ཟེར་འཕྲོ་བགྱིད་ཅིང་། །ནག་པོའི་རྩ་ལག་དཔུང་བཅས་འཇོམ་བགྱིད་ལ། །ཇི་ནས་སྟོང་གསུམ་མྱུར་དུ་གཡོ་བགྱིད་པ། །དེ་འདྲའི་བྱང་ཆུབ་སྤྱོད་པ་བདེ་གཤེགས་
གསུངས། །ཇི་ནས་མཚན་གྱི་མེ་ཏོག་རྒྱས་འགྱུར་ཞིང་། །ཇི་ནས་མཐའ་ཡས་དབྱངས་ལྡན་འགྱུར་བ་དང་། །ཇི་ནས་རི་རབ་འདྲ་བའི་ཏིང་འཛིན་འགྱུར། །དེ་འདྲའི་བྱང་ཆུབ་སེམས་སྤྱོད་བཤད་དུ་གསོལ། །མཉམ་
མེད་མཚུངས་མེད་གཡོ་མེད་ཚུལ་འཆོས་མེད། །ང་བྲལ་དགྲ་བཅོམ་དྲི་གསུམ་དྲི་བྲལ་བ། །དགེ་སྦྱོང་མཆོག་སྟེ་མཁས་པའི་ཚོགས་ཀྱིས་བསྟོད། །ཁྱོད་ལ་མི་མཆོག་དག་གི་སྤྱོད་པ་ཞུ། །རྟོགས་བློ་བརྟན་པོ་དྲན་
ལྡན་མེ་ཏོག་གསུངས། །འཁྲུལ་མེད་ལེགས་སྤྱད་སྤྱོད་མངའ་སྨྲ་བའི་མཆོག །དྲི་བསལ་སྐྱེས་བཟང་ཁྱུ་མཆོག་ཕན་མཛད་པ། །ཅི་ནས་རྒྱལ་འགྱུར་དེ་ལྟར་བདག་ལ་གསུངས། །ཁྱོད་ལས་ཉིན་མཚན་དག་ཏུ་འདི་དག་
40-1-4a


གིས། །མཉན་ནས་བྱང་ཆུབ་སྤྱོད་པ་ཡང་དག་ལ། །ཡིད་ལ་བྱེད་པ་གཞན་མེད་བདེ་བ་ཡིས། །སྤྱོད་པ་འདི་ལ་མཆོག་ཏུ་སྤྱོད་པར་འགྱུར། །ཇི་ནས་ཏིང་འཛིན་ལྡན་ཞིང་གཟུངས་ལྡན་དང་། །ཇི་
ནས་བློ་དང་ཤེས་རབ་སྤོབས་ལྡན་དང་། །ཕྱོགས་མཐའ་ཡས་པར་སངས་རྒྱས་མཐོང་བ་དང་། །ཚུལ་དང་ཚུལ་མིན་དྲི་བ་འདྲི་བ་དང་། །ཇི་ལྟར་ཡེ་ཤེས་མཚུངས་མེད་འགྱུར་བ་དང་། །དགེ་བ་སྒོ་བརྒྱ་དག་ནི་བསྒྲུབ་པ་དང་། །
འཆད་པ་ལ་ནི་འཁྲུལ་པ་མེད་འགྱུར་བ། །སྟོབས་བཅུའི་སྤྱོད་པ་ཁྱོད་ལ་ཞུ་ལགས་སོ། །སྲིད་པའི་བདེ་ལ་ཆགས་ཏེའང་མི་ཞུའོ། །ཡུལ་གྱིས་བསྒྱུར་སླད་དུའང་མི་ཞུའོ། །རྒྱལ་བའི་བདུད་རྩི་ལ་ནི་བདག་ལེགས་
འདུན། །སྟོབས་བཅུའི་སྤྱོད་པ་བདག་ལ་མྱུར་དུ་གསུངས། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་
བའི་རྒྱལ་པོ་ལེགས་སོ་ལེགས་སོ། །ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཡོད་དེ། བྱང་ཆུབ་སེམས་དཔའ་ཏིང་ངེ་འཛིན་དེ་དང་ལྡན་ན་ཡོན་ཏན་དེ་དག་འཐོབ་པར་འགྱུར་རོ། །གཞན་ཡང་ཕ་རོལ་ཏུ་ཕྱིན་
པ་བརྒྱ་ཉི་ཤུ་རྩ་གཅིག་ཡོངས་སུ་རྫོགས་པར་བྱེད་དོ། །ཏིང་ངེ་འཛིན་སྟོང་ཕྲག་བརྒྱད་བཅུ་རྩ་བཞི་འཐོབ་པར་འགྱུར་རོ། །གཟུངས་སྟོང་ཕྲག་བརྒྱད་བཅུ་རྩ་བཞི་འཐོབ་པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པ་ལ་
འཇུག་པ་མཁས་པ་ཡང་རྟོགས་པར་འགྱུར་རོ། །མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །མཆོག་ཏུ་དགའ་བའི་རྒྱལ་པོ་ཆོས་ཐམས་ཅད་ཀྱི་ཚུལ་ལ་ངེས་
པར་སྟོན་པ་ཞེས་བྱ་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ་ཇི་སྐད་སྨྲས་པ་དེ་བཞིན་དུ་བྱེད་པ་ཉིད་དོ། །ཇི་ལྟར་བྱས་པ་དེ་བཞིན་དུ་སྨྲ་བ་ཉིད་དོ། །ལུས་དག་པར་བྱེད་དོ། །ངག་དག་པར་བྱེད་དོ། །སེམས་དག་པར་བྱེད་དོ། །
40-1-4b


ཕན་པར་འདོད་པ་ཉིད་དོ། །བྱམས་པའི་སེམས་དང་ལྡན་པ་ཉིད་དོ། །སྙིང་རྗེ་ཉིད་མི་སྤོང་བའོ། །འདོད་པ་དག་ལ་དོན་དུ་མི་གཉེར་བ་ཉིད་དོ། །ཆོས་དོན་དུ་གཉེར་བ་ཉིད་དོ། །དད་པ་ཆུད་ཟ་བར་མི་བྱེད་པའོ། །རང་གིས་དམ་བཅས་
པ་ཀུན་དུ་སྤྱོད་པ་ཉིད་དོ། །ངེས་པའི་ཚིག་ལ་མཁས་པའོ། །སེམས་ཅན་སྒྲོལ་བའོ། །ཅང་ཤེས་ཀྱི་ལས་ཅན་ནོ། །ལུས་ལ་མི་བརྐམ་པ་ཉིད་དོ། །སེམས་རྒྱུ་བ་མེད་པ་ཉིད་དོ། །སྡུག་བསྔལ་དང་ལྡན་པ་རྣམས་ལ་ཚིམ་པར་
བྱེད་པ་ཉིད་དོ། །བདེ་བ་དང་ལྡན་པ་རྣམས་ལ་གཟེང་བསྟོད་པའོ། །བག་མེད་པ་རྣམས་ལ་འདོམས་པའོ། །བརྩོན་པ་རྣམས་ལ་འཆོས་པའོ། །ཆོས་ལ་འགྱོད་པ་དག་སེལ་བ་ཉིད་དོ། །སེམས་ཅན་གྱི་འདུ་ཤེས་ལ་མི་གནས་
པའོ། །དངོས་པོའི་འདུ་ཤེས་ཀྱིས་རྟོག་པ་མེད་པའོ། །འཛིན་པ་ཡོངས་སུ་གཅོད་པའོ། །མཚན་མ་རྣམ་པར་འཇིག་པ་ཉིད་དོ། །མཉམ་པར་གཞག་པ་ལ་གཡོ་བ་མེད་པའོ། །རྟག་ཏུ་ཡེ་ཤེས་འཚོལ་བའོ། །འཇིག་རྟེན་པའི་གཏམ་
རྣམ་པར་སྤོང་བ་ཉིད་དོ། །འཇིག་རྟེན་ལས་འདས་པའི་གཏམ་འཚོལ་བ་ཉིད་དོ། །དྲན་པ་ཉམས་པ་མེད་པ་ཉིད་དོ། །ཆོས་རྣམས་ལ་བརྗོད་པ་མེད་པ་ཉིད་དོ། །ཇི་ལྟར་བྱ་བ་བཞིན་དུ་འཇུག་པའོ། །སྤྱོད་པ་སྒྲུབ་པའོ། །འཇིག་རྟེན་
ཤེས་པ་ཉིད་དོ། །ལས་ལ་མངོན་པར་ཡིད་ཆེས་པ་ཉིད་དོ། །མ་དད་པ་ཡོངས་སུ་སྤོང་བ་ཉིད་དོ། །མོས་པ་མང་བ་ཉིད་དོ། །སངས་རྒྱས་ཡིད་ལ་བྱེད་པའོ། །འཕེལ་བ་སྟོན་པའོ། །བསོད་ནམས་ཀྱི་རྗེས་སུ་ཡི་རང་བ་ཉིད་དོ། །སངས་རྒྱས་
ལ་གསོལ་བ་འདེབས་པ་ཉིད་དོ། །སྦྱིན་གནས་ལ་ཕྱག་འཚལ་བ་ཉིད་དོ། །བསྔགས་པ་བརྗོད་པ་ཉིད་དོ། །ང་རྒྱལ་མེད་པ་ཉིད་དོ། །དགེ་བའི་རྩ་བས་ངོམས་པ་མེད་པ་ཉིད་དོ། །སྦྱོར་བས་རྟག་ཏུ་མངོན་པར་བརྩོན་པའོ། །བསྒྲུབ་པ་མི་
སྤོང་ཞིང་རྫོགས་པར་བྱེད་པ་ཉིད་དོ། །རྒྱུ་རྐྱེན་གྱི་ལས་བྱ་བ་ལ་འཇིག་རྟེན་ན་རྒྱ་ཆེ་བའོ། །བཅས་པ་མི་འདྲལ་བའོ། །གཞི་གཅིག་ཏུ་མི་འཇོག་པ་ཉིད་དོ། །འདི་ཁོ་ན་བདེན་ནོ་ཞེས་མངོན་པར་ཞེན་པ་མེད་པའོ། །འདོད་པའི་ཁམས་ལ་
40-1-5a


ཁྱིམ་མོ་ཞེས་བརྗོད་པ་མི་འཇུག་པའོ། །གཟུགས་ཀྱི་ཁམས་ལ་མངོན་པར་ཞེན་པ་མེད་པའོ། །གཟུགས་མེད་པའི་ཁམས་ཀྱི་རང་བཞིན་མ་ཡིན་པའོ། །ཇི་ལྟར་མངོན་པར་འདུ་བྱེད་པའི་འབྲས་བུ་ལ་མངོན་པར་
ཡིད་ཆེས་པ་ཉིད་དོ། །ཡོ་བྱད་ལ་བགོ་བཤའ་བྱེད་ཅིང་སེམས་མཉམ་པ་ཉིད་དོ། །སེམས་ཅན་ཐམས་ཅད་ལ་གཡོས་མི་བསྟེན་པ་ཉིད་དོ། །སངས་རྒྱས་རྣམས་ལ་མི་སླུ་བ་ཉིད་དོ། །བྱང་ཆུབ་སེམས་དཔའ་རྣམས་ལ་རྣམ་པར་
ཐོ་མི་འཚམས་པའོ། །བསྟན་པ་ལ་ངན་དུ་མི་བརྗོད་པ་ཉིད་དོ། །རིགས་པ་དང་ལྡན་པ་དང་རིགས་པ་དང་ལྡན་པ་མ་ཡིན་པ་ལ་ཞེ་སྡང་མེད་པའོ། །ཕ་རོལ་གྱི་སྡེ་རྙེད་པ་ལ་མི་གནས་པའོ། །བསམ་པ་རྫོགས་པར་བྱ་བ་མི་སྤོང་བའོ། །ང་རྒྱལ་
སྤོང་བའོ། །ཁོང་ཁྲོ་བ་སྤོང་བའོ། །གཏི་མུག་ཡང་དག་པར་འཇོམས་པའོ། །རྙེད་པ་ལ་ཀུན་དུ་མི་སྤྱོད་པའོ། །ངན་ངོན་ཙམ་གྱིས་ཆོག་ཤེས་པའོ། །ཤེས་ཀྱི་ཁེ་སྤོང་བའོ། །མ་རྙེད་པ་ལ་མི་དགའ་བ་མེད་པའོ། །རྙེད་པས་ཁེངས་པ་
མེད་པའོ། །ཅི་རྙེད་པ་ལ་བགོ་བཤའི་ངང་ཚུལ་ཅན་ཉིད་དོ། །སྩོགས་པར་མི་བྱེད་པ་ཉིད་དོ། །མི་སྙན་པར་ཟེར་བ་དང་དུ་ལེན་པ་ཉིད་དོ། །ཚིག་བསྲུང་བའོ། །བློ་གསལ་བར་བྱེད་པའོ། །རིགས་པ་དང་ལྡན་པ་ལ་སྐུལ་མ་འདེབས་པའོ། །
རིགས་པ་དང་ལྡན་པ་མ་ཡིན་པ་ལ་མི་རྟེན་པའོ། །ཕྱིར་ཞིང་འདྲི་བའོ། །ནང་དུ་ཡང་དག་འཇོག་མི་སྤོང་བའོ། །དགོན་པ་ཡོངས་སུ་མི་གཏོང་བའོ། །རྟག་ཏུ་སྦྱངས་པའི་ཡོན་ཏན་ལ་གནས་པའོ། །སྟོང་པ་ཉིད་ལ་མོས་པའོ། །དངོས་པོས་
ཡོངས་སུ་ཚིམ་པ་མ་ཡིན་པའོ། །ཕུང་པོ་ལ་མི་གནས་པའོ། །ཁམས་རྣམས་འདུལ་བའོ། །སྐྱེ་མཆེད་ལ་མི་དམིགས་པ་ཉིད་དོ། །ཡུལ་ལ་མི་བསྟོད་པའོ། །ཕྱིན་ཅི་ལོག་སྤོང་བའོ། །སེམས་བརྟན་པོར་བསྒྲུབ་པའོ། །འཕགས་
པའི་གནས་པའོ། །སེམས་ལ་བརྐམ་ཆགས་མེད་པ་ཉིད་དོ། །སྦྱིན་གནས་ཀྱི་ས་ཐོབ་པ་ཉིད་དོ། །མངོན་པར་འདུ་བྱེད་པ་ཤིན་དུ་སྦྱངས་པའོ། །སྦྱིན་པས་རྣམ་པར་སྨིན་པ་མི་ལེན་པའོ། །ཚུལ་ཁྲིམས་ཀྱིས་མི་སྙེམས་པ་ཉིད་དོ། །
40-1-5b


བཟོད་པས་རྟོགས་པ་མེད་པའོ། །བརྩོན་འགྲུས་ཆུད་ཟ་བ་མེད་པའོ། །བསམ་གཏན་གྱིས་སྐྱེ་བ་མེད་པའོ། །ཤེས་རབ་ཀྱིས་ཆུད་ཟ་བ་མེད་པའོ། །ས་ལ་འཇུག་པའི་ཕ་རོལ་ཏུ་ཕྱིན་པ་མཉམ་པ་ཉིད་དོ། །རང་གི་ཡོན་ཏན་གྱིས་
སྙེམས་པ་མེད་པ་ཉིད་དོ། །གཞན་གྱི་ཡོན་ཏན་ལ་སུན་མི་འབྱིན་པའོ། །འཁོར་བ་ལ་མི་གནས་པའོ། །མྱ་ངན་ལས་འདས་པ་ལ་མི་དམིགས་པ་ཉིད་དོ། །ཐར་པ་ལ་དབང་དུ་གྱུར་པའོ། །མྱ་ངན་ལས་འདས་པ་ལ་མ་ཆགས་པའོ། །
དེས་པ་ལ་གནས་པའོ། །བཞིན་འཛུམ་པའོ། །ཁྲོ་གཉེར་དང་བྲལ་བ་ཉིད་དོ། །གསོང་པོར་སྨྲ་བ་ཉིད་དོ། །འོས་པའི་ཤེས་རབ་དང་ལྡན་པས་གསར་བུ་དང་། བར་མ་དང་། རྒན་རབས་ལ་བཀུར་ཏེ་བྱེད་པའོ། །རྣམ་པར་འཚེ་བ་མེད་
པ་ཉིད་དོ། །རྩོད་པ་ཞི་བར་བྱེད་པའོ། །ཞི་བ་ལ་བསྔགས་པ་བརྗོད་པའོ། །ཚོགས་པ་ལ་མངོན་པར་བརྩོན་པའོ། །མཛའ་བ་དང་མི་མཛའ་བ་ལ་སེམས་མཉམ་པ་ཉིད་དོ། །གཟུངས་འཚོལ་བའོ། །སེམས་ཅན་རྣམས་ལ་ནི་མ་ལ་སྲི་ཞུ་
ཆེ་བ་ལྟ་བུའོ། །མཛངས་པ་ལ་ནི་ཕ་ལ་སྲི་ཞུ་ཆེ་བ་ལྟ་བུའོ། །བླ་མ་རྣམས་ལ་ནི་མཁན་པོ་ལ་སྲི་ཞུ་ཆེ་བ་ལྟ་བུའོ། །བྱང་ཆུབ་སེམས་དཔའ་རྣམས་ལ་ནི་སངས་རྒྱས་ལ་གུས་པ་ལྟ་བུའོ། །བསྒྲུབ་པ་རྫོགས་པར་བྱེད་པ་ཉིད་དོ། །དེ་བཞིན་
གཤེགས་པ་ལ་བཀུར་སྟི་བྱེད་པའོ། །དགེ་བ་ལ་མོས་པ་ཉིད་དོ། །དཀོན་མཆོག་གསུམ་ལ་ཞུམ་པ་མེད་པས་བཀུར་སྟི་བྱེད་པའོ། །ཐ་སྙད་ལ་མི་གནས་པར་དང་དུ་ལེན་པ་ཉིད་དོ། །ལུས་ལ་མི་ལྟ་བ་ཉིད་དོ། །སྲོག་ལ་ལྷག་
པར་ཆགས་པ་མེད་པ་ཉིད་དོ། །འཚོ་བ་དག་པར་བྱེད་པའོ། །བསོད་སྙོམས་ལ་རྒྱུ་བ་དག་བརྩོན་པ་མི་སྤོང་བའོ། །ཚོགས་པའི་གནས་ཡོངས་སུ་སྤོང་བའོ། །ཁྱིམ་པ་རྣམས་ལ་མི་བསྟོད་པའོ། །རབ་ཏུ་བྱུང་བ་རྣམས་ཀྱི་ནང་ན་འདུ་
འཛི་ལ་མི་གནས་པའོ། །ཚུལ་འཆོས་པ་མེད་པ་ཉིད་དོ། །ཁ་གསག་མེད་པ་ཉིད་དོ། །སྙན་པར་སྨྲ་བ་ཉིད་དོ། །བྱང་ཆུབ་ཡང་དག་པར་ལེན་དུ་འཇུག་པ་ཉིད་དོ། །རང་བཞིན་གྱིས་ཞུམ་པ་མེད་པ་ཉིད་དོ། །ཚུལ་བཞིན་ལ་འཇུག་
40-1-6a


པའོ། །ཕྱིར་ཞིང་སངས་རྒྱས་ལ་བསྟོད་པ་ཉིད་དོ། །ཆོས་ལ་རྟག་ཏུ་སེམས་པ་ཉིད་དོ། །དགེ་འདུན་ལ་རྟག་ཏུ་རྗེ་ས་བྱེད་པའོ། །ཤེས་པ་དང་ལྡན་པ་རྣམས་ལ་རྟག་ཏུ་མཆོད་པ་བྱེད་པའོ། །འཛངས་པ་རྣམས་ལ་
རྟག་ཏུ་བསྟེན་པའོ། །བསམ་གཏན་པ་རྣམས་ལ་རྟག་ཏུ་བསྲུང་བའོ། །རིགས་པ་དང་ལྡན་པ་རྣམས་ལ་རྟག་ཏུ་བསྐུལ་མ་འདེབས་པའོ། །སངས་རྒྱས་ཀྱི་ཆོས་རྣམས་ལ་རྟག་ཏུ་རྟོན་པའོ། །ཆོས་རྣམས་ལ་རྟག་ཏུ་བསྒོམ་པའོ། །
བསོད་ནམས་ལ་རྟག་ཏུ་ཡིད་ཆེས་པ་ཉིད་དོ། །སེམས་ཅན་རྣམས་ལ་རྟག་ཏུ་ཡངས་པའོ། །དད་པ་དང་ལྡན་པ་རྣམས་ལ་རྟག་ཏུ་བྱམས་པའོ། །སྡུག་བསྔལ་དང་ལྡན་པ་རྣམས་སེལ་བའོ། །སྤྱོད་ལམ་དག་པར་བྱེད་པའོ། །
ངོ་ཚ་ཤེས་པ་དང་ཁྲེལ་ཡོད་པའོ། །ངོ་ཚ་བ་དང་འཇིགས་པ་སྟོན་པའི་ཚུལ་ཅན་ནོ། །སྤྱོད་པ་ངན་པ་སྤོང་བ་ཉིད་དོ། །ཆོ་ག་ལ་བསྟེན་པའོ། །སྤོང་བ་ལ་མངོན་དུ་ཕྱོགས་པའོ། །འཕགས་པའི་གནས་པ་ཚོལ་བའོ། །དྲན་པ་ཉེ་བར་
གཞག་པ་བསྒོམ་པའོ། །ཡང་དག་པར་སྤོང་བ་བསྟེན་པའོ། །དབང་པོ་རྣམས་འཛིན་པའོ། །སྟོབས་རྣམས་ཟིལ་གྱིས་མི་ནོན་པའོ། །བྱང་ཆུབ་ཀྱི་ཡན་ལག་རྣམས་ལྷག་པར་མཐོང་བའོ། །ལམ་ལ་ཕྱིན་ཅི་མ་ལོག་པ་ཉིད་དོ། །
ཞི་གནས་རྒྱ་ཆེ་བའོ། །ལྷག་མཐོང་ལ་བསྐུལ་མ་འདེབ་པའོ། །སེམས་བརྗེད་ངས་པ་མེད་པ་ཉིད་དོ། །ཆོས་ལ་མངོན་པར་དགའ་བའོ། །དམིགས་པ་ལས་ཡང་དག་པར་འདས་པའོ། །མི་གནས་པ་ལ་མི་སྐྲག་པའོ། །དམིགས་པ་
མེད་པ་ལ་བག་མེད་པའི་འདུ་ཤེས་དང་བྲལ་བའོ། །བྱང་ཆུབ་སེམས་དཔའི་སྤྱོད་པ་ཀུན་དུ་བསྲུང་བ་ཉིད་དོ། །སངས་རྒྱས་ཀྱི་སྤྱོད་པ་ཚད་མེད་པར་བྱེད་པའོ། །མི་མཐུན་པའི་སྤྱོད་པ་ལ་སྨོད་པ་ཉིད་དོ། །སྔོན་གྱི་མངོན་པར་འདུ་བྱེད་པ་ལ་
ཡིད་བྱུང་བའོ། །རང་གི་ལས་ཡོངས་སུ་སྦྱོང་ཞིང་འདུལ་བ་མ་ཡིན་པ་སྦེད་པའོ། །བསྟན་པ་སུན་མི་འབྱིན་པའོ། །ཐེ་ཙོམ་མི་འཛིན་པའོ། །དུས་སུ་སྤྱོད་པ་ཉིད་དོ། །དུས་མ་ཡིན་པ་རྣམ་པར་སྤོང་བ་ཉིད་དོ། །འགྲོ་བ་དང་ལྡོག་པ་
40-1-6b


ལ་མཁས་པའོ། །ཚོད་ཤེས་པ་ཉིད་དོ། །ཡོ་བྱད་ཀྱིས་ཆོག་ཤེས་པའོ། །མངོན་པར་ཤེས་པ་རྒྱ་ཆེ་བའོ། །ཏིང་ངེ་འཛིན་ཁོང་དུ་ཆུད་པའོ། །སྤྱོད་པའི་བྱེ་བྲག་ཅན་ནོ། །སྙིང་སྟོབས་རྒྱ་ཆེ་བའོ། །དེ་བཞིན་གཤེགས་པ་རྣམས་ཀྱི་
བསྟན་པའོ། །མི་དམིགས་པས་ཡོངས་སུ་བཟུང་བའོ། །བརྩོན་པ་དང་ལྡན་པ་རྣམས་ཚིམ་པར་བྱེད་པའོ། །སངས་རྒྱས་ཀྱི་སྲས་རྣམས་ཀྱིས་བསྒོམ་པའོ། །བྱང་ཆུབ་སེམས་དཔའ་རྣམས་ཀྱི་ནོར་ཡིན་ནོ། །སངས་རྒྱས་རྣམས་ཀྱི་
གནས་པའོ། །མཁས་པ་རྣམས་ཀྱི་སྤྱོད་པའོ། །ཅང་ཤེས་ཀྱི་འགྲོས་ཀྱི་སྤྱོད་ཡུལ་བའོ། །ཆོས་སྨྲ་བ་རྣམས་ཀྱི་སྤྱོད་ཡུལ་ལོ། །མོས་པ་མང་བ་རྣམས་ལ་བསྐུལ་མ་འདེབས་པའོ། །འཇིག་རྟེན་གསུམ་གྱི་མགོན་པོ་
མཐོང་བའི་ཚུལ་ཅན་ནོ། །ནོར་དོན་དུ་གཉེར་བ་རྣམས་ཀྱི་མཛོད་དོ། །རྣམ་པར་སྨིན་པ་དང་ལྡན་པ་རྣམས་ཀྱི་ཞིང་ངོ་། །གདུངས་པ་རྣམས་ཀྱི་ཀུན་དགའ་ར་བའོ། །གཟུངས་ཐོབ་པ་རྣམས་ཀྱི་བསྐྱེད་མོས་ཚལ་ལོ། །ཏིང་ངེ་འཛིན་ཐོབ་པ་
རྣམས་ཀྱི་རྫིང་ངོ་། །ཆོས་དཀར་པོ་དང་ལྡན་པ་རྣམས་ཀྱི་མའོ། །གཏམ་ལ་མོས་པ་རྣམས་ཀྱི་གནས་སོ། །མཚན་རྣམས་ཀྱི་རྒྱུའོ། །དཔེ་བྱད་རྣམས་རྣམ་པར་འབྱེད་པའོ། །སངས་རྒྱས་ཀྱི་ཞིང་ཡང་དག་པའི་གནས་སོ། །གཟུངས་
རབ་ཏུ་ཐོབ་པའོ། །བསྒྲུབ་པ་ཁོང་དུ་ཆུད་པའོ། །ཤིན་དུ་རིགས་པར་སྨྲ་བ་ཉིད་དོ། །བདུད་ཀྱི་ཡུལ་ལས་འདས་པའོ། །དཔའ་བོ་རྣམས་ཀྱི་ཡུལ་ལོ། །ཉོན་མོངས་པ་འཇོམས་པའོ། །མི་དགེ་བ་འཇིལ་བའོ། །སྨོན་ལམ་དང་ལྡན་པ་རྣམས་
ཀྱི་རྒྱན་ནོ། །བདུད་ཀྱིས་མི་ཕྱེད་པའོ། །བསྟན་པ་ཟད་མི་ཤེས་པའོ། །མུ་སྟེགས་ཅན་རྣམས་ཀྱིས་ཤེས་པར་དཀའ་བའོ། །འཇིག་རྟེན་དང་མི་མཚུངས་པའོ། །ཉན་ཐོས་ཀྱི་ཆོས་ལས་འདས་པའོ། །རང་བྱང་ཆུབ་ཀྱིས་ངེས་པར་
མ་བྱུང་བའོ། །ཐམས་ཅད་མཁྱེན་པ་ཉིད་ལ་ཡང་དག་པར་ཞུགས་པའོ། །སེམས་ཅན་གྱི་འགྲོ་བ་ལ་འཇུག་པའོ། །ཡང་དག་པ་ཇི་ལྟ་བ་བཞིན་དུ་བསྐུལ་མ་འདེབས་པའོ། །བཟའ་བ་འདོད་པ་རྣམས་དགའ་བར་བྱེད་པའོ། །བཏུང་
40-1-7a


བ་འདོད་པ་རྣམས་ཀྱི་རོ་བྲོ་བའོ། །མྱ་ངན་ལས་འདས་པར་འགྲོ་བ་རྣམས་ཀྱི་སྙིང་པོའོ། །མྱ་ངན་ལས་འདས་པར་འགྲོ་བ་རྣམས་ཀྱི་ཤིང་རྟའོ། །ཕ་རོལ་དུ་འགྲོ་བ་རྣམས་ཀྱི་གྲུའོ། །རྒལ་འདོད་པ་རྣམས་ཀྱི་གཟིངས་སོ། །
སྙིང་རྗེ་ཅན་རྣམས་ཀྱི་མར་མེའོ། །ཆོས་སྟོན་པ་རྣམས་ཀྱི་སྐར་མདའོ། །མི་སླུ་བར་འདོད་པ་རྣམས་ཀྱི་གནས་སོ། །སྦྱིན་པར་འདོད་པ་རྣམས་ཀྱི་ནོར་ཡིན་ནོ། །གྲོལ་བར་འདོད་པ་རྣམས་ཀྱི་རིགས་པའོ། །རྩེད་མོ་དོན་དུ་གཉེར་བ་
རྣམས་དང་བར་བྱེད་པའོ། །ཉན་པའི་བསམ་པ་ཅན་རྣམས་ཀྱི་རྒྱ་མཚོའོ། །ཏིང་ངེ་འཛིན་ཐོབ་པ་རྣམས་ཀྱི་རི་རབ་བོ། །མིག་ལ་དགའ་བ་རྣམས་ཀྱི་དབང་པོའོ། །བལྟ་འདོད་པ་རྣམས་ཀྱི་བཀོད་པའོ། །སེམས་དང་ལྡན་པ་རྣམས་དགའ་བའོ། །
ཕྱིར་མི་ལྡོག་པ་རྣམས་ཀྱི་གནས་སོ། །མི་སྐྱེ་བའི་བཟོད་པ་ཐོབ་པ་རྣམས་ཀྱི་བསམ་པའོ། །ལས་དང་པོ་པ་རྣམས་ཀྱི་བསྒོམ་པའོ། །སྐྱེས་བུ་ཤེས་པ་དང་ལྡན་པ་རྣམས་ཀྱི་རྒྱལ་མཚན་ནོ། །ཞི་གནས་ལ་བཀུར་སྟི་བྱེད་པ་རྣམས་
ཀྱི་བྱང་ཆུབ་བོ། །བདག་མེད་པར་སྨྲ་བ་རྣམས་ཀྱི་སྲེད་མེད་ཀྱི་བུའོ། །ཐམས་ཅད་མཁྱེན་པ་ཉིད་ཀྱི་ལམ་མོ། །ཡེ་ཤེས་དང་རྣམ་པར་གྲོལ་བ་རྣམས་ཀྱི་སྐྱེ་བ་མཉམ་པ་ཉིད་དོ། །ལྷ་རྣམས་ཀྱིས་བསྔགས་པའོ། །ཀླུ་རྣམས་
ཀྱིས་བརྗེད་པའོ། །མི་རྣམས་ཀྱིས་མཆོད་པའོ། །སློབ་པ་རྣམས་ཀྱིས་ངོ་མཚར་དུ་བྱས་པའོ། །མི་སློབ་པ་རྣམས་ཀྱིས་ཕྱག་བྱས་པའོ། །བྱང་ཆུབ་སེམས་དཔའ་རྣམས་ཀྱིས་བསྟོད་པའོ། །ཆོས་ཀྱི་རྗེ་རྣམས་ཀྱིས་བསྒོམས་
པའོ། །དབང་པོ་སྦས་པ་རྣམས་ཀྱི་གྲོང་ཁྱེར་རོ། །ཐབས་མཁས་པ་རྣམས་ཀྱི་ཚུལ་ལོ། །བརྩོན་པ་རྣམས་ཀྱི་རྙེད་པའོ། །ཐེ་ཙོམ་རྣམས་སེལ་བའོ། །ཡིད་གཉིས་གཅོད་པའོ། །ཉོན་མོངས་པ་རྣམས་སེལ་བའོ། །བྱང་ཆུབ་
སེམས་དཔའ་རྣམས་ཀྱི་གཟུངས་སོ། །ནད་པ་རྣམས་ཀྱི་སྨན་པའོ། །ཕྱིན་ཅི་ལོག་པ་རྣམས་གསོ་བའོ། །ཟུག་རྔུ་རྣམས་འབྱིན་པའོ། །བརྩོན་པར་འདོད་པ་རྣམས་ཡིད་ལ་བྱེད་པའོ། །སྒྲོགས་པར་འདོད་པ་རྣམས་ཀྱི་མི་འཇིགས་
40-1-7b


པའོ། །སྨྲ་བར་འདོད་པ་རྣམས་ཀྱི་སོ་སོ་ཡང་དག་པར་རིག་པ་རྒྱ་ཆེ་བའོ། །རྣམ་པར་འཕྲུལ་བར་འདོད་པ་རྣམས་ཀྱི་རྫུ་འཕྲུལ་ལོ། །ཉན་འདོད་པ་རྣམས་ཀྱི་འགྲོ་བའོ། །བལྟ་འདོད་པ་རྣམས་ཀྱི་མིག་གོ། །མྱ་ངན་ལས་འདས་པའི་ལམ་མོ། །
ངན་སོང་རྣམས་སྤོང་བའོ། །འདོད་པ་དང་། གཟུགས་དང་། གཟུགས་མེད་པ་དག་ལས་འདས་པའོ། །སངས་རྒྱས་ཀྱི་ཞིང་དག་རྣམ་པར་བསྒྲུབ་པའོ། །རྡོ་རྗེ་ལྟ་བུའི་ཏིང་ངེ་འཛིན་ལེན་པའོ། །སྲིད་པ་ཐ་མ་པ་དག་སེང་གེའི་གདན་ལ་
འདུག་པའོ། །ཆུད་ཟ་བ་མེད་པར་དོན་དུ་གཉེར་བ་རྣམས་ཀྱི་དགེ་བའི་རྩ་བ་ཐམས་ཅད་དོ། །སྐྱོ་བ་རྣམས་དགའ་བར་བྱེད་པའོ། །ལྷུང་བ་རྣམས་འདེག་པའོ། །རྩོམ་པ་རྣམས་བརྟན་པོར་བྱེད་པའོ། །སྤྱོད་པའི་ཁམས་རྣམ་པར་བསྒྲུབ་
པའོ། །སྙོམ་ལས་བྱེད་པ་དག་ཡིད་ལ་བྱེད་པའོ། །ཐེག་པ་གསུམ་མཉམ་པ་ཉིད་ཀྱི་བཀའ་ཡིན་ནོ། །འཛིན་པ་ཐམས་ཅད་སྤངས་པའོ། །ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ། །དོན་དམ་པ་སྨྲ་བ་རྣམས་ཀྱི་སྒོ་
མཐའ་ཡས་པ་བསྒྲུབ་པ་རབ་ཏུ་ཐོབ་པའོ། །སྟོང་པ་ཉིད་སྨྲ་བ་རྣམས་ཀྱི་ཆོས་ཆུད་མི་ཟ་བའོ། །སྨོན་ལམ་གྱི་སྒོའི་ཤུགས་མཐར་ཕྱིན་པའོ། །མཚན་མ་མེད་པ་ལ་མོས་པ་རྣམས་ལ་བརྡ་སྤྲོད་པའོ། །མཐོང་བ་དང་། བཏང་སྙོམས་
ལ་མོས་པ་རྣམས་ཀྱི་དུས་གསུམ་མཉམ་པ་ཉིད་དོ། །ཐམས་ཅད་ཀྱི་རྗེས་སུ་སོང་བ་ལ་ཐབས་མཁས་པའོ། །བྱང་ཆུབ་ཡོངས་སུ་སྟོན་པའོ། །ཕ་རོལ་པོས་སྤ་དགོང་དུ་མེད་པའོ། །ཆོས་སྨྲ་བ་ལ་མ་འཁྲུལ་བར་ཚོལ་བ་ཉིད་དོ། །ཟང་
ཟིང་མེད་པར་ཆོས་སྨྲ་བ་ལ་ཡང་དག་པར་བསྟེན་པའོ། །ཆོས་མཉན་པ་ལ་གཡེང་བ་མེད་པའོ། །འཁོར་ལ་བརྙས་པ་མེད་པའོ། །ཆོས་ཀྱི་སྦྱིན་པ་ལ་བར་ཆད་མེད་པའོ། །ངེས་པ་རྣམས་ཀྱི་དྲི་བ་ལ་ངོ་མཚར་དུ་བྱེད་པའོ། །འགྱོད་
པ་རྣམ་པར་སེལ་བའོ། །སྦྱོར་བ་ལ་རྒྱུན་ཆད་པ་མེད་པའོ། །ཡེ་ཤེས་ཀྱི་ཚོགས་ཡོངས་སུ་མི་གཏོང་བའོ། །འཛིན་པ་ལ་གནས་པ་རྣམས་ཀྱི་རྣམ་པར་གྲོལ་བའོ། །མ་རུངས་པ་རྣམས་དུལ་བར་བྱེད་པའོ། །ཉོན་མོངས་
40-1-8a


པ་རྣམས་འདོར་བའོ། །མི་གནས་པ་ལ་སྤྱོད་པའོ། །རྗེས་སུ་དྲན་པ་འདོད་པ་རྣམས་ཀྱི་དྲན་པའོ། །བྱང་ཆུབ་སེམས་དཔའ་རྣམས་སློང་བར་བྱེད་པའོ། །འཁོར་བཞི་ལ་སྟོན་པའོ། །རོ་བྲོ་བ་རྣམས་ཀྱི་ནང་ན་མངར་བའོ། །
རྣམ་པར་འཕྲུལ་བར་འདོད་པ་རྣམས་ཀྱི་སྒྲ་སྒྲོགས་པའོ། །སྲིད་པ་ལས་ལྡོག་པར་འདོད་པ་རྣམས་ཀྱི་སྒོ་འབྱེད་པའོ། །མྱ་ངན་ལས་འདས་པར་ཐར་པའོ། །ལུས་བདེ་བའོ། །སེམས་བདེ་བའོ། །མཁས་པ་རྣམས་དགའ་བའོ། །ཡི་
དམ་ལ་བརྟན་པ་རྣམས་མི་གཏོང་བའོ། །དེ་བཞིན་གཤེགས་པའི་ཡོན་ཏན་ལས་མི་ལྡོག་པའོ། །དགེ་བའི་རྩ་བ་རྣམས་ཀྱི་གནས་སོ། །མི་དགེ་བ་རྣམས་ངེས་པར་འཇོམས་པའོ། །འཆལ་པའི་ཤེས་རབ་ཅན་རྣམས་ཀྱི་བསླབ་པའོ། །
རིགས་པ་ལ་གནས་པ་རྣམས་ཀྱི་གནས་སོ། །སླུ་བ་མེད་པར་མཚོན་པའོ། །སངས་རྒྱས་ཀྱི་སྣང་བ་བསྒྲུབ་པའོ། །ཡེ་ཤེས་ཀྱི་ཕུང་པོའི་སྣང་བའོ། །སངས་རྒྱས་ཀྱི་ཞིང་སྟོན་པའོ། །དྲི་བ་བྱེ་བ་སྙེད་འདྲི་བའོ། །ཆོས་དཀར་པོ་དག་ལ་
རྟོག་པའོ། །སྐྱོ་བའི་བློ་ཅན་རྣམས་ཀྱི་དམིགས་པའོ། །ཤེས་རབ་ཆུང་བ་རྣམས་ཆུད་མི་ཟ་བའོ། །རིག་པ་ཅན་རྣམས་དགའ་བར་འགྱུར་བའོ། །སྨྲ་འདོད་པ་རྣམས་ཀྱི་སྤྱོད་པའི་རྒྱུའོ། །ཆོས་སྟོན་པ་རྣམས་བསྲུང་བའོ། །རྒྱུ་ཐམས་ཅད་
ཡོངས་སུ་ཤེས་པའོ། །ཆོས་ཐམས་ཅད་ལ་ཐབས་མཁས་པའོ། །རྟོག་པའི་ཐབས་གྲུབ་པའོ། །དེ་ཁོ་ན་ཡང་དག་པ་ཇི་ལྟ་བ་བཞིན་མཐོང་བའོ། །བདག་ལ་བརྡ་སྤྲོད་པའོ། །གཞན་དག་ཡང་དག་པར་ཚིམ་པར་བྱེད་པའོ། །དྲ་
བ་གཅོད་པའོ། །མ་རིག་པ་སེལ་བའོ། །ཕུང་པོ་རྣམས་ཡོངས་སུ་ཤེས་པའོ། །རྣམ་པར་ཤེས་པ་ཡོངས་སུ་ཤེས་པའོ། །མིང་དང་གཟུགས་སྡུད་པའོ། །སྐྱེ་མཆེད་དྲུག་མཐོང་བའོ། །རེག་པ་ཡོངས་སུ་ཤེས་པའོ། 
ཚོར་བ་ཤེས་པའོ། །སྲེད་པ་རབ་ཏུ་ཞི་བར་བྱེད་པའོ། །ཉེ་བར་ལེན་པ་བོར་བའོ། །སྲིད་པ་ཆད་པའོ། །སྐྱེ་བ་ཆོམས་པའོ། །རྒ་ཤི་ལས་འདས་པའོ། །སྡུག་བསྔལ་ཤིན་དུ་སྦྱངས་པའོ། །བདེ་བ་ལ་ཀུན་དུ་རངས་པའོ། །སྡུག་
40-1-8b


བསྔལ་དང་ཡིད་མི་བདེ་བ་རྣམ་པར་སེལ་བའོ། །གྲུབ་པ་རྣམས་གནས་པར་སྦྱོར་བའོ། །དཔྱོད་པ་རྣམས་ཚིམ་པར་བྱེད་པའོ། །སྣང་བ་སྐྱོན་མེད་པའོ། །ཆོས་ཀྱི་རྗེས་སུ་བསྒྲགས་པའོ། །སྐྱེས་བུ་གྲགས་པ་ཅན་རྣམས་ཀྱི་མཐུ་
རྩལ་ལོ། །འབྱུང་པོ་དྲི་མ་ཅན་རྣམས་འཁྲུ་བའོ། །འཇིག་ཚོགས་ལ་ལྟ་བ་རྣམས་ངེས་པར་འཇོམས་པའོ། །ཐོས་པ་ཀུན་དུ་འཛིན་པའོ། །ཆོས་རྣམས་ཀུན་དུ་འཛིན་པའོ། །བྱང་ཆུབ་འཁྲུལ་པ་མེད་པ་ཉིད་དོ། །དགེ་བ་ཐམས་
ཅད་ལ་འཇུག་པ་མི་ལྡོག་པའོ། །དགེ་བ་ཕལ་ཆེར་བསགས་པའོ། །བློ་བསྒྲུབ་པའི་གཞིའོ། །བརྩོན་པ་དང་ལྡན་པ་རྣམས་ཀྱི་ཆོས་ཀྱི་ཚུལ་ལོ། །འཕགས་པའི་དགེ་འདུན་འཕེལ་བར་བྱེད་པའོ། །ཕས་ཀྱི་རྒོལ་བ་རྣམས་ཚར་
གཅོད་པའོ། །ཆོས་སྨྲ་བ་རྣམས་ལ་ལེགས་སོ་ཞེས་བརྗོད་པའོ། །བྱང་ཆུབ་སེམས་དཔའ་རྣམས་ཀྱི་སྤྱོད་པའོ། །རྩེད་མོ་འདོད་པ་རྣམས་ཀྱི་ཟླ་བའོ། །ལས་ཀྱི་མཐའ་དོན་དུ་གཉེར་བ་རྣམས་ཀྱི་ཉི་མའོ། །སློབ་པར་འདོད་པ་རྣམས་
ཀྱི་བསྟན་བཅོས་སོ། །ཕུ་དུད་དང་བཅས་པ་རྣམས་ཀྱི་རྒྱལ་པོའོ། །མཁས་པ་རྣམས་ཀྱི་འདྲེན་པའོ། །ཆོས་དཀར་པོ་རྣམས་ཀྱི་ས་བོན་ནོ། །རྣམ་པར་སྨིན་པའི་འབྲས་བུའི་བདུད་རྩིའོ། །སྐྱེ་བ་དྲན་པའི་གཞིའོ། །སྐྱེ་བ་རབ་ཏུ་ཐོབ་པའོ། །
བྱིས་པའི་ཆོས་རྣམས་ལ་སྨོད་པའོ། །དེ་བཞིན་གཤེགས་པའི་ཆོས་ཀྱི་ཡོན་ཏན་ཡང་དག་པའོ། །སྟོན་པ་དང་འཛིན་པ་རྣམ་པར་སྨིན་པ་མཐའ་ཡས་པའོ། །ཐམས་ཅད་མཁྱེན་པ་ཉིད་ཀྱི་གནས་སོ། །སྟོན་པ་ན་བདེ་འགྲོ་ཐོབ་པར་
འགྱུར་བའོ། །ཡི་གེར་འདྲི་བ་ན་འཇིགས་པ་ཐམས་ཅད་སྤོང་བའོ། །རྒལ་ནས་ཕྱིར་ལྡོག་པ་མེད་པའོ། །རྟོགས་པ་བརྗོད་པའི་གནས་སོ། །འཇིག་རྟེན་པ་ཐམས་ཅད་ཀྱི་བསྟན་པ་མནོས་པའོ། །འདས་པའི་སངས་རྒྱས་
ཐམས་ཅད་ཀྱིས་གསུངས་པའོ། །ད་ལྟར་གྱི་སངས་རྒྱས་ཀྱི་ཡེ་ཤེས་ཀྱི་གཏེར་རོ། །མ་འོངས་པའི་སངས་རྒྱས་རྣམས་ཀྱི་དགོངས་པ་ཡོངས་སུ་རྫོགས་པར་བྱེད་པའོ། །ཡང་དག་པའི་ཡེ་ཤེས་འཁྲུགས་པ་མེད་པ་མྱུར་དུ་འཐོབ་པར་
40-1-9a


འགྱུར་བའོ། །སངས་རྒྱས་ཀྱི་ཕྱག་ལས་བྱུང་བའི་ཕྱག་རྒྱའོ། །སངས་རྒྱས་ཀྱི་ཡོན་ཏན་ཡོངས་སུ་དྲི་བར་འདུན་པ་ལ་ངོམས་པ་མེད་པའོ། །ཁོང་ཁྲོ་བའི་རྣམ་པར་རིག་པ་རབ་ཏུ་ཞི་བའོ། །ཐབས་མཁས་པ་རབ་ཏུ་ཐོབ་
པའོ། །སའི་ཁམས་བསྒོམ་པའོ། །ཆུའི་ཁམས་ལ་འཇུག་པའོ། །མེའི་ཁམས་ལ་སྙོམས་པར་འཇུག་པའོ། །རླུང་གི་ཁམས་ལ་གནས་པར་བྱེད་པའོ། །ནམ་མཁའི་ཁམས་རྣམ་པར་ཐར་པ་བསྒྲུབ་པའོ། །ཤེས་པའི་ཁམས་
སྟོན་པར་བྱེད་པའོ། །འདུས་བྱས་ལ་ཡིད་བྱུང་བའོ། །བག་ལ་ཉལ་ཟློག་པའོ། །ཁོང་ཁྲོ་བ་སེལ་བའོ། །བཏང་སྙོམས་སུ་འདོར་བའོ། །རང་གི་གནས་པ་ལ་མཁས་པའོ། །གཞན་གྱི་གནས་པ་ལ་མཁས་པའོ། །བརྗོད་པ་འདོད་པ་
རྣམས་ཀྱི་ཡི་གེའོ། །བསྒྲུབ་པ་རྣམས་ལ་མངོན་པར་ཞེན་པ་མེད་པའོ། །ངར་འཛིན་པ་སྤོང་བའོ། །ང་ཡིར་འཛིན་པ་འདོར་བའོ། །མོས་པ་བཟློག་པའི་གནས་སོ། །སེམས་འཇིག་པ་དང་བཅས་པའོ། །སེམས་ཁྱི་དང་མཚུངས་པས་བསྟེན་
པའོ། །རྒྱ་ཆེ་བ་ལ་འཇུག་པའོ། །ཕྲ་བ་རྟོགས་པར་བྱེད་པའོ། །ངལ་བ་རྣམས་ཀྱི་གྲིབ་མའོ། །ཆུ་བོ་ལས་སྒྲོལ་བའོ། །ཕས་ཀྱི་རྒོལ་བ་རྣམས་ཀྱིས་མི་ཕྱེད་པའོ། །དེས་པ་རྣམས་ཀྱི་འཁར་བའོ། །དགེ་བའི་བཤེས་གཉེན་ལ་བསྙེན་བཀུར་
བྱེད་པའོ། །རྨུགས་པ་དང་གཉིད་རྣམས་སྤོང་བའོ། །རྒོད་པ་ལས་འདས་པའོ། །ཐེ་ཙོམ་སྤོང་བའོ། །འདོད་པ་ལ་འདུན་པ་སེལ་བའོ། །ལེ་ལོ་ཡོངས་སུ་སྤོང་བའོ། །བདག་ཏུ་མི་དམིགས་པའོ། །སེམས་ཅན་དུ་མི་སྟོན་པའོ། །སྲོག་ཏུ་མི་གནས་
པའོ། །ཆོས་ལ་བརྗེད་ངས་པ་མེད་པའོ། །ཕྱིན་ཅི་ལོག་མེད་པའི་གཏམ་སྨྲ་བའོ། །རིགས་པར་སྨྲ་བའོ། །མངོན་པར་འདུ་བྱེད་པ་ལ་ལེགས་པར་བསམས་པའོ། །ཅང་ཤེས་ཀྱི་ངོ་བོའོ། །ཞུམ་པ་མེད་པའི་ངོ་བོའོ། །སྦྱིན་པ་དང་ཡེ་ཤེས་ལ་
མོས་པ་ཉིད་དོ། །འཁོར་གྱི་ནང་དུ་ཞུམ་པ་མེད་པར་འགྲོ་བ་ཉིད་དོ། །གཞན་ལ་མི་སྨོད་པ་ཉིད་དོ། །རང་གི་ཡོན་ཏན་མི་བརྗོད་པའོ། །བྱང་ཆུབ་ཀྱི་ཕྱིར་རྟག་ཏུ་གནས་པའོ། །སྦྱོར་བར་བརྩམས་པའོ། །ཕྱོགས་འགའ་ལ་ཡུན་རིང་དུ་མི་གནས་
40-1-9b


པའོ། །ཡོངས་སུ་འཛིན་པ་སྤོང་བའོ། །བཀྲ་ཤིས་པར་ཡང་དག་པར་སྤྱོད་པའོ། །ལུས་ཀྱི་ངོ་བོ་མ་ཡིན་པའོ། །སེམས་ཞུམ་པ་མེད་པ་ཉིད་དོ། །གནས་པ་ལ་མཁས་པའོ། །རྗེས་སུ་དྲན་པ་བསྒོམ་པའོ། །མི་གཡོ་ཞིང་ང་རྒྱལ་
མེད་པའོ། །རྣམ་པར་གྲོལ་བ་ཚོལ་བའོ། །ཐེ་ཙོམ་ངེས་པར་བྱེད་པའོ། །ཚངས་པའི་གནས་པ་བསྐྱེད་པའོ། །བྱམས་པའི་སེམས་མཉམ་པ་ཉིད་དོ། །སྙིང་རྗེས་རྗེས་སུ་འཛིན་པ་ཉིད་དོ། །དགའ་བས་རང་ལ་དགའ་བར་ཉམས་སུ་མྱོང་
བ་ཉིད་དོ། །བཏང་སྙོམས་པ་ན་རྗེས་སུ་ཆགས་པ་དང་། ཁོང་ཁྲོ་བ་སེལ་བའོ། །ཚུལ་ཁྲིམས་ཀྱིས་གཞན་རྗེས་སུ་འཛིན་པའོ། །ཏིང་ངེ་འཛིན་བསྒྲུབ་པ་ལ་འཇུག་པའོ། །ཆོས་ཐམས་ཅད་ལ་ཤེས་རབ་ཀྱིས་རྣམ་པར་གྲོལ་བར་འཇུག་པའོ། །
ཡི་གེ་བསྒྲུབ་པ་ཁོང་དུ་ཆུད་པའོ། །ངེས་པའི་ཚིག་ལ་མཁས་པའོ། །བརྗོད་པ་རྟོགས་པའོ། །སྒྲ་ལ་འཇུག་པའོ། །མཁས་པའི་ངོ་བོ་དོན་དུ་གཉེར་བ་ཉིད་དོ། །འདོད་པ་མེད་པར་ཆོས་ཀྱི་སྦྱིན་པ་རབ་ཏུ་སྒྲོགས་པ་ཉིད་དོ། །བློ་གཅིག་ཏུ་ངེས་པ་
ལ་མངོན་པར་དགའ་བ་མེད་པའོ། །ཚུལ་གཅིག་པ་ལ་ཡོངས་སུ་སྐྱོ་བ་མེད་པའོ། །བྱང་ཆུབ་ལ་བླང་དོར་མེད་པའོ། །ཆོས་ཐམས་ཅད་ལ་ཆུད་ཟ་བ་མེད་པའོ། །ཇི་ལྟ་བ་བཞིན་ཡོངས་སུ་སྟོན་པའོ། །སེམས་ཅན་ཐམས་ཅད་ལ་སླུ་བ་མེད་
པ་ཉིད་དོ། །སྨོན་ལམ་བརྟན་པོ་ཡོངས་སུ་རྫོགས་པར་བྱེད་པའོ། །ཉིན་མཚན་དུ་སྦྱོར་བ་ལ་རྒྱུན་ཆད་པ་མེད་པའོ། །བྱང་ཆུབ་སེམས་དཔའི་སྤྱོད་པའོ། །སེམས་ཅན་གྱི་ཁམས་ལ་འཇུག་པའོ། །ཐམས་ཅད་མཁྱེན་པ་ཉིད་བསྒྲུབ་པ་
སྟེ། མཆོག་ཏུ་དགའ་བའི་རྒྱལ་པོ་འདི་ནི་ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །སྤྱོད་པ་དག་བྱེད་
འཕགས་པ་རྣམས་ཀྱི་ལམ། །རྗེས་སུ་འཐུན་པའི་ཚུལ་ཡིན་སེམས་སྦྱངས་པ། །སྤོབས་པའི་སྙིང་པོ་བྱང་ཆུབ་ཡན་ལག་ཚུལ། །ཏིང་འཛིན་འདི་ནི་བདེ་བར་གཤེགས་པའི་ནོར། །བདུད་འདུལ་དྲི་བྲལ་ཁོ་ནས་ཁྲོ་བ་སྤོངས། །
40-1-10a


སྲིད་པའི་སྲེད་པ་གཅོད་བྱེད་ཤེས་རབ་དང་། །སྙན་དང་གྲགས་པའི་ཡོན་ཏན་ལེགས་འབྱོར་ཅིང་། །ཁམས་གསུམ་དག་ལས་ངེས་འབྱུང་མཐར་ཡང་ཕྱིན། །ཡེ་ཤེས་ས་ཡིན་དགེ་བའི་ལམ་ཡང་ཡིན། །
འཕགས་པའི་རིགས་ཡིན་བདུད་རྣམས་ཕུང་བྱེད་པ། །སྲིད་ལས་ཐར་བྱེད་བདེ་བར་གཤེགས་པས་བསྟོད། །ཏིང་འཛིན་འདི་ནི་བདེ་བར་གཤེགས་པའི་ནོར། །ཤིན་དུ་མཉམ་འཇུག་ཚུལ་ནི་བྱེ་བའི་སྒོ། །རྗེས་སུ་རྟོགས་
བྱེད་ཚིམ་བྱེད་གཅོད་བྱེད་ཅིང་། །སྡུག་བསྔལ་བཅོམ་པ་བདེ་བའི་རྗེས་འཇུག་པ། །ཏིང་འཛིན་འདི་ནི་བདེ་གཤེགས་སྤྱོད་པ་ཡིན། །བྱང་ཆུབ་ཡན་ལག་མེ་ཏོག་དྲན་རྟོགས་བྱེད། །ངོ་ཚ་ཤེས་པར་ལེགས་གནས་དགེ་བ་བསྡུས། །
བྱང་ཆུབ་ཡན་ལག་ཕྲེང་བ་བདེ་གཤེགས་དགྱེས། །ཏིང་འཛིན་མཆོག་དེ་འདི་ནི་གསུངས་པ་ཡིན། །བྱང་ཆུབ་ཡན་ལག་ཕྲེང་བ་རྣམ་ཐར་པ། །རབ་ཏུ་སྐྱེ་བྱེད་ཞིང་གི་ཕ་མཐར་ཕྱིན། །ཟླ་བའི་འོད་བྱེད་སྣང་བྱེད་སྲིད་གསུམ་འདས། །
ཆོས་མཆོག་འདི་ཀུན་ཟླ་བས་བསྟོད་པ་ཡིན། །སེམས་གཡེངས་ཚུལ་འཆོས་ཤེས་ཁེ་རྙེད་པ་དག །སྤངས་ནས་དགོན་པར་བསྟེན་པར་འགྱུར་བྱ་ཞིང་། །སྦྱོར་བ་རྣམ་གསུམ་དག་པར་འགྱུར་བྱ་ན། །ཏིང་ངེ་འཛིན་འདི་ཡང་དག་
བསྒྲུབ་པར་གྱིས། །ཕ་རོལ་འཆིང་དང་གཡོ་དང་ཤེས་ཁེའི་རྒྱུ། །སྤངས་ནས་རང་གི་ཡོན་ཏན་མི་བརྗོད་པར། །ཆོས་གོས་གསུམ་དང་བསོད་སྙོམས་སྤྱོད་པར་ཤོག །འདི་ལ་སྦྱོར་གྱུར་སྩོགས་འཇོག་བྱེད་མ་གྱུར། །འཕགས་པ་
བགེད་པའི་ངང་ཚུལ་ལྡན་བྱ་ཞིང་། །གལ་ཏེ་ཏིང་འཛིན་མྱུར་ཐོབ་འདོད་ན་ནི། །མཁས་པས་རྟག་ཏུ་དྲི་བ་བརྩམ་པར་གྱིས། །དྲིས་ནས་ཡང་དག་བསྒྲུབ་ལའང་གནས་པར་གྱིས། །ཚོགས་ལ་ཐག་རིང་ཞི་གནས་དགར་འགྱུར་དང་། །
འགྲོ་ཀུན་ལ་ནི་མཛའ་བས་སྙན་བྱ་ཞིང་། །ཚུལ་འཆོས་གཞིའི་གྲགས་པ་གཞར་བཏང་ན། །ཏིང་འཛིན་ཞི་བ་འདི་ནི་བཙལ་བར་གྱིས། །ངོ་ཚ་ཤེས་གོས་དབེན་པའི་རོ་ཡི་ཟས། །བསམ་གཏན་མལ་ཆ་སྟན་དང་དབེན་པའི་ཁྱིམ། །
40-1-10b


བདག་མེད་རྟོགས་ལ་རྟག་ཏུ་དགའ་བྱེད་ན། །མཁས་པ་གཞན་གྱི་བདེ་ལ་འདོད་མི་འགྱུར། །གལ་ཏེ་ཏིང་འཛིན་འདི་མྱུར་ཐོབ་འདོད་ན། །ཁྲོས་པས་སྨྲས་ན་གཞན་ལ་བཟོད་པ་དང་། །ང་རྒྱལ་བསྐྱེད་མི་བྱ་ཞིང་ང་བྲལ་བྱ། །ལས་ཀྱི་རྣམ་
པར་སྨིན་ལའང་མངོན་དད་གྱིས། །ངན་སོང་ལམ་དང་དམིགས་ལ་མི་བསྟེན་ཅིང་། །འཕགས་པའི་འགྲོ་བ་སྟོང་ལའང་མི་སྟེན་པར། །ཉིན་མཚན་བརྩོན་འགྲུས་སྟོབས་ལ་བརྩམ་བྱ་ན། །ཚུལ་གཞན་མིན་པའི་ཏིང་འཛིན་འདི་ཐོབ་བྱ། །
མཐའ་གཉིས་ཡིད་འོང་མ་ཡིན་ལམ་སྤངས་པ། །ཡང་དག་ཚུལ་འདི་ལམ་ནི་མཉམ་པ་སྟེ། །མ་བྱས་སྐྱེ་མེད་ཆོས་ནི་སུས་མཐོང་བ། །བསྒྲུབ་པ་འདི་ལ་སངས་རྒྱས་དགྱེས་པར་འགྱུར། །མཆོག་ཏུ་དགའ་བའི་རྒྱལ་པོ་འདི་
ནི་ཆོས་ཐམས་ཅད་ཀྱི་ཚུལ་ལ་ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ཅེས་བྱ་སྟེ། དེ་ཐོབ་པའི་བྱང་ཆུབ་སེམས་དཔས་ནི་ཆོས་ཐམས་ཅད་ཕྱིན་ཅི་མ་ལོག་པ་ཉིད་དུ་རྟོགས་སོ། །ཆོས་ཐམས་ཅད་མི་གནས་པར་རྟོགས་སོ། །ཆོས་
ཐམས་ཅད་སྐྱེ་བ་མེད་པར་རྟོགས་སོ། །སངས་རྒྱས་ཀྱི་ཆོས་ཐམས་ཅད་བྱས་པ་མེད་པར་རྟོགས་སོ། །ཆོས་ཐམས་ཅད་གསོག་ཏུ་རྟོགས་སོ། །ཆོས་ཐམས་ཅད་གསོབ་ཏུ་རྟོགས་སོ། །ཆོས་ཐམས་ཅད་སྙིང་པོ་མེད་པར་རྟོགས་སོ། །
གཞན་གྱིས་ཟིལ་གྱིས་མི་ནོན་ཏོ། །འགྲོ་བ་ལྔ་ལས་རྒལ་ཏོ། །བདུད་རླག་པར་བྱེད་དོ། །སེམས་ཅན་ཐམས་ཅད་དགའ་བར་འགྱུར་རོ། །མཁས་པ་རྣམས་ཀྱིས་མཆོད་པར་བྱ་བ་ཡིན་ནོ། །ཆོས་ཉིད་ཐམས་ཅད་མཐོང་ངོ་། །ཟླ་བ་ལྟར་
ལྷང་ངེར་སྣང་ངོ་། །སེམས་ཅན་ཐམས་ཅད་ཀྱི་སེམས་ཀྱི་རྒྱུ་བ་རབ་ཏུ་ཤེས་སོ། །བསམ་པ་དག་པ་རྣམས་ལ་བསྐུལ་མ་འདེབས་པ་ཡིན་ནོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཤེས་པ་ཡིན་ནོ། །
སྤྱོད་པའི་ས་རྗེས་སུ་ཐོབ་བོ། །བདག་མེད་པ་ཉིད་ལ་འཇུག་གོ། །ངེས་པར་འབྱུང་བར་བྱ་བའི་ཁམས་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་མངོན་པའི་ང་རྒྱལ་མེད་པའི་ས་རྗེས་སུ་ཐོབ་བོ། །སྒྲིབ་པ་ལས་འདས་སོ། །མིང་
40-1-11a


དང་གཟུགས་ཀྱི་རང་བཞིན་རབ་ཏུ་ཤེས་སོ། །ངེས་པའི་ཚིག་གི་སྒོ་ནས་སངས་རྒྱས་རྣམས་ཀྱིས་བསྟན་པ་རྗེས་སུ་རྟོགས་སོ། །མཚན་སུམ་བཅུ་རྩ་གཉིས་རབ་ཏུ་ཐོབ་བོ། །རྙེད་པ་དང་མ་རྙེད་པས་གཏུགས་
པ་ལས་འདས་སོ། །འཇིག་རྟེན་ན་གོས་པ་མེད་པ་ཉིད་ཐོབ་བོ། །སེམས་ཅན་རྣམས་ཀྱི་གནས་ཡིན་ནོ། །མྱ་ངན་ལས་འདས་པའི་སྒོ་འབྱེད་དོ། །སྦྱིན་པ་པོ་ཡིན་ནོ། །འཆི་བ་མེད་པར་སྟོན་པ་ཡིན་ནོ། །མྱ་ངན་ལས་འདས་པ་ཁོང་
དུ་ཆུད་པ་ཡིན་ནོ། །སེམས་ཅན་རྣམས་ཀྱི་གདུང་བ་སེལ་ཏོ། །སེམས་ཅན་རྣམས་ཀྱི་ཐེ་ཙོམ་གཅོད་པ་ཡིན་ནོ། །དབང་པོ་དྲུག་པོ་དག་གིས་མི་གོས་པ་ཡིན་ནོ། །ཡི་གེའི་སྒོ་བཅུ་དྲུག་ལ་འཇུག་པའི་གཟུངས་ཐོབ་བོ། །ཡི་
གེ་བཅུ་དྲུག་འཐོབ་པ་གང་ཞེ་ན། ཨ་ཞེས་བྱ་བ་དང་། ར་ཞེས་བྱ་བ་དང་། པ་ཞེས་བྱ་བ་དང་། ཙ་ཞེས་བྱ་བ་དང་། ན་ཞེས་བྱ་བ་དང་། ད་ཞེས་བྱ་བ་དང་། ས་ཞེས་བྱ་བ་དང་། ཀ་ཞེས་བྱ་བ་དང་། ཐ་ཞེས་བྱ་བ་དང་། པ་ཞེས་
བྱ་བ་དང་། བ་ཞེས་བྱ་བ་དང་། ཀྴ་ཞེས་བྱ་བ་དང་། ཚ་ཞེས་བྱ་བ་དང་། པ་ཞེས་བྱ་བ་དང་། ཐྤ་ཞེས་བྱ་བ་དང་། ཌྷ་ཞེས་བྱ་བ་སྟེ། འདི་དག་ནི་བཅུ་དྲུག་གོ། །རྣམ་པ་བཅུ་དྲུག་ལ་འཇུག་པའི་གཟུངས་ལས་ནི་མཐའ་ཡས་པས་བསྒྲུབ་པའི་
ས་ཡང་ཐོབ་བོ། །ཆོས་ཐམས་ཅད་ཡ་མ་རླར་རབ་ཏུ་ཤེས་སོ། །ངེས་པར་བྱེད་དོ། །སེམས་ཅན་ཐམས་ཅད་ཀྱི་བསམ་པ་ཤེས་པ་དག་བསྐྱེད་པར་བྱེད་དོ། །དེ་ལ་ཉོན་མོངས་པ་ཐམས་ཅད་ཡོད་པ་མ་ཡིན་ནོ། །བྱིས་པ་ཐམས་ཅད་ཀྱིས་གཟུང་
བའི་ཆོས་དེ་ཁོ་ན་རབ་ཏུ་ཤེས་སོ། །འཇུག་པར་བྱེད་དོ། །སེམས་ཅན་རྣམས་ཚིམ་པར་བྱེད་དོ། །ལེགས་པར་སྨྲས་པས་མཆོད་སྦྱིན་བྱེད་དོ། །འཆི་བ་མེད་པའི་མཆོད་སྦྱིན་ཉེ་བར་འཇོག་གོ། །སངས་རྒྱས་ཀྱི་མཛད་པ་ཐམས་ཅད་མཁྱེན་པ་
ཉིད་དུ་བྱེད་དོ། །ཡོངས་སུ་ཤེས་པ་རྗེས་སུ་འཐོབ་བོ། །བདག་དང་གཞན་གྱི་སོམ་ཉི་གཅོད་དོ། །སེམས་ཅན་རྣམས་ཀྱི་འགྱོད་པ་བསལ་བར་ཡི་དམ་བླངས་པའོ། །བྱ་ཀ་ལ་པིང་ཀའི་སྒྲ་དབྱངས་ལྟ་བུ་འཐོབ་བོ། །མཉམ་པ་ཉིད་ཀྱི་ས་རྗེས་སུ་
40-1-11b


འཐོབ་བོ། །སེང་གེའི་སྒྲ་སྒྲོགས་པ་ཡིན་ནོ། །དེས་པ་ཡིན་ནོ། །བཟོད་པའི་ཕ་རོལ་དུ་ཕྱིན་པ་ལ་ཞུགས་ནས་སྙིང་རྗེ་ཆེན་པོ་ཡོངས་སུ་རྫོགས་པར་བྱེད་དོ། །བདུད་ཀྱི་ཡུལ་ལས་འདས་སོ། །དབྱངས་སྙན་པ་ཉིད་ཡོངས་སུ་རྫོགས་
པར་བྱེད་དོ། །ང་རྒྱལ་སྤང་བའི་ཕྱིར་བཟོད་པ་ཐོབ་བོ། །བསམ་གཏན་ཟབ་མོའི་བསམ་གཏན་པ་ཡིན་ནོ། །འགྲོ་བ་ལས་རྒྱལ་བའི་ཆོས་སྟོན་ཏོ། །གཏིང་ཐོབ་པ་ཡིན་ནོ། །ཆོས་ཐམས་ཅད་ལ་སྟོབས་དང་མཐུ་ཆེ་བ་རྗེས་སུ་འཐོབ་བོ། །ཆོས་ཐམས་
ཅད་ཀྱི་སྒོ་ནས་ཤེས་པའི་ཕྱིར་ཤེས་པ་པོ་ཡིན་ནོ། །སེམས་ཅན་ཐམས་ཅད་ཀྱི་སྤྱོད་པ་དྲན་ནོ། །བསྐལ་པ་གྲངས་མེད་པ་ནས་ཆོས་རྣམས་ཀྱི་ཆོས་དེ་བཞིན་ཉིད་མངོན་པར་རྟོགས་སོ། །རྒོལ་བ་ཐམས་ཅད་ཤེས་སོ། །སྐྱོ་བའི་བསམ་པ་ཐམས་ཅད་
སྤོང་བ་འཐོབ་བོ། །བྱང་ཆུབ་མྱུར་དུ་རྟོགས་སོ། །ལྷ་རྣམས་ཀྱིས་བསྟོད་དོ། །ཤེས་པས་ཆོས་ཐམས་ཅད་ཀྱི་རྗེས་སུ་འཇུག་གོ། །དོན་ཐོབ་པར་བྱ་བ་ལ་མཁས་པ་ཡིན་ནོ། །དེ་ལ་ཆོས་ཐམས་ཅད་ཡང་དག་པར་སྣང་ངོ་། །ཟས་སུ་བདུད་
རྩི་ཟའོ། །ཐེ་ཙོམ་ཐམས་ཅད་གཅོད་དོ། །བག་ཆགས་ཀྱི་མཚམས་སྦྱོར་བ་འདོར་རོ། །སྙིང་རྗེ་ཆེན་པོས་འགེབས་སོ། །དགོངས་པ་དྲན་ནོ། །སྔོན་གྱི་གནས་རྗེས་སུ་དྲན་པ་བསྒོམ་མོ། །མྱ་ངན་ལས་འདས་པའི་ཡོན་ཏན་སྤྱོད་པ་མྱུར་
བར་རྟོགས་སོ། །ཚོགས་ཀྱིས་མཆོད་པ་བྱས་པ་འཐོབ་བོ། །ང་རྒྱལ་ཐམས་ཅད་གཅོག་གོ། །མཐུའི་ས་ངེས་པར་རྗེས་སུ་འཐོབ་བོ། །སྣ་ཚོགས་པ་ཉིད་ལ་འཇུག་གོ། །བསྒྲུབ་པ་ཤེས་སོ། །སྨིན་པ་ཐམས་ཅད་ཤེས་སོ། །སངས་རྒྱས་
ཀྱི་ཞིང་རྒྱས་པར་བྱེད་དོ། །ཕུང་པོའི་བདུད་འཇོམས་སོ། །དགོངས་པའི་བཀའ་མྱུར་དུ་རྟོགས་སོ། །དེ་ལས་བདུད་མྱུར་དུ་བརླག་པར་བྱེད་དོ། །ཕས་ཀྱི་རྒོལ་བ་མྱུར་དུ་འདུལ་ལོ། །འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་
མཐོང་ངོ་། །ཆོས་ཀྱང་ཉན་ཏོ། །དམ་པའི་ཆོས་བརྗེད་པ་མེད་དོ། །ཇི་ལྟར་བསམ་པ་བཞིན་ཏིང་ངེ་འཛིན་གྱི་རྣམ་པར་རོལ་པ་བསྒྲུབ་པ་ཡང་རྗེས་སུ་འཐོབ་སྟེ། ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་ནི་བག་ཡོད་པས་
40-1-12a


ཐམས་ཅད་མཁྱེན་པ་ཉིད་དུ་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་གལ་ཏེ་དེ་འདོད་ན་སྐྱེ་བ་གཅིག་ཁོ་ནས་སམ། འདོད་ན་སྐྱེ་བ་གཉིས་སམ། གསུམ་འམ། བཞི་ནས་བསྐལ་པའི་བར་གྱིས་བྱང་ཆུབ་མངོན་པར་རྫོགས་པར་
འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་འདི་ནི་ཐམས་ཅད་མཁྱེན་པ་ཉིད་ཀྱི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སྟོབས་བཅུའི་སྤྱོད་པ་ཚུལ་འདི་འཛིན་པ་ནི། །
མ་འཁྲུལ་མ་འཁྲུགས་འདྲ་བ་ཡོད་མིན་ལ། །འཆི་མེད་བདུད་རྩི་འཐོབ་ཅིང་ལྷ་ཡུལ་དང་། །མི་ཡུལ་དཔལ་བྱེད་མཚུངས་མེད་རྩོམ་པར་འགྱུར། །སྟོབས་བཅུས་བསྟོད་པ་ཚུལ་འདི་འཛིན་པ་ནི། །དགའ་བྱེད་ཉོན་མོངས་རྡུལ་དང་ཐ་བ་འཇོམས། །
གསོལ་བའི་ཚིག་གིས་ལྷ་མི་དགའ་བར་བྱེད། །རྒྱལ་བའི་ཡོན་ཏན་འོས་ཡིན་སྲིད་མུན་སེལ། །སྟོབས་བཅུ་ཐོབ་བྱ་ཕྱིར་ནི་འདི་སྤྱོད་ན། །འགྲོ་ངན་འཇོམས་ཤིང་འགྲོ་བ་ངན་ལ་མཁས། །ལྷ་མི་གཞན་བློ་ངན་སེལ་དགའ་བར་འགྱུར། །བློ་
ལྡན་ལམ་མཁས་གཞན་སྤྱོད་རྣམ་པར་འབྱེད། །ཚུལ་འདི་སྤྱོད་པ་སྲིད་འགྲོ་ཡངས་པ་སྤོང་། །སྲིད་སོང་ལོག་པ་རྣམས་ལ་བསྐུལ་འདེབས་ཤིང་། །ལྷ་མི་ཇི་ལྟར་འདོད་བཞིན་སྤྱོད་བྱེད་ལ། །མཐུ་ལྡན་དྲི་མེད་ཟླ་འདྲའི་མིག་ཏུ་
འགྱུར། །བྱ་བ་འདི་སྤྱོད་མཚུངས་པ་མེད་པ་ཡིན། །དེ་ལ་ལྷ་མི་རྟག་ཏུ་དགའ་བར་འགྱུར། །བློ་ལྡན་སྲིད་འགྲོ་མི་དགའ་ཡུལ་འཁྲུལ་མེད། །འཁོར་ལ་སྒྲ་སྒྲོགས་ཚུལ་བརྒྱ་རྣམ་པར་འབྱེད། །རྒྱལ་བ་ཡོན་ཏན་གྲོང་རྡལ་བདུད་རྩིའི་
ཚུལ། །འདི་འཛིན་རང་གིས་ལེན་བཅུག་རྣམ་འབྱེད་པ། །སྦྱིན་བདག་མཚན་རབ་མཛེས་པ་སུམ་བཅུ་གཉིས། །ཐོབ་པས་ལྷ་དང་མི་རྣམས་དགའ་བར་བྱེད། །འདི་ལ་སྤྱོད་པ་མཐའ་འཁོབ་ཚོགས་སེལ་ཅིང་། །སྐྱེ་དགུ་མང་འདུལ་ཡོན་
ཏན་ཕལ་ཆེན་འབྱེད། །གཡོན་ཅན་ཡུལ་དང་འགྲོ་མཁས་མྱུར་བར་ནི། །དགེ་སྦྱོང་མཆོག་འགྱུར་ལྷ་མིས་ཡོན་ཏན་བསྟོད། །འཆི་མེད་ནོར་མཆོག་དག་ནི་ཐོབ་འདོད་ན། །སྤྱད་པ་འདི་སྤྱོད་མྱུར་དུ་རྒྱལ་བར་འགྱུར། །གྲགས་ལྡན་ཡོན་ཏན་
40-1-12b


མཆོག་ཐོབ་དྲི་བསུང་གཏོང་། །ལྷ་མི་འཇིགས་མེད་གྲོང་ཁྱེར་ཞི་བར་སྒྲོལ། །ཚུལ་འདི་སྤྱོད་པ་འཆི་བ་མེད་ལ་དགའ། །གནས་ན་གནས་ཚེ་ཕྱོགས་བཅུའི་བདེ་གཤེགས་བསྟོད། །དེ་ནི་གཏམ་བརྗོད་ལྷ་མི་རྣམས་དགའ་ལ། །ཕན་འདུལ་
མཉམ་བཞག་སྙན་པ་སྤྱོད་མཆོག་སྨྲ། །ལྷ་དང་ལྷ་མིན་ས་སྟེང་སྡུག་བསྔལ་ལས། །འདའ་བར་བྱེད་ཅིང་བདུད་དཔུང་བརླག་པར་བྱེད། །རྒྱལ་བའི་ཐད་སོང་མཆོད་བྱེད་འགྲོ་གནས་མཁས། །སྲིད་འགྲོ་སྤོང་དྲན་རྟོགས་མཁས་ཡོན་ཏན་
འཛིན། །ཏིང་འཛིན་ཞི་བ་མཆོག་འདི་འཛིན་པ་ནི། །དབང་པོ་ཞི་ཞིང་ཡེ་ཤེས་མཆོག་འཛིན་ལ། །བསེ་རུ་ལྟ་བུ་སྤྱོད་ཅིང་ངར་མི་འཛིན། །ཆོས་ཀྱི་སྐར་མདའ་རྟག་ཏུ་འབར་བའང་ཡིན། །ཡེ་ཤེས་རྒྱ་མཚོ་འདི་ནི་སྟོན་པ་དག །དངོས་
པོའི་ཚུལ་ལ་སྐད་ཅིག་པར་ཡང་རྟོགས། །སྲིད་གསུམ་དག་ན་འདི་ནི་གདུགས་བཞིན་ཏེ། །ལྷ་མང་རྒྱལ་པོ་དེ་ལ་བསྟོད་པར་བྱེད། །ཞི་བ་བལྟ་དཀའ་འདི་ལ་འབད་པ་དག །ཉོན་མོངས་ཉམ་ཐག་དག་ནི་སེལ་བྱེད་ཅིང་། །བདེ་བར་གཤེགས་
ཀྱི་འགྲོ་བར་འགོག་པ་བརྗོད། །ཉོན་མོངས་རྒྱུན་ཆད་སྲིད་གསུམ་འདུལ་བར་བྱེད། །ཏིང་འཛིན་མཆོག་རབ་འདི་དག་ཐོབ་པ་ནི། །གཞན་གྱི་སྤྱོད་པ་དྲན་ལས་བདག་གིའང་སྟེན། །གང་གིས་བདེ་གཤེགས་མཁྱེན་པ་མང་ཤེས་ཤིང་། །
ཚུལ་རྣམས་ཐམས་ཅད་ལ་ནི་གནས་པ་ཡིན། །འདི་བསྒྲུབ་པ་ནི་སངས་རྒྱས་རིགས་ཡིན་ཞིང་། །བསྒྲུབ་པ་བྱེ་བ་མང་པོ་ཆུབ་པར་བྱེད། །སྡུག་བསྔལ་ཅན་གྱི་རེག་པ་རྟག་སེལ་ཅིང་། །མི་དེ་འཆི་བ་མེད་པ་སྟོན་པ་ཡིན། །
མཐོང་དགའ་ཚིག་སྙན་ཡོན་ཏན་གྲགས་པས་འཕགས། །ཡོན་ཏན་དག་གིས་ཀུན་དུ་མངོན་མཛེས་ལ། །འཁོར་གྱི་ནང་དུ་ཕྱིན་ན་ནམ་མཁའ་ལ། །སྟོན་ཟླ་ཐ་ཆུངས་ཟླ་བ་ཉ་བ་བཞིན། །ཏིང་ངེ་འཛིན་ཏེ་འདི་དག་བསྟེན་
པ་ནི། །འཁོར་བ་ན་ཡང་འཁོར་དང་ལོངས་སྤྱོད་དང་། །རུས་རིགས་གྲགས་པ་བདེ་བར་གཤེགས་ཀྱིས་མཁྱེན། །དེའི་སྤོབས་པ་རྒྱ་མཚོ་ཇི་བཞིན་ནོ། །རྨད་དུ་བྱུང་བའི་མདོ་འདི་སྤྱོད་པ་ནི། །ཆོས་ཀྱི་ངོ་བོ་བདག་མེད་ཚུལ་དག་
40-1-13a


ལ། །རིང་པོར་མི་ཐོགས་རྟོགས་ཤིང་སྟོན་པར་བྱེད། །སྟོང་གསུམ་དག་གི་སྨན་པར་མྱུར་དུ་འགྱུར། །འཆི་བ་མེད་པར་ཐོབ་པར་སྦྱོར་བ་ན། །སྟོང་གསུམ་འཇིག་རྟེན་མི་རྣམས་ཇི་སྙེད་དང་། །གང་གཱའི་
ཀླུང་གི་བྱེ་སྙེད་སེམས་ཅན་ཁམས། །དེ་ལས་བརྒལ་ཏེ་ཡེ་ཤེས་སྒོ་ཡང་འཐོབ། །གང་ཞིག་ལྷག་པའི་བསམ་པས་འདི་སྦྱོར་བ། །དུག་དང་མཚོན་དང་མེས་ཀྱང་མི་ཚུགས་ཤིང་། །རྒྱལ་པོས་བཀྲབས་ལྟུང་ཁུ་སྒོའི་
འཇིགས་པའང་མེད། །རྒྱལ་པོ་སྲིན་པོའི་འཇིགས་པའང་འབྱུང་མི་འགྱུར། །ཚིག་བཞི་པོ་ནི་འཛིན་པར་བྱེད་པ་ན། །ཁྱིམ་ནས་འཆི་མེད་ནོར་ཆུད་ཟོས་མི་འགྱུར། །མེ་དང་སྐེམས་དང་གདོན་གྱིས་མི་ཚུགས་ཤིང་། །ལོང་དང་ཞར་
དང་རྨོངས་པར་མི་འགྱུར་རོ། །ཏིང་འཛིན་ཞི་བ་འདི་ལ་སྦྱོར་བྱེད་པ། །དེ་ལ་གང་དག་གཟུངས་ཀྱི་གཏེར་ཡང་སྩོལ། །གང་ཞིག་འདི་སྦྱོར་དེ་ཚེ་བདེ་བར་གཤེགས། །བྱེ་བ་དྲུག་བཅུ་གཉིས་པོའང་དགོངས་པར་འགྱུར། །གལ་ཏེ་བྱང་ཆུབ་མྱུར་
དུ་རེག་འདོད་ཅིང་། །གལ་ཏེ་ཡོན་ཏན་ཞིང་མཆོག་མི་དོད་བྱེད་པས། །མདོ་མཆོག་ཚུལ་འདི་ལ་ནི་སྦྱོར་བ་ནི། །ཐམས་ཅད་མཁྱེན་པ་དེ་ཡི་ལག་ཏུ་འཐོབ། །དེ་བས་མཉན་ཏེ་འདིར་ནི་སེམས་ཅན་གང་། །བྱང་ཆུབ་དོན་དུ་དགེ་ལ་
དགའ་བྱ་ན། །ཞག་བཞིའི་བར་དུ་ལེགས་པར་བརྩོན་བྱས་པས། །སྟོབས་བཅུ་དག་གི་ནོར་ནི་འཐོབ་པར་འགྱུར། །ཏིང་འཛིན་མཆོག་མ་ལ་ནི་འཇུག་བྱེད་པ། །རྐང་གཉིས་མཆོག་མ་བྱེ་བ་བརྒྱད་བཅུ་དང་། །གཞན་ཡང་རྒྱལ་
བ་ཁྲག་ཁྲིག་དྲུག་བཅུ་རྣམས། །གང་དག་དེ་ལ་རྟག་ཏུ་དགོངས་པར་འགྱུར། །གང་གིས་མཉན་པ་རྙེད་པ་ལེགས་རྙེད་ལ། །འདི་མཉན་ནས་ཀྱང་འདི་ལ་མོས་བྱས་པ། །དེ་དག་ཡིད་གཉིས་སྤོངས་ཏེ་བྱང་ཆུབ་ལ། །དེ་དག་
ཐེ་ཙོམ་འཁོར་བར་ཕྱིར་མི་མཐོང་། །དེ་བས་མཉན་ཏེ་ཡང་དག་སྤྱོད་འདི་ལ། །བརྩོན་དང་ཡོན་ཏན་དག་ལ་དགའ་བྱ་ན། །མདོ་འདི་བྲིས་ནས་ཀྱང་ནི་འཆང་བྱེད་པ། །ཐམས་ཅད་མཁྱེན་ཉིད་ངེས་པར་ལག་ཏུ་འཐོབ། །ངས་
40-1-13b


མངོན་ཤེས་ཏེ་བསྐལ་པ་བརྒྱ་འདས་ན། །སྤོབས་པའི་ཏོག་ཅེས་བྱ་བའི་རྒྱལ་བ་བྱུང་། །དེ་ནི་ཏིང་འཛིན་མཆོག་འདི་བསྟན་པ་དག །རྒྱལ་པོའི་བུ་སྟེ་ཟླ་བ་དཔལ་གྱིས་མཉན། །རྒྱལ་སྲིད་སྤངས་ནས་མྱུར་བར་རབ་བྱུང་སྟེ། །དེས་ནི་
ཉིན་མཚན་གཅིག་ཏུ་མཉན་ནས་ཀྱང་། །དེ་ཐུན་ཐ་མ་དག་ལ་དུས་ལས་འདས། །ཞིང་གཞན་དག་ཏུ་དེ་ནི་བརྫུས་ཏེ་སྐྱེས། །ཇི་ལྟར་གང་གཱའི་བྱེ་མ་དེ་བས་ཀྱང་། །མང་བའི་ཞག་ཏུ་མཚུངས་པ་མེད་ལ་མཆོད། །བྱང་ཆུབ་རྗེས་སུ་
དེ་རྟོགས་བྱ་བའི་ཕྱིར། །ཀུན་ལས་ཏིང་ངེ་འཛིན་འདི་བསྐལ་པར་མཉན། །རྒྱལ་བ་མར་མེ་མཛད་ལུང་སྟོན་པ་གང་། །རིན་ཆེན་གཙུག་ཏོར་ཞེས་བྱའི་རྒྱལ་དེ་བྱུང་། །དེ་ལྟར་འདི་ཐོས་འབྲས་བུ་ཆེ་བས་ན། །དེ་ཕྱིར་ཐོས་ནས་ལེ་ལོར་
མི་བྱའོ། །ལྷ་མི་རྣམས་ལ་སྙན་པའི་དབྱངས་དག་གིས། །རབ་ཏུ་རྟོགས་པར་བྱ་ཞིང་མཆོད་བྱ་ལ། །ངས་ནི་རིན་ཆེན་གཏེར་དག་ཕྱེ་ཟིན་གྱིས། །སྟོབས་བཅུ་པོ་ཡི་ནོར་འདི་གཟུང་བར་གྱིས། །མཆོག་ཏུ་དགའ་བའི་རྒྱལ་པོ་སྔོན་བྱུང་
བ་འདས་པའི་དུས་བསྐལ་པ་གྲངས་མེད་པའི་ཡང་ཆེས་གྲངས་མེད་པ་བྱུང་བ་དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པའི་བརྒྱན་བཀོད་པའི་དབྱངས་ཀྱི་ང་རོ་སྙན་པར་
འབྲུག་སྒྲ་སྒྲོགས་པ་ཞེས་བྱ་བ་བྱུང་སྟེ། དེའི་གསུང་རབ་ལ་ཆོས་སྨྲ་བ་སྤོབས་པ་མཐའ་ཡས་པའི་ཡོན་ཏན་ཏོག་གི་རྒྱལ་མཚན་རྣམ་པར་འཕྲུལ་པ་ཞེས་བྱ་བ་ཞིག་བྱུང་ནས་དེ་ཏིང་ངེ་འཛིན་དེ་སྟོན་པའི་ཚེ། རྒྱལ་པོའི་བུ་སྐྱེ་བོ་མང་པོ་ལ་
བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོགས་པས་འབུམ་རི་བའི་གོས་གྱོན་གྱོན་པ་བསྐོན་ཏེ། འདི་སྙམ་དུ་སེམས་ཅན་ཐམས་ཅད་ཀྱིས་ཏིང་ངེ་འཛིན་འདི་ཐོབ་པར་གྱུར་ཅིག་ཅེས་སེམས་བསྐྱེད་དོ། །དེ་དགེ་བའི་རྩ་བ་དེས་ན་
གང་གཱའི་ཀླུང་བརྒྱད་བཅུའི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་དགྱེས་པར་བྱས་ནས། ཐམས་ཅད་ལས་ཏིང་ངེ་འཛིན་འདི་མཉན་ཏེ། མ་བསྟན་པའི་ཆོས་ཐམས་ཅད་ཀྱང་སྣང་ངོ་། །རྟག་ཏུ་རྫུས་ཏེ་བྱུང་བར་གྱུར་པའི་སྐྱེ་
40-1-14a


བའང་དྲན་ནོ། །རྒྱལ་པོའི་བུ་སྐྱེ་བོ་མང་པོ་ལ་བསོད་ནམས་ཀྱི་རྣམ་པར་སྨིན་པ་དག་པར་སྒྲ་སྒྲོགས་པ་དེ་སངས་རྒྱས་ཀྱི་ཞིང་ཡོན་ཏན་དཔག་ཏུ་མེད་པ་བཀོད་པར་ཚེ་དཔག་མེད་ཅེས་བྱ་བར་བྱང་ཆུབ་མངོན་པར་རྫོགས་པར་སངས་
རྒྱས་པར་གྱུར་ཏོ། །དགེ་སློང་ཆོས་སྨྲ་བ་སྤོབས་པ་མཐའ་ཡས་པའི་ཡོན་ཏན་ཏོག་གི་རྒྱལ་མཚན་རྣམ་པར་འཕྲུལ་པའི་ང་རོ་ཞེས་བྱ་བ་དེ་ནི་དེ་བཞིན་གཤེགས་པ་སྤྱན་ཆེན་པོ་ཞེས་བྱ་བར་གྱུར་ཏོ། །རྒྱལ་པོའི་བུ་དེས་ཏིང་ངེ་འཛིན་འདི་ཐོས་ནས་
བསྐལ་པ་འབུམ་ཕྲག་བདུན་བཅུར་མངོན་པར་འདུས་བྱས་པའི་ལས་ཀྱི་སྒྲིབ་པ་རྣམས་སྤངས་སོ། །རྣམ་པར་འབྱེད་པའི་ལེའུ་དང་། སྒོ་མཐའ་ཡས་པས་བསྒྲུབ་པའི་གཟུངས་དང་ཡང་སྐྱེ་བ་ཐམས་ཅད་དུ་མ་བྲལ་ཏེ། ཆུང་ངུ་ན་
སེ་གོལ་གཏོགས་པ་ཙམ་ཡང་མ་བྲལ་བར་གྱུར་ཏོ། །གཞན་ཡང་དེ་བཞིན་གཤེགས་པ་ཞལ་གསལ་ཟླ་བ་དྲི་མ་མེད་པའི་དཔལ་གྱི་སྙིང་པོ་གཟི་བརྗིད་ཅེས་བྱ་བ་བྱུང་སྟེ། དེས་དེ་ལ་ཏིང་ངེ་འཛིན་འདི་བསྟན་ཅིང་བཤད་པ་ན་ཚོང་དཔོན་གྱི་བུ་
རྒྱ་ཆེར་མཛེས་ཤིང་བཀོད་པ་ལེགས་སེམས་ཀྱིས་དེ་ལ་མཉན་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། ཆུང་མ་བདུན་བཅུ་དང་། དཔག་ཚད་གཅིག་ཁོར་ཡུག་ཙམ་གྱི་གཏེར་བཞི་དང་། བསྐྱེད་མོས་ཚལ་བརྒྱ་ཕྲག་བཅྭ་
བརྒྱད་དག་སྤངས་ནས་དེ་གོས་བཀྲམ་པའི་ས་གཞི་ལ་རྐང་པ་ནམ་ཡང་འཇོག་པར་མ་གྱུར་ཏོ། །དེ་རབ་ཏུ་བྱུང་ནས་ལོ་ཁྲིའི་བར་དུ་བཤང་གཅི་དང་གྲལ་མ་གཏོགས་པར་ནམ་ཡང་འདུག་པ་དང་མཆིལ་ལྷམ་བགོས་པ་མ་མྱོང་སྟེ། རྨུགས་
པ་དང་གཉིད་དང་བྲལ་ནས་འཆག་པ་ལ་མངོན་དུ་བརྩོན་པར་གྱུར་ཏོ། །དེ་ལོ་ཁྲི་པོ་དེ་དག་འདས་ནས་དེས་སངས་རྒྱས་ཐམས་ཅད་ཀྱི་བཀའ་དང་ངེས་པའི་ཚིག་དང་དབྱངས་སྡུད་པ་ཞེས་བྱ་བའི་གཟུངས་དང་། སྒྲ་ཐམས་ཅད་ལ་འཇུག་པར་ཁོང་
དུ་ཆུད་པ་ཞེས་བྱ་བའི་ཏིང་ངེ་འཛིན་ཐོབ་སྟེ། དེ་ལ་ལྷ་དྲུག་འབུམ་སྙེད་པོ་དེ་དག་ཀྱང་བསྙེན་བཀུར་བྱེད་པ་ལ་བརྩོན་པར་གྱུར་ཏོ། །ལུས་དང་སེམས་མཆོག་ཏུ་དགེ་བར་བསྒྲུབ་པའི་ཚེ། ལྷོ་ཕྱོགས་ན་འཇིག་རྟེན་གྱི་ཁམས་ཡོན་ཏན་ཐམས་
40-1-14b


ཅད་ཀྱིས་རབ་ཏུ་བརྒྱན་པར་དེ་བཞིན་གཤེགས་པ་ཡིད་འཐད་ཅེས་བྱ་བར་ད་ལྟར་བྱང་ཆུབ་མངོན་པར་རྫོགས་པར་སངས་རྒྱས་སོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ།  བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དཔེར་ན་གང་གཱའི་
བྱེ་མ་སྙེད། །བསྐལ་པ་མཐའ་ཡས་དྲན་གྱུར་ཏེ། །གང་ཚེ་སྤོབས་པའི་དབྱངས་ཤེས་བྱ། །འཇིག་རྟེན་མགོན་པོ་བྱུང་བར་གྱུར། །དེ་ཡི་གསུང་རབ་དག་ལ་ནི། །དགེ་སློང་ཆོས་འཛིན་མཁས་པ་བྱུང་། །དེ་ཡིས་ཏིང་འཛིན་འདི་བཤད་
པ། །རྒྱལ་པོའི་བུ་དེས་མཉན་ནས་ནི། །དེའི་གོས་ཀྱང་བསྐོན་བྱས་ཏེ། །ཡོངས་སུ་བསྔོ་བ་བྱས་ནས་ཀྱང་། །མགོན་པོ་སངས་རྒྱས་དེས་མཐོང་ནས། །ཚེ་དཔག་མེད་པ་བྱང་ཆུབ་འཐོབ། །སྔོན་གང་ལས་རྣམས་བྱས་གྱུར་
པའི། །དེ་ཡི་རྣམ་པར་སྨིན་པ་དག །ཡེ་ཤེས་ཕུང་པོ་འདི་ཐོས་པས། །མ་ལུས་པར་ནི་ཐམས་ཅད་ཟད། །གཞན་ཡང་སངས་རྒྱས་དྲི་མེད་ཟླས། །ཏིང་ངེ་འཛིན་ནི་བཤད་པ་ན། །ཚོང་དཔོན་བུ་ཡིས་མཉན་ནས་ནི། །ཁྱིམ་
དག་སྤངས་ནས་ངེས་བྱུང་སྟེ། །གཉིད་དང་འདོད་པ་མེད་གྱུར་ཅིང་། །མཆིལ་ལྷམ་བགོས་པར་མ་གྱུར་པར། །དེ་ཡིས་ལོ་ནི་སྟོང་ཕྲག་བཅུར། །ཏིང་ངེ་འཛིན་ནི་བསྒོམ་པ་བྱས། །འདི་ཐོས་ཙམ་གྱི་མོད་ལ་ནི། །བྱང་ཆུབ་
མཆོག་ནི་ཐོབ་འགྱུར་ཏེ། །ཕྱིར་ཞིང་ཁྱིམ་ནོར་འདོད་པ་དང་། །ལོངས་སྤྱོད་དག་ལ་དགའ་མ་གྱུར། །སངས་རྒྱས་མཐའ་ཡས་དེས་མཐོང་ནས། །ཐམས་ཅད་དག་ལ་ཡོངས་ཞུས་ཏེ། །དེ་ཡིས་ཚུལ་ཀུན་འཛུག་པ་ནི། །མྱུར་
བར་རྗེས་སུ་རྟོགས་པར་གྱུར། །ཏིང་འཛིན་འདི་ལ་སྦྱོར་བྱེད་དེས། །ཡིད་དུ་འཐད་ཅེས་བྱ་བ་ཡིན། །བསམ་པ་ཡོངས་སུ་རྫོགས་མཛད་པ། །བྱང་ཆུབ་དེ་ནི་མྱུར་དུ་འཐོབ། །ཕྱི་མའི་དུས་ན་འབྱུང་བ་ནི། །ཡེ་ཤེས་ཕྱག་རྒྱ་འདི་མཉན་
40-1-15a


ཀྱང་། །ལོངས་སྤྱོད་མེད་ཅིང་བདེ་བ་མེད། །རབ་ཏུ་བྱུང་བར་འདུན་པའང་མེད། །གཅིག་ལ་གཅིག་ནི་སྤྱོ་བ་དང་། །གཤེ་བ་དང་ནི་བསྡིགས་པ་དང་། །སྨོད་པ་དག་ནི་སྒྲོགས་བྱེད་ཀྱང་། །སངས་རྒྱས་འགྱུར་བར་བྱ་
ཞེས་ཟེར། །ཁྱིམ་ན་སྡུག་བསྔལ་སྟོང་ཡོད་པ། །བཟོད་འགྱུར་འདོད་པའི་རྒྱུ་དག་ལས། །ལྟོས་ནས་ཉོན་མོངས་བྲན་གྱུར་ཀྱང་། །སངས་རྒྱས་འགྱུར་བར་བྱ་ཞེས་ཟེར། །དེ་དག་གི་ནི་རྨི་ལམ་དུ། །སངས་རྒྱས་མཐོང་ནས་
དབུགས་འབྱིན་ཅིང་། །མངོན་པའི་ང་རྒྱལ་འབྱུང་གཞན་ཡང་། །ང་ལ་བྱང་ཆུབ་ཐེ་ཙོམ་མེད། །དོན་ཕྱིར་མ་ཡིན་དེ་དག་གིས། །མདོ་འདི་སྒྲ་ཙམ་མཉན་ནས་ཀྱང་། །དབུགས་དག་འབྱིན་བྱེད་བདག་གིས་ནི། །རིང་པོར་མི་ཐོགས་
བྱང་ཆུབ་འཐོབ། །དེ་ཡིས་ཡང་དག་ཚུལ་འདི་ནི། །ཇི་བཞིན་ཐོས་ཤིང་མཉན་བྱས་ཀྱང་། །འཛིན་མེད་ཕྱིར་ཞིང་ཆགས་མེད་པ། །བར་སྣང་གི་ནི་རླུང་བཞིན་ནོ། །འདི་ལ་མང་པོ་ཁ་ཅིག་དག །བྱང་ཆུབ་དོན་ཕྱིར་རབ་བྱུང་ཡང་། །ཕན་
ཚུན་ཤེས་ཁེའི་གཞི་དག་ལས། །ཉེས་པ་དག་ནི་བསྐྱེད་པར་འགྱུར། །ཤིན་དུ་དབུལ་ཞིང་ཤེས་རབ་དམན། །ཐོས་པ་ཙམ་གྱིས་ང་རྒྱལ་ཅན། །གཞན་ལ་སྙེམས་པར་བྱེད་པ་དེས། །བདག་གིས་བྱང་ཆུབ་མཐར་ཕྱིན་སྙམ། །སྐུ་
གདུང་རྙེད་དང་འོད་མཐོང་དང་། །རྒྱལ་བ་མཆོད་པས་སྤུ་ཟིང་བྱེད། །བྱང་ཆུབ་ཐོབ་པར་ཤེས་འགྱུར་བས། །ཆུང་ཟད་ཙམ་གྱིས་ངོ་མཚར་བྱེད། །བྱང་ཆུབ་ཤིན་དུ་རིང་གྱུར་པའི། །གང་དེའི་གཡོ་འདི་དག་གིས་ཀྱང་། །ཉམས་པར་བྱས་
ནས་ཕྱིར་ཞིང་ནས། །དེ་ཡི་རྒྱལ་བ་ཤིན་དུ་རིང་། །མདོ་འདི་དག་ནི་མཉན་ནས་ཀྱང་། །བྱང་ཆུབ་ཐོབ་པར་འགྱུར་ཤེས་ཤིང་། །ཚེ་དཔག་མེད་གྱུར་བལྟ་བྱ་སྙམ། །མྱུར་དུ་སངས་རྒྱས་བལྟ་བྱ་སྙམ། །དམིགས་པ་དག་ལ་གནས་
པ་ཡི། །བྱང་ཆུབ་ཤིན་དུ་རིང་བ་སྟེ། །ཡང་དག་མཐའ་ལ་གང་མི་བརྩོན། །དེ་དག་ལ་ནི་ལུང་མི་བསྟན། །ཚོང་དཔོན་གྱི་ནི་བུ་འདི་ཡིས། །ནོར་མཛོད་གང་ཡིན་བཏང་མཐོང་ནས། །དེ་དག་རབ་ཏུ་བྱུང་ནས་ཕྱིས། །སློངས་མོ་
40-1-15b


སྟེར་བའི་ཁྱིམ་ལ་ཆགས། །འདི་འདྲའི་ཏིང་ངེ་འཛིན་ནི་གང་། །མར་མེ་མཛད་ལས་ངས་སྔོན་ཐོས། །ཡང་དག་པ་ནི་མི་ཤེས་པ། །དེ་ནི་གང་ཡང་འབྱུང་མི་འགྱུར། །རིན་ཆེན་རིན་ཐང་མེད་འདོད་ཕྱིར། །རྒྱ་མཚོར་ཤི་ནི་ཁུར་ཁྱེར་
ལྟར། །བླུན་པོ་དེ་དག་རབ་བྱུང་ནས། །ཤེས་ཁེའི་མཆོག་ལ་རག་ལས་སོ། །འདི་ལ་ཐོས་དང་ཚུལ་ཁྲིམས་དང་། །རབ་ཏུ་བྱུང་བས་དག་མི་འགྱུར། །བྱང་ཆུབ་ལམ་ནི་བསྒྲུབས་འདི་ལ། །བག་ཡོད་པར་ནི་གནས་པར་གྱིས། །ཕྱི་
མའི་དུས་ན་གང་ཞིག་གིས། །བཤད་པའི་ཚེ་ན་མཉན་ནས་ཀྱང་། །དེ་ཉིད་ལ་ནི་རྙེད་པའི་རྒྱུས། །ཕྱིར་ཞིང་མི་སྙན་པ་དག་ཟེར། །མདུན་ནས་ཀྱང་ནི་ཕྱག་འཚལ་ལ། །ལེགས་སོ་ཞེས་ནི་སྦྱིན་བྱེད་ཅིང་། །དེ་ལ་ཆོས་གོས་འབུལ་
བྱེད་ཀྱང་། །མི་སྙན་པ་དག་ཟེར་བར་འགྱུར། །མཆི་མ་དག་ཀྱང་བླགས་བྱས་ཤིང་། །བདག་ཉིད་དབུལ་བ་བྱས་ནས་ཀྱང་། །དགེ་འདུན་ནང་དུ་དེ་ལ་ནི། །སྡིག་པ་བྱེད་ཅེས་ཕྱིར་ཞིང་སྨྲ། །སློབ་དཔོན་ལ་ནི་མཆོད་མི་བྱེད། །བླ་མ་དག་
ལ་རི་མོ་མེད། །ཆུང་ཟད་ཙམ་གྱིས་ཁྲོ་བྱེད་ཅིང་། །ཁྱིམ་སུན་འབྱིན་དང་ལྡན་པ་ཡིན། །ཕ་རོལ་བསོད་ནམས་མ་དད་ཅིང་། །རང་གི་སྐྱོན་ལ་མི་སེམས་པར། །གཞན་གྱི་མཆོད་པ་ཤེས་ནས་ནི། །ཕྲག་དོག་མི་བཟད་བསྐྱེད་
པར་བྱེད། །བདག་གིས་གདུགས་དང་རྒྱལ་མཚན་དང་། །ཆོས་གོས་དང་ནི་མེ་ཏོག་གིས། །སྐུ་གདུང་དག་ནི་མཆོད་བྱས་ནས། །བྱང་ཆུབ་ཐོབ་པར་འགྱུར་ཞེས་ཟེར། །མདོ་འདི་དག་ནི་མཉན་ནས་ཀྱང་། །བདེ་བ་ཐམས་ཅད་
སྤང་བྱས་ཏེ། །བསྒྲུབ་པ་དག་ལ་གནས་པ་ནི། །ང་ཡི་ཡང་དག་མཆོད་འདི་ཡིན། །དཔེར་ན་རབ་འབྱོར་མཆོད་བྱེད་ལྟར། །བདག་གི་ཕུང་པོ་སྤངས་ནས་ཀྱང་། །ཆོས་ཉིད་དེ་ལ་མཆོད་བྱེད་ཀྱི། །སྐུ་གདུང་གཟུགས་ལ་ཅི་ཞིག་མཆོད། །
མདོ་འདི་སྒོམ་པར་བྱེད་པ་ན། །སྲོག་ལ་དགའ་བ་སྤང་བྱ་སྟེ། །དགོན་པར་རྟག་ཏུ་གནས་བྱ་ཞིང་། །འཚོ་བའི་འཇིག་རྟེན་ཟད་པར་བྱ། །མཆོག་དགའ་རྒྱལ་པོ་ང་ལས་ནི། །བསྒྲུབ་པ་དག་ནི་མཉན་ནས་ཀྱང་། །མི་དང་ལྷན་ཅིག་རྒྱུ་
40-1-16a


བ་ན། །ནམ་ཡང་ཡིད་བརྟན་མི་བྱ་སྨྲ། །འདི་བདེན་འདི་ནི་མི་བདེན་ཞེས། །བདག་སྨྲ་བ་ན་དེ་དག་ནི། །དགའ་བས་མི་སྙན་རྗོད་བྱེད་པ། །དེ་ཚེ་བདག་ནི་ཉམས་པར་འགྱུར། །བྱང་ཆུབ་མཆོག་ལ་ཕྱིར་ཞིང་ནི། །ཤེས་
ཁེའི་སྤྱོད་ཡུལ་འདུན་པ་མེད། །དེ་དག་བྱང་ཆུབ་བཀུར་སྟི་ཅན། །དེ་དག་རྣམ་གྲོལ་ཤིན་དུ་རིང་། །སྡོམ་པས་བསྒྲུབས་ཏེ་ངས་ཐོབ་པ། །ང་ཡི་བདག་ཉིད་ཆེན་པོ་དང་། །རྫུ་འཕྲུལ་གང་ཡང་རུང་བ་དག །འདི་དག་ཐམས་
ཅད་འདིར་མཐོང་ངམ། །ཤེས་ཀྱི་ཁེ་དང་རྙེད་སྤངས་ནས། །རི་དགས་བཞིན་དུ་དགོན་པ་ན། །དབེན་པ་དག་ཏུ་བསྟེན་གྱིས་ཏེ། །ས་དང་ཚུལ་ཁྲིམས་གཟུངས་རྣམས་སྤྱོད། །བདེན་མིན་ངས་ནི་མ་སྨྲས་པ། །ཁྱོད་ལ་བྱིན་གྱིས་བརླབ་
བྱ་སྟེ། །ཕྱི་དུས་མི་བཟད་པ་ཡི་ཚེ། །མདོ་སྡེ་འདི་ཡང་ཁྱོད་ལ་ནི། །ཚེ་དཔག་མེད་དང་འཇིག་རྟེན་མགོན། །མི་འཁྲུགས་དེ་བཞིན་འོད་ཟེར་གཏོད། །དེ་ལ་བྱེ་བ་དྲུག་བཅུ་པོ། །སངས་རྒྱས་འཁོར་བཅས་ཀུན་མཐོང་ངམ། །སྟོན་
པ་འཁོར་བཅས་དེ་དག་ནི། །ཕྱི་མའི་དུས་ན་ཆོས་ཀྱང་སྐྱོང་། །མདོ་འདི་ཆོས་ཀྱི་ཕྱག་རྒྱ་སྟེ། །ཕྱི་མའི་ཚེ་ན་བསྒྲུབ་པར་འགྱུར། །ཡོངས་སུ་གཏད་པ་འདི་མཉན་ཚེ། །སྟོང་གསུམ་དག་ཀྱང་གཡོས་གྱུར་ཏེ། །ལྷ་ཡིས་
ལེགས་སོ་ཞེས་བྱིན་ཞིང་། །མེ་ཏོག་མང་པོའི་ཆར་པ་བབ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བྱང་ཆུབ་སེམས་དཔའ་སུམ་ཁྲི་དང་ལྷན་ཅིག་ཏུ་ལུས་འདར་ལ་མཆི་མ་ཟག་ཅིང་སྐྱི་བུང་ཞེས་བྱེད་ལ། 
མཆན་ཁུང་ནས་རྔུལ་བྱུང་བཞིན་དུ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིག་འཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་དུས་ན་བརྡེག་
འཚོག་ལ་ཉེ་བར་གནས་པ་དང་། ཆོས་སྨྲ་བ་ལ་བརྙས་པ་དང་། ཐམས་ཅད་མཁྱེན་པའི་ཡེ་ཤེས་མ་མཆིས་པ་དང་། བསྟན་པ་འཇིག་པ་དང་ཡེ་ཤེས་མཐོང་བ་ཆུང་བ་དང་། ཆོས་དཀར་པོ་རྣམ་པར་གཞིག་པ་དང་། འཚོ་བའི་
40-1-16b


མཐར་གྱུར་པ་དེའི་ཚེ་ན་ལུས་དང་སྲོག་ཡོངས་སུ་བཏང་སྟེ། བདེ་བར་གྲགས་པ་ཐམས་ཅད་བདག་གིས་རལ་གྲི་ལྟ་བུས་གཅད་པར་བགྱི་ཞིང་དེ་བཞིན་གཤེགས་པའི་ལམ་གཏེར་སྣ་ཚོགས་པ་སྤོབས་པ་ཕྱིན་ཅི་མ་ལོག་པ་ཕྱག་རྒྱ་དགེ་
བའི་རྩ་བ་ལེགས་པར་སྡུད་པའི་རྒྱ་མཚོ་གཟུངས་ཀྱི་རིགས་བདུད་ཟིལ་གྱིས་གནོན་པ་ཐམས་ཅད་མཁྱེན་པ་ཉིད་དུ་བསྒྲུབ་པ་ལ་རྗེས་སུ་རྟོགས་པའི་མདོ་སྡེ་འདི་དང་འདི་ལྟ་བུ་དག་བྲིས་ནས་འཆང་བ་དང་སྟོན་པར་བགྱིད་ལགས་སོ། །
བཅོམ་ལྡན་འདས་བདག་ཅག་སེམས་ཅན་དམྱལ་བ་ན་མཆིས་སུ་ལགས་ཀྱང་། ཏིང་ངེ་འཛིན་རིན་པོ་ཆེ་འདིའི་སླད་དུ་ནི་སྤྲོ་བར་བགྱིད་ལགས་སོ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་དེའི་ཚེ་ཚིགས་སུ་བཅད་པ་
འདི་དག་གསོལ་ཏོ། །འཇིག་རྟེན་མགོན་པོ་མ་གཏོགས་པར། །དཔང་གཞན་སུ་ཡང་མ་མཆིས་ན། །ཅི་ནས་བྱང་ཆུབ་བདག་འདུན་དང་། །བདག་གི་བསམ་པ་མཁྱེན་ལགས་སམ། །རྒྱལ་བ་སླད་དུས་འཇིགས་
ཆེན་ཚེ། །བདག་གི་ལུས་དང་སྲོག་དག་ནི། །མ་ལུས་པར་ནི་སྤངས་གྱུར་ཀྱང་། །ཏིང་ངེ་འཛིན་འདི་གཟུང་བར་བགྱི། །གལ་ཏེ་བསྐལ་པ་ཚད་མེད་པར། །སེམས་ཅན་དམྱལ་གནས་མཆིས་གྱུར་ཀྱང་། །ཏིང་ངེ་འཛིན་འདི་
འཆང་བ་ན། །རྟག་ཏུ་དེ་ལ་སྤྲོ་བར་བགྱི། །སེམས་ཅན་ཐམས་ཅད་གཉེར་ནས་ནི། །ཟང་ཟིང་མ་མཆིས་ཆོས་བསྟན་བགྱི། །འདུ་བྱེད་ཐམས་ཅད་སྤངས་ནས་ཀྱང་། །སྲོག་ཆགས་རྣམས་ཀྱི་དོན་དག་བགྱི། །སླད་དུས་ཉེ་བར་གནས་
པ་ན། །བདག་གི་ལུས་སྲོག་རུས་པ་དང་། །ཤ་དང་ཆུ་རྒྱུས་ཞིགས་ཀྱང་རུང་། །བདག་གིས་ལེ་ལོ་མི་བགྱིའོ། །བཤེས་འགྲིན་ཐམས་ཅད་སྤངས་ནས་ནི། །དགོན་གནས་དག་ཏུ་མཆི་བགྱི་ཞིང་། །བྱམས་པས་སེམས་ཅན་
ཁྱབ་བགྱི་སྟེ། །ནད་མེད་འགྱུར་བའི་སྨན་བསྩལ་བགྱི། །སྤྱོད་ཡུལ་ལོག་པ་གང་དེ་དག །དེ་དག་གི་ནི་མི་བསླབ་ཅིང་། །ཅི་ནས་མདོ་འདི་སྤྱད་པ་ཡང་། །ཡང་དག་ཇི་བཞིན་སྤྱད་པར་བགྱི། །ཇི་ལྟར་སངས་རྒྱས་མཁྱེན་པ་ལྟར། །
40-1-17a


རྟག་ཏུ་བག་མཆིས་པར་ཡང་བགྱི། །འདི་ལ་ཐོག་མར་མཆི་བ་དག །སེམས་ཅན་རྣམས་ལའང་སྤྲོ་བར་བགྱི། །ཞུགས་ཀྱི་ཕུང་པོར་མཆོངས་ཀྱང་རུང་། །འཇིགས་ཆེན་སྨན་ཆོས་འཚལ་ཀྱང་རུང་། །གྲགས་
པ་དང་ནི་མཆོད་སླད་དུ། །བྱང་ཆུབ་མཆོག་མ་སྟོན་མི་བགྱིད། །ཆོས་ཀྱི་རྣམ་གྲངས་འདི་བཤད་པ་ན། གང་གཱའི་ཀླུང་བདུན་བཅུའི་བྱེ་མ་དང་མཉམ་པའི་སེམས་ཅན་གང་དག་འཇིག་རྟེན་གྱི་ཁམས་གྲངས་མེད་པ་ནས་ལྷགས་ཏེ་དེ་དག་གིས་འདི་
ཐོས་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །བྱང་ཆུབ་སེམས་དཔའ་སྟོང་པོ་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་ཐོབ་བོ། །ཕྱི་མའི་ཚེ་ན་གང་དག་ཆོས་སྨྲ་བ་ལྷ་འབུམ་ཕྲག་བཅུ་པོ་
དེ་དག་ཀྱང་སྤྲོ་བར་མཛད་ནས་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དུང་ཕྱུར་ཕྲག་བདུན་པོ་དག་ཀྱང་གང་དག་ཆོས་རྣམས་ལ་ཆོས་ཀྱི་མིག་རྣམ་པར་དག་གོ། །འཁོར་བཞི་པོ་མིའི་སྐྱེ་དགུ་བྱེ་བ་ཕྲག་བཅྭ་བརྒྱད་པོ་དག་གིས་ཀྱང་གང་
དག་ཆོས་རྣམས་ལ་ཆོས་ཀྱི་མིག་སྐྱེས་སོ། །ངན་སོང་གསུམ་པོ་ཐམས་ཅད་ཀྱང་རབ་ཏུ་ཞི་བར་གྱུར་ཏོ། །བཅོམ་ལྡན་འདས་ཀྱི་འོད་ཀྱིས་ཀྱང་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་དང་མཉམ་པ་དག་ཏུ་སྣང་
བར་གྱུར་ཏོ། །དེའི་མོད་ལ་སྲིད་པའི་རྩེ་མོ་ནས་མནར་མེད་པའི་བར་གྱི་སེམས་ཅན་ཐམས་ཅད་བདེ་བར་གྱུར་ཏོ། །བཅོམ་ལྡན་འདས་ཀྱི་འོད་དེ་ལས་རིན་པོ་ཆེ་བཀོད་པ་མཐའ་ཡས་པའི་པད་མ་འདབ་མ་འབུམ་ཡོད་པ་བྱེ་བ་ཁྲག་
ཁྲི་བྱུང་བར་གྱུར་ནས་པད་མ་ཐམས་ཅད་ལ་ཡང་བཅོམ་ལྡན་འདས་ཤཱཀྱ་ཐུབ་པ་ཇི་ལྟ་བ་བཞིན་དུ། དེ་བཞིན་གཤེགས་པ་རྣམས་འཁོར་དེ་ལྟ་བུ་དག་དང་བཞུགས་ཏེ། མཆོག་ཏུ་དགའ་བའི་རྒྱལ་པོ་ཡང་ཐམས་ཅད་ལ་གསོལ་བ་འདེབས་
ལ། སངས་རྒྱས་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་བཀའ་སྩལ་ནས། སེམས་ཅན་གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་མཛད་དོ། །འདི་ནི་བྱང་ཆུབ་སེམས་དཔའི་སྤྱོད་
40-1-17b


པ་ལ་འཇུག་པ་སྟོན་པ་སྤྱོད་པ་ཡོངས་སུ་དག་པར་བྱེད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་བཀའ་སྩལ་
པ། མཆོག་ཏུ་དགའ་བའི་རྒྱལ་པོ་དེ་ལྟ་བས་ན་སྦྱིན་པ་ལྷུར་མ་བྱེད་པར་ཆོས་ལ་མཆོད་པ་བྱ་བའི་ཕྱིར་ནི་མཆོད་པ་གྱིས་ཤིག །མཆོག་ཏུ་དགའ་བའི་རྒྱལ་པོ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་མང་པོ་དག་བྱུང་བ་
ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་སྡུག་མཛེས་པ་རྣམ་པར་ངེས་པའི་འོད་ཀྱི་གཟི་བརྗིད་ཀྱི་རྒྱལ་པོ་ཞེས་བྱ་བ་ཞིག་བྱུང་སྟེ། སྐུ་ཚེའི་ཚད་ནི་དཔག་ཏུ་མེད་དོ། །སངས་རྒྱས་ཀྱི་ཞིང་གི་བཀོད་
པ་ནི་མཐའ་ཡས་སོ། །འཁོར་ནི་གྲངས་མེད་དོ། །ཕྱི་མའི་དུས་ལྔ་བརྒྱ་པ་ཐ་མའི་ཚེ་དེའི་ཆོས་སྨྲ་བ་རིན་པོ་ཆེའི་ལུས་མཐའ་ཡས་པར་གྲགས་པ་སྤྱོད་པའི་མཛོད་ཅེས་བྱ་བ་ཞིག་བྱུང་བར་གྱུར་ཏེ། དེ་ཏིང་ངེ་འཛིན་འདི་སྟོན་པ་ན་དགེ་
སློང་གཞན་དག་གིས་བསྟན་པ་ཐམས་ཅད་ལས་བསྙིལ་བར་གྱུར་ཏོ། །དེ་ནས་ཆོས་སྨྲ་བ་དེ་ཞུམ་པ་མེད་པའི་སེམས་ཀྱིས་ལུས་དང་སྲོག་ལ་མི་བལྟ་བར་འདི་ལྟར་དུར་ཁྲོད་དུ་གནས་བཅས་ནས་རྩ་བ་དང་འབྲས་བུ་ཟ་ཞིང་ཏིང་
ངེ་འཛིན་འདི་བསྟན་པའི་ཚེ། དེ་ལས་ཆོས་མཉན་པའི་ཕྱིར་རྒྱལ་ཆེན་བཞིའི་རིས་ཀྱི་ལྷ་དག་ནས་བཟུང་སྟེ། འོག་མིན་གྱི་བར་གྱི་ལྷ་རྣམས་ལྷགས་སོ། །དེའི་ཚེ་འཁོར་ལོས་སྒྱུར་བའི་རྒྱལ་པོ་སྐྱེ་བོ་མང་པོ་མངོན་པར་
དགའ་ཞིང་མྱ་ངན་མེད་པའི་ང་རོ་ཞེས་བྱ་བ་ཞིག་བྱུང་སྟེ། དེས་ཆོས་སྨྲ་བ་དེ་ལས་ཏིང་ངེ་འཛིན་འདི་མཉན་ཏོ། །མཉན་ནས་ཀྱང་ཆོས་སྨྲ་བ་དེ་ལ་མི་འཇིགས་པ་བྱིན་ཏེ། དགེ་སློང་སངས་རྒྱས་ཀྱིས་ཡང་དག་པར་བཀའ་སྩལ་པའི་
ཏིང་ངེ་འཛིན་འདི་སྟོན་ཅིག །བདག་ནི་ཁྱོད་ལ་བསྲུང་ཞིང་སྐྱོང་བ་ལགས་སོ། །དེས་བུ་སྟོང་ཡང་དེའི་བསྲུངས་མར་བཀོད་ལ། ཐོགས་པ་མེད་པའི་སེམས་ཀྱིས་སྲོག་ཆགས་སུམ་ཁྲི་ཞིག་ཀྱང་བདེ་བའི་ཡོ་བྱད་ཐམས་ཅད་སྦྱོར་
40-1-18a


དུ་བཅུག་གོ། །ཆོས་སྨྲ་བ་བདེ་བར་གནས་པར་བྱས་པ་དེས་ཀྱང་བསྐལ་པ་ཕྱེད་ཀྱི་བར་དུ་ཏིང་ངེ་འཛིན་འདི་བསྟན་ཏེ། དགེ་བའི་རྩ་བ་དེ་བྱས་པས་ཆོས་སྨྲ་བ་དང་། རྒྱལ་པོ་བུ་དང་བཅས་ཤིང་སྐྱེ་བོའི་འཁོར་དང་
བཅས་པ་དང་། ཚོགས་པ་ཐམས་ཅད་ཀྱིས་བསྐལ་པ་བརྒྱད་བཅུར་སངས་རྒྱས་གཏམས་པ་བྱེ་བ་སུམ་ཁྲི་མཉེས་པར་བྱས་ཏེ། ཐམས་ཅད་ལས་ཏིང་ངེ་འཛིན་འདི་ཐོབ་བོ། །བསམ་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་ཡང་ཡོངས་
སུ་འཛིན་པར་གྱུར་ཏོ། །མཆོག་ཏུ་དགའ་བའི་རྒྱལ་པོ་དེའི་ཚེ་ན་ཆོས་སྨྲ་བ་དེ་གལ་ཏེ་ཁྱོད་གཞན་ཞིག་ཡིན་པ་སྙམ་དུ་སེམས་ན་དེ་དེ་ལྟར་མི་བལྟ་སྟེ། དེ་བཞིན་གཤེགས་པ་ཚེ་དཔག་མེད་ནི་ཆོས་སྨྲ་བ་དེར་གྱུར་ཏོ། །དེ་བཞིན་གཤེགས་
པ་མི་འཁྲུགས་པ་ནི་འཁོར་ལོས་བསྒྱུར་བའི་རྒྱལ་པོར་གྱུར་ཏོ། །བསྐལ་པ་བཟང་པོ་པའི་སངས་རྒྱས་སྟོང་ནི་རྒྱལ་པོའི་བུ་རྣམས་སུ་གྱུར་ཏོ། །མཆོག་ཏུ་དགའ་བའི་རྒྱལ་པོ་ལ་སོགས་ཏེ་བྱང་ཆུབ་སེམས་དཔའ་སུམ་ཁྲི་པོ་འདི་དག་ནི་
འདི་ལྟར་ཆོས་སྨྲ་བ་དེའི་བསམ་པ་ཇི་ལྟ་བ་བཞིན་བདེ་བར་སྦྱོར་བ་དང་། བསྲུང་ཞིང་སྐྱོང་བར་གྱུར་ཏོ། །མཆོག་ཏུ་དགའ་བའི་རྒྱལ་པོ་འདི་ནི་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་ཡིན་ཏེ། དེ་ལྟ་བས་ན་ཡང་དག་པར་བསྒྲུབ་
པར་གནས་པས་བྱང་ཆུབ་སེམས་དཔའི་ཏིང་ངེ་འཛིན་འདི་ནི་གུས་པ་དང་བཅས་པར་ཟུང་ཤིག །ལྷོགས་ཤིག །བྲི་བར་གྱིས་ཤིག །སྟོན་ཅིག །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །
གང་གིས་བསྐལ་པ་བྱེ་བ་སྟོང་ཚང་བར། །སེམས་ཅན་ཀུན་ལ་བདེ་བ་བྱིན་པ་བས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །ཕྱོགས་བཅུ་དག་ན་སེམས་ཅན་ཇི་སྙེད་
པ། །དེ་དག་ཐམས་ཅད་རང་རྒྱལ་གྱུར་ཏེ་ལ། །བདེ་བ་ཀུན་གྱིས་བསྐལ་པར་བཀུར་བྱས་ཀྱང་། །འདི་ལྟར་བྱང་ཆུབ་མཆོག་ཙམ་བསོད་ནམས་མེད། །འཇིག་རྟེན་སེམས་ཅན་ཀུན་སངས་རྒྱས་གྱུར་ཏེ། །དེ་དག་བསམ་པ་ཇི་བཞིན་
40-1-18b


བསྐལ་མཆོད་པས། །ལ་ལས་བྱང་ཆུབ་མཆོག་སེམས་གཅིག་བསྐྱེད་པ། །དེ་ཡི་བསོད་ནམས་དཔེར་ཡང་བཟོད་མི་འགྱུར། །གང་གིས་སངས་རྒྱས་ཆོས་རྣམས་བསྲུང་བའི་ཕྱིར། །ཚིག་བཞིའི་ཚིགས་བཅད་མི་ཡིས་
གུས་བྱེད་པས། །ལ་ལས་བྱང་ཆུབ་ཡོངས་སུ་བསྲུང་བའི་ཕྱིར། །བྱང་ཆུབ་སེམས་ཀྱི་བསོད་ནམས་དེ་འདྲ་མེད། །འཇིག་རྟེན་ཁམས་འདིའི་སེམས་ཅན་གང་སུ་དག །དེ་དག་ཐམས་ཅད་བྱང་ཆུབ་བཀོད་པ་བས། །ལ་
ལས་ཕུང་པོ་མེད་པའི་ཚིག་མཉན་ནས། །སྐྲག་མེད་དེ་ཡི་བསོད་ནམས་ཁྱད་པར་འཕགས། །གང་གཱའི་ཀླུང་ཕྲག་བྱེ་བ་བྱེ་སྙེད་ཀྱི། །བསྐལ་པར་བྱང་ཆུབ་སེམས་དཔས་རིན་པོ་ཆེ། །འབྱོར་པ་ཀུན་གྱིས་ཞིང་བཀང་སྦྱིན་བྱིན་
པས། །ལ་ལས་བྱང་ཆུབ་བསྲུངས་འདི་ཁྱད་པར་འཕགས། །རྒྱལ་བས་གནང་བའི་བྱང་ཆུབ་བསྲུང་བྱ་བ། །བསམ་གྱིས་མི་ཁྱབ་པ་ཡི་ཏིང་འཛིན་འདི། །གང་ཞིག་ཚིག་བཞིའི་ཚིགས་བཅད་བསྲུང་བ་དེའི། །ཚིག་ཀུན་གྱིས་
ནི་བརྗོད་པར་མི་ནུས་སོ། །གང་ཞིག་ཏིང་འཛིན་འདི་བྲིས་འཆང་བྱེད་པ། །དུས་བྱེད་ཚེ་ན་སངས་རྒྱས་ཕལ་ཆེན་མཐོང་། །དེ་ནི་དྲན་ལྡན་གཞར་ཡང་རྨོངས་པ་མེད། །གང་དུ་འདོད་པ་དེར་ནི་སྐྱེ་བ་ལེན། །ཏིང་འཛིན་རྒྱལ་པོ་ལ་
ནི་དགའ་བྱེད་པ། །བྱང་ཆུབ་མ་ཐོབ་བར་དུ་ལུས་བདེ་ཞིང་། །དེ་བཞིན་སེམས་བདེ་མཐོ་རིས་སུ་ཡང་འགྲོ། །འཕགས་དང་ཕྲད་ཅིང་སྡུག་བསྔལ་གཞར་མི་མྱོང་། །རྒྱལ་བ་རྣམས་ཀྱི་མཛོད་ཡིན་འོད་མཐའ་ཡས། །སྒོ་མོ་སྟོང་
ཕྲག་ཁྲི་ལ་འཇུག་པ་དག །སྟོབས་མཆོག་གནས་ཏེ་ངའི་བསྟན་པར་བྱས། །ཏིང་འཛིན་བྱང་ཆུབ་འདི་ལ་སྦྱོར་བར་གྱིས། །ངས་ནི་ཚིག་གིས་བརྗོད་ནུས་དེ་སྙེད་དོ། །ཁྱོད་ཀྱིས་བྱ་བ་དག་ནི་འདི་ཡིན་ཏེ། །ཇི་སྲིད་བར་དུ་དེར་འཇུག་སྦྱོར་
གྱིས་དང་། །ཕྱི་མའི་དུས་ན་གདུངས་པར་མི་འགྱུར་རོ། །ཇི་ལྟར་ལག་ཏུ་འོངས་བཞིན་ངེས་བཤད་དེ། །ལྷག་པའི་བསམ་པས་སྤྱོད་པ་སྦྱོར་གྱིས་ཤིག །བྱམས་པས་བྱ་བ་མང་པོ་ངས་བྱས་པས། །ཕ་ཡིས་བུ་ལ་གདམས་
40-1-19a


པ་བཞིན་དུ་བྱ། །དེ་ནས་བཅོམ་ལྡན་འདས་ཀྱིས་ཏིང་ངེ་འཛིན་འདི་བསྟན་ནས་ཏིང་ངེ་འཛིན་འདི་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ཡང་སྙོམས་པར་ཞུགས་ཏེ་ཏིང་ངེ་
འཛིན་འདི་ཞག་བདུན་དུ་ཆོས་རབ་ཏུ་རྣམ་པར་འབྱེད་པས་རབ་ཏུ་རྣམ་པར་འབྱེད་དོ། །དེ་ནས་ཡངས་པ་ཅན་གྱི་ནང་རོལ་ན་ལིད་ཙ་བྱི་བརྒྱད་ཁྲི་བཞི་སྟོང་དང་ཡངས་པ་ཅན་གྱི་ཕྱི་རོལ་ན་ལིད་ཙ་བི་བརྒྱད་ཁྲི་བཞི་སྟོང་འཁོད་པ་དག་འདི་སྙམ་དུ་
སེམས་པར་གྱུར་ཏེ། སྐྱེ་བོ་མང་པོ་ལ་ཕན་པའི་ཕྱིར་དང་། འཇིག་རྟེན་ལ་ཐུགས་བརྩེ་བའི་ཕྱིར་དང་། ལྷ་དང་མི་རྣམས་ལ་ཕན་པ་དང་། བདེ་བའི་དོན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་འཇིག་རྟེན་དུ་བྱུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ནང་དུ་ཡང་དག་འཇོག་ལ་ཞུགས་པ་དེ་བཞིན་གཤེགས་པའི་ཏིང་ངེ་འཛིན་ལས་བཞེངས་པར་བདག་ཅག་གི་ནང་ནས་སུས་
གསོལ་བ་གདབ་སྙམ་མོ། །དེ་ནས་ནང་རོལ་ན་འཁོད་པའི་ལིད་ཙ་བི་རྣམས་ཚེ་དང་ལྡན་པ་ཤཱ་རིའི་བུ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་ཚེ་ཐུང་བའི་དུས་ན་སངས་རྒྱས་
འབྱུང་བ་ཡང་དཀོན་ལ། དད་པ་ཡང་དཀོན་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉམ་པར་བཞག་པ་དེ་བདག་ཅག་ལ་ཐུགས་བརྩེ་བའི་སླད་དུ་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་དེ་ཏིང་ངེ་འཛིན་དེ་ལས་ལེགས་པར་བཞེངས་སུ་གསོལ་ཅིག །དེ་ནས་ཚེ་དང་ལྡན་པ་ཤཱ་རིའི་བུས་ལིད་ཙ་བི་དེ་དག་ལས་ཚིག་དེ་ཐོས་ནས་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་
འདས་བསམ་གཏན་གྱིས་བསམ་གཏན་དུ་ཞུགས་ཤིང་། ཏིང་ངེ་འཛིན་གྱིས་ཏིང་ངེ་འཛིན་དུ་ཞུགས་པ་དག་བཙལ་ཡོངས་སུ་བཙལ་ཀྱང་དེ་བཞིན་གཤེགས་པའི་གནས་པ་མངོན་པར་མ་རྟོགས་སོ། །དེ་ནས་ཚེ་དང་ལྡན་པ་ཤཱ་རིའི་
40-1-19b


བུ་གནས་བརྟན་མཽད་གལ་གྱི་བུ་ཆེན་པོ་ག་ལ་བ་དེར་སོང་སྟེ། ལིད་ཙ་བི་རྣམས་ཀྱི་བསམ་པ་དང་རང་བཞིན་དེ་ཉིད་སྨྲས་སོ། །དེ་ནས་མཽད་གལ་གྱི་བུ་ཆེན་པོ་རྫུ་འཕྲུལ་གྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་
གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་ནས་དེ་བཞིན་གཤེགས་པ་ཏིང་ངེ་འཛིན་ལས་བཞེངས་པར་གསོལ་བའི་ཕྱིར་ཚངས་པའི་འཇིག་རྟེན་མན་ཆད་དབྱངས་ཀྱིས་གོ་བར་བྱས་ཀྱང་མ་བཞེངས་སོ། །དེ་བཞིན་དུ་ཚེ་དང་ལྡན་པ་ཤཱ་རིའི་བུ་དང་། 
ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། ཀུན་ཤེས་ཀཽཎ་ཌི་ནྱ་དང་། ཚེ་དང་ལྡན་པ་བཟང་པོ་དང་། ལག་བཟངས་དང་། མིང་ཆེན་དང་། བ་ལང་བདག་དང་། སྒྲ་གཅན་འཛིན་དང་། གང་པོ་དང་། རབ་འབྱོར་དང་། ཀཱ་ཏྱཱའི་བུ་
དང་། འོད་སྲུང་དང་། ཀུན་དགའ་བོ་དང་། གང་པོ་ངན་དང་། ཀ་པི་ན་ཆེན་པོ་དང་། ཉེ་བར་འཁོར་དང་། བྱང་ཆུབ་སེམས་དཔའ་བྱམས་པ་ཡང་བྱང་ཆུབ་སེམས་དཔའ་ལྔ་སྟོང་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་ལྷགས་ཏེ། 
བཅོམ་ལྡན་འདས་ལ་འཁོར་བར་བསྐོར་ནས་རང་རང་གི་སྟན་ལ་འཁོད་དོ། །རྒྱལ་པོ་ཆེན་པོ་བཞི་རྣམས་དང་། ལྷའི་དབང་པོ་བརྒྱ་བྱིན་དང་། ཤིན་དུ་འཐབ་བྲལ་དང་། དགའ་ལྡན་དང་།  གཞན་འཕྲུལ་དབང་བྱེད་ཀྱི་ལྷའི་བུ་རྣམས་ཀྱང་འདོད་
པ་ན་སྤྱོད་པའི་ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཉིད་ལ་འདུད་ཅིང་ཕྱོགས་གཅིག་ཏུ་
འཁོད་པར་གྱུར་ཏོ། །ཚངས་པ་དང་། འོད་གསལ་དང་། དགེ་རྒྱས་དང་། འབྲས་བུ་ཆེ་བ་ནས་གནས་གཙང་མའི་རིས་ཀྱི་ལྷའི་བར་དུ་དེ་བཞིན་དུ་སྦྱར་ཏེ། ལྷའི་བུ་དཔག་ཏུ་མེད་པ་དག་དང་ལྷན་ཅིག་ཏུ་བཅོམ་ལྡན་འདས་ཉིད་ལ་འདུད་
ཅིང་ཕྱོགས་གཅིག་ཏུ་འཁོད་པར་གྱུར་ཏོ། །དེའི་ཚེ་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དེ་ཞག་བདུན་དུ་ཡིད་ལ་གཞན་མི་བྱེད་པར་ནང་དུ་ཡང་དག་འཇོག་ལ་ཞུགས་པར་གྱུར་ཏོ། །དེས་ཞག་བདུན་འདས་པ་དང་
40-1-20a


བསམས་དཔྱད་དེ། ནང་དུ་ཡང་དག་འཇོག་ལས་ལངས་ནས་བྱང་ཆུབ་སེམས་དཔའ་ཡོན་ཏན་ལ་དབང་དུ་གྱུར་པ་དག་དང་། འཁོར་གྱི་ཁྱམས་ག་ལ་བ་དེར་དོང་སྟེ་ལྷགས་ནས་ཕྱག་བཙལ་ཏེ། བཅོམ་ལྡན་འདས་ཀྱི་སྤྱན་སྔར་ཐལ་མོ་
སྦྱར་ནས་སྟན་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་མཁྱེན་བཞིན་དུ་བཞེངས་ཏེ་ཐམས་ཅད་དང་ལྡན་པའི་འཁོར་ལ་གླང་པོ་ཆེའི་བལྟ་སྟངས་ཀྱིས་གཟིགས་ནས་ཅང་མི་གསུང་བར་བཞུགས་པར་གྱུར་ཏོ། །དེ་
ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཆོས་ཀྱི་བཀའ་མཆིད་འབེལ་བ་བཀའ་སྩལ་བའི་དུས་ལ་བབ་སྟེ། དེ་ལྟ་ལགས་པས། 
གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་
མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་ཞུས་ཤིག་དང་ངས་ཞུ་བ་ཞུས་པ་དེ་དང་དེ་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་
ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ན་བདག་གཅིག་པུ་དབེན་པར་ཞུགས་ཏེ། ནང་དུ་ཡང་དག་འཇོག་ལ་ཞུགས་
པ་ན་འདི་སྙམ་དུ་གང་དག་བྱང་ཆུབ་སེམས་དཔའ་འདི་དག་བྱང་ཆུབ་ཀྱི་དོན་དུ་ཡང་དག་པར་འགྲུབ་པར་འགྱུར་བ་དང་། དེ་དག་བྱང་ཆུབ་ཀྱི་དོན་དུ་ཕ་རོལ་ཏུ་ཕྱིན་པ་དག་གིས་དགེ་བའི་རྩ་བ་སོགས་པར་འགྱུར་རོ་སྙམ་བགྱིད་ན། བཅོམ་ལྡན་
འདས་དེ་ལ་ཕ་རོལ་དུ་ཕྱིན་པ་སེམས་ཅན་རྣམས་ལ་ཕན་འདོགས་པ་ཞིག་གམ། ཕ་རོལ་དུ་ཕྱིན་པ་བྱང་ཆུབ་ལ་ཕན་འདོགས་པ་ཞིག་གམ། ཕ་རོལ་དུ་ཕྱིན་པ་ཟག་པ་དང་བཅས་པ་ཞིག་གམ། ཕ་རོལ་དུ་ཕྱིན་པ་ཟག་པ་མེད་པ་ཞིག་
40-1-20b


གམ་ཞེས་དེ་ལྟར་བརྟགས་ཏེ་ཅི་ནས་ཀྱང་ཕ་རོལ་དུ་ཕྱིན་པ་གང་ལ་བྱང་ཆུབ་སེམས་དཔའ་ཡང་དག་པར་འཕེལ་བ་དང་། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཚུལ་ཐོག་མ་དང་བར་དང་། ཐ་མའི་བར་དུ་ལེགས་པར་གཟུང་བ་
བསྐྱེད་པ་དང་། ཐབས་ལ་མཁས་པའི་སྤྱོད་པ་དེ་དག་མཆོག་ཏུ་དགའ་བ་ཆེས་མང་པོ་རབ་ཏུ་ཐོབ་པར་བགྱི་བའི་སླད་དུ། བཅོམ་ལྡན་འདས་ཀྱིས་རྒྱ་ཆེར་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཆོག་ཏུ་དགའ་བའི་རྒྱལ་པོ་ལེགས་སོ་ལེགས་
སོ། །མཆོག་ཏུ་དགའ་བའི་རྒྱལ་པོ་ཁྱོད་གང་གི་ཕྱིར་དེ་བཞིན་གཤེགས་པ་ལ་དོན་འདི་ཉིད་དྲི་བར་སེམས་པ་ཁྱོད་ལེགས་སོ། །དེ་ལྟ་མོད་ཀྱི་ཁྱོད་ཀྱིས་འདས་པའི་སངས་རྒྱས་བྱེ་བ་ཕྲག་དགུ་བཅུ་དག་ལས་ཀྱང་ཞུ་བ་འདི་ཉིད་ཞུས་སོ། །མཆོག་
ཏུ་དགའ་བའི་རྒྱལ་པོ་དེའི་ཕྱིར་ཤིན་དུ་ལེགས་པར་ཉོན་ལ་ཚུལ་བཞིན་དུ་ཡིད་ལ་ཟུང་ཤིག་དང་བཤད་དོ། །བཅོམ་ལྡན་འདས་དེ་ལྟར་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་
སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །སྣང་བར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །འཇིག་རྟེན་གྱི་ཕ་རོལ་དུ་ཕྱིན་པ་དྲུག་ཡོད་དོ། །སེམས་ཅན་
ལ་དམིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །གནས་པའི་ཕ་རོལ་དུ་ཕྱིན་པ་དྲུག་ཡོད་དོ། །འཁོར་བའི་ཕ་རོལ་དུ་ཕྱིན་པ་དྲུག་ཡོད་དོ། །ཀུན་ནས་ཉོན་མོངས་པའི་ཕ་རོལ་དུ་ཕྱིན་པ་དྲུག་ཡོད་དོ། །གཞན་ལ་ཕན་འདོགས་པའི་
ཕ་རོལ་དུ་ཕྱིན་པ་དྲུག་ཡོད་དོ། །གནས་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །བྱང་ཆུབ་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །ཡེ་ཤེས་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །བདག་ལ་ཕན་འདོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །
འཐོབ་པའི་ཕ་རོལ་དུ་ཕྱིན་པ་དྲུག་ཡོད་དོ། །རེ་བའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པ་གསུམ་བལྟ་བའི་ཕ་རོལ་དུ་ཕྱིན་པ་དྲུག་ཡོད་དོ། །ལས་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །ལམ་ཤིན་དུ་སྦྱངས་པའི་ཕ་
40-1-21a


རོལ་དུ་ཕྱིན་པ་དྲུག་ཡོད་དོ། །བརྩོན་པ་མི་འདོར་བའི་ཕ་རོལ་དུ་ཕྱིན་པ་དྲུག་ཡོད་དོ། །རིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །བྱ་བའི་ཕ་རོལ་དུ་ཕྱིན་པ་དྲུག་ཡོད་དོ། །བྱ་བ་མ་ཡིན་པའི་ཕ་རོལ་དུ་ཕྱིན་པ་
དྲུག་ཡོད་དོ། །རློམ་པའི་ཕ་རོལ་དུ་ཕྱིན་པ་དྲུག་ཡོད་དོ། །བརྩམས་པའི་ཕ་རོལ་དུ་ཕྱིན་པ་དྲུག་ཡོད་དོ། །དགེ་བའི་ཕ་རོལ་དུ་ཕྱིན་པ་དྲུག་ཡོད་དོ། །རྣོ་བའི་ཕ་རོལ་དུ་ཕྱིན་པ་དྲུག་ཡོད་དོ། །ཟབ་པའི་ཕ་རོལ་དུ་ཕྱིན་པ་
དྲུག་ཡོད་དོ། །སྣ་ཚོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །བཀོད་པའི་ཕ་རོལ་དུ་ཕྱིན་པ་དྲུག་ཡོད་དོ། །ཐུབ་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །སེམས་ཅན་ལ་དམིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ཆོས་
ལ་དམིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ཞི་གནས་ལ་དམིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ལྷག་མཐོང་ལ་དམིགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ཐམས་ཅད་པའི་ཕ་རོལ་དུ་ཕྱིན་པ་དྲུག་ཡོད་དོ། །ཕྱོགས་གཅིག་
པའི་ཕ་རོལ་དུ་ཕྱིན་པ་དྲུག་ཡོད་དོ། །ཉམས་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །བཅོས་མ་མ་ཡིན་པའི་ཕ་རོལ་དུ་ཕྱིན་པ་དྲུག་ཡོད་དོ། །དབུལ་པོ་མ་ཡིན་པའི་ཕ་རོལ་དུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་དུ་ཕྱིན་པ་དྲུག་
ཡོད་དོ། །རྣམ་པར་བསྒྲུབས་པའི་ཕ་རོལ་དུ་ཕྱིན་པ་དྲུག་ཡོད་དོ། །དག་པའི་ཕ་རོལ་དུ་ཕྱིན་པ་དྲུག་ཡོད་དོ། །བརྟན་པའི་ཕ་རོལ་དུ་ཕྱིན་པ་དྲུག་ཡོད་དོ། །བརྟུན་པའི་ཕ་རོལ་དུ་ཕྱིན་པ་དྲུག་ཡོད་དོ། །ངོམས་པའི་ཕ་རོལ་དུ་ཕྱིན་པ་དྲུག་ཡོད་དོ། །
འཇིག་རྟེན་པའི་ཕ་རོལ་དུ་ཕྱིན་པ་དྲུག་ཡོད་དོ། །འཇིག་རྟེན་ལས་འདས་པའི་ཕ་རོལ་དུ་ཕྱིན་པ་དྲུག་ཡོད་དོ། །བླ་ན་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །གཡེང་བ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །མི་འཁོར་བའི་ཕ་རོལ་དུ་ཕྱིན་པ་
དྲུག་ཡོད་དོ། །འཁོར་བའི་ཕ་རོལ་དུ་ཕྱིན་པ་དྲུག་ཡོད་དོ། །ཐུན་མོང་བའི་ཕ་རོལ་དུ་ཕྱིན་པ་དྲུག་ཡོད་དོ། །ཐུན་མོང་མ་ཡིན་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་འགེད་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མེད་པའི་ཕ་
40-1-21b


རོལ་དུ་ཕྱིན་པ་དྲུག་ཡོད་དོ། །ངོ་བོ་ཉིད་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །དངོས་པོ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །རྒྱ་ཆེ་བའི་ཕ་རོལ་དུ་ཕྱིན་པ་དྲུག་ཡོད་དོ། །རྒྱས་པའི་ཕ་རོལ་དུ་ཕྱིན་པ་དྲུག་ཡོད་དོ། །མཐའ་ཡས་པའི་
ཕ་རོལ་དུ་ཕྱིན་པ་དྲུག་ཡོད་དོ། །ཚོལ་བའི་ཕ་རོལ་དུ་ཕྱིན་པ་དྲུག་ཡོད་དོ། །རྒལ་བའི་ཕ་རོལ་དུ་ཕྱིན་པ་དྲུག་ཡོད་དོ། །མངོན་པར་དགའ་བའི་ཕ་རོལ་དུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་དུ་ཕྱིན་པ་དྲུག་ཡོད་
དོ། །ཐོས་པ་འཛིན་པའི་ཕ་རོལ་དུ་ཕྱིན་པ་དྲུག་ཡོད་དོ། །འཁོར་བར་ཡུན་རིང་བའི་ཕ་རོལ་དུ་ཕྱིན་པ་དྲུག་ཡོད་དོ། །རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཕ་རོལ་
དུ་ཕྱིན་པ་དྲུག་ཡོད་དོ། །བསམ་གཏན་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །མངོན་པར་ཤེས་པའི་ཕ་རོལ་དུ་ཕྱིན་པ་དྲུག་ཡོད་དོ། །འཇིག་རྟེན་པའི་བཟོའི་གནས་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །བྱམས་པས་
ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །སྙིང་རྗེས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །དགའ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །བཏང་སྙོམས་ཀྱིས་ཡོངས་སུ་བསྔོས་པའི་ཕ་
རོལ་དུ་ཕྱིན་པ་དྲུག་ཡོད་དོ། །ལོག་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །ཡང་དག་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །གནས་པར་ལྟ་བས་ཡོངས་སུ་བསྔོས་པའི་
ཕ་རོལ་དུ་ཕྱིན་པ་དྲུག་ཡོད་དོ། །མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །གནས་མེད་པས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་ཡོད་དོ། །ང་རྒྱལ་གྱི་ཕ་རོལ་དུ་ཕྱིན་པ་དྲུག་ཡོད་
དོ། །བཟོད་པའི་ཕ་རོལ་དུ་ཕྱིན་པ་དྲུག་ཡོད་དོ། །ཕན་འདོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ཕན་མི་འདོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་དུ་ཕྱིན་པ་དྲུག་ཡོད་དོ། །
40-1-22a


ལྷག་མ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །རིག་པའི་ཕ་རོལ་དུ་ཕྱིན་པ་དྲུག་ཡོད་དོ། །རིག་པའི་ཁྱད་པར་ལ་གནས་པའི་ཕ་རོལ་དུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་
ཕུན་སུམ་ཚོགས་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །དྲན་པ་ཉམས་པ་མེད་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །སངས་རྒྱས་འབྱུང་བ་རབ་དུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་དུ་ཕྱིན་པ་དྲུག་ཡོད་དོ། །ངེས་
པར་འབྱུང་བ་བསྒྲུབ་པའི་ཕ་རོལ་དུ་ཕྱིན་པ་དྲུག་ཡོད་དོ། །མང་དུ་ཐོས་པ་བསྒྲུབ་པའི་ཕ་རོལ་དུ་ཕྱིན་པ་དྲུག་ཡོད་དོ། །རབ་ཏུ་བྱུང་བའི་ངང་ཚུལ་རྒྱུན་མི་ཆད་པའི་ཕ་རོལ་དུ་ཕྱིན་པ་དྲུག་ཡོད་དོ། །མངོན་པར་ཤེས་པ་ལ་གནས་པའི་ཕ་རོལ་དུ་ཕྱིན་
པ་དྲུག་ཡོད་དོ། །མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །ལུས་འདོད་པའི་ཕ་རོལ་དུ་ཕྱིན་པ་དྲུག་ཡོད་དོ། །གནས་པའི་ཕ་རོལ་དུ་ཕྱིན་པ་དྲུག་ཡོད་དོ། །ལྡན་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མང་པོ་
ཡི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་སྨིན་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །མངོན་པར་དགའ་བ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་ཡོད་དོ། །འོད་ཀྱི་ཕ་རོལ་
དུ་ཕྱིན་པ་དྲུག་ཡོད་དོ། །འོད་མཐའ་ཡས་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་སྨིན་པ་བདེ་བའི་ཕ་རོལ་དུ་ཕྱིན་པ་དྲུག་ཡོད་དོ། །ཕྱིར་མི་ལྡོག་པའི་ཕ་རོལ་དུ་ཕྱིན་པ་དྲུག་ཡོད་དོ། །དགའ་བའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་དག་
པའི་ཕ་རོལ་དུ་ཕྱིན་པ་དྲུག་ཡོད་དོ། །འཇིག་རྟེན་པའི་ཆོས་ལས་འདས་པའི་ཕ་རོལ་དུ་ཕྱིན་པ་དྲུག་ཡོད་དོ། །སྐྱེ་བ་བཀོད་པའི་ཕ་རོལ་དུ་ཕྱིན་པ་དྲུག་ཡོད་དོ། །རིགས་ཕུན་སུམ་ཚོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །འཁོར་ཕུན་སུམ་ཚོགས་
པ་སྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་སྨིན་པ་དག་པ་བསྐྱེད་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །ཕྱོགས་རྣམ་པར་ལྟ་བའི་ཕ་རོལ་དུ་ཕྱིན་
40-1-22b


པ་དྲུག་ཡོད་དོ། །ཡོངས་སུ་ཤེས་པ་ཡོངས་སུ་བསྒྲགས་པའི་ཕ་རོལ་དུ་ཕྱིན་པ་དྲུག་ཡོད་དོ། །བག་ཡོད་པའི་ཕ་རོལ་དུ་ཕྱིན་པ་དྲུག་ཡོད་དོ། །རྫི་བ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །མྱ་ངན་ལས་འདས་པའི་ཕ་རོལ་དུ་ཕྱིན་པ་དྲུག་ཡོད་དོ། །
དབང་ཆེ་བར་གྲགས་པའི་ཕ་རོལ་དུ་ཕྱིན་པ་དྲུག་ཡོད་དོ། །སྐུལ་བའི་ཕ་རོལ་དུ་ཕྱིན་པ་དྲུག་ཡོད་དོ། །བརྗེད་ངས་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །མཚན་སུམ་བཅུ་རྩ་གཉིས་དང་དཔེ་བྱད་རྣམས་ཕན་ཚུན་འབྲེལ་བའི་ཕ་རོལ་དུ་
ཕྱིན་པ་དྲུག་ཡོད་དོ། །མངོན་པར་འབྱུང་བའི་ཕ་རོལ་དུ་ཕྱིན་པ་དྲུག་ཡོད་དོ། །དུས་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །དུས་ཤེས་པའི་ཕ་རོལ་དུ་ཕྱིན་པ་དྲུག་ཡོད་དོ། །རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་ཡོད་དོ། །འཇིག་རྟེན་དང་མཐུན་
པར་འཇུག་པའི་ཕ་རོལ་དུ་ཕྱིན་པ་དྲུག་ཡོད་དོ། །རྟོགས་པའི་ཕ་རོལ་དུ་ཕྱིན་པ་དྲུག་ཡོད་དོ། །སྤོང་བའི་ཕ་རོལ་དུ་ཕྱིན་པ་དྲུག་ཡོད་དོ། །རྡོ་རྗེ་ལྟ་བུའི་ཕ་རོལ་དུ་ཕྱིན་པ་དྲུག་ཡོད་དོ། །མུན་པ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །ཟིལ་ཀྱི་
མི་ནོན་པའི་ཕ་རོལ་དུ་ཕྱིན་པ་དྲུག་ཡོད་དོ། །བདུད་ཀྱི་དཔུང་འཇོམས་པའི་ཕ་རོལ་དུ་ཕྱིན་པ་དྲུག་ཡོད་དོ། །གཡོ་བ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །སྐད་ཅིག་གཅིག་དང་ལྡན་པའི་ཕ་རོལ་དུ་ཕྱིན་པ་དྲུག་ཡོད་དོ། །མཉམ་པར་མ་བཞག་པའི་
ཕ་རོལ་དུ་ཕྱིན་པ་དྲུག་ཡོད་དོ། །མཉམ་པར་བཞག་པའི་ཕ་རོལ་དུ་ཕྱིན་པ་དྲུག་ཡོད་དོ། །ཡོངས་སུ་སྨིན་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །སངས་རྒྱས་ཀྱི་ཕ་རོལ་དུ་ཕྱིན་པ་དྲུག་ཡོད་དོ། །ཐམས་ཅད་མཁྱེན་པ་ཉིད་ཀྱི་ཕ་རོལ་དུ་
ཕྱིན་པ་དྲུག་ཡོད་དོ། །ལྷག་མ་མེད་པའི་ཕ་རོལ་དུ་ཕྱིན་པ་དྲུག་ཡོད་དོ། །ལྷག་མ་དང་བཅས་པའི་ཕ་རོལ་དུ་ཕྱིན་པ་དྲུག་ཡོད་དོ། །དང་དུ་ལེན་པའི་ཕ་རོལ་དུ་ཕྱིན་པ་དྲུག་ཡོད་དོ། །རྟོགས་པར་བྱེད་པའི་ཕ་རོལ་དུ་ཕྱིན་པ་དྲུག་ཡོད་དོ། །རྒྱ་
ཆེ་བའི་ཕ་རོལ་དུ་ཕྱིན་པ་དྲུག་ཡོད་དོ། །ཡིད་བྱུང་བའི་ཕ་རོལ་དུ་ཕྱིན་པ་དྲུག་ཡོད་དོ། །གཞན་ལ་དགེ་བའི་ཕ་རོལ་དུ་ཕྱིན་པ་དྲུག་ཡོད་དོ། །གཞན་གྱི་ཕ་རོལ་དུ་ཕྱིན་པ་དྲུག་ཡོད་དོ། །དེ་བཞིན་དུ་སྦྱར་ཏེ། ཡང་དག་པར་སྤོང་བ་རེ་རེའི་
40-1-23a


ཕ་རོལ་དུ་ཕྱིན་པ་དྲུག་དྲུག་གོ། །རྫུ་འཕྲུལ་གྱི་རྐང་པ་བཞི་པོ་རེ་རེའི་ཡང་ཕ་རོལ་དུ་ཕྱིན་པ་དྲུག་དྲུག་གོ། །བསམ་གཏན་བཞི་པོ་དག་གི་ཡང་དྲུག་དྲུག་གོ། །དྲན་པ་ཉེ་བར་གཞག་པ་བཞི་པོ་དག་གི་ཡང་དྲུག་དྲུག་གོ། །བདེན་པ་བཞི་པོ་
དག་གི་ཡང་དྲུག་དྲུག་གོ། །དབང་པོ་ལྔ་པོ་རེ་རེའི་ཡང་ཕ་རོལ་དུ་ཕྱིན་པ་དྲུག་དྲུག་གོ། །སྟོབས་ལྔ་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །བྱང་ཆུབ་ཀྱི་ཡན་ལག་བདུན་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །འཕགས་པའི་ལམ་ཡན་
ལག་བརྒྱད་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །ཞི་གནས་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །ལྷག་མཐོང་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །རིག་པ་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །རྣམ་པར་གྲོལ་བ་
བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དགེ་སློང་གིས་འཁོར་ཉེ་བར་འོང་བ་སྒྲུབ་པའི་ཕ་རོལ་དུ་ཕྱིན་པ་དྲུག་གོ། །སོ་སོ་ཡང་དག་པར་རིག་པ་བཞི་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །ཡོངས་སུ་སྐྱོ་བ་མེད་པའི་ཕ་རོལ་དུ་ཕྱིན་པ་དྲུག་གོ། །
སྦྱིན་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །ཚུལ་ཁྲིམས་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །བཟོད་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །བརྩོན་འགྲུས་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །
བསམ་གཏན་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །ཤེས་རབ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །མིག་དང་། རྣ་བ་དང་། སྣ་དང་། ལྕེ་དང་། ལུས་དང་། སེམས་ཀྱི་ཕ་རོལ་དུ་ཕྱིན་པ་དྲུག་གོ། །གཞན་ལ་ཕན་པར་
ཡོངས་སུ་བསྔོས་པའི་ཟང་ཟིང་གི་ཕ་རོལ་དུ་ཕྱིན་པ་དྲུག་གོ། །བདག་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་དུ་ཕྱིན་པ་དྲུག་གོ། །ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དོན་གྱི་ཕ་རོལ་དུ་ཕྱིན་པ་དྲུག་གོ། །རྟོགས་པའི་ཕ་རོལ་དུ་ཕྱིན་པ་
དྲུག་གོ། །སྤྲོ་བའི་ཕ་རོལ་དུ་ཕྱིན་པ་དྲུག་གོ། །སྟོང་པ་ཉིད་ཀྱི་ཕ་རོལ་དུ་ཕྱིན་པ་དྲུག་གོ། །མཚན་མ་མེད་པའི་ཕ་རོལ་དུ་ཕྱིན་པ་དྲུག་གོ། །སྨོན་པ་མེད་པའི་ཕ་རོལ་དུ་ཕྱིན་པ་དྲུག་གོ། །གཞན་གྱི་ཕ་རོལ་དུ་ཕྱིན་པ་དྲུག་གོ། །རྣམ་པར་སྨིན་པ་
40-1-23b


གཞན་གྱི་ཕ་རོལ་དུ་ཕྱིན་པ་དྲུག་གོ། །སྦྱོར་བའི་ཕ་རོལ་དུ་ཕྱིན་པ་དྲུག་གོ། །དེ་བཞིན་གཤེགས་པའི་སྟོབས་བཅུ་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །མི་འཇིགས་པ་བཞི་པོ་དག་གི་ཡང་ཕ་རོལ་དུ་ཕྱིན་པ་དྲུག་དྲུག་གོ། །སྙིང་རྗེ་ཆེན་
པོའི་ཕ་རོལ་དུ་ཕྱིན་པ་དྲུག་གོ། །ཤའི་སྤྱན་གྱི་ཕ་རོལ་དུ་ཕྱིན་པ་དྲུག་གོ། །ལྷའི་སྤྱན་གྱི་ཕ་རོལ་དུ་ཕྱིན་པ་དྲུག་གོ། །ཤེས་རབ་ཀྱི་སྤྱན་གྱི་ཕ་རོལ་དུ་ཕྱིན་པ་དྲུག་གོ། །ཆོས་ཀྱི་སྤྱན་གྱི་ཕ་རོལ་དུ་ཕྱིན་པ་དྲུག་གོ། །སངས་རྒྱས་ཀྱི་སྤྱན་གྱི་
ཕ་རོལ་དུ་ཕྱིན་པ་དྲུག་གོ། །རང་བྱུང་གི་ཕ་རོལ་དུ་ཕྱིན་པ་དྲུག་གོ། །རྣམ་པར་རོལ་པའི་ཕ་རོལ་དུ་ཕྱིན་པ་དྲུག་གོ། །གཏིང་དཔག་དཀའ་བའི་ཕ་རོལ་དུ་ཕྱིན་པ་དྲུག་གོ། །སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་པོ་རེ་རེའི་ཕ་རོལ་དུ་ཕྱིན་པ་
དྲུག་དྲུག་གོ། །མཁས་པའི་ཕ་རོལ་དུ་ཕྱིན་པ་དྲུག་གོ། །ཇི་ལྟ་བ་བཞིན་གྱི་ཕ་རོལ་དུ་ཕྱིན་པ་དྲུག་གོ། །རང་བཞིན་མཐོང་བའི་ཕ་རོལ་དུ་ཕྱིན་པ་དྲུག་གོ། །འདོད་པ་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གོ། །གཟུགས་ན་སྤྱོད་པའི་ལས་
ཀྱི་ཕ་རོལ་དུ་ཕྱིན་པ་དྲུག་གོ། །གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གོ། །དཀར་པོ་རྣམ་པར་མཐོང་བའི་སའི་ཕ་རོལ་དུ་ཕྱིན་པ་དྲུག་གོ། །རིགས་ཀྱི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །བརྒྱད་པའི་ཆོས་ཀྱི་ཕ་རོལ་དུ་ཕྱིན་པ་
དྲུག་གོ། །རྒྱུན་དུ་ཞུགས་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །ལན་ཅིག་ཕྱིར་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །ཕྱིར་མི་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དགྲ་བཅོམ་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །རང་སངས་རྒྱས་
ཀྱི་ཕ་རོལ་དུ་ཕྱིན་པ་དྲུག་གོ། །བྱང་ཆུབ་སེམས་དཔའི་ཕ་རོལ་དུ་ཕྱིན་པ་དྲུག་གོ། །ཟད་པ་ཤེས་པས་རབ་ཏུ་ཕྱེ་བའི་ཕ་རོལ་དུ་ཕྱིན་པ་དྲུག་གོ། །མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་དུ་ཕྱིན་པ་དྲུག་གོ། །བྱིན་གྱི་རླབས་ཀྱི་ཕ་རོལ་དུ་ཕྱིན་
པ་དྲུག་གོ། །དམ་པའི་ཆོས་གནས་པའི་ཕ་རོལ་དུ་ཕྱིན་པ་དྲུག་གོ། །མངོན་པར་ཤེས་པའི་ཕ་རོལ་དུ་ཕྱིན་པ་དྲུག་གོ། །སྤྱོད་ལམ་གྱི་ཕ་རོལ་དུ་ཕྱིན་པ་དྲུག་གོ། །ཕན་པར་འདོད་པའི་ཕ་རོལ་དུ་ཕྱིན་པ་དྲུག་གོ། །ཉོན་མོངས་པ་མེད་པའི་ཕ་
40-1-24a


རོལ་དུ་ཕྱིན་པ་དྲུག་གོ། །སྤངས་པའི་ཕ་རོལ་དུ་ཕྱིན་པ་དྲུག་གོ། །ཚེའི་འདུ་བྱེད་འདོར་བ་ལ་དབང་བསྒྱུར་བའི་ཕ་རོལ་དུ་ཕྱིན་པ་དྲུག་གོ། །མྱ་ངན་ལས་འདས་པའི་ཕ་རོལ་དུ་ཕྱིན་པ་དྲུག་གོ། །ཆོ་འཕྲུལ་གྱི་ཕ་རོལ་དུ་ཕྱིན་པ་
དྲུག་གོ། །བསྟན་པ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གོ། །རིང་བསྲེལ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གོ། །མཆོག་ཏུ་དགའ་བའི་རྒྱལ་པོ་དེ་ལྟ་བས་ན་བྱང་ཆུབ་སེམས་དཔའ་ནི་ཕ་རོལ་དུ་ཕྱིན་པ་བརྒྱ་ཉི་ཤུ་རྩ་གཅིག་པོའི་
བསམ་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་ཁྱད་པར་ཅན་ཉིད་འཐོབ་པར་འགྱུར་རོ། །མཚུངས་པ་མེད་པ་ཉིད་འཐོབ་པར་འགྱུར་རོ། །གཞན་ལ་རག་མ་ལས་པའི་ཤེས་པ་ཉིད་ཐོབ་པར་འགྱུར་རོ། །
འདུས་བྱས་ཐམས་ཅད་ཟིལ་གྱིས་ཀྱང་གནོན་ལ་སྲིད་པ་ཡང་ཡང་དག་པར་འགྲུབ་པར་བྱེད་དོ། །ཐེ་ཙོམ་ཐམས་ཅད་གཅོད་པ་ཡང་དག་པར་འགྲུབ་པར་འགྱུར་རོ། །ཐམས་ཅད་མཁྱེན་པ་ཉིད་འཐོབ་པ་ཡང་དག་པར་འགྲུབ་པར་འགྱུར་རོ། །
དེས་ཕ་རོལ་དུ་ཕྱིན་པ་འདི་དག་ཡོངས་སུ་རྫོགས་པར་བྱས་པས་ཏིང་ངེ་འཛིན་བརྒྱད་ཁྲི་བཞི་སྟོང་དག་འཐོབ་པར་འགྱུར་རོ། །གཟུངས་ཀྱི་སྒོ་མོ་བརྒྱད་ཁྲི་བཞི་སྟོང་དག་བསྒྲུབ་པར་འགྱུར་རོ། །སངས་རྒྱས་ཀྱི་རྣམ་པར་རོལ་པ་ལྔ་བརྒྱ་དག་བསྒྲུབ་
པར་འགྱུར་རོ། །སེམས་ཅན་ཐམས་ཅད་ཀྱི་སྤྱོད་པའི་ཡུལ་ལ་མཁས་པ་ཉིད་དུ་འགྱུར་རོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་ཀྱིས་སངས་རྒྱས་ཀྱི་ཡུལ་ངེས་པར་སྟོན་པ་ཞེས་བགྱི་བའི་ཆོས་ཀྱི་རྣམ་གྲངས་འདི་མདོར་བསྡུས་ཏེ་བཀའ་སྩལ་གྱི་དོན་རྒྱས་པར་ཕྱེ་སྟེ་མ་གསུངས་པས་བདག་གིས་མ་འཚལ་ཏོ། །དེ་ལྟ་ལགས་པས། བཅོམ་
ལྡན་འདས་ཀྱིས་སྐྱེ་བོ་མང་པོ་ལ་ཕན་པའི་ཕྱིར་དང་། སྐྱེ་བོ་མང་པོ་ལ་བདེ་བའི་ཕྱིར་དང་། སྐྱེ་བོ་མང་པོ་ལ་ཐུགས་བརྩེ་བའི་ཕྱིར་དང་། ལྷ་དང་མི་རྣམས་ཀྱི་དོན་དང་། ཕན་པ་དང་བདེ་བར་འགྱུར་བ་དེ་རྒྱ་ཆེར་ལེགས་པར་བཤད་དུ་
40-1-24b


གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ་དེའི་ཕྱིར་ལེགས་པར་རབ་དུ་ཉོན་ལ་ཡིད་ལ་
ཟུང་ཤིག་དང་རྒྱ་ཆེར་བཤད་དོ། །བཅོམ་ལྡན་འདས་དེ་ལྟར་འཚལ་ལོ་ཞེས་ནས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །མཆོག་
ཏུ་དགའ་བའི་རྒྱལ་པོ་དེ་ལ་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་སེམས་མ་བསྐྱེད་པ་བྱང་ཆུབ་ཀྱི་ཕྱིར་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། 
ཤེས་རབ་ལ་དགའ་བའི་ངོ་བོ་ཡིན་ཡང་སྔོན་ཡང་དག་པར་རྫོགས་པའི་སངས་རྒྱས་དང་སེམས་ཅན་གཞན་སུ་ཡང་རུང་བ་དག་ལ་བྱང་ཆུབ་ཅེས་རབ་ཏུ་བརྗོད་པར་མི་བྱེད་ཅིང་སྨོན་པའི་སེམས་ཡོད་པ་གང་ཡིན་པ་དེ་ནི་ཡོངས་སུ་སྦྱོང་བར་
བྱེད་པའི་ཕ་རོལ་དུ་ཕྱིན་པ་དྲུག་ཅེས་བྱའོ། །དེ་ལ་སྣང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཕ་རོལ་དུ་ཕྱིན་པའི་ཆོས་དང་། བྱང་ཆུབ་ཏུ་སེམས་བསྐྱེད་པས་བྱང་ཆུབ་དུ་སེམས་སྐྱེ་བ་སྦྱིན་པ་སྔོན་དུ་འགྲོ་བ་འམ། ཚུལ་ཁྲིམས་
སྔོན་དུ་འགྲོ་བ་འམ། བཟོད་པ་སྔོན་དུ་འགྲོ་བ་འམ། བརྩོན་འགྲུས་སྔོན་དུ་འགྲོ་བ་འམ། བསམ་གཏན་སྔོན་དུ་འགྲོ་བ་འམ། ཤེས་རབ་སྔོན་དུ་འགྲོ་བ་ཞིག་གམ་ཞེས་བདག་ཉིད་དཔྱོད་པར་བྱེད་པ་གང་ཡིན་པ་དེ་ནི་སྣང་བར་བྱེད་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་ལ་དམིགས་པའི་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་གང་
ཡིན་པ་འདི་དག་ནི་འཇིག་རྟེན་གྱི་ཕ་རོལ་དུ་ཕྱིན་པ་དྲུག་ཅེས་བྱའོ། །དེ་ལ་སེམས་ཅན་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་རྣམས་སྦྱིན་པས་བསྡུད་པར་བྱེད་པ་ན། བྱང་ཆུབ་ཀྱི་ཕྱིར་གདམས་ངག་མི་སྟོན་པར་སེམས་
40-1-25a


ཅན་འདི་དག་བདེ་བར་གྱུར་ཅིག་པ་དེ་ནི་སེམས་ཅན་ལ་དམིགས་པའི་སྦྱིན་པའི་ཕ་རོལ་དུ་ཕྱིན་པའོ། །ཚུལ་ཁྲིམས་ཀྱིས་སེམས་ཅན་བདེ་བར་བྱེད་པ་དེ་ནི་སེམས་ཅན་ལ་དམིགས་པའི་ཚུལ་ཁྲིམས་སོ། །སྟོང་པ་ཉིད་ཤེས་
པ་མེད་པར་སེམས་ཅན་ཐམས་ཅད་ལ་བཟོད་པར་བྱེད་པ་དེ་ནི་སེམས་ཅན་ལ་དམིགས་པའི་བཟོད་པའོ། །སེམས་ཅན་རྣམས་རྣམ་པར་གྲོལ་བར་བྱ་བའི་ཕྱིར་བརྩོན་འགྲུས་རྩོམ་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་
སོ། །སེམས་ལ་འཛིན་པ་མེད་པར་བྱ་བའི་ཕྱིར་བདག་ཏུ་དམིགས་པའི་བསམ་གཏན་སེམས་ལ་འཛིན་པ་མེད་པ་དེ་ནི་སེམས་ཅན་ལ་དམིགས་པའི་བསམ་གཏན་ནོ། །དམིགས་པའི་འདུ་ཤེས་དང་ལྡན་པའི་ཤེས་རབ་ཀྱིས་
སེམས་ཅན་རྣམས་བསྐྱབ་པའི་ཕྱིར། བྱང་ཆུབ་ཏུ་ཡོངས་སུ་བསྔོ་ཞིང་བྱང་ཆུབ་མངོན་པར་རྫོགས་པར་སངས་རྒྱས་པར་བྱ་བ་གང་ཡིན་པ་དེ་ནི་སེམས་ཅན་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གནས་པའི་ཕ་རོལ་དུ་
ཕྱིན་པ་དྲུག་གང་ཞེ་ན། ཡི་དམ་ལ་བརྟན་པ་ལྷག་པའི་བསམ་པས་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་བྱང་ཆུབ་ཀྱི་ཕྱིར་གནས་པའི་སྦྱིན་པའི་ཕ་རོལ་དུ་ཕྱིན་པའོ། །རྟོག་པ་མེད་པའི་ཚུལ་ཁྲིམས་བྱང་ཆུབ་ཀྱི་
ཕྱིར་ཡོངས་སུ་བསྔོ་ཞིང་བཅབས་པ་མེད་པ་དེ་ནི་བྱང་ཆུབ་ཀྱི་ཕྱིར་གནས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ནམ་བྱང་ཆུབ་ཀྱི་བར་དུ་སྡུག་བསྔལ་ཐམས་ཅད་བཟོད་པ་བརྟན་པར་སྨོན་པ་དེ་ནི་བྱང་ཆུབ་ཀྱི་ཕྱིར་གནས་པའི་བཟོད་པའི་
ཕ་རོལ་དུ་ཕྱིན་པའོ། །ནམ་ཐམས་ཅད་མཁྱེན་པ་ཉིད་མ་ཐོབ་ཀྱི་བར་དུ་བསྐལ་པ་གྲངས་མེད་པའི་བར་དུ་སྤྱོད་པ་རྒྱུན་མ་བཅད་པ་དེ་ནི་བྱང་ཆུབ་ཀྱི་ཕྱིར་གནས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དམིགས་སུ་མེད་པས་རབ་ཏུ་ཕྱེ་བ་བསམ་
གཏན་གྱི་ཕ་རོལ་དུ་ཕྱིན་པ་ཆོས་ཀྱི་འདུ་ཤེས་རབ་ཏུ་ཕྱེ་བ་མ་ཡིན་ཞིང་བྱང་ཆུབ་ཁོང་དུ་ཆུད་པ་དེ་ནི་བྱང་ཆུབ་ཀྱི་ཕྱིར་གནས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ནམ་བྱང་ཆུབ་ཀྱི་བར་དུ་ཆོས་ཐམས་ཅད་ལ་བསམ་གྱིས་མི་ཁྱབ་པ་དང་བརྟག་
40-1-25b


ཏུ་མེད་པས་རབ་ཏུ་ཕྱེ་བ་ཇི་ལྟ་བ་བཞིན་མངོན་པར་རྟོགས་པ་དེ་ནི་བྱང་ཆུབ་ཀྱི་ཕྱིར་གནས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གནས་པའི་ཕ་རོལ་དུ་ཕྱིན་པ་དྲུག་ཅེས་བྱའོ། །དེ་ལ་འཁོར་བའི་ཕ་རོལ་དུ་ཕྱིན་པ་དྲུག་གང་ཞེ་ན། 
ནམ་བྱང་ཆུབ་ཀྱི་བར་དུ་འཁོར་བ་ན་ལོངས་སྤྱོད་ཆེན་པོ་འཐོབ་པའི་སྦྱིན་པའི་ཕ་རོལ་དུ་ཕྱིན་པ་ཟད་པར་མི་འགྱུར་བ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །ཚེའི་ཚད་ཡོངས་སུ་རྫོགས་པའི་བར་
དུ་འཁོར་བ་ན་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །གནོད་སེམས་མེད་པར་ཕ་རོལ་ལ་སྙིང་བརྩེ་བའི་སྤྱོད་པས་ཉེ་བར་གནས་པ་གང་ཡིན་པ་དེ་ནི་འཁོར་བར་ཡོངས་སུ་
བསྔོས་པའི་བཟོད་པའི་ཕ་རོལ་དུ་ཕྱིན་པའོ། །བསྐལ་པ་གྲངས་མེད་པར་སྐྱོ་བ་མེད་པས་དགེ་བའི་ཆོས་རྣམས་ལ་སྦྱོར་བ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྐྱེ་བ་ལ་དམིག་
པའི་བསམ་གཏན་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཕ་རོལ་དུ་ཕྱིན་པ་འདི་དག་ལྷག་པར་མཐོང་བའི་ཆེད་དུ་བྱང་ཆུབ་ཏུ་ཡོངས་སུ་བསྔོ་བ་དང་། ལས་ཀྱི་གནས་དང་། བཟོའི་
གནས་ཐམས་ཅད་ལ་ཇི་ལྟ་བ་བཞིན་ཤེས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །དེ་ལ་ཀུན་ནས་ཉོན་མོངས་པའི་ཕ་རོལ་དུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་སྔོན་དུ་བཏང་
སྟེ། སེམས་ཅན་རྣམས་ཡོངས་སུ་སྨིན་པར་བྱེད་པ་ནི་དཔེར་ན་སེང་གེའི་རྒྱལ་པོའི་བུས་ཆུང་མ་སྟོང་ཕྲག་བརྒྱད་བཅུ་རྩ་བཞི་པོ་རྣམས། ནམ་ཐམས་ཅད་མཁྱེན་པ་ཉིད་ཀྱི་བྱང་ཆུབ་ལ་མ་བཀོད་ཀྱི་བར་དུ་སྐྱབས་གསུམ་དུ་འགྲོ་ཞིང་མིའི་གནས་ན་
འཁོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་སྦྱིན་པའི་ཕ་རོལ་དུ་ཕྱིན་པའོ། །དཔེར་ན་རྭ་གཅིག་པའི་རྫིང་བུར་སེམས་ཅན་ལ་དམིགས་པའི་ཚུལ་ཁྲིམས་འདི་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་ཀུན་
40-1-26a


ནས་ཉོན་མོངས་པ་ལ་དམིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཕ་རོལ་དང་མཐུན་པར་བྱ་བའི་ཕྱིར་འདོད་པའི་ཡོན་ཏན་ལ་མི་སྨོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བཟོད་པའི་ཕ་
རོལ་དུ་ཕྱིན་པའོ། །བརྩོན་འགྲུས་ཀྱིས་ཕ་རོལ་སྐྲག་པར་བྱེད་དེ། དཔེར་ན་ཀུ་ཤའི་རྒྱལ་པོའི་བུའི་རྟོགས་པ་བརྗོད་པ་ལས་རྒྱ་ཆེར་ཤེས་པར་བྱ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་
པའོ། །བདག་ཏུ་ལྟ་བ་ལས་བྱུང་བའི་བསམ་གཏན་ངར་འཛིན་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཤེས་རབ་ཀྱིས་ཆོ་ལོ་དང་། རྒྱན་པོ་དང་། བྱ་ལོང་གི་རྩེད་མོ་ལ་མངོན་
པར་དགའ་ཞིང་ཡེ་ཤེས་ཀྱི་ཕ་རོལ་དུ་ཕྱིན་པ་དམིགས་པ་དང་བཅས་པས་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །དེ་ལ་གཞན་ལ་ཕན་འདོགས་པའི་
ཕ་རོལ་དུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་གྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་སྦྱིན་པའི་ཕ་རོལ་དུ་ཕྱིན་པའོ། །བྱམས་པས་གཞན་ལ་གནོད་པར་མི་གནས་པ་
གང་ཡིན་པ་དེ་ནི་གཞན་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཆོས་དེ་ལ་བཟོད་ཅིང་མི་སྨོད་པ་གང་ཡིན་པ་དེ་ནི་གཞན་ལ་ཕན་འདོགས་པའི་བཟོད་པའི་ཕ་རོལ་དུ་ཕྱིན་པའོ། ཆོས་དེ་ལ་བརྩོན་ཞིང་མི་སྨོད་
བ་གང་ཡིན་པ་དེ་ནི་གཞན་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཆོས་དེ་ལ་སེམས་ཀྱིས་སྦྱོར་བ་གང་ཡིན་པ་དེ་ནི་གཞན་ལ་ཕན་འདོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །བྱང་ཆུབ་ཀྱི་ཕྱིར་ཡང་
དག་པར་འཛིན་དུ་འཇུག་ཅིང་རྐྱེན་དེ་དག་གིས་སེམས་ཅན་ཚིམ་པར་བྱེད་པ་གང་ཡིན་པ་དེ་ནི་གཞན་ལ་ཕན་འདོགས་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །
40-1-26b


འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གསུམ་པ། དེ་ལ་གནས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། དམིགས་པར་ལྷུང་བའི་སྦྱིན་པ་རྣམ་པར་བགེད་པ་ལ་རེ་བས་བྱ་བ་གང་ཡིན་པ་
དེ་ནི་གནས་ཀྱི་སྦྱིན་པའི་ཕ་རོལ་དུ་ཕྱིན་པའོ། །དངོས་པོ་ལ་གནས་པའི་ཚུལ་ཁྲིམས་གང་ཡིན་པ་དེ་ནི་གནས་ཀྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སེམས་ཅན་ལ་དམིགས་པའི་བཟོད་པ་གང་ཡིན་པ་དེ་ནི་གནས་ཀྱི་བཟོད་པའི་ཕ་
རོལ་དུ་ཕྱིན་པའོ། །རྣམ་པར་རྟོག་པ་ཅན་གྱི་བརྩོན་འགྲུས་གང་ཡིན་པ་དེ་ནི་གནས་ཀྱི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བདག་ཏུ་ཞུགས་པའི་བསམ་གཏན་གང་ཡིན་པ་དེ་ནི་གནས་ཀྱི་བསམ་གཏན་གྱི་ཕ་རོལ་དུ་ཕྱིན་པའོ། །ཞི་བ་
དང་ཉེ་བར་ཞི་བའི་ཆོས་རྣམས་ལ་རྟོགས་པས་རབ་ཏུ་ཕྱེ་ཞིང་ཀུན་ནས་དཀྲིས་པར་འདུག་པ་གང་ཡིན་པ་དེ་ནི་གནས་ཀྱི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གནས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་ཀྱི་ཕ་རོལ་དུ་ཕྱིན་པ་དྲུག་
གང་ཞེ་ན། བྱང་ཆུབ་ཀྱི་ཕྱིར་མི་སྐྱེ་བའི་ཆོས་ལ་བཟོད་པ་དང་རབ་ཏུ་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའོ། །ལུས་དང་སེམས་ལ་མི་དམིགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །
ཆོས་རྣམས་ལ་ཇི་ལྟ་བ་བཞིན་དུ་བཟོད་པ་གང་ཡིན་པ་དེ་ནི་བཟོད་པའི་ཕ་རོལ་དུ་ཕྱིན་པའོ། །ལུས་དང་སེམས་ལ་མི་དམིགས་པར་གནས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཆོས་ལ་མཉམ་པ་ཉིད་དང་
ལྡན་པའི་སེམས་གང་ཡིན་པ་དེ་ནི་བསམ་གཏན་གྱི་ཕ་རོལ་དུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བྱང་ཆུབ་ཏུ་ཡོངས་སུ་བསྔོས་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་ཡེ་ཤེས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རྒྱུན་མི་འཆད་པར་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཐབས་མཁས་པས་རབ་ཏུ་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་སྦྱིན་པའི་ཕ་རོལ་དུ་ཕྱིན་པའོ། །
40-1-27a


ཇི་ལྟར་ཚིགས་སུ་བཅད་པ་ལྔ་བརྒྱ་བྱ་བ་དང་། ཡ་མཚན་ཅན་དགུ་བཅུ་རྩ་དྲུག་པོ་ཐམས་ཅད་རྣམ་པར་སྤོང་བས་རབ་དུ་ཕྱེ་བ་སྡུག་བསྔལ་སྤང་བ་དང་། ཡང་དག་པའི་ལྟ་བ་སྤང་བར་བྱ་བ་མ་ཡིན་པས་རབ་ཏུ་ཕྱེ་བ་དང་། བདེ་འགྲོ་
བསྒྲུབ་པར་བྱེད་པ་གང་ཡིན་པ་དེ་ནི་ཡེ་ཤེས་ཀྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཡེ་ཤེས་ཀྱི་རྣམ་པས་སྡུག་བསྔལ་བཟོད་ཅིང་གང་དག་འདོད་ཆགས་མི་སྨོད་པར་ཕ་རོལ་པོ་ཡོངས་སུ་སྨིན་པར་བྱེད་པས་ཕྱེ་བ་གང་ཡིན་པ་དེ་ནི་ཡེ་ཤེས་
ཀྱི་བཟོད་པའི་ཕ་རོལ་དུ་ཕྱིན་པའོ། །ཇི་ལྟར་རྟའི་རྒྱལ་པོ་རྔོག་ལྡན་བདག་ཉིད་སྡུག་བསྔལ་དང་དུ་ལེན་ཅིང་གང་དག་བརྩོན་འགྲུས་ཀྱིས་བདག་དང་གཞན་ལ་ཕན་པ་དང་བདེ་བའི་ཕྱིར་གནས་པ་འདི་ལྟར་འགྲོན་པ་ལྔ་བརྒྱ་ཐར་པར་བྱས་པ་དང་། 
འདི་ལྟར་རི་དགས་ཀྱི་རྒྱལ་པོ་སེང་གེས་འདྲོན་པ་རྣམས་ཐར་པར་བྱས་པ་གང་ཡིན་པ་དེ་ནི་ཡེ་ཤེས་ཀྱི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་ཡང་བསྐྱེད། གཟུགས་མེད་པ་ཡང་བསྐྱེད། ཉན་ཐོས་ཀྱི་ཆོས་ཀྱང་བསྐྱེད་
མོད་ཀྱི། གང་དག་དེ་དག་གིས་ངེས་པར་མི་འབྱུང་བ་གང་ཡིན་པ་དེ་ནི་ཡེ་ཤེས་ཀྱི་བསམ་གཏན་གྱི་ཕ་རོལ་དུ་ཕྱིན་པའོ། །ཡེ་ཤེས་ཀྱིས་ཆོས་ཇི་ལྟ་བའི་ཕྱིར་འདི་ལྟར་སྨན་ཆེན་པོ་དང་། འདི་ལྟར་བྱང་ཆུབ་ཀུན་དུ་རྒྱུའི་མི་དགེ་བ་བཅུ་རྣམས་
སྤོང་བ་སེམས་ཅན་སུ་ལ་ཡང་མེད་པ་གང་ཡིན་པ་དེ་ནི་ཡེ་ཤེས་ཀྱི་ཤེས་རབ་ཀྱི་ཕ་རོལ་དུ་ཕྱིན་པའོ། །དེ་ལ་བདག་ལ་ཕན་འདོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན་བདག་ལོངས་སྤྱོད་ཆེན་པོ་འགྲུབ་པར་ཡོངས་སུ་བསྔོས་པ་གང་ཡིན་པ་དེ་ནི་བདག་ལ་
ཕན་འདོགས་པའི་སྦྱིན་པའི་ཕ་རོལ་དུ་ཕྱིན་པའོ། །བདེ་འགྲོ་ལྷ་དང་མིར་སྐྱེ་བར་བསྒྲུབ་པའི་ཚུལ་ཁྲིམས་གང་ཡིན་པ་དེ་ནི་བདག་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བཟོད་པ་ཐོབ་པའི་རྣམ་པར་སྨིན་པའི་
མཛེས་ཤིང་ཁ་དོག་མཆོག་ཏུ་རྒྱས་པ་ཐོབ་པ་དང་། དབང་ཆེ་བར་གྲགས་པར་འགྱུར་བ་གང་ཡིན་པ་དེ་ནི་བདག་ལ་ཕན་འདོགས་པའི་བཟོད་པའི་ཕ་རོལ་དུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་རག་མ་ལས་པར་སྤྱོད་ཅིང་
40-1-27b


བདག་ཉིད་ཀྱི་བརྩོན་འགྲུས་ཀྱིས་དཔྱོད་པར་བྱེད་པ་གང་ཡིན་པ་དེ་ནི་བདག་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་བསྐྱེད་པས་འཇིག་པའི་བསྐལ་པ་དང་། འཆགས་པའི་བསྐལ་པ་བདུན་གྱི་བར་དུ་
འཇིག་རྟེན་འདིར་མི་འོང་བ་གང་ཡིན་པ་དེ་ནི་བདག་ལ་ཕན་འདོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཕ་རོལ་གྱི་ངོར་མི་བལྟ་ཞིང་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་བདེན་པའི་རྗེས་སུ་འཇུག་པ་
གང་ཡིན་པ་དེ་ནི་བདག་ལ་ཕན་འདོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བདག་ལ་ཕན་འདོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཐོབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་
སྨིན་པ་ལོངས་སྤྱོད་ཆེན་པོ་འཐོབ་པ་གང་ཡིན་པ་འདི་དང་། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་སྦྱིན་པའི་ཕ་རོལ་དུ་ཕྱིན་པའོ། །རྙེད་པ་ཆེན་པོའི་ཕྱིར་སེམས་ལ་ཀུན་ནས་ཉོན་མོངས་པ་མེད་པ་གང་ཡིན་
པ་དང་། བྱང་ཆུབ་ཀྱི་ཕྱིར་ཡོངས་སུ་བསྔོ་བ་གང་ཡིན་པ་དེ་ནི་འཐོབ་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་གནོད་པ་མི་བྱེད་ཅིང་དམ་པའི་ཆོས་ཡོངས་སུ་སྤོང་བར་མི་འགྱུར་བ་གང་ཡིན་པ་དེ་ནི་
འཐོབ་པའི་བཟོད་པའི་ཕ་རོལ་དུ་ཕྱིན་པའོ། །བརྟུན་པའི་བརྩོན་འགྲུས་ཚད་མེད་པ་གང་ཡིན་པ་དེ་ནི་འཐོབ་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བྱ་བ་ཐམས་ཅད་མངོན་པར་བསྒྲུབ་པའི་ཏིང་ངེ་འཛིན་ཐོབ་པ་གང་ཡིན་པ་དེ་ནི་
འཐོབ་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཆོས་ཐམས་ཅད་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་འཐོབ་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་འཐོབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རེ་བའི་ཕ་རོལ་དུ་
ཕྱིན་པ་དྲུག་གང་ཞེ་ན། དམིགས་པས་བསྐྱེད་པའི་སྦྱིན་པ་བྱང་ཆུབ་ཀྱི་ཕྱིར་ཡོངས་སུ་བསྔོས་པ་གང་ཡིན་པ་དེ་ནི་རེ་བའི་སྦྱིན་པའི་ཕ་རོལ་དུ་ཕྱིན་པའོ། །ལུས་དང་ངག་དམིགས་པ་ཅན་གྱི་ཚུལ་ཁྲིམས་རྣམ་པར་སྨིན་པ་བྱང་ཆུབ་ཀྱི་ཕྱིར་
40-1-28a


སྦྱོར་བ་གང་ཡིན་པ་དེ་ནི་རེ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཇི་ལྟ་བ་བཞིན་མཐོང་བ་གང་ཡིན་པར་ཆོས་རྣམས་ལ་སོ་སོར་བརྟགས་པས་དང་དུ་ལེན་པ་གང་ཡིན་པ་དེ་ནི་རེ་བའི་བཟོད་པའི་ཕ་རོལ་དུ་ཕྱིན་པའོ། །ལུང་དུ་མ་
བསྟན་པའི་ཤེས་པས་ཆོས་དེ་དང་དེ་དག་ལ་བརྩོན་ཞིང་ཕ་རོལ་གནོན་པ་གང་ཡིན་པ་དེ་ནི་རེ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་གྱི་ཕ་རོལ་དུ་ཕྱིན་པ་བྱང་བར་བྱས་པས་སྤོང་བ་ལ་མཚན་མར་མི་འཛིན་པ་གང་ཡིན་པ་དེ་ནི་
རེ་བའི་བསམ་གཏན་གྱི་ཕ་རོལ་དུ་ཕྱིན་པའོ། །ལུང་དུ་མ་བསྟན་པ་ཁོང་དུ་ཆུད་པར་བྱ་བའི་ཕྱིར། ཤེས་རབ་ཀྱི་ཕ་རོལ་དུ་ཕྱིན་པའི་སྤྱི་བོར་སོན་པར་འགྱུར་རམ། མི་འགྱུར་རམ། ཡུན་ཇི་ཙམ་གྱིས་འགྱུར། སུ་ཞིག་གིས་འགྱུར་སྙམ་པ་
གང་ཡིན་པ་དེ་ནི་རེ་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པ་གསུམ་བལྟ་བའི་ཕ་རོལ་དུ་ཕྱིན་པ་དྲུག་གང་ཞེ་ན། འདུས་བྱས་ཀྱི་ཐབས་ཀྱང་རྒྱུན་མི་གཅོད་ལ། འབྲས་བུ་འདུས་
མ་བྱས་སྦྱིན་པར་བྱེད་པ་གང་ཡིན་པ་དེ་ནི་རྣམ་པ་གསུམ་བལྟ་བའི་སྦྱིན་པའི་ཕ་རོལ་དུ་ཕྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་རྣམ་པ་གསུམ་བལྟ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཕྱི་དང་ནང་གི་
ཆོས་རྣམས་ལ་མི་རྟག་པ་དང་། སྡུག་བསྔལ་བ་དང་། བདག་མེད་པས་རབ་དུ་ཕྱེ་བ་གང་ཡིན་པ་དང་། ཆོས་འདི་དག་ལ་བཟོད་པ་གང་ཡིན་པ་དེ་ནི་རྣམ་པ་གསུམ་བལྟ་བའི་བཟོད་པའི་ཕ་རོལ་དུ་ཕྱིན་པའོ། །ཐོགས་པ་མེད་པའི་ཡེ་
ཤེས་ཀྱི་དམིགས་པ་དང་ལྡན་ཞིང་ལྷག་མཐོང་སྔོན་དུ་འགྲོ་བའི་སེམས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་རྣམ་པ་གསུམ་བལྟ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་དང་། ལྷག་མཐོང་དང་མ་
བྲལ་བས་ཉོན་མོངས་པ་དེ་དག་རབ་ཏུ་ཞི་བར་བྱ་བའི་ཕྱིར། གནས་པ་གང་ཡིན་པ་དེ་ནི་རྣམ་པ་གསུམ་བལྟ་བའི་བསམ་གཏན་གྱི་ཕ་རོལ་དུ་ཕྱིན་པའོ། །རྟེན་ཅིང་འབྲེལ་པར་འབྱུང་བ་དང་མི་འགལ་བར་ཐབས་དང་ཤེས་རབ་ལ་མཁས་པས་ཡོངས་སུ་
40-1-28b


ཟིན་པས་ཉོན་མོངས་པ་སྤོངས་བའི་ཕྱིར་གནས་པ་ནི་མ་ཡིན་གྱི། ཇི་ལྟ་བ་བཞིན་ཡོངས་སུ་ཤེས་ཤིང་སྨོན་ལམ་གྱི་དུས་སུ་ཡོངས་སུ་སྨིན་པར་བྱེད་པ་དང་ལྡན་པ་གང་ཡིན་པ་དེ་ནི་རྣམ་པ་གསུམ་བལྟ་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་
དག་ནི་རྣམ་པ་གསུམ་བལྟ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ལས་བྱས་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་དང་ལྡན་པས་སེམས་ཅན་རྣམས་ལ་སྦྱིན་པ་གང་ཡིན་པ་དེ་ནི་ལས་བྱས་པའི་སྦྱིན་པའི་ཕ་རོལ་དུ་ཕྱིན་པའོ། །
ཚུལ་ཁྲིམས་ཀྱིས་སྐྱེ་བོ་མང་པོ་སྨིན་པར་བྱེད་པ་གང་ཡིན་པ་དེ་ནི་ལས་བྱེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་སྟེ། དཔེར་ན་སྲེག་པའི་སྐྱེས་པའི་རབས་ལས་མེ་བསད་པ་དང་། སེམས་ཅན་ཐར་བར་བྱས་པ་ལྟ་བུ་སྟེ། དེ་ཡང་གང་གི་ཕྱིར་
བལྟ་ཞེ་ན། བསྡུ་བའི་དངོས་པོའི་ཕྱིར་སྐྱེ་བོ་རྣམས་ལ་སྙན་པར་སྨྲ་བའོ། །བཟོད་པའི་ཕ་རོལ་དུ་ཕྱིན་པས་སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་གནས་པ་གང་ཡིན་པ་དེ་ནི་དཔེར་ན་ཀ་ལིང་ཀའི་རྒྱལ་པོས་ལུས་དུམ་བུ་བརྒྱད་དུ་གཏུབས་ཀྱང་
བཟོད་པ་མ་བཏང་བ་དང་། ཇི་ལྟར་མགོ་བཅད་ཀྱང་སྡུག་བསྔལ་གྱི་ཚོར་བ་དང་དུ་ལེན་པའི་བར་དུ་སྦྱར་ཏེ། ཐམས་ཅད་དུ་དཀའ་བ་སྤྱད་པ་དེ་ནི་ལས་བྱེད་པའི་བཟོད་པའི་ཕ་རོལ་དུ་ཕྱིན་པ་སྟེ། དེ་ཡང་གང་གི་ཕྱིར་བལྟ་ཞེ་ན། བསྡུ་བའི་དངོས་པོའི་
ཕྱིར་དོན་སྤྱོད་པའོ། །སྙིང་རྗེ་ཆེན་པོ་སྔོན་དུ་བཏང་སྟེ། དུས་ཤེས་པ་དང་ལྡན་པའི་བརྩོན་འགྲུས་ཀྱིས་སྐྱེ་བོ་མང་པོ་ཡོངས་སུ་སྨིན་པར་བྱ་བ་དང་། སེམས་ཅན་རྣམས་ལ་བསྐུལ་བར་བྱེད་པ་གང་ཡིན་པ་དེ་ནི་ལས་བྱེད་པའི་བརྩོན་འགྲུས་ཀྱི་ཕ་རོལ་
དུ་ཕྱིན་པ་སྟེ། དེ་ཡང་གང་གི་ཕྱིར་ལྟ་ཞེ་ན། བསྡུ་བའི་དངོས་པོའི་ཕྱིར་དོན་འཐུན་པའོ། །བསམ་གཏན་ཡོངས་སུ་སྦྱང་བར་མ་བྱས་ཤིང་ཤེས་རབ་ཀྱི་ཕ་རོལ་དུ་ཕྱིན་པ་དང་ལྡན་པས་ཆོས་ཐམས་ཅད་ལ་ཐོགས་པ་མེད་པ་གང་ཡིན་པ་
དེ་ནི་ལས་བྱེད་པའི་བསམ་གཏན་གྱི་ཕ་རོལ་དུ་ཕྱིན་པ་སྟེ། དེ་ཡང་གང་གི་ཕྱིར་བལྟ་ཞེ་ན། རྣམ་པར་ཐར་པ་སྟོང་པ་ཉིད་ཀྱི་སྒོའི་ཕྱིར་རོ། །ཤེས་རབ་ཀྱིས་དགེ་བའི་ཆོས་ཐམས་ཅད་ལ་རྨོངས་པ་མེད་པར་གནས་ཤིང་། སྐྱེ་བོ་བྱང་ཆུབ་
40-1-29a


ཀྱི་ཕྱིར་ཡང་དག་པར་འཛིན་དུ་འཇུག་པ་དང་། དངོས་པོ་ཇི་ལྟ་བ་བཞིན་ཡོངས་སུ་ཤེས་ལ་ཆུང་ངུ་ན་རྣམ་པར་ཐར་པ་སྨོན་པ་མེད་པའི་སྒོ་ཡོངས་སུ་བཟུང་བ་གང་ཡིན་པ་དེ་ནི་ལས་བྱེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་
དག་ནི་ལས་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལམ་ཤིན་དུ་སྦྱངས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡང་དག་པའི་ལྟ་བ་ལ་ཞུགས་ཤིང་ལྟས་དང་དགེ་མཚན་སྤངས་པའི་སྦྱིན་པ་དང་ལྡན་པ་མ་ཡིན་པར་ཡོངས་སུ་བསྔོས་པ་གང་
ཡིན་པ་དེ་ནི་ལམ་ཤིན་དུ་སྦྱངས་པའི་སྦྱིན་པའི་ཕ་རོལ་དུ་ཕྱིན་པའོ། །ཡང་དག་པའི་ངག་དང་། ཡང་དག་པའི་འཚོ་བ་དང་། ཡང་དག་པའི་ལས་ཀྱི་མཐའ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ལམ་ཤིན་དུ་སྦྱངས་པའི་ཚུལ་ཁྲིམས་
ཀྱི་ཕ་རོལ་དུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་མ་བཏང་བ་གང་ཡིན་པ་དེ་ནི་ལམ་ཤིན་དུ་སྦྱངས་པའི་བཟོད་པའི་ཕ་རོལ་དུ་ཕྱིན་པའོ། །ལུས་དང་སེམས་ལ་མི་དམིགས་པ་གང་ཡིན་པ་དེ་ནི་ལམ་ཤིན་དུ་སྦྱངས་པའི་བརྩོན་འགྲུས་ཀྱི་ཕ་རོལ་
དུ་ཕྱིན་པའོ། །དམིགས་པ་མེད་པའི་ཏིང་ངེ་འཛིན་ལ་མི་གཡེང་བ་གང་ཡིན་པ་དེ་ནི་ལམ་ཤིན་དུ་སྦྱངས་པའི་བསམ་གཏན་གྱི་ཕ་རོལ་དུ་ཕྱིན་པའོ། །མཚན་མར་འཛིན་པ་མེད་པས་ཤེས་རབ་ཡང་དག་པའི་ལྟ་བ་དང་ལྡན་ལ་ཡང་དག་པའི་དྲན་པ་བསྐྱེད་
པས་བྱང་ཆུབ་ཕྱོགས་གཅིག་པ་མཐར་ཕྱིན་པར་བྱ་བ་དང་། ཕྱིར་མི་ལྡོག་པར་བྱ་བའི་ཕྱིར་གནས་པ་གང་ཡིན་པ་དེ་ནི་ལམ་ཤིན་དུ་སྦྱངས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ལམ་ཤིན་དུ་སྦྱངས་པའི་ཕ་རོལ་དུ་ཕྱིན་པ་དྲུག་
གོ། །དེ་ལ་བརྩོན་པ་མི་འདོར་བའི་ཕ་རོལ་དུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ཡོངས་སུ་གཏོང་བ་བྱང་ཆུབ་ཀྱི་ཕྱིར་ཐབས་མཁས་པས་ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་སྦྱིན་པའི་ཕ་རོལ་དུ་
ཕྱིན་པའོ། །སེམས་ཅན་རྣམས་བདེ་འགྲོ་ཐོབ་པར་བྱ་བའི་ཕྱིར་མི་དམིགས་པ་སྔོན་དུ་བཏང་བ་ཉམས་པ་མེད་པའི་ཚུལ་ཁྲིམས་ལ་གནས་པ་གང་ཡིན་པ་དེ་ནི་དཔེར་ན་དགའ་ལྡན་ནས་བྱང་ཆུབ་སེམས་དཔའ་འཆི་འཕོ་བ་ན་སྟོང་གསུམ་
40-1-29b


གཡོ་བ་དང་གནས་པར་བྱ་བའི་ཕྱིར་སངས་རྒྱས་ཀྱི་ཞིང་ཡོངས་སུ་དག་པ་ཕུན་སུམ་ཚོགས་པ་འཛིན་པ་དེ་ནི་བརྩོན་པ་མི་འདོར་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བཟོད་པས་ཕ་རོལ་གྱི་དགེ་བའི་རྩ་བ་བསྒྲུབ་པའི་ཕྱིར་ཉེ་བར་
གནས་ཤིང་འཇིག་རྟེན་གྱི་ཆོས་བརྒྱད་ཀྱིས་མི་གོས་པ་གང་ཡིན་པ་དེ་ནི་བརྩོན་པ་མི་འདོར་བའི་བཟོད་པའི་ཕ་རོལ་དུ་ཕྱིན་པའོ། །བརྩོན་འགྲུས་ཀྱིས་ཐམས་ཅད་མཁྱེན་པའི་ཡེ་ཤེས་ཡང་དག་པར་འཛིན་པ་དང་། སེམས་ཅན་རྣམས་ལ་བྱམས་པས་
ཡོངས་སུ་བསྔོས་པ་གང་ཡིན་པ་དེ་ནི་བརྩོན་པ་མི་འདོར་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྙོམས་པར་འཇུག་པའི་རྣམ་པ་ཐམས་ཅད་བསྒྲུབ་པའི་བསམ་གཏན་ཚད་མེད་པ་ཡོངས་སུ་འཛིན་པ་གང་ཡིན་པ་དེ་ནི་བརྩོན་པ་མི་འདོར་བའི་བསམ་གཏན་
གྱི་ཕ་རོལ་དུ་ཕྱིན་པའོ། །ཆོས་ཐམས་ཅད་ལ་མཁས་པར་བྱ་བའི་ཕྱིར་དང་། གང་མངོན་པར་ཤེས་པས་ངེས་པར་འབྱུང་བའི་ཕྱིར་སྨོན་ལམ་ཡོངས་སུ་བསྔོས་པའི་ཤེས་རབ་ལ་གནས་པ་གང་ཡིན་པ་དེ་ནི་བརྩོན་པ་མི་འདོར་བའི་ཤེས་རབ་ཀྱི་ཕ་རོལ་དུ་
ཕྱིན་པ་སྟེ། འདི་དག་ནི་བརྩོན་པ་མི་འདོར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། མྱ་ངན་ལས་འདས་པ་དང་ལྡན་པའི་སྦྱིན་པ་གང་ཡིན་པ་དེ་ནི་རིགས་པའི་སྦྱིན་པའི་ཕ་རོལ་དུ་ཕྱིན་པའོ། །འདོད་ཆགས་
དང་བྲལ་བར་ཡོངས་སུ་བསྔོས་པའི་ཚུལ་ཁྲིམས་གང་ཡིན་པ་དེ་ནི་རིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །འགོག་པར་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་རིགས་པའི་བཟོད་པའི་ཕ་རོལ་དུ་ཕྱིན་པའོ། །ཉེ་བར་ཞི་བ་རྩོམ་
པའི་བརྩོན་འགྲུས་གང་ཡིན་པ་དེ་ནི་རིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ལྟ་བར་གྱུར་པ་རབ་ཏུ་ཞི་བར་བྱེད་པ་དང་། ཉོན་མོངས་པ་འཇོམས་པར་བྱེད་པའི་བསམ་གཏན་གང་ཡིན་པ་དེ་ནི་རིགས་པའི་བསམ་གཏན་གྱི་ཕ་རོལ་
དུ་ཕྱིན་པའོ། །སྔགས་དང་། སྨན་དང་། གཙུག་ལག་དང་། ས་གཡོ་བ་ཤེས་པ་དང་དུས་ཚིགས་དང་། ལོ་ཤེས་པ་དང་། ཡི་གེ་ཤེས་པ་དང་། མངོན་པར་ཤེས་པ་དང་། སྙིང་རྗེ་ཆེན་པོ་དང་། བདེ་འགྲོ་དང་། ངན་འགྲོའི་ལས་
40-1-30a


རྗེས་སུ་ཤེས་པར་གནས་ཤིང་ཐམས་ཅད་མཁྱེན་པ་ཉིད་ཀྱི་ཕྱིར་མངོན་པར་ཞེན་པ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རིགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རིགས་པའི་ཕ་རོལ་དུ་ཕྱིན་
པ་དྲུག་སྟེ། དེ་དག་ནི་མི་འཇིགས་པ་བཞི་ལས་བལྟ་བར་བྱའོ། །དེ་ལ་བྱ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པའི་ཕྱིར་ཡོངས་སུ་བསྔོ་ཞིང་བདག་ཉིད་ཀྱང་སྦྱིན་པ་བྱེད་ལ་གཞན་དག་ཀྱང་ཡང་དག་པར་འཛིན་དུ་འཇུག་
པ་གང་ཡིན་པ་དེ་ནི་བྱ་བར་གཏོགས་པའི་སྦྱིན་པའི་ཕ་རོལ་དུ་ཕྱིན་པའོ། །སེམས་ཅན་ལ་དམིགས་པའི་བྱམས་པ་བསྒྲུབ་པ་གང་ཡིན་པ་དེ་ནི་བྱ་བར་གཏོགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ལས་ཀྱི་རྣམ་པར་སྨིན་པ་
ལ་རྟོན་པའི་བཟོད་པ་གང་ཡིན་པ་དེ་ནི་བྱ་བར་གཏོགས་པའི་བཟོད་པའི་ཕ་རོལ་དུ་ཕྱིན་པའོ། །དགེ་བ་བཅུ་དང་ལྡན་པའི་བརྩོན་འགྲུས་གང་ཡིན་པ་དེ་ནི་བྱ་བར་གཏོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །མི་རྟག་པ་དང་། སྡུག་བསྔལ་
བ་དང་། བདག་མེད་པ་ལ་དམིགས་པའི་བསམ་གཏན་གང་ཡིན་པ་དེ་ནི་བྱ་བར་གཏོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །དགེ་བའི་ཆོས་རྣམས་ཆུད་མི་ཟ་བར་བྱ་བ་དང་། མི་དགེ་བའི་ཆོས་རྣམས་སྤང་བར་བྱ་བའི་ཕྱིར་ཐབས་མཁས་པས་
སྐྱེ་བོ་མང་པོ་ལ་ཕན་འདོགས་པའི་ཤེས་རབ་གང་ཡིན་པ་དེ་ནི་བྱ་བར་གཏོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བྱ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱ་བ་མ་ཡིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་གྱིས་
སེམས་ཅན་རྣམས་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བར་གཏོགས་པ་མ་ཡིན་པའི་སྦྱིན་པའི་ཕ་རོལ་དུ་ཕྱིན་པའོ། །བྱ་བ་མ་ཡིན་པའི་འབྱུང་བའི་ཚུལ་ཁྲིམས་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྲེད་པས་
ཡོངས་སུ་བསྔོས་ཤིང་སེམས་ཅན་ཡོངས་སུ་སྨིན་པར་བྱེད་པའི་ཡུལ་ལ་བཟོད་པ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བཟོད་པའི་ཕ་རོལ་དུ་ཕྱིན་པའོ། །འཇིག་རྟེན་པའི་གད་མོ་དང་། དགའ་བ་དང་། རྩེད་མོ་དང་། སྔགས་དང་། སྨྲ་
40-1-30b


བ་དང་། བརྗོད་པ་དང་། ཆོ་ལོ་དང་། རྒྱན་པོ་དང་། ཡོ་བྱད་རྣམས་ཀྱིས་སེམས་ཅན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བཏང་སྙོམས་དང་བྱང་ཆུབ་ཀྱི་ཡན་ལག་
གིས་ཕྱེ་བའི་བསམ་གཏན་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཤིན་དུ་སྦྱངས་པ་དང་ལྡན་པའི་ཤེས་རབ་གང་ཡིན་པ་དེ་ནི་བྱ་བ་མ་ཡིན་པར་གཏོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། དཔེར་ན་རྒྱལ་
པོའི་བུ་བླུན་པོ་ལྐུགས་པ་ལྟ་བུ་སྟེ། འདི་དག་ནི་བྱ་བ་མ་ཡིན་པར་གཏོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རློམ་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡོངས་སུ་བསྔོ་བ་དང་བྲལ་བའི་སྦྱིན་པ་གང་ཡིན་པ་དེ་ནི་རློམ་པའི་སྦྱིན་པའི་ཕ་རོལ་དུ་ཕྱིན་
པའོ། །བདག་ཚུལ་ཁྲིམས་དང་ལྡན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་རློམ་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ང་རྒྱལ་དང་ལྡན་པའི་བཟོད་པ་གང་ཡིན་པ་དེ་ནི་རློམ་པའི་བཟོད་པའི་ཕ་རོལ་དུ་ཕྱིན་པའོ། །རྩོམ་པ་རྒྱས་པར་བྱེད་
པ་གང་ཡིན་པ་དེ་ནི་རློམ་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྒོམ་ཞིང་གཏོང་བ་གང་ཡིན་པ་དེ་ནི་རློམ་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཐོས་པའི་བདག་ཉིད་བྱང་ཆུབ་ཏུ་ཡོངས་སུ་བསྔོས་པ་གང་ཡིན་པ་དེ་ནི་རློམ་པའི་ཤེས་རབ་ཀྱི་
ཕ་རོལ་དུ་ཕྱིན་པ་སྟེ། འདི་དག་ནི་རློམ་པའི་ཕ་རོལ་དུ་ཕྱིན་པ་དྲུག་སྟེ། དེ་ག་ལས་བལྟ་ཞེ་ན། ཆོས་མཉན་པ་དག་ལས་སོ། །དེ་ལ་བརྩམས་པའི་ཕ་རོལ་དུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་ལ་མི་བལྟ་བར་ཡོངས་སུ་
གཏོང་བ་གང་ཡིན་པ་དེ་ནི་དཔེར་ན་སེམས་ཅན་རྣམས་ཀྱི་དོན་གྱི་ཕྱིར་རྒྱ་མཚོ་ཆེན་པོར་ལུས་ཡོངས་སུ་གཏོང་བ་ལྟ་བུ་སྟེ། དེ་ནི་བརྩམས་པའི་སྦྱིན་པའི་ཕ་རོལ་དུ་ཕྱིན་པའོ། །ཚུལ་ཁྲིམས་ཀྱི་རང་བཞིན་ལྟ་བ་དང་རྒོད་པ་སྤངས་པ་གང་ཡིན་པ་དེ་ནི་
བརྩམས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཐ་ན་མགོ་བཅད་ཀྱང་མི་འཁྲུགས་པ་གང་ཡིན་པ་དེ་ནི་བརྩམས་པའི་བཟོད་པའི་ཕ་རོལ་དུ་ཕྱིན་པའོ། །བྱ་བ་ཐམས་ཅད་ཟིལ་གྱིས་མནན་ཏེ། རྩོམ་པ་གང་ཡིན་པ་དེ་ནི་དཔེར་ན་རྒྱ་མཚོ་
40-1-31a


ཆེན་པོ་བསྐམ་པར་འབད་པ་ལྟ་བུ་སྟེ། དེ་ནི་བརྩམས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བཙུན་མོའི་འཁོར་གྱི་ནང་ན་གནས་ཀྱང་བསམ་གཏན་བཞི་ཆུད་མི་ཟ་བ་གང་ཡིན་པ་དེ་ནི་བརྩམས་པའི་བསམ་གཏན་གྱི་ཕ་
རོལ་དུ་ཕྱིན་པའོ། །འདུ་བྱེད་ཐམས་ཅད་སྒྱུ་མ་ལྟ་བུར་མཐོང་བ་དང་ལྡན་ཞིང་ཟབ་མོ་མི་དམིགས་པ་དང་ལྡན་པའི་ཤེས་རབ་རྨོངས་པ་མེད་པ་གང་ཡིན་པ་དེ་ནི་བརྩམས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བརྩམས་པའི་ཕ་རོལ་
དུ་ཕྱིན་པ་དྲུག་སྟེ། དེ་དག་ནི་རྫུ་འཕྲུལ་གྱི་རྐང་པ་བཞི་ལས་བལྟ་བར་བྱའོ། །དེ་ལ་དགེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། བག་ཆགས་ཀྱི་མཚམས་སྦྱོར་བ་འཇོམ་པར་བྱེད་པའི་སྦྱིན་པ་གང་ཡིན་པ་དེ་ནི་དགེ་བའི་སྦྱིན་པའི་ཕ་རོལ་དུ་ཕྱིན་
པའོ། །འཕགས་པའི་ཚུལ་ཁྲིམས་ཀྱི་ཕྱིར་ཐམས་ཅད་ཡོངས་སུ་གཏོང་བར་གནས་པ་དང་། བག་མེད་པ་རྣམ་པར་སྦྱོང་བ་དང་། ངན་འགྲོ་སེལ་བ་ལ་ཉེ་བར་གནས་པའི་ཚུལ་ཁྲིམས་གང་ཡིན་པ་དེ་ནི་དགེ་བའི་ཚུལ་ཁྲིམས་ཀྱི་ཕ་རོལ་
དུ་ཕྱིན་པའོ། །ཐམས་ཅད་ལ་བཟོད་ཅིང་དགེ་བའི་ཆོས་ལ་རྩོད་པ་མེད་པ་གང་ཡིན་པ་དེ་ནི་དགེ་བའི་བཟོད་པའི་ཕ་རོལ་དུ་ཕྱིན་པའོ། །བྱ་བར་གཏོགས་པ་ཐམས་ཅད་ལ་བརྩོན་འགྲུས་ཞུམ་པ་མེད་པ་གང་ཡིན་པ་དེ་ནི་དགེ་བའི་བརྩོན་
འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་གྱི་ངོ་བོ་ཉིད་ཡུལ་མཉམ་པ་ཉིད་ལ་ཞུགས་པ་བསམ་པ་ཇི་ལྟ་བ་བཞིན་སེམས་གདུལ་བའི་ཕྱིར་གནས་པ་གང་ཡིན་པ་དེ་ནི་དཔེར་ན་རྒྱལ་པོ་ཆེན་པོ་ལེགས་མཐོང་འདོད་པའི་རྣམ་
པར་རྟོག་པ་དང་། གནོད་སེམས་ཀྱི་རྣམ་པར་རྟོག་པ་དང་། རྣམ་པར་འཚེ་བའི་རྣམ་པར་རྟོག་པ་དག་ལས་འདས་པ་ལྟ་བུ་སྟེ། དེ་ནི་དགེ་བའི་བསམ་གཏན་གྱི་ཕ་རོལ་དུ་ཕྱིན་པའོ། ཐམས་ཅད་ལ་མི་གནས་པའི་ཤེས་རབ་གང་ཡིན་པ་དེ་ནི་དགེ་
བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། དེ་ཡང་སྙིང་རྗེ་ཆེན་པོ་ལས་བལྟ་བར་བྱ་བ་སྟེ། འདི་དག་ནི་དགེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣོ་བས་ཕྱེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། མི་དམིགས་པ་ལ་གནས་པའི་སྦྱིན་པ་གང་ཡིན་པ་
40-1-31b


དེ་ནི་རྣོ་བའི་སྦྱིན་པའི་ཕ་རོལ་དུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་དུ་ཕྱིན་པས་རློམ་སེམས་མེད་ཅིང་དངོས་པོ་བཅབས་པ་མེད་པ་གང་ཡིན་པ་དེ་ནི་རྣོ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་བཟོད་ཅིང་ཕྱིན་
ཅི་ལོག་མེད་པས་བསྐྱེད་པ་གང་ཡིན་པ་དེ་ནི་རྣོ་བའི་བཟོད་པའི་ཕ་རོལ་དུ་ཕྱིན་པའོ། །མོས་པ་ཇི་ལྟ་བ་བཞིན་ལ་ཕྱིར་ཟློགས་པ་མེད་པར་གནས་པ་གང་ཡིན་པ་དེ་ནི་རྣོ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པས་
ཡོངས་སུ་ཟིན་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣོ་བའི་བསམ་གཏན་གྱི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔར་གྱུར་པ་ན་ཉན་ཐོས་ཀྱི་ཕ་རོལ་དུ་ཕྱིན་པ་རྣམས་མ་ལུས་པར་ཤེས་ཤིང་། རང་སངས་རྒྱས་ཀྱི་ཕ་རོལ་
དུ་ཕྱིན་པ་རྣམས་མ་ལུས་པ་ཤེས་ཀྱང་འདོད་ཆགས་དང་བྲལ་བ་ཡང་མ་ཡིན། སོ་སོའི་སྐྱེ་བོ་ཡང་མ་ཡིན། སྦྱིན་གནས་ཀྱང་མ་ཡིན་ལ། སྨོན་ལམ་གྱིས་སྐྱེ་བ་ལ་ཡང་མངོན་པར་ཞེན་པ་མེད་པ་གང་ཡིན་པ་དེ་ནི་རྣོ་བའི་ཤེས་རབ་ཀྱི་ཕ་རོལ་དུ་
ཕྱིན་པ་སྟེ། འདི་དག་ནི་རྣོ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཟབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། མི་དམིགས་པའི་སྦྱིན་པ་གང་ཡིན་པ་དེ་ནི་ཟབ་པའི་སྦྱིན་པའི་ཕ་རོལ་དུ་ཕྱིན་པའོ། །སེམས་ཅན་དང་མཐུན་པར་གནས་པའི་ཚུལ་
ཁྲིམས་ཞེན་པ་མེད་པ་དེ་ལ་མ་ཆགས་པས་མཁས་པ་རྣམས་ཀྱིས་བསྔགས་པའི་ཚུལ་ཁྲིམས་གང་ཡིན་པ་དེ་ནི་ཟབ་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་སྟེ། དེ་ག་ལས་བལྟ་ཞེ་ན། དང་པོ་བྱང་ཆུབ་ཏུ་སེམས་སྐྱེད་པ་དང་། ལྷག་
པའི་བསམ་པ་ལ་འཇུག་པ་ལས་སོ། །བདག་མེད་པ་དང་ལྡན་པའི་བཟོད་པའི་ཕ་རོལ་དུ་ཕྱིན་པ་རྣམ་པར་སྨིན་པ་དང་། རྣམ་པར་སྨིན་པ་མ་ཡིན་པ་དང་། རྣམ་པར་སྨིན་པ་དང་བཅས་པ་ལ་རྣམ་པར་རྟོག་པ་མེད་པ་གང་ཡིན་པ་དེ་ནི་ཟབ་པའི་བཟོད་པའི་
ཕ་རོལ་དུ་ཕྱིན་པ་སྟེ། དེ་ག་ལས་བལྟ་ཞེ་ན། ཆོས་ཚོལ་བའི་སྤྱོད་པ་དང་ལྡན་པ་ལས་སོ། །ཁམས་གསུམ་ལ་ཡང་མངོན་པར་ཞེན་པ་མེད་པ་ཡིན་ལ། མྱ་ངན་ལས་འདས་པ་ལ་རློམ་སེམས་སུ་ཡང་མི་བྱེད་པ་གང་ཡིན་པ་དེ་ནི་ཟབ་པའི་
40-1-32a


བརྩོན་འགྲུས་ཀྱི་ཕ་རོལ་དུ་ཕྱིན་པ་སྟེ། དེ་ག་ལས་བལྟ་ཞེ་ན། མུ་སྟེགས་ཅན་གྱི་ཤེས་པ་ཟིལ་གྱིས་གནོན་པ་ལས་སོ། །ལམ་དང་བསམ་གཏན་ཤིན་དུ་ཟབ་པ་གང་ཡིན་པ་དེ་ནི་ཟབ་པའི་བསམ་གཏན་གྱི་ཕ་རོལ་དུ་
ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པ་ཆོས་དགེ་བར་བཏགས་པ་དང་མི་འགལ་བར་ཐམས་ཅད་དུ་ཐོགས་པ་མེད་པས་ཕྱེ་བ་ཉེ་བར་ཞི་བ་དང་རྒྱུ་འཐུན་པ་སྤྲོས་པ་མེད་པ་ལ་གནས་པ་གང་ཡིན་པ་དེ་ནི་ཟབ་པའི་ཤེས་རབ་ཀྱི་ཕ་རོལ་དུ་ཕྱིན་པ་
སྟེ། འདི་དག་ནི་ཟབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྣ་ཚོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་དུ་ཕྱིན་པ་སྣ་ཚོགས་སྟེར་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པ་སྟེ། དེའི་རྣམ་པར་སྨིན་པ་གང་ཞེ་ན། ལུས་
ལ་དཔེ་བྱད་སྣ་ཚོགས་པ་དང་། སྤོབས་པ་ཕུན་སུམ་ཚོགས་པ་གང་ཡིན་པ་དེ་ནི་སྣ་ཚོགས་པའི་སྦྱིན་པའི་ཕ་རོལ་དུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་པར་བྱེད་ཅིང་བསམ་པ་རྫོགས་པ་ཉེ་བར་གནས་པ་གང་ཡིན་པ་དེ་ནི་སྣ་ཚོགས་
པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སངས་རྒྱས་ཀྱི་ཞིང་སྐྱོན་དང་བྲལ་བ་དེ་ནི་སེམས་ཅན་རྣམས་ལ་གནོད་སེམས་མེད་པར་གྱུར་ཅིག་ཅེས་ཡོངས་སུ་བསྔོ་བ་གང་ཡིན་པ་དེ་ནི་སྣ་ཚོགས་པའི་བཟོད་པའི་ཕ་རོལ་དུ་ཕྱིན་པའོ། །ཉན་ཐོས་དང་རང་
སངས་རྒྱས་དང་། བྱང་ཆུབ་སེམས་དཔའི་འཁོར་སྨིན་པར་བྱེད་པ་གང་ཡིན་པ་དེ་ནི་སྣ་ཚོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །འཁོར་དྲེགས་པ་དང་། འདོད་ཆགས་ཅན་གྱི་ནང་ན་གནས་ཀྱང་སེམས་ལ་བརྗེད་ངས་པ་མེད་ཅིང་དྲན་པར་ཡོངས་
སུ་བསྔོ་བའི་སེམས་གང་ཡིན་པ་དེ་ནི་སྣ་ཚོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཐབས་མཁས་པས་ཡོངས་སུ་ཟིན་པའི་ཤེས་རབ་ཐམས་ཅད་དུ་བརྗེད་ངས་པ་མེད་ཅིང་ཆོས་ཟབ་མོ་སྟོན་པ་ལ་གཞན་ལ་རག་མ་ལེས་པ་གང་
ཡིན་པ་དེ་ནི་སྣ་ཚོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་སྣ་ཚོགས་པའི་ཕ་རོལ་དུ་ཕྱིན་པ་དྲུག་གོ། །བཀོད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡིད་ཀྱིས་སངས་རྒྱས་ཀྱི་ཞིང་བཟའ་བ་དང་བཏུང་བ་ཕུན་སུམ་ཚོགས་
40-1-32b


པ་གང་ཡིན་པ་དེ་ནི་བཀོད་པའི་སྦྱིན་པའི་ཕ་རོལ་དུ་ཕྱིན་པའོ། །འཁོར་ཐམས་ཅད་ལ་བརྙས་པ་མེད་པ་གང་ཡིན་པ་དེ་ནི་བཀོད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སངས་རྒྱས་ཀྱི་ཞིང་ལག་མཐིལ་ལྟར་མཉམ་ཞིང་ཀ་ཙ་ལིན་ད་ཀ་ལྟར་
རེག་ན་འཇམ་པ་རིན་པོ་ཆེ་སྣ་ཚོགས་ཀྱིས་སྤྲས་པ་དག་འགྲུབ་ཅིང་བག་ཡོད་པར་འགྱུར་བ་གང་ཡིན་པ་དེ་ནི་བཀོད་པའི་བཟོད་པའི་ཕ་རོལ་དུ་ཕྱིན་པའོ། །འཁོར་ཚད་མེད་པ་གང་ཡིན་པ་དེ་ནི་བཀོད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །འོད་
དང་མཚན་ཕུན་སུམ་ཚོགས་ཤིང་བསམ་པའི་སྐྱོན་དང་། རྣམ་པར་སྨིན་པ་དང་། དྲེགས་པ་དང་། ཉོན་མོངས་པ་དང་བྲལ་བ་གང་ཡིན་པ་དེ་ནི་བཀོད་པའི་བསམ་གཏན་གྱི་ཕ་རོལ་དུ་ཕྱིན་པའོ། །སྒྱུ་མ་ལྟ་བུའི་ཏིང་ངེ་འཛིན་ཐོབ་ནས་ཐ་
ན་དུད་འགྲོའི་སྐྱེ་གནས་སུ་གྱུར་པའི་སེམས་ཅན་རྣམས་ལ་ཆོས་སྟོན་ཀྱང་བརྗེད་ངས་པ་མེད་པ་གང་ཡིན་པ་དེ་ནི་བཀོད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བཀོད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཐུག་པ་མེད་པའི་ཕ་
རོལ་དུ་ཕྱིན་པ་དྲུག་གང་ཞེ་ན། སྒྲིབ་པ་མེད་པའི་སེམས་ཀྱིས་ཡོངས་སུ་གཏོང་བ་གང་ཡིན་པ་དེ་ནི་ཐུག་པ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ཉོན་མོངས་པ་བྱུང་བ་སེལ་བར་འགྱུར་བ་གང་ཡིན་པ་དེ་ནི་ཐུག་པ་མེད་པའི་ཚུལ་ཁྲིམས་ཀྱི་
ཕ་རོལ་དུ་ཕྱིན་པའོ། །སེམས་ཅན་གྱི་འདུ་ཤེས་རྒྱ་ཆེ་ཞིང་ཐུག་པ་མེད་པ་བསྒོམས་པ་ལ་མ་ཞུམ་པ་དང་། འཇིགས་པ་མེད་པས་རབ་དུ་ཕྱེ་བ་གང་ཡིན་པ་དེ་ནི་ཐུག་པ་མེད་པའི་བཟོད་པའི་ཕ་རོལ་དུ་ཕྱིན་པའོ། །ཡེ་ཤེས་ལ་དམིགས་པས་
ཕ་རོལ་གནོན་པ་གང་ཡིན་པ་དེ་ནི་ཐུག་པ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བདག་མེད་པ་ལ་བཟོད་པར་གནས་ཤིང་ཡུལ་ལ་ལོངས་སྤྱོད་པའི་བསམ་གཏན་བརྗེད་ངས་པ་མེད་པ་གང་ཡིན་པ་དེ་ནི་ཐུག་པ་མེད་པའི་བསམ་
གཏན་གྱི་ཕ་རོལ་དུ་ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པ་སྤོབས་པ་ཕུན་སུམ་ཚོགས་པ་དང་ལྡན་པས་སྟོན་པ་ཐམས་ཅད་ལ་ཐུག་པ་མེད་པ་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་
40-1-33a


ཐམས་ཅད་ཐོགས་པ་མེད་པ་གང་ཡིན་པ་དེ་ནི་ཐུག་པ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཐུག་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སེམས་ཅན་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱམས་
པ་སྔོན་དུ་འགྲོ་བའི་སྦྱིན་པས་ཡི་དགས་ཀྱི་ཡུལ་རྣམ་པར་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་སྦྱིན་པའི་ཕ་རོལ་དུ་ཕྱིན་པའོ། །དུད་འགྲོའི་སྐྱེ་གནས་རྣམ་པར་སྦྱོང་བར་བྱེད་པའི་ཚུལ་ཁྲིམས་གང་ཡིན་པ་དེ་ནི་སེམས་ཅན་
ལ་དམིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཉེས་པ་བྱས་པ་ཐམས་ཅད་བཟོད་ཅིང་སེམས་ཅན་དམྱལ་བ་སྦྱོང་བར་བྱེད་པ་གང་ཡིན་པ་དེ་ནི་སེམས་ཅན་ལ་དམིགས་པའི་བཟོད་པའི་ཕ་རོལ་དུ་ཕྱིན་པའོ། །བསྡུ་བའི་དངོས་
པོ་རྣམ་པ་བཞི་དང་འཐུན་པར་ཕ་རོལ་གནོན་ཅིང་ལྷ་མ་ཡིན་གྱི་སྐྱེ་བ་ཡོངས་སུ་སྦྱོང་བ་གང་ཡིན་པ་དེ་ནི་སེམས་ཅན་ལ་དམིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བདག་ཉིད་ཉེ་བར་བཟུང་ནས་སེམས་ཅན་ལ་བདེ་བ་བསྒྲུབ་པ་ནི་
དཔེར་ན་མི་འཁྲུགས་པའི་ཐུགས་དམ་ལས་ཕ་རོལ་གྱི་གཞི་ལས་འཚོ་ཞིང་ཐུགས་དམ་བཅུ་མཛད་པ་ལྟ་བུ་དང་། མི་རྣམས་ཡོངས་སུ་སྤྱོད་པར་འགྱུར་བ་གང་ཡིན་པ་དེ་ནི་སེམས་ཅན་ལ་དམིགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །
ཀུན་རྫོབ་ཀྱི་བདེན་པ་ལ་གནས་ནས་སེམས་ཅན་རྣམས་ལ་ཆོས་རྒྱ་ཆེན་པོ་རབ་དུ་དབྱེ་བ་འབྱེད་ཅིང་སྟོན་ལ། ཉོན་མོངས་པ་རྣམ་པར་བྱང་བ་ལ་གནས་པ་གང་ཡིན་པ་དེ་ནི་སེམས་ཅན་ལ་དམིགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། 
འདི་དག་ནི་སེམས་ཅན་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་འདོད་པས་སྦྱིན་པ་གང་ཡིན་པ་དེ་ནི་ཆོས་ལ་དམིགས་པའི་སྦྱིན་
པའི་ཕ་རོལ་དུ་ཕྱིན་པའོ། །སྨོན་པ་མེད་པའི་ཏིང་ངེ་འཛིན་གྱི་རྣམ་པར་ཐར་པ་སྐྱེས་པའི་ལུས་དང་། ངག་དང་། སེམས་ཀྱི་སྡོམ་པ་གང་ཡིན་པ་དེ་ནི་ཆོས་ལ་དམིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྙིང་རྗེ་ཆེན་པོ་ལ་དམིགས་
40-1-33b


པའི་བཟོད་པ་གང་ཡིན་པ་དེ་ནི་ཆོས་ལ་དམིགས་པའི་བཟོད་པའི་ཕ་རོལ་དུ་ཕྱིན་པའོ། །རྫུ་འཕྲུལ་གྱི་རྐང་པ་སྔོན་དུ་འགྲོ་བའི་ཕ་རོལ་གནོན་པ་གང་ཡིན་པ་དེ་ནི་ཆོས་ལ་དམིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དྲན་པ་ཉེ་བར་
གཞག་པ་སྔོན་དུ་འགྲོ་བའི་བསམ་གཏན་གང་ཡིན་པ་དེ་ནི་ཆོས་ལ་དམིགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །སོ་སོ་ཡང་དག་པར་རིག་པ་ལས་བྱུང་བས་གཟུངས་ཇི་སྙེད་པ་དེ་དག་གི་ཡི་གེ་ལ་དཔྱོད་པར་བྱེད་ཅིང་བུལ་བ་མ་ཡིན་
པས་སྒྲ་ཐམས་ཅད་ཤེས་ཤིང་སྟོན་ལ། མི་འཇིགས་པ་བཞི་ཡོངས་སུ་འཛིན་ཅིང་ཕྱིར་མི་ལྡོག་པའི་སྟོན་པ་གང་ཡིན་པ་དེ་ནི་ཆོས་ལ་དམིགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཆོས་ལ་དམིགས་པའི་ཕ་རོལ་དུ་ཕྱིན་
པ་དྲུག་གོ། །དེ་ལ་ཞི་གནས་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ལ་འཛིན་པ་མེད་པར་འགྱུར་བའི་སྦྱིན་པའི་ཕ་རོལ་དུ་ཕྱིན་པ་སྟེ། སེམས་ལ་འཛིན་པ་མེད་པའི་ཕྱིར། གང་བདེན་པའི་བསམ་པས་
ཡོངས་སུ་བསྔོ་བ་གང་ཡིན་པ་དེ་ནི་ཞི་གནས་ལ་དམིགས་པའི་སྦྱིན་པའི་ཕ་རོལ་དུ་ཕྱིན་པའོ། །སྒྲིབ་པ་ལྔ་སྤོང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །མི་རྟག་པ་དང་། སྡུག་བསྔལ་
བར་རྟོགས་པའི་ཤེས་པ་ལ་བཟོད་པར་བརྗོད་པ་གང་ཡིན་པ་དེ་ནི་ཞི་གནས་ལ་དམིགས་པའི་བཟོད་པའི་ཕ་རོལ་དུ་ཕྱིན་པའོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས་ཚོལ་བར་འབད་པ་གང་ཡིན་པ་དེ་ནི་ཞི་གནས་
ལ་དམིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཏིང་ངེ་འཛིན་བྱང་ཆུབ་ཀྱི་ཡན་ལག་འདི་ཡོངས་སུ་བཟུང་བས་ཉོན་མོངས་པ་ཞི་བར་འགྱུར་བའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ཞི་གནས་ལ་དམིགས་པའི་
བསམ་གཏན་གྱི་ཕ་རོལ་དུ་ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པའི་ཞི་གནས་ལ་དགའ་བ། ཞི་གནས་ལ་དམིགས་པ། ཞི་གནས་བསྒོམ་པ། ཞི་གནས་ལ་འབབ་པ། ཞི་གནས་སྔོན་དུ་འགྲོ་ཞིང་རྣམ་པར་ཐར་
40-1-34a


པ་བརྒྱད་ཐོབ་ལ་གཞན་གྱིས་མ་བསྟན་པར་ཉན་ཐོས་དང་། རང་སངས་རྒྱས་ཀྱི་སར་མི་ལྟུང་བ་གང་ཡིན་པ་དེ་ནི་ཞི་གནས་ལ་དམིགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཞི་གནས་ལ་དམིགས་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷག་མཐོང་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། གང་གི་དང་། གང་གི་ཚེ་དང་། གང་ཟག་གང་ལ་ཡང་རྟོག་པ་མེད་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་སྦྱིན་པའི་
ཕ་རོལ་དུ་ཕྱིན་པའོ། །སྔོན་གྱི་མཐའ་དང་ཕྱི་མའི་མཐའ་ལྷག་པར་མཐོང་བ་བསགས་པས་མི་དམིགས་པས་ངེས་པར་གྱུར་པའི་སྡོམ་པ་གང་ཡིན་པ་དེ་ནི་ལྷག་མཐོང་ལ་དམིགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཀུན་ནས་
དཀྲིས་ཏེ་འདུག་པ་མ་ཡིན་པའི་སེམས་ཀྱིས་ཆོས་ཐམས་ཅད་ལ་མཉམ་པ་ཉིད་དུ་ལྷག་པར་མཐོང་བའི་བཟོད་པ་སེམས་ཅན་དང་། སྲོག་དང་། གང་ཟག་དང་། གསོ་བའི་འདུ་ཤེས་དང་བྲལ་བ་གང་ཡིན་པ་དེ་ནི་ལྷག་མཐོང་ལ་དམིགས་པའི་བཟོད་པའི་
ཕ་རོལ་དུ་ཕྱིན་པའོ། །ལྷག་མཐོང་སྔོན་དུ་འགྲོ་ཞིང་ལྷག་མཐོང་གི་དབང་དུ་བྱས་ནས་བསམ་གཏན་ཐམས་ཅད་ཉེ་བར་ལེན་ལ་ཐབས་མཁས་པ་གང་ཡིན་པ་འདིས་ཀྱང་མངོན་པར་ཞེན་པ་མེད་པ་ལྡན་པ་གང་ཡིན་པ་དེ་ནི་ལྷག་མཐོང་ལ་དམིགས་
པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ལྷག་མཐོང་སྔོན་དུ་འགྲོ་ཞིང་ལྷག་མཐོང་གི་དབང་དུ་བྱས་ནས་བསམ་གཏན་ཐམས་ཅད་ཉེ་བར་ལེན་ལ་ཐབས་མཁས་པ་གང་ཡིན་པ་འདིས་ཀྱང་མངོན་པར་ཞེན་པ་མེད་པ་དང་ལྡན་པ་གང་ཡིན་པ་དེ་ནི་
ལྷག་མཐོང་ལ་དམིགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །འདོད་པ་རྣམས་ལ་ཐུག་པ་མེད་པ་གང་ཡིན་པ་དང་། གང་བསམ་གཏན་གྱི་ངོ་བོ་ཉིད་མ་ཡིན་པ་དང་། ཆོས་ལ་རྨོངས་པ་མེད་པ་གང་ཡིན་པ་དང་། བྱང་ཆུབ་ཀྱི་ཕྱིར་ཐོགས་
པ་མེད་པའི་ཤེས་པ་གང་ཡིན་པ་དང་། ཟག་པ་མེད་པར་ཞུགས་ཤིང་སྙིང་རྗེ་ཆེན་པོའི་འདུས་བྱས་དང་ལྡན་པས་བདག་ཡོངས་སུ་སྨིན་པར་བྱེད་པ་དང་། སེམས་ཅན་ཡོངས་སུ་སྨིན་པར་བྱེད་པ་དང་། རང་གི་ས་ལས་མ་གཡོས་པ་གང་
40-1-34b


ཡིན་པ་དེ་ནི་ལྷག་མཐོང་ལ་དམིགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ལྷག་མཐོང་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཐམས་ཅད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་ཐམས་ཅད་ལ་དབུལ་
བ་མ་ཡིན་པ་འཐོབ་པའི་ཕྱིར་སྦྱིན་པ་ཡོངས་སུ་བསྔོས་པ་གང་ཡིན་པ་དེ་ནི་ཐམས་ཅད་པའི་སྦྱིན་པའི་ཕ་རོལ་དུ་ཕྱིན་པའོ། །སེམས་ཅན་ཐམས་ཅད་ལ་བདེ་བར་ཡོངས་སུ་བསྔོས་པ་ནི་སྙིང་རྗེ་ཆེན་པོས་ཡོངས་སུ་བསྔོས་ལ། ཡེ་ཤེས་ཡོངས་སུ་
རྫོགས་པའི་རྒྱུ་འཐུན་པ་འགྱོད་པ་མེད་པའི་རྩ་བ་རྣམ་པར་སྨིན་པ་གྲུབ་པ་གང་ཡིན་པ་དེ་ནི་ཐམས་ཅད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཕྱིར་མི་ལྡོག་པའི་ཆོས་བསྒྲུབ་ཅིང་ཡི་དམ་བརྟན་པོར་འཛིན་པ་གང་ཡིན་པ་དེ་ནི་ཐམས་ཅད་པའི་བཟོད་
པའི་ཕ་རོལ་དུ་ཕྱིན་པའོ། །དད་པ་སྔོན་དུ་འགྲོ་བའི་ཤེས་རབ་ཀྱིས་ཡོངས་སུ་ཟིན་པའི་རྩོལ་བ་གང་ཡིན་པ་དེ་ནི་ཐམས་ཅད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དཔྱོད་པ་ཡང་དག་པ་ལས་བྱུང་བའི་བསམ་གཏན་གྱི་ཕ་རོལ་དུ་ཕྱིན་པ་སྦྱོར་བ་
དཔག་ཏུ་མེད་པ་དམིགས་པ་ཐོགས་པ་མེད་པ་མི་དམིགས་པ་དང་ལྡན་པ་གང་ཡིན་པ་དེ་ནི་ཐམས་ཅད་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པ་རིགས་ཀྱི་ཆོས་ལ་གནས་ཤིང་དད་པ་དང་། བརྩོན་འགྲུས་དང་། དྲན་
པ་དང་། ཏིང་ངེ་འཛིན་གྱིས་བརྟན་པ་འགྱོད་པས་ཞུམ་པ་མེད་པར་སྦྱོར་ཞིང་ཐབས་མཁས་པས་ཡོངས་སུ་ཟིན་པ་འཇིག་རྟེན་པ་དང་། སློབ་པ་དང་། མི་སློབ་པ་དང་། རང་སངས་རྒྱས་ཀྱི་ཤེས་པ་དང་། བླ་ན་མེད་པ་ཡང་དག་པར་
རྫོགས་པའི་བྱང་ཆུབ་ཆོས་ཐམས་ཅད་མཁྱེན་པ་ལས་བྱུང་བ་གང་ཡིན་པ་དེ་ནི་ཐམས་ཅད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཐམས་ཅད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཕྱོགས་གཅིག་པའི་ཕ་རོལ་དུ་ཕྱིན་པ་དྲུག་
གང་ཞེ་ན། བྱང་ཆུབ་སེམས་དཔའ་རང་གིས་སེམས་ཀྱིས་སྦྱིན་པ་གང་ཡིན་པ་དེ་ནི་ཕྱོགས་གཅིག་པའི་སྦྱིན་པའི་ཕ་རོལ་དུ་ཕྱིན་པའོ། །ཆོས་ལ་ཁ་གཅིག་ཏུ་ནི་ཚུལ་ཁྲིམས་ཀྱི་འདུ་ཤེས། ཁ་ཅིག་ཏུ་ནི་འཆལ་བའི་ཚུལ་ཁྲིམས་ཀྱི་འདུ་
40-1-35a


ཤེས་གང་ཡིན་པ་དེ་ནི་ཕྱོགས་གཅིག་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དམིགས་པ་ལ་གནས་པའི་བཟོད་པ་གང་ཡིན་པ་དེ་ནི་ཕྱོགས་གཅིག་པའི་བཟོད་པའི་ཕ་རོལ་དུ་ཕྱིན་པའོ། །རྣམ་པར་དབྱེ་བའི་བརྩོན་
འགྲུས་གང་ཡིན་པ་དེ་ནི་ཕྱོགས་གཅིག་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དངོས་པོ་ལ་དམིགས་པའི་བསམ་གཏན་གང་ཡིན་པ་དེ་ནི་ཕྱོགས་གཅིག་པའི་བསམ་གཏན་གྱི་ཕ་རོལ་དུ་ཕྱིན་པའོ། །སྤྱོད་པ་དང་། སེལ་
བའི་འདུ་ཤེས་ལ་རྟོག་པ་གང་ཡིན་པ་དེ་ནི་ཕྱོགས་གཅིག་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཕྱོགས་གཅིག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་
གནས་རྣམས་དང་སོ་སོའི་སྐྱེ་བོ་རྣམས་ལ་སེམས་མཉམ་པ་ཉིད་ཀྱིས་སྦྱིན་པ་གང་ཡིན་པ་དེ་ནི་ཉམས་པ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །མི་གནས་པའི་སྡོམ་པ་གང་ཡིན་པ་དེ་ནི་ཉམས་པ་མེད་པའི་ཚུལ་ཁྲིམས་ཀྱི་ཕ་རོལ་
དུ་ཕྱིན་པའོ། །འཇིག་རྟེན་གྱི་ཆོས་བརྒྱད་ཀྱིས་བསྒྱུར་དུ་མེད་པ་གང་ཡིན་པ་དེ་ནི་ཉམས་པ་མེད་པའི་བཟོད་པའི་ཕ་རོལ་དུ་ཕྱིན་པའོ། །བདུད་ཀྱི་མཐུ་ཁོང་དུ་ཆུད་པས་ཇི་ལྟར་ཉམ་ཐག་ཀྱང་བརྩོན་འགྲུས་མི་འདོར་བ་གང་ཡིན་པ་དེ་ནི་ཉམས་
པ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྒྲིབ་པ་མེད་པའི་ཆོས་ལ་ལྷག་པར་མོས་ཤིང་ཡུལ་ལ་མཉམ་པ་ཉིད་རབ་ཏུ་ཐོབ་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ཉམས་པ་མེད་པའི་བསམ་གཏན་གྱི་ཕ་རོལ་
དུ་ཕྱིན་པའོ། །འཇིག་རྟེན་དང་འཇིག་རྟེན་ལས་འདས་པའི་ཆོས་རྣམས་ལ་ཐོགས་པ་མེད་པར་འགྱུར་བ་གང་ཡིན་པ་དེ་ནི་ཉམས་པ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། དེ་དག་ནི་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གོ། །
དེ་ལ་བཅོས་མ་མ་ཡིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡོངས་སུ་བརྟག་པའི་ངོ་བོས་ཆོས་ཀྱི་སྦྱིན་པ་དང་། ཟང་ཟིང་གི་སྦྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་སྦྱིན་པའི་ཕ་རོལ་དུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་གང་
40-1-35b


ཡིན་པ་དེ་ནི་བཅོས་མ་མ་ཡིན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བསམ་པ་ཡང་དག་པར་འཕགས་པའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བཟོད་པའི་ཕ་རོལ་དུ་ཕྱིན་པའོ། །ཡོ་བྱད་དང་ཟང་ཟིང་
གི་ཆེད་མ་ཡིན་པར་ཐམས་ཅད་དུ་བརྩོན་འགྲུས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །མངོན་པར་ཞེན་པ་མེད་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བཅོས་
མ་མ་ཡིན་པའི་བསམ་གཏན་གྱི་ཕ་རོལ་དུ་ཕྱིན་པའོ། །རྗེས་སུ་བསྲུང་བ་མེད་པར་གཞན་ལ་ཕན་འདོགས་པར་འགྱུར་བའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་
ནི་བཅོས་མ་མ་ཡིན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དབུལ་པོ་མ་ཡིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། དབུལ་པོས་གཞན་ལ་ཕན་པའི་ཕྱིར་ཡོངས་སུ་བསྔོས་ལ་བདག་ཉིད་རྣམ་པར་སྨིན་པ་བདེ་བའི་ཕྱིར་ཞུགས་པ་
མ་ཡིན་པ་གང་ཡིན་པ་དེ་ནི་དབུལ་པོ་མ་ཡིན་པའི་སྦྱིན་པའི་ཕ་རོལ་དུ་ཕྱིན་པའོ། །བདེ་འགྲོར་ཡོངས་སུ་བསྔོ་བ་དང་བྲལ་བའི་སྡོམ་པ་གང་ཡིན་པ་དེ་ནི་དབུལ་པོ་མ་ཡིན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཟང་ཟིང་གི་ཕྱིར་བཟོད་པ་གང་
ཡིན་པ་དེ་ནི་དབུལ་པོ་མ་ཡིན་པའི་བཟོད་པའི་ཕ་རོལ་དུ་ཕྱིན་པའོ། །ཟང་ཟིང་དང་འབྲེལ་པའི་ལུས་དང་སེམས་ཀྱི་རྩོལ་བ་གང་ཡིན་པ་དེ་ནི་དབུལ་པོ་མ་ཡིན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཚངས་པར་སྐྱེ་བར་ཡོངས་སུ་
བསྔོས་པའི་བསམ་གཏན་བསྐྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཉོན་མོངས་པ་དང་ཉེ་བར་སྤྱོད་པ་འདྲེས་པ་མང་པོ་ཐོབ་ནས་གནས་ཏེ་སྐྱོན་རྟོགས་ཀྱང་མི་སྤོང་ཞིང་སྨོད་པར་མི་བྱེད་པ་
གང་ཡིན་པ་དེ་ནི་དབུལ་པོ་མ་ཡིན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་དབུལ་པོ་མ་ཡིན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཕྱིར་མི་ལྡོག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཉན་ཐོས་དང་། རང་སངས་རྒྱས་ལ་མི་
40-1-36a


གནས་པའི་སྦྱིན་པའི་བྱང་ཆུབ་ལས་ཕྱིར་མི་ལྡོག་པ་གང་ཡིན་པ་དེ་ནི་ཕྱིར་མི་ལྡོག་པའི་སྦྱིན་པའི་ཕ་རོལ་དུ་ཕྱིན་པའོ། །བྱང་ཆུབ་ཇི་སྲིད་པའི་བར་དུ་ཚུལ་ཁྲིམས་རྒྱུན་ཆད་པ་མེད་པ་གང་ཡིན་པ་དེ་ནི་ཕྱིར་མི་ལྡོག་པའི་
ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །འཇིག་རྟེན་ལས་འདས་པ་ཉན་ཐོས་ཀྱི་ས་དང་། རང་སངས་རྒྱས་ཀྱི་ས་ལས་འདས་པ་གང་ཡིན་པ་དེ་ནི་ཕྱིར་མི་ལྡོག་པའི་བཟོད་པའི་ཕ་རོལ་དུ་ཕྱིན་པའོ། །ནམ་ཐམས་ཅད་མཁྱེན་པ་
ཐོབ་ཀྱི་བར་དུ་ཐབས་མཁས་པས་ཡོངས་སུ་ཟིན་པའི་བརྩོན་འགྲུས་ཐོགས་པ་མེད་པ་གང་ཡིན་པ་དེ་ནི་ཕྱིར་མི་ལྡོག་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔའ་འདོད་པའི་ཡོན་ཏན་ལ་ལོངས་སྤྱོད་ཅིང་དུས་ཐམས་ཅད་དུ་ཐབས་
མཁས་པའི་ཤེས་རབ་ཀྱིས་སྤྱོད་པ་གང་ཡིན་པ་དེ་ནི་ཕྱིར་མི་ལྡོག་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཐ་ན་དགེ་སྦྱོང་དང་། བྲམ་ཟེ་དང་། ཉན་ཐོས་དང་། རང་སངས་རྒྱས་ཀྱིས་མི་འཕྲོགས་ཤིང་འཇིག་རྟེན་ལས་འདས་པའི་
ཡང་དག་པའི་ལྟ་བ་ལས་བྱུང་བ་སྙིང་རྗེ་ཆེན་པོས་ཉེ་བར་བརྟན་པའི་ཤེས་རབ་རྒྱ་ཆེན་པོ་གང་ཡིན་པ་དེ་ནི་ཕྱིར་མི་ལྡོག་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་
བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྐྱོ་བ་མེད་པའི་སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བསྒྲུབ་པའི་སྦྱིན་པའི་ཕ་རོལ་དུ་ཕྱིན་པའོ། །ཐོས་པ་ཉུང་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་
པར་བསྒྲུབ་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཞེ་སྡང་དང་ཞེ་སྡང་མ་ཡིན་པ་ལ་མི་བལྟ་བར་གནས་པའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བསྒྲུབ་པའི་བཟོད་པའི་ཕ་རོལ་དུ་ཕྱིན་པའོ། རོ་མྱང་བའི་
བརྩོན་འགྲུས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བསྒྲུབ་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བསམ་གཏན་གྱི་ཕ་རོལ་དུ་ཕྱིན་པ་བདག་མེད་པ་ལས་ཕྱི་རོལ་དུ་གྱུར་པའི་བཟོད་པ་གང་ཡིན་པ་དེ་ནི་རྣམ་པར་བསྒྲུབ་
40-1-36b


པའི་བསམ་གཏན་གྱི་ཕ་རོལ་དུ་ཕྱིན་པའོ། །འཇིག་རྟེན་གྱི་བྱ་བ་ལ་གཞལ་བའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བསྒྲུབ་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རྣམ་པར་བསྒྲུབ་པའི་ཕ་རོལ་
དུ་ཕྱིན་པ་དྲུག་གོ། །དེ་ལ་དག་པའི་ཕ་རོལ་དུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་ལ་རེ་བ་མེད་པའི་སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་དག་པའི་སྦྱིན་པའི་ཕ་རོལ་དུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་
པ་གང་ཡིན་པ་དེ་ནི་དག་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དམིགས་པ་མེད་པའི་ཆོས་དང་ལྡན་པའི་བཟོད་པ་གང་ཡིན་པ་དེ་ནི་དག་པའི་བཟོད་པའི་ཕ་རོལ་དུ་ཕྱིན་པའོ། །བདག་དང་གཞན་ལ་གནོད་པ་མེད་པའི་བརྩོན་འགྲུས་ཀྱི་ཕ་
རོལ་དུ་ཕྱིན་པ་གང་ཡིན་པ་དེ་ནི་དག་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དངོས་པོ་མེད་པ་དང་དམིགས་པ་མེད་པའི་སྟོབས་བསྐྱེད་པ་ཐོབ་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་དག་པའི་བསམ་གཏན་གྱི་ཕ་རོལ་དུ་ཕྱིན་པའོ། །
སྒྲིབ་པ་ཐམས་ཅད་བསལ་ཅིང་ཕྱིན་ཅི་ལོག་མེད་པ་རྣམ་པར་བསྒོམ་པ་གང་ཡིན་པ་དེ་ནི་དག་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་དག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྟན་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་
སེམས་དཔའ་སྦྱིན་པ་སྦྱིན་པར་བྱེད་པ་ན་བདུད་ཀྱིས་སྤྲུལ་ནས་དབྱེ་བར་མི་ནུས་ཤིང་གདུང་བ་མེད་པར་བདོག་པ་ཐམས་ཅད་ཡོངས་སུ་གཏོང་བ་གང་ཡིན་པ་དེ་ནི་བརྟན་པའི་སྦྱིན་པའི་ཕ་རོལ་དུ་ཕྱིན་པའོ། །ཚུལ་ཁྲིམས་ཀྱི་ཕ་རོལ་དུ་ཕྱིན་པ་དགེ་མཚན་
དང་བཀྲ་ཤིས་ལ་མི་གནས་ཤིང་བྱང་ཆུབ་ཏུ་ངེས་པར་བསྔོ་བ་གང་ཡིན་པ་དེ་ནི་བརྟན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་མེད་ཅིང་ཐུན་མོང་མ་ཡིན་པའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་བརྟན་
པའི་བཟོད་པའི་ཕ་རོལ་དུ་ཕྱིན་པའོ། །མཁས་པས་བསྙེམས་པ་མེད་ཅིང་བརྩོན་འགྲུས་ཀྱི་ཕ་རོལ་དུ་ཕྱིན་པ་རྒྱུར་བྱེད་ནས་མི་བསྐྱོད་པ་གང་ཡིན་པ་དེ་ནི་བརྟན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཡོངས་སུ་སྨིན་པར་བྱ་བའི་ཕྱིར་ཡོངས་སུ་
40-1-37a


བསྔོས་པ་དང་། དབང་བ་དང་། སྙོམས་པར་འཇུག་པ་དག་བརྟན་པར་བྱ་བའི་ཕྱིར་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བརྟན་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཆོས་ལ་ངེས་པར་རྟོག་པའི་
བཟོད་པས་ངེས་པར་བྱུང་ཞིང་ཐམས་ཅད་དུ་རྨོངས་པ་མེད་པར་གནས་པའི་ཤེས་རབ་གང་ཡིན་པ་དེ་ནི་བརྟན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བརྟན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྟུན་པའི་ཕ་རོལ་དུ་ཕྱིན་པ་དྲུག་གང་ཞེ་
ན། དམིགས་པ་མེད་པར་གནས་པའི་སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་བརྟུན་པའི་སྦྱིན་པའི་ཕ་རོལ་དུ་ཕྱིན་པའོ། །བསྙེམས་པ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བརྟུན་པའི་ཚུལ་ཁྲིམས་ཀྱི་ཕ་རོལ་
དུ་ཕྱིན་པའོ། །རྗེས་སུ་ཆགས་པ་དང་ཁོང་ཁྲོ་བ་སྤོང་བ་ལ་དམིགས་པའི་བཟོད་པ་གང་ཡིན་པ་དེ་ནི་བརྟུན་པའི་བཟོད་པའི་ཕ་རོལ་དུ་ཕྱིན་པའོ། །ངར་འཛིན་པ་དང་། སྡུག་བསྔལ་སྣ་ཚོགས་སྤང་བ་དང་། སྨད་པའི་ཕྱིར་བདག་གི་ངལ་བ་
སྤངས་ནས་སྟོང་པ་ཉིད་ཀྱི་རྗེས་སུ་མཐུན་པ་གང་ཡིན་པ་དེ་ནི་བརྟུན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །གང་མི་རྟག་པས་ཡིད་བྱུང་སྟེ། རྟེན་ཅིང་འབྲེལ་པར་འབྱུང་བའི་སྟོབས་རྙེད་ཅིང་ཡོངས་སུ་གཏུགས་པ་མེད་པས་ཕྱེ་བ་གང་ཡིན་
པ་དེ་ནི་བརྟུན་པའི་བསམ་གཏན་གྱི་ཕ་རོལ་དུ་ཕྱིན་པའོ། །འདོད་ཆགས་དང་བྲལ་བར་ཞུགས་པ་གཉིས་སུ་མེད་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་བརྟུན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བརྟུན་པའི་ཕ་རོལ་
དུ་ཕྱིན་པ་དྲུག་གོ། །དེ་ལ་ངོམས་པའི་ཕ་རོལ་དུ་ཕྱིན་པ་དྲུག་གང་ཞེ་ན་སྦྱིན་པའི་ཕ་རོལ་དུ་ཕྱིན་པ་ཐར་པར་ཡོངས་སུ་བསྔོ་ཞིང་འཁོར་བར་ཡོངས་སུ་མི་སྔོ་བ་གང་ཡིན་པ་དེ་ནི་ངོམས་པའི་སྦྱིན་པའི་ཕ་རོལ་དུ་ཕྱིན་པའོ། །ནག་ནོག་མེད་པའི་ཚུལ་ཁྲིམས་ཀྱི་ཕ་རོལ་དུ་
ཕྱིན་པ་གང་ཡིན་པ་དེ་ནི་ངོམས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔའི་ངོམས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་ནག་ནོག་ཅན་གང་ཡིན་པ་ཡོད་དེ། ཚུལ་ཁྲིམས་དེས་ཉན་ཐོས་ཀྱི་ས་འམ། རང་སངས་
40-1-37b


རྒྱས་ཀྱི་སར་སྨོན་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་ནག་ནོག་ཅན་ནོ། །སངས་རྒྱས་ཀྱི་ཡོན་ཏན་གྱི་བཀོད་པ་དཔག་ཏུ་མེད་པ་དག་འགྲུབ་པར་བྱེད་ཅིང་བླ་ན་མེད་པའི་སྨོན་ལམ་འདོད་པའི་བཟོད་པའི་ཕ་རོལ་དུ་ཕྱིན་པ་
གང་ཡིན་པ་དེ་ནི་ངོམས་པའི་བཟོད་པའི་ཕ་རོལ་དུ་ཕྱིན་པའོ། །འདུས་བྱས་རྣམས་ལ་ལྷག་པར་ཆགས་པ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ངོམས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །འཐུན་པ་དང་
མི་མཐུན་པས་རབ་ཏུ་ཕྱེ་བའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ངོམས་པའི་བསམ་གཏན་གྱི་ཕ་རོལ་དུ་ཕྱིན་པའོ། །རྣམ་པར་ཐར་པའི་སྒོ་གསུམ་ཡོངས་སུ་བཟུང་བའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་
དེ་ནི་ངོམས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ངོམས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པ་བྱང་ཆུབ་ཀྱི་ཕྱིར་ཡོངས་སུ་མི་བསྔོ་བ་གང་ཡིན་པ་དེ་ནི་འཇིག་
རྟེན་པའི་སྦྱིན་པའི་ཕ་རོལ་དུ་ཕྱིན་པའོ། །ཚུལ་ཁྲིམས་རྣམ་པ་བདུན་གང་ཡིན་པ་དེ་ནི་འཇིག་རྟེན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་བཟོད་པ་གང་ཡིན་པ་དེ་ནི་འཇིག་རྟེན་པའི་བཟོད་པའི་ཕ་
རོལ་དུ་ཕྱིན་པའོ། །འཇིག་རྟེན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པ་འདུ་འཛི་ཅན་གང་ཡིན་པ་དེ་ནི་འཇིག་རྟེན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྐྱེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་འཇིག་རྟེན་པའི་
བསམ་གཏན་གྱི་ཕ་རོལ་དུ་ཕྱིན་པའོ། །འཇིག་རྟེན་གྱི་ཆོས་རྣམས་འདྲིས་པར་གནས་པའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་འཇིག་རྟེན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་འཇིག་རྟེན་པའི་ཕ་
རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་ལས་འདས་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་ཆོས་ཀྱི་སྦྱིན་པ་དང་། ཟང་ཟིང་གི་སྦྱིན་པ་མངོན་པར་བསྒྲུབས་པའི་བསོད་ནམས་ཀྱི་རྣམ་པར་སྨིན་པའི་བསམ་པ་འགྲུབ་ལ། མྱུར་
40-1-38a


དུ་མྱ་ངན་ལས་འདས་པ་ཞི་བ་མཆོག་ཐོབ་པར་འགྱུར་རོ་ཞེས། བཅོམ་ལྡན་འདས་ཀྱིས་ཇི་སྐད་གསུང་པ་གང་ཡིན་པ་དེ་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་དུ་ཕྱིན་པའོ། །ཉན་ཐོས་དང་རང་སངས་རྒྱས་ཀྱི་ཆོས་རྣམས་ཀྱི་སྡོམ་པ་
ཤིན་དུ་བསལ་ཞིང་གང་ན་བག་ཆགས་ཀྱི་ཉིང་མཚམས་སྦྱོར་བ་འགག་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཟག་པ་མེད་པའི་ཆོས་རྣམས་ཀྱིས་བཟོད་པ་གང་ཡིན་པ་དེ་ནི་འཇིག་རྟེན་ལས་འདས་
པའི་བཟོད་པའི་ཕ་རོལ་དུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་ནམ་བྱང་ཆུབ་ཀྱི་བར་དུ་སེམས་ཅན་ཡོངས་སུ་སྨིན་པར་བྱ་བའི་ཕྱིར་རྩོལ་བ་གང་ཡིན་པ་དེ་ནི་འཇིག་རྟེན་ལས་འདས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བྱང་
ཆུབ་སེམས་དཔའི་ཆོས་ལ་དབང་པོ་དང་ཡེ་ཤེས་ཡོངས་སུ་རྫོགས་པར་བྱ་བའི་ཕྱིར་ཏིང་ངེ་འཛིན་དུ་གནས་པ་གང་ཡིན་པ་དེ་ནི་འཇིག་རྟེན་ལས་འདས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཉན་ཐོས་དང་རང་སངས་རྒྱས་རྣམས་དང་ཐུན་མོང་
མ་ཡིན་པ་བྱང་ཆུབ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་མཐར་ཕྱིན་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་འཇིག་རྟེན་ལས་འདས་པའི་ཕ་རོལ་དུ་ཕྱིན་པ་དྲུག་གོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཞི་པ། དེ་ལ་བླ་ན་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་
ཞིང་དུ་བྱང་ཆུབ་སེམས་དཔའ་དབང་བསྐུར་བའི་བཀོད་པ་ཚད་མེད་པ་དང་། ང་རྒྱལ་ལ་གནས་པའི་སེམས་ཅན་རྣམས་ཀྱི་མོས་པའི་རྣམ་པར་སྨིན་པ་བསྐལ་པ་གྲངས་མེད་པར་རྒྱུན་མི་འཆད་པ་གང་ཡིན་པ་དེ་ནི་བླ་ན་མེད་པའི་སྦྱིན་པའི་ཕ་རོལ་
དུ་ཕྱིན་པའོ། །ཆོས་ཀྱི་འདུ་ཤེས་ལ་གནས་ནས་ངན་སོང་གསུམ་ཡོངས་སུ་སྤངས་ཏེ་སངས་རྒྱས་ཀྱི་ཞིང་ཡོངས་སུ་འཛིན་པ་གང་ཡིན་པ་དེ་ནི་བླ་ན་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔའི་འཁོར་
40-1-38b


གསེར་གྱི་མདོག་ལྟ་བུར་འགྱུར་བ། གནོད་སེམས་ཐམས་ཅད་ཆུང་བ་གང་ཡིན་པ་དེ་ནི་བླ་ན་མེད་པའི་བཟོད་པའི་ཕ་རོལ་དུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་མི་འཁྲུགས་པའི་ཡི་དམ་མ་བཏང་བ་གང་ཡིན་པ་དེ་ནི་བླ་ན་མེད་པའི་
བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཁྱིམ་པར་གྱུར་པ་བཙུན་མོའི་འཁོར་ན་གནས་ཀྱང་བསམ་གཏན་བཞི་ཆུད་མི་ཟ་ལ་འདི་ལྟར་སངས་རྒྱས་ཀྱི་ཞིང་དུ་འཁོར་ཉོན་མོངས་པ་ཆུང་བའི་རྣམ་པར་སྨིན་པ་གང་ཡིན་པ་དེ་ནི་བླ་ན་མེད་པའི་
བསམ་གཏན་གྱི་ཕ་རོལ་དུ་ཕྱིན་པའོ། །སངས་རྒྱས་ཀྱི་ཞིང་ཡོངས་སུ་འཛིན་ཅིང་ཚེ་དཔག་ཏུ་མེད་པ་དང་། བཀོད་པ་དཔག་ཏུ་མེད་པ་དང་། འཁོར་དཔག་ཏུ་མེད་པའི་ནང་དུ་སྤོབས་པ་གང་ཡིན་པ་དེ་ནི་བླ་ན་མེད་པའི་ཤེས་རབ་ཀྱི་ཕ་རོལ་དུ་
ཕྱིན་པ་སྟེ། འདི་དག་ནི་བླ་ན་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གཡེང་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་སྦྱིན་པའི་ཕ་རོལ་དུ་ཕྱིན་པ་ཡོངས་སུ་བསྔོ་བའི་རྣམ་པར་སྨིན་པས་མངོན་
པར་ཤེས་པ་མྱུར་བར་འགྱུར་བ་གང་ཡིན་པ་དེ་ནི་གཡེང་བ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ས་གང་ན་གང་གི་འཕགས་པའི་ཆོས་རྣམས་རྒྱུན་མི་འཆད་པར་གནས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་
གཡེང་བ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དགེ་བའི་ཆོས་ཐམས་ཅད་སྒྲུབ་པར་བྱེད་པ་གང་ཡིན་པ་དེ་ནི་གཡེང་བ་མེད་པའི་བཟོད་པའི་ཕ་རོལ་དུ་ཕྱིན་པའོ། །ཡིད་བྱུང་བས་རབ་ཏུ་བསྐྱེད་པ་དང་། མྱ་ངན་ལས་འདས་
པས་རབ་ཏུ་བསྐྱེད་པ་དང་། འདོད་ཆགས་དང་བྲལ་བས་རབ་ཏུ་བསྐྱེད་པ་དང་། མ་དད་པ་རྣམས་ཀྱི་དྲན་པ་དང་། སངས་རྒྱས་རྣམས་ཀྱི་དགེ་བའི་རྩ་བ་ལས་བརྩམས་པ་གང་ཡིན་པ་དེ་ནི་གཡེང་བ་མེད་པའི་བརྩོན་འགྲུས་ཀྱི་ཕ་རོལ་དུ་
ཕྱིན་པའོ། །བསམ་གཏན་ལ་གནས་ནས་ཤེས་རབ་ཀྱི་ཕ་རོལ་དུ་ཕྱིན་པ་ལ་འཇུག་པ་དང་། འདོད་པ་ན་སྤྱོད་པའི་ཆོས་རྣམས་ལྷག་པར་མཐོང་ཡང་མི་སྤོང་ལ། སྐྱོན་དང་སྐྱོན་མེད་པ་རྟོགས་པ་གང་ཡིན་པ་དེ་ནི་གཡེང་བ་མེད་པའི་བསམ་
40-1-39a


གཏན་གྱི་ཕ་རོལ་དུ་ཕྱིན་པའོ། །ཕ་རོལ་དུ་ཕྱིན་པ་དྲུག་ཀྱང་སྤྱོད་ཅིང་འཇིག་རྟེན་གྱི་ཆོས་ཐམས་ཅད་ཀྱང་སྤྱོད་ལ་སྐྱོན་དང་སྐྱོན་མེད་པ་ཡང་རྟོགས་པ་དང་། བྱང་ཆུབ་སེམས་དཔའི་ཆོས་རྣམས་ཀྱང་སྤྱོད་ལ་སྐྱོན་དང་སྐྱོན་མེད་
པ་ཡང་རྟོགས་པ་གང་ཡིན་པ་དེ་ནི་གཡེང་བ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་གཡེང་བ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མི་འཁོར་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་
སེམས་དཔའ་དམིགས་པ་མེད་པ་ལ་གནས་པའི་སྦྱིན་པ་གང་ཡིན་པ་དེ་ནི་མི་འཁོར་བའི་སྦྱིན་པའི་ཕ་རོལ་དུ་ཕྱིན་པའོ། །ཉན་ཐོས་དང་རང་སངས་རྒྱས་དང་། སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་གང་ཡིན་པ་དེ་ནི་མི་འཁོར་བའི་ཚུལ་ཁྲིམས་
ཀྱི་ཕ་རོལ་དུ་ཕྱིན་པའོ། །ངར་འཛིན་དང་། ང་ཡིར་འཛིན་པ་ཆད་ཅིང་རྗེས་སུ་ཆགས་པ་དང་། ཁོང་ཁྲོ་བ་ལས་དབེན་པ་གང་ཡིན་པ་དེ་ནི་མི་འཁོར་བའི་བཟོད་པའི་ཕ་རོལ་དུ་ཕྱིན་པའོ། །དེ་སེམས་ཅན་གཞན་གྱི་ངོར་བལྟ་ཞིང་ཡེ་ཤེས་
ལས་མི་ལྡོག་པ་ཕ་རོལ་གནོན་པ་གང་ཡིན་པ་དེ་ནི་མི་འཁོར་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །མཐོང་བ་དང་། ཐོས་པ་དང་། དྲན་པའི་ཆོས་རྣམས་ཡོངས་སུ་ཤེས་པར་བྱ་བའི་ཕྱིར་གནས་པའི་བསམ་གཏན་གང་ཡིན་པ་དེ་ནི་མི་
འཁོར་བའི་བསམ་གཏན་གྱི་ཕ་རོལ་དུ་ཕྱིན་པའོ། །ཐེ་ཙོམ་ཡང་དག་པར་བཅོམ་ཞིང་མཚན་མ་མེད་པས་རབ་ཏུ་ཕྱེ་ལ། བྱང་ཆུབ་ཏུ་ཕྱོགས་གཅིག་པ་ཐམས་ཅད་མཁྱེན་པའི་ཡེ་ཤེས་ཁྱད་པར་དུ་འཕགས་པའི་ཤེས་རབ་གང་ཡིན་པ་དེ་ནི་
མི་འཁོར་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་མི་འཁོར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་འཁོར་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཇི་སྲིད་དུ་དམ་པའི་ཆོས་མ་ནུབ་ཀྱི་བར་དུ་རྣམ་པར་སྨིན་པ་སེམས་ཅན་དང་ལྷན་
གཅིག་ཏུ་འཇུག་པའི་སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་འཁོར་བའི་སྦྱིན་པའི་ཕ་རོལ་དུ་ཕྱིན་པའོ། །དགའ་ལྡན་གྱི་གནས་ན་གནས་པ་ནས་བཟུང་སྟེ། ནམ་མྱ་ངན་ལས་འདས་པའི་བར་དུ་རབ་ཏུ་འཇུག་པ་སྤོངས་བའི་ཕྱིར་གནས་པ་བཀྲ་
40-1-39b


ཤིས་པ་གང་ཡིན་པ་དེ་ནི་འཁོར་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྐྱེ་བོ་མང་པོ་ཡོངས་སུ་སྨིན་པར་བྱ་བའི་ཕྱིར་གནས་ཤིང་དུས་སུ་ཡོངས་སུ་བསྔོས་ལ། ཡང་དག་པ་དེ་ཁོ་ན་དང་ལྷན་ཅིག་པའི་བཟོད་པ་འཁོར་བ་དང་འཐུན་པ་
གང་ཡིན་པ་དེ་ནི་འཁོར་བའི་བཟོད་པའི་ཕ་རོལ་དུ་ཕྱིན་པའོ། །ཇི་ལྟར་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་གི་སྨོན་ལམ་དང་། ཇི་ལྟར་རྐང་བཀྲ་གཏུལ་བའི་ཕྱིར་སྐྱེ་བོ་མང་པོ་ལ་ཡོངས་སུ་བསྔོས་པའི་བརྩོན་འགྲུས་
གང་ཡིན་པ་དེ་ནི་འཁོར་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔའ་གང་ཞིག་སྒྲིབ་པ་མེད་པར་སྟོན་པའི་ཏིང་ངེ་འཛིན་ལས་བྱུང་བ་ལ་སྙོམས་པར་འཇུག་པ་ན་སེམས་ཅན་ཐམས་ཅད་ཀྱིས་བདེ་བ་རབ་ཏུ་འཐོབ་པ་གང་
ཡིན་པ་དེ་ནི་འཁོར་བའི་བསམ་གཏན་གྱི་ཕ་རོལ་དུ་ཕྱིན་པའོ། །བདག་གི་དོན་བྱང་ཆུབ་ཀྱི་སྐུ་དང་མོས་པ་སྣ་ཚོགས་པ་དག་གིས་དོན་ཀུན་ནས་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཁོར་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། 
འདི་དག་ནི་འཁོར་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཐུན་མོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་སྨོན་ལམ་གྱིས་ཡོངས་སུ་བསྔོས་པ་གང་ཡིན་པ་དེ་ནི་ཐུན་མོང་བའི་སྦྱིན་པའི་ཕ་རོལ་དུ་ཕྱིན་པའོ། །སེམས་ཅན་ལ་རབ་ཏུ་སྦྱོར་བར་
ཡོངས་སུ་བཟུང་བའི་ཉེ་བར་ལེན་པ་དང་བཅས་པའི་ཚུལ་ཁྲིམས་གང་ཡིན་པ་དེ་ནི་ཐུན་མོང་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བྱིན་གྱི་བརླབས་ཡོངས་སུ་བཟུང་བའི་བཟོད་པ་གང་ཡིན་པ་དེ་ནི་མཐུན་མོང་བའི་བཟོད་པའི་ཕ་རོལ་ཏུ་
ཕྱིན་པའོ། །སྙིང་རྗེ་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་ཐུན་མོང་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་དུས་སུ་ཡོངས་སུ་སྨིན་པར་བྱ་བ་དང་། ཡོངས་སུ་བསྔོ་བའི་བསམ་གཏན་གང་
ཡིན་པ་དེ་ནི་ཐུན་མོང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བག་ཆགས་ཀྱི་མཚམས་སྦྱོར་བ་ལ་རྨོངས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཐུན་མོང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐུན་མོང་བའི་
40-1-40a


ཕ་རོལ་དུ་ཕྱིན་པ་དྲུག་གོ། །དེ་ལ་ཐུན་མོང་མ་ཡིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྤོབས་པ་ཁོང་དུ་ཆུད་པར་བྱ་བའི་ཕྱིར་བསྒྲུབ་པ་དང་། གང་སྤོབས་པ་སྣ་ཚོགས་བསྐྱེད་པ་འགྲུབ་པའི་སྦྱིན་པའི་ཕ་རོལ་དུ་ཕྱིན་པ་གང་
ཡིན་པ་དེ་ནི་ཐུན་མོང་མ་ཡིན་པའི་སྦྱིན་པའི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔའ་ཁྱིམ་ལ་མངོན་པར་མི་དགའ་བའི་ཚུལ་ཁྲིམས་གང་ཡིན་པ་དེ་ནི་ཐུན་མོང་མ་ཡིན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །རྟོན་པ་ཐུན་མོང་མ་ཡིན་
པ་ཟབ་མོའི་ཆོས་ལ་བཟོད་པ་གང་ཡིན་པ་དེ་ནི་ཐུན་མོང་མ་ཡིན་པའི་བཟོད་པའི་ཕ་རོལ་དུ་ཕྱིན་པའོ། །དཔག་ཏུ་མེད་པར་འབྱུང་བའི་བརྩོན་འགྲུས་གང་ཡིན་པ་དེ་ནི་ཐུན་མོང་མ་ཡིན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སེམས་ཅན་ལ་
བསྒོམ་པ་དང་། ཆོས་ལ་ལྷག་པའི་བསམ་པས་བསྒོམ་པ་དང་། སྟོང་པ་ཉིད་ཀྱི་རྣམ་པའི་བསམ་གཏན་གང་ཡིན་པ་དེ་ནི་ཐུན་མོང་མ་ཡིན་པའི་བསམ་གཏན་གྱི་ཕ་རོལ་དུ་ཕྱིན་པའོ། །དོན་སོ་སོ་ཡང་དག་པར་རིག་པ་དང་། ངེས་པའི་ཚིག་
སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པའི་རྗེས་སུ་ཞུགས་པ་དང་། ཆོས་གཉིས་རྟོགས་པ་ལས་འབྱུང་བ་དང་། ཅང་ཤེས་ཀྱི་ལས་གཉིས་ལ་རབ་ཏུ་ཤེས་པ་གང་ཡིན་པ་དེ་ནི་ཐུན་མོང་མ་ཡིན་པའི་ཤེས་
རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཐུན་མོང་མ་ཡིན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་བགེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་དུ་ཕྱིན་པ་ལས་བྱུང་བ་དང་། སྦྱིན་པའི་ཕ་རོལ་དུ་ཕྱིན་པ་འགྲུབ་
པ་གང་ཡིན་པ་དེ་ནི་རྣམ་པར་བགེད་པའི་སྦྱིན་པའི་ཕ་རོལ་དུ་ཕྱིན་པའོ། །དེ་ལ་ཚུལ་ཁྲིམས་ཀྱི་ཕ་རོལ་དུ་ཕྱིན་པ་ནི་ཅི་རིགས་པར་ལུས་ལ་ཡན་ལག་དང་ཉིང་ལག་ཡོངས་སུ་རྫོགས་པ་གང་ཡིན་པ་དེ་ནི་རྣམ་པར་བགེད་པའི་ཚུལ་ཁྲིམས་ཀྱི་ཕ་
རོལ་དུ་ཕྱིན་པའོ། །འཁོར་གྱི་ནང་ན་ངེས་པར་གནས་པའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བཟོད་པའི་ཕ་རོལ་དུ་ཕྱིན་པའོ། །དོན་ཐམས་ཅད་གྲུབ་པའི་བརྩོན་འགྲུས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་
40-1-40b


རྣམ་པར་བགེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྔོན་གྱི་གནས་ཤེས་པ་མངོན་སུམ་དུ་བྱ་བའི་ཕྱིར་ཤེས་པ་ལ་གནས་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་བསམ་གཏན་གྱི་ཕ་
རོལ་དུ་ཕྱིན་པའོ། །བདེན་པ་ཡོད་པ་ལ་རབ་དུ་རྟོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་བགེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རྣམ་པར་བགེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་
པར་སྨིན་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཇི་ལྟར་ཆུ་བོ་ནཻ་རན་ཛ་ནཱའི་འགྲམ་དུ་ཟས་རྙེད་ནས་དཀའ་བ་སྤྱད་པ་སྤྱོད་པར་ཀུན་དུ་སྟོན་པར་བྱིན་གྱིས་བརླབས་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་སྦྱིན་པའི་ཕ་རོལ་དུ་ཕྱིན་
པའོ། །ཇི་ལྟར་རྒྱུ་སྐར་ཉིས་སྟོང་ལྔ་བརྒྱའི་སྤྲུལ་པ་ལ་ཞུགས་ཤིང་ཆུ་བོ་གང་གཱའི་འགྲམ་ན་མི་དམིགས་པར་གནས་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ལུས་དང་། ངག་དང་། སེམས་
དམིགས་པ་མེད་པས་ཕྱེ་བའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་རྣམ་པར་སྨིན་པ་མེད་པའི་བཟོད་པའི་ཕ་རོལ་དུ་ཕྱིན་པའོ། །རྣམ་པར་བརྟགས་པ་མེད་པའི་རྩོལ་བ་གང་ཡིན་པ་དེ་ནི་རྣམ་པར་སྨིན་པ་མེད་པའི་བརྩོན་འགྲུས་ཀྱི་
ཕ་རོལ་དུ་ཕྱིན་པའོ། །འགོག་པའི་ས་ལ་གནས་པའི་བསམ་གཏན་གང་ཡིན་པ་དེ་ནི་རྣམ་པར་སྨིན་པ་མེད་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཟད་པ་མེད་པར་འགྱུར་བའི་ལྷག་མཐོང་གི་ཤེས་རབ་གང་ཡིན་པ་དེ་ནི་རྣམ་པར་
སྨིན་པ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ངོ་བོ་ཉིད་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རློམ་སེམས་མེད་པའི་སྦྱིན་པ་གང་ཡིན་པ་དེ་ནི་ངོ་བོ་ཉིད་ཀྱི་སྦྱིན་པའི་
ཕ་རོལ་དུ་ཕྱིན་པའོ། །སེམས་ལ་རློམ་སེམས་མེད་པའི་ཚུལ་ཁྲིམས་གང་ཡིན་པ་དེ་ནི་ངོ་བོ་ཉིད་ཀྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བདག་མེད་པར་བཟོད་པ་གང་ཡིན་པ་དེ་ནི་ངོ་བོ་ཉིད་ཀྱི་བཟོད་པའི་ཕ་རོལ་དུ་ཕྱིན་པའོ། །བདག་མེད་
40-1-41a


པར་དམིགས་པའི་བརྩོན་འགྲུས་གང་ཡིན་པ་དེ་ནི་ངོ་བོ་ཉིད་ཀྱི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་ངོ་བོ་ཉིད་ཀྱི་བསམ་གཏན་གྱི་ཕ་རོལ་དུ་ཕྱིན་པའོ། །ཆོས་
ཐམས་ཅད་ལ་ཕྱིན་ཅི་ལོག་མེད་པར་བཏང་སྙོམས་པ་གང་ཡིན་པ་དེ་ནི་ངོ་བོ་ཉིད་ཀྱི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ངོ་བོ་ཉིད་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དངོས་པོ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། མ་འོངས་
པའི་སེམས་སྦྱིན་པ་ལ་མ་ཞུགས་པ་གང་ཡིན་པ་དེ་ནི་དངོས་པོ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ཟད་པས་རབ་ཏུ་ཕྱེ་བའི་སྡོམ་པ་གང་ཡིན་པ་དེ་ནི་དངོས་པོ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དགེ་བའི་འདུ་ཤེས་ཅན་དང་། 
མི་དགེ་བའི་འདུ་ཤེས་ཅན་དུ་སྤྲོས་པ་མེད་པ་གང་ཡིན་པ་དེ་ནི་དངོས་པོ་མེད་པའི་བཟོད་པའི་ཕ་རོལ་དུ་ཕྱིན་པའོ། །ལམ་ལ་རྩོལ་བ་གང་ཡིན་པ་དེ་ནི་དངོས་པོ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཁམས་གསུམ་ལ་མངོན་པར་ཞེན་པ་མེད་
པའི་སེམས་གང་དུ་ཇི་ལྟ་བ་བཞིན་རྗེས་སུ་སོང་བ་གང་ཡིན་པ་དེ་ནི་དངོས་པོ་མེད་པའི་བསམ་གཏན་གྱི་ཕ་རོལ་དུ་ཕྱིན་པའོ། །འདི་ལ་འདུས་བྱས་ཀྱི་འདུ་ཤེས་ཅན་དང་། གང་འདུས་མ་བྱས་ཀྱི་འདུ་ཤེས་ཅན་མེད་པར་རྣམ་པར་སྤྱོད་པ་གང་ཡིན་
པ་དེ་ནི་དངོས་པོ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་དངོས་པོ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྒྱ་ཆེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་དཔག་ཏུ་མེད་པའི་ཕྱིར་ཡོངས་
སུ་བསྔོས་པའི་སྦྱིན་པ་གང་ཡིན་པ་དེ་ནི་རྒྱ་ཆེ་བའི་སྦྱིན་པའི་ཕ་རོལ་དུ་ཕྱིན་པའོ། །ཐམས་ཅད་དུ་འགྲོ་བའི་ཚུལ་ཁྲིམས་གང་ཡིན་པ་དེ་ནི་རྒྱ་ཆེ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྦྱོར་བ་ལ་མི་ལྟོས་པའི་བཟོད་པ་གང་ཡིན་པ་དེ་ནི་རྒྱ་ཆེ་
བའི་བཟོད་པའི་ཕ་རོལ་དུ་ཕྱིན་པའོ། །དྲན་པ་ཉེ་བར་གཞག་པ་ལས་བྱུང་བའི་བརྩོན་འགྲུས་གང་ཡིན་པ་དེ་ནི་རྒྱ་ཆེ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཏིང་ངེ་འཛིན་སྟོང་ཕྲག་བརྒྱད་བཅུ་སྒྲུབ་པར་བྱེད་པའི་བསམ་གཏན་གྱི་ཕ་རོལ་དུ་ཕྱིན་
40-1-41b


པ་གང་ཡིན་པ་དེ་ནི་རྒྱ་ཆེ་བའི་བསམ་གཏན་གྱི་ཕ་རོལ་དུ་ཕྱིན་པའོ། །སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་དང་། རྣམ་པར་བྱང་བ་ཁོང་དུ་ཆུད་ཅིང་སྨོན་ལམ་ཁས་འཆེས་པ་གང་ཡིན་པ་དེ་ནི་རྒྱ་ཆེ་བའི་ཤེས་རབ་ཀྱི་ཕ་རོལ་དུ་ཕྱིན་པ་
སྟེ། འདི་དག་ནི་བྱང་ཆུབ་སེམས་དཔའི་རྒྱ་ཆེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྒྱས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཕྱིར་མི་ལྡོག་པའི་ཆོས་དང་ལྡན་པར་འགྱུར་བ་རྣམ་པ་བཅུ་དྲུག་དང་ལྡན་པའི་སྦྱིན་པ་གང་ཡིན་པ་དེ་ནི་རྒྱས་པའི་
སྦྱིན་པའི་ཕ་རོལ་དུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་ལ་འཇིགས་པར་བལྟ་བར་དམ་བཅས་པ་གང་ཡིན་པ་དེ་ནི་རྒྱས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །རྗེས་སུ་ཆགས་པ་དང་། ཁོང་ཁྲོ་བ་སྤངས་པའི་བཟོད་པ་གང་ཡིན་པ་དེ་ནི་རྒྱས་པའི་
བཟོད་པའི་ཕ་རོལ་དུ་ཕྱིན་པའོ། །ཁ་ན་མ་ཐོ་བ་མེད་པ་ལ་རབ་ཏུ་སྦྱོར་བའི་བརྩོན་འགྲུས་གང་ཡིན་པ་དེ་ནི་རྒྱས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སྙིང་རྗེ་ཆེན་པོ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་རྒྱས་པའི་བསམ་གཏན་
གྱི་ཕ་རོལ་དུ་ཕྱིན་པའོ། །ཐོགས་པ་མེད་པར་སྟོན་པའི་ཤེས་རབ་གང་ཡིན་པ་དེ་ནི་རྒྱས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རྒྱས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མཐའ་ཡས་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
ཤེས་རབ་དང་མཚུངས་པར་ལྡན་པའི་སྦྱིན་པ་གང་ཡིན་པ་དེ་ནི་མཐའ་ཡས་པའི་སྦྱིན་པའི་ཕ་རོལ་དུ་ཕྱིན་པའོ། །ཕན་པར་འདོད་པའི་ཆོས་དང་མཚུངས་པར་ལྡན་པའི་ཚུལ་ཁྲིམས་གང་ཡིན་པ་དེ་ནི་མཐའ་ཡས་པའི་ཚུལ་ཁྲིམས་ཀྱི་ཕ་རོལ་
དུ་ཕྱིན་པའོ། །རྣམ་པར་ཐར་པའི་སྒོ་གསུམ་ལ་བཟོད་པ་གང་ཡིན་པ་དེ་ནི་མཐའ་ཡས་པའི་བཟོད་པའི་ཕ་རོལ་དུ་ཕྱིན་པའོ། །ཡང་དག་པར་ཤིན་དུ་སྦྱངས་པའི་གཞིའི་བརྩོན་འགྲུས་གང་ཡིན་པ་དེ་ནི་མཐའ་ཡས་པའི་བརྩོན་འགྲུས་ཀྱི་ཕ་རོལ་
དུ་ཕྱིན་པའོ། །བྱམས་པ་ལ་སྦྱོང་ཞིང་བྱང་ཆུབ་ཀྱི་ཡན་ལག་ལ་དམིགས་པའི་བསམ་གཏན་གང་ཡིན་པ་དེ་ནི་མཐའ་ཡས་པའི་བསམ་གཏན་གྱི་ཕ་རོལ་དུ་ཕྱིན་པའོ། །སོ་སོ་ཡང་དག་པར་རིག་པའི་ཤེས་རབ་གང་ཡིན་པ་དེ་ནི་མཐའ་ཡས་པའི་
40-1-42a


ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་མཐའ་ཡས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚོལ་བའི་ཕ་རོལ་དུ་ཕྱིན་པ་དྲུག་གང་ཞེ་ན། རབ་ཏུ་བྱུང་བ་ལྷུང་བཟེད་ཐོགས་ནས་ཅི་སྙེད་པ་ཡང་དག་པར་བགེད་པ་གང་ཡིན་
པ་དེ་ནི་ཚོལ་བའི་སྦྱིན་པའི་ཕ་རོལ་དུ་ཕྱིན་པའོ། །སྦྱངས་པའི་ཡོན་ཏན་གྱི་ཚུལ་ཁྲིམས་གང་ཡིན་པ་དེ་ནི་ཚོལ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཐོས་པའི་གཞི་དང་། དགེ་བའི་གཞི་དག་ལས་སྡུག་བསྔལ་ལ་མི་མཇེད་པ་ནི་དཔེར་
ན་རྒྱལ་པོའི་མགོ་དང་། བཙུན་མོ་ཡོངས་སུ་གཏོང་བ་ལྟ་བུ་དང་། གང་གི་ཚེ་ཡང་དག་པར་སོ་སོར་བརྟགས་པས་དང་དུ་ལེན་པ་གང་ཡིན་པ་དེ་ནི་ཚོལ་བའི་བཟོད་པའི་ཕ་རོལ་དུ་ཕྱིན་པའོ། །མར་མེ་མཛད་ཀྱི་སྔོན་རོལ་དུ་སྡུག་བསྔལ་བས་
དགེ་བ་ལེགས་པར་བསྒྲུབ་པ་ན། ཡོངས་སུ་མི་སྐྱོ་བ་གང་ཡིན་པ་དེ་ནི་ཚོལ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །རྟོག་དཔྱོད་དང་བཅས་པའི་བསམ་གཏན་ལྷག་མཐོང་གིས་ཤས་ཆེ་བ་གང་ཡིན་པ་དེ་ནི་ཚོལ་བའི་བསམ་གཏན་གྱི་ཕ་
རོལ་དུ་ཕྱིན་པའོ། །རྟེན་ཅིང་འབྲེལ་པར་འབྱུང་བའི་གཏན་ཚིགས་ཀྱིས་སྟོང་པ་ཉིད་ཀྱི་དོན་འཚལ་བ་གང་ཡིན་པ་དེ་ནི་ཚོལ་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཚོལ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྒལ་བའི་ཕ་རོལ་
དུ་ཕྱིན་པ་དྲུག་གང་ཞེ་ན། དབུལ་པོ་འཇོམ་པར་འགྱུར་བ་ཁྱིམ་བདག་རིན་པོ་ཆེ་བསྒྲུབ་པར་བྱེད་པའི་སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་བརྒལ་བའི་སྦྱིན་པའི་ཕ་རོལ་དུ་ཕྱིན་པའོ། །གང་གི་ཚེ་དགེ་བ་བཅུའི་ལས་ཀྱི་ལམ་དག་ཀུན་ནས་
བསྲུང་བ་རྣམ་པར་སྨིན་པ་སྐྱེ་བོ་གཞན་ལ་སྟོབས་པའི་ཚུལ་ཁྲིམས་གང་ཡིན་པ་དེ་ནི་བརྒལ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་དང་དུ་ལེན་པ་གང་ཡིན་པ་དེ་ནི་བརྒལ་བའི་བཟོད་པའི་ཕ་རོལ་དུ་
ཕྱིན་པའོ། །འདོད་པའི་རྣམ་པར་རྟོག་པ་སྤང་བའི་ཕྱིར་ངེས་པར་འབྱུང་བའི་རྣམ་པར་རྟོག་པ་གང་ཡིན་པ་དེ་ནི་བརྒལ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །རྣམ་པར་འཚེ་བ་སྤང་བའི་ཕྱིར་བསྙེམས་པ་མེད་པའི་བསམ་གཏན་གང་ཡིན་པ་
40-1-42b


དེ་ནི་བརྒལ་བའི་བསམ་གཏན་གྱི་ཕ་རོལ་དུ་ཕྱིན་པའོ། །ཁམས་གསུམ་པའི་སྡུག་བསྔལ་གྱི་མཚན་ཉིད་ལ་ཉེ་བར་རྟོག་པ་བདག་མེད་པས་ངེས་པར་བྱུང་བ་གང་ཡིན་པ་དེ་ནི་བརྒལ་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་
བརྒལ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་པར་དགའ་བའི་ཕ་རོལ་དུ་ཕྱིན་པ་དྲུག་གང་ཞེ་ན། འདོད་པ་ཐམས་ཅད་འབྱོར་པར་བྱ་བའི་ཕྱིར་ལྷ་དང་མིའི་འགྲོ་བར་རྣམ་པར་སྨིན་པར་འགྱུར་བའི་སྦྱིན་པའི་ཕ་རོལ་དུ་ཕྱིན་པ་ང་རྒྱལ་མེད་པ་གང་
ཡིན་པ་དེ་ནི་མངོན་པར་དགའ་བའི་སྦྱིན་པའི་ཕ་རོལ་དུ་ཕྱིན་པའོ། །ལྷ་དང་མིའི་འགྲོ་བ་དག་དུ་ཚེ་རིང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །མི་སྐྱེ་བའི་ཆོས་ལ་བཟོད་པ་གང་
ཡིན་པ་དེ་ནི་མངོན་པར་དགའ་བའི་བཟོད་པའི་ཕ་རོལ་དུ་ཕྱིན་པའོ། །རྩོལ་བ་དང་བཅས་པའི་བརྩོན་འགྲུས་ཀྱི་འབྲས་བུ་ཡོད་པ་གང་ཡིན་པ་དེ་ནི་མངོན་པར་དགའ་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བདག་ཉིད་ཐོབ་པར་བྱ་བའི་ཕྱིར་
དང་བདག་དང་གཞན་ལ་ཕན་པའི་རྣམ་པར་སྨིན་པའི་རྒྱུའི་ཕྱིར་དང་། སྨོན་ལམ་ཐོབ་པར་བྱ་བའི་ཕྱིར་དང་། ཡང་དག་པ་ཇི་ལྟ་བ་བཞིན་དུ་རྟོགས་པར་འགྱུར་བའི་བསམ་གཏན་གང་ཡིན་པ་དེ་ནི་མངོན་པར་དགའ་བའི་བསམ་གཏན་གྱི་ཕ་རོལ་
དུ་ཕྱིན་པའོ། །དེ་བཞིན་གཤེགས་པའི་སྤྱོད་པ་ཐམས་ཅད་ཁོང་དུ་ཆུད་པར་བྱེད་པའི་ཕྱིར་ཆོས་ཉན་པ་ནི། མངོན་པར་དགའ་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་མངོན་པར་དགའ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་
པར་དགའ་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ནོར་དང་ཟས་དང་གོས་ལ་སོགས་པ་ལ་མ་ཆགས་ཤིང་། ལན་ལ་རེ་བ་མེད་པའི་ཚུལ་གྱིས་ཡོངས་སུ་གཏོང་བར་བྱེད་པ་ནི་མངོན་པར་དགའ་བ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ངེས་
པར་འབྱུང་བ་དང་ལྡན་པ་ཁྱིམ་ན་གནས་པའི་ཚུལ་ཁྲིམས་གང་ཡིན་པ་དེ་ནི་མངོན་པར་དགའ་བ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །འགྱོད་པ་བཟོད་པ་གང་ཡིན་པ་དེ་ནི་མངོན་པར་དགའ་བ་མེད་པའི་བཟོད་པའི་ཕ་རོལ་དུ་ཕྱིན་པའོ། །
40-1-43a


སྡུག་བསྔལ་སྤང་བའི་ཕྱིར་བརྩོན་པ་གང་ཡིན་པ་དེ་ནི་མངོན་པར་དགའ་བ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །རིས་མི་འཐུན་པར་སོང་སྟེ་སྡུག་བསྔལ་ཡང་དག་པར་འབྱུང་བ་དང་རྗེས་སུ་ཆགས་པ་དང་། ཁོང་ཁྲོ་
བ་དང་མཚུངས་པར་ལྡན་པའི་མཚན་ཉིད་ཅན་གྱི་བསམ་གཏན་གང་ཡིན་པ་དེ་ནི་མངོན་པར་དགའ་བ་མེད་པའི་བསམ་གཏན་གྱི་ཕ་རོལ་དུ་ཕྱིན་པའོ། །བྱང་ཆུབ་སེམས་དཔའ་དམིགས་པ་ཅན་ཁམས་གསུམ་ལ་མངོན་པར་དགའ་བ་མེད་པའི་
ཤེས་རབ་གང་ཡིན་པ་དེ་ནི་མངོན་པར་དགའ་བ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཐོས་པ་འཛིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། གང་ཟག་ལ་ཆོས་
ཀྱི་སྦྱིན་པ་གང་ཡིན་པ་འདི་དང་། སྟོན་པ་དང་། ཁ་ཏོན་བྱེད་དུ་འཇུག་པ་དང་། འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་སྦྱིན་པའི་ཕ་རོལ་དུ་ཕྱིན་པའོ། །དགེ་བའི་རྩ་བའི་ཆོས་ཀྱི་ཚིག་བདུན་གྱིས་ལུས་དང་ངག་དང་། སེམས་ཀྱི་
ཚུལ་ཁྲིམས་ཡོངས་སུ་སྤྱོད་པར་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ལེགས་པར་གསུངས་པའི་ཚིག་གཅིག་ཙམ་གྱི་ཆེད་དུ་སྡུག་བསྔལ་དང་དུ་ལེན་པ་གང་ཡིན་པ་དེ་ནི་ཐོས་
པ་འཛིན་པའི་བཟོད་པའི་ཕ་རོལ་དུ་ཕྱིན་པ་སྟེ། བྱང་ཆུབ་སེམས་དཔའ་བྲམ་ཟེར་གྱུར་པ་ན་སྐྱེས་པའི་རབས་ཁོང་དུ་ཆུད་པར་བྱ་བའི་དོན་དུ་གདོལ་པ་ལས་མཉན་པའི་ཕྱིར། ལོ་བཅུ་གཉིས་སུ་བཀུར་སྟི་བྱེད་པ་གང་ཡིན་པ་དེ་ནི་ཐོས་པ་འཛིན་པའི་
བཟོད་པའི་ཕ་རོལ་དུ་ཕྱིན་པའོ། །ངེས་པར་འབྱུང་བ་ལ་དམིགས་པའི་བརྩོན་འགྲུས་གང་ཡིན་པ་དེ་ནི་ཐོས་པ་འཛིན་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །སེམས་མི་རྟག་པ་ལ་དམིགས་པ་གང་ཡིན་པ་དེ་ནི་ཐོས་པ་འཛིན་པའི་བསམ་གཏན་
གྱི་ཕ་རོལ་དུ་ཕྱིན་པའོ། །སློབ་དཔོན་གྱི་དཔེ་མཁྱུད་མེད་པས་མཛའ་བ་དང་མི་མཛའ་བ་རྣམས་ཡང་དག་པའི་དགེ་བ་ལ་སྦྱོར་དུ་འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཐོས་པ་འཛིན་པའི་ཕ་
40-1-43b


རོལ་དུ་ཕྱིན་པ་དྲུག་གོ། །དེ་ལ་འཁོར་བར་ཡུན་རིང་བའི་ཕ་རོལ་དུ་ཕྱིན་པ་དྲུག་གང་ཞེ་ན། མི་སྐྱེ་བའི་ཆོས་ལ་བཟོད་པར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་སྦྱིན་པའི་ཕ་རོལ་དུ་
ཕྱིན་པའོ། །སྙིང་རྗེ་ཆེན་པོས་རྣམ་པར་ཐོ་འཚམ་པ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྨོན་ལམ་གྱི་ཡོངས་སུ་བསྔོས་པའི་
བཟོད་པ་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །ཐོས་པར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་
དུ་ཕྱིན་པའོ། །བདག་མེད་པའི་རྣམ་པར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །ཕྱིར་མི་ལྡོག་པའི་སའི་ཤེས་རབ་གང་ཡིན་པ་དེ་ནི་འཁོར་བར་
ཡུན་རིང་བར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་འཁོར་བར་ཡུན་རིང་བར་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསྡུ་བའི་དངོས་པོ་བཞི་
སྦྱིན་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ལེགས་པར་སྤྱོད་པ་རྣམ་པ་གསུམ་གྱིས་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཚུལ་ཁྲིམས་ཀྱི་ཕ་རོལ་
དུ་ཕྱིན་པའོ། །ལུས་དང་སེམས་དང་། སོ་སོར་བརྟགས་པའི་བཟོད་པ་དང་། ཆོས་ལ་བཟོད་པ་ནི་བཟོད་པ་བཞི་པོ་སྟེ། བཟོད་པ་གང་ཡིན་པ་དེ་དག་ནི་རྒྱུན་ཆད་པ་མེད་པའི་བཟོད་པའི་ཕ་རོལ་དུ་ཕྱིན་པའོ། །ཡང་དག་པའི་སྤོང་བ་བཞིས་མ་ཐོགས་
ཤིང་ཀུན་ནས་དཀྲིས་པ་མེད་པ་གང་ཡིན་པ་དེ་ནི་རྒྱུན་ཆད་པ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དྲན་པ་ཉེ་བར་གཞག་པ་བཞིས་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རྒྱུན་ཆད་པ་མེད་པའི་བསམ་གཏན་གྱི་ཕ་རོལ་དུ་ཕྱིན་
40-1-44a


པའོ། །བདེན་པ་བཞི་རབ་ཏུ་ཤེས་པ་གང་ཡིན་པ་དེ་ནི་རྒྱུན་ཆད་པ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་
ཕ་རོལ་དུ་ཕྱིན་པ་དྲུག་གང་ཞེ་ན། བདོག་པ་ཐམས་ཅད་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་དུ་ཕྱིན་པ་ཡིན་ལ། དེ་རྣམ་པར་ཐར་པའི་སྒོ་སྟོང་པ་ཉིད་ལ་བལྟ་བར་བྱ་བ་དེ་ཡང་
འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕན་པའི་སེམས་ཀྱིས་གང་སྐྱེ་བ་དང་། འདོད་པ་ན་སྤྱོད་པར་ཡོངས་སུ་བསྔོས་པའི་ཚུལ་ཁྲིམས་གང་ཡིན་པ་དེ་ནི་འདོད་
པའི་ཡོན་ཏན་ཡོངས་སུ་སྨིན་པར་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཡོངས་སུ་བརྟུལ་ན་རྗེས་སུ་འཐུན་པའི་ཡུལ་ལ་དང་དུ་ལེན་པའི་བཟོད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བཟོད་པའི་ཕ་རོལ་དུ་
ཕྱིན་པའོ། །འཇིག་རྟེན་པའི་སེམས་ཀྱི་མོས་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱས་པའི་བརྩོན་འགྲུས་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དུས་ཤེས་པ་དང་རབ་ཏུ་ལྡན་པའི་
ཚད་མེད་པ་བྱམས་པ་དང་སྙིང་རྗེ་གཉིས་པོ་འདི་དག་གིས་ཕ་རོལ་སྡུག་བསྔལ་བ་དག་བདེ་བར་བྱེད་པ་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །དཔྱོད་པ་ལ་རབ་ཏུ་སྦྱོར་
ཞིང་དུས་དང་དུས་མ་ཡིན་པ་ལ་ལྟོས་པ་བྱམས་པ་དང་། སྙིང་རྗེའི་བདག་ཉིད་གང་ཡིན་པ་དེ་ནི་འདོད་པའི་ཡོན་ཏན་ཡོངས་སུ་སྨིན་པར་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་འདོད་པའི་ཡོན་ཏན་ཡོངས་སུ་སྨིན་པར་
བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བསམ་གཏན་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པས་བྱིན་གྱིས་བརླབས་པས་གང་དང་གང་དུ་འདོད་པར་འགྱུར་བ་གང་ཡིན་པ་དེ་ནི་བསམ་གཏན་ཡོངས་སུ་བསྔོས་པའི་
40-1-44b


སྦྱིན་པའི་ཕ་རོལ་དུ་ཕྱིན་པའོ། །སེམས་དང་རབ་ཏུ་ལྡན་པའི་ཚུལ་ཁྲིམས་གང་ཡིན་པ་དེ་ནི་བསམ་གཏན་གྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཆོས་ཀྱི་ངོ་བོ་མཉམ་པ་ཉིད་དུ་བརྟགས་པའི་བཟོད་པ་གང་ཡིན་པ་དེ་ནི་བསམ་
གཏན་གྱི་བཟོད་པའི་ཕ་རོལ་དུ་ཕྱིན་པའོ། །སེམས་ཀྱི་ཀུན་ནས་དཀྲིས་པ་རྣམ་པར་སེལ་བའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཐོས་པའི་བདག་ཉིད་ཀྱི་ཤེས་རབ་ཀྱི་བསམ་གཏན་གང་
ཡིན་པ་དེ་ནི་བསམ་གཏན་གྱི་བསམ་གཏན་གྱི་ཕ་རོལ་དུ་ཕྱིན་པའོ། །འདོད་ཆགས་རབ་ཏུ་ཞི་བའི་ཤེས་རབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བསམ་གཏན་ཡོངས་སུ་བསྔོས་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་པར་ཤེས་པའི་ཕ་རོལ་དུ་ཕྱིན་པ་དྲུག་གང་ཞེ་ན། མར་མེ་ཕུལ་བའི་རྣམ་པར་སྨིན་པ་ལྷའི་མིག་འགྲུབ་པར་འགྱུར་བ་གང་ཡིན་པ་དེ་ནི་མངོན་པར་ཤེས་པའི་སྦྱིན་པའི་ཕ་རོལ་དུ་ཕྱིན་པའོ། །ལྷའི་རྣ་བ་འགྲུབ་
པར་འགྱུར་བ་ཚུལ་ཁྲིམས་ཀྱི་ཕ་རོལ་དུ་ཕྱིན་པ་མ་ཞིག་པ་གང་ཡིན་པ་དེ་ནི་མངོན་པར་ཤེས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྔོན་གྱི་གནས་རྗེས་སུ་དྲན་པ་འགྲུབ་པར་བྱེད་པ་གཉིས་སུ་མེད་པའི་ཡེ་ཤེས་ཀྱིས་ཡོངས་སུ་
བསྔོས་པའི་བཟོད་པ་གང་ཡིན་པ་དེ་ནི་མངོན་པར་ཤེས་པའི་བཟོད་པའི་ཕ་རོལ་དུ་ཕྱིན་པའོ། །སེམས་ཅན་ལ་དམིགས་ཤིང་འཇིག་རྟེན་པའི་དགེ་བའི་རྩ་བ་ཡང་དག་པར་འགྲུབ་པ་གང་ཡིན་པ་དེ་ནི་མངོན་པར་ཤེས་པའི་བརྩོན་འགྲུས་ཀྱི་
ཕ་རོལ་དུ་ཕྱིན་པའོ། །རྫུ་འཕྲུལ་བསྒྲུབ་པ་དང་། འགོག་པར་ཤེས་པ་རྒྱས་པར་བྱེད་པ་དང་། སྙོམས་པར་འཇུག་པ་ཡོངས་སུ་འཛིན་པའི་བསམ་གཏན་གང་ཡིན་པ་དེ་ནི་མངོན་པར་ཤེས་པའི་བསམ་གཏན་གྱི་ཕ་རོལ་དུ་ཕྱིན་པའོ། །དེ་
ལས་བྱུང་བ་སེམས་ཀྱི་རྣམ་གྲངས་ཤེས་པའི་མངོན་པར་ཤེས་པ་དང་། ཟག་པ་ཟད་པར་འགྱུར་བའི་མངོན་པར་ཤེས་པ་དང་། འགོག་པའི་སྙོམས་པར་འཇུག་པ་ལས་བྱུང་བའི་ཤེས་རབ་གང་ཡིན་པ་དེ་ནི་མངོན་པར་ཤེས་པའི་ཤེས་རབ་ཀྱི་
40-1-45a


ཕ་རོལ་དུ་ཕྱིན་པ་སྟེ། འདི་དག་ནི་མངོན་པར་ཤེས་པའི་ཕ་རོལ་དུ་ཕྱིན་པ་དྲུག་ཅེས་བྱའོ། །དེ་ལ་འཇིག་རྟེན་པའི་བཟོའི་གནས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། འདི་ལྟར་བཟོ་གཞན་དེ་དག་གི་ནང་ནས་འཇིག་རྟེན་པའི་བཟོ་
ལེགས་པར་འགྱུར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྐྱེ་བོ་མང་པོ་དགའ་བར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བཟོ་ཐམས་ཅད་ལ་མ་ལུས་པར་ཤེས་པ་གང་ཡིན་པ་དེ་ནི་བཟོད་པའི་རྣམ་པར་
སྨིན་པའོ། །མྱུར་བར་མངོན་དུ་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཡིད་བཞིན་དུ་འགྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མི་འཁོར་བར་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་
ཕྱིན་པ་སྟེ། འདི་དག་ནི་འཇིག་རྟེན་པའི་བཟོའི་གནས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་བྱམས་པས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་ཐམས་ཅད་ཡོངས་སུ་བསྐྱབ་པའི་དོན་དུ་སེམས་ཀྱི་
སྦྱིན་པ་གང་ཡིན་པ་དེ་ནི་བྱམས་པས་ཡོངས་སུ་སྔོས་པའི་སྦྱིན་པའི་ཕ་རོལ་དུ་ཕྱིན་པ་སྟེ། དཔེར་ན་རི་བོང་བདག་ཉིད་གཏོང་བ་ནི་ང་ཟོ་ལ་འདིར་འདུག་ཤིག་ཅེས་བྱ་བ་ལྟ་བུའོ། །སྙིགས་མའི་དུས་ཀྱི་ཚེ་སྨོན་ལམ་གྱི་དབང་གིས་སྐྱེ་བ་བྱས་
ནས། སེམས་ཅན་རྣམས་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་རབ་ཏུ་འགོད་པར་བྱེད་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་སྟེ། དཔེར་ན་སྲེག་པའི་སྐྱེས་པའི་
རབས་དང་། ནེ་ཙོའི་སྐྱེས་པའི་རབས་ལྟ་བུའོ། །དུས་ཤེས་པ་དང་མཚུངས་པར་ལྡན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པ་སྟེ། དཔེར་ན་ཡུལ་ཀ་ཤིའི་རྒྱལ་པོ་མགོ་བཅད་ཀྱང་སེམས་མི་
འཁྲུགས་པ་ལྟ་བུའོ། །སྐྱེ་བོ་མང་པོ་མཐོ་རིས་སུ་འགྲོ་བར་འགྱུར་བ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པ་སྟེ། དཔེར་ན་བྲམ་ཟེའི་བུ་ཀུན་ཏུ་བཟང་དང་། ཀུན་དུ་རྒྱུ་བློ་ཅན་གཉིས་
40-1-45b


བརྙས་པ་བཟོད་པ་ལྟ་བུ་སྟེ། དེ་ལ་བྱམས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཚད་མེད་པ་མངོན་པར་བསྒྲུབས་པའི་བསམ་གཏན་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་བསམ་
གཏན་གྱི་ཕ་རོལ་དུ་ཕྱིན་པའོ། །སྐྱེ་བོ་མང་པོ་རྣམ་པར་སྨིན་པར་བྱ་བའི་ཕྱིར། དཔེར་ན་བསྐྱེད་པ་པོ་དང་། སྨན་ཆེན་གྱིས་རྒྱལ་པོའི་གྱོས་པོ་ཚར་བཅད་ཀྱང་རྣམ་པར་ཐོ་བརྩམས་པ་ཡང་མེད་ལ། ཆུ་བོར་ཡང་མ་ཞུགས་པའི་
ཤེས་རབ་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བྱམས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བྱམས་པས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྙིང་རྗེས་ཡོངས་སུ་བསྔོས་
པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་བདེ་བར་བྱ་བའི་སེམས་ཀྱིས་སྦྱིན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་སྦྱིན་པའི་ཕ་རོལ་དུ་ཕྱིན་པའོ། ཁ་ན་མ་ཐོ་བ་རྡུལ་ཙམ་གྱིས་བདག་ཀྱང་ཉམས་པ་མེད་པ་ཡིན་ལ། སྐྱེ་
བ་མེད་པས་གཞན་ལ་ཡང་རྗེས་སུ་སྟོན་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཚིག་ངན་བརྗོད་པ་དག་བདག་དང་དུ་ལེན་པའི་རིགས་ཅན་ཡང་ཡིན་ལ། གཞན་ལ་ཡང་བཟོད་པ་ཡང་དག་
པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བཟོད་པའི་ཕ་རོལ་དུ་ཕྱིན་པའོ། །བརྩོན་འགྲུས་བརྩམས་པས་ཡོངས་སུ་སྐྱོ་བ་མེད་པར་དགེ་བའི་ཆོས་རྣམས་ཚོལ་བ་དང་། སེམས་ཅན་མང་པོ་བགྲོལ་བ་དང་། སེམས་
ཅན་རྣམས་ངེས་པར་འབྱིན་པ་ལ་ཡང་དག་པར་འཛིན་དུ་འཇུག་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། ངན་སོང་གིས་ཡིད་བྱུང་བ་རྣམས་དགའ་བར་བྱེད་པའི་བསམ་གཏན་གང་ཡིན་པ་དེ་ནི་སྙིང་རྗེ་
ལས་བྱུང་བའི་བསམ་གཏན་གྱི་ཕ་རོལ་དུ་ཕྱིན་པའོ། །ངན་སོང་རྣམ་པར་སྦྱོང་བའི་ཕྱིར་ཡོངས་སུ་སྐྱོ་བ་མེད་པ་དང་། ཆོས་ཀྱི་སྦྱིན་པ་བྱ་བའི་ཕྱིར་ཡོངས་སུ་སྐྱོ་བ་མེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཡོངས་སུ་སྐྱོ་བ་
40-1-46a


མེད་པ་གང་ཡིན་པ་དེ་ནི་སྙིང་རྗེ་ལས་བྱུང་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་སྙིང་རྗེས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དགའ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་
དྲུག་གང་ཞེ་ན། མཆོག་ཏུ་དགའ་བའི་སྔོན་དུ་འགྲོ་བའི་སྦྱིན་པ་གང་ཡིན་པ་དེ་ནི་དགའ་བའི་སྦྱིན་པའི་ཕ་རོལ་དུ་ཕྱིན་པའོ། །ཤིན་དུ་སྦྱངས་པའི་བསྒྲུབ་པའི་ཚུལ་ཁྲིམས་གང་ཡིན་པ་དེ་ནི་དགའ་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་
པའོ། །ངོ་ཚ་ཤེས་པ་དང་ཁྲེལ་ཡོད་པ་ལས་བྱུང་བའི་བཟོད་པ་གང་ཡིན་པ་དེ་ནི་དགའ་བ་ལ་དམིགས་པའི་བཟོད་པའི་ཕ་རོལ་དུ་ཕྱིན་པའོ། །གནོད་སེམས་མེད་པར་བདག་དང་གཞན་བདེ་བར་བྱེད་ལ་ཉེས་པར་མི་སེམས་ཤིང་ལེགས་པར་
སེམས་པ་དང་། འགྱོད་པ་དང་། གདུང་བ་མེད་པ་གང་ཡིན་པ་དེ་ནི་དགའ་བ་ལ་དམིགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །མི་དགའ་བ་རབ་ཏུ་ཞི་བར་འགྱུར་བ་དང་སེམས་རྣམ་པར་དག་པར་འགྱུར་བ་དང་། ཀུན་ནས་
དཀྲིས་པ་སེལ་བར་འགྱུར་བ་དང་། འདོད་ཆགས་སྤོང་བར་འགྱུར་བ་གང་ཡིན་པ་དེ་ནི་དགའ་བ་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །བཏང་སྙོམས་བྱང་ཆུབ་ཀྱི་ཡན་ལག་ཡོངས་སུ་བཟུང་ཞིང་ཆོས་རྣམ་པར་འབྱེད་
པ་ཡང་དག་བྱང་ཆུབ་ཀྱི་ཡན་ལག་དང་མཚུངས་པར་ལྡན་པ་རྣམ་པར་ཐར་པའི་སྒོ་སྨོན་པ་མེད་པའི་བྱིན་གྱི་བརླབས་ཀྱིས་གནས་ཞི་བ་ཐོགས་པ་མེད་པ་ཕྱིན་ཅི་མ་ལོག་པ་གང་ཡིན་པ་དེ་ནི་དགའ་བ་ལས་བྱུང་བའི་ཤེས་རབ་ཀྱི་ཕ་རོལ་དུ་ཕྱིན་
པ་སྟེ། འདི་དག་ནི་བྱང་ཆུབ་སེམས་དཔའི་དགའ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བཏང་སྙོམས་ཀྱིས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་མཉམ་པ་ཉིད་ཀྱི་རྣམ་པར་
སྨིན་པ་ལམ་གྱི་རྒྱུད་བཅད་ཅིང་སེམས་མ་གཏུགས་པའི་སྦྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །གདུང་བ་མེད་ཅིང་སྙིང་བརྩེ་བའི་སེམས་ཀྱིས་ཤིན་ཏུ་སྦྱངས་པ་བྱང་ཆུབ་ཀྱི་
40-1-46b


ཡན་ལག་དང་མཚུངས་པར་ལྡན་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་མི་བརྐམ་ཞིང་མཚན་མ་མེད་པ་མངོན་པར་བསྒྲུབས་
ལ་ཕྱི་དང་ནང་ལ་དཔྱོད་པ་ལྟད་མོ་སྤངས་པའི་བཟོད་པ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། འདུས་བྱས་ཀྱི་ངོ་བོ་ཀུན་ཤེས་པ་དང་ལྡན་པའི་བཏང་སྙོམས་གང་ཡིན་པ་དེ་ནི་བཏང་སྙོམས་
ཀྱིས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཞི་གནས་སྔོན་དུ་འགྲོ་ཞིང་ལྷག་མཐོང་གི་སྟོབས་བསྐྱེད་པ་ཐམས་ཅད་དུ་འགྲོ་བའི་བསམ་གཏན་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་བསམ་
གཏན་གྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་ལ་དམིགས་པའི་མཐར་ཕྱིན་པ་ལམ་ཤིན་དུ་སྦྱངས་པའི་ཤེས་རབ་གང་ཡིན་པ་དེ་ནི་བཏང་སྙོམས་ཀྱིས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་བཏང་སྙོམས་
ཀྱིས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། དཔེར་ན་བྲམ་ཟེ་བེ་ལ་མ་ཆུ་འགྲམ་གནས་ཡངས་པ་ན་གཞན་ཡོངས་སུ་སྨིན་པར་བྱ་བ་དང་འཐུན་
པར་མཆོད་སྦྱིན་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །དམིགས་པ་ཅན་གྱི་ཚུལ་ཁྲིམས་དེ་བྱེད་ཅིང་སྤྱོད་ལ་བདག་ཏུ་འཛིན་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་
བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །བརྟུལ་ཞུགས་ཀྱི་གནས་ཀྱི་ནགས་ཚལ་ཡངས་པ་ན་སྐྱོ་བ་མེད་པར་སྤྱོད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། །འཇིག་རྟེན་
པའི་བྱ་བ་རྣམས་སྒྲུབ་ཅིང་རིག་བྱེད་ཀྱང་རྟོགས་ལ་ཆ་ལུགས་དེས་གཞན་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། བསམ་གཏན་བསྐྱེད་པས་དེའི་
40-1-47a


ངོ་བོ་ལ་གནས་ཤིང་དེས་མངོན་པར་དགའ་བ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །བྲམ་ཟེའི་ཆ་ལུགས་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད་ཅིང་
རྗེས་སུ་འཐུན་པར་འཇུག་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་ལྟ་བས་
ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། འཇིག་རྟེན་པའི་བྱ་བ་ལ་འཇུག་ཅིང་སྦྱིན་པ་ཡོད་དོ། །མཆོད་སྦྱིན་ཡོད་དོ། །སྦྱིན་སྲེག་ཡོད་དོ། །ལས་ལེགས་པར་བྱས་པ་དང་། ལས་ཉེས་པར་བྱས་པ་རྣམས་ཀྱི་འབྲས་བུ་རྣམ་པར་
སྨིན་པ་ཡོད་དོ། །ཞེས་གང་དེ་ལྟ་བུའི་སེམས་ཀྱི་སྦྱིན་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །སངས་རྒྱས་མ་བྱུང་བ་ན་བྱང་ཆུབ་སེམས་དཔའ་སྡིག་པའི་གྲོགས་པོའི་དབང་གིས་
སྡིག་པ་མི་བྱེད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དཔེར་ན་རིའི་རྒྱལ་པོ་གངས་ཅན་ལ་བྱང་ཆུབ་སེམས་དཔའ་ནེ་ཙོར་གྱུར་པས་ཤིང་སྐམ་པོ་མི་སྤོང་བ་སྔོན་བདག་འདིར་
དགའ་བར་བྱས་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། །བདག་དང་གཞན་ལ་གནོད་པར་མི་བྱེད་པར་ཞུགས་པའི་ལྟ་བ་ནི་དཔེར་ན་ཚོང་པ་ཨ་ཤུ་ལ་ལྟ་བུ་གང་ཡིན་པ་དེ་ནི་ཡང་དག་པའི་
ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཤེས་རབ་ཀྱིས་ཡོངས་སུ་སྦྱང་བ་བྱས་པའི་བསམ་གཏན་བཞི་ཐོབ་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །
སྐྱེ་བོ་མང་པོ་ལ་ཕན་པའི་ཕྱིར་ཉེ་བར་གནས་པའི་ཤེས་རབ་ནི་དཔེར་ན་བྱང་ཆུབ་སེམས་དཔའ་ཀུན་དུ་རྒྱུ་འདི་ལྟར་གཅིག་པུས་ཚིགས་སུ་བཅད་པ་སྟོང་ཕྲག་བརྒྱད་བཅུ་རྩ་བཞི་བཀོད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་
40-1-47b


པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གནས་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་མ་བྱུང་བ་ན་
བྱང་ཆུབ་སེམས་དཔའ་ཐ་ན་རྨི་ལམ་ན་ཡང་སེར་སྣའི་སེམས་མི་བསྐྱེད་ན། དངོས་སུ་ལྟ་སྨོས་ཀྱང་ཅི་དགོས་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །ཐ་ན་སྲོག་འགགས་ཀྱང་
ཁ་ན་མ་ཐོ་བ་རྡུལ་ཙམ་ལ་ཡང་བསླབ་པ་ལས་མི་འདའ་བ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ཚེ་རབས་དེ་དང་དེ་དག་ཏུ་མངའ་བདག་ཏུ་གྱུར་པ་ན་ཡང་བཟོད་པའི་རང་
བཞིན་དང་ལྡན་པ་ཡིན་ཞིང་མཉེན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། །ཚེ་རབས་ཐམས་ཅད་དུ་གཞན་གྱིས་བསྟན་པ་དང་མ་བསྟན་པ་བྱང་ཆུབ་ཀྱི་ཕྱིར་རྗེས་སུ་སྟོན་པ་གང་
ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཚེ་རབས་དེ་དང་དེ་དག་ན་ལེགས་པར་བསམ་པ་སེམས་པ་ཡིན་ཞིང་ལེགས་པར་སྤྱད་པའི་ལས་བྱེད་ལ་དེ་ནི་ཤིན་དུ་དུལ་བའི་རང་བཞིན་དེ་ལྟ་བུར་
གྱུར་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །སློབ་དཔོན་མེད་པར་འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་ཁོང་དུ་ཆུད་ན་སེམས་ཅན་གྱི་ཚོགས་གཞན་ལ་
དེ་ལྟ་བུའི་ཡེ་ཤེས་དེ་མེད་ཅིང་གང་གིས་ལུས་ཀྱི་ལས་སེམས་ཅན་དང་འཐུན་པ་གང་ཡིན་པ་དེ་ནི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གནས་པར་ལྟ་བས་ཡོངས་སུ་བསྔོས་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་མི་གནས་པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེས་ན། ཤེས་རབ་ཀྱི་ཕ་རོལ་དུ་ཕྱིན་པ་དང་ཐབས་མཁས་པས་ཡོངས་སུ་ཟིན་པའི་སྦྱིན་པ་གང་ཡིན་པ་དེ་ནི་མི་གནས་པར་ལྟ་
40-1-48a


བས་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །ལུས་དང་སེམས་ལ་དམིགས་པ་མེད་པའི་སེམས་ཀྱི་སྦྱིན་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཚུལ་ཁྲིམས་སོ། །ཕྱིར་མི་ལྡོག་
པའི་ས་ལ་བཟོད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བཟོད་པའོ། །འདུ་བྱེད་ཐམས་ཅད་ལ་མི་གནས་ཤིང་ཀུན་ནས་དཀྲིས་པ་མེད་པའི་རྩོལ་བ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་
བརྩོན་འགྲུས་སོ། །བདག་ཏུ་འདུ་ཤེས་ཀྱང་མེད་ཅིང་བདག་མེད་པར་འདུ་ཤེས་ཀྱང་མེད་ལ། ཕྱི་དང་ནང་ལ་མི་གནས་པའི་བསམ་གཏན་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་བསམ་གཏན་ནོ། །ཉན་ཐོས་
དང་། རང་སངས་རྒྱས་ཀྱི་ཆོས་དང་མ་འདྲེས་པའི་ཤེས་རབ་ཐམས་ཅད་མཁྱེན་པ་ཉིད་ལ་མངོན་པར་ཞེན་པ་མེད་པ་གང་ཡིན་པ་དེ་ནི་མི་གནས་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་མི་གནས་
པར་ལྟ་བས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གནས་མེད་པར་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གང་ཞེ་ན། གང་ཁམས་གསུམ་ལ་མངོན་པར་དགའ་བ་མེད་པའི་སྦྱིན་པའི་ཕ་རོལ་དུ་ཕྱིན་པ་དཔེར་ན་
མར་མེ་མཛད་ཀྱི་ལྟ་བུ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །མ་གཏོགས་པའི་ཚུལ་ཁྲིམས་གང་ཡིན་པ་དེ་ནི་གནས་མེད་པའི་ཚུལ་ཁྲིམས་སོ། །ཆོས་ཐམས་ཅད་ལ་བློམ་སེམས་མེད་པའི་
སེམས་ཀྱི་བཟོད་པ་གང་ཡིན་པ་དེ་ནི་གནས་མེད་པའི་བཟོད་པའོ། །མི་དམིགས་པར་སྤྱོད་པའི་བརྩོན་འགྲུས་གང་ཡིན་པ་དེ་ནི་གནས་མེད་པའི་བརྩོན་འགྲུས་སོ། །བྱང་ཆུབ་སེམས་དཔའ་མཐོང་བའི་ས་ཐོབ་པའི་ཕྱིན་ཅི་མ་ལོག་པའི་
བསམ་གཏན་གང་ཡིན་པ་དེ་ནི་གནས་མེད་པའི་བསམ་གཏན་ནོ། །ཉོན་མོངས་པ་ཟད་པར་འགྱུར་བའི་ཤེས་རབ་གང་ཡིན་པ་དེ་ནི་གནས་མེད་པར་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གནས་མེད་
40-1-48b


པས་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ང་རྒྱལ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་ང་རྒྱལ་གྱི་བདུད་བཅོམ་ནས་སྦྱིན་པ་སྦྱིན་པར་བྱེད་ཅིང་། སངས་རྒྱས་ཀྱི་ཞིང་ཕུན་སུམ་ཚོགས་པ་
བསྒྲུབ་པར་འགྱུར་བ་གང་ཡིན་པ་དེ་ནི་ང་རྒྱལ་གྱི་སྦྱིན་པའི་ཕ་རོལ་དུ་ཕྱིན་པའོ། །ངན་སོང་གསུམ་སྦྱོང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ང་རྒྱལ་གྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །མཚན་རྣམ་པར་སྨིན་པར་འགྱུར་བ་དང་། 
མཛེས་པར་འགྱུར་བའི་བཟོད་པ་གང་ཡིན་པ་དེ་ནི་ང་རྒྱལ་གྱི་བཟོད་པའི་ཕ་རོལ་དུ་ཕྱིན་པའོ། །ནོར་བུ་རིན་པོ་ཆེའི་ཕྱིར་རྒྱ་མཚོ་ཆེན་པོ་བསྐམ་པར་སྤྲོ་བ་དང་། གང་གིས་རང་གི་ཆོས་མངོན་པར་འབྱུང་བར་བརྩོན་པ་གང་ཡིན་པ་དེ་ནི་ང་རྒྱལ་
གྱི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཉོན་མོངས་པ་ཟིལ་གྱིས་གནོན་པར་འགྱུར་ཞིང་བསམ་པ་ཇི་ལྟ་བ་བཞིན་ཡེ་ཤེས་སྐྱེ་བར་འགྱུར་བའི་བསམ་གཏན་གང་ཡིན་པ་དེ་ནི་ང་རྒྱལ་གྱི་བསམ་གཏན་གྱི་ཕ་རོལ་དུ་ཕྱིན་པའོ། །ང་རྒྱལ་དང་། 
ལྟ་བ་ཀུན་དུ་འཇོམས་པར་འགྱུར་བའི་ཤེས་རབ་གང་ཡིན་པ་དེ་ནི་ང་རྒྱལ་གྱི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ང་རྒྱལ་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་བཟོད་པ་ལས་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་མཐར་
འགྲོ་བའི་སེམས་ཀྱི་སྦྱིན་པ་གང་ཡིན་པ་དེ་ནི་བཟོད་པ་ལས་བྱུང་བའི་སྦྱིན་པའི་ཕ་རོལ་དུ་ཕྱིན་པ་སྟེ། དཔེར་ན་བདུད་ཀྱིས་སེམས་ཅན་དམྱལ་བ་བསྟན་པས་སྦྱིན་པ་སྦྱིན་པར་བྱེད་པ་བསལ་བར་མི་ནུས་པ་ནི་སྔོན་གྱི་ཚུལ་ལས་ཤེས་པར་བྱ་བ་ལྟ་བུའོ། །
ཕྱིར་མི་ཟློགས་པའི་ཚུལ་ཁྲིམས་གང་ཡིན་པ་དེ་ནི་བཟོད་པ་ལས་བྱུང་བའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །དཔེར་ན་རྒྱལ་པོའི་བུ་བསོད་ནམས་འོད་འཕྲོ་འདི་ལྟར་རྣལ་འབྱོར་ལ་མངོན་དུ་ཕྱོགས་པ་སྦྱིན་པ་ལ་དབང་དུ་གྱུར་པ་ཞིག་བྱུང་
བས་ཉི་མ་གཅིག་ལ་ཤིང་རྟ་དང་། རྟ་དང་། བཞོན་པ་དང་། གླང་པོ་དང་། གླང་པོ་ཆེ་དང་། དཔག་ཚད་ཁོར་ཡུག་ཙམ་གྱི་གདུགས་དང་། མུ་ཏིག་གི་དོ་ཤལ་ཕྲེང་བ་བརྒྱད་དང་། གོས་སྦྱིན་པ་དང་། རིན་པོ་ཆེའི་ཅོད་པན་དང་། 
40-1-49a


མཆིལ་ལྷམ་སྟོང་ཕྲག་བརྒྱ་རི་བ་དང་། བུད་མེད་སྟོང་ཕྲག་བརྒྱད་བཅུ་དང་། སིལ་སྙན་དང་། རྒྱལ་པོའི་ཕོ་བྲང་འཁོར་དང་། བསྐྱེད་མོས་ཚལ་དང་། མིག་སྦྱིན་པ་དང་། མགོ་དང་རྐང་པ་བཅད་ནས་སྦྱིན་པ་སྦྱིན་
པར་བྱེད་པ་གང་ན་གང་གི་བཟོད་པ་གང་ཡིན་པ་དེ་ནི་བཟོད་པ་ལས་བྱུང་བའི་བཟོད་པའི་ཕ་རོལ་དུ་ཕྱིན་པའོ། །མི་གནས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་དུ་ཕྱིན་པ་སྟེ། དཔེར་ན་རྟའི་རྒྱལ་པོ་རྔོག་ལྡན་གྱིས་
སེམས་ཅན་རྣམས་སྒྲོལ་བ་ལྟ་བུའོ། །དགེ་བའི་ཁ་དོག་ཅན་ལུས་ཀྱི་མཚན་ཡོངས་སུ་སྦྱངས་པ་ལས་བྱུང་བའི་བསམ་གཏན་གང་ཡིན་པ་དེ་ནི་བཟོད་པ་ལས་བྱུང་བའི་བསམ་གཏན་གྱི་ཕ་རོལ་དུ་ཕྱིན་པའོ། །དཔེར་ན་དགེ་སློང་ཡེ་ཤེས་མཆོག་
གྲོང་ཁྱེར་དུ་འཇུག་པ་ཞིག་བྱུང་བ་འདུ་ཤེས་ཐ་དད་དུ་མི་བྱེད་ཅིང་སེམས་མཉམ་པའི་ཤེས་རབ་གང་ཡིན་པ་དེ་ནི་བཟོད་པ་ལས་བྱུང་བའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་ལྟར་ནེ་ཙོའི་སྐྱེས་པའི་རབས་ལས་ཁོང་དུ་ཆུད་པར་བྱ་སྟེ། 
འདི་དག་ནི་བཟོད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཕན་འདོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། འོད་སྲུང་ལས་ཚངས་པར་སྤྱོད་པ་སྤྱད་ནས་རྙེད་པ་དང་། བཀུར་སྟིས་དམ་པའི་ཆོས་ནུབ་པར་མ་གྱུར་ཅིག་ཅེས་ཡོངས་སུ་བསྔོས་
པ་དང་། སངས་རྒྱས་འོད་སྲུང་ལ་བྲམ་ཟེའི་བུ་སྐར་འོད་སྐྱོང་གིས་རང་གི་ལུས་ཀྱི་གོས་དང་། མེ་ཏོག་སར་པ་ལྔ་དང་མེ་ཏོག་རྙིང་པ་ལྔ་པོ་དག་གིས་མངོན་པར་བཀབ་སྟེ། གང་གི་རྣམ་པར་སྨིན་པས་ལོ་ལྔ་བརྒྱར་དམ་པའི་ཆོས་དང་། 
ལོ་ལྔ་བརྒྱར་དམ་པའི་ཆོས་ཀྱི་གཟུགས་བརྙན་ཡང་འབར་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །གཞན་གྱི་ཚུལ་ཁྲིམས་འཆལ་པ་སེལ་བར་འགྱུར་བའི་ཚུལ་ཁྲིམས་ནི་དཔེར་ན་
སྐྱེ་མཆེད་མ་ཚང་བ་གཏོང་བ་ལྟ་བུ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སྡུག་བསྔལ་ཐོབ་ཀྱང་སྒྱིད་ལུག་པ་མེད་པ་ནི་དཔེར་ན་འདྲོན་པོའི་ཆེད་དུ་རྒྱ་མཚོ་ཆེན་པོའི་ནང་དུ་ཆུ་སྲིན་མ་ཀ་རའི་
40-1-49b


ཐད་དུ་ཕྱིན་པ་དང་། འབྲོག་དང་ཆུའི་ནང་དུ་ཁྲུ་བརྒྱ་ཙམ་དུ་སོང་བའི་བཟོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། །ལྷ་དང་མིའི་རིས་ཀྱི་ཕུན་སུམ་ཚོགས་པ་བསྒྲུབ་པར་འགྱུར་བའི་བརྩོན་
འགྲུས་ནི་དཔེར་ན་བརྒྱ་བྱིན་གྱིས་གསོལ་བ་བཏབ་པས། བྲམ་ཟེ་ཆེན་པོ་ཀིན་དུ་ཞེས་བྱ་བས་སེམས་ཅན་རྣམས་མཐོ་རིས་སུ་བཀྱེ་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །བྱང་
ཆུབ་སེམས་དཔའ་ལ་སངས་རྒྱས་ཀྱིས་ལེན་པ་མེད་པར་བསྒྲགས་པའི་བསམ་གཏན་ནི་དཔེར་ན་བྱང་ཆུབ་སེམས་དཔའ་སྟོན་པར་གྱུར་པས་བྱང་ཆུབ་སེམས་དཔའ་རྣམས་ཚངས་པའི་འཇིག་རྟེན་དང་། འོད་གསལ་ནས་འདུ་ཤེས་མེད་
པའི་སྐྱེ་མཆེད་ཀྱི་བར་དུ་བཀོད་པ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་ཕྱིན་པའོ། །སེམས་ཅན་རྣམས་ཀྱི་ཆེད་དུ་བྱས་པ་ནི་དཔེར་ན་རྒྱལ་པོ་བྱམས་ཐོབ་དང་། རྒྱལ་པོ་མིག་བཟངས་དང་། 
རྒྱལ་པོའི་བུ་ཆོས་འདོད་ཀྱིས་འཇིག་རྟེན་པ་དང་། འཇིག་རྟེན་ལས་འདས་པའི་ཆོས་རྣམས་དང་། དགེ་བ་བཅུའི་ལས་ཀྱི་ལམ་རྣམས་རབ་ཏུ་སྒྲོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདིར་སྐྱེས་པའི་རབས་མང་པོ་ནས་
ཁོང་དུ་ཆུད་པར་བྱ་བ་གང་ཡིན་པ་དེ་ནི་ཕན་འདོགས་པས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཕན་འདོགས་པའི་ཕ་རོལ་དུ་ཕྱིན་པ་དྲུག་གོ། །འཕགས་པ་བསྐལ་པ་བཟང་པོ་པ་
ཞེས་བྱ་བ་ཐེག་པ་ཆེན་པོའི་མདོ། བམ་པོ་ལྔ་པ། དེ་ལ་ཕན་མི་འདོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡིད་སྔོན་དུ་འགྲོ་བའི་སེམས་ཀྱིས་འདོད་པའི་ཡོན་ཏན་ལ་འཇུག་པའི་སྦྱིན་པ་དམིགས་པ་དང་བཅས་པར་
ཡོངས་སུ་བསྔོས་པ་གང་ཡིན་པ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་དུ་ཕྱིན་པ་སྟེ། དཔེར་ན་མར་མེ་མཛད་ལ་མེ་ཏོག་ཨུད་པ་ལ་ལྔ་ཕུལ་བ་དང་། རྣམ་པར་སྨིན་པ་ཐམས་ཅད་དུ་མི་འབྱུང་བ་དང་། གང་དམ་པའི་ཆོས་ནུབ་པར་འགྱུར་
40-1-50a


བ་དེ་ནི་ཕན་མི་འདོགས་པའི་སྦྱིན་པའི་ཕ་རོལ་དུ་ཕྱིན་པའོ། །ཐབས་མཁས་པ་མེད་ཅིང་དངོས་པོའི་འདུ་ཤེས་ཅན་གྱི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་
པའོ། །རོ་མྱང་བ་ཅུང་ཟད་ཙམ་གྱི་ཕྱིར་སྡུག་བསྔལ་ལ་ཇི་མི་སྙམ་པའི་བཟོད་པའི་ཕ་རོལ་དུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བཟོད་པའི་ཕ་རོལ་དུ་ཕྱིན་པའོ། །འཇིག་རྟེན་པའི་ཆོས་དང་རབ་ཏུ་ལྡན་པའི་བརྩོན་འགྲུས་གང་ཡིན་པ་
དེ་ནི་ཕན་མི་འདོགས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཚངས་པའི་འཇིག་རྟེན་གྱི་ཚེའི་མཐས་གཏུགས་པ་སྲིད་ཀྱི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་ཕན་མི་འདོགས་པའི་བསམ་གཏན་གྱི་ཕ་རོལ་དུ་ཕྱིན་པའོ། །
མ་བསྒྲགས་པའི་ཤེས་རབ་ཀྱི་ཕ་རོལ་དུ་ཕྱིན་པ་ནི་དཔེར་ན་དེ་བཞིན་གཤེགས་པས་གསུངས་ཤིང་བཤད་པ་ན་ཆོས་དེ་སྙེད་ཅིག་བསྒྲགས་ཤིང་བཤད་ལ་ཆོས་ཇི་སྙེད་ལུས་ལ་དེ་སྙེད་ཅིག་མ་སྒྲག་པ་དེ་ནི་ཕན་མི་འདོགས་པའི་ཤེས་རབ་ཀྱི་ཕ་རོལ་དུ་ཕྱིན་པ་
སྟེ། དེ་དག་ཐམས་ཅད་ཀྱང་ཡོངས་སུ་མྱ་ངན་ལས་འདས་པའི་དམ་པའི་ཆོས་ནུབ་པར་བལྟ་བར་བྱ་སྟེ། འདི་དག་ནི་ཕན་མི་འདོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷག་མ་དང་བཅས་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
སྔོན་མར་མེ་མཛད་ལ་བྱང་ཆུབ་སེམས་དཔའས་སྦྱིན་པ་ཕུལ་བ་གང་ཡིན་པ་དེ་ནི་ལྷག་མ་དང་བཅས་པའི་སྦྱིན་པའི་ཕ་རོལ་དུ་ཕྱིན་པའོ། །ལུས་དང་ངག་ལྷག་པར་ལྷག་མ་དང་བཅས་ཤིང་མི་མོས་པ་མང་ལ་བདག་ཏུ་དམིགས་པ་ལ་གནས་པའི་
ཚུལ་ཁྲིམས་གང་ཡིན་པ་དེ་ནི་ལྷག་མ་དང་བཅས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་ལྷག་མ་དང་བཅས་པའི་བཟོད་པའི་ཕ་རོལ་དུ་ཕྱིན་པའོ། །བར་
ཆད་དང་བར་ཆད་མེད་པར་གནས་པའི་བརྩོན་འགྲུས་གང་ཡིན་པ་དེ་ནི་ལྷག་མ་དང་བཅས་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །དམིགས་པ་ལ་དམིགས་པའི་བསམ་གཏན་གང་ཡིན་པ་དེ་ནི་ལྷག་མ་དང་བཅས་པའི་བསམ་གཏན་གྱི་ཕ་རོལ་
40-1-50b


དུ་ཕྱིན་པའོ། །ཐོས་པའི་བདག་ཉིད་དང་། བསམ་པའི་བདག་ཉིད་ཀྱི་ཤེས་རབ་གང་ཡིན་པ་དེ་ནི་ལྷག་མ་དང་བཅས་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །རྒྱུ་གང་གིས་ན་གནས་ཀྱི་ཕ་རོལ་དུ་ཕྱིན་པའི་མིང་ཐོབ་ཅེ་ན། ཁ་ཕྱིར་ཕྱོགས་
པ་ལ་ཉན་ཐོས་དང་། རང་སངས་རྒྱས་ཀྱི་ཆོས་ཀྱི་རྣམ་པར་སྨིན་པ་མེད་ལ་བྱང་ཆུབ་ཀྱི་འབྱོར་པ་ཡང་མེད་དེ། དེ་དག་ནི་ས་བཅུ་ལས་ལྡོག་པའི་ཆོས་སུ་ཤེས་པར་བྱ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་དང་བཅས་པའི་ཕ་རོལ་
དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་ཕ་རོལ་དུ་ཕྱིན་པའི་འབྲས་བུ་ཐམས་ཅད་འཁོར་བར་ཡོངས་སུ་བསྔོ་བ་སྟེ། དཔེར་ན་རང་སངས་རྒྱས་བདུན་བརྒྱ་ལ་སྦྱིན་
པ་བྱིན་པ་གང་ཡིན་པ་དེ་ནི་ལྷག་མ་མེད་པའི་སྦྱིན་པའི་ཕ་རོལ་དུ་ཕྱིན་པའོ། །ཤེས་རབ་ཀྱི་ཕ་རོལ་དུ་ཕྱིན་པ་དང་མ་བྲལ་བའི་ཚུལ་ཁྲིམས་གང་ཡིན་པ་དེ་ནི་ལྷག་མ་མེད་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །ངན་སོང་དུ་སྐྱེ་བས་འཇིགས་
པའི་བཟོད་པ་གང་ཡིན་པ་དེ་ནི་ལྷག་མ་མེད་པའི་བཟོད་པའི་ཕ་རོལ་དུ་ཕྱིན་པའོ། །བདུད་ཀྱི་ལས་ཀྱིས་ཀུན་ནས་དཀྲིས་པའི་བརྩོན་འགྲུས་གང་ཡིན་པ་དེ་ནི་ལྷག་མ་མེད་པའི་བརྩོན་འགྲུས་ཀྱི་ཕ་རོལ་དུ་ཕྱིན་པའོ། །ཚེའི་ཚད་ཀྱི་མཐར་ཐུག་པའི་
བསམ་གཏན་གང་ཡིན་པ་དེ་ནི་ལྷག་མ་མེད་པའི་བསམ་གཏན་གྱི་ཕ་རོལ་དུ་ཕྱིན་པའོ། །ལྟ་བ་སྔོན་དུ་འགྲོ་ཞིང་སྡུག་བསྔལ་སྤོང་བ་ལ་མོས་པའི་ཤེས་རབ་གང་ཡིན་པ་དེ་ནི་ལྷག་མ་མེད་པའི་ཤེས་རབ་ཀྱི་ཕ་རོལ་དུ་ཕྱིན་པའོ། །དེ་ཅིའི་ཕྱིར་ཕ་རོལ་
དུ་ཕྱིན་པའི་མིང་ཐོབ་ཅེ་ན། དེ་དག་ནི་བྱང་ཆུབ་ཐོབ་པ་འཇིག་རྟེན་པ་དང་འཐུན་པར་སྤྱོད་པ་དེས་ན་ཕ་རོལ་དུ་ཕྱིན་པའི་མིང་ཐོབ་སྟེ། འདི་དག་ནི་བྱང་ཆུབ་སེམས་དཔའི་ལྷག་མ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་
རིག་པའི་ཕ་རོལ་དུ་ཕྱིན་པ་དྲུག་གང་ཞེ་ན། བླ་མ་རྣམས་ལ་རེ་བ་མེད་པར་སྦྱིན་པ་བྱིན་པ་གང་གི་རྣམ་པར་སྨིན་པས་བསྐལ་པ་སྟོང་དུ་འཇིག་རྟེན་པའི་ཟང་ཟིང་ལ་སྤྱོད་ཅིང་གནས་ཀྱང་ལུས་ཀྱི་མཐུ་ཉམས་པ་མེད་པ་གང་ཡིན་པ་
40-1-51a


དེ་ནི་རིག་པ་ཡོངས་སུ་བསྔོས་པའི་སྦྱིན་པའི་ཕ་རོལ་དུ་ཕྱིན་པའོ། །བྱང་ཆུབ་ཀྱི་སྙིང་པོ་དམ་པ་མཆོག་ཐོབ་པས་ཆོས་ཐམས་ཅད་ལ་འགྱོད་པ་མེད་པར་འགྱུར་ཞིང་། གང་གིས་ཐམས་ཅད་མཁྱེན་པ་ཉིད་
རྫོགས་པར་བྱང་ཆུབ་པའི་ཚུལ་ཁྲིམས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་དུ་ཕྱིན་པའོ། །གང་ཐམས་ཅད་མཁྱེན་པ་ཉིད་ལ་དམིགས་ཤིང་། དམིགས་སུ་མེད་པའི་ཆོས་རྣམས་ལ་
བཟོད་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བཟོད་པའི་ཕ་རོལ་དུ་ཕྱིན་པའོ། །ལམ་ལ་གནས་པའི་སྒྲིབ་པ་ལྔ་རབ་ཏུ་ཞི་བར་འགྱུར་བའི་བརྩོན་འགྲུས་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་དུ་
ཕྱིན་པའོ། །བྱང་ཆུབ་མངོན་པར་རྫོགས་པར་སངས་རྒྱས་པས་ལྷའི་མིག་དང་། སྔོན་གྱི་གནས་རིག་པ་འཐོབ་པར་འགྱུར་བའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་བསམ་གཏན་གྱི་ཕ་རོལ་དུ་
ཕྱིན་པའོ། །ཟག་པ་ཟད་པར་བྱེད་པ་སངས་རྒྱས་ཀྱི་སྤྱན་འཐོབ་པར་འགྱུར་ལ་རྟག་ཏུ་ཆོས་ཐམས་ཅད་མངོན་དུ་སྣང་བར་འགྱུར་བའི་ཤེས་རབ་གང་ཡིན་པ་དེ་ནི་རིག་པ་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་
ནི་བྱང་ཆུབ་སེམས་དཔའི་རིག་པ་ཡོངས་སུ་བསྔོས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རིག་པའི་ཁྱད་པར་ལ་གནས་པའི་ཕ་རོལ་དུ་ཕྱིན་པ་དྲུག་གང་ཞེ་ན། གང་གིས་དམ་པའི་ཆོས་གནས་པར་བྱེད་ཅིང་བསྟན་པ་ལ་འཇུག་པའི་ཆོས་
གནས་པ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་སྦྱིན་པའི་ཕ་རོལ་དུ་ཕྱིན་པའོ། །གང་ན་དེ་བཞིན་གཤེགས་པ་བག་ཆགས་ཀྱི་མཚམས་སྦྱོར་བ་དང་བྲལ་བ་ཐ་ན་ལུས་ཀྱི་རྣམ་པར་རྟོག་པ་དང་ངག་གི་རྣམ་པར་རྟོག་པ་མེད་པ་གང་ཡིན་པ་དེ་ནི་ཚུལ་ཁྲིམས་སོ། །
འཇིག་རྟེན་པའི་ཆོས་ལ་རྟོག་པ་མེད་པ་གང་ཡིན་པ་དེ་ནི་བཟོད་པའོ། །ཉན་ཐོས་དང་རང་སངས་རྒྱས་རྣམས་ཀྱིས་ཟིལ་གྱིས་མ་ནོན་པས་མྱ་ངན་ལས་འདས་པ་ཇི་སྲིད་བར་དུས་ཐམས་ཅད་པའི་བརྩོན་འགྲུས་གང་ཡིན་པ་དེ་ནི་བརྩོན་
40-1-51b


འགྲུས་སོ། །སེམས་ཅན་ཐམས་ཅད་ཀྱི་སེམས་ཀྱི་རྣམ་གྲངས་ཤེས་ཤིང་སྒྲ་ལ་རྟོག་པ་གང་ཡིན་པ་དེ་ནི་བསམ་གཏན་གྱི་ཕ་རོལ་དུ་ཕྱིན་པའོ། །དུས་ཤེས་པ་ལས་མི་འདའ་ཞིང་བདག་ཡོངས་སུ་གྲོལ་བར་བྱེད་
པའི་ཤེས་རབ་གང་ཡིན་པ་དེ་ནི་རིག་པའི་ཁྱད་པར་ལ་གནས་པའི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་རིག་པའི་ཁྱད་པར་ལ་གནས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སངས་རྒྱས་འབྱུང་བ་ཕུན་སུམ་
ཚོགས་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་འབྱུང་བའི་དུས་ན་ལོངས་སྤྱོད་ཆེན་པོར་འགྱུར་ཞིང་ཚད་མེད་པ་གཟུང་བའི་ཕྱིར་གང་འཕགས་པ་རྣམས་ལ་སྦྱིན་པ་བྱིན་པ་གང་ཡིན་པ་དེ་ནི་སངས་རྒྱས་འབྱུང་བ་ཕུན་
སུམ་ཚོགས་པར་བྱེད་པའི་སྦྱིན་པའོ། །ཐར་བར་ཡོངས་སུ་བསྔོས་ཤིང་ཉོན་མོངས་པ་ཟད་པར་བྱ་བ་དང་། སངས་རྒྱས་འབྱུང་བར་འགྱུར་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྟོན་པ་མངོན་སུམ་དུ་གྱུར་པ་
ན་སྦྱངས་པའི་ཡོན་ཏན་ལ་སྐྱོ་བ་མེད་པར་འགྱུར་བའི་བཟོད་པ་ནི་དཔེར་ན་འོད་སྲུང་ཆེན་པོའི་ལྟ་བུ་གང་ཡིན་པ་དེ་ནི་བཟོད་པའོ། །སྨོན་ལམ་དང་ལྡན་པའི་བརྩོན་འགྲུས་ནི་དཔེར་ན་རྒྱལ་པོ་བསོད་ནམས་འཕགས་ཀྱི་ལྟ་བུ་གང་ཡིན་པ་
དེ་ནི་བརྩོན་འགྲུས་སོ། །སངས་རྒྱས་རྗེས་སུ་དྲན་པ་ལ་དམིགས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པས་ཡོངས་སུ་བསྔོས་པའི་ཤེས་རབ་ནི་དཔེར་ན། སངས་རྒྱས་འོད་སྲུང་
གི་ཚེ་ལྔ་པོ་དག་གི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སངས་རྒྱས་འབྱུང་བ་ཕུན་སུམ་ཚོགས་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དྲན་པ་ཉམས་པ་མེད་པར་བྱེད་པའི་ཕ་རོལ་དུ་ཕྱིན་པ་དྲུག་
གང་ཞེ་ན། གཞན་གྱི་བསམ་པ་ཇི་ལྟ་བ་བཞིན་སྦྱིན་པ་གང་ཡིན་པ་དེ་ནི་སྦྱིན་པའོ། །ལུས་དང་ངག་ཡོངས་སུ་བསྲུང་བ་ཉེ་བར་བསྒྲུབ་པ་ལ་བརྩོན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་
40-1-52a


པའི་ཆོས་ནུབ་པའི་དུས་སུ་ཡི་དམ་བརྟན་པ་ཟབ་མོ་ལ་བཟོད་པ་ལས་ངེས་པར་འབྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཉེ་བར་བསྒྲུབ་པ་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་
འགྲུས་སོ། །སྟོང་པ་ཉིད་ཀྱི་རྣམ་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དྲན་པ་ཉམས་
པ་མེད་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡན་ལག་ལྔ་ཕུན་སུམ་ཚོགས་པའི་སྦྱིན་པ་ལྔ་གང་ཞེ་
ན། སྟན་ཕུན་སུམ་ཚོགས་པ་དང་། ཡུལ་ཕུན་སུམ་ཚོགས་པ་དང་། འཁོར་ཕུན་སུམ་ཚོགས་པ་དང་། འདོད་པར་བྱ་བ་ཕུན་སུམ་ཚོགས་པ་དང་། ཆགས་པར་བྱ་བ་ཕུན་སུམ་ཚོགས་པ་
གང་ཡིན་པ་དེ་ནི་སྦྱིན་པའོ། །མངོན་པར་ཞེན་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་དུ་འདུ་ཤེས་པ་སྤངས་པའི་བཟོད་པ་གང་ཡིན་པ་དེ་ནི་བཟོད་པའོ། །མཉམ་པ་ཉིད་
དུ་མཐོང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །མཉམ་པ་ཉིད་དུ་རྟོགས་པའི་སེམས་སྨོན་པ་མེད་པ་ལ་དམིགས་པའི་བསམ་གཏན་འབྱུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། 
འདི་དག་ནི་སངས་རྒྱས་འབྱུང་བ་རབ་ཏུ་འཐོབ་པ་ཁྱིམ་གྱི་དངོས་པོ་ལ་གནས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ངེས་པར་འབྱུང་བ་བསྒྲུབ་པའི་ཕ་རོལ་དུ་ཕྱིན་པ་
དྲུག་གང་ཞེ་ན། ཟག་པ་མེད་པའི་སྦྱིན་པ་དང་ལྡན་པ་མ་ཡིན་པའི་སེམས་ཀྱི་སྦྱིན་པ་གང་ཡིན་པ་དེ་ནི་སྦྱིན་པའོ། །མྱ་ངན་ལས་འདས་པ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཁམས་གསུམ་
40-1-52b


གྱིས་ཡིད་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །དྲན་པ་ཉེ་བར་གཞག་པ་ལས་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བྱམས་པ་ལ་གནས་ཤིང་སྲིད་པ་ལ་སྨོད་པར་གནས་པའི་བསམ་
གཏན་གང་ཡིན་པ་དེ་ནི་བསམ་གཏན་ནོ། །ཡིད་མི་བདེ་བས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ངེས་པར་འབྱུང་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མང་དུ་ཐོས་པ་བསྒྲུབ་པའི་ཕ་རོལ་དུ་
ཕྱིན་པ་དྲུག་གང་ཞེ་ན། གདམས་ངག་དང་ལྡན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཆོས་ཡོངས་སུ་གཟུང་བའི་དོན་དུ་ལུས་དང་སྲོག་གཏོང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམ་པའི་ཆོས་ནུབ་པའི་དུས་
ཀྱི་ཚེ་ཆོས་ཡོངས་སུ་གཟུང་བའི་དོན་དུ་གང་བྱང་ཆུབ་སེམས་དཔའ་བདག་ཉིད་ཡོངས་སུ་གཏོང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུངས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟེན་ཅིང་འབྲེལ་
པར་འབྱུང་བས་རབ་ཏུ་ཕྱེ་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སོ་སོ་ཡང་དག་པར་རིག་པས་རབ་ཏུ་ཕྱེ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མང་དུ་ཐོས་པ་བསྒྲུབ་པའི་ཕ་རོལ་དུ་ཕྱིན་པ་དྲུག་
གོ། །དེ་ལ་རབ་ཏུ་བྱུང་བའི་ངང་ཚུལ་རྒྱུན་མི་འཆད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་སྨྲ་བ་རྣམས་ཀྱིས་གཞན་གྱི་བསམ་པ་ཇི་ལྟ་བ་བཞིན་བསྟན་པ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །
སྙིང་རྗེ་ཆེན་པོས་ཡོངས་སུ་བསྒོམས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལྷག་པའི་ང་རྒྱལ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །བསྒོམ་པའི་སྟོབས་དང་ལྡན་པའི་བརྩོན་འགྲུས་གང་ཡིན་པ་དེ་ནི་
བརྩོན་འགྲུས་སོ། །བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མི་སྐྱེ་བའི་ཆོས་ལ་བཟོད་པ་དང་ལྡན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རབ་ཏུ་བྱུང་བའི་
40-1-53a


ངང་ཚུལ་རྒྱུན་མི་འཆད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་པར་ཤེས་པ་ལ་གནས་པའི་ཕ་རོལ་དུ་ཕྱིན་པ་དྲུག་གང་ཞེ་ན། རྗེ་ས་དང་མ་བྲལ་ཞིང་སློང་བ་ལ་ཡོངས་སུ་གཏོང་བས་བཟུང་བའི་སྦྱིན་པ་གང་ཡིན་པ་དེ་ནི་སྦྱིན་
པའོ། །མི་གནས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །འགྱོད་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །སྨོན་ལམ་གྱིས་རྣམ་པར་འཕྲུལ་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སྣང་བས་
རྣམ་པར་དཔྱད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྦྱོར་བའི་སའི་རྣམ་པ་ལ་དམིགས་པས་ལེགས་པར་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་ཤེས་པ་ལ་གནས་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། དེ་བཞིན་གཤེགས་པའི་མཆོད་རྟེན་དང་པོར་ཞལ་བསྲོ་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་
པའི་ཤེས་རབ་ཀྱི་དབང་པོ་དང་ལྡན་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཡང་དག་པའི་མཐའ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །གཟུགས་ཀྱི་འདུ་ཤེས་རྣམ་པར་བཤིག་པའི་བརྩོན་འགྲུས་
གང་ཡིན་པ་དེ་ནི་བརྩོན་འགྲུས་སོ། །རྣམ་པར་ཐར་པས་ངེས་པར་བྱུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ལྷག་མཐོང་གི་ཡོ་བྱད་ཞི་གནས་ཀྱི་ས་ལ་གནས་པ་གཟུངས་ཀྱིས་ཡོངས་སུ་སྦྱང་བ་བྱས་པའི་ཤེས་རབ་
གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལུས་འདོད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སོ་སོར་བརྟག་པའི་སྟོབས་ཅན་མི་མཛའ་བ་རྣམས་
ལ་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཉམ་ཆུང་བ་རྣམས་ལ་མཐུ་མི་སྟོན་པས་ཉམས་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལས་ཀྱི་སྒྲིབ་པ་ལ་ཇི་མི་སྙམ་པའི་བཟོད་པ་གང་
40-1-53b


ཡིན་པ་དེ་ནི་བཟོད་པའོ། །མི་མཛའ་བ་སྤངས་པའི་བརྩོན་འགྲུས་ནི་དཔེར་ན་རྒྱལ་པོའི་བུ་དགེ་བའི་བློ་གྲོས་ཀྱི་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །སྙིགས་མའི་དུས་ཀྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཐར་
པ་ལ་གནས་པས་ངེས་པར་འཁོར་བར་བྱ་བར་སྦྱོར་དུ་འཇུག་པའི་ཤེས་རབ་ནི་དཔེར་ན་ཀུན་དུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ལུས་འདོད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གནས་པའི་ཕ་རོལ་
དུ་ཕྱིན་པ་དྲུག་གང་ཞེ་ན། འཁོར་བར་ངན་སོང་གསུམ་གྱི་ཕྱིར་སྦྱིན་པ་ནི་དཔེར་ན་རི་དགས་ལ་རྔོན་བྱེད་པའི་རྣམ་པར་སྨིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བ་དང་བྲལ་བའི་ཚུལ་ཁྲིམས་ནི་དཔེར་ན་ལྷ་
ཆེན་པོས་གཅིག་ནས་གཅིག་ཏུ་བསྟན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །བརྙས་པས་སྡུག་བསྔལ་བར་གྱུར་ཀྱང་འཁྲུག་པ་མེད་པའི་བཟོད་པ་ནི་དཔེར་ན་བཟོད་པར་སྨྲ་བའི་ལྟ་བུ་གང་ཡིན་པ་དེ་ནི་བཟོད་པའོ། །ཚོགས་
ཆེན་པོའི་གནས་སྐབས་ཐོབ་པས་སྒྱིད་ལུག་པ་མེད་པའི་བརྩོན་འགྲུས་ནི་དཔེར་ན་རྒྱ་མཚོ་ཆེན་པོར་ནོར་བུ་རིན་པོ་ཆེ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་གྱིས་མི་འཕྲོགས་པའི་བསམ་གཏན་ནི་དཔེར་
ན་རྒྱལ་པོ་གཞོན་ནུ་སེང་གེའི་ལྟ་བུ་གང་ཡིན་པ་དེ་ནི་བསམ་གཏན་ནོ། །ཡུལ་གྱི་ནང་དུ་སོང་ཡང་ཡོངས་སུ་གཏོང་བ་ཐམས་ཅད་ལ་དམིགས་པའི་ཤེས་རབ་ནི་དཔེར་ན་ཡུལ་ཀ་ཤིའི་རྒྱལ་པོས་མགོ་བྱིན་པ་ལྟ་བུ་གང་ཡིན་པ་དེ་ནི་
ཤེས་རབ་སྟེ། འདི་དག་ནི་གནས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་ཡོངས་སུ་སྨིན་པར་བྱ་བའི་ཕྱིར་སྦྱིན་པ་ནི་དཔེར་ན་རྒྱ་མཚོ་ཆེན་པོའི་རུ་སྦལ་ལྟ་བུ་གང་
ཡིན་པ་དེ་ནི་སྦྱིན་པའོ། །གཞན་ལ་ཕན་པར་བརྩོན་པའི་ཚུལ་ཁྲིམས་ནི་དཔེར་ན་འདྲོན་པ་རྣམས་སྦྲུལ་ཆེན་པོས་བསྐོར་བ་ལས་སེང་གེས་ཐར་བར་བྱས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །མཉན་པའི་
40-1-54a


ཕྱིར་བཟོད་པ་ནི་དཔེར་ན་དྲང་སྲོང་ལྷའི་རྒྱལ་པོས་ཚིགས་སུ་བཅད་པའི་ཕྱིར། མགོ་ཡོངས་སུ་བཏང་བ་ལྟ་བུ་གང་ཡིན་པ་དེ་ནི་བཟོད་པའོ། །བྲམ་ཟེའི་ཁྱེའུ་ཡིས་དོན་ཇི་ལྟ་བ་བཞིན་དུ་བསམས་པའི་རེག་པ་ལྔ་སྤང་
བའི་ཕྱིར་གནས་ཤིང་གཞན་ལ་བརྩེ་བར་ཡོངས་སུ་བསྔོས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །བསམ་གཏན་ནི་དཔེར་ན་མུ་སྟེགས་བྱེད་རྩིབས་ཀྱི་མུ་ཁྱུད་བྱུང་བ་གཞན་ལ་སྙིང་བརྩེ་བ་དང་ལྡན་པ་ལྟ་བུ་གང་ཡིན་པ་
དེ་ནི་བསམ་གཏན་ནོ། །སྐྱེ་བོ་མང་པོ་ཡོངས་སུ་སྨིན་པར་བྱེད་པའི་ཤེས་རབ་ནི་དཔེར་ན་སྲེག་པའི་སྐྱེས་པའི་རབས་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་མང་
པོའི་ཕ་རོལ་དུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་བྱ་བའི་སྦྱིན་པ་ནི་དཔེར་ན་འཕེལ་མའི་ལྟ་བུ་གང་ཡིན་པ་དེ་ནི་སྦྱིན་པའོ། །ཚངས་པའི་འཇིག་རྟེན་ལ་གནས་ཏེ་འཛམ་བུའི་གླིང་གི་མི་རྣམས་ལས་བྱ་བ་ལ་འཇུག་པར་
བྱེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་གྱི་ཕྱིར་བདག་ཡོངས་སུ་གཏོང་བའི་བཟོད་པ་ནི་དཔེར་ན་རྒྱ་མཚོ་ནི་ཤི་བའི་རོ་དང་མི་གནས་པས་སེམས་ཅན་རྣམས་དགྲོལ་བའི་དོན་དུ་རྒྱ་མཚོ་ཆེན་པོར་
བདག་ཉིད་ཡོངས་སུ་གཏོང་བ་ལྟ་བུ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ཡོངས་སུ་སྨིན་པར་འགྱུར་བའི་བརྩོན་འགྲུས་ནི་དཔེར་ན་རྒྱ་མཚོར་དེད་དཔོན་བསོད་ནམས་ཁྱིམ་ལག་རྐྱལ་གྱིས་རྒལ་བ་ལས་རིག་པར་བྱ་བ་
ལྟ་བུ་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པར་ཡོངས་སུ་བསྔོས་པའི་བསམ་གཏན་ནི་དཔེར་ན་བྲམ་ཟེའི་བུ་ནོར་གྱི་བློ་གྲོས་ཀྱིས་སེམས་ཅན་རྣམས་བདེ་བ་ལ་སྦྱར་བའི་ཕྱིར་ལོ་སྟོང་ཕྲག་བརྒྱད་བཅུར་
བྱམས་པ་བསྒོམས་པ་གང་ཡིན་པ་དེ་ནི་བསམ་གཏན་ནོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་རྣམས་ལས་ཤིན་དུ་རྣམ་པར་གདོན་མི་ཟ་བའི་ཤེས་རབ་ནི་དཔེར་ན་རྒྱལ་པོ་བློ་བཟངས་ཀྱིས་
40-1-54b


སྔོན་གྱི་ཚུལ་ཤིང་ལོ་ལས་རིག་པར་བྱ་བ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མང་པོའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡོངས་
སུ་མྱ་ངན་ལས་འདས་པའི་སྦྱིན་པའི་རྣམ་པར་སྨིན་པ་མི་ལྡོག་པ་ནི་དཔེར་ན་རྒྱལ་རིགས་ཀྱིས་ཆུ་བོ་གང་གཱར་དེ་ལ་སོགས་པའི་སྦྱིན་པའི་ལྟ་བུ་གང་ཡིན་པ་དེ་ནི་སྦྱིན་པའོ། །བཏང་སྙོམས་ཡོངས་སུ་བཟུང་ཞིང་ཕྱིར་
མི་ལྡོག་པ་ཟག་པ་ཟད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ཐོབ་པའི་བཟོད་པ་གང་ཡིན་པ་དེ་ནི་བཟོད་པའོ། །ལུས་ཀྱི་འདུ་བྱེད་འདོར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་
སོ། །ཆོས་ལ་བཏང་སྙོམས་པས་རབ་ཏུ་ཕྱེ་བས་བྱང་ཆུབ་ཀྱི་སྙིང་པོར་སྐྱོ་བ་མེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །བྱང་ཆུབ་ཀྱི་ཡེ་ཤེས་སྟོན་པས་ཤེས་རབ་ཀྱིས་རབ་ཏུ་བཟུང་བ་ནི་དཔེར་
ན་བྲམ་ཟེའི་བུ་བྱིས་པ་དཔེར་བརྗོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མངོན་པར་དགའ་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། མྱ་
ངན་ལས་འདས་པའི་སྦྱིན་པ་ནི་དཔེར་ན་དགའ་བའི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་སྦྱིན་པའོ། །འདུས་བྱས་ཀྱིས་ཡིད་བྱུང་ཞིང་མྱ་ངན་ལས་འདས་པའི་བསམ་པ་ཅན་གྱི་ཚུལ་ཁྲིམས་ནི་དཔེར་ན་བྱང་
ཆུབ་སེམས་དཔའ་བརྩོན་འགྲུས་ལ་སྤྱོད་པའི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །ཆགས་པ་མེད་པའི་བཟོད་པ་ནི་དཔེར་ན་ཡུལ་ཀ་ཤིའི་རྒྱལ་པོའི་མགོ་བཅད་ཀྱང་འཁྲུག་པ་མེད་པ་གང་ཡིན་པ་དེ་ནི་
བཟོད་པའོ། །སེར་སྐྱའི་གནས་ནས་བྱུང་སྟེ། བསོད་སྙོམས་ལེན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཚངས་པར་སྤྱོད་ཅིང་ཡན་ལག་བཞི་དང་ལྡན་པ་སྤུ་ཟིང་ཞེས་བྱེད་པའི་བསམ་གཏན་
40-1-55a


གང་ཡིན་པ་དེ་ནི་བསམ་གཏན་ནོ། །གྲོང་ཁྱེར་དང་མཚུངས་པའི་ཤེས་རབ་ནི་དཔེར་ན་འཇིག་རྟེན་པ་མ་ལུས་པ་ཐམས་ཅད་སྙོམས་པར་ཞུགས་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་དགའ་བ་མེད་པའི་ཕ་རོལ་དུ་ཕྱིན་པ་
དྲུག་གོ། །དེ་ལ་དུས་སུ་བྱིན་པ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྡུག་བསྔལ་བར་འགྱུར་བ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །རུསྦལ་གྱི་སྐྱེས་པའི་རབས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །མངོན་དུ་
སྡུག་བསྔལ་བས་ལུས་དང་ངག་ལ་གནོད་པ་མེད་པའི་བཟོད་པ་ནི་དཔེར་ན་བཟང་བརྩམས་ཡན་ལག་བཅད་ཀྱང་འཁྲུག་པ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །སངས་རྒྱས་འབྱུང་བ་ན་བརྩོན་པ་ནི་དཔེར་ན་སངས་རྒྱས་མངོན་སུམ་དུ་བྱེད་ཅིང་དེ་
བཞིན་གཤེགས་པའི་ཏིང་ངེ་འཛིན་རྒྱ་མཚོ་ལ་ལོ་སུམ་ཁྲིའི་བར་དུ་རྨུགས་པ་དང་གཉིད་མི་འབྱུང་བ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་ན་གནས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་བ་ན་གང་དུས་
དང་མཚུངས་པར་ལྡན་པའི་ཤེས་རབ་གང་དང་གང་དུ་བདག་དང་གཞན་ལ་ཕན་པར་འགྱུར་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དུས་སུ་སྦྱིན་པ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འོད་ཀྱི་ཕ་རོལ་དུ་ཕྱིན་
པ་དྲུག་གང་ཞེ་ན། མར་མེའི་ཕྲེང་བ་སྦྱིན་པ་གང་ཡིན་པ་དེ་ནི་སྦྱིན་པའོ། །གཞན་ལ་ཕན་པའི་ཚུལ་ཁྲིམས་ནི་དཔེར་ན་སྲེག་པའི་སྐྱེས་པའི་རབས་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་ངེས་པར་རྟོགས་པའི་བཟོད་པ་གང་
ཡིན་པ་དེ་ནི་བཟོད་པའོ། །འབྲུ་མར་གྱི་སྦྱིན་པ་ལ་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །བྱང་ཆུབ་སེམས་དཔའི་བསྐལ་པ་དང་པོ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ལ་བཟོད་པ་ལས་ངེས་
པར་བྱུང་བའི་ཤེས་རབ་ནི་དཔེར་ན་བྲམ་ཟེའི་བུ་སྤྲིན་གྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་འོད་མཐའ་ཡས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཐབས་ལ་མཁས་
40-1-55b


པའི་སྦྱིན་པའི་ཕ་རོལ་དུ་ཕྱིན་པ་དྲུག་གི་རྣམ་པར་སྨིན་པས་སངས་རྒྱས་ཀྱི་ཞིང་མཐའ་ཡས་པར་སངས་རྒྱས་ཀྱི་འོད་ཀྱིས་འགེངས་པ་གང་ཡིན་པ་དེ་ནི་སྦྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་ཡོངས་སུ་བསྔོ་བའི་ཚུལ་ཁྲིམས་གང་
ཡིན་པ་དེ་ནི་ཚུལ་ཁྲིམས་སོ། །ཆོས་ལ་འདུ་ཤེས་པའི་བཟོད་པ་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའོ། །སྟོང་པ་ཉིད་ལ་བསྒོམ་པར་དགའ་བའི་བརྩོན་འགྲུས་ཡོངས་སུ་བསྔོ་བ་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་
ལྡོག་པའི་བསམ་གཏན་ཡོངས་སུ་བསྔོ་བ་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ལ་གནས་པའི་ཤེས་རབ་ཐམས་ཅད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་མཐའ་ཡས་པའི་ཕ་རོལ་དུ་ཕྱིན་པ་
དྲུག་གོ། །དེ་ལ་རྣམ་པར་སྨིན་པ་བདེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཤི་བ་ལ་ཐུག་པའི་སྦྱིན་པ་གང་གི་རྣམ་པར་སྨིན་པས་དགའ་ལྡན་ནས་ཤི་འཕོས་པ་ན་ཡི་དགས་རྣམས་ཀྱི་བཀྲེས་པ་ཕྱིད་པ་གང་ཡིན་པ་དེ་ནི་སྦྱིན་པའོ། །ཤི་བ་ལ་
ཐུག་པ་རྣམས་བཅིངས་པ་ལས་དགྲོལ་བའི་ཕྱིར་བདག་ཉིད་གཏོང་བའི་ཚུལ་ཁྲིམས་ནི་དཔེར་ན་རྒྱལ་པོའི་བུ་ལེགས་བྱིན་གྱི་སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །བཟོད་པ་ནི་དཔེར་ན་ཉའི་སྐྱེས་པའི་རབས་ལས་གྲོག་སྦུར་དེ་དག་གིས་
བདག་གི་ཤ་ཟོས་ནས་བདེ་བར་གྱུར་ན་ལེགས་སོ་ཞེས་བྱ་བ་གང་ཡིན་པ་དེ་ནི་བཟོད་པའོ། །རྟའི་རྒྱལ་པོ་རྔོག་ལྡན་སྡུག་བསྔལ་བ་རྣམས་ལ་སྙིང་བརྩེ་བའི་ཕྱིར་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །ནད་ཀྱི་བར་གྱི་བསྐལ་པའི་
བསམ་གཏན་ནི་དཔེར་ན་བྲམ་ཟེའི་བུ་དེ་བིདྷ་འཛམ་བུའི་གླིང་དུ་རེག་པ་ལྔ་ཞི་བར་བྱེད་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །ཚོང་པ་ལྔ་བརྒྱ་དང་རྒྱལ་པོའི་སྲས་མོ་བུ་མོ་ལྔ་བརྒྱ་དག་ཐར་བར་བྱས་པ་དང་། སྲིན་མོ་བྱེ་བ་ཕྲག་
ལྔ་མིར་བྱས་པའི་ཤེས་རབ་ནི་དེད་དཔོན་གྱི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་བདེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཕྱིར་མི་ལྡོག་པའི་ཕ་རོལ་དུ་ཕྱིན་པ་
40-1-56a


དྲུག་གང་ཞེ་ན། ཉན་ཐོས་དང་རང་སངས་རྒྱས་ཀྱི་ཐེག་པ་ལ་རེ་བ་མེད་ཅིང་མི་དམིགས་པས་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་བལྟ་བའི་ཚུལ་ཁྲིམས་གང་ཡིན་པ་
དེ་ནི་ཚུལ་ཁྲིམས་སོ། །དེའི་ངོ་བོ་མ་ཡིན་པའི་བཟོད་པ་གང་ཡིན་པ་དེ་ནི་བཟོད་པའོ། །ཐབས་མཁས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རིག་པ་སྐྱེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མཉམ་པ་ཉིད་
ཀྱི་སའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དགའ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་འབྱུང་བ་ན་སེམས་ཅན་ཐམས་ཅད་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །
སངས་རྒྱས་འབྱུང་བའི་དུས་སུ་རྣམ་པར་སྨིན་པའི་ཚུལ་ཁྲིམས་ནི་དཔེར་ན་གཞོན་ནུ་དཔལ་མཐུའི་སྔོན་གྱི་ཚུལ་ལྟ་བུའོ། །བཟོད་པ་ནི་དཔེར་ན་རྒྱལ་པོ་བསོད་ནམས་རྒྱ་ཆེན་གྱིས་བདག་འབའ་ཤིག་བདེ་བར་མ་གྱུར་ཅིག །བདག་ཀྱང་བདེ་བར་གྱུར་
ལ་གང་གཞན་ཡང་བདེ་བར་གྱུར་ཅིག་ཅེས་གང་སྨྲས་པ་ལྟ་བུ་གང་ཡིན་པ་དེ་ནི་བཟོད་པའོ། །གཟུངས་རབ་ཏུ་ཐོབ་པར་འགྱུར་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་རྣམས་ཀྱི་རྣམ་པར་སྨིན་པ་བདེ་བར་ཡོངས་
སུ་བསྔོས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ཕྱིར་མི་ལྡོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དགའ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་དག་པའི་ཕ་རོལ་དུ་ཕྱིན་
པ་དྲུག་གང་ཞེ་ན། མངོན་པར་ཞེན་པ་མེད་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཤིན་དུ་སྦྱངས་པ་བྱང་ཆུབ་ཀྱི་ཡན་ལག་བསྒྲུབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལུས་ལ་མི་ལྟ་བ་དང་། སྲོག་ལ་མི་ལྟ་
བའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་དང་མཚུངས་པར་ལྡན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྟོག་པ་མེད་པའི་བསམ་གཏན་གང་ཡིན་པ་དེ་ནི་བསམ་
40-1-56b


གཏན་ནོ། །བྱང་ཆུབ་བསྒྲུབ་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་དག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་པའི་ཆོས་ལས་འདས་པའི་ཕ་རོལ་དུ་ཕྱིན་པ་དྲུག་གང་ཞེ་ན། རྣམ་པར་སྨིན་པ་
འདུས་མ་བྱས་དང་ལམ་བདེ་བ་བསྒྲུབ་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལམ་ལ་ཞུགས་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བྱང་ཆུབ་ལ་ཐེ་ཙོམ་མེད་པའི་བཟོད་པ་གང་ཡིན་པ་དེ་ནི་བཟོད་པའོ། །མཐོང་བའི་ཆོས་ལ་
བདེ་བ་བསྒྲུབ་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །འགོག་པའི་སྙོམས་པར་འཇུག་པ་དང་མཚུངས་པར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །དྲན་པ་ཉེ་བར་གཞག་པ་ཡོངས་སུ་སྦྱང་བ་བྱས་ཤིང་། 
བདེན་པ་ཡོངས་སུ་བཟུང་བ་བྱ་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཇིག་རྟེན་པའི་ཆོས་ལས་འདས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྐྱེ་བ་བཀོད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྐྱེས་པ་ཙམ་གྱིས་
སྟོང་གསུམ་དུ་སྦྱིན་པ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའོ། །སྐྱེས་པ་ཙམ་གྱིས་སེམས་ཅན་ཐམས་ཅད་བདེ་བར་གྱུར་པ་གང་ཡིན་པ་དེ་ནི་ཚུལ་ཁྲིམས་སོ། །སྐྱེས་པ་ཙམ་གྱིས་སེམས་ཅན་གནོད་སེམས་ཅན་རྣམས་གནོད་པར་
མི་བྱེད་པ་གང་ཡིན་པ་དེ་ནི་བཟོད་པའོ། །སྐྱེས་པ་ཙམ་གྱིས་སེམས་ཅན་སྟོང་ཕྲག་རྣམས་མྱ་ངན་ལས་འདས་པ་ལ་བརྩོན་པ་ནི་དཔེར་ན་འོད་སྲུང་དང་པོར་རབ་ཏུ་བྱུང་བ་གང་ཡིན་པ་དེ་ནི་བརྩོན་འགྲུས་སོ། །སྐྱེས་པ་ཙམ་གྱིས་སེམས་ཅན་
རྣམས་དྲན་པ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྐྱེས་པ་ཙམ་གྱིས་སེམས་ཅན་དམྱལ་བར་གྱུར་པ་ཆོས་བརྗོད་པ་རྣམས་ཐ་ན་ཀུན་དུ་བརྗོད་ཅིང་མངོན་པར་བརྗོད་པའི་ཤེས་རབ་སྟེ། འདི་དག་ནི་སྐྱེ་བ་
བཀོད་པའི་ཕ་རོལ་དུ་ཕྱིན་པ་དྲུག་གོ། དེ་ལ་རིགས་ཕུན་སུམ་ཚོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། འཁོར་གྱི་ལོངས་སྤྱོད་ཆེན་པོའི་སྦྱིན་པ་གང་ཡིན་པ་དེ་ནི་སྦྱིན་པའོ། །འཁོར་ཁ་ན་མ་ཐོ་བ་མེད་པའི་ཚུལ་ཁྲིམས་
40-1-57a


གང་ཡིན་པ་དེ་ནི་ཚུལ་ཁྲིམས་སོ། །འཁོར་གཅིག་ལ་གཅིག་མངོན་པར་དགའ་བའི་བཟོད་པ་གང་ཡིན་པ་དེ་ནི་བཟོད་པའོ། །འཁོར་མ་བཏང་བར་རང་གི་བྱ་བ་རྣམས་ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་
འགྲུས་སོ། །ལེགས་པར་བསམ་པ་སེམས་ཤིང་འཁོར་དུལ་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །འཁོར་ཐམས་ཅད་ཀྱི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རིགས་ཕུན་སུམ་ཚོགས་པའི་ཕ་རོལ་
དུ་ཕྱིན་པ་དྲུག་གོ། །དེ་ལ་འཁོར་ཕུན་སུམ་ཚོགས་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། འདུས་པ་ཆེན་པོ་དག་ལ་ལོ་ལྔའི་བར་དུ་ཡང་དག་པར་ལེན་དུ་འཇུག་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སྐྱེ་བོ་མང་པོའི་
འབྱོར་པ་སྐྱོ་བ་མེད་པའི་ཚུལ་ཁྲིམས་ནི་དཔེར་ན་ཀུན་དུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །སེམས་ཅན་མང་པོའི་ཕྱིར་བཟོད་པ་ནི་དཔེར་ན་ནོར་ལྔ་བྲེ་གང་གི་ཕྱིར་རྒྱ་མཚོ་ཆེན་པོར་ཆུ་སྲིན་མ་ཀ་རའི་ཁར་ཞུགས་པ་དང་། 
ཡང་དཔེར་ན་ནོར་ལྔ་བྲེ་གང་གི་ཕྱིར་ཁྲོན་པར་སོང་བ་གང་ཡིན་པ་དེ་ནི་བཟོད་པའོ། །སྐྱེ་བོ་མང་པོ་ལ་བསྐྱབ་པའི་ཕྱིར་བརྩོན་པ་ནི་དཔེར་ན་ནོར་བུའི་ཕྱིར་རྒྱ་མཚོ་ཆེན་པོ་བསྐམ་པར་བརྩམས་པ་གང་ཡིན་པ་དེ་ལྟ་བུ་སྟེ། དེ་ནི་བརྩོན་འགྲུས་སོ། །
མུ་སྟེགས་བྱེད་རྩིབས་ཀྱི་མུ་ཁྱུད་ཀྱི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོ་ལ་ཕན་པའི་ཕྱིར་བརྩོན་པའི་ཤེས་རབ་ནི་དཔེར་ན་རི་དགས་ཀྱི་རྒྱལ་པོ་བློ་བཟངས་ཀྱིས་རི་དགས་ལྔ་
བརྒྱ་རྒྱར་ཆུད་པ་རྣམས་གཞན་རི་བོང་དང་ལྷན་ཅིག་ཏུ་ཐར་བར་བྱས་ནས་འབྲོས་སུ་བཏང་བ་དང་། འཛམ་བུའི་གླིང་པའི་སེམས་ཅན་ཐམས་ཅད་དགེ་བ་བཅུའི་ལས་ཀྱི་ལམ་དག་ལ་བཀོད་པ་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་
ནི་འཁོར་ཕུན་སུམ་ཚོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཁོར་མི་ཕྱེད་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཕྲ་མའི་ཚིག་སྤངས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །བྱམས་པ་ལ་དམིགས་པ་
40-1-57b


ཐོགས་པ་མེད་པའི་སེམས་ཀྱི་ཚུལ་ཁྲིམས་ཀྱི་གོ་བགོས་པ་གང་ཡིན་པ་དེ་ནི་ཚུལ་ཁྲིམས་སོ། །སེམས་མཉམ་པའི་བཟོད་པ་གང་ཡིན་པ་དེ་ནི་བཟོད་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཟང་ཟིང་མེད་པའི་བརྩོན་འགྲུས་གང་ཡིན་པ་དེ་ནི་
བརྩོན་འགྲུས་སོ། །གཟུངས་རབ་ཏུ་ཐོབ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྣམ་པར་གྲོལ་བས་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་མི་ཕྱེད་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་
དྲུག་གོ། །དེ་ལ་རྣམ་པར་སྨིན་པ་ཡོངས་སུ་དག་པ་བསྐྱེད་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ནད་པ་མགོན་མེད་པ་རྣམས་ལ་གོས་སྦྱིན་པ་གང་ཡིན་པ་དེ་ནི་སྦྱིན་པའོ། །སྡུག་བསྔལ་གྱིས་ཉམ་ཐག་པ་རྣམས་ཡོངས་སུ་སྐྱོབ་པ་
གང་ཡིན་པ་དེ་ནི་ཚུལ་ཁྲིམས་སོ། །བླ་མས་སྤྱོས་པ་བཟོད་ཅིང་མི་ཁྲོ་བ་གང་ཡིན་པ་དེ་ནི་བཟོད་པའོ། །མངལ་ན་ཀུན་དུ་རྨོངས་པ་གསོ་བར་བྱེད་པ་དང་། བསྟན་པ་ལས་མངོན་པར་འཕགས་པ་རྣམས་ལ་སྟོན་པ་དང་། དགེ་སློང་མ་རྣམས་
ལ་རྗེས་སུ་བསྲུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པའི་ཕྱིར་མ་ལ་བསྙེན་བཀུར་བྱེད་པ་གང་ཡིན་པ་དེ་ནི་བསམ་གཏན་ནོ། །སྐྱེ་བོ་མང་པོའི་འགྱོད་པ་སེལ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། 
འདི་དག་ནི་རྣམ་པར་སྨིན་པ་ཡོངས་སུ་དག་པ་བསྐྱེད་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཕྱོགས་རྣམ་པར་ལྟ་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཐོགས་པ་མེད་པར་མིག་སྦྱིན་པ་གང་ཡིན་པ་དེ་ནི་སྦྱིན་པའོ། །སྒྲིབ་
པ་མེད་པའི་སེམས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསམ་པ་ངེས་པའི་བཟོད་པ་གང་ཡིན་པ་དེ་ནི་བཟོད་པའོ། །སྐྱོ་བ་མེད་པའི་མངོན་པར་ཤེས་པ་མ་བསྒྲུབ་པ་སྒྲུབ་པ་གང་ཡིན་པ་དེ་ནི་བརྩོན་འགྲུས་སོ། །ལྷའི་
མིག་གི་ཕྱིར་ཡོངས་སུ་སྦྱང་བ་བྱས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །སྒྲ་དང་བརྡ་རབ་ཏུ་རྟོགས་པར་བྱེད་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱོགས་རྣམ་པར་ལྟ་བའི་ཕ་རོལ་དུ་ཕྱིན་
40-1-58a


པ་དྲུག་གོ། །དེ་ལ་ཡོངས་སུ་ཤེས་པ་སྒྲོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པ་སེམས་ཅན་རྣམས་ལ་ཡོངས་སུ་བསྔོས་ཤིང་། གཞན་ལ་ཕན་པའི་རྣམ་པར་སྨིན་པ་གང་ཡིན་པ་དེ་ནི་
སྦྱིན་པའོ། །བག་ཆགས་ཀྱི་མཚམས་སྦྱོར་བ་དང་བྲལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །སྙིང་རྗེ་མེད་པ་མ་ཡིན་པ་ལས་ངེས་པར་བྱུང་བའི་བཟོད་པ་གང་ཡིན་པ་དེ་ནི་བཟོད་པའོ། །ཟིལ་གྱིས་ནོན་པ་མེད་
པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཚད་མེད་པས་ཡོངས་སུ་བཟུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ངེས་པར་འབྱེད་པའི་ཆ་དང་འཐུན་པའི་ཤེས་རབ་གང་ཡིན་པ་དེ་ནི་ཤེས་རབ་
སྟེ། འདི་དག་ནི་ཡོངས་སུ་ཤེས་པ་སྒྲོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བག་ཡོད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་ནི་དཔེར་ན་བློན་པོ་ས་གའི་ལྟ་བུ་གང་ཡིན་པ་དེ་ནི་སྦྱིན་
པའོ། །གནད་བཅད་པ་ལ་གནས་ཀྱང་ལས་ལ་རྟོན་པའི་ཚུལ་ཁྲིམས་ནི་དཔེར་ན་རྔོན་པ་དཔའ་རྟོགས་ཀྱིས་སེང་གེའི་གནད་དུ་བསྣུན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །ལེགས་པར་གསུངས་པའི་དོན་དུ་མེའི་ཕུང་པོར་
མཆོང་བའི་བཟོད་པ་གང་ཡིན་པ་དེ་ནི་བཟོད་པའོ། །འདུས་བྱས་ལ་འབར་བར་མཐོང་ཞིང་མྱ་ངན་ལས་འདས་པའི་བསམ་པ་ཅན་གྱི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྒྱལ་སྲིད་ཐམས་ཅད་སྤངས་ཏེ་གཅིག་པུར་
རི་ལ་ཉོན་མོངས་པ་ཅན་མ་ཡིན་པར་གནས་ཤིང་གྲགས་པ་དང་འཁོར་མང་པོར་ལྡན་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རོ་མྱང་བ་མེད་པའི་ཤེས་རབ་གང་ཡིན་པ་དེ་ནི་དཔེར་ན་རྒྱལ་པོའི་བུ་མཉམ་སེམས་ཀྱིས་
རྒྱལ་སྲིད་བཏང་ནས་ཁ་ན་མ་ཐོ་བ་མེད་པའི་ལས་ཇི་སྙེད་པ་དག་གང་ཡིན་སྙམ་ནས་དྲི་མ་དང་བྲལ་བར་གྱུར་པ་དེ་ནི་ཤེས་རབ་སྟེ། འདི་དག་ནི་བག་ཡོད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྫི་བ་མེད་པའི་ཕ་རོལ་དུ་ཕྱིན་པ་དྲུག་
40-1-58b


གང་ཞེ་ན། ལེན་པ་མང་པོ་རྣམས་ལ་ཐོགས་པ་མེད་པའི་སེམས་ཀྱིས་སྦྱིན་པ་གང་ཡིན་པ་དེ་ནི་སྦྱིན་པའོ། །གཡོ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསྒོམས་པ་ལས་ངེས་པར་བྱུང་བའི་བཟོད་པ་
གང་ཡིན་པ་དེ་ནི་བཟོད་པའོ། །ཆོས་མཉམ་པ་ཉིད་ལ་གནས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ཐམས་ཅད་རྣམ་པར་འཇོག་པའི་ཤེས་
རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྫི་བ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མྱ་ངན་ལས་འདས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡི་དགས་ཀྱི་འཇིག་རྟེན་ལ་དམིགས་ཤིང་གང་སེམས་ཅན་སྡུག་བསྔལ་བ་མཐོང་
ན་སྦྱིན་པ་གང་ཡིན་པ་དེ་ནི་སྦྱིན་པའོ། །དུད་འགྲོའི་གནས་སུ་ཕྱིན་ནས་སེམས་ཅན་སྡུག་བསྔལ་བ་མཐོང་ན་ཡིད་བྱུང་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དམིགས་པ་མེད་པའི་ཐོས་པ་དང་། རེག་པར་དཀའ་བ་མཐོང་ན་བཟོད་
པ་གང་ཡིན་པ་དེ་ནི་བཟོད་པའོ། །ལོག་པ་སྤོང་བའི་རབ་དུ་དབྱེ་བ་ལ་ཡིད་བྱུང་བའི་བརྩོན་འགྲུས་ནི་དཔེར་ན་ཀུན་ལས་བུད་མེད་སྤངས་པ་ལྟ་བུ་གང་ཡིན་པའོ། །ཐར་པ་ལ་དམིགས་པའི་བསམ་གཏན་ནི་དཔེར་ན་ཤིང་འཛམ་བུའི་གྲིབ་མ་
ལྟ་བུ་གང་ཡིན་པ་དེ་ནི་བསམ་གཏན་ནོ། །འཁོར་བའི་སྐྱོན་རབ་ཏུ་ཞི་བར་བྱེད་པའི་ཤེས་རབ་ནི་དཔེར་ན་རྒྱལ་པོ་རབ་ཏུ་འབྱུང་བའི་ཕྱིར་ཁྱིམ་ནས་བྱུང་བ་དང་། དཔེར་ན་སྤུ་ཟིང་ཞེས་བྱེད་པའི་ཤེས་རབ་ཡོངས་སུ་དཀར་བའི་ལྟ་བུ་གང་ཡིན་
པ་དེ་ནི་ཤེས་རབ་སྟེ། འདི་དག་ནི་མྱ་ངན་ལས་འདས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དབང་ཆེ་བར་གྲགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྙིང་རྗེ་མེད་པ་མ་ཡིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ལྷག་པའི་
ང་རྒྱལ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །མ་ཞུམ་པའི་བཟོད་པ་གང་ཡིན་པ་དེ་ནི་བཟོད་པའོ། །བླ་མ་ལ་བསྙེན་བཀུར་བྱས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡོངས་
40-1-59a


སུ་སྨིན་པར་བྱ་བའི་བསམ་གཏན་ནི་དཔེར་ན་རྒྱལ་པོའི་བུ་མེ་ཏོག་ལྟ་བུའི་གང་ཡིན་པའོ། །རབ་ཏུ་བྱུང་བ་གང་གི་ཡན་ལག་དང་ཉིང་ལག་གཏུབས་ཀྱང་ནམ་ཡང་ཉམས་པར་མ་གྱུར་པའི་ཤེས་རབ་དོན་དམ་པ་དང་ལྡན་
པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དབང་ཆེ་བར་གྲགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྐུལ་བའི་ཕ་རོལ་དུ་ཕྱིན་པ་དྲུག་གང་ཞེ་ན། གང་ལེན་དུ་འཇུག་ཅིང་སྤྲོས་པ་དང་བཅས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཕན་
པའི་དངོས་པོ་དང་ལྡན་ཞིང་ལེགས་པར་སྦྱིན་པ་སྐུལ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དུལ་བའི་གནས་སུ་གདམས་ངག་རྗེས་སུ་སྟོན་པའི་བཟོད་པ་གང་ཡིན་པ་དེ་ནི་བཟོད་པའོ། །ཆོས་མཉན་པ་དང་བསྒྲགས་པ་
ལ་བརྩོན་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །སེམས་ཅན་ཡང་དག་པར་ལེན་དུ་འཇུག་པའི་བསམ་གཏན་ནི་དཔེར་ན་འཁོར་ལོས་སྒྱུར་བའི་རྒྱལ་པོ་མིག་བཟངས་ཀྱི་ལྟ་བུ་གང་ཡིན་པའོ། །ཐེ་ཙོམ་ཅན་གྱི་ཐེ་
ཙོམ་གཅོད་ཅིང་དོར་བར་འདོད་པ་རྣམས་ལ་ཆོས་བསྟན་པའི་ཕྱིར་རྗེས་སུ་བསྲུང་ལ་རབ་ཏུ་འཇོག་པ་བཏང་སྙོམས་ཅན་གྱི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སྐུལ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྗེད་ངས་པ་མེད་པའི་
ཕ་རོལ་དུ་ཕྱིན་པ་དྲུག་གང་ཞེ་ན། ཁ་ཏོན་དང་ལྡན་པ་རྣམས་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །དཀོན་མཆོག་གསུམ་ལ་མི་ཕྱེད་པ་ཐོབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ཐོས་པའི་ཕྱིར་བཟོད་ཅིང་ལུས་ཀྱི་སྡུག་
བསྔལ་བཟོད་པ་ནི་དཔེར་ན་བགོ་བ་དེས་པའི་ཡན་ལག་བཅད་པ་ལྟ་བུ་གང་ཡིན་པ་དེ་ནི་བཟོད་པའོ། །མན་ངག་དང་ཁ་ཏོན་བྱ་བའི་བརྩོན་འགྲུས་གཞན་ལ་རྗེས་སུ་བསྲུང་བ་གང་ཡིན་པ་དེ་ནི་བརྩོན་འགྲུས་སོ། །བསམ་གཏན་པས་དུས་སུ་
ཡང་དག་པར་ལེན་དུ་འཇུག་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །རྙེད་པ་དང་། བཀུར་སྟི་ལ་མི་རྟོག་པའི་སྤྱོད་ལམ་ལ་གནས་ནས་ཆོས་སྦྱིན་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་བརྗེད་ངས་པ་མེད་པའི་
40-1-59b


ཕ་རོལ་དུ་ཕྱིན་པ་དྲུག་གོ། །དེ་ལ་ཞབས་ཤིན་དུ་གནས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཞབས་ས་ལ་འཇོག་པ་ན་སྙོམས་པ་དང་། འདེགས་པ་ན་སྙོམས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །བདེ་བར་གནས་པ་གང་ཡིན་པ་དེ་ནི་
ཚུལ་ཁྲིམས་ཀྱི་རྣམ་པར་སྨིན་པའོ། །གཞན་གྱིས་ཉམས་པར་བྱར་མི་ནུས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །འཁྲུལ་པ་མེད་པར་གནས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཞབས་རེག་པས་སེམས་ཅན་
བདེ་བར་འགྱུར་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གོ་ཆས་ཇི་ལྟར་འདོད་པ་བཞིན་སྐྱེ་བར་འགྱུར་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་ཞབས་ཤིན་དུ་གནས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཁོར་
ལོ་རྩིབས་སྟོང་དང་ལྡན་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། འཁོར་ལོས་སྤྲས་པ་བསྒྲུབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྩིབས་ཕན་ཚུན་མ་འདྲེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །
འདོད་ཆགས་ཀྱི་དབང་གིས་མི་གོས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །བུམ་པ་ལྟ་བུ་དང་བཀྲ་ཤིས་དང་། གཡུང་དྲུང་འཁྱིལ་པས་བརྒྱན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །འཁོར་ལོའི་འོད་འབྱེད་པ་གང་ཡིན་
པ་དེ་ནི་བསམ་གཏན་གྱི་རྣམ་པར་སྨིན་པའོ། །འོད་སྣ་ཚོགས་གཏོང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་འཁོར་ལོ་རྩིབས་སྟོང་དང་ལྡན་པ་བསྒྲུབ་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་
སྨིན་པ་རྟིང་པ་ཡངས་པའི་ཕ་རོལ་དུ་ཕྱིན་པ་དྲུག་གང་ཞེ་ན། རྟིང་པ་ཡངས་ཤིང་ཤིན་དུ་སྲབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །རྟིང་པ་ཡངས་པ་ཟླུམ་ཞིང་ཤིན་དུ་མཁྲེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་
སྨིན་པའོ། །རྟིང་པ་ཡངས་ཤིང་ཡོངས་སུ་རྫོགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རྟིང་པ་ཡངས་ཤིང་སྟབས་ལེགས་པར་བཞུད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །རྟིང་པ་ཡངས་ཤིང་མདོག་སྣུམ་པ་
40-1-60a


གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །རྟིང་པ་ཡངས་ཤིང་ལེགས་པར་གྲུབ་ལ་མཁྲང་བ་གང་ཡིན་པ་དེ་ནི་ཤེས་རབ་ཀྱི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་རྟིང་པ་ཡངས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་
རྣམ་པར་སྨིན་པ་ཞབས་ལོང་མོའི་ཚིགས་མི་མངོན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཞབས་ལོང་མོའི་ཚིགས་མི་མངོན་ཤིང་ཤིན་དུ་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞབས་ལོང་མོའི་ཚིགས་མི་མངོན་པ་ཆུ་དང་ལྡན་པ་
གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཞབས་ལོང་མོའི་ཚིགས་མི་མངོན་ཞིང་འཇམ་ལ་མདངས་དང་ལྡན་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཞབས་ལོང་མོའི་ཚིགས་མི་མངོན་ཞིང་མཐོན་དམན་མེད་པ་
གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཞབས་ལོང་མོའི་ཚིགས་མི་མངོན་ཞིང་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཞབས་ལོང་མོའི་ཚིགས་མི་མངོན་ཞིང་སྤ་བ་གང་ཡིན་པ་
དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཞབས་ལོང་མོའི་ཚིགས་མི་མངོན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སོར་མོ་རིང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སོར་མོ་རིང་ལ་མི་མཉམ་
པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །སོར་མོ་རིང་ལ་ཤིན་དུ་འབྲེལ་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སོར་མོ་རིང་ཞིང་སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སོར་
མོ་རིང་ལ་རིམ་གྱིས་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །སོར་མོ་རིང་ལ་སེན་མོ་ཟངས་ཀྱི་མདོག་ལྟ་བུ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སོར་མོ་རིང་ལ་ཚིགས་མི་མཐོ་བ་གང་ཡིན་པ་དེ་ནི་ཤེས་
རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སོར་མོ་རིང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། ཕྱག་དང་ཞབས་དྲ་བ་ཅན་ཚང་བ་གང་ཡིན་
40-1-60b


པ་དེ་ནི་སྦྱིན་པའི་རྣམ་པར་སྨིན་པའོ། །ཤིན་དུ་གནས་ཤིང་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་མི་རྩུབ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་གསེར་
གྱི་མདོག་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་ཤིན་དུ་མཁྲེགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕྱག་དང་ཞབས་དྲ་བ་ཅན་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་
ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་དང་ཞབས་དྲ་བ་ཅན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་བྱིན་པ་རི་དགས་ཨེ་ན་ཡའི་ལྟ་བུའི་ཕ་རོལ་དུ་ཕྱིན་པ་དྲུག་གང་ཞེ་ན། ལེགས་པར་སྐྱེས་པ་ཡོངས་
སུ་རྫོགས་ཤིང་རིམ་གྱིས་གཞོལ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འཇམ་ཞིང་མི་མངོན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཤིན་དུ་སྤྲས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །
གཤེགས་པར་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཀུན་ནས་ཤིན་དུ་རྣམ་པར་ཕྱེ་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཁ་དོག་སྣང་བ་མཐོང་ན་དགའ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་
དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བྱིན་པ་རི་དགས་ཨེ་ནེ་ཡའི་ལྟ་བུའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། གསང་བའི་སྦུབས་ཁ་
དོག་མཛེས་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཤིན་དུ་སྦས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚེམས་ཚང་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཕྱག་
གི་རི་མོ་སྙོམས་ཤིང་ཤིན་དུ་ལེགས་པར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མི་འཇིགས་པ་སྦྱིན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཞན་བལྟ་བའི་ཕྱིར་སྤྲུལ་པ་ཉེ་བར་བསྒྲུབ་
40-1-61a


པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསང་བའི་སྦུབས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ལྟེ་བ་ཟབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
ཟབ་ཅིང་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ལྟེ་བ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཟབ་ཅིང་མདངས་ཡོད་པ་གང་ཡིན་པ་དེ་ནི་བཟོད་པའི་རྣམ་
པར་སྨིན་པའོ། །ལྟེ་བ་ཡངས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ལྟེ་བ་རྒྱས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ལྟེ་བ་མ་ཞུམ་ཞིང་སྤ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་
པར་སྨིན་པ་སྟེ། འདི་དག་ནི་རྣམ་པར་སྨིན་པ་ལྟེ་བ་ཟབ་པའི་ཕ་རོལ་དུ་ཕྱིན་པ་དྲུག་གོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དྲུག་པ། དེ་ལ་རྣམ་པར་སྨིན་པ་སྤུ་རེ་རེའི་ཕ་རོལ་དུ་
ཕྱིན་པ་དྲུག་གང་ཞེ་ན། སྐུའི་སྤུ་གྱེན་དུ་ཕྱོགས་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །མདོག་མཐོན་ཏིང་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྣུམ་པ་གང་ཡིན་པ་དེ་ནི་བཟོད་པའི་རྣམ་པར་སྨིན་
པའོ། །ཁ་དོག་མཛེས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གཡས་སུ་འཁྱིལ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཕན་ཚུན་མ་འཛིངས་ཤིང་མི་འགྲེང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་
ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྤུ་རེ་རེའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། གསེར་མདོག་གསེར་གྱི་ཁ་དོག་ཅན་གང་ཡིན་པ་དེ་ནི་སྦྱིན་པའི་
ཕ་རོལ་དུ་ཕྱིན་པའི་རྣམ་པར་སྨིན་པའོ། །གསེར་གྱི་མདོག་ཅན་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་སྐྱོན་མེད་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསེར་
40-1-61b


གྱི་མདོག་ཅན་བལྟར་རུང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །གསེར་གྱི་མདོག་ཅན་དྲི་མ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གསེར་གྱི་མདོག་ཅན་འོད་རྒྱ་ཆེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་
དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་གསེར་གྱི་མདོག་ཅན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སྐུ་རོ་སྟོད་སེང་གེ་འདྲ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྐུ་རིམ་པར་འཚམ་པ་གང་ཡིན་པ་དེ་ནི་སྦྱིན་པའི་ཕ་རོལ་
དུ་ཕྱིན་པའི་རྣམ་པར་སྨིན་པའོ། །སྐུ་རོ་སྟོད་ལེགས་པར་འབྲེལ་བ་གང་བ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །སྐུ་རོ་སྟོད་མཁྲེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རོ་སྟོད་བལྟ་ན་བཟང་བ་གང་ཡིན་པ་དེ་ནི་བརྩོན་
འགྲུས་ཀྱི་རྣམ་པར་སྨིན་པའོ། །སྐུ་རོ་སྟོད་ཤིན་དུ་ཡངས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྐུ་རོ་སྟོད་སེང་གེའི་ལྟ་བུ་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་
པ་སྐུ་རོ་སྟོད་སེང་གེ་འདྲ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་བདུན་མཐོ་བའི་ཕ་རོལ་དུ་ཕྱིན་པ་དྲུག་གང་ཞེ་ན། བདུན་མཐོ་བ་ཡོངས་སུ་རྫོགས་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །མཐོ་བ་བཀྲ་ཤིས་
པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །མཐོང་ན་ཡིད་དགའ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོ་བ་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཐོ་ཞིང་མ་ཞུམ་ལ་མཛེས་པ་གང་ཡིན་པ་དེ་ནི་
བསམ་གཏན་གྱི་ཕ་རོལ་དུ་ཕྱིན་པའི་རྣམ་པར་སྨིན་པའོ། །འཇམ་ཞིང་སྣུམ་ལ་དང་ཞིང་གསལ་བ་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་བདུན་མཐོ་བའི་ཕ་རོལ་དུ་ཕྱིན་པ་དྲུག་
གོ། །དེ་ལ་རྣམ་པར་སྨིན་པ་ཕྱག་རིང་བའི་ཕ་རོལ་དུ་ཕྱིན་པ་དྲུག་གང་ཞེ་ན། བདུག་སྤོས་ཀྱི་སྦྱིན་པ་དང་གཏོང་བའི་སྦྱིན་པས་ཕྱག་རིང་བ་མ་བཅད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །མི་མཐོ་ཞིང་
40-1-62a


གནས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚིགས་སྲ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །རིམ་གྱིས་གཞོལ་ཞིང་རིམ་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཕྱག་སྟོབས་ལ་
ཕ་རོལ་གནོན་པས་བསྐྱེད་དུ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །མཐོང་ན་མདངས་དང་ལྡན་ཞིང་འདོད་པར་འགྱུར་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཕྱག་རིང་བའི་ཕ་རོལ་
དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སྐུ་ཁྲིལ་བག་ཆགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཤིན་དུ་ཁྲིལ་བག་ཆགས་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །གཡོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་
སྨིན་པའོ། །ཕྱོགས་ཤིན་དུ་རྣམ་པར་འབྱེས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །སྐུ་རིམ་པར་འཚམ་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚིགས་མི་མངོན་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་
ན་སྡུག་ཅིང་སེམས་ཅན་ཐམས་ཅད་དགའ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་སྐུ་ཁྲིལ་བག་ཆགས་པའི་ཕ་རོལ་དུ་ཕྱིན་པ་དྲུག་གོ། །རྣམ་པར་སྨིན་པ་མགུར་དུང་ལྟ་བུའི་ཕ་རོལ་དུ་ཕྱིན་
པ་དྲུག་གང་ཞེ་ན། དུང་ལྟར་བྱིན་གྱིས་ཟླུམ་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཤིན་དུ་གནས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །རྩེའུ་ཆུང་མི་མངོན་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ།། 
ལེགས་པར་གྲུབ་ཅིང་སྙོམས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཤིན་དུ་གཞོན་ཤ་ཆགས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །གཅད་དུ་མེད་ཅིང་དབྱེར་མེད་ལ་མི་མཐོ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་
དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་མགུར་དུང་ལྟ་བུའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སྒྲོས་བིམ་པ་ལྟར་དམར་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྒྲོས་བིམ་པ་ལྟར་དམར་ཞིང་འཛུམ་པ་གང་ཡིན་པ་དེ་ནི་
40-1-62b


སྦྱིན་པའི་རྣམ་པར་སྨིན་པའོ། །སྒྲོས་བིམ་པ་ལྟར་དམར་ཞིང་ལེགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྟག་འོག་ལེགས་པར་འབྱོར་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །གསུང་བ་དང་མི་གསུང་བར་གྱུར་པ་ན་རྟག་
ཏུ་བལྟ་ན་ཡིད་དུ་འོང་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །བྱི་རུ་ལྟར་སྣང་བ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །བལྟ་ན་བརྟག་ཏུ་རུང་ཞིང་ལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་
སྨིན་པ་སྟེ། འདི་དག་ནི་རྣམ་པར་སྨིན་པ་སྒྲོས་བིམ་པ་ལྟར་དམར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ཚེམས་མཆེ་བ་དཀར་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཤིན་དུ་དཀར་བ་གང་ཡིན་པ་དེ་ནི་གོས་དཀར་པོ་བྱིན་པའི་རྣམ་པར་
སྨིན་པའོ། །ཚེམས་དཀར་ཞིང་མདངས་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །བར་གྱི་དྲི་མ་བསལ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཚེམས་དཀར་ཞིང་མཁྲེགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་
པར་སྨིན་པའོ། །དྲི་ཞིམ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཡིད་དུ་འོང་ཞིང་མདངས་དང་ལྡན་ལ་འོད་གསལ་བ་བལྟ་བས་མི་ངོམས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་
ཚེམས་མཆེ་བ་དཀར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚེམས་མཉམ་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཚེམས་ལྟག་འོག་མཉམ་པ་གང་ཡིན་པ་དེ་ནི་ཚེམས་མཉམ་པས་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཚེམས་ལྟག་
འོག་ཕྱིར་མ་གྱེད་ཅིང་ལེགས་པར་གྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཀུན་ནས་ཐགས་བཟང་བ་གང་ཡིན་པ་དེ་ནི་བཟོད་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཚེམས་ཟླུམ་པ་གང་ཡིན་པ་དེ་ནི་
བརྩོན་འགྲུས་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པའོ། །མ་གྲུགས་ཤིང་ཆུ་སྒོ་མ་དོད་ལ་སྲ་བ་གང་ཡིན་པ་དེ་ནི་བསམ་གཏན་གྱི་ཕ་རོལ་དུ་ཕྱིན་པའི་རྣམ་པར་སྨིན་པའོ། །འོག་མ་ཡང་ལྟག་མ་དང་འཚམ་ལ་ལྟག་མ་ཡང་འོག་མ་དང་འཚམ་པ་
40-1-63a


མཚམས་ཐད་ཀར་འབྱོར་པ་བལྟ་ན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་མཉམ་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚེམས་བཞི་བཅུ་བསྒྲུབ་
པའི་ཕ་རོལ་དུ་ཕྱིན་པ་དྲུག་གང་ཞེ་ན། ཚེམས་བཞི་བཅུ་ཚང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཚེམས་ཐགས་བཟང་བ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཚེམས་མ་གཅིགས་པ་གང་ཡིན་
པ་དེ་ནི་བཟོད་པའི་རྣམ་པར་སྨིན་པའོ། །ཚེམས་རྣོ་བ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཚེམས་ལེགས་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཚེམས་ཤིན་དུ་བརྟན་ཞིང་ཡིད་དུ་འོང་བ་གང་ཡིན་
པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཚེམས་བཞི་བཅུ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྗགས་རིང་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྙན་གྱི་བུ་ག་རྒྱ་ཆེར་འགེབས་པ་གང་ཡིན་པ་
དེ་ནི་སྦྱིན་པའི་རྣམ་པར་སྨིན་པའོ། །ལྗགས་དྲི་མས་མ་སྦགས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ལྗགས་རྐན་ལ་ཞར་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ལྗགས་ཤིན་དུ་རྒྱ་ཆེ་བ་གང་
ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །མཚན་དང་ལྡན་པར་གྲུབ་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །དེ་པད་མ་འདབ་མ་བརྒྱ་པའི་ཁ་དོག་ཏུ་ལེགས་པར་གནས་པ་གང་ཡིན་པ་དེ་ནི་ཤེས་རབ་ཀྱི་
ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྗགས་རིང་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་ཚངས་པའི་དབྱངས་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
དབྱངས་གསང་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །དགའ་བར་འགྱུར་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །དབྱངས་སྣ་ཚོགས་པ་གང་ཡིན་པ་དེ་ནི་བཟོད་པའི་
40-1-63b


རྣམ་པར་སྨིན་པའོ། །དབྱངས་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །དབྱངས་རྒྱུན་ཆད་པ་མེད་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །སྒྲ་དང་བརྡ་ཐམས་ཅད་ལ་དབྱངས་
སྙན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་ཚངས་པའི་དབྱངས་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །གཞན་ཡང་ལུས་དང་སེམས་བདེ་བར་བྱེད་པ་གང་ཡིན་
པ་དེ་ནི་སྦྱིན་པའི་རྣམ་པར་སྨིན་པའོ། །རྣར་སྙན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་སིམ་པར་བྱེད་པ་གང་ཡིན་པ་དེ་ནི་བཟོད་པའི་འོ། །འཁོར་ཐམས་ཅད་མི་འདོར་བར་གོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །
བྱ་ཀ་ལ་པིང་ཀའི་སྒྲ་ལྟ་བུའི་དབྱངས་གང་ཡིན་པ་དེ་ནི་བསམ་གཏན་གྱིའོ། །ཐེ་ཚོམ་གཅོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་སྨིན་པ་ཚངས་པའི་དབྱངས་བསྒྲུབ་པའི་ཕ་
རོལ་དུ་ཕྱིན་པ་དྲུག་གོ། །དེ་ལ་མཚན་རོ་བྲོ་བའི་མཆོག་དང་ལྡན་པར་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཞལ་ཟས་ཐམས་ཅད་ཐུགས་སུ་བྱོན་ཅིང་རོ་བྲོ་བའི་མཆོག་དང་ལྡན་པ་གང་ཡིན་པ་དེ་ནི་སྦྱིན་པའི་རྣམ་པར་
སྨིན་པའོ། །ཞལ་ཟས་གསོལ་ནས་བདེ་བར་འཇུ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཞལ་ཟས་མཛེས་པར་གསོལ་བ་གང་ཡིན་པ་དེ་ནི་བཟོད་པའི་འོ། །ཞལ་ཟས་མང་ཉུང་འདྲ་བར་འཇུ་ཞིང་ཁམས་
འཁྲུག་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཟི་བྱིན་དང་ལྡན་པ་གང་ཡིན་དེ་ནི་བསམ་གཏན་གྱིའོ། །མྱུར་དུ་སྤང་བར་རུང་ལ་ཧ་ཅང་ཡང་མི་གྲང་ཧ་ཅང་ཡང་མི་ཚ་བ་གང་ཡིན་པ་དེ་ནི་ཤེས་
རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རོ་བྲོ་བའི་མཆོག་དང་ལྡན་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་འགྲམ་པ་སེང་གེའི་ལྟ་བུ་བསྒྲུབ་པའི་ཕ་རོལ་དུ་
40-1-64a


ཕྱིན་པ་དྲུག་གང་ཞེ་ན། འགྲམ་པ་སེང་གེའི་ལྟ་བུ་རྒྱས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །འགྲམ་པ་སེང་གེའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །འགྲམ་པ་སེང་གེའི་ལྟ་
བུ་ལེགས་པ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །མཐོང་ན་དབང་ཆེ་བར་གྲགས་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་སྨིན་པའོ། །ཐམས་ཅད་དུ་མ་ཉམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །
མདོག་འཇམ་ཞིང་ལྟ་ན་སྡུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་འགྲམ་པ་སེང་གེའི་ལྟ་བུ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་
ཞལ་སྲོག་ཆགས་གོ་བའི་མདོག་ལྟ་བུ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཞལ་སྲོག་ཆགས་གོ་བའི་མདོག་འདྲ་ཞིང་མཁྲེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་འདྲ་བར་ཤིན་
དུ་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱི་རྣམ་པར་སྨིན་པའོ། །ཞལ་སྲོག་ཆགས་གོ་བའི་མདོག་ལྟ་བུར་སྤ་བ་གང་ཡིན་པ་དེ་ནི་བཟོད་པའི་རྣམ་པར་སྨིན་པའོ། །ཞལ་གཉེར་མ་མེད་པ་གང་ཡིན་པ་དེ་ནི་བརྩོན་འགྲུས་ཀྱི་རྣམ་པར་
སྨིན་པའོ། །ཞལ་སྙོམས་པ་གང་ཡིན་པ་དེ་ནི་བསམ་གཏན་གྱི་རྣམ་པར་སྨིན་པའོ། །ཟླ་བ་དང་ཉི་མའི་འོད་ལྟ་བུར་ཐམས་ཅད་ཀྱིས་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། 
འདི་དག་ནི་བྱང་ཆུབ་སེམས་དཔའི་ཞལ་སྲོག་ཆགས་གོ་བའི་མདོག་ལྟ་བུ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་སྤྱན་མཐོན་ཏིང་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། དགའ་
བར་འགྱུར་བའི་སྤྱན་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །སྤྱན་གྱི་དཀྱུས་རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྤྱན་ལེགས་པ་དང་ལྡན་པ་གང་ཡིན་པ་དེ་ནི་བཟོད་
40-1-64b


པའི་འོ། །སྤྱན་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐག་རིང་པོར་གཟིགས་པ་དང་འབྲེལ་བ་གང་ཡིན་པ་དེ་ནི་བསམ་གཏན་གྱིའོ། །མ་ལུས་པ་གཟིགས་ཤིང་མཐའ་ཡས་པར་གཟིགས་པ་གང་
ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་སྤྱན་མཐོན་ཏིང་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་ཤངས་མཐོ་བ་བསྒྲུབ་པའི་ཕ་རོལ་དུ་ཕྱིན་པ་དྲུག་
གང་ཞེ་ན། ཤངས་མཐོ་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ཤངས་དཀྱུས་རིང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཤངས་མདངས་དང་ལྡན་པ་གང་ཡིན་པ་དེ་ནི་བཟོད་པའི་འོ། །ཤངས་ཡིད་དུ་འོང་བ་གང་
ཡིན་པ་དེ་ནི་བརྩོན་འགྲུས་ཀྱིའོ། །མཐོང་ན་དགའ་ལ་ངོམས་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཡིད་དུ་འཐད་པའི་དྲི་སྣོམ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་
སེམས་དཔའི་ཤངས་མཐོ་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་མཛོད་སྤུ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། མཛོད་སྤུ་དཀར་བ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །མཛོད་
སྤུ་གཡས་སུ་འཁྱིལ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཛོད་སྤུ་སྤ་ཞིང་ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །མཛོད་སྤུ་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཤིན་དུ་འཁྱིལ་
ཅིང་ལེགས་པར་གནས་པ་གང་ཡིན་པ་དེ་ནི་བསམ་གཏན་གྱིའོ། །འོད་མཐའ་ཡས་པས་ཁྱབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་
དཔའི་མཛོད་སྤུ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་དབུའི་གཙུག་གཏོར་དང་ལྡན་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། མཐོན་ཏིང་འཁྱིལ་བར་གྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །
40-1-65a


གཡས་སུ་འཁྱིལ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྡུལ་གྱིས་མ་གོས་པ་གང་ཡིན་པ་དེ་ནི་བཟོད་པའོ། །སྤྱི་གཙུག་བལྟར་མི་མངོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྟག་ཏུ་བལྟ་བར་བྱ་བ་གང་ཡིན་པ་དེ་ནི་བསམ་གཏན་གྱིའོ། །
ཆར་དང་རླུང་གིས་མི་ཤིགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་དབུ་གཙུག་གཏོར་དང་ལྡན་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །
དེ་ལ་བྱང་ཆུབ་སེམས་དཔའི་མངོན་པར་འབྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། བར་ཆད་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཤིན་དུ་དུལ་བར་གཤེགས་
པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷ་མཐའ་ཡས་པ་དག་ཉེ་བར་འོང་བ་གང་ཡིན་པ་དེ་ནི་བཟོད་པའི་འོ། །གནོད་སྦྱིན་དག་གིས་སྒོ་གདངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ནམ་མཁའ་ལ་
སྤྱན་དྲངས་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བོ་མཛའ་བ་ཐམས་ཅད་ལ་མི་ལྟ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བྱང་ཆུབ་སེམས་དཔའི་
མངོན་པར་འབྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་དཔའི་དུས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། ཚལ་མེ་ཏོག་རྒྱས་པའི་དུས་སུ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་
སྨིན་པའོ། །དུས་ཚིགས་ཀྱི་མཆོག་ཏུ་ཕྱིན་པའི་ཚེ་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུ་སྐར་བཟང་པོ་དང་ལྡན་པ་གང་ཡིན་པ་དེ་ནི་བཟོད་པའི་འོ། །སྙོམས་པར་གཤེགས་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །ངན་སོང་ཐམས་ཅད་རབ་ཏུ་ཞི་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ངན་སོང་དུ་སོང་བའི་སེམས་ཅན་ཐམས་ཅད་སྣང་བར་བྱས་ནས་གཅིག་ལ་གཅིག་སྨྲ་བ་གང་ཡིན་པ་དེ་ནི་
40-1-65b


ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དུས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དུས་ཤེས་པའི་ཕ་རོལ་དུ་ཕྱིན་པ་དྲུག་གང་ཞེ་ན། གཉིད་ལོག་པ་ན་ཐུན་ཐ་མ་ལ་རབ་ཏུ་བྱུང་སྟེ། གཤེགས་པ་གང་ཡིན་པ་དེ་ནི་
སྦྱིན་པའི་རྣམ་པར་སྨིན་པའོ། །བདག་ཉིད་རབ་ཏུ་བྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུན་པ་ཅན་ལ་བཀའ་སྩལ་ཏེ་བཏང་བ་གང་ཡིན་པ་དེ་ནི་བཟོད་པའི་འོ། །རབ་ཏུ་བྱུང་བ་ལ་བརྟེན་ནས་ཡུལ་ཀ་ཤི་ཀའི་ན་བཟའ་
སྤངས་ཏེ། ཆོས་གོས་བཞེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་རེག་པར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ཡུལ་མ་ག་དྷཱའི་བདག་པོ་ཡོངས་སུ་སྨིན་པར་མཛད་པའི་སླད་དུ་གྲོང་ཁྱེར་དུ་
གཤེགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དུས་ཤེས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཐུགས་
བརྩེ་བའི་སླད་དུ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ལྷ་རྣམས་ལ་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱལ་པོའི་ཁབ་ཏུ་
གཤེགས་ནས་རི་ལ་བཞུགས་པ་གང་ཡིན་པ་དེ་ནི་བཟོད་པའི་འོ། །སྐུ་དྲང་པོར་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ལ་དགོངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་
ཅིང་འབྲེལ་པར་འབྱུང་བ་ལ་རྣམ་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་དང་འཐུན་པར་འཇུག་པའི་ཕ་རོལ་དུ་ཕྱིན་
པ་དྲུག་གང་ཞེ་ན། སློངས་མོ་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྒྱུ་རྩལ་ཤེས་ཀྱི་བུ་རིང་དུ་འཕུར་དང་རངས་བྱེད་ཀྱི་བུ་ལྷག་སྤྱོད་ཀྱི་ཐད་དུ་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ནི་ལམ་མ་ཡིན་ནོ་ཞེས་སྤངས་ནས་གཤེགས་པ་གང་ཡིན་པ་དེ་ནི་བཟོད་པའོ། །
40-1-66a


ལོ་དྲུག་ཏུ་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཁའ་ཁྱབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱིའོ། །མི་སྤྱོད་སྙམ་ནས་ཞལ་ཟས་གསོལ་ཏེ། བྱང་ཆུབ་ཀྱི་སྙིང་པོར་བཞུད་པ་
གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་འཇིག་རྟེན་དང་འཐུན་པར་འཇུག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྟོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། བདུད་འདུལ་བ་གང་ཡིན་
པ་དེ་ནི་སྦྱིན་པའི་རྣམ་པར་སྨིན་པའོ། །སྟོང་གསུམ་གྱི་སེམས་ཅན་ཐམས་ཅད་ལ་བདེ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་ལ་དམིགས་ཤིང་དམ་བཅས་པ་མི་འདྲལ་བ་གང་ཡིན་པ་
དེ་ནི་བཟོད་པའི་འོ། །སྟོང་གསུམ་ལ་སྒྲིབ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་བཞི་ལ་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །རིག་པ་གསུམ་རྗེས་སུ་འཐོབ་པ་
གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྤོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སེར་སྐྱའི་གནས་ན་ལོར་ཉེ་བར་སྟན་པ་གང་
ཡིན་པ་དེ་ནི་སྤོང་བའི་སྦྱིན་པའི་ཕ་རོལ་དུ་ཕྱིན་པའོ། །འགོག་པ་ལ་བརྩོན་ཞིང་ཁམས་གསུམ་ལ་མི་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མི་སྐྱེ་བ་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་
ཅན་ལྟ་བའི་སྙིང་རྗེ་དང་སྤྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱོན་སྤོང་བ་ངེས་པར་འབྱེད་པའི་ཆ་དང་འཐུན་པ་གང་ཡིན་པ་དེ་ནི་བསམ་གཏན་གྱིའོ། །ཡན་ལག་བརྒྱད་རབ་ཏུ་ཐོབ་ཅིང་མ་འབགས་ལ་ནག་ནོག་མེད་པའི་
ཚུལ་ཁྲིམས་ཅན་འདོད་ཆགས་སྤོང་བའི་ཕྱིར་དང་། མ་རིག་པ་གཞོམ་པའི་ཕྱིར་རིག་པ་བསྐྱེད་ཅིང་ཆོས་ཐམས་ཅད་ལ་སྒྲིབ་པ་མེད་པ་སྤོང་བ་ཆེན་པོ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་
40-1-66b


སྨིན་པ་སྟེ། འདི་དག་ནི་སྤོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྡོ་རྗེ་ལྟ་བུའི་ཕ་རོལ་དུ་ཕྱིན་པ་དྲུག་གང་ཞེ་ན། དེ་ལ་རྡོ་རྗེ་ལྟ་བུའི་ཏིང་ངེ་འཛིན་བསྒྲུབ་པ་ཐོབ་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །
དམིགས་པ་མི་འདོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྱིན་ཅི་མ་ལོག་པར་འཛིན་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་འཐུན་པར་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རང་གི་ཡོན་ཏན་
ཤེས་ནས་བག་ཆགས་ཀྱི་མཚམས་སྦྱོར་བ་སྤོང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ཀྱི་བསམ་པ་དང་ཤེས་པ་མ་ལུས་པར་མངོན་པར་རྫོགས་པར་བྱང་ཆུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་
ཕྱིན་པའི་རྣམ་པར་སྨིན་པ་སྟེ། འདི་དག་ནི་རྡོ་རྗེ་ལྟ་བུའི་ཕ་རོལ་དུ་ཕྱིན་པ་དྲུག་གོ། །དེ་ལ་མུན་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་མངོན་པར་རྫོགས་པར་འཚང་རྒྱ་བ་ན། གང་དག་ལྷ་རྣམས་འཇིག་རྟེན་
གྱི་མགོན་པོ་རྒྱལ་བར་གྱུར་ཅིག་རྒྱལ་བར་གྱུར་ཅིག་ཅེས་བརྗོད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ངན་སོང་རབ་ཏུ་ཞི་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་ཚང་བ་གང་ཡིན་
པ་དེ་ནི་བཟོད་པའི་འོ། །སེམས་ཅན་རྣམས་ལ་ཉོན་མོངས་པའི་མི་གནོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སིལ་སྙན་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །སྟོང་གསུམ་དུ་སྦྱིན་
པ་དག་སྦྱིན་ཞིང་བསོད་ནམས་དག་བྱེད་པ་དང་། ལྷ་རྣམས་ཀུན་དགའ་བའི་སྒྲ་བརྗོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མུན་པ་མེད་པའི་ཕ་རོལ་དུ་ཕྱིན་པ་དྲུག་
གོ། །དེ་ལ་ཟིལ་གྱིས་མི་ནོན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྟོང་གསུམ་དག་ན་ཤིང་ལྗོན་པ་དག་ལས་དུས་མ་ཡིན་པར་མེ་ཏོག་དང་འབྲས་བུ་དག་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་
40-1-67a


པར་སྨིན་པའོ། །སེམས་ཅན་རྣམས་སྡུག་བསྔལ་གྱི་ཚོར་བ་ཐམས་ཅད་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་ཤིན་དུ་དབང་པོ་ཚང་བར་གྱུར་པ་གང་ཡིན་པ་དེ་ནི་བཟོད་པའི་འོ། །ལག་
མཐིལ་ནས་ཉེ་བར་བཟུང་སྟེ་སྟོང་གསུམ་དག་ན་བླ་ན་མེད་པ་བཅུ་ཟིལ་གྱིས་མི་ནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཅིག་ལ་གཅིག་བསྔགས་པ་མང་པོ་བརྗོད་ཅིང་ལྷ་རྣམས་ལ་བདུད་རྩི་སྟོབས་པ་གང་ཡིན་པ་དེ་ནི་བསམ་གཏན་གྱིའོ། །བདུད་
བཞི་བཅོམ་པ་དང་མི་མཉམ་པ་དང་མཉམ་པའི་ཡེ་ཤེས་མངོན་པར་རྫོགས་པར་སངས་རྒྱས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཟིལ་གྱིས་མི་ནོན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བདུད་ཀྱི་དཔུང་
འཇོམས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྟོང་གསུམ་གྱི་འཇིག་རྟེན་གྱི་ཁམས་སུ་བྱང་ཆུབ་མངོན་པར་རྫོགས་པར་འཚང་རྒྱ་བ་ན། སེམས་ཅན་ཐམས་ཅད་བཀྲེས་པ་དང་བྲལ་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་
པའོ། །ཉོན་མོངས་པའི་བདུད་སུ་ལ་ཡང་གནོད་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷའི་བུའི་བདུད་སུ་ལ་ཡང་གནོད་པ་མེད་པ་གང་ཡིན་པ་དེ་ནི་བཟོད་པའི་འོ། །འཆི་བདག་གི་བདུད་སུ་ལ་ཡང་གནོད་པ་མེད་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །ཕུང་པོའི་བདུད་སུ་ལ་ཡང་གནོད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །དགོངས་པ་ཇི་ལྟ་བ་བཞིན་མངོན་པར་རྫོགས་པར་སངས་རྒྱས་ཤིང་། ཐམས་ཅད་མཁྱེན་པ་ཉིད་གང་ཡིན་པ་དེ་ནི་ཤེས་རབ་ཀྱི་
ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་བདུད་ཀྱི་དཔུང་འཇོམས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གཡོ་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་སྐྱིལ་མོ་དཀྲུང་བཅས་པ་ལ་སྐྱོ་བ་མེད་པ་གང་ཡིན་པ་
དེ་ནི། སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །བདུད་མཐོང་ན་འཇིགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལུས་ལ་དམིགས་པ་གང་ཡིན་པ་དེ་ནི་བཟོད་པའི་འོ། །སེམས་ལ་དམིགས་པ་གང་ཡིན་པ་དེ་ནི་བརྩོན་འགྲུས་
40-1-67b


ཀྱིའོ། །དམ་བཅས་པ་ལས་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་ཕྱིར་ཇི་སྐད་སྨྲས་པ་དེ་བཞིན་བྱེད་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་གཡོ་བ་མེད་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་སྐད་གཅིག་གཅིག་དང་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སེམས་དེའི་སྦྱོར་བ་ཉེ་བར་བསྒྲུབ་པ་གང་
ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །གཉེན་པོས་འཇོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ང་རྒྱལ་ཀུན་དུ་འཇོམས་པ་གང་ཡིན་པ་དེ་ནི་བཟོད་པའི་འོ། །གཞན་གྱི་བསམ་པ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་
བརྩོན་འགྲུས་ཀྱིའོ། །རྟེན་ཅིང་འབྲེལ་བར་འབྱུང་བ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་དུས་གསུམ་དུ་མ་བརྗེད་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་སྐད་ཅིག་
གཅིག་དང་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མཉམ་པར་མ་བཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཤའི་མིག་གིས་སེམས་ཅན་རྣམས་ལ་གཟིགས་ནས་སྡུག་བསྔལ་བར་གྱུར་པ་རྣམས་ལ་བདེ་བ་ཉེ་བར་བསྒྲུབ་པ་གང་ཡིན་པ་
དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ལྷའི་མིག་གིས་དར་བ་དང་རྒུད་པ་གཟིགས་ནས་འཇིག་རྟེན་གྱི་ཐར་པ་ཉེ་བར་བསྒྲུབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཉན་ཐོས་རྣམ་པར་འཇོག་ཅིང་གཞན་ལ་བརྩེ་བ་གང་
ཡིན་པ་དེ་ནི་བཟོད་པའི་འོ། །རྫུ་འཕྲུལ་དང་ཆོ་འཕྲུལ་ཉེ་བར་བསྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀྱིས་ལྷའི་སེམས་གཟིགས་ནས་ཆོས་སྟོན་པ་ནི་དཔེར་ན་བྲམ་ཟེ་ལྷའི་བུ་གང་ཡིན་པ་དེ་ནི་བསམ་གཏན་གྱིའོ། །
དུས་མཁྱེན་པ་སྨོན་ནས་ཤེས་པས་ཆོས་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་མ་བཞག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་མཉམ་པར་བཞག་པའི་
40-1-68a


ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་ཟང་ཟིང་མེད་པའི་བསམ་གཏན་གྱི་ཕ་རོལ་དུ་ཕྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཤིན་དུ་སྦྱངས་པ་ཡང་དག་བྱང་ཆུབ་ཀྱི་
ཡན་ལག་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བཟོད་པའི་འོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བརྩོན་འགྲུས་ཀྱིའོ། །ཏིང་ངེ་འཛིན་
ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་བསམ་གཏན་གྱིའོ། །བཏང་སྙོམས་ཡང་དག་བྱང་ཆུབ་ཀྱི་ཡན་ལག་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་མཉམ་པར་བཞག་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་ཡོངས་སུ་སྨིན་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་བརྙེས་ནས་གང་དག་སེམས་ཅན་ཡོངས་སུ་སྨིན་པར་མཛད་པའི་ཕྱིར་བཏང་སྙོམས་པ་གང་ཡིན་པ་དེ་ནི་སྦྱིན་པའི་
ཕ་རོལ་དུ་ཕྱིན་པའི་རྣམ་པར་སྨིན་པའོ། །གསོལ་བ་མ་བཏབ་པར་ཆོས་མི་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐེག་པ་དམན་པ་ལ་མོས་པ་རྣམས་ལ་ལུས་དམན་པ་མངོན་པར་སྤྲུལ་པ་གང་ཡིན་པ་དེ་ནི་བཟོད་པའི་འོ། །
ལྟེང་རྒྱས་འོད་སྲུང་ལ་གདམས་ངག་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱིས་ཞུ་བ་ཞུས་པ་ལ་སྐྱོ་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞུས་པའི་ལན་འདེབས་པ་གང་ཡིན་པ་དེ་ནི་
ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཡོངས་སུ་སྨིན་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སངས་རྒྱས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། འབྲས་བུ་ཡོད་པའི་ཆོས་སྟོན་པ་གང་ཡིན་པ་
དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །སངས་རྒྱས་ཀྱིས་མཛད་པ་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ངེས་པའི་ཚིག་ཐམས་ཅད་ལ་སྤོབས་པ་གང་ཡིན་པ་དེ་ནི་བཟོད་པའི་འོ། །ཆོས་
40-1-68b


རྣམས་ལ་བརྗེད་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐམས་ཅད་ཏུ་འགྲོ་བའི་ལམ་གྱི་སྟོབས་གང་ཡིན་པ་དེ་ནི་བསམ་གཏན་གྱིའོ། །མི་འཇིགས་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་
རྣམ་པར་སྨིན་པ་སྟེ། འདི་དག་ནི་སངས་རྒྱས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཐམས་ཅད་མཁྱེན་པ་ཉིད་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། ཐམས་ཅད་མཁྱེན་པའི་ཡེ་ཤེས་ཐོགས་པ་མེད་པའི་སྤྱན་གང་ཡིན་པ་དེ་ནི་
སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །འཁོར་གྱི་སེམས་ཚར་གཅད་པ་དང་སེམས་རབ་ཏུ་འཛིན་པ་མཁྱེན་ནས་ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསྙེན་པར་དཀའ་བ་ལ་ཞེ་ས་དང་བཅས་པས་
ཉན་པ་གང་ཡིན་པ་དེ་ནི་བཟོད་པའི་འོ། །དུས་མཁྱེན་ནས་ཆོས་སྟོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷག་ཆད་མེད་པར་ཆོས་སྟོན་པ་ལ་མཁས་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་ཇི་ལྟ་བ་བཞིན་
ཐེག་པའི་གཏམ་གོ་བར་མཛད་ཅིང་ཆེད་དུ་བརྗོད་པ་འཇུག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ཐམས་ཅད་མཁྱེན་པ་ཉིད་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷག་མ་མེད་པའི་
ཕ་རོལ་དུ་ཕྱིན་པ་དྲུག་གང་ཞེ་ན། ལམ་སླ་བ་མྱུར་བས་ངེས་པར་བྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །བདེ་བར་མྱུར་དུ་ཡོངས་སུ་སྨིན་པར་བྱས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
སངས་རྒྱས་ཀྱི་བསྟན་པ་གཞན་དུ་འགྱུར་བ་གང་ཡིན་པ་དེ་ནི་བཟོད་པའི་འོ། །དུས་གསུམ་ལ་གཞོལ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ལ་
ཇི་ལྟར་འདོད་པ་བཞིན་དུ་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །ཐ་དད་དུ་མི་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷག་མ་དང་བཅས་
40-1-69a


པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡོངས་སུ་མྱ་ངན་ལས་འདས་པའི་སྐུ་གདུང་དང་བསྟན་པའི་འབྲས་བུ་འགྲུབ་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །མྱ་ངན་ལས་འདས་པའི་ཚུལ་
ཁྲིམས་རྗེས་སུ་དྲན་པ་ལ་ཉམས་པ་མེད་པར་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་མྱ་ངན་ལས་འདས་པའི་བསྟན་པ་ལ་
ཉན་ཐོས་གནས་པ་བརྩོན་འགྲུས་བརྩམས་པ་ལ་བར་ཆད་མི་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་འཕྲུལ་པ་མཐར་གྱིས་སྙོམས་པར་འཇུག་པ་ཞེས་བྱ་བ་འཐོབ་པ་གང་ཡིན་པ་དེ་ནི་བསམ་གཏན་གྱིའོ། །འཇིག་
རྟེན་ལས་འདས་པའི་ཤེས་རབ་ཀྱི་དབང་པོ་ལ་རབ་ཏུ་སྤྱོད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་ལྷག་མ་དང་བཅས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དང་དུ་ལེན་པའི་ཕ་རོལ་དུ་
ཕྱིན་པ་དྲུག་གང་ཞེ་ན། འདི་ལྟར་སེམས་བསྟན་པ་ལ་སེམས་ཅན་རྣམས་རྙེད་པ་དང་བཀུར་སྟི་ལ་ལོངས་སྤྱོད་ཅིང་ཡུལ་ལ་སྤྱོད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །བྷ་ར་དྭཱ་ཛ་ཁྲོས་ཀྱང་མ་
འཁྲུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཛེས་ལྡན་མོའི་ཕྱིར་མུ་སྟེགས་པ་ཁྲི་ཉིས་སྟོང་གིས་མི་སྙན་པར་བསྒྲགས་པ་གང་ཡིན་པ་དེ་ནི་བཟོད་པའི་འོ། །ཡིད་ཀྱིས་མཐུ་སྟོབས་བསྟན་པ་ནི་དཔེར་ན་བྱང་ཆུབ་སེམས་
དཔའ་སེང་གེར་གྱུར་པ་ན་གནད་དུ་ཕོག་ཀྱང་དང་དུ་ལེན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བཀུར་སྟི་མ་བྱས་ཀྱང་དང་དུ་ལེན་པ་གང་ཡིན་པ་དེ་ནི་བསམ་གཏན་གྱིའོ། །བསམ་གཏན་གྱི་ཕྱིར་འདྲི་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་
དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དང་དུ་ལེན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྟོགས་པར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་བསྟན་པ་གང་གིས་འོག་མིན་གྱི་གནས་ནས་བཟུང་
40-1-69b


ནས་སངས་རྒྱས་ཀྱི་ཞིང་རྣམས་སུ་དབྱངས་ཀྱིས་གོ་བར་བྱེད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །སྟོང་གསུམ་དག་ཏུ་འོད་བཏང་ནས་སེམས་ཅན་རྣམས་རྟོགས་པར་བྱས་ཤིང་བདེ་བར་བྱས་པ་གང་ཡིན་པ་དེ་ནི་
ཚུལ་ཁྲིམས་ཀྱིའོ། །དམ་པའི་ཆོས་ཀྱི་ཆར་ཕབ་པའི་མཆོད་རྟེན་དུ་རལ་པ་ཅན་བདུན་བཏུལ་བ་གང་ཡིན་པ་དེ་ནི་བཟོད་པའི་འོ། །ལྟེང་རྒྱས་འོད་སྲུང་དད་པར་བྱས་པའི་རྣམ་པར་འཕྲུལ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བྲམ་ཟེའི་
སེམས་ཀྱིས་བསམས་པ་མངོན་དུ་རྣམ་པར་གཟིགས་ནས་ངའི་རུས་ནི་ཆེ་གེ་མོ་ཞིག་གོ་ཞེས་བཀའ་སྩལ་པ་གང་ཡིན་པ་དེ་ནི་བསམ་གཏན་གྱིའོ། །དུས་མཁྱེན་ནས་འདུལ་བ་ནི་དཔེར་ན་དགའ་བོའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་
ཕྱིན་པའི་རྣམ་པར་སྨིན་པ་སྟེ། འདི་དག་ནི་རྟོགས་པར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྒྱ་ཆེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། འབེལ་མས་བྲམ་ཟེ་རྣམས་ལ་སྦྱིན་པ་བྱིན་ནས་ཐམས་ཅད་ཀྱང་བྱང་ཆུབ་ཀྱི་ཕྱིར་རབ་ཏུ་བཀོད་པ་
ནི་དཔེར་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་དགེ་འདུན་ལ་ཕུལ་ཅིག་ཅེས་བཀའ་སྩལ་པའི་ཚིག་དེས་ན་དགེ་སློང་བརྒྱ་སྟོང་དུལ་བར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །ཡོངས་སུ་མྱ་
ངན་ལས་འདས་པའི་སྡོམ་པ་ནི་དཔེར་ན་རྒྱལ་པོའི་བུ་ཟླ་བ་དང་། རྐང་བཀྲའི་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བཟོད་པ་ནི་དཔེར་ན་བཟོད་སྨྲས་ལྷ་བྱེ་བ་བརྒྱད་བཅུ་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་
བཟོད་པའི་འོ། །བརྩོན་འགྲུས་ནི་དཔེར་ན་བྲམ་ཟེའི་བུ་ལྔ་བརྒྱས་བྱང་ཆུབ་སེམས་དཔའ་མངོན་པར་ཤེས་པ་ལྔ་དང་ལྡན་པ་བསྐྲད་པ་དང་། བདུད་རངས་པར་གྱུར་པ་ལྟ་བུར་གྱུར་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་བསྐྱེད་
པའི་ཕྱིར་ཐོས་ནས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ངས་གང་དུ་སྤོབས་པ་སྐྱེད་པར་འཆར་ཀ་ཁྱོད་ཀྱིས་ཀྱང་སྤོབས་པ་སྐྱེད་ཅིག་ཅེས་བཀའ་སྩལ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་
40-1-70a


ནི་རྒྱ་ཆེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡིད་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཡིད་བྱུང་བས་སྦྱིན་པ་བྱིན་པ་ནི་དཔེར་ན་རིག་པ་འདོན་པ་དང་། རྙེད་པ་དང་། བཀུར་སྟི་ལྟ་བུ་གང་ཡིན་པ་དེ་ནི་སྦྱིན་པའོ། །འདི་
ལྟར་ཤཱཀྱ་རྣམས་ལ་ལས་རྣམས་ནི་ཆུད་ཟ་བར་མི་འགྱུར་རོ་ཞེས་བཀའ་སྩལ་པ་དེ་ནི་ཚུལ་ཁྲིམས་སོ། །འདི་ལྟར་དཔལ་སྦས་ཀྱི་དྲུང་དུ་གཤེགས་པ་དེ་ནི་བཟོད་པའོ། །འདི་ལྟར་སོག་མ་མེད་བཏུལ་བ་གང་ཡིན་པ་དེ་ནི་བརྩོན་འགྲུས་
སོ། །བྱང་ཆུབ་མངོན་པར་རྫོགས་པར་སངས་རྒྱས་ནས་ཅང་མི་གསུང་བར་བསམ་གཏན་གྱིས་བཞུགས་པ་ལ་གསོལ་བ་འདེབས་པ་གང་ཡིན་པ་དེ་ནི་བསམ་གཏན་ནོ། །འདི་ལྟར་སྦྲུལ་གདུག་པ་ལ་བརྟེན་ནས་ཐེག་པ་མཆོག་གསུང་
བ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་ཡིད་བྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་གཞན་ལ་དགེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། གཞན་ལ་བརྩེ་བའི་ཕྱིར་རང་གི་བདེ་བ་སྤངས་ཤིང་བདོག་པ་ཐམས་ཅད་
གཏོང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའོ། །འདི་ལྟར་བྱང་ཆུབ་སེམས་དཔའ་པད་མའི་སྙིང་པོས་བརྩོན་འགྲུས་ཀྱི་ཕྱིར་ངའི་རྒྱུས་ན་ཁྱོད་དགའ་བར་གྱུར་ཅིག །ཁྱོད་ཀྱི་ཕྱིར་ནི་ང་བསྣུན་ཀྱང་རུང་ཞེས་སྨྲས་པ་དེ་ནི་
ཚུལ་ཁྲིམས་ཀྱིའོ། །འདི་ལྟར་བྱས་པ་གཟོ་བའི་རུསྦལ་ཤེས་བཞིན་དུ་ཚོང་པ་རྣམས་བསྒྲལ་བ་དེ་ནི་བཟོད་པའི་འོ། །འདི་ལྟར་ཉ་ལ་གྲོག་སྦུར་རྣམས་ཀྱིས་ཟོས་ཀྱང་ཆུར་མ་སོང་བ་དེ་ནི་བརྩོན་འགྲུས་ཀྱིའོ། །སྲོག་ཆགས་
རྣམས་ཀྱི་ཆེད་དུ་སྲིད་པ་ནི་མི་གཡོ་བ་གང་ཡིན་པ་དེ་ནི་བསམ་གཏན་གྱིའོ། །ཀུ་རུ་ཞེས་བྱ་བའི་མདོ་སྡེ་ལས་དཔེ་དབྱེ་བ་འབྱུང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གཞན་ལ་དགེ་བའི་ཕ་རོལ་དུ་ཕྱིན་པ་
དྲུག་གོ། །དེ་ལ་གཞན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པ་བྱིན་ནས་དུལ་བར་བྱས་པ་གང་ཡིན་པ་དེ་ནི་སྦྱིན་པའི་འོ། །རི་བོང་གིས་བྲམ་ཟེ་ང་ལ་ཟོ་ལ་ནགས་ཚལ་ན་འདུག་ཤིག་ཅེས་སྨྲས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
40-1-70b


ཚངས་པས་ཤ་ཟའི་གཟུགས་ཀྱིས་སེམས་ཅན་རྣམས་བདེ་འགྲོར་ཁྲིད་པ་གང་ཡིན་པ་དེ་ནི་བཟོད་པའི་འོ། །བྱང་ཆུབ་མ་ཐོབ་པའི་ཕྱིར་ངེས་པར་བྱུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་ཀྱིའོ། །སྤྱི་བོ་དང་རིག་པ་གསུམ་གྱི་བསམ་
གཏན་གང་ཡིན་པ་དེ་ནི་བསམ་གཏན་ནོ། །སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་གཞན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་སྤོང་བའི་ཕ་རོལ་
དུ་ཕྱིན་པ་དྲུག་གང་ཞེ་ན། སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་དུ་ཕྱིན་པ་དྲུག་པོ་ཡང་གང་ཞེ་ན། སོ་སོར་བརྟགས་པའི་སྟོབས་ཀྱིས་ཉོན་མོངས་པ་ཀུན་དུ་མི་འབྱུང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་
ཕྱིན་པའི་རྣམ་པར་སྨིན་པའོ། །མི་དགེ་བའི་རྣམ་པར་སྨིན་པ་མི་སྡུག་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་སོ། །མི་དགེ་བའི་ངོ་བོ་ཁོང་དུ་ཆུད་པ་གང་ཡིན་པ་དེ་ནི་བཟོད་པའོ། །མི་སྐྱེ་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་སོ། །
གཞན་ཡང་དག་པར་ལེན་དུ་འཇུག་པ་གང་ཡིན་པ་དེ་ནི་བསམ་གཏན་ནོ། །སྡིག་པ་མི་དགེ་བ་གཏན་དུ་མི་སྐྱེ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སྡིག་པ་མི་དགེ་བ་མ་སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་དུ་ཕྱིན་པ་དྲུག་གོ། །
དེ་ལ་སྐྱེས་པ་རྣམས་སྤོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཉོན་མོངས་པ་སྐྱེས་པའི་སྐྱོན་མཐོང་ནས་འདོར་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །དེ་ལ་སྨོན་པ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །དེ་སྤོང་ཞིང་འབར་བ་མེད་པ་གང་ཡིན་པ་དེ་ནི་བཟོད་པའི་འོ། །ཉོན་མོངས་པ་ཤེས་ཤིང་ཤེས་པས་ཉོན་མོངས་པ་ཟིལ་གྱིས་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གང་ལ་རྟོག་ཅིང་སྤྱོད་པ་
དེ་ནི་བསམ་གཏན་གྱིའོ། །སྤོང་བ་དང་མི་སྐྱེ་བ་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྐྱེས་པ་རྣམས་སྤོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་དུ་ཕྱིན་པ་
40-1-71a


དྲུག་གང་ཞེ་ན། དགེ་བ་ལ་འདུན་ཅིང་རྨོངས་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །དགེ་བ་ཐོབ་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ཀྱི་རྣམ་པས་དགེ་བ་ལ་རྟོག་པ་གང་
ཡིན་པ་དེ་ནི་བཟོད་པའི་འོ། །ལུས་དང་སེམས་ཀྱིས་ཕ་རོལ་གནོན་པ་ལ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཐོབ་པ་དང་མཚན་མ་མེད་པར་འཛིན་པ་བརྗེད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །འཐོབ་པའི་རྒྱུ་ལ་
མི་སྐྱེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་དགེ་བ་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་དུ་ཕྱིན་པ་དྲུག་གང་
ཞེ་ན། དགེ་བ་སྐྱེས་པ་རྣམས་ཆུད་ཟ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་རྣམ་པར་སྨིན་པའོ། །དེ་དག་ལ་མངོན་པར་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ལས་སྡོད་པ་ལས་ངེས་པར་བྱུང་བ་གང་ཡིན་པ་དེ་
ནི་བཟོད་པའི་འོ། །ཀུན་དུ་བསྲུང་ཞིང་ཀུན་ནས་མ་རྨོངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསྒོམ་པའི་སྟོབས་ཅན་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་འཇུག་པ་གང་ཡིན་པ་དེ་ནི་ཤེས་རབ་
ཀྱི་སྟེ། འདི་དག་ནི་དགེ་བའི་ཆོས་སྐྱེས་པ་རྣམས་ཕྱིར་ཞིང་གནས་པར་བྱ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གང་ཞེ་ན། དེ་ལ་འདུན་པ་སྤོང་བ་དང་ལྡན་པའི་རྫུ་འཕྲུལ་གྱི་རྐང་པའི་ཕ་རོལ་དུ་
ཕྱིན་པ་དྲུག་པོ་ཡང་གང་ཞེ་ན། འདུན་པ་དེ་སྐྱེ་བ་ལ་ཐོགས་པ་མེད་པ་གང་ཡིན་པ་དེ་ནི་སྦྱིན་པའི་འོ། །འདུན་པ་དེ་མི་གཏོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུན་པ་དེ་བརྗོད་པ་གང་ཡིན་པ་དེ་ནི་བཟོད་པའི་འོ། །འདུན་
པ་ངེས་པར་བྱུང་བ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །འདུན་པ་དེ་ལ་ངེས་པར་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་སྤོང་བ་དང་ལྡན་པའི་
40-1-71b


རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཅང་མི་སྨྲ་བས་ཐོབ་པའི་བརྩོན་འགྲུས་གང་ཡིན་པ་དེ་ནི་སྦྱིན་པའིའོ། །བརྩོན་འགྲུས་ལ་
རེག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡིད་དུ་འོང་བའི་བརྩོན་འགྲུས་གང་ཡིན་པ་དེ་ནི་བཟོད་པའིའོ། །ཐོབ་པར་རྩོམ་ཞིང་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པ་ལ་ཆོག་ཤེས་པ་གང་ཡིན་པ་དེ་ནི་བསམ་
གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སེམས་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་དུ་
ཕྱིན་པ་དྲུག་གང་ཞེ་ན། སེམས་ལ་མཉམ་པ་ཉིད་དུ་རྟོགས་པ་གང་ཡིན་པ་དེ་ནི་སྦྱིན་པའིའོ། །དེ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་དང་འཇིག་པ་རྟོགས་པ་གང་ཡིན་པ་དེ་ནི་བཟོད་པའིའོ། །མཚན་མ་
མེད་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཀུན་ནས་དཀྲིས་པ་དང་བྲལ་བ་གང་ཡིན་པ་དེ་ནི་བསམ་གཏན་གྱིའོ། །བག་ལ་ཉལ་ཀུན་ནས་འཇོམས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་སྤོང་བའི་རྫུ་
འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གང་ཞེ་ན། དཔྱོད་པ་ལ་མི་དགའ་བ་མེད་པ་གང་ཡིན་པ་དེ་ནི་སྦྱིན་པའིའོ། །ཡང་དག་པ་ཐོབ་པ་གང་ཡིན་པ་
དེ་ནི་ཚུལ་ཁྲིམས་ཀྱིའོ། །རིག་པར་རྟོགས་པ་གང་ཡིན་པ་དེ་ནི་བཟོད་པའིའོ། །རྣམ་པར་གནོན་པ་ཐམས་ཅད་ཀྱི་རྗེས་སུ་སོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བག་ཆགས་ཁོང་དུ་ཆུད་པ་གང་ཡིན་པ་དེ་ནི་བསམ་གཏན་
གྱིའོ། །བག་ཆགས་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དཔྱོད་པ་སྤོང་བའི་རྫུ་འཕྲུལ་གྱི་རྐང་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བསམ་གཏན་དང་པོའི་ཕ་རོལ་དུ་ཕྱིན་པ་དྲུག་གང་ཞེ་ན། དམིགས་པ་ཐོབ་པ་གང་ཡིན་པ་དེ་ནི་སྦྱིན་པའིའོ། །ཁྱིམ་ལ་རྟོག་
40-1-72a


པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་གཏན་དང་པོ་མ་ཉམས་པ་གང་ཡིན་པ་དེ་ནི་བཟོད་པའིའོ། །ཡན་ལག་ལྔ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྩེ་གཅིག་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །
ཡན་ལག་ལྔ་དང་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་དང་པོའི་ཕ་རོལ་དུ་ཕྱིན་པ་དྲུག་གོ། །དེ་ལ་བསམ་གཏན་གཉིས་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་གཏན་གཉིས་པ་ལ་མཚན་མར་འཛིན་པ་སྤོང་ཞིང་
ཤིན་དུ་སྦྱངས་པ་གང་ཡིན་པ་དེ་ནི་སྦྱིན་པའིའོ། །བར་ཆད་མེད་པར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྟོགས་པ་གང་ཡིན་པ་དེ་ནི་བཟོད་པའིའོ། །ཤུགས་མི་གཏོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་
དམིགས་ཤིང་སྙོམས་པར་འཇུག་པ་གང་ཡིན་པ་དེ་ནི་བསམ་གཏན་གྱིའོ། །བདག་དང་གཞན་ལ་ཕན་པ་དང་ལྡན་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་གཉིས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བསམ་
གཏན་གསུམ་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་གཏན་གསུམ་པའི་རོ་མྱང་བ་སྤངས་པ་གང་ཡིན་པ་དེ་ནི་སྦྱིན་པའི་འོ། །རོ་མྱང་བ་མེད་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དགའ་བ་དོན་དུ་གཉེར་བ་
གང་ཡིན་པ་དེ་ནི་བཟོད་པའིའོ། །ཀུན་ནས་འཛིན་ཅིང་མ་བརྗེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བློ་བརྟན་པ་གང་ཡིན་པ་དེ་ནི་བསམ་གཏན་གྱིའོ། །ཟག་པ་ཟད་པའི་རྒྱུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་
གསུམ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བསམ་གཏན་བཞི་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་གཏན་བཞི་པའི་བདེ་བ་ལ་རྟོག་ཅིང་སྤོང་བ་གང་ཡིན་པ་དེ་ནི་སྦྱིན་པའིའོ། །སྡུག་བསྔལ་ལ་རྟོག་ཅིང་
སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ནུབ་པ་ལ་རྟོག་པ་གང་ཡིན་པ་དེ་ནི་བཟོད་པའིའོ། །བཏང་སྙོམས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དྲན་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་
40-1-72b


དག་པ་ཐོབ་ནས་འཆི་བ་མེད་པར་ཡོངས་སུ་བསྔོས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་བཞི་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། དེ་ལ་ལུས་དྲན་པ་ཉེ་བར་
གཞག་པའི་ཕ་རོལ་དུ་ཕྱིན་པ་དྲུག་པོ་ཡང་གང་ཞེ་ན། ལུས་ལ་མི་སྡུག་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །དེ་ལ་རྟོག་པ་ལ་མིག་ལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བདག་མེད་པ་ལ་མོས་པ་གང་ཡིན་པ་དེ་ནི་
བཟོད་པའི་འོ། །གཡོ་བ་མེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངོ་བོ་ཉིད་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལུས་དྲན་པ་ཉེ་
བར་གཞག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚོར་བ་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། བདེ་བའི་ཚོར་བ་ལ་ལྷག་པར་ཆགས་པ་མེད་པ་གང་ཡིན་པ་དེ་ནི་སྦྱིན་པའོ། །ཚོར་བ་སྡུག་བསྔལ་བར་མཐོང་
བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ལ་མོས་པ་གང་ཡིན་པ་དེ་ནི་བཟོད་པའིའོ། །ཚོར་བ་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདེ་བའི་ཚོར་བ་ལ་མི་བལྟ་བ་གང་ཡིན་པ་དེ་ནི་བསམ་གཏན་གྱིའོ། །
ཚོར་བ་ཐམས་ཅད་ལ་མཉམ་པ་ཉིད་ཀྱི་སྤོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚོར་བ་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སེམས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྤོང་བ་
ལ་དམིགས་པའི་སེམས་མཐོང་བ་གང་ཡིན་པ་དེ་ནི་སྦྱིན་པའོ། །སེམས་དེའི་སྐྱོན་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཡོ་བ་མེད་པ་ལ་རྣམ་པར་དཔྱོད་པ་གང་ཡིན་པ་དེ་ནི་བཟོད་པའོ། །སེམས་ཀྱི་སྤྱོད་ཡུལ་ཡ་ང་བ་
བཟློག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱི་ཕྱིར་སེམས་དགའ་བར་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྐྱེན་ལ་རག་ལས་པ་མཐོང་ནས་མཚན་མ་མེད་པ་སྒོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། 
40-1-73a


འདི་དག་ནི་སེམས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་རྣམས་ཀྱི་རྣམ་པ་མཐོང་བ་གང་ཡིན་པ་དེ་ནི་སྦྱིན་པའིའོ། །ཆོས་རྣམས་ལ་རྟོག་
པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་སྐྱེ་བས་དབེན་པ་གང་ཡིན་པ་དེ་ནི་བཟོད་པའིའོ། །ཆོས་རྣམས་ལ་ལྟ་བ་མཆོག་ཏུ་འཛིན་པ་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམས་ལ་མངོན་པར་ཞེན་
པ་སྤངས་པ་གང་ཡིན་པ་དེ་ནི་བསམ་གཏན་གྱིའོ། །རྟེན་ཅིང་འབྲེལ་པར་འབྱུང་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་དྲན་པ་ཉེ་བར་གཞག་པའི་ཕ་རོལ་དུ་ཕྱིན་པ་དྲུག་གོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བདུན་པ། དེ་ལ་སྡུག་བསྔལ་འཕགས་པའི་བདེན་པ་མཐོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྡུག་བསྔལ་ཡོངས་སུ་གཏོང་བར་མཐོང་བ་གང་
ཡིན་པ་དེ་ནི་སྦྱིན་པའིའོ། །སྡུག་བསྔལ་ལ་ཡིད་བྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་མངོན་དུ་མཐོང་བ་གང་ཡིན་པ་དེ་ནི་བཟོད་པའིའོ། །སྡུག་བསྔལ་ཆེན་པོར་མཐོང་བ་གང་ཡིན་པ་དེ་ནི་བརྩོན་འགྲུས་
ཀྱིའོ། །སྡུག་བསྔལ་གྱི་རང་བཞིན་མཐོང་བ་གང་ཡིན་པ་དེ་ནི་བསམ་གཏན་གྱིའོ། །སྡུག་བསྔལ་ཡོངས་སུ་ཤེས་པ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྡུག་བསྔལ་འཕགས་པའི་བདེན་པ་མཐོང་
བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཀུན་འབྱུང་བའི་བདེན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཀུན་འབྱུང་བ་ཡོངས་སུ་གཏོང་བའི་སེམས་གང་ཡིན་པ་དེ་ནི་སྦྱིན་པའིའོ། །ཀུན་འབྱུང་བའི་ཉེས་དམིགས་མཐོང་བ་གང་ཡིན་པ་
དེ་ནི་ཚུལ་ཁྲིམས་ཀྱིའོ། །ཚོགས་པ་ལས་བྱུང་བ་ལས་དཔྱོད་པ་གང་ཡིན་པ་དེ་ནི་བཟོད་པའི་འོ། །སྲེད་པའི་འཁོར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ནས་དཀྲིས་པ་དང་། བག་ལ་ཉལ་བ་འཇོམས་པར་
40-1-73b


མཐོང་བ་གང་ཡིན་པ་དེ་ནི་བསམ་གཏན་གྱིའོ། །ངེས་པར་སྤོང་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཀུན་འབྱུང་བའི་བདེན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འགོག་པའི་བདེན་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
འགོག་པ་ལ་རེག་པར་བྱས་ནས་སྨོན་པ་ནུབ་པ་སྒོམ་པ་གང་ཡིན་པ་དེ་ནི་སྦྱིན་པའིའོ། །འགོག་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུ་ཤེས་འགོག་པ་གང་ཡིན་པ་དེ་ནི་བཟོད་པའིའོ། །ཚོར་བ་འགོག་པ་གང་
ཡིན་པ་དེ་ནི་བརྩོན་འགྲུས་ཀྱིའོ། །བདེན་པ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །འགོག་པ་མངོན་སུམ་དུ་བྱ་བའི་ཕྱིར་སྙོམས་པར་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འགོག་པའི་བདེན་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་ལམ་གྱི་བདེན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལམ་གྱི་གྲོགས་ཐོབ་པ་གང་ཡིན་པ་དེ་ནི་སྦྱིན་པའི་འོ། །ལམ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལམ་གཞན་མ་
ཡིན་པའི་དེ་བཞིན་ཉིད་གང་ཡིན་པ་དེ་ནི་བཟོད་པའིའོ། །ལམ་མི་དམིགས་པ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལམ་ལ་མ་རྨོངས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་དངོས་པོ་
ཇི་ལྟ་བ་བཞིན་ལམ་གྱིས་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལམ་གྱི་བདེན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དད་པའི་དབང་པོའི་ཕ་རོལ་དུ་ཕྱིན་པ་དྲུག་གང་ཞེ་ན། དད་ནས་ཚུལ་ཁྲིམས་འཆལ་པ་སྤོང་
བ་གང་ཡིན་པ་དེ་ནི་སྦྱིན་པའིའོ། །དད་པས་རྗེས་སུ་སྒོམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པ་ལ་མཆོག་དུ་དགའ་བ་ཐོབ་པ་གང་ཡིན་པ་དེ་ནི་བཟོད་པའིའོ། །དད་པའི་གནས་ཡང་དག་པ་ཀུན་ནས་རབ་ཏུ་འཛིན་པ་
གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པའི་དབང་པོ་དང་མཚུངས་པར་ལྡན་པའི་དད་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་སྣོད་དུ་གྱུར་པའི་དད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་དབང་པོའི་ཕ་རོལ་དུ་
40-1-74a


ཕྱིན་པ་དྲུག་གོ། །དེ་ལ་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། བརྩོན་འགྲུས་ཀྱི་དབང་པོ་ཡིད་ལ་གཅགས་པ་མེད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའི་འོ། །འདུས་བྱས་
ལ་ལྷག་པར་ཞེན་པ་མེད་ཅིང་འདུས་མ་བྱས་ལ་བལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱ་བ་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་བཟོད་པའི་འོ། །ཐག་རིང་པོར་ཡོངས་སུ་བསྔོ་བའི་སྨོན་ལམ་གང་ཡིན་པ་དེ་ནི་བརྩོན་འགྲུས་ཀྱིའོ། །
དུས་དང་ལྡན་པའི་བརྩོན་འགྲུས་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་དེའི་ངོ་བོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །
དེ་ལ་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡང་དག་པ་མཐོང་ནས་ཁྱིམ་ཡོངས་སུ་འཛིན་པའི་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །འདུས་བྱས་ཀྱི་འབྲས་བུ་དང་འཇིག་རྟེན་ལ་རྟོག་པ་གང་ཡིན་
པ་དེ་ནི་ཚུལ་ཁྲིམས་ཀྱིའོ། །ཉོན་མོངས་པས་སྐྱོ་བ་མེད་ཅིང་སྡུག་བསྔལ་བར་མི་སེམས་པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་དག་པ་གང་ཡིན་པ་དེ་ནི་བསམ་གཏན་གྱིའོ། །
སེམས་ཅན་ཐམས་ཅད་ལ་ཆོས་རྣམས་ཀྱིས་རྒྱས་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པའི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་
རོལ་དུ་ཕྱིན་པ་དྲུག་གང་ཞེ་ན། ཚེགས་ཆུང་ངུས་ཉེ་བའི་ཉོན་མོངས་པ་འདོར་བའི་ཏིང་ངེ་འཛིན་གྱི་དབང་པོ་གང་ཡིན་པ་དེ་ནི་སྦྱིན་པའི་འོ། །ཏིང་ངེ་འཛིན་ལ་བརྟེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་ཤིན་དུ་གནས་
པ་གང་ཡིན་པ་དེ་ནི་བཟོད་པའི་འོ། །ཆོས་རྣམས་ཀྱི་རྣམ་པ་ལ་དམིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཏིང་ངེ་འཛིན་རྩེ་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཏིང་ངེ་འཛིན་སྟོབས་ཅན་གང་ཡིན་པ་
40-1-74b


དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། དངོས་པོ་ཐམས་ཅད་
བརྟགས་ནས་སྤོང་བའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །མངོན་པར་ཞེན་པ་མེད་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱི་ཉོན་མོངས་པ་བཟོད་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །
རང་བཞིན་གྱིས་རྟོགས་པ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་ལ་དམིགས་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །ཐར་པ་མི་བསྒྲུབ་པའི་ཤེས་རབ་གང་ཡིན་པ་དེ་ནི་ཤེས་
རབ་ཀྱི་སྟེ། འདི་དག་ནི་ཤེས་རབ་ཀྱི་དབང་པོ་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དད་པའི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། དད་པ་མི་འཕྲོགས་པ་ནི་དཔེར་ན་
རྒྱལ་པོ་གཞོན་ནུ་སེང་གེའི་ལྟ་བུ་གང་ཡིན་པ་དེ་ནི་སྦྱིན་པའི་འོ། །ཚུལ་ཁྲིམས་ཀྱིས་བསྒོས་པ་མ་ཉམས་པ་ནི། དཔེར་ན་གླང་པོ་ཆེའི་ཕྲུ་གུས་མ་ལོང་མ་དྲན་ནས་ཟས་མི་ཟ་བ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
རུས་པ་སོ་སོར་གྱེས་ཀྱང་བྱམས་པ་མི་གཏོང་བ་ནི་དཔེར་ན་སྲོག་ཆགས་སུ་གྱུར་པ་རྣམས་ལ་བྱང་ཆུབ་སེམས་དཔའ་ཞི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །ཐོགས་པ་མེད་པའི་བརྩོན་འགྲུས་ནི་དཔེར་ན་རྒྱ་མཚོ་ཆེན་པོ་སྐེམས་
པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་བཟང་གི་ཁང་བཟངས་སུ་བསམ་གཏན་བསྐྱེད་པ་ན་རྣམ་པར་རྟོག་པ་རྣམས་འཇོག་པར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །འཕགས་པ་ངེས་པར་འབྱུང་བའི་ཤེས་རབ་ནི་དཔེར་
ན་བརྩོན་འགྲུས་སྤྱོད་པའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དད་པའི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྩོན་འགྲུས་ཀྱི་སྟོབས་དང་མཚུངས་པར་ལྡན་པའི་ཕ་
40-1-75a


རོལ་དུ་ཕྱིན་པ་དྲུག་གང་ཞེ་ན། ཤིན་དུ་བཟོད་ཅིང་ཕ་རོལ་གནོད་པ་གང་ཡིན་པ་དེ་ནི་སྦྱིན་པའི་འོ། །མཐུ་ཅན་ལ་གཞན་གྱིས་གནོད་པ་བྱས་ཀྱང་དེ་ལ་དང་དུ་ལེན་པ་ནི་དཔེར་ན་རྒྱལ་པོའི་བུ་ཀུ་ཤའི་ལྟ་བུ་གང་ཡིན་པ་དེ་ནི་
ཚུལ་ཁྲིམས་ཀྱིའོ། །སྤྱོད་པ་ཐོས་ཀྱང་དང་དུ་ལེན་པ་ནི་དཔེར་ན་མིག་བཟངས་བཙུན་མོ་དམ་པས་ཡི་ཆད་ཀྱང་དང་དུ་ལེན་པ་ལྟ་བུ་གང་ཡིན་པ་དེ་ནི་བཟོད་པའི་འོ། །སྲེད་པས་མི་འཕྲོགས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་
ཀྱིའོ། །བསམ་གཏན་ཐམས་ཅད་པ་གང་ཡིན་པ་དེ་ནི་བསམ་གཏན་གྱིའོ། །སྐྱེ་བ་ལས་འདས་ཀྱང་རྗེས་སུ་འཇུག་པའི་ཤེས་རབ་ནི་དཔེར་ན་བྲམ་ཟེའི་བུ་བླ་མའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་
སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལྷ་ཡུལ་དག་དྲན་པ་རྒྱུན་མི་འཆད་ཀྱང་ལྷའི་འདོད་པ་དག་ལ་ལྷག་པར་ཆགས་པ་
མེད་པ་གང་ཡིན་པ་དེ་ནི་སྦྱིན་པའི་འོ། །ལྷའི་བུ་མོ་དག་གི་ཉེས་དམིགས་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞལ་མེད་ཁང་དག་ལ་མངོན་པར་དགའ་བ་མེད་པ་གང་ཡིན་པ་དེ་ནི་བཟོད་པའི་འོ། །ལྷར་གྱུར་ནས་
ཐར་པ་ལ་རེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྷའི་འཁོར་གྱི་འདུ་འཛི་ལ་མི་གནས་པ་གང་ཡིན་པ་དེ་ནི་བསམ་གཏན་གྱིའོ། །ལྷ་རྣམས་ཆོས་སྟོན་པ་ལ་མངོན་པར་ཆགས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། 
འདི་དག་ནི་དྲན་པའི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། དངོས་པོ་ཡོངས་སུ་བཏང་ནས་ཏིང་ངེ་
འཛིན་ལ་དགའ་བ་ནི་དཔེར་ན་རྒྱལ་པོ་ལྷ་ཆེན་པོས་རྒྱལ་སྲིད་བོར་ཏེ་རབ་ཏུ་བྱུང་བའི་ལྟ་བུ་གང་ཡིན་པ་དེ་ནི་སྦྱིན་པའི་འོ། །སེམས་ཀྱི་སྦྱོར་བ་ལུས་དང་ངག་གི་ལྷག་མ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལེགས་པར་བྱེད་
40-1-75b


པའི་ལས་བྱེད་པ་གང་ཡིན་པ་དེ་ནི་བཟོད་པའི་འོ། །ཆོས་ཇི་ལྟ་བ་བཞིན་དུ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོང་པའི་ཆོས་ལ་ལྷག་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པའི་ཆོས་ཀྱིས་མ་
གཏུགས་པ་གང་ཡིན་པ་དེ་ནི་དཔེར་ན་རྫ་མཁན་གྱི་ཁྱིམ་དུ་སྨན་ཆེན་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་གྱི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཤེས་རབ་ཀྱི་སྟོབས་དང་མཚུངས་
པར་ལྡན་པའི་ཕ་རོལ་དུ་ཕྱིན་པ་དྲུག་གང་ཞེ་ན། མགོ་ཡོངས་སུ་བཏང་ཡང་སྒྱིད་མ་ལུག་པ་ནི་དཔེར་ན་ཡུལ་ཀ་ཤིའི་རྒྱལ་པོ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་བརྩེ་བའི་ཕྱིར་བདག་ཉིད་ཡོངས་སུ་གཏོང་བ་ནི་དཔེར་
ན་འདྲོན་པོའི་དོན་དུ་བྱང་ཆུབ་སེམས་དཔས་གནོད་སྦྱིན་ལ་བདག་ཉིད་བཏང་སྟེ། མིའི་གཏོར་མ་བདེ་བར་བྱིན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་ཏིག་གི་ཕྱིར་རྒྱ་མཚོར་ལན་གསུམ་དུ་འདྲོན་ནི་ཏས་ཕུག་ཀྱང་བཟོད་པ་གང་
ཡིན་པ་དེ་ནི་བཟོད་པའི་འོ། །ལེགས་སྡུག་སྡུག་བསྔལ་ཐོབ་ནས་སྦྱིན་པ་མི་སྦྱིན་ཞིང་སེམས་ཞུམ་པས་ལན་བདུན་དུ་རྒྱ་མཚོ་ཆེན་པོར་ཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་རྣམས་སུ་ཇི་ལྟར་འདོད་པ་བཞིན་
བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །སྟོན་པ་བཏང་བ་ན་བྱང་ཆུབ་སེམས་དཔའ་གསོལ་བ་འདེབས་ཀྱིས་ཚུལ་ལེགས་པར་ཆོམ་རྐུན་གཡག་པོ་ཁོང་དུ་ཆུད་པ་གང་ཡིན་པ་དེ་ནི་ཤེས་རབ་
ཀྱི་སྟེ། འདི་དག་ནི་ཤེས་རབ་ཀྱི་སྟོབས་དང་མཚུངས་པར་ལྡན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དྲན་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གང་ཞེ་ན། མི་དགེ་བ་སྤོང་བའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཡིད་དུ་
འོང་བའི་འདུ་ཤེས་ལ་གནས་པའི་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་རྣམས་ཀྱི་བརྡ་དྲན་པ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཆུད་མི་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྟོབས་རྣམས་རྣམ་པར་བསྒོམ་པ་གང་ཡིན་པ་དེ་ནི་
40-1-76a


བསམ་གཏན་གྱིའོ། །དྲན་པ་དང་ཐར་པའི་སྟོབས་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་
ཕ་རོལ་དུ་ཕྱིན་པ་དྲུག་གང་ཞེ་ན། ཆོས་རྣམ་པར་འབྱེད་པས་སྐྱོན་སྤོང་བ་གང་ཡིན་པ་དེ་ནི་སྦྱིན་པའི་འོ། །ཆོས་རྣམ་པར་འབྱེད་པས་ཐར་པ་དང་འཐུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐའ་གཉིས་ཡོངས་སུ་སྤོང་བ་གང་ཡིན་པ་དེ་
ནི་བཟོད་པའི་འོ། །ཆོས་རྣམ་པར་འབྱེད་པ་རྒྱུན་མི་འཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་རྣམ་པར་འབྱེད་པ་སྒྲོ་མི་འདོགས་པ་གང་ཡིན་པ་དེ་ནི་བསམ་གཏན་གྱིའོ། །འདི་དག་ཐམས་ཅད་ལ་མི་འཛིན་པར་བསྒོམ་པ་གང་ཡིན་
པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །དེ་ལ་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གང་ཞེ་ན། རྟོགས་ནས་རྗེས་སུ་
ཆགས་པའི་དངོས་པོ་སྤོང་བ་གང་ཡིན་པ་དེ་ནི་སྦྱིན་པའི་འོ། །བརྩོན་འགྲུས་བླ་ན་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྩོན་འགྲུས་ལ་མངོན་པར་ཞེན་པ་མེད་པ་གང་ཡིན་པ་དེ་ནི་བཟོད་པའི་འོ། །བདག་དང་སེམས་ཅན་དང་། སྲོག་
དང་། གསོ་བ་བསལ་བ་ལ་མི་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་དུ་སྦྱོར་བ་རྣམས་ལ་ཇི་མི་མཛད་པ་གང་ཡིན་པ་དེ་ནི་བསམ་གཏན་གྱིའོ། །བདག་ཉིད་དཔྱོད་ཅིང་བཟོ་ཐམས་ཅད་བསྒྲུབ་ལ་ས་བདུན་པའི་
ཤེས་པ་ཡོངས་སུ་མ་གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཤིན་དུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་
གི་ཕ་རོལ་དུ་ཕྱིན་པ་དྲུག་གང་ཞེ་ན། ལུས་ཤིན་དུ་སྦྱངས་པ་གང་ཡིན་པ་དེ་ནི་སྦྱིན་པའི་འོ། །སེམས་ཤིན་དུ་སྦྱངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ལ་བརྐམ་པ་མེད་པ་གང་ཡིན་པ་དེ་ནི་བཟོད་པའི་འོ། །
40-1-76b


ཤིན་དུ་སྦྱངས་པ་རྒྱུན་མི་འཆད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཤིན་དུ་སྦྱངས་པ་བསྒོམ་པའི་སོ་སོར་བརྟགས་པ་གང་ཡིན་པ་དེ་ནི་བསམ་གཏན་གྱིའོ། །ཤིན་དུ་སྦྱངས་པ་ཡང་དག་པ་ལ་རྟོག་པ་གང་ཡིན་པ་དེ་ནི་ཤེས་
རབ་ཀྱི་སྟེ། འདི་དག་ནི་ཤིན་དུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གང་ཞེ་ན། ཏིང་ངེ་འཛིན་འཕགས་པ་ཐོབ་པ་
གང་ཡིན་པ་དེ་ནི་སྦྱིན་པའི་འོ། །ཐོབ་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་གྱི་ཡན་ལག་འཛིན་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་རྒྱུན་མི་འཆད་པ་གང་ཡིན་པ་དེ་
ནི་བརྩོན་འགྲུས་ཀྱིའོ། །བལྟ་ཞིང་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྟོག་པ་དང་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །
དེ་ལ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གང་ཞེ་ན། དགའ་བ་ཅི་སྤངས་ཀྱང་གདུང་བ་མེད་པ་གང་ཡིན་པ་དེ་ནི་སྦྱིན་པའི་འོ། །ལུས་དང་། ངག་བཏང་སྙོམས་པ་གང་ཡིན་པ་དེ་ནི་
ཚུལ་ཁྲིམས་ཀྱིའོ། །སེམས་ཅན་གྱིས་དབེན་པ་ལ་མི་གནས་པ་གང་ཡིན་པ་དེ་ནི་བཟོད་པའི་འོ། །སྒྱུ་མ་ལ་མི་གནས་པ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་མ་གཏུགས་ཤིང་ཡིད་བྱུང་བ་མེད་པ་
གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་སྐད་ཅིག་པར་རྟོག་ཅིང་དང་དུ་ལེན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་
པའི་ལྟ་བའི་ཕ་རོལ་དུ་ཕྱིན་པ་དྲུག་གང་ཞེ་ན། འཕགས་པ་ཡང་དག་པའི་ལྟ་བ་རྟོགས་པ་གང་ཡིན་པ་དེ་ནི་སྦྱིན་པའི་འོ། །ཁོང་དུ་ཆུད་ནས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁོང་དུ་ཆུད་ནས་རིགས་པ་རྟོགས་པ་གང་ཡིན་པ་དེ་ནི་བཟོད་པའི་འོ། །
40-1-77a


ངེས་པར་བརྟགས་ནས་གཞན་ལ་ཕན་པ་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐའ་ཡས་པ་ལ་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་སྡུག་པ་གང་ཡིན་པ་དེ་ནི་ཤེས་རབ་ཀྱི་སྟེ། 
འདི་དག་ནི་ཡང་དག་པའི་ལྟ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་རྟོག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡང་དག་པའི་རྟོག་པའི་རྣམ་པར་སྨིན་པར་བྱེད་པ་སྤོང་བ་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་
རྟོག་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ཇི་ལྟ་བ་རྣམས་ལ་ས་དང་ས་མ་ཡིན་པ་ཡོངས་སུ་ཤེས་པ་གང་ཡིན་པ་དེ་ནི་བཟོད་པའི་འོ། །ཡང་དག་པའི་རྟོག་པ་སྦྱོར་བ་ཐམས་ཅད་ལ་མི་བསྟེན་པ་གང་ཡིན་པ་
དེ་ནི་བརྩོན་འགྲུས་ཀྱིའོ། །ཡང་དག་པའི་རྟོག་པའི་དབང་གིས་ཡོངས་སུ་བསྔོས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང་འཇིག་རྟེན་ལས་འདས་པ་རྣམས་ལ་ཡང་དག་པ་དང་། ཡང་དག་པ་མ་ཡིན་པར་ཡང་དག་པར་
རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྟོག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་ངག་གི་ཕ་རོལ་དུ་ཕྱིན་པ་དྲུག་གང་ཞེ་ན། ཚིག་སྐྱོན་མེད་པ་གང་ཡིན་པ་དེ་ནི་སྦྱིན་པའི་འོ། །ཚིག་
རིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཕགས་པའི་ཚིག་གང་ཡིན་པ་དེ་ནི་བཟོད་པའི་འོ། །སོ་སོ་ཡང་དག་པར་རིག་པའི་ཚིག་བསྒྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཇིག་རྟེན་པ་མངོན་པར་དགའ་
བའི་ཚིག་གང་ཡིན་པ་དེ་ནི་བསམ་གཏན་གྱིའོ། །ཚིག་བདེན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ངག་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་ལས་ཀྱི་མཐའི་ཕ་རོལ་དུ་ཕྱིན་པ་དྲུག་གང་ཞེ་
ན། ཡང་དག་པའི་ལས་ཀྱི་མཐའི་འབྲས་བུ་ཡོད་པ་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་ལས་ཀྱི་མཐའི་འབྲས་བུ་བསམ་པ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པའི་ལས་ཀྱི་མཐའ་ལ་མི་དམིགས་པའི་
40-1-77b


སྦྱོར་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ལས་ཀྱི་མཐའ་ཐམས་ཅད་དུ་མི་འཇུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གནས་པ་མེད་པ་ཡོངས་སུ་བཟུང་བ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་
ལས་ཀྱི་མཐའ་མ་བརྟགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ལས་ཀྱི་མཐའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་འཚོ་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཡང་དག་པའི་འཚོ་བ་
ལ་དགའ་བ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པས་ཉེ་བར་འཚོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཡོངས་སུ་སྨིན་པར་བྱ་བའི་སྙིང་རྗེ་གང་ཡིན་པ་དེ་ནི་བཟོད་པའི་འོ། །ཆོས་རྟོགས་པས་ཉེ་
བར་འཚོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་མེད་པས་ཉེ་བར་འཚོ་བ་གང་ཡིན་པ་དེ་ནི་བསམ་གཏན་གྱིའོ། །ཟང་ཟིང་མེད་པས་ཉེ་བར་འཚོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་འཚོ་
བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་རྩོལ་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཐམས་ཅད་སྤངས་ཏེ་དགོན་པའི་གནས་མི་འདོར་བ་གང་ཡིན་པ་དེ་ནི་སྦྱིན་པའི་འོ། །ལུས་དང་། ངག་ཡང་དག་པ་ལ་སྦྱོར་བ་གང་ཡིན་པ་
དེ་ནི་ཚུལ་ཁྲིམས་ཀྱིའོ། །དམིགས་པ་ལ་མི་དམིགས་པ་གང་ཡིན་པ་དེ་ནི་བཟོད་པའི་འོ། །གཟུངས་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱི་འོ། །བརྡ་ལ་སྦྱོར་བ་གང་ཡིན་པ་དེ་ནི་བསམ་གཏན་གྱི་འོ། །གནོད་
པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་རྩོལ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པའི་དྲན་པའི་ཕ་རོལ་དུ་ཕྱིན་པ་དྲུག་གང་ཞེ་ན། འདུས་བྱས་ལ་མི་ལྟ་བའི་དྲན་པ་གང་ཡིན་པ་དེ་ནི་སྦྱིན་
པའི་འོ། །ཆོས་ཐམས་ཅད་ཀྱི་སྐྱོན་དང་ཡོན་ཏན་འཇལ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བཟོད་པའི་འོ། །བག་ཡོད་པའི་རྣམ་པར་སྨིན་པ་དྲན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་
40-1-78a


ཅད་ཀྱི་ཡང་དག་པའི་ཐོབ་པ་ལ་བརྗེད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཞི་གནས་བསྒོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་དྲན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་
ཡང་དག་པའི་ཏིང་ངེ་འཛིན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། ཡང་དག་པའི་ཏིང་ངེ་འཛིན་ལ་མངོན་པར་དགའ་བ་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་ཏིང་ངེ་འཛིན་ཤིན་དུ་གནས་པ་གང་ཡིན་པ་དེ་ནི་ཚུལ་ཁྲིམས་
ཀྱིའོ། །ཡང་དག་པའི་ཏིང་ངེ་འཛིན་གྱི་སྒོ་མོ་རྣམ་པར་གྲོལ་བ་དང་ལྟ་བ་གང་ཡིན་པ་དེ་ནི་བཟོད་པའི་འོ། །ཡང་དག་པའི་ཏིང་ངེ་འཛིན་མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡང་དག་པའི་ཏིང་ངེ་འཛིན་ལེགས་
པར་འོངས་པ་བསམ་པ་ཇི་ལྟ་བ་བཞིན་ལས་བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཡང་དག་པའི་ཏིང་ངེ་འཛིན་གཉེན་པོ་ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡང་དག་པའི་ཏིང་ངེ་
འཛིན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཞི་གནས་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། གནོད་པར་བྱེད་པའི་ཆོས་རྣམས་སྤོང་བ་གང་ཡིན་པ་དེ་ནི་སྦྱིན་པའི་འོ། །ལུས་དང་། སེམས་ཤིན་དུ་སྦྱངས་པ་ལ་དགའ་བ་གང་
ཡིན་པ་དེ་ནི་ཚུལ་ཁྲིམས་ཀྱིའོ། །སྒྲིབ་པ་མེད་པ་ལ་སྙོམས་པར་འཇུག་པ་གང་ཡིན་པ་དེ་ནི་བཟོད་པའི་འོ། །ཏིང་ངེ་འཛིན་ལ་གཞན་གྱིས་ཉམས་པར་བྱར་མེད་པ་གང་ཡིན་པ་དེ་ནི་བརྩོན་འགྲུས་ཀྱི་འོ། །ཡེ་ཤེས་ཀྱི་སྦྱོར་བ་མ་རྒུད་པ་གང་
ཡིན་པ་དེ་ནི་བསམ་གཏན་གྱིའོ། །བསམ་པ་ཐམས་ཅད་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཞི་གནས་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷག་མཐོང་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། མ་ཐོས་པར་ཆོས་
རྣམས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་མེད་པར་མངོན་པར་བརྗོད་པ་གང་ཡིན་པ་དེ་ནི་ཚུལ་ཁྲིམས་ཀྱི་འོ། །སྐྱེ་བོ་མང་པོ་འདོད་པར་མངོན་པར་བརྗོད་པ་གང་ཡིན་པ་དེ་ནི་བཟོད་པའི་འོ། །ལྡེམ་པོ་ངག་ཕུན་སུམ་ཚོགས་པར་འགྱུར་
40-1-78b


བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་ཉིང་མཚམས་སྦྱོར་བ་ཕུན་སུམ་ཚོགས་པ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷག་མཐོང་ལ་དམིགས་པའི་
ཕ་རོལ་དུ་ཕྱིན་པ་དྲུག་གོ། །དེ་ལ་རིག་པ་ལ་དམིགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། རིག་པ་ལ་སྦྱོར་བ་གྲུབ་པ་གང་ཡིན་པ་དེ་ནི་སྦྱིན་པའི་འོ། །འདོད་པར་འགྱུར་བའི་རིག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིག་པ་
ཐམས་ཅད་པ་གང་ཡིན་པ་དེ་ནི་བཟོད་པའི་འོ། །རིག་པའི་ས་ཐམས་ཅད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཐམས་ཅད་ཡང་དག་པར་གཟུང་བའི་རིག་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་
རབ་ཏུ་ཤེས་པར་བྱེད་པའི་རིག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རིག་པ་ལ་དམིགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་གྲོལ་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། རྣམ་པར་
གྲོལ་བ་ལ་མྱུར་དུ་ཞུགས་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་དང་བྲལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཐར་འཛིན་པ་ཡོངས་སུ་སྤངས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་
དེའི་ངོ་བོ་མ་ཡིན་པ་དེ་ནི་བརྩོན་འགྲུས་ཀྱིའོ། །དུས་ཐམས་ཅད་དུ་བདེ་བ་དང་སྡུག་བསྔལ་གྱིས་མི་འཕྲོགས་པ་གང་ཡིན་པ་དེ་ནི་བསམ་གཏན་གྱིའོ། །དེ་ཁོ་ནའི་ཆོས་ཀྱི་རྒྱུ་འཐུན་པའི་ཐམས་ཅད་པ་གང་ཡིན་པ་དེ་ནི་ཤེས་རབ་
ཀྱི་སྟེ། འདི་དག་ནི་རྣམ་པར་གྲོལ་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དགེ་སློང་གི་འཁོར་ཉེ་བར་འོང་བ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་ཐམས་ཅད་དུ་སྤྲུལ་པ་གང་ཡིན་པ་དེ་ནི་སྦྱིན་པའི་འོ། །འཆི་
འདོད་པར་སྤྲུལ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེའི་བསམ་པ་བརྗོད་པ་གང་ཡིན་པ་དེ་ནི་བཟོད་པའི་འོ། །ཁྱད་པར་དུ་བརྗོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ལ་འཛིན་པ་མེད་པར་བརྗོད་པ་གང་ཡིན་པ་དེ་ནི་བསམ་གཏན་གྱིའོ། །དེ་ལ་
40-1-79a


ངེས་པར་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དགེ་སློང་གི་འཁོར་ཉེ་བར་འོང་བ་སྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་བཞིན་དུ་བཤད་པ་འདིས་ནི་འཁོར་བརྒྱད་པོ་ཐམས་ཅད་ལ་ཡང་སྦྱར་བར་ཤེས་པར་
བྱའོ། །དེ་ལ་དོན་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། དོན་བརྗོད་པ་དང་དོན་མ་ཡིན་པ་བརྗོད་པ་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོ་ཚིམ་པར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
དོན་ལ་སྐྱོན་མེད་པ་གང་ཡིན་པ་དེ་ནི་བཟོད་པའི་འོ། །འོག་མིན་གྱི་གནས་ནས་བཟུང་སྟེ། ཕན་ཚུན་བདེན་པ་རྒྱ་ཆེར་སྨྲ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མཚུངས་པ་རྣམས་དོན་ལ་ཆོག་ཤེས་པ་གང་ཡིན་པ་དེ་ནི་བསམ་གཏན་གྱིའོ། །
མཚུངས་པ་མ་ཡིན་པའི་མི་འཁྲུགས་པའི་ཆོས་ཉིད་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དོན་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་
དྲུག་གང་ཞེ་ན། ཆོས་མངོན་པར་བརྗོད་པ་གང་ཡིན་པ་དེ་ནི་སྦྱིན་པའི་འོ། །གཞན་ལ་གོ་བར་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཇི་ལྟ་བ་བཞིན་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །རྒྱུན་མ་ཆད་པ་གང་ཡིན་པ་དེ་ནི་
བརྩོན་འགྲུས་ཀྱིའོ། །ཆོས་གནས་པ་དང་དེ་བཞིན་ཉིད་གཞན་དུ་མི་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །རྟག་ཏུ་ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་སོ་སོ་ཡང་དག་པར་རིག་པ་བསྒྲུབ་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་ངེས་པའི་ཚིག་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། གཏམ་གྱི་ཕྱིར་ངེས་པའི་ཚིག་གི་ངོ་བོ་གང་ཡིན་པ་དེ་ནི་སྦྱིན་པའི་འོ། །ཉེ་བར་ཞི་བ་ལ་ངེས་པའི་ཚིག་
གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་པའི་ངག་ཐམས་ཅད་ལ་ངེས་པའི་ཚིག་གང་ཡིན་པ་དེ་ནི་བཟོད་པའི་འོ། །དེ་དག་ཐམས་ཅད་ལ་གོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་སྒྲོལ་བར་
40-1-79b


བྱེད་པ་གང་ཡིན་པ་དེ་ནི་བསམ་གཏན་གྱིའོ། །ཐར་པ་དང་འགོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངེས་པའི་ཚིག་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྤོབས་པ་
སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྤོབས་པ་སྣ་ཚོགས་པ་གང་ཡིན་པ་དེ་ནི་སྦྱིན་པའི་འོ། །སྤོབས་པ་མཉེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དེ་དག་ཐམས་ཅད་ཚིམ་པར་
བྱེད་པ་གང་ཡིན་པ་དེ་ནི་བཟོད་པའི་འོ། །མ་གཏུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐེ་ཙོམ་གཅོད་པ་གང་ཡིན་པ་དེ་ནི་བསམ་གཏན་གྱིའོ། །མྱ་ངན་ལས་འདས་པ་ལ་གཞོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། 
འདི་དག་ནི་སྤོབས་པ་སོ་སོ་ཡང་དག་པར་རིག་པ་བསྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡོངས་སུ་སྐྱོ་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་སྟོན་པ་ན་ཆོས་ཉན་པ་རྣམས་ལ་ཆོས་བསྟན་པས་མི་སྐྱོ་བ་
གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་ཕན་པར་བསྒྲུབ་པས་མི་སྐྱོ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐུ་རང་གིས་བཤིག་སྟེ་རྒྱ་ཆེར་བྱིན་གྱིས་བརླབས་པ་གང་ཡིན་པ་དེ་ནི་བཟོད་པའི་འོ། །གདུལ་བ་
རྣམས་ཀྱི་ཆེད་དུ་དུས་ཐམས་ཅད་དུ་ཉེ་བར་འོང་བའི་རྫུ་འཕྲུལ་གང་ཡིན་པ་དེ་ནི་བརྩོན་འགྲུས་ཀྱིའོ། །ཇི་ལྟར་འདོད་པ་བཞིན་སྙོམས་པར་འཇུག་པ་ལ་སྙོམས་པར་ཞུགས་པ་ན་གདམས་ངག་སྟེར་བ་གང་ཡིན་པ་དེ་ནི་བསམ་
གཏན་གྱིའོ། །དུས་དང་དུས་མ་ཡིན་པར་ཆོས་ཉན་པ་རྣམས་ལ་ཇི་སྙེད་འདོད་པ་དེ་སྙེད་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་ཡོངས་སུ་སྐྱོ་བ་མེད་པའི་ཕ་རོལ་དུ་ཕྱིན་པ་དྲུག་གོ། །
དེ་ལ་སྦྱིན་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སློང་བ་ལ་བྱིན་ནས་བདེ་བར་ཡོངས་སུ་བསྔོས་པ་གང་ཡིན་པ་དེ་ནི་སྦྱིན་པའི་འོ། །ལུས་དང་ངག་གི་ལྷག་པར་སྦྱིན་པ་བྱིན་པས་དང་བ་གང་
40-1-80a


ཡིན་པ་དེ་ནི་ཚུལ་ཁྲིམས་ཀྱིའོ། །སྦྱིན་པ་ལ་དགའ་བ་གང་ཡིན་པ་དེ་ནི་བཟོད་པའི་འོ། །སྦྱིན་པ་བྱིན་པ་ན་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་དང་བ་གང་ཡིན་པ་དེ་ནི་
བསམ་གཏན་གྱིའོ། །སྦྱིན་པ་བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱིན་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚུལ་ཁྲིམས་ལས་ངེས་པར་བྱུང་བའི་ཕ་རོལ་དུ་
ཕྱིན་པ་དྲུག་གང་ཞེ་ན། བསླབ་པ་ཡང་དག་པར་བླང་བ་བྱིན་པ་དང་། སེམས་ཅན་རྣམས་ལ་མི་འཇིགས་པ་སྦྱིན་པ་གང་ཡིན་པ་དེ་ནི་སྦྱིན་པའི་འོ། །མི་འཇིགས་པ་བྱིན་པ་ལ་འཁྲུག་པ་མེད་པ་གང་ཡིན་པ་དེ་ནི་
ཚུལ་ཁྲིམས་ཀྱིའོ། །སེམས་ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བཟོད་པའི་འོ། །བསླབ་པ་ཀུན་ནས་སྲུང་ཞིང་ཕ་རོལ་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསླབ་པ་སྔོན་དུ་བཏང་ནས་སེམས་
ཅན་རྣམས་ལ་ཕན་པར་སེམས་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཏུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཚུལ་ཁྲིམས་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །
དེ་ལ་བཟོད་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་བདེ་བ་དང་བ་གང་ཡིན་པ་དེ་ནི་སྦྱིན་པའི་འོ། །སེམས་ཅན་གྱི་ཉོན་མོངས་པ་བཟོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་བ་ཐོག་མ་མེད་པ་ནས་
སྐྱེ་བ་ལ་མི་མཇེད་པ་གང་ཡིན་པ་དེ་ནི་བཟོད་པའི་འོ། །རྟག་ཏུ་རྒྱུན་མི་ཆད་པར་ངེས་པར་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་ལ་ཕན་པར་ངེས་པ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་མཁྱེན་པ་ཉིད་དུ་ཡོངས་
སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བཟོད་པ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བརྩོན་འགྲུས་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། འཇིག་རྟེན་ལ་ཕན་པར་སྦྱོར་བ་གང་ཡིན་པ་དེ་ནི་སྦྱིན་
40-1-80b


པའི་འོ། །གནོད་པ་མེད་པར་ཕ་རོལ་གནོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྡུག་བསྔལ་ཐོབ་པ་ཐར་བར་བྱས་པ་ནི་དཔེར་ན་ཐི་བའི་ལྟ་བུ་གང་ཡིན་པ་དེ་ནི་བཟོད་པའི་འོ། །སྦྱོར་བ་མ་བཏང་བ་གང་ཡིན་པ་དེ་ནི་བརྩོན་འགྲུས་
ཀྱིའོ། །བརྩོན་འགྲུས་ཀྱིས་སྒྲིབ་པ་སེལ་བ་གང་ཡིན་པ་དེ་ནི་བསམ་གཏན་གྱིའོ། །སངས་རྒྱས་ཀྱི་ཡུལ་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ལས་ངེས་པར་བྱུང་བའི་ཕ་རོལ་དུ་ཕྱིན་པ་
དྲུག་གོ། །དེ་ལ་བསམ་གཏན་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། བྱམས་པ་གཙོ་བོའི་བསམ་གཏན་སེམས་ཅན་ལ་ཕན་པ་དང་ལྡན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་ལ་
ཕན་པའི་འདུ་ཤེས་ཅན་གྱི་བསམ་གཏན་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་ལ་ཕན་པར་སེམས་སྤྲོ་བ་གང་ཡིན་པ་དེ་ནི་བཟོད་པའི་འོ། །ཉེ་བར་ཞི་བའི་ཕྱིར་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་
ཀྱིའོ། །ཆོས་ཀྱི་སྦྱིན་པ་ལེགས་པར་བསམས་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱིས་གནས་པའི་ངེས་པའི་ཚིག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསམ་གཏན་ལས་ངེས་པར་
བྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ཤེས་རབ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་ཀྱི་སྦྱིན་པ་རབ་ཏུ་སྦྱིན་པར་བྱེད་པ་གང་ཡིན་པ་དེ་ནི་སྦྱིན་པའི་འོ། །ཆོས་ཀྱི་སྦྱིན་པ་ཟང་ཟིང་མེད་
པར་སྨྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་སྦྱིན་པ་ལ་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་བཟོད་པའི་འོ། །དད་པས་ངེས་པར་འབྱུང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་ཀྱི་སྦྱིན་པ་ལེགས་
པར་བསམས་ནས་སྨྲ་བ་གང་ཡིན་པ་དེ་ནི་བསམ་གཏན་གྱིའོ། །རང་བཞིན་གྱི་དེ་བཞིན་ཉིད་དང་ངེས་པའི་ཚིག་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ལས་ངེས་པར་བྱུང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་
40-1-81a


རྣམ་པར་སྨིན་པ་མིག་གི་ཕ་རོལ་དུ་ཕྱིན་པ་དྲུག་གང་ཞེ་ན། མཐོང་ན་དགའ་བར་འགྱུར་བའི་མིག་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །མིག་བལྟ་ན་སྡུག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་
པོར་མཐོང་བ་གང་ཡིན་པ་དེ་ནི་བཟོད་པའི་འོ། །མིག་དཀྱུས་རིང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟས་པས་དང་བར་འགྱུར་བ་གང་ཡིན་པ་དེ་ནི་བསམ་གཏན་གྱིའོ། །ཀུན་ནས་ཤིན་དུ་དང་བ་གང་ཡིན་པ་དེ་ནི་ཤེས་རབ་ཀྱི་
སྟེ། འདི་དག་ནི་རྣམ་པར་སྨིན་པ་མིག་གི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་རྣ་བའི་ཕ་རོལ་དུ་ཕྱིན་པ་དྲུག་གང་ཞེ་ན། རྣ་བ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །རྣ་བ་རྣམ་པར་དག་པ་གང་ཡིན་
པ་དེ་ནི་ཚུལ་ཁྲིམས་ཀྱིའོ། །རྣ་བའི་ཁམས་ཤིན་དུ་དང་བ་གང་ཡིན་པ་དེ་ནི་བཟོད་པའི་འོ། །རྣ་བ་ཆ་ཕྲ་བ་ཐོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣ་བ་ཐག་རིང་བ་ཐོས་པ་གང་ཡིན་པ་དེ་ནི་བསམ་གཏན་གྱིའོ། །བཀུར་
སྟི་མ་ཡིན་པ་ཐོས་ན་མི་དགའ་བ་མེད་པའི་རྣ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་རྣ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སྣའི་ཕ་རོལ་དུ་ཕྱིན་པ་དྲུག་གང་ཞེ་ན། དང་བར་འགྱུར་
བའི་སྣ་གང་ཡིན་པ་དེ་ནི་སྦྱིན་པའི་འོ། །སྣའི་དབང་པོ་མ་ཉམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡིད་དུ་འོང་བ་སྣོམ་པ་གང་ཡིན་པ་དེ་ནི་བཟོད་པའི་འོ། །མི་འཐུན་པ་སྣོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །
སྣ་མ་གཏུགས་པ་གང་ཡིན་པ་དེ་ནི་བསམ་གཏན་གྱིའོ། །སྐྱོན་སྣོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་སྣའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ལྕེའི་ཕ་རོལ་
དུ་ཕྱིན་པ་དྲུག་གང་ཞེ་ན། ལྕེས་རོ་མྱངས་ན་དང་བར་འགྱུར་བ་གང་ཡིན་པ་དེ་ནི་སྦྱིན་པའི་འོ། །ཁེངས་ཚིག་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བོ་མང་པོ་འདོད་པའི་ཚིག་གང་ཡིན་པ་དེ་ནི་བཟོད་པའི་
40-1-81b


འོ། །ཡི་གེ་མང་པོ་རྗེས་སུ་དྲན་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྕེ་རྐན་ལ་གཞར་བ་གང་ཡིན་པ་དེ་ནི་བསམ་གཏན་གྱིའོ། །ལྕེ་མཆོག་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་
པ་ལྕེའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ལུས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། ལུས་ཤས་རྒྱས་ཤིང་མདོག་དམར་སེར་གང་ཡིན་པ་དེ་ནི་སྦྱིན་པའི་འོ། །སྐྱེ་བོ་མང་པོས་བལྟ་ན་སྡུག་པ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །ལུས་དབང་ཆེ་བར་གྲགས་པ་གང་ཡིན་པ་དེ་ནི་བཟོད་པའི་འོ། །ལུས་བརྟན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཤིན་དུ་གཞོན་ཤ་ཆགས་པ་གང་ཡིན་པ་དེ་ནི་བསམ་གཏན་གྱིའོ། །གཙོ་བོར་
འགྲོ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་ལུས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་སེམས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་འདོད་ཆགས་ཆུང་བ་གང་ཡིན་
པ་དེ་ནི་སྦྱིན་པའི་འོ། །ཞེ་སྡང་ཆུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཏི་མུག་མེད་པ་གང་ཡིན་པ་དེ་ནི་བཟོད་པའི་འོ། །རྟོགས་པ་རྣོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤོང་བ་དང་རྗེས་སུ་
འཐུན་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་ཆོས་ཐམས་ཅད་ཁོང་དུ་ཆུད་པ་མང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་སེམས་ཀྱི་ཕ་རོལ་དུ་ཕྱིན་པ་དྲུག་གོ། །
དེ་ལ་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་དུ་ཕྱིན་པ་དྲུག་གང་ཞེ་ན། གཞན་ཡོངས་སུ་སྨིན་པར་བྱ་བའི་སྦྱིན་པ་ནི་དཔེར་ན་རྒྱལ་པོའི་བུ་སྙིང་སྟོབས་ཞུམ་པ་མེད་ཀྱིས་འཛམ་བུའི་གླིང་པའི་སེམས་ཅན་
རྣམས་ཚིམ་པར་བྱས་ནས། ཐམས་ཅད་ཀྱང་བྱང་ཆུབ་ཀྱི་ཕྱིར་ཡོངས་སུ་སྨིན་པར་བྱས་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །གཞན་ལ་ཕན་པ་དང་ལྡན་པའི་ཚུལ་ཁྲིམས་ཀྱི་རྣམ་པར་སྨིན་པ་སྙིང་སྟོབས་ནི་དཔེར་ན་སྲེག་
40-1-82a


པས་མེས་ཚིག་པར་བྱེད་པ་བསད་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་བཟོད་པའི་རྣམ་པར་སྨིན་པ་འཁོར་བ་ནི་དཔེར་ན། ཚངས་པས་སེམས་ཅན་དྲུག་བཅུ་
ཡོངས་སུ་སྨིན་པར་བྱ་བའི་ཕྱིར་ཉོན་མོངས་པ་བཟོད་པ་ལྟ་བུ་གང་ཡིན་པ་དེ་ནི་བཟོད་པའི་འོ། །གཞན་ཡོངས་སུ་སྨིན་པར་བྱ་བའི་བརྩོན་འགྲུས་ནི་དཔེར་ན་ནད་པ་སྲོག་གི་ལྷག་མ་ལུས་པ་ལ་ལོ་བདུན་བཅུར་ཕན་པར་བྱ་
བའི་འདོད་པའི་ཡིད་ཀྱིས་དཔག་ཚད་བདུན་བརྒྱར་སོང་ནས་རི་གངས་ཅན་ལས་སྨན་བླངས་ཏེ། ནད་པ་ཐར་བར་བྱས་པ་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་ལ་ཕན་ཞིང་བདེ་བ་དང་ལྡན་པའི་བསམ་
གཏན་ནི་དཔེར་ན་དྲང་སྲོང་སེར་སྐྱས་སེམས་ཅན་ལ་ཕན་པར་བྱ་བའི་ཕྱིར་གྲོང་ཁྱེར་བརྩིགས་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །གཞན་བདེ་བར་བསྒྲུབ་པའི་ཤེས་རབ་ནི་དཔེར་ན་བསྟན་བཅོས་ཐམས་ཅད་དང་། 
ཡིག་འབྲུ་རྣམས་གསོ་བར་བྱེད་པ་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་ལ་ཕན་པར་ཡོངས་སུ་བསྔོས་པའི་ཟང་ཟིང་གི་ཕ་རོལ་དུ་ཕྱིན་པ་དྲུག་གོ། །དེ་ལ་བདག་ལ་ཕན་པར་ཡོངས་སུ་བསྔོས་པའི་
ཟང་ཟིང་གི་ཕ་རོལ་དུ་ཕྱིན་པ་དྲུག་གང་ཞེ་ན། བདག་ལ་ཕན་འདོགས་པ་ཕུན་སུམ་ཚོགས་པ་གང་ཡིན་པ་དེ་ནི་སྦྱིན་པའི་འོ། །བདག་གི་དགེ་བའི་རྩ་བ་རྣམས་འབྲས་བུ་ཡོད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
བདག་ཁ་དོག་རྒྱས་པ་གང་ཡིན་པ་དེ་ནི་བཟོད་པའི་འོ། །བདག་གི་ཕྱིར་བརྩོན་འགྲུས་རྩོམ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདག་གི་ཕྱིར་མཐོ་རིས་སུ་འཇུག་པའི་བསམ་གཏན་ནི་དཔེར་ན་འཇིག་པའི་བསྐལ་
པ་བདུན་གྱི་བར་དུ་བདག་འཇིག་རྟེན་འདིར་མི་འོང་བ་གང་ཡིན་པ་དེ་ནི་བསམ་གཏན་གྱིའོ། །བདག་ལ་ཕན་པ་དང་ལྡན་པའི་ཤེས་རབ་ནི་དཔེར་ན་རྒྱལ་པོའི་བུ་སེར་སྐྱའི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བདག་ལ་ཕན་པར་
40-1-82b


ཡོངས་སུ་བསྔོས་པའི་ཟང་ཟིང་གི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རྒྱན་སྣ་ཚོགས་ཀྱི་ངོ་བོས་བརྒྱན་པ་གང་ཡིན་པ་དེ་ནི་ཆོས་ཀྱི་སྦྱིན་པའི་འོ། །མི་དམིགས་པ་ལ་གནས་པའི་
ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱི་འདུ་ཤེས་དང་བྲལ་བའི་བཟོད་པ་གང་ཡིན་པ་དེ་ནི་བཟོད་པའི་འོ། །ཆོས་ཀྱི་ཕ་རོལ་དུ་ཕྱིན་པ་ལ་གཉིས་སུ་མེད་པར་སྤྱོད་པའི་ཕ་རོལ་གནོན་པ་གང་
ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་མ་ཞེན་ཅིང་སེམས་མཉམ་པ་ཉིད་ཐོབ་པའི་ཆོས་ཀྱི་ཕ་རོལ་དུ་ཕྱིན་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་གཉིས་སུ་མེད་པས་
གསལ་བར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དོན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་འབྲས་བུ་ལོངས་སྤྱོད་ཆེན་པོ་གང་ཡིན་པ་དེ་
ནི་དེའི་དོན་ཏོ། །ཚུལ་ཁྲིམས་ཀྱི་འབྲས་བུ་བདེ་འགྲོ་གང་ཡིན་པ་དེ་ནི་དེའི་དོན་ཏོ། །བཟོད་པའི་འབྲས་བུ་གཟུགས་བཟང་བ་གང་ཡིན་པ་དེ་ནི་དེའི་དོན་ཏོ། །བརྩོན་འགྲུས་ཀྱི་འབྲས་བུ་འཇིག་རྟེན་པ་དང་འཇིག་རྟེན་ལས་
འདས་པའི་བྱ་བ་བསྒྲུབ་པ་གང་ཡིན་པ་དེ་ནི་དེའི་དོན་ཏོ། །བསམ་གཏན་སྐྱེ་བར་ཡོངས་སུ་བསྔོ་བ་གང་ཡིན་པ་དེ་ནི་དེའི་དོན་ཏོ། །ཤེས་རབ་དང་བྲལ་བ་དང་རྒྱུ་འཐུན་པ་གང་ཡིན་པ་དེ་ནི་དེའི་དོན་ཏེ། འདི་དག་ནི་དོན་གྱི་ཕ་རོལ་དུ་ཕྱིན་
པ་དྲུག་གོ། །དེ་ལ་རྟོགས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྤོང་བ་དང་རབ་ཏུ་ལྡན་པའི་ལུས་མི་འཇིག་པ་གང་ཡིན་པ་དེ་ནི་སྦྱིན་པའི་འོ། །སྤོང་བའི་རྒྱུས་རབ་ཏུ་མི་རྨོངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ལ་
བཟོད་པ་མི་འདོར་བ་གང་ཡིན་པ་དེ་ནི་བཟོད་པའི་འོ། །སྦྱོར་བ་ཐམས་ཅད་གྲུབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་གྱི་འབྲས་བུ་འགོག་པ་གང་ཡིན་པ་དེ་ནི་བསམ་གཏན་གྱིའོ། །རྡོ་རྗེ་ལྟ་བུའི་ཏིང་ངེ་འཛིན་
40-1-83a


ཡོངས་སུ་བཟུང་བའི་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྟོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྤྲོ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པ་བྱིན་པ་ན་ནམ་ཡང་རྨུགས་པ་དང་གཉིད་དུ་མ་གྱུར་
ཅིང་བདག་ལ་དགའ་བ་མི་བསྐྱེད་པ་གང་ཡིན་པ་དེ་ནི་དཔེར་ན་ཤཱཀྱ་ཆེན་པོའི་ནགས་ཁྲོད་དཔག་ཚད་དགུ་བཅུ་རྩ་དྲུག་པ་ལྟ་བུ་གང་ཡིན་པ་དེ་ནི་སྦྱིན་པའི་འོ། །བསླབ་པའི་ཕྱིར་རྒྱལ་སྲིད་སྤངས་ཏེ་སྤོང་བ་ནི་དཔེར་ན་རྒྱལ་པོའི་བུ་དོན་ཡོད་གནས་ན་
འདུག་ཅིང་བརྫུན་དུ་སྨྲ་བ་མི་ཟེར་བ་ལྟ་བུ་དང་། ལུས་ཀྱི་ཕྱིར་གཞན་དག་ཕ་མ་གསོད་ཅིང་སྡིག་པ་དག་བྱེད་པ་ན་ངས་སྦྱིན་པ་དང་ཆོས་མ་སྤངས་པས་དེ་ནི་སངས་རྒྱས་ཡིན་ནོ་བར་ཐེ་ཙོམ་མེད་པར་ཤེས་པར་འགྱུར་རོ་ཞེས་ཇི་སྐད་
གསུངས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕ་རོལ་རྗེས་སུ་བསྲུང་བའི་བཟོད་པ་ནི་དཔེར་ན་གླང་པོ་ཆེ་གནད་དུ་ཕོག་ཀྱང་བསྲུང་བ་ལྟ་བུ་གང་ཡིན་པ་དེ་ནི་བཟོད་པའི་འོ། །བརྩོན་འགྲུས་ཀྱིས་ལོ་སྟོང་ཕྲག་སུམ་བཅུ་རྩ་
དྲུག་ཏུ་ཆོས་སྨྲ་བ་ལ་བསྟེན་ཀྱང་གནོད་པ་མེད་ཅིང་མི་སྐྱོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ལ་ཕན་པའི་ཕྱིར་བསམ་གཏན་བྱེད་པ་ནི་དཔེར་ན་འཛམ་བུའི་གླིང་ནས་བདག་ཉིད་མཐོ་རིས་སུ་སོང་བ་
བྲམ་ཟེའི་བུ་ཕན་ཚོལ་གྱི་སྔོན་གྱི་ཚུལ་ལས་ཤེས་པར་བྱ་བ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །ཤེས་རབ་ནི་དཔེར་ན་སྨན་ཆེན་གྱི་ལྟ་བུ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྲོ་བའི་ཕ་རོལ་དུ་ཕྱིན་
པ་དྲུག་གོ། །དེ་ལ་སྟོང་པ་ཉིད་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། སྟོང་པ་ཉིད་ཀྱི་ཏིང་ངེ་འཛིན་གྱི་ཁྱིམ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །ས་རབ་ཏུ་ཐོབ་པ་གང་ཡིན་པ་དེ་ནི་བཟོད་པའི་འོ། །བསྒོམ་པའི་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །བྱ་བ་
40-1-83b


ཐམས་ཅད་དུ་ཐུན་མོང་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྟོང་པ་ཉིད་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་མཚན་མ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། དུས་ཐམས་ཅད་དུ་མཚན་མ་མེད་པ་གང་
ཡིན་པ་དེ་ནི་སྦྱིན་པའི་འོ། །ཐམས་ཅད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་བསྔོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུན་མི་འཆད་པ་
གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མཚན་མ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྨོན་པ་མེད་པའི་ཕ་རོལ་དུ་ཕྱིན་པ་དྲུག་
གང་ཞེ་ན། སྨོན་པ་མེད་པར་མྱུར་དུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཆགས་པ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁམས་གསུམ་ལ་མི་བལྟ་བ་གང་ཡིན་པ་དེ་ནི་བཟོད་པའི་འོ། །
བར་མ་དོར་ཆུད་མི་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་འདོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྨོན་པ་མེད་པའི་ཕ་རོལ་
དུ་ཕྱིན་པ་དྲུག་གོ། །དེ་ལ་གཞན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། བྱང་ཆུབ་སྙིང་པོར་སྐྱིལ་མོ་དཀྲུང་གཅིག་གིས་སྐུ་མ་དུབ་པ་གང་ཡིན་པ་དེ་ནི་སྦྱིན་པའི་འོ། །སྐུ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །ཆོས་མངོན་པར་བརྗོད་པ་གང་ཡིན་པ་དེ་ནི་བཟོད་པའི་འོ། །ཆོས་མངོན་པར་བརྗོད་ཅིང་ཕྱིན་ཅི་མ་ལོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་འཛིན་པ་གང་
ཡིན་པ་དེ་ནི་བསམ་གཏན་གྱིའོ། །སྒྱུ་མར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཞན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་གཞན་གྱི་ཕ་རོལ་དུ་
40-1-84a


ཕྱིན་པ་དྲུག་གང་ཞེ་ན། ཚོང་པ་ག་གོན་གྱིས་མཆོད་སྟོན་གསོལ་བ་གང་ཡིན་པ་དེ་ནི་སྦྱིན་པའི་འོ། །ཀླུ་བཏང་བཟུང་གིས་དཀྲིས་ཏེ་བཞུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པ་ཉེ་བར་འོངས་ནས་གསོལ་བ་འདེབས་པ་
གང་ཡིན་པ་དེ་ནི་བཟོད་པའི་འོ། །སངས་རྒྱས་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བ་རྣམས་ལ་ཡང་དང་ཡང་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །གཏི་མུག་མེད་པའི་ཆོས་ཀྱི་འཁོར་
ལོ་བསྐོར་བ་ན། འདི་ལྟར་གཅིག་ནས་གཅིག་ཏུ་ཚངས་པའི་འཇིག་རྟེན་གྱི་བར་དུ་སྒྲ་མངོན་པར་གྲགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་སྨིན་པ་གཞན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་སྦྱོར་བའི་ཕ་རོལ་དུ་ཕྱིན་
པ་དྲུག་གང་ཞེ་ན། ལྔ་པོ་དག་ཉེ་བར་འོངས་པ་གང་ཡིན་པ་དེ་ནི་སྦྱིན་པའི་འོ། །བྱ་བ་དང་བྱ་བ་མ་ཡིན་པ་དེ་ནི་ཐོས་ནས་དང་དུ་ལེན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྷག་པའི་ང་རྒྱལ་མེད་པས་ཉེ་བར་གནས་པ་གང་ཡིན་པ་དེ་ནི་བཟོད་པའི་
འོ། །བདུད་རྩིས་ཚིམ་པར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལྔ་པོ་དག་ལ་བཀའ་སྩོལ་ཅིང་གོ་བར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ལྷ་བྱེ་བ་ཕྲག་ལྔ་པོ་དག་ལ་བདུད་རྩི་རྟོགས་པར་མཛད་པ་གང་
ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྦྱོར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་གནས་དང་གནས་མ་ཡིན་པའི་ཕ་རོལ་དུ་ཕྱིན་པ་དྲུག་གང་ཞེ་ན། གནས་དང་གནས་མ་ཡིན་པ་ཉིད་ཐོབ་པ་གང་ཡིན་པ་དེ་ནི་སྦྱིན་པའི་འོ། །
དམ་བཅས་པ་གཞན་དུ་མི་འགྱུར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །དམ་བཅས་པ་སྟོབས་ཅན་གང་ཡིན་པ་དེ་ནི་བརྩོན་འགྲུས་ཀྱིའོ། །སྨྲ་བ་གཞན་དུ་མི་
འགྱུར་བ་གང་ཡིན་པ་དེ་ནི་བསམ་གཏན་གྱིའོ། །དུས་ཤེས་ནས་སྒོམ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གནས་དང་གནས་མ་ཡིན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འདས་པ་དང་། མ་འོངས་པ་དང་། 
40-1-84b


ད་ལྟར་བྱུང་བའི་ལས་ཡང་དག་པར་བླང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ལས་ཀྱི་སྐྱེ་བ་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ལས་ཀྱི་རྒྱུ་ལས་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྐྱེན་ལ་རྟོག་པ་གང་ཡིན་
པ་དེ་ནི་བཟོད་པའི་འོ། །ལས་རྣམས་ཀྱི་སྤོང་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤོང་བའི་ཐབས་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སྤོང་བའི་སྐྱེ་བ་མེད་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་
སྟེ། འདི་དག་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་ལས་ཡང་དག་པར་བླང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་རྣམས་
ཀྱི་ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། ཁམས་ཐ་དད་པ་མ་ཡིན་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ཁམས་ལ་སེམས་ཅན་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། ཁམས་
ཀྱི་སྦྱོར་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། ཁམས་རབ་ཏུ་བསྒྲུབ་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། ཁམས་ཀྱི་ངེས་པར་བྱུང་བ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་
དག་ནི་འཇིག་རྟེན་གྱི་ཁམས་སྣ་ཚོགས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དབང་པོ་ཡོངས་སུ་རྫོགས་པ་མཁྱེན་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལུས་རྟོགས་པ་གང་ཡིན་པ་དེ་ནི་སྦྱིན་པའི་འོ། །
མིག་དང་། རྣ་བ་དང་། སྣ་དང་། ལྕེ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་རྟོགས་པ་གང་ཡིན་པ་དེ་ནི་བཟོད་པའི་འོ། །ཕོའི་དབང་པོ་དང་། མོའི་དབང་པོ་དང་། སྲོག་གི་དབང་པོ་དང་། 
བདེ་བའི་དབང་པོ་དང་། སྡུག་བསྔལ་གྱི་དབང་པོ་དང་། ཡིད་བདེ་བའི་དབང་པོ་དང་། ཡིད་མི་བདེ་བའི་དབང་པོ་དང་། བཏང་སྙོམས་ཀྱི་དབང་པོ་སྟེ། དབང་པོ་དྲུག་པོ་འདི་དག་རྟོགས་པ་
40-1-85a


གང་ཡིན་པ་དེ་ནི་བརྩོན་འགྲུས་ཀྱིའོ། །དད་པའི་དབང་པོ་ནས་ཤེས་རབ་ཀྱི་དབང་པོའི་བར་དུ་རྟོགས་པ་གང་ཡིན་པ་དེ་ནི། བསམ་གཏན་གྱིའོ། །ཀུན་ཤེས་པའི་དབང་པོ་དང་། ཀུན་ཤེས་པ་དང་ལྡན་པའི་དབང་
པོ་རྟོགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་དབང་པོ་ཡོངས་སུ་རྫོགས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འཇིག་རྟེན་གྱི་མོས་པ་དུ་མའི་ཕ་རོལ་དུ་ཕྱིན་པ་དྲུག་གང་ཞེ་ན། མོས་པ་ལ་སྦྱོར་
བ་ཡང་དག་པར་གྲུབ་པ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་དེ་ལ་ཐོགས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མོས་པ་ཇི་ལྟ་བ་བཞིན་དུས་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ངེས་པར་
རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་དང་། མི་སྐྱེ་བའི་ཟད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་དེ་ལྟ་བུར་ཉེ་བར་ཞི་བ་དང་། ཐབས་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་
སྟེ། འདི་དག་ནི་མོས་པ་དུ་མའི་ཕ་རོལ་དུ་ཕྱིན་པ་དྲུག་གོ། །དེ་ལ་ཐམས་ཅད་དུ་འགྲོ་བའི་ལམ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། དཀའ་བ་བུལ་བར་རྟོགས་པ་གང་ཡིན་པ་དེ་ནི་སྦྱིན་པའི་འོ། །དཀའ་བ་མྱུར་
བར་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སླ་བ་བུལ་བར་རྟོགས་པ་གང་ཡིན་པ་དེ་ནི་བཟོད་པའི་འོ། །སླ་བ་མྱུར་བར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འགྲོ་བ་དང་འབྲེལ་པར་
རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འགྲོ་བ་དང་འབྲེལ་པ་ཡོད་པ་དང་མེད་པར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཐམས་ཅད་དུ་འགྲོ་བའི་ལམ་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་
དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་
40-1-85b


འདི་རྣམས་ཀྱི་བདེ་བ་འདི་ངེས་པ་གང་ཡིན་པ་དེ་ནི་སྦྱིན་པའི་འོ། །ཅང་ཤེས་པ་མཚུངས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་ལ་ཕན་པར་ཡོངས་སུ་བསྔོས་པའི་ཆོས་རྣམས་གང་ཡིན་པ་དེ་ནི་བཟོད་པའི་འོ། །བདག་ལ་ཕན་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །སྣོད་ཇི་ལྟ་བ་བཞིན་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྒྱུ་འཐུན་པ་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། དེ་དག་ནི་དབང་པོ་དང་། སྟོབས་དང་། བྱང་ཆུབ་
ཀྱི་ཡན་ལག་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྔོན་གྱི་གནས་རྗེས་སུ་དྲན་པའི་ཕ་རོལ་དུ་ཕྱིན་པ་དྲུག་གང་
ཞེ་ན། སྔོན་གྱི་གནས་ལུས་ཀྱིས་རྟོགས་པ་གང་ཡིན་པ་དེ་ནི་སྦྱིན་པའི་འོ། །འགྲོ་བ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཀྱི་མཐའ་རྟོགས་པ་གང་ཡིན་པ་དེ་ནི་བཟོད་པའི་འོ། །ཉོན་
མོངས་པ་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པ་ཐམས་ཅད་པའི་མྱ་ངན་ལས་འདས་པ་ཇི་སྙེད་པ་ཀུན་ཡང་དག་པར་མཐོང་བ་གང་ཡིན་
པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་གྱི་གནས་རྗེས་སུ་དྲན་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷའི་མིག་གི་ཕ་རོལ་དུ་ཕྱིན་པ་དྲུག་གང་ཞེ་ན། ལྷའི་མིག་དང་བ་གང་ཡིན་པ་དེ་ནི་སྦྱིན་པའི་འོ། །
སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཐག་རིང་པོར་མཐོང་བ་གང་ཡིན་པ་དེ་ནི་བཟོད་པའི་འོ། །མ་ལུས་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒུད་པ་དང་། 
དར་བ་དང་། བཀུར་སྟི་མེད་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དེ་དག་གི་ངེས་པར་བྱུང་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་གི་ཕ་རོལ་དུ་ཕྱིན་པ་དྲུག་གོ། །
40-1-86a


དེ་ལ་ཟག་པ་ཟད་པའི་སྟོབས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། ཟག་པའི་སྐྱོན་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་རྣམས་ལ་མངོན་པར་མི་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
ཟག་པ་རྣམས་ལ་མི་བལྟ་ཞིང་སེམས་ཀྱིས་གཏོང་བ་གང་ཡིན་པ་དེ་ནི་བཟོད་པའི་འོ། །ཟག་པ་རྣམས་ལ་མི་རྟོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཟག་པ་རྣམས་ཀྱི་ཡང་དག་པ་ཡོངས་སུ་ཤེས་པའི་
སྤོང་བ་གང་ཡིན་པ་དེ་ནི་བསམ་གཏན་གྱིའོ། །ཟག་པ་རྣམས་ཀྱི་བག་ཆགས་ཀྱི་ཉིང་མཚམས་སྦྱོར་བ་ཡོངས་སུ་གཏོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟག་པ་ཟད་པའི་སྟོབས་ཀྱི་ཕ་རོལ་དུ་ཕྱིན་པ་
དྲུག་གོ། །དེ་ལ་ཡང་དག་པར་རྫོགས་པའི་སངས་རྒྱས་ཀྱིས་ཆོས་འདི་དག་མངོན་པར་རྫོགས་པར་སངས་མ་རྒྱས་པའོ་ཞེས་མི་འཇིགས་པ་དང་པོའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་རིགས་པར་རྟོགས་པ་
གང་ཡིན་པ་དེ་ནི་སྦྱིན་པའི་འོ། །དམ་བཅས་པ་མ་ཞུམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡང་དག་པར་རྟོགས་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་ཐུགས་སུ་ཆུད་པ་གང་ཡིན་པ་དེ་ནི་བརྩོན་འགྲུས་
ཀྱིའོ། །རྣམ་པ་ཐམས་ཅད་མཁྱེན་པ་ཉིད་ཐུགས་སུ་ཆུད་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བརྒྱད་ཀྱི་ནང་ན་བག་ཚ་བ་མི་མངའ་ཞིང་། དམ་བཅས་པ་བརྟན་པོ་གང་ཡིན་པ་དེ་ནི་ཤེས་རབ་ཀྱི་སྟེ། 
འདི་དག་ནི་མི་འཇིགས་པ་དང་པོའི་ཕ་རོལ་དུ་ཕྱིན་པ་དྲུག་གོ། །དེ་ལ་ཡང་དག་པར་ཟག་པ་ཟད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཟག་པ་ཟད་པ་གང་ཡིན་པ་དེ་ནི་སྦྱིན་པའི་འོ། །བག་ཆགས་སེལ་བ་
གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་མེད་པ་གང་ཡིན་པ་དེ་ནི་བཟོད་པའི་འོ། །ཡོངས་སུ་ཤེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་ལ་འཇིག་རྟེན་གྱི་ཆོས་བརྒྱད་ཀྱིས་མི་
40-1-86b


གཡོས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བ་ལ་ཉམས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གཉིས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ངེས་པར་འབྱིན་པའི་ལམ་
གྱི་ཕ་རོལ་དུ་ཕྱིན་པ་དྲུག་གང་ཞེ་ན། ལམ་ཐབས་ལ་རྟོག་པ་གང་ཡིན་པ་དེ་ནི་སྦྱིན་པའིའོ། །འཐོབ་པར་བྱེད་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འགོག་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །
འཇུག་པར་བྱེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རབ་ཏུ་འཇོག་པར་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བར་བྱེད་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་
དག་ནི་མི་འཇིགས་པ་གསུམ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། བར་དུ་གཅོད་པ་རྣམས་ལ་སྐྱེ་བ་མེད་པར་རྟོག་པ་གང་ཡིན་པ་དེ་ནི་སྦྱིན་པའི་འོ། །
མ་སྐྱེས་པར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆགས་པ་མེད་པར་རྟོག་པ་གང་ཡིན་པ་དེ་ནི་བཟོད་པའི་འོ། །བར་དུ་གཅོད་པ་རྣམས་ཀྱི་ཁ་ན་མ་ཐོ་བ་མེད་པ་ལ་རྟོག་པ་གང་ཡིན་པ་དེ་ནི་བརྩོན་
འགྲུས་ཀྱིའོ། །བར་དུ་གཅོད་པ་རྣམས་ལ་ཐེ་ཙོམ་མེད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །བར་དུ་གཅོད་པ་རྣམས་ལ་ཆུང་ངུ་དང་། འབྲིང་དང་། ཆེན་པོས་ངེས་པ་དང་། མ་ངེས་པར་རྟོག་པ་གང་
ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་དུ་ཕྱིན་པ་དྲུག་གོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བརྒྱད་པ། 
དེ་ལ་སྙིང་རྗེ་ཆེན་པོའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཅན་ལ་ཕན་པ་དང་ལྡན་པའི་སྙིང་རྗེ་ཆེན་པོ་གང་ཡིན་པ་དེ་ནི་སྦྱིན་པའིའོ། །སེམས་མཉམ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་
40-1-87a


རྣམས་ལ་གནོད་པ་དང་དུ་ལེན་པ་གང་ཡིན་པ་དེ་ནི་བཟོད་པའིའོ། །སེམས་ཅན་ཉེ་བར་འོང་བ་རྣམས་ཐར་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པ་ཇི་ལྟ་བ་བཞིན་ཡོན་ཏན་ལ་འཇོག་པ་གང་ཡིན་པ་དེ་ནི་བསམ་
གཏན་གྱིའོ། །འཁོར་བ་ལས་གྲོལ་བར་བྱེད་པ་གང་ཡིན་པ་དེ་ནི་ཤེས་རབ་སྟེ། འདི་དག་ནི་སྙིང་རྗེ་ཆེན་པོའི་ཕ་རོལ་དུ་ཕྱིན་པ་དྲུག་གོ། །དེ་ལ་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སའི་ཁམས་
དང་། ཆུའི་ཁམས་གཉིས་དང་བ་གང་ཡིན་པ་དེ་ནི་སྦྱིན་པའི་འོ། །མེའི་ཁམས་དང་། རླུང་གི་ཁམས་གཉིས་ཀྱིས་བརྟན་ནས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རླུང་དང་། མཁྲིས་པ་དང་། 
བད་ཀན་རྣམས་འདྲེས་པའི་སྐྱོན་གྱིས་མ་འཁྲུགས་པ་གང་ཡིན་པ་དེ་ནི་བཟོད་པའི་འོ། །སྤྱན་ལྟ་ན་སྡུག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་པར་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །མ་ལུས་
པར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལྷའི་སྤྱན་གྱིས་
གཟུགས་ཀྱི་ལུས་གཟིགས་པ་གང་ཡིན་པ་དེ་ནི་སྦྱིན་པའིའོ། །ནམ་མཁའི་ལུས་གཟིགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒུད་པ་གཟིགས་པ་གང་ཡིན་པ་དེ་ནི་བཟོད་པའི་འོ། །དར་བ་གཟིགས་པ་གང་ཡིན་པ་དེ་ནི་
བརྩོན་འགྲུས་ཀྱིའོ། །རྒྱུ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །སོ་སོར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་
ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསྒོམས་པས་འགྲུབ་པའི་ཤེས་རབ་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་ཐར་པ་ཐོབ་པ་གང་
40-1-87b


ཡིན་པ་དེ་ནི་ཚུལ་ཁྲིམས་ཀྱིའོ། །མངོན་པར་བརྗོད་པ་ལ་གནས་པ་གང་ཡིན་པ་དེ་ནི་བཟོད་པའིའོ། །གཟིགས་པ་ལ་རབ་ཏུ་གནས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བལྟ་བར་བྱ་བ་ལ་ཡང་དག་པ་ཇི་ལྟ་བ་བཞིན་གཟིགས་པ་
གང་ཡིན་པ་དེ་ནི་བསམ་གཏན་གྱིའོ། །འཇུག་པ་བྱང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་
དུ་ཕྱིན་པ་དྲུག་གང་ཞེ་ན། ཆོས་མ་འདྲེས་པ་བཅྭ་བརྒྱད་ཐོབ་པའི་རྒྱུ་གང་ཡིན་པ་དེ་ནི་སྦྱིན་པའིའོ། །དེ་དག་འཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའིའོ། །ངོ་བོ་ཉིད་གཟིགས་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །ཆུད་མི་ཟ་བར་གཟིགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་
དྲུག་གོ། །དེ་ལ་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། སངས་རྒྱས་ཀྱི་སྤྱན་སྒྲིབ་པ་མེད་པས་གཟིགས་པ་གང་ཡིན་པ་དེ་ནི་སྦྱིན་པའིའོ། །ཕན་པར་གཟིགས་པ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །རྣམ་པར་གཟིགས་པ་གང་ཡིན་པ་དེ་ནི་བཟོད་པའིའོ། །ངོ་བོ་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྱོར་བ་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་དབེན་པ་གཟིགས་
པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སངས་རྒྱས་ཀྱི་སྤྱན་ཡོངས་སུ་སྦྱོང་བར་བྱེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རང་བྱུང་གི་ཕ་རོལ་དུ་ཕྱིན་པ་དྲུག་གང་ཞེ་ན། རང་བྱུང་ལྷུན་གྱིས་གྲུབ་པར་གནས་པ་གང་
ཡིན་པ་དེ་ནི་སྦྱིན་པའིའོ། །བསམ་པ་ཇི་ལྟ་བ་བཞིན་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རང་གི་སྤོང་བའི་རྒྱུ་རབ་ཏུ་ཐོབ་པ་གང་ཡིན་པ་དེ་ནི་བཟོད་པའོ། །རབ་ཏུ་དབྱེ་བ་ཤེས་པ་ཐོབ་པ་གང་ཡིན་པ་དེ་ནི་བརྩོན་
40-1-88a


འགྲུས་ཀྱིའོ། །རྣམ་པ་ཐམས་ཅད་ལ་ཉེ་བར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །ཇི་ལྟ་བ་བཞིན་ཐམས་ཅད་ཤེས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་བྱུང་གི་ཕ་རོལ་དུ་ཕྱིན་པ་དྲུག་གོ། །
དེ་ལ་རྣམ་པར་རོལ་པའི་ཕ་རོལ་དུ་ཕྱིན་པ་དྲུག་གང་ཞེ་ན། སྦྱིན་པའི་རྣམ་པར་སྨིན་པས་རྣམ་པར་འཕྲུལ་པ་ནི་དཔེར་ན་ཆུ་བོ་གང་བར་གདུགས་ལྔ་བརྒྱ་ལྟ་བུ་གང་ཡིན་པ་དེ་ནི་སྦྱིན་པའིའོ། །གྲོང་ཁྱེར་དུ་གཤེགས་པ་ན་སེམས་ཅན་
རྣམས་བདེ་བར་གྱུར་པ་དང་། སིལ་སྙན་རྣམས་མ་དཀྲོལ་བར་སྒྲ་འབྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དབང་པོ་མ་ཚང་བ་ཚང་བ་དང་འོད་གསལ་བ་རབ་ཏུ་འཐོབ་པ་གང་ཡིན་པ་དེ་ནི་བཟོད་པའིའོ། །འོད་ཟེར་མཐའ་
ཡས་པ་འགྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡུལ་ཡངས་པ་ཅན་གྱི་ཕྱི་དང་ནང་ལོགས་སུ་སངས་རྒྱས་བརྒྱད་ཁྲི་བཞི་སྟོང་སྤྲུལ་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བརྒྱད་པོ་རྣམས་ལ་དུས་སུ་ཆོས་
སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་རོལ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་གཏིང་དཔག་དཀའ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྤྱོད་པ་ལ་ཚད་གཟུང་བར་མི་ནུས་པ་གང་ཡིན་པ་དེ་ནི་སྦྱིན་
པའིའོ། །སངས་རྒྱས་བཅོམ་ལྡན་འདས་ལ་བསྙེན་པར་དཀའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བསམ་པ་ཆུད་མི་ཟ་ཞིང་འཛིན་པ་ལ་ཕ་རོལ་གནོན་པ་ནི་དཔེར་ན་གནོད་སྦྱིན་འདུལ་ཞིང་གླང་པོ་ཆེ་ནོར་སྐྱོང་དང་། 
སྦྲུལ་གདུག་པ་བཏུལ་ནས་འདི་ལྟར་མི་འཇིགས་པ་སྦྱིན་ནོ། །ཞེས་ཚིག་གིས་སྨྲས་པ་ལྟ་བུ་གང་ཡིན་པ་དེ་ནི་བཟོད་པའིའོ། །འོད་ཟེར་ཅན་དུ་མཽད་གལ་གྱི་བུ་ཆེན་པོའི་མ་བཏུལ་བ་དང་། ཚུར་གཤེགས་པ་ན་རྒྱལ་བུ་
རྒྱལ་བྱེད་ཀྱི་ཚལ་གྱི་ནང་དུ་ལྷུང་བཟེད་ཀྱི་ཆུ་ཕོ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཤཱ་རིའི་བུས་སྨྲས་པ། སེམས་བཞི་སྐྱེས་ནས་ཞིག་གོ། །སྨྲས་པ། ཚད་མེད་པ་དེ་ནི་བསམ་གཏན་གྱིའོ། །འདི་ལྟ་སྟེ། 
40-1-88b


དེ་བཞིན་གཤེགས་པས་ནམ་ཕྱེད་ན་ཕྲིན་ལས་མཛད་པར་གྱུར་པ་ནི་གནམ་ལྕགས་ཕབ་ཀྱང་གྲོང་ཁྱེར་གྱི་མ་དད་པ་རྣམས་བཏུལ་ནས། སང་ནི་ངས་མངོན་པར་ཤེས་པ་དྲུག་གི་ཆོས་བཤད་པར་བྱའོ། །ཞེས་པ་དེ་ནི་ཤེས་རབ་ཀྱི་སྟེ། 
འདི་དག་ནི་གཏིང་དཔག་དཀའ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་ཀྱི་དྲུག་ཚན་བཅྭ་བརྒྱད་གང་ཞེ་ན། དེ་ལ་ཅ་ཅོ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། འདི་ལྟར་རྒྱ་ཆེར་སྟོན་པ་
དེ་ནི་སྦྱིན་པའིའོ། །འོད་མངོན་པར་འདུ་བྱེད་པ་རྣམ་པ་གསུམ་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཞན་གྱི་རྒྱུད་དག་ལ་གནོད་སེམས་མེད་པ་གང་ཡིན་པ་དེ་ནི་བཟོད་པའོ། །བསམ་པ་ཇི་ལྟ་བ་བཞིན་
ཚིམ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྦྲང་མའི་སྦྲང་རྩི་མྱོང་བར་བྱེད་པ་གང་ཡིན་པ་དེ་ནི་བསམ་གཏན་གྱིའོ། །རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བར་སྟོན་པ་གང་ཡིན་པ་དེ་ནི་
ཤེས་རབ་ཀྱི་སྟེ། འདི་དག་ནི་ཅ་ཅོ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་བསྙེལ་བ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། དྲན་པ་རྒྱུན་མི་འཆད་པ་གང་ཡིན་པ་དེ་ནི་སྦྱིན་པའིའོ། །ཇི་ལྟ་བ་བཞིན་ཡོངས་སུ་བསྔོ་བའི་
དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ཁ་ན་མ་ཐོ་བ་མེད་པ་གང་ཡིན་པ་དེ་ནི་བཟོད་པའིའོ། །ཆོས་ཐམས་ཅད་མངོན་པར་གོ་བར་མཛད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་གསུམ་དུ་མ་བསྙེལ་བ་གང་
ཡིན་པ་དེ་ནི་བསམ་གཏན་གྱིའོ། །གསུང་རབ་མ་བསྙེལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསྙེལ་བ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སེམས་མཉམ་པར་བཞག་པའི་ཕ་རོལ་དུ་ཕྱིན་པ་དྲུག་གང་ཞེ་ན། 
སེམས་ལ་སྐྱེ་བ་མེད་པར་མཚུངས་པ་གང་ཡིན་པ་དེ་ནི་སྦྱིན་པའིའོ། །ཞེན་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཕྲད་པས་ཆོག་ཤེས་པ་གང་ཡིན་པ་དེ་ནི་བཟོད་པའིའོ། །གཞན་ལ་ཕན་པ་རྣམ་པར་དཔྱོད་པ་གང་ཡིན་པ་དེ་ནི་
40-1-89a


བརྩོན་འགྲུས་ཀྱིའོ། །སེམས་ཚར་བཅད་ཅིང་ཀུན་དུ་འཛིན་པ་ཉེ་བར་སྒྲུབ་པ་གང་ཡིན་པ་དེ་ནི་བསམ་གཏན་གྱིའོ། །དུས་ཐམས་ཅད་དུ་བསམ་པ་ཇི་ལྟ་བ་བཞིན་ལྷུན་གྱིས་གྲུབ་པར་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། 
འདི་དག་ནི་སེམས་མཉམ་པར་བཞག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་པ་གྲུབ་པ་བཏང་སྙོམས་པ་གང་ཡིན་པ་དེ་ནི་སྦྱིན་པའི་འོ། །ཕ་རོལ་པོ་
གཞན་ལ་རག་ལས་པ་ལ་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྙིང་རྗེའི་ཡོ་བྱད་བཏང་སྙོམས་པ་ནི་དཔེར་ན་བྱང་ཆུབ་ཀྱི་སྙིང་པོ་ལྟ་བུ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་བཏང་སྙོམས་མ་གཏུགས་པ་
གང་ཡིན་པ་དེ་ནི་བརྩོན་འགྲུས་ཀྱིའོ། །ཆོས་སྟོན་པ་ན་བཏང་སྙོམས་པ་གང་ཡིན་པ་དེ་ནི་བསམ་གཏན་གྱིའོ། །ཆོས་བཤད་པ་བྱས་ནས་ལུས་ཀྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པ་སྟེ། འདི་དག་ནི་
སོ་སོར་མ་བརྟགས་པའི་བཏང་སྙོམས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཐ་དད་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཐ་དད་པའི་འདུ་ཤེས་ཀྱིས་མི་སྐྱེ་བ་གང་ཡིན་པ་དེ་ནི་སྦྱིན་པའིའོ། །དེ་བཞིན་ཉིད་དུ་འདུ་ཤེས་པས་
ཕྱིན་ཅི་མ་ལོག་པར་སྐྱེ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོད་པ་མ་ཡིན་པའི་འདུ་ཤེས་གང་ཡིན་པ་དེ་ནི་བཟོད་པའིའོ། །བདག་གི་ལུས་དང་གཞན་གྱི་ལུས་ལ་འཁྲུལ་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འདུ་
ཤེས་པ་དང་ལྡན་པ་གང་ཡིན་པ་དེ་ནི་བསམ་གཏན་གྱིའོ། །ཐམས་ཅད་དེའི་ངོ་བོ་མ་ཡིན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཐ་དད་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འདུན་པ་ཡོངས་སུ་ཉམས་པ་མེད་པའི་
ཕ་རོལ་དུ་ཕྱིན་པ་དྲུག་གང་ཞེ་ན། ཕ་རོལ་ལ་ཕན་པར་འདུན་པ་གང་ཡིན་པ་དེ་ནི་སྦྱིན་པའིའོ། །བདག་ལ་ཕན་པར་འདུན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཀྱི་གཞི་ལ་འདུན་པ་གང་ཡིན་པ་དེ་ནི་བཟོད་པའི་འོ། །དུས་ཐམས་ཅད་དུ་
40-1-89b


འདུན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྲེད་པ་སྤོང་བ་ལ་འདུན་པ་གང་ཡིན་པ་དེ་ནི་བསམ་གཏན་གྱིའོ། །མ་རིག་པ་སྤོང་བ་ལ་འདུན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདུན་པ་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་
པ་དྲུག་གོ། །དེ་ལ་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཐམས་ཅད་དུ་སོང་བའི་བརྩོན་འགྲུས་གང་ཡིན་པ་དེ་ནི་སྦྱིན་པའི་འོ། །གཞན་དད་པར་འགྱུར་བའི་བརྩོན་འགྲུས་གང་ཡིན་པ་དེ་ནི་
ཚུལ་ཁྲིམས་ཀྱིའོ། །གདུལ་བའི་དུས་ལ་སྡོད་པ་གང་ཡིན་པ་དེ་ནི་བཟོད་པའི་འོ། །ཆོས་ལྟ་བ་མི་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིག་འབྲུ་སྟོན་པ་ཟད་མི་ཤེས་པ་གང་ཡིན་པ་དེ་ནི་བསམ་གཏན་གྱིའོ། །དོན་མ་
གཏུགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་དྲན་པ་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། དྲན་པ་ལ་
རྙོག་པ་མེད་པའི་དྲན་པ་གང་ཡིན་པ་དེ་ནི་སྦྱིན་པའི་འོ། །ཐག་རིང་པོ་དྲན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིགས་པ་ཇི་ལྟ་བ་བཞིན་དྲན་པ་གང་ཡིན་པ་དེ་ནི་བཟོད་པའི་འོ། །མོས་པ་ཇི་ལྟ་བ་བཞིན་དྲན་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །འཇུག་པར་བྱེད་པའི་དྲན་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་གཅོད་པའི་དྲན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པ་ཡོངས་སུ་ཉམས་པ་མེད་པའི་ཕ་རོལ་དུ་
ཕྱིན་པ་དྲུག་གོ། །དེ་ལ་ཏིང་ངེ་འཛིན་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཚད་མེད་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་སྦྱིན་པའི་འོ། །ཡང་དག་པའི་སྤོང་བ་ཡོངས་སུ་
འཛིན་པའི་ཏིང་ངེ་འཛིན་གང་ཡིན་པ་དེ་ནི་ཚུལ་ཁྲིམས་ཀྱིའོ། །དྲན་པ་ཉེ་བར་གཞག་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བཟོད་པའི་འོ། །རྫུ་འཕྲུལ་གྱི་རྐང་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་
40-1-90a


དེ་ནི་བརྩོན་འགྲུས་ཀྱིའོ། །བསམ་གཏན་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་བསམ་གཏན་གྱིའོ། །བདེན་པ་ཡོངས་སུ་འཛིན་པའི་ཏིང་ངེ་འཛིན་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་
འཛིན་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཤེས་རབ་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། དབང་པོ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་སྦྱིན་པའི་འོ། །སྟོབས་ཡོངས་
སུ་འཛིན་པའི་ཤེས་རབ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱང་ཆུབ་ཀྱི་ཡན་ལག་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བཟོད་པའི་འོ། །ལམ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བརྩོན་འགྲུས་ཀྱིའོ། །
རྟེན་ཅིང་འབྲེལ་པར་འབྱུང་བ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་བསམ་གཏན་གྱིའོ། །སྟོབས་བཅུ་ཡོངས་སུ་འཛིན་པའི་ཤེས་རབ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤེས་རབ་ཡོངས་སུ་ཉམས་པ་མེད་
པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་གྲོལ་བ་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལུས་ཉམ་ཆུང་བ་ཡོངས་སུ་ཉམས་པ་མེད་པ་གང་ཡིན་པ་དེ་ནི་སྦྱིན་པའི་འོ། །ཚོགས་ཀྱི་ནང་ན་གནས་
པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མ་འདྲེས་པར་གནས་པས་ཡོངས་སུ་ཉམས་པ་མེད་པ་གང་ཡིན་པ་དེ་ནི་བཟོད་པའི་འོ། །གཞན་གྱི་གནས་ཐོབ་པར་བྱེད་པ་གང་ཡིན་པ་དེ་ནི་བརྩོན་
འགྲུས་ཀྱིའོ། །ཟད་པ་ཤེས་པས་ལེགས་པར་བྱས་པ་གང་ཡིན་པ་དེ་ནི་བསམ་གཏན་གྱིའོ། །མི་སྐྱེ་བ་ཤེས་པས་བག་ཆགས་དང་བྲལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྣམ་པར་གྲོལ་བ་ཡོངས་སུ་
ཉམས་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། བསམ་པ་ཇི་ལྟ་བ་བཞིན་རྣམ་པར་གྲོལ་བ་ཡེ་ཤེས་མཐོང་བ་གང་ཡིན་པ་དེ་ནི་སྦྱིན་པའི་འོ། །
40-1-90b


སྡོམ་པ་མེད་པར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་པར་འགྱུར་བ་མཐོང་བ་གང་ཡིན་པ་དེ་ནི་བཟོད་པའི་འོ། །ས་དང་ས་མ་ཡིན་པའི་འབྲས་བུ་རྣམ་པར་གཞག་པ་གང་ཡིན་པ་དེ་ནི་བརྩོན་
འགྲུས་ཀྱིའོ། །སྐྱེ་བ་རྣམ་པར་གཞག་པ་ལ་མི་སློབ་པ་གང་ཡིན་པ་དེ་ནི་བསམ་གཏན་གྱིའོ། །ཆོས་གོས་ཀྱི་ཐ་མས་ཁྱེར་བ་ན་ཡོངས་སུ་ཉམས་པ་མེད་པའི་ཤེས་རབ་རྣམ་པར་གྲོལ་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་
རྣམ་པར་གྲོལ་བ་ཡེ་ཤེས་མཐོང་བ་ཡོངས་སུ་ཉམས་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལུས་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལུས་ཀྱི་ལས་མ་འཁྲུལ་བ་གང་ཡིན་པ་དེ་ནི་སྦྱིན་པའི་འོ། །
ལུས་ཀྱི་ལས་ངེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བག་ཆགས་ཀྱིས་འགྱུར་བ་མེད་པ་གང་ཡིན་པ་དེ་ནི་བཟོད་པའི་འོ། །གཅིག་ཏུ་དགེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བོ་མང་པོ་ལ་རྣམ་པར་སྨིན་པ་གང་ཡིན་པ་
དེ་ནི་བསམ་གཏན་གྱིའོ། །ལུས་ཀྱི་རྫུ་འཕྲུལ་གྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལུས་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ངག་གི་ལས་ཡེ་ཤེས་ཀྱི་རྗེས་སུ་
འཇུག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ངག་འཁྲུལ་པ་མེད་པར་འབྱུང་བ་གང་ཡིན་པ་དེ་ནི་སྦྱིན་པའི་འོ། །ཐམས་ཅད་དུ་སོང་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་དགའ་བར་འགྱུར་བ་གང་ཡིན་པ་དེ་ནི་བཟོད་པའིའོ། །
ཀུན་དུ་སྒྲོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པར་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །རེ་བ་ལ་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་དུ་ཕྱིན་པ་དྲུག་གོ། །
དེ་ལ་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཡིད་ཀྱི་ལས་རང་བཞིན་གྱིས་རྒྱུན་མི་འཆད་པ་གང་ཡིན་པ་དེ་ནི་སྦྱིན་པའིའོ། །རྗེས་སུ་ཆགས་པ་དང་ཁོང་ཁྲོ་བ་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
40-1-91a


སོ་སོར་རྟགས་པ་སྒྲུབ་པ་གང་ཡིན་པ་དེ་ནི་བཟོད་པའིའོ། །ངའོ་སྙམ་པའི་ང་རྒྱལ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །གཏི་མུག་དང་བྲལ་བ་གང་ཡིན་པ་དེ་ནི་བསམ་གཏན་གྱིའོ། །ཚད་མེད་པས་གནས་པ་གང་ཡིན་པ་
དེ་ནི་ཤེས་རབ་ཀྱི་སྟེ། འདི་དག་ནི་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་དུ་ཕྱིན་པ་དྲུག་གོ། །དེ་ལ་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ཁམས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །
ཕུང་པོ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་མཆེད་ལ་རྟོག་པ་གང་ཡིན་པ་དེ་ནི་བཟོད་པའི་འོ། །ལས་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉོན་མོངས་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ལ་རྟོག་
པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མ་འོངས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། འགྲོ་བ་ཐ་དད་པར་རྟོག་
པ་གང་ཡིན་པ་དེ་ནི་སྦྱིན་པའི་འོ། །ལྟ་བ་ཐ་དད་པར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གང་ཟག་ཐ་དད་པར་རྟོག་པ་གང་ཡིན་པ་དེ་ནི་བཟོད་པའི་འོ། །སྦྱོར་བ་ཐ་དད་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་ཐ་དད་པར་
རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་ཐ་དད་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མ་འོངས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་ད་ལྟར་བྱུང་བའི་
དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། ད་ལྟར་བྱུང་བའི་དུས་ཀྱི་བྱ་བ་ཤེས་པ་གང་ཡིན་པ་དེ་ནི་སྦྱིན་པའི་འོ། །མྱ་ངན་ལས་འདས་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདོད་ཆགས་དང་བྲལ་
བར་མཐོང་བ་གང་ཡིན་པ་དེ་ནི་བཟོད་པའི་འོ། །འགོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་སུམ་དུ་བྱ་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །འདུས་བྱས་དང་འདུས་མ་བྱས་ལ་ཆུད་ཟ་བ་མེད་པར་མཐོང་བ་གང་ཡིན་པ་དེ་ནི་
40-1-91b


ཤེས་རབ་ཀྱི་སྟེ། འདི་དག་ནི་ད་ལྟར་བྱུང་བའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མཁས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཐབས་མཁས་པས་དཔྱོད་པ་གང་ཡིན་པ་དེ་ནི་སྦྱིན་པའི་འོ། །སྐྱོན་དང་
བྲལ་བར་སྦྱོར་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཡོངས་སུ་བསྔོ་བ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་རྣམས་ཀྱི་མོས་པ་འཛིན་པ་གང་ཡིན་པ་དེ་ནི་བསམ་
གཏན་གྱིའོ། །བདེ་བ་ཚད་མེད་པ་ལ་འཇུག་པ་ཐོབ་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་མཁས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཇི་ལྟ་བ་བཞིན་གྱི་ཕ་རོལ་དུ་ཕྱིན་པ་དྲུག་གང་ཞེ་ན། ཆོས་ཐམས་
ཅད་མཉམ་པ་ཉིད་དུ་སྦྱོར་བ་ལ་ཐོགས་པ་མེད་པའི་ཡེ་ཤེས་གང་ཡིན་པ་དེ་ནི་སྦྱིན་པའི་འོ། །དངོས་པོ་བརྒྱད་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྟ་བ་གསལ་བར་མཐོང་བ་གང་ཡིན་པ་དེ་ནི་བཟོད་པའི་འོ། །གདུལ་བར་མཐོང་བ་གང་
ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་སྒྲུབ་པ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །བརྡ་ལ་ངེས་པའི་ཚིག་འཇུག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཇི་ལྟ་བ་བཞིན་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་རང་བཞིན་
མཐོང་བའི་ཕ་རོལ་དུ་ཕྱིན་པ་དྲུག་གང་ཞེ་ན། མི་དམིགས་པས་ཡོངས་སུ་བསྔོས་པའི་སྦྱིན་པ་ནི་དཔེར་ན་མར་མེ་མཛད་ལྟ་བུའི་གང་ཡིན་པ་དེ་ནི་སྦྱིན་པའི་འོ། །ལུས་ལ་མི་ལྟ་བ་ནི་དཔེར་ན་ཟླ་འོད་ཀྱིས་བདེན་པ་གང་གིས་ངའི་
མིག་ཅེས་སྨྲས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཐམས་ཅད་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བཟོད་པའི་འོ། །ལྗོངས་ཀྱི་ངེས་པའི་ཚིག་མཐོང་བར་ཁོང་དུ་ཆུད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྙིང་བརྩེ་
བ་མི་གཏོང་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །གཉིས་སུ་མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་རང་བཞིན་མཐོང་བའི་ཕ་རོལ་དུ་ཕྱིན་པ་དྲུག་གོ། །དེ་ལ་འདོད་པ་ན་སྤྱོད་པའི་ལས་
40-1-92a


ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་ལས་དམན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆེན་པོ་མཐོང་བ་གང་ཡིན་པ་དེ་ནི་བཟོད་པའི་འོ། །
ལས་ཟད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལས་ཟད་པར་སྦྱོར་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལས་ཟད་པར་སྦྱོར་བའི་མི་སྐྱེ་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་
དག་ནི་འདོད་པ་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་གཟུགས་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། གཟུགས་ཀྱི་རྣམ་པར་སྨིན་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཀྱི་རྒྱུ་མཐོང་བ་གང་ཡིན་པ་
དེ་ནི་ཚུལ་ཁྲིམས་ཀྱིའོ། །སྐྱེ་བའི་ལས་མཐོང་བ་གང་ཡིན་པ་དེ་ནི་བཟོད་པའི་འོ། །སྐྱེ་བའི་ལས་ཀྱི་རྣམ་པར་རྟོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་སྨིན་པ་གསལ་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དམན་
པ་དང་དམན་པ་མ་ཡིན་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་གཟུགས་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། 
གཟུགས་མེད་པའི་སྙོམས་པར་འཇུག་པའི་ས་ཡོངས་སུ་དག་པ་གང་ཡིན་པ་དེ་ནི་སྦྱིན་པའི་འོ། །རྣམ་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དམིགས་པ་ལ་མཉམ་པ་ཉིད་
གང་ཡིན་པ་དེ་ནི་བརྩོན་འགྲུས་ཀྱིའོ། །དམིགས་པ་ཤིན་དུ་སྦྱངས་པ་གང་ཡིན་པ་དེ་ནི་བསམ་གཏན་གྱིའོ། །ཐ་དད་པ་མེད་པར་སྟོན་པར་མཐོང་བ་ནས་ངེས་པར་འབྱུང་བ་མཐོང་བའི་བར་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཟུགས་
མེད་པ་ན་སྤྱོད་པའི་ལས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དཀར་པོ་རྣམ་པར་མཐོང་བའི་སའི་ཕ་རོལ་དུ་ཕྱིན་པ་དྲུག་གང་ཞེ་ན། དཀར་པོ་རྣམ་པར་མཐོང་བའི་ས་ལ་རེ་བ་མེད་པ་གང་ཡིན་པ་དེ་ནི་སྦྱིན་པའི་འོ། །མཚན་མ་མེད་པ་རབ་ཏུ་ཐོབ་
40-1-92b


པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བཟོད་པའི་འོ། །རྣམ་པར་ལྟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་དུ་འཕེལ་བ་གང་ཡིན་པ་དེ་ནི་བསམ་གཏན་གྱིའོ། །དཀར་པོ་རྣམ་པར་མཐོང་བའི་ས་ལ་
ཆོས་སུ་འདུ་ཤེས་ཤིང་སེམས་ཅན་གྱི་འདུ་ཤེས་མེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་དཀར་པོ་རྣམ་པར་མཐོང་བའི་སའི་ཕ་རོལ་དུ་ཕྱིན་པ་དྲུག་གོ། །དེ་ལ་རིགས་ཀྱི་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རིགས་
ཀྱི་ཆོས་མཐོང་བ་གང་ཡིན་པ་དེ་ནི་སྦྱིན་པའི་འོ། །འབྲིང་པོ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲེད་པར་མཐོང་བ་གང་ཡིན་པ་དེ་ནི་བཟོད་པའི་འོ། །རིགས་ལས་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་ཡོངས་སུ་
རྫོགས་པ་གང་ཡིན་པ་དེ་ནི་བསམ་གཏན་གྱིའོ། །བརྒྱད་པའི་ཆོས་རབ་ཏུ་འཐོབ་པའི་སེམས་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་རིགས་ཀྱི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་བརྒྱད་པའི་ཆོས་ཀྱི་ཕ་རོལ་
དུ་ཕྱིན་པ་དྲུག་གང་ཞེ་ན། བརྒྱད་པ་དད་པའི་རྗེས་སུ་འབྲང་བ་གང་ཡིན་པ་དེ་ནི་སྦྱིན་པའི་འོ། །བརྒྱད་པ་ཆོས་ཀྱི་རྗེས་སུ་འབྲང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྒྱད་པ་སྐྱེ་བ་གང་ཡིན་པ་དེ་ནི་བཟོད་པའི་འོ། །བརྒྱད་པ་དགྲ་བཅོམ་
པ་སྟན་གཅིག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྒྱད་པ་རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་ཕྱིར་མི་འོང་བའི་འབྲས་བུ་ལ་རབ་ཏུ་གནས་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་
གྲོལ་བ་གང་གིས་སོ་སོ་ཡང་དག་པར་རིག་པ་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་བརྒྱད་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྒྱུན་དུ་ཞུགས་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རྒྱུན་དུ་ཞུགས་
པའི་ཆོས་ཀྱི་ལམ་ལ་རྟོག་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་འོ། །རྣོ་བར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རེ་ལྟར་ཐོགས་ན་ལན་བདུན་པ་གང་ཡིན་པ་དེ་ནི་བཟོད་པའི་འོ། །རིགས་ནས་རིགས་སུ་སྐྱེ་བ་གང་ཡིན་པ་དེ་ནི་
40-1-93a


བརྩོན་འགྲུས་ཀྱིའོ། །བར་ཆད་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཞུགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་རྒྱུན་དུ་ཞུགས་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་ལན་ཅིག་
ཕྱིར་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། ལན་ཅིག་ཕྱིར་འོང་བ་ལ་ཉོན་མོངས་པ་ཆུང་བར་མཐོང་བ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་འོ། །ཉོན་མོངས་པ་རྣོ་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལས་ཆུང་
བར་མཐོང་བ་གང་ཡིན་པ་དེ་ནི་བཟོད་པའི་འོ། །ལས་ལ་སྲེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བུལ་བ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལྷག་པར་སྲེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་
དུ་ཕྱིན་པའི་སྟེ། འདི་དག་ནི་ལན་ཅིག་ཕྱིར་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཕྱིར་མི་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་འདོད་ཆགས་སྤོང་བ་གང་ཡིན་པ་དེ་ནི་སྦྱིན་པའི་འོ། །མི་ལྟ་བའི་སེམས་
དང་དེའི་ངོ་བོ་མ་ཡིན་པ་དང་ཕྱིར་མི་འོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲིད་པ་བཟང་པོར་སྐྱེ་བ་གང་ཡིན་པ་དེ་ནི་བཟོད་པའི་འོ། །ཤིན་དུ་མཐོང་བར་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འོག་མིན་དུ་སྐྱེ་བ་གང་ཡིན་པ་དེ་ནི་བསམ་གཏན་གྱིའོ། །
སྐྱེས་བུ་དམ་པའི་འགྲོ་བ་དྲུག་གི་ཤེས་པ་ཐག་རིང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་ཕྱིར་མི་འོང་བའི་ཆོས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་དགྲ་བཅོམ་པའི་ཆོས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། དགྲ་བཅོམ་
པ་ཡོངས་སུ་ཉམས་པའི་ཆོས་ལ་རྟོག་པ་གང་ཡིན་པ་དེ་ནི་སྦྱིན་པའི་འོ། །ཡོངས་སུ་ཉམས་པ་མེད་པའི་ཆོས་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །དད་པས་མོས་པ་གང་ཡིན་པ་དེ་ནི་བཟོད་པའི་འོ། །ཤེས་རབ་ཀྱིས་རྣམ་པར་གྲོལ་བ་ལ་རྟོག་
པ་གང་ཡིན་པ་དེ་ནི་བརྩོན་འགྲུས་ཀྱིའོ། །ལུས་ཀྱིས་མངོན་དུ་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་དགྲ་བཅོམ་པའི་ཆོས་ཀྱི་ཕ་རོལ་དུ་ཕྱིན་པ་
40-1-93b


དྲུག་གོ། །དེ་ལ་རང་སངས་རྒྱས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། རང་སངས་རྒྱས་ལ་ཡིད་བྱུང་བ་ཆུང་བར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཡིད་བྱུང་ནས་འབྱོལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གཅིག་པུ་ལ་དགའ་བ་གང་ཡིན་པ་དེ་ནི་བཟོད་པའི་འོ། །
ཐར་པ་ལ་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཞི་གནས་ལ་གནས་པ་གང་ཡིན་པ་དེ་ནི་བསམ་གཏན་གྱིའོ། །གཅིག་པུ་སྤོབས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རང་སངས་རྒྱས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་བྱང་ཆུབ་སེམས་
དཔའི་ཕ་རོལ་དུ་ཕྱིན་པ་དྲུག་གང་ཞེ་ན། གཡོ་བ་མེད་པར་སྦྱིན་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་འོ། །ལྷག་པའི་བསམ་པས་ཞུགས་པའི་སྦྱོར་བ་ནི་དཔེར་ན་ངང་པའི་སྐྱེས་པའི་རབས་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་
ཐམས་ཅད་ལ་སེམས་མཉམ་པ་ཉིད་གང་ཡིན་པ་དེ་ནི་བཟོད་པའི་འོ། །ཤེས་པ་ཐམས་ཅད་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གཞན་གྱིས་བསྒྲགས་པ་ལས་བརྟེན་ནས་སྙོམས་པར་འཇུག་པ་རྟོགས་པ་གང་ཡིན་པ་དེ་ནི་བསམ་གཏན་
གྱིའོ། །འཁོར་བ་ན་ཡོངས་སུ་སྐྱོ་བ་མེད་པའི་ཤེས་པ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བྱང་ཆུབ་སེམས་དཔའི་ཕ་རོལ་དུ་ཕྱིན་པ་དྲུག་གོ། །དེ་ལ་ཟད་པ་ཤེས་པས་རབ་དུ་ཕྱེ་བའི་ཕ་རོལ་དུ་
ཕྱིན་པ་དྲུག་གང་ཞེ་ན། ཟད་པ་ཤེས་པ་ལ་ཐོགས་པ་མེད་པར་སྦྱོར་བ་གང་ཡིན་པ་དེ་ནི་སྦྱིན་པའི་འོ། །སྦྱོར་བ་ཆ་ཕྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚན་ཉིད་མེད་པ་ལ་སྦྱོར་བ་གང་ཡིན་པ་དེ་ནི་བཟོད་པའི་འོ། །ཡོངས་སུ་གཅོད་པའི་དམིགས་
པ་ལ་སྦྱོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་ལྟ་བར་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །མི་ཤེས་པ་ཐམས་ཅད་དང་བྲལ་ཞིང་ཤེས་པ་ཐམས་ཅད་རབ་ཏུ་ཐོབ་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟད་པ་ཤེས་པས་
རབ་དུ་ཕྱེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྲེད་པའི་རྩ་བ་དགུ་པོ་དག་མི་སྐྱེ་བར་ཤེས་པ་གང་ཡིན་པ་དེ་ནི་སྦྱིན་པའི་འོ། །གནོད་སེམས་ཀྱི་དངོས་པོ་དགུ་མི་སྐྱེ་བར་ཤེས་
40-1-94a


པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་ཆོས་མ་གཏུགས་པ་གང་ཡིན་པ་དེ་ནི་བཟོད་པའི་འོ། །རྣམ་པར་ཐར་པ་ཡོངས་སུ་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་སློབ་པའི་ཤེས་པ་བཅུ་པོ་དག་མཐོང་བ་གང་ཡིན་པ་དེ་ནི་བསམ་གཏན་གྱིའོ། །
ཡོངས་སུ་གཅོད་པར་འགྱུར་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་བྱིན་གྱི་རླབས་ཀྱི་ཕ་རོལ་དུ་ཕྱིན་པ་དྲུག་གང་ཞེ་ན། དམ་པའི་ཆོས་མ་ནུབ་ཀྱི་བར་དུ་ཆོས་ཐམས་ཅད་གནས་པ་
དང་བསྟན་པ་ལ་ཟང་ཟིང་གིས་མཆོད་པ་གང་ཡིན་པ་དེ་ནི་སྦྱིན་པའི་འོ། །བསྟན་པ་ལ་ཟིལ་གྱིས་མ་ནོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་རིགས་བཞི་དད་པར་བྱེད་པ་གང་ཡིན་པ་དེ་ནི་བཟོད་པའི་འོ། །མངོན་པར་བརྩོན་པ་འབྲས་བུ་དང་བཅས་པར་རྩོལ་བ་གང་
ཡིན་པ་དེ་ནི་བརྩོན་འགྲུས་ཀྱིའོ། །བསམ་པ་དེས་པས་ཆོས་མངོན་པར་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་གྱི་ཆོས་ཐམས་ཅད་ཡོངས་སུ་ཤེས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་བྱིན་གྱི་རླབས་ཀྱི་ཕ་རོལ་དུ་
ཕྱིན་པ་དྲུག་གོ། །དེ་ལ་ལྷའི་མིག་སྒྲུབ་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལྷའི་མིག་གིས་གཟུགས་ཅན་མཐོང་བ་གང་ཡིན་པ་དེ་ནི་སྦྱིན་པའི་འོ། །གཟུགས་ཅན་མ་ཡིན་པ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྒྲོ་བཏགས་པ་མེད་པ་མཐོང་
བ་གང་ཡིན་པ་དེ་ནི་བཟོད་པའི་འོ། །འཁོར་བའི་ཉེས་དམིགས་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ངེས་པར་འབྱུང་བ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ཉེ་བར་ཞི་བ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལྷའི་མིག་
སྒྲུབ་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ལྷའི་རྣ་བའི་ཕ་རོལ་དུ་ཕྱིན་པ་དྲུག་གང་ཞེ་ན། སྒྲ་ཆེ་བ་ཉན་པ་གང་ཡིན་པ་དེ་ནི་སྦྱིན་པའི་འོ། །སྒྲ་ཆུང་བ་ཉན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱམས་པ་ཐམས་ཅད་ཡོངས་སུ་རྫོགས་པ་གང་ཡིན་
པ་དེ་ནི་བཟོད་པའི་འོ། །ཐབས་ཀྱི་ཚིག་སྦྱིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འདུ་བྱེད་རྣམས་ཐོས་ནས་ཀུན་དུ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྲ་ཐམས་ཅད་དཔྱོད་པ་ལ་འཇུག་པ་གང་ཡིན་པ་དེ་ནི་ཤེས་རབ་
40-1-94b


ཀྱི་སྟེ། འདི་དག་ནི་ལྷའི་རྣ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་སེམས་ཀྱི་རྣམ་གྲངས་ཤེས་པའི་ཕ་རོལ་དུ་ཕྱིན་པ་དྲུག་གང་ཞེ་ན། སེམས་ཀྱི་རང་བཞིན་མཐོང་བ་གང་ཡིན་པ་དེ་ནི་སྦྱིན་པའི་འོ། །སེམས་ལ་དགེ་བ་དང་མི་དགེ་བར་མཐོང་བ་
གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཀྱི་རྒྱུ་དང་རྐྱེན་མཐོང་བ་གང་ཡིན་པ་དེ་ནི་བཟོད་པའི་འོ། །འདས་པ་དང་། མ་འོངས་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ད་ལྟར་བྱུང་བ་ལ་མཉམ་པ་ཉིད་དུ་མཐོང་བ་གང་
ཡིན་པ་དེ་ནི་བསམ་གཏན་གྱིའོ། །ཐམས་ཅད་དུ་རྒྱུ་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སེམས་ཀྱི་རྣམ་གྲངས་ཤེས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྔོན་གྱི་གནས་མཐོང་བའི་ཕ་རོལ་དུ་ཕྱིན་པ་དྲུག་
གང་ཞེ་ན། སྔོན་གྱི་གནས་ན་བདེན་པའི་དམིགས་པ་མཐོང་བ་གང་ཡིན་པ་དེ་ནི་སྦྱིན་པའི་འོ། །སྐྱེ་བ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འགྲོ་བར་འཇུག་པ་མེད་པ་ལ་རྟོག་པ་གང་ཡིན་པ་དེ་ནི་བཟོད་པའི་འོ། །དེ་
ལྟ་བུ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དེ་ལྟར་བདག་མེད་པར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །རྣམ་པས་ལུང་འབོག་པ་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྔོན་
གྱི་གནས་ཀྱི་ཕ་རོལ་དུ་ཕྱིན་པ་དྲུག་གོ། །དེ་ལ་རྫུ་འཕྲུལ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། རྫུ་འཕྲུལ་གྱི་ཤུགས་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །དམིགས་པ་ཐ་དད་པ་མེད་པ་གང་ཡིན་པ་དེ་ནི་
ཚུལ་ཁྲིམས་ཀྱིའོ། །སེམས་ཅན་རྣམས་ལ་སྙིང་རྗེས་རྣམ་པར་འཕྲུལ་པ་གང་ཡིན་པ་དེ་ནི་བཟོད་པའི་འོ། །ཐམས་ཅད་དུ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཡིད་ཀྱི་ལས་མི་ལྡོག་
པ་གང་ཡིན་པ་དེ་ནི་བསམ་གཏན་གྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་རྫུ་འཕྲུལ་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཟག་པ་ཟད་པར་ཤེས་པའི་ཕ་རོལ་དུ་ཕྱིན་པ་དྲུག་གང་
40-1-95a


ཞེ་ན། ཟག་པར་མཐོང་བ་གང་ཡིན་པ་དེ་ནི་སྦྱིན་པའི་འོ། །ཟག་པ་ཀུན་འབྱུང་བར་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟག་པ་འགོག་པར་མཐོང་བ་གང་ཡིན་པ་དེ་ནི་བཟོད་པའི་འོ། །ཟག་པ་
འགོག་པར་འགྱུར་བའི་ལམ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །འདི་ཉིད་དུ་ཟག་པ་བཅུ་མ་ལུས་པར་འགོག་པར་ལྟ་བ་གང་ཡིན་པ་དེ་ནི་བསམ་གཏན་གྱིའོ། །འདི་ཉིད་དུ་ཟག་པ་བཅོམ་ནས་མི་སྣང་བར་འགྱུར་བ་གང་ཡིན་པ་དང་། 
དེ་ལྟར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཟག་པ་ཟད་པ་ཤེས་པའི་ཕ་རོལ་དུ་ཕྱིན་པ་དྲུག་གོ། །དེ་ལ་སྤྱོད་ལམ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། སྐྱེ་བོ་མང་པོ་དད་པར་བྱེད་པའི་སྤྱོད་ལམ་གང་ཡིན་
པ་དེ་ནི་སྦྱིན་པའི་འོ། །ཀུན་ནས་མཛེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པར་བལྟས་པ་གང་ཡིན་པ་དེ་ནི་བཟོད་པའི་འོ། །གོམ་པ་འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །
སྤྱོད་ལམ་མ་ཉམས་པ་གང་ཡིན་པ་དེ་ནི་བསམ་གཏན་གྱིའོ། །སྤྱོད་ལམ་མ་བཅོས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྤྱོད་ལམ་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་ཕན་པར་འདོད་པའི་ཕ་
རོལ་དུ་ཕྱིན་པ་དྲུག་གང་ཞེ་ན། སྤྱོད་པ་ཡ་ང་བར་ཟང་ཟིང་ལེན་པ་གང་ཡིན་པ་དེ་ནི་སྦྱིན་པའི་འོ། །སེམས་ཅན་མ་རུངས་པ་དག་ལ་སྐྱབས་བྱེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མུ་སྟེགས་ཅན་
རྣམས་ཀྱི་གནོད་པ་བཟོད་པ་གང་ཡིན་པ་དེ་ནི་བཟོད་པའི་འོ། །འདི་ལྟར་གདུལ་བའི་ཕྱིར་དགའ་བོ་ལྷའི་ནང་དུ་སོན་པ་དང་། འདི་ལྟར་པད་མའི་སྙིང་པོའི་ལྟ་བུ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་
བའི་ཕྱིར་བཟང་བརྩམས་སྒོམ་པ་ལྟ་བུ་གང་ཡིན་པ་དེ་ནི་བསམ་གཏན་གྱིའོ། །འདི་ལྟར་ལྔ་པོའི་ནང་ནས་ཀུན་ཤེས་སྙིང་རྗེས་ཉེ་བར་འོངས་ཏེ་ཆོས་བསྟན་པ་དང་། འདི་ལྟར་བདེན་པ་པོ་ལྟ་བུ་གང་ཡིན་པ་དེ་ནི་ཤེས་
40-1-95b


རབ་ཀྱི་སྟེ། འདི་དག་ནི་ཕན་པར་འདོད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཉོན་མོངས་པ་མེད་པའི་ཕ་རོལ་དུ་ཕྱིན་པ་དྲུག་གང་ཞེ་ན། ཉོན་མོངས་པས་ཡོངས་སུ་སྐྱོ་བ་མེད་པ་གང་ཡིན་པ་དེ་ནི་སྦྱིན་པའི་འོ། །དབང་རབ་
དུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །གནོད་སེམས་མེད་པར་གནས་པ་གང་ཡིན་པ་དེ་ནི་བཟོད་པའི་འོ། །མོས་པ་ལ་ཡོན་སྦྱོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མངོན་པར་ཞེན་པ་མེད་པར་རྟག་ཏུ་སྦྱོར་བ་
གང་ཡིན་པ་དེ་ནི་བསམ་གཏན་གྱིའོ། །ཇི་ལྟར་འདོད་པ་བཞིན་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཉོན་མོངས་པ་མེད་པའི་ཕ་རོལ་དུ་ཕྱིན་པ་དྲུག་གོ། །དེ་ལ་ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་
དུ་ཕྱིན་པ་དྲུག་གང་ཞེ་ན། ཚེ་འདོར་བ་གང་ཡིན་པ་དེ་ནི་སྦྱིན་པའི་འོ། །བོར་ནས་གནས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚམས་བཅད་པ་གང་ཡིན་པ་དེ་ནི་བཟོད་པའི་འོ། །ལྟ་བར་སོང་བའི་སྲིད་པ་
ཐམས་ཅད་སྤངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་ཅན་སྨིན་པར་བྱ་བའི་ཕྱིར་བཏང་བ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཡིད་བྱུང་བ་རྣམས་གདུལ་བའི་ཕྱིར་བཏང་བ་གང་ཡིན་པ་དེ་ནི་
ཤེས་རབ་ཀྱི་སྟེ། འདི་དག་ནི་ཚེའི་འདུ་བྱེད་འདོར་བ་ལ་དབང་སྒྱུར་བའི་ཕ་རོལ་དུ་ཕྱིན་པ་དྲུག་གོ། །དེ་ལ་མྱ་ངན་ལས་འདས་པའི་ཕ་རོལ་དུ་ཕྱིན་པ་དྲུག་གང་ཞེ་ན། ལེན་པ་མེད་པར་མྱ་ངན་ལས་འདས་པ་གང་ཡིན་པ་དེ་ནི་
སྦྱིན་པའི་འོ། །སེམས་ཀྱི་བྱིན་གྱིས་བརླབས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འོད་སྲུང་ཆེན་པོ་མཐོང་བར་སྒྲུབ་པ་གང་ཡིན་པ་དེ་ནི་བཟོད་པའི་འོ། །སྟོང་གསུམ་གཡོ་བར་བྱེད་པ་གང་ཡིན་
པ་དེ་ནི་བརྩོན་འགྲུས་ཀྱིའོ། །སེམས་ལ་འཇོག་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་སེལ་བུར་བླགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མྱ་ངན་ལས་འདས་པའི་ཕ་རོལ་དུ་
40-1-96a


ཕྱིན་པ་དྲུག་གོ། །དེ་ལ་ཆོ་འཕྲུལ་གྱི་ཕ་རོལ་དུ་ཕྱིན་པ་དྲུག་གང་ཞེ་ན། ཕྱོགས་ཐ་དད་པ་དག་ཏུ་སྐུ་གདུང་རྣམས་འཐོར་བ་གང་ཡིན་པ་དེ་ནི་སྦྱིན་པའི་འོ། །སྐུ་གདུང་གི་ཆོ་འཕྲུལ་གང་ཡིན་པ་དེ་ནི་ཚུལ་
ཁྲིམས་ཀྱིའོ། །སེམས་ཅན་རྣམས་དང་བར་བྱེད་པ་གང་ཡིན་པ་དེ་ནི་བཟོད་པའི་འོ། །ཆོ་འཕྲུལ་ལ་ལྷ་རྣམས་སྤྲོ་བར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྤུ་ཟིང་ཞེས་བྱེད་ཅིང་མཆི་མ་འཛག་པ་གང་ཡིན་
པ་དེ་ནི་བསམ་གཏན་གྱིའོ། །བདེན་པའི་ཚིག་གིས་རིང་བསྲེལ་ལས་ཆོ་འཕྲུལ་འབྱུང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཆོ་འཕྲུལ་གྱི་ཕ་རོལ་དུ་ཕྱིན་པ་དྲུག་གོ། །དེ་ལ་བསྟན་པ་རྣམ་པར་དབྱེ་བའི་ཕ་
རོལ་དུ་ཕྱིན་པ་དྲུག་གང་ཞེ་ན། རྙེད་པ་རབ་ཏུ་ཐོབ་པ་གང་ཡིན་པ་དེ་ནི་སྦྱིན་པའི་འོ། །ཁ་ན་མ་ཐོ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མ་ནོན་པ་གང་ཡིན་པ་དེ་ནི་བཟོད་པའི་འོ། །ཇི་
ཙམ་དུ་ལྷ་དང་མིས་བསྟན་པ་ཐོབ་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བདུད་ཀྱིས་བལྟར་མེད་པ་གང་ཡིན་པ་དེ་ནི་བསམ་གཏན་གྱིའོ། །བསྟན་པ་དང་བྲལ་བར་དགའ་ཞིང་དང་བ་ཙམ་གྱིས་མཐར་གྱིས་
ཡོངས་སུ་མྱ་ངན་ལས་འདའ་བར་འགྱུར་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བསྟན་པ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གོ། །དེ་ལ་རིང་བསྲེལ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གང་ཞེ་ན། 
རིང་བསྲེལ་རྣམས་ལ་ཡོ་བྱད་ཀྱིས་མཆོད་པ་གང་ཡིན་པ་དེ་ནི་སྦྱིན་པའི་ཕ་རོལ་དུ་ཕྱིན་པའི་འོ། །སྐྱེ་བོ་མང་པོ་དད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རིང་བསྲེལ་གྱི་མཆོད་རྟེན་གཟི་བྱིན་ཅན་གང་ཡིན་པ་དེ་ནི་བཟོད་པའི་འོ། །ལྷ་
དང་མི་རྣམས་དགའ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རིང་བསྲེལ་གྱི་དམིགས་པ་ལས་སངས་རྒྱས་རྗེས་སུ་དྲན་པ་རབ་ཏུ་ཐོབ་པ་གང་ཡིན་པ་དེ་ནི་བསམ་གཏན་གྱིའོ། །རིང་བསྲེལ་ཚོལ་བས་སྤོབས་པ་ཡོངས་སུ་
40-1-96b


མ་ཉམས་པ་ཐོབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་དུ་ཕྱིན་པའི་སྟེ། འདི་དག་ནི་རིང་བསྲེལ་རྣམ་པར་དབྱེ་བའི་ཕ་རོལ་དུ་ཕྱིན་པ་དྲུག་གོ། །དེ་དག་ལས་ཕ་རོལ་དུ་ཕྱིན་པ་ཉིས་སྟོང་ཆིག་བརྒྱ་ནི་འདོད་ཆགས་སྤྱོད་པ་རྣམས་
ལ་ཆོས་བསྟན་པའོ། །ཕ་རོལ་དུ་ཕྱིན་པ་ཉིས་སྟོང་ཆིག་བརྒྱ་ནི་ཞེ་སྡང་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་དུ་ཕྱིན་པ་ཉིས་སྟོང་ཆིག་བརྒྱ་ནི་གཏི་མུག་སྤྱོད་པ་རྣམས་ལ་ཆོས་བསྟན་པའོ། །ཕ་རོལ་དུ་ཕྱིན་པ་ཉིས་
སྟོང་ཆིག་བརྒྱ་ནི་ཆ་མཉམ་པར་སྤྱོད་པ་རྣམས་ལ་ཆོས་བསྟན་པ་སྟེ། དེ་དག་ནི་ཕ་རོལ་དུ་ཕྱིན་པ་བརྒྱད་སྟོང་བཞི་བརྒྱའོ། །དེ་དག་གི་ཏིང་ངེ་འཛིན་ཀྱང་བརྒྱད་སྟོང་བཞི་བརྒྱའོ། །དེ་དག་གི་རྣམ་པ་ལ་འཇུག་པ་ཡང་
སྟོང་སྟོང་སྟེ། རྣམ་པ་བརྒྱ་བརྒྱ་པོ་རེ་རེའི་སྟོང་སྟོང་པོ་དེས་ན་དེ་དག་ནི་ཕ་རོལ་དུ་ཕྱིན་པ་བརྒྱད་ཁྲི་བཞི་སྟོང་ཞེས་བྱའོ། །དེ་དག་གི་ཏིང་ངེ་འཛིན་བརྒྱད་ཁྲི་བཞི་སྟོང་སྒྲུབ་པར་བྱེད་པ་ནི་བདག་ལ་ཕན་པར་བརྩོན་པ་ཞེས་
བྱའོ། །གཟུངས་བརྒྱད་ཁྲི་བཞི་སྟོང་ནི་གཞན་ལ་ཕན་པར་བརྩོན་པ་སྟེ། ཐམས་ཅད་མཁྱེན་པ་ཉིད་ཀྱི་ཕྱིར་དེ་ནི་སངས་རྒྱས་ཀྱི་བྱང་ཆུབ་བོ། །མཆོག་ཏུ་དགའ་བའི་རྒྱལ་པོ་ངས་བྱང་ཆུབ་ཀྱི་སྙིང་པོར་བདུད་བཏུལ་ཏེ་བྱང་ཆུབ་
མངོན་པར་རྫོགས་པར་སངས་རྒྱས་ནས་ང་ཆོས་ལ་དགའ་བའི་རྣམ་པར་སྨིན་པས་ཞག་བདུན་གྱི་བར་དུ་སྐྱིལ་མོ་དཀྲུང་མ་བཤིག་པར་འདུག་པ་ལ་ཚངས་པས་ཀྱེ་མའོ་འཇིག་རྟེན་འདི་ནི་ཆབ་འཚལ་ཏེ། འདི་ལྟར་དེ་བཞིན་གཤེགས་པས་ནི་ཆོས་རྒྱ་ཆེན་
པོ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཐུགས་ལས་ཆུང་ངུ་ལ་ཐུགས་མངོན་པར་གཞོལ་བར་མཛད་ཀྱི། ཆོས་བསྟན་པའི་སླད་དུ་ནི་མ་ལགས་སོ་ཞེས་གསོལ་བ་བཏབ་བོ། །དེ་ནས་ང་བྱང་ཆུབ་ཀྱི་སྙིང་པོ་ལ་འདུག་པའི་དཔལ་དང་གཟི་བརྗིད་
དག་གནས་གཙང་མའི་རིས་ཀྱི་ལྷ་རྣམས་ཀྱིས་མཐོང་ངོ་། །ཁ་དོག་དང་ཚུལ་བཟང་པོ་དང་། ཁ་དོག་དུ་མ་སྣང་བ་དང་། སྐུ་དྲང་པོར་བཞུགས་པ་དང་། བཀྲ་ཤིས་པ་དང་། ཐ་དད་དུ་འགྲོ་བར་འོས་པ་དང་། ཀུན་ནས་མཛེས་པ་དང་། ལེགས་པར་
40-1-97a


གནས་པ་དང་། འོད་ཀྱི་ཁ་དོག་མཆོག་དང་ལྡན་པ་དང་། བལྟ་ན་སྡུག་པ་དང་། བཀོད་པ་ཁྱད་པར་དུ་འཕགས་པ་དང་། འཇིག་རྟེན་ཐམས་ཅད་ལས་མངོན་པར་འཕགས་པ་དང་། བཀོད་པ་ཡིད་དུ་འོང་བ་དང་། ཡེ་ཤེས་
ཀྱི་བདག་ཉིད་ཆེན་པོ་དང་། བལྟ་ན་དཀོན་པ་དང་། གཟི་བྱིན་མཐའ་ཡས་པ་དང་། སྙན་པར་གྲགས་པ་དང་། མཁྱེན་བཞིན་དུ་ཁ་དོག་མཛེས་པར་སྣང་བ་དག་ཀྱང་མཐོང་ནས། དེའི་ཚེ་སྤྱན་སྔར་འཁོད་དེ་ཞེ་ས་དང་བཅས་པས་
ཚིགས་སུ་བཅད་པ་འདི་དག་གསོལ་ཏོ། །བདུད་བཏུལ་ཉོན་མོངས་པ་དག་རྣམ་བཅོམ་ཞིང་། །སྟོང་གསུམ་པོའི་ས་གཞི་གཡོ་མཛད་ལ། །ངན་སོང་སའི་སྡུག་བསྔལ་སྤངས་ནས་ཀྱང་། །བྱང་ཆུབ་ཤིང་དྲུང་བཞུགས་པ་
ཀུན་དུ་མཛེས། །ལྷུན་པོ་རི་དང་འདྲ་བར་མི་གཡོ་བར། །དྲང་པོའི་སྐུ་ཡིས་བདེ་བར་བཞུགས་མཛད་ལ། །ཞིང་རྣམས་ཀུན་དུ་འོད་ཟེར་འགྱེད་མཛད་པ། །མགོན་པོ་ཤིང་དབང་དྲུང་ན་ལྷང་ངེར་བཞུགས། །སྐྱིལ་མོ་
དཀྲུང་མཆོག་མཉམ་གཞག་དབང་པོ་ཡིས། །སེང་གེ་ལྟ་བུ་མི་གཡོ་བཞུགས་མཛད་ཅིང་། །གོང་ན་མེད་པར་བདག་ཉིད་གཟིགས་པ་ན། །མགོན་པོ་རྒྱལ་བའི་གདན་ལ་ལྷང་ངེར་བཞུགས། །ངན་སོང་སྲོག་ཆགས་
སྡུག་བསྔལ་ཞི་མཛད་ཅིང་། །མཐོ་རིས་ལམ་དག་རྒྱ་ཆེར་མཛད་པ་ན། །འཇིག་རྟེན་ལས་མི་འདོད་པ་ཞི་མཛད་པ། །སཱ་ལའི་མཆོག་དབང་དྲུང་ན་ལྷང་ངེར་བཞུགས། །སྤྱོད་མཉམ་མཉམ་པ་ཉིད་ཀྱིས་བཞུགས་
མཛད་ཅིང་། །འཇིག་རྟེན་ཕན་པར་བདེན་ཚུལ་དགོངས་པ་པོ། །བདེན་པའི་དབང་ཕྱུག་བསྟན་པ་དགོངས་པ་ན། །མགོན་པོ་རྒྱལ་བའི་གདན་ལ་ལྷང་ངེར་བཞུགས། །དུས་གསུམ་ཆོས་ཀྱི་དེ་ཉིད་དགོངས་མཛད་
ཅིང་། །འགྲོ་བ་ཚོགས་གསུམ་དག་ཏུ་མཛད་པ་ན། །བསྟན་པ་དགོངས་ཚེ་དུས་ཤེས་འདི་དག་ནི། །ཐུགས་ཆུང་གསུང་བ་ཟླ་བ་ལྷང་ངེར་བཞུགས། །སེམས་ཅན་མཁས་པ་འཇིག་རྟེན་དམ་པ་སྟེ། །སུམ་བཅུ་གཉིས་མཚན་
40-1-97b


ལྡན་པ་གཟུགས་མཆོག་མངའ། །དྲང་སྲོང་ཆེན་པོ་འཇིག་རྟེན་མི་སྡུག་པ། །ཚངས་པ་ཡི་ཆད་དངོས་ཀྱིས་ཉེར་མཆིས་ན། །མེ་གསུམ་ལྷུང་བའི་འཇིག་རྟེན་གཟིགས་སུ་གསོལ། །ཁྱོད་ཀྱིས་བྱང་ཆུབ་ཡན་ལག་གྲུས་
བསྟན་གསོལ། །མགོན་པོ་བྱང་ཆུབ་ཡན་ལག་བདུན་སྟོན་པ། །ཁྱོད་ཀྱིས་བདུད་རྩིའི་ཆར་དབབ་དུས་འདི་ལགས། །འདུ་ཤེས་ལོག་པ་ལོང་བ་རབ་ཉམས་པའི། །སྐྱེ་དགུ་བདུད་ལམ་གནས་པ་གཟིགས་སུ་གསོལ། །
སྟོན་ཁྱོད་མིག་ལྡན་གཞན་དུ་མི་འགྱུར་བ། །ཁྱོད་ཀྱི་དུས་འདིར་ཐུགས་རྗེ་བསྐྱེད་དུ་གསོལ། །མུ་སྟེགས་ངན་འགྲོ་གཡང་ས་ཆེན་པོ་ཡི། །སྲིད་པའི་རྒྱ་མཚོས་སྐྱེ་དགུ་འདི་ཁྱེར་རྣམས། །སེམས་ཅན་སྲིད་མཚོ་ལས་འདོན་
འགྲོ་བའི་དོན། །མཛད་པས་བྱང་ཆུབ་ཡན་ལག་གྲུས་ཀྱང་སྒྲལ། །འཇིག་ཚོགས་ལྟས་བཅིངས་སྐྱེ་དགུ་འདི་དག་རྣམས། །ལྟ་བས་གནོད་བྱས་སྲིད་པའི་ཁོལ་པོ་དག །ཡུན་རིང་བགགས་པ་བཅིངས་ལས་ཐར་མ་མཆིས། །
སེམས་ཅན་ཁ་སྒྱུར་ཅི་སླད་གྲོལ་མི་མཛད། །ཉོན་མོངས་དབང་གིས་ལོག་པར་རབ་སོང་ལ། །ཡུན་རིང་གཉིད་ལོག་སྒྲིབ་པས་ཁེབས་པ་རྣམས། །ཚུལ་ཁྲིམས་བརྟུལ་ཞུགས་བརྟན་པའི་ཏིང་འཛིན་འཐོབ། །
ཆོས་ཀྱི་རྔ་སྒྲ་ཅི་སླད་བསྒྲགས་མི་བགྱིད། །འཇིག་རྟེན་དག་ན་དབུལ་གྱུར་འགྲོ་བ་རྣམས། །འགྲོ་ལྔ་རེ་ཐག་ཆད་པ་སློང་ཞུགས་ལ། །ཁྱོད་ཀྱིས་ནོར་བདུན་དེ་རིང་བརྙེས་གྱུར་པས། །མཆོད་སྦྱིན་དམ་པ་ཅི་སླད་ད་མི་
སྩལ། །བདུད་རྩི་མེད་པའི་སེམས་ཅན་སྟོང་པོ་རྣམས། །དད་པ་ཕལ་ཆེན་ས་བོན་འཛིན་མཆིས་ན། །རྣམ་གྲོལ་གློག་དང་ཐུགས་རྗེའི་ཆར་སྤྲིན་ལས། །ཅི་སླད་བྱང་ཆུབ་ཡན་ལག་ཆར་མི་དབབ། །
ཟུག་རྔུས་ཟུག་པའི་ནད་པ་ཁམས་གསུམ་ན། །ཉོན་མོངས་ཉམ་ཐག་ནད་སྙིང་ཟས་ཕོངས་ལ། །བྱང་ཆུབ་ཡན་ལག་སྨན་མཆོག་བརྙེས་པ་ཡིས། །ནད་པ་ཡུན་རིང་དིང་ཅི་གྲོལ་མི་མཛད། །མུན་པ་མུན་
40-1-98a


ནག་ཞུགས་པའི་འགྲོ་བ་རྣམས། །གཏི་མུག་བསྒྲིབས་པ་མྱ་ངན་ཆེན་པོའི་ནང་། །སྟོང་ཆེན་ཤེས་རབ་མར་མེས་མུན་ཆེན་པོ། །བཟད་བརླག་ཅིའི་སླད་དུ་སེལ་མི་མཛད། །འདམ་རྫབ་ཆུ་བོ་བཞི་ན་ཡོངས་སུ་སྐྱོ་བ་ཡི། །སྐྱེ་བོ་གཡང་
ས་ཆེན་པོར་ལྷུང་འདི་དག །ལྷར་བཅས་འཇིག་རྟེན་སྨན་སླད་ཐུགས་རྩེ་བའི། །མགོན་པོས་ད་ནི་ཅི་སླད་གདོན་མི་བགྱི། །ལྟ་ལ་ཆགས་པའི་མུ་སྟེགས་ཕལ་ཆེན་གྱིས། །ལྷ་མི་ཀུན་དུ་གློངས་པར་མཆིས་རྣམས་ལ། །དྲང་པོ་མ་
ཡོ་གཡོ་མེད་བདེ་བ་ཡིས། །ཅི་སླད་རིན་ཆེན་ལམ་དག་ད་མི་བསྟན། །མི་དབང་སེང་གེ་ལ་ནི་ཚངས་གསོལ་བས། །རྫོགས་སངས་རྒྱས་སྤྱན་འཇིག་རྟེན་གསུམ་ལ་གཟིགས། །གཟིགས་ནས་སེམས་ཅན་རྣམས་ལ་བརྩེ་བསྐྱེད་དེ། །
ནད་མེད་ཆོས་ཀྱི་འཁོར་ལོ་བསྐོར་བར་གསོལ། །ལྷ་དེ་དག་གིས་དེ་ལྟར་བསྔགས་ནས་ཀྱང་། །བྱང་ཆུབ་སྙིང་པོར་སེང་གདན་ང་འདུག་ལ། །བསྟོད་དེ་བསྟོད་ནས་དེ་ལྟར་དགའ་བས་དོང་། །ངས་ཀྱང་ཆོས་ཀྱི་འཁོར་ལོ་རབ་ཏུ་བསྐོར། །
དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་འདུས་
པ་འདིའི་ནང་ན་ནི་གང་དག་ཏིང་ངེ་འཛིན་འདི་དང་། ཕ་རོལ་དུ་ཕྱིན་པ་ལ་འཇུག་པ་འདི་དང་། ཏིང་ངེ་འཛིན་གྱི་སྒོ་ལ་འཇུག་པ་བརྒྱད་ཁྲི་བཞི་སྟོང་པོ་འདི་རྣམས་ཐོབ་པ་དག་མཆིས་ལགས་སམ། དེ་སྐད་ཅེས་གསོལ་པ་དང་། 
བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་འདུས་པ་འདིའི་ནང་ན་གང་
དག་བསྐལ་པ་བཟང་པོ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་བཞིན་གཤེགས་པ་བཞི་པོ་དག་མ་གཏོགས་པར་གང་དག་ཏིང་ངེ་འཛིན་འདི་དང་། ཕ་རོལ་དུ་ཕྱིན་པ་ལ་
40-1-98b


འཇུག་པ་འདི་དག་དང་། ཏིང་ངེ་འཛིན་གྱི་སྒོ་ལ་འཇུག་པ་བརྒྱད་ཁྲི་བཞི་སྟོང་པོ་འདི་དག་ཐོབ་པ་གང་དག་བསྐལ་པ་བཟང་པོ་འདི་ལ་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཡོད་དོ། །དེ་སྐད་ཅེས་བཀའ་སྩལ་པ་
དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལེགས་སོ་ལེགས་སོ། །བཙུན་པ་བཅོམ་ལྡན་འདས་ཀྱིས་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་
ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། ལྷ་དང་། མི་རྣམས་ཀྱི་དོན་དང་། སྨན་པ་དང་། བདེ་བ་དང་། དམ་པའི་ཆོས་ཡོངས་སུ་གཟུང་བ་དང་། དམ་པའི་ཆོས་ཡུན་རིང་དུ་གནས་པར་བགྱི་བ་དང་། 
མ་འོངས་པ་ན་བྱང་ཆུབ་སེམས་དཔའ་རྣམས་ལ་སྣང་བ་བགྱིད་པར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སླད་དུ་སྤྱོད་པ་ན་སྒྱིད་ལུག་པར་མི་འགྱུར་བའི་སླད་དུ། བྱང་ཆུབ་སེམས་དཔའ་དེ་དག་གི་རིགས་
དང་། མིང་དེ་དག་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་རྒྱལ་པོ་དེའི་
ཕྱིར་ཁྱོད་ལེགས་པར་རབ་ཏུ་ཉོན་ལ་ཚུལ་བཞིན་ཡིད་ལ་ཟུང་ཤིག་དང་བཤད་དོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་དེ་ལྟ་ལགས་སོ། །ཞེས་གསོལ་ནས་བཅོམ་ལྡན་འདས་ཀྱི་ལྟར་ཉན་
པ་དང་། བཅོམ་ལྡན་འདས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་དང་། བྱང་ཆུབ་སེམས་དཔའ་དེ་དག་གི་མིང་ཚིགས་སུ་བཅད་དེ་བཀའ་སྩལ་པ། 
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དགུ་པ། འཁོར་བ་འཇིག་དང་གསེར་ཐུབ་དང་། །འོད་སྲུང་ཤཱཀྱ་སྐྱེས་མཆོག་དང་། །བྱམས་པ་སེང་གེ་རབ་གསལ་དང་། །
40-1-99a


ཐུབ་པ་མེ་ཏོག་ཅེས་བྱ་དང་། །མེ་ཏོག་རྒྱུ་སྐར་བཟང་དེད་དཔོན། །ལག་ཆེན་དང་ནི་སྟོབས་ཆེན་དང་། །རྒྱུ་སྐར་རྒྱལ་པོ་རྩི་སྨན་དང་། །སྙན་པའི་ཏོག་དང་འོད་ཆེན་དང་། །གྲོལ་བའི་ཕུང་པོ་ཞེས་བྱ་བའི། །
སངས་རྒྱས་ཀྱིས་ནི་སྡེ་ཚན་རྫོགས། །རྣམ་པར་སྣང་མཛད་ཉི་མའི་སྙིང་། །ཟླ་བ་འོད་འཕྲོ་འོད་བཟངས་དང་། །མྱ་ངན་མེད་དང་སྐར་རྒྱལ་དང་། །རབ་གསལ་ཕྲེང་ཐོགས་ཡོན་ཏན་འོད། །དོན་གཟིགས་དང་ནི་མར་མེ་དང་། །
མཐུ་ལྡན་སྨན་པ་དེས་པ་དག །མཛོད་སྤུ་བརྟན་ལྡན་ལྷ་ཡི་དཔལ། །གདུལ་དཀའ་ཡོན་ཏན་རྒྱལ་མཚན་དང་། །སྒྲ་གཅན་ཚོགས་ལྡན་ཚངས་པའི་དབྱངས། །ཚིགས་བརྟན་དང་ནི་མི་འགྱིང་དང་། །འོད་མཛད་ལྷུན་པོའི་
ཆེན་པོ་དང་། །རྡོ་རྗེ་སྡོམ་ཅན་མི་བསྙེངས་དང་། །རིན་ཆེན་པད་སྤྱན་སྟོབས་སྡེ་དང་། །མེ་ཏོག་འོད་ཟེར་ཡེ་ཤེས་དགྱེས། །གཟི་ཆེན་ཚངས་པ་འོད་དཔག་མེད། །ཀླུ་སྦྱིན་དང་ནི་བརྟན་གཤེགས་དང་། །དོན་ཡོད་མཐོང་དང་
བརྩོན་འགྲུས་སྦྱིན། །བཟང་སྐྱོང་དགའ་བོ་མཆི་མེད་དང་། །སེང་གེའི་རྒྱལ་མཚན་རྒྱལ་བ་ཆོས། །མཆོག་དགའ་རྒྱལ་པོ་ཁ་ལོ་སྒྱུར། །དགྱེས་གཤེགས་ཆུ་ལྷ་ཡོན་ཏན་ལག །སྤོས་ཀྱི་གླང་པོ་རྣམ་པར་གཟིགས། །
འབྲུག་སྒྲ་དང་ནི་ལེགས་སེམས་དང་། །ཡིད་བཟངས་དྲི་མེད་ཟླ་བ་དང་། །གྲགས་ཆེན་གཙུག་ན་ནོར་བུ་དང་། །དྲག་ཤུལ་སེང་གེའི་སྟབས་ལྗོན་པ། །རྣམ་པར་རྒྱལ་ཆེན་ཤེས་རབ་བརྩེགས། །ལེགས་གནས་བློ་
གྲོས་ཡན་ལག་སྐྱེས། །བློ་མཐའ་ཡས་དང་གཟུགས་བཟང་དང་། །མཁྱེན་ལྡན་འོད་ཟེར་བརྟུལ་ཞུགས་བརྟན། །བཀྲ་ཤིས་དང་ནི་བདེན་པའི་ཏོག །པད་མ་དང་ནི་སྲེད་མེད་བུ། །ལག་བཟངས་ཡེ་ཤེས་འབྱུང་
གནས་དང་། །ཡོན་ཏན་འོད་ནི་འཕྲོ་བ་ཡིན། །ཚངས་བྱིན་རིན་ཆེན་འབྱུང་གནས་ལྷ་ཡི་མེ་ཏོག་དང་། །དོན་ལེགས་སེམས་དང་ཆོས་ཀྱི་དབང་ཕྱུག་བློ་གྲོས་པ། །སྤོབས་པ་དག་ནི་བརྩེགས་པ་རྡོ་རྗེའི་རྒྱལ་མཚན་དང་། །
40-1-99b


བཅུ་པ་སྟོབས་བཅུར་ལྡན་པ་ཕན་པར་བཞེད་པ་ཡིན། །རྣམ་པར་རོལ་པར་ལྡན་དང་མུན་དང་བྲལ་བ་སྒྲ་གཅན་ལྷ། །རི་བོའི་རྒྱལ་མཚན་ཚོགས་ཅན་འོད་དང་དེ་བཞིན་རིན་ཆེན་སྙིང་། །ཤིན་ཏུ་མཐོར་གཤེགས་དང་ནི་རྒྱལ་བ་སྐར་
རྒྱལ་རུ་རིངས་དང་། །བཅུ་པ་ཁམས་གསུམ་མགོན་པོ་ཡོན་ཏན་གྲགས་ཤེས་བྱ་བ་ཡིན། །ཉི་ཟླ་ཉི་མའི་འོད་དང་སྐར་མཁན་སེང་གེའི་ཏོག་དང་ནི། །དུས་མཁྱེན་རྒྱལ་པོ་དཔལ་གྱི་སྙིང་པོ་སྲིད་མཐའ་གཟིགས་པ་དང་། །
གློག་གི་འོད་དང་གསེར་གྱི་རི་བོ་སེང་གེས་བྱིན་པ་དང་། །བཅུ་པ་མི་དབང་རྒྱལ་བ་གཞན་གྱིས་མི་ཐུབ་རྒྱལ་མཚན་ཡིན། །མཆོག་དགའ་གྲགས་པ་བརྩོན་འགྲུས་བརྟན་པ་དང་ནི་གྲགས་རྫོགས་དང་། །བསྙེངས་བྲལ་དང་ནི་མཆོད་
འོས་ལྷ་དང་སྒྲོན་མ་ཆེན་པོ་དང་། །འཇིག་རྟེན་འོད་དང་སྤོས་དྲི་ཞིམ་དང་ཡོན་ཏན་མཆོག་འཛིན་དང་། །བཅུ་པ་རང་བྱུང་མཚུངས་མེད་མུན་དང་རྣམ་པར་བྲལ་བ་ཡིན། །སེང་གེའི་འགྲམ་པ་དང་ནི་རིན་ཆེན་གྲགས་དང་སྐྱོན་རབ་ཞི། །
བདུད་རྩི་འཆང་དང་མི་ཡི་ཟླ་བ་དང་ནི་ཤིན་ཏུ་གཟིགས། །རབ་ཏུ་བརྒྱན་དང་ནོར་བུ་འོད་དང་རི་བོ་བརྩེགས་པའི་ཏོག །བཅུ་པ་ཆོས་ཀྱི་འབྱུང་གནས་དོན་ངེས་ལྡན་པ་ཡིན། །ཆོས་སྦྱིན་དང་ནི་རིན་ཆེན་འབྱུང་གནས་སྐྱེ་དབང་མཚུངས། །
སྟབས་ཀྱིས་གཤེགས་པ་དང་ནི་བློ་གནས་པ་དང་གདུགས་མཛེས་དང་། །གཙོ་བོ་དང་ནི་ཤིན་ཏུ་འཕགས་དཔལ་སེང་གེའི་སྒྲ། །བཅུ་པ་སྐྱེས་བུ་གཙོ་བོ་རྣམ་པར་རོལ་ལྡན་ཡིན། །ཀླུ་ཡི་འོད་དང་མེ་ཏོག་རི་བོ་དང་ནི་ཀླུ་དགའ་དང་། །
སྤོས་ཀྱི་དབང་ཕྱུག་ཤིན་དུ་གྲགས་དང་སྟོབས་ལྷ་ཞེས་བྱ་དང་། །ཡོན་ཏན་ཕྲེང་བར་ལྡན་དང་ཀླུ་ཡི་ལག་དང་མིག་བརྒྱན་དང་། །བཅུ་པ་དྲང་སྲོང་ཆེན་པོ་ལེགས་པར་སྦྱངས་པའི་བློ་ཞེས་བྱ། །ཟིལ་ནོན་ཡེ་ཤེས་མཐའ་ཡས་སྤྱན་དང་
བདེན་པར་གསུང་བ་དང་། །ཉི་མའི་འོད་དང་ངེས་པའི་བློ་དང་མཐའ་ཡས་པ་ཡི་གཟུགས། །རྣམ་པར་སྣང་མཛད་རིན་ཆེན་ཏོག་དང་ཐེ་ཚོམ་སྤངས་པ་དང་། །བཅུ་པ་རང་ཉིད་བྱུང་བ་འཇིག་རྟེན་དག་ལས་འདས་པ་ཡིན། །
40-1-100a


དོན་ཡོད་རྣམ་པར་གནོན་དང་རྟོག་མཛད་མེ་ཏོག་རྒྱལ་མཚན་དང་། །རི་དབང་རྒྱལ་པོ་དང་ནི་གཟི་བརྗིད་ཆེ་དང་དོན་མཛད་གཟིགས། །གྲགས་པ་མཐའ་ཡས་དང་ནི་རིན་ཆེན་ལྷ་དང་དོན་གནས་མཁྱེན། །བཅུ་པ་
བློ་ནི་ཡོངས་སུ་རྫོགས་པ་དམན་མིན་གྲགས་པ་ཡིན། །མྱ་ངན་མེད་ཅེས་བྱ་དང་དྲི་མ་བྲལ་དང་ཚངས་ལྷ་དང་། །ས་ཡི་དབང་ཕྱུག་མེ་ཏོག་སྤྱན་དང་རྣམ་པར་འབྱེས་པའི་སྐུ། །ཆོས་ཀྱི་འོད་དང་ཀུན་ནི་གཟིགས་དང་ཡོན་ཏན་
འོད་གསལ་དང་། །བཅུ་པ་འཇིག་རྟེན་གསུམ་གྱིས་མཆོད་པ་དྲི་མེད་ཟླ་བའི་ཞལ། །རིན་ཆེན་འོད་དང་རིན་ཆེན་ཏོག་དང་ནི། །གྲགས་བླ་འོད་བྱེད་གཟི་བརྗིད་དཔག་མེད་དང་། །དུས་མཁྱེན་སེང་གེའི་སྐུ་དང་མཁས་བློ་
དང་། །རྒྱལ་བར་དཀའ་དང་ཡོན་ཏན་ཕུང་པོ་དང་། །ཟླ་བའི་ཏོག་དང་མཐུ་ནི་ཐོབ་པ་དང་། །མཐུ་རྩལ་མཐའ་ཡས་ཟླ་བ་དྲི་མེད་དང་། །དོན་རྣམས་ཐམས་ཅད་གཟིགས་དང་དཔའ་བོ་དང་། །འབྱོར་པར་ལྡན་དང་བསོད་
ནམས་སྒྲོན་མ་དང་། །ཡོན་ཏན་འོད་འཕྲོ་བློ་ནི་ཡངས་པ་དང་། །ལེགས་སྐྱེས་ནོར་ལྷ་ཡིད་གཉིས་སྤོང་བ་དང་། །འཛིན་པ་དཔག་མེད་མཆོག་སྲེད་ཆོམས་མེད་དང་། །མི་གནས་པ་དང་སངས་རྒྱས་དེར་གནས་དང་། །
ཚོགས་ཅན་གཙོ་བོ་འགྲོ་བའི་འོད་ཟེར་དང་། །ཕལ་ཆེན་རྒྱལ་དང་གཟི་བརྗིད་མཐའ་ཡས་དང་། །དོན་གྱི་བློ་གྲོས་སྨན་པའི་རྒྱལ་པོ་དང་། །ཐ་བ་སྤས་དང་རིམས་མེད་ལེགས་བྱིན་དང་། །གྲགས་བྱིན་མེ་ཏོག་བྱིན་
དང་སྐྱེས་བུས་བྱིན། །རྡོ་རྗེ་སྡེ་དང་ཕལ་ཆེན་བྱིན་པ་དང་། །ཞི་བའི་བློ་གྲོས་སྤོས་ཀྱི་གླང་པོ་དང་། །སྲེད་མེད་བུ་དང་དེས་པ་མི་ཚུགས་པ། །ཉི་ཟླ་གློག་གི་ཏོག་དང་མཆོད་པ་དང་། །དཔལ་སྦས་དང་ནི་ཡེ་ཤེས་ཉི་མ་དང་། །
དོན་གྲུབ་ལྷུན་པོ་བརྩེགས་དང་དགྲ་འདུལ་དང་། །པད་མ་དང་ནི་དགྲ་བཅོམ་གྲགས་པ་ཡིན། །ཡེ་ཤེས་འགྲོས་དང་ཉོན་མོངས་བྲལ་བ་དང་། །འདམ་བུ་དང་ནི་སྤོས་བཟངས་ཡུལ་འཁོར་རངས། །ལྷ་གྲགས་སྲིད་
40-1-100b


མཐའ་གཟིགས་དང་ཟླ་བ་དང་། །སྒྲ་གཅན་དང་ནི་རིན་ཆེན་ཟླ་བ་དང་། །སེང་གེའི་རྒྱལ་མཚན་དང་ནི་བསམ་གཏན་དགྱེས། །རྫོགས་ལྡན་རྣམ་རོལ་ཡོན་ཏན་རིན་ཆེན་དང་། །དགྲ་བཅོམ་གྲགས་པ་པད་ངོས་མཛོད་སྤུ་ལྡན། །
སྤོབས་པ་གྲགས་པ་རྡོ་རྗེ་ནོར་བུ་དང་། །ཚེ་དཔག་མེད་དང་ནོར་བུ་བཀོད་པ་དང་། །དབང་ཆེན་ཡོན་ཏན་འབྱུང་གནས་ལྷུན་པོ་གྲགས། །འོད་ཟེར་བཅུ་པ་མ་སྨད་གླང་པོའི་འགྲོས། །ཡིད་དུ་འཐད་པ་རིན་ཆེན་ཟླ་བ་དང་། །ཞི་བ་རབ་
གསལ་རྒྱལ་པོ་ཁ་ལོ་སྒྱུར། །དགའ་བའི་དབང་ཕྱུག་གཙུག་ན་རིན་པོ་ཆེ། །བསྙེངས་བྲལ་རིན་ཆེན་སྙིང་པོ་ཟླ་བའི་ཞལ། །དྲི་མ་མེད་གྲགས་ཞི་བའི་གཟི་བརྗིད་དང་། །དགའ་ཏོག་སྒྲ་གཅན་ལྷ་དང་ན་ཚོད་བཟང་། །ལྷ་དག་
དགའ་དང་རིན་ཆེན་ཕུང་པོ་དང་། །མཛེས་པར་གཤེགས་དང་སེང་གེའི་ཕྱོགས་པ་དང་། །ཤིན་དུ་མཐོར་གཤེགས་སྐྱེ་དབང་བློ་གྲོས་བཟང་། །འཇིག་རྟེན་འོད་དང་རིན་ཆེན་གཟི་བརྗིད་དང་། །སྐལ་ལྡན་ཤིང་རྟ་ཀུན་རྒྱལ་དགའ་བ་
བཀོད། །སྟེགས་མཛད་དང་ནི་སྤོས་གླང་བློ་འོད་འཕྲོ། །རི་བོའི་རྒྱལ་མཚན་དང་ནི་སྤོས་བཟངས་དང་། །ཆོས་བརྟན་དང་ནི་གཟི་བརྗིད་དྲག་ཤུལ་ཅན། །ཆོས་ཀྱི་ནོར་བུ་བཟང་བྱིན་བདེ་གཤེགས་ཟླ། །ཚངས་པའི་
དབྱངས་དང་སེང་གེའི་ཟླ་བ་དཔལ། །ལེགས་པར་སྐྱེས་དང་ཐུབ་པ་མེད་པའི་ཚོགས། །གྲགས་པའི་བཤེས་གཉེན་བདེན་པ་ཞེས་བྱ་དང་། །དཀའ་ཐུབ་ཆེན་པོ་ལྷུན་པོའི་འོད་ཟེར་དང་། །ཡོན་ཏན་བརྩེགས་
པ་མཆོད་གྲགས་ཆོས་གྲགས་དང་། །སྦྱིན་འོད་གློག་འབྱིན་བདེན་པར་གསུང་བ་དང་། །འཚོ་བྱེད་ན་ཚོད་བཟང་པོ་ལེགས་ཚོགས་ཅན། །རྣམ་ངེས་བློ་གྲོས་སྲིད་མཐའ་ནོར་བུའི་སྤོས། །རྒྱལ་བས་དགྱེས་
དང་སེང་གེའི་འོད་ཟེར་དང་། །རྣམ་པར་སྣང་མཛད་གྲགས་མཆོག་ཐུགས་རབ་གཞུངས། །ནོར་བུ་ཟླ་བ་དྲག་ཤུལ་འོད་ཟེར་དང་། །བརྟུལ་ཞུགས་ཐུབ་མེད་འགྲོས་མཆོད་ནོར་བུའི་ཚོགས། །འཇིག་རྟེན་
40-1-101a


བླ་མ་གླང་ཆེན་སེང་གེ་དང་། །ཟླ་བ་རིན་ཆེན་འོད་ཟེར་སྒྲ་གཅན་སྦེད། །ཡོན་ཏན་རྒྱ་མཚོ་འོད་ཟེར་ལྡན་པ་དང་། །རབ་ཏུ་ཞི་སྟབས་འཇིག་རྟེན་བཟང་པོ་དང་། །མྱ་ངན་མེད་པ་ཤུགས་བཅུ་
སྟོབས་དགྱེས་དང་། །མཐུའི་དཔལ་དང་མཐུ་ཐོབ་མཐུ་ཆེན་དང་། །ཡོན་ཏན་སྙིང་པོ་བདེན་པར་སྤྱོད་པ་དང་། །དགེ་མཆོག་རྒྱལ་པོ་སྐར་རྒྱལ་འོད་ཟེར་ཆེ། །གློག་གི་འོད་དང་ཡོན་ཏན་རྒྱ་ཆེན་
དང་། །རིན་པོ་ཆེ་དང་དཔལ་འོད་བདུད་འདུལ་དང་། །གོ་བགོས་སེང་གེའི་ཕྱག་དང་མེ་ཏོག་བཟང་། །རིན་ཆེན་མཐོན་པོ་དང་ནི་རྒྱ་མཚོ་དང་། །ས་འཛིན་དོན་བློ་མངའ་བ་ཡོན་ཏན་བསགས། །
ཡོན་ཏན་ཚོགས་དང་རིན་པོ་ཆེའི་མེ། །འཇིག་རྟེན་འདས་དང་འཇིག་རྟེན་ཟླ་བ་དང་། །དབྱངས་སྙན་ཚངས་པའི་ཏོག་དང་ཚོགས་ཅན་གཙོ། །སེང་གེའི་སྟབས་དང་དྲག་ཤུལ་བྱིན་པ་དང་། །ཆོས་
ཀྱི་དབང་ཕྱུག་གཟི་འོད་འོད་ཟེར་ཆེ། །རིན་ཆེན་གྲགས་པ་ཚོགས་ཅན་གསལ་བ་དང་། །གྲགས་པ་མཐའ་ཡས་འོད་ཟེར་དོན་ཡོད་དང་། །ལྷ་ཡི་དྲང་སྲོང་སྐྱེ་དབང་དགེ་འདུན་བརྟན། །ཕྱོགས་བཟང་
ཏོག་དང་ཡུལ་འཁོར་མེ་ཏོག་དང་། །ཆོས་ཀྱི་བློ་གྲོས་རླུང་གི་ཤུགས་ལྟར་གཤེགས། །ལེགས་བསམས་གྲགས་པ་སྣང་ལྡན་ལྷ་ཚོགས་དང་། །ཡོན་ཏན་བསྲུངས་དོན་བློ་གྲོས་བསྙེངས་པ་མེད། །གྲོགས་
བརྟན་དང་ནི་འོད་གནས་མཚུངས་པ་དང་། །ནོར་ཞབས་ཐར་པའི་གཟི་བརྗིད་ངོས་བཟངས་དང་། །བློ་བཟངས་དང་ནི་ཀུན་དུ་གཟི་བརྗིད་དང་། །ཡེ་ཤེས་མཆོག་མ་དང་ནི་ཚངས་པར་གནས། །བདེན་པ་གསུང་དང་
བློ་བཟངས་སྟོབས་བྱིན་དང་། །སེང་སྟབས་མེ་ཏོག་ཏོག་དང་ཤེས་འབྱུང་གནས། །མེ་ཏོག་བྱིན་དང་ཡོན་ཏན་སྙིང་པོ་དང་། །རིན་ཆེན་གྲགས་པ་གྲགས་པ་རྨད་བྱུང་དང་། །མི་ཚུགས་བསྙེངས་མེད་ཉི་མའི་
40-1-101b


འོད་དག་དང་། །ཚངས་གཤེགས་ལྷ་ཡི་མཐུ་རྩལ་ཡེ་ཤེས་དགྱེས། །ལྷ་བདེན་ནོར་བུའི་སྙིང་པོ་ཡོན་ཏན་གྲགས། །ཡེ་ཤེས་དཔལ་དང་བཅིངས་པ་མེད་པ་དང་། །བརྟུལ་ཤུགས་བརྟན་དང་ལྷའི་གཟི་བརྗིད་དང་། །ཚངས་ཐུབ་དལ་བཞུད་
བརྟུལ་ཞུགས་དཀའ་ཐུབ་དང་། །འོད་ཟེར་ཕུང་པོ་དང་ནི་གཟི་བརྗིད་ཆེ། །ཙམ་པ་ཀ་དང་དགའ་མཛད་ཚོགས་ཅན་བཟང་། །དབང་པོའི་རྒྱལ་མཚན་བཅུ་པ་དགྱེས་ཆེན་ཡིན། །སྣ་མའི་མེ་ཏོག་འོད་དང་ཚོགས་ཅན་འོད། །སྐྲུན་མཛད་མདངས་
འགྲོ་དོན་ལེགས་ངེས་པ་དང་། །ཁྱུ་མཆོག་དང་ནི་ལག་བཟངས་འོད་ཟེར་ཆེ། །བསམ་པས་བྱིན་པ་དང་ནི་བསོད་ནམས་འོད། །རིན་ཆེན་དབྱངས་དང་རྡོ་རྗེའི་སྡེ་དང་ནི། །འབྱོར་ལྡན་སེང་གེའི་སྟོབས་དང་དྲི་མེད་སྤྱན། །འོད་སྲུང་
དང་ནི་བློ་གསལ་ཡེ་ཤེས་འགྲོས། །གཟི་བརྗིད་དྲག་ཤུལ་འོད་ཟེར་ཆེན་པོ་དང་། །ཉི་མའི་འོད་དང་དྲི་མ་མེད་པའི་འོད། །གཟི་བརྗིད་རྣམ་འབྱེས་ཁེངས་མེད་སྦྲང་རྩིའི་ཞལ། །ཟླ་འོད་གློག་སྦྱིན་རབ་ཞིར་གཤེགས་པ་དང་། །མི་
འཁྲུགས་པ་དང་དགྲ་བཅོམ་གྲགས་པ་དང་། །ཆོས་ཀྱི་ཡོན་ཏན་ཞིང་བཟང་བཀོད་རྒྱལ་པོ། །མངོན་པར་འཕགས་དང་སྦྱིན་བསྲེག་འོད་འཕྲོ་དང་། །པད་དཔལ་རིན་ཆེན་བཀོད་དང་ཤིན་དུ་བཟང་། །རིན་ཆེན་མཆོག་དང་ཐུགས་ནི་ཤིན་དུ་
གཞུངས། །རྒྱ་མཚོས་བྱིན་དང་ཚངས་པའི་ཏོག་དང་ཟླ་གདུགས་འོད་འཕྲོ་དང་། །དྲི་མེད་རྒྱལ་པོ་ཡེ་ཤེས་གྲགས་པ་ཀུན་རྒྱལ་ཡོན་ཏན་འོད། །སྒྲ་གྲགས་ཟླ་རྒྱལ་པད་མའི་འོད་ཟེར་བརྟུལ་ཞུགས་བཟང་པོ་དང་། །སྒྲོན་རྒྱལ་གློག་
གི་ཏོག་དང་འོད་ཟེར་རྒྱལ་པོ་སྐར་མཁན་དང་། །གྲགས་པ་རྫོགས་ལྡན་པད་མའི་སྙིང་པོ་རྒྱལ་དང་སྤྱན་མཛེས་དང་། །རྙོག་མ་མེད་དོན་དྲག་ཤུལ་སྡེ་དང་བསོད་ནམས་གཟི་མཐུ་རྩལ། །ཐོགས་མེད་བློ་དང་སྒྲ་གཅན་ལྷ་དང་ཤེས་ཕུང་ཁ་ལོ་སྒྱུར། །
སྐྱེ་དབང་མཚུངས་དང་མེ་ཏོག་ཏོག་དང་སྒྲ་གཅན་འཛིན་སྨན་ཆེན། །རྒྱུ་སྐར་རྒྱལ་པོ་སྨན་རྒྱལ་བསོད་ནམས་གླང་པོ་གཅོད་མཛད་དང་། །རྣམ་གྲགས་རྒྱལ་པོ་ཉི་འོད་ཆོས་མཛོད་བློ་གྲོས་བཟང་། །ཡོན་ཏན་དབང་མཚུངས་རྡོ་རྗེའི་སྡེ་དང་ཤེས་རབ་བརྩེགས་པ་དང་། །
40-1-102a


ལེགས་གནས་བློ་སྦྱངས་ཚངས་དབྱངས་ཡོན་ཏན་མཆོག་དང་འབྲུག་སྒྲ་དབྱངས། །མངོན་ཤེས་ཏོག་དང་ཏོག་འོད་དགེ་བ་ཚངས་པ་སྐྱེས་མཆོག་དང་། །སྤྱན་སྡུག་པ་དང་ཀླུས་བྱིན་བདེན་པའི་ཏོག་དང་བརྒྱན་པ་དང་། །ཞུམ་པ་མེད་དབྱངས་རིན་
ཆེན་འོད་དང་ཚངས་བྱིན་སེང་གེ་དང་། །འོད་ཟེར་སྣ་ཚོགས་ཡེ་ཤེས་དཔའ་བོ་པད་ཕུང་མེ་ཏོག་རྒྱས། །མཐུ་རྩལ་སྟོབས་དང་བསོད་ནམས་ཕུང་པོ་གཟུགས་མཆོག་སྐར་མཁན་དང་། །ཟླ་སྒྲོན་གཟི་བརྗིད་ཕུང་པོ་བྱང་ཆུབ་རྒྱལ་པོ་མི་ཟད་པ། །མངོན་
རྟོགས་སྤྱན་དང་ཡན་ལག་རྒྱས་དང་ཡུལ་འཁོར་ཤེས་རབ་མཆོག །གཟི་བརྗིད་ཚིམ་མཛད་ཤེས་རབ་བྱིན་དང་མགོན་པོ་འཇམ་པའི་དབྱངས། །ཆགས་པ་མེད་མཛོད་གཙོ་བོས་བྱིན་དང་གཙོ་བོ་ཤེས་མཐུ་རྩལ། །འོད་འཕྲོ་དབང་པོ་ཤུགས་འཆང་
སྐར་རྒྱལ་འོད་བཟངས་གྲགས་པ་བྱིན། །གཟུགས་བཟང་རྒྱལ་པོ་དོན་གྲུབ་སེང་གེའི་སྡེ་དང་ནོར་ལྷའི་བུ། །གྲགས་རྒྱལ་རྒྱ་ཆེན་སྙིང་པོ་བསོད་ནམས་འོད་ཟེར་སྨྲང་འདོན་པ། །སྒྲོན་རྒྱལ་ཡེ་ཤེས་བརྩེགས་དང་ལྷ་མཆོག་དང་ནི་ས་བདག་དང་། །གྲོལ་
བརྙེས་གཙུག་གི་གསེར་དང་སྒྲ་གཅན་བཟང་པོ་ཐུབ་པར་དཀའ། །ཐུབ་གསལ་ཟླ་བའི་འོད་ཟེར་གསེར་གྱི་འོད་དང་ལེགས་བྱིན་ལྷའི། །ཡོན་ཏན་དབང་པོ་ཆོས་གདུགས་བསོད་ནམས་ལག་དང་ཆགས་མེད་དང་། །ཡེ་ཤེས་གྱ་ནོམ་བློ་ཞིབ་གཟི་བྱིན་ཐམས་
ཅད་པ་རྩི་སྨན། །རྣམ་གྲོལ་ཏོག་དང་འོད་མཛད་ཡེ་ཤེས་རྒྱལ་པོ་འཇིགས་མཛད་དང་། །ཆུ་བོ་སྤོང་དང་ཐོགས་མེད་གྲགས་པ་བདེན་ཕུང་དབྱངས་སྙན་དང་། །རི་དབང་མཚུངས་དང་ཆོས་བརྩེགས་ཐར་པའི་གཟི་བརྗིད་ལེགས་མཛད་དང་། །རབ་ཞིའི་སྐུ་དང་
ཡིད་འོང་གསུང་བློ་སྦྱངས་དང་ཆུ་ལྷ་དང་། །འགྲོས་མཆོད་སེང་གེའི་ལེགས་དང་ཆོས་ཀྱི་མཐུ་རྩལ་སྐལ་བཟང་པོ། །མི་འཁྲུགས་མདོག་དང་གཟི་བརྗིད་རྒྱལ་པོ་རྟོགས་མཛད་སྤྱན་ལེགས་དང་། །དོན་གནས་བློ་དང་སྣང་བའི་འོད་ཟེར་སྤོས་གཟི་ཀུན་
དགའ་མཛད། །དོན་ཡོད་གཤེགས་དང་ཁྲོ་བ་བཅོམ་དང་གཟུགས་མཆོག་ལེགས་གཤེགས་དང་། །རབ་སྦྱིན་གྲགས་དང་འོད་གཙང་ལྷ་ཡི་ཉི་མ་ཤེས་རབ་བྱིན། །མཉམ་གཞག་བདག་ཉིད་གཟི་མདངས་རྒྱལ་རིགས་སྐལ་ལྡན་ཤིང་རྟ་དང་། །
40-1-102b


གསེར་མཆོག་རྣམ་གྲོལ་གཙུག་དང་ཆོས་ལྡན་དང་ནི་སྤོས་གནས་དང་། །དྲེགས་སྤངས་ཡེ་ཤེས་མཛོད་དང་ཚངས་པར་གཤེགས་དང་ཙན་དན་དང་། །མྱ་ངན་མེད་དང་སེང་གེའི་འོད་ཟེར་ཡུལ་འཁོར་ཏོག་པད་སྙིང་། །གཟི་བརྗིད་མཐའ་ཡས་
ལྷ་འོད་ཤེས་རབ་མེ་ཏོག་མཁས་པ་དང་། །ཡེ་ཤེས་འབྱོར་ལྡན་ཚངས་དབྱིག་ཕྱག་ན་རིན་ཆེན་དབང་ལྡན་དང་། །རྫོགས་པར་གསུང་དང་མཆོག་གསུང་མཆོད་འོས་སྐར་རྒྱལ་ཉི་མ་དང་། །འདམ་བརྒལ་ཡེ་ཤེས་བརྙེས་དང་གྲུབ་པ་རྨ་བྱ་
ཆོས་སྦྱིན་དང་། །ཕན་བཞེད་ཡེ་ཤེས་ལྡན་གྲགས་འོད་ཟེར་དྲ་བ་རྣམ་བཅོམ་དང་། །བཻ་དཱུརྱ་སྙིང་མེ་ཏོག་ལྷ་རྒྱལ་ཟླ་བ་དྲན་འོད་དང་། །དགེ་བའི་འོད་དང་ཡོན་ཏན་མཆོག་མ་ཀུན་གྱི་འོད། །རིན་པོ་ཆེ་ཡི་དཔལ་དང་སྐྱེས་བུ་ཟླ་བ་དང་། །སྒྲ་
གཅན་བདུད་རྩིའི་འོད་དང་འཇིག་རྟེན་དག་གི་མཆོག །སྐར་འོད་ཞི་སྟོབས་བཅུ་པ་ཡེ་ཤེས་རྒྱ་མཚོ་ཡིན། །རི་དབང་རབ་ཞི་ཡོན་ཏན་མཐའ་སྟོབས་ལྷ་དབང་དང་། །དབྱངས་སྙན་ངོས་བཟངས་དང་ནི་དོན་ལ་གནས་པ་དང་། །ཡོན་ཏན་གཟི་
བརྗིད་དཔལ་དང་མཁྱེན་ལྡན་ཟླ་མེད་དང་། །བཅུ་པ་ང་རོ་དཔག་མེད་རྒྱལ་བ་ཞེས་ཀྱང་བྱ། །འོད་བཟངས་ཤིན་དུ་ཐུགས་གཞུངས་དོན་དགོངས་གཏི་མུག་བྲལ། །དབྱངས་ཀྱི་ཡན་ལག་ཁྱད་འཕགས་མཆོག་ཏུ་མཛེས་པར་གཤེགས། །ཞི་བའི་
དོན་དང་སྐྱོན་མེད་བློ་དབྱངས་དགེ་བ་དང་། །པད་མའི་མཛོད་དང་བཅུ་པ་འོད་ཟེར་བཟང་པོ་ཡིན། །སྤོབས་པའི་མཆོག་དང་སྟེགས་བཟང་པོ་དང་ཚོགས་དབང་དང་། །བསྙེངས་པ་དང་ནི་བྲལ་བ་ཡེ་ཤེས་བཞེད་པ་དང་། །བདེ་གཤེགས་སྤོབས་པའི་
སྤྱན་དང་བློ་ཡི་མཆོག་མ་དང་། །ཟླ་བ་རིན་ཆེན་ཟླ་འོད་དང་ནི་བཅུ་པ་བསྙེངས་མེད་ཡིན། །གཟིགས་པ་ཆེ་དང་ཚངས་པའི་དབྱངས་དང་དབྱངས་བཟང་དང་། །ཤེས་རབ་ཆེན་པོའི་སྟེགས་དང་བློ་གྲོས་ཟླ་མེད་དང་། །རྡོ་རྗེ་མཁྲེགས་དང་བྱང་
ཆུབ་བློ་གྲོས་ལྗོན་ཤིང་དབང་། །གདངས་སྙན་པ་དང་བཅུ་པ་བསོད་ནམས་སྟོབས་ཀྱང་ཡིན། །མཐུའི་དཔལ་དང་འཕགས་པ་དགྱེས་དང་མཐུ་སྟོབས་དང་། སྐར་མ་ལ་ནི་དགྱེས་དང་སྤྲིན་གྱི་རྔ་སྒྲ་དང་། །སྤྱན་སྡུག་ཞལ་དང་ཡེ་ཤེས་བཟང་ལྡན་
40-1-103a


འབྱོར་ལྡན་དང་། །ཡོན་ཏན་ཕུང་པོ་དང་ནི་བཅུ་པ་གསལ་བ་ཡིན། །ཆོས་ཀྱི་རྒྱལ་མཚན་ཡེ་ཤེས་ང་རོ་ནམ་མཁའ་དང་། །མཆོད་སྦྱིན་ང་རོ་ཤེས་རབ་རྣམ་འགོད་ང་རོ་དང་། །ཡོན་ཏན་འོད་ཟེར་གཟི་བརྗིད་དྲང་སྲོང་དབང་པོ་དང་། །བློ་
ལྡན་སྤོབས་པའི་ཚོགས་དང་བཅུ་པ་མཆོད་སྦྱིན་བཟང་། །ཟླ་བའི་ཞལ་དང་ཤིན་ཏུ་གཟིགས་དང་རྡུལ་བྲལ་དང་། །ཡོན་ཏན་ཚོགས་དང་ཏོག་ལྡན་བསོད་ནམས་རྒྱལ་མཚན་དང་། །ཡུལ་འཁོར་སྤོབས་པ་དང་ནི་རིན་ཆེན་རབ་སྦྱིན་དང་། །ཟླ་བ་
དགྱེས་པ་དང་ནི་བཅུ་པ་སེང་གེའི་སྟོབས། །དབང་སྒྱུར་རྒྱལ་པོ་དང་ནི་བདུད་རྩི་གསལ་བ་དང་། །བསམ་གཏན་སྙོམས་དང་འཁྲུག་མེད་དྲི་མ་རབ་ཞི་དང་། །ཕྱོགས་མ་བསླད་དང་མཛེས་པ་དང་ནི་ཞལ་བཟངས་དང་། །
ཤུགས་གནས་ཡེ་ཤེས་ལྡན་དང་བཅུ་པ་གསུང་དབང་ཡིན། །གཟི་བརྗིད་ཆེན་པོ་བློ་གྲོས་ཟབ་མོ་བདུད་རྩི་དང་། །ཆོས་ཀྱི་སྟོབས་དང་མཆོད་པར་ལྡན་དང་མེ་ཏོག་འོད། །ཁམས་གསུམ་དག་གི་མཆོད་གནས་སྒྲ་གཅན་ཉི་མའི་
སྙིང་། །ལྷ་ཡིས་མཆོད་པ་བཅུ་པ་ཐར་པའི་རྒྱལ་མཚན་ཡིན། །དགེ་བའི་གཙུག་དང་བདུད་རྩིའི་འོད་དང་རྡོ་རྗེ་དང་། །བརྟན་པ་དང་ནི་རིན་ཆེན་ཕུང་པོ་མཛེས་གཤེགས་དང་། །ཉི་མ་ལྟ་བུར་གཤེགས་པ་དང་ནི་དག་པའི་འོད། །
ཡོན་ཏན་གཙུག་དང་བཅུ་པ་དཔལ་ནི་རྫོགས་པ་དང་། །སེང་གེའི་སྟབས་དང་གྱེན་དུ་འཕགས་པ་མེ་ཏོག་བྱིན། །འོད་འགྱེད་པ་དང་པད་མ་དང་ནི་ཡེ་ཤེས་དགྱེས། །བཀོད་པ་མཛེས་དང་གཏི་མུག་མེད་པར་གནས་པ་དང་། །
རྨ་མེད་པ་དང་བཅུ་པ་ཏོག་གི་རྒྱལ་མཚན་ཡིན། །བདེ་བར་དགོངས་དང་གཏི་མུག་མེད་རྒྱལ་ཆོ་ག་མཁྱེན། །དག་པའི་རྒྱ་མཚོ་དང་ནི་རིན་ཆེན་མངའ་དང་མི་དམའ་བ། །སྐྱེ་བོ་དགའ་མཛད་རྨ་བྱའི་
ང་རོ་མ་ཞུམ་དང་། །བཅུ་པ་སྲིད་པའི་སྲེད་པ་དྲི་མ་སྤངས་པ་ཡིན། །སྤྱོད་པའི་སྟེགས་དང་ལྷ་མང་དག་གིས་སྙན་བསྒྲགས་པ། །རིན་པོ་ཆེ་ཡི་སྟབས་དང་ཕྱག་ན་པད་བསྣམས་དཔལ། །དགྲ་ལས་རྒྱལ་
40-1-103b


དང་འབྱོར་ལྡན་གྲགས་པ་ཡུལ་འཁོར་བཟང་། །མེ་ཏོག་འོད་དང་བཅུ་པ་སེང་གེའི་ང་རོ་ཡིན། །ཟླ་ལྟར་ཤར་དང་འཇོམས་པའི་མཆོག་དང་མི་གཡོ་དང་། །ཕན་ལྡན་གཤེགས་དང་བསོད་ནམས་སྒྲོན་
མའི་རྒྱལ་པོ་དང་། །དབྱངས་ཀྱིས་བསྐུལ་དང་གཽ་ཏ་མི་དང་མདང་སྟོབས་དང་། །བློ་གནས་རང་བཞིན་དང་ནི་བཅུ་པ་ཟླ་བ་བཟང་། །བྱང་ཆུབ་ཡན་ལག་མེ་ཏོག་བཀྲ་ཤིས་ལེགས་སྟོན་དང་། །ཡེ་ཤེས་གཟི་
བརྗིད་སྟོབས་དང་དགེ་བའི་སྒྲོན་མ་དང་། །མཐུ་རྩལ་བརྟན་པོ་ལྷའི་སྒྲ་དང་རབ་ཞི་དང་། །ཉི་མ་ཞལ་དང་བཅུ་པ་ཐར་པའི་བརྟུལ་ཞུགས་ཡིན། །ཚུལ་ཁྲིམས་འོད་དང་བརྟུལ་ཞུགས་གནས་པ་རྡུལ་མེད་
དང་། །སྙིང་པོ་འཕགས་དང་མིག་སྨན་འཕེལ་བར་མཛད་པ་དང་། །སྤོས་འོད་དུས་མཁྱེན་འོད་དང་དྲན་པའི་དབང་པོ་དང་། །ཐོགས་མེད་རྒྱལ་མཚན་བཅུ་པ་བྱང་ཆུབ་མཆོག་བགྲོད་ཡིན། །སྤྱོད་
གསལ་རིན་ཆེན་དགྱེས་དང་ཆོས་དབང་ཕྱུག །ལྷ་འོད་ཐམས་ཅད་བཤེས་གཉེན་ཆེན་པོ་དང་། །བཤེས་གཉེན་བཟང་པོ་རབ་ཏུ་ཞི་བའི་སྟབས། །བདུད་རྩི་བདག་པོ་བཅུ་པ་ལྷུན་པོའི་འོད། །འཕགས་
པས་བསྟོད་དང་སྣང་ལྡན་གཟི་བརྗིད་འབར། །སྣང་བ་གཟིགས་དང་ལེགས་སྤྱད་རྣམ་སྨིན་དང་། །ལེགས་དགྱེས་མྱ་ངན་བྲལ་དང་རིན་ཆེན་འོད། །སྤྱོད་པར་ལྡན་དང་བཅུ་པ་བསོད་ནམས་སྟོབས། །ཡོན་
ཏན་རྒྱ་མཚོ་རྨད་བྱུང་ང་རྒྱལ་སྤོང་། །བདུད་བརླགས་མཛད་དང་བག་ཆགས་རྒལ་སྟབས་དང་། །མི་ཕྱེད་བློ་མངའ་རྒྱ་མཚོ་དག་མཛད་དང་། །ཚོགས་ཅན་གྲོལ་རྒྱལ་བཅུ་པ་དགའ་བའི་འོད། །བྱང་ཆུབ་
རྒྱལ་མཚན་ཡེ་ཤེས་རིན་ཆེན་དང་། །ཤིན་ཏུ་བསིལ་བ་ཚངས་རྒྱལ་ཡེ་ཤེས་དགྱེས། །རྫུ་འཕྲུལ་ཏོག་སྐྱེ་དབང་མཚུངས་ས་དབང་ཕྱུག །ཉི་མ་དགྱེས་དང་བཅུ་པ་སྒྲ་གཅན་ཟླ། །མེ་ཏོག་འོད་དང་སྨན་བདག་མདངས་
40-1-104a


མངའ་དང་། །བསོད་ནམས་དགྱེས་དང་དགའ་སྟོབས་དབྱངས་སྙན་དང་། །ཆོས་ཀྱི་དབང་ཕྱུག་ཚངས་དབྱངས་སྤྱོད་བཟང་དང་། །བཅུ་པ་རྒྱལ་བ་འཁྲུལ་པ་མེད་པའི་བློ། །དབྱངས་ཆེན་སྙན་པར་གྲགས་དང་ཏོག་
ལྡན་དང་། །གཟི་བརྗིད་རྣམ་གྲགས་འགྲོ་བའི་དབང་ཕྱུག་དང་། །ལྗོན་པ་གཏི་མུག་རབ་ཟད་དཔག་མེད་དང་། །ཟླ་བཟང་བཅུ་པ་སྤོབས་པ་མཐའ་ཡས་ཏོག །བརྟུལ་ཞུགས་བཏར་དང་མཆོད་གནས་མྱ་ངན་རྒལ། །དགེ་དགྱེས་འགྲོ་
བའི་བློ་གྲོས་དགྱེས་པར་གཤེགས། །ཞབས་མཛེས་ཨུད་པལ་དུལ་གནས་མེ་ཏོག་དང་། །བཅུ་པ་སྤོབས་པ་མཐའ་ཡས་འོད་ཟེར་ཡིན། །དྲང་སྲོང་གསལ་བ་ཡོན་ཏན་བརྩོན་འགྲུས་སྙིང་། །ལྷ་བདག་རིན་ཆེན་
མཐོ་གསལ་སྐལ་ཤིང་རྟ། །བསོད་ནམས་བློ་གྲོས་སྦྱིན་སྲེག་འོད་འཕྲོ་དང་། །བཅུ་པ་ཡོན་ཏན་མཐའ་ཡས་གཟི་བརྗིད་ཕུང་པོ་ཡིན། །སེང་གེའི་སྟབས་དང་མི་གཡོ་རབ་གསལ་དང་། །འོད་སྤྱོད་གླུ་དབྱངས་གླུ་དབྱངས་
འཁོར་ལོ་འཛིན། །དབྱིག་མཆོག་འཇིག་རྟེན་དགའ་བ་ཆོས་ཟླ་དང་། །བཅུ་པ་དགའ་བ་མཐའ་ཡས་གྲགས་ཤེས་བྱ། །སྤྲིན་ཏོག་ཤེས་རབ་འགྲོས་དང་སྤོས་བཟངས་དང་། །ནམ་མཁའི་དབྱངས་དང་ལྷ་དང་ལྷ་རྒྱལ་དང་། །ནོར་བུ་
གསལ་དང་ནོར་བཟངས་སྒྲོན་མ་དང་། །བཅུ་པ་རིན་ཆེན་ང་རོའི་དབྱངས་ཤེས་བྱ། །སྐྱེ་དབང་རྒྱལ་པོ་སྒྲ་གཅན་སྦེད་པ་དང་། །དགེ་མཛད་སེང་བློ་རིན་ཆེན་གྲགས་པ་དང་། །དོན་མཛད་མཛད་མཐའ་གཟིགས་དང་སྲིད་མེ་ཏོག ། །མཛོད་པུ་བཅུ་པ་
སྤོབས་པ་མཚུངས་མེད་རྒྱལ། །ཡེ་ཤེས་རྣམ་འབྱེད་ང་རོ་སེང་མཆེ་བ། །མཛེས་གཤེགས་བསོད་ནམས་སྒྲོན་མ་བཀྲ་ཤིས་ལྡན། །ཡུལ་འཁོར་མྱ་ངན་མེད་བློ་སེམས་བློ་ལྡན། །ཆོས་སྒྲོན་སྤྱན་དང་བཅུ་པ་ཤིན་དུ་གཟིགས། །ཤུགས་འདོར་
སྟོབས་ཆེན་ཤེས་རབ་མེ་ཏོག་དང་། །བརྟན་པའི་དབྱངས་དང་བདེ་ལྡན་དོན་གསུང་དང་། །དགྱེས་པ་གསལ་བ་སེང་གེའི་ཞལ་གཙུག་ཕུད། །བཅུ་པ་སེང་གེ་ཞེས་བྱ་སྣང་མཛད་འགྱུར། །བསྐལ་བཟངས་འདི་ལ་སངས་རྒྱས་གང་དེ་དག །དེ་དག་
40-1-104b


གི་ནི་མཚན་རྣམས་བསྒྲགས་པ་རྣམས། །འབྲས་བུ་མྱ་ངན་འདས་ཤེས་བྱ་བ་གང་། །ཉན་པ་དེ་དག་འདི་ལ་རྨོངས་མི་འགྱུར། །མཁས་པ་བག་ཡོད་ལྡན་པས་གུས་བགྱིས་ཏེ། །རྒྱལ་བ་འདི་དག་གི་ནི་མཚན་རྣམས་ཉོན། །དེ་དག་གི་ནི་མཚན་རྣམས་ལེགས་
ཐོས་ནས། །ངན་སོང་སྡུག་བསྔལ་ཕྱིར་ཞིང་མྱོངས་མི་འགྱུར། །ཚུལ་ཁྲིམས་གནས་པ་སྡོམས་པའི་རྗེས་འཐུན་ཞིང་། །ཐོས་ལ་མོས་པས་རྟོགས་དང་ལྡན་པ་རྣམས། །ཟབ་མོའི་བཟོད་པ་ཡོངས་སུ་རྫོགས་བྱས་ནས། །འཇིག་རྟེན་མགོན་ཀུན་དེ་དག་གིས་ནི་
མཐོང་། །གང་ཞིག་མི་ཤེས་བསྐལ་པ་བྱེ་བར་ནི། །སྡིག་པའི་ལས་བྱས་ལས་འབྲས་རྣམ་སྨིན་ཀུན། །དེས་ནི་ཟད་བྱས་རྒྱལ་བ་དེ་དག་གི། །མཚན་རྣམས་བཟུང་ནས་ཀྱང་ནི་རྒྱལ་བར་འགྱུར། །མདོ་སྡེ་ཁྲི་ཕྲག་དུ་མར་འཇུག་པ་དང་། །ཏིང་འཛིན་རྫུ་འཕྲུལ་སོ་སོར་ཡང་
དག་རིག །སྒྲ་སྐད་དུ་མ་རྟོགས་དང་ཡེ་ཤེས་དག །ཏིང་ངེ་འཛིན་འདི་ལས་ནི་བཙལ་བར་བྱ། །འཚོ་བ་དག་པ་གཡོ་ནི་མེད་པ་དང་། །རྣམ་སྨིན་ཤེས་དང་ཕྲག་དོག་མེད་པ་དང་། །བསྡུ་བ་དང་ནི་གཟུངས་ལ་བརྩོན་པ་ཡིས། །ཏིང་འཛིན་འདི་ནི་རབ་ཏུ་ཤེས་པར་བྱ། །དེ་སྐད་
ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ནི་ལེགས་ལགས་ཏེ། ལྷ་དང་མི་རྣམས་དང་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བར་
གྱུར་པ་དེ་དང་། མ་འོངས་པ་ན་བྱང་ཆུབ་སེམས་དཔའ་རྣམས་ཀྱིས་ཐོས་ན་ཡང་ཕྱིར་ཞིང་། འདུན་པར་འགྱུར་བ་དང་། དམ་པའི་ཆོས་ལ་ཆེས་ཁྱད་པར་དུ་འཕགས་པར་སྨོན་པར་འགྱུར་བ་དང་། ཕྱིར་ཞིང་སྣང་བར་བགྱིས་པར་འགྱུར་བའི་སླད་དུ། བསྐལ་པ་བཟང་
པོའི་སངས་རྒྱས་དེ་དག་གི་ཡུལ་དང་རིགས་དང་། འོད་དང་། ཡབ་དང་། ཡུམ་དང་། སྲས་དང་། རིམ་གྲོ་པ་དང་། མཆོག་གི་ཟུང་དང་བཟང་པོའི་ཟུང་དང་། དགེ་སློང་གི་དགེ་འདུན་ཕུན་སུམ་ཚོགས་པ་དང་། སྐུ་ཚེའི་ཚད་དང་དམ་པའི་ཆོས་གནས་པ་དང་། སྐུ་གདུང་འཕེལ་
བར་འགྱུར་བ་དག་བཅོམ་ལྡན་འདས་ཀྱིས་བཤད་ཏུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །
40-1-105a


དེ་བཞིན་གཤེགས་པ་འཁོར་བ་འཇིག་སྐྱེས་པའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་བཟང་པོ་ཞེས་བྱའོ། །གདུང་ནི་ཀཱ་ཤྱ་པའོ། །འོད་ནི་དཔག་ཚད་གཅིག་གོ། །ཡབ་ནི་མཆོད་སྦྱིན་ཞེས་བྱའོ། །སྐྱེད་པའི་ཡུམ་ནི་ཚངས་རྒྱལ་ཞེས་བྱའོ། །སྲས་
ནི་བླ་མ་ཞེས་བྱའོ། །རིམ་གྲོ་པ་ནི་བློ་རྫོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་སློང་མཁས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསྙེན་པ་ཞེས་བྱའོ། །འདུས་པ་དང་པོ་ལ་ནི་དགེ་སློང་བཞི་ཁྲིའོ། །གཉིས་པ་ལ་ནི་
བདུན་ཁྲིའོ། །འདུས་པ་གསུམ་པ་ལ་ནི་ཉན་ཐོས་དྲུག་ཁྲིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་
གསེར་ཐུབ་སྐྱེས་པའི་ཡུལ་ནི་གྲོང་ཁྱེར་ལྔ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་མེས་བྱིན་ཞེས་བྱའོ། །ཡུམ་ནི་བླ་མ་ཞེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་བཀྲ་ཤིས་ལྡན་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་བདུན་ཁྲིའོ། །གཉིས་པ་ལ་ནི་དྲུག་ཁྲིའོ། །འདུས་པ་གསུམ་པ་ལ་ནི་དགེ་སློང་ལྔ་ཁྲིའོ། །སྐུ་
ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེས་པའི་ཡུལ་ནི་ཚེ་ཏན་ཞེས་བྱའོ། །རིགས་
ནི་བྲམ་ཟེའོ། །འོད་ནི་རྒྱང་གྲགས་གཅིག་གོ། །ཡབ་ནི་ཚངས་བྱིན་ཞེས་བྱའོ། །ཡུམ་ནི་ནོར་བདག་མ་ཞེས་བྱའོ། །སྲས་ནི་དེད་དཔོན་ཞེས་བྱའོ། །རིམ་གྲོ་པ་ནི་ཀུན་གྱི་བཤེས་གཉེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བ་ར་དྭཱ་ཛ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་སྐར་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་ཉི་ཁྲིའོ། །གཉིས་པ་ལ་ནི་ཁྲི་བརྒྱད་སྟོང་ངོ་། །གསུམ་པ་ལ་ནི་ཁྲི་དྲུག་སྟོང་ངོ་། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་
40-1-105b


གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །མཆོག་ཏུ་དགའ་བའི་རྒྱལ་པོ་ང་སྐྱེས་པའི་ཡུལ་ནི་སེར་སྐྱའི་གནས་ཤེས་བྱའོ། །རིགས་ནི་རྒྱལ་རིགས་སོ། །གདུང་ནི་གཽ་ཏ་མའོ། །འོད་ནི་འདོམ་གང་ངོ་། །ཡབ་ནི་ཟས་གཙང་
མ་ཞེས་བྱའོ། །ཡུམ་ནི་སྒྱུ་འཕྲུལ་ཞེས་བྱའོ། །སྲས་ནི་སྒྲ་གཅན་འཛིན་ཞེས་བྱའོ། །རིམ་གྲོ་པ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉེ་རྒྱལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པང་ནས་སྐྱེས་ཤེས་བྱའོ། །འདུས་པ་དང་
པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་བཅོས་པར་སྣང་ངོ་། །སྐུ་གདུང་ནི་རྒྱས་པར་འགྱུར་རོ། །མཆོག་ཏུ་དགའ་བའི་རྒྱལ་པོ་དེ་བཞིན་གཤེགས་
པ་བྱམས་པ་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་ཏོག་གི་བློ་གྲོས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ཚངས་བཟངས་ཤེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་བསོད་ནམས་སྟོབས་
ཤེས་བྱའོ། །རིམ་གྲོ་པ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་
དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་
པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ལྷ་ཞེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་གཅིག་གོ། །ཡབ་ནི་སེང་གེ་སྟག་ཅེས་བྱའོ། །ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྟོབས་ཆེན་ཞེས་བྱའོ། །རིམ་གྲོ་པ་ནི་དེས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་པ་ཤེས་བྱའོ། །
40-1-106a


རྫུ་འཕྲུལ་ཅན་རྣམས་ཀྱི་མཆོག་ནི་སྤྲིན་ལྡན་ཞེས་བྱའོ། །འདུས་པ་དང་པོ་ལ་ནི་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་ལེགས་པའི་བློ་གྲོས་ཞེས་བྱའོ། །ཡུམ་ནི་མེ་ཏོག་ཅེས་
བྱའོ། །སྲས་ནི་དུས་རིགས་ཅེས་བྱའོ། །རིམ་གྲོ་པ་ནི་དགའ་བའི་དབང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀྲ་ཤིས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་
འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །འདུས་པ་གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་བརྒྱད་ཁྲི་ལྔ་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐུབ་པ་སྐྱེ་བའི་ཡུལ་ནི་གྲོང་ཁྱེར་མེ་ཏོག་བླ་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་ལྷུན་ཆེན་ཞེས་བྱའོ། །ཡུམ་ནི་སྣ་མའི་མེ་ཏོག་འོད་ཅེས་
བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་གྲོ་པ་ནི་མཆོག་གི་དམ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་ངེས་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུས་བྱིན་ཞེས་བྱའོ། །འདུས་པ་
དང་པོ་ལ་ནི་ཉན་ཐོས་ཁྲིའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །འདུས་པ་གསུམ་པ་ལ་དགྲ་བཅོམ་པ་དུང་ཕྱུར་ཕྲག་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་སྐྱེ་བའི་ཡུལ་ནི་པད་མ་དཀར་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་དུས་མཆོག་ཅེས་བྱའོ། །ཡུམ་ནི་མེ་ཏོག་ཅེས་བྱའོ། །
40-1-106b


སྲས་ནི་སྐྱེ་བའི་དབང་པོ་ཞེས་བྱའོ། །རིམ་གྲོ་པ་ནི་བྱང་ཆུབ་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་
ཕྲག་དྲུག་བཅུའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བཞིའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་གཉིས་པ་སྐྱེ་བའི་ཡུལ་ནི་གཟི་བརྗིད་ཡངས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་གཙུག་ན་མེ་ཏོག་ཅེས་བྱའོ། །ཡུམ་
ནི་ཆོས་ལྡན་མ་ཞེས་བྱའོ། །སྲས་ནི་ལུས་གཙང་མ་ཞེས་བྱའོ། །རིམ་གྲོ་པ་ནི་བློ་གྲོས་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །འདུས་
པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་
ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་ལེགས་སྐྱེ་བའི་ཡུལ་ནི་བཟང་བྱེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གཉིས་སོ། །ཡབ་ནི་རིན་པོ་ཆེ་ཞེས་བྱའོ། །ཡུམ་
ནི་ས་ལ་ཅན་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། །རིམ་གྲོ་པ་ནི་ཡོན་ཏན་བློ་གྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་འགྲོས་ཞེས་བྱའོ། །འདུས་པ་དང་
པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ཉིས་འབུམ་བརྒྱད་སྟོང་ངོ་། །འདུས་པ་གསུམ་པ་ལ་ནི་ཉན་ཐོས་སུམ་འབུམ་དྲུག་སྟོང་ངོ་། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་གསུམ་གྱི་བར་དུ་གནས་སོ། །
40-1-107a


སྐུ་གདུང་ནི་རྒྱས་པར་འགྱུར་རོ། །སངས་རྒྱས་བཅུ་པོ་དེ་བཞིན་གཤེགས་པ་དང་པོ་དེ་དག་གིས་སེམས་ཅན་རྣམས་ཡོངས་སུ་སྨིན་པར་མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་དེ་གཅིག་པུས་ཀྱང་མཛད་པར་འགྱུར་རོ། །
དེ་བཞིན་གཤེགས་པ་དེད་དཔོན་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་མཆོག་མཛེས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུ་རྩ་བཞིའོ། །ཡབ་ནི་བག་ཚ་བ་མེད་པ་ཞེས་བྱའོ། །ཡུམ་ནི་ཕན་འདོད་མ་ཞེས་བྱའོ། །སྲས་
ནི་དགའ་བ་ཞེས་བྱའོ། །རིམ་གྲོ་པ་ནི་མཚོ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །
གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་སྟོང་ངོ་། །དམ་པའི་ཆོས་ནི་ལོ་དགུ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་ཆེན་སྐྱེ་བའི་ཡུལ་
ནི་འགྲོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་བརྩོན་འགྲུས་བྱིན་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ལེགས་སེམས་ཤེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་བག་ཚ་བ་མེད་པའི་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རླུང་ལྟར་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་གོ། །དེ་ཕན་ཆད་ནི་བགྲང་གིས་མི་ལང་ངོ་། །སྐུ་ཚེའི་
ཚད་ནི་ལོ་དུང་ཕྱུར་ཕྲག་བཞིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྟོབས་ཆེན་སྐྱེ་བའི་ཡུལ་ནི་གྲོང་ཁྱེར་རིན་པོ་ཆེའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་སུམ་བཅུའོ། །ཡབ་ནི་མཛེས་ལྡན་ཞེས་བྱའོ། །ཡུམ་ནི་གཟི་བརྗིད་ཅན་མ་ཞེས་བྱའོ། །སྲས་ནི་སེང་གེའི་འགྲོས་ཤེས་བྱའོ། །རིམ་གྲོ་པ་ནི་བཟང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །
40-1-107b


རྫུ་འཕྲུལ་ཅན་རྣམས་ཀྱི་མཆོག་ནི་ལེགས་གནས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་དེ་ཉིས་འགྱུར་རོ། །འདུས་པ་གསུམ་པ་ལ་ནི་ཉན་ཐོས་ཁྲི་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་
ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྒྱུ་སྐར་རྒྱལ་པོ་སྐྱེ་བའི་ཡུལ་ནི་གྲོང་ཁྱེར་འཛཱམ་བུའི་ཆུ་ཀླུང་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བརྒྱའོ། །ཡབ་ནི་འོད་སྦྱིན་ཞེས་བྱའོ། །ཡུམ་ནི་ལེགས་པའི་བློ་གྲོས་མ་ཞེས་བྱའོ། །སྲས་ནི་རྒྱལ་ཞེས་བྱའོ། །རིམ་གྲོ་པ་ནི་ཡེ་ཤེས་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲིས་ལན་དབང་ཕྱུག་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་བྱིན་བརླབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་ཕྲག་
བརྒྱད་དོ། དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་གྲོང་ཁྱེར་རྩལ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་
ན་ཚོད་བཟང་པོ་ཞེས་བྱའོ། །ཡུམ་ནི་ཡིད་འོང་བློ་གྲོས་མ་ཞེས་བྱའོ། །སྲས་ནི་རི་བོའི་རྒྱལ་མཚན་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་བསོད་ནམས་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་
ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙན་པའི་ཏོག་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །
40-1-108a


འོད་ནི་དཔག་ཚད་སུམ་བཅུའོ། །ཡབ་ནི་རབ་གསལ་ཞེས་བྱའོ། །ཡུམ་ནི་ས་ལ་ཅན་ཞེས་བྱའོ། །སྲས་ནི་མེ་ཏོག་བླ་མ་ཞེས་བྱའོ། །རིམ་གྲོ་པ་ནི་དགའ་བའི་མིག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་སྟོབས་ཤེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་ཉི་ཁྲིའོ། །གཉིས་པ་ལ་ནི་སུམ་འབུམ་ཆིག་ཁྲིའོ། །འདུས་པ་གསུམ་པ་ལ་ནི་ཉན་ཐོས་སུམ་འབུམ་མོ། །དམ་པའི་
ཆོས་ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཡང་ཟད་དོ། །དེ་བཞིན་གཤེགས་པ་འོད་ཆེན་པོ་སྐྱེ་བའི་ཡུལ་ནི་གྲོང་ཁྱེར་བདེ་དགའ་ཞེས་བྱའོ། །རིགས་ནི་རྒྱལ་རིགས་
སོ། །འོད་ནི་དཔག་ཚད་བཞི་བཅུའོ། །ཡབ་ནི་བ་ཛི་ར་ཞེས་བྱའོ། །ཡུམ་ནི་རྒྱལ་བས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོ་པ་ནི་རབ་ཏུ་ཞི་བའི་བློ་གྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་ཅན་སྙིང་པོ་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུ་
དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲོལ་བའི་ཕུང་པོ་སྐྱེ་བའི་ཡུལ་ནི་གྲོང་ཁྱེར་ཟླ་བ་ཅན་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་ཡིད་བཟངས་ཤེས་བྱའོ། །ཡུམ་ནི་གློག་སྦྱིན་མ་ཞེས་བྱའོ། །སྲས་ནི་དགའ་བས་འགྲོ་ཞེས་བྱའོ། །རིམ་གྲོ་པ་ནི་ནོར་བུའི་འོད་ཅེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་ཡེ་ཤེས་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དང་ཁྲི་ཕྲག་གསུམ་མོ། །གཉིས་པ་ལ་ནི་དེ་ཉིས་འགྱུར་རོ། །
40-1-108b


འདུས་པ་གསུམ་པ་ལ་ནི་ཁྲི་ཕྲག་དྲུག་གོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་འབུམ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་སྣང་མཛད་སྐྱེ་བའི་ཡུལ་ནི་གྲོང་ཁྱེར་ཆོས་བཟང་ཞེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་རྒྱལ་བ་ཞེས་བྱའོ། །ཡུམ་ནི་མེ་ཏོག་བཟང་ཞེས་བྱའོ། །སྲས་ནི་བཞིན་འདྲ་ཞེས་བྱའོ། །རིམ་གྲོ་པ་ནི་ཡུལ་འཁོར་བཟང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་བཟང་
པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བ་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་འབུམ་ཉི་ཁྲིའོ། །གཉིས་པ་ལ་ནི་དྲུག་འབུམ་ཆིག་ཁྲིའོ། །གསུམ་པ་ལ་ནི་དྲུག་འབུམ་མོ། །སྐུ་ཚེའི་ཚད་ནི་ལོ་ལྔ་བརྒྱའོ། །
དམ་པའི་ཆོས་ནི་ལོ་བཞི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་སྙིང་པོ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉིས་བརྒྱའོ། །
ཡབ་ནི་འབྱོར་ལྡན་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་གར་མཁན་ཞེས་བྱའོ། །རིམ་གྲོ་པ་ནི་ཡེ་ཤེས་བླ་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་སྡེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེའི་
སྡེ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཀྱི་དགེ་སློང་འབུམ་མོ། །གཉིས་པ་ལ་ནི་ཐེར་འབུམ་མོ། །འདུས་པ་གསུམ་པ་ལ་ནི་ཉན་ཐོས་དཀྲིགས་ཕྲག་བརྒྱད་དོ། །བཞི་པ་ལ་ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་
བདུན་ནོ། །དམ་པའི་ཆོས་ནི་ལོ་དུང་ཕྱུར་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་རིན་ཆེན་མཆོག་ཅེས་བྱའོ། །རིགས་ནི་
རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ཙམ་པའི་མིག་ཅེས་བྱའོ། །ཡུམ་ནི་སྨན་ཅེས་བྱའོ། །སྲས་ནི་ནབ་སོ་ཞེས་བྱའོ། །རིམ་གྲོ་པ་ནི་ཤིན་དུ་འཇིགས་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་བླ་མ་ཞེས་
40-1-109a


བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་འཕགས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་བཅུ་གཉིས་སོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་བཞིའོ། །འདུས་པ་གསུམ་པ་ལ་
ནི་ཉན་ཐོས་བྱེ་བ་བརྒྱ་ཕྲག་བཅྭ་བརྒྱད་དོ། །བཞི་པ་ལ་ནི་ཉན་ཐོས་བྱེ་བ་བརྒྱ་ཕྲག་ཉི་ཤུའོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་འཕྲོ་སྐྱེ་བའི་ཡུལ་ནི་གྲོང་ཁྱེར་རྡུལ་བཟངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་བསོད་
ནམས་ཕུང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་པ་ནི་ཤིན་དུ་སྤོབས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་བདུན་ནོ། །གཉིས་པ་ལ་ནི་ས་ཡ་ཕྲག་བརྒྱད་དོ། །གསུམ་པ་ལ་ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལོ་
འབུམ་མོ། །དམ་པའི་ཆོས་ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བཟང་སྐྱེ་བའི་ཡུལ་ནི་གྲོང་ཁྱེར་སྐར་འོད་ཅེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་བཅུ་གསུམ་མོ། །ཡབ་ནི་ཉི་མའི་མཐུ་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་དབང་ཕྱུག་ཆེན་པོ་ཞེས་བྱའོ། །རིམ་གྲོ་པ་ནི་སྟོབས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
ཡེ་ཤེས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་མདངས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །གསུམ་པ་ལ་ནི་དུང་ཕྱུར་
40-1-109b


ཕྲག་གསུམ་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མྱ་ངན་མེད་སྐྱེ་བའི་ཡུལ་ནི་གྲོང་
ཁྱེར་ཤེས་རབ་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅྭ་བརྒྱད་དོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་འོད་སྦྱིན་ཞེས་བྱའོ། །རིམ་
གྲོ་པ་ནི་དགའ་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཉི་ཁྲིའོ། །
གཉིས་པ་ལ་ནི་ཁྲིའོ། །འདུས་པ་གསུམ་པ་ལ་ནི་དགུ་འབུམ་ལྔ་ཁྲིའོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་བའི་ཡུལ་ནི་གྲོང་ཁྱེར་ཙམ་པའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་ལྷ་བཟང་ཞེས་
བྱའོ། །ཡུམ་ནི་སྦྱིན་དགའ་ཞེས་བྱའོ། །སྲས་ནི་གློག་གི་འོད་ཅེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་
ཕྲག་བདུན་ནོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
40-1-110a


དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་གླིང་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་ཆོས་འཕགས་ཤེས་བྱའོ། །ཡུམ་ནི་པད་མ་ཅན་
ཞེས་བྱའོ། །སྲས་ནི་ཟླ་རྐང་ཞེས་བྱའོ། །རིམ་གྲོ་པ་ནི་གྲགས་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེ་བྱིན་ཞེས་བྱའོ། །འདུས་པ་དང་པོ་ལ་
ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ་། །དམ་
པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྲེང་ཐོགས་སྐྱེ་བའི་ཡུལ་ནི་གྲོང་ཁྱེར་བསོད་ནམས་ཀྱི་འབྱུང་གནས་ཤེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་བརྒྱད་བཅུའོ། །ཡབ་ནི་པད་མ་དཀར་པོ་ཞེས་བྱའོ། །ཡུམ་ནི་ཡོན་ཏན་བྱིན་ཞེས་བྱའོ། །སྲས་ནི་དཔལ་གྱི་བསོད་ནམས་ཞེས་བྱའོ། །རིམ་གྲོ་པ་ནི་གཟུགས་བཟང་ཤེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་སྒྲོན་མ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་དགུའོ། །གཉིས་པ་ལ་
ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་ཡོན་ཏན་འོད་སྐྱེ་བའི་ཡུལ་ནི་གྲོང་ཁྱེར་ཨུད་པ་ལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་སྣང་ལྡན་ཞེས་བྱའོ། །ཡུམ་ནི་བསོད་ནམས་ཕུང་པོ་ཞེས་བྱའོ། །སྲས་ནི་
40-1-110b


ཆོས་སྤོབས་ཤེས་བྱའོ། །རིམ་གྲོ་པ་ནི་བསོད་ནམས་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཻ་དཱུརྱའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་
ཕྲག་བཅུ་དྲུག་གོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་གཉིས་སོ། །གསུམ་པ་ལ་ནི་བྱེ་བ་བརྒྱ་ཕྲག་བཅྭ་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་དོན་གཟིགས་སྐྱེ་བའི་ཡུལ་ནི་གྲོང་ཁྱེར་སྙིང་པོའི་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་གཉིས་སོ། །ཡབ་ནི་ཡུལ་འཁོར་ཟླ་བ་ཞེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ཡོན་
ཏན་གྲགས་པ་ཞེས་བྱའོ། །རིམ་གྲོ་པ་ནི་ཚངས་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་འབུམ་
ཉི་ཁྲིའོ། །གཉིས་པ་ལ་ནི་བདུན་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མར་མེ་སྐྱེ་བའི་ཡུལ་
ནི་གྲོང་ཁྱེར་རིན་ཆེན་མཛེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུའོ། །ཡབ་ནི་རིན་ཆེན་སོ་ཞེས་བྱའོ། །ཡུམ་ནི་སྐར་མདོག་ཅེས་བྱའོ། །སྲས་ནི་རིན་ཆེན་སྙིང་པོ་ཞེས་བྱའོ། །རིམ་གྲོ་པ་ནི་བློ་གསལ་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་
པ་ལ་ནི་ས་ཡའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་ཉིས་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་ལྡན་སྐྱེ་བའི་
40-1-111a


ཡུལ་ནི་གྲོང་ཁྱེར་གཟི་བརྗིད་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ལེགས་བྱིན་ཞེས་བྱའོ། །ཡུམ་ནི་ཡིད་ལྡན་ལེགས་མོ་ཞེས་བྱའོ། །སྲས་ནི་རྒྱལ་བའི་
བཤེས་གཉེན་ཞེས་བྱའོ། །རིམ་གྲོ་པ་ནི་སེང་གེའི་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མྱ་ངན་མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བརྩེགས་ཤེས་བྱའོ། །འདུས་
པ་དང་པོ་ལ་ནི་ཉན་ཐོས་བྱེ་བ་ཕྲག་གསུམ་མོ། །གཉིས་པ་ལ་ནི་ཐེར་འབུམ་ཕྲག་གཉིས་སོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྨན་པ་སྐྱེ་བའི་ཡུལ་ནི་བརྟུལ་ཞུགས་གྲུབ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུ་རྩ་བདུན་ནོ། །
ཡབ་ནི་འདུན་པ་ཞེས་བྱའོ། །ཡུམ་ནི་འཛམ་བུའི་མཆོག་ཅེས་བྱའོ། །སྲས་ནི་དཔས་བྱིན་ཞེས་བྱའོ། །རིམ་གྲོ་པ་ནི་ཟླ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱ་མཚོ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་གླང་པོའི་སྟོབས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་གཉིས་དང་འབུམ་ཕྲག་གསུམ་མོ། །གཉིས་པ་ལ་ནི་ས་ཡ་ཕྲག་གཉིས་དང་འབུམ་ཕྲག་ལྔའོ། །གསུམ་
པ་ལ་ནི་ས་ཡ་ཕྲག་གཉིས་དང་འབུམ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ས་ཡ་ཕྲག་གཉིས་དང་འབུམ་ཕྲག་ལྔའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དེས་པ་སྐྱེ་བའི་ཡུལ་ནི། གྲོང་ཁྱེར་ལེགས་འབྱོར་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་དབྱིག་མཆོག་ཅེས་བྱའོ། །
40-1-111b


ཡུམ་ནི་ཟླ་འོད་ཅེས་བྱའོ། །སྲས་ནི་ཆོས་ཀྱི་དབང་ཕྱུག་ཅེས་བྱའོ། །རིམ་གྲོ་པ་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་
ཏོག་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་བདུན་ནོ། །
སྐུ་ཚེའི་ཚད་ནི་ལོ་སུམ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛོད་སྤུ་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་གསལ་བ་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱ་ཙམ་མོ། །ཡབ་ནི་ཚོགས་ཅན་རྒྱལ་པོ་ཞེས་བྱའོ། །ཡུམ་ནི་སྐལ་ལྡན་དགའ་ཞེས་བྱའོ། །སྲས་ནི་ལྷུན་པོ་སྦྱིན་ཞེས་བྱའོ། །
རིམ་གྲོ་པ་ནི་ལྷའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་
དུང་ཕྱུར་ཕྲག་དྲུག་དང་བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་གཅིག་གོ། །གསུམ་པ་ལ་ནི་དུང་ཕྱུར་ཕྲག་
དྲུག་གོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་བརྟན་ལྡན་སྐྱེ་བའི་ཡུལ་ནི་བསོད་ནམས་སྒྲ་སྒྲོགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ས་ལའི་རྒྱལ་པོ་ཞེས་བྱའོ། །ཡུམ་ནི་སྐྱེས་བུ་
40-1-112a


བཟང་དགའ་ཞེས་བྱའོ། །སྲས་ནི་སྲིད་སྦྱིན་ཞེས་བྱའོ། །རིམ་གྲོ་པ་ནི་དཔལ་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་
འོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་ས་ཡ་ཕྲག་དགུའོ། །འདུས་པ་གསུམ་པ་ལ་ནི་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ཉི་ཁྲི་བརྒྱད་སྟོང་གི་
བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དཔལ་སྐྱེ་བའི་ཡུལ་ནི་རིན་ཆེན་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་སྦྲང་རྩིའི་སྣོད་
ཅེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་དགའ་བའི་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ས་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ཟླ་སྟོབས་ཅན་ཞེས་བྱའོ། །འདུས་པ་ནི་ལན་གཅིག་སྟེ། ཉན་ཐོས་ཐེར་འབུམ་ཕྲག་གཅིག་གོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་
བཞིན་གཤེགས་པ་གདུལ་དཀའ་སྐྱེ་བའི་ཡུལ་ནི་སྦྱོར་གྲུབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་སྒྲ་གཅན་ལྷ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །
སྲས་ནི་ཟླ་སྦེད་ཅེས་བྱའོ། །རིམ་གྲོ་པ་ནི་བདེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་དམ་པ་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་འབྲུག་སྒྲ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ལྔ་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་བརྒྱད་དོ། །དམ་པའི་ཆོས་ནི་ལོ་དུང་ཕྱུར་ཕྲག་
40-1-112b


གཅིག་དང་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་རྒྱལ་མཚན་སྐྱེ་བའི་ཡུལ་ནི་ཟླ་ལྡན་ཞེས་བྱའོ། །རིགས་ནི་བྲམ་ཟེའི་རིགས་སོ། །འོད་ནི་དཔག་ཚད་ལྔའོ། །ཡབ་
ནི་སྐར་རྒྱལ་བཤེས་གཉེན་ཞེས་བྱའོ། །ཡུམ་ནི་ནོར་ལྷས་བྱིན་ཞེས་བྱའོ། །སྲས་ནི་རྡོ་རྗེའི་སྡེ་ཞེས་བྱའོ། །རིམ་གྲོ་པ་ནི་རིན་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་སྙིང་པོ་ཞེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་ཁ་ལོ་སྒྱུར་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་ཕྲག་སུམ་ཁྲིའོ། །གཉིས་པ་ལ་ནི་འབུམ་ཕྲག་ལྔ་ཁྲིའོ། །འདུས་པ་གསུམ་པ་ལ་ནི་ཉན་ཐོས་འབུམ་ཕྲག་དྲུག་ཁྲིའོ། །སྐུ་ཚེའི་ཚད་ནི་ལོ་བྱེ་
བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་དྲུག་གོ། །ཡབ་ནི་མཐུ་རྩལ་སྟོབས་ཤེས་བྱའོ། །ཡུམ་ནི་ཟིལ་མི་ནོན་ཅེས་བྱའོ། །སྲས་ནི་ཟླ་འོད་ཅེས་བྱའོ། །རིམ་གྲོ་པ་ནི་བཻ་དཱུརྱའི་སྙིང་པོ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་སྟོབས་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་སྲེད་ཅེས་བྱའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་འབུམ་གྱི་བར་དུ་གནས་སོ། །དེ་བཞིན་
གཤེགས་པ་བཞི་བཅུ་པོ་དེ་དག་གིས་སངས་རྒྱས་ཀྱི་ཕྲིན་ལས་མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་འདིས་སེམས་ཅན་རྣམས་གྲོལ་བར་མཛད་པར་འགྱུར་རོ། །དེ་ལྟ་བས་ན་འདིའི་འདུས་པ་རྣམས་ཀྱང་མ་
སྨོས་སོ། །ས་གཞི་ཆེན་པོ་ཡང་རིན་པོ་ཆེ་བདུན་གྱི་རང་བཞིན་དུ་འགྱུར་རོ། །རིན་པོ་ཆེའི་ཤིང་དང་གོས་བྱུང་བའི་ཤིང་གིས་ཀྱང་རྒྱས་པར་འགྱུར་རོ། །སེམས་
40-1-113a


ཅན་རྣམས་ནི་བརྫུས་ཏེ་འབྱུང་བར་འགྱུར་རོ། །ངན་སོང་གསུམ་ཡང་གཏན་འབྱུང་བར་མི་འགྱུར་རོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་པ། དེ་བཞིན་གཤེགས་པ་ཚོགས་ཅན་སྐྱེ་བའི་ཡུལ་ནི་མཛེས་ལྡན་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་ཕྱེད་དོ། །ཡབ་ནི་རིན་ཆེན་བླ་མ་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ས་འཛིན་ཅེས་བྱའོ། །རིམ་གྲོ་པ་ནི་ཡིད་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཁྲུང་ཁྲུང་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་ཅེས་བྱའོ། །འདུས་པ་ནི་ལན་ཅིག་སྟེ་ཉན་ཐོས་འབུམ་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་
བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པའི་དབྱངས་སྐྱེ་བའི་ཡུལ་ནི་གཟི་བརྗིད་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་
བཅུའོ། །ཡབ་ནི་ཚངས་པའི་བླ་མ་ཞེས་བྱའོ། །ཡུམ་ནི་བདེ་ལྡན་མ་ཞེས་བྱའོ། །སྲས་ནི་བསོད་ནམས་གཟི་བརྗིད་འོད་ཅེས་བྱའོ། །རིམ་གྲོ་པ་ནི་པད་མའི་མིག་ཅེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་གསེར་མདོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་སྦྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བརྒྱད་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་
པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚིགས་བརྟན་སྐྱེ་
40-1-113b


བའི་ཡུལ་ནི་མེ་ཏོག་རྒྱས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུའོ། །ཡབ་ནི་བསོད་ནམས་དགའ་ཞེས་བྱའོ། །ཡུམ་ནི་སྐྱིད་ལྡན་མ་ཞེས་བྱའོ། །སྲས་ནི་དུས་རིག་སྦྱིན་ཞེས་
བྱའོ། །རིམ་གྲོ་པ་ནི་དོན་སྤྱད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གསེར་མཆོག་ཅེས་བྱའོ། །འདུས་པ་དང་པོ་ལ་ནི་དགྲ་
བཅོམ་པ་བྱེ་བ་སྟོང་ཕྲག་བདུན་བཅུའོ། །གཉིས་པ་ལ་ནི་བྱེ་བ་སྟོང་ཕྲག་བདུན་བཅུ་རྩ་བརྒྱད་དོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་བཅུའོ། །སྐུ་ཚེའི་ཚད་ནི་ལོ་ལྔ་ཁྲི་ལྔ་སྟོང་ངོ་། །དམ་པའི་ཆོས་ནི་
ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་འགྱིང་བ་སྐྱེ་བའི་ཡུལ་ནི་འགྲོ་དགའ་ཞེས་བྱའོ། །རིགས་ནི་བྲམ་
ཟེའོ། །འོད་ནི་དཔག་ཚད་བཅུའོ། །ཡབ་ནི་རྒྱ་མཚོ་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་མིག་སྡུག་ཅེས་བྱའོ། །རིམ་གྲོ་པ་ནི་སྐྱེ་དབང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
དོན་ལེགས་བསམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེན་ཚིག་ཅན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲི་བརྒྱད་སྟོང་ངོ་། །གཉིས་པ་ལ་ནི་བདུན་ཁྲི་དྲུག་སྟོང་ངོ་། །གསུམ་པ་ལ་ནི་བདུན་
ཁྲི་ལྔ་སྟོང་ངོ་། །སྐུ་ཚེའི་ཚད་ནི་ལོ་སྟོང་ཕྲག་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་མཛད་སྐྱེ་བའི་ཡུལ་ནི་གསེར་གྱི་འོད་ཅེས་བྱའོ། །རིགས་ནི་རྒྱལ་
རིགས་སོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་འོད་ཟེར་ཅན་ཞེས་བྱའོ། །ཡུམ་ནི་རིན་ཆེན་བྱིན་ཞེས་བྱའོ། །སྲས་ནི་ཡོན་ཏན་རིན་པོ་ཆེ་ཞེས་བྱའོ། །རིམ་གྲོ་པ་ནི་མེ་ཏོག་ཟླ་བ་ཞེས་བྱའོ། །
40-1-114a


ཤེས་རབ་ཅན་རྣམས་ཀྱི་མཆོག་ནི་རྣམ་པར་གྲགས་པའི་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་འབུམ་ཕྲག་ལྔ་
བཅུའོ། །གཉིས་པ་ལ་ནི་བྱེ་བ་འབུམ་ཕྲག་བཞི་བཅུའོ། །གསུམ་པ་ལ་ནི་བྱེ་བ་འབུམ་ཕྲག་སུམ་བཅུའོ། །སྐུ་ཚེའི་ཚད་ནི་ལོ་བྱེ་བ་ཕྲག་ལྔའོ། །དམ་པའི་ཆོས་ནི་ལོ་ཐེར་འབུམ་ཕྲག་བདུན་གྱི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་ཆེན་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བཅུའོ། །ཡབ་ནི་ཟླ་བའི་གཟི་བརྗིད་ཅེས་བྱའོ། །
ཡུམ་ནི་ཉི་མས་བྱིན་ཞེས་བྱའོ། །སྲས་ནི་ཟླ་གདུགས་ཤེས་བྱའོ། །རིམ་གྲོ་པ་ནི་རིན་ཆེན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བཟངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
རྒྱལ་དགའ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་བརྒྱད་སྟོང་ངོ་། །དམ་པའི་ཆོས་ནི་ལོ་
སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡོ་རྗེ་སྐྱེ་བའི་ཡུལ་ནི་ཤིན་དུ་རྣམ་པར་ཕྱེ་བའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་
སོ། །འོད་ནི་དཔག་ཚད་བཅུ་དྲུག་གོ། །ཡབ་ནི་ནོར་བུའི་འོད་ཅེས་བྱའོ། །ཡུམ་ནི་ཨུད་པ་ལའི་མིག་ཅེས་བྱའོ། །སྲས་ནི་འཚོ་བྱེད་ཅེས་བྱའོ། །རིམ་གྲོ་པ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲག་ཤུལ་སྦྱིན་ཞེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་གྲོགས་མཆོག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་ཕྲག་བཞིའོ། །གཉིས་པ་ལ་ནི་ཐེར་འབུམ་ཕྲག་གསུམ་མོ། །གསུམ་པ་ལ་ནི་ཐེར་འབུམ་ཕྲག་གཉིས་སོ། །སྐུ་ཚེའི་ཚད་ནི་ལོ་
40-1-114b


འབུམ་མོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྡོམ་པ་ཅན་སྐྱེ་བའི་ཡུལ་ནི་ཙན་དན་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བཅུའོ། །
ཡབ་ནི་མེ་ཏོག་ཅེས་བྱའོ། །ཡུམ་ནི་གློག་འོད་མ་ཞེས་བྱའོ། །སྲས་ནི་རིན་ཆེན་ཕུང་པོ་ཞེས་བྱའོ། །རིམ་གྲོ་པ་ནི་རིན་ཆེན་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་རི་རྒྱལ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་འབུམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་
བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མི་བསྙེངས་པ་སྐྱེ་བའི་ཡུལ་ནི་དགྲ་འཇོམས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་
འོད་སྦྱིན་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་བྱའོ། །རིམ་གྲོ་པ་ནི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ལྷས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བརྒྱད་འབུམ་མོ། །གཉིས་པ་ལ་ནི་བདུན་འབུམ་བརྒྱད་ཁྲིའོ། །གསུམ་པ་ལ་ནི་བདུན་འབུམ་དྲུག་ཁྲིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་དྲང་སྲོང་བྱིན་ཞེས་བྱའོ། །ཡུམ་ནི་བསོད་ནམས་བྱིན་
ཞེས་བྱའོ། །སྲས་ནི་སྨན་གྱི་མེ་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་བརྟན་ཞེས་བྱའོ། །འདུས་པ་དང་པོ་ལ་ནི་
40-1-115a


ཉན་ཐོས་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བདུན་
ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པད་མའི་སྤྱན་སྐྱེ་བའི་ཡུལ་ནི་ཡུལ་འཁོར་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
སུམ་བཅུ་རྩ་གཉིས་སོ། །ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་གཟུགས་ལྡན་མ་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་མྱ་ངན་མེད་པའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འོད་
ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །
སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྟོབས་སྡེ་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་དྲུག་གོ། །ཡབ་ནི་སྟོབས་ལྷ་ཞེས་བྱའོ། །ཡུམ་ནི་བདེ་སྦྱིན་མ་ཞེས་བྱའོ། །སྲས་ནི་བསོད་ནམས་འོད་ཟེར་ཞེས་བྱའོ། །རིམ་གྲོ་པ་ནི་ཆོས་སྲུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་རྒྱལ་
པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་དུ་བདེ་བ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་ཁྲིའོ། །གཉིས་པ་ལ་ནི་ལྔ་ཁྲི་བརྒྱད་སྟོང་ངོ་། །གསུམ་པ་ལ་ནི་ལྔ་ཁྲི་བདུན་སྟོང་ངོ་། །སྐུ་ཚེའི་ཚད་ནི་
ལོ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་འོད་ཟེར་སྐྱེ་བའི་ཡུལ་ནི་ཟླ་བ་མེ་ཏོག་བཟང་པོ་ཞེས་
40-1-115b


བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུ་རྩ་བརྒྱད་དོ། །ཡབ་ནི་སྡུག་མཐོང་ཞེས་བྱའོ། །ཡུམ་ནི་རྒྱུ་སྐར་ལྡན་ཞེས་བྱའོ། །སྲས་ནི་ཆོས་བརྟན་ཞེས་བྱའོ། །རིམ་གྲོ་པ་ནི་བྱང་ཆུབ་ཅེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་དོན་གྱི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་
ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ནོར་མཆོག་ཅེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་དགེ་བ་ཞེས་བྱའོ། །ཡུམ་ནི་དཔལ་བཟང་མོ་ཞེས་བྱའོ། །སྲས་ནི་ལྷས་སྦེད་ཅེས་བྱའོ། །རིམ་གྲོ་པ་ནི་ཕན་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་
གདུགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙམ་པ་ཀ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དགུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་ཕྲག་
བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་ཆེན་སྐྱེ་བའི་ཡུལ་ནི་མཆོད་སྦྱིན་འབྱོར་ལྡན་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་རིན་པོ་ཆེའི་མཛོད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་འོད་ཟེར་བླ་མ་ཞེས་བྱའོ། །རིམ་གྲོ་པ་ནི་ལག་བཟངས་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་མེ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་མའི་སྙིང་པོ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲིའོ། །གཉིས་པ་ལ་ནི་བདུན་ཁྲི་ལྔ་སྟོང་ངོ་། །གསུམ་པ་ལ་ནི་བརྒྱད་
40-1-116a


ཁྲིའོ། །སྐུ་ཚེའི་ཚད་ནི་ལོ་ལྔ་འབུམ་མོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པ་སྐྱེ་བའི་
ཡུལ་ནི་གསེར་མདོག་ཅན་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མྱ་ངན་མེད་དགའ་ཞེས་བྱའོ། །ཡུམ་ནི་ཙན་དན་ཅན་ཞེས་བྱའོ། །སྲས་ནི་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་དགྲ་འདུལ་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཙུག་གི་རྡོ་རྗེ་ཞེས་བྱའོ། །འདུས་པ་ནི་ལན་ཅིག་ཏུ་ཟད་དེ་དགྲ་བཅོམ་པ་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་
ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་དཔག་མེད་སྐྱེ་བའི་ཡུལ་ནི་ཉམས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བདུན་བཅུ་རྩ་དྲུག་གོ། །ཡབ་ནི་དབྱངས་ཀྱི་དབང་ཕྱུག་འོད་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་དགའ་ལྡན་ཞེས་བྱའོ། །རིམ་གྲོ་པ་ནི་དགའ་སྡེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དག་པའི་དབང་ཕྱུག་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་གློག་འོད་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་གཉིས་སོ། །གཉིས་པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་
པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀླུས་སྦྱིན་སྐྱེ་བའི་ཡུལ་ནི་རིན་པོ་ཆེ་སྣ་ཚོགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཕྱེད་དོ། །ཡབ་ནི་རྒྱལ་བས་འཛིན་
ཅེས་བྱའོ། །ཡུམ་ནི་མཆོག་ལྡན་མ་ཞེས་བྱའོ། །སྲས་ནི་བསོད་ནམས་སྟོབས་ཤེས་བྱའོ། །རིམ་གྲོ་པ་ནི་རིན་ཆེན་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙམ་པ་ཀའི་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
40-1-116b


ནི་ལྷ་མི་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བརྒྱད་ཁྲིའོ། །གཉིས་པ་ལ་ནི་བདུན་ཁྲི་བརྒྱད་སྟོང་ངོ་། །གསུམ་པ་ལ་ནི་བདུན་ཁྲི་ལྔ་སྟོང་ངོ་། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་བུ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་པར་གཤེགས་སྐྱེ་བའི་ཡུལ་ནི་བཟང་པོའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་སེང་གེའི་མཆེ་བ་ཞེས་བྱའོ། །
ཡུམ་ནི་སྡོང་བུ་བྱིན་ཞེས་བྱའོ། །སྲས་ནི་ཆོས་སྒྲོགས་ཤེས་བྱའོ། །རིམ་གྲོ་པ་ནི་ལེགས་སྤྲུལ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བྱིན་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླས་བྱིན་ཞེས་བྱའོ། །འདུས་པ་དང་པོ་ལ་ནི་
ཉན་ཐོས་དགྲ་བཅོམ་པ་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་བྱེ་བ་ཕྲག་བརྒྱ་ལྔ་བཅུའི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་མཐོང་སྐྱེ་བའི་ཡུལ་ནི་གསལ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ་། །ཡབ་ནི་དགེ་བས་བྱིན་ཞེས་བྱའོ། །ཡུམ་ནི་སྦྲང་
རྩིའི་མིག་ཅེས་བྱའོ། །སྲས་ནི་སྐར་མདོག་ཅེས་བྱའོ། །རིམ་གྲོ་པ་ནི་འཛམ་བུའི་ཆུ་ཀླུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཤེས་གཉེན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །
འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྩོན་འགྲུས་སྦྱིན་སྐྱེ་བའི་ཡུལ་ནི་ཙམ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ཡེ་ཤེས་བཟང་པོ་ཞེས་བྱའོ། །
40-1-117a


ཡུམ་ནི་དཔལ་བྱིན་མ་ཞེས་བྱའོ། །སྲས་ནི་མྱ་ངན་མེད་ལྷ་ཞེས་བྱའོ། །རིམ་གྲོ་པ་ནི་མཆོད་པའི་རྒྱན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དམིགས་མེད་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་
དཔལ་ཞེས་བྱའོ། །འདུས་པ་ནི་ལན་ཅིག་སྟེ་དགྲ་བཅོམ་པ་བརྒྱད་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་བཟང་སྐྱོང་སྐྱེ་བའི་ཡུལ་ནི་དགའ་བ་རབ་སྦྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་རིན་ཆེན་སྐར་རྒྱལ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་སྟག་སྦྱིན་
ཞེས་བྱའོ། །རིམ་གྲོ་པ་ནི་རི་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁྱབ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་རྒྱ་མཚོ་ཞེས་བྱའོ། །འདུས་པ་ནི་ལན་གཅིག་སྟེ། དགྲ་བཅོམ་པ་དབང་ཐོབ་པ་
ཐེར་འབུམ་ཕྲག་གཅིག་དང་དུང་ཕྱུར་ཕྲག་བརྒྱད་དོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་བོ་སྐྱེ་བའི་ཡུལ་ནི་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་བཞི་བཅུའོ། །ཡབ་ནི་ཚངས་ལྷ་ཞེས་བྱའོ། །ཡུམ་ནི་དཔལ་རྒྱལ་ཞེས་བྱའོ། །སྲས་ནི་གཟི་བརྗིད་ཆེན་པོ་ཞེས་བྱའོ། །རིམ་གྲོ་པ་ནི་བདེ་སྟབས་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ལག་
ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བའི་མིག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་དང་བྱེ་བ་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཉིས་སོ། །གསུམ་
པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཅིག་གོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཆི་མེད་སྐྱེ་བའི་ཡུལ་ནི་རྫུ་འཕྲུལ་
40-1-117b


གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུའོ། །ཡབ་ནི་སྨན་པའི་རྒྱལ་པོ་ཞེས་བྱའོ། །ཡུམ་ནི་རྒྱུ་སྐར་དཔལ་ཞེས་བྱའོ། །སྲས་ནི་མེ་ཏོག་ལྷ་ཞེས་བྱའོ། །རིམ་གྲོ་པ་ནི་མི་ཕམ་སྟོབས་ཤེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་གྲགས་པ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་ལྔ་དང་བྱེ་བ་ཕྲག་བརྒྱད་དོ། །
གསུམ་པ་ལ་ནི་དུང་ཕྱུར་ཕྲག་ལྔ་དང་བྱེ་བ་ཕྲག་བདུན་ནོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་
སེང་གེའི་རྒྱལ་མཚན་སྐྱེ་བའི་ཡུལ་ནི་མདངས་ཐོབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཅུའོ། །ཡབ་ནི་ཆོས་ཀྱི་རྒྱལ་མཚན་ཞེས་བྱའོ། །ཡུམ་ནི་བསོད་ནམས་བཤེས་གཉེན་ཞེས་བྱའོ། །སྲས་ནི་ཕྱུག་སྦྱིན་
ཞེས་བྱའོ། །རིམ་གྲོ་པ་ནི་མཆོད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྦྱོར་བས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྟུལ་ཞུགས་མཛེས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་
དང་བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་གཅིག་གོ། །གསུམ་པ་ལ་ནི་དུང་ཕྱུར་ཕྲག་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བ་སྐྱེ་བའི་ཡུལ་ནི་རིན་པོ་ཆེ་སྤྱོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་ཉི་མའི་གཟི་བརྗིད་ཅེས་བྱའོ། །ཡུམ་ནི་མེ་ཏོག་མིག་ཅེས་བྱའོ། །སྲས་ནི་
བདེན་དགའ་ཞེས་བྱའོ། །རིམ་གྲོ་པ་ནི་ཆོས་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྟུལ་ཞུགས་བདེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་བཟངས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་
40-1-118a


དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བརྒྱད་
ཁྲིའོ། །དམ་པའི་ཆོས་ནི་ལོ་འབུམ་ཕྲག་བརྒྱད་བཅུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ལྡན་སྐྱེ་བའི་ཡུལ་ནི་ལྷ་དགའ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་མི་ཕམ་ཞེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། །སྲས་ནི་སྐྱེ་དབང་ལྷ་ཞེས་བྱའོ། །རིམ་གྲོ་པ་ནི་ཉི་མས་བྱིན་ཞེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་ཤིང་རྟ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་སྦྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་བརྒྱད་དོ། །གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་བརྒྱད་དོ། །
སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཆོག་ཏུ་དགའ་བའི་རྒྱལ་པོ་སྐྱེ་བའི་ཡུལ་ནི་འགྲོ་དོན་གྲུབ་ཅེས་བྱའོ། །རིགས་ནི་
རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་བླ་མ་ཞེས་བྱའོ། །ཡུམ་ནི་དཔལ་འདུན་ཅེས་བྱའོ། །སྲས་ནི་གསེར་སྦྱིན་ཞེས་བྱའོ། །རིམ་གྲོ་པ་ནི་བཤེས་གཉེན་བཟང་པོ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་རིན་ཆེན་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མཛེས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་
བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བདུན་ནོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
40-1-118b


འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཁ་ལོ་སྒྱུར་སྐྱེ་བའི་ཡུལ་ནི་རིན་པོ་ཆེའི་མཛོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་ལེགས་སྐྱེས་ཞེས་བྱའོ། །
ཡུམ་ནི་རིན་ཆེན་ཞེས་བྱའོ། །སྲས་ནི་བསོད་ནམས་འོད་ཅེས་བྱའོ། །རིམ་གྲོ་པ་ནི་རྒྱ་མཚོའི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །
འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྱེས་པར་གཤེགས་པ་སྐྱེ་བའི་ཡུལ་ནི་འཇིག་རྟེན་མངོན་པར་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་
ཞི་བའི་བྲན་ཞེས་བྱའོ། །ཡུམ་ནི་དགའ་ལྡན་མ་ཞེས་བྱའོ། །སྲས་ནི་ཚངས་སྦྱིན་ཞེས་བྱའོ། །རིམ་གྲོ་པ་ནི་ཆོས་གཙོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་མཆོག་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་འཆི་མེད་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་
དྲུག་གོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་ལྷ་སྐྱེ་བའི་ཡུལ་
ནི་ཡིད་བཟངས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་དྲང་པོར་དགའ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་བྱའོ། །རིམ་གྲོ་པ་ནི་ཏོག་གི་གཟི་
40-1-119a


བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མྱ་ངན་མེད་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་བདུན་བཅུའོ། །གཉིས་
པ་ལ་ནི་བྱེ་བ་བརྒྱ་ཕྲག་དྲུག་བཅུའོ། །གསུམ་པ་ལ་ནི་བྱེ་བ་བརྒྱ་ཕྲག་ལྔ་བཅུའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་
ཏན་ཡན་ལག་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་མེས་བྱིན་ཞེས་བྱའོ། །ཡུམ་ནི་གཟི་བརྗིད་ཕུང་པོ་ཞེས་བྱའོ། །སྲས་ནི་སྐར་རྒྱལ་ཞེས་བྱའོ། །རིམ་གྲོ་པ་ནི་
ཨུད་པ་ལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲི་མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །གཉིས་
པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤོས་ཀྱི་གླང་པོ་སྐྱེ་བའི་ཡུལ་ནི་བསོད་ནམས་སྤོས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་གཉིས་སོ། །ཡབ་ནི་སྤོས་དཔལ་ཞེས་བྱའོ། །ཡུམ་ནི་
མེ་ཏོག་ཕུང་པོ་ཞེས་བྱའོ། །སྲས་ནི་དགའ་བའི་འོད་ཅེས་བྱའོ། །རིམ་གྲོ་པ་ནི་བདེན་པའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བ་དགའ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཐུབ་ཅེས་བྱའོ། །འདུས་
པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་
40-1-119b


ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་གཟིགས་སྐྱེ་བའི་ཡུལ་ནི་ཙམ་པ་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་གཟུགས་བྱིན་ཞེས་བྱའོ། །ཡུམ་ནི་རིན་
ཆེན་འཕགས་མ་ཞེས་བྱའོ། །སྲས་ནི་སྐྱེ་བ་པོ་ཞེས་བྱའོ། །རིམ་གྲོ་པ་ནི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྣང་བ་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་སྣ་ཚོགས་ཞེས་བྱའོ། །འདུས་པ་དང་པོ་ལ་ནི་ཉན་
ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་དགུའོ། །དམ་པའི་ཆོས་ནི་ལོ་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །སྐུ་
གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འབྲུག་སྒྲ་སྐྱེ་བའི་ཡུལ་ནི་གནས་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུ་རྩ་བཞིའོ། །ཡབ་ནི་གློག་མཆོག་ཅེས་བྱའོ། །ཡུམ་ནི་གཟི་བྱིན་ཕུང་པོ་ཞེས་བྱའོ། །སྲས་ནི་
ཆོས་ཅན་ཞེས་བྱའོ། །རིམ་གྲོ་པ་ནི་དགྲ་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་
ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་ལེགས་སེམས་སྐྱེ་བའི་ཡུལ་ནི་རིན་ཆེན་མཐའ་ཡས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་སེམས་བརྟན་ཞེས་བྱའོ། །ཡུམ་ནི་བསོད་ནམས་ལྡན་ཞེས་བྱའོ། །སྲས་ནི་མེ་ཏོག་སྦྱིན་
ཞེས་བྱའོ། །རིམ་གྲོ་པ་ནི་སྟོབས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔེ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་
40-1-120a


བརྒྱད་ཁྲིའོ། །གསུམ་པ་ལ་ནི་ས་ཡ་ཕྲག་བདུན་ནོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡིད་བཟངས་སྐྱེ་བའི་ཡུལ་ནི་བལྟ་
ན་སྡུག་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་བཞིའོ། །ཡབ་ནི་ནོར་ལྷ་ཞེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་མེ་ཏོག་ཅེས་བྱའོ། །རིམ་གྲོ་པ་ནི་མཆོག་བདེན་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་སོ་མཉམ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟབས་ཀྱིས་འགྲོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་ལྔའོ། །གསུམ་
པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲི་མེད་སྐྱེ་བའི་ཡུལ་ནི་ནོར་ཅན་གཟི་ལྡན་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུ་རྩ་བརྒྱད་དོ། །ཡབ་ནི་དཔལ་གྱི་སྙིང་པོ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་གཟི་བརྗིད་གྱ་ནོམ་ཞེས་བྱའོ། །རིམ་གྲོ་པ་ནི་མཚུངས་མེད་ཅེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་ས་རི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མགུ་བ་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བརྒྱད་ཁྲིའོ། །གཉིས་པ་ལ་ནི་དགུ་ཁྲིའོ། །གསུམ་པ་ལ་ནི་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་
པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་མྱ་ངན་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་བླ་མ་ཞེས་བྱའོ། །
ཡུམ་ནི་དཔལ་མཆོག་ཅེས་བྱའོ། །སྲས་ནི་གཟི་བརྗིད་བྱིན་ཞེས་བྱའོ། །རིམ་གྲོ་པ་ནི་ཆོས་འཕགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རི་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་དགའ་བ་
40-1-120b


ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ས་ཡ་ཕྲག་གཉིས་ཀྱི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་ཆེན་སྐྱེ་བའི་ཡུལ་ནི་དམིགས་པ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གཉིས་སོ། །ཡབ་ནི་དཔལ་བརྩེགས་ཤེས་བྱའོ། །ཡུམ་
ནི་ཉི་མས་བྱིན་ཞེས་བྱའོ། །སྲས་ནི་ཡིད་གཉིས་སྤོང་ཞེས་བྱའོ། །རིམ་གྲོ་པ་ནི་ཐོས་པའི་དོན་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡུལ་འཁོར་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྲོན་པ་
བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་ཕྲག་ལྔའོ། །གཉིས་པ་ལ་ནི་ཐེར་འབུམ་ཕྲག་གསུམ་མོ། །གསུམ་པ་ལ་ནི་ཐེར་འབུམ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ལྔ་སྟོང་
གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཙུག་ན་ནོར་བུ་སྐྱེ་བའི་ཡུལ་ནི་འོད་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་རྟོགས་དགའ་
ཞེས་བྱའོ། །ཡུམ་ནི་ཙམ་པ་བདག་ཅེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་ཡོན་ཏན་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་གཟི་བརྗིད་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་བརྟུལ་ཞུགས་དཀའ་ཐུབ་ཅེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་དགུའོ། །གཉིས་པ་ལ་ནི་བྱེ་བ་བརྒྱ་ཕྲག་བཅུའོ། །གསུམ་པ་ལ་ནི་བྱེ་བ་བརྒྱ་ཕྲག་བཅུ་གཉིས་སོ། །སྐུ་ཚེའི་ཚད་ནི་
ལོ་དགུ་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲག་ཤུལ་ཅན་སྐྱེ་བའི་ཡུལ་ནི་བདེ་སྐྱིད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
40-1-121a


སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་མཆོད་རྟེན་ཞེས་བྱའོ། །ཡུམ་ནི་ས་ལ་བདག་ཅེས་བྱའོ། །སྲས་ནི་འོད་ལྡན་ཞེས་བྱའོ། །རིམ་གྲོ་པ་ནི་ནོར་བུ་དགའ་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་སྐལ་ལྡན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་འདུལ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་གཅིག་དང་བྱེ་བ་ཕྲག་གསུམ་མོ། །གཉིས་པ་ལ་ནི་
དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེའི་སྟབས་སྐྱེ་བའི་ཡུལ་ནི་བཀོད་པ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་གསུམ་མོ། །ཡབ་ནི་རི་དགའ་ཞེས་བྱའོ། །
ཡུམ་ནི་སྨན་ཞེས་བྱའོ། །སྲས་ནི་གྲུ་འཛིན་ཅེས་བྱའོ། །རིམ་གྲོ་པ་ནི་དལ་བར་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་གཉིད་སངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡུལ་འཁོར་གཞོལ་
ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་གཅིག་དང་འབུམ་ཕྲག་བདུན་ནོ། །གཉིས་པ་ལ་ནི་ས་ཡ་ཕྲག་གཅིག་དང་འབུམ་ཕྲག་དྲུག་གོ། །གསུམ་པ་ལ་ནི་ས་ཡ་ཕྲག་གཅིག་དང་འབུམ་ཕྲག་བཞིའོ། །སྐུ་ཚེའི་ཚད་
ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བྱེ་བ་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྗོན་པ་སྐྱེ་བའི་ཡུལ་ནི་ཙམ་པ་མཆོག་ཅེས་བྱའོ། །རིགས་ནི་རྒྱལ་རིགས་
སོ། །འོད་ནི་དཔག་ཚད་བྱེ་བའོ། །ཡབ་ནི་ས་ལའི་རྒྱལ་པོ་ཞེས་བྱའོ། །ཡུམ་ནི་བློ་གྲོས་ཏོག་ཅེས་བྱའོ། །སྲས་ནི་འགྲོ་བར་དགའ་ཞེས་བྱའོ། །རིམ་གྲོ་པ་ནི་འོད་ཟེར་བྱིན་ཞེས་བྱའོ། །ཤེས་རབ་ཅན་རྣམས་ཀྱི་
40-1-121b


མཆོག་ནི་ཐར་བ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་དཀའ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞི་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །
གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་
དོ། །དེ་བཞིན་གཤེགས་པ་རྣམ་པར་རྒྱལ་བ་ཅན་སྐྱེ་བའི་ཡུལ་ནི་ཡུལ་འཁོར་སྨན་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་དགའ་བས་ལྷ་ཞེས་བྱའོ། །ཡུམ་ནི་ནོར་སྦྱིན་མ་ཞེས་བྱའོ། །
སྲས་ནི་དཔའ་བོས་སྦྱིན་ཞེས་བྱའོ། །རིམ་གྲོ་པ་ནི་ཆོས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་རྒྱལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་གྲགས་ཤེས་བྱའོ། །འདུས་པ་དང་
པོ་ལ་ནི་ཉན་ཐོས་དུང་ཕྱུར་ཕྲག་བདུན་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའི་བར་དུ་
གནས་སོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཤེས་རབ་བརྩེགས་སྐྱེ་བའི་ཡུལ་ནི་བཟང་སྦྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་
ནི་དཔག་ཚད་བཅུ་གཅིག་གོ། །ཡབ་ནི་ཐམས་ཅད་སྦྱིན་ཞེས་བྱའོ། །ཡུམ་ནི་གཟི་བརྗིད་སྦྲང་རྩི་ཞེས་བྱའོ། །སྲས་ནི་ཚངས་ལྷ་ཞེས་བྱའོ། །རིམ་གྲོ་པ་ནི་ཆོས་ཀྱི་གྲགས་པ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་དབང་པོའི་ཡིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཙོ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞི་དང་བྱེ་བ་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞི་
40-1-122a


དང་བྱེ་བ་ཕྲག་གསུམ་མོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་གནས་སྐྱེ་བའི་ཡུལ་ནི་ཤིང་རྟ་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་
ཚུགས་པ་མེད་པའི་བཞིན་ཞེས་བྱའོ། །ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྦེད་པ་པོ་ཞེས་བྱའོ། །རིམ་གྲོ་པ་ནི་དྲང་སྲོང་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བླ་མས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ནོར་གྱི་སྒྲོན་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བཞི་ཁྲི་དྲུག་སྟོང་ངོ་། །གཉིས་པ་ལ་ནི་བཞི་ཁྲི་ལྔ་སྟོང་ངོ་། །གསུམ་པ་ལ་ནི་བཞི་ཁྲི་སུམ་སྟོང་ངོ་། །སྐུ་ཚེའི་ཚད་ནི་ལོ་ལྔ་ཁྲིའོ། །
དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གྲོས་སྐྱེ་བའི་ཡུལ་ནི་ཡིད་འོང་དགའ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ཚུལ་ཁྲིམས་སྦྱིན་ཞེས་བྱའོ། །ཡུམ་ནི་ཡོན་ཏན་བློ་གྲོས་ཤེས་བྱའོ། །སྲས་ནི་ཉི་མས་བྱིན་ཞེས་བྱའོ། །རིམ་གྲོ་པ་ནི་དབང་
པོས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤྱོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་སེམས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་དགུའོ། །
གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་
40-1-122b


དུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡན་ལག་སྐྱེས་སྐྱེ་བའི་ཡུལ་ནི་གནས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གསུམ་མོ། །
ཡབ་ནི་དབང་པོའི་མཚོན་ཆ་ཞེས་བྱའོ། །ཡུམ་ནི་ལྷ་མོའི་དབང་ཕྱུག་ཅེས་བྱའོ། །སྲས་ནི་ཆུ་ལྷའི་ལྷ་ཞེས་བྱའོ། །རིམ་གྲོ་པ་ནི་ཤེས་རབ་གཙུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་
གྲོས་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་དཔལ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་
པ་ལ་ནི་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་མཐའ་ཡས་
སྐྱེ་བའི་ཡུལ་ནི་མེ་ཏོག་གི་གདུགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་མིག་དམར་ཞེས་བྱའོ། །ཡུམ་ནི་ཀླུས་བྱིན་ཞེས་བྱའོ། །སྲས་ནི་མཛེས་
པ་ཞེས་བྱའོ། །རིམ་གྲོ་པ་ནི་ལྷ་བཟངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་སྙན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དལ་འགྲོ་ཞེས་བྱའོ། །འདུས་པ་དང་
པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་
དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟུགས་བཟང་སྐྱེ་བའི་ཡུལ་ནི་གཟི་བརྗིད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
40-1-123a


དཔག་ཚད་བཅུ་གསུམ་མོ། །ཡབ་ནི་དགའ་བའི་དབང་ཕྱུག་ཅེས་བྱའོ། །ཡུམ་ནི་དགའ་ལྡན་མ་ཞེས་བྱའོ། །སྲས་ནི་འགྲོ་དོན་གྲུབ་ཅེས་བྱའོ། །རིམ་གྲོ་པ་ནི་བླ་མས་བྱིན་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་རྒྱ་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བག་མི་ཚ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་
པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་
རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཁྱེན་ལྡན་སྐྱེ་བའི་ཡུལ་ནི་བདེ་བ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་བཞིའོ། །ཡབ་ནི་དྲང་སྲོང་བྱིན་ཞེས་བྱའོ། །
ཡུམ་ནི་རྡུལ་བྲལ་ཞེས་བྱའོ། །སྲས་ནི་དཔའ་བོ་ཞེས་བྱའོ། །རིམ་གྲོ་པ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤྱོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་
པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་གཅིག་གོ། །གསུམ་པ་ལ་ནི་དུང་ཕྱུར་ཕྲག་གཉིས་
སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་འོད་ཟེར་སྐྱེ་བའི་ཡུལ་ནི་བཻ་དཱུརྱའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུ་རྩ་གསུམ་མོ། །ཡབ་ནི་ཕན་པར་དགའ་ཞེས་བྱའོ། །ཡུམ་ནི་ཡིད་
40-1-123b


དགའ་ཞེས་བྱའོ། །སྲས་ནི་ཡིད་སྨོན་ཞེས་བྱའོ། །རིམ་གྲོ་པ་ནི་ཆོ་ག་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཕགས་དགྱེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་དུལ་བའི་བཤེས་གཉེན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཉིས་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་
བརྒྱད་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྟུལ་ཤུགས་བརྟན་སྐྱེ་བའི་
ཡུལ་ནི་ཉི་མ་འདོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ལྷ་དགའ་ཞེས་བྱའོ། །ཡུམ་ནི་ང་རོ་ཡིད་བཟང་ཞེས་བྱའོ། །སྲས་ནི་དབང་ཕྱུག་བྱིན་ཞེས་བྱའོ། །རིམ་གྲོ་པ་ནི་
ཡིད་འོང་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྦྲང་རྩི་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་
ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་དུང་ཕྱུར་ཕྲག་བཞིའི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་བཀྲ་ཤིས་སྐྱེ་བའི་ཡུལ་ནི་དགའ་འདུལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་སེམས་ཀྱི་
རྒྱལ་པོ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་མཐའ་ཡས་ལག་ཅེས་བྱའོ། །རིམ་གྲོ་པ་ནི་བཤེས་གཉེན་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་
40-1-124a


ཀྱི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་རྒྱལ་བའི་བཤེས་གཉེན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞི་
དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བཞི་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་
བཞིན་གཤེགས་པ་བདེན་པའི་ཏོག་སྐྱེ་བའི་ཡུལ་ནི་དགའ་བ་སྒྲོགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་བསོད་ནམས་སྟེགས་ཤེས་བྱའོ། །ཡུམ་ནི་བཟང་ལྡན་མ་
ཞེས་བྱའོ། །སྲས་ནི་སྙན་པར་དགའ་ཞེས་བྱའོ། །རིམ་གྲོ་པ་ནི་བཤེས་གཉེན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྩལའི་མིག་
ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་
ཆོས་ནི་ལོ་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པད་མ་སྐྱེ་བའི་ཡུལ་ནི་མེ་ཏོག་རྒྱས་
པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་ནོར་སྦྱིན་ཞེས་བྱའོ། །ཡུམ་ནི་དགའ་བ་ཅན་ཞེས་བྱའོ། །སྲས་
ནི་བསོད་ནམས་འོད་ཅེས་བྱའོ། །རིམ་གྲོ་པ་ནི་ཐུབ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་
40-1-124b


ཆེན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཁྲིའོ། །གཉིས་པ་ལ་ནི་དགུ་ཁྲི་དགུ་སྟོང་ངོ་། །གསུམ་པ་ལ་ནི་དགུ་ཁྲི་བརྒྱད་སྟོང་ངོ་། །སྐུ་ཚེའི་ཚད་ནི་ལོ་ལྔ་བརྒྱའོ། །དམ་པའི་ཆོས་ནི་ལོ་ཁྲི་ལྔ་སྟོང་གི་
བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྲེད་མེད་ཀྱི་བུ་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་ལྔའོ། །ཡབ་ནི་དགའ་བའི་མིག་ཅེས་བྱའོ། །ཡུམ་ནི་ཡིད་བཟང་སྦྱིན་ཞེས་བྱའོ། །སྲས་ནི་བཟང་པོ་ཞེས་བྱའོ། །རིམ་གྲོ་པ་ནི་གཙུག་ན་ནོར་བུ་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་བྱང་ཆུབ་བཤེས་གཉེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་བཞིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་ལྔའོ། །གསུམ་པ་
ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་བཟངས་སྐྱེ་བའི་ཡུལ་ནི་ཡིད་
དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་རིན་ཆེན་མཐའ་ཡས་ཤེས་བྱའོ། །ཡུམ་ནི་བློ་གྲོས་བླ་མ་ཤེས་བྱའོ། །སྲས་ནི་གཟུངས་ཀྱི་དབང་
ཕྱུག་ཅེས་བྱའོ། །རིམ་གྲོ་པ་ནི་དྲག་ཤུལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འོད་ཟེར་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་ཏོག་ཅེས་བྱའོ། །འདུས་པ་དང་པོ་ལ་ནི་
ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །
40-1-125a


དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །སངས་རྒྱས་ཡེ་ཤེས་འབྱུང་གནས་སྐྱེ་བའི་ཡུལ། །གྲོང་ཁྱེར་བསོད་ནམས་འབྱོར་དང་ལྡན་ཞེས་བྱ། །
དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་མྱ་ངན་མེད། །དགའ་བ་རྒྱ་མཚོ་ཞེས་བྱ་ཡུམ་ཡིན་ནོ། །སྲས་ནི་ཡིད་གཞུངས་ལེགས་བྱིན་རིམ་གྲོ་པ། །ཡེ་ཤེས་ཡང་དག་འཕགས་
པ་མཁས་པ་སྟེ། །བསོད་ནམས་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་ཕྲག་སྟོང་ཡོད། །གཉིས་པར་བྱེ་བརྒྱད་གསུམ་པར་བྱེ་བ་བདུན། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་སྟེ། །ལྔ་འགྱུར་
དག་ཏུ་དམ་པའི་ཆོས་ཀྱང་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་ལ། །སྐད་ཅིག་དེ་ལ་བདེ་བར་གཤེགས་པ་དེའི། །མཚན་ནི་གང་དག་ཉན་པར་བྱེད་པ་རྣམས། །བྱང་ཆུབ་ལ་ནི་མྱུར་དུ་རེག་པར་འགྱུར། །
དེ་བཞིན་གཤེགས་པ་ཡོན་ཏན་འོད་འཕྲོ་ཡི། །སྐྱེ་བའི་ཡུལ་ནི་གྲོང་ཁྱེར་སྨན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡུལ་འཁོར་བཟང་པོ་ཡབ། །མྱ་ངན་མེད་ལྡན་ཡུམ་
ཡིན་གྲགས་པ་སྲས། །མཛེས་དང་ལྡན་ཞེས་བྱ་བ་རིམ་གྲོ་པ། །ཏོག་མཁས་ཐོས་རིག་རབ་གསལ་རྫུ་འཕྲུལ་ཅན། །འདུས་པ་དང་པོར་བྱེ་སྟོང་བརྒྱད་བཅུ་སྟེ། །གཉིས་པར་བྱེ་སྟོང་བདུན་བཅུ་རྩ་བརྒྱད་ཡོད། །
འདུས་པ་གསུམ་པར་བྱེ་སྟོང་བདུན་བཅུ་ལྔ། །མི་རྣམས་དག་གི་ཚེ་ལོ་བྱེ་བ་ཕྲག །སྟོང་དུ་ཚང་བ་ཉི་ཤུ་རྩ་གཉིས་ཡོད། །དམ་ཆོས་ལོ་གྲངས་སྟོང་ཕྲག་བདུན་བཅུ་གསུམ། །གནས་འགྱུར་འཇིག་རྟེན་སྒྲོན་མ་མཛད་པ་པོ། །
གྲགས་པ་མཐའ་ཡས་དེ་ཡི་སྐུ་གདུང་དག །རྣམ་པར་རྒྱས་པ་དག་ཏུ་འགྱུར་བ་ཡིན། །བདེ་བར་གཤེགས་པ་ཚངས་པས་བྱིན་པ་ཡི། །སྐྱེ་ཡུལ་གྲོང་ཁྱེར་དགའ་བ་སྒྲོགས་ཤེས་བྱ། །རྒྱལ་བ་དེ་ཡི་རིགས་ནི་བྲམ་ཟེ་ཡིན། །
40-1-125b


འོད་ནི་དཔག་ཚད་བདུན་བཅུ་རྩ་དྲུག་ཡོད། །ཚངས་པ་ཡབ་ཡིན་ཡུམ་ནི་ཚངས་བླ་མ། །སྲས་པོ་དགའ་བྱེད་རིམ་གྲོ་ན་ཚོད་བཟང་། །ཟླ་བའི་འོད་ཅེས་བྱ་བ་མཁས་པ་སྟེ། །སྦྱིན་པ་སྒྲོགས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་
དགྲ་བཅོམ་པ་ཡི་ཚོགས། །བྱེ་བ་སྟོང་ཕྲག་དགུ་བཅུ་རྩ་དགུ་ཡོད། །གཉིས་པར་བྱེ་བ་སྟོང་ཕྲག་དགུ་བཅུ་དྲུག །གསུམ་པར་བྱེ་བ་སྟོང་ཕྲག་དགུ་བཅུ་ལྔ། །རྒྱལ་བ་དེ་ཡི་སྐུ་ཚེའི་ལོ་གྲངས་ནི། །སྟོང་ཕྲག་བདུན་བཅུ་རྩ་གཉིས་
དག་ཏུ་འགྱུར། །དམ་པའི་ཆོས་ཀྱང་ལོ་གྲངས་བྱེ་བར་གནས། །སྐུ་གདུང་མཆོད་རྟེན་གཅིག་གཅིག་འབྱུང་བར་འགྱུར། །དེ་བཞིན་གཤེགས་པ་རིན་ཆེན་འབྱུང་གནས་ཀྱི། །སྐྱེ་ཡུལ་གྲོང་ཁྱེར་བཟང་པོ་ཞེས་ཀྱང་བྱ། །འོད་
ཀྱི་ཚད་ནི་དཔག་ཚད་དྲུག་བཅུ་ཡོད། །སྨན་པ་ཡབ་ཡིན་ཡུམ་ནི་ཟླ་ཉི་བཟང་། །རིན་ཆེན་མཆོག་མ་ཞེས་བྱ་སྲས་ཡིན་ལ། །རིམ་གྲོ་པ་ནི་བློ་གྲོས་བཟང་པོ་ཡིན། །མཐོང་དགའ་མཁས་པ་ཟླ་བ་རྫུ་འཕྲུལ་ཅན། །དེ་ཡི་
འདུས་པ་དང་པོར་ཁྲི་ཕྲག་གཅིག །གཉིས་པར་དྲུག་བཅུ་རྩ་དྲུག་གསུམ་པར་ནི། །དྲུག་བཅུ་ཐམ་པ་རྒྱལ་དེའི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་རྩ་ཡང་གཉིས། །ལྔ་འགྱུར་དུ་ནི་དམ་པའི་ཆོས་ཀྱང་གནས། །དེ་ཡི་
སྐུ་གདུང་དག་ཀྱང་རྒྱས་འགྱུར་ཞིང་། །དེ་ནི་དཔལ་གྱིས་རྒྱས་པར་གྱུར་པ་སྟེ། །རི་དགས་ཁྱུ་མཆོག་སེང་གེའི་སྟབས་གཤེགས་པ། །དེ་ཡི་སྐུ་གདུང་རྣམས་ལའང་མཆོད་པར་འགྱུར། །སྟོན་པ་ལྷ་ཡི་མེ་
ཏོག་སྐྱེ་བའི་ཡུལ། །གྲོང་ཁྱེར་མེ་ཏོག་གདུགས་ཤེས་བྱ་བ་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་རྩ་གཉིས་བློ་བཟངས་ཡབ། །ཡུམ་ནི་པད་ལྡན་སྲས་པོ་
སྐྱེ་དབང་ཡིན། །སྙིང་པོ་མཛོད་འཆང་རིམ་གྲོ་པ་ཡང་ཡིན། །ཟླ་མཆོག་སྐྱེ་བོས་མཆོད་འགྱུར་ཤེས་ཅན་ཏེ། །ཟླ་འོད་ཅེས་བྱ་རྫུ་འཕྲུལ་ཅན་ཡང་ཡིན། །འདུས་པ་དང་པོར་བྱེ་བ་བརྒྱ་ཕྲག་
40-1-126a


གསུམ། །གཉིས་པར་བྱེ་བ་བརྒྱ་ཕྲག་གཉིས་གསུམ་པར། །བྱེ་བ་ཕྲག་བརྒྱ་སྐུ་ཚེའི་ལོ་གྲངས་ནི། །ཁྲི་ཕྲག་སྟོང་ཡིན་སུམ་འགྱུར་དམ་ཆོས་གནས། །འདྲེན་པ་ཡི་ནི་མཆོད་རྟེན་
གཅིག་འབྱུང་ལ། །དེ་ལ་གང་དག་སྐྱེས་པ་བུད་མེད་རྣམས། །བསྟོད་མཆོག་མཆོད་པ་རྒྱ་ཆེན་བྱེད་དེ་དག །བྱང་ཆུབ་མཆོག་རབ་ལ་ནི་རེག་པར་འགྱུར། །དེ་བཞིན་གཤེགས་པ་དོན་ལེགས་སེམས་པ་ཡི། །
སྐྱེ་བའི་ཡུལ་ནི་བསོད་ནམས་རབ་གསལ་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་བསོད་ནམས་བཟང་པོ་ཡབ། །དད་པ་ཅན་ཞེས་བྱ་བ་ཡུམ་ཡིན་ནོ། །རྣམ་འཕྲུལ་སྲས་ཡིན་
དགེ་བ་རིམ་གྲོ་པ། །རྒྱ་མཚོའི་མཛོད་ཅེས་བྱ་བ་མཁས་པ་སྟེ། །བསོད་ནམས་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་ཁྲི་ཕྲག་བཅུ་ཡོད་ལ། །གཉིས་པར་བརྒྱད་ཁྲི་གསུམ་པར་དྲུག་ཁྲི་ཡོད། །
མི་རྣམས་དག་གི་ཚེ་ཚད་ལོ་གྲངས་ནི། །བརྒྱད་བཅུ་རྩ་བཞི་ཐམ་སྟེ་དེའི་ཡང་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ནི། །དགུ་བཅུ་རྩ་གཉིས་བར་དུ་གནས་འགྱུར་ལ། །སྲིད་པ་མཐར་མཛད་གྲགས་པ་
མཐའ་ཡས་དེའི། །སྐུ་གདུང་རྣམས་ཀྱང་རྒྱས་པ་དག་ཏུ་འགྱུར། །དེ་བཞིན་གཤེགས་པ་ཆོས་ཀྱི་དབང་ཕྱུག་གི། །སྐྱེ་བའི་ཡུལ་ནི་བློ་ཡི་ཏོག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་
བཅུ་ཡོད་ཡབ་ནི་ལེགས་བྱིན་ཡིན། །མཁས་པའི་ང་རོ་ཞེས་བྱ་ཡུམ་ཡིན་ནོ། །བསོད་ནམས་ཅན་སྲས་ལེགས་དགའ་རིམ་གྲོ་པ། །ཤེས་རབ་ཅན་གྱི་མཆོག་དང་རྫུ་འཕྲུལ་ཅན། །ཤིན་དུ་མཐོང་ཞེས་བྱ་
བ་འབྱུང་བར་འགྱུར། །ཚོགས་འདུས་དང་པོ་བྱེ་བ་སུམ་བཅུ་གཉིས། །གཉིས་པར་བྱེ་བ་ཕྲག་ནི་ཉི་ཤུ་གཅིག །གསུམ་པར་བྱེ་ཕྲག་སུམ་བཅུ་སྐུ་ཚེའི་ཚད། །ལོ་གྲངས་སྟོང་ཕྲག་སུམ་བཅུ་རྩ་དྲུག་ཡིན། །གསུང་བའི་མཆོག་
40-1-126b


གི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བདུན་བཅུ་ཐམ་པར་གནས། །རྒྱལ་བ་མཚན་དང་གཟི་བརྗིད་དཔལ་རྒྱས་པའི། །མཆོད་རྟེན་དག་ཀྱང་ཉི་ཤུ་རྩ་གཅིག་འབྱུང་། །དེ་བཞིན་གཤེགས་པ་བློ་གྲོས་གྲགས་པ་ཡི། །
སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ན་ཚོད་བཟང་། །དེ་ཡི་ཡུམ་ནི་གསེར་གྱི་ཕྲེང་ཞེས་བྱ། །སྲས་པོ་ལེགས་འབྱོར་བློ་ལྡན་རིམ་གྲོ་པ། །
ཚོགས་ཅན་རྒྱལ་པོ་མཁས་ཤིང་མཛངས་པ་སྟེ། །རྒྱལ་བས་བྱིན་པ་རྫུ་འཕྲུལ་ཅན་ཡང་ཡིན། །ཚོགས་བདག་དམ་པའི་འདུས་པ་དང་པོ་ལ། །དགྲ་བཅོམ་སུམ་ཁྲི་གཉིས་པར་ཉི་ཁྲི་ཡོད། །གསུམ་པར་ཆིག་ཁྲི་སྐུ་
ཚེ་ལོ་སྟོང་ཡིན། །དམ་ཆོས་ལོ་གྲངས་བྱེ་བ་ཕྲག་གཉིས་གནས། །ཡེ་ཤེས་འབྱུང་གནས་འཇིག་རྟེན་མཁྱེན་པ་པོ། །ཡོན་ཏན་ཐམས་ཅད་བསགས་པར་གྱུར་པ་དེའི། །སྐུ་གདུང་རྒྱས་པར་འགྱུར་ལ་མཆོད་རྟེན་ཡང་། །
དྲུག་བཅུ་གཉིས་ཏེ་དེ་ནི་དེ་འདྲར་འགྱུར། །མི་ཡི་མཆོག་མ་སྤོབས་པ་བརྩེགས་པ་ཡི། །སྐྱེ་ཡུལ་གྲོང་ཁྱེར་རྡུལ་བྲལ་ཅན་ཞེས་བྱ། །རིགས་ནི་རྒྱལ་རིགས་ཆེན་པོ་འོད་ཀྱི་ཚད། །དཔག་ཚད་དྲུག་བཅུ་རྩ་
གཉིས་དད་དཔལ་ཡབ། །དགའ་མགུ་ཞེས་བྱ་ཡུམ་ཡིན་འབྱུང་མེད་སྲས། །གློག་དང་ལྡན་ཞེས་བྱ་བ་རིམ་གྲོ་པ། །ཟླ་འོད་ཕ་རོལ་ཕྱིན་དེ་མཁས་པ་སྟེ། །གོ་ཆ་སྲ་བརྟན་ཞེས་བྱ་རྫུ་འཕྲུལ་ཅན། །དྲང་སྲོང་
ཚོགས་པ་འདུས་པ་དང་པོ་ལ། །བྱེ་ཁྲི་བརྒྱད་བཅུ་གཉིས་ཡོད་གཉིས་པར་ཡང་། །བྱེ་ཁྲི་བརྒྱད་བཅུ་གཅིག་ཡོད་གསུམ་པར་ནི། །བྱེ་ཁྲི་བརྒྱད་བཅུ་སྐུ་ཚེ་ལོ་དགུ་སྟོང་། །དམ་ཆོས་ལོ་གྲངས་བྱེ་བ་ཕྲག་གཉིས་
གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །གང་ཚེ་རྨི་ལམ་ན་ཡང་དྲན་བྱེད་གང་། །དེ་དག་ཐམས་ཅད་ཏིང་འཛིན་འདི་ཐོབ་འགྱུར། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། 
40-1-127a


བམ་པོ་བཅུ་གཅིག་པ། མི་ཡི་སྐྱེས་མཆོག་རྡོ་རྗེ་རྒྱལ་མཚན་གྱི། །སྐྱེ་བའི་ཡུལ་ནི་གསེར་དང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དག་ཀྱང་། །སྐུ་ལས་དཔག་ཚད་དགུ་འབྱུང་ཟླ་ཉི་ཡབ། །
ཡུམ་ནི་ཟླ་བཟངས་སྲས་པོ་མཐོང་དགའ་ཡིན། །ནོར་བུའི་འོད་ཟེར་ཞེས་བྱ་རིམ་གྲོ་པ། །མཐུ་ཆེན་འགྲོ་བའི་ང་རོ་ཤེས་རབ་ཅན། །སེམས་གནས་ཆོས་འཛིན་རྫུ་འཕྲུལ་ལྡན་པ་ཡིན། །དེ་ཡི་འདུས་པ་དང་པོར་
དགྲ་བཅོམ་པ། །ཁྲི་ཕྲག་སྟོང་པོ་བརྒྱ་ཕྲག་སུམ་བཅུ་དྲུག །གཉིས་པར་སུམ་བཅུ་བཞི་ཡོད་གསུམ་པར་ཡང་། །སུམ་བཅུ་གསུམ་ཡོད་རྒྱལ་བའི་ཚེ་ལོ་ཁྲི། །མི་ཡི་མཆོག་མའི་དམ་པའི་ཆོས་རྣམས་
ཀྱང་། །ལོ་གྲངས་སུམ་སྟོང་ཆིག་བརྒྱའི་བར་དུ་གནས། །འདྲེན་པ་ཡི་ནི་མཆོད་རྟེན་གཅིག་འབྱུང་ལ། །འོད་ཀྱིས་དཔག་ཚད་བཅུ་གསུམ་ཁྱབ་པར་འགྱུར། །འཇིག་རྟེན་རྣམ་པར་འདྲེན་པ་ཕན་བཞེད་པའི། །
སྐྱེ་བའི་ཡུལ་ནི་མཐོང་ན་དགའ་ཞེས་བྱ། །དེ་བཞིན་གཤེགས་པའི་རིགས་ནི་བྲམ་ཟེ་ཡིན། །འོད་ནི་དཔག་ཚད་གཉིས་ཡོད་ལག་བཟངས་ཡབ། །ཨུད་པལ་པད་མིག་ཡུམ་ཡིན་སྲས་པོ་ནི། །གཙུག་ན་
རིན་ཆེན་གྲགས་ལྡན་རིམ་གྲོ་པ། །གསེར་མཆོག་གཟི་བརྗིད་ལྡན་པ་ཤེས་རབ་ཅན། །དགེ་སློང་སྤྲིན་འོད་རྫུ་འཕྲུལ་ལྡན་པ་ཡིན། །འདུས་པ་དང་པོར་ཉན་ཐོས་ཟག་མེད་རྣམས། །བྱེ་བ་ཕྲག་ནི་བཅྭ་བརྒྱད་
སྙེད་ཅིག་འབྱུང་། །གཉིས་པར་དེ་སྙེད་གསུམ་པར་བྱེ་བ་ཕྲག །ཉི་ཤུ་ཚེ་ལོ་སྟོང་ཕྲག་བཅུ་གཉིས་ཡིན། །འདྲེན་པ་མྱ་ངན་འདས་ནས་དམ་ཆོས་དག །ལོ་གྲངས་ལྔ་ཁྲིའི་བར་དུ་གནས་པར་འགྱུར། །
དེ་ཡི་སྐུ་གདུང་རྒྱས་འགྱུར་མཆོད་རྟེན་ཡང་། །བྱེ་བ་བརྒྱ་ཕྲག་བདུན་བཅུ་རྩ་བཞི་འབྱུང་། །དེ་བཞིན་གཤེགས་པ་རྣམ་པར་རོལ་ལྡན་གྱི། །སྐྱེ་བའི་ཡུལ་ནི་ལྷ་ཡིས་མཆོད་ཅེས་བྱ། །རིགས་ནི་རྒྱལ་རིགས་འོད་ཀྱི་དྲ་བ་
40-1-127b


དག །དཔག་ཚད་བཅུ་བཞི་དེ་ཡབ་ལེགས་བཟངས་ཡིན། །དེ་ཡི་ཡུམ་ནི་ཡིད་འཕྲོག་མ་ཞེས་བྱ། །བསྙན་པའི་བླ་མ་སྲས་ཡིན་རིམ་གྲོ་མཆོག །སྤྱོད་ལམ་ལྡན་ཞེས་བྱ་བ་ཤེས་རབ་ཅན། །ནོར་བུའི་ཟླ་བ་ཞེས་བྱ་
རྫུ་འཕྲུལ་ཅན། །འདུས་པ་དང་པོར་དགེ་སློང་བསམ་གཏན་པ། །ཚོགས་པ་ལྔ་ཁྲི་འདུས་པ་གཉིས་པར་ཡང་། །དྲུག་ཁྲི་གསུམ་པར་དྲུག་ཁྲི་ལྔ་སྟོང་ཡོད། །མི་རྣམས་དག་གི་ཚེ་ལོ་ཉིས་སྟོང་ཡིན། །དེ་བཞིན་གཤེགས་པའི་དམ་
པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་གཅིག་ཚང་བར་གནས། །མྱ་ངན་འདས་པའི་མཆོད་རྟེན་གཅིག་ཡིན་ལ། །དཔག་ཚད་གསུམ་པའི་གདུགས་སྟོང་དག་གིས་ཁྱབ། །དེ་བཞིན་གཤེགས་པ་མུན་དང་བྲལ་བ་ཡི། །སྐྱེ་བའི་ཡུལ་
ནི་པད་མས་བརྒྱན་ཅེས་བྱ། །རིགས་ནི་རྒྱལ་རིགས་འོད་ནི་དཔག་ཚད་བཅུ། །བསོད་ནམས་དགའ་ཡབ་ཡུམ་ནི་ཡོན་ཏན་འོད། །སྲས་ནི་ཟླ་བས་བྱིན་ཞེས་བྱ་བ་ཡིན། །རིམ་གྲོ་པ་ནི་དེས་པ་ཞེས་ཀྱང་བྱ། །ཟླ་བ་དགའ་ཞེས་
བྱ་བ་ཤེས་རབ་ཅན། །རིན་ཆེན་རྒྱལ་མཚན་ཞེས་བྱ་རྫུ་འཕྲུལ་ཅན། །འདུས་པ་དང་པོར་ཉན་ཐོས་ཚོགས་པ་དག །བྱེ་བ་ཕྲག་ནི་ཉི་ཤུ་གསུམ་གཉིས་པར། །ཉི་ཤུ་གཅིག་ཡོད་གསུམ་པར་ཉི་ཤུ་ཡོད། །སྐུ་ཚེ་ལོ་གྲངས་སྟོང་
ཕྲག་ཉི་ཤུ་ལྔ། །ཡོངས་སུ་མྱ་ངན་འདས་ནས་ཆོས་ཚུལ་དག །ལོ་གྲངས་སྟོང་ཕྲག་ལྔ་བཅུ་ཚང་བར་གནས། །དེ་ཡི་སྐུ་གདུང་རྣམས་ནི་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་བཅུ་བཞི། །རྒྱལ་བ་སྒྲ་གཅན་ལྷ་
ཞེས་བྱ་བ་ཡི། །སྐྱེ་ཡུལ་བཟང་པོའི་འབྱུང་གནས་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཕྱེད་དང་གསུམ་ཡོད་གྲགས་བཟང་ཡབ། །སྐལ་ལྡན་འདོད་མ་དེ་བཞིན་གཤེགས་པའི་ཡུམ། །
རིན་ཆེན་འོད་ཅེས་བྱ་བ་སྲས་ཡིན་ནོ། །མཐའ་ཡས་གཟུགས་ཤེས་བྱ་བ་རིམ་གྲོ་པ། །སྟོབས་བརྩོན་ཞེས་ནི་བྱ་བ་ཤེས་རབ་ཅན། །ཟླ་བའི་ཞལ་ཞེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་དགྲ་བཅོམ་ཚོགས། །
40-1-128a


བྱེ་བ་ཚང་བར་ཡོད་དེ་གཉིས་པར་ཡང་། །བྱེ་བ་ཕྲག་དྲུག་གསུམ་པར་བྱེ་ཕྲག་ལྔ། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །གཞན་ཡང་དམ་ཆོས་ཕལ་ཆེན་ཕྱིར་ཞིང་གནས། །འདྲེན་པ་ཡི་ནི་མཆོད་རྟེན་
གཅིག་འབྱུང་ལ། །དཔག་ཚད་གཅིག་པའི་གདུགས་ནི་ལྔ་བརྒྱས་ཁྱབ། །ཆོས་ཀྱི་རྒྱལ་པོ་རི་བོའི་རྒྱལ་མཚན་གྱི། །སྐྱེ་བའི་ཡུལ་ནི་རྒྱལ་བ་ཅན་ཞེས་བྱ། །རིགས་ནི་རྒྱལ་རིགས་ཡིན་ཏེ་སྐུ་ཡི་འོད། །རྒྱང་གྲགས་
གཉིས་ཡོད་གཟི་བཟངས་ཡབ་ཡིན་ལ། །བདེ་བའི་འོད་ཅེས་བྱ་བ་ཡུམ་ཡིན་ནོ། །ཆོས་བཟངས་སྲས་ཡིན་སང་གྷིལ་རིམ་གྲོ་པ། །སྤྱོད་པའི་འོད་ཅེས་བྱ་བ་ཤེས་རབ་ཅན། །མྱ་ངན་མེད་དཔལ་ཞེས་བྱ་རྫུ་འཕྲུལ་
ཅན། །འདུས་པ་དང་པོར་བྱེ་བ་བརྒྱ་ཕྲག་བཅུ། །གཉིས་པར་དགུ་ཡོད་གསུམ་པར་བྱེ་བ་བརྒྱད། །དེ་ཡི་ཚེ་ན་སྐྱེས་པ་བུད་མེད་ཀྱི། །ཚེ་ལོ་སྟོང་ཕྲག་ཉི་ཤུ་རྩ་ཡང་གཉིས། །འཇིག་རྟེན་རྣམ་འདྲེན་མྱ་ངན་འདས་
ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །སྐུ་གདུང་རིན་ཆེན་བདག་ཉིད་རིལ་པོ་གཅིག །མཆོད་རྟེན་གཅིག་ལ་སྣ་ཚོགས་གདུགས་སྟོང་ཡོད། །བདེ་བར་གཤེགས་པ་ཚོགས་ཅན་འོད་སྐྱེ་བའི། །ཡུལ་
ནི་ཡུལ་འཁོར་བདེ་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ལེགས་པའི་ལྷ་ནི་ཡབ། །དགའ་བྱེད་གཟི་བརྗིད་ཡུམ་ཡིན་སྔོ་སངས་སྲས། །ལེགས་སེམས་གྲགས་པ་ཞེས་
བྱ་རིམ་གྲོ་པ། །ང་རོ་ཡོད་པ་དེ་ནི་མཁས་པ་སྟེ། །རིགས་པར་དགའ་བ་རྫུ་འཕྲུལ་ཅན་ཡིན་ནོ། །འདུས་པ་དང་པོར་དགྲ་བཅོམ་བྱེ་བ་བརྒྱ། །གཉིས་པར་དགུ་བཅུ་གསུམ་པར་བརྒྱད་བཅུ་ཡོད། །དེ་ཚེ་མི་རྣམས་དག་གི་ཚེ་ལོའི་ཚད། །
ལོ་གྲངས་སྟོང་ཕྲག་བརྒྱད་བཅུ་རྩ་བཞི་ཡིན། །དེ་བཞིན་གཤེགས་པ་མྱ་ངན་འདས་ནས་ཆོས། །ལོ་གྲངས་བྱེ་ཕྲག་གསུམ་དུ་འཇིག་མི་འགྱུར། །རྒྱལ་བའི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་ཕྲག་ནི་དྲུག་བཅུ་ཐམ། །
40-1-128b


དེ་བཞིན་གཤེགས་མཆོག་རིན་ཆེན་སྙིང་པོ་ཡི། །སྐྱེ་ཡུལ་ཟླ་བ་མེ་ཏོག་བཟང་ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་གཉིས་ཡོད་དེ་ལྷུན་བཟངས་ཡབ། །དེ་ཡི་ཡུམ་ནི་ཟླ་དཔལ་མ་ཞེས་བྱ། །
གསེར་འོད་སྲས་ཡིན་རྒྱ་མཚོ་རིམ་གྲོ་པ། །སེང་གེའི་སྟོབས་ཤེས་བྱ་བ་ཤེས་རབ་ཅན། །བསོད་ནམས་དགའ་ཞེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་ཉན་ཐོས་གྲངས། །ཁྲི་ཕྲག་སྟོང་པོ་བརྒྱད་བཅུ་གཉིས་པར་ཡང་། །
དེ་སྙེད་གསུམ་པར་ཁྲི་སྟོང་དགུ་བཅུ་དྲུག །དེ་འོག་དགེ་སློང་ཚོགས་ནི་བསམ་མི་ཁྱབ། །སྐུ་ཚེའི་ཚད་ནི་ལོ་གྲངས་བརྒྱད་ཁྲི་ཡིན། །དམ་ཆོས་ལོ་གྲངས་བདུན་ཁྲི་ཐམ་པར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་
བྱེ་བ་གདུགས་སྟོང་དག་གིས་ཁྱབ། །དེ་བཞིན་གཤེགས་པ་ཤིན་དུ་མཐོར་གཤེགས་ཀྱི། །སྐྱེ་བའི་ཡུལ་ནི་མཆོག་ཏུ་བཟང་ཞེས་བྱ། །རིགས་ནི་བྲམ་ཟེ་དཔག་ཚད་དྲུག་པའི་འོད། །ཀུན་དུ་ཁྱབ་པ་ཡབ་ནི་ལེགས་ཡིད་གཞུངས། །དེའི་ཡུམ་
བསོད་ནམས་ལྡན་ཡིན་སྲས་པོ་ནི། །མུ་སྟེགས་བཟང་པོ་སྟོབས་ཅན་རིམ་གྲོ་པ། །ལེགས་པར་སེམས་ཤེས་བྱ་བ་ཤེས་རབ་ཅན། །ཁ་ལོ་སྒྱུར་དགའ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་བ་ཕྲག །དགུ་བཅུ་རྩ་
བཞི་གཉིས་པར་བྱེ་བ་གསུམ། །གསུམ་པར་ཚོགས་པ་བྱེ་བ་བརྒྱད་བཅུ་ཐམ། །མི་རྣམས་དག་གི་ཚེ་ཚད་ལོ་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་དྲུག་བཅུ་ཐམ་པར་གནས། །དཔག་ཚད་
གཉིས་པའི་མཆོད་རྟེན་གཅིག་འབྱུང་ལ། །གདུགས་ནི་བྱེ་བ་དག་གིས་ཀུན་དུ་ཁྱབ། །མི་ཡི་མཆོག་མ་བདག་པོ་སྐར་རྒྱལ་གྱི། །སྐྱེ་བའི་ཡུལ་ནི་རིན་ཆེན་སྒྲོན་ཞེས་བྱ། །དེ་བཞིན་གཤེགས་པའི་རིགས་ནི་རྒྱལ་རིགས་འོད། །དཔག་
ཚད་བརྒྱད་ཡོད་ཡབ་ནི་མུ་སྟེགས་བཟང་། །གཟུགས་བཟང་ཡུམ་ཡིན་སྲས་ནི་དྲང་སྲོང་ཡིན། །ཆོས་འཛིན་དབྱངས་བཟངས་རིམ་གྲོ་པ་ཡང་ཡིན། །རིན་ཆེན་དགའ་ཞེས་བྱ་བ་ཤེས་རབ་ཅན། །བརྟན་པས་བྱིན་ཞེས་བྱ་བ་རྫུ་འཕྲུལ་ཅན། །
40-1-129a


འདུས་པ་དང་པོར་དྲི་གསུམ་བྲལ་བའི་ཚོགས། །བྱེ་བ་སུམ་བཅུ་རྩ་དྲུག་གཉིས་པར་ཡང་། །སུམ་བཅུ་རྩ་ལྔ་གསུམ་པར་སུམ་བཅུ་བཞི། །སྐུ་ཚེ་ལོ་གྲངས་སྟོང་ཕྲག་བདུན་བཅུ་བདུན། །སྐྱེས་མཆོག་ཡོངས་སུ་
མྱ་ངན་འདས་ནས་ཀྱང་། །དམ་ཆོས་ལོ་བྱེ་དྲུག་བཅུ་གཉིས་སུ་གནས། །མྱ་ངན་འདས་པའི་མཆོད་རྟེན་གཅིག་འབྱུང་ལ། །རྒྱལ་མཚན་བྱེ་བ་བརྒྱ་ཡིས་བརྒྱན་པར་འགྱུར། །དེ་བཞིན་གཤེགས་པ་རུ་རིངས་སྐྱེ་བ་ཡི། །ཡུལ་ནི་དཔལ་
ལྡན་གསལ་བ་ཞེས་ཀྱང་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སུམ་བཅུ་རྩ་གཉིས་འབྱོར་ལྡན་ཡབ། །ཡོན་ཏན་མཐའ་ཡས་ཡུམ་ཡིན་སྲས་པོ་ནི། །བྱང་ཆུབ་དགའ་ཡིན་དཔལ་ཅན་རིམ་གྲོ་པ། །སོ་རིངས་
ཞེས་ནི་བྱ་བ་ཤེས་རབ་ཅན། །སྣ་མའི་མེ་ཏོག་འོད་ནི་རྫུ་འཕྲུལ་ཅན། །འདུས་པ་དང་པོར་ཉན་ཐོས་བསམ་གཏན་པ། །སྟོང་ཕྲག་བཞི་བཅུ་རྩ་དྲུག་གཉིས་པར་ཡང་། །སུམ་ཁྲི་ལྔ་སྟོང་གསུམ་པར་དྲུག་ཁྲི་ཡོད། །དེ་ཚེ་མི་ཚེ་
ལོ་གྲངས་བརྒྱད་ཁྲི་ཡིན། །རྐང་གཉིས་མཆོག་མ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་བཅུ་ལྔ། །གང་ཟག་
མཚུངས་མེད་ཡོན་ཏན་གྲགས་པ་ཡི། །སྐྱེ་བའི་ཡུལ་ནི་རིན་ཆེན་སྒྲོན་ཞེས་བྱ། །འདྲེན་པའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལེགས་པའི་ལྷ། །ཤིན་དུ་མཛེས་ཤེས་བྱ་བ་ཡུམ་ཡིན་ནོ། །
སྲས་པོ་རིན་ཆེན་དྲང་སྲོང་རིམ་གྲོ་པ། །སྤོབས་དགའ་ཞེས་བྱ་ཤེས་རབ་ཅན་གྱི་མཆོག །ཡེ་ཤེས་དབང་ཕྱུག་རྫུ་འཕྲུལ་ཅན་གྱི་མཆོག །འདུས་པ་དང་པོར་བྱེ་བ་བརྒྱ་ཕྲག་དྲུག །གཉིས་པར་བདུན་ཡོད་གསུམ་པར་བྱེ་བ་བརྒྱད། །སྐུ་ཚེ་
ལོ་གྲངས་སྟོང་ཕྲག་ཉི་ཤུ་གཅིག །མྱ་ངན་འདས་ནས་དམ་ཆོས་ལོ་ལྔར་བསྒྱུར། །རྐང་གཉིས་མཆོག་མ་མྱ་ངན་འདས་པ་ཡི། །མཆོད་རྟེན་བྱེ་བ་བརྒྱ་ཕྲག་དགུ་བཅུ་དྲུག །གསུང་རབ་དག་ནི་འདི་འདྲར་འགྱུར་བ་སྟེ། །སྐྱེ་བོ་སུ་ཡང་ངན་འགྲོར་འགྲོ་
40-1-129b


མི་འགྱུར། །དེ་བཞིན་གཤེགས་པ་འོད་ལྡན་ཉི་ཟླ་ཡི། །སྐྱེ་བའི་ཡུལ་ནི་འབྱོར་པའི་སྒྲ་ཞེས་བྱ། །དེ་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅོ་བརྒྱད་ཡབ་ནི་ཟླ་བ་ཡིན། །ཏོག་གི་འོད་ཅེས་བྱ་བ་དེ་ཡུམ་ཡིན། །སྲས་པོ་
ལེགས་སེམས་ཚོགས་ཅན་རིམ་གྲོ་པ། །སྲིད་མཐར་བྱེད་ཅེས་བྱ་བ་ཤེས་རབ་ཅན། །མེ་ཏོག་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་ཚོགས་བྱེ་བ། །གཉིས་པར་བྱེ་ལྔ་གསུམ་པར་བྱེ་བ་བཅུ། །སྐུ་ཚེ་ལོ་གྲངས་སྟོང་ཕྲག་
བདུན་བཅུ་དྲུག །འདྲེན་པ་མྱ་ངན་འདས་ནས་དམ་ཆོས་དག །ལོ་གྲངས་བྱེ་བ་ཕྲག་གཉིས་བར་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །ཕྱོགས་རྣམས་མཆོད་རྟེན་འབུམ་ཕྲག་དགུ་བཅུ་དགུ། །མཆོད་རྟེན་རེ་རེར་གདུགས་
ནི་སྟོང་སྟོང་ཡོད། །རྒྱལ་བ་ཉི་མའི་འོད་ཅེས་བྱ་བ་ཡི། །སྐྱེ་བའི་ཡུལ་ནི་འོད་ཟེར་བཅུ་ཞེས་བྱ། །དེ་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱད་བཅུ་རྩ་བརྒྱད་སྐྱེ་དབང་ཡབ། །དེའི་ཡུམ་གསེར་མདོག་ཅེས་ནི་བྱ་བ་ཡིན། །མཆོད་
པ་སྲས་ཡིན་ལྷུན་པོ་རིམ་གྲོ་པ། །བསོད་ནམས་འབྱུང་གནས་ཞེས་བྱ་ཤེས་རབ་ཅན། །བཟང་པོ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་དགེ་སློང་ཚོགས། །ཁྲི་ཕྲག་བདུན་བཅུ་རྩ་དྲུག་གཉིས་པར་ཡང་། །
ཁྲི་ཕྲག་བརྒྱད་བཅུ་གསུམ་པར་ཁྲི་དགུ་བཅུ། །སྐུ་ཚེ་ལོ་གྲངས་སྟོང་ཕྲག་དགུ་བཅུ་གཉིས། །རྐང་གཉིས་མཆོག་མ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །མཆོད་རྟེན་
གཅིག་དུ་ཟད་ལ་གདུགས་ཀྱི་གྲངས། །སྟོང་ཕྲག་བརྒྱད་བཅུས་དཔག་ཚད་བཞིར་ཡང་ཁྱབ། །མི་ཡི་འདྲེན་པ་སྐར་མཁན་ཞེས་བྱ་བའི། །སྐྱེ་ཡུལ་དེ་ཚེ་དགའ་བས་ལྟ་ཞེས་བྱ། །དེ་བཞིན་གཤེགས་
རིགས་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་པའི་ལྷ། །བསོད་ནམས་བློ་གྲོས་ཞེས་བྱ་སྐྱེད་པའི་ཡུམ། །དེ་ཡི་སྲས་སྐྱེ་དབང་མཆོག་རིམ་གྲོ་པ། །ལྷ་དགའ་ཞེས་ནི་བྱ་བ་ཤེས་
40-1-130a


རབ་ཅན། །རྫུ་འཕྲུལ་ཅན་གྱི་མཆོག་མ་ལེགས་བཟངས་ཡིན། །འདུས་པ་དང་པོར་ཉན་ཐོས་ཐེར་འབུམ་ཕྲག །ཁྲི་ཕྲག་དགུ་བཅུ་རྩ་དགུ་འབྱུང་བར་འགྱུར། །དེ་ཡི་ཕྱིན་ཆད་ཉན་ཐོས་ཚོགས་མཐའ་ཡས། །སྐུ་ཚེའི་ཚད་ནི་ལོ་
གྲངས་བྱེ་བ་ཡིན། །འདྲེན་པ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་གསུམ་དུ་གནས། །མི་ཡི་འདྲེན་པའི་མཆོད་རྟེན་གཅིག་འབྱུང་ལ། །གདུགས་ནི་བརྒྱ་ཕྲག་ཉི་ཤུ་གཉིས་ཀྱིས་ཁྱབ། །དེ་བཞིན་གཤེགས་པ་
སེང་གེའི་ཏོག་དག་གི། སྐྱེ་བའི་ཡུལ་ནི་དགའ་བའི་རྒྱུད་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རི་དགས་འཛིན། །དེ་ཡི་ཡུམ་ནི་པད་མ་དཀར་ཞེས་བྱ། །མཛེས་པ་ཞེས་བྱ་དེ་ཡི་སྲས་
ཡིན་ནོ། །གཟི་བརྗིད་འོད་འཕྲོ་ཞེས་བྱ་རིམ་གྲོ་པ། །མྱ་ངན་མེད་པའི་རི་བོ་ཤེས་རབ་ཅན། །དགེ་བའི་དཔལ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་ཉན་ཐོས་དྲུག་སྟོང་ཡོད། །གཉིས་པར་ལྔ་སྟོང་གསུམ་པར་བཞི་སྟོང་ཡོད། །
ཚེ་ཚད་ལོ་གྲངས་སྟོང་ཕྲག་བདུན་བཅུ་གཅིག །མྱ་ངན་འདས་ནས་དེ་ཡི་དམ་ཆོས་དག །ལོ་གྲངས་བྱེ་བ་ཕྱེད་དང་གཉིས་སུ་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་བཅུ་གཉིས། །མི་ཡི་
བདག་པོ་དུས་མཁྱེན་རྒྱལ་པོ་ཡི། །སྐྱེ་བའི་ཡུལ་ནི་མཐོང་ན་དགའ་ཞེས་བྱ། །དེ་བཞིན་གཤེགས་རིགས་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ལྷས་སྦྱིན་ཡིན། །དེ་ཡི་ཡུམ་ནི་མ་སྨད་པ་ཞེས་བྱ། །སྲས་པོ་སྤྲིན་ཡིན་
དཔལ་ནི་རིམ་གྲོ་པ། །འབར་བ་ཞེས་བྱ་མཁས་པའི་མཆོག་མ་སྟེ། །བསམ་གཏན་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་ཟག་ཟད་པ། །ཉོན་མོངས་མེད་པ་བྱེ་བ་ཉི་ཤུ་གཉིས། །གཉིས་པར་
ཉི་ཤུ་གསུམ་ཡོད་གསུམ་པར་ཡང་། །གཉིས་ཡོད་མི་རྣམས་ཚེ་ཚད་ལོ་ལྔ་བརྒྱ། །འཁོར་བ་འཇིག་མཛད་མྱ་ངན་འདས་ནས་ཀྱང་། །དམ་ཆོས་ལོ་གྲངས་ཉིས་སྟོང་བར་དུ་གནས། །དེ་ཡི་སྐུ་གདུང་རིལ་གཅིག་མཆོད་
40-1-130b


རྟེན་གཅིག །གསེར་གྱི་སྲོག་ཤིང་དཔག་ཚད་གཅིག་དུ་འཕགས། །སྲིད་མཐར་མཛད་པ་དཔལ་གྱི་སྙིང་པོ་ཡི། །སྐྱེ་བའི་ཡུལ་ནི་སྐྱེ་བོ་དགའ་ཞེས་བྱ། །རིགས་ནི་བྲམ་ཟེ་འོད་ནི་དཔག་ཚད་གཅིག །དེ་ཡི་ཡབ་ནི་ཟླ་བའི་སྟོབས་ཤེས་བྱ། །
ཨུ་བེ་ཞེས་བྱ་ཡུམ་ཡིན་ཟླ་བ་སྲས། །བརྩོན་འགྲུས་བདེ་བའི་དབང་པོ་རིམ་གྲོ་པ། །ནོར་གྱི་འབྱུང་གནས་ཞེས་བྱ་ཤེས་རབ་ཅན། །བསམ་གཏན་དབང་ཕྱུག་ཞེས་བྱ་རྫུ་འཕྲུལ་ཅན། །དགོངས་པ་དྲི་མ་མེད་པའི་དགེ་སློང་དག །
འདུས་པ་དང་པོར་ལྔ་ཁྲི་བཞི་སྟོང་ཡོད། །གཉིས་པར་དྲུག་ཁྲི་གསུམ་པར་བརྒྱད་ཁྲི་ཡོད། །སྐུ་ཚེ་ལོ་གྲངས་སྟོང་ཕྲག་ལྔ་བཅུ་ཡིན། །དམ་པའི་ཆོས་ནི་ལོ་གྲངས་འབུམ་དུ་གནས། །རྐང་གཉིས་མཆོག་མ་དེ་ཡི་མཆོད་རྟེན་
ཡང་། །གཅིག་འབྱུང་དཔག་ཚད་བཞི་ཙམ་ཁོར་ཡུག་ཏུ། །གདུགས་བཀབ་དྲིལ་བུ་གཡེར་ཁའི་དྲ་བས་ཁྱབ། །དེ་བཞིན་གཤེགས་པ་སྲིད་མཐའ་གཟིགས་པ་ཡི། །སྐྱེ་བའི་ཡུལ་ནི་དགའ་བས་མཐོང་ཞེས་བྱ། །
རིགས་ནི་རྒྱལ་རིགས་འོད་བཟངས་དཔག་ཚད་དག །སུམ་བཅུ་གསུམ་ཡོད་ཡབ་ནི་རྣམ་པར་གནོན། །དེ་ཡི་ཡུམ་ནི་ཟླ་བའི་འདབ་ལྡན་མ། །སྲས་པོ་རྗེ་བཙན་སྦད་པ་རིམ་གྲོ་པ། །སྐྱེ་བའི་འོད་ཅེས་བྱ་བ་
མཁས་པའི་མཆོག །རླུང་ལྟར་འགྲོ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དགེ་སློང་བརྒྱད་ཁྲི་ཡོད། །གཉིས་པར་དགུ་ཁྲི་གསུམ་པར་བྱེ་བ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱ་ཡང་ཡིན། །མྱ་ངན་
འདས་ནས་དམ་པའི་ཆོས་རྣམས་ཀྱང་། །ལོ་གྲངས་བྱེ་བའི་བར་དུ་གནས་པར་འགྱུར། །དེ་བཞིན་གཤེགས་པ་ཐེ་ཙོམ་མི་མངའ་བ། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དགུ་
བཅུ་གཅིག །དེ་བཞིན་གཤེགས་པ་གློག་གི་འོད་དག་གི། སྐྱེ་བའི་ཡུལ་ནི་སྨན་ཅེས་བྱ་བ་ཡིན། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་བདེ་བའི་དབང་པོ་ཡབ། །དེའི་ཡུམ་ནི་
40-1-131a


ཡན་ལག་དགའ་ཞེས་བྱ། །སྲས་པོ་སྟོབས་བརྟན་ཆོས་ནི་རིམ་གྲོ་པ། །ནོར་ལྷ་ཞེས་ནི་བྱ་བ་མཁས་པ་སྟེ། །སྙན་པར་སེམས་ཤེས་བྱ་བ་རྫུ་འཕྲུལ་ཅན། །དེ་ཡི་འདུས་པ་དང་པོར་དགྲ་བཅོམ་པ། །ཉོན་མོངས་ཟད་པ་བརྒྱད་
བཅུ་གཉིས་པར་ཡང་། །ཉིས་འགྱུར་གསུམ་པ་དག་ཏུ་སུམ་འགྱུར་ཡོད། །དེ་ཡི་སྐུ་ཚེ་ལོ་གྲངས་ཉིས་སྟོང་ཡིན། །རྒྱལ་བ་དེ་ནི་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་ཕྲག་བཅུར་ཡང་གནས། །མྱ་ངན་འདས་པའི་མཆོད་རྟེན་
གཅིག་འབྱུང་ལ། །གདུགས་གྲངས་བརྒྱ་ཕྲག་དྲུག་བཅུ་གཉིས་ཀྱིས་ཁྱབ། །འཇིག་རྟེན་མགོན་པོ་གསེར་གྱི་རི་བོ་དེའི། །སྐྱེ་བའི་ཡུལ་ནི་དྲེགས་པར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་
གསལ་བ་ཡིན། །དེ་ཡི་ཡུམ་ནི་དགེ་མཆོག་མ་ཞེས་བྱ། །ཤིན་དུ་བཀྲ་ཤིས་སྲས་ཆོས་རིམ་གྲོ་པ། །ཆོས་འཕགས་ཤེས་ནི་བྱ་བ་མཁས་པ་སྟེ། །མི་ཡི་ཏོག་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་པ་ཡི་ཚོགས། །སྟོང་
ཕྲག་སུམ་བཅུ་དག་ནི་འབྱུང་བར་འགྱུར། །འདུས་པ་གཉིས་པར་ཉི་ཤུ་རྩ་བརྒྱད་ཡོད། །འདུས་པ་གསུམ་པར་ཚོགས་པ་ཉི་ཤུ་ཡོད། །དེ་ཡི་སྐུ་ཚེ་ལོ་གྲངས་དགུ་སྟོང་ཡིན། །དམ་པའི་ཆོས་ནི་ལོ་གྲངས་སྟོང་ཕྲག་ནི། །སུམ་བཅུ་རྩ་
གཉིས་ཐམ་པར་གནས་འགྱུར་ཞིང་། །དེ་ཡི་སྐུ་གདུང་རྣམས་ཀྱང་རྒྱས་པར་འགྱུར། །སྤྱན་དང་ལྡན་པ་སེང་གེས་བྱིན་པ་ཡི། །སྐྱེ་བའི་ཡུལ་ནི་རིན་ཆེན་མཆོག་ཅེས་བྱ། །མགོན་པོའི་རིགས་ནི་རྒྱལ་རིགས་འོད་ཀྱི་ཚད། །དཔག་
ཚད་དྲུག་བཅུ་རྩ་ལྔ་ཆོས་ལྡན་ཡབ། །ཡུམ་ནི་ཟླ་ལྡན་སྲས་ནི་རིན་པོ་ཆེ། །རིམ་གྲོ་པ་ནི་གློག་འགྱུ་ཞེས་ཀྱང་བྱ། །དེ་ཚེ་མཁས་གྱུར་དགའ་བ་བློ་ཞེས་བྱ། །དགའ་ཆེན་ཞེས་བྱ་དེ་ཡི་རྫུ་འཕྲུལ་ཅན། །འདུས་པ་དང་པོར་
ཡང་སྲིད་ཟད་པ་ཡི། །དགེ་སློང་ཚོགས་པ་འབུམ་ཕྲག་བཞི་བཅུ་ཡོད། །འདུས་པ་གཉིས་པར་འབུམ་ཕྲག་བཞི་བཅུ་གཉིས། །འདུས་པ་གསུམ་པར་འབུམ་ཕྲག་བཞི་བཅུ་གསུམ། །མི་རྣམས་ཚེ་ཚད་ལོ་གྲངས་
40-1-131b


སྟོང་ཕྲག་བཅུ། །དེ་བཞིན་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །མྱ་ངན་འདས་པའི་མཆོད་རྟེན་གཅིག་ཏུ་ཟད། །བདེ་གཤེགས་གཞན་གྱིས་མི་ཐུབ་རྒྱལ་མཚན་གྱི། །སྐྱེ་བའི་ཡུལ་ནི་
མེ་ཏོག་ལྡན་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་ཚོགས་དབང་པོ། །དེའི་ཡུམ་ལུས་མཆོག་ཅེས་ནི་བྱ་བ་ཡིན། །ཡོན་ཏན་སྟོབས་སྲས་སྒྲ་གཅན་རིམ་གྲོ་པ། །ཁ་ལོ་སྒྱུར་ཞེས་
བྱ་བ་མཁས་པ་སྟེ། །སྤྲིན་པོ་ཆེ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དྲང་སྲོང་མཆོག་དགྲ་བཅོམ། །ཚོགས་པ་བྱེ་བ་བརྒྱ་ཕྲག་གསུམ་ཡང་ཡོད། །གཉིས་པར་གཉིས་ཡོད་གསུམ་པར་བྱེ་བརྒྱ་གཅིག །དེ་ཚེ་མི་ཚེ་ལོ་
གྲངས་སྟོང་ཡིན་ནོ། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་སུམ་སྟོང་བར་དུ་གནས་པར་འགྱུར། །མྱ་ངན་འདས་པའི་མཆོད་རྟེན་བྱེ་བ་སྟེ། །སྐུ་གདུང་དམ་པ་རྣམས་ཀྱང་འཕེལ་བར་འགྱུར། །དེ་བཞིན་གཤེགས་པ་
མཆོག་དགའ་གྲགས་པ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་འདྲོན་བཟངས་ཡིན། །དེ་ཡི་ཡུམ་ནི་སྤྲིན་ལྡན་མ་ཞེས་བྱ། །སྲས་ནི་རྒྱལ་པོ་
སྐྱེ་ལྡན་རིམ་གྲོ་པ། །ཚུལ་ཁྲིམས་དགའ་ཞེས་བྱ་བ་ཤེས་རབ་ཅན། །བདུད་རྩི་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་ཕྲག་དྲུག་ཡོད། །གཉིས་པར་ལྔ་ཡོད་གསུམ་པར་གཉིས་ཡོད་དོ། །དེ་ཡི་ཚེ་ན་འདྲེན་
པའི་སྐུ་ཚེའི་ཚད། །ལོ་གྲངས་སྟོང་ཕྲག་བརྒྱད་བཅུ་རྩ་གཉིས་ཡིན། །འདྲེན་པ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་ཕྲག་གཉིས་གནས། །མཆོད་རྟེན་འབུམ་ཕྲག་བདུན་བཅུ་རྩ་གཉིས་ཏེ། །
རྒྱལ་མཚན་གྱིས་བརྒྱན་གདུགས་སྟོང་དག་གིས་ཁྱབ། །ཡོན་ཏན་མཐའ་ཡས་བརྩོན་འགྲུས་བརྟན་པ་ཡི། །སྐྱེ་བའི་ཡུལ་ནི་དགའ་སྡུག་ཅེས་ཀྱང་བྱ། །དེ་བཞིན་གཤེགས་རིགས་རྒྱལ་རིགས་འོད་ཀྱི་ཚད། །དཔག་ཚད་གཅིག་ཡོད་
40-1-132a


ཡབ་ནི་མྱ་ངན་མེད། །དེ་ཡི་ཡུམ་ནི་མེ་ཏོག་ལྡན་ཞེས་བྱ། །སྲས་པོ་འབྱོར་ལྡན་གྲགས་པ་རིམ་གྲོ་པ། །འོད་བྱེད་རྒྱལ་པོ་ཞེས་བྱ་ཤེས་རབ་ཅན། །ལེགས་དོན་སྤྱོད་ཅེས་བྱ་བ་རྫུ་འཕྲུལ་ཅན། །དགེ་སློང་ཚོགས་པ་བྱེ་བརྒྱ་
ལྔ་བཅུ་དྲུག །དེ་ཚེ་འདུས་པ་གཉིས་པར་ལྔ་བཅུ་ཡོད། །འདུས་པ་གསུམ་པར་ལྔ་བཅུ་རྩ་བཞི་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་གསུམ། །མྱ་ངན་འདས་ནས་དམ་པའི་ཆོས་ཀྱི་ཚུལ། །ལོ་གྲངས་བྱེ་བ་ཕྲག་ནི་བཅུ་བཞིར་
གནས། །མྱ་ངན་འདས་པའི་མཆོད་རྟེན་གཅིག་བྱུང་ལ། །དཔག་ཚད་གསུམ་ཙམ་ཁོར་ཡུག་གདུགས་ཀྱིས་བརྒྱན། །དེ་བཞིན་གཤེགས་པ་གྲགས་པ་རྫོགས་པ་ཡི། །སྐྱེ་བའི་ཡུལ་ནི་ཡུལ་བཟངས་དབུས་ཤེས་བྱ། །རྒྱལ་བའི་
རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་སྡོང་བུ་ཡིན། །དཔེ་མེད་མ་ཞེས་བྱ་བ་ཡུམ་ཡིན་ནོ། །ལྷ་དགའ་ཞེས་ནི་བྱ་བ་སྲས་པོ་ཡིན། །བདེ་བར་འཚོ་ལྡན་ཞེས་བྱ་རིམ་གྲོ་པ། །མཁས་པ་ཏོག་ཡིན་གླང་པོ་
རྫུ་འཕྲུལ་ཅན། །འདུས་པ་དང་པོ་དག་ཏུ་དགྲ་བཅོམ་པ། །བྱེ་བ་བརྒྱ་ཕྲག་ཉི་ཤུ་གཉིས་པར་ཡང་། །ཉིས་འགྱུར་གསུམ་པ་དག་ཏུ་སུམ་འགྱུར་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །ཡོངས་སུ་མྱ་ངན་འདས་ནས་དམ་ཆོས་
ཚུལ། །ལོ་གྲངས་ལྔ་ཁྲི་དྲུག་སྟོང་བར་དུ་གནས། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་བཅུ་གཉིས། །དེ་བཞིན་གཤེགས་པ་བསྙེངས་དང་བྲལ་བ་ཡི། །སྐྱེ་བའི་ཡུལ་ནི་མེ་ཏོག་བརྒྱན་ཅེས་བྱ། །
རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ལེགས་ཡིད་གཞུངས། །ཆོས་ཀྱི་དབང་ཕྱུག་ཅེས་བྱ་དེ་ཡི་ཡུམ། །སྲས་པོ་རྣམ་འཕྲུལ་རྒྱལ་ནི་རིམ་གྲོ་པ། །ཐེ་ཙོམ་གཅོད་ཅེས་བྱ་བ་ཤེས་རབ་ཅན། །
བརྟུལ་ཞུགས་མི་གཡོ་བ་ནི་རྫུ་འཕྲུལ་ཅན། །འདུས་པ་དང་པོར་བསམ་གཏན་པ་ཚོགས་པ། །ཐེར་འབུམ་ཁྲི་ཕྲག་བརྒྱད་བཅུ་འདུས་པར་འགྱུར། །གཉིས་པར་བདུན་བཅུ་གསུམ་པར་དྲུག་བཅུ་ཡོད། །གཞན་རྣམས་ཀུན་དུ་བྱེ་བརྒྱ་ཚང་བར་འགྱུར། །
40-1-132b


མི་རྣམས་དག་གི་ཚེ་ཚད་ལོ་གྲངས་ནི། །བྱེ་བ་སུམ་བཅུ་རྩ་དྲུག་ཐམ་པ་ཡིན། །དམ་ཆོས་བརྒྱད་འགྱུར་གནས་ཤིང་སྐུ་གདུང་ནི། །རིལ་གཅིག་མཆོད་རྟེན་དཔག་ཚད་ལྔ་ཙམ་མོ། །དེ་བཞིན་གཤེགས་པ་མཆོད་འོས་ལྷ་དག་གི། །སྐྱེ་བའི་ཡུལ་
ནི་དགའ་བའི་བློ་ཞེས་བྱ། །རིགས་ནི་རྒྱལ་རིགས་འོད་ནི་དཔག་ཚད་གཅིག །སྦྱིན་སྲེག་འོད་འཕྲོ་ཡབ་ཡིན་ཆོས་བཟང་ཡུམ། །ལེགས་པའི་ལྷ་ཞེས་བྱ་བ་སྲས་ཡིན་ནོ། །སྙིང་སྟོབས་མཆོག་ཅེས་བྱ་བ་རིམ་གྲོ་པ། །ཟླ་སྡུག་ཅེས་ནི་བྱ་བ་ཤེས་
རབ་ཅན། །ཐུབ་མེད་སྟོབས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོར་འཇིགས་མེད་ཚོགས་པ་དག །སྟོང་ཕྲག་ལྔ་བཅུ་རྩ་དྲུག་གཉིས་པར་ཡང་། །དྲུག་བཅུ་གསུམ་པ་དག་ཏུ་དྲུག་བཅུ་ལྔ། །སྐུ་ཚེ་ལོ་གྲངས་སྟོང་ཕྲག་ཉི་ཤུ་གཉིས། །
ས་བདག་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་ཕྲག་བརྒྱད་བཅུར་གནས། །མཆོད་རྟེན་བྱེ་བ་དྲུག་བཅུ་ཐམ་པ་ལ། །གདུགས་དང་རྒྱལ་མཚན་ཟླ་གམ་དག་གིས་བརྒྱན། །དེ་བཞིན་གཤེགས་པ་སྒྲོན་མ་ཆེན་པོ་ཡི། །སྐྱེ་བའི་
ཡུལ་ནི་དགའ་བ་བཟང་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་སྤྱན་ལེགས་ཡིན། །དེ་ཡི་ཡུམ་ནི་ཡན་ལག་མཆོག་ཅེས་བྱ། །སྲས་པོ་དབྱངས་སྙན་དགེ་བ་རིམ་གྲོ་པ། །དོན་ལེགས་སྤྱོད་ཅེས་བྱ་བ་
ཤེས་རབ་ཅན། །དྲང་སྲོང་བྱིན་ཞེས་བྱ་བ་རྫུ་འཕྲུལ་མཆོག །དྲང་སྲོང་དགེ་འདུན་བྱེ་བ་བརྒྱ་ཕྲག་གསུམ། །གཉིས་པར་གཉིས་ཡོད་གསུམ་པར་གཅིག་ཡོད་དོ། །དེ་ཚེ་མི་དེ་དག་གི་ཚེའི་ཚད། །ལོ་གྲངས་སྟོང་ཕྲག་བརྒྱད་བཅུ་རྩ་ཡང་དྲུག །
དེ་ཡི་དམ་ཆོས་ལོ་གྲངས་བྱེ་བར་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། །དཔག་ཚད་གསུམ་ཙམ་ཁོར་ཡུག་གདུགས་སྟོང་གིས། །བརྒྱན་ཅིང་རིན་ཆེན་དྲ་བ་དག་གིས་ཁྱབ། །དེ་བཞིན་གཤེགས་པ་འཇིག་རྟེན་
འོད་དག་གི། སྐྱེ་བའི་ཡུལ་ནི་འཇིག་རྟེན་དགའ་ཞེས་བྱ། །རིགས་ནི་བྲམ་ཟེ་འོད་ནི་དཔག་ཚད་གཅིག །དེ་ཡི་ཡབ་ནི་བཟང་པོ་དཔལ་ཞེས་བྱ། །སྣ་མའི་མེ་ཏོག་དྲི་ལྡན་དེ་ཡི་ཡུམ། །སྐྱེ་བོ་དགའ་བ་སྲས་མེ་རིམ་གྲོ་པ། །
40-1-133a


ཚོགས་རྒྱལ་དགའ་བ་དྲང་སྲོང་ཤེས་རབ་ཅན། །བསྙེན་པར་གྲགས་ཤེས་བྱ་བ་རྫུ་འཕྲུལ་ཅན། །རྐང་གཉིས་མཆོག་མའི་འདུས་པ་དང་པོར་ནི། །དགེ་སློང་སྟོང་ཕྲག་དགུ་བཅུ་རྩ་དགུ་ཐམ། །འདུས་པ་གཉིས་པར་དགུ་
བཅུ་རྩ་བརྒྱད་དོ། །གསུམ་པར་འཁོར་ནི་དགུ་བཅུ་རྩ་ཡང་བདུན། །སྐུ་ཚེ་ལོ་གྲངས་སྟོང་ཕྲག་ཉི་ཤུ་ལྔ། །དམ་པའི་ཆོས་ནི་དེ་ཡི་ལྔ་འགྱུར་གནས། །སྐུ་གདུང་རྒྱས་འགྱུར་མཆོད་རྟེན་ཕལ་ཆེ་སྟེ། །བྱེ་བ་དགུ་བཅུ་རྩ་གཉིས་རྒྱན་ཀྱིས་
བརྒྱན། །དེ་བཞིན་གཤེགས་པ་སྤོས་དྲི་ཞིམ་པ་ཡི། །སྐྱེ་བའི་ཡུལ་ནི་སྤོས་ཀྱིས་བརྒྱན་ཞེས་བྱ། །རིགས་ནི་རྒྱལ་རིགས་འོད་ནི་གླིང་ཆེན་དག །སྟོང་ཕྲག་གསུམ་ཁྱབ་ཡབ་ནི་བསོད་ནམས་བཟང་། །འགྲོ་བ་འཛིན་ཞེས་
བྱ་བ་ཡུམ་ཡིན་ནོ། །སྲས་པོ་ལེགས་མཐོང་ལྷུན་པོ་རིམ་གྲོ་པ། །གང་ཟག་མཆོག་ཅེས་བྱ་བ་མཁས་པ་སྟེ། །ལྷ་ཡིས་མཆོད་ཅེས་བྱ་བ་རྫུ་འཕྲུལ་ཅན། །དགྲ་བཅོམ་འདུས་པ་བྱེ་བ་ཕྲག་བཞི་ཡོད། །གཉིས་པར་གསུམ་
ཡོད་གསུམ་པར་གཉིས་ཡོད་དོ། །དེ་ན་མི་དེ་དག་གི་ཚེའི་ཚད། །ལོ་གྲངས་སྟོང་ཕྲག་དགུ་བཅུ་རྩ་ཡང་གཉིས། །ཡོངས་སུ་མྱ་ངན་འདས་ནས་དམ་ཆོས་དག །སངས་རྒྱས་ཞིང་དུ་ལོ་བྱེ་གཉིས་སུ་གནས། །མཆོད་རྟེན་གཅིག་
འབྱུང་དཔག་ཚད་དྲུག་ཙམ་གྱི། །ཁྱོན་ཀུན་རིན་པོ་ཆེ་ཡིས་ཁྱབ་པར་འགྱུར། །དེ་བཞིན་གཤེགས་པ་ཡོན་ཏན་མཆོག་འཛིན་གྱི། །སྐྱེ་བའི་ཡུལ་ནི་དགའ་བས་བརྒྱན་ཞེས་བྱ། །མི་མཆོག་རྒྱལ་བའི་རིགས་ནི་རྒྱལ་རིགས་ཏེ། །
འོད་ནི་རྒྱང་གྲགས་གསུམ་ཡོད་མེ་ཏོག་ཡབ། །དེ་ཡི་ཡུམ་ནི་བདེ་བར་བྱེད་ཅེས་བྱ། །སྲས་པོ་འབྱོར་ལྡན་འབྲུག་སྒྲ་རིམ་གྲོ་པ། །དེ་ཚེ་གྲགས་མཆོག་ཅེས་བྱ་ཤེས་རབ་ཅན། །འོད་བྱེད་ཅེས་བྱ་རྫུ་འཕྲུལ་ལྡན་པ་ཡིན། །
དགྲ་བཅོམ་འདུས་པ་བྱེ་བ་བརྒྱ་ཕྲག་གཉིས། །དེ་ཚེ་འདུས་པ་གཉིས་པར་དེ་ལྔ་བསྒྱུར། །གསུམ་པར་ཚོགས་པ་བྱེ་སྟོང་བཅུ་གསུམ་ཡོད། །དེ་ཚེ་སྐུ་ཚེ་ལོ་གྲངས་བྱེ་བ་གསུམ། །དམ་པའི་ཆོས་དག་ལོ་གྲངས་ལྔ་
40-1-133b


བརྒྱར་གནས། །དེ་ཡི་སྐུ་གདུང་རིལ་གཅིག་མཆོད་རྟེན་ཡང་། །དཔག་ཚད་གཉིས་པ་གདུགས་ནི་སྟོང་ཕྲག་བརྒྱས། །བརྒྱན་ཅིང་རིན་ཆེན་མེ་ཏོག་དག་གིས་གང་། །དེ་བཞིན་གཤེགས་པ་མུན་དང་བྲལ་བ་ཡི། །སྐྱེ་བའི་ཡུལ་ནི་བསོད་ནམས་
ལྡན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་དྲང་སྲོང་ཆེན་པོ་ཡབ། །ཤིན་དུ་བཀྲ་ཤིས་ཞེས་བྱ་ཡུམ་ཡིན་ནོ། །སྲས་པོ་ཆོས་སྨྲ་ངོས་བཟངས་རིམ་གྲོ་པ། །དཔལ་བཟང་ཞེས་བྱ་མཁས་
པ་ཆེན་པོ་སྟེ། །ཡོན་ཏན་འབྱུང་གནས་ཞེས་བྱ་རྫུ་འཕྲུལ་ཅན། །འདུས་པ་དང་པོར་བྱེ་བ་དགུ་བཅུ་གཉིས། །འདུས་པ་གཉིས་པར་བྱེ་བ་བདུན་བཅུ་ཡོད། །གསུམ་པར་བྱེ་བ་བདུན་བཅུ་རྩ་དྲུག་ཡོད། །སྐུ་ཚེ་ལོ་གྲངས་ལྔ་བརྒྱ་
ཐམ་པ་ཡིན། །འཇིག་རྟེན་རྣམ་པར་འདྲེན་པའི་དམ་ཆོས་དག །ལོ་གྲངས་སྟོང་ཕྲག་བཞི་བཅུ་དྲུག་ཏུ་གནས། །དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །རྒྱལ་མཚན་བཟང་པོ་བྱེ་བ་བརྒྱད་བཅུས་གང་། །དེ་བཞིན་
གཤེགས་པ་སེང་གེའི་འགྲམ་པ་ཡི། །སྐྱེ་བའི་ཡུལ་ནི་དགེ་དང་ལྡན་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་ལེགས་ཡིད་གཞུངས། །བདེ་འོད་ཅེས་བྱ་ཡུམ་ཡིན་སྲས་པོ་
ནི། །ཡོན་ཏན་རྒྱལ་མཚན་བདེན་པ་རིམ་གྲོ་པ། །ཆོས་འདོད་ཅེས་ནི་བྱ་བ་མཁས་པ་སྟེ། །འགྲོ་བའི་མཆོད་རྟེན་ཞེས་བྱ་རྫུ་འཕྲུལ་ཅན། །དྲང་སྲོང་ཡིད་ཞི་དགེ་འདུན་འདུས་པ་རྣམས། །སྟོང་ཕྲག་བརྒྱད་
བཅུ་དག་ནི་འབྱུང་བར་འགྱུར། །དམ་པའི་ཆོས་ནི་ལོ་གྲངས་བདུན་ཁྲིའི་བར། །གནས་པར་འགྱུར་རོ་སྐུ་གདུང་འཕེལ་བར་འགྱུར། །དེ་བཞིན་གཤེགས་པ་རིན་ཆེན་གྲགས་པ་ཡི། །སྐྱེ་བའི་ཡུལ་ནི་བསོད་
ནམས་སྙིང་པོ་ཡིན། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ལེགས་བཟངས་ཡིན། །རིན་ཆེན་གཙུག་ཏོར་ཞེས་བྱ་ཡུམ་ཡིན་ནོ། །རི་མཆོག་སྲས་ཡིན་རྒྱལ་ནི་རིམ་གྲོ་པ། །
40-1-134a


ཤེས་རབ་སྒྲོན་མ་ཞེས་བྱ་མཁས་པ་སྟེ། །གཙུག་ན་ནོར་བུ་ཞེས་བྱ་རྫུ་འཕྲུལ་ཅན། །འདུས་པ་དང་པོར་སྲིད་པ་ཟད་པ་དག །ཐེར་འབུམ་ཡོད་དོ་གཉིས་པར་ལྔ་ཡང་ཡོད། །གསུམ་པ་དག་ཏུ་ཐེར་འབུམ་ཕྲག་ཀྱང་
དགུ། །སྐུ་ཚེའི་ཚད་ནི་ལོ་གྲངས་སྟོང་ཡང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་ཕྲག་བཅུར་ཡང་གནས། །རིན་ཆེན་བདུན་པོ་ཀུན་གྱི་རྒྱུས་བྱུང་བ། །མཆོད་རྟེན་བྱེ་བ་བརྒྱ་ཕྲག་
བཅུ་ཡང་འབྱུང་། །དེ་བཞིན་གཤེགས་པ་སྐྱོན་རབ་ཞི་བ་ཡི། །སྐྱེ་བའི་ཡུལ་ནི་དགའ་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་དགུ་བཅུ་གཉིས་ཡོད་འབྱོར་ལྡན་ཡབ། །དེ་ཡི་ཡུམ་ནི་བཟང་ལྡན་
མ་ཞེས་བྱ། །དབྱངས་སྙན་སྲས་པོ་གསལ་བ་རིམ་གྲོ་པ། །ཆོས་དཔལ་འོད་ཅེས་བྱ་བ་མཁས་པ་སྟེ། །དོན་སྨྲ་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་རྫུ་འཕྲུལ་སྟོབས་ཅན་དག །དགྲ་བཅོམ་སྟོང་ཕྲག་
དྲུག་བཅུ་རྩ་གསུམ་ཡོད། །གཉིས་པར་དྲུག་བཅུ་རྩ་གཉིས་ཐམ་པར་ཡོད། །འདུས་པ་གསུམ་པར་དྲུག་བཅུ་རྩ་ཡང་གཅིག །དེ་ཚེ་ལོ་ནི་སྟོང་ཕྲག་དགུ་བཅུ་དྲུག །དེ་སྲིད་དུས་སུ་དམ་པའི་ཆོས་ནི་ལོ། །བྱེ་ཕྲག་
གཉིས་གནས་སྟོན་པ་མྱ་ངན་འདས། །སྐུ་གདུང་རིལ་གཅིག་མཆོད་རྟེན་གཅིག་བྱུང་ངོ་། །དེ་བཞིན་གཤེགས་པ་བདུད་རྩི་འཆང་བ་ཡི། །སྐྱེ་བའི་ཡུལ་ནི་བཟང་དང་ལྡན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །
དཔག་ཚད་བཅུ་དྲུག་ཡབ་ནི་ཚངས་བཟངས་ཡིན། །མེ་ཏོག་ཅན་ཞེས་བྱ་བ་ཡུམ་ཡིན་ནོ། །སྲས་པོ་ཟླས་བྱིན་རྒྱལ་དབང་རིམ་གྲོ་པ། །ཡེ་ཤེས་འོད་གསལ་ཞེས་བྱ་མཁས་པ་སྟེ། །འོད་པོ་ཆེ་ཞེས་བྱ་བ་རྫུ་འཕྲུལ་ཅན། །
འདུས་པ་དང་པོར་དགྲ་བཅོམ་ཐེར་འབུམ་དགུ། །གཉིས་པར་བརྒྱད་ཡོད་གསུམ་པ་དག་ཏུ་འང་བརྒྱད། །དེ་ཚེ་སངས་རྒྱས་མཆོག་མའི་སྐུ་ཚེའི་ཚད། །ལོ་གྲངས་སྟོང་ཕྲག་བདུན་བཅུ་རྩ་དྲུག་ཡིན། །བདེ་གཤེགས་
40-1-134b


ཡོངས་སུ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །མཆོད་རྟེན་བྱེ་བ་སྟོང་ཕྲག་དགུ་བཅུ་དགུ། །རིན་པོ་ཆེ་ཡི་གདུགས་ཀྱིས་བརྒྱན་པར་འགྱུར། །དེ་བཞིན་གཤེགས་པ་མི་ཡི་ཟླ་བ་ཡི། །སྐྱེ་བའི་ཡུལ་ནི་
དགའ་བ་སྩོགས་ཤེས་བྱ། །དེའི་རིགས་བྲམ་ཟེ་འོད་ནི་དཔག་ཚད་གཅིག །བདེ་བར་གཤེགས་པའི་ཡབ་ནི་བཟང་པོ་ཡིན། །སྤྲིན་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ལེགས་མཐོང་ལྷུན་པོ་རིམ་གྲོ་པ། །རིན་ཆེན་མཆོག་མ་ཤེས་རབ་
གཏམ་ལྡན་ཏེ། །འཛམ་བུའི་ཆུ་བོ་ཞེས་བྱ་རྫུ་འཕྲུལ་ཅན། །དགྲ་བཅོམ་བྱེ་བ་སྟོང་ཕྲག་བཅུ་ཡོད་དེ། །གཉིས་པར་བརྒྱད་ཡོད་གསུམ་པར་དགྲ་བཅོམ་པ། །དེ་དག་བྱེ་བརྒྱ་ལྔ་བཅུ་རྩ་ལྔ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱ་དྲུག་བཅུ། །
བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་གཉིས་སུ་གནས། །རྒྱལ་བའི་མཆོད་རྟེན་བྱེ་བ་བདུན་བཅུ་དྲུག །འཇིག་རྟེན་གསུམ་དུ་སིལ་སྙན་བརྒྱ་ཡང་གྲགས། །དེ་བཞིན་གཤེགས་པ་ཤིན་དུ་གཟིགས་
པ་ཡི། །སྐྱེ་བའི་ཡུལ་ནི་སྐྱེད་པར་ལྡན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་བསོད་ནམས་བཟང་པོ་ཡབ། །དེ་ཡི་ཡུམ་ནི་སྙན་པར་སྨྲ་ཞེས་བྱ། །སྲས་པོ་ཆོས་བཟང་ཟླ་བ་རིམ་གྲོ་པ། །
ཤེས་རབ་མཐར་ཕྱིན་ཞེས་བྱ་མཁས་པ་སྟེ། །གཏམ་ལྡན་གཙོ་བོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་རྒ་ནད་སེལ་བ་པོ། །དགྲ་བཅོམ་བྱེ་བ་ཕྲག་ནི་དགུ་བཅུ་ཡོད། །འདུས་པ་གཉིས་པར་བྱེ་བ་བརྒྱད་བཅུ་ཡོད། །
གསུམ་པར་ཚོགས་པ་བྱེ་བ་བརྒྱད་བཅུ་བདུན། །མི་རྣམས་ཚེ་ཚད་བྱེ་བ་ཕྲག་བརྒྱ་ཡིན། །དམ་ཆོས་ལོ་གྲངས་བྱེ་བ་བརྒྱད་དུ་གནས། །སྟོན་པ་མྱ་ངན་འདས་པའི་མཆོད་རྟེན་དག །བྱེ་བ་སྟོང་ཕྲག་བདུན་བཅུ་རྩ་
གསུམ་འབྱུང་། །དེ་བཞིན་གཤེགས་པ་རབ་ཏུ་བརྒྱན་པ་ཡི། །སྐྱེ་བའི་ཡུལ་ནི་མཆོད་པའི་རྟེན་ཞེས་བྱ། །རྒྱལ་བ་དེའི་རིགས་བྲམ་ཟེ་འོད་ཀྱི་ཚད། །དཔག་ཚད་བདུན་ཡོད་ཡབ་ནི་ལྷ་བཟང་ཡིན། །གཟི་ལྡན་
40-1-135a


མ་ནི་ཡུམ་ཡིན་སྲས་པོ་ནི། །མྱ་ངན་མེད་པ་ཐུབ་མེད་རིམ་གྲོ་པ། །གཞན་འཇོམས་པ་ཞེས་བྱ་བ་མཁས་པ་སྟེ། །ང་རོ་སྙན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྲིད་པ་མཐར་བྱེད་པ། །
ཞི་བར་སོང་བ་བྱེ་བ་བདུན་བཅུ་གཉིས། །གཉིས་པར་བྱེ་བ་བདུན་བཅུ་རྩ་གཅིག་ཡོད། །གསུམ་པར་ང་རྒྱལ་གཅོགས་པ་བདུན་བཅུ་ཡོད། །འཇིག་རྟེན་མཁྱེན་པའི་སྐུ་ཚེའི་ཚད་དག་ནི། །ལོ་གྲངས་སྟོང་ཕྲག་དགུ་
བཅུ་རྩ་དགུ་ཡིན། །མྱ་ངན་འདས་ནས་དམ་ཆོས་ལོ་གྲངས་དག །བྱེ་བར་གནས་འགྱུར་སྐུ་གདུང་དབྱེར་མེད་དོ། །དེ་བཞིན་གཤེགས་པ་ནོར་བུའི་འོད་སྐྱེ་བའི། །ཡུལ་ནི་མེ་ཏོག་ལེགས་རྒྱས་གཟི་བརྗིད་ཡིན། །དེའི་
རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཟླ་བཟང་ཡིན། །དེ་ཡི་ཡུམ་ནི་རིན་ཆེན་ཟླ་ཞེས་བྱ། །སྲས་པོ་སྐལ་འདོད་ཏོག་ནི་རིམ་གྲོ་པ། །སྨན་གྱི་རྒྱལ་པོ་ཞེས་བྱ་མཁས་པ་སྟེ། །
སྐྱེ་བོ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དྲང་སྲོང་དགྲ་བཅོམ་པ། །དགེ་སློང་བྱེ་བ་སྟོང་ཕྲག་དགུ་ཡོད་དོ། །གཉིས་པར་བརྒྱད་ཡོད་གསུམ་པར་བདུན་ཡང་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་
ཡིན། །བདེ་གཤེགས་མྱ་ངན་འདས་ནས་དམ་ཆོས་དག །ལོ་གྲངས་བྱེ་བ་གསུམ་དུ་ཉམས་མེད་གནས། །མཆོད་རྟེན་བྱེ་བ་སྟོང་ཕྲག་དགུ་བཅུ་དགུ། །འབྱུང་བར་འགྱུར་ལ་ཅོད་པན་དག་གིས་རྒྱས། །སངས་
རྒྱས་རི་བོ་བརྩེགས་པའི་ཏོག་དག་གི། སྐྱེ་བའི་ཡུལ་ནི་ཙན་དན་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ན་ཚོད་བཟང་། །མེ་ཏོག་མཆོག་ཅེས་བྱ་བ་ཡུམ་ཡིན་ནོ། །སྲས་པོ་
འོད་འཆང་ཆོས་བཟང་རིམ་གྲོ་པ། །ཆོས་ཀྱི་སྒྲོན་མ་ཞེས་བྱ་མཁས་པ་སྟེ། །འོད་འགྲོ་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་ལུས་ནི་སིལ་བ་པོ། །བྱེ་བ་སྟོང་ཕྲག་བདུན་བཅུ་རྩ་བཞི་འབྱུང་། །གཉིས་པར་གསུམ་
40-1-135b


ཡོད་གསུམ་པར་གཉིས་འབྱུང་ངོ་། །སྐུ་ཚེ་ལོ་གྲངས་སྟོང་ཕྲག་བདུན་བཅུ་ཡིན། །སངས་རྒྱས་འཇིག་རྟེན་ཕན་པར་མཛད་པ་པོ། །དེ་ནི་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་དགུ་བཅུ་དྲུག་གནས་ཤིང་། །མཆོད་རྟེན་དབྱེར་
མེད་པ་ནི་གཅིག་ཅིག་འབྱུང་། །དེ་བཞིན་གཤེགས་པ་ཆོས་ཀྱི་འབྱུང་གནས་ཀྱི། །སྐྱེ་བའི་ཡུལ་ནི་མེ་ཏོག་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་བསོད་ནམས་བཟང་པོ་ཡབ། །བསོད་ནམས་
ལྡན་པ་ཡུམ་ཡིན་སྲས་པོ་ནི། །སྩ་ལའི་དྲི་ལྡན་བྱང་ཆུབ་རིམ་གྲོ་པ། །སྨྲ་བ་འཇོམ་བྱེད་ཅེས་བྱ་མཁས་པ་སྟེ། །བརྟུལ་ཞུགས་བརྟན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་གང་དག་དགྲ་བཅོམ་པ། །བྱེ་བ་དགུ་བཅུ་རྩ་བཞི་
ཐམ་པ་ཡོད། །གཉིས་པར་གསུམ་ཡོད་གསུམ་པར་བཞི་ཡོད་དོ། །དེ་ཡི་སྐུ་ཚེ་ལོ་གྲངས་བརྒྱད་ཁྲི་ཡིན། །རྒྱལ་བ་མྱ་ངན་འདས་པའི་དམ་ཆོས་དག །ལོ་གྲངས་སྟོང་ཕྲག་བཅུའི་བར་དུ་གནས། །མཆོད་རྟེན་བྱེ་བ་དགུ་བཅུ་རྩ་
དྲུག་སྟེ། །ཐམས་ཅད་རིན་ཆེན་དྲ་བས་རྣམ་པར་བརྒྱན། །དེ་བཞིན་གཤེགས་པ་ཚིམས་སྦྱིན་སྐྱེ་བའི་ཡུལ། །མེ་ཏོག་རྣམ་པར་བརྒྱན་ཞེས་བྱ་བ་ཡིན། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཁྲི་བརྒྱ་སུམ་བཅུ་གཉིས་
ཡོད་ལེགས་སྐྱེས་ཡབ། །སྩ་ལའི་འོད་ཅེས་བྱ་བ་ཡུམ་ཡིན་ནོ། །སྲས་པོ་ལེགས་ལྡན་འོད་འཕྲོ་རིམ་གྲོ་པ། །དཔལ་རྒྱལ་ཞེས་ནི་བྱ་བ་མཁས་པ་སྟེ། །འོད་བྱེད་སྦྱིན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྐྱེ་བ་
འཇོམས་བྱེད་པ། །དགྲ་བཅོམ་སྟོང་ཕྲག་སུམ་བཅུ་རྩ་གཉིས་ཡོད། །འདུས་པ་གཉིས་པར་ཉི་ཤུ་རྩ་དགུ་ཡོད། །གསུམ་པར་ཉི་ཤུ་རྩ་བརྒྱད་ཐམ་པ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་
སྟོང་ཕྲག་ཉི་ཤུ་རྩ་གཉིས་ཡིན། །མྱ་ངན་འདས་ནས་དམ་ཆོས་སུམ་འགྱུར་གནས། །བདེ་གཤེགས་སྐུ་གདུང་རིལ་གཅིག་མཆོད་རྟེན་གཅིག །དེ་བཞིན་གཤེགས་པ་རིན་ཆེན་འབྱུང་གནས་ཀྱི། །
40-1-136a


སྐྱེ་བའི་ཡུལ་ནི་ཟླ་བ་ཅན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་མྱ་ངན་མེད། །བསོད་ནམས་ལྡན་ཞེས་བྱ་བ་ཡུམ་ཡིན་ནོ། །སྲས་པོ་ལེགས་མཐོང་མཆོག་
མ་རིམ་གྲོ་པ། །བློ་སྦྱིན་ཞེས་བྱ་ཤེས་རབ་གཙོ་བོ་སྟེ། །སེང་གེ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྐྱེ་རྒ་འཆི་བ་དག །མཐར་བྱེད་བྱེ་བ་བརྒྱ་ཕྲག་དགུ་བཅུ་ཡོད། །འདུས་པ་གཉིས་པར་དགུ་བཅུ་
རྩ་ལྔ་ཡོད། །གསུམ་པར་ཚོགས་པ་དགུ་བཅུ་རྩ་དྲུག་ཐམ། །མི་རྣམས་དག་གི་ཚེ་ཚད་ལོ་བརྒྱ་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བདུན་བཅུའི་བར་དུ་གནས། །དེ་ཡི་མཆོད་
རྟེན་དཔག་ཚད་གཅིག་པ་གཅིག །དེ་བཞིན་གཤེགས་པ་སྐྱེ་དབང་མཚུངས་པ་ཡི། །སྐྱེ་བའི་ཡུལ་ནི་རྣམ་པར་བལྟས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སུམ་བཅུ་ཡབ་
ནི་སྤོས་བཟངས་ཡིན། །རིན་ཆེན་ལྡན་ཞེས་བྱ་བ་ཡུམ་ཡིན་ནོ། །སྲས་པོ་སྡུག་དགའ་འདུན་པ་རིམ་གྲོ་པ། །རྒྱ་མཚོའི་བློ་ཞེས་བྱ་བ་ཤེས་རབ་ཆེ། །འོད་བྱེད་སྦྱིན་ཞེས་བྱ་བ་རྫུ་འཕྲུལ་ཅན། །དང་པོར་
ཚོགས་པ་ཐེར་འབུམ་དགུ་བཅུ་ཡོད། །བར་མ་གཉིས་པར་ཚོགས་པ་བརྒྱད་བཅུ་བརྒྱད། །ཐ་མར་ཐེར་འབུམ་བརྒྱད་བཅུ་རྩ་དྲུག་ཡོད། །དེ་དག་ཚེ་ཚད་ལོ་གྲངས་སྟོང་ཕྲག་བརྒྱ། །དམ་ཆོས་ལོ་གྲངས་བྱེ་བ་བཅུར་
ཡང་གནས། །མཆོད་རྟེན་བྱེ་བ་དགུ་བཅུ་རྩ་བརྒྱད་དེ། །རིན་ཆེན་རྒྱལ་མཚན་གདུགས་དང་འཕན་གྱིས་བརྒྱན། །མཆོད་རྟེན་རེ་རེ་འང་གདུགས་ནི་བྱེ་བ་ཡོད། །དེ་བཞིན་གཤེགས་པ་སྟབས་ཀྱིས་གཤེགས་པ་ཡི། །
སྐྱེ་བའི་ཡུལ་ནི་མེ་ཏོག་འོད་ཅེས་བྱ། །རིགས་ནི་བྲམ་ཟེ་འོད་ཟེར་དྲ་བའི་ཚད། །དཔག་ཚད་ཉི་ཤུ་གཉིས་ཡོད་རི་དབང་ཡབ། །རྒྱལ་དེའི་ཡུམ་ནི་དགའ་བ་ཞེས་ཀྱང་བྱ། །དེ་ཡི་སྲས་པོ་ཡོན་ཏན་སེམས་ཤེས་བྱ། །
40-1-136b


སྲིད་པའི་བཤེས་གཉེན་དེ་ཡི་རིམ་གྲོ་པ། །ཉེ་སྡེ་ཤེས་ཅན་རྐང་སྟོབས་རྫུ་འཕྲུལ་ཅན། །མི་མཆོག་དེ་ཡི་འདུས་པ་དང་པོར་ནི། །དགྲ་བཅོམ་བརྒྱ་ཕྲག་སུམ་བཅུ་རྩ་གཉིས་ཡོད། །གཉིས་པར་བརྒྱ་ཕྲག་སུམ་བཅུ་རྩ་གསུམ་ཡོད། །
གསུམ་པར་ཚོགས་པ་ཕལ་ཆེར་ཐེར་འབུམ་ཡོད། །མི་ཡི་འདྲེན་པ་དེ་ཡི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་རྩ་བཞི་ཡིན། །དེ་ཚེ་དེ་ཡི་སུམ་འགྱུར་དམ་ཆོས་གནས། །དེ་ཚེ་སྐུ་གདུང་རིལ་གཅིག་མཆོད་རྟེན་གཅིག །
འཇིག་རྟེན་རྣམ་པར་འདྲེན་པ་བློ་གནས་ཀྱི། །སྐྱེ་ཡུལ་རིན་ཆེན་གཟི་བརྗིད་དགའ་ཞེས་བྱ། །རིགས་ནི་རྒྱལ་རིགས་འོད་ནི་དཔག་ཚད་གཅིག །བསོད་ནམས་དཔལ་ཡབ་དགའ་བ་བཟང་མོ་ཡུམ། །སྲས་པོ་ཆུ་ལྷ་དགའ་བ་
རིམ་གྲོ་པ། །བསོད་ནམས་སྒྲོན་ཞེས་བྱ་བ་ཤེས་རབ་ཅན། །འབྲུག་སྒྲ་རྫུ་འཕྲུལ་ཅན་གྱི་མཆོག་མ་ཡིན། །འདུས་པ་དང་པོར་དགྲ་བཅོམ་བྱེ་བ་བརྒྱ། །འདུས་པ་གཉིས་པར་ཡང་སྲིད་ཟད་པ་དག །བརྒྱད་བཅུ་གསུམ་པར་
དྲུག་བཅུ་འབྱུང་བར་འགྱུར། །དེ་ན་མི་དེ་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་བཞི་ཡིན། །མྱ་ངན་འདས་ནས་དེ་ན་དམ་ཆོས་དག །ལོ་གྲངས་སྟོང་ཕྲག་ལྔ་བརྒྱའི་བར་དུ་གནས། །མཆོད་རྟེན་བྱེ་བ་བརྒྱ་
ཕྲག་ལྔ་ཡོད་དེ། །ཐམས་ཅད་རིན་ཆེན་གདུགས་ཀྱིས་མཛེས་ཁེབས་བྱས། །དེ་བཞིན་གཤེགས་པ་གདུགས་མཛེས་པ་དག་གི། །སྐྱེ་བའི་ཡུལ་ནི་རིན་ཆེན་ཕུང་པོ་ཡིན། །རིགས་ནི་རྒྱལ་རིགས་འོད་གཟི་
དཔག་ཚད་ནི། །བྱེ་བ་ཐམ་པ་ཡབ་ནི་སྒྲ་གཅན་ལྷ། །མེ་ཏོག་ཅན་ཞེས་བྱ་བ་དེ་ཡི་ཡུམ། །དེའི་སྲས་རྒྱལ་བ་བློ་བཟངས་རིམ་གྲོ་པ། །ལྷ་ཡིས་མཆོད་ཅེས་བྱ་བ་ཤེས་རབ་ཅན། །མ་ག་
ད་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་སུམ་བཅུ་གསུམ། །གཉིས་པར་ཆགས་མེད་སུམ་བཅུ་རྩ་གཉིས་ཡོད། །གསུམ་པར་ཟད་མེད་སུམ་བཅུ་རྩ་གཅིག་ཡོད། །མི་ཚེ་ལོ་
40-1-137a


གྲངས་སྟོང་ཕྲག་ཉི་ཤུ་ལྔ། །འཇིག་རྟེན་རྣམ་འདྲེན་མྱ་ངན་འདས་ནས་ཀྱང་། །དམ་པའི་ཆོས་དག་ལོ་གྲངས་བྱེ་བར་གནས། །མཆོད་རྟེན་དཔག་ཚད་ཕྱེད་པ་བྱེ་བ་ཕྲག །བརྒྱད་བཅུ་རིན་ཆེན་བདུན་ཡིན་རྒྱས་པར་འགྱུར། །
འཇིག་རྟེན་དག་གི་མགོན་པོ་གཙོ་བོ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ཟླ་བཟངས་ཡིན། །དེ་ཡི་ཡུམ་ནི་མེ་ཏོག་བསགས་
ཤེས་བྱ། །སྲས་པོ་མཛེས་པ་དཔལ་ཅན་རིམ་གྲོ་པ། །བློ་སྦྱངས་ཞེས་ནི་བྱ་བ་ཤེས་རབ་ཅན། །མཐའ་ཡས་དཔལ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དབང་དུ་གྱུར་པ་རྣམས། །སྟོང་ཕྲག་བརྒྱད་བཅུ་
གཉིས་པར་དགུ་བཅུ་ཡོད། །གསུམ་པར་དྲི་མ་མེད་པ་བྱེ་བ་བརྒྱ། །སྐུ་ཚེ་ལོ་གྲངས་བྱེ་བ་གཉིས་ཀྱང་ཡིན། །དམ་ཆོས་ལོ་གྲངས་བྱེ་བ་བཅུར་ཡང་གནས། །རྒྱང་གྲགས་སུམ་བཅུ་པ་ཡི་མཆོད་རྟེན་གཅིག །རིན་ཆེན་
བདུན་པོ་དག་གིས་དེ་རྒྱས་ཤིང་། །གདུགས་གྲངས་བྱེ་བ་བརྒྱ་ཕྲག་བདུན་བཅུ་གཉིས། །བདེ་བར་གཤེགས་པ་ཤིན་དུ་འཕགས་དཔལ་གྱི། །སྐྱེ་བའི་ཡུལ་ནི་ཡེ་ཤེས་ལྡན་ཞེས་བྱ། །བདེ་གཤེགས་དེའི་རིགས་བྲམ་ཟེ་
འོད་ཀྱི་ཚད། །རྒྱང་གྲགས་བཅུ་ཡོད་བཤེས་གཉེན་བཟང་པོ་ཡབ། །སྐྱེ་བོའི་མཆོད་རྟེན་ཞེས་བྱ་བསྐྱེད་པའི་ཡུམ། །སྲས་པོ་མཆོག་མ་མིག་བཟངས་རིམ་གྲོ་པ། །སེང་གེའི་སྒྲ་སྒྲོགས་པ་ནི་མཁས་པ་སྟེ། །བླ་མ་ཞེས་
ནི་བྱ་བ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་ཕྲག་བཅུ། །གཉིས་པར་བཅུ་གཉིས་གསུམ་པར་བརྒྱད་ཡོད་དོ། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་བཞི་ཡིན། །རྒྱལ་བ་མྱ་ངན་འདས་
ནས་དམ་ཆོས་དག །ལོ་གྲངས་བྱེ་བར་གནས་ཤིང་སྐུ་གདུང་འཕེལ། །མཆོད་རྟེན་བྱེ་བ་བརྒྱ་ཕྲག་དགུ་ཡོད་དེ། །ཐམས་ཅད་རྒྱང་གྲགས་བདུན་པ་རིན་ཆེན་གདུགས། །དེ་བཞིན་གཤེགས་པ་སེང་གེའི་སྒྲ་དག་གི། སྐྱེ་བའི་ཡུལ་ནི་སཱ་ལའི་
40-1-137b


བདག་ཅེས་བྱ། །བདེ་གཤེགས་རྒྱལ་རིགས་ཡིན་ཏེ་འོད་ཀྱི་ཚད། །རྒྱང་གྲགས་དགུ་ཡོད་ཡབ་ནི་ལུས་མཛེས་ཡིན། །སྨྲ་བ་གྲུབ་ཅེས་བྱ་བ་དེ་ཡི་ཡུམ། །སྲས་པོ་ནད་མེད་ཏོག་ནི་རིམ་གྲོ་པ། །ཤེས་རབ་གདོན་མི་ཟ་བ་མཁས་པ་སྟེ། །
ཆོས་དགའ་ཞེས་ནི་བྱ་བ་རྫུ་འཕྲུལ་ཅན། །དང་པོར་ཚོགས་པ་སྟོང་ཕྲག་དྲུག་བཅུ་ཡོད། །གཉིས་པར་བདུན་བཅུ་གསུམ་པར་བརྒྱད་བཅུ་ཡོད། །དགྲ་བཅོམ་ཀུན་ཀྱང་ང་རྒྱལ་དྲེགས་ལས་གྲོལ། །སྐུ་ཚེ་རིང་སྟེ་ལོ་གྲངས་སྟོང་ཕྲག་
བཅུ། །རྡུལ་དང་རྣམ་བྲལ་མྱ་ངན་འདས་ནས་ཀྱང་། །དམ་པའི་ཆོས་དག་ལོ་གྲངས་སྟོང་དུ་གནས། །དེ་ཚེ་བདེ་བར་གཤེགས་པའི་མཆོད་རྟེན་གཅིག །དཔག་ཚད་བདུན་ཙམ་ཁོར་ཡུག་རིན་ཆེན་གང་། །བདེ་བར་གཤེགས་པ་རྣམ་རོལ་
ལྡན་པ་ཡི། །སྐྱེ་བའི་ཡུལ་ནི་བསོད་ནམས་དཔལ་ཞེས་བྱ། །བདེ་གཤེགས་རིགས་ནི་བྲམ་ཟེ་འོད་ཀྱི་ཚད། །རྒྱང་གྲགས་གསུམ་ཡོད་གཟི་བརྗིད་བཟང་པོ་ཡབ། །བསོད་ནམས་ང་རོ་ཞེས་བྱ་ཡུམ་ཡིན་ནོ། །སྲས་པོ་ལྟ་སྡུག་ཞི་བ་
རིམ་གྲོ་པ། །ཆོས་འཕགས་ཞེས་ནི་བྱ་བ་མཁས་པ་སྟེ། །སྨྲ་བའི་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་འདོད་ཆགས་རྡུལ་རྣམས་ནི། །མ་ལུས་བཅོམ་པ་སྟོང་ཕྲག་བརྒྱད་བཅུ་ཡོད། །འདུས་པ་གཉིས་
པར་བདུན་བཅུ་རྩ་བརྒྱད་ཡོད། །གསུམ་པར་གཏི་མུག་སྤངས་པ་བདུན་བཅུ་དྲུག །དེ་ཚེ་མི་རྣམས་དག་གི་ཚེའི་ཚད། །ལོ་གྲངས་སྟོང་ཕྲག་བདུན་བཅུ་རྩ་བཞི་ཡིན། །ཉིས་འགྱུར་དག་ཏུ་དེ་ཡི་དམ་ཆོས་
གནས། །དྲང་སྲོང་ཆེན་པོའི་མཆོད་རྟེན་གཅིག་ཅིག་འབྱུང་། །དེ་བཞིན་གཤེགས་པ་ཀླུ་ཡི་འོད་དག་གི། སྐྱེ་བའི་ཡུལ་ནི་གླང་པོས་མཐོང་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་
ཚད་བདུན་བཅུ་ཡབ་ནི་ཡུལ་འཁོར་བཟང་། །ཤིན་ཏུ་དགའ་ཞེས་བྱ་བ་ཡུམ་ཡིན་ནོ། །སྲས་པོ་འཕན་བྱེད་ལྷུན་པོ་རིམ་གྲོ་པ། །རྒྱུ་ཡི་སྟོབས་ཤེས་བྱ་བ་མཁས་པ་སྟེ། །དྲང་སྲོང་བྱིན་དགའ་ཞེས་བྱ་རྫུ་
40-1-138a


འཕྲུལ་ཅན། །འདུས་པ་དང་པོར་རྒྱལ་བའི་དགྲ་བཅོམ་པ། །ཚོགས་པ་བྱེ་བ་སྟོང་ཕྲག་བདུན་བཅུ་གཉིས། །གཉིས་པ་དག་ཏུ་བདུན་བཅུ་རྩ་གཅིག་ཡོད། །གསུམ་པར་བྱེ་བ་སྟོང་ཕྲག་བདུན་བཅུ་ཡོད། །དེ་ཚེ་
སྐད་ཅིག་དེ་ལ་སྐུ་ཚེའི་ཚད། །ལོ་གྲངས་བརྒྱད་བརྒྱའི་བར་དུ་གནས་འགྱུར་རོ། །དམ་ཆོས་ལོ་གྲངས་བརྒྱ་ཕྲག་བཅུ་གཉིས་གནས། །རྒྱལ་བའི་མཆོད་རྟེན་གཅིག་གཅིག་འབྱུང་བར་འགྱུར། །དེ་བཞིན་གཤེགས་པ་མེ་ཏོག་རི་བོ་ཡི། །
སྐྱེ་བའི་ཡུལ་ནི་རི་ཡིས་མཐོང་ཞེས་བྱ། །རིགས་ནི་བྲམ་ཟེ་འོད་ཀྱི་དཀྱིལ་འཁོར་དག །དཔག་ཚད་སུམ་བཅུ་ཡབ་ནི་ལེགས་ཡིད་གཞུངས། །ཡོན་ཏན་བསགས་ཤེས་བྱ་བ་ཡུམ་ཡིན་ནོ། །སྲས་པོ་བདེ་སྟོབས་དྲག་ཤུལ་རིམ་གྲོ་
པ། །བློ་རྫོགས་འོད་ཟེར་ཞེས་བྱ་མཁས་པ་སྟེ། །གློག་མཆོག་ཅེས་བྱ་བ་ནི་རྫུ་འཕྲུལ་ཅན། །དགྲ་བཅོམ་འདུས་པ་སྟོང་ཕྲག་དྲུག་བཅུ་དྲུག །གཉིས་པར་རྡུལ་མེད་དྲུག་བཅུ་རྩ་ཡང་ལྔ། །གསུམ་པར་སྟོང་ཕྲག་དྲུག་བཅུ་རྩ་བཞི་ཡོད། །
སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་གསུམ་དུ་གནས། །རྒྱལ་བའི་མཆོད་རྟེན་ཁྲི་ཕྲག་བཅུ་ཡོད་དེ། །མུ་ཏིག་དྲ་བ་མཆོག་དག་སྦྱངས་
པས་ཁྱབ། །དེ་བཞིན་གཤེགས་པ་ཀླུ་ནི་དགའ་བ་ཡི། །སྐྱེ་བའི་ཡུལ་ནི་མེ་ཏོག་འོད་ཅེས་བྱ། །རྒྱལ་བ་རྒྱལ་རིགས་དེ་ན་དེའི་འོད་ཚད། །དཔག་ཚད་དྲུག་བཅུ་རྩ་བདུན་འཕྲོས་པར་འགྱུར། །རི་དགས་འགྲོས་ཞེས་
བྱ་བ་ཡབ་ཡིན་ལ། །གཟུགས་བཟང་མོ་ཞེས་བྱ་བ་ཡུམ་ཡིན་ནོ། །དེ་ཡི་སྲས་པོ་ཀླུ་ཞེས་བྱ་བ་སྟེ། །གླིང་འགྲོ་ཞེས་བྱ་དེ་ཡི་རིམ་གྲོ་པ། །འགྲོ་བའི་གཟི་བརྗིད་ཅེས་བྱ་མཁས་པ་སྟེ། །དགའ་ཆེན་ཞེས་ནི་བྱ་བ་
རྫུ་འཕྲུལ་ཅན། །དང་པོར་ཚོགས་པ་བྱེ་བ་སྟོང་ཕྲག་ཡོད། །གཉིས་པར་བརྒྱད་ཡོད་གསུམ་པ་དག་ཏུ་ལྔ། །སྐུ་ཚེ་ལོ་གྲངས་དག་ནི་སུམ་ཁྲི་ཡིན། །དམ་ཆོས་ལོ་གྲངས་སྟོང་ཕྲག་བདུན་བཅུར་གནས། །རྒྱལ་བའི་མཆོད་རྟེན་སྟོང་ཕྲག་བརྒྱད་བཅུ་སྟེ། །
40-1-138b


རྒྱལ་མཚན་མཐོན་པོ་དཔག་ཚད་གཅིག་པས་བརྒྱན། །དེ་བཞིན་གཤེགས་པ་སྤོས་ཀྱི་དབང་ཕྱུག་གི། སྐྱེ་བའི་ཡུལ་ནི་དགའ་བས་མཐོང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སུམ་བཅུ་ཡབ་ནི་
ལེགས་སྐྱེས་ཡིན། །ཟླ་འོད་ཡུམ་ཡིན་སྲས་པོ་འཛམ་བུ་འགྲོ། །ལེགས་གཙོ་ཞེས་ནི་བྱ་བ་རིམ་གྲོ་པ། །ཤེས་རབ་འོད་ཅེས་བྱ་བ་མཁས་པ་སྟེ། །དཔལ་དྲེགས་ཞེས་ནི་བྱ་བ་རྫུ་འཕྲུལ་ཅན། །དང་པོར་དགྲ་བཅོམ་བྱེ་བརྒྱ་དགུ་བཅུ་
ཡོད། །གཉིས་པར་བརྒྱད་བཅུ་གསུམ་པར་བདུན་བཅུ་དྲུག །དེ་ཚེ་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་བརྒྱད་བཅུ་རྩ་བཞི་ཡིན། །དེ་ཡི་དམ་པའི་ཆོས་དག་ལོ་གྲངས་ནི། །འབུམ་ཕྲག་བརྒྱ་ཡི་བར་དུ་གནས་པར་འགྱུར། །
མཆོད་རྟེན་བྱེ་བ་སྟོང་ཕྲག་བདུན་བཅུ་གཅིག །གསེར་མཆོག་དམ་པ་དག་གིས་ལེགས་པར་སྤྲས། །བདེ་བར་གཤེགས་པ་ཤིན་དུ་གྲགས་པ་ཡི། །སྐྱེ་བའི་ཡུལ་ནི་དག་པར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་ལྔ་ཡོད་ཡབ་ནི་ཚོགས་དབང་ཡིན། །གསེར་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་སྐལ་འདོད་ཉི་མ་རིམ་གྲོ་པ། །ཆོས་འོད་ཅེས་ནི་བྱ་བ་མཁས་པ་སྟེ། །ཐོས་པ་རྟོགས་ཤེས་བྱ་བ་རྫུ་འཕྲུལ་ཅན། །འདུས་པ་དང་པོ་དག་
ཏུ་དགྲ་བཅོམ་པ། །བྱེ་བ་སྟོང་ཕྲག་བཞི་བཅུ་རྩ་དྲུག་ཡོད། །གཉིས་པར་བཞི་བཅུ་རྩ་གསུམ་ཐམ་པ་ཡོད། །གསུམ་པར་ཉི་ཤུ་རྩ་གསུམ་ཐམ་པ་འབྱུང་། །སྐུ་ཚེ་ལོ་གྲངས་སྟོང་ཕྲག་གཉིས་ཀྱང་ཡིན། །སྟོན་པ་མྱ་ངན་འདས་
ནས་དམ་ཆོས་དག །ལོ་གྲངས་བདུན་ཁྲིར་གནས་འགྱུར་སྐུ་གདུང་གཅིག །དཔག་ཚད་ལྔ་པའི་མཆོད་རྟེན་གཅིག་ཅིག་འབྱུང་། །དེ་བཞིན་གཤེགས་པ་སྟོབས་ཀྱི་ལྷ་དེ་ཡི། །སྐྱེ་བའི་ཡུལ་ནི་འོད་པོ་ཆེ་ཞེས་བྱ། །རིགས་
ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་གཉིས་ཡོད་ལེགས་བཟང་ཡབ། །ཟླ་འོད་ཅེས་ནི་བྱ་བ་ཡུམ་ཡིན་ནོ། །སྲས་པོ་དབང་འོད་དགའ་བོ་རིམ་གྲོ་པ། །སེང་གེའི་བློ་གྲོས་ཞེས་བྱ་མཁས་པ་སྟེ། །
40-1-139a


སྲིད་པའི་བཤེས་གཉེན་ཞེས་བྱ་རྫུ་འཕྲུལ་ཅན། །འདུས་པ་དང་པོར་རྡུལ་རྣམས་བཅོམ་པ་པོ། །བྱེ་བ་སྟོང་ཕྲག་དགུ་བཅུ་རྩ་གསུམ་ཡོད། །འདུས་པ་གཉིས་པར་དགུ་བཅུ་རྩ་གཉིས་ཡོད། །འདུས་པ་གསུམ་པར་དགུ་
བཅུ་རྩ་གཅིག་ཡོད། །སྐུ་ཚེ་ལོ་གྲངས་དག་ནི་དགུ་སྟོང་ཡིན། །དམ་ཆོས་ལོ་གྲངས་སྟོང་ཕྲག་བདུན་བཅུར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུ་ཐམ། །མཚུངས་པ་མེད་པ་ཡོན་
ཏན་ཕྲེང་ལྡན་གྱི། །སྐྱེ་བའི་ཡུལ་ནི་དགའ་བ་སྡུག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་དྲུག་ཡབ་ནི་ན་ཚོད་བཟང་། །སྐལ་ལྡན་ང་རོ་ཞེས་བྱ་ཡུམ་ཡིན་ནོ། །དེ་ཚེ་རྒྱལ་བའི་སྲས་པོ་ཚངས་བདག་ཡིན། །
བློ་རྫོགས་ཞེས་ནི་བྱ་བ་རིམ་གྲོ་པ། །ལག་བཟངས་མཁས་པ་བཞིན་བཟངས་རྫུ་འཕྲུལ་ཅན། །དང་པོར་ཚོགས་པ་དགྲ་བཅོམ་བྱེ་བ་སྟོང་། །གཉིས་པ་དག་ཏུའང་དེ་སྙེད་ཡོད་གྱུར་ལ། །འདུས་པ་གསུམ་པ་དག་ཏུ་ལྔ་འགྱུར་ཡོད། །
སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །མཚུངས་མེད་མྱ་ངན་འདས་ནས་དམ་ཆོས་དག །ལོ་གྲངས་བྱེ་བ་ཕྲག་ནི་གསུམ་དུ་གནས། །མཆོད་རྟེན་བྱེ་བ་དགུ་བཅུ་རྩ་དགུ་སྟེ། །ཐམས་ཅད་གསེར་དག་གིས་ནི་ཁྱབ་པར་འགྱུར། །
བདེ་བར་གཤེགས་པ་ཀླུའི་ལག་པ་ཡི། །སྐྱེ་བའི་ཡུལ་ནི་དགའ་བ་ཞེས་ཀྱང་བྱ། །མགོན་པོའི་རིགས་ནི་བྲམ་ཟེ་དག་ཏུ་འགྱུར། །གླིང་ཕྲན་སྟོང་ཕྲག་བདུན་བཅུ་རྩ་གཉིས་རྣམས། །དེ་ཡི་འོད་ཀྱིས་རྟག་པ་དག་ཏུ་ཁྱབ། །
དེ་ཡི་ཡབ་ནི་ཚོགས་ཅན་འོད་ཡིན་ལ། །དེ་ཡི་ཡུམ་ནི་སྤོས་ལྡན་མ་ཞེས་བྱ། །སྲས་པོ་དེས་པ་འོད་འཕྲོ་རིམ་གྲོ་པ། །ཡེ་ཤེས་རྣམ་ལྟ་ཞེས་བྱ་མཁས་པ་སྟེ། །བདེན་པར་སྨྲ་ཞེས་བྱ་བ་རྫུ་འཕྲུལ་ཅན། །
འདུས་པ་དང་པོར་བྱེ་བ་བཅུ་དྲུག་ཡོད། །གཉིས་པར་བཅྭ་བརྒྱད་གསུམ་པར་ཉི་ཤུ་ཡོད། །སྐུ་ཚེའི་ཚད་ནི་ལོ་གྲངས་སྟོང་ཕྲག་བཅུ། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་
40-1-139b


བ་ཕྲག་བརྒྱད་གནས། །དེ་ཡི་མཆོད་རྟེན་བྱེ་བ་དགུ་བཅུ་དགུ། །བདེ་བར་གཤེགས་པ་མིག་ནི་བརྒྱན་པ་ཡི། །སྐྱེ་བའི་ཡུལ་ནི་མཆོད་རྟེན་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་
ཚད་བདུན་ཡོད་ཡབ་ནི་གྲོགས་བཟང་ཡིན། །ཡུམ་ནི་དྲ་བ་ཅན་གྱི་འོད་ཅེས་བྱ། །སྲས་པོ་ཤུགས་དགའ་གྲོལ་བ་རིམ་གྲོ་པ། །ཆོས་མཐོང་ཞེས་ནི་བྱ་བ་མཁས་པ་སྟེ། །མཉམ་པར་བཞག་ཅེས་བྱ་བ་རྫུ་འཕྲུལ་ཅན། །
འདུས་པ་དང་པོར་དགྲ་བཅོམ་བྱེ་སྟོང་བརྒྱ། །འདུས་པ་གཉིས་པར་དགྲ་བཅོམ་ཚོགས་པ་དག །བྱེ་སྟོང་དགུ་བཅུ་གསུམ་པར་བརྒྱད་བཅུ་ཡོད། །སྐུ་ཚེ་ལོ་གྲངས་སྟོང་ཕྲག་ཉི་ཤུ་དྲུག །སངས་རྒྱས་ཡོངས་སུ་མྱ་ངན་
འདས་ནས་ཀྱང་། །དམ་ཆོས་ལོ་གྲངས་བྱེ་བའི་བར་དུ་གནས། །མཆོད་རྟེན་བཟང་པོ་གྲངས་ནི་བྱེ་བ་སྟེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །སངས་རྒྱས་ལེགས་པར་སྦྱངས་པའི་བློ་དག་གི། །སྐྱེ་བའི་ཡུལ་
ནི་བཅུ་ལྡན་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་དབང་ཆེན་ཡིན། །ཏོག་འོད་ཅེས་བྱ་ཡུམ་ཡིན་སྲས་པོ་ནི། །སྐྱེ་བའི་ཁྱུ་མཆོག་རྒྱན་ནི་རིམ་གྲོ་པ། །
སྨན་གྱི་རྒྱལ་པོ་ཞེས་བྱ་མཁས་པ་སྟེ། །ཚིག་གི་ཁ་ལོ་སྒྱུར་བ་རྫུ་འཕྲུལ་ཅན། །དགྲ་བཅོམ་སྟོང་ཕྲག་ཉི་ཤུ་རྩ་གཉིས་ཡོད། །གཉིས་པར་དེ་ན་སུམ་བཅུ་ཡོད་པར་འགྱུར། །འདུས་པ་གསུམ་པར་ཉི་
ཤུ་རྩ་ཡང་བརྒྱད། །སྐུ་ཚེའི་ཚད་ནི་ལོ་གྲངས་སྟོང་ཡིན་ནོ། །སངས་རྒྱས་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་ཕྲག་བཅུ་བཞིར་སྤྱོད། །མཚུངས་པ་མེད་པའི་སྐུ་གདུང་མཆོད་རྟེན་ནི། །གཅིག་
ཡིན་དཔག་ཚད་རངས་པ་གཅིག་ཙམ་མོ། །སངས་རྒྱས་ཟིལ་གྱིས་གནོན་པ་ཡེ་ཤེས་ཀྱི། །སྐྱེ་བའི་ཡུལ་ནི་དགའ་བ་འདོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་མཐུ་ལྡན་ཡིན། །
40-1-140a


བརྟུལ་ཞུགས་བདེན་པ་ཡུམ་ཡིན་སྲས་པོ་ནི། །དྲང་སྲོང་སྡུག་པ་དགའ་བོ་རིམ་གྲོ་པ། །ཆོས་ཀྱིས་རྣམ་པར་རོལ་པ་མཁས་པ་སྟེ། །ཟླ་བའི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་ཕྲག་བཅུ་
གསུམ་ཡོད། །གཉིས་པར་བཅུ་གཉིས་གསུམ་པ་དག་ཏུ་བརྒྱད། །སྐུ་ཚེ་ལོ་གྲངས་བརྒྱ་ཕྲག་གཉིས་ཀྱང་ཡིན། །དམ་ཆོས་ལོ་གྲངས་བྱེ་བ་སྟོང་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་
ཕྲག་སུམ་བཅུ་གཉིས། །མཆོད་རྟེན་ཀུན་ཀྱང་དཔག་ཚད་གཉིས་པ་སྟེ། །ཐམས་ཅད་གདུགས་གྲངས་སྟོང་ཕྲག་བརྒྱད་བཅུས་ཁྱབ། །སངས་རྒྱས་མཐའ་ཡས་པ་ཡི་སྤྱན་དག་གི། །སྐྱེ་བའི་ཡུལ་ནི་བསོད་ནམས་འོད་
གསལ་ཡིན། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་བརྟུལ་ཞུགས་ཤེས། །ཆོས་གནས་ཞེས་བྱ་ཡུམ་ཡིན་སྲས་པོ་ནི། །རྒྱལ་བར་དགའ་བ་སྙིང་པོ་རིམ་གྲོ་པ། །མེ་ཏོག་
ཚོགས་ཤེས་བྱ་བ་མཁས་པ་སྟེ། །གླང་པོའི་འགྲོས་ཤེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་དྲུག་བཅུ་དྲུག །གཉིས་པར་ལྔ་ཡོད་གསུམ་པ་དག་ཏུ་བདུན། །ཐུགས་རྗེ་ཅན་གྱི་སྐུ་ཚེའི་ཚད་དག་
ནི། །ལོ་གྲངས་སྟོང་ཕྲག་ཉི་ཤུ་རྩ་ཡང་གསུམ། །བདུད་རྣམས་བརླག་མཛད་དེ་ཡི་དམ་ཆོས་དག །ལོ་གྲངས་སྟོང་ཕྲག་བཅུའི་བར་དུ་གནས། །མཆོད་རྟེན་བྱེ་བ་ཕྲག་བཅུ་ཚང་བ་སྟེ། །མེ་ཏོག་རྒྱན་དང་རྟ་བབས་དག་གིས་
བརྒྱན། །དེ་བཞིན་གཤེགས་པ་བདེན་པར་གསུང་བ་ཡི། །སྐྱེ་བའི་ཡུལ་ནི་མདངས་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བསོད་ནམས་བཟང་། །ལྷ་འོད་ཅེས་ནི་བྱ་
བ་ཡུམ་ཡིན་ནོ། །སྲས་པོ་དོན་ཆེན་འོད་ལྡན་རིམ་གྲོ་པ། །ཡེ་ཤེས་ཡང་དག་འཕགས་པ་མཁས་པ་སྟེ། །སྲིད་པར་འགྲོ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་ཉི་ཤུ་སྟེ། །གཉིས་པར་བྱེ་བ་བརྒྱ་ནི་ཚང་བར་ཡོད། །
40-1-140b


འདུས་པ་གསུམ་པར་བྱེ་བ་དགུ་བཅུ་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །ཞི་བར་གྱུར་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་ཉི་ཤུ་གཉིས་སུ་གནས། །མཆོད་རྟེན་དམ་པ་བྱེ་བ་དྲུག་བཅུ་སྟེ། །གསེར་
ལས་བྱས་པའི་རྒྱལ་མཚན་དག་གིས་གང་། །དེ་བཞིན་གཤེགས་པ་ཉི་མའི་འོད་དག་གི། །སྐྱེ་བའི་ཡུལ་ནི་སྨན་ཞེས་བྱ་བ་ཡིན། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་མིག་བཟང་ཡིན། །
ཚུལ་ཁྲིམས་ལྡན་ཞེས་བྱ་བ་ཡུམ་ཡིན་ནོ། །སྲས་པོ་ཐར་དགའ་ཞི་བ་རིམ་གྲོ་པ། །ནོར་གྲགས་ཞེས་ནི་བྱ་བ་མཁས་པ་སྟེ། །རྙོག་པ་མེད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་ཕྲག་སུམ་བཅུ་གཉིས། །འདུས་པ་གཉིས་
པར་བྱེ་ཕྲག་ཉི་ཤུ་གཅིག །འདུས་པ་གསུམ་པར་བྱེ་ཕྲག་སུམ་བཅུ་ཐམ། །སྐུ་ཚེ་ལོ་གྲངས་འབུམ་ཕྲག་དྲུག་བཅུ་ཡིན། །དམ་ཆོས་ལོ་གྲངས་ས་ཡ་ཕྲག་གཅིག་དང་། །འབུམ་ཕྲག་གསུམ་གྱི་བར་དུ་གནས་པར་འགྱུར། །
མཆོད་རྟེན་བྱེ་བ་བརྒྱ་ཕྲག་དགུ་ཡོད་དེ། །གསེར་ལས་བྱས་པའི་རྒྱལ་མཚན་དག་གིས་གང་། །དེ་བཞིན་གཤེགས་པ་ངེས་པའི་བློ་དག་གི། །སྐྱེ་བའི་ཡུལ་ནི་དགའ་བ་སྡུག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་
ཚད། །དཔག་ཚད་བཅུ་ཡོད་ཡབ་ནི་ཁྱད་པར་འཕགས། །བདེ་ལྡན་མ་ཞེས་བྱ་བ་ཡུམ་ཡིན་ནོ། །གང་པོ་སྲས་ཡིན་སྐར་མ་རིམ་གྲོ་པ། །ལྷག་ཤེས་ཞེས་ནི་བྱ་བ་མཁས་པ་སྟེ། །བདུད་
སྤོང་ཞེས་ནི་བྱ་བ་རྫུ་འཕྲུལ་ཅན། །འདུས་པ་དང་པོར་ཕལ་ཆེན་བྱེ་བ་བརྒྱ། །གཉིས་པར་བརྒྱད་བཅུ་གསུམ་པར་དྲུག་བཅུ་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །དེ་ཡིས་ལྔ་འགྱུར་
དུ་ནི་དམ་ཆོས་གནས། །འཛམ་བུའི་གླིང་ན་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་བརྒྱད་བཅུ་བརྒྱད། །མཆོད་རྟེན་རེ་རེ་དག་གི་ཐད་ན་ཡང་། །མར་མེ་བྱེ་བ་བརྒྱ་ཕྲག་ཉིན་མཚན་འབར། །དེ་བཞིན་
40-1-141a


གཤེགས་པ་མཐའ་ཡས་གཟུགས་དག་གི། །སྐྱེ་བའི་ཡུལ་ནི་མཆོད་པ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་རྩ་བཞི་གྲོགས་བཟང་ཡབ། །བཟང་ལྡན་མ་ཞེས་བྱ་བ་ཡུམ་ཡིན་ནོ། །
སྲས་པོ་འཇིགས་མེད་འོད་ལྡན་རིམ་གྲོ་པ། །གསང་སྔགས་གདོན་མི་ཟ་བ་མཁས་པ་སྟེ། །བདེ་བའི་འོད་ཅེས་བྱ་བ་རྫུ་འཕྲུལ་ཅན། །ཤིན་དུ་དགའ་བའི་བློ་ཅན་དགྲ་བཅོམ་པ། །བྱེ་བ་ལྔ་བཅུ་རྩ་དྲུག་གཉིས་པར་ལྔ། །འདུས་པ་
གསུམ་པར་ལྔ་བཅུ་རྩ་ཡང་བཞི། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བའི་བར་དུ་གནས། །མཆོད་རྟེན་བྱེ་བ་བརྒྱ་ཕྲག་སུམ་བཅུ་གཉིས། །རིན་ཆེན་
པད་མ་དག་གིས་རྣམ་པར་སྤྲས། །བདེ་བར་གཤེགས་པ་རྣམ་པར་སྣང་མཛད་ཀྱི། །སྐྱེ་བའི་ཡུལ་ནི་མེ་ཏོག་རྫོགས་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་ན་ཚོད་བཟང་། །གང་
གཱའི་མཆོག་ཅེས་བྱ་བ་ཡུམ་ཡིན་ནོ། །སྲས་པོ་འོད་མཐའ་གང་པོ་རིམ་གྲོ་པ། །གཏི་མུག་རྣམ་པར་སེལ་བ་མཁས་པ་སྟེ། །ཉོན་མོངས་སྤོང་ཞེས་བྱ་བ་རྫུ་འཕྲུལ་ཅན། །ཤེས་ལྡན་སྲིད་ལས་རྒལ་བ་དགྲ་བཅོམ་པ། །
འདུས་པ་དང་པོར་བྱེ་བ་དྲུག་བཅུ་ཡོད། །གཉིས་པར་བདུན་བཅུ་གསུམ་པར་བརྒྱད་བཅུ་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །མཚུངས་པ་མེད་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་གསུམ་
དུ་གནས། །དེ་ཡི་མཆོད་རྟེན་དག་ཀྱང་གཅིག་འབྱུང་ལ། །དཔག་ཚད་ཕྱེད་དང་གསུམ་ཁྱོན་རིན་ཆེན་ཁེབས། །དེ་བཞིན་གཤེགས་པ་རིན་ཆེན་ཏོག་དག་གི། །སྐྱེ་བའི་ཡུལ་ནི་དགའ་བ་ཞེས་ཀྱང་བྱ། །རིགས་ནི་རྒྱལ་
རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་རྣམ་པར་གནོན། །ཐམས་ཅད་དགའ་ཞེས་བྱ་བ་ཡུམ་ཡིན་ནོ། །སྲས་པོ་བཟང་གྲགས་དྲི་མེད་རིམ་གྲོ་པ། །ནམ་མཁའི་བློ་ཞེས་བྱ་བ་མཁས་པ་སྟེ། །
40-1-141b


རི་བོའི་འོད་ཅེས་བྱ་བ་རྫུ་འཕྲུལ་ཅན། །དགྲ་བཅོམ་འདུས་པ་བྱེ་བ་དགུ་བཅུ་བཞི། །འདུས་པ་གཉིས་པར་བྱེ་བ་དགུ་བཅུ་གསུམ། །འདུས་པ་གསུམ་པར་བྱེ་བ་དགུ་བཅུ་གཉིས། །དེ་ཡི་སྐུ་ཚེ་ལོ་གྲངས་དགུ་ཁྲི་ཡིན། །
སྲིད་གསུམ་མཆོད་པ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །སྐུ་གདུང་དག་ཀྱང་ལེགས་པར་རྒྱས་འགྱུར་ལ། །མཆོད་རྟེན་བྱེ་བ་དགུ་བཅུ་རྩ་གཉིས་འབྱུང་། །མགོན་པོ་ཐེ་ཚོམ་རྣམ་པར་སྤངས་པ་ཡི། །
སྐྱེ་བའི་ཡུལ་ནི་བཀྲ་ཤིས་ཅན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་མྱ་ངན་མེད། །བློ་གྲོས་བཟང་མོ་ཞེས་བྱ་ཡུམ་ཡིན་ནོ། །སྲས་པོ་རྙོག་མེད་ཤེས་ཅན་རིམ་གྲོ་པ། །དེས་པའི་
ཤུགས་ཤེས་བྱ་བ་མཁས་པ་སྟེ། །རྫུ་འཕྲུལ་དགའ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་ཕྲག་དགུ་ཡོད། །གཉིས་པར་བྱེ་བརྒྱད་གསུམ་པར་བྱེ་བ་བདུན། །དེ་ཡི་ཚེ་ན་རྒྱལ་བའི་སྐུ་ཚེའི་ཚད། །ལོ་གྲངས་སུམ་
བརྒྱ་དག་ཏུ་འགྱུར་བ་ཡིན། །རྒྱལ་བ་འགོག་པར་ཕྱིན་པའི་དམ་ཆོས་དག །ལོ་གྲངས་ཉིས་སྟོང་བར་དུ་གནས་པར་འགྱུར། །དེ་ཡི་མཆོད་རྟེན་གཅིག་སྟེ་རིན་པོ་ཆེ། །བདུན་ལས་གྲུབ་པ་འཕང་དུ་དཔག་ཚད་གཅིག །བདེ་
བར་གཤེགས་པ་འཇིག་རྟེན་འདས་པ་ཡི། །སྐྱེ་བའི་ཡུལ་ནི་རྟག་ཏུ་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །དྲུག་ཡོད་ཡབ་ནི་སྲིད་པའི་ཟླ་བ་ཡིན། །ཚངས་འོད་ཅེས་བྱ་ཡུམ་ཡིན་སྲས་པོ་ནི། །
ཚངས་བཟངས་གཙུག་ཕུད་འཕྱང་བ་རིམ་གྲོ་པ། །ཉི་མའི་འོད་ཅེས་བྱ་བ་མཁས་པ་སྟེ། །ཕྲད་མེད་ཅེས་ནི་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་ཕྲག་ནི་བཅུ་བཞི་སྟེ། །འདུས་པ་གཉིས་པར་བློ་ལྡན་སུམ་བཅུ་ཡོད། །
དེ་ཚེ་གསུམ་པར་བྱེ་བ་ཉི་ཤུ་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །འཇིག་རྟེན་འོད་མཛད་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་གསུམ་དུ་གནས། །མྱ་ངན་འདས་པའི་མཆོད་རྟེན་རིན་ཆེན་
40-1-142a


སྤྲས། །གྲངས་ནི་བྱེ་བ་བརྒྱད་བཅུ་ཚང་བར་འགྱུར། །སངས་རྒྱས་དོན་ཡོད་རྣམ་པར་གནོན་པ་ཡི། །སྐྱེ་བའི་ཡུལ་ནི་སྤྲིན་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །བདུན་ཡོད་ཡབ་ནི་དྲང་
སྲོང་དབང་པོ་ཡིན། །ཚངས་པའི་དབྱངས་ཞེས་བྱ་བ་ཡུམ་ཡིན་ནོ། །སྲས་པོ་བདེ་འོད་བརྟན་པ་རིམ་གྲོ་པ། །ཡུལ་འཁོར་ཡེ་ཤེས་ཞེས་བྱ་མཁས་པ་སྟེ། །ཡིད་དུ་འོང་བའི་ང་རོ་རྫུ་འཕྲུལ་ཅན། །དགྲ་བཅོམ་ང་མེད་བྱེ་བ་
དགུ་བཅུ་དགུ། །གཉིས་པ་དག་ཏུ་དགུ་བཅུ་རྩ་བརྒྱད་ཡོད། །གསུམ་པ་དག་ཏུ་དགུ་བཅུ་རྩ་དྲུག་ཡོད། །དེའི་ཚེ་ལོ་ནི་དགུ་ཁྲི་ལྔ་སྟོང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་
བར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་སུམ་བཅུ་གཉིས། །བདེ་བར་གཤེགས་པ་རྟོགས་པར་མཛད་པ་ཡི། །སྐྱེ་བའི་ཡུལ་ནི་དགའ་བའི་སྤྲིན་ཅེས་བྱ། །རྒྱལ་བའི་རིགས་ནི་རྒྱལ་
རིགས་འོད་ཀྱི་ཚད། །དཔག་ཚད་སུམ་བཅུ་ཡབ་ནི་དབང་ཆེན་ཡིན། །རིན་ཆེན་དགའ་བ་ཡུམ་ཡིན་སྲས་པོ་ནི། །སྐྱེ་བོ་དགའ་བ་ཐུབ་པ་རིམ་གྲོ་པ། །ཆོས་ཀྱི་སྟོབས་ཞེས་བྱ་བ་མཁས་པ་སྟེ། །མཁས་པ་ཤེས་རབ་
ལྡན་པ་རྫུ་འཕྲུལ་ཅན། །ཡིད་གཉིས་སྤོང་བར་བྱེད་པ་དགྲ་བཅོམ་པ། །འདུས་པ་དང་པོར་བྱེ་བ་བརྒྱ་ཕྲག་དགུ། །གཉིས་པར་བརྒྱད་ཡོད་གསུམ་པར་བདུན་ཡང་ཡོད། །སྐུ་ཚེ་ལོ་གྲངས་སྟོང་ཕྲག་བརྒྱད་བཅུ་ཡིན། །བདེ་བར་
གཤེགས་པ་ཟད་མཐར་ཕྱིན་པ་ཡི། །དམ་ཆོས་ལོ་གྲངས་བྱེ་བ་གསུམ་དུ་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། །དཔག་ཚད་གསུམ་ཁྱོན་གསེར་གྱི་རྒྱལ་མཚན་བརྒྱན། །འཕགས་པ་བསྐལ་པ་བཟང་པོ་
པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་གཉིས་པ། བདེ་བར་གཤེགས་པ་མེ་ཏོག་རྒྱལ་མཚན་གྱི། །སྐྱེ་བའི་ཡུལ་ནི་མཆོག་མ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་
40-1-142b


ཡབ་ནི་ངོ་ཚ་ཤེས། །འཛམ་བུའི་ཆུ་བོ་ཞེས་བྱ་ཡུམ་ཡིན་ནོ། །སྲས་པོ་བརྟན་ལྡན་དགའ་བ་རིམ་གྲོ་པ། །འཇིག་རྟེན་འོད་ཅེས་བྱ་བ་མཁས་པ་སྟེ། །ཡེ་ཤེས་ལྡན་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བདུན་
བཅུ་ཡོད། །གཉིས་པ་དག་ཏུ་སེམས་གྲོལ་བརྒྱད་བཅུ་ཡོད། །འདུས་པ་གསུམ་པར་བྱེ་བ་དགུ་བཅུ་ཡོད། །སྐུ་ཚེ་ལོ་གྲངས་སྟོང་ཕྲག་དགུ་བཅུ་དགུ། །མྱ་ངན་འདས་ནས་དམ་པའི་ཆོས་དག་ཀྱང་། །ལོ་གྲངས་བྱེ་བ་ཕྲག་བཅུའི་
བར་དུ་གནས། །དེ་ཡི་མཆོད་རྟེན་བཟང་པོ་སྐུ་གདུང་བཅས། །བྱེ་བ་ཕྲག་ནི་སུམ་བཅུ་རྩ་གཉིས་འབྱུང་། །དེ་བཞིན་གཤེགས་པ་རི་དབང་རྒྱལ་པོ་ཡི། །སྐྱེ་བའི་ཡུལ་ནི་དགའ་བས་མཐོང་ཞེས་བྱ། །དེ་ཡི་རིགས་ནི་རྒྱལ་
རིགས་འོད་ཀྱི་ཚད། །དཔག་ཚད་བཅུ་དྲུག་ཡབ་ནི་བརྟུལ་ཞུགས་བཟང་། །སྦྱིན་ལ་དགའ་ཞེས་བྱ་བ་ཡུམ་ཡིན་ནོ། །སྲས་པོ་ཙམ་ཀ་འོད་དབང་རིམ་གྲོ་པ། །ཤེས་རབ་སྒྲ་སྐད་ཅེས་བྱ་མཁས་པ་སྟེ། །ཟླ་སྡུག་ཅེས་ནི་བྱ་བ་རྫུ་
འཕྲུལ་ཅན། །དགྲ་བཅོམ་དག་ནི་སྟོང་ཕྲག་བརྒྱད་བཅུ་སྟེ། །གཉིས་པར་བདུན་བཅུ་གསུམ་པར་དྲུག་བཅུ་ཡོད། །མི་དེ་དག་གི་ཚེ་ཡི་ཚད་དག་ནི། །ལོ་ཡི་གྲངས་དག་བྱེ་བ་ཚང་བར་འགྱུར། །བདེ་བར་གཤེགས་པ་མྱ་ངན་
འདས་ནས་ཀྱང་། །དམ་པའི་ཆོས་ནི་ལོ་གྲངས་བྱེ་བར་གནས། །དེ་ཡི་མཆོད་རྟེན་གཅིག་འབྱུང་འཕང་དག་ཏུ། །དཔག་ཚད་གཅིག་ཡོད་རིན་པོ་ཆེ་ཡིས་སྤྲས། །དེ་བཞིན་གཤེགས་པ་གཟི་བརྗིད་ཆེན་
པོ་ཡི། །སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་མུ་སྟེགས་བཟང་། །འབྲུག་སྒྲ་ཞེས་ནི་བྱ་བ་ཡུམ་ཡིན་ནོ། །སྲས་པོ་འཇམ་དགའ་འོད་ལྡན་རིམ་གྲོ་
པ། །སྐར་མདའ་འཕགས་ཞེས་བྱ་བ་མཁས་པ་སྟེ། །དཔའ་བར་གྲགས་ཞེས་བྱ་བ་རྫུ་འཕྲུལ་ཅན། །དགྲ་བཅོམ་ང་མེད་སྟོང་ཕྲག་སུམ་བཅུ་གཉིས། །གཉིས་པ་དག་ཏུ་སྟོང་ཕྲག་སུམ་བཅུ་གཅིག །འདུས་པ་གསུམ་པར་སྟོང་
40-1-143a


ཕྲག་སུམ་བཅུ་ཡོད། །དེ་ཚེ་སྐུ་ཚེའི་ལོ་གྲངས་དྲུག་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བརྒྱད་བཅུ་ཚང་བར་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་
བྱེ་བ་སྟོང་ཕྲག་བདུན་བཅུ་དྲུག །དེ་བཞིན་གཤེགས་པ་དོན་མཛད་གཟིགས་པ་ཡི། །སྐྱེ་བའི་ཡུལ་ནི་ཨུད་པལ་འདབ་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དུང་ཕྱུར་བརྒྱད་ཡོད་ཡབ་ནི་འཇིགས་མེད་ཡིན། །
དཔལ་གྱི་གཟི་བརྗིད་ཅེས་བྱ་ཡུམ་ཡིན་ནོ། །སྲས་པོ་རྣམ་སྒྲོགས་ཆོས་ལྡན་རིམ་གྲོ་པ། །འོད་བཟངས་ཞེས་ནི་བྱ་བ་མཁས་པ་སྟེ། །བློ་གྲོས་མཆོག་ཅེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བཞི་བཅུ་རྩ་གསུམ་སྟེ། །
འདུས་པ་གཉིས་པར་བྱེ་བ་བཞི་བཅུ་གཉིས། །འདུས་པ་གསུམ་པར་བྱེ་བ་བཞི་བཅུ་གཅིག །སྐུ་ཚེ་ལོ་གྲངས་སྟོང་ཕྲག་བཞི་བཅུ་དྲུག །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བརྒྱད་བཅུ་
དྲུག་ཏུ་གནས། །སྐུ་གདུང་རིལ་གཅིག་མཆོད་རྟེན་གཅིག་འབྱུང་ལ། །གདུགས་གྲངས་སྟོང་ཕྲག་བརྒྱད་བཅུ་དག་གིས་ཁེབས། །དེ་བཞིན་གཤེགས་པ་གྲགས་པ་མཐའ་ཡས་ཀྱི། །སྐྱེ་བའི་ཡུལ་ནི་པད་མ་ངེས་ཤེས་བྱ། །
རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་སྒྱུ་མེད་ཡིན། །བདེ་བར་སེམས་ཞེས་བྱ་བ་ཡུམ་ཡིན་ནོ། །སྲས་པོ་གྲགས་དགའ་ཀླུ་ནི་རིམ་གྲོ་པ། །གདོན་མི་ཟ་བའི་བློ་ནི་མཁས་པ་སྟེ། །དགའ་
བའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དགྲ་བཅོམ་བྱེ་བ་ཕྲག །བདུན་བཅུ་གཉིས་པར་བྱེ་བ་དྲུག་བཅུ་ཡོད། །གསུམ་པ་དག་ཏུ་བྱེ་བ་ལྔ་བཅུ་ཡོད། །སྐུ་ཚེའི་ཚད་ནི་ལོ་གྲངས་དྲུག་འབུམ་ཡིན། །
བདེ་བར་གཤེགས་པ་ཟད་མཐར་ཕྱིན་ནས་ཀྱང་། །དམ་ཆོས་ལོ་གྲངས་བྱེ་བ་གསུམ་དུ་གནས། །སྐུ་གདུང་རྒྱས་པའི་མཆོད་རྟེན་དུང་ཕྱུར་བདུན། །གདུགས་དང་རྒྱལ་མཚན་བ་དན་དག་གིས་བརྒྱན། །
40-1-143b


དེ་བཞིན་གཤེགས་པ་རིན་ཆེན་ལྷ་དག་གི། །སྐྱེ་བའི་ཡུལ་ནི་ཨུད་པལ་བརྒྱན་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་དཔའ་བོ་ཡིན། །སཱ་ལའི་འོད་ཅེས་བྱ་བ་ཡུམ་
ཡིན་ནོ། །སྲས་པོ་བཟང་དགའ་རྒྱལ་བ་རིམ་གྲོ་པ། །སྐར་འོད་ཅེས་ནི་བྱ་བ་མཁས་པ་སྟེ། །གསེར་གྱི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བརྒྱད་བཅུ་ཡོད། །གཉིས་པར་ལྔ་བཅུ་གསུམ་པར་སུམ་
བཅུ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་སྟོང་ཕྲག་ཉི་ཤུ་རྩ་གཉིས་ཡིན། །དེ་ཚེ་འགོག་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་དགུ་བཅུའི་བར་དུ་གནས། །མཆོད་རྟེན་དཔག་ཚད་
གཉིས་ཀྱི་ཁྱོན་ཙམ་ལ། །གདུགས་གྲངས་བྱེ་བ་ཕྲག་ནི་བརྒྱ་ཡིས་བསྐོར། །དེ་བཞིན་གཤེགས་པ་དོན་གནས་མཁྱེན་པ་ཡི། །སྐྱེ་བའི་ཡུལ་ནི་བརྒྱན་པ་ཞེས་ཀྱང་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་བཅུ་གཉིས་ཡབ་ནི་དོན་གནས་ཡིན། །ཟླ་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ཟླ་སྡུག་དགའ་བ་རིམ་གྲོ་པ། །དཔལ་རྒྱལ་ཞེས་ནི་བྱ་བ་མཁས་པ་སྟེ། །བརྟུལ་ཞུགས་སྙིང་པོ་ཞེས་བྱ་རྫུ་འཕྲུལ་ཅན། །
དགྲ་བཅོམ་བྱེ་བ་ཉི་ཤུ་རྩ་གཉིས་ཏེ། །འདུས་པ་གཉིས་པར་ཉི་ཤུ་རྩ་ཡང་གཅིག །འདུས་པ་གསུམ་པར་ཉི་ཤུ་ཐམ་པ་ཡོད། །མི་ཡི་ཚེ་ཚད་ལོ་གྲངས་བྱེ་བ་ཡིན། །རྡུལ་དང་བྲལ་བའི་དམ་པའི་ཆོས་
དག་ཀྱང་། །ལོ་གྲངས་སྟོང་ཕྲག་དགུ་བཅུ་རྩ་དགུར་གནས། །དེ་ཡི་མཆོད་རྟེན་དཔག་ཚད་བཞི་པ་ལ། །གདུགས་གྲངས་བྱེ་བ་དག་གིས་ལེགས་པར་བརྒྱན། །དེ་བཞིན་གཤེགས་པ་བློ་ནི་རྫོགས་པ་ཡི། །
སྐྱེ་བའི་ཡུལ་ནི་བསོད་ནམས་འོད་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་བློ་བཟངས་ཡིན། །པད་མ་ཅན་ཞེས་བྱ་བ་ཡུམ་ཡིན་ནོ། །སྲས་པོ་སྙན་དགའ་དོ་ཤལ་རིམ་
40-1-144a


གྲོ་པ། །བསོད་ནམས་ཡང་དག་འཕགས་པ་མཁས་པ་སྟེ། །ཟླ་བའི་སྟོབས་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་བརྒྱད་བཅུ་ཡོད། །འདུས་པ་གཉིས་པར་འཇིགས་བྲལ་བདུན་
བཅུ་ཡོད། །འདུས་པ་གསུམ་པར་བྱེ་བ་ཕྲག་སྟོང་ཡོད། །སྐུ་ཚེ་ལོ་གྲངས་སྟོང་ཕྲག་བདུན་བཅུ་དྲུག །འཇིག་རྟེན་མཁྱེན་པའི་དམ་པའི་ཆོས་དག་ཀྱང་། །ལོ་གྲངས་བྱེ་བ་ཉི་ཤུ་གསུམ་དུ་གནས། །རྡུལ་བྲལ་
མཆོད་རྟེན་བྱེ་བརྒྱ་དྲུག་བཅུ་བཞི། །ཐམས་ཅད་རྒྱང་གྲགས་གསུམ་གྱི་ཚད་ཙམ་ཡིན། །དེ་བཞིན་གཤེགས་པ་མྱ་ངན་མེད་པ་ཡི། །སྐྱེ་བའི་ཡུལ་ནི་མདངས་འཕགས་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་
འོད་ཀྱི་ཚད། །དཔག་ཚད་བཅུ་བཞི་ཡབ་ནི་ཟླ་རི་ཡིན། །ལེགས་སེམས་མ་ནི་ཡུམ་ཡིན་སྲས་པོ་ནི། །ཡིད་འོང་སྡུག་པ་ཡོན་ཏན་རིམ་གྲོ་པ། །ཆོས་མཐོང་བ་ཞེས་བྱ་བ་མཁས་པ་སྟེ། །སེང་གེའི་སྟབས་
ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྟོང་ཕྲག་སུམ་བཅུ་ཡོད། །འདུས་པ་གཉིས་པར་ཉི་ཤུ་རྩ་བརྒྱད་ཡོད། །སྐུ་ཚེའི་ཚད་ནི་ལོ་གྲངས་སྟོང་ཡང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །
དམ་ཆོས་ལོ་གྲངས་དགུ་ཁྲིའི་བར་དུ་གནས། །དཔག་ཚད་གཅིག་པའི་མཆོད་རྟེན་ཐ་དད་པ། །རིན་ཆེན་མཆོག་མ་སྣ་བདུན་རང་བཞིན་ཡིན། །དེ་བཞིན་གཤེགས་པ་དྲི་མ་བྲལ་བ་ཡི། །སྐྱེ་བའི་ཡུལ་ནི་རིན་ཆེན་
བརྒྱན་ཅེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལྷ་ལེགས་ཡིན། །རབ་ཏུ་ཞི་ལྡན་ཡུམ་ཡིན་སྲས་པོ་ནི། །ཟླ་སྡུག་ཡོན་ཏན་ཅན་ནི་རིམ་གྲོ་པ། །གླང་པོ་བསྒྱིངས་ཞེས་བྱ་
བ་མཁས་པ་སྟེ། །བདེན་པར་སྨྲ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་ལྔ་ཡོད་དེ། །གཉིས་པར་བྱེ་བ་བརྒྱ་ཕྲག་གཉིས་ཀྱང་ཡོད། །གསུམ་པ་དག་ཏུ་བྱེ་བ་བརྒྱ་ཕྲག་གསུམ། །སྐུ་ཚེ་ལོ་གྲངས་བརྒྱད་ཁྲི་བཞི་སྟོང་ཡིན། །
40-1-144b


རྐང་གཉིས་མཆོག་མ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་སྟོང་དུ་གནས། །མཆོད་རྟེན་གཅིག་སྟེ་འཕང་དུ་དཔག་ཚད་གཅིག །གདུགས་མཆོག་སྟོང་ཕྲག་བཅུ་ཡིས་ཁྱབ་པར་འགྱུར། །དེ་བཞིན་གཤེགས་པ་
ཚངས་ལྷ་སྐྱེ་བའི་ཡུལ། །བསོད་ནམས་དག་གིས་རྣམ་པར་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཀུན་དུ་སུམ་བཅུ་ཡབ་ནི་ལེགས་ཡིད་གཞུངས། །ཡུམ་ནི་མེ་ཏོག་འོད་ཡིན་སྲས་པོ་ནི། །ཡོན་ཏན་
བསགས་པ་འཇམ་པ་རིམ་གྲོ་པ། །རྟ་དབང་ལྷ་ཞེས་བྱ་བ་མཁས་པ་སྟེ། །སྒྲ་གཅན་འཛིན་ཅེས་བྱ་བ་རྫུ་འཕྲུལ་ཅན། །ཡང་སྲིད་ཟད་པ་དགྲ་ནི་བཅོམ་པ་དག །འདུས་པ་དང་པོར་འབུམ་ཕྲག་ལྔ་ཡོད་དོ། །གཉིས་པར་དྲུག་
བཅུ་གསུམ་པར་བདུན་བཅུ་བདུན། །སྐུ་ཚེའི་ཚད་ནི་ལོ་གྲངས་སྟོང་ཡིན་ནོ། །རྒྱལ་བ་དམ་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སུམ་སྟོང་བར་དུ་གནས། །དེ་ཡི་སྐུ་གདུང་རིལ་པོ་གཅིག་ཡིན་ལ། །མཆོད་རྟེན་འཕང་དུ་
དཔག་ཚད་གསུམ་ཙམ་འཕགས། །དེ་བཞིན་གཤེགས་པ་ས་ཡི་དབང་ཕྱུག་གི། །སྐྱེ་བའི་ཡུལ་ནི་གཟི་དང་ལྡན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་བཅུ་ཡབ་ནི་གཟུགས་བཟང་
ཡིན། །ཆོས་ཀྱི་འོད་ཅེས་བྱ་བ་ཡུམ་ཡིན་ནོ། །སྲས་པོ་བདེ་དགའ་དགེ་བ་རིམ་གྲོ་པ། །གཏི་མུག་སེལ་ཞེས་བྱ་བ་མཁས་པ་སྟེ། །དགའ་རྒྱལ་ཞེས་ནི་བྱ་བ་རྫུ་འཕྲུལ་ཅན། །དགྲ་བཅོམ་སྟོང་ཕྲག་དྲུག་བཅུ་རྩ་བཞི་སྟེ། །
འདུས་པ་གཉིས་པར་དྲུག་བཅུ་རྩ་ཡང་ལྔ། །འདུས་པ་གསུམ་པར་སྟོང་ཕྲག་དྲུག་བཅུ་ཡོད། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །མཚུངས་པ་མེད་པ་བདེ་བར་གཤེགས་པའི་ཆོས། །ལོ་གྲངས་བྱེ་བ་ཕྲག་ནི་
གསུམ་དུ་གནས། །དེ་ཡི་སྐུ་གདུང་དག་ཀྱང་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་དྲུག་བཅུ་གཉིས། །དེ་བཞིན་གཤེགས་པ་མེ་ཏོག་སྤྱན་དག་གི། །སྐྱེ་བའི་ཡུལ་ནི་སེམས་དང་འབྲེལ་ཞེས་བྱ། །རིགས་ནི་
40-1-145a


བྲམ་ཟེ་ཡིན་ཏེ་འོད་དཔག་ཚད། །དྲུག་བཅུ་རྩ་གཉིས་ཡབ་ནི་སྐྱེ་དབང་ཡིན། །བློ་གྲོས་སེམས་མ་ཞེས་བྱ་ཡུམ་ཡིན་ནོ། །སྲས་པོ་བདེ་འགྲོ་མེ་ཏོག་རིམ་གྲོ་པ། །མྱ་ངན་སེལ་ཞེས་བྱ་བ་མཁས་པ་སྟེ། །
འགྲོ་བ་འཛིན་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་སྟོང་ཕྲག་དྲུག་བཅུ་ཡོད། །གཉིས་པར་བདུན་བཅུ་གསུམ་པར་བརྒྱད་བཅུ་ཡོད། །དེ་ཚེ་རྒྱལ་བ་དེ་ཡི་སྐུ་ཚེའི་ཚད། །ལོ་གྲངས་སྟོང་ཕྲག་དགུ་བཅུ་དག་ཀྱང་ཡིན། །
མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བྱེ་བ་ཕྲག་ནི་གཉིས་སུ་གནས། །མཆོད་རྟེན་བྱེ་བ་ཕྲག་ནི་བཅུ་ཡོད་ལ། །གསེར་གྱིས་བརྒྱན་ཅིང་རིན་པོ་ཆེ་ཡིས་སྤྲས། །དེ་བཞིན་གཤེགས་པ་རྣམ་པར་འབྱེས་པའི་
སྐུ། །སྐྱེ་བའི་ཡུལ་ནི་རིན་ཆེན་སྣ་ཚོགས་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཕྱེད་ཡོད་ཡབ་ནི་གྲགས་དབང་པོ། །རྣམ་པར་སྣང་མཛད་ཅེས་བྱ་ཡུམ་ཡིན་ནོ། །སྲས་པོ་རབ་འཕགས་
མུ་སྟེགས་རིམ་གྲོ་པ། །ཕལ་ཆེན་སྦྱིན་པ་བདེན་སྨྲ་མཁས་པ་སྟེ། །སེང་གེའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་དང་པོར་དྲང་སྲོང་དགྲ་བཅོམ་པ། །བྱེ་བ་སྟོང་ཕྲག་དག་ནི་བཅུ་ཡོད་དོ། །གཉིས་པར་བརྒྱད་
ཡོད་གསུམ་པར་བདུན་ཡོད་དོ། །སྐུ་ཚེའི་ཚད་ནི་ལོ་གྲངས་བྱེ་བ་ཡིན། །སངས་རྒྱས་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་ཕྲག་ལྔར་གནས། །མྱ་ངན་འདས་པའི་སྐུ་གདུང་
རིལ་པོ་གཅིག །མཆོད་རྟེན་དཔག་ཚད་བདུན་པ་གཅིག་ཅིག་འབྱུང་། །བདེ་བར་གཤེགས་པ་ཆོས་ཀྱི་འོད་དག་གི། །སྐྱེ་བའི་ཡུལ་ནི་མདངས་མཐོང་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་
ཀྱི་ཚད། །དཔག་ཚད་ལྔ་ཡོད་ཡབ་ནི་ཁྱད་པར་འཕགས། །རིན་ཆེན་ཆེན་མོ་ཡུམ་ཡིན་སྲས་པོ་ནི། །རབ་འཕགས་ངོ་ཚ་ཤེས་པ་རིམ་གྲོ་པ། །སེང་གེ་རྣམ་པར་སྒྲོགས་པ་མཁས་པ་སྟེ། །
40-1-145b


འཇམ་པའི་འོད་ཅེས་བྱ་བ་རྫུ་འཕྲུལ་ཅན། །འདུས་པ་དང་པོར་བྱེ་བ་དགུ་བཅུ་ཡོད། །གཉིས་པར་བརྒྱད་བཅུ་གསུམ་པར་དྲུག་བཅུ་ཡོད། །དེ་ན་མི་རྣམས་དག་གི་ཚེ་ཡི་ཚད། །ལོ་ཡི་གྲངས་ནི་བདུན་
ཁྲི་བཞི་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་བྱེ་བ་ཕྲག་ནི་ཉི་ཤུར་གནས། །རྒྱལ་བའི་མཆོད་རྟེན་སྐུ་གདུང་བཅས་པའི་གྲངས། །བྱེ་བ་སྟོང་ཕྲག་དགུ་བཅུ་རྩ་བཞི་འབྱུང་། །
དེ་བཞིན་གཤེགས་པ་ཀུན་ནས་གཟིགས་པ་ཡི། །སྐྱེ་བའི་ཡུལ་ནི་འཇིག་རྟེན་ལྟ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལག་བཟངས་ཡིན། །སེང་གེའི་བློ་གྲོས་
ཡུམ་ཡིན་སྲས་པོ་ནི། །ཡོན་ཏན་འོད་ཡིན་མྱ་ངན་རིམ་གྲོ་པ། །མྱ་ངན་སེལ་ཞེས་བྱ་བ་མཁས་པ་སྟེ། །གྲགས་ཆེན་ཞེས་ནི་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བདུན་བཅུ་རྩ་བཞི་སྟེ། །འདུས་
པ་གཉིས་པར་བདུན་བཅུ་རྩ་ལྔ་ཡོད། །འདུས་པ་གསུམ་པར་བདུན་བཅུ་རྩ་ཡང་དྲུག །སྐུ་ཚེ་ལོ་གྲངས་བྱེ་བ་བདུན་བཅུ་ཡིན། །རྡུལ་དང་བྲལ་བ་ཟད་མཐར་མཛད་པ་ཡི། །དམ་ཆོས་ལོ་གྲངས་བྱེ་བ་
ཕྲག་དགུར་གནས། །མཆོད་རྟེན་བྱེ་བ་བརྒྱ་ཕྲག་གསུམ་ཡོད་དེ། །གསེར་གྱིས་བརྒྱན་ཅིང་རིན་པོ་ཆེ་ཡིས་སྤྲས། །བདེ་བར་གཤེགས་པ་ཡོན་ཏན་འོད་གསལ་གྱི། །སྐྱེ་བའི་ཡུལ་ནི་བྱང་ཆུབ་མཐོང་ཞེས་བྱ། །
རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཀུན་དུ་བྱེ་བ་ཡབ་ནི་དགྲ་ཐུལ་ཡིན། །བརྟུལ་ཞུགས་དྲག་ལྡན་ཞེས་བྱ་ཡུམ་ཡིན་ནོ། །སྲས་པོ་བདེ་དགའ་དགའ་བོ་རིམ་གྲོ་པ། །ལྟ་སེམས་ཞེས་ནི་བྱ་བ་མཁས་པ་སྟེ། །
འོད་པོ་ཆེ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་གཅིག་ཚང་སྟེ། །གཉིས་པར་དགུ་བཅུ་རྩ་དྲུག་གསུམ་པར་ཡང་། །བརྒྱད་བཅུ་ཡོད་དེ་དེ་ཚེ་སྐུ་ཚེའི་ཚད། །འཇིག་རྟེན་དག་ན་དེ་ཚེ་ལོ་སྟོང་ཡིན། །ཟད་མཐར་ཕྱིན་པའི་
40-1-146a


དམ་པའི་ཆོས་དག་ཀྱང་། །ལོ་གྲངས་དགུ་ཁྲི་དྲུག་སྟོང་བར་དུ་གནས། །མཆོད་རྟེན་ཁྱད་པར་འཕགས་པ་དུང་ཕྱུར་ལྔ། །ནོར་བུ་རིན་ཆེན་མཆོག་མ་དག་གིས་སྤྲས། །དེ་བཞིན་གཤེགས་པ་ཟླ་བའི་
ཞལ་དག་གི། སྐྱེ་བའི་ཡུལ་ནི་བསོད་ནམས་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་གསུམ་ཡོད་ཡབ་ནི་རྒྱ་མཚོ་ཡིན། །མེ་ཏོག་ལྡན་ཞེས་བྱ་བ་ཡུམ་ཡིན་ནོ། །སྲས་པོ་
ཚོགས་དགའ་ནི་ཁུམ་རིམ་གྲོ་པ། །སེང་གེས་བལྟས་ཤེས་བྱ་བ་མཁས་པ་སྟེ། །ཤིན་དུ་དགའ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་སྟོང་ཕྲག་བརྒྱད་བཅུ་སྟེ། །གཉིས་པར་བདུན་བཅུ་གསུམ་པར་
སུམ་བཅུ་ཡོད། །མི་དེ་དག་གི་ཚེ་ཡི་ཚད་དག་ནི། །ལོ་གྲངས་སྟོང་ཕྲག་བཞི་བཅུ་རྩ་དྲུག་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་ནི་ཚང་བར་གནས། །མཆོད་རྟེན་བྱེ་བ་སྟོང་ཕྲག་
དགུ་བཅུ་དགུ། །རིན་ཆེན་དག་གིས་རྣམ་པར་སྤྲས་པར་འགྱུར། །དེ་བཞིན་གཤེགས་པ་རིན་ཆེན་འོད་སྐྱེ་བའི་ཡུལ་ནི་གཙུག་ན་རིན་པོ་ཆེ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །
ཡབ་ནི་སྐལ་ལྡན་འདོད་ཅེས་བྱའོ། །ཡུམ་ནི་གྲགས་ལྷ་ཞེས་བྱའོ། །སྲས་ནི་སྙན་པར་སྨྲ་ཞེས་བྱའོ། །རིམ་གྲོ་པ་ནི་འགྲོ་བ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་གཙོ་བོ་ཞེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གདུལ་དཀའ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཚོགས་པ་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་གཉིས་སོ། །གསུམ་པ་ལ་
ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
40-1-146b


གཤེགས་པ་རིན་ཆེན་ཏོག་སྐྱེ་བའི་ཡུལ་ནི་སྣ་ཚོགས་བརྩེགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་རྒྱ་མཚོའི་བློ་ཞེས་བྱའོ། །ཡུམ་ནི་རྫོགས་སེམས་ཞེས་བྱའོ། །
སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་ང་རོ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་དཔལ་ཞེས་བྱའོ། །སྐུ་ཚེའི་
ཚད་ནི་ལོ་བྱེ་བ་ཕྲག་འབུམ་མོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་འབུམ་འབྱུང་བར་འགྱུར་རོ། །དེ་བཞིན་གཤེགས་པ་གྲགས་པའི་བླ་མ་སྐྱེ་བའི་ཡུལ་ནི་མེ་ཏོག་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་དྲུག་བཅུའོ། །ཡབ་ནི་བླ་མ་ཞེས་བྱའོ། །ཡུམ་ནི་མཆོག་ལྡན་མ་ཞེས་བྱའོ། །སྲས་ནི་གཟི་བརྗིད་མཛེས་པ་ཞེས་བྱའོ། །རིམ་གྲོ་པ་ནི་ཡོན་ཏན་ལྷག་ཅེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་བ་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་བྱེ་བ་ཕྲག་ལྔའོ། །གསུམ་པ་ལ་ནི་ཐེར་
འབུམ་ཕྲག་བཅུའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བྱེད་སྐྱེ་བའི་ཡུལ་ནི་རབ་ཏུ་བརྒྱན་པ་
ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲིའོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་དྲི་མ་མེད་པའི་འོད་ཅེས་བྱའོ། །སྲས་ནི་གློག་སྦྱིན་ཞེས་བྱའོ། །རིམ་གྲོ་པ་ནི་དགྲ་བཅོམ་
40-1-147a


དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་འབྱེད་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །
གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་
ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་དཔག་མེད་སྐྱེ་བའི་ཡུལ་ནི་བལྟ་བར་བྱ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ས་ཡ་ཕྲག་གཅིག་དང་འབུམ་ཕྲག་གཉིས་སོ། །
ཡབ་ནི་བདེ་བར་འདུད་ཅེས་བྱའོ། །ཡུམ་ནི་བཟང་སྦྱིན་མ་ཞེས་བྱའོ། །སྲས་ནི་ཚུལ་ཁྲིམས་སྦྱིན་ཞེས་བྱའོ། །རིམ་གྲོ་པ་ནི་མཉམ་པར་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་འཇིགས་བྲལ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་
དགུའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དུས་མཁྱེན་
སྐྱེ་བའི་ཡུལ་ནི་སྐར་མ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་འཛམ་བུའི་གླིང་ཙམ་མོ། །ཡབ་ནི་དབྱིག་མཆོག་ཅེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་བཟང་སྦྱིན་ཞེས་བྱའོ། །རིམ་གྲོ་པ་ནི་དཔག་
མེད་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་གདུགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཚུངས་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་ཚོགས་པ་དུང་ཕྱུར་ཕྲག་བརྒྱད་དོ། །
40-1-147b


གཉིས་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་གྲངས་དྲུག་ཁྲིའོ། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་སེང་གེའི་སྐུ་སྐྱེ་བའི་ཡུལ་ནི་ཉམས་དགའ་བ་སྡུག་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་བཞི་པ་ཙམ་མོ། །ཡབ་ནི་ལྷའི་མེ་ཏོག་ཅེས་བྱའོ། །ཡུམ་ནི་མཚུངས་མེད་མཉམ་ཞེས་བྱའོ། །སྲས་
ནི་བློ་ལྡན་ཞེས་བྱའོ། །རིམ་གྲོ་པ་ནི་བློ་རྫོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསམ་པའི་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་འབྱེད་པའི་སྡེ་ཞེས་བྱའོ། །འདུས་པ་ནི་ལན་བཅྭ་
བརྒྱད་དེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་མཁས་པའི་བློ་སྐྱེ་བའི་ཡུལ་ནི་མཆོག་བསགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བློ་མཆོག་ཅེས་བྱའོ། །ཡུམ་ནི་ཚངས་མཆོག་ཅེས་བྱའོ། །སྲས་ནི་བརྟུལ་ཞུགས་གྲུབ་ཅེས་བྱའོ། །
རིམ་གྲོ་པ་ནི་ནོར་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་ཞེས་བྱའོ། །འདུས་པ་ནི་ལན་བཅུ་སྟེ་ཐམས་ཅད་ལ་ཡང་
བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བར་དཀའ་སྐྱེ་བའི་ཡུལ་ནི་
འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུའོ། །ཡབ་ནི་མེ་ཏོག་སྦྱིན་ཞེས་བྱའོ། །ཡུམ་ནི་མེ་ཏོག་ཕྲེང་ཞེས་བྱའོ། །སྲས་ནི་གཙུག་ན་རིན་པོ་ཆེ་ཞེས་བྱའོ། །
40-1-148a


རིམ་གྲོ་པ་ནི་མཛོད་འཛིན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྱད་པར་འཕགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཁྲིའོ། །གཉིས་པ་ལ་ནི་
སུམ་ཁྲིའོ། །གསུམ་པ་ལ་ནི་ལྔ་ཁྲིའོ། །སྐུ་ཚེའི་ཚད་ནི་ལོ་སྟོང་ངོ་། །སྐུ་གདུང་ནི་རྒྱས་པར་འགྱུར་རོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །དེ་བཞིན་གཤེགས་པ་ཡོན་ཏན་ཕུང་པོ་སྐྱེ་བའི་ཡུལ་ནི་རྟག་ཏུ་བལྟ་བ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་ས་ཡ་ཕྲག་དྲུག་གོ། །ཡབ་ནི་མཚོན་ཆ་བཟང་པོ་ཞེས་བྱའོ། །ཡུམ་ནི་བཟང་སྦྱིན་མ་ཞེས་བྱའོ། །སྲས་ནི་མྱ་ངན་མེད་ཅེས་བྱའོ། །རིམ་གྲོ་པ་ནི་མྱ་ངན་དང་བྲལ་བ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ལེགས་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གཡོ་མེད་ཅེས་བྱའོ། །འདུས་པ་ནི་ལན་བརྒྱད་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་
ལོ་བརྒྱད་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བའི་ཏོག་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་ས་ཡ་ཕྲག་གཅིག་དང་འབུམ་ཕྲག་བརྒྱད་དོ། །ཡབ་ནི་ལེགས་བཟང་ཞེས་བྱའོ། །ཡུམ་ནི་གནམ་མོ་ཞེས་བྱའོ། །སྲས་ནི་སྲོག་ལྡན་ཞེས་བྱའོ། །རིམ་གྲོ་པ་ནི་བློ་ལྡན་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་མིག་ལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བློ་གྲོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་དྲུག་བཅུའོ། །གཉིས་པ་ལ་ནི་ཐེར་
འབུམ་བདུན་བཅུའོ། །གསུམ་པ་ལ་ནི་ཐེར་འབུམ་བརྒྱད་བཅུའོ། །བཞི་པ་ལ་ནི་ཐེར་འབུམ་དགུ་བཅུའོ། །ལྔ་པ་ལ་ནི་ཐེར་འབུམ་བརྒྱའོ། །སྐུ་ཚེའི་ཚད་ནི་ལོ་སུམ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་
40-1-148b


བདུན་ཁྲི་དྲུག་སྟོང་གི་བར་དུ་གནས་སོ། །མཆོད་རྟེན་ནི་བརྒྱད་ཁྲི་བཞི་སྟོང་འབྱུང་བར་འགྱུར་རོ། །དེ་བཞིན་གཤེགས་པ་མཐུ་ཐོབ་སྐྱེ་བའི་ཡུལ་ནི་བཀོད་པ་མཐའ་ཡས་ཤེས་བྱའོ། །རིགས་ནི་རྒྱལ་རིགས་སོ། །འོད་
ནི་དཔག་ཚད་སུམ་བརྒྱའོ། །ཡབ་ནི་སའི་དབང་ཕྱུག་ཅེས་བྱའོ། །ཡུམ་ནི་མིག་བཟངས་མ་ཞེས་བྱའོ། །སྲས་ནི་ཡེ་ཤེས་དཔལ་ཞེས་བྱའོ། །རིམ་གྲོ་པ་ནི་བསོད་ནམས་འདོད་ཅེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་ཡེ་ཤེས་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་པ་ནི་ལན་སུམ་བཅུ་སྟེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །
དམ་པའི་ཆོས་ནི་ལོ་བདུན་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཐུ་རྩལ་མཐའ་ཡས། སྐྱེ་བའི་ཡུལ་ནི་ཆོས་ཀྱི་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་དྲུག་བཅུའོ། །ཡབ་ནི་ཁ་ལོ་སྒྱུར་དགའ་ཞེས་བྱའོ། །ཡུམ་ནི་གྲགས་སྦྱིན་མ་ཞེས་བྱའོ། །སྲས་ནི་མཚོན་ཆ་བཟང་པོ་ཞེས་བྱའོ། །རིམ་གྲོ་པ་ནི་གནས་འཕྱག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
བློ་གྲོས་འབར་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔལ་འོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་འབུམ་མོ། །གཉིས་པ་ལ་ནི་ལྔ་འབུམ་མོ། །གསུམ་པ་ལ་ནི་བཞི་འབུམ་མོ། །
སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ཉི་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་འོད་ཀྱིས་བརྒྱན་པ་ཤེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་དུང་ཕྱུར་ཕྲག་གསུམ་མོ། །ཡབ་ནི་དྲི་མེད་འོད་འཕྲོ་ཞེས་བྱའོ། །ཡུམ་ནི་གཟི་བརྗིད་ཕུང་པོ་ཞེས་བྱའོ། །སྲས་ནི་གཟི་བརྗིད་སྒྲོན་མ་ཤེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཤེས་བྱའོ། །
40-1-149a


ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །འདུས་པ་ནི་ལན་བརྒྱད་བཅུ་སྟེ་ཐམས་ཅད་ལ་ཡང་ཐེར་འབུམ་ཐེར་
འབུམ་མོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་དྲུག་གོ། །དམ་པའི་ཆོས་ནི་ལོ་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་
དྲི་མེད་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཤེས་བྱའོ། །སྲས་ནི་ནབས་སོ་
ཞེས་བྱའོ། །རིམ་གྲོ་པ་ནི་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་དགའ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །
གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་ཐམས་ཅད་གཟིགས་པ་སྐྱེ་བའི་ཡུལ་ནི་གཟི་བརྗིད་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བ་ཕྲག་
གཉིས་དང་ས་ཡ་ཕྲག་ལྔའོ། །ཡབ་ནི་རྡོ་རྗེའི་སྡེ་ཞེས་བྱའོ། །ཡུམ་ནི་རྒྱ་མཚོས་བྱིན་ཞེས་བྱའོ། །སྲས་ནི་དགའ་བའི་དབྱངས་ཤེས་བྱའོ། །རིམ་གྲོ་པ་ནི་དོན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒོལ་བ་ཚར་གཅོད་
ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པའི་མངོན་པར་འཕགས་ཤེས་བྱའོ། །འདུས་པ་ནི་ལན་ཉི་ཤུ་སྟེ་ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་
40-1-149b


ལོ་སུམ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔའ་བོ་སྐྱེ་བའི་ཡུལ་ནི་ཚུགས་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་དགའ་བའི་འོད་ཅེས་བྱའོ། །
ཡུམ་ནི་བསོད་ནམས་ཅན་ཞེས་བྱའོ། །སྲས་ནི་མཛེས་པ་ཞེས་བྱའོ། །རིམ་གྲོ་པ་ནི་དབྱངས་སྙན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་སྨྲ་ཞེས་
བྱའོ། །འདུས་པ་ནི་ལན་དྲུག་བཅུ་སྟེ་ཐམས་ཅད་ལ་ཡང་བྱེ་བ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བྱེ་བ་ཕྲག་ལྔའོ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་འབྱོར་ལྡན་སྐྱེ་བའི་ཡུལ་ནི་བསམས་བཞིན་སྟེར་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲིའོ། །ཡབ་ནི་སཱ་ལའི་རྒྱལ་པོ་ཞེས་བྱའོ། །ཡུམ་ནི་ངེས་པར་དགའ་ཞེས་བྱའོ། །སྲས་ནི་དོན་
སེམས་ཤེས་བྱའོ། །རིམ་གྲོ་པ་ནི་ཆོས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་ཏོག་ཅེས་བྱའོ། །འདུས་པ་ནི་ལན་བཞི་བཅུ་སྟེ། 
ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་ཐེར་འབུམ་ཕྲག་བཞི་བཅུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་སྐྱེ་བའི་ཡུལ་ནི་སྐྱེ་བོས་མཆོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་དགུ་སྟོང་ངོ་། །ཡབ་ནི་ལྷ་དགའ་ཞེས་བྱའོ། །ཡུམ་ནི་སྙན་པར་
དགའ་ཞེས་བྱའོ། །སྲས་ནི་དགའ་བོ་ཞེས་བྱའོ། །རིམ་གྲོ་པ་ནི་སྐྱེ་བོ་ཕལ་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་
40-1-150a


སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་བདུན་བཅུའོ། །གཉིས་པ་ལ་ནི་བྱེ་བ་སྟོང་ཕྲག་དྲུག་བཅུ་རྩ་ལྔའོ། །གསུམ་པ་ལ་ནི་བྱེ་བ་སྟོང་ཕྲག་དྲུག་བཅུའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་
བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྒྲོན་མ་སྐྱེ་བའི་ཡུལ་ནི་རིན་པོ་ཆེའི་མཛོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་བརྒྱད་བརྒྱའོ། །ཡབ་ནི་
ཙན་དན་ཅེས་བྱའོ། །ཡུམ་ནི་སྤོབས་ལྡན་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་པ་ནི་སྦྲང་རྩི་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚིག་སྙན་ཅེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་སེམས་གསལ་ཞེས་བྱའོ། །འདུས་པ་ནི་ལན་བཞི་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་འོད་འཕྲོ་སྐྱེ་བའི་ཡུལ་ནི་དོན་སྣང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
བརྒྱད་བཅུའོ། །ཡབ་ནི་བདེ་བར་གཞོལ་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་རིན་པོ་ཆེ་ཞེས་བྱའོ། །རིམ་གྲོ་པ་ནི་འབྱོར་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཆོག་
ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མཆོག་ཅེས་བྱའོ། །འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །
དམ་པའི་ཆོས་ནི་ལོ་ས་ཡ་ཕྲག་དགུའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་ཡང་སྐྱེ་བའི་ཡུལ་ནི་རྒྱ་མཚོ་ཞེས་བྱའོ། །རིགས་ནི་བྲམ་
40-1-150b


ཟེའོ། །འོད་ནི་དཔག་ཚད་བརྒྱའོ། །ཡབ་ནི་ལེགས་ཡིད་གཞུངས་ཤེས་བྱའོ། །ཡུམ་ནི་བློ་གནས་ཤེས་བྱའོ། །སྲས་ནི་ལེགས་འབྱུང་ཞེས་བྱའོ། །རིམ་གྲོ་པ་ནི་ཡོན་ཏན་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཛོད་
དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གཞན་གྱིས་མི་ཐུབ་པ་ཞེས་བྱའོ། །འདུས་པ་ནི་ལན་དགུ་སྟེ་ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་
ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལེགས་སྐྱེས་སྐྱེ་བའི་ཡུལ་ནི་བསོད་ནམས་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་
ཚངས་པའི་དབྱངས་ཞེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། །རིམ་གྲོ་པ་ནི་རྣམ་པར་སྣང་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་
དྲུག་གོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་ལྷ་སྐྱེ་བའི་ཡུལ་ནི་མེ་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་དྲུག་བཅུ་རྩ་གཉིས་སོ། །ཡབ་ནི་བཟང་པོ་ཞེས་བྱའོ། །ཡུམ་ནི་སོ་རིངས་མ་ཞེས་བྱའོ། །སྲས་ནི་ཟླ་བ་ཞེས་བྱའོ། །རིམ་གྲོ་པ་ནི་སྦྲང་རྩི་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མདངས་སྟོབས་ཤེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མཉམ་ཞེས་བྱའོ། །འདུས་པ་ནི་ལན་བཅུ་བཞི་སྟེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་
40-1-151a


ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡིད་གཉིས་སྤོང་སྐྱེ་བའི་ཡུལ་ནི་ཉམས་དགའ་ཡོན་ཏན་ཅན་ཞེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་བེའུ་དགའ་ཞེས་བྱའོ། །ཡུམ་ནི་བཟང་ལྡན་མ་ཞེས་བྱའོ། །སྲས་ནི་མེ་ཏོག་དགའ་ཞེས་བྱའོ། །རིམ་གྲོ་པ་ནི་བློ་གྲོས་ལེགས་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཛེས་
འགྲོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མཛེས་པ་ཞེས་བྱའོ། །འདུས་པ་ནི་ལན་དགུ་སྟེ་ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཛིན་པ་དཔག་མེད་སྐྱེ་བའི་ཡུལ་ནི་རྟག་ཏུ་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུ་རྩ་དྲུག་གོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །
ཡུམ་ནི་སྨོན་སེམས་ཤེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་མིག་པོ་ཆེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བག་མི་ཚ་བ་ཞེས་བྱའོ། །འདུས་པ་དང་
པོ་ལ་ནི་ཉན་ཐོས་བྱེ་བའོ། །གཉིས་པ་ལ་ནི་ཐེར་འབུམ་མོ། །གསུམ་པ་ལ་ནི་ཐེར་འབུམ་ཕྲག་སྟོང་ངོ་། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཆོག་སྲིད་སྐྱེ་བའི་ཡུལ་ནི་བདེ་གསལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་དྲུག་གོ། །
ཡབ་ནི་མཆོག་སྨྲ་ཞེས་བྱའོ། །ཡུམ་ནི་བློ་མཆོག་མ་ཞེས་བྱའོ། །སྲས་ནི་འོད་འཕྲོ་ཞེས་བྱའོ། །རིམ་གྲོ་པ་ནི་མཆོད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷའི་བུ་ཞེས་བྱའོ། །
40-1-151b


རྫུ་འཕྲུལ་ཅན་རྣམས་ཀྱི་མཆོག་ནི་བློ་མཆོག་ཅེས་བྱའོ། །འདུས་པ་ནི་ལན་དགུ་བཅུ་སྟེ་ཐམས་ཅད་ལ་ཡང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ཀྱང་ལོ་ཉི་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་ཆོམས་མེད་སྐྱེ་བའི་ཡུལ་ནི་གདུལ་དཀའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་མདངས་སྟོབས་ཤེས་བྱའོ། །ཡུམ་ནི་ཡིད་འོང་བློ་གྲོས་མ་ཞེས་བྱའོ། །
སྲས་ནི་ཨུཏ་པ་ལའི་དྲི་ཞེས་བྱའོ། །རིམ་གྲོ་པ་ནི་ཡོན་ཏན་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པའི་བློ་ཞེས་བྱའོ། །འདུས་པ་ནི་ལན་གསུམ་
སྟེ་ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་མི་གནས་པ་སྐྱེ་བའི་ཡུལ་ནི་རྒྱལ་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་བརྒྱད་དོ། །ཡབ་ནི་དྲང་སྲོང་ལྷ་ཞེས་བྱའོ། །ཡུམ་ནི་དྲི་མེད་བློ་གྲོས་མ་ཞེས་བྱའོ། །སྲས་ནི་རྒྱུ་སྐར་
རྒྱལ་ཞེས་བྱའོ། །རིམ་གྲོ་པ་ནི་སྲེད་མེད་ཀྱི་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་དུ་དགའ་ཞེས་བྱའོ། །འདུས་པ་ནི་ལན་བཅུ་སྟེ་ཐམས་ཅད་ལ་
ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདེར་གནས་སྐྱེ་བའི་ཡུལ་ནི་རིན་པོ་ཆེའི་
འབྱུང་གནས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་གཙོ་མཆོག་ཅེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་དོན་སེམས་ཤེས་བྱའོ། །རིམ་གྲོ་པ་ནི་ཡང་དག་འཕགས་ཤེས་བྱའོ། །
40-1-152a


ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་རྩིའི་བློ་ཞེས་བྱའོ། །འདུས་པ་ནི་ལན་བརྒྱད་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་
དྲུག་སྟོང་ངོ་། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོགས་ཅན་གཙོ་བོ་སྐྱེ་བའི་ཡུལ་ནི་གཟི་བརྗིད་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བཅྭ་ལྔའོ། །ཡབ་ནི་མེ་ཏོག་གི་རྒྱལ་མཚན་ཞེས་བྱའོ། །ཡུམ་ནི་མཁས་པའི་སྙིང་པོ་ཞེས་བྱའོ། །སྲས་ནི་དོན་གྱི་སྙིང་པོ་ཞེས་བྱའོ། །རིམ་གྲོ་པ་ནི་རྣམ་པར་སྣང་བྱེད་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་དཔག་ཏུ་མེད་པར་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་རབ་འཇོམས་ཤེས་བྱའོ། །འདུས་པ་ནི་ལན་ཅིག་ཏུ་ཟད་དེ་བརྒྱད་འབུམ་མོ། །སྐུ་ཚེའི་ཚད་ནི་ཉིན་གཅིག་གོ། །དམ་པའི་ཆོས་ནི་ལོ་དུང་
ཕྱུར་ཕྲག་བཞི་དང་བྱེ་བ་ཕྲག་དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འགྲོ་བའི་འོད་ཟེར་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
སྟོང་ངོ་། །ཡབ་ནི་མཐའ་ཡས་འོད་ཅེས་བྱའོ། །ཡུམ་ནི་གཟི་རྒྱལ་མ་ཞེས་བྱའོ། །སྲས་ནི་ཡོན་ཏན་འོད་ཅེས་བྱའོ། །རིམ་གྲོ་པ་ནི་ཐོས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་དྲུག་སྟོང་ངོ་། །
དམ་པའི་ཆོས་ནི་ལོ་དུང་ཕྱུར་ཕྲག་བཞིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཕལ་ཆེན་སྐྱེ་བའི་ཡུལ་ནི་ཉམས་དགའ་ཡོན་ཏན་ཅན་ཞེས་བྱའོ། །
40-1-152b


རིགས་ནི་བྲམ་ཟེའོ། །འོད་ནི་དཔག་ཚད་བཅྭ་བརྒྱད་དོ། །ཡབ་ནི་རྒྱལ་མཆོག་ཅེས་བྱའོ། །ཡུམ་ནི་ཙམ་པ་མཆོག་ཅེས་བྱའོ། །སྲས་ནི་མཆོག་སེམས་ཤེས་བྱའོ། །རིམ་གྲོ་པ་ནི་ཞུམ་མེད་སེམས་ཤེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་བློ་གྲོས་ཡོན་ཏན་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་མཐུ་རྩལ་ཞེས་བྱའོ། །ཉན་ཐོས་འདུས་པ་ནི་ལན་ཅྭོ་བརྒྱད་དེ་ཐམས་ཅད་ལ་ཡང་ས་ཡ་ཕྲག་གཉིས་དང་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་
ལོ་ཉི་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་བ་སྐྱེ་བའི་ཡུལ་ནི་མཆོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུ་རྩ་
བརྒྱད་དོ། །ཡབ་ནི་རྒྱུ་སྐར་རྒྱལ་པོ་ཞེས་བྱའོ། །ཡུམ་ནི་རྩི་སྨན་ཅེས་བྱའོ། །སྲས་ནི་སྒྲ་གཅན་གཟི་བརྗིད་མཐའ་ཡས་ཅེས་བྱའོ། །རིམ་གྲོ་པ་ནི་འོད་ཟེར་གཞལ་མེད་ཁང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཡེ་ཤེས་གྲུབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་བྲལ་ཞེས་བྱའོ། །ཉན་ཐོས་འདུས་པ་ནི་ལན་ལྔ་སྟེ་ཐམས་ཅད་ལ་ཡང་འབུམ་ཕྲག་རེ་རེའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་
ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་མཐའ་ཡས་སྐྱེ་བའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་ཆེན་པོའི་འཇིག་
རྟེན་གྱི་ཁམས་ཙམ་མོ། །ཡབ་ནི་མེ་ཏོག་གི་རྒྱལ་མཚན་ཞེས་བྱའོ། །ཡུམ་ནི་དབང་པོའི་མཚོན་ཆ་ཞེས་བྱའོ། །སྲས་ནི་ཉི་མའི་འོད་ཟེར་ཞེས་བྱའོ། །རིམ་གྲོ་པ་ནི་ཟླ་བཞིན་ཞེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་དྲི་མེད་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པའི་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ་ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་
40-1-153a


ཚད་ནི་ལོ་བརྒྱའོ། །དམ་པའི་ཆོས་ནི་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་གྱི་བློ་གྲོས་སྐྱེ་བའི་ཡུལ་ནི་འབྱོར་པའི་གཟི་བརྗིད་ཅེས་
བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་སྤོབས་པ་ཅན་ཞེས་བྱའོ། །ཡུམ་ནི་ཡོན་ཏན་གྱི་རྗེས་སུ་སོང་བ་ཞེས་བྱའོ། །སྲས་ནི་མེ་ཏོག་དགའ་ཞེས་བྱའོ། །རིམ་གྲོ་པ་ནི་དེས་པ་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་མི་མཉམ་པ་མེད་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མི་གཡོ་བ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་ཕྲག་བརྒྱད་དོ། །གཉིས་པ་ལ་ནི་འབུམ་ཕྲག་
དགུའོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་དྲུག་གོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྨན་
པའི་རྒྱལ་པོ་སྐྱེ་བའི་ཡུལ་ནི་དབེན་ཞིང་སྐྱིད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུ་རྩ་བཞིའོ། །ཡབ་ནི་དབང་པོའི་སྟོབས་ཤེས་བྱའོ། །ཡུམ་ནི་ཙན་དན་བསུང་ཞེས་བྱའོ། །སྲས་ནི་རྡོ་རྗེ་
སྦྱིན་ཞེས་བྱའོ། །རིམ་གྲོ་པ་ནི་གསོ་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔའ་བརྟན་ཞེས་བྱའོ། །འདུས་པ་ནི་ལན་བཅུ་སྟེ་ཐམས་ཅད་ལ་ཡང་
ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐ་བ་སྤངས་པ་སྐྱེ་བའི་ཡུལ་ནི་སྐྱོན་དང་བྲལ་བ་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཕན་པར་སེམས་ཤེས་བྱའོ། །ཡུམ་ནི་བྱམས་ལྡན་མ་ཞེས་བྱའོ། །སྲས་ནི་རྒྱལ་བའི་དབྱངས་ཤེས་བྱའོ། །རིམ་གྲོ་པ་ནི་ཉེར་སེམས་ཤེས་བྱའོ། །
40-1-153b


ཤེས་རབ་ཅན་རྣམས་ཀྱི་མཆོག་ནི་སྟོབས་ཀྱི་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བོ་བརྩེགས་ཤེས་བྱའོ། །ཉན་ཐོས་འདུས་པ་ནི་ལན་བཅུ་བདུན་ཏེ་ཐམས་ཅད་ལ་ཡང་ས་ཡ་ཕྲག་གསུམ་དང་འབུམ་ཕྲག་དྲུག་དྲུག་གོ། །
སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིམས་ནད་མེད་སྐྱེ་བའི་ཡུལ་ནི་བག་ཆགས་ཆུང་བ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་མདངས་ཡོད་ཅེས་བྱའོ། །ཡུམ་ནི་བསོད་ནམས་བློ་གྲོས་ཞེས་བྱའོ། །སྲས་ནི་བྱམས་སེམས་ཤེས་བྱའོ། །རིམ་གྲོ་པ་ནི་མཉམ་སེམས་ཤེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གདོན་མི་ཟ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་ཅེས་བྱའོ། །དགྲ་བཅོམ་པ་འདུས་པ་ནི་ལན་བཅུ་གཅིག་སྟེ་ཐམས་ཅད་ལ་ཡང་ཐེར་འབུམ་ཕྲག་སུམ་
བཅུ་སུམ་བཅུའོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ནི་ལོ་སུམ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་
བྱིན་སྐྱེ་བའི་ཡུལ་ནི་སྡུག་ཅིང་ཉམས་དགའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་བཟང་སྐྱོང་ཞེས་བྱའོ། །ཡུམ་ནི་དེས་དགའ་ཞེས་བྱའོ། །
སྲས་ནི་ཚིག་སྙན་ཞེས་བྱའོ། །རིམ་གྲོ་པ་ནི་འབྱོར་པའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །
དགྲ་བཅོམ་པ་འདུས་པ་ནི་ལན་སུམ་བཅུ་སྟེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ཀྱང་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
40-1-154a


འགྱུར་རོ། །དེ་བཞིན་གཤེགས་པ་གྲགས་བྱིན་སྐྱེ་བའི་ཡུལ་ནི་ཡེ་ཤེས་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུ་རྩ་གསུམ་མོ། །ཡབ་ནི་ལྷ་ལེགས་ཞེས་བྱའོ། །ཡུམ་ནི་གྲགས་བྱིན་ཞེས་
བྱའོ། །སྲས་ནི་སྤྱོད་པའི་བློ་གྲོས་ཞེས་བྱའོ། །རིམ་གྲོ་པ་ནི་སེམས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོགས་བདེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕན་པར་སེམས་ཤེས་བྱའོ། །དགྲ་བཅོམ་པ་
འདུས་པ་ནི་ལན་སུམ་བཅུ་རྩ་དྲུག་སྟེ་ཐམས་ཅད་ལ་ཡང་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་
བྱིན་སྐྱེ་བའི་ཡུལ་ནི་དགའ་བའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་སྤོབས་ལྡན་མ་ཞེས་བྱའོ། །སྲས་ནི་རིན་ཆེན་ལྷ་ཞེས་བྱའོ། །རིམ་གྲོ་པ་ནི་དབྱངས་བྱིན་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔལ་དབྱངས་ཤེས་བྱའོ། །འདུས་པ་ནི་ལན་བཅུ་གཅིག་སྟེ་ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་
དཔའ་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །བསྟན་པ་ལ་ནི་ཕྱིར་མི་ལྡོག་པའི་ཚོགས་འབྱུང་བར་འགྱུར་རོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་སྐྱེས་བུས་བྱིན་སྐྱེ་བའི་ཡུལ་ནི་བསོད་ནམས་འབྱུང་གནས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་དགུ་སྟོང་ངོ་། །ཡབ་ནི་རྡོ་རྗེ་འཛིན་ཅེས་བྱའོ། །ཡུམ་ནི་སྐལ་ལྡན་འདོད་ཅེས་བྱའོ། །
སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་འཕགས་པ་དགྱེས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐར་པ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕན་པར་འགྲོ་ཞེས་བྱའོ། །
40-1-154b


འདུས་པ་ནི་ལན་གཉིས་ཏེ་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ཉི་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
རྡོ་རྗེ་སྡེ་སྐྱེ་བའི་ཡུལ་ནི་བཀོད་པ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་དྲི་མེད་བྱིན་ཞེས་བྱའོ། །ཡུམ་ནི་འོད་ལྡན་མ་ཞེས་བྱའོ། །སྲས་ནི་སྙན་པར་གྲགས་ཤེས་བྱའོ། །
རིམ་གྲོ་པ་ནི་ཡེ་ཤེས་འགྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་གཟི་བརྗིད་ཅེས་བྱའོ། །འདུས་པ་ནི་ལན་བཞི་བཅུ་སྟེ་
ཐམས་ཅད་ལ་ཡང་སུམ་འབུམ་སུམ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕལ་
ཆེན་བྱིན་སྐྱེ་བའི་ཡུལ་ནི་བསོད་ནམས་སྤོས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཏུ་མེད་དོ། །ཡབ་ནི་བློ་མཆོག་ཅེས་བྱའོ། །ཡུམ་ནི་སྣ་མའི་མེ་ཏོག་མཆོག་ཅེས་བྱའོ། །སྲས་ནི་ཡོན་
ཏན་བྱིན་ཞེས་བྱའོ། །རིམ་གྲོ་པ་ནི་འབྱོར་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལེགས་པར་གནས་པའི་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་ཟིལ་གྱིས་གནོན་པ་ཞེས་བྱའོ། །
འདུས་པ་ནི་ལན་ཉི་ཤུ་སྟེ་ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །བསྟན་པ་ལ་
ནི་ཕྱིར་མི་ལྡོག་པའི་ཚོགས་འབྱུང་བར་འགྱུར་རོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞི་བའི་བློ་གྲོས་སྐྱེ་བའི་ཡུལ་ནི་རབ་ཏུ་ཞི་བར་ཉམས་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
40-1-155a


ཚད་སྟོང་ངོ་། །ཡབ་ནི་ཆོས་ལྷ་ཞེས་བྱའོ། །ཡུམ་ནི་བསོད་ནམས་བློ་གྲོས་ཤེས་བྱའོ། །སྲས་ནི་སྣ་ཚོགས་ཅན་ཞེས་བྱའོ། །རིམ་གྲོ་པ་ནི་མཆོད་འོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་ལག་ཅེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མུན་པ་བྲལ་ཞེས་བྱའོ། །འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་
གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་གླང་པོ་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གསུམ་མོ། །ཡབ་ནི་སྤོས་ཀྱི་དབང་ཕྱུག་ཅེས་བྱའོ། །ཡུམ་ནི་
ཡིད་འོང་སྤོས་ཤེས་བྱའོ། །སྲས་ནི་ཡོན་ཏན་སྤོས་ཤེས་བྱའོ། །རིམ་གྲོ་པ་ནི་འོད་འཕྲོ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འདམ་ལས་བརྒལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསམ་པ་བྱིན་ཞེས་
བྱའོ། །ཉན་ཐོས་འདུས་པ་ནི་ལན་དྲུག་སྟེ་ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ་། །དམ་པའི་ཆོས་ཀྱང་ལོ་ཉི་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་སྲེད་མེད་ཀྱི་བུ་སྐྱེ་བའི་ཡུལ་ནི་གཟི་བརྗིད་བརྟན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅྭ་ལྔའོ། །ཡབ་ནི་དཔའ་བོ་ཞེས་བྱའོ། །ཡུམ་ནི་མཚོན་ཆ་བཟང་ཞེས་བྱའོ། །
སྲས་ནི་མཐུ་རྩལ་སྟོབས་ཤེས་བྱའོ། །རིམ་གྲོ་པ་ནི་སྒྱིད་མི་ལུག་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་སྟོབས་བསྐྱེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་ཅེས་
བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ་ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
40-1-155b


མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དེས་པ་སྐྱེ་བའི་ཡུལ་ནི་དགའ་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དགུའོ། །ཡབ་ནི་ཁུང་མེད་ཅེས་བྱའོ། །ཡུམ་ནི་དགའ་བའི་དབང་
ཕྱུག་ཅེས་བྱའོ། །སྲས་ནི་ཡིད་འོང་བྱིན་ཞེས་བྱའོ། །རིམ་གྲོ་པ་ནི་ཕན་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་པ་ཞེས་
བྱའོ། །འདུས་པ་ནི་ལན་གསུམ་སྟེ། ཐམས་ཅད་ལ་ཡང་སུམ་འབུམ་སུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་སྟོང་ངོ་། །དམ་པའི་ཆོས་ནི་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་ཚུགས་པ་སྐྱེ་བའི་ཡུལ་ནི་ཚུགས་པ་མེད་པའི་འཁོར་ལོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཉི་མའི་གདུགས་ཤེས་བྱའོ། །
ཡུམ་ནི་ཆོས་ཀྱི་བླ་མ་ཞེས་བྱའོ། །སྲས་ནི་མདངས་སྡུག་ཅེས་བྱའོ། །རིམ་གྲོ་པ་ནི་ཆོས་ཀྱི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲན་གྲོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་གསལ་ཞེས་བྱའོ། །
འདུས་པ་ནི་ལན་དྲུག་སྟེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་ཉི་ཟླ་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་ཟླ་བ་ཞེས་བྱའོ། །ཡུམ་ནི་རིན་ཆེན་གཟི་བརྗིད་ཅེས་བྱའོ། །སྲས་ནི་ཟླས་
བྱིན་ཞེས་བྱའོ། །རིམ་གྲོ་པ་ནི་འཇམ་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚུལ་ཁྲིམས་རྣམ་དག་འོད་ཅེས་བྱའོ། །
40-1-156a


འདུས་པ་ནི་ལན་བརྒྱད་བཅུ་རྩ་བཞི་སྟེ་ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་གློག་གི་ཏོག་སྐྱེ་བའི་ཡུལ་ནི་འོད་རྟག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་དབང་པོའི་ཏོག་ཅེས་བྱའོ། །ཡུམ་ནི་ནོར་ལྷའི་བུའི་འོད་ཅེས་བྱའོ། །སྲས་ནི་ཉི་མའི་སྒྲོན་མ་
ཞེས་བྱའོ། །རིམ་གྲོ་པ་ནི་བློ་གྲོས་ལེགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་གཙོ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་སེམས་ཤེས་བྱའོ། །དགྲ་བཅོམ་པ་འདུས་པ་ནི་ལན་
དྲུག་བཅུ་སྟེ་ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཆོད་པ་
སྐྱེ་བའི་ཡུལ་ནི་བལྟ་ན་ཡིད་དུ་འོང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དང་གསུམ་མོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །ཡུམ་ནི་ཡེ་ཤེས་འོད་ཟེར་ཞེས་བྱའོ། །སྲས་ནི་བསོད་ནམས་
འདོད་ཅེས་བྱའོ། །རིམ་གྲོ་པ་ནི་ཐར་པའི་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མངོན་དགའ་ཞེས་བྱའོ། །དགྲ་བཅོམ་པ་འདུས་པ་
ནི་ལན་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔལ་སྦས་སྐྱེ་བའི་ཡུལ་
ནི་ཟླ་བའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་ཙམ་མོ། །ཡབ་ནི་བློ་བཟངས་ཤེས་བྱའོ། །ཡུམ་ནི་རིན་ཆེན་བློ་ཞེས་བྱའོ། །སྲས་ནི་ཆོས་ཀྱི་མཐུ་རྩལ་ཞེས་བྱའོ། །རིམ་གྲོ་པ་ནི་བློ་དབྱངས་ཤེས་བྱའོ། །
40-1-156b


ཤེས་རབ་ཅན་རྣམས་ཀྱི་མཆོག་ནི་གནས་པ་མེད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྟུལ་ཞུགས་ཡང་དག་པར་འཕགས་ཤེས་བྱའོ། །འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་ཐེར་འབུམ་ཕྲག་སུམ་བཅུ་
སུམ་བཅུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བ་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་ཉི་མ་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་འཇིག་རྟེན་གྱི་ཁམས་སུམ་བཅུ་རྩ་གཉིས་ཙམ་མོ། །ཡབ་ནི་བཟང་པོ་ཞེས་བྱའོ། །ཡུམ་ནི་བཟང་མཆོག་མ་ཞེས་བྱའོ། །སྲས་ནི་ཉི་མའི་གདོང་ཞེས་བྱའོ། །རིམ་གྲོ་པ་ནི་བརྟུལ་
ཞུགས་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་པ་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཅན་ཞེས་བྱའོ། །འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་
ཕྱིར་མི་ལྡོག་པའི་བྱང་ཆུབ་སེམས་དཔའ་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་བརྒྱའོ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །བསྟན་པ་ལ་ནི་ཕྱིར་མི་ལྡོག་པའི་ཚོགས་འབྱུང་བར་འགྱུར་རོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་དོན་གྲུབ་སྐྱེ་བའི་ཡུལ་ནི་བསམ་པ་ཇི་ལྟ་བ་བཞིན་འབྱུང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་ཉིས་སྟོང་ངོ་། །ཡབ་ནི་གཽ་ཏ་མ་ཞེས་བྱའོ། །ཡུམ་ནི་ཡིད་དུ་འོང་བའི་ང་རོ་ཞེས་
བྱའོ། །སྲས་ནི་ཟླས་བྱིན་ཞེས་བྱའོ། །རིམ་གྲོ་པ་ནི་བརྟན་པས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྙིང་པོ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་དགའ་ཞེས་བྱའོ། །འདུས་པ་ནི་ལན་བཅུ་བདུན་ཏེ་
ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་པོ་བརྩེགས་
40-1-157a


སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་བློ་གྲོས་གནས་ཤེས་བྱའོ། །ཡུམ་ནི་མཉམ་སེམས་ཤེས་བྱའོ། །སྲས་ནི་བློ་འོད་ཅེས་བྱའོ། །རིམ་གྲོ་པ་ནི་
ཆོས་ཀྱི་དབང་ཕྱུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་ཀྱི་ཆོ་འཕྲུལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་དྲུག་སྟེ་ཐམས་ཅད་ལ་ཡང་
ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགྲ་འདུལ་སྐྱེ་བའི་ཡུལ་ནི་
འཇིག་པ་དང་བྲལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་དྲུག་བཅུ་ཙམ་མོ། །ཡབ་ནི་ཐུབ་མེད་གྲགས་ཤེས་བྱའོ། །ཡུམ་ནི་བློ་གྲོས་གྲགས་ཤེས་བྱའོ། །སྲས་ནི་བློ་གྲོས་མཛེས་ཤེས་
བྱའོ། །རིམ་གྲོ་པ་ནི་གདངས་སྙན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙམ་པའི་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཆེན་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་བཅུ་
རྩ་དྲུག་སྟེ་ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །འཕགས་པ་བསྐལ་པ་
བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་གསུམ་པ། དེ་བཞིན་གཤེགས་པ་པད་མ་སྐྱེ་བའི་ཡུལ་ནི་པད་མ་དཀར་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་
འཇིག་རྟེན་གྱི་ཁམས་བཅྭ་བརྒྱད་ཙམ་མོ། །ཡབ་ནི་མེ་ཏོག་ཅེས་བྱའོ། །ཡུམ་ནི་ཨུཏ་པ་ལ་ཕྲེང་ཞེས་བྱའོ། །སྲས་ནི་མེ་ཏོག་ཕུང་པོ་ཞེས་བྱའོ། །རིམ་གྲོ་པ་ནི་ཡོན་ཏན་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
40-1-157b


ཀུན་དུ་མཛེས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱེ་བོའི་མཆོད་རྟེན་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་རྩ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་ཁྲི་དྲུག་
སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་དྲང་སྲོང་དད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །
ཡབ་ནི་ཚངས་འདོད་ཅེས་བྱའོ། །ཡུམ་ནི་བདེན་བྱིན་ཞེས་བྱའོ། །སྲས་ནི་དགའ་འཛིན་ཅེས་བྱའོ། །རིམ་གྲོ་པ་ནི་སྡུག་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་གཡོ་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
རི་བོ་བརྩེགས་ཤེས་བྱའོ། །དགྲ་བཅོམ་པ་འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་འགྲོས་སྐྱེ་བའི་ཡུལ་ནི་སྤོབས་པའི་དཔལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ་། །ཡབ་ནི་བརྟུལ་ཞུགས་འབྱོར་
ཅེས་བྱའོ། །ཡུམ་ནི་ཡོན་ཏན་བསམ་པ་ཅན་ཞེས་བྱའོ། །སྲས་ནི་ཐར་པའི་སེམས་ཞེས་བྱའོ། །རིམ་གྲོ་པ་ནི་དོན་ཡོད་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ལོ་བསྒྱུར་བའི་འོད་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་རྒོལ་བ་བསལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བརྒྱད་
ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉོན་མོངས་བྲལ་སྐྱེ་བའི་ཡུལ་ནི་འཇམ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །
40-1-158a


ཡབ་ནི་གཉེན་བཟངས་ཤེས་བྱའོ། །ཡུམ་ནི་རྒུན་ཆང་མྱོས་ཤེས་བྱའོ། །སྲས་ནི་པད་མའི་སྙིང་པོ་ཞེས་བྱའོ། །རིམ་གྲོ་པ་ནི་དྲན་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་སེམས་ཤེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་དུལ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་ཕྲག་འབུམ་མོ། །གཉིས་པ་ལ་ནི་བྱེ་བ་ཕྲག་བཅུའོ། །གསུམ་པ་ལ་ནི་ཕྲག་སུམ་བཅུའོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ་། །དམ་པའི་ཆོས་
ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འདམ་བུ་སྐྱེ་བའི་ཡུལ་ནི་རྩེ་དགའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུ་རྩ་བརྒྱད་དོ། །ཡབ་ནི་རིན་པོ་ཆེའི་འབྱུང་
གནས་ཤེས་བྱའོ། །ཡུམ་ནི་རྩལ་ཅན་ཞེས་བྱའོ། །སྲས་ནི་བཤེས་གཉེན་བདེན་ཞེས་བྱའོ། །རིམ་གྲོ་པ་ནི་བཟང་པོའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་འབྱོར་པའི་མཛོད་ཅེས་བྱའོ། །དགྲ་བཅོམ་པ་འདུས་པ་ནི་ལན་གསུམ་སྟེ། ཐམས་ཅད་ལ་ཡང་བརྒྱད་ཁྲི་བརྒྱད་ཁྲིའོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤོས་བཟངས་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འཛམ་བུའི་གླིང་ཙམ་མོ། །ཡབ་ནི་ཡེ་ཤེས་རྒྱལ་
མཚན་ཞེས་བྱའོ། །ཡུམ་ནི་དྲང་སྲོང་དགའ་ཞེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤྱོད་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་ས་འཛིན་རྒྱལ་པོ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་དུང་ཕྱུར་ཕྲག་བདུན་
40-1-158b


གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡུལ་འཁོར་རངས་སྐྱེ་བའི་ཡུལ་ནི་ལེགས་པར་བསྲུངས་པའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་
ཁམས་ཙམ་མོ། །ཡབ་ནི་སྐལ་ལྡན་འདོད་ཅེས་བྱའོ། །ཡུམ་ནི་རིན་ཆེན་ལྡན་ཞེས་བྱའོ། །སྲས་ནི་བཻ་དཱུརྱའི་སྙིང་པོ་ཞེས་བྱའོ། །རིམ་གྲོ་པ་ནི་གྲགས་པའི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་
ཡས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་ཚང་བ་ཞེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་བརྒྱད་དེ། ཐམས་ཅད་ལ་ཡང་ཁྲི་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བྱེ་
བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་གྲགས་སྐྱེ་བའི་ཡུལ་ནི་ལྷ་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་
པའི་བྱེ་མ་སྙེད་ཙམ་མོ། །ཡབ་ནི་ཡུལ་འཁོར་བཟང་པོ་ཞེས་བྱའོ། །ཡུམ་ནི་ནོར་ལྷའི་བུ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ལེགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཆོས་བརྩེགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྗོན་པའི་མེ་ཏོག་ཅེས་བྱའོ། །འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བཞི་བཞིའོ། །སྐུ་ཚེའི་
ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སུམ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྲིད་མཐའ་གཟིགས་སྐྱེ་བའི་
ཡུལ་ནི་དགའ་བས་བལྟས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུའོ། །ཡབ་ནི་མྱ་ངན་མེད་ཅེས་བྱའོ། །ཡུམ་ནི་དགའ་བས་བྱིན་ཞེས་བྱའོ། །སྲས་ནི་རི་བརྩེགས་ཤེས་བྱའོ། །
40-1-159a


རིམ་གྲོ་པ་ནི་མཚན་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་དུ་འོང་བའི་འོད་ཅེས་བྱའོ། །འདུས་པ་ནི་ལན་བཞི་བཅུ་སྟེ་ཐམས་ཅད་ལ་ཡང་འབུམ་ཕྲག་
བཅྭ་ལྔ་བཅྭ་ལྔའོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་བཀོད་པ་དང་ལྡན་པ་ཞེས་བྱའོ། །རིགས་ནི་བྲམ་
ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་གཟི་བརྗིད་འོད་ཅེས་བྱའོ། །རིམ་གྲོ་པ་ནི་གདངས་སྙན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
སྒྲིབ་མེད་མཐོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་པ་མི་གཏོང་བ་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་
སྟོང་ངོ་། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་བའི་ཡུལ་ནི་རིན་པོ་ཆེ་འབར་བ་ཞེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་གློག་འོད་ཅེས་བྱའོ། །ཡུམ་ནི་ཡིད་དུ་འོང་བའི་འོད་ཅེས་བྱའོ། །སྲས་ནི་མཐུ་རྩལ་བརྟན་ཞེས་བྱའོ། །རིམ་གྲོ་པ་ནི་མཐུ་རྩལ་སེམས་ཤེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་ཐོགས་པ་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲག་ཤུལ་འབར་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་འབུམ་ཕྲག་བརྒྱད་ཁྲིའོ། །གཉིས་པ་ལ་ནི་འབུམ་ཕྲག་དྲུག་ཁྲིའོ། །
གསུམ་པ་ལ་ནི་འབུམ་ཕྲག་བཞི་ཁྲིའོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་སུམ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་
40-1-159b


ཟད་དོ། །དེ་བཞིན་གཤེགས་པ་རིན་ཆེན་ཟླ་བ་སྐྱེ་བའི་ཡུལ་ནི་རིན་པོ་ཆེའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་ལེགས་བཟང་ཞེས་བྱའོ། །ཡུམ་ནི་བཀོད་པ་ཆེན་མོ་ཞེས་བྱའོ། །
སྲས་ནི་གསལ་དགའ་ཞེས་བྱའོ། །རིམ་གྲོ་པ་ནི་ཉེས་དམིགས་གདོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོས་བརྟན་ཞེས་བྱའོ། །འདུས་པ་ནི་ལན་ཉི་
ཤུ་རྩ་ལྔ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅྭ་ལྔ་བཅྭ་ལྔའོ། །སྐུ་ཚེའི་ཚད་ནི་ལོ་ལྔ་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་སེང་གེའི་རྒྱལ་མཚན་སྐྱེ་བའི་ཡུལ་ནི་མངོན་པར་ཤེས་པ་རྣམ་པར་རོལ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུའོ། །ཡབ་ནི་མངོན་ཤེས་བྱིན་ཞེས་བྱའོ། །ཡུམ་ནི་ཡིད་འོང་སེམས་ཤེས་
བྱའོ། །སྲས་ནི་ཟིལ་མི་ནོན་ཞེས་བྱའོ། །རིམ་གྲོ་པ་ནི་ཕན་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཐུན་པར་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་འགྲོ་ཞེས་བྱའོ། །འདུས་པ་ནི་ལན་
ཉི་ཤུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསམ་གཏན་དགྱེས་སྐྱེ་བའི་
ཡུལ་ནི་ཞི་བ་ཉམས་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བརྒྱའོ། །ཡབ་ནི་རླུང་གནས་ཤེས་བྱའོ། །ཡུམ་ནི་མི་གནས་སེམས་ཤེས་བྱའོ། །སྲས་ནི་རིན་ཆེན་རབ་ཞི་ཞེས་བྱའོ། །
རིམ་གྲོ་པ་ནི་ཆོས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་དག་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་ལ་དད་པ་ཞེས་བྱའོ། །འདུས་པ་ནི་ལན་དགུ་སྟེ། ཐམས་ཅད་
40-1-160a


ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྫོགས་ལྡན་སྐྱེ་བའི་ཡུལ་ནི་
བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་མི་ཐུབ་པ་མེད་པ་ཞེས་བྱའོ། །ཡུམ་ནི་བློ་མཚུངས་མ་ཞེས་བྱའོ། །སྲས་ནི་བློ་གྲོས་ཞི་བ་ཞེས་བྱའོ། །རིམ་གྲོ་པ་ནི་སྡུག་པར་
ལྟ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཛིན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་འདོད་ཅེས་བྱའོ། །འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །
སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྣམ་པར་རོལ་པ་སྐྱེ་བའི་ཡུལ་ནི་བཀོད་པ་དཔག་ཏུ་
མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་ལྷ་དགའ་ཞེས་བྱའོ། །ཡུམ་ནི་རིན་ཆེན་གཟི་བརྗིད་ཅེས་བྱའོ། །སྲས་ནི་མིག་བརྒྱན་ཅེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཐོགས་མེད་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེ་བར་འགྲོ་ཞེས་བྱའོ། །འདུས་པ་ནི་ལན་སུམ་བཅུ་རྩ་གསུམ་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དང་བྱེ་བ་ཕྲག་
གཉིས་གཉིས་སོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་ཡོན་ཏན་རིན་ཆེན་སྐྱེ་བའི་ཡུལ་ནི་ཡོན་ཏན་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུའོ། །ཡབ་ནི་ཡོན་ཏན་ཏོག་ཅེས་བྱའོ། །ཡུམ་ནི་བསོད་ནམས་ཏོག་ཅེས་བྱའོ། །
40-1-160b


སྲས་ནི་མཚན་བྱིན་ཞེས་བྱའོ། །རིམ་གྲོ་པ་ནི་ཤིན་དུ་རྣམ་པར་འབྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡང་དག་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྱོར་པའི་བློ་གྲོས་ཤེས་བྱའོ། །ཉན་ཐོས་
འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་
གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་རྨད་དུ་བྱུང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཀླུས་སྦས་ཞེས་བྱའོ། །
ཡུམ་ནི་མེ་ཏོག་ཅན་ཞེས་བྱའོ། །སྲས་ནི་མངོན་པར་ཤེས་པའི་མེ་ཏོག་ཅེས་བྱའོ། །རིམ་གྲོ་པ་ནི་དོན་ལེགས་བསམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དབྱངས་སྙན་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་ཤེས་རབ་འབྱུང་གནས་ཤེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་པད་མའི་ངོས་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུ་རྩ་དྲུག་གོ། །ཡབ་ནི་བསོད་ནམས་འབྱོར་ཅེས་བྱའོ། །
ཡུམ་ནི་སའི་དབང་ཕྱུག་མ་ཞེས་བྱའོ། །སྲས་ནི་བཀྲ་ཤིས་ཤེས་བྱའོ། །རིམ་གྲོ་པ་ནི་དྲག་ཤུལ་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུག་པ་མེད་པར་གནས་ཤེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་འཁྲུལ་པ་མེད་པར་སེམས་ཤེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །དམ་པའི་ཆོས་ནི་ལོ་བརྒྱད་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
40-1-161a


འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཛོད་སྤུ་ལྡན་སྐྱེ་བའི་ཡུལ་ནི་ཡིད་དུ་འོང་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་
ཤེས་རབ་ཅན་རྒྱལ་མཚན་ཞེས་བྱའོ། །ཡུམ་ནི་མཉམ་སེམས་ཤེས་བྱའོ། །སྲས་ནི་དགའ་བའི་ང་རོ་ཞེས་བྱའོ། །རིམ་གྲོ་པ་ནི་ཡིད་དུ་འོང་བའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐྱེ་བོ་ཕལ་པོ་ཆེའི་ཏོག་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ངེས་པར་གནས་ཤེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོབས་པ་གྲགས་པ་སྐྱེ་བའི་ཡུལ་ནི་ཡོངས་སུ་དག་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ་། །ཡབ་ནི་
ཐར་པ་དགའ་ཞེས་བྱའོ། །ཡུམ་ནི་རིན་ཆེན་ཅན་ཞེས་བྱའོ། །སྲས་ནི་རྒྱལ་བྱིན་ཞེས་བྱའོ། །རིམ་གྲོ་པ་ནི་ཡོན་ཏན་སྤོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་འཁྲུལ་པ་མེད་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་པ་ནི་ལན་སུམ་བཅུ་རྩ་གཉིས་ཏེ། ཐམས་ཅད་ལ་ཡང་ས་ཡ་ཕྲག་གསུམ་དང་འབུམ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །དམ་པའི་
ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྡོ་རྗེ་ནོར་བུ་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུ་རྩ་དྲུག་གོ། །
ཡབ་ནི་མཚོན་ཆ་བཟང་པོ་ཞེས་བྱའོ། །ཡུམ་ནི་སོ་བཟངས་མ་ཞེས་བྱའོ། །སྲས་ནི་གཟི་བརྗིད་སྦས་ཤེས་བྱའོ། །རིམ་གྲོ་པ་ནི་བདུད་ཟིལ་གནོན་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟིལ་གྱིས་མི་
40-1-161b


ནོན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕ་རོལ་གྱི་ཚོགས་འཇོམས་པ་ཞེས་བྱའོ། །འདུས་པ་ནི་ལན་དྲུག་བཅུ་རྩ་གཅིག་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དང་བྱེ་བ་ཕྲག་གཉིས་གཉིས་སོ། །
སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚེ་དཔག་མེད་སྐྱེ་བའི་ཡུལ་ནི་གསལ་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་ཁྲི་སུམ་སྟོང་ངོ་། །ཡབ་ནི་བཟང་མཆོག་ཅེས་བྱའོ། །ཡུམ་ནི་གཟི་བརྗིད་བཟང་མོ་ཞེས་བྱའོ། །སྲས་ནི་ཟླ་བ་ཞེས་བྱའོ། །རིམ་གྲོ་པ་ནི་དྲི་མེད་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་བཟང་པོའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པ་ཆེན་པོ་ཞེས་བྱའོ། །འདུས་པ་ནི་ལན་འབུམ་སྟེ། ཐམས་ཅད་ལ་ཡང་བྱང་ཆུབ་སེམས་དཔའ་ཐམས་ཅད་དཔག་ཏུ་མེད་དོ། །སྐུ་ཚེའི་
ཚད་ནི་ལོ་དྲུག་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་ཆིག་སྟོང་གི་བར་དུ་གནས་སོ། །དམ་པའི་ཆོས་ཇི་སྲིད་གནས་པ་དེ་སྲིད་དུ་འཁོར་བྱང་ཆུབ་སེམས་དཔའ་ཐམས་ཅད་ཀྱང་འབྱུང་བར་འགྱུར་རོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་བུ་བཀོད་པ་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་མཆོད་པ་བཀོད་ཅེས་བྱའོ། །
ཡུམ་ནི་ཡོན་ཏན་བློ་གྲོས་མ་ཞེས་བྱའོ། །སྲས་ནི་བསོད་ནམས་གཟི་བརྗིད་ཅེས་བྱའོ། །རིམ་གྲོ་པ་ནི་ཆོས་ཀྱི་བཀོད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བཀོད་པ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མཐོང་ཞེས་བྱའོ། །འདུས་པ་ནི་ལན་ལྔ་སྟེ། ཐམས་ཅད་ལ་ཡང་བརྒྱད་ཁྲི་བརྒྱད་ཁྲིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་
40-1-162a


བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དབང་ཆེན་སྐྱེ་བའི་ཡུལ་ནི་མདངས་འགྲོ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་སུམ་བརྒྱའོ། །ཡབ་ནི་སྨན་པ་ཞེས་བྱའོ། །ཡུམ་ནི་རྩི་སྨན་ཞེས་བྱའོ། །སྲས་ནི་འདོད་འཕགས་ཞེས་བྱའོ། །རིམ་གྲོ་པ་ནི་སྐར་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ང་རོ་ཆེན་པོ་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ང་རོ་ཐོབ་ཅེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་འབྱུང་གནས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་
གྲགས་པ་མངོན་པར་འཕགས་ཤེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་གཟི་བརྗིད་བཟང་པོ་ཞེས་བྱའོ། །རིམ་གྲོ་པ་ནི་ལྷ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་ཤེས་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཚུགས་པ་མེད་པའི་འཁོར་ལོ་ཞེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་ཁྲི་བདུན་སྟོང་ངོ་། །
དམ་པའི་ཆོས་ཀྱང་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷུན་པོ་གྲགས་སྐྱེ་བའི་ཡུལ་ནི་ཚུལ་ཁྲིམས་དང་ལྡན་པ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་དྲི་མེད་དགའ་ཞེས་བྱའོ། །ཡུམ་ནི་ཡོན་ཏན་གཟི་བརྗིད་མ་ཞེས་བྱའོ། །སྲས་ནི་སྒྲོན་མ་བྱིན་ཞེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །
40-1-162b


ཤེས་རབ་ཅན་རྣམས་ཀྱི་མཆོག་ནི་མིག་དག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་བའི་འོད་ཟེར་ཞེས་བྱའོ། །འདུས་པ་ནི་ལན་བརྒྱད་དེ། ཐམས་ཅད་ལ་ཡང་བྱེ་བ་ཕྲག་འབུམ་མོ། །སྐུ་ཚེའི་ཚད་ནི་ལོ་
སུམ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་བཅུ་པ་སྐྱེ་བའི་ཡུལ་ནི་ཚུགས་པ་མེད་པའི་གཟི་བརྗིད་ཅེས་བྱའོ། །རིགས་ནི་
བྲམ་ཟེའོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ་། །ཡབ་ནི་མཐུ་རྩལ་མཛེས་པ་ཞེས་བྱའོ། །ཡུམ་ནི་བཟངས་སེམས་མ་ཞེས་བྱའོ། །སྲས་ནི་ཤིན་དུ་ཡིད་གཞུངས་ཤེས་བྱའོ། །རིམ་གྲོ་པ་
ནི་ཤེད་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་དུ་འོང་བའི་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེན་དགའ་ཞེས་བྱའོ། །འདུས་པ་ནི་ལན་སུམ་བཅུ་རྩ་བཞི་སྟེ། 
ཐམས་ཅད་ལ་ཡང་དྲུག་འབུམ་དྲུག་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་སུམ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
མ་སྨད་པ་སྐྱེ་བའི་ཡུལ་ནི་མཆོད་རྟེན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་སྟོང་ངོ་། །ཡབ་ནི་རྡོ་རྗེས་བྱིན་ཞེས་བྱའོ། །ཡུམ་ནི་སྣ་མའི་མེ་ཏོག་ཅེས་བྱའོ། །སྲས་ནི་ཡིད་དུ་འོང་
བའི་ང་རོ་ཞེས་བྱའོ། །རིམ་གྲོ་པ་ནི་ཡེ་ཤེས་ངེས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་པོའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕ་རོལ་མུ་སྟེགས་འཇོམས་ཤེས་བྱའོ། །འདུས་པ་ནི་ལན་ལྔ་བཅུ་
རྩ་གཉིས་ཏེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གླང་པོའི་འགྲོས་
40-1-163a


སྐྱེ་བའི་ཡུལ་ནི་མེ་ཏོག་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་ཆོས་ཤེས་བྱའོ། །ཡུམ་ནི་ཆོས་བཟང་མ་ཞེས་བྱའོ། །སྲས་ནི་ནོར་ལྷ་ཞེས་བྱའོ། །རིམ་གྲོ་པ་ནི་མཆོག་སེམས་ཤེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་གསལ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་ཕྲག་སྟོང་ངོ་། །གཉིས་པ་ལ་ནི་བྱེ་བ་ཕྲག་དགུ་བཅུའོ། །གསུམ་པ་
ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ཀྱང་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡིད་འཐད་སྐྱེ་བའི་ཡུལ་ནི་
འོད་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་ཀུན་དུ་བཟང་པོ་ཞེས་བྱའོ། །ཡུམ་ནི་ཡིད་འོང་བྱིན་ཞེས་བྱའོ། །སྲས་ནི་མདངས་སྟོབས་ཤེས་བྱའོ། །རིམ་གྲོ་པ་ནི་མྱ་ངན་བྲལ་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་སྙན་པར་སྨྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་དགའ་བ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །
སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་ཟླ་བ་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་དྲུག་ཁྲི་དྲུག་སྟོང་ངོ་། །ཡབ་ནི་རིན་ཆེན་སེམས་ཤེས་བྱའོ། །ཡུམ་ནི་ལྷའི་འོད་ཟེར་ཞེས་བྱའོ། །སྲས་ནི་མེ་ཏོག་ཅེས་བྱའོ། །རིམ་གྲོ་པ་ནི་ཡུལ་འཁོར་ཤིང་རྟ་ཅན་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་ཡོན་ཏན་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱུ་སྐར་ཞེས་བྱའོ། །འདུས་པ་ནི་ལན་སུམ་བཅུ་རྩ་བཞི་སྟེ། །ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་
40-1-163b


བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཞི་བ་སྐྱེ་བའི་ཡུལ་ནི་སྐྱོན་མེད་པ་ཞེས་བྱའོ། །རིགས་ནི་
བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་ཞི་བའི་བློ་གྲོས་ཤེས་བྱའོ། །ཡུམ་ནི་ཤིན་དུ་ཞི་བའི་གཟི་བརྗིད་ཅེས་བྱའོ། །སྲས་ནི་ཕལ་ཆེན་དགའ་ཞེས་བྱའོ། །རིམ་གྲོ་པ་ནི་གང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
ཚུགས་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་མེད་ཅེས་བྱའོ། །འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་
ལོ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་རྒྱལ་པོ་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རབ་གསལ་ཞེས་བྱའོ། །
ཡུམ་ནི་བློ་གྲོས་ཏོག་ཅེས་བྱའོ། །སྲས་ནི་གཟི་བརྗིད་བྱིན་ཞེས་བྱའོ། །རིམ་གྲོ་པ་ནི་ལེགས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་ལག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་རོལ་པ་ཅན་
ཞེས་བྱའོ། །འདུས་པ་ནི་ལན་ཉི་ཤུ་རྩ་བཞི་སྟེ། ཐམས་ཅད་ལ་ཡང་ས་ཡ་ཕྲག་དགུ་དང་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ཀྱང་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཁ་ལོ་སྒྱུར་སྐྱེ་བའི་ཡུལ་ནི་གཟི་བརྗིད་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཉི་མའི་གཟི་བརྗིད་ཅེས་བྱའོ། །ཡུམ་ནི་
མི་འཇིགས་བྱིན་ཞེས་བྱའོ། །སྲས་ནི་མཐོང་དགའ་ཞེས་བྱའོ། །རིམ་གྲོ་པ་ནི་སྒྲོན་མའི་ལག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་མི་འཁྲུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ངེས་བརྟན་ཞེས་
40-1-164a


བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་དང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དགའ་བའི་དབང་ཕྱུག་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཁྲིའོ། །ཡབ་ནི་དགའ་
བའི་དབྱངས་ཤེས་བྱའོ། །ཡུམ་ནི་སྒྲོན་མ་བྱིན་ཞེས་བྱའོ། །སྲས་ནི་སྟོབས་བྱིན་ཞེས་བྱའོ། །རིམ་གྲོ་པ་ནི་ཡིད་དུ་འོང་བའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པའི་བློ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་ཤེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དྲུག་བཅུའོ། །གཉིས་པ་ལ་ནི་ཐེར་འབུམ་ཕྲག་བདུན་བཅུའོ། །གསུམ་པ་ལ་ནི་ཐེར་འབུམ་ཕྲག་བརྒྱད་བཅུའོ། །
བཞི་པ་ལ་ནི་འབུམ་ཕྲག་དགུ་བཅུའོ། །ལྔ་པ་ལ་ནི་ཐེར་འབུམ་ཕྲག་བརྒྱའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཙུག་
ན་རིན་པོ་ཆེ་སྐྱེ་བའི་ཡུལ་ནི་ཡོན་ཏན་བསགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་རིན་ཆེན་འགྲོས་ཤེས་བྱའོ། །ཡུམ་ནི་བསོད་ནམས་འཕེལ་ཞེས་བྱའོ། །སྲས་ནི་ཆོས་
མཆོག་ཅེས་བྱའོ། །རིམ་གྲོ་པ་ནི་རྣམ་པར་སྣང་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷའི་རྒྱལ་པོ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་
ལ་ཡང་ས་ཡ་ཕྲག་གསུམ་དང་འབུམ་ཕྲག་དྲུག་དྲུག་གོ། །དམ་པའི་ཆོས་ཀྱང་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསྙེངས་
40-1-164b


བྲལ་སྐྱེ་བའི་ཡུལ་ནི་ཚེ་སྦྱིན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཁྲིའོ། །ཡབ་ནི་འོད་བཟངས་ཤེས་བྱའོ། །ཡུམ་ནི་མཆོད་སྦྱིན་མ་ཞེས་བྱའོ། །སྲས་ནི་ངེས་མཐོང་ཞེས་བྱའོ། །རིམ་གྲོ་པ་ནི་ངེས་བྱིན་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་གཙོ་ཞེས་བྱའོ། །འདུས་པ་ནི་ལན་ཅིག་ཏུ་ཟད་དོ། །དགེ་སློང་གི་དགེ་འདུན་དཔག་ཏུ་མེད་དོ། །སྐུ་ཚེའི་ཚད་ནི་
ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྙིང་པོ་སྐྱེ་བའི་ཡུལ་ནི་ཕུང་པོ་ལས་གྲོལ་བ་ཞེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་འབུམ་ཕྲག་བརྒྱ་དྲུག་བཅུའོ། །ཡབ་ནི་ཡེ་ཤེས་འོད་ཅེས་བྱའོ། །ཡུམ་ནི་རིན་ཆེན་བློ་གྲོས་མ་ཞེས་བྱའོ། །སྲས་ནི་པད་མའི་མཛོད་ཅེས་བྱའོ། །རིམ་གྲོ་པ་ནི་རྣམ་པར་གྲགས་པའི་སྒྲ་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུགས་པ་མེད་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་གནས་སེམས་ཤེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་
འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བྱེ་བ་ཕྲག་ལྔའོ། །དམ་པའི་ཆོས་ནི་ལོ་བྱེ་བ་ཕྲག་བརྒྱའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་ཞལ་སྐྱེ་བའི་ཡུལ་ནི་དྲི་མ་མེད་
པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ་། །ཡབ་ནི་མིག་བཟངས་ཤེས་བྱའོ། །ཡུམ་ནི་མིག་བྱིན་ཞེས་བྱའོ། །སྲས་ནི་ཟླ་སྡུག་ཅེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་སྤོབས་པའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མི་འཁྲུག་ཅེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་གཉིས་དང་བྱེ་བ་ཕྲག་
40-1-165a


དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དྲི་མ་མེད་
པར་གྲགས་པ་སྐྱེ་བའི་ཡུལ་ནི་ཚེར་མ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་གསུམ་རིག་ཅེས་བྱའོ། །ཡུམ་ནི་བློ་བཟངས་མ་ཞེས་བྱའོ། །སྲས་ནི་འདམ་རྫབ་མེད་ཅེས་བྱའོ། །རིམ་
གྲོ་པ་ནི་མིའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྡ་ལ་མཁས་པ་ཤེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་འབུམ་འབུམ་
མོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞི་བའི་གཟི་བརྗིད་སྐྱེ་བའི་ཡུལ་ནི་གཟི་བརྗིད་མཐའ་ཡས་པ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བརྒྱ་སྙེད་ཙམ་མོ། །ཡབ་ནི་གཟི་བརྗིད་མཐའ་ཡས་ཤེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་གཟི་བརྗིད་མེ་ཏོག་ཅེས་བྱའོ། །
རིམ་གྲོ་པ་ནི་གཟི་བརྗིད་འཇམ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གཟི་བརྗིད་ཅེས་བྱའོ། །འདུས་པ་ནི་ལན་དྲུག་བཅུ་རྩ་དགུ་སྟེ། ཐམས་ཅད་
ལ་ཡང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་བའི་ཏོག་གི་ནི། །སྐྱེ་བའི་ཡུལ་ནི་དགའ་བར་བྱེད་ཅེས་བྱ། །
རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལེགས་བཟང་ཡིན། །ཆོས་ཀྱི་བློ་གྲོས་ཞེས་བྱ་ཡུམ་ཡིན་ནོ། །སྲས་པོ་འོད་བྱེད་དགེ་བ་རིམ་གྲོ་པ། །གྲགས་མཆོག་ཅེས་བྱ་བ་ནི་མཁས་པ་སྟེ། །རྣམ་པར་
40-1-165b


སྣང་བྱེད་ཅེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་སྟེ། །ཀུན་ལའང་ཉོན་མོངས་སྤངས་པ་དགྲ་བཅོམ་པ། །བྱེ་བ་སྟོང་ཕྲག་བདུན་བཅུ་རྩ་གསུམ་གསུམ། །མི་ཚེ་ལོ་གྲངས་སྟོང་ཕྲག་བདུན་བཅུ་གསུམ། །འཇིག་རྟེན་མཁྱེན་
པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །དེ་ཡི་མཆོད་རྟེན་སྟོང་ཕྲག་བདུན་བཅུ་དྲུག །དེ་བཞིན་གཤེགས་པ་སྒྲ་གཅན་ལྷ་ཡི་ནི། །སྐྱེ་བའི་ཡུལ་ནི་དགའ་
བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་གཟི་བརྗིད་བཟང་། །སྐལ་ལྡན་ཤིང་རྟ་ཞེས་བྱ་ཡུམ་ཡིན་ནོ། །སྲས་པོ་བླ་མེད་ལྗོན་པ་རིམ་གྲོ་པ། །ང་རོ་སྙན་ཅེས་བྱ་བ་མཁས་པ་སྟེ། །བདེ་བར་
སོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་བྱེ་ཕྲག་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་ཉི་ཤུ་གཉིས། །ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་དགུ་བཅུ་གསུམ་དུ་
གནས། །སྐུ་གདུང་རྒྱས་འགྱུར་རིན་པོ་ཆེ་ཡིས་སྤྲས། །མཆོད་རྟེན་བྱེ་བ་བརྒྱད་བཅུ་རྩ་དྲུག་སྟེ། །རིན་ཆེན་སྣ་བདུན་དག་གིས་བརྒྱན་པར་འགྱུར། །འཇིག་རྟེན་འདྲེན་པ་ན་ཚོད་བཟང་པོ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །རིགས་
ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་འབྱོར་པ་ཡིན། །སྐྱེ་བའི་མཆོད་རྟེན་ཡུམ་ཡིན་སྲས་པོ་ནི། །སྒྲ་གཅན་དགའ་བ་བཟང་པོ་རིམ་གྲོ་པ། །རྐང་འགྲོ་ཞེས་བྱ་དེ་ནི་མཁས་པ་སྟེ། །རྣམ་པར་སྒྲོགས་ཤེས་བྱ་བ་རྫུ་འཕྲུལ་
མཆོག །འདུས་པ་དག་ནི་ལན་གྲངས་བརྒྱད་བཅུ་སྟེ། །ཀུན་ལའང་དགྲ་བཅོམ་ཐམས་ཅད་གཡོ་མེད་པ། །རྣམ་གྲོལ་དྲི་མེད་བྱེ་བ་ཕྲག་བཅུ་བཅུ། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །ལོ་
སྟོང་བར་དུ་ཆོས་ཀྱི་འཁོར་ལོ་སྐོར། །སྐུ་གདུང་རྒྱས་འགྱུར་ཁོ་རར་ཁོར་ཡུག་ཏུ། །མཆོད་རྟེན་སྟོང་ཕྲག་དྲུག་བཅུ་རྩ་བཞིས་བརྒྱན། །དེ་བཞིན་གཤེགས་པ་ལྷ་དགའ་ཞེས་བྱ་བའི། །སྐྱེ་བའི་ཡུལ་ནི་ལྷ་ཡིས་བརྒྱན་ཅེས་བྱ། །རིགས་
40-1-166a


ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་ན་ཚོད་བཟང་། །མཉམ་པར་སེམས་ཤེས་བྱ་བ་རྒྱལ་བའི་ཡུམ། །སྲས་པོ་དགའ་སྡུག་དགའ་བོ་རིམ་གྲོ་པ། །མི་ཡི་སེང་གེ་ཞེས་བྱ་མཁས་པ་སྟེ། །
བདུད་འཇོམས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །འདུས་པ་ཀུན་ལའང་བློ་གྲོས་རབ་ཞི་བ། །བྱེ་བ་བརྒྱ་ཕྲག་དྲུག་བཅུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་ཉི་ཤུ་གསུམ། །
སྟོན་པ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བདུན་བཅུ་གཉིས་སུ་འབར། །སྐུ་གདུང་རྒྱས་འགྱུར་མཆོད་རྟེན་བཟང་པོ་དག །བྱེ་བ་སྟོང་ཕྲག་དགུ་བཅུ་རྩ་དགུ་འབྱུང་། །དེ་བཞིན་གཤེགས་པ་རིན་ཆེན་ཕུང་པོ་
ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་འཁྲུག་མེད་ཡིན། །རིན་ཆེན་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་ལེགས་སེམས་ཟླ་
བ་རིམ་གྲོ་པ། །མཆོག་དབྱངས་ཞེས་བྱ་དེ་ནི་མཁས་པ་སྟེ། །རྒོལ་བ་ཚར་གཅོད་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་དྲི་མེད་གཡོ་མེད་ལུས་སྦྱངས་པ། །བྱེ་བ་ཕྲག་ནི་དགུ་བཅུ་
གསུམ་གསུམ་ཡོད། །མི་ཚེ་ལོ་གྲངས་སྟོང་ཕྲག་བདུན་བཅུ་གསུམ། །བདེ་གཤེགས་འགོག་པར་ཕྱིན་པའི་དམ་ཆོས་དག །ལོ་གྲངས་བརྒྱ་ཕྲག་བཅུ་ཡི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་ཡང་། །
འཕང་དུ་དཔག་ཚད་ལྔ་ཡི་ཚད་ཙམ་ཡིན། །དེ་བཞིན་གཤེགས་པ་མཛེས་པར་གཤེགས་པ་ཡི། །སྐྱེ་བའི་ཡུལ་ནི་སྡུག་ཅིང་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་འོད་
ཟེར་བཟང་། །མེ་ཏོག་ཅན་ཅེས་བྱ་བ་རྒྱལ་བའི་ཡུམ། །སྲས་པོ་བྱམས་པ་བློ་བཟངས་རིམ་གྲོ་པ། །བློ་མཆོག་ཅེས་ནི་བྱ་བ་མཁས་པ་སྟེ། །རྣམ་པར་འཕྲུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་
40-1-166b


དྲུག་བཅུ་རྩ་དྲུག་སྟེ། །ཀུན་ལའང་ང་མེད་ཐམས་ཅད་རིམས་མེད་པ། །སྲིད་གྲོལ་བྱེ་བ་ཕྲག་ནི་གསུམ་གསུམ་ཡོད། །མི་ཚེའི་ཚད་ནི་ལོ་གྲངས་བྱེ་བ་ཡིན། །རབ་ཏུ་ཞི་བར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་དགུ་བཅུ་
གཅིག་ཏུ་གནས། །འཇིག་རྟེན་མཁྱེན་པའི་སྐུ་གདུང་རྒྱས་འགྱུར་ལ། །མཆོད་རྟེན་བྱེ་བ་ཕྲག་ནི་ཉི་ཤུ་གསུམ། །དེ་བཞིན་གཤེགས་པ་སེང་གེའི་ཕྱོགས་པ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་བྲམ་ཟེ་
ཡིན་ཏེ་འོད་ཀྱི་ཚད། །དཔག་ཚད་བཅྭ་བརྒྱད་ཡབ་ནི་ལེགས་བཟང་ཡིན། །པད་མ་ཅན་ཞེས་བྱ་བ་དེ་ཡི་ཡུམ། །སྲས་པོ་གཙོ་མཆོག་ཆོས་ནི་རིམ་གྲོ་པ། །འོད་ཟེར་བརྒྱ་པ་ཞེས་བྱ་མཁས་པ་སྟེ། །རབ་ཏུ་འཇོམས་ཞེས་
བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཐམས་ཅད་ལའང་། །དགྲ་བཅོམ་ཆགས་མེད་འདམ་བརྒལ་སྦྱངས་པ་པོ། །བྱེ་བ་ཕྲག་ནི་བཅུ་བཅུ་ཁོ་ན་ཡོད། །མི་ཚེ་ཚད་ནི་ལོ་གྲངས་སུམ་བརྒྱ་ཡིན། །རྣམ་པར་གྲོལ་
བར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་བཅུ་ཡི་བར་དུ་གནས། །མཆོད་རྟེན་བྱེ་བ་བརྒྱ་ཕྲག་གཉིས་ཡོད་དེ། །གསེར་ལས་བྱས་པའི་དྲ་བས་ཀུན་དུ་གཡོགས། །དེ་བཞིན་གཤེགས་པ་ཤིན་དུ་མཐོར་གཤེགས་
ཀྱི། །སྐྱེ་བའི་ཡུལ་ནི་ལྷ་ཡིས་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་གཉིས་ཡོད་ལྗོན་པའི་དབང་པོ་ཡབ། །དགའ་བ་ཅན་ནི་ཡུམ་ཡིན་སྲས་པོ་ནི། །ཡོན་ཏན་དགའ་བ་རྒྱལ་བ་རིམ་གྲོ་པ། །
དགྲ་བཅོམ་དགའ་ཞེས་བྱ་བ་མཁས་པ་སྟེ། །དགེ་སློང་སྐར་མཁན་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་སེམས་ཞི་དུལ་བར་ལྡན་པ་དག །བྱེ་བ་ཕྲག་ནི་ཉི་ཤུ་གཉིས་གཉིས་
ཡོད། །མི་ཚེ་ལོ་གྲངས་སྟོང་ཕྲག་བཞི་བཅུ་ཡིན། །རྟོག་པ་མེད་པ་དེ་ཡི་དམ་ཆོས་དག །ལོ་གྲངས་སྟོང་ཕྲག་དགུ་ཡི་བར་དུ་གནས། །རྒྱལ་བའི་མཆོད་རྟེན་དཔག་ཚད་གསུམ་པ་གཅིག །གསེར་དག་གིས་ནི་རྣམ་པར་
40-1-167a


སྤྲས་པར་འགྱུར། །མི་ཡི་མཆོག་མ་སྐྱེ་བའི་དབང་པོ་ཡི། །སྐྱེ་བའི་ཡུལ་ནི་འཇིག་རྟེན་འཕགས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཤིན་དུ་མཆོད། །འཇིགས་པ་
མེད་པ་ཡུམ་ཡིན་སྲས་པོ་ནི། །འཇིག་རྟེན་དགའ་བ་རྒྱལ་བ་རིམ་གྲོ་པ། །ཚོགས་ཅན་བློ་ཞེས་བྱ་བ་མཁས་པ་སྟེ། །འབྲུག་སྒྲ་དབྱངས་ཤེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་དྲུག་སྟེ། །ཀུན་ལ་འང་དྲི་
གསུམ་དྲི་དག་ཡིད་ལྡན་པ། །སེམས་སྦྱངས་བྱེ་བ་ཕྲག་ནི་དྲུག་དྲུག་ཡོད། །མི་ཚེའི་ཚད་ནི་ལོ་གྲངས་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བདུན་བཅུ་གཉིས་སུ་གནས། །མཆོད་
རྟེན་བྱེ་བ་སྟོང་ཕྲག་གཉིས་ཚང་སྟེ། །རིན་པོ་ཆེ་ཡིས་རྣམ་པར་སྤྲས་པར་འགྱུར། །སྨྲ་བའི་ཟླ་བ་བློ་གྲོས་བཟང་པོ་ཡི། །སྐྱེ་བའི་ཡུལ་ནི་དེས་པའི་མདངས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་
གཉིས་ཡོད་ཡབ་ནི་ཐོགས་པ་མེད། །རིན་ཆེན་ལྡན་ཞེས་བྱ་བ་རྒྱལ་བའི་ཡུམ། །སྲས་པོ་འཇོམས་བྱེད་བཟང་བྱིན་རིམ་གྲོ་པ། །དགེ་སློང་ཚོགས་ཅན་གཙོ་བོ་མཁས་པ་སྟེ། །རྒོལ་བ་ཕུང་བྱེད་ཅེས་བྱ་རྫུ་འཕྲུལ་ཅན། །
འདུས་པ་དག་ནི་ལན་གྲངས་དགུ་བཅུ་སྟེ། །ཀུན་ལའང་སྲེད་དང་དྲི་མ་ཐ་བ་དང་། །མདུད་པ་བཅད་པ་བྱེ་བ་ཕྲག་བཅུ་བཅུ། །མི་ཚེ་ལོ་གྲངས་བྱེ་བ་སྟོང་ཕྲག་བཅུ། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་
སྟོང་ཕྲག་གཉིས་ཀྱི་བར་དུ་གནས། །མཆོད་རྟེན་ཁྱད་འཕགས་དཔག་ཚད་གཅིག་པ་ལ། །རིན་ཆེན་ཁྱད་པར་འཕགས་པ་བརྒྱ་ཡིས་སྤྲས། །དེ་བཞིན་གཤེགས་པ་འཇིག་རྟེན་འོད་ཀྱི་ནི། །སྐྱེ་བའི་ཡུལ་ནི་གཟི་བརྗིད་
འཕགས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་བཅུ་ཡབ་ནི་ཟླ་བའི་རི། །མེ་ཏོག་ཅན་ཞེས་བྱ་བ་ཡུམ་ཡིན་ནོ། །སྲས་པོ་དགའ་སྡུག་རྒྱལ་བྱེད་རིམ་གྲོ་པ། །ཡོན་ཏན་གྲགས་
40-1-167b


ཤེས་བྱ་བ་མཁས་པ་སྟེ། །ཙན་དན་བཟང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །འདུས་པ་ཀུན་ལའང་དགྲ་བཅོམ་བྱེ་བ་ཕྲག །སྟོང་ཕྲག་དགུ་བཅུ་རྩ་ནི་དགུ་དགུ་ཡོད། །མི་
ཚེ་ལོ་གྲངས་སྟོང་ཕྲག་ཉི་ཤུ་གཉིས། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་མཆོད་རྟེན་དཔག་ཚད་གསུམ་པ་ལ། །ཁོར་ཡུག་གསེར་ལས་བྱས་པའི་བླ་རེས་སྤྲས། །གདུགས་གྲངས་བྱེ་
བ་བརྒྱ་ཕྲག་བཅུ་ཡང་ཡོད། །དེ་བཞིན་གཤེགས་པ་རིན་ཆེན་གཟི་བརྗིད་ཀྱི། །སྐྱེ་བའི་ཡུལ་ནི་བསོད་ནམས་རྣམ་འཕྲུལ་ཡིན། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་
ཚད་བཅུ་གསུམ་ཡབ་ནི་པད་མ་བཟང་། །ཡོན་ཏན་སྨྲ་བ་རྒྱལ་ཡུམ་སྲས་པོ་ནི། །མེ་ཏོག་ལེགས་རྒྱས་སྐར་མ་རིམ་གྲོ་པ། །དྲང་སྲོང་མང་པོས་བསྟོད་པ་མཁས་ལྡན་ཏེ། །འཇིག་རྟེན་དགའ་ཞེས་
བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་ཐེར་འབུམ་སྟེ། །དེ་དག་ཀུན་ལའང་སེམས་སྦྱངས་མཆོད་གནས་དག །ཐེར་འབུམ་ཐེར་འབུམ་དག་ནི་ཚང་བར་ཡོད། །མི་ཚེ་ལོ་གྲངས་དག་
ནི་དགུ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བརྒྱད་ཁྲི་དག་ནི་ཚང་
བར་འགྱུར། །བདེ་བར་གཤེགས་པ་སྐལ་ལྡན་ཤིང་རྟ་ཡི། །སྐྱེ་བའི་ཡུལ་ནི་སྐར་མའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཡུལ་འཁོར་
བཟང་། །རིན་ཆེན་མཆོག་མ་རྒྱལ་ཡུམ་སྲས་པོ་ནི། །དགའ་བའི་དབང་ཕྱུག་ལེགས་དགའ་རིམ་གྲོ་པ། །འོད་བྱེད་ཅེས་ནི་བྱ་བ་མཁས་པ་སྟེ། །ཡོན་ཏན་འབྱུང་གནས་ཞེས་བྱ་རྫུ་འཕྲུལ་
40-1-168a


ཅན། །འདུས་པ་དག་ནི་ལན་གྲངས་བརྒྱད་བཅུ་སྟེ། །ཀུན་ལའང་སེམས་ནི་རྣམ་པར་གྲོལ་བ་ཀུན། །བྱེ་བ་ཕྲག་ནི་དགུ་བཅུ་རྩ་གཉིས་གཉིས། །དེ་དག་ཚེ་ཚད་ལོ་གྲངས་བརྒྱ་ཡང་ཡིན། །ཟད་མཐར་
ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་ཉི་ཤུ་གསུམ་དུ་གནས། །སྐུ་གདུང་མཆོད་རྟེན་བྱེ་སྟོང་བདུན་བཅུ་དྲུག །རིན་ཆེན་བརྒྱ་ཡི་དྲ་བས་རྣམ་པར་སྤྲས། །འཇིག་རྟེན་མགོན་པོ་ཀུན་དུ་
རྒྱལ་བ་ཡི། །སྐྱེ་བའི་ཡུལ་ནི་བདེན་པས་བརྒྱན་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བྱེ་བ་བཅུ་གཉིས་ཡབ་ནི་རྒྱ་མཚོ་ཡིན། །གཟི་བརྗིད་བདག་མོ་རྒྱལ་ཡུམ་སྲས་པོ་ནི། །བསམ་
གཏན་དགའ་བ་ལྷ་ནི་རིམ་གྲོ་པ། །དགྲ་བཅོམ་དག་གིས་བསྟོད་པ་མཁས་པ་སྟེ། །རྒོལ་བ་རབ་ཏུ་འཇོམས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་ཡིན་ཏེ། །འདུས་པ་ཀུན་ལའང་ང་
རྒྱལ་རྒྱལ་མཚན་དག །སྤངས་པ་ཐམས་ཅད་བྱེ་བ་ཕྲག་སྟོང་སྟོང་། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མི་ཡི་མཆོག་རབ་དག་གི་དམ་ཆོས་དག །ལོ་གྲངས་བྱེ་བ་ཚང་བར་གནས་པར་འགྱུར། །མཆོད་
རྟེན་བྱེ་བ་བརྒྱ་ཕྲག་ཚང་བ་ལ། །དངུལ་གྱིས་སྤྲས་ཤིང་མུ་ཏིག་རབ་ཏུ་སྦྱངས། །དེ་བཞིན་གཤེགས་པ་དགའ་བ་བཀོད་པ་ཡི། །སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་
ཀྱི་ཚད། །དཔག་ཚད་བྱེ་བ་ཡབ་ནི་འཁྲུག་པ་མེད། །སྐད་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་འཇམ་དབྱངས་སྐར་མ་རིམ་གྲོ་པ། །འགྲོ་བ་དགའ་ཞེས་བྱ་བ་མཁས་པ་སྟེ། །ཐུབ་པ་མཆོད་
འདོད་ཅེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་གཉིས་ཡིན་ཏེ། །ཀུན་ལའང་དགྲ་བཅོམ་འཁྲུག་མེད་གནས་པ་ཀུན། །ཁྲི་ཕྲག་ཉི་ཤུ་རྩ་ནི་གཉིས་གཉིས་ཡོད། །མི་ཚེ་ལོ་གྲངས་དག་ནི་
40-1-168b


སུམ་སྟོང་ཡིན། །ལུས་པ་མེད་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་བཅུ་གཉིས་བར་དུ་གནས། །དེ་ཡི་ཚེ་ན་རྒྱལ་བའི་མཆོད་རྟེན་ནི། །དཔག་ཚད་བཅུ་པའི་ཚད་ཙམ་གཅིག་འབྱུང་འགྱུར། །དེ་བཞིན་གཤེགས་པ་
སྟེགས་ནི་མཛད་པ་ཡི། །སྐྱེ་བའི་ཡུལ་ནི་བདེ་བ་ཅན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སུམ་བཅུ་ཡབ་ནི་མཐུ་རྩལ་ཡིན། །ཡིད་གཉིས་སྤོང་བ་རྒྱལ་བའི་ཡུམ་ཡིན་ནོ། །སྲས་པོ་ལྗོན་མཆོག་ཐབས་
ལྡན་རིམ་གྲོ་པ། །ས་འཛིན་ཅེས་ནི་བྱ་བ་མཁས་པ་སྟེ། །རི་བོ་སྒུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །འདུས་པ་ཀུན་ལའང་སྲེད་པའི་རྒྱ་མཚོ་ལས། །རྒལ་གྱུར་བྱེ་བ་ཕྲག་ནི་དགུ་དགུ་ཡོད། །མི་ཚེ་
ལོ་གྲངས་སྟོང་ཕྲག་དགུ་བཅུ་དགུ། །ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་ཁྲི་དྲུག་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོ་དག །བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང་། །དེ་བཞིན་
གཤེགས་པ་སྤོས་ཀྱི་གླང་པོ་ཡི། །སྐྱེ་བའི་ཡུལ་ནི་སྤོས་གསལ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ཕྲག་གསུམ་ལག་བཟངས་ཡབ། །ས་ཡི་བདག་མོ་ཞེས་བྱ་རྒྱལ་བའི་ཡུམ། །སྲས་
པོ་ཤུག་པ་དྲག་ཤུལ་རིམ་གྲོ་པ། །ངེས་པ་བརྟན་ཞེས་བྱ་བ་མཁས་པ་སྟེ། །གླང་པོའི་ལྟ་སྟངས་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་འདམ་བརྒལ་གཏི་མུག་བྲལ་གྱུར་པ། །བྱེ་བ་ཕྲག་ནི་
ཉི་ཤུ་བཞི་བཞི་ཡོད། །མི་ཚེ་ལོ་གྲངས་སྟོང་ཕྲག་བཅྭ་ལྔ་ཡིན། །ལུས་པ་མེད་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་དགུ་བཅུ་རྩ་དགུར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་བརྒྱ་ཕྲག་བདུན་
བཅུ་འབྱུང་། །དེ་བཞིན་གཤེགས་པ་བློ་གྲོས་འོད་འཕྲོ་ཡི། །སྐྱེ་བའི་ཡུལ་ནི་གཟི་བརྗིད་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །ཞིང་རྣམས་ཁྱབ་ལྡན་ཡབ་ནི་འོད་བཟངས་ཡིན། །དཔལ་གཟི་མ་ཞེས་བྱ་བ་
40-1-169a


ཡུམ་ཡིན་ནོ། །སྲས་པོ་གཟི་སྡུག་གྲགས་པ་རིམ་གྲོ་པ། །ཡོན་ཏན་བརྒྱན་ཞེས་བྱ་བ་མཁས་པ་སྟེ། །སྲིད་པ་སྐྲག་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་ཁྲི་ཕྲག་བཞི་ཡིན་ཏེ། །ཀུན་ལའང་རྣམ་ཐར་བརྒྱད་ལ་གནས་གྱུར་པ། །
བྱེ་བ་བརྒྱ་ཕྲག་སུམ་བཅུ་གཉིས་གཉིས་ཡོད། །རྒྱལ་བའི་སྐུ་ཚེ་ལོ་གྲངས་བརྒྱ་ཡང་ཡིན། །མྱ་ངན་འདས་ནས་འགྲོ་ལ་ཕན་པའི་ཕྱིར། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །དཔག་ཚད་བདུན་བཅུ་པ་
སྟེ་རྒྱལ་མཚན་བརྒྱན། །དེ་བཞིན་གཤེགས་པ་རི་བོའི་རྒྱལ་མཚན་གྱི། །སྐྱེ་ཡུལ་མཆོད་རྟེན་རྨད་དུ་བྱུང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ཤེད་སྐྱེས་ཡིན། །ཐ་སྤངས་མ་ཞེས་བྱ་བ་རྡུལ་བྲལ་ཡུམ། །སྲས་པོ་
ལྷ་དགའ་སྐར་རྒྱལ་རིམ་གྲོ་པ། །ཐོས་པ་རྒྱ་མཚོ་ཞེས་བྱ་མཁས་པ་སྟེ། །རྒོལ་བ་རྣམ་པར་འཇོམས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་ཏིང་འཛིན་ཞི་བ་རིམ་བསྒོམས་པ། །དགྲ་བཅོམ་འཁྲུག་མེད་བྱེ་བ་བྱེ་བ་ཡོད། །མི་
ཚེ་ལོ་གྲངས་སྟོང་ཕྲག་བཅུ་ཡང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་ནི་ཚང་བར་གནས། །མཆོད་རྟེན་བཟང་པོ་བྱེ་བ་ཕྲག་གསུམ་སྟེ། །མེ་ཏོག་བ་དན་རྒྱལ་མཚན་མཆོག་གིས་བརྒྱན། །བདེ་བར་གཤེགས་པ་རིན་ཆེན་
སྤོས་བཟངས་ཀྱི། །སྐྱེ་བའི་ཡུལ་ནི་སྤོས་ཀྱིས་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བརྒྱད་བཅུ་ཡབ་ནི་ལེགས་ཡིད་གཞུངས། །སྤོས་ཀྱི་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་ནོར་སྲེད་དགའ་བ་རིམ་གྲོ་པ། །རབ་
ཞི་མཆོག་ཅེས་བྱ་བ་མཁས་པ་སྟེ། །མཆོད་རྟེན་མཆོག་ཅེས་བྱ་བ་རྫུ་འཕྲུལ་ཅན། །འཇིག་རྟེན་གསུམ་ལ་མ་ཞེན་མཚུངས་སྨྲ་ལ། །ཆགས་པ་མེད་པར་གྱུར་པ་སྡིག་སྦྱངས་པ། །འདུས་པ་དག་ནི་མཐའ་ཡང་ཡས་པར་འགྱུར། །མི་ཚེ་ལོ་གྲངས་ས་ཡ་ཕྲག་གསུམ་
ཡིན། །མགོན་པོ་མཆོག་མ་མྱ་ངན་འདས་ནས་ཀྱང་། །མགོན་པོ་མཆོག་མའི་དམ་ཆོས་གནས་པར་འགྱུར། །མཆོད་རྟེན་དག་གི་གྲངས་ནི་བརྒྱད་ཁྲི་སྟེ། །གཞན་ཡང་བཞི་སྟོང་གསེར་གྱི་རྒྱལ་མཚན་ཅན། །དེ་བཞིན་གཤེགས་པ་ཆོས་བརྟན་ཞེས་བྱ་བའི། །
40-1-169b


སྐྱེ་བའི་ཡུལ་ནི་དྲག་ཤུལ་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཁྲི་ཕྲག་བཅུ་ཡོད་ཡབ་ནི་ཡང་དག་གཟིགས། །ཤིན་དུ་ཡང་དག་གཟིགས་མ་རྒྱལ་ཡུམ་སྲས། །བསོད་ནམས་བཟང་པོ་གཟི་བཟངས་རིམ་གྲོ་པ། །བརྟུལ་
ཞུགས་མཆོད་རྟེན་ཞེས་བྱ་མཁས་པ་སྟེ། །ཤེས་རབ་རྣམ་པར་ངེས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་གཅིག་སྟེ། །ཀུན་ལའང་འཁྲུག་པ་མེད་པར་གནས་གྱུར་ཀུན། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་
ལོ་གྲངས་འབུམ་ཕྲག་གཉིས་ཀྱང་ཡིན། །མཚུངས་པ་མེད་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བརྒྱད་བཅུའི་བར་དུ་གནས། །མཆོད་རྟེན་བཟང་པོ་བྱེ་བ་བདུན་བཅུ་དྲུག །ཁོར་ཡུག་རིན་ཆེན་རྒྱལ་མཚན་དག་གིས་བརྒྱན། །སངས་
རྒྱས་གཟི་བརྗིད་དྲག་ཤུལ་ཅན་གྱི་ནི། །སྐྱེ་ཡུལ་གཟི་བརྗིད་མ་སྨད་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་ལག་དབང་ཡིན། །སྤྲིན་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་ངེས་དཔའ་བོ་རིམ་གྲོ་པ། །
སྐྱེ་བ་ཟ་ཞེས་བྱ་བ་ཤེས་ཆེན་ཏེ། །ཞིང་རྣམས་གཡོ་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །འགྲོ་དང་སྲིད་མཐའི་ཕ་རོལ་ཕྱིན་གྱུར་པ། །བྱེ་བ་ཕྲག་ནི་བདུན་བཅུ་རེ་རེ་ཡོད། །རྡུལ་བྲལ་སྐུ་ཚེ་ལོ་གྲངས་ཉིས་བརྒྱ་
ཡིན། །འཇིག་རྟེན་ཕན་ཕྱིར་ཐུབ་པའི་དམ་ཆོས་དག །ལོ་གྲངས་སྟོང་ཕྲག་གཉིས་ཀྱི་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །དཔག་ཚད་དྲུག་བཅུ་པ་སྟེ་རྒྱན་གྱིས་བརྒྱན། །དེ་བཞིན་གཤེགས་པ་ཆོས་ཀྱི་ནོར་བུ་ཡི། །
སྐྱེ་བའི་ཡུལ་ནི་པད་མ་དཀར་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ལེགས་དགའ་ཡིན། །དགའ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཤེས་དགའ་ཚངས་བཟངས་རིམ་གྲོ་པ། །མཉམ་པར་
སེམས་ཤེས་བྱ་བ་མཁས་པ་སྟེ། །འཇིག་རྟེན་འོད་བྱེད་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་གཏི་མུག་མ་རིག་མུན་བཅོམ་པ། །འགོག་པ་ཐོབ་པ་བརྒྱད་བཅུ་བརྒྱད་བཅུ་ཡོད། །མི་ཚེ་ལོ་གྲངས་དག་ནི་
40-1-170a


སུམ་སྟོང་ཡིན། །མཚུངས་པ་མེད་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་སྟོང་ཕྲག་སུམ་བཅུ་དྲུག །འཇིག་རྟེན་མགོན་པོ་བཟང་པོ་
བྱིན་པ་ཡི། །སྐྱེ་བའི་ཡུལ་ནི་པད་མའི་ཏོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་ཕུང་པོ་བཟང་། །ཉི་མའི་རྒྱུད་ཅེས་བྱ་བ་ཡུམ་ཡིན་ནོ། །སྲས་པོ་ཚངས་དགའ་གྲུབ་པ་རིམ་གྲོ་པ། །ལྷ་ཡིས་
མཆོད་ཅེས་བྱ་བ་མཁས་པ་སྟེ། །གསལ་བ་གཏི་མུག་མེད་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་སུམ་བཅུ་སྟེ། །འདུས་པ་ཀུན་ལའང་རྒྱལ་སྲས་ཐམས་ཅད་དག །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །སྐུ་ཚེ་ལོ་གྲངས་
འབུམ་དུ་ཚང་བར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བདུན་བཅུའི་བར་དུ་གནས། །བདེ་བར་གཤེགས་པ་མྱ་ངན་འདས་ནས་ཀྱང་། །སྐུ་གདུང་རྒྱས་འགྱུར་མཆོད་རྟེན་བཞི་ཞིག་འབྱུང་། །མི་ཡི་འདྲེན་པ་བདེ་གཤེགས་
ཟླ་བ་ཡི། །སྐྱེ་བའི་ཡུལ་ནི་གཟི་བརྗིད་སྤྲུལ་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཏོག་བཟངས་ཡིན། །བཟང་ལྡན་མ་ནི་རྒྱལ་ཡུམ་སྲས་པོ་ནི། །རྩི་སྨན་ཡན་ལག་མཉམ་པ་རིམ་གྲོ་པ། །ཡོན་ཏན་
ཚོགས་ཤེས་བྱ་བ་མཁས་པ་སྟེ། །མངོན་པར་འཕགས་པའི་ལྷ་ནི་རྫུ་འཕྲུལ་ཅན། །དྲང་སྲོང་ཆེན་པོའི་སྲས་པོ་ཆགས་མེད་པ། །སེམས་ཞི་རི་དང་མཚུངས་པ་ཐམས་ཅད་དག །འདུས་པ་ལན་གྲངས་དྲུག་བཅུ་རྩ་དྲུག་འདུས། །མི་ཚེ་ལོ་གྲངས་
ཉི་ཤུ་རྩ་ཡང་གཉིས། །གྲགས་པ་མཐའ་ཡས་དེ་ཡི་དམ་ཆོས་དག །ལོ་གྲངས་སུམ་བརྒྱ་ཚངས་པའི་བར་དུ་གནས། །རྒྱལ་བའི་མཆོད་རྟེན་བཟང་པོ་གཅིག་ཡིན་ཏེ། །དཔག་ཚད་བརྒྱད་པ་ཀུན་དུ་མཛེས་པ་ཡིན། །བདེ་བར་
གཤེགས་པ་ཚངས་པའི་དབྱངས་དེ་ཡི། །སྐྱེ་བའི་ཡུལ་ནི་དགའ་བའི་དབྱངས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ན་ཚོད་བཟང་། །ལྷ་དགའ་ཞེས་ནི་བྱ་བ་
40-1-170b


ཡུམ་ཡིན་ནོ། །སྲས་པོ་དགའ་བོ་དུལ་བ་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐ་བ་མེད་ཅིང་ཞི་དུལ་དགའ་བ་པོ། །བསམ་གཏན་པ་
ནི་བྱེ་བ་བྱེ་བ་ཡོད། །མི་ཚེ་ལོ་གྲངས་སྟོང་ཕྲག་བཅུ་དྲུག་ཡིན། །དམ་ཆོས་ལོ་གྲངས་དག་ནི་བརྒྱད་ཁྲིར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་བརྒྱད་ཁྲི་ཚང་བ་སྟེ། །རིན་ཆེན་རྒྱལ་མཚན་དྲ་བ་དག་གིས་གཡོགས། །
དེ་བཞིན་གཤེགས་པ་སེང་གེའི་ཟླ་བ་ཡི། །སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་གཉིས་ཡོད་ཡབ་ནི་ལེགས་བྱིན་ཡིན། །སངས་རྒྱས་བློ་གྲོས་ཡུམ་ཡིན་སྲས་པོ་ནི། །མིག་མི་
མཐུན་པ་ཟླ་བ་རིམ་གྲོ་པ། །རབ་ཏུ་བརྒྱན་པའི་གཟི་བརྗིད་བློ་ལྡན་ཏེ། །རྣམ་པར་ངེས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །འཇིག་རྟེན་ཆགས་མེད་གཡོ་མེད་ང་མེད་པ། །འབུམ་ཕྲག་དྲུག་བཅུ་རྩ་
ནི་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མགོན་པོ་མཆོག་མ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་སྟོང་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །དཔག་ཚད་
གསུམ་པ་རྒྱལ་མཚན་དག་གིས་བརྒྱན། །སངས་རྒྱས་མཚུངས་པ་མེད་པ་དཔལ་དག་གི། །སྐྱེ་བའི་ཡུལ་ནི་འཇིག་རྟེན་མཛེས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་
མྱ་ངན་མེད། །སྡུག་དགའ་ཞེས་བྱ་ཡུམ་ཡིན་སྲས་པོ་ནི། །ཚེར་མ་མེད་པ་དགའ་བ་རིམ་གྲོ་པ། །སྐྱེ་བོས་མཆོད་ཅེས་བྱ་བ་མཁས་པ་སྟེ། །རྒོལ་བ་འཇོམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་
བཞི་བརྒྱ་བརྒྱད་བཅུ་སྟེ། །ཀུན་ལའང་འདམ་རྫབ་དྲ་བ་མུན་སྤངས་པ། །རྡུལ་བྲལ་སྲིད་ལས་གྲོལ་བ་ཤ་སྟག་འདུས། །མི་ཚེ་ལོ་གྲངས་དག་ནི་བརྒྱ་ཡང་ཡིན། །མགོན་པོ་མཆོག་མ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་
40-1-171a


གྲངས་བརྒྱད་བཅུར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་དྲུག་ཁྲི་དྲུག་སྟོང་འབྱུང་། །འཇིག་རྟེན་མཁྱེན་པ་ལེགས་པར་སྐྱེས་པ་ཡི། །སྐྱེས་པའི་ཡུལ་ནི་དེས་པ་ཞེས་ཀྱང་བྱ། །རྒྱལ་བ་རྒྱལ་རིགས་ཡིན་ཏེ་
འོད་དཔག་ཚད། །བྱེ་བ་བདུན་བཅུ་ཡབ་ནི་བདག་ཉིད་ཆེ། །འོད་སྐྱོང་མ་ཞེས་བྱ་བ་རྒྱལ་བའི་ཡུམ། །སྲས་པོ་གློག་འོད་དྲག་ཤུལ་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །སྐྱོན་སེལ་པ་ཞེས་བྱ་བ་རྫུ་འཕྲུལ་ཅན། །
འདུས་པ་ལན་གྲངས་བརྒྱད་བཅུ་ཀུན་ལ་ཡང་། །གནས་མེད་ཕ་རོལ་ཕྱིན་པ་ཐམས་ཅད་པོ། །བྱེ་བ་ཕྲག་ནི་སུམ་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །རྒལ་བར་གྱུར་པའི་དམ་པའི་ཆོས་དག་ཀྱང་། །ལོ་གྲངས་
བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་བརྒྱ་ཕྲག་གསུམ། །སངས་རྒྱས་ཐུབ་པ་མེད་པའི་ཚོགས་དག་གི། །སྐྱེ་བའི་ཡུལ་ནི་མཚན་གྱིས་བརྒྱན་ཅེས་བྱ། །རྒྱལ་བའི་
རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དོན་ཡོད་ཡིན། །གྲགས་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ཟླ་བཟངས་བདེན་པ་རིམ་གྲོ་པ། །སྟོབས་ཀྱིས་འགྲོ་ཞེས་བྱ་བ་མཁས་པ་སྟེ། །རྣམ་པར་འཕྲུལ་པའི་གཟི་
བརྗིད་རྫུ་འཕྲུལ་ཅན། །འདུས་པ་ལན་གྲངས་བཞི་ཁྲི་ཀུན་ལ་ཡང་། །སྲིད་པའི་འཆིང་ལས་གྲོལ་བ་ཐམས་ཅད་པོ། །དྲང་སྲོང་ཆེ་སྲས་བྱེ་བ་བྱེ་བ་ཡོད། །མི་རྣམས་ཚེ་ཚད་ལོ་གྲངས་བཞི་ཁྲི་ཡིན། །འཇིག་རྟེན་བླ་མ་མྱ་ངན་འདས་
ནས་ཀྱང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །སྐུ་གདུང་དག་ནི་རྒྱས་འགྱུར་མཆོད་རྟེན་གྲངས། །བྱེ་བ་བརྒྱ་ཕྲག་དགུ་ཡོད་གསེར་གྱིས་སྤྲས། །དེ་བཞིན་གཤེགས་པ་གྲགས་པའི་བཤེས་གཉེན་གྱི། །སྐྱེ་བའི་
ཡུལ་ནི་གྲགས་པ་འཕགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བྱེ་བ་དགུ་ཡོད་སྦྱིན་སྲེག་འོད་འཕྲོ་ཡབ། །བསོད་ནམས་ཅན་ཞེས་བྱ་བ་ཡུམ་ཡིན་ནོ། །སྲས་པོ་དྲང་སྲོང་ཁྱད་འཕགས་རིམ་གྲོ་པ། །
40-1-171b


ཡོན་ཏན་བདེན་ཞེས་བྱ་བ་མཁས་པ་སྟེ། །འཇིགས་མེད་བློ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་བདུད་དཔུང་བརླག་མཐར་བྱེད་པ་པོ། །བྱེ་བ་ཕྲག་ནི་སུམ་བཅུ་བཞི་བཞི་ཡོད། །
མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །མཚུངས་པ་མེད་པའི་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་བདུན་བཅུ་དྲུག །དེ་བཞིན་
གཤེགས་པ་བདེན་པ་ཞེས་བྱ་བའི། །སྐྱེ་བའི་ཡུལ་ནི་གཟི་བརྗིད་མཛེས་ཤེས་བྱ། །དེའི་རིགས་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བཅུ་ཡོད་མི་ཡི་དབང་པོ་ཡབ། །སྐལ་འདོད་མ་ནི་ཡུམ་ཡིན་སྲས་པོ་ནི། །སྐར་མཁན་
མཆོད་སྦྱིན་བཟང་པོ་རིམ་གྲོ་པ། །སྙན་པར་གྲགས་ཤེས་བྱ་བ་ཤེས་ཅན་ཏེ། །རྣམ་པར་འཕྲུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བྱེ་སྟོང་ཀུན་ལ་ཡང་། །དྲི་གསུམ་དྲི་མ་དྲི་བྲལ་དགྲ་བཅོམ་པ། །བྱེ་བ་བརྒྱ་
ཕྲག་བདུན་བཅུ་བདུན་བཅུ་ཡོད། །སྐུ་ཚེ་ལོ་གྲངས་སུམ་ཁྲི་ཚང་བ་ཡིན། །རྒྱལ་བ་ཞི་བར་ཕྱིན་པའི་དམ་ཆོས་དག །ལོ་གྲངས་དགུ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །
དཔག་ཚད་དགུ་པ་རིན་ཆེན་བརྒྱ་ཡིས་སྤྲས། །བདེ་བར་གཤེགས་པ་དཀའ་ཐུབ་ཆེན་པོ་ཡི། །སྐྱེ་ཡུལ་མགོན་མེད་ཚིམ་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་འོད་ཟེར་བཟང་། །
དགའ་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་འཇིགས་མེད་གྲགས་པ་རིམ་གྲོ་པ། །རྣམ་པར་སྣང་བྱེད་གྲགས་པ་ཤེས་ཅན་ཏེ། །ལྷུན་པོ་སྒུལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང་། །མངོན་
ཤེས་དྲུག་ལྡན་གཏི་མུག་མེད་གྱུར་པ། །བྱེ་བ་བརྒྱ་ཕྲག་བདུན་བཅུ་གསུམ་གསུམ་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །ཕུང་པོ་སྤངས་པའི་དམ་པའི་ཆོས་དག་ཀྱང་། །ལོ་གྲངས་དགུ་འབུམ་བར་དུ་
40-1-172a


གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་བཟང་། །བྱེ་བ་ཕྲག་ནི་ཉི་ཤུ་གཉིས་ཀྱང་ཡོད། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་བཞི་པ། རྡུལ་དང་
བྲལ་བའི་ལྷུན་པོའི་འོད་ཟེར་གྱི། །སྐྱེ་བའི་ཡུལ་ནི་འཇིག་རྟེན་འཕགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་བྱིན་ཡིན། །ཀུན་དུ་བལྟ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཆོད་རྣམ་
གྲོལ་རིམ་གྲོ་པ། །ཤེས་རབ་ཡོན་ཏན་ཞེས་བྱ་མཁས་པ་སྟེ། །སྒྲོགས་པའི་བཤེས་གཉེན་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །སྨྲ་མཚུངས་ལུས་པ་མེད་པར་ཕྱིན་པ་པོ། །བྱེ་བ་ཕྲག་ནི་དགུ་བཅུ་གཉིས་
གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བདུན་བཅུར་གནས། །སྐུ་གདུང་མཆོད་རྟེན་བཟང་པོ་སྟོང་དུ་ཚང་། །རིན་ཆེན་རྒྱལ་མཚན་ཡིད་དུ་འོང་བས་
བརྒྱན། །དེ་བཞིན་གཤེགས་པ་ཡོན་ཏན་བརྩེགས་པ་ཡི། །སྐྱེ་བའི་ཡུལ་ནི་བྱང་ཆུབ་འཕགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་གསུམ་ཡོད་བདག་ཉིད་ཕྱུག་པོ་ཡབ། །ཡོན་ཏན་དགའ་ཞེས་བྱ་བ་ཡུམ་ཡིན་ནོ། །
སྲས་པོ་རྣམ་སྒྲོགས་དོན་ལྡན་རིམ་གྲོ་པ། །རབ་ཏུ་བརྒྱན་ཅེས་བྱ་བ་མཁས་པ་སྟེ། །སྨྲ་བའི་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ཁམས་གསུམ་སྤོང་བར་བྱེད་པ་བསམ་གཏན་པ། །དགྲ་བཅོམ་
པ་དག་ཐེར་འབུམ་ཐེར་འབུམ་ཡོད། །མི་ཡི་ཚེ་ཚད་ལོ་གྲངས་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་སྟོང་བར་དུ་གནས་པར་འགྱུར། །མཆོད་རྟེན་བཟང་པོའི་གྲངས་ནི་བྱེ་བ་ཕྲག །དགུ་བཅུ་རྩ་
གཉིས་རིན་པོ་ཆེ་ཡིས་སྤྲས། །རྡུལ་དང་བྲལ་བ་མཆོད་པ་གྲགས་པ་ཡི། །སྐྱེ་བའི་ཡུལ་ནི་འཇིག་རྟེན་དད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་གསུམ་ཡོད་ཡབ་ནི་ཞིང་བཟངས་ཡིན། །ཕྱོགས་སེམས་མ་ནི་ཡུམ་ཡིན་
40-1-172b


སྲས་པོ་ནི། །བཞིན་གཙང་ཚུལ་མི་འཆོས་པ་རིམ་གྲོ་པ། །དགའ་བའི་ང་རོ་ཞེས་བྱ་མཁས་པ་སྟེ། །རྣམ་པར་སེལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ང་རྒྱལ་རྣམ་གྲོལ་ཐོབ་པའི་བསམ་གཏན་པ། །བྱེ་བ་
ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །རྣམ་པར་ཐར་པར་ཕྱིན་པའི་དམ་ཆོས་དག །ལོ་གྲངས་སུམ་ཁྲི་ཉིས་སྟོང་བར་དུ་གནས། །མཆོད་རྟེན་དཔག་ཚད་བཅུ་གཉིས་པ་ཡི་གྲངས། །དྲུག་ཁྲི་
དྲུག་སྟོང་གསེར་གྱི་རྒྱལ་མཚན་གང་། །དེ་བཞིན་གཤེགས་པ་ཆོས་ཀྱི་གྲགས་པ་ཡི། །སྐྱེ་བའི་ཡུལ་ནི་རྣམ་པར་ངེས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབང་པོ་ཡིན། །མི་གཡོ་བློ་གྲོས་སྐྱེད་པའི་
ཡུམ་སྲས་པོ། །ར་ཧུ་ཤ་ཡིན་བློ་བཟངས་རིམ་གྲོ་པ། །འགྲོ་བས་མཆོད་ཅེས་བྱ་བ་མཁས་པ་སྟེ། །གྲགས་པ་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་བདུད་དཔུང་དཔུང་མེད་བྱེད་པ་པོ། །བྱེ་བ་ཕྲག་ནི་ཉི་
ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་ཁྲི་ཕྲག་ཅིག་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་ཕྲག་གསུམ་འབྱུང་། །བདེ་བར་
གཤེགས་པ་སྦྱིན་པའི་འོད་དག་གི། །སྐྱེ་ཡུལ་འཇིག་རྟེན་ཤིན་དུ་དགའ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་གཅིག་བདག་ཉིད་ཆེན་པོ་ཡབ། །ཡུལ་ལ་དགའ་བ་ཡུམ་ཡིན་སྲས་པོ་ནི། །ཆོས་ཀྱི་འབྱུང་གནས་གཟི་བརྗིད་རིམ་གྲོ་པ། །ཡོན་
ཏན་རྒྱ་མཚོ་ཞེས་བྱ་མཁས་པ་སྟེ། །འཇིག་རྟེན་འཇིགས་མེད་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་པད་མཚུངས་ལུས་པ་མེད་གྱུར་པ། །འདི་དག་ཀུན་ཀྱང་ཐེར་འབུམ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་
ཡིན། །ཕ་རོལ་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །དཔག་ཚད་བརྒྱ་ཙམ་རྒྱལ་མཚན་མཆོག་གིས་གང་། །དེ་བཞིན་གཤེགས་པ་གློག་གིས་བྱིན་པ་ཡི། །སྐྱེ་ཡུལ་རྟག་ཏུ་
40-1-173a


སྣང་བར་བྱས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་གསུམ་ཡོད་ཡབ་ནི་བློ་བཟངས་ཡིན། །བྱང་ཆུབ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་བློ་རྫོགས་ཁྱད་འཕགས་རིམ་གྲོ་པ། །དགའ་བས་ལྟ་ཞེས་
བྱ་བ་མཁས་པ་སྟེ། །འཇིགས་མེད་སེམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་ཡིད་ནི་ཡོངས་དག་དགྲ་བཅོམ་པ། །འཁོར་ནི་ཐེར་འབུམ་བདུན་བཅུ་དྲུག་དྲུག་ཡོད། །མི་ཚེ་ལོ་གྲངས་དག་ནི་ཉིས་སྟོང་
ཡིན། །རྒྱལ་བ་ཐར་པར་ཕྱིན་པའི་དམ་ཆོས་དག །ལོ་གྲངས་དྲུག་སྟོང་བར་དུ་གནས་པར་འགྱུར། །དཔག་ཚད་ལྔ་པའི་སྐུ་གདུང་མཆོད་རྟེན་གཅིག །དེ་བཞིན་གཤེགས་པ་བདེན་པར་གསུང་བ་ཡི། །སྐྱེ་བའི་ཡུལ་ནི་མཆོད་པའི་གནས་ཤེས་བྱ། །དེའི་
རིགས་བྲམ་ཟེ་ཡིན་ཏེ་འོད་དཔག་ཚད། །བྱེ་བ་ཕྲག་བཅུ་བདག་ཉིད་ཆེན་པོ་ཡབ། །མཆོད་རྟེན་གྲགས་ཤེས་བྱ་བ་རྒྱལ་བའི་ཡུམ། །སྲས་པོ་ཆོས་མཆོག་ཆོས་ལྡན་རིམ་གྲོ་པ། །བདུད་འཇོམས་པ་ཞེས་བྱ་བ་མཁས་པ་སྟེ། །སྡུག་བསྔལ་སེལ་
ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །ང་མེད་ཟག་པ་མེད་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །ཆོས་ཐོབ་པ་ཡི་དམ་པའི་ཆོས་དག་ཀྱང་། །
ལོ་གྲངས་ཉི་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་ཐེར་འབུམ་ཕྲག་གསུམ་འབྱུང་། །འཇིག་རྟེན་དག་གི་མགོན་པོ་འཚོ་བྱེད་ཀྱི། །སྐྱེ་བའི་ཡུལ་ནི་ཐམས་ཅད་འབྱོར་ཞེས་བྱ། །རིགས་
ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ངོས་བཟངས་ཡིན། །དགའ་འགྲོ་མ་ཞེས་བྱ་བ་ཡུམ་ཡིན་ནོ། །སྲས་པོ་རྒྱལ་བྱིན་ལུས་བཟངས་རིམ་གྲོ་པ། །སྐྱབས་མཆོག་རྒྱལ་པོ་བློ་གྲོས་ལྡན་པ་སྟེ། །སྐར་མཁན་མཁས་པ་ཞེས་བྱ་
རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང་། །དྲང་སྲོང་གཏི་མུག་མེད་པར་ཐར་དགའ་བ། །བྱེ་བ་ཕྲག་ནི་དྲུག་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །འཇིག་རྟེན་གསུམ་ལས་སྤགས་པའི་
40-1-173b


དམ་ཆོས་དག །ལོ་གྲངས་དགུ་ཁྲི་ཉིས་སྟོང་བར་དུ་གནས། །མཆོད་རྟེན་བཟང་པོའི་གྲངས་ནི་ཐེར་འབུམ་ཕྲག །དགུ་བཅུ་རྩ་ལྔ་དག་ནི་འབྱུང་བར་འགྱུར། །དེ་བཞིན་གཤེགས་པ་ན་ཚོད་བཟང་པོ་ཡི། །སྐྱེ་བའི་ཡུལ་ནི་རྟག་ཏུ་འདོད་ཅེས་བྱ། །
རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མྱ་ངན་མེད། །གྲགས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་དགའ་ཆེན་ཟླ་བ་རིམ་གྲོ་པ། །འགྲོས་མཛེས་པ་ཞེས་བྱ་བ་མཁས་པ་སྟེ། །འཇིགས་མེད་ལྷ་ཞེས་
བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ཡིད་གཉིས་དག་དང་བྲལ་བའི་དགྲ་བཅོམ་ཀུན། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཆིག་སྟོང་ཡིན། །རྒྱལ་བ་འཁྲུག་པ་མེད་
པར་ཕྱིན་པ་ཡི། །དམ་ཆོས་ལོ་གྲངས་སུམ་སྟོང་བར་དུ་གནས། །སྐུ་གདུང་དག་ནི་རྒྱས་འགྱུར་མཆོད་རྟེན་གྲངས། །ཐེར་འབུམ་ཕྲག་གཉིས་སྐུ་གདུང་དག་གིས་བརྒྱན། །བདེ་བར་གཤེགས་པ་ལེགས་པའི་ཚོགས་ཅན་གྱི། །སྐྱེ་བའི་ཡུལ་
ནི་གསེར་གྱི་རི་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་གསུམ་ཡོད་ཡབ་ནི་ལེགས་མཆོད་ཡིན། །ཚོགས་མཁས་མ་ཞེས་བྱ་བ་རྒྱལ་བའི་ཡུམ། །སྲས་པོ་བླ་མ་སྐྱོན་མེད་རིམ་གྲོ་པ། །རྣམ་པར་ལྟ་ཞེས་བྱ་བ་ཤེས་ཅན་ཏེ། །
རྒྱ་མཚོ་བརྩེགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །སྲིད་པའི་སྲེད་ལ་ཆགས་པ་མེད་གྱུར་པ། །སྐྱེ་བའི་བཟློག་པ་དག་ནི་ཁྲི་ཁྲི་ཡོད། །མི་ཚེ་ལོ་གྲངས་དག་ནི་བཞི་སྟོང་ཡིན། །ཟད་མཐར་ཕྱིན་པའི་དམ་པའི་ཆོས་
དག་ཀྱང་། །ལོ་གྲངས་དྲུག་སྟོང་བར་དུ་གནས་པར་འགྱུར། །རྒྱལ་བའི་མཆོད་རྟེན་བྱེ་བ་ཉི་ཤུ་གཉིས། །རྒྱལ་མཚན་དམ་པ་བརྒྱ་སྙེད་དག་གིས་བརྒྱན། །རྒྱལ་བ་རྣམ་པར་ངེས་པའི་བློ་གྲོས་ཀྱི། །སྐྱེ་བའི་ཡུལ་ནི་མཆོད་པར་ངེས་ཤེས་བྱ། །རྒྱལ་
བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅྭ་ལྔ་ཡབ་ནི་སུ་མི་རུ། །ཡོན་ཏན་འཛིན་ཞེས་བྱ་བ་རྒྱལ་བའི་ཡུམ། །སྲས་པོ་མཚན་བཟང་ལེགས་མཐོང་རིམ་གྲོ་པ། །མཐུ་རྩལ་བཅུ་ལྡན་ཞེས་བྱ་མཁས་པ་སྟེ། །རྣམ་འཕྲུལ་ཀླུ་ཞེས་བྱ་བ་རྫུ་འཕྲུལ་ཅན། །
40-1-174a


འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་ལྟ་བའི་དྲ་བསལ་བསམ་གཏན་པ། །བྱེ་བ་ཕྲག་ནི་བདུན་བཅུ་བདུན་བདུན་ཡོད། །མི་ཚེ་ལོ་གྲངས་སྟོང་ཕྲག་བཅྭ་བརྒྱད་ཡིན། །སྲིད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་
གྲངས་བདུན་ཁྲི་བདུན་སྟོང་བར་དུ་གནས། །རྒྱལ་བའི་མཆོད་རྟེན་བདུན་བཅུ་རྩ་བཞི་སྟེ། །རིན་ཆེན་དྲ་བ་ཡིད་དུ་འོང་བས་སྤྲས། །དེ་བཞིན་གཤེགས་པ་སྲིད་མཐའ་ནོར་བུའི་སྤོས། །སྐྱེ་བའི་ཡུལ་ནི་དགའ་བ་དད་ཅེས་བྱ། །རྒྱལ་བའི་རིགས་
ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ཡབ་ནི་དགའ་འབྱོར་ཡིན། །ཡོན་ཏན་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་དགེ་ལེགས་ཕན་ལྡན་རིམ་གྲོ་པ། །བདུད་འཇོམས་པ་ནི་བློ་གྲོས་ལྡན་པ་སྟེ། །བློ་མི་འཁྲུག་ཅེས་བྱ་བ་རྫུ་
འཕྲུལ་ཅན། །འདུས་པ་ལན་གྲངས་དགུ་སྟེ་ཀུན་ལ་ཡང་། །མི་འཁྲུགས་ཡིད་ལྡན་རི་དང་མཚུངས་པ་པོ། །བྱེ་བ་ཕྲག་ནི་བདུན་བཅུ་རེ་རེ་ཡོད། །མི་ཚེ་ལོ་གྲངས་བྱེ་བ་བརྒྱ་ཕྲག་བཅུ། །དམ་ཆོས་ལོ་གྲངས་ཉི་ཁྲི་ཉིས་སྟོང་དང་། །གཞན་ཡང་དགུ་ཁྲི་
དགུ་སྟོང་བར་དུ་གནས། །དཔག་ཚད་ལྔ་པའི་མཆོད་རྟེན་སྐུ་གདུང་བཅས། །གཅིག་སྟེ་རིན་ཆེན་རྒྱལ་མཚན་དྲ་བས་བརྒྱན། །དེ་བཞིན་གཤེགས་པ་རྒྱལ་བས་དགྱེས་པ་ཡི། །སྐྱེ་བའི་ཡུལ་ནི་སེམས་སྦྱངས་པ་ཞེས་བྱ། །རྒྱལ་བའི་རིགས་ནི་
བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ས་ག་ཡིན། །དགྲ་བཅོམ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་མཆོད་ལེགས་གཉིད་སངས་རིམ་གྲོ་པ། །ཕས་ཀྱི་རྒོལ་བ་འཇོམས་པ་མཁས་པ་སྟེ། །འཇིག་རྟེན་བཀྲ་ཤིས་པ་ནི་
རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་རྩ་གསུམ་སྟེ། །ཀུན་ལའང་སྲིད་པ་ཀུན་ལ་མ་ཆགས་པ། །བྱེ་བ་ཕྲག་ནི་གཉིས་གཉིས་ཡོད་པར་འགྱུར། །མི་ཚེ་ལོ་གྲངས་བྱེ་བ་སུམ་བཅུ་གཉིས། །རྒྱལ་བ་མྱ་ངན་འདས་ཀྱང་དམ་ཆོས་དག །
ལོ་གྲངས་བྱེ་བར་ཐེ་ཚོམ་མེད་པར་གནས། །མཆོད་རྟེན་གྲངས་ནི་ཐེར་འབུམ་ཕྲག་གཉིས་ཏེ། །ན་བཟའ་བརྒྱ་སྟོང་སྙེད་ཀྱིས་རྣམ་པར་བརྒྱན། །དེ་བཞིན་གཤེགས་པ་སེང་གེའི་འོད་ཟེར་གྱི། །སྐྱེ་བའི་ཡུལ་ནི་དྲག་ཤུལ་ངེས་ཤེས་བྱ། །དེའི་རིགས་
40-1-174b


བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བྱེ་བ་ཡབ་ནི་གྲོགས་བཟང་ཡིན། །དོན་ལྡན་ང་རོ་ཞེས་བྱ་ཡུམ་ཡང་ཡིན། །སྲས་པོ་དོན་ལྡན་དོན་ཆེན་རིམ་གྲོ་པ། །དགེ་བ་དགའ་ཞེས་བྱ་བ་མཁས་པ་སྟེ། །བདག་བརྟགས་པ་ཞེས་བྱ་བ་རྫུ་འཕྲུལ་ཅན། །འདུས་
པ་དག་ནི་ལན་གྲངས་བདུན་བཅུ་སྟེ། །ཐམས་ཅད་ལ་ཡང་ང་རྒྱལ་སྤངས་པ་པོ། །བྱེ་བ་སྟོང་ཕྲག་དག་ནི་མཐའ་ཡང་ཡས། །མི་ཚེ་ལོ་གྲངས་ཆིག་ཁྲི་བཞི་སྟོང་ཡིན། །རྒྱལ་བའི་དམ་ཆོས་ལོ་གྲངས་ཆིག་ཁྲི་དང་། །གཞན་ཡང་སུམ་ཁྲི་དྲུག་སྟོང་
བར་དུ་གནས། །མཆོད་རྟེན་བྱེ་བ་ཕྲག་ནི་སྟོང་སྙེད་དེ། །གསེར་གྱི་རྒྱལ་མཚན་དག་གིས་འཁོར་བར་བསྐོར། །དེ་བཞིན་གཤེགས་པ་རྣམ་པར་སྣང་མཛད་ཀྱི། །སྐྱེ་བའི་ཡུལ་ནི་གྲགས་པ་ཚད་མེད་ཡིན། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་བྱེ་བ་ཡབ་ནི་ལྷ་ལེགས་ཡིན། །མི་ཡིས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་དགའ་བྱེད་བརྟན་ལྡན་རིམ་གྲོ་པ། །དཔའ་བརྟན་ཞེས་ནི་བྱ་བ་མཁས་པ་སྟེ། །མཐུ་རྩལ་ནོར་གནས་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་
ཏེ་དགྲ་བཅོམ་གྲངས། །བྱེ་བ་ཕྲག་ནི་ཆིག་ཁྲི་ཆིག་སྟོང་དང་། །ཉིས་བརྒྱ་དྲུག་བཅུ་དག་ནི་འབྱུང་བར་འགྱུར། །སྐུ་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བའི་དམ་པའི་ཆོས་ནི་ལོ་གྲངས་དག །ཆིག་ཁྲི་བདུན་སྟོང་བར་དུ་གནས་རྒྱལ་བའི། །སྐུ་གདུང་
མཆོད་རྟེན་དཔག་ཚད་གཉིས་པ་ཅིག །ནོར་བུའི་དྲ་བ་དག་གིས་རྣམ་པར་བརྒྱན། །ཐ་བ་མེད་པ་གྲགས་པ་མཆོག་དག་གི། སྐྱེ་བའི་ཡུལ་ནི་གྲགས་པའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་
ཕྲེང་བཟངས་ཡིན། །མེ་ཏོག་དགའ་ཞེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་ལྷ་བཟངས་རིམ་གྲོ་པ། །སྲིད་པ་གཡོ་བར་བྱེད་པ་མཁས་པ་སྟེ། །ཐེ་ཚོམ་རྣམ་པར་འཇིག་པ་རྫུ་འཕྲུལ་ཅན། །འདུས་པ་ལན་གྲངས་
དྲུག་བཅུ་རྩ་དྲུག་དང་། །གཞན་ཡང་ལན་གྲངས་ཉི་ཤུ་རྩ་བཞི་སྟེ། །འདུས་པ་ཀུན་ལའང་བྱེ་བ་སྟོང་སྟོང་ཡོད། །མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ནི། །བཅུ་བདུན་ཚང་བའི་བར་དུ་གནས་པར་འགྱུར། །སྐུ་གདུང་དག་ནི་
40-1-175a


རྣམ་པར་རྒྱས་འགྱུར་ལ། །མཆོད་རྟེན་དག་གི་གྲངས་ནི་བརྒྱ་ཡང་ཡིན། །མི་ཡི་འདྲེན་པ་ཐུགས་རབ་གཞུངས་པ་ཡི། །སྐྱེ་བའི་ཡུལ་ནི་ཡེ་ཤེས་ལྷ་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་དཔག་ཚད། །དཔག་ཚད་ལྔ་
ཡོད་ཡབ་ནི་སྒྲོན་མ་ཡིན། །བྱང་ཆུབ་ཡན་ལག་དགའ་བ་རྒྱལ་བའི་ཡུམ། །སྲས་པོ་ཤེད་བུ་དགེ་བཟང་རིམ་གྲོ་པ། །འགྲོ་བས་མཆོད་ཅེས་བྱ་བ་མཁས་པ་སྟེ། །ཡེ་ཤེས་སྟོབས་མཆོག་ལྡན་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་རྩ་དྲུག་སྟེ། །འཇིག་
རྟེན་རྒོལ་བ་རབ་འཇོམས་གཡོ་མེད་ལ། །ཁ་གསག་མེད་པའི་དགྲ་བཅོམ་ཤ་སྟག་འདུས། །མི་ཚེ་ལོ་གྲངས་དག་ནི་ཁྲི་ཡང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་ཆིག་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་
ལ། །མཆོད་རྟེན་གྲངས་ནི་བྱེ་བ་དགུར་ཡང་ཚང་། །དེ་བཞིན་གཤེགས་པ་ནོར་བུ་ཟླ་བ་ཡི། །སྐྱེ་བའི་ཡུལ་ནི་མིག་གིས་མཐོང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་འོད་ཟེར་བཟང་པོ་ཡབ། །གྲགས་ལྡན་མ་ཞེས་བྱ་བ་རྒྱལ་བའི་
ཡུམ། །སྲས་པོ་ཆོས་འདོད་སྐར་རྒྱལ་རིམ་གྲོ་པ། །འགྲོ་བ་ལྟ་ཞེས་བྱ་བ་མཁས་པ་སྟེ། །མཛའ་ཡི་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ལེགས་རྟོགས་སེམས་ལྡན་ཚུལ་ཁྲིམས་མཚུངས་པ་པོ། །དགྲ་བཅོམ་བྱེ་བ་ཕྲག་
ནི་བརྒྱ་བརྒྱ་ཡོད། །མི་ཚེ་ལོ་གྲངས་ཆིག་ཁྲི་ཉིས་སྟོང་ཡིན། །རྒྱལ་བ་སྲིད་པ་ཞི་བར་གྱུར་པ་ཡི། །དམ་ཆོས་ལོ་གྲངས་སྟོང་ཕྲག་བཅུ་ཡང་གནས། །རྒྱལ་བའི་མཆོད་རྟེན་དྲུག་བཅུ་རྩ་གཉིས་ཏེ། །གདུགས་གྲངས་ཆིག་ཁྲི་དྲུག་སྟོང་དག་གིས་བརྒྱན། །དེ་བཞིན་
གཤེགས་པ་དྲག་ཤུལ་འོད་ཟེར་གྱི། །སྐྱེ་ཡུལ་འོད་ནི་རྟག་པ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །གླིང་བཞི་པ་ཙམ་བརྒྱད་ཡོད་དབྱངས་སྙན་ཡབ། །རྒྱལ་ལྡན་མ་ནི་ཡུམ་ཡིན་སྲས་པོ་ནི། །ཁ་ལོ་བསྒྱུར་ཡིན་དབྱེན་མེད་
རིམ་གྲོ་པ། །འགྲོས་མཁས་པ་ཞེས་བྱ་བ་མཁས་པ་སྟེ། །འཇིག་རྟེན་པ་ཡིས་བསྔགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །ང་མེད་ཕུང་པོར་འཛིན་པ་སྤངས་པ་པོ། །བྱེ་བ་ཕྲག་ནི་བཅུ་བཞི་བཅུ་བཞི་ཡོད། །མི་ཚེ་ལོ་གྲངས་
40-1-175b


དག་ནི་བརྒྱད་ཁྲི་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཞི་བཅུ་རྩ་དྲུག་བར་དུ་གནས་པར་འགྱུར། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང་། །དེ་བཞིན་གཤེགས་པ་བརྟུལ་ཞུགས་ཐུབ་མེད་ཀྱི། །སྐྱེ་བའི་ཡུལ་ནི་དགའ་
བས་ཚིམ་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡིན་ཡབ་ནི་ལྷ་དབང་ཡིན། །ས་བདག་མ་ཞེས་བྱ་བ་རྒྱལ་བའི་ཡུམ། །སྲས་པོ་བྱམས་པ་ལེགས་བྱམས་རིམ་གྲོ་པ། །བློ་མཚུངས་པ་ཞེས་བྱ་བ་མཁས་པ་སྟེ། །ལེགས་ངེས་ཐོབ་ཅེས་བྱ་བ་རྫུ་འཕྲུལ་
ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །དགྲ་བཅོམ་བྱེ་ཕྲག་དགུ་བཅུ་གཉིས་གཉིས་ཡོད། །ལྷག་པ་གཞན་ཡང་བརྒྱད་སྟོང་བརྒྱད་སྟོང་ཡིན། །མི་ཚེ་ལོ་གྲངས་སྟོང་ཕྲག་བདུན་བཅུ་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དྲུག་བཅུ་རྩ་དགུའི་བར་དུ་
གནས་པར་འགྱུར། །མཆོད་རྟེན་གྲངས་ནི་བྱེ་བ་ཕྲག་བརྒྱ་དང་། །ལྷག་ཀྱང་རྩ་ལྔ་གསེར་གྱི་རྒྱལ་མཚན་ཅན། །འོད་དང་ལྡན་པ་འགྲོ་བས་མཆོད་པ་ཡི། །སྐྱེ་བའི་ཡུལ་ནི་སེམས་སྦྱངས་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་
བྱམས་ལེགས་ཡིན། །བློ་གྲོས་གྲགས་མ་ཡུམ་ཡིན་སྲས་པོ་ནི། །རིན་ཆེན་རིན་ཆེན་བཟང་པོ་རིམ་གྲོ་པ། །བརྟུལ་ཞུགས་ཆེན་པོ་ཞེས་བྱ་མཁས་པ་སྟེ། །སྐྱེས་མཆོག་དམ་པ་ཞེས་བྱ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་དང་། །གཞན་ཡང་
ལྷག་པ་ཉེར་གཉིས་ཀུན་ལའང་། །བྱེ་བ་སྟོང་ཕྲག་བཅྭ་བརྒྱད་བཅྭ་བརྒྱད་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མཆོད་པའི་གནས་ཀྱི་དམ་པའི་ཆོས་དག་ཀྱང་། །ལོ་གྲངས་སྟོང་དུ་གནས་ཤིང་སྐུ་གདུང་རྒྱས། །མཆོད་རྟེན་གྲངས་ནི་བརྒྱད་ཁྲི་ཉིས་སྟོང་སྟེ། །
རིན་ཆེན་སྤྲས་ཤིང་འགྲོ་བ་དག་གིས་བརྒྱན། །དེ་བཞིན་གཤེགས་པ་ནོར་བུའི་ཚོགས་སྐྱེ་བའི། །ཡུལ་ནི་གཟི་བྱིན་ཀུན་ལས་འཕགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་དྲང་སྲོང་དབང་པོ་ཡབ། །ལྷ་དགའ་ཞེས་ནི་
བྱ་བ་ཡུམ་ཡིན་ནོ། །སྲས་པོ་ལྷ་ཡིན་ལྷ་བཟང་རིམ་གྲོ་པ། །མི་ཡི་དབང་ཕྱུག་ཅེས་བྱ་མཁས་པ་སྟེ། །ཆགས་མེད་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་རྩ་དྲུག་སྟེ། །ཀུན་ལའང་སོ་སོ་ཡང་དག་རིག་ཤེས་པའི། །
40-1-176a


ཕ་རོལ་ཕྱིན་པ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཞི་བཅུར་ཚང་བའི་བར་དུ་གནས་པར་འགྱུར། །རྒྱལ་བའི་མཆོད་རྟེན་བྱེ་བ་ཕྲག་བཅུ་སྟེ། །གསེར་གྱི་
པད་མ་དག་གིས་འཁོར་བར་བསྐོར། །དེ་བཞིན་གཤེགས་པ་འཇིག་རྟེན་བླ་མ་ཡི། །སྐྱེ་ཡུལ་བསོད་ནམས་ཡང་དག་འཕགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བརྒྱད་བཅུ་ཡབ་ནི་དཔལ་ལྡན་ཡིན། །ཕྱོགས་ལྷ་
ཞེས་ནི་བྱ་བ་རྒྱལ་བའི་ཡུམ། །སྲས་པོ་པད་མ་བློ་བཟངས་རིམ་གྲོ་པ། །ཀུན་དུ་དགའ་ཞེས་བྱ་བ་མཁས་པ་སྟེ། །ཡེ་ཤེས་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་ནི་དྲུག་བཅུ་སྟེ། །ཀུན་ལའང་ལྷག་མེད་མྱ་ངན་འདས་ཕྱིན་པ། །དགྲ་
བཅོམ་བྱེ་བ་བརྒྱ་ཕྲག་བཅུ་བཅུ་ཡོད། །མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་ཉིས་སྟོང་བར་དུ་གནས་པར་འགྱུར། །མཆོད་རྟེན་དགུ་བཅུ་རྩ་བཞི་ཚང་བ་སྟེ། །རིན་ཆེན་རང་བཞིན་ལན་ཀན་དག་
གིས་བརྒྱན། །དེ་བཞིན་གཤེགས་པ་གླང་ཆེན་སེང་གེ་ཡི། །སྐྱེ་བའི་ཡུལ་ནི་མདངས་སྡུག་པ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་མཆོད་སྦྱིན་བཟང་པོ་ཡབ། །འགྲོ་དགའ་རྒྱལ་བའི་ཡུམ་ཡིན་སྲས་པོ་ནི། །མེ་ཏོག་
མེ་ཏོག་བཟང་པོ་རིམ་གྲོ་པ། །མཆོད་པར་འོས་ཤེས་བྱ་བ་མཁས་པ་སྟེ། །ལྷ་ཡིས་ཕྱག་བྱས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཤིན་དུ་ངེས་པའི་ཤེས་རབ་ལྡན་པ་པོ། །དགྲ་བཅོམ་སེམས་སྦྱངས་བྱེ་བ་སྟོང་
སྟོང་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་ནི་ལོ་གྲངས་བྱེ་བ་ཕྲག །ལྔ་དག་ཚང་བའི་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །ཐེར་འབུམ་ཕྲག་གཅིག་ཆིག་འབུམ་ལྔ་སྟོང་ཡོད། །དེ་
བཞིན་གཤེགས་པ་ཟླ་བ་སྐྱེ་བ་ཡི། །ཡུལ་ནི་སྙིང་པོ་རྟག་ཏུ་བརྟན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ས་ལའི་དབང་པོ་ཡབ། །ཡོན་ཏན་སྨྲ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་སྦྱིན་ཆོས་བཟངས་
40-1-176b


རིམ་གྲོ་པ། །རབ་ཏུ་ཞི་དགའ་ཞེས་བྱ་མཁས་པ་སྟེ། །འཇིག་རྟེན་མི་གནས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །ཤེས་རབ་ལེགས་བསྒོམས་ཕ་རོལ་ཕྱིན་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་
ཚེ་ལོ་གྲངས་བདུན་ཁྲི་བཞི་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །མཆོད་རྟེན་གྲངས་ནི་ཐེར་འབུམ་ཕྲག་གཉིས་འབྱུང་། །དེ་བཞིན་
གཤེགས་པ་རིན་ཆེན་འོད་ཟེར་གྱི། །སྐྱེ་བའི་ཡུལ་ནི་ཤེས་རབ་སྣང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་གསུམ་ཡོད་ཡབ་ནི་ཆུ་དབང་པོ། །དགེ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རིག་དགའ་ལྷ་ནི་
རིམ་གྲོ་པ། །བློ་གྲོས་མིག་ལྡན་པ་ནི་མཁས་པ་སྟེ། །ཡིད་སྦྱངས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །འཇིག་རྟེན་མ་ཆགས་རྣམ་གྲོལ་ཐོབ་པ་པོ། །འཁྲུལ་མེད་སྐྱུགས་པ་བོར་བ་ཤ་སྟག་གོ། །མི་
ཚེ་ལོ་གྲངས་དག་ནི་སུམ་སྟོང་ཡིན། །རབ་ཏུ་ཞི་བར་ཕྱིན་པའི་དམ་ཆོས་དག །ལོ་གྲངས་སུམ་སྟོང་ཚང་བའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་ནོར་བུའི་དྲ་བས་སྤྲས། །དེ་བཞིན་
གཤེགས་པ་སྒྲ་གཅན་སྦེད་པ་ཡི། །སྐྱེ་བའི་ཡུལ་ནི་དགེ་བས་བརྒྱན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མཐུ་ལྡན་ཡིན། །གྲགས་པའི་བླ་མ་ཞེས་བྱ་ཡུམ་ཡིན་ནོ། །སྲས་པོ་ལྷ་དགའ་
ཆོས་ལྡན་རིམ་གྲོ་པ། །གསེར་ལྟ་བུ་ཞེས་བྱ་བ་མཁས་པ་སྟེ། །འཇིག་རྟེན་འོད་བྱེད་པ་ནི་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་དང་། །གཞན་ཡང་ཉི་ཤུ་རིམས་ནད་མེད་པ་པོ། །བྱེ་བ་འབུམ་ཕྲག་ཚང་བ་ཤ་སྟག་
གོ། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུར་ནི་ཚང་བར་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་ཕྲག་ནི་ཉི་ཤུ་གཉིས་ཀྱང་ཡིན། །
40-1-177a


དེ་བཞིན་གཤེགས་པ་ཡོན་ཏན་རྒྱ་མཚོ་ཡི། །སྐྱེ་བའི་ཡུལ་ནི་བྱང་ཆུབ་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སུམ་བཅུ་ཡབ་ནི་པད་མ་བཟང་། །པད་མ་ཅན་ཞེས་བྱ་བ་རྒྱལ་བའི་ཡུམ། །སྲས་
པོ་པད་མ་པད་བཟངས་རིམ་གྲོ་པ། །ཡོན་ཏན་སྤོས་འོད་དེ་ནི་མཁས་པ་སྟེ། །ཀུན་དུ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་སྟེ་ཀུན་ལ་ཡང་། །རྩྭ་ཤིང་མེད་པར་མཚུངས་པའི་སེམས་ཐོབ་པ། །བྱེ་བ་ཕྲག་ནི་ཉི་ཤུ་གཉིས་
གཉིས་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་རྒྱས་འགྱུར་མཆོད་རྟེན་དག་གི་གྲངས། །སྟོང་ཕྲག་བརྒྱད་བཅུ་དག་ནི་ཚང་བར་འགྱུར། །
དེ་བཞིན་གཤེགས་པ་འོད་ཟེར་ལྡན་པ་ཡི། །སྐྱེ་བའི་ཡུལ་ནི་འཁྲུལ་པ་མེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་དགེ་བཟང་ཡིན། །རིན་ཆེན་མཆོག་ཡུམ་སྲས་པོ་ཡན་ལག་གཡོ། །ཡན་ལག་
སྡུག་ལྡན་པ་ནི་རིམ་གྲོ་པ། །རབ་ཏུ་བརྒྱན་པའི་དབྱངས་ནི་བློ་ལྡན་ཏེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བཅྭ་བརྒྱད་ཀུན་ལ་ཡང་། །བསྒོམས་རྒྱུས་ཉོན་མོངས་ཐལ་བར་བརླག་པ་པོ། །བྱེ་བ་ཕྲག་ནི་སུམ་ཁྲི་སུམ་
ཁྲི་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་དུ་དཔག་ཚད་གཅིག་པ་
གདུགས་ཀྱིས་བརྒྱན། །སངས་རྒྱས་རབ་ཏུ་ཞི་བའི་སྟོབས་དག་གི། སྐྱེ་བའི་ཡུལ་ནི་མཛེས་པར་མཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །སུམ་བཅུ་གཉིས་ཡོད་ཡབ་ནི་ཚངས་བཟངས་ཡིན། །མཁས་བློ་མ་ཞེས་
བྱ་བ་ཡུམ་ཡིན་ནོ། །སྲས་པོ་སྐར་མཁན་སྐར་བཟངས་རིམ་གྲོ་པ། །སྐྱེས་པ་བུད་མེད་དགའ་བ་མཁས་པ་སྟེ། །འཇིག་རྟེན་དད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །འཇིག་རྟེན་དག་གི་མཐར་
40-1-177b


ནི་ཕྱིན་པ་པོ། །དགྲ་བཅོམ་དགེ་འདུན་བྱེ་བ་བཅུ་བཅུ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་དག་གི་གྲངས་ཀྱང་བྱེ་
བ་འབྱུང་། །བདེ་བར་གཤེགས་པ་འཇིག་རྟེན་བཟང་པོ་ཡི། །སྐྱེ་བའི་ཡུལ་ནི་དགའ་བ་འབྱུང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་སྨན་པ་བཟང་། །མང་པོས་མཆོད་ཅེས་བྱ་བ་རྒྱལ་བའི་ཡུམ། །སྲས་
པོ་ཟླ་ཉི་རྩི་སྨན་རིམ་གྲོ་པ། །ཡེ་ཤེས་མཆོག་ཅེས་བྱ་བ་མཁས་པ་སྟེ། །གཏི་མུག་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་གཉིས་ཏེ། །རེ་རེ་ཀུན་ལའང་དགྲ་དག་བཅོམ་པའི་ཚོགས། །ཐེར་འབུམ་ཕྲག་ནི་ལྔ་ལྔ་
འབྱུང་བར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །འགྲོ་བའི་དོན་དུ་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅྭ་ལྔའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་རིན་ཆེན་བཟང་པོས་སྤྲས། །མི་
ཡི་མཆོག་མ་མྱ་ངན་མེད་པ་ཡི། །སྐྱེ་བའི་ཡུལ་ནི་མྱ་ངན་འཚང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གཅིག་ཡབ་ནི་མྱ་ངན་མེད། །མྱ་ངན་སྤོང་ཞེས་བྱ་བ་རྒྱལ་བའི་ཡུམ། །སྲས་པོ་མཛེས་ཅན་སྡུག་ལེགས་
རིམ་གྲོ་པ། །རབ་ཏུ་བརྒྱན་པ་ཤེས་བློ་ཅན་ཡིན་ཏེ། །རྣམ་པར་འཕྲུལ་པའི་སེམས་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །འདུས་པ་ཀུན་ལའང་ཡིད་ནི་རབ་ཞི་བ། །བྱེ་བ་ཕྲག་ནི་བཞི་བཅུ་བཞི་བཅུ་ཡོད། །མི་ཚེ་ལོ་
གྲངས་དག་ནི་ཁྲི་ཡང་ཡིན། །འགྲོ་ལ་ཕན་ཕྱིར་རྒྱལ་བའི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །མཆོད་རྟེན་གྲངས་ནི་ཐེར་འབུམ་ཕྲག་གཉིས་ཏེ། །མུ་ཏིག་རྒྱལ་མཚན་རིན་ཆེན་མཆོག་གིས་སྤྲས། །དེ་བཞིན་
གཤེགས་པ་ཤུགས་བཅུ་པ་དག་གི། །སྐྱེ་བའི་ཡུལ་ནི་མཐོང་ན་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་གཉིས་ཡོད་ཡབ་ནི་སྟོབས་དབང་ཡིན། །ང་རོ་སྙན་ཞེས་བྱ་བ་རྒྱལ་བའི་ཡུམ། །སྲས་པོ་
40-1-178a


སྐད་སྙན་བཟང་པོ་རིམ་གྲོ་པ། །དབྱངས་སྙན་པ་ཞེས་བྱ་བ་མཁས་པ་སྟེ། །སེང་གེའི་གླལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རི་ཡི་རྒྱལ་པོ་ལྟ་བུར་མི་གཡོ་བ། །བྱེ་བ་ཕྲག་ནི་འབུམ་
ཕྲག་རེ་རེ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །བཅུ་དྲུག་དག་གི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །དཔག་ཚད་བཅུ་པའི་མཆོད་རྟེན་གདུང་
བཅས་གཅིག །དེ་བཞིན་གཤེགས་པ་སྟོབས་ལ་དགྱེས་པ་ཡི། །སྐྱེ་བའི་ཡུལ་ནི་དགའ་བའི་དབྱངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་བྱིན་ཡིན། །དགའ་མཆོག་མ་
ཞེས་བྱ་བ་རྒྱལ་བའི་ཡུམ། །སྲས་པོ་དགའ་བོ་ཀླུ་ཆེན་རིམ་གྲོ་པ། །འཇིག་རྟེན་གསུམ་དུ་སྣང་བ་མཁས་པ་སྟེ། །འཇིགས་པ་མེད་པའི་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །རྩྭ་ཤིང་ལྟ་བུར་
ཆགས་པ་མེད་པ་པོ། །ངར་མི་འཛིན་པ་ཉིས་འབུམ་ཉིས་འབུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །དམ་ཆོས་དག་ནི་ལོ་གྲངས་སྟོང་དུ་གནས། །མཆོད་རྟེན་གྲངས་ནི་བདུན་ཁྲི་བཞི་སྟོང་ཀུན། །ལྷ་ཡི་ལྷ་རྫས་
གཞལ་མེད་ཁང་ལྟ་བུར། །གསེར་གྱི་རྒྱལ་མཚན་དག་གིས་རྣམ་པར་སྤྲས། །བདེ་བར་གཤེགས་པ་མཐུ་དཔལ་སྐྱེ་བ་ཡི། །ཡུལ་ནི་ལེགས་པར་བརྟན་པོ་སྦེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་
ཡོད་ཡབ་ནི་ལེགས་ཡིད་གཞུངས། །པད་མ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་དབང་ཚོགས་དབང་རིམ་གྲོ་པ། །བློ་སྦྱོང་བ་ཞེས་བྱ་བ་མཁས་པ་སྟེ། །འཁྲུག་པ་མེད་པའི་བློ་ལྡན་རྫུ་འཕྲུལ་ཅན། །འདུས་པ་
ལན་གྲངས་བརྒྱ་རྩ་བཅུ་དྲུག་སྟེ། །ཀུན་ལའང་བར་སྣང་མི་གནས་འདྲ་བ་པོ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་སྟོང་ཡང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་
40-1-178b


དྲུག་ཁྲི་དྲུག་སྟོང་བར་དུ་གནས། །ཞི་བར་ཕྱིན་པའི་སྐུ་གདུང་རྒྱས་འགྱུར་ལ། །རིན་ཆེན་མཆོད་རྟེན་བྱེ་བ་ཕྲག་གཉིས་འབྱུང་། །དེ་བཞིན་གཤེགས་པ་མཐུ་ཐོབ་པ་དེ་ཡི། །སྐྱེ་བའི་ཡུལ་ནི་ལེགས་གནས་མཆོག་ཅེས་བྱ། །
རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་རྣམ་པར་རོལ་པ་ཡབ། །ངེས་པར་བྱ་ཞེས་བྱ་བ་རྒྱལ་བའི་ཡུམ། །སྲས་པོ་མ་སྨད་དུལ་བ་རིམ་གྲོ་པ། །འགྲོ་བ་དགའ་ཞེས་བྱ་བ་མཁས་པ་སྟེ། །བསོད་
ནམས་ཕུང་པོའི་གཟི་བརྗིད་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །སྨས་པ་མེད་ཅིང་རིམས་ནད་མེད་པ་པོ། །དགྲ་བཅོམ་ཐེར་འབུམ་ཕྲག་ནི་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་
བཞི་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་གཉིས་བར་དུ་གནས་པར་འགྱུར། །རྒྱལ་བའི་སྐུ་གདུང་བཅས་པའི་མཆོད་རྟེན་གྲངས། །བདུན་ཡོད་དཔག་ཚད་གཅིག་པ་གསེར་གྱིས་སྤྲས། །
དེ་བཞིན་གཤེགས་པ་མཐུ་ནི་ཆེན་པོ་ཡི། །སྐྱེ་བའི་ཡུལ་ནི་རྒྱལ་བར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་གསུམ་ཡོད་གཞལ་མེད་ཁང་པ་ཡབ། །ཡིད་དགའ་ཡུམ་ཡིན་
ཁ་ལོ་སྒྱུར་བ་ནི། །སྲས་པོ་ཤིན་དུ་བདེན་པ་རིམ་གྲོ་པ། །འགྲོས་སྡུག་པ་ཞེས་བྱ་བ་མཁས་པ་སྟེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཞི་བཅུ་སྟེ། །ཀུན་ལའང་སེམས་ནི་
ཟླ་བ་ཉ་འདྲ་བ། །བྱེ་བ་ཕྲག་ནི་ཉི་ཁྲི་ཉི་ཁྲི་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །མཚུངས་པ་མེད་པ་མྱ་ངན་འདས་
ནས་ཀྱང་། །མཆོད་རྟེན་གྲངས་ནི་ཐེར་འབུམ་ཕྲག་བཅུ་འབྱུང་། །དེ་བཞིན་གཤེགས་པ་ཡོན་ཏན་སྙིང་པོ་ཡི། །སྐྱེ་བའི་ཡུལ་ནི་མཆོད་རྟེན་མཆོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་
40-1-179a


བདག་ཉིད་ཆེན་པོ་ཡབ། །འགྲོས་མཆོད་རྒྱལ་ཡུམ་སྲས་པོ་རྫུ་འཕྲུལ་ཅན། །ཤིན་དུ་འབྱོར་ཞེས་བྱ་བ་རིམ་གྲོ་པ། །ཆུ་ལྷ་དགའ་ཞེས་བྱ་བ་མཁས་པ་སྟེ། །ཚངས་པ་ལྷ་ཞེས་བྱ་བ་རྫུ་འཕྲུལ་ཅན། །འདུས་པ་ལན་
གྲངས་བཅུ་སྟེ་ཀུན་ལ་ཡང་། །དྲི་བསྲུང་དྲི་བྲལ་ཆགས་པ་མེད་གྱུར་པ། །བྱེ་བ་ཕྲག་ནི་བརྒྱ་བརྒྱ་འབྱུང་བར་འགྱུར། །རྒྱལ་བའི་སྐུ་ཚེ་ལོ་གྲངས་ཁྲི་ཆིག་སྟོང་། །འཇིག་རྟེན་གསུམ་ལ་ཕན་ཕྱིར་དམ་ཆོས་དག །ལོ་གྲངས་ཉི་ཁྲི་
སུམ་སྟོང་བར་དུ་གནས། །རྒྱལ་བའི་སྐུ་གདུང་བཅས་པའི་མཆོད་རྟེན་གཅིག །དཔག་ཚད་བཞི་པ་གདུགས་གྲངས་སྟོང་དང་ལྡན། །དེ་བཞིན་གཤེགས་པ་བདེན་པར་སྤྱོད་པ་ཡི། །སྐྱེ་བའི་ཡུལ་ནི་བདེན་པ་འདོད་ཅེས་བྱ། །
རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་སྟོབས་ལྡན་ཞི། །འོད་མཛེས་པ་ཞེས་བྱ་བ་རྒྱལ་བའི་ཡུམ། །སྲས་པོ་མཆོག་ལྡན་དོན་བཟངས་རིམ་གྲོ་པ། །ཡོན་ཏན་མཐུ་རྩལ་ཞེས་བྱ་མཁས་པ་སྟེ། །མཐུ་
རྩལ་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་ཉོན་མོངས་དྲི་མ་ཀུན་སྤངས་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །ཞི་བར་ཕྱིན་པའི་དམ་པའི་ཆོས་
དག་ཀྱང་། །ལོ་གྲངས་དགུ་ཁྲི་དགུ་སྟོང་བར་དུ་གནས། །རྒྱལ་བའི་མཆོད་རྟེན་དགུ་བཅུ་རྩ་བཞི་སྟེ། །རིན་ཆེན་རྟ་བབས་གསེར་གྱིས་རྣམ་པར་སྤྲས། །དེ་བཞིན་གཤེགས་པ་དགེ་མཆོག་རྒྱལ་པོ་ཡི། །སྐྱེ་
བའི་ཡུལ་ནི་མི་འཇིགས་རྫི་བ་མེད། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་གླང་པོའི་དབང་པོ་ཡབ། །སེམས་མཚུངས་མ་ཞེས་བྱ་བ་རྒྱལ་བའི་ཡུམ། །སྲས་པོ་སྲིད་དགའ་མཆོད་
པ་རིམ་གྲོ་པ། །སྤོབས་པའི་ང་རོ་ཞེས་བྱ་བློ་ལྡན་ཏེ། །གྲགས་པ་ཀུན་འཕགས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །ཀུན་ལའང་དྲང་སྲོང་བདུད་ཡུལ་བྲལ་བ་པོ། །བྱེ་བ་ཕྲག་ནི་
40-1-179b


ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་སྟོང་ཚང་བར་གནས་པར་འགྱུར། །དཔག་ཚད་གཉིས་པའི་སྐུ་གདུང་མཆོད་རྟེན་གཅིག །གསེར་གྱི་རྒྱལ་མཚན་གདུགས་
ཀྱིས་རྣམ་པར་སྤྲས། །བདེ་གཤེགས་ཡོན་ཏན་རྒྱ་མཚོ་སྐར་རྒྱལ་གྱི། །སྐྱེ་བའི་ཡུལ་ནི་མཚན་གྱིས་སྤྲས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་ལྡན་ཡིན། །ཡིད་དགའ་མ་ཞེས་བྱ་བ་རྒྱལ་
བའི་ཡུམ། །སྲས་པོ་ཁྲོས་ཅན་རྡུལ་བྲལ་རིམ་གྲོ་པ། །ཡིད་གཉིས་སྤོང་ཞེས་བྱ་བ་མཁས་པ་སྟེ། །ཐེ་ཚོམ་འཇོམས་ཤེས་བྱ་བ་རྫུ་འཕྲུལ་ཅན། །འདུས་ལན་གྲངས་དྲུག་བཅུ་རྩ་གཉིས་ཏེ། །ཀུན་ལའང་དངོས་པོ་བསལ་བར་གྱུར་པ་པོ། །
འཆིང་བ་བཅད་པ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །སུམ་བཅུ་རྩ་གཉིས་བར་དུ་གནས་པར་འགྱུར། །མཆོད་རྟེན་གྲངས་ནི་དགུ་ཁྲི་དགུ་སྟོང་
སྟེ། །ལྷ་ཡི་གཞལ་མེད་ཁང་ལྟར་ཤིན་དུ་སྤྲས། །དེ་བཞིན་གཤེགས་པ་འོད་ཟེར་ཆེན་པོ་ཡི། །སྐྱེ་བའི་ཡུལ་ནི་བསོད་ནམས་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཏོག་བཟངས་
ཡིན། །ཏོག་གི་བློ་གྲོས་མ་ནི་རྒྱལ་བའི་ཡུམ། །སྲས་པོ་ལྷས་བྱིན་བླ་མ་རིམ་གྲོ་པ། །སྲིད་པའི་རྒྱ་མཚོ་འཁྲུགས་བྱེད་མཁས་པ་སྟེ། །སྨྲ་བའི་ཁྱུ་མཆོག་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་དགུ་སྟེ་ཀུན་ལ་ཡང་། །
སྲིད་པའི་རྒྱ་མཚོ་སྐེམས་པའི་ཡིད་ལྡན་པ། །བྱེ་བ་ཕྲག་ནི་སུམ་བཅུ་དགུ་དགུ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་ཆིག་སྟོང་བར་དུ་གནས། །སྐུ་གདུང་
རྒྱས་འགྱུར་ས་གཞི་ཐམས་ཅད་དུ། །མཆོད་རྟེན་གྲངས་ནི་དགུ་ཁྲི་འབྱུང་བར་འགྱུར། །ཡོན་ཏན་མངའ་བ་གློག་གི་འོད་སྐྱེ་བའི། །ཡུལ་ནི་གཟི་བྱིན་ཤིན་དུ་བརྒྱན་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ལྔ་
40-1-180a


བརྒྱ་ཡབ་ནི་ལག་བཟངས་ཡིན། །ལྷས་བསམས་མ་ཞེས་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་ངོས་བཟངས་རིམ་གྲོ་པ། །གྲགས་མཆོག་ཅེས་ནི་བྱ་བ་མཁས་པ་སྟེ། །ཁ་ལོ་བསྒྱུར་བའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་
བཅུ་གཅིག་ཀུན་ལ་ཡང་། །ཚུལ་བཞིན་ཆོས་ལ་འཇིགས་མེད་ཐོབ་གྱུར་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་དགུ་འབུམ་བར་དུ་གནས་པར་འགྱུར། །རྒྱལ་
བའི་མཆོད་རྟེན་དཔག་ཚད་བཞི་པ་དག །གསེར་གྱི་མཆོད་རྟེན་རྒྱལ་མཚན་དག་གིས་བསྐོར། །བདེ་གཤེགས་མགོན་པོ་ཡོན་ཏན་རྒྱ་ཆེན་གྱི། །སྐྱེ་བའི་ཡུལ་ནི་མཚན་མོ་རྒྱས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་
དྲུག་ཡོད་ཡབ་ནི་བློ་བཟང་ཡིན། །བློ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རྟོགས་མེད་བློ་ལྡན་རིམ་གྲོ་པ། །བློས་འགྲོ་བ་ཞེས་བྱ་བ་མཁས་པ་སྟེ། །རྣམ་པར་འཕྲུལ་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང་། །ལྷུན་
པོའི་རྩེ་ལྟར་གཡོ་བ་མེད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །རྒྱལ་བ་ཐུབ་པ་ཞི་བར་ཕྱིན་པ་ཡི། །དམ་པའི་ཆོས་དག་ལོ་གྲངས་སྟོང་དུ་གནས། །མཆོད་རྟེན་ཐེར་འབུམ་ཕྲག་ནི་གཉིས་ཡོད་དེ། །
རིན་ཆེན་ཆུན་ཕྲེང་སྟོང་སྙེད་དག་གིས་སྤྲས། །མི་ཡི་འདྲེན་པ་རིན་པོ་ཆེ་དག་གི། སྐྱེ་བའི་ཡུལ་ནི་རིན་ཆེན་མང་ཞེས་བྱ། །རིགས་ནི་རྒྱལ་རིགས་འོད་ཚད་ཞིང་གི་གྲངས། །སྟོང་སྙེད་ཁྱབ་པ་ཡབ་ནི་རིན་ཆེན་བཟངས། །རིན་ཆེན་མཆོག་མ་ཞེས་བྱ་རྒྱལ་
བའི་ཡུམ། །སྲས་པོ་དགའ་བྱིན་ཁྱད་འཕགས་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །རྣམ་གྲངས་སེམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །སྲིད་པར་འཆིང་བ་གཅོད་པར་བྱེད་པ་པོ། །
བྱེ་བ་ཕྲག་ནི་ཉི་ཤུ་དྲུག་དྲུག་འདུས། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་དག །རིན་ཆེན་གཙུག་
40-1-180b


ཕུད་བྱེ་བ་དག་གིས་སྤྲས། །འགྲོ་བ་དག་གིས་མཆོད་པ་དཔལ་འོད་ཀྱི། །སྐྱེ་བའི་ཡུལ་ནི་པད་མ་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་བཀྲ་ཤིས་ཡིན། །ལེགས་མཆོད་མ་ཞེས་བྱ་བ་རྒྱལ་བའི་ཡུམ། །
སྲས་པོ་མགོན་བྱིན་མགོན་བཟངས་རིམ་གྲོ་པ། །སྡུག་དགའ་ཞེས་ནི་བྱ་བ་མཁས་པ་སྟེ། །ཐར་པ་རྣམ་པར་སྒྲོགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཟླ་བ་ཉ་འདྲ་དྲི་མ་མེད་པ་པོ། །བྱེ་བ་ཕྲག་ནི་ཉི་ཤུ་གསུམ་གསུམ་
ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །མི་ཡི་རབ་མཆོག་དག་གི་དམ་ཆོས་རྣམས། །ལོ་གྲངས་ཉི་ཁྲི་ཆིག་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོའི་གྲངས། །བྱེ་བ་ཕྲག་ནི་སུམ་བཅུ་རྩ་གསུམ་འབྱུང་། །རྒྱལ་བ་
བདུད་དག་འདུལ་བར་མཛད་པ་པོའི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ལྔ་བརྒྱ་ཁྱབ་གྱུར་ཕལ་ཆེན་ཡབ། །འོད་ཀྱི་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་དེས་ལྡན་ཆུ་ལྷ་
རིམ་གྲོ་པ། །ཡེ་ཤེས་འོད་མཆོག་ཅེས་བྱ་མཁས་པ་སྟེ། །དོན་ལ་རྣམ་པར་ངེས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་སྟེ། །ཆགས་མེད་ཡིད་ལྡན་དེ་དག་ཐམས་ཅད་གྲངས། །ཐེར་འབུམ་ཕྲག་གཉིས་སྙེད་ནི་འདུས་པར་འགྱུར། །མི་
ཚེ་ལོ་གྲངས་ཉི་ཁྲི་ཉིས་སྟོང་ཡིན། །གྲགས་པ་མཐའ་ཡས་དག་གི་དམ་ཆོས་རྣམས། །ལོ་གྲངས་བཞི་ཁྲི་དྲུག་སྟོང་བར་དུ་གནས། །སྐུ་གདུང་བཅས་པའི་མཆོད་རྟེན་བཟང་པོ་དག །འཇིག་རྟེན་དག་ཏུ་ཐེར་འབུམ་ཕྲག་གཉིས་འབྱུང་། །དེ་བཞིན་
གཤེགས་པ་གོ་ཆ་བགོས་པ་ཡི། །སྐྱེ་བའི་ཡུལ་ནི་བལྟ་ན་མཛེས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡབ་ནི་ལེགས་སྣང་ཡིན། །ངེས་བྱམས་མ་ཞེས་བྱ་བ་རྒྱལ་བའི་ཡུམ། །སྲས་པོ་གསེར་ཡིན་རྣམ་དག་རིམ་
གྲོ་པ། །མེ་ཏོག་དགའ་ཞེས་བྱ་བ་བློ་ལྡན་ཏེ། །གཟུགས་བརྩེགས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བྱེ་བ་ཕྲག་བཞི་དང་། །གཞན་ཡང་དྲུག་བཅུ་རྩ་དྲུག་ཀུན་ལ་ཡང་། །བརྒྱད་ཁྲི་བརྒྱད་ཁྲི་དག་ནི་ཚོགས་པར་འགྱུར། །
40-1-181a


མི་ཚེ་ལོ་གྲངས་བདུན་ཁྲི་ལྔ་སྟོང་ཡིན། །མགོན་པོ་མཆོག་མའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་མཆོད་རྟེན་དཔག་ཚད་བཞི་པ་ཀུན། །གསེར་གྱི་འོད་ཀྱིས་རྣམ་པར་མཛེས་པར་
བྱས། །དེ་བཞིན་གཤེགས་པ་སེང་གེའི་ཕྱག་དག་གི། སྐྱེ་བའི་ཡུལ་ནི་ངེས་པའི་དོན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་དྲུག་ཡབ་ནི་མི་དམན་པ། །བདུད་རྩི་དགའ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་བཟངས་ཕན་
འདོད་རིམ་གྲོ་པ། །ཡེ་ཤེས་མཆོག་ཅེས་བྱ་བ་མཁས་པ་སྟེ། །ངེས་པར་ཐོབ་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །ཐེག་པ་མཆོག་གིས་རྣམ་ཐར་ཐོབ་པ་པོ། །བྱེ་བ་ཕྲག་ནི་བཅུ་བཅུ་ཚོགས་པར་འགྱུར། །མི་ཚེ་ལོ་གྲངས་
དྲུག་ཁྲི་ཉིས་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་དགུ་བཅུ་རྩ་དགུར་གནས། །དཔག་ཚད་ལྔ་པའི་མཆོད་རྟེན་སྐུ་གདུང་བཅས། །གཅིག་སྟེ་རིན་ཆེན་བརྒྱ་སྙེད་དྲ་བས་སྤྲས། །མི་ཡི་འདྲེན་པ་མེ་ཏོག་བཟང་པོ་
ཡི། །སྐྱེ་བའི་ཡུལ་ནི་མེ་ཏོག་བརྒྱན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་མཆོད་ལེགས་ཡིན། །མེ་ཏོག་མཆོག་མ་རྒྱལ་ཡུམ་སྲས་པོ་ནི། །མེ་ཏོག་བཟང་པོ་མེ་ཏོག་རིམ་གྲོ་པ། །འགྲོས་མཛེས་པ་ཞེས་བྱ་བ་
མཁས་པ་སྟེ། །གཟི་བརྗིད་མངོན་འཕགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །མཚུངས་མེད་བྱ་དང་མཚུངས་ཤིང་འདྲ་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །འགྲོ་ལ་
ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །མཆོད་རྟེན་བཟང་པོ་བྱེ་བ་བརྒྱ་ཕྲག་བཅུ། །གསེར་གྱི་འོད་དག་གིས་ནི་རྒྱས་པར་འགྱུར། །དེ་བཞིན་གཤེགས་པ་རིན་ཆེན་མཐོན་པོ་ཡི། །སྐྱེ་བའི་ཡུལ་ནི་རིན་ཆེན་
ཚོགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དྲུག་ཡོད་རིན་ཆེན་བཟང་པོ་ཡབ། །དཔལ་རྒྱན་མ་ཞེས་བྱ་བ་རྒྱལ་བའི་ཡུམ། །སྲས་པོ་འཇིགས་མེད་དུལ་བ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་
40-1-181b


པ་སྟེ། །སྟོན་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་རྩ་དྲུག་སྟེ། །དགྲ་བཅོམ་དེ་དག་ཐམས་ཅད་བསམ་གཏན་པ། །ཐེར་འབུམ་ཕྲག་ནི་བཅུ་བཅུ་འབྱུང་བར་འགྱུར། །རྒྱལ་བའི་སྐུ་ཚེ་ལོ་གྲངས་ཁྲི་ཡང་ཡིན། །འགོག་པར་
ཕྱིན་པའི་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་གཅིག །དཔག་ཚད་གསུམ་པ་ཕྲེང་བ་མཛེས་པ་བཞིན། །མགོན་པོ་དེ་བཞིན་གཤེགས་པ་རྒྱ་མཚོ་ཡི། །སྐྱེ་ཡུལ་མཐུ་རྩལ་
སྙིང་པོ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཞི་ཡོད་ཡབ་ནི་ལྷ་དབང་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་རྒྱ་མཚོ་ལེགས་དགའ་རིམ་གྲོ་པ། །ཆུ་ཡི་རྒྱལ་པོ་ལྟ་བུ་བློ་ཅན་ཏེ། །བླ་མེད་ཐོབ་ཅེས་
བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་དྲུག་སྟེ། །ཀུན་ལའང་མཚོ་ལྟར་གང་བའི་ཡིད་འདྲ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །མཐའ་མེད་བརྙེས་པའི་དམ་པའི་ཆོས་དག་ཀྱང་། །ལོ་
གྲངས་བརྒྱད་ཁྲི་ཚང་བའི་བར་དུ་གནས། །རྒྱལ་བ་ཞི་བར་ཕྱིན་པའི་མཆོད་རྟེན་གྲངས། །བྱེ་བ་ཕྲག་ནི་ཉི་ཤུ་རྩ་གཉིས་འབྱུང་། །མགོན་པོ་དེ་བཞིན་གཤེགས་པ་ས་འཛིན་གྱི། །སྐྱེ་བའི་ཡུལ་ནི་ལེགས་པར་དུལ་ཞེས་བྱ། །རྒྱལ་བའི་རིགས་ནི་རྒྱལ་
རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་བཟངས་ཡིན། །མཆོད་སྦྱིན་ཡོན་བརྒྱན་མ་ནི་རྒྱལ་བའི་ཡུམ། །སྲས་པོ་བྱམས་ལྡན་བློ་ལྡན་རིམ་གྲོ་པ། །ས་བདག་ཅེས་ནི་བྱ་བ་མཁས་པ་སྟེ། །གཟུངས་དགུ་ཐོབ་ཅེས་བྱ་བ་རྫུ་འཕྲུལ་ཅན། །
འདུས་པ་ལན་གྲངས་སུམ་བཅུ་དྲུག་ཀུན་ལའང་། །མཚུངས་པ་མེད་པ་པད་མའི་དངོས་ལྟ་བུའི། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཡོན་ཏན་མངོན་པར་དགྱེས་པའི་དམ་ཆོས་དག །ལོ་གྲངས་སྟོང་
ཕྲག་བཅུ་བདུན་བར་དུ་གནས། །རྒྱལ་བའི་མཆོད་རྟེན་དཔག་ཚད་གཅིག་པ་སྟེ། །མེ་ཏོག་བརྒྱ་དག་གིས་ནི་བརྒྱན་ཞིང་སྤྲས། །དེ་བཞིན་གཤེགས་པ་དོན་གྱི་བློ་མངའ་བའི། །སྐྱེ་བའི་ཡུལ་ནི་དོན་ལྡན་སྒྲ་ཞེས་བྱ། །རྒྱལ་བའི་རིགས་ནི་བྲམ་ཟེ་
40-1-182a


འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལག་བཟངས་ཡིན། །ཚངས་པའི་མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་མཆོད་རྟེན་ལེགས་སེམས་རིམ་གྲོ་པ། །བློ་གྲོས་བདུད་རྩི་ཞེས་བྱ་མཁས་པ་སྟེ། །རྣམ་པར་ངེས་པའི་མཛོད་ནི་རྫུ་
འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཁོང་ཁྲོ་མེད་པ་རི་ལྟར་གནས་པ་པོ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་དྲུག་ཁྲི་ཉིས་སྟོང་ཡིན། །རྣམ་པར་ཐར་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་
བཅྭ་བརྒྱད་བར་དུ་གནས། །སྐུ་གདུང་རྒྱས་འགྱུར་ས་གཞི་ཐམས་ཅད་ནི། །རིན་ཆེན་མཆོད་རྟེན་བྱེ་བ་དྲུག་གིས་ཁྱབ། །དཔལ་ལྡན་ལེགས་པ་ཡོན་ཏན་བསགས་པ་ཡི། །སྐྱེ་བའི་ཡུལ་ནི་བློ་གྲོས་ངན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
དཔག་ཚད་གཅིག་ཡོད་ཡབ་ནི་བློ་ལྡན་ཡིན། །མི་སྡུག་རྒྱལ་བའི་ཡུམ་ཡིན་སྲས་པོ་ནི། །འཇིག་རྟེན་དགའ་བ་སྐར་མ་རིམ་གྲོ་པ། །འགྲོས་སྙོམས་པ་ཞེས་བྱ་བ་མཁས་པ་སྟེ། །འོད་ཅན་གྲགས་པ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་
བརྒྱ་ནི་རྩ་ལྔ་སྟེ། །བྱེ་བ་བརྒྱ་ཕྲག་དག་ནི་ཚང་བ་དང་། །དྲུག་བཅུ་རྩ་དྲུག་དག་ཀྱང་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ལྷ་མིའི་དོན་ཕྱིར་དམ་ཆོས་ལོ་སྟོང་དུ། །གནས་འགྱུར་སྐུ་གདུང་བཅས་པའི་མཆོད་རྟེན་ནི། །དཔག་
ཚད་དགུ་བཅུ་རྩ་བརྒྱད་པ་གཅིག་སྟེ། །རིན་ཆེན་བརྒྱ་སྙེད་དྲ་བས་རྣམ་པར་སྤྲས། །དེ་བཞིན་གཤེགས་པ་ཡོན་ཏན་ཚོགས་དག་གི། སྐྱེ་བའི་ཡུལ་ནི་ཡོན་ཏན་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་
ཡབ་ནི་རྒལ་བ་པོ། །ཡོན་ཏན་གཟི་བརྗིད་ལྡན་པ་རྒྱལ་བའི་ཡུམ། །སྲས་པོ་བློ་ལྡན་བློ་ཅན་རིམ་གྲོ་པ། །མི་དགའ་སྤོང་ཞེས་བྱ་བ་མཁས་པ་སྟེ། །དྲ་བ་གཅོད་བྱེད་པ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །ཆགས་པ་
མེད་པ་བསམ་གཏན་པ་དེ་ཀུན། །བྱེ་བ་བརྒྱ་ཕྲག་དག་ནི་གསུམ་གསུམ་ཡོད། །མི་ཚེའི་ཚད་ནི་ལོ་གྲངས་ཁྲི་ཡང་ཡིན། །རྒྱལ་བའི་དམ་ཆོས་ལོ་གྲངས་སྟོང་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་ནི། །དཔག་ཚད་ཕྱེད་པའི་
40-1-182b


མཆོད་རྟེན་གཅིག་ཡིན་ཏེ། །གདུགས་གྲངས་སྟོང་ཕྲག་བདུན་བཅུས་རྣམ་པར་བརྒྱན། །དེ་བཞིན་གཤེགས་པ་རིན་ཆེན་མེ་དག་གི། སྐྱེ་བའི་ཡུལ་ནི་བློ་ལྡན་མཆོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དྲུག་བཅུ་རྩ་གཉིས་ཚོགས་ཅན་
དབང་པོ་ཡབ། །སེང་གེ་རྒྱ་མཚན་ཞེས་བྱ་རྒྱལ་བའི་ཡུམ། །སྲས་པོ་ཚོགས་ཅན་ཚོགས་བཟང་རིམ་གྲོ་པ། །རི་ལྟར་བརྩེགས་ཤེས་བྱ་བ་བློ་ལྡན་ཏེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཕྱིར་
མི་བཟློག་པ་གཟུངས་ནི་ཐོབ་པ་པོ། །བྱེ་བ་ཕྲག་ནི་བདུན་བཅུ་དྲུག་དྲུག་འདུས། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་ཁྲི་ཉིས་སྟོང་བར་དུ་གནས། །སྲིད་པ་ཐར་མཛད་པ་ཡི་མཆོད་རྟེན་གྲངས། །
བརྒྱད་ཁྲི་བཞི་སྟོང་དག་ནི་འབྱུང་བར་འགྱུར། །བདེ་བར་གཤེགས་པ་འཇིག་རྟེན་འདས་པ་ཡི། །སྐྱེ་ཡུལ་བསོད་ནམས་ལེགས་པར་བསྒོམས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་དྲུག་ཡབ་ནི་མུ་སྟེགས་བཟང་། །དོན་ལ་
དགའ་ཞེས་བྱ་བ་རྒྱལ་བའི་ཡུམ། །སྲས་པོ་དོན་ལྡན་དགའ་བ་རིམ་གྲོ་པ། །འཇིགས་མེད་དགའ་ཞེས་བྱ་བ་མཁས་པ་སྟེ། །གྲགས་པ་མངོན་འཕགས་པ་ནི་རྫུ་འཕྲུལ་ཅན། །འདུས་པ་དག་ནི་ལན་གྲངས་དགུ་བཅུ་སྟེ། །རབ་མཆོག་དག་གི་ཚོགས་ཀྱི་
གྲངས་རྣམས་ཀྱང་། །བྱེ་བ་ཕྲག་ནི་སྟོང་སྟོང་འབྱུང་བར་འགྱུར། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །ཡོན་ཏན་ལྡན་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །རིམས་ནད་མེད་པའི་སྐུ་གདུང་རྒྱས་འགྱུར་ལ། །
མཆོད་རྟེན་བྱེ་བ་སྟོང་ཕྲག་བདུན་བཅུ་བཞི། །དེ་བཞིན་གཤེགས་པ་འཇིག་རྟེན་ཟླ་བ་ཡི། །སྐྱེ་བའི་ཡུལ་ནི་ཟླ་བ་ཅན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཟླ་བ་ཡིན། །ཟླ་བཞིན་མཛེས་མ་ཡུམ་
ཡིན་སྲས་པོ་ནི། །ཚེ་ལྡན་མེ་ཏོག་བཟང་པོ་རིམ་གྲོ་པ། །རྣམ་པར་སྣང་བྱེད་གྲགས་པ་བློ་ལྡན་ཏེ། །ཚུལ་ཁྲིམས་འོད་བྱེད་པ་ནི་རྫུ་འཕྲུལ་ཅན། །ཚོགས་ཀྱི་རྒྱལ་པོ་རབ་མཆོག་དམ་པ་ཡི། །འདུས་པ་ལན་གྲངས་དྲུག་བཅུ་རྩ་དྲུག་ལ། །བྱེ་བ་ཕྲག་ནི་
40-1-183a


བརྒྱ་རྩ་བཞི་བཞི་འདུས། །སྐུ་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་སྐུ་གདུང་བཅས་པ་ནི། །དཔག་ཚད་བདུན་པ་གཅིག་སྟེ་
གསེར་གྱིས་བརྒྱན། །དེ་བཞིན་གཤེགས་པ་དབྱངས་ནི་སྙན་པ་ཡི། །སྐྱེ་བའི་ཡུལ་ནི་ཆོས་ཀྱི་ལྟ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ཡབ་ནི་སྐུ་བཟངས་ཡིན། །བཟང་དཔལ་ཞེས་ནི་བྱ་བ་རྒྱལ་བའི་ཡུམ། །སྲས་
པོ་པད་མ་རྒྱལ་དགའ་རིམ་གྲོ་པ། །ཡོན་ཏན་སྙིང་པོ་ཞེས་བྱ་མཁས་པ་སྟེ། །ཆོས་འཕགས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཞི་སྟེ་ཀུན་ལ་ཡང་། །ཞི་བ་གོམས་པར་བསྒོམས་པའི་ཡིད་ལྡན་པ། །བྱེ་བ་ཕྲག་ནི་བདུན་བཅུ་
བདུན་བདུན་འདུས། །མི་ཚེ་ལོ་གྲངས་དག་ནི་དགུ་ཁྲི་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་ཉིས་འབུམ་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཐའ་ཡས་ཤིང་། །མཆོད་རྟེན་བྱེ་བ་ཕྲག་ནི་བདུན་
བཅུ་གསུམ། །དེ་བཞིན་གཤེགས་པ་ཚངས་པའི་ཏོག་དག་གི། སྐྱེ་བའི་ཡུལ་ནི་ཚངས་པས་ལྟ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་ཡབ་ནི་ཚངས་བཟངས་ཡིན། །ཚངས་ལྡན་མ་ཞེས་བྱ་བ་
རྒྱལ་བའི་ཡུམ། །སྲས་པོ་ཚངས་པ་ཚངས་བཟངས་རིམ་གྲོ་པ། །བསམ་པ་སྙིང་རྗེ་ཅན་ནི་མཁས་པ་སྟེ། །བྱམས་ལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །ཆགས་པ་མེད་གྱུར་གཏི་མུག་
མེད་པ་ཀུན། །བྱེ་བ་ཕྲག་ནི་བཅུ་གསུམ་བཅུ་གསུམ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲི་ཚང་བའི་བར་དུ་གནས། །རྒྱལ་བའི་མཆོད་རྟེན་སྐུ་གདུང་བཅས་པ་
ནི། །དཔག་ཚད་བཅུ་གཉིས་པ་གཅིག་གསེར་གྱིས་བརྒྱན། །དེ་བཞིན་གཤེགས་པ་ཚོགས་ཅན་གཙོ་བོ་ཡི། །སྐྱེ་བའི་ཡུལ་ནི་བརྟགས་པའི་བློ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་
40-1-183b


ཡབ་ནི་ཟླ་བཟངས་ཡིན། །སེམས་སྙོམས་མ་ཞེས་བྱ་བ་རྒྱལ་བའི་ཡུམ། །སྲས་པོ་པད་མ་ལྗོན་པ་རིམ་གྲོ་པ། །ཡོན་ཏན་དག་གིས་བརྩེ་བ་མཁས་པ་སྟེ། །བླ་མ་སེམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་
རྩ་དྲུག་སྟེ། །ཀུན་ལའང་ལྷག་མ་མེད་པ་རླུང་འདྲ་བ། །བྱེ་བ་ཕྲག་ནི་སྟོང་སྟོང་ཚང་བར་ཡོད། །མི་ཚེ་ལོ་གྲངས་སྟོང་ཕྲག་བཅྭ་བརྒྱད་ཡིན། །འདྲེན་པ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བཅུ་གསུམ་བར་དུ་གནས། །
རིན་ཆེན་མཆོད་རྟེན་གྲངས་ནི་བྱེ་བ་ཕྲག །སྟོང་ཕྲག་ཆིག་བརྒྱ་རྩ་ནི་བཅུ་དག་འབྱུང་། །ཡོན་ཏན་བསགས་པ་སེང་གེའི་སྟབས་དག་གི། །སྐྱེ་ཡུལ་འཇིག་རྟེན་བླ་མ་དགྱེས་ཤེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །
འཛམ་གླིང་གཉིས་ཁྱབ་ཡབ་ནི་ལེགས་གྲུབ་ཡིན། །དཀྱིལ་འཁོར་འགྲོ་ཞེས་བྱ་བ་རྒྱལ་བའི་ཡུམ། །སྲས་པོ་ཡིད་འཛིན་ཡིད་འོང་རིམ་གྲོ་པ། །བརྟུལ་ཞུགས་གྲུབ་པ་ཤེས་རབ་ཅན་ཡིན་ཏེ། །ང་རོའི་མཆོག་གྲུབ་པ་ནི་རྫུ་འཕྲུལ་ཅན། །
འདུས་པ་དག་ནི་ལན་གྲངས་བརྒྱད་ཡིན་ཏེ། །དགྲ་བཅོམ་ཐེར་འབུམ་ཇི་སྙེད་ཡོད་པ་རྣམས། །གང་གཱའི་རྒྱུན་ལྟར་དྲི་མེད་ཤ་སྟག་ཡིན། །མི་ཚེ་ལོ་གྲངས་དག་ནི་བཞི་ཁྲི་ཡིན། །མི་ཡི་མཆོག་མ་མྱ་ངན་འདས་ནས་ཀྱང་། །དམ་ཆོས་ལོ་གྲངས་
དྲུག་ཁྲི་དྲུག་སྟོང་གནས། །སྐུ་གདུང་མཆོད་རྟེན་འཕང་དུ་དཔག་ཚད་གཅིག །རིན་ཆེན་བརྒྱ་སྙེད་དག་གི་དྲ་བས་སྤྲས། །སངས་རྒྱས་དྲག་ཤུལ་ཅན་གྱིས་བྱིན་པ་ཡི། །སྐྱེ་བའི་ཡུལ་ནི་དཀའ་ཐུབ་དྲག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་
ཀྱི་ཚད། །དཔག་ཚད་བརྒྱ་ཡོད་ཡབ་ནི་སྤོས་བཟངས་ཡིན། །གསེར་འོད་རྒྱལ་བའི་ཡུམ་ཡིན་སྲས་པོ་ནི། །དཔལ་ལྡན་ཤིན་དུ་དཔལ་ལྡན་རིམ་གྲོ་པ། །ཡོན་ཏན་ཡིད་ཅེས་བྱ་བ་མཁས་པ་སྟེ། །ཡོན་ཏན་མཐོན་པོ་ཞེས་བྱ་རྫུ་
འཕྲུལ་ཅན། །འདུས་པ་དག་ནི་ལན་གྲངས་ལྔ་ཡིན་ཏེ། །གཏན་པ་ལྟ་བུར་ལེགས་པར་གནས་པ་པོ། །བྱེ་བ་སྟོང་ཕྲག་བཅུ་བཅུ་ཚོགས་པར་འགྱུར། །སྐུ་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་
40-1-184a


དག་ཀྱང་། །ལོ་གྲངས་སྟོང་ཕྲག་བཅུ་དགུ་གནས་པར་འགྱུར། །མཆོད་རྟེན་གྲངས་ནི་ཐེར་འབུམ་ཕྲག་གསུམ་སྟེ། །ལྷ་ཡི་བསྐྱེད་མོས་ཚལ་སྙོམས་པ་ཡིས་བསྐོར། །སྐྱེས་བུ་དམ་པ་ཆོས་ཀྱི་དབང་ཕྱུག་གི། །སྐྱེ་
བའི་ཡུལ་ནི་ཕྱག་བྱས་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་ལྔ་ཡབ་ནི་ལེགས་མཆོད་ཡིན། །གྲགས་པའི་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་མེ་ཏོག་མཆོད་ལེགས་རིམ་གྲོ་པ། །
འོད་ཀྱི་ཏོག་ཅེས་བྱ་བ་མཁས་པ་སྟེ། །ཏོག་གི་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་གསུམ་སྟེ་ཀུན་ལ་ཡང་། །སྲས་མཆོག་སློབ་པ་མེད་པར་ཕྱིན་པ་པོ། །བྱེ་བ་ཕྲག་ནི་ཉི་ཁྲི་ཉི་ཁྲི་ཡོད། །མི་ཚེ་ལོ་གྲངས་བདུན་ཁྲི་ཆིག་
སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་བཅུ་དག་གི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་རིན་ཆེན་མང་པོས་སྤྲས། །དེ་བཞིན་གཤེགས་པ་གཟི་
བརྗིད་འོད་དག་གི། །སྐྱེ་བའི་ཡུལ་ནི་མཆོད་ཅིང་བཀུར་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ལེགས་རྒལ་ཡིན། །ཡོན་ཏན་བརྒྱན་ཞེས་བྱ་བ་རྒྱལ་བའི་ཡུམ། །སྲས་པོ་མཁས་ལྡན་
སྣང་ལྡན་རིམ་གྲོ་པ། །སྲིད་པའི་འཆིང་བ་གཅོད་བྱེད་མཁས་པ་སྟེ། །སྲིད་པ་འཇོམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དག་ནི་བརྒྱ་ཡིན་ཏེ། །བསོད་ནམས་རྣམ་གྲོལ་དགྲ་བཅོམ་མི་སློབ་པ། །དེ་དག་འདུས་པ་
ཐེར་འབུམ་ཚང་བར་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །དམ་ཆོས་ལོ་གྲངས་བྱེ་བར་གནས་འགྱུར་ཞིང་། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་ཕྲག་གསུམ་སྟེ། །རྣམ་
རྒྱལ་ཁང་བཟངས་ལྟར་བུར་ལེགས་པར་སྤྲས། །དེ་བཞིན་གཤེགས་པ་འོད་ཟེར་ཆེན་པོ་ཡི། །སྐྱེ་བའི་ཡུལ་ནི་ཆོས་ཀྱི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་བདག་ཉིད་ཆེན་པོ་ཡབ། །
40-1-184b


སེམས་མཚུངས་མ་ཞེས་བྱ་བ་རྒྱལ་བའི་ཡུམ། །སྲས་པོ་འོད་ལྡན་ངེས་ལྡན་རིམ་གྲོ་པ། །ཤིན་དུ་རྣམ་པར་ངེས་པ་མཁས་པ་སྟེ། །ངེས་ཐོབ་ཅེས་ནི་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་བཞི་སྟེ། །ཀུན་ལའང་དགྲ་
བཅོམ་པ་ཡི་ཚོགས་དག་གི། མཚུངས་པར་འགྱུར་ཏེ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །བདུད་རྣམས་ཕུང་བར་མཛད་པའི་དམ་ཆོས་དག །ལོ་གྲངས་དགུ་ཁྲི་དགུ་སྟོང་བར་དུ་གནས། །སྟོན་པ་མྱ་
ངན་འདས་ནས་རྒྱལ་བ་ཡི། །སྐུ་གདུང་མཆོད་རྟེན་དཔག་ཚད་བཅུ་པ་གཅིག །དེ་བཞིན་གཤེགས་པ་རིན་ཆེན་གྲགས་པ་སྐྱེ་བའི་ཡུལ་ནི་རིན་པོ་ཆེའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་ཙམ་
མོ། །ཡབ་ནི་འགྲོ་བའི་དབང་ཕྱུག་ཅེས་བྱའོ། །ཡུམ་ནི་དཔལ་གྱི་རིན་ཆེན་མཆོག་ཅེས་བྱའོ། །སྲས་ནི་ཡོན་ཏན་སྟོང་གི་གཟི་བརྗིད་ཅེས་བྱའོ། །རིམ་གྲོ་པ་ནི་ཡོན་ཏན་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཡོན་ཏན་གྱི་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་ཟེར་ཡིད་དུ་འོང་བ་ཞེས་བྱའོ། །འདུས་པ་ནི་ལན་གྲངས་གྲངས་མེད་དེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་ཤ་སྟག་གོ། །
སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་བྱེ་བ་ཁྲི་ཕྲག་སུམ་བཅུ་རྩ་དྲུག་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་སུམ་འབུམ་མོ། །དེ་བཞིན་གཤེགས་པ་ཚོགས་ཅན་གསལ་བ་སྐྱེ་བའི་
ཡུལ་ནི་བློ་གྲོས་རྒྱ་མཚོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་བཅུའོ། །ཡབ་ནི་བཟང་མཆོག་ཅེས་བྱའོ། །ཡུམ་ནི་ཡིད་དུ་འོང་བའི་དབྱངས་ཤེས་བྱའོ། །སྲས་ནི་སེང་གེས་རྣམ་པར་རྩེ་ཞེས་བྱའོ། །རིམ་གྲོ་པ་
ནི་ཡོན་ཏན་གྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རོ་མཆོག་རྒྱལ་པོ་ཞེས་བྱའོ། །ཉན་ཐོས་འདུས་པ་དང་པོ་ནི་ཐེར་འབུམ་ཕྲག་
40-1-185a


གསུམ་མོ། །གཉིས་པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་ལྔའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
པ་གྲགས་པ་མཐའ་ཡས་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཉིས་སོ། །ཡབ་ནི་ནོར་ལྷ་ཞེས་བྱའོ། །ཡུམ་ནི་རྒྱུ་སྐར་བདག་མོ་ཞེས་བྱའོ། །སྲས་ནི་རིན་ཆེན་མཆོག་ཅེས་
བྱའོ། །རིམ་གྲོ་པ་ནི་བསོད་ནམས་འབྱོར་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྒོམས་པའི་བདག་ཉིད་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་གཟི་བརྗིད་ཅེས་བྱའོ། །འདུས་པ་ནི་ལན་བཅུ་
སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་
འོད་ཟེར་དོན་ཡོད་སྐྱེ་བའི་ཡུལ་ནི་དོན་ཡོད་སྟེགས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་ཁ་དོག་བྱིན་ཞེས་བྱའོ། །ཡུམ་ནི་དགའ་བས་ལྟ་ཞེས་བྱའོ། །སྲས་ནི་ཀུན་དུ་བཟང་པོ་ཞེས་བྱའོ། །རིམ་
གྲོ་པ་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ལོ་བསྒྱུར་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་སྤངས་ཤེས་བྱའོ། །དགྲ་བཅོམ་པ་འདུས་པ་ནི་ལན་དྲུག་སྟེ། 
ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དྲང་སྲོང་སྐྱེ་བའི་ཡུལ་
ནི་ཀུན་དུ་རྒྱས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དང་གཉིས་སོ། །ཡབ་ནི་དྲང་སྲོང་བཤེས་གཉེན་ཞེས་བྱའོ། །ཡུམ་ནི་ཕྱོགས་གནས་མ་ཞེས་བྱའོ། །སྲས་ནི་སྤོས་མཆོག་རྒྱལ་པོ་ཞེས་
40-1-185b


ཞེས་བྱའོ། །རིམ་གྲོ་པ་ནི་ཤིན་དུ་འབྱོར་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པའི་མེ་ཏོག་ཀུན་དུ་རྒྱས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། །དགྲ་བཅོམ་པ་འདུས་
པ་ནི་ལན་གཉིས་ཏེ། གཉིས་ཀ་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་སྐྱེ་བའི་དབང་པོ་སྐྱེ་བའི་ཡུལ་ནི་སྐྱེ་བོ་དགའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་ཟླ་རྒྱས་ཞེས་བྱའོ། །ཡུམ་ནི་རྒྱལ་དཀའ་མ་ཞེས་བྱའོ། །སྲས་ནི་འཁྲུལ་པ་
མེད་པར་སེམས་ཤེས་བྱའོ། །རིམ་གྲོ་པ་ནི་ཁྱད་པར་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་འཇོམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །དགྲ་བཅོམ་པ་འདུས་པ་ནི་ལན་
ལྔ་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་འདུན་བརྟན་སྐྱེ་བའི་ཡུལ་ནི་བློ་གྲོས་བརྟེན་
པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བཟང་པོ་ཞེས་བྱའོ། །ཡུམ་ནི་རིན་ཆེན་མཆོག་ཅེས་བྱའོ། །སྲས་ནི་ལྷས་མཆོད་ཅེས་བྱའོ། །རིམ་གྲོ་པ་ནི་འགྲོ་བ་ལྟ་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་གཟི་བརྗིད་དྲག་ཤུལ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་ཉིད་གནས་ཤེས་བྱའོ། །འདུས་པ་ནི་ལན་གཅིག་ཏུ་ཟད་དེ། དགྲ་བཅོམ་པ་སུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་
ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅྭ་ལྔ་པ། དེ་བཞིན་གཤེགས་པ་ཕྱོགས་
40-1-186a


བཟང་སྐྱེ་བའི་ཡུལ་ནི་རིན་པོ་ཆེའི་ངོས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་དབྱིག་གི་འོད་ཟེར་ཞེས་བྱའོ། །ཡུམ་ནི་ཡིད་དུ་འོང་བས་བྱིན་ཞེས་བྱའོ། །སྲས་ནི་དོན་
ཡོད་དགའ་ཞེས་བྱའོ། །རིམ་གྲོ་པ་ནི་སྐར་མདའ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་གྲགས་པ་ཞེས་བྱའོ། །དགྲ་བཅོམ་པ་
འདུས་པ་ནི་ལན་ཉི་ཤུ་རྩ་དགུ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་
ཟད་དོ། །དེ་བཞིན་གཤེགས་པ་ཏོག་སྐྱེ་བའི་ཡུལ་ནི་ཏོག་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུའོ། །ཡབ་ནི་གཞལ་མེད་མཆོག་ཅེས་བྱའོ། །ཡུམ་ནི་ཡོན་ཏན་ལྟ་ཞེས་བྱའོ། །སྲས་ནི་རྣམ་
པར་སྣང་བྱེད་ཅེས་བྱའོ། །རིམ་གྲོ་པ་ནི་ཡང་སྲིད་ཐུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟག་པ་མེད་པའི་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགོག་པ་ཐོབ་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་
པ་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་དྲུག་གོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་
བརྒྱད་ཁྲི་འབྱུང་ངོ་། །དེ་བཞིན་གཤེགས་པ་ཡུལ་འཁོར་མེ་ཏོག་སྐྱེ་བའི་ཡུལ་ནི་ཡོན་ཏན་གྱིས་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་བསོད་ནམས་དཔལ་ཞེས་བྱའོ། །ཡུམ་
ནི་མེ་ཏོག་བྱིན་ཞེས་བྱའོ། །སྲས་ནི་པད་མ་དཀར་པོ་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲོགས་ཐུལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་མཐུ་ཞེས་
40-1-186b


བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
ཆོས་ཀྱི་བློ་གྲོས་སྐྱེ་བའི་ཡུལ་ནི་གྲོང་ཁྱེར་འདབ་བཟངས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཚངས་པ་སེམས་ཤེས་བྱའོ། །ཡུམ་ནི་བསམ་པས་བྱིན་ཞེས་བྱའོ། །སྲས་ནི་ནོར་དགའ་ཞེས་བྱའོ། །རིམ་གྲོ་
པ་ནི་ཤིན་དུ་དགེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླས་བྱིན་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཞི་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་རོ། །གསུམ་
པ་ལ་ནི་དུང་ཕྱུར་ཕྲག་གསུམ་མོ། །སྐུ་ཚེའི་ཚད་ནི་ལོ་བདུན་ཁྲི་དགུ་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རླུང་གི་ཤུགས་ལྟར་གཤེགས་པ་སྐྱེ་བའི་
ཡུལ་ནི་ཤིན་དུ་གནས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ་། །ཡབ་ནི་མི་མཐུན་པ་མེད་པའི་སེམས་ཤེས་བྱའོ། །ཡུམ་ནི་ཐར་པ་དད་ཅེས་བྱའོ། །སྲས་ནི་བེའུ་དགའ་ཞེས་བྱའོ། །རིམ་གྲོ་པ་ནི་མེ་ཏོག་
མྱ་ངན་འཚང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་མན་དཱ་ར་བའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙན་དན་འོད་ཅེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །
དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་བསམས་གྲགས་པ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་གཅིག་གོ། །ཡབ་ནི་གཟི་བརྗིད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་རླུང་སེམས་ཤེས་བྱའོ། །རིམ་གྲོ་པ་ནི་བློ་སྙོམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་གསལ་ཞེས་བྱའོ། །རྫུ་འཕྲུལ་ཅན་རྣམས་
40-1-187a


ཀྱི་མཆོག་ནི་གཞན་གྱིས་མི་ཐུབ་པའི་བློ་གྲོས་ཤེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་ལྡན་སྐྱེ་བའི་ཡུལ་ནི་སྐར་མའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་གློག་གིས་བྱིན་ཞེས་བྱའོ། །ཡུམ་ནི་བཟང་སྦྱིན་མ་ཞེས་
བྱའོ། །སྲས་ནི་མཆོད་དགའ་ཞེས་བྱའོ། །རིམ་གྲོ་པ་ནི་དོན་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་མཐོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་དགའ་ཞེས་བྱའོ། །འདུས་པ་ནི་ལན་བརྒྱད་དེ། 
ཐམས་ཅད་ལ་ཡང་ཐེར་འབུམ་ཕྲག་སུམ་བཅུ་སུམ་བཅུའོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་ལྷ་ཚོགས་སྐྱེ་བའི་ཡུལ་ནི་མཚོན་ཆ་བཟང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་མ་ཡིན་གྱི་ལྷ་ཞེས་བྱའོ། །ཡུམ་ནི་ཀླུ་འོད་མ་ཞེས་བྱའོ། །སྲས་ནི་གཙོ་
མཆོག་ཅེས་བྱའོ། །རིམ་གྲོ་པ་ནི་ཏོག་འཕགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུ་དབང་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་གཏོང་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་
མོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་
བསྲུངས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་ཡོན་ཏན་མཆོག་ཅེས་བྱའོ། །ཡུམ་ནི་ཡོན་ཏན་དཔལ་ཞེས་བྱའོ། །སྲས་ནི་རིན་ཆེན་མཆོད་ཅེས་བྱའོ། །རིམ་གྲོ་པ་ནི་མངོན་པར་དགའ་ཞེས་བྱའོ། །ཤེས་
40-1-187b


རབ་ཅན་རྣམས་ཀྱི་མཆོག་ནི་ལེགས་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བླ་མ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་ཉི་ཁྲི་སུམ་སྟོང་ངོ་། །དམ་
པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་གྱི་བློ་གྲོས་སྐྱེ་བའི་ཡུལ་ནི་ཆོས་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བཞི་ཁྲི་བཞི་སྟོང་ངོ་། །ཡབ་ནི་མེ་ཏོག་རྒྱལ་པོ་ཞེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། །སྲས་ནི་པད་མ་ཅན་ཞེས་བྱའོ། །རིམ་གྲོ་པ་ནི་ལེགས་སྐྱེས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་གནས་པའི་བློ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་ཟླ་བ་ཞེས་བྱའོ། །འདུས་པ་ནི་ལན་ཉི་ཤུ་རྩ་དགུ་སྟེ། ཐམས་ཅད་ལ་ཡང་སྟོང་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་དགུ་སྟོང་ངོ་། །དམ་པའི་ཆོས་ཀྱང་ལོ་དགུ་སྟོང་གི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་སྟོབས་ལྷ་ཞེས་བྱའོ། །ཡུམ་ནི་ལེགས་བསམས་གྲགས་
མ་ཞེས་བྱའོ། །སྲས་ནི་སྐྲག་མེད་ཅེས་བྱའོ། །རིམ་གྲོ་པ་ནི་མི་སྐྲག་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཐུབ་ཅེས་བྱའོ། །
འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཁྲི་དགུ་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་གྲོགས་བརྟན་སྐྱེ་བའི་ཡུལ་ནི་བཀོད་པ་གནས་པ་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ་། །ཡབ་ནི་བཀོད་པ་བྱིན་ཞེས་བྱའོ། །ཡུམ་ནི་དགའ་སྡུག་ཅེས་བྱའོ། །སྲས་ནི་བློ་མི་གཡོ་ཞེས་བྱའོ། །
40-1-188a


རིམ་གྲོ་པ་ནི་སེམས་སྙོམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེ་བར་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མདངས་ཀྱིས་འགྲོ་ཞེས་བྱའོ། །འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་ཡང་བྱེ་བ་ཕྲག་
འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ཀྱང་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་གནས་མཚུངས་སྐྱེ་བའི་ཡུལ་ནི་བཀོད་པ་བཅོས་པ་མེད་པ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་བདག་ཉིད་ཐུལ་ཞེས་བྱའོ། །ཡུམ་ནི་སྡེས་མི་ཐུབ་ཅེས་བྱའོ། །སྲས་ནི་སྣ་ཚོགས་སྡེ་ཞེས་བྱའོ། །རིམ་གྲོ་པ་ནི་ཚངས་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
མ་ཆགས་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་མ་བཅོས་པ་ཞེས་བྱའོ། །འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་
དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་བུའི་ཞབས་སྐྱེ་བའི་ཡུལ་ནི་ནོར་བུ་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་གཉིས་སོ། །ཡབ་ནི་རིན་ཆེན་གྲགས་པ་ཞེས་བྱའོ། །ཡུམ་
ནི་རིན་ཆེན་འཕགས་པ་ཞེས་བྱའོ། །སྲས་ནི་ནོར་བུའི་སྙིང་པོ་ཞེས་བྱའོ། །རིམ་གྲོ་པ་ནི་བྱམས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་པ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་
ནི་ལན་བཅུ་བདུན་ཏེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་གཟི་བརྗིད་སྐྱེ་བའི་ཡུལ་ནི་
རྣམ་པར་ཐར་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཆགས་པ་མེད་པའི་སེམས་ཤེས་བྱའོ། །ཡུམ་ནི་ཡིད་དགའ་མ་ཞེས་བྱའོ། །སྲས་ནི་སེམས་ཀྱི་རྒྱལ་པོ་ཞེས་བྱའོ། །རིམ་གྲོ་པ་ནི་མཆོད་སྦྱིན་ལེགས་མཆོད་སྦྱིན་
40-1-188b


ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཅེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་
ཁྲི་ཆིག་སྟོང་ངོ་། །དམ་པའི་ཆོས་ནི་ལོ་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ངོས་བཟངས་སྐྱེ་བའི་ཡུལ་ནི་ཐུབ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་གསུམ་མོ། །ཡབ་ནི་མཆོད་སྦྱིན་ལེགས་མཆོད་བྱིན་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ཁྱད་པར་སེམས་ཤེས་བྱའོ། །རིམ་གྲོ་པ་ནི་ལེགས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤུགས་བརྟན་འཛིན་ཞེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་མདངས་ཐོབ་ཅེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་དགུ་བཅུའོ། །གཉིས་པ་ལ་ནི་བྱེ་བ་སྟོང་ཕྲག་ལྔའོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་དོ། །བཞི་པ་ལ་ནི་བྱེ་བ་སྟོང་ཕྲག་བཅུའོ། །སྐུ་ཚེའི་ཚད་ནི་
ལོ་བདུན་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་བཟངས་སྐྱེ་བའི་ཡུལ་ནི་སངས་རྒྱས་ཅན་ཞེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཐར་པ་དགའ་ཞེས་བྱའོ། །ཡུམ་ནི་ཡོན་ཏན་མཐའ་ཡས་མ་ཞེས་བྱའོ། །སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་པ་ནི་ལྟ་བ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
རྩལ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་དག་པའི་ཏོག་ཅེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་
ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀུན་དུ་གཟི་བརྗིད་སྐྱེ་བའི་ཡུལ་ནི་སྒྲིབ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུའོ། །ཡབ་ནི་ས་གའི་སེམས་ཤེས་བྱའོ། །
40-1-189a


ཡུམ་ནི་སེམས་མི་འཁྲུག་ཅེས་བྱའོ། །སྲས་ནི་ལྷུན་པོའི་རྒྱལ་མཚན་ཞེས་བྱའོ། །རིམ་གྲོ་པ་ནི་སེང་གེའི་མཐུ་རྩལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱིས་བལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་རྩི་གྲགས་
པ་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་མཆོག་སྐྱེ་བའི་ཡུལ་ནི་ཡེ་ཤེས་དམ་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་བློ་གྲོས་གྱ་ནོམ་ཞེས་བྱའོ། །ཡུམ་ནི་བསོད་ནམས་བྱིན་ཞེས་བྱའོ། །སྲས་ནི་
ཆོས་དཔལ་ཞེས་བྱའོ། །རིམ་གྲོ་པ་ནི་ཆོས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུག་མེད་གྲགས་ཤེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་དུང་ཕྱུར་
ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གནས་སྐྱེ་བའི་ཡུལ་ནི་བདེ་བས་མཐོང་ཞེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་དྲུག་གོ། །ཡབ་ནི་སེམས་གསལ་ཞེས་བྱའོ། །ཡུམ་ནི་ཚངས་བྱིན་མ་ཞེས་བྱའོ། །སྲས་ནི་གཟུངས་ཀྱི་དབང་ཕྱུག་ཅེས་བྱའོ། །རིམ་གྲོ་པ་ནི་སྒྲ་མི་ཟད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོགས་མཁས་ཤེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་རིན་ཆེན་གཏོང་ཞེས་བྱའོ། །འདུས་པ་ནི་ལན་ལྔ་བཅུ་རྩ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་བདུན་སྟོང་བདུན་སྟོང་ངོ་། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདེན་པ་གསུང་སྐྱེ་བའི་ཡུལ་ནི་ཀུན་དུ་སྐར་མདའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་སྐྱེ་བོའི་དབང་པོ་ཞེས་བྱའོ། །ཡུམ་
40-1-189b


ནི་ཀུ་མུ་དའི་སོ་ཞེས་བྱའོ། །སྲས་ནི་བདེན་དཔལ་ཞེས་བྱའོ། །རིམ་གྲོ་པ་ནི་དབང་པོ་བསྡམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་ལྡན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་ཆེན་པོ་ཞེས་བྱའོ། །
འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་བཟངས་སྐྱེ་བའི་ཡུལ་
ནི་འོད་ཟེར་རྣམ་པར་འཕྲོ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་བཞི་བརྒྱའོ། །ཡབ་ནི་བརྟུལ་ཞུགས་སེམས་ཤེས་བྱའོ། །ཡུམ་ནི་སྐར་མདའ་འཆང་ཞེས་བྱའོ། །སྲས་ནི་མཆོད་རྟེན་མཆོད་ཅེས་བྱའོ། །རིམ་གྲོ་
པ་ནི་བྱང་ཆུབ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་བརྟན་པའི་འགྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་ནི་ལན་བདུན་བཅུ་རྩ་ལྔ་སྟེ། ཐམས་ཅད་ལ་ཡང་འབུམ་
ཕྲག་སུམ་བཅུ་རྩ་དྲུག་དྲུག་གོ། སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྟོབས་བྱིན་སྐྱེ་བའི་
ཡུལ་ནི་མ་སྨད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུ་རྩ་དྲུག་གོ། །ཡབ་ནི་གཞན་གྱིས་མི་ཐུབ་པར་གྲགས་པ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་པ་ནི་
སྐྱོན་མེད་པར་གནས་པ་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་འཛིན་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པར་དགའ་ཞེས་བྱའོ། །འདུས་པ་ནི་ལན་བདུན་བཅུ་རྩ་གཉིས་ཏེ། ཐམས་ཅད་ལ་ཡང་
འབུམ་ཕྲག་སུམ་བཅུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་གསུམ་མོ། །དམ་པའི་ཆོས་ཀྱང་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
40-1-190a


དེ་བཞིན་གཤེགས་པ་སེང་གེ་སྟབས་སྐྱེ་བའི་ཡུལ་ནི་དབྱངས་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་འདོད་ཅེས་བྱའོ། །ཡུམ་ནི་ཕན་འགྲོ་མ་ཞེས་བྱའོ། །སྲས་ནི་ལྷ་མཆོག་
ཅེས་བྱའོ། །རིམ་གྲོ་པ་ནི་མྱ་ངན་སེལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འདམ་ལས་རྒལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་བསྲུངས་ཤེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་
ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་གི་ཏོག་སྐྱེ་བའི་ཡུལ་ནི་མེ་ཏོག་
དྲི་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ་། །ཡབ་ནི་དབྱིག་གི་ཟླ་བ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་མེ་ཏོག་སོ་ཞེས་བྱའོ། །རིམ་གྲོ་པ་ནི་ལྷའི་མེ་ཏོག་ཅེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་དགྲ་བཅོམ་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་དགའ་ཞེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་
ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་སྐྱེ་བའི་ཡུལ་ནི་ཡོན་ཏན་འབྱུང་གནས་ཤེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་སྟོང་ངོ་། །ཡབ་ནི་ཡོན་ཏན་མཆོད་གནས་ཤེས་བྱའོ། །ཡུམ་ནི་ཁ་ལོ་བསྒྱུར་དགའ་ཞེས་བྱའོ། །སྲས་ནི་འོད་ཟེར་བཟང་པོ་ཞེས་བྱའོ། །རིམ་གྲོ་པ་ནི་བཀྲ་ཤིས་འཛིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་
ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་བྱིན་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་
40-1-190b


གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་བསོད་ནམས་འདོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ལྷ་བཟང་ཞེས་བྱའོ། །ཡུམ་ནི་
ཡོན་ཏན་རིན་ཆེན་གཟི་བརྗིད་ཅེས་བྱའོ། །སྲས་ནི་རྣམ་པར་ལྟ་བ་གྲགས་པའི་དཔལ་ཞེས་བྱའོ། །རིམ་གྲོ་པ་ནི་བརྩོན་འགྲུས་ཐོབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་ཀྱིས་དཔྱོད་ཅེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་འཇིགས་མེད་བློ་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ཡང་རིལ་པོ་
གཅིག་ཏུ་འདུག་། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་སྙིང་པོ་སྐྱེ་བའི་ཡུལ་ནི་ལྷའི་ཕོ་ཉ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་ནོར་བྱིན་ཞེས་བྱའོ། །ཡུམ་ནི་རིན་ཆེན་སྡོང་
ཞེས་བྱའོ། །སྲས་ནི་སྐྱོན་མེད་ཅེས་བྱའོ། །རིམ་གྲོ་པ་ནི་ཡིད་འཐད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་མཐུ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲན་པས་འགྲོ་ཞེས་བྱའོ། །ཉན་ཐོས་འདུས་པ་ནི་ལན་བཅུ་བདུན་ཏེ། 
ཐམས་ཅད་ལ་ཡང་ཁྲི་ཕྲག་རེ་རེར་མཚུངས་སོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་གྲགས་པ་སྐྱེ་བའི་ཡུལ་ནི་གྲགས་
བདག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་དགེ་བ་དགའ་ཞེས་བྱའོ། །ཡུམ་ནི་སྤྱོད་ལྡན་མ་ཞེས་བྱའོ། །སྲས་ནི་སྣ་ཚོགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིགས་སྔགས་
འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་པ་ཆེན་པོ་ཞེས་བྱའོ། །དགྲ་བཅོམ་པ་འདུས་པ་ནི་ལན་ཉི་ཤུ་རྩ་དགུ་སྟེ། ཐམས་ཅད་ལ་ཡང་བྱེ་བ་དྲུག་བཅུ་རྩ་རེ་རེའོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་
40-1-191a


ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་པ་རྨད་ཏུ་བྱུང་བ་སྐྱེ་བའི་ཡུལ་ནི་ལྷའི་ཕོ་ཉ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་བསོད་ནམས་
དགའ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་བསོད་ནམས་ཆེན་པོ་ཞེས་བྱའོ། །རིམ་གྲོ་པ་ནི་བསོད་ནམས་མི་དམན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་རྒྱལ་མཚན་ཞེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་སེང་གེའི་སྟབས་ལྟར་འགྲོ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་ཚུགས་པ་སྐྱེ་བའི་ཡུལ་ནི་བལྟ་ན་སྡུག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བཅུ་རྩ་ལྔའོ། །ཡབ་ནི་འོད་གསལ་ཞེས་བྱའོ། །ཡུམ་ནི་སྣང་བ་མཐའ་ཡས་མ་ཞེས་བྱའོ། །སྲས་
ནི་སྤོབས་པའི་བློ་ཞེས་བྱའོ། །རིམ་གྲོ་པ་ནི་ཐོས་པའི་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤོབས་པའི་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་རབ་འཇོམས་ཤེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། 
ཐམས་ཅད་ལ་ཡང་བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་གཟི་བརྗིད་སྐྱེ་བ་ཞེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་བདུན་ནོ། །ཡབ་ནི་ཡུལ་འཁོར་ལྷ་ཞེས་བྱའོ། །ཡུམ་ནི་ཚངས་དབྱངས་མ་ཞེས་བྱའོ། །སྲས་ནི་དབྱངས་མཁས་ཤེས་བྱའོ། །རིམ་གྲོ་པ་ནི་རྒོལ་བས་མཆོད་ཅེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞལ་མེད་མཆོག་ཅེས་བྱའོ། །ཉན་ཐོས་འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་ཉི་ཤུ་རྩ་གཉིས་གཉིས་སོ། །སྐུ་ཚེའི་ཚད་ནི་
40-1-191b


ལོ་ལྔ་སྟོང་ངོ་། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་བསོད་ནམས་གཟི་བརྗིད་ཅེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་བདེན་པ་བྱིན་ཞེས་བྱའོ། །ཡུམ་ནི་རིན་ཆེན་བློ་གྲོས་མ་ཞེས་བྱའོ། །སྲས་ནི་སྐྱེ་བའི་དབང་པོས་བྱིན་ཞེས་བྱའོ། །རིམ་གྲོ་པ་ནི་དྲི་ཟའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོས་པའི་
འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་ཆོས་ཤེས་བྱའོ། །ཉན་ཐོས་འདུས་པ་ནི་ལན་བརྒྱད་དེ། ཐམས་ཅད་ལ་ཡང་ཐེར་འབུམ་བདུན་བཅུ་བདུན་བཅུའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་ཁྲི་དགུ་སྟོང་གི་
བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གཤེགས་སྐྱེ་བའི་ཡུལ་ནི་སྙན་པ་མ་སྨད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཐུབ་ལྡན་ཞེས་བྱའོ། །ཡུམ་ནི་ང་རྒྱལ་དང་རྒྱགས་པ་ལས་
རྣམ་པར་གྲོལ་བ་ཞེས་བྱའོ། །སྲས་ནི་མཚན་གྱིས་རྣམ་པར་སྤྲས་པ་ཞེས་བྱའོ། །རིམ་གྲོ་པ་ནི་ཡིད་མི་སྐྱོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚངས་པའི་སྒྲ་དབྱངས་ཤེས་བྱའོ། །ཉན་
ཐོས་འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ་། །དམ་པའི་ཆོས་ཀྱང་ལོ་ཉི་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་མཐུ་རྩལ་སྐྱེ་བའི་
ཡུལ་ནི་མངོན་དུ་འགྲོ་བར་བྱ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་ཐམས་ཅད་བྱིན་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་ཐམས་ཅད་འདོད་ཅེས་བྱའོ། །རིམ་གྲོ་པ་ནི་མངོན་པར་གྲགས་ཤེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲི་མ་མེད་པའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་
40-1-192a


པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་དགའ་བ་དད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་འཕགས་པ་དད་
ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་མཆོད་འོས་ཤེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་སྟོང་གི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་
པར་གནས་ཤེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་གཅིག་སྟེ། ཐམས་ཅད་ལ་ཡང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་བདེན་སྐྱེ་བའི་ཡུལ་ནི་ལྷས་
མཆོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་མཐའ་ཡས་སོ། །ཡབ་ནི་མཆོད་འོས་ཤེས་བྱའོ། །ཡུམ་ནི་མཆོད་འདོད་མ་ཞེས་བྱའོ། །སྲས་ནི་ཚངས་པའི་འཁོར་ལོ་ཞེས་བྱའོ། །རིམ་གྲོ་པ་ནི་འཇིག་རྟེན་ལྷ་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་འཇིག་རྟེན་མཆོད་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བཟངས་ཤེས་བྱའོ། །འདུས་པ་ནི་ལན་སྟོང་ངོ་། ཐམས་ཅད་ལ་ཡང་ཐེར་འབུམ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་སུམ་ཁྲི་ཆིག་སྟོང་ངོ་། །དམ་པའི་ཆོས་
ནི་ལོ་བདུན་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ནོར་བུའི་སྙིང་པོ་སྐྱེ་བའི་ཡུལ་ནི་ཡོན་ཏན་ཐམས་ཅད་ཀྱིས་མཛེས་པར་བྱས་པ་ཞེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་མིའི་ཟླ་བ་ཞེས་བྱའོ། །ཡུམ་ནི་རིན་ཆེན་སྒྲོན་མ་ཞེས་བྱའོ། །སྲས་ནི་ཕྱོགས་ཀྱི་མཐུ་རྩལ་ཞེས་བྱའོ། །རིམ་གྲོ་པ་ནི་ཡོན་ཏན་འཕེལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ངེས་
ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མི་འཁྲུལ་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་རྩ་དགུ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་བཅུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་ལྔ་ཁྲི་ལྔ་སྟོང་ངོ་། །དམ་པའི་ཆོས་ནི་
40-1-192b


ལོ་ལྔ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་གྲགས་སྐྱེ་བའི་ཡུལ་ནི་རིན་པོ་ཆེའི་སྒྲོན་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
གསུམ་མོ། །ཡབ་ནི་འཕགས་པའི་ལྷ་ཞེས་བྱའོ། །ཡུམ་ནི་ཤིན་ཏུ་མཛེས་མ་ཞེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་སྤོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་སེམས་དཔའ་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་དབང་ཕྱུག་ཆེན་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་དྲུག་གོ། །གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་དཔག་ཚད་བརྒྱད་སྟོང་དྲུག་བརྒྱ་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་དཔལ་སྐྱེ་བའི་ཡུལ་ནི་ཡོན་ཏན་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་
སྐྱེ་བོའི་མཆོད་རྟེན་ཞེས་བྱའོ། །ཡུམ་ནི་ཡོན་ཏན་ཟླ་བ་ཞེས་བྱའོ། །སྲས་ནི་སྐལ་ལྡན་ཤིང་རྟ་ཞེས་བྱའོ། །རིམ་གྲོ་པ་ནི་ཉི་མའི་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གྲགས་
པ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་འབུམ་མོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
པ་བཅིངས་མེད་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུ་རྩ་བཞི་པའོ། །ཡབ་ནི་ཆུ་ལྷའི་ལྷ་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་དགེ་མཆོག་རྒྱལ་པོ་ཞེས་བྱའོ། །
རིམ་གྲོ་པ་ནི་ཡོན་ཏན་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་དུ་འོང་བར་གནས་པ་ཤེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་གསུམ་སྟེ། ཐམས་ཅད་
40-1-193a


ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟུལ་ཞུགས་
བརྟན་སྐྱེ་བའི་ཡུལ་ནི་མ་སྨད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་སྤོས་ལྡན་ཞེས་བྱའོ། །ཡུམ་ནི་ཡིད་འོང་སྤོས་ཞེས་བྱའོ། །སྲས་ནི་ཀུན་དུ་གཟི་བརྗིད་ཅེས་བྱའོ། །རིམ་གྲོ་པ་ནི་ཡེ་ཤེས་རྣམ་པར་འཐོར་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཉི་མ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་འབུམ་མོ། །
དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་གཟི་བརྗིད་སྐྱེ་བའི་ཡུལ་ནི་འགྲོ་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ལྷས་བསྲུངས་ཤེས་
བྱའོ། །ཡུམ་ནི་ཐར་པ་ལྷ་ཞེས་བྱའོ། །སྲས་ནི་ལྷ་ལ་དད་ཅེས་བྱའོ། །རིམ་གྲོ་པ་ནི་སྲིད་གསུམ་མྱ་ངན་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་རྩེ་མོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྙན་པར་གྲགས་ཤེས་བྱའོ། །ཉན་ཐོས་
འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་ཉིས་འབུམ་ཉིས་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་ཐེར་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པ་ཐུབ་སྐྱེ་བའི་ཡུལ་
ནི་ལེགས་བསམས་གྲགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མ་སྨད་པ་ཞེས་བྱའོ། །ཡུམ་ནི་དབང་པོ་དུལ་ཞེས་བྱའོ། །སྲས་ནི་ཕྱག་དགའ་ཞེས་བྱའོ། །རིམ་གྲོ་པ་ནི་ཞི་གནས་དགའ་ཞེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་མེ་ཏོག་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབྱངས་སྙན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་བཞི་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །དམ་པའི་ཆོས་ནི་
40-1-193b


ལོ་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དལ་གྱིས་བཞུད་སྐྱེ་བའི་ཡུལ་ནི་དགའ་བས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཡོན་ཏན་ཕུང་པོ་ཞེས་བྱའོ། །ཡུམ་
ནི་ཡོན་ཏན་གྱི་ཚོགས་ཤེས་བྱའོ། །སྲས་ནི་ཀུན་དུ་གསལ་ཞེས་བྱའོ། །རིམ་གྲོ་པ་ནི་ཚོགས་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གྲགས་མཛེས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཀུན་འབྱུང་ཞེས་
བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་
ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟུལ་ཞུགས་དཀའ་ཐུབ་སྐྱེ་བའི་ཡུལ་ནི་འོད་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་འོད་ཟེར་ཆེན་པོ་ཞེས་བྱའོ། །ཡུམ་ནི་ཡིད་འོང་གཟི་བརྗིད་
ཅེས་བྱའོ། །སྲས་ནི་བཞིན་མ་ཞུམ་ཞེས་བྱའོ། །རིམ་གྲོ་པ་ནི་ངོམས་པ་མེད་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཚོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲིབ་མེད་མ་རྨོངས་པ་ཞེས་བྱའོ། །ཉན་
ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དྲུག་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་
རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་ཕུང་པོ་སྐྱེ་བའི་ཡུལ་ནི་ཀླུ་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་ཙམ་མོ། །ཡབ་ནི་འོད་ཆེན་པོ་ཞེས་བྱའོ། །ཡུམ་
ནི་འཇིག་རྟེན་སྒྲོན་མ་ཞེས་བྱའོ། །སྲས་ནི་གཟི་བརྗིད་མེ་ཏོག་ཅེས་བྱའོ། །རིམ་གྲོ་པ་ནི་གཟི་བརྗིད་ཐུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་པད་མའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐུབ་པ་མེད་པའི་མཐུ་ཞེས་བྱའོ། །
40-1-194a


ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཉི་ཁྲི་ཉི་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
གཟི་བརྗིད་ཆེན་པོ་སྐྱེ་བའི་ཡུལ་ནི་གཟི་བརྗིད་ཁྱད་པར་དུ་འཕགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་འགྲོས་བརྟན་ཞེས་བྱའོ། །ཡུམ་ནི་དབང་སྒྱུར་མ་ཞེས་བྱའོ། །སྲས་ནི་འོད་གསལ་ཞེས་
བྱའོ། །རིམ་གྲོ་པ་ནི་འཇམ་པའི་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་གི་བློ་གྲོས་ཤེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། ཐམས་ཅད་ལ་
ཡང་ཐེར་འབུམ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཙམ་པ་ཀ་སྐྱེ་བའི་
ཡུལ་ནི་སྤོས་ལྡན་མ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུའོ། །ཡབ་ནི་བསོད་ནམས་འོད་ཅེས་བྱའོ། །ཡུམ་ནི་མཐོང་ན་ཡིད་འོང་ཞེས་བྱའོ། །སྲས་ནི་སེང་གེའི་ལྟ་སྟངས་ཤེས་བྱའོ། །རིམ་གྲོ་པ་ནི་གླང་པོ་ཆེའི་
ལྟ་སྟངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་རྒྱལ་ཞེས་བྱའོ། །ཉན་ཐོས་འདུས་པ་ནི་ལན་བྱེ་བ་ཕྲག་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་དགུ་
བཅུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་མཛད་སྐྱེ་བའི་ཡུལ་ནི་དགའ་མཆོག་ཅེས་བྱའོ། །རིགས་ནི་རྒྱལ་རིགས་སོ། །
འོད་ནི་གླིང་ཆེན་པོ་བཞི་པའི་བཅྭ་ལྔ་ཙམ་མོ། །ཡབ་ནི་དགའ་འོད་ཅེས་བྱའོ། །ཡུམ་ནི་མཆོད་འོས་མ་ཞེས་བྱའོ། །སྲས་ནི་ཀླུ་སྤོས་ཞེས་བྱའོ། །རིམ་གྲོ་པ་ནི་ཚུལ་ཁྲིམས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྨྲ་
40-1-194b


དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་སྨྲ་དབྱངས་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཁྲི་ཕྲག་བརྒྱད་སྟོང་བརྒྱད་སྟོང་ངོ་། །སྐུ་ཚེའི་ཚད་ནི་ལོ་ལྔ་སྟོང་ངོ་། །དམ་པའི་ཆོས་ཀྱང་ལོ་ལྔ་ཁྲིའི་བར་
དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚོགས་ཅན་བཟང་པོ་སྐྱེ་བའི་ཡུལ་ནི་ཚོགས་ལྡན་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲིའོ། །
ཡབ་ནི་ཉི་མའི་ཏོག་ཅེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་འགྲོས་མཛེས་ཤེས་བྱའོ། །རིམ་གྲོ་པ་ནི་ནོར་ལྷའི་བུ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྱང་ཆུབ་དགའ་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་བསོད་ནམས་འབྱུང་གནས་ཤེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་དབང་པོའི་རྒྱལ་མཚན་སྐྱེ་བའི་ཡུལ་ནི་རིན་པོ་ཆེའི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་བསོད་ནམས་རྒྱལ་མཚན་ཞེས་བྱའོ། །
ཡུམ་ནི་ཡོན་ཏན་རྒྱལ་མཚན་ཞེས་བྱའོ། །སྲས་ནི་ཆོས་ཀྱི་བློ་ཞེས་བྱའོ། །རིམ་གྲོ་པ་ནི་འཁྲུལ་མེད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགེ་བའི་
ཚོགས་ཤེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་འབུམ་མོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་དགྱེས་པ་ཆེན་པོ་སྐྱེ་བའི་ཡུལ་ནི་ཡོན་ཏན་སྟོང་སྙེད་སྣང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་མཛོད་མཐའ་ཡས་ཤེས་བྱའོ། །ཡུམ་ནི་ཡེ་ཤེས་འཇིགས་མེད་མ་ཞེས་བྱའོ། །སྲས་ནི་
40-1-195a


བྱང་ཆུབ་སེམས་ཤེས་བྱའོ། །རིམ་གྲོ་པ་ནི་བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་སྨད་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་འདོད་ཅེས་བྱའོ། །ཉན་ཐོས་འདུས་པ་ནི་ལན་ཉི་
ཤུ་རྩ་གཅིག་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣ་མའི་མེ་ཏོག་འོད་སྐྱེ་བའི་ཡུལ་ནི་མེ་ཏོག་
གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་མེ་ཏོག་ཟླ་བ་ཞེས་བྱའོ། །རིམ་གྲོ་པ་ནི་མེ་ཏོག་གི་ཏོག་ཅེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཡོན་ཏན་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་མ་དཀར་པོའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་སྟོང་སྟེ། ཐམས་ཅད་ལ་ཡང་དྲུག་འབུམ་དྲུག་ཁྲི་དྲུག་ཁྲིའོ། །སྐུ་ཚེའི་ཚད་ནི་
ལོ་དུང་ཕྱུར་ཕྲག་བརྒྱད་དོ། །དམ་པའི་ཆོས་ཀྱང་ལོ་དུང་ཕྱུར་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོགས་ཅན་འོད་སྐྱེ་བའི་ཡུལ་ནི་ཁ་ལོ་བསྒྱུར་བའི་འོད་ཅེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་བཅུ་བཞིའོ། །ཡབ་ནི་ཡོན་ཏན་འོད་ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་བསོད་ནམས་གསལ་ཞེས་བྱའོ། །རིམ་གྲོ་པ་ནི་གྲགས་པ་གསལ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་ཡེ་ཤེས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པ་གསལ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་དགུ་ཁྲི་དགུ་ཁྲིའོ། །སྐུ་ཚེའི་ཚད་ནི་ལོ་བདུན་
སྟོང་ངོ་། །དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐྲུན་པར་མཛད་པ་སྐྱེ་བའི་ཡུལ་ནི་ཤིན་ཏུ་མཛེས་པ་ཞེས་བྱའོ། །རིགས་ནི་བྲམ་
40-1-195b


ཟེའོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་ཁུར་སྟོབས་ཅན་ཞེས་བྱའོ། །ཡུམ་ནི་ཉི་མ་ཅན་ཞེས་བྱའོ། །སྲས་ནི་གྲགས་པའི་དབང་པོ་ཞེས་བྱའོ། །རིམ་གྲོ་པ་ནི་ཏོག་གི་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་
ཆེན་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་དཔལ་ཞེས་བྱའོ། །ཉན་ཐོས་འདུས་པ་ནི་ལན་གསུམ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་བརྒྱའོ། །དམ་པའི་ཆོས་ཀྱང་
ལོ་དྲུག་བརྒྱའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མདངས་འགྲོ་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་ལྔའོ། །ཡབ་ནི་སེང་གེས་རྣམ་པར་རོལ་པ་ཞེས་བྱའོ། །ཡུམ་ནི་ཡོན་ཏན་ཕུང་པོ་ཞེས་བྱའོ། །སྲས་ནི་མཐའ་ཡས་མིག་ཅེས་བྱའོ། །རིམ་གྲོ་པ་ནི་བརྩོན་འགྲུས་མི་གཏོང་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་བརྩོན་འགྲུས་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་མཐུ་རྩལ་ཅན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་
ཁྲི་དགུ་སྟོང་ངོ་། །དམ་པའི་ཆོས་ནི་ལོ་བདུན་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ལེགས་ངེས་སྐྱེ་བའི་ཡུལ་ནི་ཡོན་ཏན་ངེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་དགུ་བཅུ་རྩ་དགུའོ། །ཡབ་ནི་དོན་གྱི་ཡོན་ཏན་ཞེས་བྱའོ། །ཡུམ་ནི་གཟི་བརྗིད་དཔག་མེད་མ་ཞེས་བྱའོ། །སྲས་ནི་གྲགས་པ་དཔག་མེད་ཅེས་བྱའོ། །རིམ་གྲོ་པ་ནི་མཐུ་རྩལ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བའི་བཤེས་གཉེན་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་དཔག་ཏུ་མེད་ཅེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་
40-1-196a


པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཁྱུ་མཆོག་སྐྱེ་བའི་ཡུལ་ནི་ལྷས་མཆོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་ས་མཆོག་ཅེས་བྱའོ། །ཡུམ་ནི་དྲི་མེད་བློ་གྲོས་
མ་ཞེས་བྱའོ། །སྲས་ནི་ཐུབ་མེད་སྡེ་ཞེས་བྱའོ། །རིམ་གྲོ་པ་ནི་ཀུན་དུ་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་
ལན་དུང་ཕྱུར་ཕྲག་བདུན་ཏེ། ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་བཟངས་
སྐྱེ་བའི་ཡུལ་ནི་ལྷའི་མཆོད་རྟེན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བཅུ་རྩ་གཉིས་སོ། །ཡབ་ནི་བཤེས་གཉེན་བཟང་པོ་ཞེས་བྱའོ། །ཡུམ་ནི་བརྟན་འགྲོ་མ་ཞེས་བྱའོ། །སྲས་ནི་མཆོག་འདོད་ཅེས་བྱའོ། །རིམ་གྲོ་པ་ནི་
བདུད་རྩི་སྒྲོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་གཅན་ཤིས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་བྱེ་བ་སུམ་བཅུ་རྩ་བརྒྱད་
བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་ནོར་དགའ་
ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བདུད་རྩི་དགའ་ཞེས་བྱའོ། །ཡུམ་ནི་ཡོན་ཏན་འདོད་ཅེས་བྱའོ། །སྲས་ནི་རོ་མཆོག་ཅེས་བྱའོ། །རིམ་གྲོ་པ་ནི་རོ་བརྒྱ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་མཐུ་རྩལ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྙོག་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་བཅུ་གཅིག་བཅུ་གཅིག་གོ། །དམ་པའི་ཆོས་ནི་ལོ་བདུན་ཁྲི་
40-1-196b


ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསམ་པས་བྱིན་སྐྱེ་བའི་ཡུལ་ནི་བསམ་པ་ཡང་དག་འཕགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་ངོ་། །ཡབ་ནི་
གསང་བ་མཐོང་ཞེས་བྱའོ། །ཡུམ་ནི་བརྟུལ་ཞུགས་ཡང་དག་འཕགས་ཤེས་བྱའོ། །སྲས་ནི་སྐྱོན་མེད་ང་རོ་ཞེས་བྱའོ། །རིམ་གྲོ་པ་ནི་རིན་ཆེན་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བའི་སྤོས་ཤེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་གདངས་པོ་ཆེ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་
གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་འོད་སྐྱེ་བའི་ཡུལ་ནི་བསོད་ནམས་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་
ངོ་། །ཡབ་ནི་བསོད་ནམས་གཟི་བརྗིད་ཅེས་བྱའོ། །ཡུམ་ནི་བསོད་ནམས་འོད་ཟེར་ཞེས་བྱའོ། །སྲས་ནི་གཟི་བརྗིད་གྲགས་པ་ཞེས་བྱའོ། །རིམ་གྲོ་པ་ནི་ལྷའི་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་བློ་གྲོས་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་
ནི་རིལ་པོ་གཅིག་ཏུ་འདུག་གོ། །མཆོག་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་དབྱངས་སྐྱེ་བའི་ཡུལ་ནི་ཐར་པའི་དབྱངས་ཤེས་བྱའོ། །རིགས་ནི་རྒྱལ་རིགས་
སོ། །འོད་ནི་དཔག་ཚད་བྱེ་བའོ། །ཡབ་ནི་བཻ་དཱུརྱའི་སྙིང་པོ་ཞེས་བྱའོ། །ཡུམ་ནི་ཐར་པའི་ང་རོ་ཞེས་བྱའོ། །སྲས་ནི་མི་གནས་ཐོབ་ཅེས་བྱའོ། །རིམ་གྲོ་པ་ནི་ལྷས་མཆོད་ཅེས་བྱའོ། །ཤེས་
40-1-197a


རབ་ཅན་རྣམས་ཀྱི་མཆོག་ནི་འཇིག་རྟེན་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀླུས་མཆོད་ཅེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཁྲི་བཞི་སྟོང་བཞི་སྟོང་ངོ་། །
སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྡོ་རྗེའི་སྡེ་སྐྱེ་བའི་ཡུལ་ནི་མི་ཕྱེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
དྲུག་སྟོང་ངོ་། །ཡབ་ནི་མི་ཕྱེད་པར་དགའ་བ་ཞེས་བྱའོ། །ཡུམ་ནི་རྡོ་རྗེའི་བློ་གྲོས་མ་ཤེས་བྱའོ། །སྲས་ནི་དགའ་བའི་སེམས་ཤེས་བྱའོ། །རིམ་གྲོ་པ་ནི་དབྱངས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུའི་མེ་ཏོག་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མཆོད་ཅེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་ཉི་ཤུ་རྩ་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འབྱོར་ལྡན་སྐྱེ་བའི་ཡུལ་ནི་ཐམས་ཅད་འབྱོར་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ་། །ཡབ་ནི་འབྱོར་
པའི་རྒྱལ་པོ་ཞེས་བྱའོ། །ཡུམ་ནི་དགེ་རྒྱལ་ཞེས་བྱའོ། །སྲས་ནི་རྒྱལ་ཆེན་ཞེས་བྱའོ། །རིམ་གྲོ་པ་ནི་ལྷའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་འོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
མ་སྤངས་པ་ཞེས་བྱའོ། །ཉན་ཐོས་འདུས་པ་ནི་ལན་བདུན་ཏེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་སེང་གེའི་སྟོབས་སྐྱེ་བའི་ཡུལ་ནི་སྟོབས་ཆེན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་ཀླུ་སྟོབས་ཤེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། །སྲས་ནི་རིན་ཆེན་སྟོབས་ཤེས་བྱའོ། །རིམ་གྲོ་པ་ནི་
40-1-197b


ཡོན་ཏན་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་མེད་སྟོབས་ཤེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་དུང་ཕྱུར་
ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲི་མ་མེད་པའི་སྤྱན་སྐྱེ་བའི་ཡུལ་ནི་མིག་ཏུ་སྡུག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བརྒྱའོ། །ཡབ་ནི་མིག་མཚུངས་ཞེས་བྱའོ། །ཡུམ་ནི་ཡིད་འོང་མིག་ཅེས་བྱའོ། །སྲས་ནི་བདུད་རྩིའི་ལྷ་ཞེས་བྱའོ། །རིམ་གྲོ་པ་ནི་དམིགས་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་མཆོད་རྟེན་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་མི་ཟད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཁྲི་བདུན་སྟོང་བདུན་སྟོང་ངོ་། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་
ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེ་བའི་ཡུལ་ནི་ཡུལ་འཁོར་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་ལྷའི་དྲང་སྲོང་ཞེས་བྱའོ། །
ཡུམ་ནི་མི་འཇིགས་བྱིན་ཞེས་བྱའོ། །སྲས་ནི་རིག་པའི་མཐུ་རྩལ་ཞེས་བྱའོ། །རིམ་གྲོ་པ་ནི་ཀུན་དུ་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་མེད་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་བརྩེགས་ཤེས་
བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་ཉིས་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གསལ་སྐྱེ་བའི་ཡུལ་ནི་གསལ་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་གསལ་ཅན་ཞེས་བྱའོ། །ཡུམ་ནི་ཡོན་ཏན་གསལ་ཞེས་བྱའོ། །སྲས་ནི་ཐར་པ་དད་
40-1-198a


ཅེས་བྱའོ། །རིམ་གྲོ་པ་ནི་རྒྱལ་བ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྨྲ་བ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྫུ་འཕྲུལ་གསལ་ཞེས་བྱའོ། །འདུས་པ་ནི་
ལན་སུམ་བཅུ་རྩ་གཉིས་ཏེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་ཡེ་ཤེས་འགྲོས་སྐྱེ་བའི་ཡུལ་ནི་གཟི་བརྗིད་ཀྱིས་བརྒྱན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་མཐུ་རྩལ་བརྟན་ཞེས་བྱའོ། །ཡུམ་ནི་
ཡེ་ཤེས་ཐོབ་ཅེས་བྱའོ། །སྲས་ནི་མཐོང་དགའ་ཞེས་བྱའོ། །རིམ་གྲོ་པ་ནི་དགའ་སྡུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྷ་ར་ཏ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་གཟི་བརྗིད་རབ་གསལ་ཅེས་བྱའོ། །ཉིན་ཐོས་འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཉི་ཁྲི་བདུན་སྟོང་ངོ་། །དམ་པའི་ཆོས་ནི་ལོ་
ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་དྲག་ཤུལ་ཅན་སྐྱེ་བའི་ཡུལ་ནི་ཀུན་དུ་གཟི་བརྗིད་ཅན་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བཞི་བཅུའོ། །ཡབ་ནི་དྲག་ཤུལ་བརྩེགས་ཤེས་བྱའོ། །ཡུམ་ནི་གཟི་བརྗིད་མེ་ཏོག་ཅེས་བྱའོ། །སྲས་ནི་དམིགས་པ་མ་འཁྲུལ་ཞེས་བྱའོ། །རིམ་གྲོ་པ་ནི་སེམས་བརྟགས་ཤེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུགས་པ་མེད་པར་གནས་ཤེས་བྱའོ། །འདུས་པ་དང་པོ་ལ་ནི་ཉན་
40-1-198b


ཐོས་དྲུག་ཁྲིའོ། །གཉིས་པ་ལ་ནི་འབུམ་མོ། །གསུམ་པ་ལ་ནི་སུམ་འབུམ་མོ། །བཞི་པ་ལ་ནི་དྲུག་འབུམ་མོ། །ལྔ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ་། །དམ་པའི་ཆོས་
ནི་ལོ་ལྔ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་འོད་ཟེར་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བདུན་བཅུའོ། །ཡབ་ནི་རིན་ཆེན་སྒྲོན་མ་ཞེས་བྱའོ། །ཡུམ་ནི་གཟི་བརྗིད་མཆོད་ཅེས་བྱའོ། །སྲས་ནི་ལྷའི་གཟི་བརྗིད་ཅེས་བྱའོ། །རིམ་གྲོ་པ་ནི་ལག་མཆོག་གཟི་བརྗིད་ཅེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་ཁམས་གསུམ་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པའི་གཟི་བརྗིད་ཅེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་
བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་སྒྲོན་
བྱེད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་གྲགས་པའི་འོད་ཅེས་བྱའོ། །ཡུམ་ནི་དཔག་མེད་མིག་ཅེས་བྱའོ། །སྲས་ནི་སྐར་མདའ་འོད་ཅེས་བྱའོ། །
རིམ་གྲོ་པ་ནི་འོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་
འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །འཕགས་པ་བསྐལ་པ་བཟང་པོ་
40-1-199a


པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་དྲུག་པ། དེ་བཞིན་གཤེགས་པ་དྲི་མ་མེད་པའི་འོད་སྐྱེ་བའི་ཡུལ་ནི་བཀོད་པ་མི་འཁྲུགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་
གོ། །ཡབ་ནི་ལྷའི་གཟི་བརྗིད་ཅེས་བྱའོ། །ཡུམ་ནི་ལུས་དགའ་མ་ཞེས་བྱའོ། །སྲས་ནི་ཡན་ལག་མ་སྨད་པ་ཞེས་བྱའོ། །རིམ་གྲོ་པ་ནི་སྐྱོན་མེད་ལུས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕ་རོལ་ཕྱིན་
ཐོབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔག་མེད་འགྲོ་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ་། །དམ་པའི་
ཆོས་ཀྱང་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་རྣམ་པར་འབྱེས་པ་སྐྱེ་བའི་ཡུལ་ནི་ཤིན་དུ་རྣམ་
པར་འབྱེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་གཟི་བརྗིད་དཔལ་ཞེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་སྐར་མཁན་ཞེས་བྱའོ། །རིམ་གྲོ་པ་
ནི་ཁ་ལོ་བསྒྱུར་བའི་སྤོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་དགེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་ལག་ཅེས་བྱའོ། །འདུས་པ་ནི་ལན་བཞི་བཅུ་རྩ་བརྒྱད་དེ། ཐམས་
ཅད་ལ་ཡང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བ་ཕྲག་བཅུ་བཞིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཁེངས་མེད་
སྐྱེ་བའི་ཡུལ་ནི་རྫོགས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་མི་ཚུགས་པ་ཞེས་བྱའོ། །ཡུམ་ནི་ཁྱད་པར་ཐོབ་ཅེས་བྱའོ། །སྲས་ནི་འཇིག་རྟེན་
40-1-199b


ཁྱད་པར་འཕགས་ཞེས་བྱའོ། །རིམ་གྲོ་པ་ནི་འདྲ་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་ཁྱད་པར་འཕགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་འཕགས་
ཤེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་དགུ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦྲང་རྩིའི་ཞལ་སྐྱེ་བའི་ཡུལ་ནི་གཅིག་ཏུ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །ཡབ་
ནི་དགའ་བྱེད་ཅེས་བྱའོ། །ཡུམ་ནི་བདུད་རྩི་བྱེད་ཅེས་བྱའོ། །སྲས་ནི་བཀོད་པ་མི་འཁྲུལ་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཤུགས་འཆང་ཞེས་བྱའོ། །འདུས་པ་ནི་ལན་ལྔ་བཅུ་རྩ་དགུ་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །
དམ་པའི་ཆོས་ཀྱང་ལོ་དྲུག་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་འོད་སྐྱེ་བའི་ཡུལ་ནི་དྲི་མ་མེད་པའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །
ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ཟླ་བའི་མེ་ཏོག་ཅེས་བྱའོ། །སྲས་ནི་ཟླ་སྣང་ཞེས་བྱའོ། །རིམ་གྲོ་པ་ནི་ཟླ་བཟངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ལྷའི་བདུད་རྩི་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་
40-1-200a


པར་འགྱུར་རོ། །དེ་བཞིན་གཤེགས་པ་ཀློག་སྦྱིན་སྐྱེ་བའི་ཡུལ་ནི་ཉི་མའི་བློ་གྲོས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་དབང་པོའི་རྒྱལ་མཚན་ཞེས་བྱའོ། །ཡུམ་ནི་ལྷ་མཆོད་མ་ཞེས་བྱ་
འོ། །སྲས་ནི་ཉི་མའི་ཏོག་ཅེས་བྱའོ། །རིམ་གྲོ་པ་ནི་སྒྲོན་མ་དྲང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གསེར་འོད་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །འདུས་
པ་ནི་ལན་བཞི་བཅུ་རྩ་ལྔ་སྟེ། ཐམས་ཅད་ལ་ཡང་བྱེ་བ་ཕྲག་བདུན་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་
གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བར་གཤེགས་པ་སྐྱེ་བའི་ཡུལ་ནི་བློ་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་འགྲོས་སྙོམས་ཤེས་བྱའོ། །
ཡུམ་ནི་བདེ་འགྲོ་མ་ཞེས་བྱའོ། །སྲས་ནི་འཕགས་པ་འདོད་ཅེས་བྱའོ། །རིམ་གྲོ་པ་ནི་དགྲ་བཅོམ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་མཐུ་རྩལ་བརྟན་པོ་ཞེས་བྱའོ། །འདུས་པ་ནི་ལན་ཉི་ཤུ་རྩ་གཅིག་སྟེ། ཐམས་ཅད་ལ་ཡང་འབུམ་ཕྲག་བཅུ་གཅིག་བཅུ་གཅིག་གོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ་། །དམ་པའི་ཆོས་ཀྱང་ལོ་བདུན་ཁྲི་ཉིས་སྟོང་གི་
བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་འཁྲུགས་པ་སྐྱེ་བའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
བདུན་སྟོང་ངོ་། །ཡབ་ནི་བྱམས་གནས་ཤེས་བྱའོ། །ཡུམ་ནི་སྙིང་རྗེས་གནས་ཤེས་བྱའོ། །སྲས་ནི་ཡིད་མ་འཁྲུགས་ཤེས་བྱའོ། །རིམ་གྲོ་པ་ནི་སེམས་སྙོམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུལ་མེད་ཅེས་བྱའོ། །
40-1-200b


རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཡང་དག་འཕགས་ཤེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ་། །དམ་པའི་ཆོས་ཀྱང་ལོ་ཁྲི་བཞི་སྟོང་
གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་དེ་བཞིན་གཤེགས་པའི་སྤྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་
བཅུ་དྲུག་ཙམ་མོ། །ཡབ་ནི་དགྲ་བཅོམ་པ་ཞེས་བྱའོ། །ཡུམ་ནི་འཕགས་པའི་བུ་ཞེས་བྱའོ། །སྲས་ནི་མྱ་ངན་འདས་པ་གྲགས་ཤེས་བྱའོ། །རིམ་གྲོ་པ་ནི་དགྲ་བཅོམ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྙན་པ་
གྲངས་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོབས་པ་ཆེན་པོ་ཞེས་བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་འབུམ་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །
དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་ཡོན་ཏན་སྐྱེ་བའི་ཡུལ་ནི་ཡོན་ཏན་ཅན་ཞེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་ཡོན་ཏན་གཟི་བརྗིད་ཅེས་བྱའོ། །ཡུམ་ནི་ཡོན་ཏན་ཅན་ཞེས་བྱའོ། །སྲས་ནི་ཡོན་ཏན་མཐའ་ཡས་ཤེས་བྱའོ། །རིམ་གྲོ་པ་ནི་ཡོན་ཏན་ཆེན་པོའི་གཟི་བརྗིད་ཅེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གཟི་བརྗིད་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པའི་ཡོན་ཏན་རྒྱལ་པོ་ཞེས་བྱའོ། །འདུས་པ་ནི་ལན་སུམ་བཅུ་རྩ་གསུམ་སྟེ། ཐམས་ཅད་ལ་ཡང་ཐེར་
འབུམ་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞིང་བཟང་པོ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །
40-1-201a


རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཉི་ཤུ་ཙམ་མོ། །ཡབ་ནི་རིན་ཆེན་འོད་ཅེས་བྱའོ། །ཡུམ་ནི་མཐའ་ཡས་ཞིང་ཞེས་བྱའོ། །སྲས་ནི་ཤེས་རབ་སྒྲོན་མ་ཞེས་བྱའོ། །རིམ་གྲོ་པ་ནི་ཤེས་
རབ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མཁན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པའི་རྒྱལ་པོ་ཞེས་བྱའོ། །འདུས་པ་ནི་ལན་དྲུག་བཅུ་རྩ་དགུ་སྟེ། ཐམས་ཅད་ལ་ཡང་དྲུག་འབུམ་དྲུག་འབུམ་མོ། །
སྐུ་ཚེའི་ཚད་ནི་ལོ་བརྒྱད་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཀོད་པའི་རྒྱལ་པོ་སྐྱེ་བའི་ཡུལ་ནི་རིན་པོ་ཆེ་བཀོད་པ་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུ་རྩ་བརྒྱད་དོ། །ཡབ་ནི་བཀོད་པ་བསམ་གྱིས་མི་ཁྱབ་པ་ཞེས་བྱའོ། །ཡུམ་ནི་གཟི་བརྗིད་རྫོགས་ལྡན་ཞེས་བྱའོ། །སྲས་ནི་བཀོད་པ་ཆེན་པོ་ཞེས་བྱའོ། །རིམ་གྲོ་པ་ནི་ཐར་པ་
བཀོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷའི་ཉི་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་མི་གཡོ་བ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་ས་ཡ་ཕྲག་བརྒྱད་བརྒྱད་དོ། །དམ་པའི་ཆོས་
ནི་ལོ་བརྒྱད་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མངོན་པར་འཕགས་པ་སྐྱེ་བའི་ཡུལ་ནི་ལྷ་བརྩེགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་
འགྲོ་བའི་དབང་ཕྱུག་ཅེས་བྱའོ། །ཡུམ་ནི་འོད་ཟེར་མཆོག་ཅེས་བྱའོ། །སྲས་ནི་ཁེངས་མེད་ཅེས་བྱའོ། །རིམ་གྲོ་པ་ནི་དབང་པོ་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷའི་བུ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་
ནམས་འདོད་ཅེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་ཉི་ཤུ་རྩ་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
40-1-201b


མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦྱིན་བསྲེག་འོད་འཕྲོ་སྐྱེ་བའི་ཡུལ་ནི་ཚངས་པའི་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་དྲང་སྲོང་བློ་ཞེས་བྱའོ། །ཡུམ་ནི་སེམས་གྲོལ་མ་ཞེས་བྱའོ། །སྲས་
ནི་ཐེ་ཚོམ་མེད་ཅེས་བྱའོ། །རིམ་གྲོ་པ་ནི་དུལ་བར་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔའ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱ་མཚོའི་ཏོག་ཅེས་བྱའོ། །འདུས་པ་ནི་ལན་བརྒྱད་བཅུ་རྩ་ལྔ་སྟེ། ཐམས་ཅད་
ལ་ཡང་བྱེ་བ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་པད་མའི་དཔལ་སྐྱེ་བའི་ཡུལ་
ནི་པད་མ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་པད་མའི་མིག་ཅེས་བྱའོ། །སྲས་ནི་མེ་ཏོག་རྒྱལ་པོ་ཞེས་བྱའོ། །རིམ་གྲོ་པ་ནི་ལྷའི་མེ་ཏོག་ཅེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ལྷ་མ་ཡིན་གྱི་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེམས་ཅན་ཁ་ལོ་བསྒྱུར་ཞེས་བྱའོ། །འདུས་པ་ནི་ལན་ཉི་ཤུ་རྩ་བདུན་ཏེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་
ཚད་ནི་ལོ་དགུ་ཁྲི་དགུ་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་པོ་ཆེའི་བཀོད་པ་སྐྱེ་བའི་ཡུལ་ནི་ལྷའི་བཀོད་པ་ཞེས་
བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་སུམ་བཅུ་ཙམ་མོ། །ཡབ་ནི་རིན་ཆེན་འོད་ཅེས་བྱའོ། །ཡུམ་ནི་བློ་གྲོས་གསལ་ཞེས་བྱའོ། །སྲས་ནི་གསལ་ཆེན་ཞེས་བྱའོ། །རིམ་གྲོ་པ་ནི་བཀོད་པ་ཆེན་པོ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཆོས་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པ་དགའ་ཞེས་བྱའོ། །འདུས་པ་ནི་ལན་བདུན་བཅུ་རྩ་ལྔ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །
40-1-202a


དམ་པའི་ཆོས་ནི་ལོ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཤིན་ཏུ་བཟང་པོ་སྐྱེ་བའི་ཡུལ་ནི་བཟང་པོ་བྱེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་ངོ་། །ཡབ་ནི་ལྷ་བཟང་ཞེས་བྱའོ། །
ཡུམ་ནི་འཕགས་བཟང་མ་ཞེས་བྱའོ། །སྲས་ནི་དཔལ་བཟང་ཞེས་བྱའོ། །རིམ་གྲོ་པ་ནི་རིན་ཆེན་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་པོ་མཐའ་ཡས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཚོན་ཆ་བཟང་པོ་ཞེས་བྱའོ། །འདུས་པ་ནི་ལན་
བཞི་བཅུ་རྩ་དགུ་སྟེ། ཐམས་ཅད་ལ་ཡང་ས་ཡ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་བདུན་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་པོ་ཆེའི་མཆོག་སྐྱེ་བའི་ཡུལ་ནི་རིན་པོ་ཆེ་ཆེན་པོ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་ཁྱེའུ་མཆོག་ཅེས་བྱའོ། །ཡུམ་ནི་རིན་ཆེན་ཏོག་ཅེས་བྱའོ། །སྲས་ནི་རིན་པོ་ཆེའི་རྒྱ་མཚོ་ཞེས་བྱའོ། །རིམ་གྲོ་པ་ནི་བློ་གྲོས་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བཀོད་
པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱང་ཆུབ་སྟོབས་ཤེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུགས་ཤིན་དུ་གཞུངས་པ་སྐྱེ་བའི་ཡུལ་ནི་ལྷུན་པོ་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་གསུམ་མོ། །ཡབ་ནི་རིན་པོ་ཆེ་
འི་ལྷུན་པོ་ཞེས་བྱའོ། །ཡུམ་ནི་རིན་ཆེན་ཆེན་མོ་ཞེས་བྱའོ། །སྲས་ནི་བདུད་རྩིའི་ཕུང་པོ་ཞེས་བྱའོ། །རིམ་གྲོ་པ་ནི་དགེ་བ་བརྩེགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རི་བོའི་འོད་ཟེར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ཐོགས་པ་མེད་པར་གནས་ཤེས་བྱ། འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
40-1-202b


པ་འོད་དཔག་མེད་སྐྱེ་བའི་ཡུལ་ནི་གཟི་བརྗིད་དཔག་ཏུ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་མཐའ་ཡས་སོ། །ཡབ་ནི་དོན་སེམས་ཤེས་བྱའོ། །ཡུམ་ནི་སྡེ་ཆེན་མ་ཞེས་བྱའོ། །སྲས་ནི་གྲགས་པ་འཕགས་ཤེས་བྱའོ། །རིམ་གྲོ་པ་ནི་བློ་གྲོས་
ཉེ་བར་ཞི་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྨོན་ལམ་གཟུངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྟག་ཏུ་རྣམ་པར་འཕྲུལ་ཞེས་བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་བྱེ་བ་ཕྲག་བརྒྱད་བཅུ་
རྩ་བཞི་བཞིའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་ལྔའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །རྒྱལ་བ་རྒྱ་མཚོས་བྱིན་པ་སྐྱེ་བ་ཡི། །ཡུལ་ནི་རྒྱ་མཚོ་མཐའ་ཡས་པ་ཞེས་བྱ། །རྡུལ་བྲལ་རིགས་ནི་
བྲམ་ཟེ་འོད་ཀྱི་ཚད། །དཔག་ཚད་སུམ་སྟོང་ཐོས་པའི་དབང་པོ་ཡབ། །ཡོན་ཏན་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་དྲག་ཤུལ་རིམ་གྲོ་པ། །མཆོད་རྟེན་བཅུ་པ་ཞེས་བྱ་མཁས་པ་སྟེ། །རྒྱ་མཚོའི་བློ་ཞེས་བྱ་བ་
རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ལྷུན་པོའི་རྩེ་ལྟར་གཡོ་བ་མེད་པ་པོ། །ཐེར་འབུམ་ཐེར་འབུམ་སྙེད་ནི་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དངོས་པོ་མེད་པར་ཕྱིན་པའི་དམ་
ཆོས་དག །ལོ་གྲངས་བྱེ་བ་ཕྲག་ནི་སྟོང་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་དགུ་བཅུ་དྲུག །དེ་བཞིན་གཤེགས་པ་ཚངས་པའི་ཏོག་དག་གི། སྐྱེ་བའི་ཡུལ་ནི་ཡེ་ཤེས་སྒྲོན་ཞེས་བྱ། །རྒྱལ་བའི་རིགས་
ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ཚངས་བཟངས་ཡིན། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་བློ་བཟངས་རིམ་གྲོ་པ། །ཚོགས་ལྡན་མཆོད་རྟེན་ཞེས་བྱ་མཁས་པ་སྟེ། །ཚངས་པ་རྣམ་པར་ལྟ་བ་
རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྣམ་པར་ཐར་བརྒྱད་ཐོབ་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དེ་བཞིན་གཤེགས་པའི་དམ་པའི་ཆོས་
40-1-203a


དག་ཀྱང་། །ལོ་གྲངས་བདུན་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་ཐེར་འབུམ་ཕྲག་གསུམ་འབྱུང་། །དེ་བཞིན་གཤེགས་པ་ཟླ་གདུགས་སྐྱེ་བ་ཡི། །ཡུལ་ནི་འོད་དག་འཕྲོ་བས་བརྒྱན་ཞེས་བྱ། །
རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་དྲན་ལྡན་ཡིན། །གདངས་མཐོ་མ་ནི་རྒྱལ་ཡུམ་སྲས་པོ་ནི། །སྒྲ་གཅན་འཛིན་ཡིན་རིགས་ལྡན་རིམ་གྲོ་པ། །ཡེ་ཤེས་དགའ་ཞེས་བྱ་བ་མཁས་པ་སྟེ། །སྲེད་པ་རྣམ་པར་སྐེམས་པ་རྫུ་
འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །གཡོ་མེད་རིམས་ནད་མེད་པའི་བསམ་གཏན་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྟོན་པ་འགོག་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་
བཅུ་ཡི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱིས་རྣམ་པར་སྤྲས། །འཇིག་རྟེན་མགོན་པོ་འོད་ནི་འཕྲོ་བ་ཡི། །སྐྱེ་ཡུལ་ལེགས་པར་གསུངས་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་
འོད་དཔག་ཚད། །ཉི་ཤུ་གཉིས་ཡོད་ཡབ་ནི་འོད་བྱེད་ཡིན། །ཏོག་གི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བཀྲ་ཤིས་ཚོགས་དབང་རིམ་གྲོ་པ། །བཟང་པོ་གྲགས་ཤེས་བྱ་བ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་
གྲངས་དྲུག་བཅུ་ཀུན་ལ་ཡང་། །སོ་སོ་ཡང་དག་རིག་པའི་ཕ་མཐར་ཕྱིན། །རྣམ་གྲོལ་མི་སློབ་འབྲས་ལྡན་ཤ་སྟག་གོ། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་སུམ་ཁྲི་དྲུག་སྟོང་བར་དུ་གནས། །རྒྱལ་
བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ཐེར་འབུམ་ཕྲག་ནི་སུམ་བཅུ་གཉིས། །དེ་བཞིན་གཤེགས་པ་དྲི་མེད་རྒྱལ་པོ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་གཉིས་ཡོད་ཡབ་ནི་
དཔལ་བཟངས་ཡིན། །བདུད་རྩི་དགའ་བ་རྒྱལ་ཡུམ་སྲས་པོ་ནི། །སེང་གེའི་འགྲོས་ཡིན་ལྷ་ལྡན་རིམ་གྲོ་པ། །ཡོན་ཏན་འབྱུང་གནས་ཤེས་རབ་ཆེན་པོ་སྟེ། །རྣམ་པར་བལྟ་བའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །
40-1-203b


དྲང་སྲོང་ཐམས་ཅད་དགྲ་བཅོམ་མཚུངས་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་མཆོད་རྟེན་དཔག་ཚད་
བཅུ་ཙམ་པ། །རིན་ཆེན་རྒྱལ་མཚན་སྟོང་གིས་མཛེས་པར་བྱས། །དེ་བཞིན་གཤེགས་པ་ཡེ་ཤེས་གྲགས་པ་ཡི། །སྐྱེ་བའི་ཡུལ་ནི་གྲགས་པའི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་མྱ་ངན་མེད། །ལྷ་ཡི་མཆོད་རྟེན་མ་ནི་
རྒྱལ་བའི་ཡུམ། །སྲས་པོ་ཤེས་ལྡན་གྲགས་ལྡན་རིམ་གྲོ་པ། །ཕྱོགས་རྣམས་བལྟ་ཞེས་བྱ་བ་མཁས་པ་སྟེ། །བདུད་འཇོམ་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅྭ་ལྔ་ཀུན་ལ་ཡང་། །རྣམ་ཐར་བརྒྱད་ལ་གནས་པ་ཐོབ་པ་པོ། །བྱེ་བ་ཕྲག་ནི་བདུན་
བཅུ་ལྔ་ལྔ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །མི་མཆོག་ཏིང་འཛིན་ཐོབ་པའི་དམ་ཆོས་དག །ལོ་གྲངས་བྱེ་བ་བདུན་བཅུ་དྲུག་ཏུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་སུམ་བཅུ་དྲུག །མི་ཡི་མཆོག་
མ་ཀུན་ལས་རྒྱལ་བ་ཡི། །སྐྱེ་བའི་ཡུལ་ནི་བདེན་པའི་འོད་ཅེས་བྱ། །རྒྱལ་བའི་རིགས་ནི་བྲམ་བཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལག་བཟངས་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་བདེན་ལྡན་བདེན་ལེགས་
རིམ་གྲོ་པ། །འཕགས་པ་དགྱེས་ཤེས་བྱ་བ་མཁས་པ་སྟེ། །ལག་མཆོག་བཟང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་གཉིས་ཏེ་གཉིས་ཀ་ལའང་། །ནམ་མཁའི་དབྱིངས་ལ་རླུང་ལྟར་ཆགས་མེད་པ། །ཁྲི་ཕྲག་བཅུ་བཅུ་དག་ནི་འདུས་
པར་འགྱུར། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །འཁྲུགས་པ་མེད་པར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་
བླ་རེར་ལྡན། །སངས་རྒྱས་ཡོན་ཏན་འོད་ནི་སྐྱེ་བའི་ཡུལ། །ཡོན་ཏན་ཀུན་གྱི་རྒྱ་མཚོ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་ལེགས་མཆོག་ཡིན། །བློ་གསལ་རྒྱལ་ཡུམ་སྲས་པོ་ཡོན་ཏན་
40-1-204a


ཚོགས། །ཡོན་ཏན་འོད་ཅེས་བྱ་བ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །ཡོན་ཏན་རྫུ་འཕྲུལ་མཐའ་ཡས་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང་། །ཆགས་པ་མེད་པར་གྱུར་པ་སེམས་སྦྱངས་
པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ཉི་ཁྲི་ཡིན། །མིག་གི་སྦྱིན་པ་མཛད་པའི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་
བརྒྱ་པ་ཐམས་ཅད་རིན་ཆེན་ཡིན། །རྒྱལ་བ་སྒྲ་ནི་རྣམ་པར་གྲགས་པ་ཡི། །སྐྱེ་བའི་ཡུལ་ནི་གྲགས་པ་ཅན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ནོར་གྲགས་ཡིན། །བློ་གྲོས་གྲགས་མ་ཞེས་བྱ་
རྒྱལ་བའི་ཡུམ། །སྲས་པོ་གྲགས་ལྡན་ལྷ་ལེགས་རིམ་གྲོ་པ། །ལྷ་ཡི་དབྱངས་ཤེས་བྱ་བ་མཁས་པ་སྟེ། །རྣམ་པར་གྲགས་པའི་ཀླུ་ནི་རྫུ་འཕྲུལ་ཅན། །འདུས་པ་ལན་གྲངས་གསུམ་སྟེ་ཀུན་ལ་ཡང་། །རི་བོའི་ལྷུན་ལྟར་གཡོ་བ་མེད་
པ་པོ། །དེ་དག་ཐེར་འབུམ་ཐེར་འབུམ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅྭ་བརྒྱད་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་སྙེད་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་
པ་སྟེ། །རིན་ཆེན་མཆོག་རབ་བདུན་པོའི་རང་བཞིན་ཡིན། །དེ་བཞིན་གཤེགས་པ་ཟླ་བ་རྒྱས་པ་ཡི། །སྐྱེ་བའི་ཡུལ་ནི་ཏོག་གི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཉིས་ཡོད་སྐྱེ་བའི་དབང་པོ་ཡབ། །གྲགས་བྱིན་
མ་ཞེས་བྱ་བ་རྒྱལ་བའི་ཡུམ། །སྲས་པོ་སྐྱེ་ལྡན་འོད་འཕྲོ་རིམ་གྲོ་པ། །སྒྲ་ཅན་གཟི་བརྗིད་ཅན་ནི་མཁས་པ་སྟེ། །འཇིགས་པ་མེད་པར་རྒོལ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །ཐ་སྤངས་དུག་རྩ་བཅད་
པར་མཚུངས་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་ལྔ་ཁྲི་ཡིན། །ཤིན་དུ་དུལ་བའི་ཡིད་ལྡན་དམ་ཆོས་དག །ལོ་གྲངས་སུམ་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
40-1-204b


མཆོད་རྟེན་བཟང་པོ་བྱེ་བ་བདུན་བཅུ་དྲུག །སངས་རྒྱས་པད་མའི་འོད་ཟེར་སྐྱེ་བའི་ཡུལ། །མེ་ཏོག་དག་གིས་རྣམ་པར་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་པད་མ་བཟང་པོ་ཡབ། །དགའ་བ་སྦྱངས་ཤེས་བྱ་
བ་རྒྱལ་བའི་ཡུམ། །སྲས་པོ་པད་མ་ཡིད་འཐད་རིམ་གྲོ་པ། །མེ་ཏོག་དགའ་ཞེས་བྱ་བ་མཁས་པ་སྟེ། །ཡེ་ཤེས་མེ་ཏོག་ལེགས་རྒྱས་རྫུ་འཕྲུལ་ཅན། །འདུས་པ་ལན་གྲངས་བཞི་སྟེ་ཀུན་ལ་ཡང་། །དགྲ་བཅོམ་དབང་པོ་ཚང་བའི་བསམ་གཏན་པ། །
ཐེར་འབུམ་ཕྲག་ནི་དྲུག་དྲུག་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་བདུན་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དགུ་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་
བཅུ་དྲུག་པ་ལ་མུ་ཏིག་སྤྲས། །རྣམ་པར་འདྲེན་པ་བརྟུལ་ཞུགས་བཟང་པོ་ཡི། །སྐྱེ་ཡུལ་ཡེ་ཤེས་རྣམ་པར་ངེས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་རྣམ་དག་ཡིན། །ཐོས་པའི་འོད་ནི་རྒྱལ་ཡུམ་
སྲས་པོ་ནི། །མཛེས་ལྡན་ཤིན་དུ་མཛེས་པ་རིམ་གྲོ་པ། །སྐྱེ་བོས་མཆོད་ཅེས་བྱ་བ་མཁས་པ་སྟེ། །ཐོགས་པ་མེད་པར་སྟོན་པ་རྫུ་འཕྲུལ་ཅན། །འདུས་པ་ལན་གྲངས་དགུ་སྟེ་ཀུན་ལ་ཡང་། །པད་མཚུངས་སྲིད་པ་ཀུན་ལས་རྣམ་གྲོལ་བ། །
བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །མྱ་ངན་འདས་པར་ཕྱིན་པའི་དམ་ཆོས་དག །ལོ་གྲངས་བརྒྱད་ཁྲི་དགུ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་
བ་སྟོང་ཕྲག་བརྒྱད་བཅུ་འབྱུང་། །དེ་བཞིན་གཤེགས་པ་སྒྲོན་མའི་རྒྱལ་པོ་ཡི། །སྐྱེ་བའི་ཡུལ་ནི་ལྷ་ཡི་འོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལེགས་སྐྱེས་ཡིན། །མེ་ཏོག་ཅན་ཞེས་བྱ་
བ་རྒྱལ་བའི་ཡུམ། །སྲས་པོ་སྐར་མ་སྐར་བཟངས་རིམ་གྲོ་པ། །སྣང་བའི་རྒྱ་མཚོ་ཞེས་བྱ་མཁས་པ་སྟེ། །གཡོ་བ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང་། །ང་མེད་ཉོན་མོངས་མེད་པའི་དགྲ་
40-1-205a


བཅོམ་པ། །བྱེ་བ་སྟོང་ཕྲག་བཅུ་གསུམ་བཅུ་གསུམ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་གཅིག །
གསེར་གྱི་དྲ་བ་དག་གིས་ཁེབས་པར་བྱས། །དེ་བཞིན་གཤེགས་པ་གློག་གི་ཏོག་དག་གི། །སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་སྨན་པ་བཟང་པོ་ཡབ། །གློག་མཆོད་མ་ནི་རྒྱལ་ཡུམ་སྲས་
པོ་ནི། །ཐུབ་མེད་ཤིན་དུ་རྣམ་དུལ་རིམ་གྲོ་པ། །རིན་ཆེན་འཆང་བ་བློ་གྲོས་ཅན་ཡིན་ཏེ། །མཐའ་ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་རྩ་བརྒྱད་དེ། །ཀུན་ལའང་ཞི་བ་མྱ་ངན་འདས་གནས་པ། །དགྲ་བཅོམ་མཆོད་
པར་འོས་པ་ཤ་སྟག་གོ། །མི་ཚེ་ལོ་གྲངས་བདུན་ཁྲི་བདུན་སྟོང་ཡིན། །མི་ཡི་ཕུལ་དུ་བྱུང་བའི་དམ་ཆོས་དག །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གཅིག་པ་རྒྱལ་མཚན་
དག་གིས་བརྒྱན། །དེ་བཞིན་གཤེགས་པ་འོད་ཟེར་རྒྱལ་པོ་ཡི། །སྐྱེ་བའི་ཡུལ་ནི་བཟང་ལ་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་གཉིས་ཡོད་འོད་ཟེར་བཟང་པོ་ཡབ། །ཡོན་ཏན་འོད་ཟེར་རྒྱལ་ཡུམ་
སྲས་པོ་ནི། །འོད་ཟེར་བྱིན་ཡིན་ལྷ་ལེགས་རིམ་གྲོ་པ། །སྣང་བའི་འོད་ཅེས་བྱ་བ་མཁས་པ་སྟེ། །སྒྲོན་མ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྡུལ་སྦྱངས་པ་ཡི་དགྲ་བཅོམ་ཚོགས་
པ་དག །ཐེར་འབུམ་ཕྲག་ནི་བརྒྱད་བཅུ་བརྒྱད་བཅུ་ཡོད། །མི་ཚེ་ལོ་གྲངས་ས་ཡ་ཕྲག་བརྒྱད་ཡིན། །སྟོན་པ་མྱ་ངན་འདས་པའི་དམ་ཆོས་དག །ལོ་གྲངས་བདུན་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
སྟོང་གསུམ་མཆོད་རྟེན་བཟང་པོ་དག་གིས་གང་། །དེ་བཞིན་གཤེགས་པ་སྐར་མཁན་སྐྱེ་བ་ཡི། །ཡུལ་ནི་གསེར་གྱི་གཟི་བརྗིད་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱད་ཁྲི་ཡབ་ནི་ངོ་ཚ་ཤེས། །ཡོན་ཏན་དགའ་བ་རྒྱལ་
40-1-205b


ཡུམ་སྲས་པོ་ནི། །ཡོན་ཏན་ཅན་ཡིན་ལེགས་སྦས་རིམ་གྲོ་པ། །དབང་པོ་སྦས་ཤེས་བྱ་བ་མཁས་པ་སྟེ། །འཇིགས་མེད་བསམ་གཏན་པ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །ཐམས་ཅད་འཇིགས་མེད་ཡེ་ཤེས་སྟོབས་ལྡན་པ། །བྱེ་བ་ཕྲག་ནི་སྟོང་ཕྲག་
བཅུ་བཅུ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་ཆིག་ཁྲི་ཆིག་སྟོང་བར་དུ་གནས། །མཆོད་རྟེན་དཔག་ཚད་དྲུག་པ་གསེར་གདུགས་ཅན། །མུ་ཏིག་བཻ་དཱུརྱ་ཡི་དྲ་བས་རྒྱས། །དེ་བཞིན་གཤེགས་པ་
གྲགས་པ་རྫོགས་ལྡན་གྱི། །སྐྱེ་བའི་ཡུལ་ནི་བློ་གྲོས་གྲགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་གཉིས་ཡོད་ཡབ་ནི་ཤིན་དུ་གྲགས། །སྲིད་པར་གྲགས་ཤེས་བྱ་བ་རྒྱལ་བའི་ཡུམ། །སྲས་པོ་མཆོད་ལྡན་ལེགས་མཆོད་རིམ་
གྲོ་པ། །གྲགས་པའི་འབྱུང་གནས་ཤེས་བྱ་མཁས་པ་སྟེ། །གྲགས་པ་རྣམ་པར་ངེས་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ཉོན་མོངས་ཟད་པ་ཡང་སྲིད་མེད་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་སུམ་
ཁྲི་སུམ་སྟོང་ཡིན། །ཟད་མཐར་ཕྱིན་པ་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་ཉིས་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་བྱེ་བ་སྟོང་། །གསེར་དང་ནོར་བུའི་ཆུན་པོ་དག་གིས་སྤྲས། །དེ་བཞིན་གཤེགས་པ་པད་མའི་སྙིང་པོ་ཡི། །སྐྱེ་བའི་ཡུལ་ནི་
གསེར་གྱི་སྙིང་པོ་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ལྔ་བཅུ་རྩ་བཞི་ལེགས་པའི་སྙིང་པོ་ཡབ། །བཻ་དཱུརྱ་ཡི་སྙིང་པོ་རྒྱལ་བའི་ཡུམ། །སྲས་པོ་གསེར་འོད་སེང་གེ་རིམ་གྲོ་པ། །རིན་ཆེན་ལྗོན་པ་ཞེས་བྱ་མཁས་པ་སྟེ། །རིན་ཆེན་བློ་ཞེས་བྱ་བ་
རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་བརྒྱད་ཀུན་ལའང་། །ཐམས་ཅད་ང་མེད་ཉོན་མོངས་ཟད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྲིད་པ་སྤངས་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་
བརྒྱད་སྟོང་བར་དུ་གནས། །འཇིག་རྟེན་མཁྱེན་པའི་མཆོད་རྟེན་དག་གི་གྲངས། །ཐེར་འབུམ་ཕྲག་ནི་བདུན་བཅུ་ཚང་བར་འབྱུང་། །རྐང་གཉིས་མཆོག་མ་དེ་བཞིན་གཤེགས་རྒྱལ་གྱི། །སྐྱེ་བའི་ཡུལ་ནི་ནབས་སོ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་
40-1-206a


ཚད། །ཉི་ཤུ་གཉིས་ཡོད་ཡབ་ནི་རྒྱུ་སྐར་ཡིན། །རྒྱུ་སྐར་བདག་མོ་ཞེས་བྱ་རྒྱལ་བའི་ཡུམ། །སྲས་པོ་དགྲ་འདུལ་ཞི་བ་རིམ་གྲོ་པ། །ཞི་བའི་རྒྱ་མཚོ་ཞེས་བྱ་མཁས་པ་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་
ལན་གྲངས་དྲུག་བཅུ་དྲུག་ཀུན་ལའང་། །ཐེག་པ་མཆོག་གིས་ཕ་རོལ་ཕྱིན་གྱུར་པ། །བྱེ་བ་ཕྲག་ནི་ཁྲི་ཕྲག་རེ་རེ་ཡོད། །མི་ཚེ་ལོ་གྲངས་བརྒྱད་ཁྲི་དགུ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་དགུ་ཁྲིའི་བར་དུ་གནས་པར་འགྱུར། 
དེ་ཡི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱིས་རྣམ་པར་སྤྲས། །བདེ་བར་གཤེགས་པ་སྤྱན་མཛེས་སྐྱེ་བའི་ཡུལ། །ཉམས་དགའ་མིག་ཏུ་སྡུག་པ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་
ཡོད་ཡབ་ནི་མིག་བཟངས་ཡིན། །མིག་སྡུག་ཅེས་ནི་བྱ་བ་རྒྱལ་བའི་ཡུམ། །སྲས་པོ་དགའ་བྱེད་མིག་ལེགས་རིམ་གྲོ་པ། །བློ་གནས་པ་ཞེས་བྱ་བ་མཁས་པ་སྟེ། །སྨད་པ་མེད་པའི་ལུས་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །
རི་ལྟར་གཡོ་བ་མེད་པར་མཚུངས་པ་པོ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སྟོང་ཕྲག་བཅུ་བདུན་ཡིན། །རྒྱལ་བ་འགོག་པར་ཕྱིན་པའི་དམ་ཆོས་དག །ལོ་གྲངས་སྟོང་གི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་
རྒྱས་འགྱུར་ལ། །མཆོད་རྟེན་ཐམས་ཅད་བྱེ་བ་སྟོང་དུ་ཚང་། །དེ་བཞིན་གཤེགས་པ་རྙོག་པ་མེད་པའི་དོན། །སྐྱེ་བའི་ཡུལ་ནི་ནོར་གྱིས་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གསུམ་ཡོད་ཡབ་ནི་གཟུགས་བཟང་ཡིན། །
སེམས་མཚུངས་མ་ནི་རྒྱལ་ཡུམ་སྲས་པོ་ནི། །ཁ་ལོ་བསྒྱུར་བ་སྣང་ལྡན་རིམ་གྲོ་པ། །འགྲོ་བའི་དབང་ཕྱུག་ཅེས་བྱ་མཁས་པ་སྟེ། །དད་པར་བྱེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལ་འང་། །སྲེད་མེད་མ་རིག་པ་
དང་བྲལ་བ་པོ། །བྱེ་བ་ཕྲག་ནི་སུམ་བཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འཇིག་རྟེན་མཁྱེན་པའི་དམ་པའི་ཆོས་དག་ཀྱང་། །ལོ་གྲངས་སུམ་ཁྲི་ལྔ་སྟོང་བར་དུ་གནས། །མཆོད་རྟེན་བཟང་པོ་དགུ་ཁྲི་ཉིས་སྟོང་སྟེ། །རྒྱལ་མཚན་
40-1-206b


དམ་པ་དག་གིས་རྒྱས་པར་འགྱུར། །དེ་བཞིན་གཤེགས་པ་དྲག་ཤུལ་སྡེ་སྐྱེ་བའི། །ཡུལ་ནི་དྲག་ཤུལ་ལྡན་པ་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཡུལ་འཁོར་བཟང་། །དམན་པ་མིན་ཞེས་བྱ་བ་རྡུལ་བྲལ་ཡུམ། །
སྲས་པོ་མཛོད་སྤུ་རྫོགས་ལྡན་རིམ་གྲོ་པ། །ཡོན་ཏན་རྫོགས་ཤེས་བྱ་བ་མཁས་པ་སྟེ། །ཆོས་ལ་རྣམ་པར་ངེས་པ་རྫུ་འཕྲུལ་ཅན། །འདུས་པ་ལན་གྲངས་བདུན་ཏེ་ཀུན་ལ་ཡང་། །ཡིད་བཞིན་གྲུབ་པ་དང་ནི་འདྲ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་
ཡོད། །མི་ཚེ་ལོ་གྲངས་དག་ནི་ཁྲི་ཡང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དགུ་སྟོང་ཚང་བར་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་སྟེ། །མེ་ཡི་ཕུང་པོ་ལྟ་བུར་འབར་ཞིང་སྤ། །དེ་བཞིན་གཤེགས་
པ་བསོད་ནམས་གཟི་བརྗིད་ཀྱི། །སྐྱེ་བའི་ཡུལ་ནི་བསོད་ནམས་བརྒྱན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཏོག་བཟངས་ཡིན། །ཏོག་གི་བློ་གྲོས་མ་ནི་རྒྱལ་བའི་ཡུམ། །སྲས་པོ་སྐར་མཁན་
ལེགས་སྐྱེས་རིམ་གྲོ་པ། །མཐུ་རྩལ་བརྒྱ་པ་ཞེས་བྱ་མཁས་པ་སྟེ། །ཐེ་ཚོམ་སེལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །དགྲ་བཅོམ་འཕགས་པའི་ཆོས་ནི་ཐོབ་པ་པོ། །སྲིད་པའི་ཕ་མཐར་ཕྱིན་
པ་ཤ་སྟག་གོ། །མི་ཚེ་ལོ་གྲངས་ལྔ་ཁྲི་དྲུག་སྟོང་ཡིན། །རྡུལ་དང་བྲལ་བའི་དམ་པའི་ཆོས་དག་ཀྱང་། །ལོ་གྲངས་བྱེ་བའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་གསུམ་པ་སྟེ། །གསེར་གྱི་རྒྱལ་མཚན་མཆོག་སྟོང་སྙེད་
ཀྱིས་བརྒྱན། །བདེ་གཤེགས་མཐུ་རྩལ་ཅན་ནི་སྐྱེ་བའི་ཡུལ། །རྣམ་པར་རྒྱལ་བའི་གཟི་བརྗིད་ཅེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་ཤིན་དུ་མཛེས། །འགྲོས་མཛེས་མ་ཞེས་བྱ་བ་རྒྱལ་བའི་
ཡུམ། །སྲས་པོ་འགྲོས་ལྡན་ལྷ་ལེགས་རིམ་གྲོ་པ། །སྤོབས་པ་འཆང་ཞེས་བྱ་བ་བློ་ཅན་ཏེ། །སྐྱེས་རབས་ཁ་ལོ་བསྒྱུར་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །ཐམས་ཅད་ཆགས་པ་མེད་པར་གྱུར་པ་པོ། །
40-1-207a


བྱེ་ཕྲག་བདུན་བཅུ་གཉིས་གཉིས་འདུས་པར་འགྱུར། །མི་ཚེ་ལོ་གྲངས་དག་ནི་དགུ་ཁྲི་ཡིན། །མྱ་ངན་འདས་པར་ཕྱིན་པའི་དམ་ཆོས་དག །ལོ་གྲངས་ཉིས་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་
ལྔ་པ་གསེར་ལས་བྱས་པ་ཡིན། །མགོན་པོ་ཐོགས་མེད་བློ་ནི་སྐྱེ་བའི་ཡུལ། །འཇིག་རྟེན་དག་གིས་འདུལ་བར་དཀའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གདུལ་དཀའ་ཡིན། །མཆོད་རྟེན་གྲགས་པ་
རྒྱལ་ཡུམ་མཆོད་སྦྱིན་བྱིན། །སྲས་ཡིན་མཆོད་སྦྱིན་བཟང་པོ་རིམ་གྲོ་པ། །གླེང་བ་པོ་ལ་དགའ་བ་མཁས་པ་སྟེ། །མཆོག་གི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །རི་ལྟར་མི་སྒུལ་ལུས་ནི་སྦྱངས་པ་པོ། །བྱེ་བ་
ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མི་ཡི་སློབ་དཔོན་རྒྱལ་བའི་དམ་ཆོས་དག །ལོ་གྲངས་དགུ་སྟོང་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་འབུམ་ཕྲག་སྙེད་
ནི་འབར་བར་འགྱུར། །དེ་བཞིན་གཤེགས་པ་སྒྲ་ཅན་ལྷ་དག་གི། །སྐྱེ་བའི་ཡུལ་ནི་ཆུ་ལྷས་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་ཡབ་ནི་ལྷ་བཟང་ཡིན། །ལྷ་མ་ཡིན་གྱི་བདག་མོ་རྒྱལ་ཡུམ་སྲས། །རིན་ཆེན་
རིན་ཆེན་བཟང་པོ་རིམ་གྲོ་པ། །དགའ་བས་མཆོད་ཅེས་བྱ་བ་བློ་ཅན་ཏེ། །རྣལ་འབྱོར་ངག་ལ་དད་བྱེད་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དྲི་གསུམ་དྲི་མ་གཅོད་པར་བྱེད་པ་པོ། །ཐེར་འབུམ་ཕྲག་ནི་དྲུག་དྲུག་འདུས་པར་འགྱུར། །
མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །ཡོན་ཏན་མཆོག་དུ་ཕྱིན་པའི་དམ་ཆོས་དག །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་དྲུག་པ་གཅིག་གསེར་གྱིས་སྤ་བར་བྱས། །དེ་བཞིན་
གཤེགས་པ་ཡེ་ཤེས་ཕུང་པོ་ཡི། །སྐྱེ་བའི་ཡུལ་ནི་ཆོས་ཀྱི་ཕུང་པོ་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་མཆོད་སྦྱིན་བཟང་པོ་ཡབ། །ཡེ་ཤེས་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་ཤེས་བྱིན་ཤེས་ལེགས་
40-1-207b


རིམ་གྲོ་པ། །རིན་ཆེན་འབྱུང་གནས་ཤེས་བྱ་མཁས་པ་སྟེ། །ཤེས་ལྡན་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐེག་པ་མཆོག་གིས་སྲིད་རྩེར་ཕྱིན་པ་པོ། །བྱེ་ཕྲག་དྲུག་བཅུ་རྩ་ནི་རེ་རེ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །
དྲང་སྲོང་ཕུལ་དུ་ཕྱིན་པའི་དམ་ཆོས་དག །ལོ་གྲངས་དྲུག་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །བསོད་ནམས་འབྲས་བུ་གསེར་གྱིས་རྣམ་པར་སྤྲས། །འཇིག་རྟེན་མགོན་པོ་ཁ་ལོ་བསྒྱུར་བ་ཡི། །སྐྱེ་ཡུལ་མཆོད་རྟེན་ཁ་ལོ་
བསྒྱུར་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ང་རོ་མཆོག །རབ་མཆོག་ཅེས་ནི་བྱ་བ་རྒྱལ་བའི་ཡུམ། །སྲས་པོ་མཆོག་སྦྱིན་པད་མ་རིམ་གྲོ་པ། །མན་དཱ་ར་བའི་གསུང་ལྡན་བློ་ཅན་ཏེ། །ལེགས་པར་མཆོད་
པའི་གསུང་ལྡན་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང་། །དགྲ་བཅོམ་ང་མེད་ཐ་བ་སྤངས་པ་པོ། །བྱེ་ཕྲག་བདུན་བཅུ་དྲུག་དྲུག་འདུས་པར་འགྱུར། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་
ཀྱང་། །ལོ་གྲངས་དགུ་ཁྲིའི་བར་དུ་གནས་པར་འགྱུར། །སྐུ་གདུང་དག་ནི་རྒྱས་འགྱུར་མཆོད་རྟེན་གྲངས། །བྱེ་བ་ཕྲག་ནི་དགུ་བཅུ་རྩ་དགུ་འབྱུང་། །དེ་བཞིན་གཤེགས་པ་སྐྱེ་དབང་མཚུངས་པ་ཡི། །སྐྱེ་ཡུལ་དབང་པོའི་རྒྱལ་མཚན་ཞེས་ཀྱང་བྱ། །རིགས་
ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་རྒྱལ་བའི་དབང་པོ་ཡབ། །དབང་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་དབང་ལྡན་ལེགས་དབང་རིམ་གྲོ་པ། །དབང་ཆེན་སྒྲོན་མ་བློ་གྲོས་ཅན་ཡིན་ཏེ། །འཇིགས་མེད་དབང་པོ་ཞེས་བྱ་རྫུ་འཕྲུལ་
ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལ་འང་། །ཐ་སྤངས་ཉོན་མོངས་སྦྱངས་པའི་ཡིད་ལྡན་པ། །བདུད་ལས་རྣམ་གྲོལ་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་བདུན་ཁྲི་ཚང་བ་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་སྟོང་
ཚང་བའི་བར་དུ་གནས་པར་འགྱུར། །རྒྱལ་བ་མྱ་ངན་འདས་པའི་སྐུ་གདུང་གི། །མཆོད་རྟེན་དཔག་ཚད་ལྔ་པ་གཅིག་ཀྱང་འབྱུང་། །སངས་རྒྱས་མེ་ཏོག་ཏོག་ནི་སྐྱེ་བའི་ཡུལ། །མེ་ཏོག་དག་ལ་དགའ་བའི་རང་བཞིན་ཡིན། །རིགས་ནི་རྒྱལ་རིགས་ཡིན་ཏེ་འོད་
40-1-208a


དཔག་ཚད། །ཉི་ཤུ་རྩ་དྲུག་མེ་ཏོག་བཟང་པོ་ཡབ། །རྒྱལ་ཡུམ་མེ་ཏོག་ཅན་ཡིན་མེ་ཏོག་རྒྱས། །སྲས་ཡིན་མེ་ཏོག་བཟང་པོ་རིམ་གྲོ་པ། །མེ་ཏོག་ཆེན་པོའི་གཟི་བརྗིད་བློ་ཅན་ཏེ། །མེ་ཏོག་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་
ལན་གྲངས་བརྒྱད་བཅུ་ཀུན་ལ་ཡང་། །ཐ་སྤངས་དུག་རྩ་བཅད་པར་མཚུངས་པ་པོ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དགུ་ཁྲི་དགུ་སྟོང་བར་
དུ་གནས། །དཔག་ཚད་གཅིག་པའི་མཆོད་རྟེན་འབྱུང་འགྱུར་ཏེ། །གསེར་གྱི་དྲ་བ་རྒྱལ་མཚན་དག་གིས་སྤྲས། །འཇིག་རྟེན་མགོན་པོ་སྒྲ་ཅན་འཛིན་དག་གི། །སྐྱེ་བའི་ཡུལ་ནི་རིན་ཆེན་འོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །
སུམ་བཅུ་རྩ་གཅིག་ཚུལ་ཁྲིམས་བཟང་པོ་ཡབ། །ཚུལ་ཁྲིམས་ཅན་ཡིན་རྒྱལ་ཡུམ་སྲས་པོ་ནི། །ཚུལ་ཁྲིམས་བཟང་པོ་མཆོད་ལེགས་རིམ་གྲོ་པ། །སྲིད་པ་གཅོད་བྱེད་བློ་གྲོས་ཅན་ཡིན་ཏེ། །འགྲོས་བརྟན་ཞེས་ནི་བྱ་བ་རྫུ་འཕྲུལ་ཅན། །
འདུས་པ་ལན་གྲངས་ཉི་ཤུ་ཀུན་ལ་ཡང་། །དྲང་སྲོང་ཐམས་ཅད་ཚང་བར་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བའི་དམ་ཆོས་ལོ་གྲངས་བྱེ་བ་ཕྲག །བདུན་ཁྲི་སུམ་སྟོང་བར་དུ་གནས་པར་འགྱུར། །
རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་བགྲང་བར་ནུས་མ་ཡིན། །དེ་བཞིན་གཤེགས་པ་རྩི་སྨན་ཆེན་པོ་ཡི། །སྐྱེ་བའི་ཡུལ་ནི་སྨན་དང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཛོད་
བཟངས་ཡིན། །མདངས་དགའ་རྒྱལ་བའི་ཡུམ་ཡིན་སྲས་པོ་ནི། །ཐར་འདོད་ཤིན་དུ་ཐར་པ་རིམ་གྲོ་པ། །ཡོན་ཏན་ངེས་ཤེས་བྱ་བ་མཁས་པ་སྟེ། །ཆོས་ལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །
དགྲ་བཅོམ་དེ་དག་ཐམས་ཅད་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཚང་བར་འགྱུར། །འགོག་པར་ཕྱིན་པ་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་དྲུག་སྟོང་བར་དུ་གནས། །སེམས་ཅན་མཁས་པ་
40-1-208b


མྱ་ངན་འདས་ནས་ཀྱང་། །སྐུ་གདུང་མཆོད་རྟེན་དཔག་ཚད་གཉིས་པ་གཅིག །རྡུལ་དང་བྲལ་བ་རྒྱུ་སྐར་རྒྱལ་པོ་ཡི། །སྐྱེ་བའི་ཡུལ་ནི་ཟླ་བའི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་ཡབ་ནི་ཟླ་བཟང་ཡིན། །
ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླས་བྱིན་ཟླ་ལེགས་རིམ་གྲོ་པ། །འོད་ཟེར་ཆེན་པོ་ཞེས་བྱ་མཁས་པ་སྟེ། །གཟི་བརྗིད་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་བྱེ་ཕྲག་
བདུན་བཅུ་གཉིས་གཉིས་དང་། །གཞན་ཡང་བྱེ་བ་ཕྲག་ནི་བརྒྱ་བརྒྱ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །མཚུངས་པ་མེད་པ་མྱ་ངན་འདས་པ་ཡི། །དམ་ཆོས་ལོ་གྲངས་དགུ་བཅུ་དྲུག་ཏུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྲིད་
པ་གསུམ་ན་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་སྨན་པའི་རྒྱལ་པོ་ཡི། །སྐྱེ་བའི་ཡུལ་ནི་ཀུན་ནས་གནས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡུལ་འཁོར་བཟང་པོ་ཡབ། །མདངས་ལྡན་མ་ཞེས་བྱ་བ་
རྒྱལ་བའི་ཡུམ། །སྲས་པོ་ལྷ་ལེགས་འགྲོས་ལྡན་རིམ་གྲོ་པ། །དགའ་ལྡན་ཞེས་ནི་བྱ་བ་མཁས་པ་སྟེ། །མི་ཟད་བློ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་ཐམས་ཅད་དག་ཀྱང་འདུས་འགྱུར་ཏེ། །བྱེ་བ་ཕྲག་ནི་དགུ་བཅུ་གཉིས་སྙེད་འབྱུང་། །དེ་ན་མི་རྣམས་དག་
གི་ཚེ་ཡི་ཚད། །ལོ་གྲངས་བདུན་ཁྲི་དག་ཏུ་ཚང་བར་འགྱུར། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་བཅྭ་བརྒྱད་བར་དུ་གནས། །མིག་སྦྱིན་པ་ནི་མྱ་ངན་འདས་ནས་ཀྱང་། །སྐུ་གདུང་མཆོད་རྟེན་དཔག་ཚད་གསུམ་པ་གཅིག །
དེ་བཞིན་གཤེགས་པ་བསོད་ནམས་གླང་པོ་ཡི། །སྐྱེ་ཡུལ་གླང་པོ་རིན་པོ་ཆེ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་བཞི་བདག་ཉིད་ཆེན་པོ་ཡབ། །རིན་ཆེན་ལྡན་མ་རྒྱལ་ཡུམ་ང་རྒྱལ་ཅན། །སྲས་ཡིན་བློ་གྲོས་
ཅན་ནི་རིམ་གྲོ་པ། །རིན་ཆེན་ཚོགས་ཤེས་བྱ་བ་མཁས་པ་སྟེ། །ནོར་ཀུན་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །བྱེ་བ་སྟོང་ཕྲག་ཉི་ཤུ་གཉིས་གཉིས་ཡོད། །སྐུ་ཚེའི་ཚད་དག་ལོ་གྲངས་སྟོང་ཕྲག་ནི། །བཅྭ་
40-1-209a


ལྔ་རངས་པར་ཚང་བར་འགྱུར་བ་ཡིན། །ཁྱུ་མཆོག་ཆེན་པོའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་ཉིས་སྟོང་བར་དུ་གནས། །མཚུངས་པ་མེད་པ་མྱ་ངན་འདས་ནས་ཀྱང་། །སྐུ་གདུང་མཆོད་རྟེན་དཔག་ཚད་གཅིག་པ་འབྱུང་། །
དེ་བཞིན་གཤེགས་པ་མཆོད་པར་མཛད་པ་ཡི། །སྐྱེ་བའི་ཡུལ་ནི་གསལ་བར་མཐོང་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ས་ག་ཡིན། །ཡིད་དགའ་མ་ཞེས་བྱ་བ་རྒྱལ་བའི་ཡུམ། །སྲས་པོ་དག་བྱེད་ལེགས་
དག་རིམ་གྲོ་པ། །དྲང་སྲོང་རྟོགས་ཤེས་བྱ་བ་མཁས་པ་སྟེ། །ལེགས་པར་རྟོགས་པའི་ཡེ་ཤེས་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལ་འང་། །བྱེ་བ་ཕྲག་ནི་ཉི་ཤུ་བཞི་བཞི་དང་། །གཞན་ཡང་དགྲ་བཅོམ་བྱེ་བ་སྟོང་སྟོང་ཡོད། །
མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དུས་གསུམ་མཁྱེན་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང་། །དེ་ཚེ་སྐུ་གདུང་དག་ནི་རྒྱས་པར་འགྱུར། །བདེ་གཤེགས་
རྣམ་པར་གྲགས་པའི་རྒྱལ་པོ་ཡི། །སྐྱེ་བའི་ཡུལ་ནི་དག་པར་གྲགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་ཡོད་ཡབ་ནི་དད་པ་ཡིན། །བློ་གྲོས་གྲགས་ཤེས་བྱ་བ་ཡུམ་ཡིན་ནོ། །སྲས་པོ་ལེགས་
གྲགས་གྲགས་པ་རིམ་གྲོ་པ། །ཡོན་ཏན་གྲགས་ཤེས་བྱ་བ་བློ་ཅན་ཏེ། །རྫུ་འཕྲུལ་ཤིན་དུ་སྦྱངས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །ཕུང་པོར་འཛིན་ལ་མི་ལྟ་རྣམ་གྲོལ་བ། །བྱེ་བ་ཕྲག་ནི་བདུན་བཅུ་གཉིས་གཉིས་
ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མཚུངས་པ་མེད་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་དང་མི་མཆོག་དག་གིས་མཆོད་པར་འགྱུར། །དེ་བཞིན་
གཤེགས་པ་ཉི་མའི་འོད་ཟེར་གྱི། །སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་ལྷ་བཟང་ཡིན། །གསེར་འོད་མ་ནི་ཡུམ་ཡིན་སྲས་པོ་ནི། །འོད་ཟེར་བྱིན་ཡིན་ལག་བཟངས་
40-1-209b


རིམ་གྲོ་པ། །འོད་དང་ལྡན་པ་བློ་གྲོས་ཅན་ཡིན་ཏེ། །སྒྲོན་མ་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལ་ཡང་། །དགྲ་བཅོམ་ཆགས་པ་མེད་པར་གྱུར་པ་པོ། །བྱེ་བ་ཕྲག་ནི་སྟོང་སྟོང་འདུས་པར་འགྱུར། །མི་ཚེ་ལོ་གྲངས་
སྟོང་ཕྲག་བཅུ་གཉིས་ཡིན། །འཇིག་རྟེན་མཁྱེན་པ་མྱ་ངན་འདས་པ་ཡི། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །སུམ་བཅུ་པ་གཅིག་གསེར་གྱིས་སྤ་བར་བྱས། །དེ་བཞིན་གཤེགས་པ་ཆོས་
ཀྱི་མཛོད་དག་གི། །སྐྱེ་བའི་ཡུལ་ནི་ཡེ་ཤེས་འོད་ཅེས་བྱའོ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལེགས་སྤོང་ཡིན། །མཛོད་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་རྒྱལ་སྲས་དྲང་སྲོང་རིམ་གྲོ་པ། །དྲང་
སྲོང་མཐུ་རྩལ་ཅན་ནི་མཁས་པ་སྟེ། །འཇིགས་པ་མེད་པའི་ཡེ་ཤེས་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང་། །ལུས་སྦྱངས་ཆགས་པ་མེད་པར་གྱུར་པ་པོ། །དགྲ་བཅོམ་ཐེར་འབུམ་ཐེར་འབུམ་ཚང་བར་ཡོད། །མི་ཚེ་ལོ་གྲངས་
ཉི་ཁྲི་ཆིག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་ཀུན་ནས་མཛེས་པར་བྱས། །འཇིག་རྟེན་མགོན་པོ་བློ་གྲོས་བཟང་པོ་ཡི། །
སྐྱེ་བའི་ཡུལ་ནི་བློ་གྲོས་བཀོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་བློ་གྲོས་ཅན། །བློ་གྲོས་ཆེན་མོ་རྒྱལ་ཡུམ་ཀུན་གྱིས་བཀུར། །སྲས་ཡིན་བློ་གྲོས་དབང་པོ་རིམ་གྲོ་པ། །ཡོན་ཏན་མཆོད་
རྟེན་ཞེས་བྱ་མཁས་པ་སྟེ། །ཕྱོགས་གསལ་བ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཆགས་མེད་རིམས་ནད་མེད་པའི་བསམ་གཏན་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སུམ་
ཁྲི་ཐམ་པ་ཡིན། །རྒྱལ་བ་འཁྲུགས་པ་མེད་པར་ཕྱིན་པ་ཡི། །དམ་ཆོས་ལོ་གྲངས་སུམ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་བཅུ་དྲུག་འབྱུང་། །མགོན་པོ་ཡོན་ཏན་
40-1-210a


དབང་མཚུངས་སྐྱེ་བ་ཡི། །ཡུལ་ནི་ཏོག་གི་དབང་པོའི་རྒྱལ་མཚན་ཡིན། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅྭ་བརྒྱད་ཡབ་ནི་དབང་པོ་ཡིན། །ཡོན་ཏན་དབང་པོ་བློ་གྲོས་རྒྱལ་བའི་ཡུམ། །སྲས་པོ་དབང་ལྡན་
ཚོགས་དབང་རིམ་གྲོ་པ། །ཡོན་ཏན་ཚོགས་ཤེས་བྱ་བ་བློ་ཅན་ཏེ། །ཡོན་ཏན་ཀུན་གྱི་ཚོགས་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །རྒྱལ་སྲས་ལུས་ནི་ལེགས་པར་སྦྱངས་པ་པོ། །དགྲ་བཅོམ་ཆགས་པ་མེད་
པ་ཤ་སྟག་གོ། །མི་ཚེ་ལོ་གྲངས་དག་ནི་ཁྲི་ཡང་ཡིན། །མཚུངས་པ་མེད་པ་མྱ་ངན་འདས་པ་ཡི། །དམ་ཆོས་ལོ་གྲངས་བརྒྱད་བཅུའི་བར་དུ་གནས། །སྐུ་གདུང་མཆོད་རྟེན་ཆེན་པོ་གཅིག་ཡིན་ཏེ། །རིན་ཆེན་དྲ་བ་རྒྱལ་མཚན་དག་གིས་སྤྲས། །
དེ་བཞིན་གཤེགས་པ་རྡོ་རྗེའི་སྡེ་སྐྱེ་བའི། །ཡུལ་ནི་རིན་པོ་ཆེ་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་སྡེ་བཟངས་ཡིན། །ངེས་བརྟན་རྒྱལ་བའི་ཡུམ་ཡིན་སྲས་པོ་ནི། །རྡོ་རྗེ་བྱིན་
ཡིན་གསལ་བ་རིམ་གྲོ་པ། །ཕས་རྒོལ་དྲི་མ་མེད་པའི་བློ་ཅན་ཏེ། །སྨན་གྱི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལ། །མཚན་མ་མེད་པས་ཤིན་དུ་དུལ་དེ་ཀུན། །བྱེ་བ་ཕྲག་ནི་དགུ་བཅུ་གསུམ་གསུམ་
ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །དེ་ཡི་དམ་ཆོས་ལོ་གྲངས་སྟོང་ཕྲག་ནི། །ཉི་ཤུ་རྩ་བརྒྱད་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །སྐུ་གདུང་རྒྱས་འགྱུར་ཞིང་རྣམས་གང་བར་
འགྱུར། །དེ་བཞིན་གཤེགས་པ་ཤེས་རབ་བརྩེགས་པ་ཡི། །སྐྱེ་བའི་ཡུལ་ནི་ཤེས་རབ་བརྩེགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤེས་རབ་བཟང་པོ་ཡབ། །ཤེས་རབ་མཆོག་ཅེས་བྱ་བ་རྒྱལ་
བའི་ཡུམ། །སྲས་པོ་ཤེས་བྱིན་ཤེས་བཟངས་རིམ་གྲོ་པ། །ཤེས་རབ་འབྱུང་གནས་ཤེས་བྱ་མཁས་པ་སྟེ། །ཤེས་རབ་རྣམ་པར་སྦྱངས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །དགྲ་བཅོམ་ཐམས་ཅད་ཐར་
40-1-210b


པར་གཞོལ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བཞི་ཁྲི་ཡིན། །ཡོངས་སུ་མྱ་ངན་འདས་པའི་དམ་ཆོས་དག །ལོ་གྲངས་སྟོང་ཕྲག་བཅྭ་ལྔར་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །
འཕང་དུ་དཔག་ཚད་ལྔ་པ་འབྱུང་བར་འགྱུར། །འཇིག་རྟེན་མགོན་པོ་ལེགས་པར་གནས་པ་ཡི། །སྐྱེ་ཡུལ་ལེགས་པར་རབ་ཏུ་གནས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་དོན་གནས་ཡིན། །ཡོན་ཏན་
ལྡན་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐུ་བློ་མཐུ་རིམ་གྲོ་པ། །དགེ་གནས་ཞེས་ནི་བྱ་བ་མཁས་པ་སྟེ། །གཏི་མུག་མེད་པ་མཐའ་ཡས་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །དགྲ་བཅོམ་དག་
ནི་ཚང་བར་འདུས་འགྱུར་ཏེ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་གཅིག་ཡིན། །ཡོངས་སུ་མྱ་ངན་འདས་པའི་དམ་ཆོས་དག །ལོ་གྲངས་བདུན་ཁྲི་བརྒྱད་སྟོང་ཚང་བར་གནས། །རྒྱལ་བའི་
སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་གིས་འཁོར་བར་གང་། །དེ་བཞིན་གཤེགས་པ་བློ་ནི་སྦྱངས་པ་ཡི། །སྐྱེ་ཡུལ་བསོད་ནམས་ལེགས་པར་བསགས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་བརྒྱ་ཡོད་ཡབ་ནི་སྣང་ལྡན་ཡིན། །བདེན་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་བློ་གྲོས་བློ་བཟངས་རིམ་གྲོ་པ། །འོད་ཟེར་ཆེན་པོ་ཞེས་བྱ་མཁས་པ་སྟེ། །དགའ་ཆེན་ཞེས་ནི་བྱ་བ་རྫུ་འཕྲུལ་ཅན། །འདུས་པ་
ལན་གྲངས་བདུན་བཅུ་ཀུན་ལ་ཡང་། །སྲིད་པའི་འཆིང་བ་གཅོད་པར་བྱེད་པ་པོ། །བྱེ་བ་ཕྲག་ནི་བཅུ་བཅུ་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་པའི་དམ་ཆོས་དག །ལོ་གྲངས་
དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་རྫས་རྒྱལ་མཚན་མཆོག་གིས་མཛེས་པར་བྱས། །དེ་བཞིན་གཤེགས་པ་ཚངས་པའི་དབྱངས་སྐྱེ་བའི། །ཡུལ་ནི་སྒྲ་སྙན་པ་དག་གྲག་
40-1-211a


ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །ཉི་ཤུ་རྩ་ལྔ་ཡབ་ནི་ཚངས་བཟངས་ཡིན། །ཚངས་པའི་དབྱངས་ཤེས་བྱ་བ་རྒྱལ་བའི་ཡུམ། །སྲས་པོ་ཚངས་བྱིན་བརྟུལ་ཞུགས་རིམ་གྲོ་པ། །སྙིང་རྗེའི་མིག་ཅེས་བྱ་བ་མཁས་
པ་སྟེ། །ཚངས་དབང་བདག་ཉིད་ཆེན་པོ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །ཆགས་པ་ཞི་བའི་ཡིད་དང་ལྡན་དེ་དག །བྱེ་བ་ཕྲག་ནི་སྟོང་སྟོང་འབྱུང་བར་འགྱུར། །མི་ཚེ་ལོ་གྲངས་དག་ནི་ཁྲི་ཡང་ཡིན། །རྒྱལ་
བའི་དམ་ཆོས་ལོ་གྲངས་སྟོང་ཕྲག་ནི། །ཉི་ཤུ་རྩ་བདུན་བར་དུ་གནས་པར་འགྱུར། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་སུམ་བཅུ་པ་གཅིག་འབྱུང་བར་འགྱུར། །དེ་བཞིན་གཤེགས་པ་ཡོན་ཏན་མཆོག་མ་ཡི། །སྐྱེ་ཡུལ་
ལག་མཆོག་དག་གིས་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་ལག་མཆོག་ཡིན། །ཀླུ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྔ་པ་གཉིད་སྤངས་རིམ་གྲོ་པ། །གླུ་དབྱངས་
ཞེས་ནི་བྱ་བ་མཁས་པ་སྟེ། །མགོན་པོ་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལ་འང་། །དེར་ནི་ཐམས་ཅད་དག་ཀྱང་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་
ཉིས་སྟོང་ཡིན། །མཚུངས་མེད་རྒྱལ་བ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་ཕྲག་བཅུ་དྲུག་གནས། །འཇིག་རྟེན་ཕན་ཕྱིར་རྒྱལ་བའི་སྐུ་གདུང་དག །རྒྱས་པར་འགྱུར་ཞིང་འཕེལ་བ་དག་ཏུ་འགྱུར། །དེ་བཞིན་གཤེགས་
པ་འབྲུག་སྒྲ་དབྱངས་དག་གི། །སྐྱེ་བའི་ཡུལ་ནི་གྲགས་པའི་དབྱངས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་རྣམ་པར་གྲགས། །དབྱངས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་
ཡིད་འཐད་རིམ་གྲོ་པ། །དབྱངས་སྙན་པ་ཞེས་བྱ་བ་མཁས་པ་སྟེ། །དྲག་ཤུལ་སྐད་འབྱིན་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །སྲིད་པ་གསུམ་ལས་རྒལ་བའི་ཡིད་ལྡན་པ། །བྱེ་བ་ཕྲག་ནི་
40-1-211b


སུམ་བཅུ་སུམ་བཅུ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བཅུ་བདུན་དག་གི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་
རྒྱན་རྣམ་པར་སྦྱངས། །དེ་བཞིན་གཤེགས་པ་མངོན་པར་ཤེས་ཏོག་གི། །སྐྱེ་བའི་ཡུལ་ནི་ཏོག་གི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཞི་ཡོད་མངོན་པར་ཤེས་པ་ཡབ། །ཡོན་ཏན་མངོན་ཤེས་རྡུལ་བྲལ་
ཡུམ་ཡིན་སྲས། །མངོན་ཤེས་རྫུ་འཕྲུལ་བཟང་པོ་རིམ་གྲོ་པ། །སྨོན་ལམ་ཞེས་བྱ་བློ་གྲོས་ཅན་ཡིན་ཏེ། །གཞུང་ལ་རྣམ་པར་བསྒོམས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །སློབ་པ་མེད་པར་ཕྱིན་
པ་ཀུན་འདུ་སྟེ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཁྲི་ཡང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་དྲུག་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་
གཅིག་ཡིན་ཏེ། །དཔག་ཚད་བཞི་པ་གསེར་གྱི་བླ་རེར་ལྡན། །དེ་བཞིན་གཤེགས་པ་ཏོག་གི་འོད་སྐྱེ་བའི། །ཡུལ་ནི་བསོད་ནམས་ཕུང་པོ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་
ཡབ་ནི་ཕུང་པོ་བཟང་། །ཡོན་ཏན་མེ་ཏོག་རྡུལ་དང་བྲལ་བའི་ཡུམ། །ཕུང་པོ་སྲས་ཡིན་རི་རབ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །བྱང་ཆུབ་དག་ལ་གཞོལ་བ་རྫུ་འཕྲུལ་ཅན། །འདུས་པ་ལན་
གྲངས་ཉི་ཤུ་རྩ་ལྔ་སྟེ། །ཀུན་ལའང་ཐར་པ་ཐོབ་པར་འགྱུར་བ་དག །བྱེ་བ་ཕྲག་ནི་བརྒྱད་བཅུ་བརྒྱད་བཅུ་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །དམ་པའི་ཆོས་ནི་ལོ་གྲངས་སྟོང་ཕྲག་ནི། །ཉི་ཤུ་རྩ་གཉིས་བར་དུ་གནས་
པར་འགྱུར། །འཇིག་རྟེན་ཕན་པའི་ཕྱིར་ནི་རྒྱལ་བ་དེའི། །སྐུ་གདུང་དག་ནི་རྣམ་པར་རྒྱས་པར་འགྱུར། །དེ་བཞིན་གཤེགས་པ་མི་འདྲེན་དགེ་བ་ཡི། །སྐྱེ་བའི་ཡུལ་ནི་དགེ་དང་ལྡན་ཞེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་
40-1-212a


ཚད་སུམ་སྟོང་ཤིན་དུ་དགེ་བ་ཡབ། །དགེ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་དགེ་བ་དགེ་བྱིན་རིམ་གྲོ་པ། །འགྲོ་བས་མཆོད་ཅེས་བྱ་བ་མཁས་པ་སྟེ། །འཇིག་རྟེན་དད་པར་བྱེད་པ་རྫུ་འཕྲུལ་ཅན། །འདུས་པ་ལན་
གྲངས་བརྒྱད་བཅུ་ཀུན་ལ་ཡང་། །སངས་རྒྱས་ཡོན་ཏན་ལྡན་པ་ཕྱིར་མི་ལྡོག །དེ་དག་དགུ་འབུམ་དགུ་འབུམ་འདུས་པར་འགྱུར། །མི་ཚེ་ལོ་གྲངས་བྱེ་བ་བདུན་བཅུ་དྲུག །གྲགས་པ་མཐའ་ཡས་དག་གི་དམ་ཆོས་དག །ལོ་གྲངས་དགུ་འབུམ་
ཉི་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཁམས་གསུམ་ཀུན་དུ་རྣམ་པར་གང་བར་འགྱུར། །འཇིག་རྟེན་མགོན་པོ་ཚངས་པ་སྐྱེ་བའི་ཡུལ། །དགའ་ཞིང་སྡུག་ལ་ཚངས་པ་ཞེས་ཀྱང་བྱ། །རིགས་ནི་བྲམ་ཟེ་
ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཚངས་པའི་དབང་པོ་ཡབ། །ཚངས་དབྱངས་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་དན་མཆོག་རིམ་གྲོ་པ། །ཚངས་པའི་གྲོགས་ཤེས་བྱ་བ་མཁས་པ་སྟེ། །ཚངས་པ་རྣམ་
པར་ལྟ་བ་རྫུ་འཕྲུལ་ཅན། །འདུས་པ་ལན་གཅིག་ཡིན་ཏེ་དགྲ་བཅོམ་པ། །ཐམས་ཅད་ཉོན་མོངས་བདུད་ནི་བཅོམ་པ་པོ། །བྱེ་བ་ཕྲག་ནི་གྲངས་ཀྱང་མེད་པ་འབྱུང་། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །འཇིག་རྟེན་མཁྱེན་པ་
མྱ་ངན་འདས་ནས་ཀྱང་། །དམ་པའི་ཆོས་ནི་ཉིན་གཅིག་གནས་པར་འགྱུར། །རྒྱལ་བ་མྱ་ངན་འདས་པའི་སྐུ་གདུང་ནི། །མཆོད་རྟེན་དཔག་ཚད་བདུན་པ་གཅིག་གཅིག་འབྱུང་། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་
མདོ། བམ་པོ་བཅུ་བདུན་པ། འཇིག་རྟེན་མགོན་པོ་སྐྱེས་མཆོག་སྐྱེ་བ་ཡི། །ཡུལ་ནི་མཆོག་ཏུ་མཛེས་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ལྗོན་ཤིང་དབང་པོ་ཡབ། །
ང་རྒྱལ་ལྗོན་ཤིང་མ་ནི་རྒྱལ་བའི་ཡུམ། །སྲས་པོ་མཆོག་མ་ལེགས་མཆོག་རིམ་གྲོ་པ། །ཆོས་ཀྱི་མཆོག་མ་ཞེས་བྱ་མཁས་པ་སྟེ། །གསལ་བར་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །
40-1-212b


དགྲ་བཅོམ་ཐམས་ཅད་དྲི་མ་སྤྲུགས་པ་པོ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་དག་ནི་སུམ་ཁྲི་ཡིན། །གྲགས་པ་མཐའ་ཡས་པ་ཡི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་
གཅིག་ཡིན་ཏེ། །མཆོད་རྟེན་དཔག་ཚད་དྲུག་པ་འབྱུང་བར་འགྱུར། །དེ་བཞིན་གཤེགས་པ་སྤྱན་སྡུག་སྐྱེ་བ་ཡི། །ཡུལ་ནི་བལྟ་ན་སྡུག་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །དགུ་བཅུ་རྩ་དགུ་ཡབ་ནི་མཛེས་ལྡན་ཡིན། །
མཛེས་དགའ་མ་ཞེས་བྱ་བ་རྒྱལ་བའི་ཡུམ། །སྲས་པོ་མིག་བཟངས་མིག་ལྡན་རིམ་གྲོ་པ། །མཛེས་པ་འོད་ཅེས་བྱ་བ་མཁས་པ་སྟེ། །འཇིག་རྟེན་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །བྱང་ཆུབ་
མཆོག་རབ་དག་ལ་ལེགས་གནས་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དེ་བཞིན་གཤེགས་པ་ཀླུས་ནི་བྱིན་པ་ཡི། །སྐྱེ་བའི་ཡུལ་ནི་ཀླུ་དང་ལྡན་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་
ཀྱི་ཚད། །དཔག་ཚད་དགུ་ཡོད་ཡབ་ནི་དོན་གནས་ཡིན། །ཡོན་ཏན་ལྡན་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐུ་བློ་མཐུ་རིམ་གྲོ་པ། །དགེ་གནས་ཤེས་ནི་བྱ་བ་མཁས་པ་སྟེ། །གཏི་མུག་མེད་པ་མཐའ་ཡས་རྫུ་འཕྲུལ་
ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །དགྲ་བཅོམ་དག་ནི་ཚང་བར་འདུས་འགྱུར་ཏེ། །ཐེར་འབུམ་ཕྲག་ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་སྟོང་ཕྲག་བཅུ་གཅིག་ཡིན། །ཡོངས་སུ་མྱ་ངན་འདས་པའི་དམ་ཆོས་
དག །ལོ་གྲངས་དག་ནི་སྟོང་དུ་གནས་པ་ཡིན། །དཔག་ཚད་བརྒྱད་པའི་མཆོད་རྟེན་འབྱུང་འགྱུར་ཏེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །དེ་བཞིན་གཤེགས་པ་བདེན་པའི་ཏོག་དག་གི། སྐྱེ་བའི་ཡུལ་ནི་གསལ་བའི་
ཏོག་ཅེས་བྱ། །དེ་ཡི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་ཏོག་བཟངས་ཡིན། །ཏོག་གི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་སྒྲོན་མ་ལྷ་སྦྱིན་རིམ་གྲོ་པ། །འོད་མཆོག་ཅེས་ནི་བྱ་བ་མཁས་
40-1-213a


པ་སྟེ། །གསལ་བར་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །སྲིད་པ་ཀུན་ལ་ཆགས་བྲལ་ཡིད་ལྡན་པ། །དེ་དག་བྱེ་བ་ཕྲག་ནི་བརྒྱ་བརྒྱ་ཡོད། །མི་ཚེ་ལོ་གྲངས་དག་ནི་ལྔ་འབུམ་ཡིན། །འགྲོ་ལ་
ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་དགུ་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ལྷ་མི་དག་གིས་རྟག་ཏུ་མཆོད་པར་འགྱུར། །འཇིག་རྟེན་མགོན་པོ་བརྒྱན་པ་སྐྱེ་བ་ཡི། །ཡུལ་ནི་གཟི་བརྗིད་ལེགས་པར་
བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ཁྱད་པར་འཕགས། །བློ་བརྒྱན་མ་ཞེས་བྱ་བ་རྒྱལ་བའི་ཡུམ། །གནམ་པོ་སྲས་ཡིན་དེས་པ་རིམ་གྲོ་པ། །ཡོན་ཏན་བརྒྱན་ཞེས་བྱ་བ་མཁས་པ་སྟེ། །
ལེགས་བསམས་སེམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐ་བ་མེད་པའི་བསམ་གཏན་པ་དེ་དག །དུང་ཕྱུར་ཕྲག་ནི་བརྒྱད་བརྒྱད་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་བཅུ་ཡིན། །
རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་བླ་རེས་མཛེས་པར་བྱས། །དེ་བཞིན་གཤེགས་པ་ཞུམ་པ་མེད་དབྱངས་ཀྱི། །སྐྱེ་བའི་
ཡུལ་ནི་དབྱངས་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབང་པོ་དབྱངས། །དབྱངས་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་གདངས་མཆོག་རིམ་གྲོ་པ། །བྱམས་པའི་
ང་རོ་ཞེས་བྱ་མཁས་པ་སྟེ། །མཆོག་གི་དབྱངས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །དགྲ་བཅོམ་ཐོབ་པ་རིམས་ནད་མེད་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་
གྲངས་དགུ་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་ཐམ་པར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱིས་གང་བར་འགྱུར། །
40-1-213b


སངས་རྒྱས་རིན་ཆེན་འོད་ནི་སྐྱེ་བ་ཡི། །ཡུལ་ནི་བསོད་ནམས་གཟི་བརྗིད་བཟང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གཉིས་ཡོད་ཡབ་ནི་ལེགས་དགའ་ཡིན། །དུལ་གནས་དགའ་ཞེས་བྱ་བ་རྒྱལ་བའི་ཡུམ། །
སྲས་པོ་རྩི་སྨན་མཐུ་རྩལ་རིམ་གྲོ་པ། །སྲིད་པ་སེལ་ཞེས་བྱ་བ་མཁས་པ་སྟེ། །མེ་ཏོག་འོད་གསལ་པ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་གསུམ་ཀུན་ལ་ཡང་། །དགྲ་བཅོམ་རྣལ་འབྱོར་པ་དག་འདུས་འགྱུར་ཏེ། །བྱེ་བ་ཕྲག་
ནི་བཅུ་གཉིས་བཅུ་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་
པ་གསེར་གྱི་བླ་རེར་ལྡན། །དེ་བཞིན་གཤེགས་པ་དབྱངས་བྱིན་སྐྱེ་བ་ཡི། །ཡུལ་ནི་དབྱངས་དག་དགའ་བ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབྱངས་སྙན་ཡིན། །གདངས་སྙན་མ་
ཞེས་བྱ་བ་རྒྱལ་བའི་ཡུམ། །སྲས་པོ་བདེན་ལྡན་ལྷ་ལེགས་རིམ་གྲོ་པ། །ཡོན་ཏན་དབྱངས་དགའ་བློ་གྲོས་ཅན་ཡིན་ཏེ། །ས་ཡི་དབྱངས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །འཇིག་རྟེན་དག་ལ་
ཕན་བྱེད་དགྲ་བཅོམ་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དུལ་བ་དུལ་བར་མཛད་པའི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་
མཆོད་རྟེན་གཅིག་ཡིན་ཏེ། །ཀུན་ནས་དཔག་ཚད་གསུམ་པ་དག་ཏུ་འགྱུར། །སེམས་ཅན་སྙིང་པོ་སེང་གེ་སྐྱེ་བ་ཡི། །ཡུལ་ནི་སེང་གེའི་སྒྲ་སྒྲོགས་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་
སེང་གེ་ཡིན། །རྒྱལ་ཡུམ་རི་དགས་མིག་ཡིན་དབང་ཕྱུག་དགའ། །སྲས་ཡིན་དྲག་ཤུལ་བྱིན་ནི་རིམ་གྲོ་པ། །ང་རོ་སྙན་ཞེས་བྱ་བ་མཁས་པ་སྟེ། །ང་རོ་ཚངས་པའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །
40-1-214a


རྒྱལ་སྲས་ཆོས་འཛིན་པ་དག་འདུས་འགྱུར་ཏེ། །ཐེར་འབུམ་ཐེར་འབུམ་དག་ནི་འབྱུང་བར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །བརྒྱ་སྙེད་ཚང་བའི་བར་དུ་གནས་པར་འགྱུར། །རྒྱལ་
བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་གསེར་གྱིས་རྣམ་པར་བརྒྱན། །དེ་བཞིན་གཤེགས་པ་འོད་ཟེར་སྣ་ཚོགས་ཀྱི། །སྐྱེ་བའི་ཡུལ་ནི་འོད་ཟེར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་
ཚད་ལྔ་ཡོད་ཡབ་ནི་ཟླ་བཟང་ཡིན། །འོད་ཟེར་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་ཟླ་བ་རིམ་གྲོ་པ། །ཟླ་ཉིའི་འོད་ཅེས་བྱ་བ་མཁས་པ་སྟེ། །སྐར་མཁན་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་དག་ནི་
ལན་གྲངས་བདུན་བཅུ་ལ། །དབང་པོ་ཐོབ་པའི་ཚོགས་དག་འདུས་འགྱུར་ཏེ། །འབུམ་ཕྲག་བརྒྱད་བཅུ་རྩ་གསུམ་སྙེད་གཅིག་འབྱུང་། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྟོན་པ་མྱ་ངན་འདས་ནས་དམ་ཆོས་དག །ལོ་གྲངས་
དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །རིན་ཆེན་ལྷ་ཡི་གཞལ་མེད་ཁང་པར་ལྡན། །དེ་བཞིན་གཤེགས་པ་ཡེ་ཤེས་དཔའ་བོ་ཡི། །སྐྱེ་བའི་ཡུལ་ནི་ས་ཡི་མཆོད་རྟེན་ཡིན། །
རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་ཡབ་ནི་དོན་བྱས་ཡིན། །མཐུ་རྩལ་བློ་གྲོས་མ་ནི་རྒྱལ་བའི་ཡུམ། །སྲས་པོ་ཆོས་ཅན་ཆོས་བཟངས་རིམ་གྲོ་པ། །མི་དབང་བློ་གྲོས་ཞེས་བྱ་བློ་ཅན་ཏེ། །འཁྲུགས་
པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །ཐར་པར་གཞོལ་བ་ཞི་བ་ཐོབ་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །འགོག་པར་ཕྱིན་པའི་དམ་
པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་བཀོད་པས་རྣམ་པར་སྤྲས། །དེ་བཞིན་གཤེགས་པ་པད་མའི་ཕུང་པོ་ཡི། །སྐྱེ་བའི་ཡུལ་
40-1-214b


ནི་བསོད་ནམས་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་པད་མ་ཡིན། །རིན་ཆེན་མེ་ཏོག་ཅེས་བྱ་རྒྱལ་བའི་ཡུམ། །སྲས་པོ་པད་ལྡན་པད་དཀར་རིམ་གྲོ་པ། །ངེས་པར་བྱས་ཤེས་བྱ་བ་
མཁས་པ་སྟེ། །ཁ་ལོ་བསྒྱུར་བའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །བདུད་ཀྱི་ཕྱོགས་རྣམས་རབ་ཏུ་བཅོམ་པ་པོ། །བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་
ཡིན། །གྲགས་པ་མཐའ་ཡས་པ་ཡི་དམ་ཆོས་དག །ལོ་གྲངས་འབུམ་གྱི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་དགུ་བཅུ་ཡོད། །འཇིག་རྟེན་མགོན་པོ་མེ་
ཏོག་རྒྱས་པ་ཡི། །སྐྱེ་ཡུལ་མེ་ཏོག་རྒྱས་པས་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ངོས་བཟངས་ཡིན། །མེ་ཏོག་ཤིང་རྟ་རྒྱལ་ཡུམ་མེ་ཏོག་ནི། །སྲས་
ཡིན་མེ་ཏོག་བཟང་པོ་རིམ་གྲོ་པ། །ཡོན་ཏན་མེ་ཏོག་འཆང་བ་བློ་ཅན་ཏེ། །མེ་ཏོག་བསགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །རྣམ་ཐར་མཆོག་དང་རྣམ་པར་གྲགས་ཐོབ་པ། །བྱེ་བ་ཕྲག་ནི་
བདུན་བཅུ་ལྔ་ལྔ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །མྱ་ངན་འདས་ནས་དེ་ཡི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་འཕང་དུ། །དཔག་ཚད་གཅིག་
པ་ལེགས་སྤྲས་མཐའ་ཡང་ཡས། །དེ་བཞིན་གཤེགས་པ་མཐུ་རྩལ་སྟབས་སྐྱེ་བའི། །ཡུལ་ནི་བསོད་ནམས་ཤིན་དུ་རྩལ་དང་ལྡན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཐུ་རྩལ་ཅན། །
འགྲོས་སྙོམས་པ་ནི་རྒྱལ་ཡུམ་མཐུ་རྩལ་ཅན། །སྲས་ཡིན་ཉམས་རྩལ་ཆེན་པོ་རིམ་གྲོ་པ། །དགའ་བའི་མཐུ་རྩལ་ཅན་ནི་མཁས་པ་སྟེ། །རྣམ་པར་གནོན་པའི་རྒྱལ་པོ་རྫུ་འཕྲུལ་ཅན། །འདུས་པ་ལན་གྲངས་བཅྭ་བརྒྱད་ཀུན་ལ་ཡང་། །
40-1-215a


འཇིག་རྟེན་བདེ་དང་ཕན་ཕྱིར་གནས་པ་པོ། །བྱེ་བ་ཕྲག་ནི་དགུ་བཅུ་རེ་རེ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །འདྲེན་པ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་
དག་ནི་རྒྱས་འགྱུར་ལ། །འཇིག་རྟེན་དག་གིས་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་བསོད་ནམས་ཕུང་པོ་ཡི། །སྐྱེ་བའི་ཡུལ་ནི་བསོད་ནམས་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་
བསོད་ནམས་བཟང་པོ་ཡབ། །བསོད་ནམས་འོད་ཅེས་བྱ་བ་རྒྱལ་བའི་ཡུམ། །སྲས་པོ་ལེགས་དགའ་མཐུ་ལྡན་རིམ་གྲོ་པ། །ནོར་ལ་དགའ་ཞེས་བྱ་བ་མཁས་པ་སྟེ། །སེམས་ཅན་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་
བརྒྱད་བཅུ་ཀུན་ལ་ཡང་། །ཡེ་ཤེས་དགའ་བ་བྱང་ཆུབ་གཞོལ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་
པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་རྒྱལ་མཚན་དག་གིས་བསྐོར། །དེ་བཞིན་གཤེགས་པ་གཟུགས་མཆོག་སྐྱེ་བ་ཡི། །ཡུལ་ནི་ལེགས་པར་བསམ་པ་སེམས་ཤེས་བྱ། །རིགས་ནི་རྒྱལ་རིགས་ཡིན་
ཏེ་འོད་ཀྱི་ཚད། །ཉི་ཤུ་རྩ་གཉིས་ཡབ་ནི་གཟུགས་བཟང་ཡིན། །གཟུགས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་སྡུ་གུ་མཛེས་པ་རིམ་གྲོ་པ། །ཡོན་ཏན་གཟུགས་ལྡན་པ་ནི་མཁས་པ་སྟེ། །གཟུགས་ལ་རྣམ་པར་ལྟ་བ་རྫུ་འཕྲུལ་ཅན། །
འདུས་པ་ལན་གྲངས་དྲུག་བཅུ་དྲུག་ཀུན་ལའང་། །ལས་དང་ཉོན་མོངས་སྲིད་དང་བྲལ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བདུན་ཁྲི་ཡིན། །འཇིག་རྟེན་མཁྱེན་པའི་དམ་པའི་ཆོས་དག་ཀྱང་། །ལོ་
གྲངས་སུམ་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །འཇིག་རྟེན་གསུམ་ཀུན་སྐུ་གདུང་རྒྱས་པར་འགྱུར། །མི་ཡི་འདྲེན་པ་སྐར་མཁན་སྐྱེ་བ་ཡི། །ཡུལ་ནི་གཟི་བརྗིད་འོད་དང་ལྡན་ཞེས་བྱ། །
40-1-215b


རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་ལེགས་སྣང་ཡིན། །གསལ་མཆོག་མ་ཞེས་བྱ་བ་རྒྱལ་བའི་ཡུམ། །གླང་པོ་སྲས་ཡིན་གྲགས་པ་རིམ་གྲོ་པ། །ཆོ་ག་བཟང་ཞེས་སྣང་ནི་བློ་ཅན་ཏེ། །སྐར་
མཁན་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །ཉོན་མོངས་རྒྱགས་པ་ཐམས་ཅད་ཞི་གྱུར་པ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །ཞི་བར་
ཕྱིན་པའི་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཀུན་ཀྱང་པད་མ་བླ་རེས་མཛེས་པར་བྱས། །དེ་བཞིན་གཤེགས་པ་ཟླ་བའི་སྒྲོན་མ་ཡི། །སྐྱེ་བའི་ཡུལ་ནི་ཉི་
མའི་སྒྲོན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །དྲུག་བཅུ་རྩ་གསུམ་ཡབ་ནི་ཏོག་བཟངས་ཡིན། །འོད་རྒྱལ་མ་ཞེས་བྱ་བ་རྒྱལ་བའི་ཡུམ། །སྲས་པོ་གཟི་བཟང་དགའ་བ་རིམ་གྲོ་པ། །ལྷ་ཆེན་རྒྱལ་པོ་
བློ་གྲོས་ཅན་ཡིན་ཏེ། །འཇིགས་པ་མེད་པའི་གཟི་བརྗིད་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །བསམ་གཏན་རྣམ་པར་ཐར་ལ་འཇིགས་མེད་པ། །བྱེ་བ་ཕྲག་ནི་དྲུག་བཅུ་དགུ་དགུ་ཡོད། །མི་ཚེ་ལོ་གྲངས་དག་
ནི་བདུན་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་རིན་པོ་ཆེ་ཡི་སྤྲས། །དེ་བཞིན་གཤེགས་པ་
གཟི་བརྗིད་ཕུང་པོ་ཡི། །སྐྱེ་བའི་ཡུལ་ནི་གཟི་བརྗིད་སྡུག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་དྲུག་ཏིལ་མར་དབང་པོ་ཡབ། །ལྷ་ཆེན་བློ་གྲོས་རྒྱལ་ཡུམ་སྲས་པོ་ནི། །ཡེ་ཤེས་དགའ་ཡིན་སྣང་བ་
རིམ་གྲོ་པ། །སྣང་བ་མཐའ་ཡས་བློ་གྲོས་ཅན་ཡིན་ཏེ། །བདག་ཉིད་ཆེན་པོའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །འཇིག་རྟེན་ཆོས་ཀྱིས་ཉེ་བར་མ་གོས་པ། །བྱེ་བ་ཕྲག་ནི་ཉི་ཤུ་གཉིས་གཉིས་
40-1-216a


ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་མཆོད་ཅིང་བཀུར་བར་འགྱུར། །བདེ་
བར་གཤེགས་པ་བྱང་ཆུབ་རྒྱལ་པོ་ཡི། །སྐྱེ་ཡུལ་ཡེ་ཤེས་རྟོགས་པར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དྲུག་བཅུ་ཡབ་ནི་བློ་བཟངས་ཡིན། །རྟོགས་བྱེད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྟོགས་
ལྡན་རྟོགས་ཆེན་རིམ་གྲོ་པ། །རྟོགས་སྦྱིན་ཞེས་ནི་བྱ་བ་མཁས་པ་སྟེ། །རྟོགས་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །ཐར་དང་ལམ་མ་འཁྲུལ་ལ་དགའ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་
ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་རིན་ཆེན་རྒྱལ་མཚན་བརྒྱན། །
སེམས་ཅན་སྙིང་པོ་མི་ཟད་སྐྱེ་བའི་ཡུལ། །འོད་ཟེར་དག་ནི་མི་ཟད་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གཅིག་མི་ཟད་རྒྱལ་པོ་ཡབ། །རྒྱ་མཚོའི་སྒྲ་ཞེས་བྱ་བ་རྒྱལ་བའི་ཡུམ། །སྲས་པོ་གྲགས་
ལྡན་ལེགས་དག་རིམ་གྲོ་པ། །བློ་གྲོས་མི་ཟད་པ་ནི་མཁས་པ་སྟེ། །བློ་རབ་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །འཇིག་རྟེན་དྲི་མ་དྲི་མེད་ཡིད་ལྡན་པ། །ཐེར་འབུམ་ཕྲག་ནི་དགུ་དགུ་
འབྱུང་བར་འགྱུར། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་
ཕྲག་སྙེད་ཀྱི་འཁོར་དང་ལྡན། །རྒྱལ་བ་མངོན་པར་རྟོགས་པའི་སྤྱན་དག་གི། །སྐྱེ་བའི་ཡུལ་ནི་ཡེ་ཤེས་གནས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་མིག་བཟངས་ཡིན། །
40-1-216b


མིག་སྡུག་མ་ཞེས་བྱ་བ་རྒྱལ་བའི་ཡུམ། །སྲས་པོ་མིག་ལེགས་བྱམས་པ་རིམ་གྲོ་པ། །བདུད་རྩིའི་མིག་ཅེས་བྱ་བ་བློ་ཅན་ཏེ། །མིག་སྦྱངས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །
དྲི་གསུམ་དྲི་མ་ཤིན་དུ་དྲི་མེད་པ། །དེ་དག་བྱེ་བརྒྱ་དྲུག་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་
སྐུ་གདུང་མཆོད་རྟེན་གཅིག་ཡིན་ཏེ། །ལྷ་མི་དག་གིས་མཆོད་པ་བྱས་པར་འགྱུར། །དེ་བཞིན་གཤེགས་པ་ཡན་ལག་རྒྱས་པ་ཡི། །སྐྱེ་བའི་ཡུལ་ནི་རྣམ་པར་དག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་
ཉི་ཤུ་ཡབ་ནི་ལེགས་མཆོག་ཡིན། །ཡན་ལག་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་བླ་མ་འཕགས་པ་རིམ་གྲོ་པ། །འཇིག་རྟེན་འདས་ཤེས་བྱ་བ་མཁས་པ་སྟེ། །འགྲོ་བ་ཀུན་གྱི་བླ་མ་རྫུ་འཕྲུལ་ཅན། །འདུས་པ་ལན་གྲངས་བདུན་
བཅུ་ཀུན་ལ་ཡང་། །དགྲ་བཅོམ་ཚོགས་ཀུན་དག་ནི་རྒྱས་འགྱུར་ཏེ། །ཁྲི་ཕྲག་དག་ནི་དྲུག་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཆིག་སྟོང་ཡིན། །འགྲོ་ལ་ཕན་ཕྱིར་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་
འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་བཀུར་ཞིང་མཆོད་པར་འགྱུར། །དེ་བཞིན་གཤེགས་པ་ཡུལ་འཁོར་ཤེས་རབ་ཀྱི། །སྐྱེ་བའི་ཡུལ་ནི་ཡུལ་འཁོར་འབྱུང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
དཔག་ཚད་བརྒྱ་ཡོད་ཡུལ་འཁོར་དབང་པོ་ཡབ། །ཡུལ་འཁོར་མཆོག་མ་རྒྱལ་ཡུམ་སྲས་པོ་ནི། །ཡུལ་འཁོར་བཟང་པོ་ཡུལ་འཁོར་རིམ་གྲོ་པ། །ཡུལ་འཁོར་ཆེན་པོ་བློ་གྲོས་ཅན་ཡིན་ཏེ། །བྱང་ཆུབ་ཕྲད་ཅེས་བྱ་བ་རྫུ་འཕྲུལ་ཅན། །འདུས་
པ་ལན་གྲངས་བརྒྱད་བཅུ་ཀུན་ལ་ཡང་། །སྲེད་དང་ཉོན་མོངས་པ་དང་བྲལ་བ་པོ། །བྱེ་བ་ཕྲག་ནི་དགུ་བཅུ་དགུ་བཅུ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །སྲིད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དགུ་ཁྲི་དགུ་སྟོང་བར་
40-1-217a


དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་སྤྱི་བོས་མནོས་པར་འགྱུར། །འཇིག་རྟེན་མགོན་པོ་མཆོག་མ་སྐྱེ་བ་ཡི། །ཡུལ་ནི་ཐམས་ཅད་མཆོག་ཏུ་ཕྱིན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་
རྩ་གཉིས་བདག་ཉིད་ཆེན་པོ་ཡབ། །མཆོག་གི་བློ་གྲོས་རྒྱལ་ཡུམ་སྲས་པོ་ནི། །མཆོག་གི་རྒྱལ་པོ་ཡོན་ཏན་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །ལྷས་མཆོད་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་
ལའང་། །ཐམས་ཅད་རྣམ་གྲོལ་བྱང་ཆུབ་གཞོལ་བ་པོ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་
སྐུ་གདུང་མཆོད་རྟེན་དཔག་ཚད་ནི། །བདུན་བཅུ་པ་སྟེ་གཅིག་ཡིན་བླ་རེས་བརྒྱན། །དེ་བཞིན་གཤེགས་པ་གཟི་བརྗིད་ཚིམ་མཛད་ཀྱི། །སྐྱེ་བའི་ཡུལ་ནི་རིམས་ནད་མེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་
གསལ་བ་ཡིན། །གསལ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ཞུམ་མེད་དམན་མེད་རིམ་གྲོ་པ། །ཡོན་ཏན་མཐུ་རྩལ་ཅན་ནི་མཁས་པ་སྟེ། །འཕགས་པ་བསྡུས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །
དགྲ་བཅོམ་ཡིད་ནི་ཡོངས་སུ་དག་པ་པོ། །དེ་དག་བྱེ་བ་ཕྲག་ནི་སྟོང་སྟོང་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
ནོར་བུ་མེ་ཤེལ་བརྒྱ་ཡི་དྲ་བས་སྤྲས། །སངས་རྒྱས་ཤེས་རབ་བྱིན་ནི་སྐྱེ་བ་ཡི། །ཡུལ་ནི་རྨད་དུ་བྱུང་བའི་འོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤེས་རབ་ཆེན་པོ་ཡབ། །ཤེས་རབ་མཆོག་མ་རྒྱལ་ཡུམ་ཤེས་
རབ་བྱིན། །སྲས་ཡིན་ཤེས་རབ་བཟང་པོ་རིམ་གྲོ་པ། །ཤེས་རབ་ཆེན་པོ་བློ་གྲོས་ཅན་ཡིན་ཏེ། །འཇིགས་པ་མེད་པའི་ཤེས་རབ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྒྱལ་བའི་རྒྱལ་པོ་ཡི་ནི་ཚོགས་མཆོག་རྣམས། །
40-1-217b


བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བྱེ་བ་བདུན་བཅུ་དྲུག །བདུད་དང་ཉོན་མོངས་ཐམས་ཅད་འཇོམས་མཛད་པའི། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱི་
འཁོར་དང་ལྡན། །དེ་བཞིན་གཤེགས་པ་འཇམ་པའི་དབྱངས་སྐྱེ་བའི། །ཡུལ་ནི་ཡིད་དུ་འོང་བའི་དབྱངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བདུན་སྟོང་ཡབ་ནི་ཡིད་འཐད་ཡིན། །དབྱངས་མཆོག་མ་ཞེས་བྱ་བ་
རྒྱལ་བའི་ཡུམ། །སྲས་པོ་དབྱངས་སྲེད་དགའ་བོ་རིམ་གྲོ་པ། །དུལ་བར་གནས་པའི་དབྱངས་ནི་མཁས་པ་སྟེ། །མཆོག་གི་དབྱངས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །ཕ་རོལ་ཕྱིན་ལ་ཤིན་དུ་ངེས་ཐོབ་པ། །
བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །འཇིག་རྟེན་མཁྱེན་པའི་དམ་པའི་ཆོས་དག་ཀྱང་། །ལོ་གྲངས་སྟོང་གི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་པ་ཡི། །སྐུ་གདུང་མཆོད་
རྟེན་དཔག་ཚད་བརྒྱད་པ་གཅིག །དེ་བཞིན་གཤེགས་པ་ཆགས་པ་མེད་མཛད་ཀྱི། །སྐྱེ་བའི་ཡུལ་ནི་བསོད་ནམས་བསགས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ཆགས་མེད་ཡིན། །ལྷ་བདག་མ་ཞེས་
བྱ་བ་རྒྱལ་བའི་ཡུམ། །སྲས་པོ་བདེན་སྦྱིན་ལྷ་ཆེན་རིམ་གྲོ་པ། །མཛོད་ཆེན་འཆང་བ་བློ་གྲོས་ཅན་ཡིན་ཏེ། །རྣམ་པར་ངེས་པའི་ལྷ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །དངོས་པོར་འཛིན་དང་བྲལ་བའི་བསམ་གཏན་པ། །
བྱེ་བ་ཕྲག་ནི་བཅུ་གཅིག་བཅུ་གཅིག་ཡོད། །མི་ཚེ་ལོ་གྲངས་དག་ནི་བདུན་ཁྲི་ཡིན། །སྟོན་པ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །བྱེ་བ་ཕྲག་ནི་སྟོང་ཕྲག་
བརྒྱད་བཅུ་འབྱུང་། །དེ་བཞིན་གཤེགས་པ་གཙོ་བོས་བྱིན་སྐྱེ་བའི། །ཡུལ་ནི་སྐྱེ་བོའི་མཆོད་རྟེན་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གཙོ་བཟངས་ཡིན། །གཙོ་མཆོག་མ་ཞེས་བྱ་བ་རྒྱལ་བའི་ཡུམ། །
40-1-218a


སྲས་པོ་གཙོ་སྲེད་གཙོ་བོ་རིམ་གྲོ་པ། །གཙོས་བྱིན་ཞེས་ནི་བྱ་བ་མཁས་པ་སྟེ། །འཇིགས་པ་མེད་པའི་ཡེ་ཤེས་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །རྒྱགས་དང་ང་རྒྱལ་བྲལ་བའི་བསམ་གཏན་པ། །བྱེ་བ་ཕྲག་ནི་དགུ་བཅུ་གཉིས་གཉིས་
ཡོད། །མི་ཚེ་ལོ་གྲངས་དག་ནི་ལྔ་ཁྲི་ཡིན། །སྟོན་པ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱིས་རྣམ་པར་སྤྲས། །
དེ་བཞིན་གཤེགས་པ་གཙོ་བོ་སྐྱེ་བ་ཡི། །ཡུལ་ནི་མཆོད་པ་མཆོག་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་གཉིས་ཡོད་ཡབ་ནི་མཆོག་ལེགས་ཡིན། །བསོད་ནམས་རིན་ཆེན་མ་ནི་རྒྱལ་བའི་ཡུམ། །སྲས་པོ་
སྐར་ལྡན་སྐར་བཟངས་རིམ་གྲོ་པ། །བསོད་ནམས་འདོད་ཅེས་བྱ་བ་མཁས་པ་སྟེ། །བདེན་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །བདུད་དང་ཉོན་མོངས་ལྟ་བ་རབ་འཇོམས་པ། །བྱེ་བ་ཕྲག་
ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དགུ་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་པ་ཡི། །སྐུ་གདུང་མཆོད་
རྟེན་དཔག་ཚད་ལྔ་པ་གཅིག །དེ་བཞིན་གཤེགས་པ་ཡེ་ཤེས་མཐུ་རྩལ་གྱི། །སྐྱེ་བའི་ཡུལ་ནི་ཡེ་ཤེས་ལྟ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་གཅིག་ཤེས་ལྡན་བཟང་པོ་ཡབ། །ཤེས་མཆོག་མ་
ཞེས་བྱ་བ་རྒྱལ་བའི་ཡུམ། །སྲས་པོ་ཤེས་ལྡན་ཤེས་ཆེན་རིམ་གྲོ་པ། །ཤེས་པའི་ཟླ་བ་ཞེས་བྱ་མཁས་པ་སྟེ། །བློ་ཡི་མར་མེ་མཁན་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །གསེར་དང་བོང་བར་
མཚུངས་པར་མཐོང་བ་པོ། །བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །ཞི་བར་ཕྱིན་པའི་མཆོད་
40-1-218b


རྟེན་གྲངས་དག་ནི། །བྱེ་བ་སྟོང་ཕྲག་དགུ་བཅུ་རྩ་བརྒྱད་འབྱུང་། །འཇིག་རྟེན་མགོན་པོ་འོད་འཕྲོ་ཅན་སྐྱེ་བའི། །ཡུལ་ནི་གཟི་ལྡན་ལེགས་པར་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་གསལ་
བ་ཡིན། །རྡོ་རྗེའི་འོད་ནི་རྒྱལ་ཡུམ་སྲས་པོ་ནི། །འོད་འཕྲོ་འོད་འཕྲོ་བཟང་པོ་རིམ་གྲོ་པ། །ཡོན་ཏན་འོད་འཕྲོ་ཅན་ནི་མཁས་པ་སྟེ། །རྣམ་པར་གྲོལ་བའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །
དགྲ་བཅོམ་མི་སློབ་ཉོན་མོངས་བསྲེགས་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་ནས་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །
རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཡིད་དུ་འོང་བའི་གདུགས་སྟོང་སྙེད་ཀྱིས་བརྒྱན། །སེམས་ཅན་སྙིང་པོ་དབང་པོ་སྐྱེ་བ་ཡི། །ཡུལ་ནི་དབང་པོའི་ཏོག་དང་ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་
ཚད་བརྒྱ་ཡོད་རྒྱལ་མཚན་དབང་པོ་ཡབ། །རིན་ཆེན་མཆོག་མ་ཞེས་བྱ་རྒྱལ་བའི་ཡུམ། །དབང་པོ་སྲས་ཡིན་བཟང་དབང་རིམ་གྲོ་པ། །དབང་ཆེན་ཏོག་ནི་བློ་གྲོས་ཅན་ཡིན་ཏེ། །མཚོན་ཆའི་དབང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་
དྲུག་བཅུ་དྲུག་ཀུན་ལ་ཡང་། །མི་སློབ་དགྲ་བཅོམ་པ་ཡི་ཚོགས་ཀུན་དག །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །དམ་ཆོས་ལོ་གྲངས་ཆིག་ཁྲི་ཆིག་སྟོང་གནས། །སྐུ་གདུང་མཆོད་རྟེན་ཡིད་
འོང་གཅིག་ཡིན་ལ། །འཕང་དུ་དཔག་ཚད་བཅུ་གཉིས་པ་ཡིན་ཏེ། །གསེར་གྱི་རྒྱལ་མཚན་ཏོག་བཅས་དག་གིས་སྤྲས། །དེ་བཞིན་གཤེགས་པ་ཤུགས་འཆང་སྐྱེ་བ་ཡི། །ཡུལ་ནི་ཆོས་ཀྱི་རྒྱལ་མཚན་ཞེས་ཀྱང་བྱ། །རིགས་ནི་བྲམ་ཟེ་
ཡིན་ཏེ་འོད་དཔག་ཚད། །བདུན་བཅུ་རྩ་གཉིས་ཡབ་ནི་བློ་བཟངས་ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་བདེན་སྨྲ་སྟོབས་ལྡན་རིམ་གྲོ་པ། །མཐུ་རྩལ་སྟོབས་ཤེས་བྱ་བ་མཁས་པ་སྟེ། །གོམས་པར་མཆོད་
40-1-219a


ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཕྱིར་མི་ལྡོག་པ་བྱང་ཆུབ་གནས་པ་ཀུན། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་
དམ་ཆོས་དག །ལོ་གྲངས་ཐེར་འབུམ་ཕྲག་ནི་གསུམ་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་མཛེས་པ་དག་ཏུ་འགྱུར། །སེམས་ཅན་སྙིང་པོ་སྐར་རྒྱལ་སྐྱེ་བ་ཡི། །ཡུལ་ནི་འོད་འཕྲོའི་འོད་དང་
ལྡན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་སྦྱིན་བསྲེག་འོད་འཕྲོ་ཡབ། །འོད་འཕྲོ་ཆེན་མོ་ཞེས་བྱ་རྒྱལ་བའི་ཡུམ། །སྲས་པོ་སྐར་མཁན་སྣང་དབང་རིམ་གྲོ་པ། །རབ་ཏུ་བརྒྱན་ཞེས་བྱ་བ་མཁས་
པ་སྟེ། །འོད་དབང་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །དགྲ་བཅོམ་རྣམ་པར་ཐར་པ་བརྒྱད་ཐོབ་པ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཉིས་
སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་པ་རིན་པོ་ཆེ་ཡིས་སྤྲས། །འཇིག་རྟེན་མགོན་པོ་འོད་ནི་བཟང་
པོ་ཡི། །སྐྱེ་བའི་ཡུལ་ནི་ནོར་འབྱོར་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་བཟངས་ཡིན། །བློ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལེགས་བློ་ཆེན་རིམ་གྲོ་པ། །བློ་ཡི་
འབྱུང་གནས་ཞེས་བྱ་མཁས་པ་སྟེ། །བློ་ལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །སྲིད་པ་ཀུན་ལ་ཆགས་པ་མེད་གྱུར་པ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་
དགུ་ཁྲི་དགུ་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་དྲུག་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གསེར་གྱི་རྒྱལ་མཚན་དག་གིས་བསྐོར། །འཇིག་རྟེན་
40-1-219b


མགོན་པོ་གྲགས་པ་བྱིན་པ་ཡི། །སྐྱེ་བའི་ཡུལ་ནི་མཆོད་ཅིང་བཀུར་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་བློ་བཟངས་ཡིན། །བྱང་ཆུབ་འདོད་ཅེས་བྱ་བ་རྒྱལ་བའི་ཡུམ། །སྲས་པོ་ཟམ་པ་
དུལ་བ་རིམ་གྲོ་པ། །ཕྱོགས་ཀྱི་མཆོད་རྟེན་ཞེས་བྱ་མཁས་པ་སྟེ། །འཇིག་རྟེན་མངོན་བསྟོད་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་རྩ་བཞི་སྟེ། །ཀུན་ལའང་ཐ་བ་མེད་པར་བསྒོམས་པ་པོ། །བྱེ་བ་ཕྲག་ནི་སྟོང་སྟོང་
འབྱུང་བར་འགྱུར། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་
རྣམ་པར་སྤྲས། །སེམས་ཅན་སྙིང་པོ་གཟུགས་ནི་བཟང་པོ་ཡི། །སྐྱེ་བའི་ཡུལ་ནི་ཐར་པ་དགའ་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་དཔག་ཚད། །དྲུག་བཅུ་རྩ་གཉིས་ཡབ་ནི་དོན་ཆེན་ཡིན། །ཡོན་ཏན་ཚོགས་ནི་རྒྱལ་ཡུམ་སྲས་པོ་ནི། །
ཡོན་ཏན་བདག་ཉིད་དོན་ལྡན་རིམ་གྲོ་པ། །ཡོན་ཏན་མེ་ཏོག་རྒྱས་པ་མཁས་པ་སྟེ། །མཐའ་ཡས་ཡོན་ཏན་དོན་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་རིམས་ནད་མེད་པ་དགེ་བ་ཅན། །བྱེ་བ་ཕྲག་ནི་
བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །ལྷག་མ་མེད་པར་ཕྱིན་པའི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །མཚུངས་པ་མེད་པ་མྱ་ངན་འདས་ནས་ཀྱང་། །ཞིང་རྣམས་
ཀུན་དུ་སྐུ་གདུང་རྒྱས་པར་འགྱུར། །མཚུངས་པ་མེད་པ་རྒྱལ་པོ་སྐྱེ་བ་ཡི། །ཡུལ་ནི་དད་པའི་རྒྱལ་པོ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་གཟི་བརྗིད་བཟང་པོ་ཡབ། །རྒྱལ་
པོའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་རྒྱལ་ཆེན་རིམ་གྲོ་པ། །མི་ཡི་རྒྱལ་པོ་ཞེས་བྱ་མཁས་པ་སྟེ། །རྒྱལ་པོ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་བརྒྱད་ཀུན་ལའང་། །
40-1-220a


དགྲ་བཅོམ་གྲགས་པ་བསྒྲུབས་པ་དེ་དག་གྲངས། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་འབུམ་ཕྲག་ཉི་ཁྲི་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་དགུ་ཁྲི་
ཉིས་སྟོང་བར་དུ་གནས། །རྒྱལ་བ་མྱ་ངན་འདས་པའི་སྐུ་གདུང་དག །ཞིང་རྣམས་ཀུན་དུ་ཁྱབ་པར་འབྱུང་བར་འགྱུར། །དེ་བཞིན་གཤེགས་པ་དོན་ནི་གྲུབ་པ་ཡི། །སྐྱེ་བའི་ཡུལ་ནི་ཐར་པ་འབྱོར་ཞེས་བྱ། །རིགས་ནི་བྲམ་ཟེ་
ཡིན་ཏེ་འོད་ཀྱི་ཚད། །དཔག་ཚད་དགུ་བཅུ་ཡབ་ནི་བདེ་དོན་ཡིན། །དོན་ལ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་དོན་སྦྱིན་དོན་ཆེན་རིམ་གྲོ་པ། །སྤོབས་པ་བརྩེགས་པ་བློ་གྲོས་ཅན་ཡིན་ཏེ། །བསོད་ནམས་འོད་
ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྒྱགས་དང་ང་རྒྱལ་བྲལ་བ་འཁྲུལ་མེད་པ། །བྱེ་བ་ཕྲག་ནི་བརྒྱད་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཐ་བ་
སྤངས་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་དགུ་པ་གཅིག་ཅིག་འབྱུང་བར་འགྱུར། །དེ་བཞིན་གཤེགས་པ་སེང་གེའི་
སྡེ་དག་གི། །སྐྱེ་བའི་ཡུལ་ནི་བཟོད་པར་དཀའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་ཡོད་མཆོད་སྦྱིན་བཟང་པོ་ཡབ། །འཕགས་པའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འབྲུག་
སྒྲ་ཏོག་ནི་རིམ་གྲོ་པ། །དཔའ་སྟོབས་ཅན་ཞེས་བྱ་བ་མཁས་པ་སྟེ། །སེང་གེའི་སྟབས་ཀྱིས་འགྲོ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །མཆོད་པ་མཆོག་གིས་མཆོད་པར་འོས་པ་པོ། །
དགྲ་བཅོམ་ཐ་སྤངས་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །བཟུང་བ་མེད་པར་ཕྱིན་པ་ཡི་དམ་ཆོས་དག །ལོ་གྲངས་ཉི་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
40-1-220b


མཆོད་རྟེན་བྱེ་བ་འབུམ་ཕྲག་དགུ་བཅུ་དགུ། །སེམས་ཅན་སྙིང་པོ་ནོར་ལྷའི་བུ་སྐྱེ་བའི། །ཡུལ་ནི་གཟི་བརྗིད་འབྱུང་བ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཟླ་བའི་དབང་པོ་ཡབ། །རྒྱུ་སྐར་
རྒྱལ་པོ་རྒྱལ་ཡུམ་སྲས་པོ་ནི། །ལེགས་འོངས་པང་ནས་སྐྱེས་པ་རིམ་གྲོ་པ། །ལྷ་ཡི་འོད་ཅེས་བྱ་བ་མཁས་པ་སྟེ། །ལྷ་ཡི་མིག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །དགྲ་བཅོམ་བསོད་ནམས་
འབྲས་བུ་མཆོག་ཐོབ་པ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །སྲིད་པ་ཞི་བར་ཕྱིན་པའི་དམ་ཆོས་དག །ལོ་གྲངས་དགུ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་
གཅིག་ཡིན་ཏེ། །དཔག་ཚད་ལྔ་པ་རིན་པོ་ཆེ་ཡིས་སྤྲས། །མཚུངས་པ་མེད་པ་གྲགས་པ་སྐྱེ་བ་ཡི། །ཡུལ་ནི་མཆོད་པ་དག་གིས་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་འབྱོར་
ལྡན་ཡིན། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་ལྡན་ལེགས་བྱིན་རིམ་གྲོ་པ། །མཐུ་རྩལ་ཟླ་བ་ཞེས་བྱ་མཁས་པ་སྟེ། །མཐའ་ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བརྒྱད་བཅུ་
སྟེ། །ཀུན་ལའང་ཆགས་པ་མེད་པར་གྱུར་དེ་དག །བྱེ་བ་ཕྲག་ནི་སྟོང་སྟོང་འདུས་པར་འགྱུར། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་དགུ་ཁྲིའི་བར་དུ་གནས་པར་འགྱུར། །
རྒྱལ་བ་ཡོངས་སུ་མྱ་ངན་འདས་ནས་ཀྱང་། །སྐུ་གདུང་རྒྱས་འགྱུར་མཆོད་རྟེན་བྱེ་བ་སྟོང་། །འཇིག་རྟེན་མགོན་པོ་རྒྱལ་བ་སྐྱེ་བ་ཡི། །ཡུལ་ནི་རྒྱལ་བར་དཀའ་བ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་
ཚད་ཉི་ཁྲི་དབང་པོ་ཆེན་པོ་ཡབ། །རྒྱགས་མེད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་ངེས་ཟླ་བ་རིམ་གྲོ་པ། །ཆོས་ཀྱི་འགྲོས་ཤེས་བྱ་བ་མཁས་པ་སྟེ། །ཕྱིར་ཞིང་ལེགས་པར་སེམས་པ་རྫུ་འཕྲུལ་ཅན། །འདུས་པ་ལན་གྲངས་
40-1-221a


བརྒྱད་བཅུ་རྩ་བཞི་སྟེ། །ཀུན་ལའང་དགྲ་བཅོམ་ལེགས་པར་ཚོགས་པའི་གྲངས། །བྱེ་བ་ཕྲག་ནི་འབུམ་འབུམ་འདུས་པར་འགྱུར། །མི་ཚེ་ལོ་གྲངས་དག་ནི་དགུ་ཁྲི་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་
བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་གསེར་གྱི་བླ་རེར་ལྡན། །རྟ་བབས་བྱེ་བ་སྟོང་ཕྲག་བཅུ་ཡང་ཡོད། །དེ་བཞིན་གཤེགས་པ་རྒྱ་ཆེན་སྙིང་པོ་ཡི། །སྐྱེ་བའི་ཡུལ་ནི་མཆོད་པ་མཐའ་ཡས་ཡིན། །རིགས་ནི་བྲམ་ཟེ་
ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལེགས་རྟོགས་ཡིན། །ཐར་འདོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་གྲོལ་རྣམ་གྲོལ་རིམ་གྲོ་པ། །ས་ཡི་འོད་ཅེས་བྱ་བ་མཁས་པ་སྟེ། །བདུད་རྣམས་ཕུང་བར་བྱེད་པ་རྫུ་འཕྲུལ་ཅན། །
འདུས་པ་ལན་གྲངས་བརྒྱད་བཅུ་ཀུན་ལ་ཡང་། །མཁའ་དང་མཚུངས་པའི་སེམས་ཐོབ་དྲང་སྲོང་དག །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །དམ་པའི་ཆོས་དག་ལོ་གྲངས་ཆིག་འབུམ་དང་། །ཉི་
ཁྲི་ཆིག་སྟོང་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་ལྔ་པ་གཅིག །གཙུག་གི་ནོར་བུ་སྟོང་ཕྲག་སྙེད་ཀྱང་སྦྱངས། །དེ་བཞིན་གཤེགས་པ་བསོད་ནམས་འོད་ཟེར་གྱི། །སྐྱེ་བའི་ཡུལ་ནི་སྐར་མའི་འོད་ཅེས་བྱ། །རིགས་
ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་བསོད་ནམས་བཟང་པོ་ཡབ། །བསོད་ནམས་འོད་ནི་རྒྱལ་ཡུམ་སྲས་པོ་ནི། །བསོད་ནམས་སྟོབས་ཡིན་ཡོན་ཏན་རིམ་གྲོ་པ། །ཡོན་ཏན་ཁ་ལོ་བསྒྱུར་བ་མཁས་པ་སྟེ། །ལྷས་
མཆོད་མ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །ཐེག་པ་མཆོག་གིས་རྣམ་ཐར་ཐོབ་པ་པོ། །བྱེ་བ་ཕྲག་ནི་བདུན་བཅུ་རེ་རེ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་
དམ་པའི་ཆོས་དག་ཀྱང་། །ལོ་གྲངས་བདུན་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །བྱེ་བ་ཕྲག་ནི་སྟོང་ཕྲག་བརྒྱད་བཅུ་འབྱུང་། །འཇིག་རྟེན་མགོན་པོ་འོད་ཟེར་བཟང་པོ་ཡི། །སྐྱེ་བའི་ཡུལ་ནི་
40-1-221b


འོད་བརྟག་པ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བརྒྱད་ཡབ་ནི་ལྷག་མཐོང་ཡིན། །འོད་ཀྱིས་བརྒྱན་ཞེས་བྱ་བ་རྒྱལ་བའི་ཡུམ། །སྲས་པོ་འོད་བྱིན་འོད་ཅན་རིམ་གྲོ་པ། །དེས་པའི་འོད་ཅེས་བྱ་བ་མཁས་པ་སྟེ། །མཐའ་
ཡས་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱ་སྟེ་ཀུན་ལ་ཡང་། །རི་མཚུངས་འཁྲུགས་པ་མེད་པར་གྱུར་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་སྟོང་ཡང་ཡིན། །དམ་ཆོས་ལོ་གྲངས་དགུ་བཅུ་རྩ་དྲུག་
གནས། །སྐུ་གདུང་མཆོད་རྟེན་དཔག་ཚད་བཞི་པ་གཅིག །རིན་ཆེན་བརྒྱ་ཡི་ཆུན་པོ་རབ་སྦྱངས་ལ། །སིལ་སྙན་བྱེ་བ་བརྒྱ་སྙེད་སྒྲ་ཡང་འཁྲོལ། །མཚུངས་པ་མེད་པ་སྨྲང་འདོན་སྐྱེ་བའི་ཡུལ། །མྱ་ངན་རྣམ་པར་འཚང་བར་བྱེད་ཅེས་བྱ། །རྡུལ་
བྲལ་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་མཐུ་ལྡན་ཡིན། །གཟི་ཆེན་བདོག་པ་རྒྱལ་ཡུམ་སྲས་པོ་ནི། །ཡོན་ཏན་ཚོགས་ཡིན་དྲན་ལྡན་རིམ་གྲོ་པ། །ཐར་པའི་འོད་ཅེས་བྱ་བ་མཁས་པ་སྟེ། །རྒོལ་བ་ཚར་
གཅོད་པ་ནི་རྫུ་འཕྲུལ་ཅན། །འདུས་པ་དག་ནི་མཐའ་ཡས་ཀུན་ལ་ཡང་། །བྱང་ཆུབ་མཆོག་རབ་དག་ལ་རབ་གནས་པ། །གཟུངས་ཐོབ་ཕྱིར་མི་ལྡོག་པ་ཤ་སྟག་གོ། །མི་ཚེ་ལོ་གྲངས་བྱེ་བ་སྟོང་ཡང་ཡིན། །ཕྱིར་མི་ལྡོག་པའི་ཚོགས་ཕྱིར་དམ་
ཆོས་དག །ལོ་གྲངས་བྱེ་བ་བདུན་བཅུ་དྲུག་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་ལྷ་མི་དག་གིས་གང་བར་འགྱུར། །དེ་བཞིན་གཤེགས་པ་སྒྲོན་མའི་རྒྱལ་པོ་སྐྱེ་བའི་ཡུལ་ནི་བཟང་ལྡན་ཞེས་བྱའོ། །རིགས་ནི་
རྒྱལ་རིགས་སོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་འོད་ཀྱི་ཕུང་པོ་ཆེན་པོ་ཞེས་བྱའོ། །ཡུམ་ནི་གཟི་བརྗིད་ཕུང་པོའི་འོད་ཅེས་བྱའོ། །སྲས་ནི་ངན་སོང་སྤོང་ཞེས་བྱའོ། །རིམ་གྲོ་པ་ནི་བློ་གྲོས་མཐའ་ཡས་ཤེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་བློ་གྲོས་དོན་ཡོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེའི་ཏོག་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །
40-1-222a


དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་བརྩེགས་སྐྱེ་བའི་ཡུལ་ནི་འོད་ལྡན་མ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་
ཡེ་ཤེས་མཆོག་ཅེས་བྱའོ། །ཡུམ་ནི་གྲགས་པའི་འོད་ཅེས་བྱའོ། །སྲས་ནི་མཐུ་རྩལ་རིན་པོ་ཆེ་ཞེས་བྱའོ། །རིམ་གྲོ་པ་ནི་བློ་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་བརྩེགས་པ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་འོད་ཀྱི་ཕུང་པོ་ཆེན་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་
ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷ་མཆོག་སྐྱེ་བའི་ཡུལ་ནི་ཡན་ལག་མཆོག་ཅེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་ཆོས་ལྡན་ཞེས་བྱའོ། །ཡུམ་ནི་བདེ་ལྡན་མ་ཞེས་བྱའོ། །སྲས་ནི་ཡན་ལག་མཆོག་ཅེས་བྱའོ། །རིམ་གྲོ་པ་ནི་ཡན་ལག་རྒྱལ་པོ་ཞེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་ལུས་པ་མེད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྒྲིབ་པ་མེད་པ་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལ་ཡང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་
པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སའི་བདག་པོ་སྐྱེ་བའི་ཡུལ་ནི་ཤེས་རབ་འཕགས་ཤེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་སྟོང་ངོ་། །ཡབ་ནི་དབང་སྒྱུར་ཞེས་བྱའོ། །ཡུམ་ནི་ཟིལ་གྱིས་མི་ནོན་པ་ཞེས་བྱའོ། །སྲས་ནི་གྲགས་མཛེས་ཤེས་བྱའོ། །རིམ་གྲོ་པ་ནི་སྐྱེ་བོའི་མཆོད་རྟེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་དཔའ་བོ་ཞེས་བྱའོ། །
40-1-222b


རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གྱིས་རབ་ཏུ་འགྲོ་བ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་རྣམ་གྲོལ་བརྙེས་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་ནམ་མཁའི་མཛོད་ཅེས་བྱའོ། །ཡུམ་ནི་མཆོད་པ་བཀོད་པ་ཞེས་བྱའོ། །སྲས་ནི་
ནོར་བུ་བཀོད་པ་ཞེས་བྱའོ། །རིམ་གྲོ་པ་ནི་སྟོན་པར་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པའི་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབང་ཕྱུག་ཆེན་པོའི་དབྱངས་ཤེས་བྱའོ། །འདུས་པ་ནི་ལན་སུམ་བཅུ་
སྟེ། ཐམས་ཅད་ལ་ཡང་བྱེ་བ་ཕྲག་ཉི་ཁྲི་ཉི་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་གཙུག་གི་གསེར་སྐྱེ་བའི་ཡུལ་ནི་དྲན་པའི་གཙུག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་སྟོང་ངོ་། །ཡབ་ནི་གཟི་བརྗིད་རིན་པོ་ཆེ་ཞེས་བྱའོ། །ཡུམ་ནི་སྔགས་འདོད་མ་ཞེས་བྱའོ། །སྲས་ནི་རྒྱལ་བུ་ཞེས་
བྱའོ། །རིམ་གྲོ་པ་ནི་བློ་སྙོམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་ཡོན་ཏན་ཞེས་བྱའོ། །འདུས་པ་ནི་ལན་བཅུ་བདུན་ཏེ། 
ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྒྲ་ཅན་བཟང་པོ་སྐྱེ་བའི་ཡུལ་ནི་གཟི་བརྗིད་མཐའ་
ཡས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་རྙོག་པ་མེད་པའི་འོད་ཅེས་བྱའོ། །ཡུམ་ནི་དབྱིག་འགྲོ་མ་ཞེས་བྱའོ། །སྲས་ནི་བློ་གྲོས་གསལ་བ་ཞེས་བྱའོ། །རིམ་གྲོ་པ་ནི་ཕྱོགས་མཆོད་ཅེས་བྱའོ། །
40-1-223a


ཤེས་རབ་ཅན་རྣམས་ཀྱི་མཆོག་ནི་མཐའ་ཡས་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་དག་ཅེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཁྲིའོ། །དམ་
པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུབ་དཀའ་སྐྱེ་བའི་ཡུལ་ནི་རྒྱལ་བའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བདུན་བརྒྱའོ། །ཡབ་ནི་འཕགས་འདུལ་ཞེས་བྱའོ། །ཡུམ་ནི་ལྷའི་མེ་ཏོག་ཅེས་བྱའོ། །སྲས་ནི་ལྷའི་འོད་ཅེས་བྱའོ། །རིམ་གྲོ་པ་ནི་བྱང་ཆུབ་རེག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་དབྱངས་ཤེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་དབྱངས་ཤེས་བྱའོ། །འདུས་པ་ནི་ལན་བརྒྱད་དེ། ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་དགུ་སྟོང་ངོ་། །དམ་པའི་ཆོས་ཀྱང་ལོ་དགུ་སྟོང་གི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐུབ་གསལ་སྐྱེ་བའི་ཡུལ་ནི་རབ་ཏུ་ཞི་བའི་སྟོབས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་དབང་པོ་
དུལ་ཞེས་བྱའོ། །ཡུམ་ནི་མཆོད་རྟེན་ཆུང་ཞེས་བྱའོ། །སྲས་ནི་འགྲོས་བརྟན་ཞེས་བྱའོ། །རིམ་གྲོ་པ་ནི་སྒྲིབ་པ་མེད་པའི་འགྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་དཔག་ཏུ་མེད་པ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་གཟི་བརྗིད་མེ་ཏོག་ཅེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་
ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བའི་འོད་ཟེར་སྐྱེ་བའི་ཡུལ་ནི་དགའ་བ་རྣམ་པར་སྣང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་སྟོང་ངོ་། །
40-1-223b


ཡབ་ནི་དགའ་བའི་ཟླ་བ་ཞེས་བྱའོ། །ཡུམ་ནི་གསལ་ལྡན་མ་ཞེས་བྱའོ། །སྲས་ནི་ལྷ་མཆོད་ཅེས་བྱའོ། །རིམ་གྲོ་པ་ནི་མཆོད་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་གྲོལ་བས་འཇོམས་ཤེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་མྱ་ངན་མེད་པས་བྱིན་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གསེར་གྱི་འོད་སྐྱེ་བའི་ཡུལ་ནི་གསེར་གྱི་འོད་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་མཐོང་དགའ་ཞེས་བྱའོ། །
ཡུམ་ནི་འཇིག་རྟེན་ལྷ་ཞེས་བྱའོ། །སྲས་ནི་གཙུག་ན་རིན་པོ་ཆེ་ཞེས་བྱའོ། །རིམ་གྲོ་པ་ནི་རིན་ཆེན་སྙིང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པར་
དགའ་ཞེས་བྱའོ། །དམ་པའི་ཆོས་ནི་ལོ་དགུ་བཅུའི་བར་དུ་གནས་སོ། །འཁོར་སེམས་ཅན་ཇི་སྙེད་པ་ཐམས་ཅད་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཁོ་ནར་གནས་པ་ཤ་སྟག་གོ། །
དེ་བཞིན་གཤེགས་པ་ལེགས་བྱིན་སྐྱེ་བའི་ཡུལ་ནི་ཚོགས་ཀྱི་དབང་པོ་དང་མཚུངས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཕྱོགས་ལྟ་ཞེས་བྱའོ། །ཡུམ་ནི་འཕགས་དགྱེས་བྱེད་ཅེས་
བྱའོ། །སྲས་ནི་དུལ་བར་གནས་ཤེས་བྱའོ། །རིམ་གྲོ་པ་ནི་མཚོན་ཆ་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་སྒྲོན་མ་ཞེས་བྱའོ། །འདུས་
པ་ནི་ལན་དགུ་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
40-1-224a


གཤེགས་པ་ལྷའི་ཡོན་ཏན་དབང་པོ་སྐྱེ་བའི་ཡུལ་ནི་ལྷའི་ཡུལ་འཁོར་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་ཚངས་ལྟོ་ཞེས་བྱའོ། །ཡུམ་ནི་ཚངས་སྒྲ་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་
པ་ནི་འཕགས་དགྱེས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་ས་ཡ་ཕྲག་བརྒྱད་བརྒྱད་དོ། །
སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་ཀྱི་གདུགས་སྐྱེ་བའི་ཡུལ་ནི་དགེ་བའི་རྒྱལ་པོ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བརྒྱའོ། །ཡབ་ནི་ཟླ་གདུགས་ཤེས་བྱའོ། །ཡུམ་ནི་ལྷ་དགའ་མ་ཞེས་བྱའོ། །སྲས་ནི་ཡོན་ཏན་མེ་ཏོག་ཅེས་བྱའོ། །རིམ་གྲོ་པ་ནི་ཡེ་ཤེས་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་འོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ཡིད་གཉིས་སྤོང་ཞེས་བྱའོ། །འདུས་པ་ནི་ལན་སུམ་བཅུ་རྩ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་བསོད་ནམས་ལག་སྐྱེ་བའི་ཡུལ་ནི་ལག་བདག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་པོ་ཆེའི་ལག་པ་ཞེས་བྱའོ། །ཡུམ་ནི་ཀླུ་ལག་མ་ཞེས་བྱའོ། །སྲས་ནི་
ལྷའི་མཆོད་རྟེན་ཞེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་གི་རྒྱལ་པོ་ཞེས་བྱའོ། །འདུས་པ་ནི་ལན་ཉི་
ཤུ་རྩ་བརྒྱད་དེ། ཐམས་ཅད་ལ་ཡང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
40-1-224b


གཤེགས་པ་ཆགས་པ་མེད་པ་སྐྱེ་བའི་ཡུལ་ནི་ཡོན་ཏན་གྱི་འབྱུང་གནས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྟ་བ་གསལ་ཞེས་བྱའོ། །ཡུམ་ནི་ལྟ་དགའ་ཞེས་བྱའོ། །སྲས་ནི་ཡིད་བདེ་སྐྱེས་
ཤེས་བྱའོ། །རིམ་གྲོ་པ་ནི་ལྷ་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྡོ་རྗེའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་པོའི་ཏོག་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་འབུམ་འབུམ་མོ། །
སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་གྱ་ནོམ་སྐྱེ་བའི་ཡུལ་ནི་གྱ་ནོམ་མཐའ་ཡས་ཤེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་སུམ་ཁྲིའོ། །ཡབ་ནི་ཡེ་ཤེས་འོད་ཅེས་བྱའོ། །ཡུམ་ནི་ཡེ་ཤེས་འོད་ཟེར་ཞེས་བྱའོ། །སྲས་ནི་ལྷའི་ཡེ་ཤེས་ཤེས་བྱའོ། །རིམ་གྲོ་པ་ནི་བློ་གྲོས་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་རྒྱ་མཚོ་ཞེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡུལ་འཁོར་ལྷ་ཞེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ཀྱང་ལོ་བཞི་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གྲོས་ཞིབ་མོ་སྐྱེ་བའི་ཡུལ་ནི་ཉམས་དགའ་བ་འབྱུང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །
ཡབ་ནི་ལུས་པ་མེད་པའི་བློ་ཞེས་བྱའོ། །ཡུམ་ནི་ཡན་ལག་མ་སྨད་པ་ཞེས་བྱའོ། །སྲས་ནི་ཙན་དན་དགའ་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་
རྩལ་དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་ལྷ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་
40-1-225a


དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བྱིན་ཐམས་ཅད་སྐྱེ་བའི་ཡུལ་ནི་གཟི་བརྗིད་བདག་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་ཏོག་གི་
འོད་ཅེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་ནི་བསོད་ནམས་འོད་ཅེས་བྱའོ། །རིམ་གྲོ་པ་ནི་སྙན་པར་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་
པའི་འོད་ཟེར་ཞེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་མྱ་ངན་མེད་པའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་མིག་སྡུག་ཅེས་བྱའོ། །ཡུམ་ནི་ཀློག་སྦྱིན་
མ་ཞེས་བྱའོ། །སྲས་ནི་བློའི་སྒྲོན་མ་ཞེས་བྱའོ། །རིམ་གྲོ་པ་ནི་དཔལ་གྱི་བཟང་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐམས་ཅད་མཐོང་ཞེས་བྱའོ། །
འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་རྣམ་པར་གྲོལ་བའི་ཏོག་སྐྱེ་བའི་ཡུལ་ནི་ཏོག་གི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཏོག་གི་རྒྱལ་མཚན་ཞེས་བྱའོ། །ཡུམ་ནི་ཏོག་ཆེན་མ་ཞེས་བྱའོ། །
སྲས་ནི་གྲགས་པའི་བློ་གྲོས་ཞེས་བྱའོ། །རིམ་གྲོ་པ་ནི་ཕྱོགས་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་གེའི་མཐུ་རྩལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་ང་རོ་ཞེས་བྱའོ། །འདུས་པ་ནི་ལན་
40-1-225b


བཅྭ་བརྒྱད་དེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་ལྔ་སྟོང་ངོ་། །དམ་པའི་ཆོས་ཀྱང་ལོ་བདུན་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཀྱི་མཛོད་སྐྱེ་བའི་
ཡུལ་ནི་རིན་པོ་ཆེ་སྦེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་དྲུག་ཙམ་མོ། །ཡབ་ནི་རིན་ཆེན་སེམས་ཤེས་བྱའོ། །ཡུམ་ནི་དད་མཆོག་ཅེས་བྱའོ། །སྲས་ནི་བསྩལ་མཆོག་ཅེས་
བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་ལྷའི་བུ་ཏོག་ཅེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་
ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་རྒྱལ་པོ་སྐྱེ་བའི་ཡུལ་ནི་གཟི་བརྗིད་མཆོག་ཅེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་སྣང་བ་ཅན་ཞེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་ནི་མཚན་གྱིས་རབ་ཏུ་བརྒྱན་པ་ཞེས་བྱའོ། །རིམ་གྲོ་པ་ནི་བལྟ་ན་སྡུག་པ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ལྟ་བའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྣང་བའི་མེ་ཏོག་ཅེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་
ཉིས་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཇིགས་མཛད་སྐྱེ་བའི་ཡུལ་ནི་འཇིགས་མཆོག་ཅེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་སུམ་བརྒྱའོ། །ཡབ་ནི་དབང་ཕྱུག་ཆེན་པོ་ཞེས་བྱའོ། །ཡུམ་ནི་དགེ་བ་ཅན་ཞེས་བྱའོ། །སྲས་ནི་ལྷ་མཆོད་ཅེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་ཟད་པའི་
40-1-226a


བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྟ་བས་མཐོང་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ཀྱང་ལོ་བདུན་སྟོང་
གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་བོ་སྤོང་བ་སྐྱེ་བའི་ཡུལ་ནི་བཀོད་པ་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་བཞི་བཅུའོ། །ཡབ་ནི་དཔའ་བའི་འོད་ཅེས་བྱའོ། །ཡུམ་ནི་འདམ་ལས་རྒལ་ཞེས་བྱའོ། །སྲས་ནི་ཡུལ་འཁོར་ཁ་ལོ་བསྒྱུར་ཞེས་བྱའོ། །རིམ་གྲོ་པ་ནི་བལྟ་བཟོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ན་མ་ཐོ་
བ་མེད་པའི་ལས་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྐང་མི་འཁྱོལ་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་དྲུག་བཅུ་དྲུག་བཅུའོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །
དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་
པོའི་མདོ། བམ་པོ་བཅྭ་བརྒྱད་པ། དེ་བཞིན་གཤེགས་པ་ཐོགས་མེད་གྲགས་པ་སྐྱེ་བའི་ཡུལ་ནི་ཕྱོགས་གསལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་དབང་ཆེན་བྱིན་ཞེས་
བྱའོ། །ཡུམ་ནི་གསལ་ལྡན་མ་ཞེས་བྱའོ། །སྲས་ནི་སེམས་གསལ་ཞེས་བྱའོ། །རིམ་གྲོ་པ་ནི་སྐར་མའི་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་དུལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་རབ་ཏུ་ཞི་བའི་འགྲོས་ཤེས་བྱའོ། །དགྲ་བཅོམ་པ་འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་ལྔ་འབུམ་ལྔ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་
40-1-226b


གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདེན་པའི་ཕུང་པོ་སྐྱེ་བའི་ཡུལ་ནི་བདེན་པའི་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་དྲི་མ་མེད་པར་
གྲགས་པ་ཞེས་བྱའོ། །ཡུམ་ནི་ཆོས་མཐོང་མ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ཆོས་དབྱངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུལ་མེད་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་
པ་དང་མི་མཉམ་པ་ལྟ་བ་ཞེས་བྱའོ། །དགྲ་བཅོམ་པ་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ལྔ་འབུམ་ལྔ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་དགུ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་དབྱངས་སྙན་སྐྱེ་བའི་ཡུལ་ནི་ཡུལ་འཁོར་ཡུལ་བཟངས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་དྲུག་གོ། །ཡབ་ནི་མཐུ་རྩལ་སྤྱོད་ཅེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་སྟོན་
དགའ་ཞེས་བྱའོ། །རིམ་གྲོ་པ་ནི་ལེགས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མཆོག་ཅེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་སྟེ། ཐམས་ཅད་
ལ་ཡང་དུང་ཕྱུར་དུང་ཕྱུར་རོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རི་དབང་མཚུངས་སྐྱེ་བའི་ཡུལ་ནི་སྣ་ཚོགས་རྗེས་སུ་འབྲེལ་བ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་བཀོད་པའི་རྒྱལ་པོ་ཞེས་བྱའོ། །ཡུམ་ནི་བཀོད་པ་མཐའ་ཡས་མ་ཞེས་བྱའོ། །སྲས་ནི་བཀོད་པ་ཆེན་པོ་ཞེས་བྱའོ། །རིམ་གྲོ་པ་ནི་ཐོས་པ་བསྩགས་ཤེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་ཡེ་ཤེས་བརྩེགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་སྦྱིན་གསལ་ཞེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་
40-1-227a


དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་བརྩེགས་སྐྱེ་བའི་ཡུལ་ནི་བཀོད་པ་སྣ་ཚོགས་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
དགུའོ། །ཡབ་ནི་སྤོབས་པ་མཛེས་ཤེས་བྱའོ། །ཡུམ་ནི་གཟི་བརྗིད་བཀོད་པ་ཞེས་བྱའོ། །སྲས་ནི་ལྟ་བ་གསལ་ཞེས་བྱའོ། །རིམ་གྲོ་པ་ནི་སྐར་མདའ་འཆང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་ཚོགས་ཤེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་བདེན་པའི་མཐུ་རྩལ་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་བཅུ་རྩ་གཉིས་ཏེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སུམ་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་
སུམ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་གཟི་བྱིན་སྐྱེ་བའི་ཡུལ་ནི་གཟི་བྱིན་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་བཞིའོ། །ཡབ་ནི་གཟི་བྱིན་མཐའ་
ཡས་ཤེས་བྱའོ། །ཡུམ་ནི་བཀོད་པ་མཐའ་ཡས་མ་ཞེས་བྱའོ། །སྲས་ནི་དགེ་བར་སེམས་ཤེས་བྱའོ། །རིམ་གྲོ་པ་ནི་འཕགས་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
མཐུ་རྩལ་དྲི་མེད་ཅེས་བྱའོ། །དགྲ་བཅོམ་པ་འདུས་པ་ནི་ལན་ལྔ་བཅུ་རྩ་དགུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་ལེགས་མཛད་སྐྱེ་བའི་ཡུལ་ནི་མྱ་ངན་དང་བྲལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་ལེགས་མཐོང་ཞེས་བྱའོ། །ཡུམ་ནི་ཀུན་མཐོང་མ་ཞེས་བྱའོ། །སྲས་
ནི་ཟིལ་མི་ནོན་ཞེས་བྱའོ། །རིམ་གྲོ་པ་ནི་ཡོན་ཏན་གྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་སྟེ། 
40-1-227b


ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བའི་སྐུ་སྐྱེ་བའི་
ཡུལ་ནི་རབ་ཏུ་ཞི་དུལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་གླང་པོའི་མཐུ་རྩལ་ཞེས་བྱའོ། །ཡུམ་ནི་བསོད་ནམས་འོད་ཅེས་བྱའོ། །སྲས་ནི་དུལ་གནས་དགའ་ཞེས་བྱའོ། །རིམ་གྲོ་པ་ནི་གནས་དག་ཅེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་ཚུལ་ཁྲིམས་ཡོངས་སུ་དག་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་མི་གནས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་དུང་ཕྱུར་ཕྲག་
ལྔ་ལྔའོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡིད་དུ་འོང་བའི་གསུང་སྐྱེ་བའི་ཡུལ་ནི་བཀོད་པ་ཡིད་དུ་འཐད་པ་ཞེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་སེང་གེའི་ང་རོ་ཞེས་བྱའོ། །ཡུམ་ནི་ཆགས་མེད་བློ་ཞེས་བྱའོ། །སྲས་ནི་འཇིགས་པ་མེད་པའི་གཟི་བརྗིད་ཅེས་བྱའོ། །རིམ་གྲོ་པ་ནི་གྱ་ནོམ་ང་རོ་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་དབང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཀྱི་འཁོར་ལོ་ཞེས་བྱའོ། །འདུས་པ་ནི་ལན་སུམ་བཅུ་རྩ་གཉིས་ཏེ། ཐམས་ཅད་ལ་ཡང་དུང་ཕྱུར་ཕྲག་ལྔ་ལྔའོ། །
སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ་། །དམ་པའི་ཆོས་ཀྱང་ལོ་སུམ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་སྦྱངས་སྐྱེ་བའི་ཡུལ་ནི་
འགྲོས་སྟབས་བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་སེང་གེའི་ལོགས་ཤེས་བྱའོ། །ཡུམ་ནི་སེང་གེའི་བློ་གྲོས་མ་ཞེས་བྱའོ། །སྲས་ནི་འབྲུག་སྒྲའི་རྒྱལ་པོ་ཞེས་བྱའོ། །རིམ་གྲོ་པ་ནི་སེང་
40-1-228a


གེའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པའི་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་ཅན་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་འབུམ་ཕྲག་དྲུག་བཅུ་རྩ་བརྒྱད་བརྒྱད་
དོ། །སྐུ་ཚེའི་ཚད་ནི་ལོ་དྲུག་ཁྲི་དགུ་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆུ་ལྷ་སྐྱེ་བའི་ཡུལ་ནི་ཀླུ་དབྱངས་ཤེས་བྱའོ། །རིགས་ནི་རྒྱལ་རིགས་
སོ། །འོད་ནི་དཔག་ཚད་བརྒྱའོ། །ཡབ་ནི་ཀླུ་དབྱངས་ང་རོ་ཞེས་བྱའོ། །ཡུམ་ནི་ཀླུ་དཔལ་ཞེས་བྱའོ། །སྲས་ནི་ཀླུ་མཆོག་ཅེས་བྱའོ། །རིམ་གྲོ་པ་ནི་འགྲོ་གཙོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤོབས་པ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་འཇིགས་མེད་བློ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་དྲུག་རྩ་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
པ་འགྲོ་བས་མཆོད་སྐྱེ་བའི་ཡུལ་ནི་སྩ་ལའི་དབང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་དབང་པོའི་ང་རོ་སྒྲོགས་ཤེས་བྱའོ། །ཡུམ་ནི་སྟོན་པ་མཐའ་ཡས་མ་ཞེས་བྱའོ། །སྲས་ནི་དབང་པོའི་འོད་ཟེར་ཞེས་བྱའོ། །རིམ་གྲོ་པ་ནི་
དབང་པོས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་པོ་ཆེའི་མཐུ་རྩལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྨོན་ལམ་སེམས་ཤེས་བྱའོ། །འདུས་པ་ནི་ལན་སུམ་བཅུ་རྩ་བརྒྱད་དེ། ཐམས་ཅད་ལ་ཡང་བྱེ་བ་ཕྲག་འབུམ་
འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སེང་གེའི་ལོགས་སྐྱེ་བའི་ཡུལ་ནི་གསེར་གྱི་ལོགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་བརྒྱད་བཅུའོ། །ཡབ་ནི་རིན་པོ་ཆེའི་རྒྱལ་མཚན་ཞེས་བྱའོ། །ཡུམ་ནི་གཟི་བརྗིད་རིན་ཆེན་ཞེས་བྱའོ། །སྲས་ནི་རིན་ཆེན་སྦེད་ཅེས་བྱའོ། །རིམ་གྲོ་པ་ནི་མཛེས་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། །
40-1-228b


རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་མ་འདྲེས་པ་ཞེས་བྱའོ། །འདུས་པ་ནི་ལན་སུམ་བཅུ་རྩ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་མཐུ་རྩལ་སྐྱེ་བའི་ཡུལ་ནི་ཡོན་ཏན་མཐུ་རྩལ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མཐུ་རྩལ་ཆེན་པོ་
ཞེས་བྱའོ། །ཡུམ་ནི་ཡེ་ཤེས་མཐུ་རྩལ་ཞེས་བྱའོ། །སྲས་ནི་རིན་ཆེན་འཕགས་ཤེས་བྱའོ། །རིམ་གྲོ་པ་ནི་སེམས་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་སྒྲོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་མཐུ་དཔལ་ཞེས་བྱའོ། །འདུས་པ་ནི་ལན་དྲུག་བཅུ་རྩ་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ་། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་བསྐལ་པ་བཟང་པོ་སྐྱེ་བའི་ཡུལ་ནི་བཀོད་པ་སྡུག་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་རྣམ་སྨིན་སྡུག་ཅེས་བྱའོ། །ཡུམ་ནི་ཡོན་ཏན་འོད་ཅེས་བྱའོ། །སྲས་
ནི་ལྷ་འདོད་ཅེས་བྱའོ། །རིམ་གྲོ་པ་ནི་འཁྲུལ་མེད་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བས་རབ་ཏུ་བརྒྱན་པའི་འོད་ཟེར་ཞེས་བྱའོ། །
འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་མི་འཁྲུགས་པའི་མདོག་སྐྱེ་བའི་ཡུལ་ནི་འོད་དཔལ་མཐོ་རིས་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་གསེར་
40-1-229a


བཟངས་ངེས་འོད་གཟི་བརྗིད་རྒྱལ་པོ་ཞེས་བྱའོ། །ཡུམ་ནི་ཡོན་ཏན་མཐའ་ཡས་བཀོད་པ་ཞེས་བྱའོ། །སྲས་ནི་ཟླ་བས་རབ་ཏུ་བརྒྱན་པའི་གཟི་བརྗིད་འོད་ཟེར་དབྱངས་ཤེས་བྱའོ། །རིམ་གྲོ་པ་ནི་ཤེས་རབ་སྟོབས་བྱེད་བཀོད་པའི་
རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་རྒྱ་མཚོའི་བློ་ཅན་ངེས་པར་སྟོན་པའི་བློ་གྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱོན་གྱིས་ཟིལ་གྱིས་མི་ནོན་ཞིང་བདུད་ཀྱི་དཔུང་རབ་ཏུ་ཕུང་བར་བྱེད་པའི་
གཟི་བརྗིད་ཀྱི་ཁ་དོག་ཅེས་བྱའོ། །འདུས་པ་ནི་ལན་འབུམ་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་ཕྲག་འབུམ་ཕྲག་བརྒྱད་བཅུ་བརྒྱད་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་
བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་རྒྱལ་པོ་སྐྱེ་བའི་ཡུལ་ནི་ཡོན་ཏན་རིན་པོ་ཆེ་བརྒྱ་སྟོང་གི་ཡན་ལག་གི་རྒྱལ་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་ས་ཡ་ཕྲག་གསུམ་མོ། །ཡབ་ནི་གཟི་བརྗིད་མཐའ་ཡས་འོད་ཅེས་བྱའོ། །ཡུམ་ནི་རིགས་པའི་གཟི་བྱིན་འོད་ཟེར་ཞེས་བྱའོ། །སྲས་ནི་ཟླ་བ་དྲི་མ་མེད་པའི་ཏོག་དཔལ་རྒྱལ་མཚན་ཞེས་བྱའོ། །རིམ་གྲོ་པ་ནི་ཡེ་ཤེས་འོད་བྱིན་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་བཀོད་པ་དཔག་ཏུ་མེད་པ་སྒྲུབ་པར་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་ཀྱི་གཟི་བརྗིད་སངས་རྒྱས་ལས་ཡང་དག་པར་བྱུང་བ་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལ་ཡང་དུང་
ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྟོགས་མཛད་སྐྱེ་བའི་ཡུལ་ནི་གཟི་བརྗིད་གསལ་
ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ཤིན་དུ་རྣམ་པར་དག་པའི་བློ་ཞེས་བྱའོ། །ཡུམ་ནི་བློ་གསལ་ལྡན་ཞེས་བྱའོ། །སྲས་ནི་ཡོན་ཏན་ཐམས་ཅད་རྟོགས་བྱེད་ཡེ་ཤེས་བྱིན་ཞེས་བྱའོ། །
40-1-229b


རིམ་གྲོ་པ་ནི་ཡིད་འོང་སེམས་པ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཀྱི་འབྱུང་གནས་བྱང་ཆུབ་དུ་སྨོན་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེའི་མེ་ཏོག་གི་འོད་ཅེས་བྱའོ། །འདུས་
པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་
ལེགས་སྐྱེ་བའི་ཡུལ་ནི་ཡོན་ཏན་འབུམ་ཕྲག་བཀོད་པར་སྣང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བཞི་སྟོང་ངོ་། །ཡབ་ནི་སྤྱོད་པ་མ་འཁྲུལ་གསལ་བའི་རྒྱལ་པོ་ཞེས་བྱའོ། །ཡུམ་ནི་ཡེ་ཤེས་ཕུང་པོ་
གཟི་བརྗིད་འཕགས་ལྡན་མ་ཞེས་བྱའོ། །སྲས་ནི་སྒྲ་སྐད་ཟད་མི་ཤེས་པར་སྟོན་པའི་བློ་གྲོས་ཅན་ཞེས་བྱའོ། །རིམ་གྲོ་པ་ནི་ཤེས་རབ་ཀྱི་སྣང་བ་རྣམ་པར་གདོན་མི་ཟ་བའི་མེ་ཏོག་ཀུན་དུ་རྒྱས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་བདུད་བྱེ་བ་བརྒྱ་ཕྲག་སྙེད་ཀྱིས་ཟིལ་གྱིས་མི་ནོན་པའི་ཉི་མའི་གཟི་བརྗིད་ཀྱི་ཁ་དོག་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་པོ་ཆེ་ཐམས་ཅད་ཀྱི་གཟི་བརྗིད་རྣམ་པར་གྲགས་པའི་རྒྱལ་པོ་ཞེས་བྱའོ། །འདུས་པ་ནི་ལན་ལྔ་
བཅུ་སྟེ། ཐམས་ཅད་ལ་ཡང་བྱེ་བ་ཕྲག་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་
ལ་གནས་པའི་བློ་དང་བ་སྐྱེ་བའི་ཡུལ་ནི་དོན་མཐའ་ཡས་པའི་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་དོན་གྱི་རྒྱལ་པོ་ཞེས་བྱའོ། །ཡུམ་ནི་སེམས་ཅན་གྱི་དོན་ལ་རྣམ་པར་གདོན་མི་ཟ་བའི་རྒྱལ་
པོ་ཞེས་བྱའོ། །སྲས་ནི་རིན་པོ་ཆེའི་མཛོད་ཅེས་བྱའོ། །རིམ་གྲོ་པ་ནི་ཡོན་ཏན་འབུམ་ཕྲག་སྙེད་འཆང་བའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་པ་ཞེས་བྱའོ། །རྫུ་འཕྲུལ་ཅན་
40-1-230a


རྣམས་ཀྱི་མཆོག་ནི་ཡེ་ཤེས་བརྩེགས་པའི་རྣ་རྒྱན་གྱིས་བརྒྱན་པ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ལྔ་ཁྲི་སུམ་སྟོང་ངོ་། །དམ་པའི་ཆོས་ཀྱང་ལོ་ལྔ་ཁྲི་སུམ་སྟོང་
གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྣང་བའི་འོད་ཟེར་སྐྱེ་བའི་ཡུལ་ནི་སྣང་བ་མཐའ་ཡས་པའི་གཟི་བརྗིད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་སུམ་སྟོང་ངོ་། །ཡབ་ནི་སྣང་བ་ཐམས་ཅད་ཀྱིས་བརྒྱན་པ་ཞེས་བྱའོ། །ཡུམ་ནི་ཡེ་ཤེས་སྣང་བའི་འོད་ཀྱི་གཟི་བརྗིད་ཅེས་བྱའོ། །སྲས་ནི་གཟི་བརྗིད་ཀྱི་ཕུང་པོའི་འོད་རྣམ་པར་གྲགས་པ་ཞེས་བྱའོ། །རིམ་གྲོ་པ་ནི་བློའི་ཡེ་ཤེས་
ཀྱི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློའི་རྣམ་པར་ངེས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་རྫོགས་པའི་རྒྱལ་མཚན་གྱི་ཏོག་ཅེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་
ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་གཟི་བརྗིད་སྐྱེ་བའི་ཡུལ་ནི་ཨ་ག་རུའི་
དྲི་བསུང་གིས་ངེས་པར་བདུགས་པའི་གཟི་བརྗིད་འོད་ཅེས་བྱའོ། །རིགས་ནི་རྒྱལ་རིགས་སོ། །ཡབ་ནི་མཐའ་ཡས་སྤོས་འོད་ཅེས་བྱའོ། །ཡུམ་ནི་ཡོན་ཏན་བརྒྱའི་སྤོས་འོད་མ་ཞེས་བྱའོ། །སྲས་ནི་སྤོས་ཀྱི་དབང་ཕྱུག་རྒྱལ་པོའི་བློ་ཅན་
སེམས་ཤེས་བྱའོ། །རིམ་གྲོ་པ་ནི་ཡོན་ཏན་སྤོས་འོད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙན་དན་དྲི་བསུང་ཞིམ་པོའི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོས་ཀྱི་གཟི་བརྗིད་རྣམ་པར་སྣང་བར་བྱེད་
པའི་འོད་ཅེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
40-1-230b


གཤེགས་པ་ཀུན་དུ་དགའ་བར་མཛད་པའི་སྐྱེ་བའི་ཡུལ་ནི་ཡོན་ཏན་རིན་པོ་ཆེ་མཐོང་བས་ངོམས་པར་བྱེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་བདུད་རྩིའི་དབྱངས་ཀྱིས་སེལ་བ་ཞེས་བྱའོ། །ཡུམ་
ནི་ངག་འཇམ་བརྗོད་པའི་ཚིག་ཅན་ཞེས་བྱའོ། །སྲས་ནི་ལྟ་བ་གསལ་བའི་ལུས་ཤེས་བྱའོ། །རིམ་གྲོ་པ་ནི་ཆོག་ཤེས་ཡོན་ཏན་གཟི་བརྗིད་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡན་ལག་ཡེ་ཤེས་ཀྱིས་ཚིམ་པ་གྱ་
ནོམ་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པར་གནས་པས་ཕས་ཀྱི་རྒོལ་བ་རབ་ཏུ་འཇོམས་པ་ཞེས་བྱའོ། །འདུས་པ་ནི་ལན་དགུ་བཅུ་རྩ་བརྒྱད་དེ། ཐམས་ཅད་ལ་ཡང་ཁྲི་ཕྲག་བཅུ་དྲུག་
བཅུ་དྲུག་གོ། །སྐུ་ཚེའི་ཚད་ནི་ལོ་བྱེའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་པར་གཤེགས་པ་སྐྱེ་བའི་ཡུལ་ནི་སྒྲིབ་པ་མེད་པའི་གཟི་བརྗིད་བཀོད་
པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཡིད་གཉིས་རྣམ་པར་འཐོར་བའི་གཟི་བརྗིད་ཕྲུག་གུ་ཞེས་བྱའོ། །ཡུམ་ནི་ཤེས་རབ་ཀྱི་སྣང་བ་རྣམ་པར་ངེས་པ་ཞེས་བྱའོ། །སྲས་ནི་ཕྱོགས་ལྟ་བཟོད་
ཅེས་བྱའོ། །རིམ་གྲོ་པ་ནི་ཤེས་རབ་ཀྱི་སྣང་བ་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྒྲ་རྣམ་པར་སྒྲོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པའི་ཏོག་གི་རྒྱལ་མཚན་
རྒྱལ་པོ་ཞེས་བྱའོ། །འདུས་པ་ནི་ལན་དྲུག་བཅུ་རྩ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་
རོ། །དེ་བཞིན་གཤེགས་པ་ཁྲོ་བ་བཅོམ་པ་སྐྱེ་བའི་ཡུལ་ནི་ཐ་བའི་ཚེར་མ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་སྟོང་ངོ་། །ཡབ་ནི་མུན་བྲལ་ཞེས་བྱའོ། །ཡུམ་ནི་བྱམས་སེམས་མཐོང་ཞེས་
40-1-231a


བྱའོ། །སྲས་ནི་ཡོན་ཏན་ཕུང་པོ་ཞེས་བྱའོ། །རིམ་གྲོ་པ་ནི་སྐྱོན་མེད་སྦྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱགས་པའི་སྐྱོན་ཞི་བར་གནས་པ་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་ཞི་གནས་དང་དུལ་བར་གནས་པའི་མེ་ཏོག་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་ཕྲག་བདུན་བཅུའོ། །གཉིས་པ་ལ་ནི་བྱེ་བ་ཕྲག་བརྒྱད་བཅུའོ། །གསུམ་པ་ལ་ནི་བྱེ་བ་ཕྲག་དགུ་བཅུའོ། །བཞི་པ་ལ་ནི་
ཐེར་འབུམ་མོ། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་གཟུགས་མཆོག་སྐྱེ་བའི་ཡུལ་ནི་ཡན་ལག་དམ་པ་རིན་པོ་ཆེ་མཆོད་གནས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུ་རྩ་དྲུག་གོ། །ཡབ་ནི་རིན་པོ་ཆེའི་གཟི་བརྗིད་ཕུང་པོ་ཞེས་བྱའོ། །
ཡུམ་ནི་འཇིག་རྟེན་པའི་གཟུགས་ཐམས་ཅད་ཀྱིས་ཟིལ་གྱིས་མི་ནོན་པའི་གཟི་བརྗིད་ཅེས་བྱའོ། །སྲས་ནི་གཟུགས་བྱིན་ཞེས་བྱའོ། །རིམ་གྲོ་པ་ནི་གཟུགས་ཀྱི་བརྡ་སྒྲུབ་པར་སེམས་པ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་འོད་ཟེར་གྱི་གཟི་བརྗིད་མེ་ཏོག་ཀུན་དུ་རྒྱས་པའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུགས་ཀྱི་བརྡ་བསྒྲུབ་པ་ཕ་རོལ་དུ་ཕྱིན་པར་སེམས་པ་ཞེས་བྱའོ། །དགྲ་བཅོམ་
པ་འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་དྲུག་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་གཤེགས་སྐྱེ་བའི་ཡུལ་ནི་འགྲོས་ཆེན་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
40-1-231b


ཚད་བདུན་བཅུའོ། །ཡབ་ནི་འགྲོས་མཛེས་སེམས་པ་ཞེས་བྱའོ། །ཡུམ་ནི་ཁྱུ་མཆོག་མིག་མཐོང་འགྲོས་ཤེས་བྱའོ། །སྲས་ནི་དབང་པོའི་མཚོན་ཆ་འགྲོས་ཀྱིས་བྱིན་ཞེས་བྱའོ། །རིམ་གྲོ་པ་ནི་ཆུ་བོའི་རྒྱལ་པོ་སུམ་བཅུ་སེང་གེའི་བདག་པོ་ལུས་
ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྐལ་པ་གྲངས་མེད་པ་ནས་ཡང་དག་པར་བསྒྲུབས་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་པ་མི་གཏོང་ཞིང་བཀོད་པ་ཆེན་པོ་རྟག་པ་ཞེས་བྱའོ། །དགྲ་བཅོམ་པ་འདུས་པ་ནི་
ལན་ཉི་ཤུ་རྩ་ལྔ་སྟེ། ཐམས་ཅད་ལ་ཡང་དུང་ཕྱུར་ཕྲག་གཉིས་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་ཏུ་སྦྱིན་
པར་གྲགས་པ་སྐྱེ་བའི་ཡུལ་ནི་གྲགས་པ་མཐའ་ཡས་རྒྱལ་མཚན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་མཐུ་རྩལ་གྲགས་པ་ཞེས་བྱའོ། །ཡུམ་ནི་གྲགས་པ་མཐའ་ཡས་འཛིན་ཞེས་བྱའོ། །སྲས་
ནི་གྲགས་པ་ཀུན་དུ་འཕགས་པ་ཞེས་བྱའོ། །རིམ་གྲོ་པ་ནི་གྲགས་ཆེན་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་མཆོག་གསལ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྲགས་དད་བྱེད་ཡང་དག་
འཕགས་ཤེས་བྱའོ། །ཉན་ཐོས་འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་གཙང་སྐྱེ་བའི་ཡུལ་ནི་འཕགས་པ་གཟིགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་དྲུག་གོ། །ཡབ་ནི་ཡང་དག་དོན་སེམས་ཤེས་
བྱའོ། །ཡུམ་ནི་བདུད་རྩིའི་སེམས་ཤེས་བྱའོ། །སྲས་ནི་དུས་བྱིན་དབྱངས་ཤེས་བྱའོ། །རིམ་གྲོ་པ་ནི་སྒྲ་དང་བརྡ་ཟད་མི་ཤེས་པ་འཛིན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔུང་གི་ཚོགས་རབ་ཏུ་འཇོམས་པ་ཞེས་བྱའོ། །
40-1-232a


རྫུ་འཕྲུལ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་རྣམ་པར་འཇིག་པ་ལ་དཔའ་བ་ཞེས་བྱའོ། །ཉན་ཐོས་འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་ཁྲིའོ། །
དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་ཉི་མ་སྐྱེ་བའི་ཡུལ་ནི་གཟི་བརྗིད་མཐའ་ཡས་པའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་
སྟོང་ངོ་། །ཡབ་ནི་འོད་འཕགས་ཤེས་བྱའོ། །ཡུམ་ནི་སྣང་བ་མཐའ་ཡས་བཀོད་པའི་གཟི་བརྗིད་ཅེས་བྱའོ། །སྲས་ནི་འཇིག་རྟེན་ཐམས་ཅད་ན་མཛེས་པ་ཞེས་བྱའོ། །རིམ་གྲོ་པ་ནི་འཇིག་རྟེན་ཐམས་ཅད་ཀྱིས་བསྔགས་པར་སེམས་པ་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པ་ཡོན་ཏན་རིན་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་ཀྱི་བརྡ་འཛིན་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་སྟེ། ཐམས་ཅད་
ལ་ཡང་བྱེ་བ་ཕྲག་ལྔ་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་ཤེས་རབ་བྱིན་སྐྱེ་བའི་ཡུལ་ནི་ཤེས་རབ་སྐར་མདའ་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ཤེས་རབ་སྐར་མདས་མངོན་པར་ཤེས་པའི་མེ་ཏོག་ཀུན་དུ་རྒྱས་པ་ཞེས་བྱའོ། །ཡུམ་ནི་ལུས་ཤིན་དུ་རྣམ་
པར་འབྱེས་པ་འོད་མཐའ་ཡས་པ་ཞེས་བྱའོ། །སྲས་ནི་ཤེས་རབ་རྣམ་པར་ངེས་པའི་རྒྱལ་པོ་ཞེས་བྱའོ། །རིམ་གྲོ་པ་ནི་ཤེས་རབ་ཀྱིས་རྣམ་པར་བསྒོམས་ཤིང་སྦྱངས་པའི་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་འཁྲུགས་
ཤིང་ཤེས་རབ་བརྩེགས་པའི་འགྲོས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་དུ་རྣམ་པར་ངེས་པའི་རི་བོ་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་
40-1-232b


ཚད་ནི་ལོ་བདུན་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཉམ་པར་བཞག་པའི་བདག་ཉིད་སྐྱེ་བའི་ཡུལ་ནི་ཀུན་ནས་གནས་པར་གྲགས་པ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ཞི་གནས་རྙེད་ཅིང་ཐོབ་པ་ཞེས་བྱའོ། །ཡུམ་ནི་སེམས་ལ་གཡོ་བ་མེད་པ་ཞེས་བྱའོ། །སྲས་ནི་བདུད་རྩི་དྲན་པའི་གཟི་བརྗིད་ཅེས་བྱའོ། །རིམ་གྲོ་པ་ནི་ཐར་པ་རིན་པོ་ཆེའི་སྣོད་
བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བའི་སེམས་ལ་རབ་ཏུ་ཞི་བའི་འགྲོས་ལ་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པའི་གོ་འཕང་རྣམ་པར་གནོན་པའི་སེམས་ཤེས་བྱའོ། །དགྲ་བཅོམ་
པ་འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་
ཟད་དོ། །དེ་བཞིན་གཤེགས་པ་གཟི་མདངས་སྐྱེ་བའི་ཡུལ་ནི་ཡོན་ཏན་མདངས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་ཏོག་མཆོག་གཟི་བརྗིད་རྒྱལ་པོ་ཞེས་བྱའོ། །ཡུམ་ནི་ཡེ་ཤེས་སྣང་བ་སྦྱིན་པ་ཞེས་
བྱའོ། །སྲས་ནི་ནོར་ལྷ་གསལ་བ་ཞེས་བྱའོ། །རིམ་གྲོ་པ་ནི་བསོད་ནམས་ཀྱི་ཕུང་པོ་ཏོག་གི་རྒྱལ་མཚན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོན་མའི་ཕུང་པོ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆགས་པ་
མེད་པའི་མཐའ་ལས་ངེས་པར་འབྱུང་བའི་བློ་ཅན་ཞེས་བྱའོ། །དགྲ་བཅོམ་པ་འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བདུན་ཁྲི་བཞི་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྒྱལ་རིགས་སྐྱེ་བའི་ཡུལ་ནི་རྒྱལ་པོའི་དྲང་སྲོང་ཕྲུག་གུ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ་། །ཡབ་ནི་བསོད་ནམས་འབྱོར་པའི་
40-1-233a


ཏོག་ཅེས་བྱའོ། །ཡུམ་ནི་བསོད་ནམས་འགྲོས་ཤེས་བྱའོ། །སྲས་ནི་ཡུལ་འཁོར་ཆོས་དགེ་ཞེས་བྱའོ། །རིམ་གྲོ་པ་ནི་རྒྱལ་སྲིད་འཕེལ་བར་བྱེད་པའི་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྟོབས་བྱིན་ཞེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བཞིན་དོན་ཡོད་གདོང་ཞེས་བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་
ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐལ་ལྡན་ཤིང་རྟ་སྐྱེ་བའི་ཡུལ་ནི་འཇིགས་པ་མེད་པའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
བཅུ་གསུམ་མོ། །ཡབ་ནི་ཆུ་ལྷས་བྱིན་ཞེས་བྱའོ། །ཡུམ་ནི་ལྟ་བས་མཐོང་ཞེས་བྱའོ། །སྲས་ནི་མི་ཟད་པའི་ཏོག་ཅེས་བྱའོ། །རིམ་གྲོ་པ་ནི་ཤིན་དུ་འཕགས་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྟ་བ་གསལ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཐེ་ཚོམ་མེད་པའི་བློ་གྲོས་ཤེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་རྩ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་
དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གསེར་མཆོག་སྐྱེ་བའི་ཡུལ་ནི་གཟི་བརྗིད་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
བརྒྱད་བཅུའོ། །ཡབ་ནི་རིན་པོ་ཆེའི་འོད་ཅེས་བྱའོ། །ཡུམ་ནི་བཻ་དཱུརྱའི་འོད་ཅེས་བྱའོ། །སྲས་ནི་རིན་ཆེན་ཡོངས་དག་ཅེས་བྱའོ། །རིམ་གྲོ་པ་ནི་རིན་ཆེན་འབྱུང་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་མཐའ་
ཡས་སྒྲོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་ཐམས་ཅད་མངོན་པར་ཤེས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཅུ་བདུན་ཏེ། ཐམས་ཅད་ལ་ཡང་ཐེར་འབུམ་ཕྲག་གཉིས་གཉིས་སོ། །སྐུ་ཚེའི་
40-1-233b


ཚད་ནི་ལོ་ཉི་ཁྲིའོ། །དམ་པའི་ཆོས་ཀྱང་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་གྲོལ་བའི་གཙུག་སྐྱེ་བའི་ཡུལ་ནི་དགའ་བ་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་ཁྲིའོ། །ཡབ་ནི་རྨོག་གྱོན་ཞེས་བྱའོ། །ཡུམ་ནི་ཉི་མ་གསལ་བྱེད་ཅེས་བྱའོ། །སྲས་ནི་ཏོག་གི་རྒྱལ་མཚན་ཞེས་བྱའོ། །རིམ་གྲོ་པ་ནི་ཆགས་མེད་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་
གཡོ་བ་མེད་པར་གནས་པ་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་མཆོག་ཁ་ལོ་བསྒྱུར་བ་ཞེས་བྱའོ། །དགྲ་བཅོམ་པ་འདུས་པ་ནི་ལན་བཞི་བཅུ་རྩ་གཅིག་སྟེ། ཐམས་ཅད་ལ་ཡང་ས་ཡ་ཕྲག་བཞི་བཞིའོ། །སྐུ་ཚེའི་
ཚད་ནི་ལོ་དྲུག་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ལྡན་སྐྱེ་བའི་ཡུལ་ནི་ཆོས་ཀྱི་སྐར་
མདའ་སྣང་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་པོ་ཆེའི་སྒྲོན་མ་ཞེས་བྱའོ། །ཡུམ་ནི་བྱང་ཆུབ་དད་ཅེས་བྱའོ། །སྲས་ནི་འགྲོ་བའི་འོད་ཟེར་ཞེས་བྱའོ། །རིམ་གྲོ་པ་ནི་
འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་བཅུད་ཀྱི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོ་དད་གཟི་བརྗིད་ཅེས་བྱའོ། །དགྲ་བཅོམ་པ་འདུས་པ་ནི་ལན་བརྒྱད་བཅུ་སྟེ། 
ཐམས་ཅད་ལ་ཡང་བྱེ་བ་ཕྲག་བརྒྱད་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་གནས་
སྐྱེ་བའི་ཡུལ་ནི་འགྲོ་བ་ཐམས་ཅད་དད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་བདུན་ནོ། །ཡབ་ནི་གནས་དང་གནས་མ་ཡིན་པ་སྤོང་བ་ཞེས་བྱའོ། །ཡུམ་ནི་རྟོགས་པའི་དོན་ལ་གནས་པ་འདོར་བ་ལྡོག་པར་བྱེད་པ་
40-1-234a


ཞེས་བྱའོ། །སྲས་ནི་འགྲོ་བ་ཐམས་ཅད་མི་འབྱུང་བར་གྱུར་པ་ཞེས་བྱའོ། །རིམ་གྲོ་པ་ནི་ཀླུའི་བདག་པོ་ཁྱིམ་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བ་ཐམས་ཅད་རབ་ཏུ་ཞི་བར་བྱེད་པའི་
སྣང་བ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྟོགས་པ་དང་བློ་གྲོས་ཀྱིས་ཡོངས་སུ་སྤང་བར་སེམས་པ་ཞེས་བྱའོ། །འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་བདུན་བཅུ་རྩ་དགུ་དགུའོ། །སྐུ་
ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སུམ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲེགས་པ་སྤངས་པ་སྐྱེ་བའི་ཡུལ་ནི་མཁས་པའི་བློ་གྲོས་ཅན་ཞེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་ཁེངས་པ་མེད་པའི་བློ་ཞེས་བྱའོ། །ཡུམ་ནི་སྤྱོད་པ་མ་འཁྲུལ་ཞེས་བྱའོ། །སྲས་ནི་སེང་གེའི་མཐུ་རྩལ་དོར་ཞེས་བྱའོ། །རིམ་གྲོ་པ་ནི་མཆོད་མཆོག་ཐོབ་ཅེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་འཕགས་པ་ལ་དད་པའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་སྤྱོད་པའི་བློ་གྲོས་ཤེས་བྱའོ། །དགྲ་བཅོམ་པ་འདུས་པ་ནི་ལན་བདུན་ཏེ། ཐམས་ཅད་ལ་ཡང་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་
ནི་ལོ་བརྒྱད་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་ཀྱི་མཛོད་སྐྱེ་བའི་ཡུལ་ནི་ཡོན་ཏན་མཐའ་ཡས་པ་
བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བརྒྱད་ཙམ་མོ། །ཡབ་ནི་གཟུགས་ཀྱི་བརྡ་ཟད་མི་ཤེས་པའི་བློ་གྲོས་ཤེས་བྱའོ། །ཡུམ་ནི་འོད་གསལ་བློ་གྲོས་མ་ཞེས་བྱའོ། །སྲས་
ནི་དགའ་བའི་དབྱངས་ཤེས་བྱའོ། །རིམ་གྲོ་པ་ནི་ཀླུ་དབྱངས་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་དུ་རྣམ་པར་གྲོལ་བའི་རིན་པོ་ཆེ་ལ་རབ་ཏུ་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་
40-1-234b


གསལ་བ་བརྩེགས་ཤེས་སོ། །དགྲ་བཅོམ་པ་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་ཉི་ཤུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་
པར་འགྱུར་རོ། །དེ་བཞིན་གཤེགས་པ་ཚངས་པར་གཤེགས་པ་སྐྱེ་བའི་ཡུལ་ནི་སྙིང་རྗེ་དང་གཏི་མུག་མེད་པ་རིན་པོ་ཆེ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བཅུའོ། །ཡབ་ནི་སྙིང་རྗེ་ཆེར་སེམས་ཤེས་བྱའོ། །ཡུམ་ནི་སྒྲིབ་མེད་
བྱམས་པ་མཐོང་ཞེས་བྱའོ། །སྲས་ནི་བལྟ་བཟོད་ཅེས་བྱའོ། །རིམ་གྲོ་པ་ནི་ལུས་བཟངས་གཟི་བརྗིད་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཐམས་ཅད་ཡང་དག་པར་འཕགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་བཀོད་པ་ཀུན་དུ་མཛེས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བརྒྱད་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཙན་དན་སྐྱེ་བའི་ཡུལ་ནི་ཡུལ་འཁོར་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །ཡབ་ནི་མཁས་བརྩོན་ཞེས་བྱའོ། །ཡུམ་
ནི་བརྩོན་པ་མི་གཏོང་བ་ཞེས་བྱའོ། །སྲས་ནི་མཐུ་རྩལ་གནས་ཤེས་བྱའོ། །རིམ་གྲོ་པ་ནི་གཞན་གྱིས་མི་ཐུབ་པའི་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཐུ་རྩལ་སྦྱིན་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་འཇིག་རྟེན་མཆོད་འོས་ཐོབ་ཅེས་བྱའོ། །དགྲ་བཅོམ་པ་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དྲུག་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མྱ་ངན་མེད་པ་སྐྱེ་བའི་ཡུལ་ནི་མྱ་ངན་དང་བྲལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཁྲི་བཞི་སྟོང་ངོ་། །ཡབ་ནི་བསྩལ་དག་ཅེས་བྱའོ། །
40-1-235a


ཡུམ་ནི་མྱ་ངན་ཐམས་ཅད་གཏོང་ཞེས་བྱའོ། །སྲས་ནི་སྨོན་ལམ་མ་འཁྲུལ་བ་ཞེས་བྱའོ། །རིམ་གྲོ་པ་ནི་བློ་མ་འཛིངས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་འདྲེས་པར་སེམས་པ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་ལྟ་གསལ་བློ་ཅན་ཞེས་བྱའོ། །ཉན་ཐོས་འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་
དགུ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེའི་འོད་ཟེར་སྐྱེ་བའི་ཡུལ་ནི་བདག་མེད་པ་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་སུམ་བཅུ་རྩ་དྲུག་གོ། །ཡབ་ནི་ཆོས་མཐོང་ཞེས་བྱའོ། །ཡུམ་ནི་སྟོང་པ་ཉིད་ལ་གནས་པ་ཞེས་བྱའོ། །སྲས་ནི་ཀུན་དུ་ལྟ་བ་ཅན་ཞེས་བྱའོ། །རིམ་གྲོ་པ་ནི་བཀོད་པ་མི་གནས་པ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཡེ་ཤེས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོངས་མཐོང་བློ་ངེས་ཤེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་གཉིས་ཏེ། ཐམས་ཅད་ལ་ཡང་འབུམ་འབུམ་མོ། །སྐུ་
ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡུལ་
འཁོར་ཏོག་སྐྱེ་བའི་ཡུལ་ནི་ཡུལ་འཁོར་མཐའ་ཡས་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་ཏོག་གི་ང་རོ་ཞེས་བྱའོ། །ཡུམ་ནི་ཏོག་འབྲངས་ཤེས་བྱའོ། །སྲས་ནི་མཐའ་
ཡས་ཏོག་ཅེས་བྱའོ། །རིམ་གྲོ་པ་ནི་ཡོན་ཏན་རིན་ཆེན་རྣམ་པར་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཏོག་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་དགའ་ཁ་ལོ་བསྒྱུར་
40-1-235b


ཞེས་བྱའོ། །ཉན་ཐོས་འདུས་པ་ནི་ལན་བཅུ་གཉིས་ཏེ། ཐམས་ཅད་ལ་ཡང་སྟོང་ཕྲག་བཅྭ་ལྔ་བཅྭ་ལྔའོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པད་མའི་སྙིང་པོ་སྐྱེ་བའི་ཡུལ་ནི་མེ་ཏོག་ཐམས་ཅད་འབྱུང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་གཉིས་སོ། །ཡབ་ནི་
སྙན་པ་ཐོབ་ཅེས་བྱའོ། །ཡུམ་ནི་ཡེ་ཤེས་ཅན་ཞེས་བྱའོ། །སྲས་ནི་གཞལ་མེད་གཟི་བརྗིད་བཟང་པོ་ཞེས་བྱའོ། །རིམ་གྲོ་པ་ནི་ལྷའི་ཚོགས་ཀྱི་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྟ་བ་ཚོད་ཅེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་ལྟ་བ་མཐའ་ཡས་འཕགས་ཤེས་བྱའོ། །ཉན་ཐོས་འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ་། །དམ་པའི་ཆོས་
ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་མཐའ་ཡས་སྐྱེ་བའི་ཡུལ་ནི་ཡོན་ཏན་གཟི་བརྗིད་ཀྱིས་རྣམ་པར་
བརྒྱན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བཅུའོ། །ཡབ་ནི་ལྷས་མཆོད་ཅེས་བྱའོ། །ཡུམ་ནི་འོད་སྦྱིན་མ་ཞེས་བྱའོ། །སྲས་ནི་བློའི་སྒྲོན་མ་ཞེས་བྱའོ། །རིམ་གྲོ་པ་ནི་མཐའ་
ཡས་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བ་ཀུན་དུ་འབྱུང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སོ་བཟངས་ཤེས་བྱའོ། །ཉན་ཐོས་འདུས་པ་ནི་ལན་དྲུག་བཅུ་སྟེ། ཐམས་ཅད་ལ་
ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་འོད་ཟེར་སྐྱེ་བའི་ཡུལ་ནི་
40-1-236a


ལྷ་དད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མཐུ་རྩལ་མི་གཡོ་བ་ཞེས་བྱའོ། །ཡུམ་ནི་མཆོད་དོན་ཞེས་བྱའོ། །སྲས་ནི་མཆོད་འདོད་ཅེས་བྱའོ། །རིམ་གྲོ་པ་ནི་མེ་ཏོག་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་
ཆེན་ཐོབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་དུ་མཐུ་རྩལ་སྟོབས་ཤེས་བྱའོ། །ཉན་ཐོས་འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་འབུམ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་
གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཤེས་རབ་མེ་ཏོག་སྐྱེ་བའི་ཡུལ་ནི་རིན་པོ་ཆེའི་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་
ཡོན་ཏན་མེ་ཏོག་ཅེས་བྱའོ། །ཡུམ་ནི་བདུད་རྩིའི་མེ་ཏོག་ཅེས་བྱའོ། །སྲས་ནི་བསོད་ནམས་མེ་ཏོག་ཅེས་བྱའོ། །རིམ་གྲོ་པ་ནི་མྱ་ངན་ལས་འདས་པའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་གྱི་མེ་ཏོག་ཅེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་རིན་ཆེན་མེ་ཏོག་གཟི་བརྗིད་ཅེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་མཁས་པ་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བཅུ་རྩ་བཞིའོ། །ཡབ་ནི་པད་མའི་སྙིང་པོ་ཞེས་བྱའོ། །ཡུམ་ནི་མེ་ཏོག་བཟང་
པོའི་གཟི་བྱིན་མ་ཞེས་བྱའོ། །སྲས་ནི་བསོད་ནམས་གཟི་བརྗིད་གཟུགས་བརྙན་གཟི་བྱིན་སེམས་ཤེས་བྱའོ། །རིམ་གྲོ་པ་ནི་སྤ་གོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་སྦྱིན་གོ་བགོས་ང་རོའི་བློ་ཅན་ཞེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་འོད་གསལ་དྲི་མེད་སེམས་ཤེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་བཞི་སྟོང་
40-1-236b


གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་འབྱོར་ལྡན་སྐྱེ་བའི་ཡུལ་ནི་རིན་པོ་ཆེ་འབྱོར་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བརྒྱའོ། །ཡབ་ནི་
རིན་ཆེན་གཟི་བརྗིད་སྣང་བ་ཅེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་རིན་པོ་ཆེའི་འབྱུང་གནས་ཤེས་བྱའོ། །རིམ་གྲོ་པ་ནི་རིན་པོ་ཆེའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་
བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་མཆོག་དཔལ་ཞེས་བྱའོ། །ཉན་ཐོས་འདུས་པ་ནི་ལན་དགུ་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དྲུག་
ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པའི་དབྱིག་སྐྱེ་བའི་ཡུལ་ནི་དབྱིག་སྣང་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བཅུའོ། །ཡབ་ནི་གཟུངས་ཀྱི་ང་རོ་ཞེས་བྱའོ། །ཡུམ་ནི་ཚངས་མཆོག་དཔལ་ཞེས་བྱའོ། །སྲས་ནི་ཐར་པ་ལ་དམིགས་པའི་རྒྱལ་པོ་ཞེས་བྱའོ། །
རིམ་གྲོ་པ་ནི་ཕུང་པོ་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་རྒྱལ་མཚན་རྒྱལ་ཆེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བདུད་རྩི་གནས་ཤེས་བྱའོ། །
ཉན་ཐོས་འདུས་པ་ནི་ལན་བརྒྱད་བཅུ་རྩ་བརྒྱད་དེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྱག་ན་རིན་ཆེན་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །
40-1-237a


ཡབ་ནི་རིན་ཆེན་ལག་ཅེས་བྱའོ། །ཡུམ་ནི་རིན་ཆེན་མཐའ་ཡས་མ་ཞེས་བྱའོ། །སྲས་ནི་ཡོན་ཏན་རྣམ་པར་ལྟ་ཞེས་བྱའོ། །རིམ་གྲོ་པ་ནི་རིན་ཆེན་མིག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་བཀོད་པའི་ལུས་ཤེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་མ་སྨད་ཅེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་ས་ཡ་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་
སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དབང་ལྡན་སྐྱེ་བའི་ཡུལ་ནི་དབང་པོའི་རྒྱན་བཀོད་པ་རྣམ་པར་གྲགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
བདུན་བཅུའོ། །ཡབ་ནི་དབང་པོས་བྱིན་ཞེས་བྱའོ། །ཡུམ་ནི་ལྷ་མ་ཡིན་གྱི་གཟི་བརྗིད་ཅེས་བྱའོ། །སྲས་ནི་དབང་གསལ་བྱིན་ཞེས་བྱའོ། །རིམ་གྲོ་པ་ནི་དཔལ་བརྩེགས་དབང་པོ་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
རྣམ་པར་སྣང་བྱེད་རྒྱལ་མཚན་གྲགས་པ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆགས་པ་མེད་པར་གནས་པ་ལ་མཁས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་བཅུ་རྩ་དྲུག་སྟེ། ཐམས་ཅད་ལ་ཡང་ཐེར་
འབུམ་ཕྲག་དྲུག་བཅུ་དྲུག་བཅུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྫོགས་པར་གསུང་བ་སྐྱེ་བའི་ཡུལ་ནི་བཀོད་པ་ཆེན་
པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་ནི་མི་ཐུབ་ཐུལ་ཞེས་བྱའོ། །ཡུམ་ནི་ཡོན་ཏན་གསལ་ཞེས་བྱའོ། །སྲས་ནི་བློ་མཆོག་ཅེས་བྱའོ། །རིམ་གྲོ་པ་ནི་ཞི་བ་གསལ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་འཕགས་དད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་གདོན་མི་ཟ་བའི་རྒྱལ་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་བྱེ་བ་ཕྲག་འབུམ་
40-1-237b


འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཆོག་གསུང་སྐྱེ་བའི་ཡུལ་ནི་ཤིན་དུ་
ལྟ་ན་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་འོད་མཆོག་དཔལ་ཞེས་བྱའོ། །ཡུམ་ནི་ཟིལ་གྱིས་མི་ནོན་པའི་མདོག་ཅན་ཞེས་བྱའོ། །སྲས་ནི་རྣམ་གྲགས་རྒྱལ་པོ་ཞེས་བྱའོ། །རིམ་གྲོ་
པ་ནི་བདུད་རྩིའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་སྤྱད་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲ་ལ་ཆགས་པ་མེད་པར་སྟོན་པའི་བློ་གྲོས་ཤེས་བྱའོ། །ཉན་ཐོས་
འདུས་པ་ནི་ལན་བདུན་བཅུ་རྩ་བརྒྱད་དེ། ཐམས་ཅད་ལ་ཡང་འབུམ་ཕྲག་བརྒྱད་བཅུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་མཆོད་འོས་སྐྱེ་བའི་ཡུལ་ནི་གཟི་བརྗིད་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་དོན་དཔྱོད་ཅེས་བྱའོ། །ཡུམ་ནི་སྐར་འོད་ཅན་ཞེས་བྱའོ། །
སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་འཕགས་པ་དད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བས་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་སྤོབས་པ་རྣམ་པར་
ངེས་པའི་རྒྱལ་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ནི་ལོ་ཁྲིའི་བར་
དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་བའི་ཡུལ་ནི་གཟི་བརྗིད་མཐའ་ཡས་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་
40-1-238a


པའི་འཇིག་རྟེན་གྱི་ཁམས་སུམ་བཅུ་ཙམ་མོ། །ཡབ་ནི་ཡོན་ཏན་རིན་ཆེན་ཏོག་འོད་གྲགས་ཤེས་བྱའོ། །ཡུམ་ནི་སྤོབས་པའི་རྒྱན་བཀོད་པའི་རྒྱལ་མོ་ཞེས་བྱའོ། །སྲས་ནི་ཡོན་ཏན་རིན་ཆེན་མངོན་པར་ཤེས་པ་ཞེས་
བྱའོ། །རིམ་གྲོ་པ་ནི་བདུད་རྣམ་པར་སྐྲག་པར་བྱེད་པ་གཞན་གྱིས་མི་ཐུབ་པའི་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བག་ཚ་བ་མེད་པས་རྣམ་པར་རྩེ་བའི་མངོན་པར་ཤེས་པ་ཐོབ་པ་ཞེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་རབ་ཀྱི་རྩལ་གྱིས་རྣམ་པར་གནོན་པ་ཐུབ་པ་མེད་པའི་ཚོགས་ཅན་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དྲུག་
ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མ་སྐྱེ་བའི་ཡུལ་ནི་ཉི་མའི་འོད་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གཉིས་པའི་འཇིག་
རྟེན་གྱི་ཁམས་ཙམ་མོ། །ཡབ་ནི་ཕྱོགས་གསལ་གྲགས་ཤེས་བྱའོ། །ཡུམ་ནི་ཉི་མའི་སྙིང་པོ་འོད་ཅེས་བྱའོ། །སྲས་ནི་དྲི་མེད་འོད་འཕྲོ་ཏོག་འབྱུང་བློ་ཞེས་བྱའོ། །རིམ་གྲོ་པ་ནི་འཇིག་རྟེན་གྱི་སྤྱོད་པ་བས་མཆོད་པའི་བཀོད་
པའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་པོས་ཕ་རོལ་གནོན་པར་གྲགས་པ་མ་སྨད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་རིན་པོ་ཆེའི་མེ་ཏོག་རྣམ་པར་རྩེ་བའི་དབྱངས་ཅན་ཞེས་བྱའོ། །
ཉན་ཐོས་འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འདམ་ལས་རྒལ་བ་སྐྱེ་བའི་ཡུལ་ནི་དགའ་བ་བཀོད་པ་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་གྱི་འཇིག་རྟེན་གྱི་ཁམས་ཙམ་མོ། །
40-1-238b


ཡབ་ནི་ཆུ་བོ་སྤོང་ཞེས་བྱའོ། །ཡུམ་ནི་ཡོན་ཏན་རིན་ཆེན་རྒྱ་མཚོའི་བློ་གྲོས་ཤེས་བྱའོ། །སྲས་ནི་དབྱངས་སྙན་བཀོད་པའི་སེམས་ཤེས་བྱའོ། །རིམ་གྲོ་པ་ནི་ཡེ་ཤེས་མེ་ཏོག་མངོན་པར་ཤེས་པའི་རྒྱལ་པོ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་གཏི་མུག་མེད་པའི་གནས་པ་རྣམ་པར་བརྩེ་བའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བཅུ་ལ་རྟོག་ཅིང་མི་ཚུགས་པར་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་
བཅུ་རྩ་དྲུག་སྟེ། ཐམས་ཅད་ལ་ཡང་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་ཐེར་འབུམ་ཕྲག་རེ་རེ་དང་། དུང་ཕྱུར་ཕྲག་བདུན་བདུན་དང་བྱེ་བ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་
ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་བརྙེས་སྐྱེ་བའི་ཡུལ་ནི་ཡེ་ཤེས་ཀྱིས་རྣམ་པར་སྤྲུལ་ཞིང་གསལ་བ་རབ་ཏུ་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་བརྒྱད་དོ། །ཡབ་ནི་ཡེ་ཤེས་འཕེལ་ཞེས་བྱའོ། །ཡུམ་ནི་ཡེ་ཤེས་སྙིང་པོ་ཞེས་བྱའོ། །སྲས་ནི་ཡེ་ཤེས་གསལ་ཞེས་བྱའོ། །རིམ་གྲོ་པ་ནི་ཡེ་ཤེས་ཉན་འདོད་ཅེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་ཚུལ་ཐམས་ཅད་ཀྱིས་བདེན་པའི་ཁྱད་པར་གྱི་སྒྲ་སྒྲོགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་འཕྲུལ་པ་ཐམས་ཅད་ཀུན་ཏུ་སྟོན་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་
དྲུག་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་དགུ་པ། དེ་བཞིན་གཤེགས་པ་གྲུབ་པ་སྐྱེ་བའི་ཡུལ་ནི་ནོར་བུ་རིན་པོ་ཆེས་ཁོང་སྣུམས་པ་ཞེས་བྱའོ། །རིགས་ནི་རྒྱལ་རིགས་སོ། །
40-1-239a


འོད་ནི་དཔག་ཚད་དྲུག་བརྒྱའོ། །ཡབ་ནི་བྱང་ཆུབ་ལ་དད་པའི་མིད་པ་ཞེས་བྱའོ། །ཡུམ་ནི་ཉི་ཟླ་རྣམ་པར་མཐོང་བའི་འོད་ཅེས་བྱའོ། །སྲས་ནི་རིན་ཆེན་མེ་ཏོག་གཟི་བརྗིད་ཅེས་བྱའོ། །རིམ་གྲོ་པ་ནི་ཡོན་ཏན་སྣང་བའི་སེམས་ཤེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ནོར་སྦྱིན་མཐུ་རྩལ་མ་འཁྲུལ་སེམས་ཤེས་བྱའོ། །ཉན་ཐོས་འདུས་པ་ནི་ལན་ལྔ་སྟེ། ཐམས་ཅད་ལ་ཡང་དུང་ཕྱུར་ཕྲག་རེ་རེའོ། །སྐུ་ཚེའི་ཚད་ནི་ལོ་
ཁྲི་ལྔ་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྨ་བྱ་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ལག་ཤུགས་སྒྲ་སྐད་ཅེས་བྱའོ། །ཡུམ་ནི་མིའམ་ཅིའི་དབྱངས་ཤེས་བྱའོ། །སྲས་ནི་བརྡ་དང་སྒྲ་ཐམས་ཅད་པ་ཞེས་བྱའོ། །རིམ་གྲོ་པ་ནི་གཏི་མུག་མེད་པའི་དབང་ཕྱུག་གནས་ཤེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་རང་གི་སྒྲ་སྣང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགེ་བ་བརྒྱ་སྟོང་གིས་རབ་ཏུ་བརྒྱན་པའི་ང་རོ་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ས་ཡ་ཕྲག་
ལྔ་ལྔའོ། །སྐུ་ཚེའི་ཚད་ནི་ལོ་སུམ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་སྦྱིན་སྐྱེ་བའི་ཡུལ་ནི་འོད་ཀྱི་བཀོད་པ་ཡང་དག་པར་བསྒྲུབས་པ་ཞེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་ཆོས་ཀྱི་འབྱུང་གནས་ཤེས་བྱའོ། །ཡུམ་ནི་ལེགས་པར་བསམས་པ་སེམས་པ་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཆོས་རིན་པོ་ཆེའི་ཏོག་
ཅེས་བྱའོ། །རིམ་གྲོ་པ་ནི་ཆོས་ཀྱི་སྒྲོན་མའི་རྒྱལ་པོ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་སྣང་བར་བྱེད་པའི་རྫུ་འཕྲུལ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་
40-1-239b


ཏན་གྱི་ཕུང་པོ་འཕགས་པའི་གཟི་བརྗིད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་ལྔ་སྟེ། ཐམས་ཅད་ལ་ཡང་ཉི་ཤུ་ཉི་ཤུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་ཉི་ཁྲི་སུམ་སྟོང་གི་བར་དུ་གནས་སོ། །སྐུ་གདུང་
ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཕན་པར་བཞེད་པ་སྐྱེ་བའི་ཡུལ་ནི་གྲགས་པ་མ་སྨད་པའི་གཟུགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བརྒྱའོ། །
ཡབ་ནི་དྲང་སྲོང་སེམས་གསལ་ཞེས་བྱའོ། །ཡུམ་ནི་ཉི་མའི་གཟུགས་བརྡ་སྟོན་ཞེས་བྱའོ། །སྲས་ནི་སྐྱེ་བའི་ཚུལ་སྣང་བར་བྱེད་པར་གྲགས་པ་ཞེས་བྱའོ། །རིམ་གྲོ་པ་ནི་དགེ་བས་རབ་ཏུ་བརྒྱན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་སྒྲིབ་པ་མེད་པར་བརྩེགས་པའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་ཀྱིས་བག་ཚ་བ་མེད་པར་གནས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་
ས་ཡ་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་ལྡན་སྐྱེ་བའི་ཡུལ་
ནི་ཡེ་ཤེས་ཀྱིས་རྣམ་པར་བརྒྱན་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་ཡེ་ཤེས་ཀྱི་འབྱུང་གནས་མཐའ་ཡས་པ་ཞེས་བྱའོ། །ཡུམ་ནི་སྤོབས་པ་ཐམས་ཅད་སྟོན་
པ་ཞེས་བྱའོ། །སྲས་ནི་དབྱངས་ཀྱི་དབང་ཕྱུག་གི་རྒྱལ་པོ་སེང་གེའི་སྒྲ་རྣམ་པར་སྒྲོགས་པ་ཞེས་བྱའོ། །རིམ་གྲོ་པ་ནི་ཉི་མའི་གཟི་བརྗིད་ཀྱིས་རབ་ཏུ་བརྒྱན་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསྒོམ་
པ་ལ་དད་པའི་ཁྱིམ་གཏི་མུག་མེད་ཅིང་སྒྲིབ་པ་མེད་པར་གནས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་གནས་པའི་བཀོད་པ་ཐུབ་པ་མེད་པའི་ཚོགས་སྟོན་པ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་
40-1-240a


བཅུ་སྟེ། ཐམས་ཅད་ལ་ཡང་འབུམ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གྲགས་པ་སྐྱེ་བའི་ཡུལ་ནི་དགའ་བས་རྒྱས་པ་ཡང་དག་པར་རྟོགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཞི་
བཅུ་སྙེད་ཙམ་མོ། །ཡབ་ནི་བསམ་པ་ཐམས་ཅད་འཕགས་ཤེས་བྱའོ། །ཡུམ་ནི་ཡིད་ཀྱིས་སེམས་པ་ཡོངས་སུ་ཚིམ་པར་བྱེད་པ་ཞེས་བྱའོ། །སྲས་ནི་བརྡ་སྐད་ཐམས་ཅད་ལ་རབ་ཏུ་སྤོབས་པ་ཞེས་བྱའོ། །རིམ་གྲོ་པ་ནི་མི་ཐུབ་
པའི་ཚོགས་ཀྱི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོའི་རྣ་རྒྱན་སྡུག་པ་ཉམས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་ཀུན་དུ་འོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་
གཉིས་ཏེ། ཐམས་ཅད་ལ་ཡང་ཐེར་འབུམ་ཕྲག་སུམ་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་
ཟེར་གྱི་དྲ་བ་སྐྱེ་བའི་ཡུལ་ནི་རིན་པོ་ཆེའི་དྲ་བ་མཐའ་ཡས་པ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་སྙེད་ཙམ་མོ། །ཡབ་ནི་ཐུབ་པ་མེད་པའི་ཚོགས་སྟོན་པའི་བློ་གྲོས་
ཤེས་བྱའོ། །ཡུམ་ནི་དགྲ་ཐུལ་གཟི་བརྗིད་བློ་གྲོས་མ་ཞེས་བྱའོ། །སྲས་ནི་འདོད་བཞོ་ཡུལ་འཁོར་མཆོད་ཅེས་བྱའོ། །རིམ་གྲོ་པ་ནི་བརྡ་སྐད་ཟད་མི་ཤེས་པའི་བློ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེའི་
དྲ་བས་རྣམ་པར་བརྒྱན་པའི་མཛོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་ཀྱི་སྟོབས་ཀྱིས་ཕ་རོལ་གནོན་པའི་བློ་ཅན་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་
40-1-240b


དྲུག་གོ། །སྐུ་ཚེའི་ཚད་ནི་ལོ་དགུ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་བཅོམ་པ་སྐྱེ་བའི་ཡུལ་ནི་མྱ་ངན་མེད་པའི་རྒྱལ་པོ་ཞེས་བྱའོ། །རིགས་ནི་
བྲམ་ཟེའོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་སེང་གེ་རྣམ་པར་རྩེ་བའི་གཟི་བརྗིད་ཅེས་བྱའོ། །ཡུམ་ནི་རིན་ཆེན་མེ་ཏོག་ཅན་ཞེས་བྱའོ། །སྲས་ནི་བརྟུལ་ཞུགས་འབྱུང་བའི་རྒྱལ་པོ་ཞེས་བྱའོ། །རིམ་གྲོ་པ་ནི་རྣམ་པར་སྣང་བྱེད་འོད་
ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱགས་པའི་སྐྱོན་དང་སྒྲིབ་པ་ཐམས་ཅད་སྤངས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་གསལ་བར་བརྩེགས་པའི་སེམས་ཤེས་བྱའོ། །ཉན་ཐོས་འདུས་པ་ནི་
ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་སྟོང་ཕྲག་ཉི་ཤུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་
ཏུ་ཟད་དོ། །དེ་བཞིན་གཤེགས་པ་བཻ་དཱུརྱའི་སྙིང་པོ་སྐྱེ་བའི་ཡུལ་ནི་གློག་སྣང་བར་བྱེད་པ་ཤིན་དུ་འཕགས་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་རིན་ཆེན་སྙིང་པོ་འོད་ཅེས་
བྱའོ། །ཡུམ་ནི་བྱི་རུ་གསལ་ཞེས་བྱའོ། །སྲས་ནི་བཟང་མཆོག་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བརྟན་པོས་ཕ་རོལ་གནོན་པ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བཀོད་པའི་གོ་གྱོན་སེང་གེ་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕྱོགས་བཅུ་མཐོང་བས་རྣམ་པར་རྩེ་བའི་མངོན་པར་ཤེས་པ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །
དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་སྐྱེ་བའི་ཡུལ་ནི་རིན་པོ་ཆེའི་མེ་ཏོག་གིས་རབ་ཏུ་བརྒྱན་པ་ཅེས་བྱའོ། །རིགས་ནི་རྒྱལ་
40-1-241a


རིགས་སོ། །འོད་ནི་དཔག་ཚད་བརྒྱད་བཅུ་རྩ་བཞིའོ། །ཡབ་ནི་རིན་པོ་ཆེའི་མེ་ཏོག་ཐམས་ཅད་སྣང་བ་ཞེས་བྱའོ། །ཡུམ་ནི་རིན་པོ་ཆེའི་མེ་ཏོག་གིས་རབ་ཏུ་བརྒྱན་པའི་གཟི་བརྗིད་ཕུང་པོ་ཞེས་བྱའོ། །སྲས་ནི་འཁྲུལ་པ་མེད་པའི་
སེམས་ཤེས་བྱའོ། །རིམ་གྲོ་པ་ནི་མཐུ་རྩལ་ལེགས་པར་སྤྱོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ལྟ་བས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྡ་སྐད་ཐམས་ཅད་ཀྱི་རྒྱལ་པོ་ཞེས་བྱའོ། །ཉན་ཐོས་
འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་གཉིས་བཅུ་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་ལྷའི་རྒྱལ་པོ་སྐྱེ་བའི་ཡུལ་ནི་དགའ་བའི་ཉི་མ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་ལྷ་དད་རབ་བརྒྱན་ཞེས་བྱའོ། །ཡུམ་ནི་རིན་ཆེན་ལྷའི་སྙིང་པོ་
ཞེས་བྱའོ། །སྲས་ནི་ངན་སོང་ལས་འདས་པར་སེམས་པ་ཞེས་བྱའོ། །རིམ་གྲོ་པ་ནི་ཆགས་མེད་སྤོབས་པ་བརྩེགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པའི་རྒྱལ་པོ་བྱང་ཆུབ་འཕགས་ཤེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་འཇིག་རྟེན་པ་ཐམས་ཅད་མགུ་ཞིང་མངོན་པར་དགའ་བར་སེམས་པ་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ཉིས་
སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་ཚིག་ལ་མངོན་པར་དགའ་བ་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་སུམ་བཅུའོ། །ཡབ་ནི་འཇིག་རྟེན་པས་བསྔགས་པ་ཞེས་བྱའོ། །ཡུམ་ནི་སེམས་གསལ་མ་ཞེས་བྱའོ། །སྲས་ནི་འཇིག་རྟེན་ཀུན་མཆོག་ཅེས་བྱའོ། །རིམ་གྲོ་པ་ནི་མཆོག་གི་ཡེ་ཤེས་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
40-1-241b


ཡོན་ཏན་གྲགས་པ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྲིད་པའི་རྒྱ་མཚོ་ཐམས་ཅད་ལས་རྒལ་བའི་བློ་ཅན་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་རེ་རེའོ། །སྐུ་ཚེའི་ཚད་ནི་ལོ་
ཁྲི་དྲུག་སྟོང་ངོ་། །དམ་པའི་ཆོས་ཀྱང་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དྲན་པའི་འོད་སྐྱེ་བའི་ཡུལ་ནི་དྲན་པའི་གོ་བགོས་པ་གནས་ཀྱི་
མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་ཙམ་མོ། །ཡབ་ནི་བསྐལ་པ་གྲངས་མེད་མཐོང་བར་སེམས་ཤེས་བྱའོ། །ཡུམ་ནི་དུས་གསུམ་མཉམ་ཉིད་བློ་ཞེས་བྱའོ། །སྲས་ནི་རིན་
པོ་ཆེའི་ཚོགས་ཀྱི་མཛོད་ཅེས་བྱའོ། །རིམ་གྲོ་པ་ནི་སངས་རྒྱས་ཀྱི་ཡོན་ཏན་གྱིས་རྣམ་པར་རྩེ་བའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མྱ་ངན་སེལ་བ་བག་ཚ་བ་མེད་པ་ཐོབ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་ཐོས་པ་ཐམས་ཅད་ཀྱིས་རྣམ་པར་སྤྲུལ་པ་བཀོད་པ་ཞེས་བྱའོ། །འདུས་པ་ནི་ལན་བརྒྱ་སྟེ། ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་སུམ་བཅུ་སྙེད་དོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་བྱང་
ཆུབ་སེམས་དཔའ་ཐམས་ཅད་ཡོངས་སུ་སྨིན་པར་བྱ་བའི་ཕྱིར་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་བའི་འོད་དག་གི། །སྐྱེ་བའི་ཡུལ་ནི་འཇིག་རྟེན་མཁས་ཤེས་བྱ། །
རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་ལེགས་སེམས་ཡིན། །ཡོན་ཏན་བུ་ནི་རྒྱལ་ཡུམ་ཡོན་ཏན་སེམས། །སྲས་ཡིན་ཡོན་ཏན་ནོར་ནི་རིམ་གྲོ་པ། །ཡོན་ཏན་ཚོགས་ནི་ཏོག་གི་བློ་ཅན་ཏེ། །ཡོན་
ཏན་ཐམས་ཅད་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང་། །བྱང་ཆུབ་དག་ལས་ཕྱིར་ནི་མི་ལྡོག་པ། །བྱེ་བ་འབུམ་ཕྲག་འབུམ་ཕྲག་འདུས་པར་འགྱུར། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །
40-1-242a


སྲིད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་ཁམས་ཀུན་དུ་སྐུ་གདུང་དག་གིས་ཁྱབ། །སངས་རྒྱས་ཡོན་ཏན་མཆོག་མ་
ཀུན་འོད་ཀྱི། །སྐྱེ་བའི་ཡུལ་ནི་རྫུ་འཕྲུལ་སྣང་ཞེས་བྱ། །རིགས་ནི་བྲམ་ཟེ་ཡིན་ཏེ་དྲི་མེད་འོད། །དཔག་ཚད་བཅུ་ཡོད་འོད་ཀྱི་དབང་པོ་ཡབ། །ཡོན་ཏན་ཚོགས་ནི་རྒྱལ་ཡུམ་ཡོན་ཏན་མཆོག །སྲས་ཡིན་ཡོན་ཏན་དབང་པོ་རིམ་གྲོ་པ། །
ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །ཡོན་ཏན་དབང་པོ་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །མཚུངས་མེད་ཡོན་ཏན་ཀུན་བསགས་སྣང་མེད་ཐོབ། །སྦྱོར་བསྲེགས་བྱེ་བ་ཉི་ཤུ་གཉིས་གཉིས་ཡོད། །
མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གསུམ་པ་བཀོད་པས་རྣམ་པར་སྤྲས། །དེ་བཞིན་གཤེགས་
པ་རིན་པོ་ཆེ་ཡི་དཔལ། །སྐྱེ་བའི་ཡུལ་ནི་དཔལ་གྱི་ཚོགས་ཤེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་གྲགས་པའི་དབང་པོ་ཡབ། །དཔལ་མཆོད་མ་ནི་རྒྱལ་ཡུམ་རིན་པོ་ཆེ། །སྲས་ཡིན་རིན་ཆེན་དཔལ་
ནི་རིམ་གྲོ་པ། །གྲགས་པར་གནས་པ་ཤེས་རབ་ཅན་ཡིན་ཏེ། །མཁས་པ་ཞེས་ནི་བྱ་བ་རྫུ་འཕྲུལ་ཅན། །ཀུན་ཀྱང་རི་བོ་ལྷུན་ལྟར་མི་གཡོ་བ། །བྱེ་བ་ཕྲག་ནི་ཉི་ཤུ་བཞི་སྙེད་ཡོད། །ཡོངས་སུ་མྱ་ངན་འདས་པའི་དམ་ཆོས་དག །ལོ་གྲངས་
སུམ་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ས་ཡས་ཞིང་རྣམས་ཁྱབ་པར་འགྱུར། །དེ་བཞིན་གཤེགས་པ་སྐྱེས་བུ་ཟླ་བ་ཡི། །སྐྱེ་བའི་ཡུལ་ནི་ཟླ་བས་བརྒྱན་ཞེས་བྱ། །རྒྱལ་བའི་
རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལེགས་མཆོད་ཡིན། །ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླ་བཟང་ཟླ་བ་རིམ་གྲོ་པ། །བཞིན་ལྡན་ཞེས་ནི་བྱ་བ་མཁས་པ་སྟེ། །འཇིག་རྟེན་རྣམ་པར་ལྟ་
40-1-242b


བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ངར་མི་འཛིན་པ་མཁའ་དང་མཚུངས་པ་པོ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་པའི་ཆོས་དག་
ལོ་གྲངས་སྟོང་ཕྲག་ནི། །སུམ་བཅུ་རྩ་བདུན་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་རྒྱལ་མཚན་མཆོག་སྡོང་སྙེད་ཀྱིས་སྤྲས། །འཇིག་རྟེན་མགོན་པོ་སྒྲ་ཅན་སྐྱེ་བ་ཡི། །ཡུལ་ནི་ལྷ་
མིན་མཆོད་རྟེན་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལྷ་དབང་ཡིན། །ལྷ་མ་ཡིན་དབང་བདག་མོ་རྒྱལ་བའི་ཡུམ། །སྲས་པོ་ནོར་ལྡན་ནོར་བཟངས་རིམ་གྲོ་པ། །དུལ་གནས་དགའ་
ཞེས་བྱ་བ་མཁས་པ་སྟེ། །དགྲ་ཡིས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང་། །སྲེད་པ་འགོག་པར་ཐར་ལ་དགའ་བ་པོ། །ཐེར་འབུམ་ཕྲག་ནི་གསུམ་གསུམ་ཡོད་པར་འགྱུར། །མི་ཚེ་ལོ་
གྲངས་དག་ནི་ཁྲི་ཡང་ཡིན། །སྲིད་མཐར་ཕྱིན་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྲིད་པ་གསུམ་པོར་མཆོད་ཅིང་བཀུར་བར་འགྱུར། །
དེ་བཞིན་གཤེགས་པ་བདུད་རྩི་འོད་སྐྱེ་བའི། །ཡུལ་ནི་ཡོན་ཏན་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་མཐུ་ལྡན་ཡིན། །དད་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་
གོ་བགོས་དུལ་བ་རིམ་གྲོ་པ། །བདུད་རྩིའི་ང་རོ་ཞེས་བྱ་མཁས་པ་སྟེ། །བསམ་གཏན་པ་ལ་དད་བྱེད་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །ཉོན་མོངས་བདུད་ཀུན་འཇོམས་པར་བྱེད་པ་པོ། །བྱེ་བ་ཕྲག་ནི་བདུན་
བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་གཉིས་གསེར་གྱི་བླ་རེར་ལྡན། །རིན་ཆེན་མཆོག་གི་རྣ་རྒྱན་
40-1-243a


དག་གིས་བརྒྱན། །བདེ་གཤེགས་འཇིག་རྟེན་མཆོག་མ་སྐྱེ་བའི་ཡུལ། །ཤིན་དུ་སྙན་པའི་གཏམ་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་མེ་ཏོག་བཟང་པོ་ཡབ། །དཔལ་རྒྱལ་མེ་ཏོག་རྒྱལ་ཡུམ་
མེ་ཏོག་གསལ། །སྲས་ཡིན་ཙམ་པ་ཀ་ནི་རིམ་གྲོ་པ། །མེ་ཏོག་སྡུག་ཅེས་བྱ་བ་མཁས་པ་སྟེ། །འཇིགས་མེད་མེ་ཏོག་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང་། །ཆགས་ལས་འདས་པ་འཇིག་རྟེན་མི་ལྟ་བ། །
བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ལྔ་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་མུ་ཏིག་བླ་རེར་བཅས། །བཻ་དཱུརྱ་ཡི་རྣ་རྒྱན་
བརྩེགས་པར་ལྡན། །དེ་བཞིན་གཤེགས་པ་སྐར་མའི་འོད་དག་གི། །སྐྱེ་བའི་ཡུལ་ནི་འོད་འཕྲོ་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་སྣང་བའི་དབང་པོ་ཡབ། །འོད་འཕྲོ་སྣང་ཞེས་བྱ་བ་རྒྱལ་བའི་
ཡུམ། །སྲས་པོ་མེད་བྱིན་འོད་ལྡན་རིམ་གྲོ་པ། །གློག་འོད་གཟི་བརྗིད་བློ་གྲོས་ཅན་ཡིན་ཏེ། །འོད་འཕྲོ་གསལ་བའི་དཔལ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །ཆུ་བོ་བཞི་ཡི་ཕ་མཐར་ལེགས་
གནས་པ། །བྱེ་བ་ཕྲག་ནི་ཉི་ཤུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །ཡོན་ཏན་སློབ་དཔོན་དག་གི་དམ་ཆོས་དག །ལོ་གྲངས་སུམ་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
མཚན་མོ་མར་མེ་སྟོང་སྙེད་འོད་ཀྱང་འབར། །དེ་བཞིན་གཤེགས་པ་ཞི་བའི་སྟོབས་དག་གི། སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བདུན་ཡབ་ནི་རྣམ་གྲོལ་ཡིན། །དགྲ་
བཅོམ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་འཆད་མཁན་དགེ་ལེགས་རིམ་གྲོ་པ། །མཆོད་རྟེན་ཆེན་པོ་ཞེས་བྱ་མཁས་པ་སྟེ། །རྒོལ་བས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །
40-1-243b


འཇིག་རྟེན་ཟང་ཟིང་མེད་པའི་དགྲ་བཅོམ་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །དམ་ཆོས་ལོ་གྲངས་སུམ་ཁྲི་ཆིག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་
ཏེ། །དཔག་ཚད་བཞི་པ་རིན་ཆེན་ཕལ་པོ་ཆེའི། །དྲ་བས་སྤྲས་པས་འོད་ནི་མཐའ་ཡང་ཡས། །དེ་བཞིན་གཤེགས་པ་ཡེ་ཤེས་རྒྱ་མཚོ་ཡི། །སྐྱེ་བའི་ཡུལ་ནི་ཡེ་ཤེས་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །
སུམ་བཅུ་རྩ་གསུམ་ཡབ་ནི་ཡོན་ཏན་ཡིན། །དོན་འདོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་གཞི་ཟླ་དབང་རིམ་གྲོ་པ། །མཆོད་རྟེན་ཤིང་རྟ་ཞེས་བྱ་མཁས་པ་སྟེ། །འཇིགས་མེད་ཡེ་ཤེས་ལྡན་པ་རྫུ་འཕྲུལ་ཅན། །འདུས་
པ་ལན་གྲངས་བརྒྱད་བཅུ་ཀུན་ལ་ཡང་། །སྲེད་པའི་རྒྱ་མཚོ་རྣམ་པར་སྐེམས་པ་པོ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །འོན་ཀྱང་ལོ་
གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་འོད་ནི་མཐའ་ཡང་ཡས། །ཆོས་ཀྱི་དབང་ཕྱུག་རི་ཡི་དབང་པོ་ཡི། །སྐྱེ་བའི་ཡུལ་ནི་མཛེས་པར་སྤྲས་ཤེས་བྱ། །རྒྱལ་བའི་
རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཙན་དན་སྤོས་བཟངས་རིམ་གྲོ་པ། །རིན་ཆེན་འགྲོས་ཤེས་བྱ་བ་མཁས་པ་སྟེ། །ཆོས་ལ་
རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །དགྲ་བཅོམ་ཐམས་ཅད་ཆགས་པ་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འགྲོ་ལ་ཕན་ཕྱིར་
དམ་པའི་ཆོས་དག་ཀྱང་། །ལོ་གྲངས་སུམ་ཁྲི་བཞི་སྟོང་བར་དུ་གནས། །སྐུ་གདུང་རྒྱས་འགྱུར་མཆོད་རྟེན་དམ་པའི་གྲངས། །བྱེ་བ་སྟོང་ཕྲག་ཉི་ཤུ་རྩ་གཉིས་འབྱུང་། །མི་ཡི་མགོན་པོ་རབ་ཏུ་ཞི་བ་ཡི། །སྐྱེ་བའི་ཡུལ་ནི་གྲགས་པར་སྣང་ཞེས་བྱ། །
40-1-244a


རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཤིན་དུ་ཞི་བ་ཡབ། །ཞི་གནས་དགའ་ཞེས་བྱ་བ་རྒྱལ་བའི་ཡུམ། །སྲས་པོ་ཞི་བྱིན་ཞི་དབང་རིམ་གྲོ་པ། །བདུད་བཞི་བྱེད་པ་བློ་གྲོས་ཅན་ཡིན་ཏེ། །ཡིད་དབང་ཤིན་དུ་ཞི་
བ་རྫུ་འཕྲུལ་ཅན། །འདུས་པ་ལན་གྲངས་བཅུ་དྲུག་ཀུན་ལ་ཡང་། །སྲིད་པར་འཛིན་པའི་མདུད་པ་རྣམ་གྲོལ་བ། །བྱེ་བ་ཕྲག་ནི་བདུན་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་
དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རིན་ཆེན་བདུན་ལས་བྱས། །དེ་བཞིན་གཤེགས་པ་ཡོན་ཏན་མཐུ་སྟོབས་ཀྱི། །སྐྱེ་བའི་ཡུལ་ནི་ལེགས་
པར་སྐྱེས་ཤེས་བྱ། །རིགས་ནི་བྲམ་ཟེ་ཁྱད་པར་འཕགས་པའི་འོད། །དཔག་ཚད་བདུན་བཅུ་ཡབ་ནི་ལེགས་བརྩེགས་ཡིན། །ཡོན་ཏན་འོད་འཕྲོ་རྒྱལ་ཡུམ་ཡོན་ཏན་མཆོག །སྲས་ཡིན་ཡོན་ཏན་གཙོ་བོ་རིམ་གྲོ་པ། །ཡོན་ཏན་ཁ་ལོ་བསྒྱུར་
བ་མཁས་པ་སྟེ། །ཡོན་ཏན་དབང་པོ་གསལ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །དགྲ་བཅོམ་ཐམས་ཅད་ཆགས་མེད་གནས་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་བདུན་ཁྲི་
སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཏོག་མཆོག་བླ་རེར་ལྡན། །བདེ་བར་གཤེགས་པ་
ལྷ་ཡི་དབང་པོ་ཡི། །སྐྱེ་བའི་ཡུལ་ནི་དབང་པོས་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་དབང་ཆེན་ཡིན། །དགེ་དབང་བློ་གྲོས་རྒྱལ་ཡུམ་སྲས་པོ་ནི། །ཚིག་ལེན་ནོར་བུ་
བཟང་པོ་རིམ་གྲོ་པ། །དབང་པོའི་རྒྱལ་མཚན་ཏོག་ནི་བློ་ཅན་ཏེ། །བག་ཡོད་རྣམ་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །འཆིང་དང་དྲ་བ་འདོར་བར་བྱེད་པ་པོ། །བྱེ་བ་ཕྲག་ནི་
40-1-244b


ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སུམ་ཁྲི་དྲུག་སྟོང་གནས། །མཆོད་རྟེན་དཔག་ཚད་བརྒྱད་པ་འབྱུང་འགྱུར་ཏེ། །རིན་ཆེན་བརྒྱ་ཡི་དྲ་བས་རྣམ་པར་སྤྲས། །
མི་ཡི་འདྲེན་པ་དབྱངས་དག་སྙན་པ་ཡི། །སྐྱེ་བའི་ཡུལ་ནི་དབྱངས་ཀྱི་ཡན་ལག་ཡིན། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དབྱངས་སྙན་ཡིན། །གདངས་སྙན་མ་ནི་རྒྱལ་ཡུམ་སྲས་པོ་ནི། །མཆོག་མ་
ཤིན་དུ་རྒྱལ་དཀའ་རིམ་གྲོ་པ། །ཡོན་ཏན་གྲགས་པའི་དབང་ཕྱུག་བློ་ཅན་ཏེ། །འཇིག་རྟེན་དག་གིས་མི་འཇིགས་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །རིགས་ནི་འོད་ལྡན་ལུང་ནི་མཚུངས་པ་པོ། །བྱེ་བ་ཕྲག་
ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །མི་མཆོག་མྱ་ངན་འདས་ནས་སྐུ་གདུང་ནི། །མཆོད་རྟེན་དཔག་ཚད་སུམ་
བཅུ་པ་གཅིག་འབྱུང་། །དེ་བཞིན་གཤེགས་པ་ངོས་བཟངས་སྐྱེ་བ་ཡི། །ཡུལ་ནི་གཟི་བརྗིད་སྣང་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ལྷ་བཟང་ཡིན། །རིལ་བ་སྟོབས་བརྟན་རྒྱལ་
ཡུམ་སྲས་པོ་ནི། །དཀའ་ཐུབ་ཆེན་པོ་མཐོང་ལྡན་རིམ་གྲོ་པ། །ཕྱོགས་རྣམས་རྣམ་པར་ལྟ་བ་མཁས་པ་སྟེ། །འཇིག་རྟེན་སྒྲོན་མ་འབྱིན་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་འང་། །དྲི་གསུམ་དྲི་མེད་ཐེར་
འབུམ་ཐེར་འབུམ་ཡོད། །མི་རྣམས་དག་གི་ཚེའི་ཚད་དག་ཀྱང་། །ལོ་གྲངས་བདུན་ཁྲི་སུམ་སྟོང་ཐམ་པ་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་ཚང་བའི་བར་དུ་གནས། །རྒྱལ་བའི་སྐུ་གདུང་
དག་ནི་རྒྱས་འགྱུར་ལ། །ལྷ་མི་དག་གིས་བསྟོད་ཅིང་མཆོད་པར་འགྱུར། །མི་ཡི་འདྲེན་པ་དོན་ལ་གནས་པ་ཡི། །སྐྱེ་ཡུལ་དོན་སྟོན་བློ་གྲོས་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་དོན་བྱས་
40-1-245a


ཡིན། །དོན་སྒྲ་ཞེས་ནི་བྱ་བ་རྒྱལ་བའི་ཡུམ། །སྲས་པོ་མཆོག་མ་འགྲོས་ལྡན་རིམ་གྲོ་པ། །འགྲོ་དོན་སྐྱོང་ཞེས་བྱ་བ་མཁས་པ་སྟེ། །འཇིག་རྟེན་སྒྲོན་མ་འབྱིན་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་
ལའང་། །དགྲ་བཅོམ་ངར་མི་འཛིན་པ་སྡིག་སྦྱངས་པ། །ལེགས་གནས་དེ་དག་ཐེར་འབུམ་ཐེར་འབུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་འགྱུར། །
རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་འབུམ་ཕྲག་སྙེད་ཀྱིས་བརྒྱན་པར་འགྱུར། །དེ་བཞིན་གཤེགས་པ་ཡོན་ཏན་གཟི་བརྗིད་དཔལ། །སྐྱེ་ཡུལ་ཡོན་ཏན་ཐམས་ཅད་འབྱུང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་
ཚད། །ཉི་ཤུ་རྩ་བཞི་ཡབ་ནི་གཟུགས་བཟང་ཡིན། །གཟི་བརྗིད་འོད་ནི་རྒྱལ་ཡུམ་སྲས་པོ་ནི། །གཟི་བྱིན་ཡོན་ཏན་གཟི་བརྗིད་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །བདུད་རབ་འཇོམས་ཤེས་བྱ་བ་རྫུ་འཕྲུལ་ཅན། །འདུས་པ་
ལན་གྲངས་སུམ་བཅུ་དྲུག་ཀུན་ལའང་། །དགྲ་བཅོམ་བྱེ་བ་བཅུ་དྲུག་བཅུ་དྲུག་ཡོད། །མི་རྣམས་དག་གི་ཚེ་ཡི་ཚད་དག་ཀྱང་། །ལོ་གྲངས་ཉི་ཁྲི་བདུན་སྟོང་ཐམ་པ་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་
གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །པད་མ་འབུམ་ཕྲག་སྙེད་ཀྱིས་བརྒྱན་པར་འགྱུར། །དེ་བཞིན་གཤེགས་པ་མཁྱེན་ལྡན་ཟླ་མེད་པ། །སྐྱེ་ཡུལ་ཤེས་ལྡན་སྣང་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་
དཔག་ཚད། །བདུན་བཅུ་རྩ་གསུམ་མཆོད་སྦྱིན་བཟང་པོ་ཡབ། །ཡེ་ཤེས་ཅན་ནི་རྒྱལ་ཡུམ་ཤེས་ལྡན་བྱིན། །སྲས་ཡིན་ལེགས་པའི་མཆོད་སྦྱིན་རིམ་གྲོ་པ། །ཡེ་ཤེས་དབང་ཕྱུག་ཅེས་བྱ་མཁས་པ་སྟེ། །ཆགས་མེད་རྣམ་པར་གྲོལ་
བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །སྲེད་ཕྱོགས་དྲི་མ་དག་དང་བྲལ་བ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་སྟོང་ཡང་ཡིན། །དམ་ཆོས་ལོ་གྲངས་བདུན་ཁྲི་དྲུག་
40-1-245b


སྟོང་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་གྲངས། །བཅུ་གསུམ་པ་སྟེ་གཅིག་ཅིག་འབྱུང་འགྱུར་ལ། །གསེར་གྱི་བླ་རེ་བརྒྱ་ཕྲག་སྙེད་ཀྱིས་བརྒྱན། །དེ་བཞིན་གཤེགས་པ་ང་རོ་དཔག་མེད་ཀྱི། །སྐྱེ་བའི་ཡུལ་ནི་རྟ་སྐད་
དབྱངས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཡབ་ནི་དབྱངས་སྙན་ཡིན། །ཤེས་ལྡན་དབྱངས་ནི་ཡུམ་ཡིན་སྲས་པོ་ནི། །བྱ་བརྒྱད་པ་ཡིན་སྙན་ལྡན་རིམ་གྲོ་པ། །གདངས་སྙན་པ་ཞེས་བྱ་བ་མཁས་
པ་སྟེ། །བདུད་རྣམས་རྣམ་པར་འཇིག་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལའང་། །ཐུབ་པའི་དགྲ་བཅོམ་ཡེ་ཤེས་མཆོག་ལྡན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དགུ་ཁྲི་བཞི་
སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་སྟོང་ཕྲག་སྙེད་ཀྱིས་ཀུན་དུ་གང་། །སྐྱེས་བུ་དམ་པ་འོད་བཟང་སྐྱེ་བ་
ཡི། །ཡུལ་ནི་འོད་ཀྱིས་ལེགས་པར་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་མཐུ་ལྡན་ཡིན། །གཟི་བརྗིད་ཆེན་མོ་ཅན་ནི་རྒྱལ་བའི་ཡུམ། །སྲས་པོ་ཚངས་
སྦྱིན་ཡུལ་ས་རིམ་གྲོ་པ། །ཉི་མའི་འོད་ཅེས་བྱ་བ་མཁས་པ་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །ཚངས་པར་སེམས་བཟང་ལྷ་ཡིས་མཆོད་འགྱུར་བ། །
བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །
འཇིག་རྟེན་ཕན་ཕྱིར་རྒྱལ་བས་རྣམ་པར་བཀང་། །འཇིག་རྟེན་མཆོག་མ་ཤིན་དུ་ཐུགས་གཞུངས་པའི། །སྐྱེ་བའི་ཡུལ་ནི་བྱང་ཆུབ་ཚོགས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་གསལ་བ་ཡིན། །
40-1-246a


གཟི་བརྗིད་འོད་ལྡན་མ་ནི་རྒྱལ་བའི་ཡུམ། །སྲས་པོ་ཡུལ་སྡུག་ལེགས་མཐོང་རིམ་གྲོ་པ། །མི་སྙོམས་ཏོག་ནི་བློ་གྲོས་ཅན་ཡིན་ཏེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང་། །ཐམས་ཅད་ཟང་
ཟིང་མེད་པའི་ཆོས་སྦྱིན་བྱེད། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་སྲིད་དུ་ནི་དཔག་ཚད་བཞི་འཕགས་
ལ། །གསེར་གྱི་རྒྱན་དག་གིས་ནི་འཁོར་བར་བསྐོར། །དེ་བཞིན་གཤེགས་པ་དོན་དགོངས་གཏི་མུག་བྲལ། །སྐྱེ་ཡུལ་རྣམ་པར་གྲོལ་བ་མཆོག་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གསུམ་ཡབ་ནི་ལེགས་
བཟང་ཡིན། །བཟང་བྱེད་མ་ཞེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་ཟླ་ལེགས་རིམ་གྲོ་པ། །ཡོན་ཏན་གྲགས་པར་བྱེད་པ་བློ་ཅན་ཏེ། །འཇིག་རྟེན་རྣམ་པར་སྣང་བྱེད་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གཅིག་ལ་ཡང་། །ཁུར་
བོར་ཕ་རོལ་དག་ཏུ་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་ཆིག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་
ཡིན་ཏེ། །དཔག་ཚད་ལྔ་པ་ཀུན་ནས་ལེགས་པར་སྤྲས། །སངས་རྒྱས་དབྱངས་ཀྱི་ཡན་ལག་ཁྱད་འཕགས་ཀྱི། །སྐྱེ་ཡུལ་ཁྱད་འཕགས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་
རྩ་གཉིས་ཡབ་ནི་ང་རོ་མཆོག །གདངས་མཆོག་མ་ཞེས་བྱ་བ་རྒྱལ་བའི་ཡུམ། །ཁ་ལོ་བསྒྱུར་སྲས་ཡིད་འཐད་རིམ་གྲོ་པ། །རབ་ཏུ་ཞི་བའི་ང་རོ་མཁས་པ་སྟེ། །དབྱངས་ཀྱི་ཡན་ལག་ཁྱད་འཕགས་རྫུ་འཕྲུལ་ཅན། །
འདུས་པ་ལན་གྲངས་ཉི་ཤུ་དྲུག་ཀུན་ལའང་། །ལྟ་བ་བསལ་བ་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་
40-1-246b


ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་མཛེས་པར་བྱས། །རྒྱལ་བ་མཆོག་ཏུ་མཛེས་པར་གཤེགས་པ་ཡི། །སྐྱེ་བའི་ཡུལ་ནི་འཇིག་རྟེན་བསྔགས་ཤེས་བྱ། །རྒྱལ་
བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཐར་བྱེད་རྣམ་ཐར་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །རྣམ་གྲོལ་
གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གསུམ་ཀུན་ལའང་། །དགྲ་བཅོམ་ཟླ་བ་ཉ་དང་འདྲ་བ་པོ། །དེ་དག་ཐེར་འབུམ་ཕྲག་ནི་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །མྱ་ངན་འདས་
ནས་དམ་པའི་ཆོས་དག་ཀྱང་། །ལོ་གྲངས་ཉི་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་བླ་རེ་རྒྱལ་མཚན་དག་གིས་བསྐོར། །འཇིག་རྟེན་མཆོག་མ་ཞི་དོན་སྐྱེ་བའི་ཡུལ། །རྣམ་
པར་གདོན་མི་ཟ་བའི་དོན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་གཟི་བརྗིད་བཟང་པོ་ཡབ། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྟོན་བྱེད་ཡུལ་བཟངས་རིམ་གྲོ་པ། །ཕྱོགས་
མཆོད་པ་ཞེས་བྱ་བ་མཁས་པ་སྟེ། །ཡོན་ཏན་ཀུན་གྱི་མཆོག་མ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །མི་ཁོམ་སྲེད་པའི་དྲ་བ་གཅོད་པ་པོ། །དེ་དག་བྱེ་ཕྲག་བཅུ་བཞི་བཅུ་བཞི་ཡོད། །མི་ཚེ་ལོ་གྲངས་
ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་འགྲོ་བ་ཐམས་ཅད་དབང་དུ་མཛད། །
ཆོས་ཀྱི་དབང་ཕྱུག་སྐྱོན་མེད་སྐྱེ་བ་ཡི། །ཡུལ་ནི་སྐྱོན་རྣམས་རབ་ཏུ་སེལ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་རྒྱ་ཆེན་ཡིན། །ལྷ་མཆོག་མ་ཞེས་བྱ་བ་རྒྱལ་བའི་ཡུམ། །
40-1-247a


སྲས་པོ་ཁ་སྒྱུར་མཐུ་རྩལ་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །བསམ་གཏན་པ་ཡིས་བསྔགས་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །མཚོ་ལྟར་གང་བ་དེ་དང་མཚུངས་པ་པོ། །བྱེ་བ་ཕྲག་ནི་
ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །རྒོལ་བ་ཚར་གཅོད་པ་ཡི་དམ་ཆོས་དག །ལོ་གྲངས་དགུ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་གཅིག་པ་བླ་རེ་སྟོང་དང་ལྡན། །བདེ་
བར་གཤེགས་པ་བློ་དབྱངས་དགེ་བ་ཡི། །སྐྱེ་ཡུལ་དགེ་བ་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་བློ་བཟངས་ཡིན། །དགེ་འོད་མ་ནི་རྒྱལ་ཡུམ་སྲས་པོ་ནི། །གཟུངས་ཀྱི་དབང་ཕྱུག་རྒྱལ་
བའི་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །འཇིག་རྟེན་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐམས་ཅད་ཆགས་མེད་གྱུར་པ་བསམ་གཏན་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །
མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །སྣང་བ་མེད་པར་ཕྱིན་པའི་དམ་ཆོས་དག །ལོ་གྲངས་ཉི་ཁྲི་བཞི་སྟོང་བར་དུ་གནས། །འགྲོ་བའི་དོན་དུ་རྒྱལ་བའི་སྐུ་གདུང་དག །འཇིག་རྟེན་གསུམ་ཀུན་རྒྱས་ཤིང་གང་བར་འགྱུར། །རྡུལ་དང་བྲལ་
བའི་པད་མའི་མཛོད་སྐྱེ་བའི། །ཡུལ་ནི་པད་མའི་ཕུང་པོ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་དྲུག་ཡབ་ནི་པད་མ་བཟང་། །པད་དཔལ་མ་ནི་རྒྱལ་ཡུམ་སྲས་པོ་ནི། །སྙིང་རྗེ་ཆེན་པོ་ཐོག་ནི་རིམ་
གྲོ་པ། །ཡོན་ཏན་མེ་ཏོག་འཛིན་པ་བློ་ཅན་ཏེ། །མཆོག་སྲེད་ཅེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་གསུམ་ཀུན་ལ་ཡང་། །ཆ་གཉིས་དག་ལས་རྣམ་གྲོལ་དགྲ་བཅོམ་མཆོག །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་
ཚེ་ལོ་གྲངས་དྲུག་ཁྲི་དྲུག་སྟོང་ཡིན། །དམ་ཆོས་ལོ་གྲངས་ཉི་ཁྲི་བཞི་སྟོང་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བཅུ་དྲུག་སྟེ། །མཆོད་རྟེན་དེ་ཀུན་རིན་ཆེན་བདུན་ལས་བྱས། །འཇིག་
40-1-247b


རྟེན་མཆོག་མ་འོད་ཟེར་བཟང་པོ་ཡི། །སྐྱེ་ཡུལ་འོད་ཟེར་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་འོད་ཟེར་ཆེན་པོ་ཡབ། །དགའ་བ་གྲགས་འཛིན་མ་ནི་རྒྱལ་བའི་ཡུམ། །སྲས་
པོ་པད་མ་ལེགས་མཐོང་རིམ་གྲོ་པ། །ཆགས་པ་མེད་པའི་སྒྲ་ནི་བློ་ཅན་ཏེ། །གླེང་བའི་ང་རོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །མེ་འོད་འཕྲོ་བ་ལྟར་ནི་ཆགས་མེད་པ། །བྱེ་བ་ཕྲག་ནི་སུམ་བཅུ་
གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་གསེར་གྱི་འོད་
དང་ལྡན། །དེ་བཞིན་གཤེགས་པ་སྤོབས་པའི་མདོག་དག་གི། །སྐྱེ་བའི་ཡུལ་ནི་སྤོབས་པའི་མདོག་ཅེས་བྱ། །རྒྱལ་བ་དེ་ཡི་རིགས་ནི་བྲམ་ཟེ་ཡིན། །འོད་ནི་མཐའ་ཡས་བདག་ཉིད་ཆེན་པོ་ཡབ། །འོད་ཀྱི་ཁ་དོག་ཅན་ནི་རྒྱལ་
བའི་ཡུམ། །རིན་ཆེན་མཆོག་སྲས་ཤེས་ལྡན་རིམ་གྲོ་པ། །སྤོབས་པའི་དབྱངས་ནི་བློ་གྲོས་ཅན་ཡིན་ཏེ། །ཤེས་རབ་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཆགས་དང་བྲལ་
བར་གྱུར་པའི་བསམ་གཏན་པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོན་ཏན་མངོན་དགྱེས་པ་ཡི་དམ་ཆོས་དག །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་
རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དྲུག་བཅུ་འབྱུང་། །མི་ཡི་འདྲེན་པ་སྟེགས་ནི་བཟང་པོ་ཡི། །སྐྱེ་ཡུལ་འཕགས་པ་དད་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་ཡབ་ནི་དོན་ཆེན་
ཡིན། །བདུད་རྩིའི་ང་རོ་ཞེས་བྱ་རྒྱལ་བའི་ཡུམ། །སྲས་པོ་ཞི་བ་ཉེར་ཞི་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །མཐུ་རྩལ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །འཇིག་རྟེན་བདེ་དང་ཕན་
40-1-248a


ཕྱིར་གནས་པ་པོ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །དམ་ཆོས་ལོ་གྲངས་སུམ་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ལ། །དཔག་ཚད་
བཅུ་གསུམ་པ་སྟེ་གསེར་གྱིས་སྤྲས། །རྒྱལ་མཚན་བྱེ་བ་སྟོང་གིས་མཛེས་པར་བྱས། །ཡོན་ཏན་རྒྱ་མཚོ་ཚོགས་ཀྱི་དབང་པོ་ཡི། །སྐྱེ་བའི་ཡུལ་ནི་དབང་པོས་བརྒྱན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་
གཅིག་དགའ་བའི་དབང་པོ་ཡབ། །ཚོགས་ཅན་སྤོང་ནི་རྒྱལ་ཡུམ་སྲས་པོ་ནི། །འཕགས་པ་དད་བྱེད་དེས་པ་རིམ་གྲོ་པ། །ཐར་པ་དགའ་ཞེས་བྱ་བ་མཁས་པ་སྟེ། །བདེན་ལ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བཅུ་
དྲུག་ཀུན་ལ་ཡང་། །མི་སློབ་འབྲས་བུ་དག་ནི་ཐོབ་པ་པོ། །འབུམ་ཕྲག་ཉི་ཤུ་བཞི་བཞི་འདུས་པར་འགྱུར། །མི་ཚེ་ལོ་གྲངས་སྟོང་ཕྲག་བཅྭ་བརྒྱད་ཡིན། །དམ་ཆོས་ལོ་གྲངས་སྟོང་ཕྲག་བཅྭ་བརྒྱད་གནས། །རྒྱལ་བའི་སྐུ་གདུང་མཆོད་
རྟེན་གཅིག་ཡིན་ཏེ། །དཔག་ཚད་དགུ་པ་མུ་ཏིག་བླ་རེར་ལྡན། །གསེར་གྱི་རྒྱལ་མཚན་སྟོང་གིས་འཁོར་བར་བསྐོར། །དེ་བཞིན་གཤེགས་པ་བསྙེངས་དང་བྲལ་བ་ཡི། །སྐྱེ་བའི་ཡུལ་ནི་མི་འཇིགས་སྦྱིན་ཞེས་བྱ། །རྒྱལ་
བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་བཅུ་ཡབ་ནི་སྐྲག་མེད་ཡིན། །ཀླུ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་དགའ་བྱེད་མཐུ་རྩལ་རིམ་གྲོ་པ། །གནོད་མེད་པ་ཞེས་བྱ་བ་མཁས་པ་སྟེ། །འཇིགས་པ་
མེད་པའི་མཆོད་རྟེན་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །ཆ་གཉིས་དག་ལས་རྣམ་གྲོལ་མི་སློབ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མྱ་
ངན་འདས་པ་དེ་ཡི་དམ་ཆོས་དག །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འཇིག་རྟེན་ཁམས་རྣམས་ཐམས་ཅད་གང་བར་འགྱུར། །བདེ་བར་གཤེགས་པ་ཡེ་ཤེས་བཞེད་
40-1-248b


པ་ཡི། །སྐྱེ་ཡུལ་ཡེ་ཤེས་རྣམ་པར་སྒྲོགས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལེགས་ཤེས་ལྡན། །ཡེ་ཤེས་ལྷུན་གྲུབ་མ་ནི་རྒྱལ་བའི་ཡུམ། །སྲས་པོ་ཤེས་མཆོག་ནུས་
ལྡན་རིམ་གྲོ་པ། །ཡེ་ཤེས་རི་བོ་ཞེས་བྱ་མཁས་པ་སྟེ། །ཡེ་ཤེས་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །པད་མ་ལྟ་བུར་སྲིད་པས་མི་གོས་པ། །བྱེ་བ་ཕྲག་ནི་སུམ་བཅུ་
དྲུག་དྲུག་ཡོད། །མི་ཚེ་ལོ་གྲངས་སྟོང་ཕྲག་བཅྭ་ལྔ་ཡིན། །དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་པ་རིན་པོ་ཆེས་སྤྲས་ཤིང་། །རྣ་རྒྱན་དག་གིས་མཛེས་
བྱས་གསེར་གྱིས་སྤྲས། །དེ་བཞིན་གཤེགས་པ་སྤོབས་པའི་སྤྱན་དག་གི། །སྐྱེ་བའི་ཡུལ་ནི་འཇིག་རྟེན་མཐོང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གསུམ་ཡབ་ནི་སྤྱན་ལེགས་ཡིན། །མིག་སྡུག་
མ་ཞེས་བྱ་བ་རྒྱལ་བའི་ཡུམ། །སྲས་པོ་གཉེན་པོ་བློ་ཆེན་རིམ་གྲོ་པ། །སྤོབས་པའི་སྙིང་སྟོབས་བློ་གྲོས་ཅན་ཡིན་ཏེ། །རྣམ་པར་གྲོལ་བར་གནས་པ་རྫུ་འཕྲུལ་ཅན། །འདུས་པ་དག་ནི་ལན་གྲངས་དྲུག་བཅུ་སྟེ། །འབྲས་བུའི་མཆོག་མ་དགྲ་
བཅོམ་ཐོབ་པ་པོ། །འབུམ་ཕྲག་ཉི་ཤུ་རྩ་ནི་གཉིས་གཉིས་ཡོད། །མི་ཚེ་ལོ་གྲངས་དག་ནི་སུམ་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང་། །མྱ་ངན་འདས་ནས་ལོ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་
འགྱུར་ལ། །མཆོད་རྟེན་བྱེ་བ་སྟོང་དུ་ཚང་བར་འགྱུར། །དེ་བཞིན་གཤེགས་པ་བློ་ཡི་མཆོག་མ་ཡི། །སྐྱེ་བའི་ཡུལ་ནི་བློ་ཡི་ཚོགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་བཟངས་ཡིན། །
འོད་འཕྲོ་མ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་ལྡན་ཆོས་བཟངས་རིམ་གྲོ་པ། །སྤོབས་པའི་བློ་ནི་བློ་གྲོས་ཅན་ཡིན་ཏེ། །ལེགས་པ་བསགས་པའི་བློ་ནི་རྫུ་འཕྲུལ་ཅན། །དྲི་གསུམ་དྲི་མ་ཤིན་དུ་དྲི་མེད་པ། །དགྲ་བཅོམ་བསམ་
40-1-249a


གཏན་པ་ནི་ཐེར་འབུམ་སྙེད། །དེ་དག་ཐམས་ཅད་ལྷ་མི་ཕན་ཕྱིར་འདུས། །མི་ཚེ་ལོ་གྲངས་དགུ་ཁྲི་བརྒྱད་སྟོང་ཡིན། །མྱ་ངན་འདས་ནས་དེ་ཡི་དམ་ཆོས་དག །ལོ་གྲངས་ཉི་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་
མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ཁོར་ཡུག་བླ་རེར་ལྡན། །ཆོས་ཀྱི་དབང་ཕྱུག་ཟླ་བ་སྐྱེ་བ་ཡི། །ཡུལ་ནི་སྣང་བ་གསལ་བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་
མིག་བཟངས་ཡིན། །ཟླ་བཞིན་མ་ཞེས་བྱ་བ་རྒྱལ་བའི་ཡུམ། །སྲས་པོ་ཞི་ལྡན་ལྷ་དབང་རིམ་གྲོ་པ། །མཆོད་རྟེན་ཆེན་པོ་ཞེས་བྱ་མཁས་པ་སྟེ། །འཇིག་རྟེན་བསྔགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །
དགྲ་བཅོམ་ཐམས་ཅད་ཟང་ཟིང་མེད་པ་པོ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་བརྒྱད་ཁྲི་དགུ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོའི་རྒྱལ་བའི་
སྐུ་གདུང་དག །ཞིང་རྣམས་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་རིན་ཆེན་ཟླ་འོད་ཀྱི། །སྐྱེ་བའི་ཡུལ་ནི་བློ་གྲོས་ཏོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་ཡབ་ནི་འོད་ལྡན་ཡིན། །
ལྷ་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་མཐའ་ཡས་བཞིན་སྡུག་རིམ་གྲོ་པ། །སྣང་བྱིན་ཅེས་བྱ་བློ་གྲོས་ཅན་ཡིན་ཏེ། །འཕགས་པར་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་བཞི་ཀུན་ལའང་། །གཏི་
མུག་མེད་གྱུར་ཞི་བའི་བསམ་གཏན་པ། །བྱེ་བ་ཕྲག་ནི་ཁྲི་ཕྲག་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ལྔ་སྟོང་ཡིན། །མགོན་པོ་མཆོག་མ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་
གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་ཁོར་ཡུག་བླ་རེར་ལྡན། །འཇིག་རྟེན་མགོན་པོ་བསྙེངས་པ་མེད་པ་ཡི། །སྐྱེ་བའི་ཡུལ་ནི་ཡེ་ཤེས་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །
40-1-249b


བདུན་བཅུ་རྩ་གཉིས་ཡབ་ནི་མཐུ་ལྡན་ཡིན། །འགྲོ་བས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་བྱམས་ལྡན་སྐྱོན་མེད་རིམ་གྲོ་པ། །ཡོན་ཏན་མཐུ་རྩལ་ཞེས་བྱ་མཁས་པ་སྟེ། །འཇིགས་པ་མེད་པའི་བློ་ནི་རྫུ་འཕྲུལ་ཅན། །འདུས་པ་
ལན་གྲངས་བརྒྱད་བཅུ་ཀུན་ལ་ཡང་། །བདུད་ཀྱི་དཔུང་དག་དཔུང་མེད་བྱེད་པ་པོ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །རྒྱལ་བའི་དམ་ཆོས་ལོ་གྲངས་སྟོང་ཕྲག་ནི། །དགུ་བཅུ་རྩ་དྲུག་བར་དུ་གནས་
པར་འགྱུར། །ལྷ་མི་དག་ལ་ཕན་ཕྱིར་རྒྱལ་བ་ཡི། །སྐུ་གདུང་རྒྱས་ཤིང་རྣམ་པར་གང་བར་འགྱུར། །དེ་བཞིན་གཤེགས་པ་གཟི་བརྗིད་ཆེན་པོ་ཡི། །སྐྱེ་བའི་ཡུལ་ནི་འཇིག་རྟེན་ལྟ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །
དགུ་བཅུ་རྩ་དགུ་གཟི་བརྗིད་བཟང་པོ་ཡབ། །ཟླ་ལྟ་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་བཟངས་རིམ་གྲོ་པ། །ཡེ་ཤེས་འགྲོས་ཤེས་བྱ་བ་མཁས་པ་སྟེ། །ཆོས་ལ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་གྲངས་
དྲུག་བཅུ་གཉིས་ཀུན་ལའང་། །ཆགས་མེད་དངོས་པོ་མེད་པར་སོང་བ་པོ། །བྱེ་ཕྲག་སུམ་བཅུ་གཉིས་གཉིས་ཚང་བར་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དྲུག་
ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་གསེར་གྱི་བླ་རེར་ལྡན། །དེ་བཞིན་གཤེགས་པ་ཚངས་པའི་དབྱངས་དག་གི། །སྐྱེ་བའི་ཡུལ་ནི་མཆོད་རྟེན་མཆོད་ཅེས་བྱ། །
རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་ཡབ་ནི་ཚངས་བཟངས་ཡིན། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ཁ་བསྒྱུར་ཕམ་མེད་རིམ་གྲོ་པ། །དགྲ་འཇོམས་པ་ཞེས་བྱ་བ་མཁས་པ་སྟེ། །
འཇིག་རྟེན་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་གཉིས་ཀུན་ལའང་། །སྲིད་གསུམ་རྣམ་གྲོལ་ཡིད་ལྡན་མི་སློབ་པར། །ཐེར་འབུམ་ཐེར་འབུམ་དག་ནི་ཡོད་པར་འགྱུར། །མི་ཚེ་ལོ་གྲངས་བདུན་ཁྲི་དྲུག་སྟོང་
40-1-250a


ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་ཚང་བར་གནས་པར་འགྱུར། །ལྷ་མི་དག་ལ་ཕན་དང་བདེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །འཇིག་རྟེན་མཆོག་མ་དབྱངས་ནི་བཟང་
པོ་ཡི། །སྐྱེ་བའི་ཡུལ་ནི་ཡིད་འོང་ལྡན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་ཚངས་བཟངས་ཡིན། །གྲགས་ལྡན་ང་རོ་ཞེས་བྱ་རྒྱལ་བའི་ཡུམ། །སྲས་པོ་རབ་ཞི་ལེགས་ཞི་རིམ་གྲོ་པ། །རབ་ཞི་
དགའ་ཞེས་བྱ་བ་མཁས་པ་སྟེ། །གསལ་བར་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །འཇིག་རྟེན་ཕན་ཕྱིར་གནས་པའི་དགྲ་བཅོམ་པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་
ལོ་གྲངས་སུམ་ཁྲི་ཉིས་སྟོང་ཡིན། །དམ་ཆོས་ལོ་གྲངས་ཉི་ཁྲི་དྲུག་སྟོང་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བརྒྱ་པ་གཅིག་ནི་འབྱུང་འགྱུར་ཏེ། །རིན་ཆེན་སྟོང་སྙེད་དག་གིས་རྣམ་པར་སྤྲས། །རྒྱལ་བ་
ཤེས་རབ་ཆེན་པོའི་སྟེགས་དག་གི། སྐྱེ་བའི་ཡུལ་ནི་འཇིག་རྟེན་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་གྲོས་ཅན། །ཤེས་རབ་མཆོག་མ་རྒྱལ་ཡུམ་ཤེས་རབ་ཅན། །སྲས་ཡིན་
ཤེས་རབ་བཟང་པོ་རིམ་གྲོ་པ། །ཤེས་རབ་འབྱུང་གནས་ཤེས་བྱ་མཁས་པ་སྟེ། །ཤེས་རབ་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །རྒྱ་མཚོ་ལྟ་བུའི་བློ་དང་ལྡན་པ་པོ། །བྱེ་བ་ཕྲག་ནི་བདུན་བཅུ་བཞི་
བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །དམ་ཆོས་ལོ་གྲངས་སུམ་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ལ། །དཔག་ཚད་སུམ་བཅུ་པ་སྟེ་གསེར་ལས་བྱས། །མུ་ཏིག་བླ་རེར་ལྡན་ཞིང་གསེར་གྱིས་
སྤྲས། །དེ་བཞིན་གཤེགས་པ་བློ་གྲོས་ཟླ་མེད་པའི། །སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ལྟེ་བ་བཟང་པོ་ཡབ། །ཡོན་ཏན་མཆོད་རྟེན་ཞེས་བྱ་རྒྱལ་བའི་ཡུམ། །
40-1-250b


སྲས་པོ་བློ་ལྡན་དྲན་ལྡན་རིམ་གྲོ་པ། །བྱང་ཆུབ་འོད་ཅེས་བྱ་བ་མཁས་པ་སྟེ། །ཡེ་ཤེས་འོད་བྱེད་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །འཁྲུལ་མེད་ཡོན་ཏན་ཕ་རོལ་ཕྱིན་པ་པོ། །བྱེ་བ་ཕྲག་ནི་བདུན་བཅུ་དྲུག་དྲུག་ཡོད། །
མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །བདེན་པ་གསུང་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བདུན་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་གྲངས་ནི་ཐེར་འབུམ་དགུ་བཅུ་འབྱུང་། །དེ་བཞིན་གཤེགས་
པ་རྡོ་རྗེ་མཁྲེགས་པ་ཡི། །སྐྱེ་ཡུལ་རབ་ཏུ་འདུལ་བར་དཀའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དབྱེར་མེད་ཡིན། །མི་ཐུབ་ཐུབ་ནི་རྒྱལ་ཡུམ་བསམ་གཏན་འགྲོ། །སྲས་ཡིན་ཆགས་པ་མེད་པ་རིམ་གྲོ་པ། །
མཐུ་རྩལ་བརྟན་པོ་ཞེས་བྱ་མཁས་པ་སྟེ། །འགྲོས་མི་འཁྱིལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །མཆོག་ཏུ་ཞི་བར་ཕྱིན་པའི་བསམ་གཏན་པ། །བྱེ་བ་ཕྲག་ནི་བརྒྱད་བཅུ་བཞི་བཞི་ཡོད། །མི་ཚེ་ལོ་གྲངས་དག་
ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བཅུ་གཅིག་པ། །གཅིག་སྟེ་རིན་ཆེན་བརྒྱ་སྙེད་དག་གིས་སྤྲས། །དེ་བཞིན་གཤེགས་པ་བྱང་ཆུབ་
བློ་གྲོས་ཀྱི། །སྐྱེ་བའི་ཡུལ་ནི་བློ་གྲོས་འཆང་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་ཤེད་བུ་ཡིན། །སྤོས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་ཆེན་རིམ་གྲོ་པ། །བྱང་ཆུབ་རྒྱལ་
མཚན་ཞེས་བྱ་མཁས་པ་སྟེ། །བྱང་ཆུབ་ཚོགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གཉིས་ཀུན་ལའང་། །ཁུར་བོར་རྣམ་པར་གྲོལ་བར་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་བཅུ་ཡོད། །མི་ཚེ་ལོ་གྲངས་དགུ་ཁྲི་དགུ་
སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུ་འབྱུང་། །མི་ཡི་མཆོག་མ་ལྗོན་ཤིང་དབང་པོ་ཡི། །སྐྱེ་བའི་
40-1-251a


ཡུལ་ནི་དབང་པོ་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་རྒྱལ་བའི་དབང་པོ་ཡབ། །ཡོན་ཏན་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་ལེགས་སྣང་རིམ་གྲོ་པ། །ཡོན་ཏན་
དག་གིས་བརྒྱན་པ་མཁས་པ་སྟེ། །འཇིགས་པ་མེད་པའི་ཕྲུ་གུ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལའང་། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །གཞན་ཡང་བརྒྱད་ཁྲི་བརྒྱད་ཁྲི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་
བཞི་སྟོང་ཡིན། །ཡོན་ཏན་མཐའ་ཡས་པ་ཡི་དམ་ཆོས་དག །ལོ་གྲངས་ཉི་ཁྲི་ཉིས་སྟོང་གནས་པར་འགྱུར། །ལྷ་མི་དག་ལ་ཕན་ཞིང་བདེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་གདངས་སྙན་སྐྱེ་བའི་
ཡུལ། །ཡིད་དུ་འོང་བའི་དབྱངས་དང་ལྡན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་བཅུ་རབ་ཏུ་དགའ་བ་ཡབ། །མཆོག་མཐོང་མ་ཞེས་བྱ་བ་རྒྱལ་བའི་ཡུམ། །སྲས་པོ་རྒྱལ་མཆོག་ཆོས་ཅན་རིམ་གྲོ་པ། །བདུད་
རྩི་ང་རོ་ཞེས་བྱ་མཁས་པ་སྟེ། །འཕགས་པས་བསྔགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཞི་བ་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་
སྟོང་ཡིན། །ཆགས་པ་མེད་པར་ཕྱིན་པའི་དམ་ཆོས་དག །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བདུན་བཅུ་རྩ་བདུན་པ་གཅིག་འབྱུང་། །དེ་བཞིན་གཤེགས་པ་བསོད་
ནམས་སྟོབས་དག་གི། །སྐྱེ་ཡུལ་བསོད་ནམས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་གསུམ་ཡབ་ནི་བསོད་ནམས་འོད། །བསོད་ནམས་ཟླ་བ་རྒྱལ་བའི་ཡུམ་ཡང་ཡིན། །སྲས་པོ་
བློ་ལྡན་བློ་ཆེན་རིམ་གྲོ་པ། །བློ་ཆེན་འོད་ནི་བློ་གྲོས་ཅན་ཡིན་ཏེ། །བློ་གྲོས་རྣམ་པར་གྲོལ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །སྲིད་པ་ཀུན་ལ་ཆགས་བྲལ་ཡིད་ལྡན་པ། །བྱེ་བ་ཕྲག་ནི་དགུ་བཅུ་བཞི་
40-1-251b


བཞི་ཡོད། །མི་ཚེ་ལོ་གྲངས་སྟོང་ཕྲག་བཅྭ་བརྒྱད་ཡིན། །སངས་རྒྱས་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་
བཅུ་འབྱུང་། །དེ་བཞིན་གཤེགས་པ་མཐུ་ཡི་དཔལ་དག་གི། །སྐྱེ་བའི་ཡུལ་ནི་བརྟན་པར་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་དཔག་ཚད། །དགུ་བཅུ་རྩ་གཉིས་ཡབ་ནི་ལེགས་མཐུ་ཡིན། །ཡོན་ཏན་མཐུ་བདག་རྒྱལ་ཡུམ་
ཡང་དག་གནས། །སྲས་ཡིན་གནས་པའི་དབང་པོ་རིམ་གྲོ་པ། །ཡེ་ཤེས་གནས་ཤེས་བྱ་བ་མཁས་པ་སྟེ། །མཐུ་རྩལ་ལེགས་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཐམས་ཅད་རྣམ་
པར་གྲོལ་གྱུར་པ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །
དཔག་ཚད་བརྒྱད་པ་གསེར་ལས་བྱས་པ་ཡིན། །དེ་བཞིན་གཤེགས་པ་འཕགས་པ་དགྱེས་པ་ཡི། །སྐྱེ་ཡུལ་དྲང་སྲོང་དད་པར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །དགྲ་
བཅོམ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་མཆོད་པ་མཆོད་ལྡན་རིམ་གྲོ་པ། །འཕགས་པའི་འོད་ཅེས་བྱ་བ་མཁས་པ་སྟེ། །འཕགས་པ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །ཉོན་མོངས་
གསུམ་གྱི་དྲི་མ་མེད་གྱུར་པ། །དེ་དག་ཐེར་འབུམ་ཐེར་འབུམ་འདུས་པར་འགྱུར། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་ནས་དམ་པའི་ཆོས་དག་ཀྱང་། །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་
བྱིན་གྱིས་བརླབས་ནས་ཀྱང་། །འཇིག་རྟེན་སྐུ་གདུང་རྒྱས་ཤིང་གང་བར་འགྱུར། །འཇིག་རྟེན་མགོན་པོ་མཐུ་སྟོབས་སྐྱེ་བ་ཡི། །ཡུལ་ནི་ཡོན་ཏན་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་ཡོད་ཡབ་
40-1-252a


ནི་ལྷ་བཟང་ཡིན། །ལྷ་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་སྒྲ་ཅན་སྐར་མ་རིམ་གྲོ་པ། །ཡོན་ཏན་དག་གིས་བརྒྱན་པ་མཁས་པ་སྟེ། །འཇིག་རྟེན་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་
བདུན་བཅུ་ཀུན་ལ་ཡང་། །རྫུ་འཕྲུལ་རྐང་བཞིས་ཕ་རོལ་ཕྱིན་པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་
པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་མགོ་རྒྱན་ལྡན། །སངས་རྒྱས་སྐར་མ་ལ་ནི་དགྱེས་པ་ཡི། །སྐྱེ་བའི་ཡུལ་ནི་འོད་འཕྲོ་སྣང་ཞེས་བྱ། །རྒྱལ་བའི་རིགས་ནི་རྒྱལ་རིགས་
འོད་ཀྱི་ཚད། །དཔག་ཚད་བཅུ་ཡོད་ཡབ་ནི་ལྷ་བཟང་ཡིན། །མཆོག་མཆོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྟ་བྱེད་འོད་འཕྲོ་རིམ་གྲོ་པ། །ཡོན་ཏན་ཁ་ལོ་བསྒྱུར་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་
ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །མཚོ་ལྟར་གང་བའི་བསམ་གཏན་པ་ཡི་གྲངས། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་
ཀྱང་། །དམ་ཆོས་ལོ་གྲངས་སུམ་ཁྲིའི་བར་དུ་གནས། །ལྷ་མི་དག་ལ་ཕན་ཕྱིར་རྒྱལ་བ་ཡི། །སྐུ་གདུང་རྒྱས་ཤིང་རྣམ་པར་གང་བར་འགྱུར། །དེ་བཞིན་གཤེགས་པ་སྤྲིན་གྱི་རྔ་སྒྲ་ཡི། །སྐྱེ་བའི་ཡུལ་ནི་བདུད་རྩིའི་དབྱངས་ཤེས་བྱ། །
རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་ཡབ་ནི་ལེགས་བཟང་ཡིན། །གདངས་སྙན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་དགའ་སྦྱངས་རིམ་གྲོ་པ། །ཡོན་ཏན་ངེས་ཤེས་བྱ་བ་མཁས་པ་སྟེ། །
ཆོས་ངེས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཐམས་ཅད་ཆགས་པ་མེད་གྱུར་པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །
40-1-252b


མཐའ་ཡས་འདུལ་བར་མཛད་པའི་དམ་ཆོས་དག །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དྲུག་པ་ཁོར་ཡུག་བླ་རེར་ལྡན། །དེ་བཞིན་གཤེགས་པ་སྤྱན་སྡུག་པའི་ཞལ། །
སྐྱེ་བའི་ཡུལ་ནི་མཐོང་བས་མཆོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྤྱན་ལེགས་ཡིན། །མིག་སྦྱིན་མ་ཞེས་བྱ་བ་རྒྱལ་བའི་ཡུམ། །སྲས་པོ་འཇིག་རྟེན་ཆགས་མེད་རིམ་གྲོ་པ། །
ཡོན་ཏན་མཐོང་ཞེས་བྱ་བ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །ཐེག་པ་མཆོག་གིས་ལེགས་གནས་འབྲས་ཐོབ་པ། །བྱེ་བ་ཕྲག་ནི་དགུ་བཅུ་དགུ་དགུ་
ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཞིང་རྣམས་སྟོང་སྙེད་དག་ཏུ་
གང་བར་འགྱུར། །དེ་བཞིན་གཤེགས་པ་ཡེ་ཤེས་བཟང་ལྡན་གྱི། །སྐྱེ་ཡུལ་ཡེ་ཤེས་སྒྲོན་མ་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡེ་ཤེས་སྐར་མདའ་ཡབ། །ཡེ་ཤེས་དབང་ཕྱུག་མ་ནི་
རྒྱལ་བའི་ཡུམ། །སྲས་པོ་ཤེས་དགའ་ཤེས་འབྱོར་རིམ་གྲོ་པ། །ཡེ་ཤེས་འབྱུང་གནས་ཤེས་བྱ་མཁས་པ་སྟེ། །ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཁོར་
ཡུག་ལྟ་བུར་གཡོ་བ་མེད་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་
མཆོད་རྟེན་གཅིག་ཡིན་ཏེ། །དཔག་ཚད་བརྒྱ་པ་ཁོར་ཡུག་བླ་རེར་ལྡན། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་པ། འཇིག་རྟེན་བླ་མ་
40-1-253a


འབྱོར་པར་ལྡན་པ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བློ་གྲོས་ཅན། །ཡོན་ཏན་ཚོགས་ནི་རྒྱལ་ཡུམ་ཡོན་ཏན་མཆོག །སྲས་ཡིན་ཡོན་
ཏན་གཟི་བརྗིད་རིམ་གྲོ་པ། །ཡོན་ཏན་གཟི་བརྗིད་འཆང་བ་བློ་ཅན་ཏེ། །ཡོན་ཏན་ཀུན་གྱིས་མཆོད་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །སྲེད་བཅུག་དྲ་བ་དག་ལས་གྲོལ་བ་པོ། །བྱེ་བ་ཕྲག་ནི་བདུན་
བཅུ་བདུན་བཅུ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲི་བདུན་སྟོང་བར་དུ་གནས། །ཁམས་གསུམ་ཀུན་གྱི་འགྲོ་ལ་ཕན་པའི་ཕྱིར། །རྒྱལ་བའི་སྐུ་གདུང་
དག་ནི་རྒྱས་པར་འགྱུར། །སངས་རྒྱས་ཡོན་ཏན་ཕུང་པོ་སྐྱེ་བའི་ཡུལ། །ཡོན་ཏན་ཐམས་ཅད་འབྱུང་བའི་གནས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ལྷ་ཡི་རྫུ་འཕྲུལ་ཡབ། །རྫུ་འཕྲུལ་འགྲོས་
ཤེས་བྱ་བ་རྒྱལ་བའི་ཡུམ། །སྲས་པོ་རྣམ་སྒྲོགས་དྲག་ཤུལ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །ཡོན་ཏན་སྒྲོན་མའི་མཆོག་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་དྲུག་ཀུན་ལའང་། །སྲིད་གསུམ་
འདམ་གྱིས་གོས་པ་མེད་པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་
དཔག་ཚད་ནི། །བཅུ་གཉིས་པ་གཅིག་ལྷ་རྫས་བླ་རེར་ལྡན། །འཇིག་རྟེན་བླ་མ་གསལ་བ་སྐྱེ་བའི་ཡུལ། །འཇིགས་པ་མེད་པའི་བསོད་ནམས་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་གྲགས་
པའི་དབང་པོ་ཡབ། །ལྷ་གྲགས་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་གྲགས་འཛིན་ཟླ་སྡུག་རིམ་གྲོ་པ། །སྙན་པར་གྲགས་པ་ཐོབ་པ་བློ་ཅན་ཏེ། །སྙན་པར་གྲགས་པ་གསལ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་
40-1-253b


ཀུན་ལ་ཡང་། །འཇིག་རྟེན་དག་གིས་མཆོད་འོས་དགྲ་བཅོམ་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བྱེ་བ་བདུན་བཅུ་དྲུག །སེམས་ཅན་སྙིང་པོའི་དམ་པའི་ཆོས་དག་ཀྱང་། །ལོ་གྲངས་བྱེ་བ་ཉི་ཤུ་གཉིས་སུ་གནས། །
རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་དེ་ཀུན་རིན་ཆེན་བདུན་ལས་བྱས། །དེ་བཞིན་གཤེགས་པ་ཆོས་ཀྱི་རྒྱལ་མཚན་གྱི། །སྐྱེ་བའི་ཡུལ་ནི་ཡེ་ཤེས་ཚོགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་
ཉི་ཤུ་ཡབ་ནི་མྱ་ངན་མེད། །རིན་ཆེན་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་ཤེས་མཆོག་འཕགས་པ་རིམ་གྲོ་པ། །བདུད་རྩིའི་རྒྱལ་མཚན་ཞེས་བྱ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་
པ་ལན་གྲངས་ཉི་ཤུ་གཉིས་ཀུན་ལའང་། །འཇིག་རྟེན་ཆོས་བརྒྱད་དག་ལས་གྲོལ་བ་པོ། །བྱེ་བ་ཕྲག་ནི་བདུན་བཅུ་བདུན་བཅུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་
གདུང་དག་གི་མཆོད་རྟེན་ནི། །དཔག་ཚད་བཅུ་པ་གཅིག་སྟེ་གདུགས་ཀྱི་གྲངས། །སྟོང་ཕྲག་བདུན་བཅུ་སྙེད་ཀྱིས་རྣམ་པར་བརྒྱན། །སངས་རྒྱས་ཡེ་ཤེས་ང་རོ་སྐྱེ་བ་ཡི། །ཡུལ་ནི་ཡེ་ཤེས་རབ་ཏུ་གནས་ཤེས་བྱ། །རྒྱལ་བའི་རིགས་
ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཡོན་ཏན་མཆོག །གཙོ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་སྡེ་བཟངས་ཁྱད་འཕགས་རིམ་གྲོ་པ། །ཆོས་ཀྱི་སྒྲ་ཞེས་བྱ་བ་མཁས་པ་སྟེ། །ཐར་པའི་སྒྲ་དབྱངས་ཞེས་
བྱ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ལྔ་ཀུན་ལའང་། །དགྲ་བཅོམ་བྱས་བསྲུངས་ཤེས་རབ་རྣམ་གྲོལ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །གྲགས་པ་མཐའ་
ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་སྟོང་སྙེད་ཀྱིས་གང་བར་འགྱུར། །འཇིག་རྟེན་མཆོག་མ་ནམ་མཁའ་སྐྱེ་བ་ཡི། །
40-1-254a


ཡུལ་ནི་གཟི་བརྗིད་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་ཡབ་ནི་རི་དབང་ཡིན། །འགྲོས་བརྟན་མ་ཞེས་བྱ་བ་རྒྱལ་བའི་ཡུམ། །སྲས་པོ་གནས་མེད་ཐོགས་མེད་རིམ་གྲོ་པ། །གནས་ལ་
དགའ་ཞེས་བྱ་བ་མཁས་པ་སྟེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །སྲིད་པ་ཀུན་ནས་གྲོལ་བའི་ཡིད་ལྡན་པ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་
ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱི་བླ་རེར་ལྡན། །སངས་རྒྱས་མཆོད་སྦྱིན་
ང་རོ་སྐྱེ་བ་ཡི། །ཡུལ་ནི་ཆོས་རྣམས་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ལྔ་ཡོད་ཡབ་ནི་སྒྲོན་མ་ཡིན། །ཡོན་ཏན་གདངས་སྙན་མ་ནི་རྒྱལ་བའི་ཡུམ། །སྲས་པོ་སྦྲང་རྩི་སྐད་སྙན་རིམ་
གྲོ་པ། །སྤོབས་པའི་དབྱངས་ནི་བློ་གྲོས་ཅན་ཡིན་ཏེ། །དབྱངས་མཆོག་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྣམ་ཐར་བརྒྱད་ཀྱི་ཕ་མཐར་ཕྱིན་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་
ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དགུ་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་
བཅུ་འབྱུང་། །སངས་རྒྱས་ཤེས་རབ་རྣམ་འགོད་ང་རོ་ཡི། །སྐྱེ་བའི་ཡུལ་ནི་མཆོག་ཏུ་དགའ་ཞེས་བྱ། །བདེ་བར་གཤེགས་པའི་རིགས་ནི་རྒྱལ་རིགས་ཡིན། །འོད་ནི་སྟོང་གསུམ་ཚད་ཙམ་བློ་བཟངས་ཡབ། །དེས་པའི་སྒྲ་ཞེས་བྱ་བ་
རྒྱལ་བའི་ཡུམ། །སྲས་པོ་སྣང་བྱེད་ལྷ་ནི་རིམ་གྲོ་པ། །བལྟ་ན་སྡུག་ཅེས་བྱ་བ་མཁས་པ་སྟེ། །རྣམ་པར་སྣང་བྱེད་ལྷ་ནི་རྫུ་འཕྲུལ་ཅན། །འདུས་པ་དག་ནི་མཐའ་ཡང་ཡས་པ་སྟེ། །གཟུངས་རྣམས་ཐོབ་པ་ཕྱིར་ནི་མི་ལྡོག་པ། །
40-1-254b


བྱང་ཆུབ་སེམས་དཔའི་འཁོར་རྣམས་འབྱུང་བར་འགྱུར། །མི་ཚེ་ལོ་གྲངས་དག་ནི་བརྒྱད་འབུམ་ཡིན། །བྱང་ཆུབ་བསྲུང་ཕྱིར་དམ་པའི་ཆོས་དག་ཀྱང་། །ལོ་གྲངས་བརྒྱད་འབུམ་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་ཞིང་
རྣམས་གང་། །གསེར་བརྒྱན་བྱེ་བ་དག་གིས་བརྒྱན་པར་འགྱུར། །སངས་རྒྱས་ཡོན་ཏན་འོད་ཟེར་གཟི་བརྗིད་ཀྱི། །སྐྱེ་ཡུལ་ཡོན་ཏན་ཀུན་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་
ནི་ཡོན་ཏན་འོད། །ཡོན་ཏན་འོད་བཟངས་རྒྱལ་ཡུམ་སྲས་པོ་ནི། །ཡོན་ཏན་རྒྱ་མཚོ་ཟླ་བ་རིམ་གྲོ་པ། །ཟླ་བ་འཕགས་ཤེས་བྱ་བ་མཁས་པ་སྟེ། །ཡོན་ཏན་མཆོག་གིས་མཆོད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་
དྲུག་ཀུན་ལའང་། །ཡོན་ཏན་ཀུན་གྱི་ཕ་རོལ་ཕྱིན་པ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་དྲུག་ཁྲི་ཡིན། །འགྲོ་ལ་ཕན་ཕྱིར་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་
གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །འགྲོ་བ་ཀུན་གྱིས་མཆོད་ཅིང་བཀུར་བར་འགྱུར། །མི་ཡི་འདྲེན་པ་དྲང་སྲོང་དབང་པོ་ཡི། །སྐྱེ་བའི་ཡུལ་ནི་འཕགས་པས་བལྟས་ཤེས་བྱ། །རིགས་ནི་བྲམ་ཟེ་ཡིན་ཏེ་
འོད་དཔག་ཚད། །བདུན་བཅུ་རྩ་གསུམ་ཡབ་ནི་གསལ་བ་ཡིན། །འཕགས་མཉམ་མ་ནི་རྒྱལ་ཡུམ་དྲང་སྲོང་བྱིན། །སྲས་ཡིན་འཕགས་པའི་མེ་ཏོག་རིམ་གྲོ་པ། །ཡོན་ཏན་གཟི་བརྗིད་འཆང་བ་བློ་ཅན་ཏེ། །ཡེ་ཤེས་རྣམ་པར་འཕྲུལ་
པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གསུམ་ཀུན་ལའང་། །མིང་རྣམས་གསལ་ཞིང་མདུད་པ་སྤངས་པ་པོ། །བྱེ་བ་སྟོང་ཕྲག་དག་ནི་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མཐའ་ཡས་
འདུལ་བར་མཛད་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ནོར་བུས་རྣམ་པར་སྤྲས། །མི་ཡི་འདྲེན་པ་བློ་དང་ལྡན་པ་ཡི། །སྐྱེ་བའི་
40-1-255a


ཡུལ་ནི་མཛངས་པས་བལྟས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དྲན་ལྡན་ཡིན། །དགེ་བའི་ང་རོ་ཞེས་བྱ་རྒྱལ་བའི་ཡུམ། །སྲས་པོ་མེ་ཏོག་མཁས་པ་
རིམ་གྲོ་པ། །ཡོན་ཏན་ཁ་ལོ་བསྒྱུར་བ་བློ་ཅན་ཏེ། །ཕན་འདོད་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱ་སྟེ་ཀུན་ལ་ཡང་། །སྲིད་པ་སྤངས་པའི་སེམས་དང་ལྡན་པ་པོ། །དེ་དག་ཐེར་འབུམ་
ཕྲག་ནི་བཅུ་བཅུ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །སྣང་མེད་ཐོབ་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་
བ་བརྒྱ་ཕྲག་དགུ་བཅུ་འབྱུང་། །དེ་བཞིན་གཤེགས་པ་སྤོབས་པའི་ཚོགས་དག་གི། །སྐྱེ་བའི་ཡུལ་ནི་མཆོད་ཅིང་བསྒོམས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་གསུམ་ཡོད་ཡབ་ནི་རྟོགས་
ལྡན་ཡིན། །ཡེ་ཤེས་སྟོབས་ཤེས་བྱ་བ་རྒྱལ་བའི་ཡུམ། །སྲས་པོ་འཕགས་པ་དགྲ་བཅོམ་རིམ་གྲོ་པ། །ཡོན་ཏན་ཕུང་པོ་ཞེས་བྱ་མཁས་པ་སྟེ། །ཡེ་ཤེས་ཡོན་ཏན་འབྱུང་གནས་རྫུ་འཕྲུལ་ཅན། །འདུས་
པ་ལན་གྲངས་བརྒྱད་བཅུ་ཀུན་ལ་ཡང་། །འགྲོ་བའི་མཆོག་ལ་དགའ་བའི་དགྲ་བཅོམ་པ། །བྱེ་བ་ཕྲག་ནི་སུམ་བཅུ་རེ་རེ་ཡོད། །མི་ཚེ་ལོ་གྲངས་ཉིས་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་
ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་རྣམ་པར་སྤྲས། །འཇིག་རྟེན་མཆོག་མ་མཆོད་སྦྱིན་བཟང་པོ་ཡི། །
སྐྱེ་བའི་ཡུལ་ནི་མཆོད་སྦྱིན་གསལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་ལྔ་མཆོད་སྦྱིན་བཟང་པོ་ཡབ། །ཐར་པའི་ང་རོ་རྒྱལ་ཡུམ་སྲས་པོ་ནི། །བསོད་ནམས་འབྱུང་
40-1-255b


གནས་རྒྱལ་བ་རིམ་གྲོ་པ། །ངེས་པས་བྱས་ཤེས་བྱ་བ་མཁས་པ་སྟེ། །འཇིགས་པ་མེད་པའི་སྟོབས་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །དགྲ་བཅོམ་ཐམས་ཅད་ཆགས་པ་མེད་
གྱུར་པ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ལྔ་སྟོང་བར་དུ་གནས་པར་འགྱུར། །རྒྱལ་བའི་སྐུ་
གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་གིས་འཁོར་བར་བསྐོར། །དེ་བཞིན་གཤེགས་པ་ཟླ་བའི་ཞལ་སྐྱེ་བའི། །ཡུལ་ནི་རྣམ་པར་སྣང་བྱེད་ལྷ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་བདུན་བཅུ་ཡབ་ནི་ཡུལ་འཁོར་བཟང་། །ཡུལ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་ཕན་འདོད་རིམ་གྲོ་པ། །མེ་ཏོག་འབྱུང་གནས་ཞེས་བྱ་མཁས་པ་སྟེ། །སྣང་བར་
བྱེད་པའི་ལྷ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐེག་པ་མཆོག་གིས་རྣམ་པར་གྲོལ་གྱུར་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །
གྲགས་པ་མཐའ་ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་གསེར་གྱི་བླ་རེར་ལྡན། །དེ་བཞིན་གཤེགས་པ་
ཤིན་དུ་གཟིགས་པ་ཡི། །སྐྱེ་བའི་ཡུལ་ནི་སྐར་མ་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རི་དབང་ཡིན། །འོད་མཐའ་ཡས་ཤེས་བྱ་བ་རྒྱལ་བའི་ཡུམ། །
སྲས་པོ་ཁ་བསྒྱུར་པད་མ་རིམ་གྲོ་པ། །དགའ་བའི་དབྱངས་ཤེས་བྱ་བ་མཁས་པ་སྟེ། །ཡོན་ཏན་མཆོག་གསལ་བ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །ཐེག་པ་མཆོག་གིས་
40-1-256a


གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཀུན་ཚེ་ལོ་བརྒྱ་ནི་སུམ་བཅུ་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་
དག་གི་མཆོད་རྟེན་ནི། །དཔག་ཚད་བཅུ་དྲུག་པ་གཅིག་གསེར་གྱིས་སྤྲས། །ཡོན་ཏན་རྒྱ་མཚོ་རྡུལ་དང་བྲལ་བ་ཡི། །སྐྱེ་ཡུལ་ཡོན་ཏན་ཀུན་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡོན་ཏན་
དབང་པོ་ཡབ། །ཡོན་ཏན་བདེན་འཛིན་མ་ནི་རྒྱལ་བའི་ཡུམ། །སྲས་པོ་བཟང་ལྡན་ལེགས་སེམས་རིམ་གྲོ་པ། །སྟོབས་བཅུའི་འོད་ཅེས་བྱ་བ་མཁས་པ་སྟེ། །ཚོགས་དབང་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་
བཅུ་ཀུན་ལ་ཡང་། །འཇིག་རྟེན་ཆོས་དང་མཚུངས་མེད་བསམ་གཏན་པ། །བྱེ་བ་ཕྲག་ནི་དགུ་བཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་
འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །ཞིང་རྣམས་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་ཡོན་ཏན་ཚོགས་དག་གི། །སྐྱེ་བའི་ཡུལ་ནི་གྲགས་པ་མཆོག་ཅེས་བྱ། །རྒྱལ་བའི་རིགས་ནི་རྒྱལ་རིགས་
འོད་ཀྱི་ཚད། །དཔག་ཚད་སུམ་བཅུ་ཡབ་ནི་ཡོན་ཏན་འོད། །ཡོན་ཏན་གཟི་བརྗིད་འཛིན་པ་རྒྱལ་བའི་ཡུམ། །སྲས་པོ་མཆོད་རྟེན་ལེགས་སྤྱད་རིམ་གྲོ་པ། །སྐད་སྙན་པ་ཞེས་བྱ་བ་མཁས་པ་སྟེ། །འཇིགས་པ་མེད་པའི་ཟླ་བ་རྫུ་འཕྲུལ་
ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །ཆོས་ཀྱི་མཆོག་མ་ཐོབ་པ་དགྲ་བཅོམ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །
ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རྒྱལ་མཚན་མཆོག་གིས་སྤྲས། །མི་ཡི་འདྲེན་པ་ཏོག་དང་ལྡན་པ་ཡི། །སྐྱེ་ཡུལ་ཏོག་ནི་སྣང་བར་བྱེད་
40-1-256b


ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་གྲོས་ཅན། །ཡོན་ཏན་མིག་ནི་རྒྱལ་ཡུམ་སྲས་པོ་ནི། །སྐལ་ལྡན་ཤིང་རྟ་འབྱོར་པ་རིམ་གྲོ་པ། །ཡེ་ཤེས་འོད་ཅེས་བྱ་བ་མཁས་པ་སྟེ། །རིན་
ཆེན་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །ཡོན་ཏན་མཆོག་གིས་ཕ་རོལ་ཕྱིན་པ་པོ། །བྱེ་བ་ཕྲག་ནི་བཅུ་གཉིས་བཅུ་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །གྲགས་པ་མཐའ་
ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་རྒྱས་རྣམ་པར་བརྒྱན། །དེ་བཞིན་གཤེགས་པ་བསོད་ནམས་རྒྱལ་མཚན་གྱི། །
སྐྱེ་ཡུལ་ཡེ་ཤེས་རྣམ་པར་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་གཉིས་ཡབ་ནི་བློ་གྲོས་ལྡན། །བལྟ་བཟོད་མ་ཞེས་བྱ་བ་རྒྱལ་བའི་ཡུམ། །སྲས་པོ་རྩི་སྨན་མདངས་བཟངས་རིམ་གྲོ་པ། །ཆོས་
ཀྱི་འབྱུང་གནས་ཞེས་བྱ་མཁས་པ་སྟེ། །འཇིག་རྟེན་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །འཇིག་རྟེན་ཟང་ཟིང་མེད་པའི་དགྲ་བཅོམ་པ། །བྱེ་བ་ཕྲག་ནི་ཁྲི་ཕྲག་གཉིས་གཉིས་ཡོད། །མི་ཚེ་
ལོ་གྲངས་དགུ་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱི་བླ་རེར་ལྡན། །དེ་བཞིན་
གཤེགས་པ་ཡུལ་འཁོར་སྤོབས་པ་ཡི། །སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་ཡོན་ཏན་དོན། །དོན་སྨྲ་བ་ཞེས་བྱ་བ་རྒྱལ་བའི་ཡུམ། །སྲས་པོ་
བལྟ་བྱེད་ལེགས་མཐོང་རིམ་གྲོ་པ། །བློ་གྲོས་བརྒྱ་མཚོ་ཞེས་བྱ་མཁས་པ་སྟེ། །མཆོག་ཏུ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཀུན་ལ་ཕན་ཕྱིར་སྙིང་བརྩེ་བ། །
40-1-257a


བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་ཁྲི་ཕྲག་སྟོང་རྩ་བཞི། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །ཞིང་རྣམས་
དག་ཏུ་རྒྱས་ཤིང་གང་བར་འགྱུར། །སངས་རྒྱས་རིན་ཆེན་རབ་སྦྱིན་སྐྱེ་བ་ཡི། །ཡུལ་ནི་ཐམས་ཅད་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་འབྱོར་པའི་ལྷ། །ལྷ་ཡི་དབང་ཕྱུག་
མ་ནི་རྒྱལ་བའི་ཡུམ། །སྲས་པོ་ལྷ་དགའ་ལྷ་ནི་རིམ་གྲོ་པ། །བདུད་རྩིའི་དབྱངས་ཤེས་བྱ་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བྱས་པའི་མཐར་
ཕྱིན་ཞི་བར་གྱུར་པ་པོ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་
སྐུ་གདུང་དག་གི་མཆོད་རྟེན་ནི། །དཔག་ཚད་བཅུ་གསུམ་པ་གཅིག་གསེར་གྱིས་སྤྲས། །དེ་བཞིན་གཤེགས་པ་ཟླ་བ་དགྱེས་པ་ཡི། །སྐྱེ་ཡུལ་ཟླ་བ་རྣམ་པར་སྣང་བྱེད་ཡིན། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
དཔག་ཚད་གསུམ་ཡོད་ཡབ་ནི་ཆགས་མེད་ཡིན། །ལྷ་ཡུལ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་པད་མ་སྣང་ལྡན་རིམ་གྲོ་པ། །ཡེ་ཤེས་མཆོག་ཅེས་བྱ་བ་མཁས་པ་སྟེ། །ཡུལ་འཁོར་མཆོག་ཅེས་བྱ་
བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ངར་མི་འཛིན་པ་མཁའ་དང་མཚུངས་པ་པོ། །བྱེ་བ་ཕྲག་ནི་བརྒྱད་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །
རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །འཇིག་རྟེན་ཕན་ཕྱིར་རྒྱལ་བའི་སྐུ་གདུང་དག །ཁམས་གསུམ་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་
40-1-257b


སེང་གེའི་སྟོབས་སྐྱེ་བའི། །ཡུལ་ནི་སེང་གེ་རྣམ་པར་བསྒྱིངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཕན་དོན་ཡིན། །ལྷ་མཆོད་མ་ཞེས་བྱ་བ་རྒྱལ་བའི་ཡུམ། །
སྲས་པོ་བདེན་སྨྲ་དགེ་བ་རིམ་གྲོ་པ། །ལྷུན་པོའི་འོད་ཅེས་བྱ་བ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །བདུད་དང་སྲེད་པའི་དྲ་བ་འཇོམས་
པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་དྲུག་སྟོང་ཡིན། །འགྲོ་ལ་ཕན་ཕྱིར་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་
ཐམས་ཅད་རྒྱས་འགྱུར་ལ། །གསེར་གྱི་རྒྱལ་མཚན་དག་གིས་འཁོར་བར་བསྐོར། །དེ་བཞིན་གཤེགས་པ་དབང་སྒྱུར་རྒྱལ་པོ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་བྱ། །རིགས་ནི་བྲམ་ཟེ་
ཡིན་ཏེ་འོད་ཀྱི་ཚད། །དཔག་ཚད་དགུ་བཅུ་རབ་ཏུ་གདུང་བ་ཡབ། །གྲགས་ཏོག་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་དབང་ཕྱིན་ཆོས་སྦྱིན་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །
བཀོད་པ་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །ལམ་རབ་མཆོག་གིས་ཤིན་དུ་དུལ་བ་པོ། །ཐེར་འབུམ་ཕྲག་ནི་བཅུ་བཅུ་ཚང་བར་འགྱུར། །མི་ཚེ་ལོ་གྲངས་
ཆིག་ཁྲི་ལྔ་སྟོང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་ཆིག་ཁྲི་ལྔ་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །གསེར་གྱི་རྟ་བབས་མུ་ཏིག་བླ་རེར་
ལྡན། །དེ་བཞིན་གཤེགས་པ་བདུད་རྩི་གསལ་བ་ཡི། །སྐྱེ་ཡུལ་འཇིག་རྟེན་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་གྲགས་བྱིན་ཡིན། །
40-1-258a


བདུད་རྩི་གྲགས་ཞེས་བྱ་བ་རྒྱལ་བའི་ཡུམ། །ཡོན་ཏན་འོད་སྲས་གཙོ་བོ་རིམ་གྲོ་པ། །ས་ལ་འགྲོ་ཞེས་བྱ་བ་མཁས་པ་སྟེ། །རྣམ་པར་དག་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །
རྫུ་འཕྲུལ་རྐང་པ་མཆོག་ལ་དབང་གྱུར་པ། །བྱེ་བ་ཕྲག་ནི་བདུན་བཅུ་རེ་རེ་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་ལྔ་སྟོང་བར་དུ་གནས། །རྒྱལ་བའི་སྐུ་
གདུང་མཆོད་རྟེན་གཅིག་དཔག་ཚད། །གསུམ་པ་ནོར་བུའི་ཆུན་པོ་བླ་རེར་ལྡན། །དེ་བཞིན་གཤེགས་པ་བསམ་གཏན་སྙོམས་པ་ཡི། །སྐྱེ་བའི་ཡུལ་ནི་འཕགས་པས་བལྟས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་
ཚད། །དཔག་ཚད་བརྒྱ་ཡོད་ཡབ་ནི་དབྱངས་བཟངས་ཡིན། །དབྱངས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་པ་མ་སྨད་རིམ་གྲོ་པ། །དུལ་གནས་དགའ་ཞེས་བྱ་བ་མཁས་པ་སྟེ། །ཉི་མ་སྒྲོན་མ་ཞེས་བྱ་
རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །དགྲ་བཅོམ་གཡོ་མེད་དྲི་མ་མེད་པ་པོ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །
ལོ་གྲངས་བརྒྱད་ཁྲི་བདུན་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་གཅིག་པ་ལ་རིན་ཆེན་སྤྲས། །མི་ཡི་འདྲེན་པ་འཁྲུག་པ་མེད་པ་ཡི། །སྐྱེ་བའི་ཡུལ་ནི་བྱམས་པས་བལྟས་
ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་ལྔ་ལྷ་ཡི་རྫུ་འཕྲུལ་ཡབ། །ལྟ་དགའ་རྒྱལ་བའི་ཡུམ་ཡིན་སྲས་པོ་ནི། །ལྟ་བྱེད་ན་ཚོད་བཟང་པོ་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །
ཤིན་དུ་བསྒོམས་པའི་བློ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཐམས་ཅད་བདག་ཉིད་དུལ་བ་པོ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་བདུན་ཁྲི་ཡིན། །
40-1-258b


ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་མཆོད་རྟེན་དག་གིས་གང་། །དེ་བཞིན་གཤེགས་པ་དྲི་མ་རབ་ཞི་བའི། །སྐྱེ་
བའི་ཡུལ་ནི་ཞི་བའི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་རབ་ཏུ་ཞི་བ་ཡབ། །དབང་པོ་དུལ་ཞེས་བྱ་བ་རྒྱལ་བའི་ཡུམ། །སྲས་པོ་མཛེས་པ་ལེགས་ཞི་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་
པ་སྟེ། །ཐར་པར་གཞོལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །བདུད་དང་ཉོན་མོངས་རབ་ཏུ་འཇོམས་པ་པོ། །དེ་དག་ཐེར་འབུམ་གཉིས་གཉིས་འདུས་པར་འགྱུར། །མི་ཚེ་ལོ་གྲངས་བདུན་
ཁྲི་བདུན་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་ཆིག་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ཀུན་ནས་མཛེས་པར་བྱས། །དེ་བཞིན་གཤེགས་པ་
ཕྱོགས་མ་བསླད་པ་ཡི། །སྐྱེ་ཡུལ་ཀུ་མུ་ད་ཡི་གཟི་བརྗིད་ཡིན། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཅིག་ཆོས་ཀྱི་སྐར་མདའ་ཡབ། །ཕྱོགས་ལྟ་རྒྱལ་ཡུམ་སྲས་པོ་གཟི་བརྗིད་ཅན། །གི་མི་ལ་ཞེས་བྱ་བ་རིམ་གྲོ་པ། །
ཡོན་ཏན་མཐུ་རྩལ་ཞེས་བྱ་མཁས་པ་སྟེ། །སྤོང་སྤོབས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །སྲེད་པ་ཀུན་ལ་ཆགས་བྲལ་ཡིད་ལྡན་པ། །བྱེ་བ་ཕྲག་ནི་བཅུ་བཞི་བཅུ་བཞི་ཡོད། །མི་ཚེ་ལོ་
གྲངས་བདུན་ཁྲི་དྲུག་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །ཞིང་རྣམས་རྒྱས་ཤིང་རྣམ་པར་གང་བར་འགྱུར། །མི་ཡི་འདྲེན་པ་
མཛེས་པ་སྐྱེ་བ་ཡི། །ཡུལ་ནི་རྣམ་པར་བརྒྱན་པའི་མཆོག་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་དབང་ཡིན། །འཇིག་རྟེན་འོད་ཅེས་བྱ་བ་རྒྱལ་བའི་ཡུམ། །སྲས་པོ་གཙོ་བོ་ཐར་འབྱོར་
40-1-259a


རིམ་གྲོ་པ། །རབ་ཏུ་བརྒྱན་ཅེས་བྱ་བ་མཁས་པ་སྟེ། །མཐུ་རྩལ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ལྟ་བ་ཕལ་ཆེན་མ་ལུས་སྤོང་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་
གྲངས་དགུ་ཁྲི་བཞི་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །མཆོད་རྟེན་དཔག་ཚད་བཅྭ་ལྔ་པ་གཅིག་སྟེ། །གསེར་དང་ནོར་བུ་ཀུན་གྱི་ལྡ་ལྡི་བཤམས། །གདུགས་གྲངས་བརྒྱ་སྙེད་དག་གིས་འཁོར་བར་བསྐོར། །འཇིག་རྟེན་
མཆོག་མ་ཞལ་བཟངས་སྐྱེ་བ་ཡི། །ཡུལ་ནི་འཇིག་རྟེན་ལེགས་པར་ལྟ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལུས་བཟངས་ཡིན། །མཉམ་ཉིད་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་
ཁ་བསྒྱུར་བློ་ལྡན་རིམ་གྲོ་པ། །ཤེད་སྐྱེས་དབང་ཕྱུག་ཅེས་བྱ་མཁས་པ་སྟེ། །ལེགས་དུལ་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །ལྷ་མི་དག་ལ་ཕན་ཕྱིར་གནས་པ་པོ། །བྱེ་བ་ཕྲག་ནི་སུམ་བཅུ་བཞི་
བཞི་ཡོད། །མི་ཚེ་ལོ་གྲངས་སུམ་བཅུ་རྩ་བདུན་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་གསེར་གྱིས་མཛེས་པར་
བྱས། །རྒྱལ་བ་ཤུགས་གནས་ཡེ་ཤེས་ལྡན་པ་ཡི། །སྐྱེ་ཡུལ་བསོད་ནམས་ལེགས་པར་བསགས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བདུན་ཡོད་ཡབ་ནི་ཡོན་ཏན་དོན། །དོན་གྱི་འོད་ཅེས་བྱ་བ་རྒྱལ་
བའི་ཡུམ། །སྲས་པོ་ཀུན་འཕགས་དགའ་བོ་རིམ་གྲོ་པ། །ཤེས་བཟོད་ཅེས་ནི་བྱ་བ་མཁས་པ་སྟེ། །རྣམ་པར་གྲགས་པའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །ཡོན་ཏན་མཆོག་གི་མེ་ཏོག་ཁ་རྒྱས་
པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བ་མྱ་ངན་འདས་པའི་སྐུ་གདུང་དག །འགྲོ་ལ་ཕན་
40-1-259b


ཕྱིར་ཞིང་རྣམས་གང་བར་འགྱུར། །འཇིག་རྟེན་མཆོག་མ་གསུང་བའི་དབང་པོ་ཡི། །སྐྱེ་ཡུལ་སྨྲ་བའི་དབང་ཕྱུག་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །སུམ་བཅུ་རྩ་གཉིས་ཤིང་རྟ་དབང་པོ་ཡབ། །འཕགས་
པའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་གྲགས་དགའ་བསོད་ནམས་རིམ་གྲོ་པ། །དགེ་བའི་སྟོབས་ཤེས་བྱ་བ་མཁས་པ་སྟེ། །ཆོས་ཀྱི་ང་རོ་མཆོག་མ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །བླ་མེད་
བྱང་ཆུབ་མཆོག་ལ་ངེས་གྱུར་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །ལྷ་མི་དག་ལ་ཕན་ཕྱིར་
རྒྱལ་བ་ཡི། །སྐུ་གདུང་དག་གིས་རྒྱས་ཤིང་གང་བར་འགྱུར། །མཚུངས་པ་མེད་པ་གཟི་བརྗིད་ཆེན་པོ་ཡི། །སྐྱེ་ཡུལ་ལྷ་ཡིས་ཕྱག་བྱས་པ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ལྷ་རྫས་བཟང་པོ་
ཡབ། །ལྷ་ཡི་དབང་ཕྱུག་རྒྱལ་ཡུམ་ཡོན་ཏན་མཆོག །སྲས་ཡིན་ཡོན་ཏན་གྲགས་པ་རིམ་
གྲོ་པ། །ཐར་པའི་རྒྱལ་མཚན་ཞེས་བྱ་མཁས་པ་སྟེ། །དོན་ལེགས་བསམས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །དགྲ་བཅོམ་འབྲས་བུ་མཆོག་ནི་ཐོབ་པ་པོ། །བྱེ་བ་ཕྲག་ནི་ཉི་ཤུ་གཉིས་
གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བཅྭ་ལྔའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་
སྟོང་ཕྲག་བརྒྱད་བཅུ་འབྱུང་། །དེ་བཞིན་གཤེགས་པ་བློ་གྲོས་ཟབ་མོ་ཡི། །སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་གྲགས་དོན་ཡིན། །ཡོན་ཏན་
40-1-260a


བརྒྱན་པ་རྒྱལ་ཡུམ་སྲས་པོ་ནི། །ཡོན་ཏན་མཆོག་མ་གྲུབ་པ་རིམ་གྲོ་པ། །བྱང་ཆུབ་ཡོན་ཏན་འཛིན་པ་བློ་ཅན་ཏེ། །མཆོད་བསྔགས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་
ཀུན་ལའང་། །དགྲ་བཅོམ་བྱེ་བ་ཕྲག་ནི་བརྒྱད་བརྒྱད་དང་། །གཞན་ཡང་ས་ཡ་ཕྲག་ནི་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་ཆོས་
ལོ་གྲངས་སུམ་ཁྲིར་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཉིས་པ་གཅིག་མུ་ཏིག་བླ་རེར་ལྡན། །འཇིག་རྟེན་མགོན་པོ་བདུད་རྩི་སྐྱེ་བ་ཡི། །ཡུལ་ནི་གཟི་བརྗིད་དཔག་ཏུ་མེད་ཅེས་བྱ། །
དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་གཉིས་ཡབ་ནི་མཐའ་ཡས་ཡིན། །ང་རོ་མཐའ་ཡས་རྒྱལ་ཡུམ་སྲས་པོ་ནི། །ཀུ་མུ་ད་ཡིན་ལྟ་བྱེད་རིམ་གྲོ་པ། །འཇིག་རྟེན་དགའ་ཞེས་བྱ་བ་མཁས་པ་སྟེ། །
འཇིག་རྟེན་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །གང་ཟག་དམ་པ་དགྲ་ནི་ཆོམས་པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །
མྱ་ངན་འདས་པ་དེ་ཡི་དམ་ཆོས་དག །ལོ་གྲངས་ཆིག་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དགུ་བཅུ་འབྱུང་། །དེ་བཞིན་གཤེགས་པ་ཆོས་སྟོབས་
སྐྱེ་བའི་ཡུལ། །བསོད་ནམས་ཏོག་གི་རྒྱལ་མཚན་ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཚངས་བཟངས་ཡིན། །ཚངས་པའི་མཆོད་རྟེན་རྒྱལ་ཡུམ་སྲས་པོ་ནི། །
དབང་པོ་ཐུལ་ཡིན་ཞི་བ་རིམ་གྲོ་པ། །ཡོན་ཏན་སྣང་བར་བྱེད་པ་མཁས་པ་སྟེ། །ཡོན་ཏན་མཆོག་ལ་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་དྲུག་ཀུན་ལའང་། །རྡུལ་ཞི་དྲི་མ་གསུམ་དང་བྲལ་བ་པོ། །བྱེ་བ་ཕྲག་ནི་
40-1-260b


དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །བློ་གྲོས་མཐའ་ཡས་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་
གཅིག་རིན་ཆེན་དྲ་བར་ལྡན། །དེ་བཞིན་གཤེགས་པ་མཆོད་ལྡན་སྐྱེ་བའི་ཡུལ། །བསོད་ནམས་དག་གིས་བསྒྲུབས་པ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་ཟླ་བའི་དབང་པོ་ཡབ། །ཟླ་བའི་
ཏོག་ཅེས་བྱ་བ་རྒྱལ་བའི་ཡུམ། །སྲས་པོ་མཆོག་མ་དེས་པ་རིམ་གྲོ་པ། །ཕྱོགས་མཆོད་པ་ཞེས་བྱ་བ་མཁས་པ་སྟེ། །ཡེ་ཤེས་དགེ་བ་འཆད་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་བཞི་ཀུན་ལའང་། །དགྲ་བཅོམ་
ཞི་བའི་ཡིད་ལྡན་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །
རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཀུན་ནས་མཛེས་པར་བྱས། །དེ་བཞིན་གཤེགས་པ་མེ་ཏོག་འོད་དག་གི། །སྐྱེ་བའི་ཡུལ་ནི་གཟི་བརྗིད་འཕགས་ཤེས་བྱ། །རྒྱལ་བའི་རིགས་ནི་བྲམ་ཟེ་
འོད་ཀྱི་ཚད། །དཔག་ཚད་བརྒྱད་བཅུ་ཡབ་ནི་ཞུམ་མེད་ཡིན། །ཡོན་ཏན་རྟོགས་བྱེད་མ་ནི་རྒྱལ་བའི་ཡུམ། །སྲས་པོ་ཀུན་རྒྱལ་རྒྱལ་དཀའ་རིམ་གྲོ་པ། །ཡོན་ཏན་དབང་ཕྱུག་ཅེས་བྱ་མཁས་པ་སྟེ། །རབ་ཏུ་ཞི་བར་གནས་པ་
རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །མ་སྨད་རྨ་མ་བྱུང་བའི་དགྲ་བཅོམ་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་
ངན་འདས་ནས་ཀྱང་། །དམ་ཆོས་ལོ་གྲངས་དགུ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །འཇིག་རྟེན་ཞིང་རྣམས་ཀུན་དུ་གང་བར་འགྱུར། །སངས་རྒྱས་ཁམས་གསུམ་དག་གི་མཆོད་
40-1-261a


གནས་ཀྱི། །སྐྱེ་བའི་ཡུལ་ནི་ཡུལ་འཁོར་འཕེལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལག་བཟངས་ཡིན། །དགེ་བའི་དབང་ཕྱུག་མ་ནི་རྒྱལ་བའི་ཡུམ། །སྲས་
པོ་སྐར་མཁན་མིག་ལྡན་རིམ་གྲོ་པ། །ཤེས་རབ་དགའ་བའི་དབྱངས་ནི་བློ་ཅན་ཏེ། །མཐའ་ཡས་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བྱང་ཆུབ་སྤྱོད་པ་མཆོག་ལ་ངེས་གྱུར་པ། །བྱེ་བ་ཕྲག་
ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་བླ་རེས་
མཛེས་པར་བྱས། །རྒྱལ་བ་སྒྲ་གཅན་ཉི་མའི་སྙིང་པོ་ཡི། །སྐྱེ་ཡུལ་འཇིག་རྟེན་ཤིན་དུ་འཕགས་ཤེས་བྱ། །རིགས་ནི་རྒྱལ་རིགས་སྟོང་གསུམ་འོད་དག་གིས། །རྒྱས་འགྱུར་ཤིང་རྟ་འདྲེན་པའི་དབང་པོ་ཡབ། །ནམ་མཁའ་དགའ་ཞེས་
བྱ་བ་རྒྱལ་བའི་ཡུམ། །སྲས་པོ་གཟི་ལེགས་ཆོས་ལྡན་རིམ་གྲོ་པ། །རྒྱལ་བའི་མཆོད་རྟེན་ཞེས་བྱ་མཁས་པ་སྟེ། །མཆོག་གི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །བླ་མེད་བྱང་ཆུབ་དག་ལ་
ངེས་གྱུར་པ། །བྱེ་བ་ཕྲག་ནི་བདུན་བཅུ་བརྒྱད་བརྒྱད་ཡོད། །མི་ཚེ་ལོ་གྲངས་དག་ནི་དུང་ཕྱུར་ཡིན། །དམ་པའི་ཆོས་དག་ལོ་གྲངས་ཁྲི་ཕྲག་ཡ་ནི། །ཐེར་འབུམ་བརྒྱད་བཅུའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་
རྒྱས་འགྱུར་ཏེ། །སྟོང་གསུམ་འཇིག་རྟེན་ཐམས་ཅད་གང་བར་འགྱུར། །དེ་བཞིན་གཤེགས་པ་ལྷ་ཡིས་མཆོད་པ་ཡི། །སྐྱེ་བའི་ཡུལ་ནི་ལྷ་དད་ཅེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་
ནི་ཏོག་བཟང་ཡིན། །མེ་ཏོག་འོད་ཅེས་བྱ་བ་རྒྱལ་བའི་ཡུམ། །སྲས་པོ་ཙན་དན་ཙམ་ཀ་རིམ་གྲོ་པ། །ལྷ་ཡི་ཁ་ལོ་བསྒྱུར་བ་མཁས་པ་སྟེ། །ཀླུ་ཡིས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བདུད་རྩིའི་གོ་འཕང་ཞི་ལ་
40-1-261b


ལེགས་དུལ་བ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་དྲུག་སྟོང་བར་དུ་གནས། །སངས་རྒྱས་ཡོངས་སུ་མྱ་ངན་འདས་
ནས་ཀྱང་། །འཇིག་རྟེན་ཕན་ཕྱིར་སྐུ་གདུང་རྒྱས་པར་འགྱུར། །དེ་བཞིན་གཤེགས་པ་ཐར་པའི་རྒྱལ་མཚན་གྱི། །སྐྱེ་ཡུལ་འཇིག་རྟེན་དད་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ཡབ་ནི་སྟེགས་
བཟངས་ཡིན། །སངས་རྒྱས་དབྱངས་ཤེས་བྱ་བ་རྒྱལ་བའི་ཡུམ། །སྲས་པོ་ཤེས་མཆོག་ཤེས་ལེགས་རིམ་གྲོ་པ། །གསེར་མཆོག་བརྩེགས་ཤེས་བྱ་བ་མཁས་པ་སྟེ། །དབྱངས་མཆོག་ཁྱད་པར་འཕགས་པ་རྫུ་འཕྲུལ་ཅན། །འདུས་
པ་ལན་གྲངས་བརྒྱད་བཅུ་ཀུན་ལ་ཡང་། །འཇིག་རྟེན་ཆོས་ལས་རྣམ་གྲོལ་བསམ་གཏན་པ། །བྱེ་བ་ཕྲག་ནི་བརྒྱད་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །མཚུངས་པ་མེད་པ་མྱ་ངན་འདས་ནས་
ཀྱང་། །དམ་ཆོས་ལོ་གྲངས་དགུ་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་དགུ་བཅུ་འབྱུང་། །དེ་བཞིན་གཤེགས་པ་དགེ་བའི་གཙུག་སྐྱེ་བའི་ཡུལ་ནི་བཀོད་པ་ཡིད་དུ་འོང་
བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་རིན་ཆེན་ཏོག་གི་རྒྱལ་མཚན་ཞེས་བྱའོ། །ཡུམ་ནི་དཔལ་གྱི་བཟང་མཆོག་མ་ཞེས་བྱའོ། །སྲས་ནི་ལེགས་མཐོང་ཞེས་བྱའོ། །རིམ་
གྲོ་པ་ནི་བསོད་ནམས་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་པ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་གྱི་མེ་ཏོག་ཁ་རྒྱས་པ་ཞེས་བྱའོ། །འདུས་པ་དང་པོ་
ལ་ནི་ཉན་ཐོས་དུང་ཕྱུར་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་དྲུག་གོ། །གསུམ་པ་ལ་ནི་དུང་ཕྱུར་ཕྲག་བདུན་ནོ། །བཞི་པ་ལ་ནི་དུང་ཕྱུར་ཕྲག་བརྒྱད་དོ། །ལྔ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་
40-1-262a


སུམ་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདུད་རྩིའི་འོད་སྐྱེ་བའི་ཡུལ་ནི་ཡོན་ཏན་གཟི་བརྗིད་ལྟ་བ་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་བདུན་སྟོང་ངོ་། །ཡབ་ནི་རིན་ཆེན་མཐའ་ཡས་འོད་ཅེས་བྱའོ། །ཡུམ་ནི་རྣམ་པར་ཐར་པར་དགའ་ཞེས་བྱའོ། །སྲས་ནི་སྟོན་པ་གསལ་ཞེས་བྱའོ། །རིམ་གྲོ་པ་ནི་འཕགས་དད་བྱིན་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཡོན་ཏན་ཚོགས་ཀྱི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །
སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡོ་རྗེ་སྐྱེ་བའི་ཡུལ་ནི་
གདུལ་དཀའ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་སེང་གེས་བྱིན་ཞེས་བྱའོ། །ཡུམ་ནི་ཡིད་དུ་འོང་བའི་དབྱངས་ཤེས་བྱའོ། །སྲས་ནི་ཡོན་ཏན་མཆོད་རྟེན་ཞེས་བྱའོ། །རིམ་གྲོ་
པ་ནི་འཇིག་རྟེན་གྱིས་བསྔགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲིབ་པ་མེད་པའི་གོ་འཕང་རྣམ་པར་གནོན་པ་ཞེས་བྱའོ། །ཉན་ཐོས་
འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་འབུམ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་བརྟན་པ་སྐྱེ་བའི་ཡུལ་ནི་ཐོགས་པ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །ཡབ་ནི་མཐོང་བས་སྤོང་བར་བཟོད་ཅེས་བྱའོ། །ཡུམ་ནི་ཐར་པ་
40-1-262b


དགའ་ཞེས་བྱའོ། །སྲས་ནི་སྒྲིབ་པ་མེད་པར་མཐོང་བ་དང་ལྡན་པ་ཞེས་བྱའོ། །རིམ་གྲོ་པ་ནི་བདེན་སྨྲ་བརྡ་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་པ་མེད་པར་སྟོན་པའི་བློ་གྲོས་ཞེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་འཇིག་རྟེན་ཐམས་ཅད་དུ་རྣམ་པར་གྲགས་པ་ཐོབ་ཅེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་
པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་ཕུང་པོ་སྐྱེ་བའི་ཡུལ་ནི་ཡོན་ཏན་གྱི་ཚོགས་དང་ལྡན་པ་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་ཡུལ་མཆོད་ཅེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ནོར་སྦྱིན་དགའ་ཞེས་བྱའོ། །རིམ་གྲོ་པ་ནི་ཡེ་ཤེས་ཡང་དག་འཕགས་
ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ཐམས་ཅད་རྣམ་པར་འབྱེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེམས་པ་ཐོགས་མེད་སྨྲ་ཞེས་བྱའོ། །འདུས་པ་ནི་ལན་སུམ་བཅུ་སྟེ། 
ཐམས་ཅད་ལ་ཡང་བྱེ་བ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛེས་པར་གཤེགས་པ་
སྐྱེ་བའི་ཡུལ་ནི་རིན་པོ་ཆེའི་བཀོད་པ་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ་། །ཡབ་ནི་རིན་ཆེན་ཏོག་འོད་ཅེས་བྱའོ། །ཡུམ་ནི་གསལ་ལྡན་མཐོང་ཞེས་བྱའོ། །
སྲས་ནི་ཀུན་དུ་བཟང་པོ་ཞེས་བྱའོ། །རིམ་གྲོ་པ་ནི་བལྟ་སྡུག་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཡང་དག་འཕགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐམས་ཅད་བལྟས་སེམས་ཤེས་བྱའོ། །
40-1-263a


འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་ཉི་མ་ལྟར་གཤེགས་པ་སྐྱེ་བའི་ཡུལ་ནི་དག་པར་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲི་ཉིས་སྟོང་ངོ་། །ཡབ་ནི་དགའ་བའི་ཟླ་བ་ཞེས་བྱའོ། །ཡུམ་ནི་ལེགས་མཐོང་མ་ཞེས་བྱའོ། །སྲས་
ནི་དགའ་འོད་ཅེས་བྱའོ། །རིམ་གྲོ་པ་ནི་སྟོན་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་རྣམ་པར་དག་བྱེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལེགས་མཆོད་ཅེས་བྱའོ། །འདུས་པ་ནི་
ལན་བརྒྱད་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་
ཏུ་ཟད་དོ། །དེ་བཞིན་གཤེགས་པ་དག་པའི་འོད་སྐྱེ་བའི་ཡུལ་ནི་མཛེས་སེམས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་སེང་གེའི་འགྲམ་པ་ཞེས་བྱའོ། །ཡུམ་ནི་ཡོན་ཏན་མཐོང་ཞེས་བྱའོ། །
སྲས་ནི་ཆོས་ཀྱི་སྒྲོན་མ་ཞེས་བྱའོ། །རིམ་གྲོ་པ་ནི་མཐོང་བས་སྤོང་བའི་བློ་གྲོས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩེགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་ལེགས་སེམས་ཤེས་
བྱའོ། །ཉན་ཐོས་འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་བདུན་འབུམ་དྲུག་ཁྲི་དྲུག་ཁྲིའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་ཡོན་ཏན་གཙུག་སྐྱེ་བའི་ཡུལ་ནི་རིན་པོ་ཆེས་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བཅུ་རྩ་བཞིའོ། །ཡབ་ནི་མེ་ཏོག་སྒྲོན་མ་ཞེས་བྱའོ། །ཡུམ་ནི་ཟླ་ལེགས་ཤེས་
40-1-263b


བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་སྟོན་པ་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྟོན་གསལ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཛེས་དགའ་ཞེས་བྱའོ། །འདུས་པ་
ནི་ལན་བཅུ་གསུམ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དཔལ་རྫོགས་སྐྱེ་
བའི་ཡུལ་ནི་རིན་པོ་ཆེའི་བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་ཚངས་ལྷ་ཞེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་གྲོ་པ་
ནི་སྟོན་བཟོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་རྟེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་བཟངས་ཤེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་
ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེའི་སྟབས་སྐྱེ་བའི་ཡུལ་ནི་གཙུག་
གི་ཡོན་ཏན་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་བཞི་བརྒྱའོ། །ཡབ་ནི་མཐུ་རྩལ་བག་མི་ཚ་ཞེས་བྱའོ། །ཡུམ་ནི་མཐུ་རྩལ་འཇིགས་མེད་མ་ཞེས་བྱའོ། །སྲས་ནི་འཇིག་རྟེན་མཆོད་ཅེས་བྱའོ། །
རིམ་གྲོ་པ་ནི་བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་པ་མི་འདོར་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་རྒྱལ་མཚན་ཞེས་བྱའོ། །འདུས་པ་དང་པོ་ལ་
ནི་ཉན་ཐོས་ཐེར་འབུམ་ཕྲག་བདུན་བཅུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་བཅུའོ། །གསུམ་པ་ལ་ནི་ཐེར་འབུམ་ཕྲག་དགུ་བཅུའོ། །བཞི་པ་ལ་ནི་ཐེར་འབུམ་ཕྲག་སྟོང་ངོ་། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་
40-1-264a


ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྱེན་དུ་འཕགས་སྐྱེ་བའི་ཡུལ་ནི་དགའ་བ་བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་
བརྒྱའོ། །ཡབ་ནི་ལྷ་གདུགས་ཤེས་བྱའོ། །ཡུམ་ནི་བདུད་རྩིའི་མེ་ཏོག་ཅེས་བྱའོ། །སྲས་ནི་སྤོབས་པའི་གཟི་བརྗིད་ཅེས་བྱའོ། །རིམ་གྲོ་པ་ནི་ཡེ་ཤེས་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འོད་ཅེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་གྲོལ་བའི་ཕུང་པོ་ཞེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་མེ་ཏོག་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ས་ཡ་ཕྲག་གསུམ་མོ། །ཡབ་ནི་ཡོན་ཏན་
མེ་ཏོག་ལྷ་ཞེས་བྱའོ། །ཡུམ་ནི་ལྷའི་མེ་ཏོག་ཅེས་བྱའོ། །སྲས་ནི་བདུད་རྩིའི་སྙིང་པོ་ཞེས་བྱའོ། །རིམ་གྲོ་པ་ནི་སྤོས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་རྣམ་པར་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་བདུད་རྩི་གྲགས་ཤེས་བྱའོ། །འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བཅུ་བརྒྱད་བཅུའོ། །སྐུ་ཚེའི་ཚད་ནི་ལོ་བྱེ་བ་ཕྲག་དྲུག་གོ། །དམ་པའི་ཆོས་ནི་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་འོད་འགྱེད་པ་སྐྱེ་བའི་ཡུལ་ནི་རིན་ཆེན་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉི་ཤུའོ། །ཡབ་ནི་ནོར་སྦྱིན་གསལ་ཞེས་བྱའོ། །ཡུམ་ནི་ཡེ་ཤེས་བྱིན་ཞེས་བྱའོ། །སྲས་ནི་ཉི་མའི་སྙིང་པོ་
ཞེས་བྱའོ། །རིམ་གྲོ་པ་ནི་འོད་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་པོའི་འབྱུང་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མཛེས་པ་ཞེས་བྱའོ། །འདུས་པ་ནི་ལན་དྲུག་བཅུ་སྟེ། 
40-1-264b


ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅུ་པ་སྟེ་གཅིག་ཏུ་ཟད་དོ། །དེ་བཞིན་
གཤེགས་པ་པད་མ་སྐྱེ་བའི་ཡུལ་ནི་རྣམ་པར་སྣང་བྱེད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་ལྷས་མཆོད་ཅེས་བྱའོ། །ཡུམ་ནི་ཡེ་ཤེས་འཛིན་ཅེས་བྱའོ། །སྲས་ནི་མཁས་པའི་བློ་གྲོས་ཤེས་བྱའོ། །
རིམ་གྲོ་པ་ནི་ཐོགས་པ་མེད་པའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་རྡོ་རྗེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱེ་བོའི་མཆོད་རྟེན་ཞེས་བྱའོ། །འདུས་པ་ནི་ལན་བཅུ་གཉིས་ཏེ། ཐམས་ཅད་ལ་
ཡང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ཐར་པའི་མེ་ཏོག་ཅེས་བྱའོ། །རིགས་
ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་འབྱོར་བྱིན་ཞེས་བྱའོ། །ཡུམ་ནི་ལེགས་སྤོང་བྱིན་ཞེས་བྱའོ། །སྲས་ནི་དགའ་བའི་དབྱངས་ཤེས་བྱའོ། །རིམ་གྲོ་པ་ནི་ཡོན་ཏན་བཀོད་པ་མཐའ་ཡས་པ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་ཟླ་མཆོག་དད་པའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་འོད་ཅེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་བྱེ་བ་
ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཀོད་པ་མཛེས་སྐྱེ་བའི་ཡུལ་ནི་ཡེ་ཤེས་བཀོད་པ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་བསོད་ནམས་བཀོད་པ་ཞེས་བྱའོ། །ཡུམ་ནི་བཀྲ་ཤིས་གསལ་ཞེས་བྱའོ། །སྲས་ནི་བསོད་ནམས་ལག་ཅེས་བྱའོ། །རིམ་གྲོ་པ་ནི་ཤེས་དགའ་ཞེས་བྱའོ། །ཤེས་རབ་
40-1-265a


ཅན་རྣམས་ཀྱི་མཆོག་ནི་ཡོན་ཏན་མཐུ་རྩལ་མི་གཡོ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱ་མཚོའི་བློ་ཞེས་བྱའོ། །འདུས་པ་ནི་ལན་བྱེ་བ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དགུ་
ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅུ་གཉིས་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་གཏི་མུག་མེད་པར་གནས་པ་སྐྱེ་བའི་ཡུལ་ནི་སྒྲིབ་པ་མེད་
པའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་རིན་ཆེན་གཏོང་ཞེས་བྱའོ། །ཡུམ་ནི་ལྷའི་འོད་ཟེར་ཞེས་བྱའོ། །སྲས་ནི་ལྷ་མཆོག་ཅེས་བྱའོ། །རིམ་གྲོ་པ་ནི་ཡོན་ཏན་གཞོལ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་སྐྱོན་མེད་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པའི་ཕུང་པོ་འོད་ཅེས་བྱའོ། །འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལ་ཡང་ཁྲི་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་
ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྨ་མེད་པ་སྐྱེ་བའི་ཡུལ་ནི་ཡོན་ཏན་ཐམས་ཅད་ཀྱི་འབྱུང་གནས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
བཞི་སྟོང་ངོ་། །ཡབ་ནི་ཀུན་དུ་འོད་ཅེས་བྱའོ། །ཡུམ་ནི་བདེན་ལྡན་མ་ཞེས་བྱའོ། །སྲས་ནི་རྣམ་པར་སྣང་བྱེད་མིག་ཅེས་བྱའོ། །རིམ་གྲོ་པ་ནི་ཀུན་དུ་གནས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྤྱོད་ཅེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་ཡོན་ཏན་མཐའ་ཡས་གྲགས་ཤེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་
སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅྭ་ལྔ་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་ཏོག་གི་རྒྱལ་མཚན་སྐྱེ་བའི་ཡུལ་ནི་ཏོག་གི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་
40-1-265b


དཔག་ཚད་བརྒྱད་སྟོང་ངོ་། །ཡབ་ནི་བསོད་ནམས་ཏོག་ཅེས་བྱའོ། །ཡུམ་ནི་བདེན་སྨྲ་ཞེས་བྱའོ། །སྲས་ནི་ཤེས་རབ་དབྱངས་ཤེས་བྱའོ། །རིམ་གྲོ་པ་ནི་ཡོན་ཏན་ཐམས་ཅད་ཀྱི་ཚོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་
མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་མཐུ་རྩལ་ཞེས་བྱའོ། །འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་འབུམ་ཕྲག་དགུ་བཅུ་རྩ་དགུ་དགུ་ཡོད་དོ། །སྐུ་ཚེའི་
ཚད་ནི་ལོ་ལྔ་ཁྲིའོ། །དམ་པའི་ཆོས་ཀྱང་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདེ་བར་དགོངས་སྐྱེ་བའི་ཡུལ་ནི་བདེ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
སྟོང་ཉིས་བརྒྱའོ། །ཡབ་ནི་ཐར་སེམས་རྒྱལ་པོ་ཞེས་བྱའོ། །ཡུམ་ནི་དབང་པོ་དུལ་ཞེས་བྱའོ། །སྲས་ནི་དོན་གྱི་བློ་གྲོས་ཤེས་བྱའོ། །རིམ་གྲོ་པ་ནི་ཐར་པའི་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་གེའི་སྟོབས་
ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་དག་པའི་དོན་ཅེས་བྱའོ། །འདུས་པ་ནི་ལན་སུམ་བཅུ་རྩ་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་
པའི་ཆོས་ནི་ལོ་བརྒྱད་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཏི་མུག་མེད་པའི་རྒྱལ་པོ་སྐྱེ་བའི་ཡུལ་ནི་མཆོག་ཏུ་སྤོང་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
དྲུག་གོ། །ཡབ་ནི་ལྷ་མཆོད་ཅེས་བྱའོ། །ཡུམ་ནི་བཟང་ལྡན་མ་ཞེས་བྱའོ། །སྲས་ནི་རྩལ་པོ་ཆེ་ཞེས་བྱའོ། །རིམ་གྲོ་པ་ནི་མཐུ་རྩལ་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གྱི་ཚོགས་ཐམས་ཅད་རབ་ཏུ་གནས་པ་ཞེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབྱངས་སྙན་གནས་ཞེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་
40-1-266a


གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་དྲུག་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་ཆོག་མཁྱེན་སྐྱེ་བའི་ཡུལ་ནི་སྒྲོན་མ་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་
དཔག་ཚད་སུམ་བཅུའོ། །ཡབ་ནི་ཏོག་ཅེས་བྱའོ། །ཡུམ་ནི་ཡིད་འཐད་དཔལ་ཞེས་བྱའོ། །སྲས་ནི་ལེགས་མཐོང་ཞེས་བྱའོ། །རིམ་གྲོ་པ་ནི་ཞུམ་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མེ་ཏོག་ཅེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་གྲགས་པའི་རྒྱལ་མཚན་ཞེས་བྱའོ། །འདུས་པ་ནི་ལན་ཉི་ཤུ་རྩ་ལྔ་སྟེ། ཐམས་ཅད་ལ་ཡང་འབུམ་ཕྲག་ཉི་ཤུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ཀྱང་ལོ་ཉི་ཁྲིའི་བར་
དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བདུན་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་དག་པའི་རྒྱ་མཚོ་སྐྱེ་བའི་ཡུལ་ནི་རྟོགས་པ་སྤོང་བ་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་སྟོང་ངོ་། །ཡབ་ནི་བསོད་ནམས་འཕགས་ཤེས་བྱའོ། །ཡུམ་ནི་སྒྲ་གཅན་མེ་ཏོག་ཅེས་བྱའོ། །སྲས་ནི་མཐུ་རྩལ་འགྲོས་ཤེས་བྱའོ། །རིམ་གྲོ་པ་ནི་བཟང་དཔལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
ཡོན་ཏན་བརྩེགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་ཅེས་བྱའོ། །འདུས་པ་ནི་ལན་བརྒྱད་བཅུ་རྩ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་དགུ་ཁྲིའོ། །
དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་མང་སྐྱེ་བའི་ཡུལ་ནི་རིན་ཆེན་མཐའ་ཡས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་བཞི་སྟོང་ངོ་། །ཡབ་ནི་
ཤིན་དུ་མཐོར་འགྲོ་ཞེས་བྱའོ། །ཡུམ་ནི་སྩ་ལའི་སྒྲ་རྒྱལ་ཞེས་བྱའོ། །སྲས་ནི་ལྷའི་འོད་ཟེར་ཞེས་བྱའོ། །རིམ་གྲོ་པ་ནི་ཟླ་གདུགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་ཏོག་མཆོག་ཅེས་བྱའོ། །རྫུ་འཕྲུལ་ཅན་
40-1-266b


རྣམས་ཀྱི་མཆོག་ནི་བདུད་རྩིའི་སྤོས་ཤེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུ་ཡོད་དོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་
རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅུ་གསུམ་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་མི་དམའ་བ་སྐྱེ་བའི་ཡུལ་ནི་འཆི་བ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ་། །ཡབ་ནི་
དགྲ་འདུལ་ཞེས་བྱའོ། །ཡུམ་ནི་བཞིན་གསལ་མ་ཞེས་བྱའོ། །སྲས་ནི་བལྟ་སྡུག་ཅེས་བྱའོ། །རིམ་གྲོ་པ་ནི་གཟི་བརྗིད་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་འཛིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ཆུ་བོ་སྤོང་ཞེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་
གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྐྱེ་བོ་དགའ་བར་མཛད་པ་སྐྱེ་བའི་ཡུལ་ནི་འབྱོར་བའི་མཛོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་ཀླུས་བྱིན་ཞེས་བྱའོ། །ཡུམ་ནི་མཐོང་ལེགས་ཤེས་
བྱའོ། །སྲས་ནི་དྲི་མེད་བློ་ཞེས་བྱའོ། །རིམ་གྲོ་པ་ནི་མཛེས་གྲུབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཟེར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་རྣམ་པར་གྲགས་ཤེས་བྱའོ། །འདུས་པ་ནི་ལན་
དགུ་བཅུ་སྟེ། ཐམས་ཅད་ལ་ཡང་ས་ཡ་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བཞི་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅུ་གཅིག་
པ་སྟེ་གཅིག་ཏུ་ཟད་དོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་གཅིག་པ། དེ་བཞིན་གཤེགས་པ་རྨ་བྱའི་ང་རོ་སྐྱེ་བའི་ཡུལ་ནི་
40-1-267a


སྒྲ་དབྱངས་སྙན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་དྲུག་ཙམ་མོ། །ཡབ་ནི་བསོད་ནམས་མཐའ་ཡས་འོད་ཅེས་བྱའོ། །ཡུམ་ནི་བསོད་ནམས་ཀྱི་ཚོགས་ཀྱི་
གཟི་བརྗིད་ཅེས་བྱའོ། །སྲས་ནི་མཐུ་རྩལ་སྤྱོད་པའི་རྒྱལ་པོ་ཞེས་བྱའོ། །རིམ་གྲོ་པ་ནི་མཆོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀོད་པ་མཛེས་པར་བསྒྲུབ་པར་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ཏོག་མཆོག་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བཞི་བཞིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་མ་ཞུམ་པ་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་མིའི་ཟླ་བ་ཞེས་བྱའོ། །ཡུམ་ནི་འོད་བཟངས་ཤེས་བྱའོ། །སྲས་
ནི་ཕྱོགས་ལྟ་ཞེས་བྱའོ། །རིམ་གྲོ་པ་ནི་དོན་གྱི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐའ་ཡས་ཏོག་ཅེས་བྱའོ། །འདུས་པ་ནི་ལན་བདུན་བཅུ་སྟེ། 
ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་
དཔག་ཚད་བཅུ་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་སྲིད་པའི་སྲེད་པ་དྲི་མ་སྤངས་པ་སྐྱེ་བའི་ཡུལ་ནི་རིན་ཆེན་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་སྟོང་དྲུག་བརྒྱའོ། །ཡབ་ནི་རིན་
པོ་ཆེའི་ཕུང་པོ་ཞེས་བྱའོ། །ཡུམ་ནི་གཟི་བརྗིད་གསལ་བ་ཞེས་བྱའོ། །སྲས་ནི་ཟླ་ལེགས་ཤེས་བྱའོ། །རིམ་གྲོ་པ་ནི་རིན་ཆེན་མཆོག་ཏུ་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཡོ་བ་མེད་པའི་འགྲོས་ཀྱི་གཟི་བརྗིད་
40-1-267b


གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་དད་སེམས་ཤེས་བྱའོ། །འདུས་པ་ནི་ལན་ཐེར་འབུམ་སྟེ། ཐམས་ཅད་ལ་ཡང་དུང་ཕྱུར་ཕྲག་བཞི་བཞིའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱོད་པའི་སྟེགས་སྐྱེ་བའི་ཡུལ་ནི་དགྲ་བཅོམ་བཀོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་མཛེས་པ་ཞེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་
ནི་ཟླ་མཆོག་ཅེས་བྱའོ། །རིམ་གྲོ་པ་ནི་བཀོད་པ་ཡིད་འོང་མཛེས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བ་གཡོ་བ་མེད་པར་གནས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་གྲོལ་བས་སྤོང་བའི་གཟི་བརྗིད་རྒྱལ་པོ་ཞེས་
བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་དགུ་བཅུའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་
དཔག་ཚད་བཅུ་དྲུག་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་ལྷ་མང་པོས་སྙན་པར་གྲགས་པ་སྐྱེ་བའི་ཡུལ་ནི་གྲགས་པ་མཐའ་ཡས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་ལྷ་དགའ་
ཕྲུག་གུ་ཞེས་བྱའོ། །ཡུམ་ནི་པད་མ་དཀར་པོའི་སྤོས་ཤེས་བྱའོ། །སྲས་ནི་སེང་གེའི་སྟབས་གནས་གཟི་བརྗིད་ཅེས་བྱའོ། །རིམ་གྲོ་པ་ནི་ཟླ་དཔལ་བླ་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱན་བཀོད་པའི་རྒྱལ་པོ་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདེ་གནས་ཕྲུག་གུ་སྡུག་ཅེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་ལྔ་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་
དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་པོ་ཆེའི་སྟབས་སྐྱེ་བའི་ཡུལ་ནི་རིན་པོ་ཆེའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་འབུམ་མོ། །ཡབ་ནི་ཡུལ་འཁོར་
40-1-268a


དྲི་མ་མེད་ཅེས་བྱའོ། །ཡུམ་ནི་གཙུག་ན་རིན་པོ་ཆེ་ཞེས་བྱའོ། །སྲས་ནི་ཆོས་འོད་ཅེས་བྱའོ། །རིམ་གྲོ་པ་ནི་སྒྲ་དབྱངས་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་བས་མཆོད་ཅེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་སྐྱོན་མེད་རིན་ཆེན་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ཀྱང་ལོ་སུམ་ཁྲིའི་བར་དུ་གནས་
སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ནི་དཔག་ཚད་བཅུ་བཞི་པ་སྟེ་གཅིག་ཏུ་ཟད་དོ། །དེ་བཞིན་གཤེགས་པ་ཕྱག་ན་པད་མ་བསྣམས་པ་སྐྱེ་བའི་ཡུལ་ནི་རིན་པོ་ཆེ་བཀོད་པ་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་
སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྔ་བཅུ་རྩ་བཞི་ཙམ་མོ། །ཡབ་ནི་གནས་པ་ལས་འདས་པ་ཞེས་བྱའོ། །ཡུམ་ནི་སྐྱོན་མེད་སེམས་ཤེས་བྱའོ། །སྲས་ནི་གཟི་བརྗིད་ཉི་མ་གསལ་ཞེས་བྱའོ། །རིམ་གྲོ་
པ་ནི་དགའ་བ་སྣ་ཚོགས་ལ་གནས་པར་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་གེའི་ང་རོ་སྒྲ་སྒྲོགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐེག་མཆོག་དགའ་ཞེས་བྱའོ། །འདུས་པ་
ནི་ལན་སུམ་བཅུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བཞི་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་དཔལ་སྐྱེ་བའི་ཡུལ་ནི་གཟི་བརྗིད་རྒྱལ་པོའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་བློ་གྲོས་བསོད་ནམས་གསལ་ཞེས་བྱའོ། །ཡུམ་ནི་
ལྟ་མཆོད་ཅེས་བྱའོ། །སྲས་ནི་གཟི་བརྗིད་མཐའ་ཡས་ལྟ་ཞེས་བྱའོ། །རིམ་གྲོ་པ་ནི་ཕྱོགས་དང་ཕྱོགས་མཚམས་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིའི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་
40-1-268b


ཀྱི་མཆོག་ནི་ཡོན་ཏན་དཔག་ཏུ་མེད་པའི་འོད་ཅེས་བྱའོ། །འདུས་པ་ནི་ལན་སུམ་བཅུ་རྩ་གསུམ་སྟེ། ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་ཐེར་འབུམ་ཕྲག་ཉི་ཤུ་ཉི་ཤུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །
ཐམས་ཅད་བྱང་ཆུབ་ཏུ་ཡོངས་སུ་སྨིན་པར་བྱ་བའི་ཕྱིར། དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་ལས་རྒྱལ་བ་སྐྱེ་བའི་ཡུལ་ནི་ཁ་དོག་ཟིལ་གྱིས་མི་ནོན་པ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་སྟོང་དྲུག་བརྒྱའོ། །ཡབ་ནི་ལེགས་མཐོང་ཟླ་བ་ཞེས་བྱའོ། །ཡུམ་ནི་དགྲ་བཅོམ་དགའ་མཆོད་ཅེས་བྱའོ། །སྲས་ནི་ཡེ་ཤེས་མཆོག་རིགས་འཛིན་ཅེས་བྱའོ། །རིམ་གྲོ་པ་ནི་ལྟ་
སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་གེའི་མཐུ་རྩལ་སེམས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་མཐའ་ཡས་གསལ་ཞེས་བྱའོ། །བྱང་ཆུབ་སེམས་དཔའ་རྣམས་ཀྱི་འདུས་པ་
ནི་གྲངས་མེད་དེ། གང་གི་ཉིན་མོ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་བརྒྱ་བར་འགྱུར་བའི་ཉིན་མོ་དེ་ཁོ་ན་ཡོངས་སུ་མྱ་ངན་ལས་འདའ་བར་ཡང་བྱེད་དོ། །སྐུ་ཚེའི་ཚད་ནི་ལོ་དགུ་
ཁྲི་བཞི་སྟོང་ངོ་། །ཐམས་ཅད་བྱང་ཆུབ་ཏུ་ཡོངས་སུ་སྨིན་པར་བྱ་བའི་ཕྱིར། དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་ཐེར་འབུམ་ཕྲག་བཅུ་འབྱུང་ངོ་། །
དེ་བཞིན་གཤེགས་པ་འབྱོར་ལྡན་གྲགས་པ་སྐྱེ་བའི་ཡུལ་ནི་རིན་པོ་ཆེ་ཐམས་ཅད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་དྲུག་བརྒྱའོ། །ཡབ་ནི་རིན་ཆེན་མཆོག་ཅེས་བྱའོ། །ཡུམ་ནི་ཡོན་ཏན་
རིན་ཆེན་འོད་ཅེས་བྱའོ། །སྲས་ནི་མཆོད་འདོད་ཅེས་བྱའོ། །རིམ་གྲོ་པ་ནི་ཀུན་དུ་བཟང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེ་ཏོག་གི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་
40-1-269a


བློ་གྲོས་ཤེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་བརྒྱད་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་
གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡུལ་འཁོར་བཟང་པོ་སྐྱེ་བའི་ཡུལ་ནི་རིན་པོ་ཆེའི་འོད་དང་ལྡན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བཅུའོ། །ཡབ་ནི་གཟི་བརྗིད་ལེགས་སྦས་ཤེས་
བྱའོ། །ཡུམ་ནི་མེ་ཏོག་བྱིན་ཞེས་བྱའོ། །སྲས་ནི་བསོད་ནམས་སྟོབས་ཤེས་བྱའོ། །རིམ་གྲོ་པ་ནི་རྫུ་འཕྲུལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་པ་མེད་
པར་གནས་པ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ཀྱང་ལོ་ཉི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
པ་མེ་ཏོག་འོད་སྐྱེ་བའི་ཡུལ་ནི་མེ་ཏོག་ཕུང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲི་བཞི་སྟོང་ངོ་། །ཡབ་ནི་ཤེད་སྐྱེས་གཙོ་བོ་ཞེས་བྱའོ། །ཡུམ་ནི་ཟླ་སྡུག་འོད་ཅེས་བྱའོ། །སྲས་ནི་བལྟ་བས་མཐོང་ཞེས་བྱའོ། །
རིམ་གྲོ་པ་ནི་བདུད་རྩིའི་སེམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁ་ལོ་བསྒྱུར་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་མྱ་ངན་འཚང་ཞེས་བྱའོ། །འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་
ཡང་བྱེ་བ་ཕྲག་སུམ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ་། །དམ་པའི་ཆོས་ཀྱང་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་སེང་གེའི་ང་རོ་སྐྱེ་བའི་ཡུལ་ནི་མི་ཐུབ་པའི་ཚོགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་ས་མཆོག་ཅེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་སེང་གེའི་མཐུ་རྩལ་ཞེས་
40-1-269b


བྱའོ། །རིམ་གྲོ་པ་ནི་རིན་ཆེན་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐའ་ཡས་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཟང་མཆོག་ཏོག་ཅེས་བྱའོ། །འདུས་པ་ནི་ལན་བཅུ་གཉིས་ཏེ། 
ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲིའོ། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་བ་ལྟར་ཤར་བ་སྐྱེ་བའི་ཡུལ་ནི་གློག་ཅེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ་། །ཡབ་ནི་བལྟ་སྡུག་ཅེས་བྱའོ། །ཡུམ་ནི་ཉི་མའི་བཞིན་ཞེས་བྱའོ། །སྲས་ནི་ཀུན་དུ་ལྟ་ཞེས་བྱའོ། །རིམ་གྲོ་པ་ནི་ཀུན་དུ་མེ་ཏོག་ཅེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཡོན་ཏན་མཐུ་རྩལ་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་རྒྱ་ཆེན་ཞེས་བྱའོ། །འདུས་པ་ནི་ལན་བཅུ་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་
དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཇོམས་པའི་མཆོག་སྐྱེ་བའི་ཡུལ་ནི་སྣང་བ་མཐའ་ཡས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་སུམ་བཅུ་རྩ་དྲུག་གོ། །ཡབ་ནི་ཙན་དན་བཟང་པོ་ཞེས་བྱའོ། །ཡུམ་ནི་རིན་ཆེན་མཆོག་ཅེས་བྱའོ། །སྲས་ནི་རིན་ཆེན་དཔལ་ཞེས་བྱའོ། །རིམ་གྲོ་པ་ནི་མཐུ་རྩལ་སྟོབས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བལྟ་
མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་མཐའ་ཡས་འོད་ཅེས་བྱའོ། །འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ་། །དམ་པའི་
ཆོས་ཀྱང་ལོ་ཉི་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་གཡོ་བ་སྐྱེ་བའི་ཡུལ་ནི་བློ་གནས་ཤེས་བྱའོ། །རིགས་ནི་རྒྱལ་རིགས་སོ། །
40-1-270a


འོད་ནི་དཔག་ཚད་ཁྲི་བདུན་སྟོང་ངོ་། །ཡབ་ནི་ལྷ་མཆོད་ཅེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་ཡེ་ཤེས་མཆོག་ཅེས་བྱའོ། །རིམ་གྲོ་པ་ནི་རིན་ཆེན་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་
གེའི་སྒྲ་སྒྲོགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་གྲགས་ཤེས་བྱའོ། །འདུས་པ་ནི་ལན་ཉི་ཤུ་རྩ་གསུམ་སྟེ། ཐམས་ཅད་ལ་ཡང་ཐེར་འབུམ་ཕྲག་དྲུག་བཅུ་དྲུག་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བདུན་
ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཕན་པ་དང་ལྡན་པར་གཤེགས་པ་སྐྱེ་བའི་ཡུལ་ནི་སེང་གེས་བལྟས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་
ནི་གཟི་བརྗིད་ཡིད་འཐད་ཅེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་འཇིག་རྟེན་དགའ་ཞེས་བྱའོ། །རིམ་གྲོ་པ་ནི་བདུད་རྩིའི་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྨྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ཕྲ་བ་སྤོང་ཞེས་བྱའོ། །འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་སྒྲོན་མའི་རྒྱལ་པོ་སྐྱེ་བའི་ཡུལ་ནི་བདུད་རྩིའི་སྤོས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་ཉིས་སྟོང་ངོ་། །ཡབ་ནི་བསོད་
ནམས་ཀྱི་འབྱུང་གནས་ཞེས་བྱའོ། །ཡུམ་ནི་མེ་ཏོག་གི་ཏོག་ཅེས་བྱའོ། །སྲས་ནི་རིན་ཆེན་བཟང་པོ་ཞེས་བྱའོ། །རིམ་གྲོ་པ་ནི་རིན་ཆེན་མཐའ་ཡས་བཀོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དབྱངས་བྱིན་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་རིན་ཆེན་མཐའ་ཡས་བཀོད་ཅེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །
40-1-270b


སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དབྱངས་ཀྱིས་བསྐུལ་བ་སྐྱེ་བའི་ཡུལ་ནི་ཡིད་དུ་འོང་བའི་དབྱངས་ཤེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉིས་སྟོང་དྲུག་བརྒྱའོ། །ཡབ་ནི་སྒྲོན་མའི་རྒྱལ་པོ་ཞེས་བྱའོ། །
ཡུམ་ནི་གཟི་བརྗིད་ཆེན་མོ་ཞེས་བྱའོ། །སྲས་ནི་རིན་ཆེན་རྣམ་པར་གྲགས་ཤེས་བྱའོ། །རིམ་གྲོ་པ་ནི་འཁྲུལ་པ་མེད་པར་སེམས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིག་སྡུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་བསོད་ནམས་སྒྲོན་མ་ཞེས་བྱའོ། །འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ཉི་ཁྲིའི་བར་དུ་གནས་སོ། །སྐུ་
གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཽ་ཏ་མ་སྐྱེ་བའི་ཡུལ་ནི་དྲང་སྲོང་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་བཞི་སྟོང་ངོ་། །ཡབ་ནི་བསམ་གཏན་
དགའ་ཞེས་བྱའོ། །ཡུམ་ནི་ཡིད་དུ་འོང་ཞེས་བྱའོ། །སྲས་ནི་ཙམ་པ་མཆོག་ཅེས་བྱའོ། །རིམ་གྲོ་པ་ནི་བདུད་རྩིའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
བརྩོན་འགྲུས་བརྟན་པོའི་གོ་བགོས་པ་ཞེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་བྱེ་བ་བརྒྱ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་བཞི་ཁྲི་བཞི་སྟོང་
གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མདངས་སྟོབས་སྐྱེ་བའི་ཡུལ་ནི་ཡིད་འོང་མཐོང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཁྲི་བརྒྱད་སྟོང་ངོ་། །ཡབ་ནི་ཟླ་བའི་ཏོག་
ཅེས་བྱའོ། །ཡུམ་ནི་ལྟ་བ་གསལ་ཞེས་བྱའོ། །སྲས་ནི་སྙིང་སྟོབས་མཆོག་ཅེས་བྱའོ། །རིམ་གྲོ་པ་ནི་བདེན་གྲོགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་གྱི་མཆོག་ནི་
40-1-271a


ཡིད་དུ་འོང་བྱིན་ཞེས་བྱའོ། །འདུས་པ་ནི་ལན་བརྒྱད་བཅུ་རྩ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་བརྒྱད་བཅུ་རྩ་རེ་རེའོ། །སྐུ་ཚེའི་ཚད་ནི་ལོ་བརྒྱད་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་གནས་པའི་རང་བཞིན་སྐྱེ་བའི་ཡུལ་ནི་འོད་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་བཅུ་རྩ་གཅིག་གོ། །ཡབ་ནི་ལྷས་མཆོད་ཅེས་བྱའོ། །ཡུམ་
ནི་ལྷས་མཆོད་མ་ཞེས་བྱའོ། །སྲས་ནི་བདེན་པའི་ཏོག་ཅེས་བྱའོ། །རིམ་གྲོ་པ་ནི་མཚན་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་བཀོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཀྱི་སྤོང་བ་ཞེས་བྱའོ། །
འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་
ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་བཟང་པོ་སྐྱེ་བའི་ཡུལ་ནི་འཇིག་རྟེན་མངོན་པར་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བཅུའོ། །ཡབ་ནི་ཟླ་མཆོག་ཅེས་བྱའོ། །ཡུམ་ནི་སྣང་བ་བྱིན་
ཞེས་བྱའོ། །སྲས་ནི་རིན་ཆེན་དཔལ་ཞེས་བྱའོ། །རིམ་གྲོ་པ་ནི་ཡོན་ཏན་གྲགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་རིན་ཆེན་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཁ་ལོ་
བསྒྱུར་ཞེས་བྱའོ། །འདུས་པ་ནི་ལན་བདུན་བཅུ་རྩ་དྲུག་སྟེ། ཐམས་ཅད་ལ་ཡང་འབུམ་ཕྲག་བདུན་བཅུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་བདུན་ཁྲི་ཆིག་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་སྐྱེ་བའི་ཡུལ་ནི་བདུད་རྩིའི་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲིའོ། །ཡབ་ནི་ཡེ་ཤེས་མེ་ཏོག་ཅེས་བྱའོ། །
40-1-271b


ཡུམ་ནི་ཆོས་ཀྱི་མེ་ཏོག་ཅེས་བྱའོ། །སྲས་ནི་སྟོན་པ་གྲགས་ཤེས་བྱའོ། །རིམ་གྲོ་པ་ནི་ཐར་པ་པད་མ་དཀར་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པའི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ཤེས་རབ་མཐའ་ཡས་ཤེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་དྲུག་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་བཀྲ་ཤིས་སྐྱེ་བའི་ཡུལ་ནི་མཐོ་བ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་ལེགས་མཐོང་ཞེས་བྱའོ། །ཡུམ་ནི་དལ་གྱིས་འགྲོ་ཞེས་བྱའོ། །
སྲས་ནི་སེང་གེའི་སྒྲ་ཞེས་བྱའོ། །རིམ་གྲོ་པ་ནི་དྲག་ཤུལ་སྡེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ནོར་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་སེམས་ཤེས་བྱའོ། །འདུས་པ་ནི་ལན་བཅུ་དྲུག་སྟེ། 
ཐམས་ཅད་ལ་ཡང་ཐེར་འབུམ་ཕྲག་དགུ་བཅུ་དགུ་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་ལེགས་སྟོན་སྐྱེ་བའི་ཡུལ་ནི་སྟོན་པའི་མཆོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་ཕྲག་བརྒྱད་དོ། །ཡབ་ནི་རིན་ཆེན་གྲགས་པ་ཞེས་བྱའོ། །ཡུམ་ནི་བློ་གྲོས་རྒྱ་ཆེན་ཞེས་
བྱའོ། །སྲས་ནི་མཆོད་བྱིན་ཞེས་བྱའོ། །རིམ་གྲོ་པ་ནི་དགའ་བའི་གཟི་བརྗིད་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་གཟི་བརྗིད་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་བློ་
གྲོས་གྲགས་ཤེས་བྱའོ། །འདུས་པ་ནི་ལན་བདུན་བཅུ་རྩ་བདུན་ཏེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་ཉི་ཁྲི་བཞི་སྟོང་གི་བར་དུ་གནས་སོ། །སྐུ་གདུང་
40-1-272a


ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་གཟི་བརྗིད་སྟོབས་སྐྱེ་བའི་ཡུལ་ནི་གཞན་གྱིས་མི་ཐུབ་པའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཏུ་མེད་དོ། །ཡབ་ནི་མྱ་ངན་བྱིན་ཞེས་
བྱའོ། །ཡུམ་ནི་འཇིག་རྟེན་ཟླ་བ་ཞེས་བྱའོ། །སྲས་ནི་ཉི་མའི་འོད་ཟེར་ཞེས་བྱའོ། །རིམ་གྲོ་པ་ནི་ཡེ་ཤེས་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་ཉི་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ལྷ་མཆོག་མཆོད་ཅེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་འབུམ་ཕྲག་ཉི་ཤུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་དགེ་བའི་སྒྲོན་མ་སྐྱེ་བའི་ཡུལ་ནི་བདུད་རྩིའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པའི་མཐའ་ཡས་འགྲོ་ཞེས་བྱའོ། །ཡུམ་ནི་
དགྲ་བཅོམ་མེ་ཏོག་རིན་ཆེན་གཟི་བརྗིད་ཅེས་བྱའོ། །སྲས་ནི་ལྷས་མཆོད་ཟླ་བ་ཞེས་བྱའོ། །རིམ་གྲོ་པ་ནི་གྲོལ་བའི་ཕུང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་
ནི་བདེན་པའི་བློ་གྲོས་གཟི་བརྗིད་ཅེས་བྱའོ། །འདུས་པ་ནི་ལན་དགུ་བཅུ་རྩ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་སུམ་བཅུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་རྩལ་བརྟན་པོ་སྐྱེ་བའི་ཡུལ་ནི་ཐུབ་དཀའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །ཡབ་
ནི་ཟླ་ལུས་ཤེས་བྱའོ། །ཡུམ་ནི་ཐར་པ་དམིགས་ཤེས་བྱའོ། །སྲས་ནི་གྲགས་ཆེན་ཞེས་བྱའོ། །རིམ་གྲོ་པ་ནི་དགའ་དབྱངས་འདམ་བུ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་གནས་རྒྱལ་མཚན་ཞེས་བྱའོ། །
40-1-272b


རྫུ་འཕྲུལ་ཅན་རྣམས་ཀྱི་མཆོག་ནི་ང་རོ་འཇམ་པའི་དབྱངས་ཤེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་
སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་སྒྲ་སྐྱེ་བའི་ཡུལ་ནི་ཡིད་དུ་འོང་བས་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་ལྷ་མཆོད་ཅེས་བྱའོ། །ཡུམ་ནི་བཀོད་པ་ལེགས་
མཐོང་ཞེས་བྱའོ། །སྲས་ནི་མེ་ཏོག་གི་བློ་གྲོས་ཤེས་བྱའོ། །རིམ་གྲོ་པ་ནི་གཟི་བརྗིད་མདངས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་དགའ་བའི་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་ཏིང་ངེ་འཛིན་
ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་སུམ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་
རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བ་སྐྱེ་བའི་ཡུལ་ནི་ཀུན་དུ་སྒྲ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དགུ་ཁྲི་བརྒྱད་སྟོང་ངོ་། །ཡབ་ནི་བདེན་སྨྲ་ཞེས་བྱའོ། །ཡུམ་ནི་མེ་ཏོག་མ་ཞེས་
བྱའོ། །སྲས་ནི་གཟི་བརྗིད་རིན་ཆེན་བདུན་ཞེས་བྱའོ། །རིམ་གྲོ་པ་ནི་བདུད་རྩི་ཤིས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་དུ་མཐོང་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་འགྲོ་བའི་སྟོབས་
ཤེས་བྱའོ། །འདུས་པ་ནི་ལན་བརྒྱད་བཅུ་རྩ་བརྒྱད་དེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཉི་མའི་ཞལ་སྐྱེ་བའི་ཡུལ་ནི་བཀོད་པ་མཐའ་ཡས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་སུམ་སྟོང་ངོ་། །ཡབ་ནི་སྐྱོབ་
40-1-273a


པ་ཞེས་བྱའོ། །ཡུམ་ནི་ཁ་ལོ་བསྒྱུར་བའི་ཏོག་ཅེས་བྱའོ། །སྲས་ནི་དབྱངས་སྙན་ཞེས་བྱའོ། །རིམ་གྲོ་པ་ནི་བརྟུལ་ཞུགས་མི་ཚུགས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་ལེགས་གནས་ཤེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་ཀུན་ལས་ཤིན་དུ་འཕགས་པ་ཞེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་བྱེ་བ་ཕྲག་ཉི་ཤུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བདུན་ཁྲི་བཞི་སྟོང་ངོ་། །
དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐར་པའི་བརྟུལ་ཞུགས་སྐྱེ་བའི་ཡུལ་ནི་སྙན་པར་གྲགས་པའི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་
དཔག་ཚད་སྟོང་ངོ་། །ཡབ་ནི་ཡིད་འོང་གྲགས་ཤེས་བྱའོ། །ཡུམ་ནི་ཡིད་འཐད་མཚན་མཐོང་ཞེས་བྱའོ། །སྲས་ནི་མཐོང་ཆེན་གྲགས་ཤེས་བྱའོ། །རིམ་གྲོ་པ་ནི་གཟི་བརྗིད་བློ་གྲོས་བདེ་ཞེས་བྱའོ། །ཤེས་རབ་ཅན་རྣམས་ཀྱི་
མཆོག་ནི་སེམས་པ་རོ་གཅིག་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་ཀྱི་དཔུང་རབ་ཏུ་འཇོམ་པའི་གཟི་བརྗིད་ཅེས་བྱའོ། །འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་
གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚུལ་ཁྲིམས་འོད་སྐྱེ་བའི་ཡུལ་ནི་ཁ་ན་མ་ཐོ་
བ་མེད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཁྲི་ལྔ་སྟོང་ངོ་། །ཡབ་ནི་སེང་གེའི་བརྟུལ་ཞུགས་བློ་ཞེས་བྱའོ། །ཡུམ་ནི་གཟི་བརྗིད་མཐའ་ཡས་མཆོད་ཅེས་བྱའོ། །སྲས་ནི་མཆོད་གྲགས་ཏོག་ཅེས་བྱའོ། །
རིམ་གྲོ་པ་ནི་ཡོན་ཏན་ཀུན་དུ་སྤྱོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་སྣང་བ་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷའི་མཐུ་རྩལ་སྟོབས་ཤེས་བྱའོ། །འདུས་པ་ནི་ལན་དགུ་བཅུ་སྟེ། 
40-1-273b


ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་ཕྲག་བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྟུལ་ཞུགས་གནས་སྐྱེ་
བའི་ཡུལ་ནི་དགྲ་བཅོམ་སྤོང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དུང་ཕྱུར་ཕྲག་བརྒྱད་དོ། །ཡབ་ནི་ཀུན་དུ་གཟི་བརྗིད་དཔལ་ཞེས་བྱའོ། །ཡུམ་ནི་ཡོན་ཏན་གསལ་མཆོད་མ་ཞེས་བྱའོ། །སྲས་ནི་ལྷ་མཆོག་
མེ་ཏོག་མཆོད་གྲགས་ཤེས་བྱའོ། །རིམ་གྲོ་པ་ནི་ཁ་ལོ་བསྒྱུར་བར་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོས་བརྟན་དགེ་བ་ཡངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མིའི་མཆོད་རྟེན་ཞེས་བྱའོ། །
འདུས་པ་ནི་ལན་དགུ་བཅུ་རྩ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྡུལ་མེད་སྐྱེ་བའི་ཡུལ་ནི་སྐྱོན་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་ལྔ་སྟོང་ངོ་། །ཡབ་ནི་རིན་ཆེན་ཟླ་བ་ཞེས་བྱའོ། །ཡུམ་ནི་ཏོག་
བཟངས་ཤེས་བྱའོ། །སྲས་ནི་ཀུན་ནས་རིན་ཆེན་མེ་ཏོག་ཅེས་བྱའོ། །རིམ་གྲོ་པ་ནི་ཆེན་པོ་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་མཐའ་ཡས་ཕུང་པོའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་མཐུ་རྩལ་སྟོབས་གྲུབ་མཆོད་སྦྱིན་ཞེས་བྱའོ། །འདུས་པ་ནི་ལན་བརྒྱད་བཅུ་རྩ་དྲུག་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་བདུན་ཁྲི་བཞི་སྟོང་
གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙིང་པོ་འཕགས་སྐྱེ་བའི་ཡུལ་ནི་མཛེས་པ་མི་གཡོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་བདུད་
40-1-274a


རྩིའི་བཀོད་པ་ཞེས་བྱའོ། །ཡུམ་ནི་བློ་གྲོས་གྲགས་མ་ཞེས་བྱའོ། །སྲས་ནི་ཆོས་ཀྱི་རྒྱལ་མཚན་ཞེས་བྱའོ། །རིམ་གྲོ་པ་ནི་ཡུལ་འཁོར་སྙོམས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ངན་སོང་སྤོང་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་གསལ་བ་ཏོག་ཅེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་
བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མིག་སྨན་སྐྱེ་བའི་ཡུལ་ནི་སྤོས་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
མཐའ་ཡས་སོ། །ཡབ་ནི་ཡོན་ཏན་ཐམས་ཅད་གྲགས་ཤེས་བྱའོ། །ཡུམ་ནི་ཡིད་འོང་བྱིན་ཅེས་བྱའོ། །སྲས་ནི་བདེན་པའི་མེ་ཏོག་ཅེས་བྱའོ། །རིམ་གྲོ་པ་ནི་བསོད་ནམས་བློ་གྲོས་ཤེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་མཚན་གྱི་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པ་མི་གཡོ་བ་ཞེས་བྱའོ། །འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་ཐེར་འབུམ་ཕྲག་སུམ་བཅུ་རྩ་གཉིས་གཉིས་སོ། །
སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ཉི་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཕེལ་བར་མཛད་པ་སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བཞི་སྟོང་ངོ་། །ཡབ་ནི་ལེགས་བཟང་ཞེས་བྱའོ། །ཡུམ་ནི་གཟི་བརྗིད་མཐའ་ཡས་མཐོང་ཞེས་བྱའོ། །སྲས་ནི་འཇིག་རྟེན་མཆོད་ཅེས་བྱའོ། །རིམ་གྲོ་པ་ནི་ཀུན་དུ་
སྦེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་མཐའ་ཡས་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་པ་དང་མི་མཉམ་པའི་བློ་ཞེས་བྱའོ། །འདུས་པ་ནི་ལན་དགུ་བཅུ་རྩ་གཉིས་ཏེ། 
40-1-274b


ཐམས་ཅད་ལ་ཡང་ས་ཡ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་འོད་སྐྱེ་བའི་ཡུལ་ནི་བདུད་
རྩིའི་སྤོས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་དྲུག་བརྒྱའོ། །ཡབ་ནི་བདུད་ཟིལ་གྱིས་གནོན་པ་ཞེས་བྱའོ། །ཡུམ་ནི་ཡུལ་འཁོར་ལྷ་ཆེན་ཞེས་བྱའོ། །སྲས་ནི་འབྱོར་གྲགས་ཤེས་བྱའོ། །རིམ་
གྲོ་པ་ནི་འཕགས་བྱིན་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་མི་གཡོ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མཆོག་སེམས་པའི་དབྱངས་ཤེས་བྱའོ། །འདུས་པ་དང་པོ་ལ་ནི་ཉན་ཐོས་
བརྒྱད་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་པ་ལ་ནི་ས་ཡའོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་དུས་མཁྱེན་འོད་སྐྱེ་བའི་ཡུལ་ནི་རྣམ་པར་འབྱེད་པའི་སྡེ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པ་མཆོག་ཅེས་བྱའོ། །ཡུམ་ནི་སེང་གེའི་ང་རོ་ཞེས་བྱའོ། །སྲས་
ནི་ཕྱོགས་མཆོད་ཅེས་བྱའོ། །རིམ་གྲོ་པ་ནི་དྲང་སྲོང་བློ་གྲོས་འགྲོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཤེས་གཉེན་མཐའ་ཡས་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཛེས་བྱིན་ཞེས་
བྱའོ། །འདུས་པ་ནི་ལན་འབུམ་སྟེ། རེ་རེ་པོ་ཐམས་ཅད་ལ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་དཔག་ཏུ་མེད་དོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་
གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲན་པའི་དབང་པོ་སྐྱེ་བའི་ཡུལ་ནི་གཟི་བརྗིད་ཕུང་པོ་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲི་ཉིས་སྟོང་ངོ་། །ཡབ་ནི་མཐུ་རྩལ་གྲགས་ཤེས་བྱའོ། །
40-1-275a


ཡུམ་ནི་མྱ་ངན་ལས་འདས་པའི་གཟི་བརྗིད་ཅེས་བྱའོ། །སྲས་ནི་ཆོས་ཀྱི་མར་མེ་སྐར་མདའ་ཞེས་བྱའོ། །རིམ་གྲོ་པ་ནི་བདེན་པའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཟང་ལྡན་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་བློ་འདས་ཤེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་ཉི་ཤུ་རྩ་ལྔ་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཐོགས་པ་མེད་པའི་རྒྱལ་མཚན་སྐྱེ་བའི་ཡུལ་ནི་མཐའ་ཡས་བརྒྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་བདུན་ཁྲིའོ། །ཡབ་ནི་ཟླ་བའི་གཟི་བརྗིད་མཐུ་ཞེས་བྱའོ། །ཡུམ་ནི་ཉི་མའི་གཟི་བརྗིད་ཕུང་པོའི་འོད་ཅེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་བརྟུལ་ཞུགས་རྫོགས་པ་ལྷ་མཆོད་གྲགས་ཤེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་འབྱོར་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ལྷ་ཡེ་ཤེས་མཐོང་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་
ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བྱང་ཆུབ་མཆོག་བགྲོད་སྐྱེ་བའི་ཡུལ་ནི་ཡེ་ཤེས་སྣང་བ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བདུན་བརྒྱའོ། །ཡབ་ནི་བསོད་ནམས་ཁ་ལོ་བསྒྱུར་ཞེས་བྱའོ། །ཡུམ་ནི་རིན་ཆེན་སྦྱིན་ཞེས་བྱའོ། །སྲས་ནི་ང་རོ་བདེ་ཞེས་བྱའོ། །རིམ་གྲོ་པ་ནི་ལྷའི་བྱང་ཆུབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
མཐའ་ཡས་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་བློ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་འབུམ་ཕྲག་བཅུ་བཞི་བཅུ་བཞིའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །
40-1-275b


དམ་པའི་ཆོས་ཀྱང་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤྱོད་པ་གསལ་སྐྱེ་བའི་ཡུལ་ནི་སྤྱོད་པ་དང་ལྡན་ཞེས་བྱའོ། །རིགས་ནི་རྒྱལ་རིགས་སོ། །
འོད་ནི་དཔག་ཚད་དགུ་སྟོང་ངོ་། །ཡབ་ནི་ལྷ་མཆོད་ཅེས་བྱའོ། །ཡུམ་ནི་འབྱོར་པའི་འོད་ཅེས་བྱའོ། །སྲས་ནི་རིན་ཆེན་ཏོག་གི་རྒྱལ་མཚན་ཞེས་བྱའོ། །རིམ་གྲོ་པ་ནི་རིན་ཆེན་མཐའ་ཡས་མཛོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
བསོད་ནམས་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་འབྱོར་ཞེས་བྱའོ། །འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །དམ་པའི་
ཆོས་ཀྱང་ལོ་བརྒྱད་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་དགྱེས་སྐྱེ་བའི་ཡུལ་ནི་ཟླ་བ་སྣང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་ལེགས་
མཐོང་སྒྲོན་མའི་རྒྱལ་པོ་ཞེས་བྱའོ། །ཡུམ་ནི་མཐའ་ཡས་འོད་ཅེས་བྱའོ། །སྲས་ནི་ཟླ་མཛེས་ཤེས་བྱའོ། །རིམ་གྲོ་པ་ནི་བློ་གྲོས་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོད་འོས་ཁ་ལོ་བསྒྱུར་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་ཤིན་དུ་གྲགས་པ་ཞེས་བྱའོ། །འདུས་པ་ནི་ལན་དགུ་བཅུ་རྩ་དགུ་སྟེ། ཐམས་ཅད་ལ་ཡང་ས་ཡ་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཆོས་ཀྱི་དབང་ཕྱུག་སྐྱེ་བའི་ཡུལ་ནི་བསོད་ནམས་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་སྒྲ་མཆོག་ཅེས་བྱའོ། །ཡུམ་ནི་བློ་གྲོས་
གྲགས་ཤེས་བྱའོ། །སྲས་ནི་ཡེ་ཤེས་འབྱོར་ཅེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆགས་མེད་རྟོག་སྤོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་མཐུ་རྩལ་སྤྱོད་པའི་སྟོབས་ཤེས་བྱའོ། །
40-1-276a


འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བརྒྱད་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་དགུ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་ལྷ་ཐམས་ཅད་སྐྱེ་བའི་ཡུལ་ནི་འོད་འཕྲོ་ཏོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་ངོ་། །ཡབ་ནི་ཟླ་མཐོང་ཞེས་བྱའོ། །ཡུམ་ནི་ཡིད་འོང་མེ་ཏོག་ཅེས་བྱའོ། །སྲས་ནི་ཐར་པའི་རྒྱན་
བཀོད་པའི་རྒྱལ་པོ་ཞེས་བྱའོ། །རིམ་གྲོ་པ་ནི་ཐར་པ་ལ་དགའ་བའི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་གཞན་གྱིས་མི་ཐུབ་པའི་སྟོབས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
ཡོན་ཏན་ཀུན་དུ་གྲགས་ཤིང་རྣམ་པར་འཕྲུལ་པར་གྲགས་པའི་སྤོབས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་བཅུའོ། །གཉིས་པ་ལ་ནི་བྱེ་བ་སྟོང་ཕྲག་ཉི་ཤུའོ། །གསུམ་པ་ལ་ནི་བྱེ་བ་སྟོང་ཕྲག་ལྔ་བཅུའོ། །
བཞི་པ་ལ་ནི་བྱེ་བ་སྟོང་ཕྲག་བརྒྱད་བཅུའོ། །ལྔ་པ་ལ་ནི་བྱེ་བ་སྟོང་ཕྲག་བརྒྱའོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་
པ་བཤེས་གཉེན་ཆེན་པོ་སྐྱེ་བའི་ཡུལ་ནི་རིན་པོ་ཆེ་མཐའ་ཡས་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་སྟོང་དྲུག་བརྒྱའོ། །ཡབ་ནི་འཇིག་རྟེན་ལས་འདས་པ་ཞེས་བྱའོ། །ཡུམ་ནི་
སྒྲོན་མ་མཆོག་ཅེས་བྱའོ། །སྲས་ནི་ལེགས་མཐོང་བཟོད་ཅེས་བྱའོ། །རིམ་གྲོ་པ་ནི་གཟི་བརྗིད་ཕུང་པོ་མཐའ་ཡས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་སྣང་བྱེད་འོད་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་གྲགས་ཤེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་
40-1-276b


ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཤེས་གཉེན་བཟང་པོ་སྐྱེ་བའི་ཡུལ་ནི་གཟི་བརྗིད་ཆེན་པོ་ཞེས་བྱའོ། །
རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་མི་གཡོ་བར་གནས་པ་ཞེས་བྱའོ། །ཡུམ་ནི་མཆོད་པ་འབྱོར་ཅེས་བྱའོ། །སྲས་ནི་ཐར་པ་དགའ་ཞེས་བྱའོ། །རིམ་གྲོ་པ་ནི་མྱ་ངན་འདས་པའི་སྙིང་པོ་ཞེས་
བྱའོ། །ཤེས་རབ་ཅན་རྣམས་ཀྱི་མཆོག་ནི་གྲགས་པ་བརྒྱན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྱོར་དགའ་སེང་གེའི་སྟོབས་ཤེས་བྱའོ། །འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་ཕྱིར་
མི་ལྡོག་པའི་བྱང་ཆུབ་སེམས་དཔའ་བྱེ་བ་ཁྲི་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་རབ་ཏུ་ཞི་བའི་སྟོབས་སྐྱེ་བའི་ཡུལ་ནི་ཡུལ་བཟང་མཆོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲིའོ། །ཡབ་ནི་ཆོས་ཀྱི་ལྷ་ཞེས་བྱའོ། །ཡུམ་ནི་ཡིད་དུ་འོང་བའི་
དབྱངས་ཀྱི་དབང་ཕྱུག་རྒྱལ་པོ་ཞེས་བྱའོ། །སྲས་ནི་དབང་པོ་དུལ་ཞེས་བྱའོ། །རིམ་གྲོ་པ་ནི་ས་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྣང་བ་མཐའ་ཡས་དཔལ་ཞེས་བྱའོ། །རྫུ་འཕྲུལ་ཅན་
རྣམས་ཀྱི་མཆོག་ནི་ལག་ན་རིན་ཆེན་ཏོག་གི་རྒྱལ་མཚན་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་
དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བདུད་རྩིའི་བདག་པོ་སྐྱེ་བའི་ཡུལ་ནི་གྲགས་པ་སྤོང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཁྲི་དྲུག་སྟོང་ངོ་། །
40-1-277a


ཡབ་ནི་ཟབ་པར་གྲགས་ཤེས་བྱའོ། །ཡུམ་ནི་དགྲ་བཅོམ་མཆོད་ཅེས་བྱའོ། །སྲས་ནི་དགྲ་སྤོང་ང་རོ་ཞེས་བྱའོ། །རིམ་གྲོ་པ་ནི་ཡུལ་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དཔལ་གྲགས་ཤེས་བྱའོ། །རྫུ་
འཕྲུལ་ཅན་ཀྱི་མཆོག་ནི་ལྷ་གྲགས་ཐར་པ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་
པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷུན་པོའི་འོད་སྐྱེ་བའི་ཡུལ་ནི་རི་བོ་བརྩེགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་མོ། །ཡབ་ནི་ལྷའི་མེ་ཏོག་ཅེས་བྱའོ། །ཡུམ་
ནི་འབྱོར་གྲགས་ཤེས་བྱའོ། །སྲས་ནི་ཐར་པ་བརྩེགས་ཤེས་བྱའོ། །རིམ་གྲོ་པ་ནི་ལྷའི་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷའི་ཟླ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་
པ་ནི་ཐེར་འབུམ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འཕགས་པས་བསྟོད་
པ་སྐྱེ་བའི་ཡུལ་ནི་བློ་གྲོས་གྲགས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲིའོ། །ཡབ་ནི་མཐའ་ཡས་སྦེད་ཅེས་བྱའོ། །ཡུམ་ནི་གྲགས་པའི་ཕྲེང་བ་ཞེས་བྱའོ། །སྲས་ནི་ལྷ་སྦེད་ཅེས་བྱའོ། །རིམ་གྲོ་
པ་ནི་གྲགས་པ་སྤོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་ཀུན་གྱིས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་པ་གྲགས་ཤེས་བྱའོ། །འདུས་པ་ནི་ལན་བཅྭ་བརྒྱད་དེ། ཐམས་ཅད་ལ་ཡང་བྱེ་བ་
འབུམ་ཕྲག་བཅྭ་བརྒྱད་བཅྭ་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་ལྡན་སྐྱེ་བའི་ཡུལ་ནི་གཟི་བརྗིད་ཕུང་པོ་ཞེས་
40-1-277b


བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །ཡབ་ནི་ཟང་ཟིང་སྤངས་ཤེས་བྱའོ། །ཡུམ་ནི་མཆོག་སྦྱིན་ཞེས་བྱའོ། །སྲས་ནི་རྣམ་པར་གྲགས་པའི་རྒྱལ་པོ་ཞེས་བྱའོ། །རིམ་གྲོ་པ་ནི་མཐུ་རྩལ་རྡོ་རྗེ་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་བདུད་རྩིའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེད་དཔོན་ཆེན་པོ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་དྲུག་བཅུ་རྩ་བདུན་བདུན་ནོ། །སྐུ་ཚེའི་ཚད་ནི་ལོ་དགུ་
ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་འབར་བ་སྐྱེ་བའི་ཡུལ་ནི་སྣང་བ་མཐའ་ཡས་ཤེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་ལྷ་བདེ་ཞེས་བྱའོ། །ཡུམ་ནི་ཐར་པ་མཆོག་ཅེས་བྱའོ། །སྲས་ནི་མྱ་ངན་ལས་འདས་པའི་མེ་ཏོག་ཅེས་བྱའོ། །རིམ་གྲོ་པ་ནི་སྲེད་མེད་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
ཉོན་མོངས་པ་མེད་པར་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་ཐམས་ཅད་དུ་གྲགས་པ་ཞེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ་། །
དམ་པའི་ཆོས་ནི་ལོ་བདུན་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣང་བ་གཟིགས་སྐྱེ་བའི་ཡུལ་ནི་སྣང་བ་མཐའ་ཡས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །
ཡབ་ནི་འོད་ཟེར་ཡངས་པ་ཞེས་བྱའོ། །ཡུམ་ནི་ཡིད་འོང་གཟི་བརྗིད་ཅེས་བྱའོ། །སྲས་ནི་བདུད་རྩི་བཀོད་པ་ཞེས་བྱའོ། །རིམ་གྲོ་པ་ནི་བདེན་པའི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པས་རྣམ་པར་
བརྩེ་བ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱང་ཆུབ་སྟོབས་ཤེས་བྱའོ། །འདུས་པ་ནི་ལན་བརྒྱད་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་དགུ་ཁྲི་དགུ་སྟོང་ངོ་། །དམ་པའི་ཆོས་
40-1-278a


ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལེགས་སྦྱང་རྣམ་པར་སྨིན་པ་སྐྱེ་བའི་ཡུལ་ནི་བྱང་ཆུབ་གསལ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །
ཡབ་ནི་ཡུལ་དགའ་ཞེས་བྱའོ། །ཡུམ་ནི་བདུད་རྩིའི་གྲགས་ཤེས་བྱའོ། །སྲས་ནི་ལྷ་བདེན་ཞེས་བྱའོ། །རིམ་གྲོ་པ་ནི་འཇིག་རྟེན་བསྡུས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་བས་སྤོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
མཐའ་ཡས་ཤེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་འབུམ་ཕྲག་བཞི་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་དགྱེས་སྐྱེ་བའི་ཡུལ་ནི་འོད་ཟེར་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་ཆུ་ལྷའི་བདག་ཅེས་བྱའོ། །
ཡུམ་ནི་ཤེས་རབ་འཕགས་ཤེས་བྱའོ། །སྲས་ནི་བདེན་པའི་སྟོབས་ཤེས་བྱའོ། །རིམ་གྲོ་པ་ནི་སེང་གེས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འོད་ཟེར་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་སྤངས་
ཤེས་བྱའོ། །འདུས་པ་ནི་ལན་བདུན་བཅུ་སྟེ། ཐམས་ཅད་ལ་ཡང་བྱེ་བ་འབུམ་ཕྲག་སུམ་བཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །
དེ་བཞིན་གཤེགས་པ་མྱ་ངན་བྲལ་སྐྱེ་བའི་ཡུལ་ནི་གཟི་བརྗིད་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་ཁྲི་དགུ་སྟོང་ངོ་། །ཡབ་ནི་ཐར་པའི་རྒྱལ་མཚན་ཞེས་བྱའོ། །ཡུམ་ནི་འཕགས་པའི་མེ་ཏོག་ཅེས་བྱའོ། །
སྲས་ནི་ཡོན་ཏན་ཀུན་སྦེད་ཅེས་བྱའོ། །རིམ་གྲོ་པ་ནི་ཡེ་ཤེས་འོད་ཟེར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷའི་སྒྲོན་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕུང་པོ་བཟང་པོ་འོད་ཅེས་བྱའོ། །འདུས་པ་ནི་ལན་སུམ་བཅུ་
40-1-278b


སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་འོད་སྐྱེ་བའི་ཡུལ་ནི་ཀུན་དུ་ཡོན་ཏན་
ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་བློ་གྲོས་ཟླ་བ་ཞེས་བྱའོ། །ཡུམ་ནི་ངེས་པར་གྲགས་པ་ཞེས་བྱའོ། །སྲས་ནི་བདུད་རྩིའི་མིག་ཅེས་བྱའོ། །རིམ་གྲོ་པ་ནི་ཕྱོགས་གྲགས་རིན་ཆེན་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་མ་སྨད་གྲགས་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་དུ་བློ་ཞེས་བྱའོ། །འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་དྲུག་ཁྲི་དྲུག་
སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྤྱོད་པ་དང་ལྡན་པ་སྐྱེ་བའི་ཡུལ་ནི་སྐྱེ་བོའི་མཆོད་རྟེན་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཁྲིའོ། །ཡབ་ནི་རིན་ཆེན་གྲགས་ཤེས་བྱའོ། །ཡུམ་ནི་མེ་ཏོག་མན་དཱ་ར་བའི་གཟི་བརྗིད་ཅེས་བྱའོ། །སྲས་ནི་ལེགས་མཐོང་དགའ་ཞེས་བྱའོ། །རིམ་གྲོ་པ་ནི་མཐོང་ཆེན་བློ་གྲོས་
གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡུལ་འཁོར་ལྷ་སྦེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསམ་སྦྱིན་གྲགས་པ་ཤེས་བྱའོ། །འདུས་པ་ནི་ལན་སུམ་བཅུ་རྩ་བཞི་སྟེ། ཐམས་ཅད་ལ་ཡང་དུང་ཕྱུར་
ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དགུ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསོད་ནམས་སྟོབས་སྐྱེ་བའི་ཡུལ་ནི་བསོད་ནམས་
ཀྱི་ཕུང་པོའི་སྟེགས་ཤེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དུང་ཕྱུར་ཕྲག་བརྒྱད་དོ། །ཡབ་ནི་བློ་གྲོས་གྲགས་པ་ཞེས་བྱའོ། །ཡུམ་ནི་སྙིང་རྗེའི་ཤུགས་ཅན་ཞེས་བྱའོ། །སྲས་ནི་སྙིང་སྟོབས་ཞུམ་པ་མེད་པའི་བློ་
40-1-279a


ཞེས་བྱའོ། །རིམ་གྲོ་པ་ནི་ལྷའི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་པོ་ཆེས་རབ་ཏུ་བརྒྱན་པའི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཕྱོགས་བལྟ་གྲགས་ཤེས་བྱའོ། །འདུས་པ་
ནི་ལན་བདུན་བཅུ་སྟེ། ཐམས་ཅད་ལ་ཡང་ས་ཡ་ཕྲག་དགུ་དགུའོ། །སྐུ་ཚེའི་ཚད་ནི་ལོ་ལྔ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །
དེ་བཞིན་གཤེགས་པ་ཡོན་ཏན་རྒྱ་མཚོ་སྐྱེ་བའི་ཡུལ་ནི་བྱང་ཆུབ་སྒྲོན་མ་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་ནི་ཡོན་ཏན་མཐའ་ཡས་གྲགས་ཤེས་བྱའོ། །ཡུམ་ནི་
རིན་ཆེན་གྲགས་ཤེས་བྱའོ། །སྲས་ནི་ལྷའི་གྲོང་ཁྱེར་གཙོ་ཞེས་བྱའོ། །རིམ་གྲོ་པ་ནི་ཤེད་རྫོགས་འདུ་ཤེས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐོང་དགའ་བེའུ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་སྐྱོན་མེད་
ཅེས་བྱའོ། །འདུས་པ་ནི་ལན་སུམ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་
རོ། །དེ་བཞིན་གཤེགས་པ་རྨད་དུ་བྱུང་བ་སྐྱེ་བའི་ཡུལ་ནི་མཆོད་གནས་སྤྱོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བཅུའོ། །ཡབ་ནི་གྲགས་པ་མཐའ་ཡས་ཞེས་བྱའོ། །ཡུམ་ནི་ཉི་མའི་སྙིང་པོ་གཟི་བརྗིད་
ཅེས་བྱའོ། །སྲས་ནི་ཡིད་འོང་གྲགས་པའི་རྒྱལ་མཚན་ཞེས་བྱའོ། །རིམ་གྲོ་པ་ནི་ཕན་ལྡན་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་པ་ལྷ་རྫས་རྫོགས་པ་ཤེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲེགས་
འོང་གྲགས་པའི་རྒྱལ་མཚན་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་
40-1-279b


གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ང་རྒྱལ་སྤོང་སྐྱེ་བའི་ཡུལ་ནི་གཟི་བརྗིད་རྫོགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཁྲི་ལྔ་སྟོང་ངོ་། །ཡབ་ནི་ཡུལ་འཁོར་ལྷ་ཞེས་བྱའོ། །ཡུམ་ནི་
བློ་གྲོས་བསོད་ནམས་ཏོག་ཅེས་བྱའོ། །སྲས་ནི་མཐའ་ཡས་འོད་ཅེས་བྱའོ། །རིམ་གྲོ་པ་ནི་མཚན་གྱི་གཟི་བརྗིད་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེང་གེའི་བློ་གྲོས་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རབ་
མཆོག་གསལ་བ་ཞེས་བྱའོ། །འདུས་པ་ནི་ལན་དྲུག་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་
རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདུད་བརླག་པར་མཛད་པ་སྐྱེ་བའི་ཡུལ་ནི་བྱང་ཆུབ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་འབུམ་མོ། །ཡབ་ནི་རིན་ཆེན་གཟི་བརྗིད་ཀུན་དུ་སྦེད་ཅེས་བྱའོ། །ཡུམ་ནི་
བཀོད་པ་དཔག་ཏུ་མེད་པའི་རྒྱལ་པོ་ཞེས་བྱའོ། །སྲས་ནི་རྣམ་པར་བརྩེ་བའི་ང་རོ་ཞེས་བྱའོ། །རིམ་གྲོ་པ་ནི་བྱམས་པ་མཐའ་ཡས་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་དབྱངས་ཤེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་འབྲུག་སྒྲ་མཐུ་རྩལ་ཞེས་བྱའོ། །འདུས་པ་ནི་ལན་དགུ་བཅུ་རྩ་དྲུག་སྟེ། ཐམས་ཅད་ལ་ཡང་འབུམ་ཕྲག་དྲུག་བཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་སུམ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་
གདུང་ནི་རྒྱས་པར་འགྱུར་རོ། །འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་གཉིས་པ། དེ་བཞིན་གཤེགས་པ་བག་ཆགས་ལས་རྒལ་བའི་སྟབས་
སྐྱེ་བའི་ཡུལ་ནི་བཀོད་པ་མཚུངས་པ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བ་ཕྲག་འབུམ་མོ། །ཡབ་ནི་འཇིག་རྟེན་སྙན་པར་གྲགས་ཤེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་
40-1-280a


དགའ་དང་གྲགས་ཤེས་བྱའོ། །རིམ་གྲོ་པ་ནི་གྲགས་པའི་བློ་གྲོས་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མིའི་ཟླ་བའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐྱེ་དབང་མཚུངས་ཤེས་བྱའོ། །
འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་
ཏུ་ཟད་དོ། །དེ་བཞིན་གཤེགས་པ་མི་ཕྱེད་པའི་བློ་མངའ་བ་སྐྱེ་བའི་ཡུལ་ནི་བྱང་ཆུབ་ངེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་སུམ་བརྒྱའོ། །ཡབ་ནི་གཟི་བརྗིད་འབྱོར་ཅེས་བྱའོ། །ཡུམ་ནི་གྲགས་ཆེན་རྒྱལ་མཚན་
ཞེས་བྱའོ། །སྲས་ནི་རྒྱལ་མཚན་གྱི་གཟི་བརྗིད་ཅེས་བྱའོ། །རིམ་གྲོ་པ་ནི་ཡན་ལག་མ་སྨད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་རིན་པོ་ཆེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་གྲགས་པ་སེམས་ཤེས་
བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
རྒྱ་མཚོ་སྐྱེ་བའི་ཡུལ་ནི། དགའ་བ་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་ཁྲི་དགུ་སྟོང་ངོ་། །ཡབ་ནི་རྒྱུ་སྐར་ཏོག་ཅེས་བྱའོ། །ཡུམ་ནི་བདེ་སྟོབས་གྲགས་ཤེས་བྱའོ། །སྲས་ནི་བག་ཡོད་གཟི་བརྗིད་
ཅེས་བྱའོ། །རིམ་གྲོ་པ་ནི་མཁས་བརྩོན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་བདེན་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོས་ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་
ཅད་ལ་ཡང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དག་པར་མཛད་པ་སྐྱེ་བའི་
40-1-280b


ཡུལ་ནི་གཟི་བརྗིད་ཀྱིས་བརྒྱན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཁྲི་བདུན་སྟོང་ངོ་། །ཡབ་ནི་རིན་ཆེན་མེ་ཏོག་ཅེས་བྱའོ། །ཡུམ་ནི་ཡོན་ཏན་རིན་ཆེན་མེ་ཏོག་ཅེས་བྱའོ། །སྲས་ནི་སེང་གེའི་བློ་གྲོས་གྲགས་པ་ཞེས་བྱའོ། །
རིམ་གྲོ་པ་ནི་གཡོ་བ་མེད་པར་གནས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་སྙིང་པོ་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མངོན་པར་ཤེས་པས་རྣམ་པར་བརྩེ་བ་ཞེས་བྱའོ། །འདུས་པ་ནི་ལན་བདུན་བཅུ་སྟེ། 
ཐམས་ཅད་ལ་ཡང་དུང་ཕྱུར་ཕྲག་བཞི་བཞིའོ། །སྐུ་ཚེའི་ཚད་ནི་ལོ་བཞི་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་
ཚོགས་ཅན་གྲོལ་བའི་རྒྱལ་པོ་སྐྱེ་བའི་ཡུལ་ནི་རིན་པོ་ཆེའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་ཁྲིའོ། །ཡབ་ནི་ལུས་པ་མེད་པའི་བློ་ཞེས་བྱའོ། །ཡུམ་ནི་ཀུན་དུ་རིན་ཆེན་ཞེས་བྱའོ། །སྲས་ནི་མེ་ཏོག་
གཟི་བརྗིད་ཅེས་བྱའོ། །རིམ་གྲོ་པ་ནི་ཚྭ་རྒོ་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྲིད་པའི་སྲེད་པ་འཇོམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཛིན་པ་དཔག་མེད་ཅེས་བྱའོ། །འདུས་པ་ནི་ལན་དྲུག་བཅུ་
སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་དྲུག་ཁྲི་སུམ་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་
ཏུ་ཟད་དོ། །དེ་བཞིན་གཤེགས་པ་དགའ་བའི་འོད་སྐྱེ་བའི་ཡུལ་ནི་བྱང་ཆུབ་སྤྱད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་བརྒྱད་སྟོང་ངོ་། །ཡབ་ནི་ཡིད་འོང་གཟི་བརྗིད་ཅེས་བྱའོ། །ཡུམ་ནི་ང་རོ་སྙན་པའི་
སེང་གེའི་སྒྲ་ཞེས་བྱའོ། །སྲས་ནི་བཞིན་གཙང་ཞེས་བྱའོ། །རིམ་གྲོ་པ་ནི་མཆོད་གྲགས་ཤེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩིའི་བསྐྱེད་མོས་ཚལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་
40-1-281a


སེམས་ཤེས་བྱའོ། །འདུས་པ་ནི་ལན་དགུ་བཅུ་རྩ་བཞི་སྟེ། ཐམས་ཅད་ལ་ཡང་འབུམ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་
བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །བདེ་གཤེགས་བྱང་ཆུབ་རྒྱལ་མཚན་སྐྱེ་བ་ཡི། །ཡུལ་ནི་ཆོས་དག་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ལེགས་
བཟང་ཡིན། །ཆུ་ལྷ་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་རྩི་སྨན་དཔའ་བོ་རིམ་གྲོ་པ། །ཕྱོགས་མཆོད་ཅེས་ནི་བྱ་བ་མཁས་པ་སྟེ། །གཏི་མུག་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །
ཁམས་གསུམ་སྲིད་ལ་ངར་ནི་མི་འཛིན་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་བདུན་ཁྲི་ལྔ་སྟོང་ཡིན། །ཁྱུ་མཆོག་ཆེན་པོའི་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་བཞི་སྟོང་བར་དུ་གནས། །རྒྱལ་
བའི་སྐུ་གདུང་མཆོད་རྟེན་དཔག་ཚད་ནི། །བཅུ་དྲུག་པ་གཅིག་གསེར་གྱིས་མཛེས་པར་བྱས། །མི་ཡི་འདྲེན་པ་ཡེ་ཤེས་རིན་ཆེན་གྱི། །སྐྱེ་བའི་ཡུལ་ནི་ཐམས་ཅད་བརྒྱན་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །
དཔག་ཚད་ལྔ་བརྒྱ་ཡབ་ནི་ལེགས་མཆོག་ཡིན། །འཇིག་རྟེན་མཆོག་མ་ཞེས་བྱ་རྒྱལ་བའི་ཡུམ། །སྲས་པོ་གྲོལ་འདོད་ཟླ་བ་རིམ་གྲོ་པ། །ཀུན་དུ་དགའ་ཞེས་བྱ་བ་མཁས་པ་སྟེ། །ཁ་ལོ་བསྒྱུར་བའི་རྒྱལ་པོ་རྫུ་འཕྲུལ་ཅན། །
འདུས་པ་ལན་གྲངས་བདུན་བཅུ་ཀུན་ལ་ཡང་། །ང་མེད་ཚུལ་འཆོས་མེད་པའི་དགྲ་བཅོམ་པ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །
ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུར་འབྱུང་། །མི་ཡི་འདྲེན་པ་ཤིན་དུ་བསིལ་བ་ཡི། །སྐྱེ་ཡུལ་ཡེ་ཤེས་རྣམ་པར་གྲགས་ཤེས་
40-1-281b


བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གཉིས་ཡབ་ནི་ཚངས་བཟང་ཡིན། །ཡེ་ཤེས་འོད་ཅེས་བྱ་བ་རྒྱལ་བའི་ཡུམ། །སྲས་པོ་ལྷ་ཡིན་བློ་གྲོས་རིམ་གྲོ་པ། །བློ་ལྡན་སྙོམས་པ་བློ་གྲོས་ཅན་ཡིན་ཏེ། །འཇིག་
པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །དགྲ་བཅོམ་ཐམས་ཅད་ཕ་མཐར་ཕྱིན་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་
སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རྒྱལ་མཚན་མཆོག་གིས་བརྒྱན། །འཇིག་རྟེན་མགོན་
པོ་ཚངས་པ་རྒྱལ་བ་ཡི། །སྐྱེ་བའི་ཡུལ་ནི་ལེགས་པར་སྦྱངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དྲན་ལྡན་ཡིན། །དགེ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་
ལྟ་བྱེད་གྲགས་པ་རིམ་གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །འཇིགས་པ་མེད་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །འཇིག་རྟེན་དྲི་མ་དྲི་བྲལ་དགྲ་བཅོམ་པ། །
བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་དགུ་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་
ཏེ། །དཔག་ཚད་བརྒྱ་པ་གསེར་གྱི་རྣ་བརྒྱན་ཅན། །སངས་རྒྱས་ཡེ་ཤེས་དགྱེས་པ་སྐྱེ་བ་ཡི། །ཡུལ་ནི་ཡོན་ཏན་ཀུན་གྱི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱད་བརྒྱ་བརྟུལ་
ཞུགས་དབང་པོ་ཡབ། །དབང་པོའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་སྣང་བྱེད་རིམ་གྲོ་པ། །མཐུ་རྩལ་བརྟན་པོ་ཞེས་བྱ་མཁས་པ་སྟེ། །ཀུན་དུ་གཙོ་ཞེས་བྱ་བ་རྫུ་འཕྲུལ་ཅན། །འདུས་པ་ལན་
40-1-282a


གྲངས་དྲུག་བཅུ་གཉིས་ཀུན་ལའང་། །ལམ་རབ་མཆོག་མར་ཤིན་དུ་དུལ་བ་པོ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་
ནས་དམ་ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུ་འབྱུང་། །རྒྱལ་བ་རྫུ་འཕྲུལ་ཏོག་གི་སྐྱེ་བའི་ཡུལ། །བསོད་ནམས་རྣམ་པར་སྣང་བར་བྱེད་ཅེས་བྱ། །
རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་བཅུ་འབྱོར་པའི་དབང་པོ་ཡབ། །བསོད་ནམས་གྲགས་པ་རྒྱལ་ཡུམ་སྲས་པོ་ནི། །བསོད་ནམས་ལེགས་ངེས་ཆོས་ལྡན་རིམ་གྲོ་པ། །ཡོན་ཏན་ཁ་ལོ་བསྒྱུར་བ་མཁས་པ་སྟེ། །གནས་པ་
ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རྨ་མེད་ཚུལ་འཆོས་མེད་པའི་དགྲ་བཅོམ་པ། །བྱེ་བ་སྟོང་ཕྲག་བདུན་བཅུ་བདུན་བདུན་ཡོད། །མི་ཚེ་ལོ་གྲངས་བརྒྱད་ཁྲི་སུམ་སྟོང་ཡིན། །གྲགས་པ་མཐའ་
ཡས་པ་ཡི་དམ་ཆོས་དག །ལོ་གྲངས་དགུ་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཅུ་པ་རྒྱལ་མཚན་བྱེ་བས་བརྒྱན། །དེ་བཞིན་གཤེགས་པ་སྐྱེ་དབང་མཚུངས་པ་ཡི། །སྐྱེ་བའི་ཡུལ་ནི་རྒྱལ་
བའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་བཅུ་སྦྱིན་བསྲེག་འོད་འཕྲོ་ཡབ། །ཡོན་ཏན་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་དགེ་ལྡན་དགེ་བཟངས་རིམ་གྲོ་པ། །ཡོན་ཏན་སྣོད་ཅེས་བྱ་བ་མཁས་པ་སྟེ། །
ཡོན་ཏན་འོད་གསལ་བ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གསུམ་ལ་ཡང་། །ཞི་བ་གཏི་མུག་མེད་ཅིང་ཆགས་མེད་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་བདུན་ཁྲི་བརྒྱད་སྟོང་ཡིན། །རྣམ་གྲོལ་
ཐོབ་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་ཐེར་འབུམ་དག་ནི་བདུན་བཅུ་འབྱུང་། །དེ་བཞིན་གཤེགས་པ་ས་ཡི་དབང་ཕྱུག་གི། །སྐྱེ་བའི་ཡུལ་ནི་
40-1-282b


ལེགས་པར་གནས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བྱེ་བ་ཡབ་ནི་དོན་གནས་ཡིན། །བློ་གནས་བློ་གྲོས་རྒྱལ་ཡུམ་བྱང་ཆུབ་ནི། །སྲས་ཡིན་ལེགས་པའི་བྱང་ཆུབ་རིམ་གྲོ་པ། །ཤེད་སྐྱེས་དབང་ཕྱུག་ཅེས་བྱ་
མཁས་པ་སྟེ། །དོན་ཡོད་སྣ་ཚོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །སྟོན་ཅིང་བསྒོམ་པའི་མཐར་ནི་ཕྱིན་པ་པོ། །བྱེ་བ་ཕྲག་ནི་བདུན་བཅུ་རེ་རེ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །གྲགས་
པ་མཐའ་ཡས་པ་ཡི་དམ་ཆོས་དག །ལོ་གྲངས་ཉི་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོས་ཁམས་གསུམ་གང་བར་འགྱུར། །དེ་བཞིན་གཤེགས་པ་ཉི་མ་དགྱེས་པ་ཡི། །སྐྱེ་
བའི་ཡུལ་ནི་གཟི་བརྗིད་བསྡུས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཐོས་པའི་དབང་པོ་ཡབ། །དབང་པོའི་འགྲོས་ཤེས་བྱ་བ་རྒྱལ་བའི་ཡུམ། །སྲས་པོ་ཁ་བསྒྱུར་གནས་པ་རིམ་གྲོ་པ། །དམག་
མའི་མཆོག་ཅེས་བྱ་བ་མཁས་པ་སྟེ། །རྣམ་པར་ངེས་པར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །སྲིད་པ་ཀུན་གྱིས་གོས་པ་མེད་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་
ཉི་ཁྲི་བཞི་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་གསེར་གྱི་བླ་རེར་ལྡན། །བདེ་གཤེགས་སྒྲ་གཅན་
ཟླ་བ་སྐྱེ་བ་ཡི། །ཡུལ་ནི་ཏོག་རྣམས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བདུན་བཅུ་རྩ་གསུམ་ཡབ་ནི་ཏོག་བཟངས་ཡིན། །སྣང་བ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་གཟི་བརྗིད་ལྡན་སྣང་
རིམ་གྲོ་པ། །གྲགས་ལྡན་ཆེན་པོ་ཞེས་བྱ་མཁས་པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །འཇིགས་མེད་ཐང་ཆེན་ཕ་མཐར་ལེགས་གནས་པ། །བྱེ་བ་ཕྲག་ནི་བདུན་བཅུ་གསུམ་
40-1-283a


གསུམ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲི་བརྒྱད་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོས་ཁམས་གསུམ་
གང་བར་འགྱུར། །དེ་བཞིན་གཤེགས་པ་མེ་ཏོག་འོད་སྐྱེ་བའི། །ཡུལ་ནི་མེ་ཏོག་དག་གིས་བརྒྱན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡོན་ཏན་དབང་པོ་ཡབ། །ཡོན་ཏན་མཆོད་རྟེན་ཞེས་བྱ་རྒྱལ་བའི་ཡུམ། །
སྲས་པོ་རྒྱལ་མཆོག་ཕན་འདོགས་རིམ་གྲོ་པ། །འཇིག་རྟེན་མཆོག་མ་ཞེས་བྱ་མཁས་པ་སྟེ། །མཐུ་རྩལ་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །ཐར་པ་གཏི་མུག་མེད་པར་གནས་གྱུར་པ། །བྱེ་བ་
ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །ཆགས་པ་མེད་པར་གྱུར་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་
ཚད་དགུ་པ་ནོར་བུ་བྱེ་བས་སྤྲས། །དེ་བཞིན་གཤེགས་པ་སྨན་པའི་བདག་པོ་ཡི། །སྐྱེ་བའི་ཡུལ་ནི་མྱ་ངན་སེལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་མྱ་ངན་མེད། །ཡོན་ཏན་ལྟ་ཞེས་བྱ་བ་རྒྱལ་
བའི་ཡུམ། །སྲས་པོ་འཚོ་བྱེད་འཇིགས་མེད་རིམ་གྲོ་པ། །བསོད་ནམས་དགའ་ཞེས་བྱ་བ་མཁས་པ་སྟེ། །སེང་གེའི་སྒྲ་སྒྲོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང་། །ཕྱིར་མི་ལྡོག་པ་ཐམས་ཅད་གཟུངས་
ཐོབ་པ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་བྱེ་བ་ཕྲག་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བྱེ་བར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་
ཆེན་མེ་ཏོག་སྟོང་སྙེད་དག་གིས་བརྒྱན། །དེ་བཞིན་གཤེགས་པ་མདངས་མངའ་སྐྱེ་བ་ཡི། །ཡུལ་ནི་སྡུག་པར་རྣམ་པར་ལྟ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་ཡབ་ནི་འབྱོར་ལྡན་ཡིན། །ཡེ་ཤེས་
40-1-283b


ཅན་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་གྲོལ་ཆགས་མེད་རིམ་གྲོ་པ། །འབྲུག་སྒྲ་ཞེས་ནི་བྱ་བ་མཁས་པ་སྟེ། །མདངས་སྟོབས་འགྲོས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་
བཅུ་ཀུན་ལ་ཡང་། །ཐེག་པ་མཆོག་གིས་བྱང་ཆུབ་ཐོབ་པ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་སུམ་ཁྲིར་གནས་པར་
འགྱུར། །མཆོད་རྟེན་དཔག་ཚད་བཅུ་གཉིས་པ་འབྱུང་སྟེ། །རིན་ཆེན་ཐེར་འབུམ་སྙེད་ཀྱིས་སྤྲས་པར་འགྱུར། །དེ་བཞིན་གཤེགས་པ་བསོད་ནམས་དགྱེས་པ་ཡི། །སྐྱེ་ཡུལ་བསོད་ནམས་སྣང་བར་བྱེད་ཅེས་བྱ། །རིགས་ནི་རྒྱལ་རིགས་
ཡིན་ཏེ་འོད་དཔག་ཚད། །སྟོང་གསུམ་ཙམ་ཡོད་ཡབ་ནི་འོད་ལྡན་ཡིན། །བདུད་རྩིའི་འོད་ནི་རྒྱལ་ཡུམ་རྩི་སྨན་ནི། །སྲས་ཡིན་སྨན་པ་བཟང་པོ་རིམ་གྲོ་པ། །བྱང་ཆུབ་འོད་ཅེས་བྱ་བ་མཁས་པ་སྟེ། །རྣམ་པར་བརྩེ་བའི་བློ་ནི་རྫུ་
འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །གཟུངས་ཐོབ་བྱང་ཆུབ་དག་ལ་རབ་གནས་པ། །བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དྲུག་འབུམ་སུམ་ཁྲི་ཡིན། །བྱང་ཆུབ་ཏུ་ནི་ཡོངས་སུ་སྨིན་
བྱའི་ཕྱིར། །དམ་ཆོས་ལོ་གྲངས་དྲུག་འབུམ་སུམ་ཁྲིར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་སྟོང་སྙེད་ཀྱིས་བརྒྱན། །དེ་བཞིན་གཤེགས་པ་དགའ་བའི་སྟོབས་སྐྱེ་བའི། །ཡུལ་ནི་
མཆོད་པས་ཀུན་དུ་ཚིམ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཏུ་མེད་དོ་ཡབ་ནི་ཡིད་འཐད་ཡིན། །ཕན་པར་སེམས་ཤེས་བྱ་བ་རྒྱལ་བའི་ཡུམ། །སྲས་པོ་ལྟ་འདོད་ཟླ་བ་རིམ་གྲོ་པ། །བློ་གྲོས་ཡངས་
པ་ཞེས་བྱ་མཁས་པ་སྟེ། །གསེར་གྱི་འོད་ཅེས་བྱ་བ་རྫུ་འཕྲུལ་ཅན། །ཕྱིར་མི་ལྡོག་པ་གཟུངས་ནི་ཐོབ་པ་པོ། །འཇམ་པའི་དཔལ་དང་མཚུངས་པ་དེ་དག་ཀུན། །འདུས་པ་དག་ནི་ཤིན་དུ་མཐའ་ཡང་ཡས། །མི་ཚེ་ལོ་གྲངས་
40-1-284a


སུམ་འབུམ་ཉི་ཁྲི་ཡིན། །ཐེག་པ་མཆོག་ལྡན་ཡོངས་སུ་སྨིན་བྱའི་ཕྱིར། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཆིག་འབུམ་ཉི་ཁྲིར་གནས་པར་འགྱུར། །རྒྱལ་བའི་སྐུ་གདུང་དག་
ནི་རྒྱས་པར་འགྱུར། །མཚུངས་པ་མེད་པ་དབྱངས་དག་སྙན་པ་ཡི། །སྐྱེ་བའི་ཡུལ་ནི་འོད་ཀྱི་མཆོག་ཅེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་དགེ་བཟང་ཡིན། །འཇིགས་པ་
མེད་པའི་འོད་ནི་རྒྱལ་བའི་ཡུམ། །སྲས་པོ་ཤེས་རབ་ཤེས་ཆེན་རིམ་གྲོ་པ། །ཏོག་གི་རྒྱལ་མཚན་ཞེས་བྱ་མཁས་པ་སྟེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །
དགྲ་དག་བཅོམ་པ་དེ་དག་འདུས་པའི་གྲངས། །འབུམ་ཕྲག་བདུན་བཅུ་རྩ་ནི་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་བདུན་ཁྲི་སུམ་
སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གསུམ་པ་གཅིག་མུ་ཏིག་བླ་རེར་ལྡན། །དེ་བཞིན་གཤེགས་པ་ཆོས་ཀྱི་དབང་ཕྱུག་གི། །སྐྱེ་བའི་ཡུལ་ནི་ཐར་པའི་སྒྲ་ཞེས་བྱ། །རྒྱལ་བའི་
རིགས་ནི་རྒྱལ་རིགས་འོད་ཀྱི་ཚད། །སྟོང་གཉིས་ཙམ་ཡོད་དབང་པོ་ཆེན་པོ་ཡབ། །ཡོན་ཏན་ཚོགས་ཤེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་དགེ་བ་རིམ་གྲོ་པ། །བདུད་རྩིའི་འོད་ཅེས་བྱ་བ་མཁས་པ་སྟེ། །
འབྱོར་བའི་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །བྱང་ཆུབ་ཏུ་ནི་སྐྱེ་བ་གཅིག་གིས་ཐོགས། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་དགུ་ཁྲི་བཞི་
སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་དུང་ཕྱུར་ཕྲག་དྲུག་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་གཅིག་གསེར་གྱི་འོད་དང་
40-1-284b


ལྡན། །དེ་བཞིན་གཤེགས་པ་ཚངས་པའི་དབྱངས་དག་གི། །སྐྱེ་བའི་ཡུལ་ནི་སྒྲ་དབྱངས་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་མཐུ་ལྡན་ཡིན། །རིན་
ཆེན་འོད་ཅེས་བྱ་བ་རྒྱལ་བའི་ཡུམ། །སྲས་པོ་རྒྱལ་མཆོག་སྐར་མཁན་རིམ་གྲོ་པ། །སེང་གེའི་འགྲོས་ཤེས་བྱ་བ་མཁས་པ་སྟེ། །བསོད་ནམས་འཁོར་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་
བཅུ་གཉིས་ཀུན་ལ་ཡང་། །འཕགས་པ་མཆོག་གནས་དེས་པར་གྱུར་པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །འཇིག་རྟེན་ཕན་ཕྱིར་སྲིད་མཐར་
མཛད་པ་པོ། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །སེམས་ཅན་སྙིང་པོ་སྤྱོད་པ་བཟང་པོ་ཡི། །
སྐྱེ་བའི་ཡུལ་ནི་མཆོད་རྟེན་བཟང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ཟླ་འོད་ཡིན། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་དེས་པ་གྱ་ནོམ་
རིམ་གྲོ་པ། །མིག་སྡུག་པ་ཞེས་བྱ་བ་མཁས་པ་སྟེ། །ཤིན་དུ་དུལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །བཟོད་པ་དུལ་གནས་ཞི་གནས་མཆོག་ཐོབ་པ། །
ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་གནས། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་
བའི་སྐུ་གདུང་དག་ནི་རྒྱས་འགྱུར་ཏེ། །ཞིང་རྣམས་ཀུན་དུ་རྣམ་པར་གང་བར་འགྱུར། །དེ་བཞིན་གཤེགས་པ་འཁྲུལ་པ་མེད་པའི་བློ། །སྐྱེ་བའི་ཡུལ་ནི་འཇིག་རྟེན་འོད་ཅེས་བྱ། །རྒྱལ་བའི་
40-1-285a


རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་དྲན་ལྡན་ཡིན། །ཚོགས་ཅན་གཙོ་རྒྱལ་ཞེས་བྱ་རྒྱལ་བའི་ཡུམ། །སྲས་པོ་ཆོས་ཅན་ཆོས་བཟངས་རིམ་གྲོ་པ། །དབྱངས་སྙན་པ་ཞེས་བྱ་བ་མཁས་
པ་སྟེ། །ཐར་པ་རྣམ་འཕྲུལ་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐེག་པ་མཆོག་གིས་བྱང་ཆུབ་ངེས་གྱུར་པ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་སུམ་སྟོང་
ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་བཀོད་པ་མཛེས་པར་བྱས། །དེ་བཞིན་གཤེགས་
པ་དབྱངས་ནི་ཆེན་པོ་ཡི། །སྐྱེ་བའི་ཡུལ་ནི་ལྷ་ཡིས་བསྒྲགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་ཡབ་ནི་མེ་ཏོག་བཟང་། །གྲགས་པའི་སྟོབས་ནི་རྒྱལ་ཡུམ་སྲས་པོ་ནི། །
ཡོན་ཏན་དགའ་ཡིན་རྫོགས་ལྡན་རིམ་གྲོ་པ། །ཚངས་པའི་དབྱངས་ཤེས་བྱ་བ་མཁས་པ་སྟེ། །ཤེས་རབ་ལེགས་སེམས་པ་ནི་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །ང་མེད་དགྲ་བཅོམ་
འཁྲུལ་པ་མེད་པ་པོ། །བྱེ་བ་ཕྲག་ནི་ཉི་ཤུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་
འགྱུར་ལ། །མཆོད་རྟེན་རིན་ཆེན་སྣ་བདུན་དག་གིས་སྤྲས། །དེ་བཞིན་གཤེགས་པ་སྙན་པར་གྲགས་པ་ཡི། །སྐྱེ་ཡུལ་འཇིག་རྟེན་ཡོན་ཏན་དགའ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །
སུམ་བཅུ་རྩ་གསུམ་ཡབ་ནི་ཕན་འདོད་ཡིན། །བྱང་ཆུབ་འདོད་ཅེས་བྱ་བ་རྒྱལ་བའི་ཡུམ། །སྲས་པོ་རྨ་མེད་སྒྲ་སྒྲོགས་རིམ་གྲོ་པ། །བདུད་རྩིའི་བློ་གྲོས་ཞེས་བྱ་མཁས་པ་སྟེ། །ཆགས་པ་མེད་པའི་སྒྲོན་
40-1-285b


མ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བདུད་དང་སྲིད་པའི་དྲ་བ་འཇོམས་པ་པོ། །འབུམ་ཕྲག་སུམ་བཅུ་རྩ་ནི་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །དངོས་
པོ་མེད་པར་ཕྱིན་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་ལེགས་པར་རྣམ་པར་སྤྲས། །འཇིག་རྟེན་
མགོན་པོ་ཏོག་ལྡན་སྐྱེ་བའི་ཡུལ། །འོད་འཕྲོ་སྣང་བར་བྱེད་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལྷ་དབང་ཡིན། །ཐར་པའི་དབྱངས་ཤེས་བྱ་
བ་རྒྱལ་བའི་ཡུམ། །སྲས་པོ་ཟླ་མཆོག་སེམས་དཔའ་རིམ་གྲོ་པ། །མེ་ཏོག་འོད་ཅེས་བྱ་བ་མཁས་པ་སྟེ། །རྫུ་འཕྲུལ་སྤོབས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་
ལའང་། །འཇིག་རྟེན་ཆོས་ཀྱིས་གོས་པ་མེད་པ་པོ། །བྱེ་བ་ཕྲག་ནི་བདུན་བཅུ་བདུན་བདུན་ཡོད། །མི་ཚེ་ལོ་གྲངས་བདུན་ཁྲི་དྲུག་སྟོང་ཡིན། །རབ་ཏུ་ཞི་བར་ཕྱིན་པའི་དམ་ཆོས་དག །ལོ་གྲངས་
ཉི་ཁྲི་དྲུག་སྟོང་བར་དུ་གནས། །མཆོད་རྟེན་ཁྲི་ཕྲག་དགུ་བཅུ་རྩ་དྲུག་འབྱུང་། །རྒྱལ་མཚན་བྱེ་བ་སྟོང་གིས་མཛེས་པར་བྱས། །རྒྱལ་བ་གཟི་བརྗིད་རྣམ་པར་གྲགས་པ་ཡི། །སྐྱེ་བའི་ཡུལ་ནི་
ཐར་བའི་དབྱངས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བྱེ་བ་འབྱོར་པའི་ཡོན་ཏན་ཡབ། །རྒྱུ་སྐར་བདག་ཅེས་བྱ་བ་རྒྱལ་བའི་ཡུམ། །སྲས་པོ་མེ་ཏོག་བཟོད་པ་རིམ་
གྲོ་པ། །ཡོན་ཏན་སྒྲོགས་ཤེས་བྱ་བ་མཁས་པ་སྟེ། །བདེན་པར་སྨྲ་བའི་ང་རོ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །བདུད་དང་ཉོན་མོངས་ཐམས་ཅད་འཇོམས་པ་པོ། །
40-1-286a


བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དྲུག་ཁྲི་བདུན་སྟོང་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་སུམ་ཁྲི་ཉིས་སྟོང་བར་དུ་གནས། །སྐུ་གདུང་
མཆོད་རྟེན་དཔག་ཚད་བརྒྱ་པ་གཅིག །རིན་ཆེན་བརྒྱ་ཡི་དྲ་བས་རྣམ་པར་སྤྲས། །སངས་རྒྱས་འགྲོ་བའི་དབང་ཕྱུག་སྐྱེ་བ་ཡི། །ཡུལ་ནི་ཐར་པ་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །
དཔག་ཚད་བརྒྱད་བརྒྱ་ཤིན་དུ་འཇིགས་བྱེད་ཡབ། །ལྷ་ཡི་འོད་ཅེས་བྱ་བ་རྒྱལ་བའི་ཡུམ། །སྲས་པོ་གྲོགས་བྱེད་མཐུ་རྩལ་རིམ་གྲོ་པ། །ཡིད་འོང་གཟི་བརྗིད་བློ་གྲོས་ཅན་ཡིན་ཏེ། །ཆགས་བྲལ་གཏི་མུག་
མེད་པ་རྫུ་འཕྲུལ་ཅན། །འདུས་པ་ལན་གྲངས་ལྔ་སྟེ་ཀུན་ལ་ཡང་། །དགྲ་བཅོམ་རིམས་ནད་མེད་པར་གྱུར་པ་པོ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །
ཟད་མཐར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་དྲུག་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །མུ་ཏིག་སྟོང་ལྡན་རྒྱལ་མཚན་དག་གིས་བསྐོར། །འཇིག་
རྟེན་མགོན་པོ་ལྗོན་པ་སྐྱེ་བ་ཡི། །ཡུལ་ནི་ཐར་པར་དད་པར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དགུ་བཅུ་རྩ་དགུ་ཡབ་ནི་སྤོས་བཟང་ཡིན། །དབང་པོ་འོད་ཅེས་བྱ་བ་རྒྱལ་བའི་
ཡུམ། །སྲས་པོ་བདེ་དགའ་དྲག་ཤུལ་རིམ་གྲོ་པ། །ལྷ་གྲགས་ཞེས་ནི་བྱ་བ་མཁས་པ་སྟེ། །བླ་ན་མེད་པར་སེམས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །ལྷའི་གནས་
ཀྱི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་བཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་བཞི་སྟོང་བར་དུ་གནས་པར་འགྱུར། །སྐུ་གདུང་
40-1-286b


མཆོད་རྟེན་དཔག་ཚད་དགུ་པ་གཅིག །རྒྱལ་མཚན་མཆོག་དང་གཙུག་གི་ནོར་བུས་བརྒྱན། །རྒྱལ་བ་གཏི་མུག་རབ་ཟད་སྐྱེ་བ་ཡི། །ཡུལ་ནི་མཁས་པར་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་
འོད་ཀྱི་ཚད། །དཔག་ཚད་སྟོང་ཡོད་ཡབ་ནི་ཁྱད་པར་འཕགས། །གཟི་ལྡན་དགའ་ནི་རྒྱལ་ཡུམ་སྲས་པོ་ནི། །ཤིང་རྟ་དགའ་ཡིན་སྤྲིན་ལྡན་རིམ་གྲོ་པ། །ཏོག་གི་འོད་ཅེས་བྱ་བ་མཁས་པ་སྟེ། །སྒྲ་མཆོག་ཅེས་
ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གསུམ་ཀུན་ལའང་། །ང་རྒྱལ་རྒྱལ་མཚན་ཆུར་ནི་ལྷུང་བ་པོ། །བྱེ་བ་ཕྲག་ནི་དྲུག་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བདུན་སྟོང་
ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲི་བཞི་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །རྒྱས་འགྱུར་ཞིང་རྣམས་རྣམ་པར་གང་བར་འགྱུར། །
སེམས་ཅན་སྙིང་པོ་དཔག་ཏུ་མེད་པ་ཡི། །སྐྱེ་བའི་ཡུལ་ནི་མི་ཟད་མཛོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དུང་ཕྱུར་ཕྲག་བརྒྱད་ཡབ་ནི་ལག་བཟངས་ཡིན། །དག་པའི་འོད་
ནི་རྒྱལ་ཡུམ་སྒྲ་གཅན་འཛིན། །སྲས་ནི་ལྷ་ཡི་དབང་པོ་རིམ་གྲོ་པ། །མཐུ་རྩལ་སྟོབས་ཤེས་བྱ་བ་མཁས་པ་སྟེ། །ཀུན་དུ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་
ཀུན་ལ་ཡང་། །ཐོས་པའི་མཛོད་ལྡན་རྒྱ་མཚོ་འདྲ་མཚུངས་པ། །དེ་དག་ཐེར་འབུམ་ཐེར་འབུམ་འདུས་པར་འགྱུར། །མི་ཚེ་ལོ་གྲངས་དག་ནི་ལྔ་ཁྲི་ཡིན། །དམ་ཆོས་ལོ་གྲངས་ཆིག་ཁྲི་
ཆིག་སྟོང་གནས། །རྡུལ་བྲལ་མཆོད་རྟེན་དཔག་ཚད་བརྒྱད་པ་སྟེ། །རིན་ཆེན་བརྒྱའི་ལྡ་ལྡིས་མཛེས་བྱས་ཤིང་། །ནོར་བུའི་དྲ་བ་དག་གིས་ཀུན་དུ་བརྒྱན། །དེ་བཞིན་གཤེགས་པ་ཟླ་
40-1-287a


བ་བཟང་པོ་ཡི། །སྐྱེ་བའི་ཡུལ་ནི་ཟླ་བའི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྒྲོན་མ་ཡིན། །ལྷ་ཡི་འོད་ཅེས་བྱ་བ་རྒྱལ་བའི་ཡུམ། །སྲས་
པོ་ལྷ་ལེགས་བརྟན་པ་རིམ་གྲོ་པ། །མཐུ་རྩལ་སྟོབས་ཤེས་བྱ་བ་མཁས་པ་སྟེ། །མཆོག་གི་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །དགྲ་བཅོམ་ཡིད་བཞིན་དུ་ནི་རྫོགས་པ་པོ། །བྱེ་བ་
ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྣམ་གྲོལ་ཐོབ་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །རྒྱས་
འགྱུར་ཞིང་རྣམས་ཀུན་དུ་གང་བར་འགྱུར། །སངས་རྒྱས་སྤོབས་པ་མཐའ་ཡས་ཏོག་སྐྱེ་བའི། །ཡུལ་ནི་ཡུལ་འཁོར་ཁ་ལོ་བསྒྱུར་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་
ཡོན་ཏན་དོན། །དོན་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་བདེན་བྱིན་ལེགས་འབྱོར་རིམ་གྲོ་པ། །མཐོང་དགའ་ཞེས་ནི་བྱ་བ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་
ལན་གྲངས་མཐའ་ཡས་ཀུན་ལ་ཡང་། །བྱང་ཆུབ་མཆོག་ལ་ངེས་པར་གྱུར་པ་པོ། །དེ་དག་ཐམས་ཅད་བྱེ་བ་དཔག་ཏུ་མེད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །བདེ་བར་གཤེགས་པ་མྱ་ངན་འདས་
ནས་ཀྱང་། །དམ་ཆོས་ལོ་གྲངས་བདུན་འབུམ་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་བདུན་པོ་དག་ཀྱང་འབྱུང་བར་འགྱུར། །དེ་བཞིན་གཤེགས་པ་བརྟུལ་ཞུགས་བཏར་
བ་ཡི། །སྐྱེ་ཡུལ་བསམ་པ་བཞིན་དུ་སྦྱིན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱད་བརྒྱ་ཡབ་ནི་ཡོན་ཏན་འོད། །དགའ་བའི་འོད་ཅེས་བྱ་བ་རྒྱལ་བའི་ཡུམ། །སྲས་
40-1-287b


པོ་བྲམ་ཟེ་རབ་སྡུག་རིམ་གྲོ་པ། །གླང་པོའི་སྟབས་ཤེས་བྱ་བ་མཁས་པ་སྟེ། །གནས་པ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །གཡོ་མེད་ཡིད་ལྡན་ལེགས་པར་
གནས་པ་པོ། །དེ་དག་ཐེར་འབུམ་ཕྲག་ནི་བཅུ་བཅུ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་བདུན་སྟོང་བར་དུ་གནས། །སྐུ་གདུང་མཆོད་
རྟེན་དཔག་ཚད་ལྔ་པ་གཅིག །ནོར་བུ་རིན་ཆེན་ལྡ་ལྡི་སྟོང་གིས་སྤྲས། །མཚུངས་པ་མེད་པའི་མཆོད་པའི་གནས་དག་གི། །སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
དཔག་ཚད་ལྔ་བརྒྱ་ཡབ་ནི་ཏོག་བཟངས་ཡིན། །བྱས་པ་གདོན་མི་ཟ་བ་རྒྱལ་བའི་ཡུམ། །སྲས་པོ་སྐལ་བཟང་ཐུབ་དཀའ་རིམ་གྲོ་པ། །ཡེ་ཤེས་དགའ་ཞེས་བྱ་བ་མཁས་པ་སྟེ། །ཡུལ་དུ་རྣམ་པར་གྲགས་པ་རྫུ་
འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །ཞི་བ་མི་སློབ་འབྲས་ལ་མངོན་དགའ་བ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་སུམ་སྟོང་ཡིན། །མྱ་ངན་འདས་པ་
དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་གཉིས་པ། །རིན་ཆེན་བརྒྱའི་ལྡ་ལྡིས་མཛེས་པར་བྱས། །དེ་བཞིན་གཤེགས་པ་མྱ་ངན་རྒལ་བ་ཡི། །སྐྱེ་བའི་ཡུལ་
ནི་རྟག་པར་དགའ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་རྩ་གཉིས་དྲང་སྲོང་ཆེན་པོ་ཡབ། །དོན་གྱི་འགྲོས་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་མིན་ལྷ་ནི་རིམ་གྲོ་པ། །གྲགས་པའི་ཏོག་ཅེས་བྱ་བ་
མཁས་པ་སྟེ། །རྣམ་པར་གྲོལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །ལྷའི་གནས་པའི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་
40-1-288a


གྲངས་སུམ་ཁྲི་དྲུག་སྟོང་ཡིན། །དངོས་པོ་མེད་པར་ཕྱིན་པའི་དམ་ཆོས་དག །ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །ཐུགས་རྗེ་ཆེན་པོའི་སྐུ་གདུང་རྒྱས་པར་འགྱུར། །དེ་བཞིན་
གཤེགས་པ་དགེ་བ་དགྱེས་པ་ཡི། །སྐྱེ་བའི་ཡུལ་ནི་ཡིད་འོང་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བརྟུལ་ཞུགས་དོན། །དགེ་བའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་ལྟ་བྱེད་ཚངས་
བྱིན་རིམ་གྲོ་པ། །སེང་གེའི་ང་རོ་ཞེས་བྱ་མཁས་པ་སྟེ། །འབྲུག་སྒྲ་སྒྲོགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བྱེ་བ་ཕྲག་ནི་དགུ་བཅུ་དགུ་དགུ་དང་། །གཞན་ཡང་ས་ཡ་ཕྲག་ནི་དྲུག་དྲུག་ཡོད། །མི་ཚེ་ལོ་
གྲངས་དགུ་ཁྲི་དགུ་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །ལྔ་པ་གཅིག་སྟེ་རིན་ཆེན་བདུན་ལས་བྱས། །དེ་བཞིན་གཤེགས་པ་འགྲོ་བའི་བློ་གྲོས་
ཀྱི། །སྐྱེ་བའི་ཡུལ་ནི་ལྷ་ཡི་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཏུ་མེད་དོ་ཤིན་དུ་བྱང་ཆུབ་ཡབ། །ཆོས་ཀྱི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་མཆོད་པ་སྐར་མཁན་རིམ་གྲོ་པ། །དཔག་མེད་འོད་ཅེས་བྱ་
བ་མཁས་པ་སྟེ། །དོན་ཡོད་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་གཉིས་ཀུན་ལའང་། །འཇིག་རྟེན་ཆོས་བརྒྱད་དག་དང་བྲལ་བ་པོ། །བྱེ་བ་ཕྲག་ནི་སྟོང་ཕྲག་བཅུ་བཅུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་
ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་ཁོར་ཡུག་བླ་རེར་ལྡན། །དེ་བཞིན་གཤེགས་པ་དགྱེས་པར་
གཤེགས་པ་ཡི། །སྐྱེ་ཡུལ་རིན་ཆེན་མཆོག་ཏུ་གནས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་གྲོགས་བཟང་ཡིན། །བྱམས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་
40-1-288b


མཆོད་པ་ལེགས་དབང་རིམ་གྲོ་པ། །བློ་གྲོས་གསལ་ཞེས་བྱ་བ་མཁས་པ་སྟེ། །མཐོང་བ་བརྩེགས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །གཏི་མུག་མེད་པའི་ཕ་མཐར་ཕྱིན་འཕགས་པ། །བྱེ་བ་ཕྲག་ནི་དྲུག་བཅུ་གསུམ་
གསུམ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །གྲགས་པ་མཐའ་ཡས་པ་ཡི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཁམས་གསུམ་མཆོད་རྟེན་བཟང་པོས་གང་བར་འགྱུར། །དེ་
བཞིན་གཤེགས་པ་ཞབས་མཛེས་སྐྱེ་བ་ཡི། །ཡུལ་ནི་འཇིག་རྟེན་སྒྲོན་མ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་སྤོས་བཟངས་ཡིན། །སྤོས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་སྤོས་
བཟངས་མེ་ཏོག་རིམ་གྲོ་པ། །མཆོད་པར་འོས་ཤེས་བྱ་བ་མཁས་པ་སྟེ། །ལེགས་བསྒྲུབས་གྲགས་པ་ཤེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །རི་ཡི་རྒྱལ་པོ་ལྟ་བུར་མི་གཡོ་བ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་
ཚེ་ལོ་གྲངས་བདུན་ཁྲི་བཞི་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་སྟོང་སྙེད་ཀྱིས་བརྒྱན། །འཇིག་རྟེན་
མགོན་པོ་ཨུད་པལ་སྐྱེ་བ་ཡི། །ཡུལ་ནི་མེ་ཏོག་ཕུང་པོ་ཞེས་ཀྱང་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་མཐའ་ཡས་ཡབ་ནི་ཕན་འདོད་ཡིན། །ཟླ་བའི་འགྲོས་ཤེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་ཏོག་ལྡན་
རིམ་གྲོ་པ། །ཟླ་བའི་འོད་ཅེས་བྱ་བ་མཁས་པ་སྟེ། །བདེན་པར་སྨྲ་བའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །འཇིག་རྟེན་མི་ཁོམ་ཆོས་ལས་གྲོལ་བ་པོ། །བྱེ་བ་ཕྲག་ནི་དྲུག་བཅུ་དྲུག་བཅུ་ཡོད། །མི་
ཚེ་ལོ་གྲངས་དྲུག་ཁྲི་དྲུག་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་བཅུ་རྩ་ལྔའི་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་པ་སྟེ། །གསེར་གྱི་རྒྱལ་མཚན་སྟོང་གིས་འཁོར་བར་བསྐོར། །
40-1-289a


དེ་བཞིན་གཤེགས་པ་དུལ་གནས་མེ་ཏོག་གི། །སྐྱེ་ཡུལ་རིན་ཆེན་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་བཅུ་རྩ་གསུམ་ཡབ་ནི་ཟླ་བཟང་ཡིན། །པད་མའི་འོད་ཅེས་བྱ་བ་རྒྱལ་
བའི་ཡུམ། །སྲས་པོ་སེང་གེ་འབྱོར་པ་རིམ་གྲོ་པ། །ཡོན་ཏན་མཆོད་རྟེན་ཞེས་བྱ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ལྔ་ཀུན་ལ་ཡང་། །རྣམ་ཐར་བརྒྱད་ཐོབ་པའི་བསམ་
གཏན་པ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །དེ་ཡི་དམ་ཆོས་ལོ་གྲངས་བརྒྱད་ཁྲིར་གནས། །སྐུ་གདུང་མཆོད་རྟེན་དཔག་ཚད་བཅུ་གསུམ་པ། །གཅིག་ཏུ་ཟད་དེ་རིན་ཆེན་
མཆོག་མ་ཡི། །དྲ་བ་དག་གིས་རྣམ་པར་སྤྲས་པར་འགྱུར། །བདེ་གཤེགས་སྤོབས་པ་མཐའ་ཡས་འོད་ཟེར་གྱི། །སྐྱེ་ཡུལ་སེང་གེ་རྣམ་པར་བསྒྱིངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །
དཔག་ཚད་སྟོང་ཡོད་བདག་ཉིད་ཆེན་པོ་ཡབ། །བརྟུལ་ཞུགས་དྲག་ཅེས་བྱ་བ་རྒྱལ་བའི་ཡུམ། །སྲས་པོ་ཐར་དགའ་ཡོན་ཏན་རིམ་གྲོ་པ། །དགའ་མཆོག་ཅེས་ནི་བྱ་བ་མཁས་པ་སྟེ། །རིན་ཆེན་གསལ་ཞེས་བྱ་བ་རྫུ་འཕྲུལ་
ཅན། །འདུས་པ་ལན་གྲངས་ལྔ་བཅུ་ཀུན་ལ་ཡང་། །སེང་གེ་ལྟ་བུའི་འཇིགས་པ་མེད་ཐོབ་པ། །བྱེ་བ་ཕྲག་ནི་ཉི་ཤུ་རེ་རེ་ཡོད། །མི་ཚེ་ལོ་གྲངས་ཆིག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་
ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཁམས་གསུམ་རིན་པོ་ཆེ་ཡིས་གང་བར་འགྱུར། །དེ་བཞིན་གཤེགས་པ་དྲང་སྲོང་གསལ་བ་ཡི། །སྐྱེ་
བའི་ཡུལ་ནི་འཕགས་པས་བསྔགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་སྟོང་ཡབ་ནི་སྒྲོན་མ་ཡིན། །ལྷ་ཡི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་མཐུ་རྩལ་རབ་རྩལ་
40-1-289b


རིམ་གྲོ་པ། །དགྲ་བཅོམ་པ་ཡིས་བསྟོད་པ་མཁས་པ་སྟེ། །བཀོད་པ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །སྲིད་པའི་ཀུན་ལས་རྒལ་བའི་ཡིད་ལྡན་པ། །བྱེ་བ་
སྟོང་ཕྲག་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་
དག་ནི་རྒྱས་འགྱུར་ལ། །ཞིང་རྣམས་ཀུན་དུ་མཆོད་རྟེན་དག་གིས་གང་། །སངས་རྒྱས་ཡོན་ཏན་བརྩོན་འགྲུས་སྐྱེ་བ་ཡི། །ཡུལ་ནི་ཡོན་ཏན་འོད་འཕྲོ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་
སུམ་སྟོང་ཡབ་ནི་ལེགས་ཞི་ཡིན། །ཕན་པར་སེམས་ཤེས་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་རབ་ཞི་རིམ་གྲོ་པ། །པད་མའི་འོད་ཅེས་བྱ་བ་མཁས་པ་སྟེ། །བཀོད་པ་མཛེས་ཤེས་བྱ་བ་རྫུ་འཕྲུལ་ཅན། །འདུས་
པ་ལན་གྲངས་དགུ་བཅུ་ཀུན་ལ་ཡང་། །དགྲ་དག་ཆོམས་པ་དེ་དག་འདུས་པའི་གྲངས། །འབུམ་ཕྲག་དགུ་བཅུ་རྩ་ནི་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །
དགུ་བཅུ་རྩ་བརྒྱད་བར་དུ་གནས་པར་འགྱུར། །རྒྱལ་བའི་མཆོད་རྟེན་དཔག་ཚད་བཅུ་གསུམ་པ། །བཻ་དཱུརྱའི་རྒྱལ་མཚན་དག་གིས་བསྐོར། །འཇིག་རྟེན་མགོན་པོ་སྙིང་པོ་སྐྱེ་བའི། །ཡུལ་ནི་མཐུ་རྩལ་བློ་གྲོས་
ཞེས་ཀྱང་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཚངས་འོད་ཡིན། །ཞི་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་སྤྲིན་ལྡན་ལག་འགྲོ་རིམ་གྲོ་པ། །བདུད་རྩིའི་འབྱུང་གནས་
ཤེས་བྱ་མཁས་པ་སྟེ། །རྣམ་སྨིན་སྣ་ཚོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །བྱེ་བ་ཕྲག་ནི་དགུ་བཅུ་བཞི་བཞི་དང་། །གཞན་ཡང་འབུམ་ཕྲག་བཅུ་དྲུག་བཅུ་དྲུག་ཡོད། །མི་ཚེ་
40-1-290a


ལོ་གྲངས་དག་ནི་བརྒྱད་ཁྲི་ཡིན། །ཆགས་པ་མེད་པར་ཕྱིན་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་མཆོད་
རྟེན་དག་གིས་གང་། །དེ་བཞིན་གཤེགས་པ་ལྷའི་བདག་པོ་ཡི། །སྐྱེ་བའི་ཡུལ་ནི་འཇིག་རྟེན་གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡོད་ཡབ་ནི་ལྷ་བཟང་
ཡིན། །ལྷ་ཡི་ཟླ་བ་ཞེས་བྱ་རྒྱལ་བའི་ཡུམ། །སྲས་པོ་ལྷ་ཡིན་ཀུན་རྒྱལ་རིམ་གྲོ་པ། །ཡེ་ཤེས་སྟོབས་ཤེས་བྱ་བ་མཁས་པ་སྟེ། །རྣམ་པར་གྲགས་པའི་སྒྲོན་མ་རྫུ་འཕྲུལ་ཅན། །འདུས་པ་ལན་གྲངས་
མཐའ་ཡས་ཀུན་ལ་ཡང་། །ཐམས་ཅད་བྱང་ཆུབ་དག་ལས་མི་ལྡོག་པ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་ཆིག་ཁྲི་ཉིས་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་
ཆོས་ལོ་གྲངས་བྱེ་བ་བཅུ་གཉིས་གནས། །སྐུ་གདུང་རྒྱས་འགྱུར་མཆོད་རྟེན་བཟང་པོ་ཀུན། །བྱེ་བ་ཕྲག་ནི་ཁྲི་ཕྲག་གསུམ་ཞིག་འབྱུང་། །དེ་བཞིན་གཤེགས་པ་རིན་ཆེན་མཐོན་པོ་ཡི། །སྐྱེ་ཡུལ་མཐོང་ན་དགའ་
བར་བྱེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་འབུམ་ཡོད་ཡབ་ནི་བློ་གྲོས་ཅན། །མི་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ལེགས་མཐོང་རྒྱལ་རིགས་རིམ་གྲོ་པ། །ཡེ་ཤེས་
འགྲོས་ཤེས་བྱ་བ་མཁས་པ་སྟེ། །རྣམ་པར་གྲགས་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་བརྒྱད་ཀུན་ལའང་། །ཉོན་མོངས་བག་ཆགས་དྲི་ལས་གྲོལ་བ་པོ། །ཐེར་འབུམ་ཕྲག་
ནི་དྲུག་བཅུ་དྲུག་བཅུ་ཡོད། །མི་ཚེ་ལོ་གྲངས་དྲུག་ཁྲི་ལྔ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །དྲུག་བཅུ་རྩ་ལྔའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱ་པ་
40-1-290b


གཅིག །རིན་ཆེན་པད་མ་དག་གིས་འཁོར་བར་བསྐོར། །དེ་བཞིན་གཤེགས་པ་གསལ་བ་སྐྱེ་བ་ཡི། །ཡུལ་ནི་ལྷ་རྣམས་དད་པར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་བཅུ་རྩ་གཅིག་
ཡབ་ནི་མཐུ་རྩལ་ཡིན། །ཟླ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འཇིགས་མེད་ཆགས་མེད་རིམ་གྲོ་པ། །རླུང་ལྟར་འགྲོ་ཞེས་བྱ་བ་མཁས་པ་སྟེ། །ཐེ་ཙོམ་རྣམ་པར་གྲོལ་བ་རྫུ་འཕྲུལ་ཅན། །འདུས་
པ་ལན་གྲངས་ཉི་ཤུ་བཞི་ཀུན་ལའང་། །བྱེ་བ་ཕྲག་ནི་ཉི་ཤུ་གཉིས་གཉིས་དང་། །གཞན་ཡང་བྱེ་བ་འབུམ་ཕྲག་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་
གྲངས་བདུན་ཁྲི་དྲུག་སྟོང་བར་དུ་གནས། །ལྷ་མི་དག་ལ་ཕན་དང་བདེ་བའི་ཕྱིར། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་སྐལ་ལྡན་ཤིང་རྟ་ཅན། །སྐྱེ་ཡུལ་བདེན་ལ་དད་
པར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་གནས་པ་དབང་པོ་ཡབ། །འཕགས་པའི་དོན་ཅེས་བྱ་བ་རྒྱལ་བའི་ཡུམ། །སྲས་པོ་དད་བྱེད་དཔའ་བོ་རིམ་གྲོ་པ། །
བདུད་རྩིའི་འོད་ཅེས་བྱ་བ་མཁས་པ་སྟེ། །འབྱོར་པར་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །དགྲ་བཅོམ་ཐམས་ཅད་ཟག་པ་ཟད་པ་པོ། །ཐེར་འབུམ་ཕྲག་ནི་
ལྔ་ལྔ་འདུས་པར་འགྱུར། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །མྱ་ངན་འདས་པར་ཕྱིན་པའི་དམ་ཆོས་དག །ལོ་གྲངས་དྲུག་ཁྲི་དྲུག་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་གསུམ་པ་གཅིག །
གསེར་གྱི་རྒྱལ་མཚན་དག་གིས་འཁོར་བ་སྐོར། །སེམས་ཅན་སྙིང་པོ་བསོད་ནམས་བློ་གྲོས་ཀྱི། །སྐྱེ་ཡུལ་ལྷ་རྣམས་དད་པར་བྱེད་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཐེར་འབུམ་ཡབ་ནི་
40-1-291a


ཕན་འདོད་ཡིན། །འཕགས་ལས་ཉན་ཞེས་བྱ་བ་རྒྱལ་བའི་ཡུམ། །སྲས་པོ་དེས་པ་གཟུགས་བཟང་རིམ་གྲོ་པ། །བསོད་ནམས་འགྲོས་ཞེས་བྱ་བ་མཁས་པ་སྟེ། །ཀུན་དུ་སྒྲོན་མ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་
བདུན་བཅུ་ཀུན་ལ་ཡང་། །ཐམས་ཅད་རྒྱགས་དང་དྲེགས་གྲོལ་རབ་ཞི་བ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །དམ་ཆོས་ལོ་གྲངས་བྱེ་བའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་
ལ། །མཆོད་རྟེན་བཟང་པོ་གྲངས་ནི་བདུན་འབུམ་སྟེ། །བཀོད་པ་ཐམས་ཅད་རིན་ཆེན་བརྒྱ་སྙེད་ཡིན། །འཇིག་རྟེན་མགོན་པོ་སྦྱིན་བསྲེག་འོད་འཕྲོ་ཡི། །སྐྱེ་ཡུལ་མཆོད་རྟེན་སྣང་བར་བྱེད་ཅེས་བྱ། །དེ་ཡི་རིགས་ནི་བྲམ་ཟེ་འོད་ཀྱི་ཚད། །
དཔག་ཚད་སྟོང་ཡོད་ཡབ་ནི་མེ་ཏོག་བཟང་། །ས་ལའི་བདག་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་ལྡན་ཞི་ལྡན་རིམ་གྲོ་པ། །བལྟ་ན་སྡུག་ཅེས་བྱ་བ་མཁས་པ་སྟེ། །ལེགས་མཐོང་དབྱངས་ཤེས་བྱ་བ་རྫུ་འཕྲུལ་ཅན། །འདུས་
པ་ལན་གྲངས་བཅུ་གཉིས་ཀུན་ལ་ཡང་། །བྱང་ཆུབ་མཆོག་ལ་ངེས་པར་གྱུར་པ་པོ། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །མི་ཚེ་ལོ་གྲངས་ལྔ་ཁྲི་ལྔ་སྟོང་ཡིན། །དངོས་པོ་མེད་པར་ཕྱིན་པ་དེ་ཡི་ཆོས། །བྱང་ཆུབ་ཡོངས་
སྨིན་བྱ་ཕྱིར་དམ་ཆོས་ཀུན། །ལོ་གྲངས་བྱེ་བ་ཕྲག་ནི་གསུམ་དུ་གནས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །ཡོན་ཏན་མཐའ་ཡས་གཟི་བརྗིད་ཕུང་པོ་ཡི། །སྐྱེ་ཡུལ་ཆོས་ཀྱི་ཡོན་ཏན་འབྱུང་གནས་ཡིན། །
རིགས་ནི་བྲམ་ཟེ་ཡིན་ཏེ་འོད་དཔག་ཚད། །ལྔ་བཅུ་རྩ་དྲུག་ཡབ་ནི་ལྷ་དབང་ཡིན། །ཐར་པའི་འགྲོས་ཤེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་འོད་ལྡན་རིམ་གྲོ་པ། །བྱམས་པའི་ང་རོ་ཞེས་བྱ་མཁས་པ་སྟེ། །
ལྷ་ཡི་གཞལ་མེད་འདོད་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །རི་དབང་རྒྱལ་པོ་མི་གཡོ་སྤ་བ་བཞིན། །བྱེ་བ་ཕྲག་ནི་སུམ་བཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །
40-1-291b


སྣང་བ་མེད་པར་ཕྱིན་པའི་དམ་ཆོས་དག །ལོ་གྲངས་བཞི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅྭ་ལྔ་པ་གཅིག་ཤིན་དུ་རྣམ་པར་སྤྲས། །དེ་བཞིན་གཤེགས་པ་སེང་གེའི་སྟབས་དག་གི། །སྐྱེ་བའི་
ཡུལ་ནི་མཐོང་བས་མཆོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཕན་འདོད་ཡིན། །ནོར་ལྷའི་བུ་འོད་ཅེས་བྱ་རྒྱལ་བའི་ཡུམ། །སྲས་པོ་ཏོག་ལྡན་འོད་འཕྲོ་རིམ་གྲོ་པ། །སེང་གེ་བློ་གྲོས་ཞེས་བྱ་
མཁས་པ་སྟེ། །རྣམ་པར་གྲགས་པའི་དབྱངས་ནི་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །བྱང་ཆུབ་མཆོག་རབ་ཆོས་ལ་ངེས་གྱུར་པ། །བྱེ་བ་ཕྲག་ནི་དགུ་བཅུ་གསུམ་གསུམ་ཡོད། །མི་ཚེ་ལོ་གྲངས་དགུ་ཁྲི་
བཞི་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་སྟོང་ཕྲག་མཐའ་ཡས་རྣམ་པར་སྤྲས། །འཇིག་རྟེན་མགོན་པོ་
མི་གཡོ་སྐྱེ་བ་ཡི། །ཡུལ་ནི་བསོད་ནམས་རབ་ཏུ་གནས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ཐེར་འབུམ་ཡབ་ནི་ཡོན་ཏན་དོན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་སྣང་ལྡན་འོད་
བཟངས་རིམ་གྲོ་པ། །རྒྱན་བྱིན་པ་ནི་བློ་གྲོས་ཅན་ཡིན་ཏེ། །སྒྲོན་མ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །དགྲ་བཅོམ་ཞི་བ་དག་ལ་གཞོལ་བ་པོ། །བྱེ་བ་ཕྲག་ནི་ཉི་ཤུ་གཉིས་
གཉིས་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །དམ་ཆོས་ལོ་གྲངས་ཉི་ཁྲིའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །འཕང་དུ་དཔག་ཚད་གཅིག་སྲིད་འཕགས་པ་ལ། །རིན་ཆེན་ནོར་བུ་
གསེར་གྱི་ལྡ་ལྡིས་སྤྲས། །འཇིག་རྟེན་མགོན་པོ་རབ་གསལ་སྐྱེ་བ་ཡི། །ཡུལ་ནི་འཇིགས་པ་མེད་པར་མཐོང་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་ནི་བསྟོད་པའི་འོད། །འོད་
40-1-292a


གསལ་བ་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་མིན་རྒྱལ་བྱིན་རིམ་གྲོ་པ། །དགྲ་བཅོམ་འགྲོས་ཤེས་བྱ་བ་མཁས་པ་སྟེ། །སྒྲིབ་པ་མེད་པའི་ཏོག་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །
དྲི་མ་ཀུན་དང་བྲལ་བས་བསམ་གཏན་པ། །བྱེ་བ་ཕྲག་ནི་སུམ་བཅུ་བཞི་བཞི་ཡོད། །མི་ཚེ་ལོ་གྲངས་སུམ་ཁྲི་ཆིག་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲི་ཉིས་སྟོང་བར་དུ་གནས། །རྒྱལ་བའི་
སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱ་ཡང་འབྱུང་། །དེ་བཞིན་གཤེགས་པ་འོད་ནི་སྤྱོད་པ་ཡི། །སྐྱེ་བའི་ཡུལ་ནི་རྟག་ཏུ་དགའ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་བཅུ་
ཡབ་ནི་མྱོས་མེད་ཡིན། །བསོད་ནམས་མཆོད་ཅེས་བྱ་བ་རྒྱལ་བའི་ཡུམ། །སྲས་པོ་ལྷ་ལྡན་སྡོམ་པ་རིམ་གྲོ་པ། །བསོད་ནམས་དཔལ་ཞེས་བྱ་བ་མཁས་པ་སྟེ། །འཁྲུག་པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་
གྲངས་བཅུ་གསུམ་ཀུན་ལ་ཡང་། །ཆགས་པ་མེད་པར་གྱུར་པའི་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །དམ་ཆོས་ལོ་གྲངས་ཆིག་ཁྲི་སུམ་སྟོང་གནས། །སྐུ་
གདུང་མཆོད་རྟེན་དག་ནི་གཅིག་ཡིན་ཏེ། །དཔག་ཚད་བརྒྱད་པ་བརྒྱན་གྱིས་བརྒྱན་བྱས་ཤིང་། །རྩེ་མོ་རིན་པོ་ཆེ་ཡིས་རབ་ཏུ་བརྒྱན། །དེ་བཞིན་གཤེགས་པ་ཀླུ་དབྱངས་སྐྱེ་བ་ཡི། །ཡུལ་ནི་ཀླུ་ཡིས་མཆོད་པ་བྱས་ཤེས་བྱ། །
རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རྒྱ་ཆེན་ཡིན། །ཀླུ་ཡི་དབྱངས་ཤེས་བྱ་བ་རྒྱལ་བའི་ཡུམ། །སྲས་པོ་རྫུ་འཕྲུལ་སེང་གེ་རིམ་གྲོ་པ། །དགའ་བས་མཆོད་ཅེས་བྱ་བ་མཁས་
པ་སྟེ། །སྟོན་པ་ཞེས་བྱ་རྫུ་འཕྲུལ་ཅན་གྱི་མཆོག །འདུས་པ་ལན་གྲངས་བདུན་བཅུ་ཀུན་ལ་ཡང་། །ལྷའི་གནས་པ་མཆོག་དག་ཐོབ་པ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་
40-1-292b


བཞི་སྟོང་ཡིན། །ཆགས་པ་མེད་པར་གྱུར་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོ་མྱ་ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་གླུ་དབྱངས་
སྐྱེ་བ་ཡི། །ཡུལ་ནི་དབྱངས་ཀྱི་མཆོག་མ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བློ་གྲོས་ཅན། །དགེ་བའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་བྱམས་ལྡན་གྲོགས་
བཟང་རིམ་གྲོ་པ། །ཆུ་བོ་སྤོང་ཞེས་བྱ་བ་མཁས་པ་སྟེ། །གཟི་བརྗིད་རྣམ་པར་ངེས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །མཚུངས་མེད་ཆུ་དང་མཚུངས་པའི་བསམ་གཏན་པ། །བྱེ་བ་ཕྲག་ནི་དགུ་
བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྲིད་པའི་མཐར་ཕྱིན་པ་ཡི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །མཆོད་རྟེན་རིན་པོ་ཆེ་ཡིས་རབ་ཏུ་བརྒྱན། །བ་དན་དག་གིས་ཤིན་དུ་
མཛེས་པར་བྱས། །དེ་བཞིན་གཤེགས་པ་འཁོར་ལོ་འཛིན་པ་ཡི། །སྐྱེ་ཡུལ་ཐུབ་པ་མེད་པའི་སྡེ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ལྷ་དབང་ཡིན། །ཚོགས་
རྒྱལ་འོད་ཅེས་བྱ་བ་རྒྱལ་བའི་ཡུམ། །སྲས་པོ་འབྱོར་པ་ལྷས་བྱིན་རིམ་གྲོ་པ། །ཐུབ་པ་མེད་པའི་འོད་ནི་མཁས་པ་སྟེ། །བཀོད་པ་ཁྱད་པར་འཕགས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཉིས་ཀུན་ལ་ཡང་། །
མཉམ་གྲོལ་རྒྱ་མཚོ་འདྲ་བའི་དགྲ་བཅོམ་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་སུམ་ཁྲི་དྲུག་
སྟོང་བར་དུ་གནས། །ཐུགས་རྗེ་ཆེན་པོ་མྱ་ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་དབྱིག་གི་མཆོག་དག་གི། །སྐྱེ་བའི་ཡུལ་ནི་རྐང་པ་བརྒྱན་ཞེས་བྱ། །རྒྱལ་བའི་
40-1-293a


རིགས་ནི་བྲམ་ཟེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ཕན་འདོད་ཡིན། །དགའ་བའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་བ་ཟླ་བཟངས་རིམ་གྲོ་པ། །མུན་དང་བྲལ་ཞེས་བྱ་བ་མཁས་པ་སྟེ། །
ཆགས་དང་བྲལ་བར་གནས་པ་རྫུ་འཕྲུལ་ཅན། །འདུས་པ་ལན་གྲངས་བཅུ་གཅིག་ཀུན་ལ་ཡང་། །ལྷ་ཡི་མཐུ་ཅན་རྣམ་གྲོལ་དགའ་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དྲུག་ཁྲི་ཆིག་སྟོང་ཡིན། །མྱ་
ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གསུམ་པ་གཅིག་གསེར་གྱི་བླ་རེར་ལྡན། །སངས་རྒྱས་འཇིག་རྟེན་དག་ལ་དགའ་བ་
ཡི། །སྐྱེ་བའི་ཡུལ་ནི་མདངས་ཀྱི་འོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་རྒྱ་མཚོ་ཡིན། །ལྷ་ཡི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་མིའི་ཕོ་བྲང་སྐྱེས་རིམ་
གྲོ་པ། །གྲགས་ཆེན་ཞེས་ནི་བྱ་བ་མཁས་པ་སྟེ། །ཁ་ལོ་བསྒྱུར་བར་གྲགས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཐེ་ཙོམ་ཡིད་གཉིས་དག་ནི་མཐར་བྱེད་པ། །བྱེ་བ་ཕྲག་ནི་བདུན་བཅུ་
བདུན་བཅུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །འཇིག་རྟེན་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་བརྒྱད་ཁྲི་བཞི་སྟོང་བར་དུ་གནས། །མཚུངས་པ་མེད་པ་མྱ་ངན་འདས་ནས་ཀྱང་། །རྒྱལ་བའི་སྐུ་
གདུང་དག་ནི་རྒྱས་པར་འགྱུར། །སངས་རྒྱས་དགའ་བ་མཐའ་ཡས་གྲགས་པ་ཡི། །སྐྱེ་བའི་ཡུལ་ནི་ལྷ་ཡི་འོད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལྷ་བཟང་ཡིན། །
ལྷ་ཡི་འོད་ཅེས་བྱ་བ་རྒྱལ་བའི་ཡུམ། །སྲས་པོ་ས་ལྡན་དགའ་བྱེད་རིམ་གྲོ་པ། །སྒྲ་སྙན་པ་ཞེས་བྱ་བ་མཁས་པ་སྟེ། །བདེ་བའི་སྟབས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ཉོན་
40-1-293b


མོངས་ཐམས་ཅད་མཐར་ནི་བྱེད་པ་པོ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །དངོས་མེད་ཕྱིན་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་དུ་གནས་པར་འགྱུར། །ཐུགས་
རྗེ་ཆེན་པོ་མྱ་ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་སྤྲིན་གྱི་ཏོག་དག་གི། །སྐྱེ་བའི་ཡུལ་ནི་ཆོས་སྣང་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །
དཔག་ཚད་འབུམ་ཡོད་ཡབ་ནི་ཡོན་ཏན་འོད། །བློ་གྲོས་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་ཤེས་བྱིན་ལེགས་ཤེས་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །མྱ་ངན་འདས་སྟེགས་བཟང་པོ་རྫུ་
འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ཚངས་པར་གནས་པའི་ཕ་མཐར་ཕྱིན་པ་པོ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །དངོས་པོ་མེད་
པར་ཕྱིན་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་ཤེས་རབ་
འགྲོས་དག་གི། །སྐྱེ་བའི་ཡུལ་ནི་ཡེ་ཤེས་གཞོལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་སྟོང་དྲུག་བརྒྱ་ཡབ་ནི་སྟེགས་བཟང་ཡིན། །ཤེས་རབ་དགའ་ཞེས་བྱ་བ་རྒྱལ་བའི་ཡུམ། །སྲས་
པོ་མཆོག་མ་སྤྲིན་ལྡན་རིམ་གྲོ་པ། །བདུད་འཇོམས་པ་ནི་བློ་གྲོས་ཅན་ཡིན་ཏེ། །གནས་པ་མཐའ་ཡས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་དྲུག་ཀུན་ལའང་། །བྱང་ཆུབ་མཆོག་གི་ཕ་རོལ་ཕྱིན་
པ་པོ། །བྱེ་བ་ཕྲག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་ནས་དམ་པའི་ཆོས་དག་ཀྱང་། །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་མཆོད་
40-1-294a


རྟེན་གཅིག་ཡིན་ཏེ། །དཔག་ཚད་ལྔ་པ་ནོར་བུ་བླ་རེར་ལྡན། །འཇིག་རྟེན་མགོན་པོ་སྤོས་བཟང་སྐྱེ་བ་ཡི། །ཡུལ་ནི་སྤོས་ཀྱིས་རྣམ་པར་བརྒྱན་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །
དཔག་ཚད་བརྒྱ་ཡོད་ཡབ་ནི་ལེགས་བཟངས་ཡིན། །འོད་བཟངས་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐར་མཁན་འབྱོར་པ་རིམ་གྲོ་པ། །ཡོན་ཏན་འོད་བཟངས་པ་ནི་མཁས་པ་སྟེ། །བཀོད་པ་མཐའ་ཡས་པ་ནི་རྫུ་འཕྲུལ་
ཅན། །འདུས་པ་ལན་གྲངས་སུམ་བཅུ་གཉིས་ཀུན་ལའང་། །མཚོ་བྲན་རྒྱ་མཚོ་གང་བ་འདྲ་བ་པོ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཞི་བར་ཕྱིན་པའི་དམ་པའི་ཆོས་དག་
ཀྱང་། །ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བརྒྱད་པ་ཐམས་ཅད་རྣམ་པར་བརྒྱན། །དེ་བཞིན་གཤེགས་པ་ནམ་མཁའི་དབྱིངས་སྐྱེ་བའི། །ཡུལ་ནི་
རྫུ་འཕྲུལ་སྣང་བར་བྱེད་ཅེས་བྱ། །རྡུལ་བྲལ་རིགས་ནི་རྒྱལ་རིགས་འོད་ཀྱི་ཚད། །སྟོང་གསུམ་ཙམ་ཡིན་བདེ་བའི་དབང་པོ་ཡབ། །དགའ་བའི་སྒྲ་དབྱངས་རྒྱལ་ཡུམ་མེ་ཏོག་སྲས། །ཀུ་མུ་ད་ཞེས་བྱ་བ་རིམ་གྲོ་པ། །སེང་གེའི་
རྒྱལ་མཚན་ཞེས་བྱ་མཁས་པ་སྟེ། །དབྱངས་སྙན་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང་། །བརྟན་རྣམས་བྱང་ཆུབ་དག་ལ་གཞོལ་བ་པོ། །བྱེ་བ་ཕྲག་ནི་དཔག་ཏུ་མེད་
པ་ཡོད། །མི་ཚེ་ལོ་གྲངས་ཐེར་འབུམ་ཕྲག་གསུམ་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱ་བྱའི་ཕྱིར། །དམ་ཆོས་ལོ་གྲངས་ཐེར་འབུམ་ཕྲག་གསུམ་གནས། །གྲགས་པ་མཐའ་ཡས་མྱ་ངན་འདས་ནས་ཀྱང་། །རྒྱལ་
བའི་སྐུ་གདུང་དག་ནི་རྒྱས་པར་འགྱུར། །འཇིག་རྟེན་མགོན་པོ་ལྷ་ཡི་སྐྱེ་བ་ཡི། །ཡུལ་ནི་ངང་ཚུལ་ཀུན་དུ་བསྡུས་ཤེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །སྟོང་གསུམ་ཁམས་གཉིས་ཙམ་ཡབ་སྒྲོན་མ་ཡིན། །
40-1-294b


སྤོབས་པའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་ལྷ་གསལ་འབྱོར་བྱེད་རིམ་གྲོ་པ། །མིག་ལེགས་པ་ཞེས་བྱ་བ་མཁས་པ་སྟེ། །ཤིན་དུ་སྦྱངས་པའི་ལུས་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་བཞི་ཀུན་ལའང་། །སེམས་
ཅན་མཆོག་མ་བྱང་ཆུབ་འདོད་པ་པོ། །བྱེ་བ་ཕྲག་ནི་ཁྲི་ཕྲག་དགུ་དགུ་ཡོད། །མི་ཚེ་ལོ་གྲངས་དག་ནི་འབུམ་ཡང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་བརྒྱད་ཁྲིའི་བར་དུ་གནས། །མིག་སྦྱིན་མཛད་པ་མྱ་
ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་ལྷ་ཡི་རྒྱལ་པོ་ཡི། །སྐྱེ་བའི་ཡུལ་ནི་ལྷ་ཡིས་མཆོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །སྟོང་ཁམས་གཅིག་ཙམ་ཡབ་ནི་
ལྷ་བཟང་ཡིན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །སྲས་པོ་ལྷ་ཡིན་ལྷ་ནི་རིམ་གྲོ་པ། །ཚངས་པ་འཕགས་ཤེས་བྱ་བ་མཁས་པ་སྟེ། །ལྷ་དབང་གཙོ་བོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །གཟུངས་
ཐོབ་བྱང་ཆུབ་དག་ནི་འདོད་པ་པོ། །ཁྲི་ཕྲག་དག་ནི་དགུ་བཅུ་བཞི་བཞི་ཡོད། །མི་ཚེ་ལོ་གྲངས་བྱེ་སྟོང་དགུ་བཅུ་དགུ། །བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །དམ་ཆོས་ལོ་གྲངས་བརྒྱད་འབུམ་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་
འགྱུར་ལ། །མཆོད་རྟེན་བཟང་པོས་ཞིང་རྣམས་གང་བར་འགྱུར། །དེ་བཞིན་གཤེགས་པ་ནོར་བུ་གསལ་བ་ཡི། །སྐྱེ་བའི་ཡུལ་ནི་རིན་ཆེན་གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་ཁྲི་ཡོད་
ཡབ་ནི་གསལ་བ་ཡིན། །རིན་ཆེན་མཆོག་ཅེས་བྱ་བ་རྒྱལ་བའི་ཡུམ། །སྲས་པོ་དགའ་ལྡན་ལེགས་མཐོང་རིམ་གྲོ་པ། །མིག་སྡུག་པ་ཞེས་བྱ་བ་མཁས་པ་སྟེ། །རྟག་པ་མཐོང་ཞེས་བྱ་བ་རྫུ་འཕྲུལ་ཅན། །འདུས་པ་ལན་
གྲངས་དྲུག་བཅུ་གཉིས་ཀུན་ལའང་། །དགྲ་བཅོམ་ཟག་པ་མེད་པའི་བསམ་གཏན་པ། །བྱེ་བ་ཕྲག་ནི་བདུན་བཅུ་གསུམ་གསུམ་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །
40-1-295a


ལོ་གྲངས་བདུན་ཁྲི་བཞི་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་བརྒྱ་པ་གཅིག །གསེར་དང་ནོར་བུའི་ལྡ་ལྡིས་མཛེས་པར་བྱས། །དེ་བཞིན་གཤེགས་པ་ནོར་བཟང་སྐྱེ་བ་ཡི། །ཡུལ་ནི་བསོད་ནམས་
རྣམ་པར་བརྒྱན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་སྟོང་རབ་ཏུ་དགེ་བ་ཡབ། །ཐར་པའི་རྒྱལ་མཚན་ཞེས་བྱ་རྒྱལ་བའི་ཡུམ། །སྲས་པོ་སྟོན་བརྩེགས་རྒྱལ་བ་རིམ་གྲོ་པ། །ཡེ་ཤེས་ང་རོ་
ཞེས་བྱ་མཁས་པ་སྟེ། །མཛེས་པར་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ངར་མི་འཛིན་པ་ཡང་སྲིད་ཟད་པ་པོ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་
གྲངས་སུམ་ཁྲི་དྲུག་སྟོང་ཡིན། །ནུབ་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་ཁྲི་བཞི་སྟོང་བར་དུ་གནས། །རྒྱལ་བ་དེ་ཡི་སྐུ་གདུང་རྒྱས་འགྱུར་ཏེ། །ཞིང་རྣམས་དག་ཏུ་རྣམ་པར་གང་བར་འགྱུར། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་གསུམ་པ། མཚུངས་པ་མེད་པ་སྒྲོན་མ་སྐྱེ་བ་
ཡི། །ཡུལ་ནི་བསོད་ནམས་སྒྲོན་མ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སུམ་སྟོང་རྣམ་པར་གནོན་པ་ཡབ། །གཟི་བརྗིད་འོད་ཅེས་བྱ་བ་རྒྱལ་བའི་ཡུམ། །སྲས་པོ་གཟི་བྱིན་སྒྲོན་མ་
རིམ་གྲོ་པ། །སྒྲོན་མ་བྱེད་ཅེས་བྱ་བ་མཁས་པ་སྟེ། །འཇིག་རྟེན་སྣང་བར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །དགྲ་བཅོམ་དེ་དག་ཚོགས་པར་འགྱུར་བའི་གྲངས། །བདུན་འབུམ་
བདུན་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །འཇིག་རྟེན་ཕན་ཕྱིར་སྐུ་གདུང་
40-1-295b


རྒྱས་འགྱུར་ལ། །རིན་ཆེན་བརྒྱའི་དྲ་བས་རྣམ་པར་སྤྲས། །རྒྱལ་བ་རིན་ཆེན་ང་རོ་དབྱངས་དག་གི། །སྐྱེ་བའི་ཡུལ་ནི་དབྱངས་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བརྒྱ་སྟོང་
ཡབ་ནི་ལྷ་ལུས་ཡིན། །རིན་ཆེན་འགྲོས་ཤེས་བྱ་བ་རྒྱལ་བའི་ཡུམ། །སྲས་པོ་རྒྱལ་བྱིན་རྒལ་གྱུར་རིམ་གྲོ་པ། །ང་རྒྱལ་བཅད་ཅེས་བྱ་བ་མཁས་པ་སྟེ། །ཉོན་མོངས་གསལ་ཞེས་བྱ་བ་རྫུ་འཕྲུལ་ཅན། །འདུས་
པ་ལན་གྲངས་བརྒྱད་བཅུ་ཀུན་ལ་ཡང་། །ཚུལ་བཞིན་ཆོས་ཀྱི་ཕ་རོལ་ཕྱིན་པ་པོ། །བྱེ་བ་ཕྲག་ནི་བརྒྱད་བཅུ་གཉིས་གཉིས་ཡོད། །མི་ཚེ་ལོ་གྲངས་བརྒྱད་ཁྲིའི་བར་དུ་གནས། །མྱ་ངན་འདས་ནས་དམ་པའི་
ཆོས་དག་ཀྱང་། །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱད་པ་གཅིག །རིན་ཆེན་བྱེ་བ་དག་གིས་རབ་ཏུ་བརྒྱན། །རྒྱལ་བ་སྐྱེ་དབང་རྒྱལ་པོ་སྐྱེ་བ་ཡི། །ཡུལ་ནི་
དྲག་ཤུལ་སྣང་བར་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ཁྱད་པར་འཕགས། །རྒྱ་མཚོའི་བློ་གྲོས་ཞེས་བྱ་རྒྱལ་བའི་ཡུམ། །སྲས་པོ་རྒྱ་མཚོ་མཚོ་ཆེན་
རིམ་གྲོ་པ། །བདུད་རྩི་དགའ་ཞེས་བྱ་བ་མཁས་པ་སྟེ། །མྱ་ངན་འདས་པའི་སྟེགས་བཟང་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །དངོས་མེད་ཕྱིན་པ་གཏི་མུག་མེད་ཞི་བ། །
བྱེ་བ་ཕྲག་ནི་དྲུག་བཅུ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་ཆིག་སྟོང་ཡིན། །དྲི་མ་སྤངས་པའི་དམ་པའི་ཆོས་དག་ཀྱང་། །ལོ་གྲངས་དྲུག་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་
རྒྱས་འགྱུར་ལ། །མཆོད་རྟེན་བཟང་པོས་ཞིང་རྣམས་གང་བར་འགྱུར། །དེ་བཞིན་གཤེགས་པ་སྒྲ་གཅན་སྦེད་པ་ཡི། །སྐྱེ་བའི་ཡུལ་ནི་སྒྲོན་མའི་མདངས་ཤེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་
40-1-296a


ཚད། །དཔག་ཚད་བཅུ་ཡོད་ཡབ་ནི་ཡོན་ཏན་འཕྲུལ། །རྫུ་འཕྲུལ་འོད་ཅེས་བྱ་བ་རྒྱལ་བའི་ཡུམ། །སྲས་པོ་འཕྲུལ་ཅན་བཀོད་པ་རིམ་གྲོ་པ། །བློ་དང་ལྡན་ཞེས་བྱ་བ་མཁས་པ་སྟེ། །འཁྲུལ་པ་མེད་པར་
སེམས་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་བཅོམ་ཐམས་ཅད་ཟག་པ་མེད་པ་པོ། །བྱེ་བ་ཕྲག་ནི་ཉི་ཤུ་ཉི་ཤུ་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །འགོག་པར་ཕྱིན་པའི་
དམ་པའི་ཆོས་དག་ཀྱང་། །ལོ་གྲངས་ཉི་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བདུན་པ་རིན་པོ་ཆེ་ཡིས་སྤྲས། །འཇིག་རྟེན་མགོན་པོ་དགེ་བ་མཛད་པ་ཡི། །སྐྱེ་ཡུལ་གཟི་
བརྗིད་འཇིགས་པ་མེད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་དྲུག་བཅུ་ཡབ་ནི་དོན་བསྟན་ཡིན། །མཆོག་ཏུ་བརྟན་ཞེས་བྱ་བ་རྒྱལ་བའི་ཡུམ། །སྲས་པོ་ཁ་བསྒྱུར་དྲང་པོ་རིམ་གྲོ་པ། །ཡོན་ཏན་ཆ་ཕྲ་འཛིན་
པ་མཁས་པ་སྟེ། །སྒྲོན་མ་གནས་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །འཇིག་རྟེན་དད་པ་དགྲ་བཅོམ་ཆགས་མེད་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དག་ནི་
བརྒྱད་ཁྲི་ཡིན། །སྣང་བ་མེད་པར་ཕྱིན་པའི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །ཐུགས་རྗེ་ཆེན་པོ་མྱ་ངན་འདས་ནས་ཀྱང་། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་བཞིན་གཤེགས་པ་
སེང་གེའི་བློ་གྲོས་ཀྱི། །སྐྱེ་བའི་ཡུལ་ནི་མདངས་སྣང་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་ཡབ་ནི་ཡིད་འོང་ཡིན། །ལྷ་དགའ་ཞེས་ནི་བྱ་བ་རྒྱལ་བའི་ཡུམ། །སྲས་པོ་སྟོན་བྱེད་
མཛེས་ཅན་རིམ་གྲོ་པ། །མཆོད་པར་འོས་ཤེས་བྱ་བ་མཁས་པ་སྟེ། །དད་པར་བྱེད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་ཀུན་ལ་ཡང་། །ལྷ་ཡི་གནས་པའི་ཕ་རོལ་ཕྱིན་པ་པོ། །བྱེ་བ་ཕྲག་ནི་སུམ་
40-1-296b


བཅུ་དྲུག་དྲུག་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །དམ་ཆོས་ལོ་གྲངས་བྱེ་བའི་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཅིག་པ་གཅིག་གསེར་གྱི་བླ་རེར་ལྡན། །རིན་ཆེན་མཆོག་
མ་བྱེ་བས་རྣམ་པར་སྤྲས། །དེ་བཞིན་གཤེགས་པ་རིན་ཆེན་གྲགས་པ་ཡི། །སྐྱེ་བའི་ཡུལ་ནི་གསེར་གྱི་སྒྲོན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་གསུམ་ཡབ་ནི་ལྷ་བཟང་ཡིན། །སྙན་པར་གྲགས་ཤེས་བྱ་བ་
རྒྱལ་བའི་ཡུམ། །སྲས་པོ་ལེགས་འོངས་བློ་ལྡན་རིམ་གྲོ་པ། །ཡོན་ཏན་ཚོགས་ཤེས་བྱ་བ་མཁས་པ་སྟེ། །གཏི་མུག་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གཅིག་ཀུན་ལའང་། །ཐམས་ཅད་གནས་པ་
མེད་པའི་ལམ་ཐོབ་པ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །ཆགས་པ་མེད་པར་གྱུར་པའི་དམ་ཆོས་དག །ལོ་གྲངས་དགུ་ཁྲི་དགུ་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་
འགྱུར་ལ། །ཞིང་རྣམས་ཀུན་དུ་མཆོད་རྟེན་བཟང་པོས་གང་། །སེམས་ཅན་སྙིང་པོ་དོན་ནི་མཛད་པ་ཡི། །སྐྱེ་བའི་ཡུལ་ནི་ལྷ་ཡིས་བཀོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་སྤོང་པ་
ཡིན། །གྲགས་ཏོག་མ་ཞེས་བྱ་བ་རྒྱལ་བའི་ཡུམ། །སྲས་པོ་བྱང་ཆུབ་ཆོས་ལྡན་རིམ་གྲོ་པ། །ཡོན་ཏན་གནས་ཤེས་བྱ་བ་མཁས་པ་སྟེ། །རྣམ་གྲོལ་གསལ་ཤེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་
བཅུ་ཀུན་ལ་ཡང་། །དགྲ་དག་ཆོམས་པ་དེ་དག་འདུས་པའི་གྲངས། །བྱེ་བ་ཕྲག་ནི་འབུམ་འབུམ་འདུས་པར་འགྱུར། །མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་
བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །བཅུ་གཉིས་པ་གཅིག་གསེར་གྱི་བླ་རེར་ལྡན། །དེ་བཞིན་གཤེགས་པ་མཛད་མཐའ་གཟིགས་པ་ཡི། །སྐྱེ་བའི་ཡུལ་ནི་མཛེས་པར་
40-1-297a


སྦྱངས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་དྲུག་བཅུ་རྣམ་པར་དག་པ་ཡབ། །བྱས་པ་ངེས་ཤེས་བྱ་བ་རྒྱལ་བའི་ཡུམ། །སྲས་པོ་བཟང་ལྡན་གྲགས་བྱིན་རིམ་གྲོ་པ། །
མཆོད་རྟེན་དགའ་ཞེས་བྱ་བ་མཁས་པ་སྟེ། །གསལ་བ་གཏི་མུག་མེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དགྲ་དག་ཆོམས་པ་དེ་དག་ཀུན་གྱི་གྲངས། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །
མི་ཚེ་ལོ་གྲངས་དག་ནི་བརྒྱད་ཁྲི་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྟོང་གསུམ་མཆོད་རྟེན་བཟང་པོས་གང་
བར་འགྱུར། །དེ་བཞིན་གཤེགས་པ་སྲིད་པའི་མེ་ཏོག་གི། །སྐྱེ་བའི་ཡུལ་ནི་གྲགས་པ་བསྒྲགས་ཤེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །སུམ་བཅུ་རྩ་ལྔ་ཡབ་ནི་སྲིད་མཐའ་ཡིན། །བློ་གྲོས་ཉི་མ་ཞེས་
བྱ་བརྒྱལ་བའི་ཡུམ། །ནོར་ལྷའི་བུ་སྲས་ཟླ་ཉི་རིམ་གྲོ་པ། །དགྲ་བཅོམ་དགའ་ཞེས་བྱ་བ་མཁས་པ་སྟེ། །འཕགས་པ་དད་པར་བྱེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །ང་མེད་
ནམ་མཁའ་དག་དང་མཚུངས་པ་པོ། །བྱེ་བ་ཕྲག་ནི་བརྒྱད་བཅུ་བཞི་བཞི་ཡོད། །མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲི་ཆིག་སྟོང་བར་དུ་གནས། །
སྐུ་གདུང་མཆོད་རྟེན་དཔག་ཚད་བཅུ་གསུམ་པ། །གཅིག་སྟེ་རིན་ཆེན་བཀོད་པས་རབ་ཏུ་བརྒྱན། །འཇིག་རྟེན་མགོན་པོ་མཛོད་སྤུ་ལྡན་པ་ཡི། །སྐྱེ་བའི་ཡུལ་ནི་སྟེགས་མཆོག་ཅེས་ཀྱང་བྱ། །རིགས་ནི་བྲམ་
ཟེ་ཡིན་ཏེ་འོད་དཔག་ཚད། །སུམ་བཅུ་རྩ་གསུམ་ཡབ་ནི་རབ་གསལ་ཡིན། །བརྟུལ་ཞུགས་གྲུབ་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་སྡུག་རབ་དགའ་རིམ་གྲོ་པ། །ཐར་པའི་འགྲོས་ཤེས་བྱ་བ་མཁས་
40-1-297b


པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང་། །རི་ཡི་རྒྱལ་པོ་ལྟ་བུར་མི་གཡོ་བ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །
ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་བཅུ་བྱུང་། །སངས་རྒྱས་སྤོབས་པ་མཚུངས་
མེད་རྒྱལ་པོ་ཡི། །སྐྱེ་བའི་ཡུལ་ནི་སྣ་ཚོགས་མཛེས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཞི་བཅུ་ཡབ་ནི་སྐྱོན་མེད་ཡིན། །ཡོན་ཏན་མཐོང་ཞེས་བྱ་བ་རྒྱལ་བའི་ཡུམ། །
ཡོན་ཏན་ཅན་སྲས་བློ་ལྡན་རིམ་གྲོ་པ། །རྒྱལ་མཚན་མཆོག་ཅེས་བྱ་བ་མཁས་པ་སྟེ། །ནོར་ལྷའི་བུ་ཏོག་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་ཀུན་ལ་ཡང་། །ཆུ་དང་ནམ་མཁའ་ལྟ་
བུར་གསལ་བ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དགུ་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲི་ཆིག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་
བའི་སྐུ་གདུང་དག །རྒྱས་པར་འགྱུར་ཏེ་ཞིང་རྣམས་གང་བར་འགྱུར། །སངས་རྒྱས་ཡེ་ཤེས་རྣམ་འབྱེད་ང་རོ་ཡི། །སྐྱེ་བའི་ཡུལ་ནི་རྣམ་གྲགས་ལྷ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་གཉིས་ཡབ་
ནི་ངོས་བཟངས་ཡིན། །མཚན་ལྡན་མ་ཞེས་བྱ་བ་རྒྱལ་བའི་ཡུམ། །བསོད་ནམས་འདོད་སྲས་གཙོ་བོ་རིམ་གྲོ་པ། །བརྟུལ་ཞུགས་གྲུབ་ཅེས་བྱ་བ་མཁས་པ་སྟེ། །ཆགས་པ་མེད་པར་གནས་པ་རྫུ་འཕྲུལ་ཅན། །འདུས་
པ་ལན་གྲངས་སུམ་བཅུ་གསུམ་ཀུན་ལའང་། །དྲི་བྲལ་འཇིག་རྟེན་དྲི་མའི་དྲི་མེད་པ། །བྱེ་བ་ཕྲག་ནི་སུམ་བཅུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །
40-1-298a


ལོ་གྲངས་སུམ་ཁྲི་ཆིག་སྟོང་བར་དུ་གནས། །རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །དྲུག་བཅུ་པ་གཅིག་གསེར་གྱི་བླ་རེར་ལྡན། །དེ་བཞིན་གཤེགས་པ་སེང་གེའི་མཆེ་བ་ཡི། །སྐྱེ་བའི་ཡུལ་
ནི་བྲོ་བའི་མཆོག་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་ཕྲག་གསུམ་གླང་ཆེན་དབང་པོ་ཡབ། །ཐར་པའི་དབྱངས་ནི་རྒྱལ་ཡུམ་ལྟ་བྱེད་སྲས། །ན་ཚོད་བཟང་པོ་ཞེས་བྱ་རིམ་གྲོ་པ། །ཡོན་
ཏན་ཚོགས་ཤེས་བྱ་བ་མཁས་པ་སྟེ། །རྣམ་པར་གྲོལ་བའི་བཀོད་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་ཀུན་ལ་ཡང་། །སྤྱོད་པ་འཁྲུལ་པ་མེད་པར་གྱུར་པ་པོ། །བྱེ་བ་ཕྲག་ནི་དྲུག་བཅུ་བདུན་བདུན་ཡོད། །
མི་ཚེ་ལོ་གྲངས་དྲུག་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཞིང་རྣམས་མཆོད་རྟེན་དག་གིས་གང་
བར་འགྱུར། །དེ་བཞིན་གཤེགས་པ་མཛེས་པར་གཤེགས་པ་ཡི། །སྐྱེ་བའི་ཡུལ་ནི་བདེན་པ་གསལ་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་བཞི་ཡབ་ནི་བཀོད་པ་ཡིན། །གཟི་བརྗིད་ཆེན་
མོ་ཞེས་བྱ་རྒྱལ་བའི་ཡུམ། །སྲས་པོ་དེས་པ་བཟང་པོ་རིམ་གྲོ་པ། །ཡིད་འཇམ་པ་ཞེས་བྱ་བ་མཁས་པ་སྟེ། །བྱང་ཆུབ་དྲང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ལྔ་ཀུན་ལའང་། །ལེགས་དུལ་ཡིད་
ལྡན་གླང་པོ་འདྲ་བ་པོ། །བྱེ་བ་ཕྲག་ནི་དགུ་བཅུ་དགུ་དགུ་ཡོད། །མི་ཚེ་ལོ་གྲངས་དགུ་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་
གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་བཀོད་པ་ཡིད་དུ་འོང་། །དེ་བཞིན་གཤེགས་པ་བསོད་ནམས་སྒྲོན་མ་ཡི། །སྐྱེ་བའི་ཡུལ་ནི་སྒྲོན་མའི་ཏོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བཅུ་
40-1-298b


ཡོད་ཡབ་ནི་ལྷ་བཟང་ཡིན། །གྲགས་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་འཕྲུལ་ཅན་མཐུ་རྩལ་རིམ་གྲོ་པ། །མཆོད་རྟེན་གྲགས་ཤེས་བྱ་བ་མཁས་པ་སྟེ། །གཟུངས་ཀྱི་རྒྱལ་པོ་ཞེས་བྱ་རྫུ་འཕྲུལ་ཅན། །
འདུས་པ་ལན་གྲངས་དྲུག་བཅུ་ཀུན་ལ་ཡང་། །སྲིད་པ་ཀུན་ལས་རྣམ་གྲོལ་ཡིད་ལྡན་པ། །བྱེ་བ་ཕྲག་ནི་དྲུག་བཅུ་ལྔ་ལྔ་ཡོད། །མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་
ཁྲི་དྲུག་སྟོང་བར་དུ་གནས། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །རྒྱས་པར་འགྱུར་ཏེ་ཞིང་རྣམས་གང་བར་འགྱུར། །སེམས་ཅན་སྙིང་པོ་བཀྲ་ཤིས་ལྡན་པ་ཡི། །སྐྱེ་བའི་ཡུལ་ནི་གཟི་བརྗིད་གསལ་ཞེས་བྱ། །
རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་ཁྲི་ཡོད་ཡབ་ནི་ལྷ་དབང་ཡིན། །སྤྱོད་པ་ཅན་ཞེས་བྱ་བ་རྒྱལ་བའི་ཡུམ། །སྲས་པོ་ཡིད་འོང་སྣང་ལྡན་རིམ་གྲོ་པ། །ཆོས་ཀྱི་འོད་ཅེས་བྱ་བ་མཁས་པ་སྟེ། །ཡོན་
ཏན་མཆོག་ལ་གནས་པ་རྫུ་འཕྲུལ་ཅན། །འདུས་པ་ལན་གྲངས་དགུ་བཅུ་གསུམ་ཀུན་ལའང་། །སྲིད་པའི་མདུད་པ་ཐམས་ཅད་རྣམ་གྲོལ་བ། །བྱེ་བ་ཕྲག་ནི་དགུ་བཅུ་ལྔ་ལྔ་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །
མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བརྒྱད་པ་གཅིག །གསེར་དང་ནོར་བུའི་ལྡ་ལྡིས་མཛེས་པར་བྱས། །རྒྱལ་བ་ཡུལ་འཁོར་མྱ་
ངན་མེད་པ་ཡི། །སྐྱེ་བའི་ཡུལ་ནི་མྱ་ངན་སེལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་བཅུ་ཡབ་ནི་དུལ་བ་ཡིན། །ཉེས་པ་སྤོང་ཞེས་བྱ་བ་རྒྱལ་བའི་ཡུམ། །སྲས་པོ་ཚལ་འདོར་དྲག་
ཤུལ་རིམ་གྲོ་པ། །ཡོན་ཏན་མིག་ཅེས་བྱ་བ་མཁས་པ་སྟེ། །གྲགས་པ་རྣམ་པར་སྤྲུལ་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །དུལ་བའི་ཡིད་ལྡན་བསྒོམས་པའི་
40-1-299a


བདག་ཉིད་ཅན། །བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །མི་ཚེ་ལོ་གྲངས་བརྒྱད་ཁྲི་སུམ་སྟོང་ཡིན། །དམ་པའི་ཆོས་དག་ལོ་གྲངས་སྟོང་ཕྲག་ནི། །བརྒྱད་བཅུ་རྩ་གསུམ་བར་དུ་གནས་པར་འགྱུར། །འགྲོ་ལ་
ཕན་ཕྱིར་རྒྱལ་བའི་སྐུ་གདུང་དག །རྒྱས་པར་འགྱུར་ཏེ་ཞིང་རྣམས་གང་བར་འགྱུར། །དེ་བཞིན་གཤེགས་པ་བློ་གྲོས་སེམས་པ་ཡི། །སྐྱེ་བའི་ཡུལ་ནི་ཡིད་ཚིམ་བྱེད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་
ཚད་སྟོང་ཡོད་རྫུ་འཕྲུལ་ལྷ་ནི་ཡབ། །ཡིད་གཉིས་འདོད་ཅེས་བྱ་བ་རྒྱལ་བའི་ཡུམ། །སྲས་པོ་ལྟ་བྱེད་དེས་པ་རིམ་གྲོ་པ། །ཤེས་རབ་འཕགས་ཤེས་བྱ་བ་མཁས་པ་སྟེ། །མཆོག་རྒྱལ་བརྟུལ་ཞུགས་ཞེས་བྱ་རྫུ་འཕྲུལ་ཅན། །
འདུས་པ་ལན་གྲངས་བརྒྱད་བཅུ་གཅིག་ཀུན་ལའང་། །བག་ཆགས་ཕ་མཐར་ཕྱིན་པའི་བསམ་གཏན་པ། །བྱེ་བ་ཕྲག་ནི་བརྒྱད་བཅུ་གཉིས་གཉིས་ཡོད། །མི་ཚེ་ལོ་གྲངས་བརྒྱད་ཁྲི་ལྔ་སྟོང་ཡིན། །ཡོངས་སུ་མྱ་ངན་
འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །སྐུ་གདུང་མཆོད་རྟེན་དཔག་ཚད་བཅུ་གཉིས་པ། །གཅིག་སྟེ་ནོར་བུ་བཟང་པོའི་དྲ་བས་སྤྲས། །དེ་བཞིན་གཤེགས་པ་བློ་དང་ལྡན་པ་ཡི། །
སྐྱེ་བའི་ཡུལ་ནི་ཤེས་རབ་གསལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཆོས་བཟངས་ཡིན། །ཐར་པའི་བརྟུལ་ཞུགས་ཞེས་བྱ་རྒྱལ་བའི་ཡུམ། །སྲས་པོ་
ཏོག་ལྡན་ལེགས་སེམས་རིམ་གྲོ་པ། །བདུད་རྩི་དགའ་ཞེས་བྱ་བ་མཁས་པ་སྟེ། །བཀོད་པ་གསལ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་ཀུན་ལ་ཡང་། །སྲིད་པའི་རྒྱ་མཚོའི་ཕ་
མཐར་ཕྱིན་པ་པོ། །བྱེ་བ་ཕྲག་ནི་བརྒྱད་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །སྣང་བ་མེད་པར་ཕྱིན་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །
40-1-299b


རྒྱལ་བའི་མཆོད་རྟེན་དཔག་ཚད་བཅུ་གསུམ་པ། །རིན་ཆེན་མང་པོའི་དྲ་བས་མཛེས་པར་བྱས། །དེ་བཞིན་གཤེགས་པ་ཆོས་ཀྱི་སྒྲོན་མ་སྤྱན། །སྐྱེ་བའི་ཡུལ་ནི་ཆོས་ཀྱི་རྒྱལ་མཚན་ཡིན། །རྒྱལ་བའི་རིགས་ནི་
རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་བློ་གྲོས་ཅན། །ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླས་བྱིན་འཇམ་པའི་རིམ་གྲོ་པ། །སྤོབས་པ་སེམས་ནི་བློ་གྲོས་ཅན་ཡིན་ཏེ། །འཁྲུགས་
པ་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་བཞི་ཀུན་ལའང་། །ང་རྒྱལ་སྲེད་པའི་དྲ་བ་འཇིག་པ་པོ། །བྱེ་བ་ཕྲག་ནི་དྲུག་བཅུ་ལྔ་ལྔ་ཡོད། །མི་ཚེ་ལོ་གྲངས་དྲུག་ཁྲི་དྲུག་སྟོང་ཡིན། །ཡོངས་
སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲི་ལྔ་སྟོང་བར་དུ་གནས། །ཐུགས་རྗེ་ཅན་གྱི་སྐུ་གདུང་རྒྱས་འགྱུར་ལ། །རིན་ཆེན་བྱེ་བ་དག་གིས་རབ་ཏུ་བརྒྱན། །འཇིག་རྟེན་མགོན་པོ་ཤིན་དུ་གཟིགས་པ་ཡི། །
སྐྱེ་བའི་ཡུལ་ནི་གཟི་བརྗིད་སྒྲོན་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་ལྔ་བརྒྱ་ཡབ་ནི་ཞུམ་མེད་ཡིན། །བློ་བརྟན་འཛིན་ཅེས་བྱ་བ་རྒྱལ་བའི་ཡུམ། །སྲས་པོ་བློ་ལྡན་བློ་བཟངས་
རིམ་གྲོ་པ། །རྣམ་པར་སྣང་བྱེད་ཅེས་བྱ་མཁས་པ་སྟེ། །འཇིག་རྟེན་སྒྲ་ལ་འཇུག་པ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་དྲུག་ཀུན་ལའང་། །དུག་རྩ་བཅད་དང་མཚུངས་པའི་དགྲ་བཅོམ་པ། །
བྱེ་བ་ཕྲག་ནི་དྲུག་བཅུ་གསུམ་གསུམ་ཡོད། །མི་ཚེ་ལོ་གྲངས་དྲུག་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་པའི་དམ་ཆོས་དག །ལོ་གྲངས་དྲུག་ཁྲི་དྲུག་སྟོང་བར་དུ་གནས། །འཇིག་རྟེན་ཕན་ཕྱིར་རྒྱལ་
བའི་སྐུ་གདུང་དག །རྒྱས་འགྱུར་ཁམས་གསུམ་དག་ཏུ་གང་བར་འགྱུར། །དེ་བཞིན་གཤེགས་པ་ཤུགས་ཀྱིས་འདོར་བ་ཡི། །སྐྱེ་བའི་ཡུལ་ནི་དགའ་བ་གསལ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
40-1-300a


དཔག་ཚད་བཅུ་ཡོད་ཡབ་ནི་ལེགས་བྱིན་ཡིན། །མཆོག་སྦྱིན་འཇུག་ཅེས་བྱ་བ་རྒྱལ་བའི་ཡུམ། །སྲས་པོ་ཟླ་ལྡན་ཟླས་བྱིན་རིམ་གྲོ་པ། །རྡོ་རྗེའི་འགྲོས་ཞེས་བྱ་བ་མཁས་པ་སྟེ། །འབྱོར་པ་གསལ་ཞེས་བྱ་བ་
རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །དྲི་མེད་ཚུལ་འཆོས་མེད་པའི་དགྲ་བཅོམ་པ། །བྱེ་བ་ཕྲག་ནི་བདུན་བཅུ་བཞི་བཞི་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །
ལོ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་བྱམས་ལྡན་རྒྱལ་བ་ཡི། །སྐུ་གདུང་རྒྱས་འགྱུར་རྣམ་པར་གང་བར་འགྱུར། །དེ་བཞིན་གཤེགས་པ་སྟོབས་ཅན་སྐྱེ་བ་ཡི། །ཡུལ་ནི་གདུལ་བར་དཀའ་བ་ཞེས་ཀྱང་བྱ། །རྒྱལ་
བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་བཅུ་ཡབ་ནི་ཞུམ་མེད་ཡིན། །བསོད་ནམས་ཅན་ཞེས་བྱ་བ་རྒྱལ་བའི་ཡུམ། །སྲས་པོ་སྐྲུན་བྱེད་གཉི་ག་རིམ་གྲོ་པ། །ནོར་བུ་རྐང་ཞེས་བྱ་བ་མཁས་པ་སྟེ། །གསེར་སྒྲོན་ཞེས་བྱ་བ་ནི་
རྫུ་འཕྲུལ་ཅན། །དེ་ན་འདུས་པ་ལན་གྲངས་དྲུག་བཅུ་སྟེ། །ཐམས་ཅད་དག་ལ་བྱེ་བ་དག་ནི་ཕྲག །དགུ་བཅུ་རྩ་ནི་བཞི་བཞི་ཚང་བར་འགྱུར། །མི་ཚེ་ལོ་གྲངས་བརྒྱད་ཁྲི་བརྒྱད་སྟོང་ཡིན། །འཁྲུགས་པ་མེད་པར་ཕྱིན་པའི་དམ་ཆོས་
དག །ལོ་གྲངས་དགུ་ཁྲི་ཉིས་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་རངས་པ་གཅིག །ནོར་བུའི་གདུགས་དང་བཀོད་པ་བླ་རེར་ལྡན། །དེ་བཞིན་གཤེགས་པ་ཤེས་རབ་མེ་ཏོག་གི། །སྐྱེ་བའི་ཡུལ་ནི་མཁས་པ་
གསལ་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་དབྱེན་མེད་ཡིན། །འབྲུག་སྒྲ་ཞེས་ནི་བྱ་བ་རྒྱལ་བའི་ཡུམ། །སྲས་པོ་སྒོམ་བྱེད་དུལ་བ་རིམ་གྲོ་པ། །ཡོན་ཏན་འོད་བཟངས་ཞེས་
བྱ་མཁས་པ་སྟེ། །ལྷ་ཡི་གཞལ་མེད་མཚུངས་པ་རྫུ་འཕྲུལ་ཅན། །འདུས་པ་ལན་གྲངས་ལྔ་བཅུ་ཀུན་ལ་ཡང་། །དགྲ་བཅོམ་བདུད་རྣམས་འཇོམས་པར་བྱེད་པ་པོ། །བྱེ་བ་ཕྲག་ནི་ལྔ་བཅུ་ལྔ་ལྔ་ཡོད། །མི་ཚེ་ལོ་གྲངས་
40-1-300b


བརྒྱད་ཁྲི་ལྔ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་བཞི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོས་སྟོང་གསུམ་གང་བར་འགྱུར། །དེ་བཞིན་གཤེགས་
པ་བརྟན་པའི་དབྱངས་སྐྱེ་བའི། །ཡུལ་ནི་དྲག་ཤུལ་སྒྲ་དག་འབྱུང་ཞེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་སྟོང་ཡབ་ནི་གནས་པ་མཆོག །གསེར་གྱི་མདོག་ཅེས་བྱ་བ་རྒྱལ་བའི་ཡུམ། །འཇིག་རྟེན་
ལམ་སྲས་སྒྲོན་མ་རིམ་གྲོ་པ། །ཡོན་ཏན་མཆོག་ཅེས་བྱ་བ་མཁས་པ་སྟེ། །ཀུ་མུ་ད་ཡི་སྙིང་པོ་རྫུ་འཕྲུལ་ཅན། །འདུས་པ་ལན་གྲངས་དྲུག་བཅུ་གཉིས་ཀུན་ལའང་། །བག་ཆགས་རྩ་ནས་བཏོན་པའི་དགྲ་བཅོམ་པ། །བྱེ་བ་ཕྲག་
ནི་དྲུག་བཅུ་བརྒྱད་བརྒྱད་ཡོད། །མི་ཚེ་ལོ་གྲངས་དགུ་ཁྲི་དགུ་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །རྒྱས་
འགྱུར་ཞིང་རྣམས་རྣམ་པར་གང་བར་འགྱུར། །སེམས་ཅན་སྙིང་པོ་བདེ་དང་ལྡན་པ་ཡི། །སྐྱེ་ཡུལ་གཟི་བརྗིད་ཡིད་དུ་འཐད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །དགུ་བཅུ་རྩ་དགུ་ལྗོན་པའི་དབང་པོ་ཡབ། །མེ་ཏོག་
སྒྲོན་མ་ཞེས་བྱ་རྒྱལ་བའི་ཡུམ། །སྲས་པོ་ཙམ་ཀ་མཆོག་མ་རིམ་གྲོ་པ། །བརྟུལ་ཞུགས་ལྷ་ཞེས་བྱ་བ་མཁས་པ་སྟེ། །བཀོད་པ་མི་འཁྲུགས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་རྩ་ལྔ་ལ། །དགྲ་
བཅོམ་ཐམས་ཅད་ཐ་བ་སྤངས་པ་པོ། །ས་དག་དང་ནི་མཚུངས་པ་ཤ་སྟག་གོ། །མི་ཚེ་ལོ་གྲངས་ཉི་ཁྲི་སུམ་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་
བའི་མཆོད་རྟེན་དཔག་ཚད་བཅུ་གཅིག་པ། །རིན་ཆེན་བརྒྱ་ཡི་དྲ་བས་མཛེས་པར་བྱས། །དེ་བཞིན་གཤེགས་པ་དོན་དག་གསུང་བ་ཡི། །སྐྱེ་བའི་ཡུལ་ནི་སྨྲ་བ་གསལ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་
40-1-301a


ཚད། །དཔག་ཚད་ཉིས་སྟོང་ཡབ་ནི་ཟླ་བཟངས་ཡིན། །སྤྲིན་གྱི་འོད་ཅེས་བྱ་བ་རྒྱལ་བའི་ཡུམ། །སྲས་པོ་འོད་ལྡན་སྣང་བ་རིམ་གྲོ་པ། །སྣང་བ་བྱེད་ཅེས་བྱ་བ་བློ་ཅན་ཏེ། །ཡིད་འོང་གསལ་ཞེས་བྱ་བ་རྫུ་འཕྲུལ་ཅན། །
འདུས་པ་དག་ནི་ལན་གྲངས་ཐེར་འབུམ་ཕྲག །བཅུ་སྟེ་ཐམས་ཅད་ལ་ཡང་བསམ་གཏན་པ། །ཐེར་འབུམ་ཐེར་འབུམ་དག་ནི་འདུས་པར་འགྱུར། །མི་ཚེ་ལོ་གྲངས་དག་ནི་འབུམ་ཡང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་
སྟོང་སྙེད་ཁོ་ནར་གནས་པར་འགྱུར། །འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །རྒྱས་འགྱུར་ཞིང་རྣམས་རྣམ་པར་གང་བར་འགྱུར། །དེ་བཞིན་གཤེགས་པ་དགྱེས་པ་གསལ་བ་ཡི། །སྐྱེ་བའི་ཡུལ་ནི་དགའ་བྱེད་མཆོག་ཅེས་བྱ། །
རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་འབུམ་ཡོད་མི་འཁྲུགས་པ་ནི་ཡབ། །བདུད་རྩིའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་བདུད་རྩི་རྣམ་གྲོལ་རིམ་གྲོ་པ། །སེང་གེའི་ང་རོ་ཞེས་བྱ་མཁས་པ་སྟེ། །གནས་པའི་
མི་འཁྲུགས་པ་ནི་རྫུ་འཕྲུལ་ཅན། །འདུས་པ་ལན་གྲངས་སུམ་བཅུ་དྲུག་ཀུན་ལའང་། །ཐམས་ཅད་གནས་ཤེས་པ་ལ་མཁས་པ་པོ། །བྱེ་བ་ཕྲག་ནི་སུམ་བཅུ་ལྔ་ལྔ་ཡོད། །མི་ཚེ་ལོ་གྲངས་སུམ་ཁྲི་དྲུག་སྟོང་ཡིན། །ཡོངས་
སུ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲི་དྲུག་སྟོང་བར་དུ་གནས། །སྐུ་གདུང་མཆོད་རྟེན་དཔག་ཚད་གསུམ་པ་གཅིག །རིན་ཆེན་མཆོག་གི་དྲ་བས་མཛེས་པར་བྱས། །དེ་བཞིན་གཤེགས་པ་སེང་གེའི་ཞལ་
སྐྱེ་བའི། །ཡུལ་ནི་སྨྲ་བའི་མཆོད་རྟེན་ཞེས་ཀྱང་བྱ། །དེ་ཡི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་གཟི་བརྗིད་བཟང་། །གོས་ལ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་ལེགས་གནས་རིམ་གྲོ་པ། །ཡེ་
ཤེས་ཟིལ་གྱིས་གནོན་པ་མཁས་པ་སྟེ། །མྱ་ངན་མེད་པར་གནས་པ་རྫུ་འཕྲུལ་ཅན། །འདུས་པ་ལན་གྲངས་བདུན་བཅུ་ཀུན་ལ་ཡང་། །གཏི་མུག་མེད་པའི་ཕ་མཐར་ཕྱིན་འཕགས་པ། །བྱེ་བ་ཕྲག་ནི་བདུན་བཅུ་བརྒྱད་
40-1-301b


བརྒྱད་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །འགྲོ་བའི་དོན་དང་ཕན་ཕྱིར་རྒྱལ་བ་ཡི། །སྐུ་གདུང་དག་ནི་རྣམ་པར་རྒྱས་པར་
འགྱུར། །མི་ཡི་འདྲེན་པ་གཙུག་ཕུད་སྐྱེ་བ་ཡི། །ཡུལ་ནི་རིན་ཆེན་བརྩེགས་པ་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་བཅུ་ཡབ་ནི་ཏོག་བཟངས་ཡིན། །སྣང་བ་སྦྱིན་ཞེས་བྱ་བ་རྒྱལ་
བའི་ཡུམ། །སྲས་པོ་ལྷ་ལེགས་སྒྲ་གཅན་རིམ་གྲོ་པ། །སྤོབས་པ་དྲན་པ་བློ་གྲོས་ཅན་ཡིན་ཏེ། །རྣམ་པར་སྤྲུལ་པའི་ཏོག་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་བཅུ་དྲུག་ཀུན་ལའང་། །འཇིགས་པ་མེད་པའི་
གནས་མཆོག་ཐོབ་པ་པོ། །བྱེ་བ་ཕྲག་ནི་བརྒྱད་བཅུ་བདུན་བདུན་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བ་ཐུགས་
རྗེ་ཆེན་པོ་མཚུངས་མེད་པའི། །སྐུ་གདུང་དག་ནི་རྣམ་པར་རྒྱས་པར་འགྱུར། །མི་ཡི་འདྲེན་པ་སྣང་བ་མཛད་པའི། །སྐྱེ་བའི་ཡུལ་ནི་གཟི་བརྗིད་གྲགས་ཤེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཏུ་མེད་པ་
ཡབ་ནི་ལེགས་མཐོང་ཡིན། །བལྟ་བར་འོས་ཤེས་བྱ་བ་རྒྱལ་བའི་ཡུམ། །སྲས་པོ་མཐུ་རྩལ་མངར་ཅན་རིམ་གྲོ་པ། །སྣང་བར་བྱེད་པ་བློ་གྲོས་ཅན་ཡིན་ཏེ། །ཆགས་མེད་གཏི་མུག་མེད་པ་རྫུ་འཕྲུལ་ཅན། །འདུས་
པ་ཐུན་མོང་མ་ཡིན་དཔག་ཏུ་མེད། །མི་རྣམས་དག་གི་ཚེ་ཚད་དཔག་ཏུ་མེད། །སངས་རྒྱས་དགུ་བརྒྱ་དགུ་བཅུ་རྩ་དགུ་ཡི། །མཛད་པ་ཇི་སྙེད་པ་ཀུན་དེས་མཛད་འགྱུར། །འཇིག་རྟེན་
ཕན་ཕྱིར་སེམས་ཅན་སྙིང་པོ་དག །མྱ་ངན་འདས་ནས་དམ་ཆོས་གནས་འགྱུར་བའི། །ལོ་གྲངས་སྟོང་ཕྲག་དག་ནི་མཐའ་ཡང་ཡས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །
40-1-302a


དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ་ལེགས་སོ། །བསྐལ་པ་བཟང་པོ་པའི་སངས་རྒྱས་
བཅོམ་ལྡན་འདས་རྣམས་ཀྱིས་སངས་རྒྱས་བཅོམ་ལྡན་འདས་དེ་དག་གང་དང་གང་དག་ལ་དང་པོར་བྱང་ཆུབ་ཏུ་སེམས་བསྐྱེད་པ་དང་། དགེ་བའི་རྩ་བ་གང་དང་གང་དག་གིས་དེ་བཞིན་གཤེགས་པ་དེ་དག་ལ་བཀུར་སྟི་བགྱིས་ནས། 
བྱང་ཆུབ་ཏུ་སེམས་བསྐྱེད་པ་དག་ལུང་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་དགའ་བའི་
རྒྱལ་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཙུན་པ་བཅོམ་ལྡན་འདས་དེ་ལྟ་ལེགས་སོ་ཞེས་གསོལ་ནས་བཅོམ་ལྡན་འདས་ཀྱི་
ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་འཁོར་བ་འཇིག་གིས་ནི། །དེ་བཞིན་གཤེགས་པ་མི་ཡི་ཟླ་དེ་ལ། །གསེར་ལས་བྱས་པའི་གདུགས་དག་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་
གསེར་ཐུབ་ཕྲེང་རྒྱུད་ཚེ། །དེ་བཞིན་གཤེགས་པ་སེང་གེའི་སྟབས་དེ་ལ། །སྣང་མའི་མེ་ཏོག་དག་གི་ཕྲེང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྲུང་བྲམ་ཟེའི་བུར་གྱུར་ཚེ། །དེ་བཞིན་
གཤེགས་པ་ཙམ་པའི་མཆོག་དེ་ལ། །སྐ་རགས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །ང་ནི་སྔོན་ཚེ་སྨན་པར་གྱུར་པ་ན། །དེ་བཞིན་གཤེགས་པ་ཤཱཀྱ་ཐུབ་དེ་ལ། །འཇམས་གང་ཞིག་ནི་
40-1-302b


དབུལ་བར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བྱང་ཆུབ་སེམས་དཔའ་བྱམས་པ་འཁོར་ལོས་བསྒྱུར་བ་ཡི། །རྒྱལ་པོ་རྣམ་པར་སྣང་བྱེད་ཅེས་བྱར་གྱུར་པ་ན། །བདེ་གཤེགས་མཐུ་ཆེན་གདུགས་ཚོད་དག་ལ་
སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེང་གེ་དག་གིས་ནི། །དེ་བཞིན་གཤེགས་པ་ང་རོ་སྙན་དེ་ལ། །ཕྱག་དར་ཁྲོད་ཀྱི་ལྷན་པ་ཐལ་མོ་ཙམ། །ཕུལ་ནས་དང་པོར་བྱང་ཆུབ་སེམས་བསྐྱེད་དོ། །བདེ་གཤེགས་རབ་གསལ་ཚོང་
པར་གྱུར་པའི་ཚེ། །དེ་བཞིན་གཤེགས་པ་མཐའ་ཡས་འོད་དེ་ལ། །ནོར་བུ་རིན་པོ་ཆེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཐུབ་པ་དག་གིས་ནི། །དེ་བཞིན་གཤེགས་པ་ཡིད་
འཐད་གཟིགས་དེ་ལ། །མུ་ཏིག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་ཁ་ལོ་སྒྱུར་དེ་ལ། །ལ་ཏུ་དག་ནི་དབུལ་
བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མེ་ཏོག་གཉིས་པ་ཡིས། །བདེ་གཤེགས་མངོན་པར་འཕགས་པའི་དཔལ་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱན་ལེགས་ཁྱིམ་བདག་ཚེ། །དེ་བཞིན་གཤེགས་པ་ལེགས་པར་སྒྲ་སྒྲོགས་ལ། །ཁང་པ་བརྩེགས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་
དེད་དཔོན་དག་གིས་ནི། །དེ་བཞིན་གཤེགས་པ་བདེན་པ་མཐོང་དེ་ལ། །ཙན་དན་དམར་པོའི་ཁྲིའུ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལག་ཆེན་རོལ་མོ་མཁན་གྱུར་ཚེ། །དེ་བཞིན་གཤེགས་པ་
མཆོག་གྲགས་གྲོང་ཁྱེར་དུ། །བདེ་གཤེགས་དེ་ལ་གླིང་བུས་མཆོད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་ཆེན་སྤོས་འཚོང་བུར་གྱུར་ཚེ། །བདེ་གཤེགས་སེང་བློ་གྲོང་ཁྱེར་གཤེགས་པ་ན། །ཨ་ག་རུའི་
40-1-303a


རྡོག་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱུ་སྐར་རྒྱལ་པོ་ཕྱུགས་རྫིའི་ཚེ། །དེ་བཞིན་གཤེགས་པ་དབྱངས་བྱིན་དེ་ལ་ནི། །ཁ་ལའི་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་རྩི་སྨན་ཤིང་རྟ་མཁན་གྱུར་ཚེ། །དེ་བཞིན་གཤེགས་པ་དྲི་ཞིམ་དེ་ལ་ནི། །ཏིང་ལོ་མར་མེ་བཅས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྙན་པ་ཐ་ག་པར་གྱུར་ཚེ། །དེ་བཞིན་
གཤེགས་པ་མར་མེའི་གློག་འགྱུ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་ཏོག་ཞིང་པར་གྱུར་པའི་ཚེ། །དེ་བཞིན་གཤེགས་པ་པད་མོའི་འོད་ཟེར་ལ། །མེ་ཏོག་སིལ་མ་དག་གིས་
གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཆེན་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་སྒྲོན་མ་ཆེན་པོ་སྟེ། །དྲང་སྲོང་དེ་ལ་མར་མེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་གྲོལ་ཕུང་ལྷམ་མཁན་གྱུར་པའི་ཚེ། །དེ་བཞིན་གཤེགས་པ་ཚངས་པའི་དབྱངས་དེ་ལ། །མཆིལ་ལྷམ་ཟུང་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་སྣང་འཁོར་ལོས་སྒྱུར་བའི་
ཚེ། །དེ་བཞིན་གཤེགས་པ་ཡིད་གཉིས་འཇོམས་དེ་ལ། །ཏ་ལི་བ་ཏི་བརྒྱད་ཁྲི་བཞི་སྟོང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་སྙིང་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་གཟི་བརྗིད་མཐའ་ཡས་
ལ། །ཀོ་ཤ་ཏ་ཀའི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་གསེར་མགར་བུར་གྱུར་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །རིན་པོ་ཆེ་ཡི་སྡོང་བུ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་འཕྲོ་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་མཐའ་ཡས་འོད་དེ་ལ། །རྩྭའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-303b


བདེ་གཤེགས་འོད་བཟངས་ནགས་ཚལ་སྲུང་གྱུར་ཚེ། །དེ་བཞིན་གཤེགས་པ་ཡིད་འོང་གཟི་བརྗིད་ལ། །ཙམ་པ་ཀ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་ཚོང་དཔོན་བུས། །དེ་
བཞིན་གཤེགས་པ་ཡིད་གཉིས་རྣམ་འཇིག་ལ། །ཀར་ནི་ཀ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་རྒྱལ་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་བསོད་ནམས་སྒྲོན་དེ་ལ། །
ནོར་བུ་རིན་ཆེན་མཆིལ་ལྷམ་ཟུང་ཅིག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་གསལ་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་ལེགས་པར་མཐོང་དེ་ལ། །ཙན་དན་དམར་པོའི་གཟིམས་ཁྲི་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྲེང་ཐོགས་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་ཡིད་འོང་གཟི་བརྗིད་ལ། །ཀ་ཀ་ནི་ཡའི་བདུག་སྤོས་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཡོན་ཏན་འོད་ནི་གསེར་རྟོག་ཚེ། །དེ་བཞིན་གཤེགས་པ་མཚུངས་པ་མེད་དེ་ལ། །མེ་ཏོག་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གཟིགས་
འཁོར་ལོས་སྒྱུར་རྒྱལ་ཚེ། །དེ་བཞིན་གཤེགས་པ་འོད་དཔག་མེད་མཛོད་ལ། །ཁང་པ་བརྩེགས་པ་སྟོང་སྙེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མར་མེ་སྤོས་འབྲུ་མར་འཚོངས་
བུར་གྱུར་ཚེ། །དེ་བཞིན་གཤེགས་པ་རྣམ་པར་རོལ་པར་སྣང་བ་གང་། །བྱེ་བ་དྲུག་བཅུའི་འཁོར་བཅས་དག་ལ་ཁྲུས་ཁང་གཅིག །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་
ལྡན་གོས་འཚོང་གྱུར་པའི་ཚེ། །དེ་བཞིན་གཤེགས་པ་གྲགས་པ་རྒྱས་དེ་ལ། །རས་བཅོས་ལེབ་ལེབ་པོ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པ་སྨན་
40-1-304a


པའི་བུར་གྱུར་ཚེ། །དེ་བཞིན་གཤེགས་པ་རྒྱལ་མཚན་བྲལ་དེ་ལ། །སྤོས་ཀྱི་རི་ལུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དེས་པ་འབྲུ་མར་མཁན་གྱི་ཚེ། །དེ་བཞིན་གཤེགས་པ་འཕགས་འཇོམས་མཛད་
དེ་ལ། །མར་མེ་ཁ་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛོད་སྤུ་ཕྲེང་རྒྱུད་མཁན་གྱི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །ཨུད་པལ་དམར་པོ་དག་ནི་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་ལྡན་སྟོབས་ཀྱི་འཁོར་ལོས་སྒྱུར་བའི་ཚེ། །དེ་བཞིན་གཤེགས་པ་གཞན་གྱིས་མི་ཐུབ་དེ་ལ་ནི། །རིན་པོ་ཆེ་ལས་བྱས་པའི་གདན་ཁྲི་གྲངས་བརྒྱད་བཅུ། །རྩ་བཞི་ཕུལ་ནས་དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ལྷ་དཔལ་རྒྱ་མཚོའི་ཚོང་པར་གྱུར་པའི་ཚེ། །དེ་བཞིན་གཤེགས་པ་གཟི་བརྗིད་ཕུང་པོའི་འོད་དེ་ལ། །ནོར་བུ་རིན་ཆེན་བླ་རེ་དཔག་ཚད་གཅིག་སྣང་བ། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་གདུལ་དཀའ་ཤིང་འཚོང་གྱུར་པའི་ཚེ། །དེ་བཞིན་གཤེགས་པ་བརྟན་པར་གཤེགས་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་རྒྱལ་མཚན་ཆུའི། །
སྦྱིན་བདག་གྱུར་ཚེ་བདེ་གཤེགས་ཡིད་འོང་གྲགས། །དེ་ལ་ཆུ་སྣོད་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ཕྲེང་རྒྱུད་མཁན་བུའི་ཚེ། །དེ་བཞིན་གཤེགས་པ་མཐའ་ཡས་གཟུགས་
དེ་ལ། །གསེར་གྱི་མཆིལ་ལྷམ་ཟུང་ཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་ཁྲུས་པར་གྱུར་པའི་ཚེ། །དེ་བཞིན་གཤེགས་པ་ཐུགས་རབ་དང་བ་ལ། །ཁྲུས་ཀྱི་
ཆལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་ཕྱུགས་རྫིར་གྱུར་པའི་ཚེ། །དེ་བཞིན་གཤེགས་པ་དབྱངས་སྙན་དང་པོར་མངོན་རྫོགས་པར། །
40-1-304b


སངས་རྒྱས་གྱུར་པའི་ཚེ་ན་དེ་ལ་ཕྱེ་བྲེ་གང་། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚིགས་བརྟན་འགྲོན་བུ་དེ་འཚོང་བུར། །གྱུར་ཚེ་བདེ་གཤེགས་མི་གཡོར་གཤེགས་པ་ལ། །འགྲོན་བུ་སྤར་གང་
གཏོར་དེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འགྱིང་རྒྱལ་བུ་དགའ་འདོད་ཚེ། །དེ་བཞིན་གཤེགས་པ་བཀོད་པ་མཐའ་ཡས་ལ། །གླུ་དབྱངས་དག་གིས་མཆོད་པ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་མཛད་འཁོར་ལོ་བསྒྱུར་རྒྱལ་ཚེ། །དེ་བཞིན་གཤེགས་པ་གཟི་བརྗིད་བརྩེགས་འོད་ལ། །ན་བཟའ་རིན་པོ་ཆེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་ལྷུན་པོ་ཆེན་པོ་ཡིས། །དེ་བཞིན་གཤེགས་པ་བློ་གནས་དེ་ལ་ནི། །མེ་ཏོག་མྱ་ངན་འཚང་བ་བདུན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེ་ལྷ་དབང་བརྒྱ་བྱིན་དུ། །གྱུར་ཚེ་
དེ་བཞིན་གཤེགས་པ་བརྟན་པ་ལ། །མེ་ཏོག་མན་དཱ་ར་བའི་ཆར་ཕབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྡོམ་ཅན་འཛམ་གླིང་གི། །རྒྱལ་པོར་གྱུར་ཚེ་བདེ་གཤེགས་ཐར་དགྱེས་ལ། །གསེར་
ལས་བྱས་པའི་བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་བསྙིངས་རོལ་མོ་མཁན་གྱུར་ཚེ། །དེ་བཞིན་གཤེགས་པ་མི་འཇིགས་སྦྱིན་དེ་ལ། །རོལ་མོའི་བཀུར་སྟིར་རྔ་ཆེན་
བརྡུངས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་བློ་མཆོག་གྱུར་པའི་ཚེ། །དེ་བཞིན་གཤེགས་པ་བདུད་རྩི་མཛོད་དེ་ལ། །སྤོས་ཀྱིས་བསྒོས་པའི་ཕྲེང་བ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་ལྡན་འཁྲུལ་འཁོར་མཁན་གྱུར་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །ཁྲིའུ་བཟངས་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
40-1-305a


བསྐྱེད་དོ། །བདེ་གཤེགས་སྟོབས་སྡེ་རྒྱལ་པོའི་སྨན་པའི་ཚེ། །དེ་བཞིན་གཤེགས་པ་བཞོན་པ་ཆེ་ལྡན་ལ། །སྐྱུ་རུ་རའི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ཟེར་
གསེར་མགར་གྱི། །བུར་གྱུར་ཚེ་ན་བདེ་གཤེགས་ཀུན་གཟིགས་ལ། །རིན་པོ་ཆེ་ཡི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་དགྱེས་བྱིས་པའི་རྒྱན་བྱེད་ཚེ། །དེ་བཞིན་གཤེགས་པ་ཡུལ་ཕྱོགས་ཀུན་
མཆོད་ལ། །མིག་དང་བདུག་པ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་ཆེན་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་འོད་རབ་དཔལ་དེ་ལ། །ན་བཟའི་བླ་རེ་དག་ནི་ཕུལ་ནས་ཀྱང་། །དང་པོར་
བྱང་ཆུབ་དུ་ནི་སེམས་བསྐྱེད་དོ། །བདེ་གཤེགས་ཚངས་པ་བག་ཆོས་མཁན་གྱུར་ཚེ། །དེ་བཞིན་གཤེགས་པ་སྟོན་པ་བླ་མ་ལ། །ཤ་ཁ་རའི་རིལ་ལུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་དཔག་མེད་པ་གླ་མིའི་ཚེ། །
དེ་བཞིན་གཤེགས་པ་བཀོད་པའི་འོད་དེ་ལ། །གདུགས་གཅིག་ཅིག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཀླུ་སྦྱིན་ཕྲེང་རྒྱུད་ཚེ། །དེ་བཞིན་གཤེགས་པ་སེང་གེ་རྣམ་བསྒྱིངས་ལ། །
མེ་ཏོག་དག་གི་ཆུན་པོ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་གཤེགས་ནོར་བུ་མཁན་གྱུར་ཚེ། །དེ་བཞིན་གཤེགས་པ་ཡིད་གཉིས་སྤོང་དེ་ལ། །རིན་པོ་ཆེའི་དྲ་བ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་མཐོང་བ་ནད་པའི་གསོས་སྨན་ལ། །སྦྱོར་མཁས་བུར་གྱུར་ཚེ་ན་དགེ་སློང་དགེ་འདུན་དག །སྤྱན་དྲངས་ནད་སྨན་སྦྱར་ནས་བདེ་གཤེགས་ལེགས་མཐོང་ལ། །
དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྩོན་འགྲུས་སྦྱིན་པ་འཁོར་ལོས་སྒྱུར་རྒྱལ་ཚེ། །ཙན་དན་དམར་པོ་དག་ལས་གཙུག་ལག་ཁང་བརྒྱ་སྟོང་། །བྱས་ཏེ་རས་བཅོས་གཡོགས་ནས་དེ་བཞིན་གཤེགས་པ་པོ། །
40-1-305b


བདུད་རྩིའི་སྟོབས་ལ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཟང་སྐྱོང་གིས་ནི་བདེ་གཤེགས་ཟླ་བའི་འོད། །ཉན་ཐོས་བཅས་པའི་དགེ་འདུན་འཁོར་བཅས་ཁྲི་ཕྲག་བཅུ། །ཞག་བདུན་བར་དུ་ཞལ་ཟས་རོ་ནི་བརྒྱ་ལྡན་པས། །
ཚིམ་པར་མཛད་དེ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་བོ་རྩལ་ཆེན་བྲམ་ཟེའི་བུར། །གྱུར་ཚེ་དེ་བཞིན་གཤེགས་པ་མཆོག་གྲགས་ལ། །ཡུ་བ་ནོར་བུས་སྤྲས་པའི་རྔ་ཡབ་གཅིག །ཕུལ་ནས་དང་པོར་
བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཆི་མེད་རྒྱལ་པོ་ཡི། །ཕོ་ཉར་གྱུར་ཚེ་བདེ་གཤེགས་དབང་སྦས་ལ། །པན་ཙ་ལིའི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སེང་གེའི་རྒྱལ་མཚན་ཞིང་པའི་ཚེ། །དེ་བཞིན་གཤེགས་པ་ང་རོ་གསལ་དེ་ལ། །སྐྱུ་རུ་རའི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བ་ཚལ་གྱི་ལས་བྱེད་ཚེ། །དེ་བཞིན་
གཤེགས་པ་ཐོགས་མེད་འཁོར་ལོ་ལ། །ཨ་རུ་རའི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་ལྡན་དཔའ་བོའི་ཚེ། །དེ་བཞིན་གཤེགས་པ་བདུད་རྩིའི་ང་རོ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་དགའ་རྒྱལ་པོ་སྤོས་འཚོང་ཚེ། །དེ་བཞིན་གཤེགས་པ་ཡེ་ཤེས་མཆོད་རྟེན་ལ། །ཕྱེ་མ་སྤར་གང་ཕུལ་ཏེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཁ་ལོ་བསྒྱུར་བ་བྱིས་པའི་ཚེ། །དེ་བཞིན་གཤེགས་པ་གཟི་བརྗིད་རྫུ་འཕྲུལ་ལ། །པ་ལ་བ་ཏ་གསུམ་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་གཤེགས་རྒྱལ་པོའི་
བུར་གྱུར་ཚེ། །དེ་བཞིན་གཤེགས་པ་ཡོན་ཏན་རྒྱལ་པོ་ལ། །དངུལ་གྱི་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆུ་ལྷ་ཚོང་པའི་ཚེ། །དེ་བཞིན་གཤེགས་པ་ཁ་དོག་དཔག་མེད་ལ། །
40-1-306a


ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ལག་ནི་རྩེ་བའི་ཚེ། །དེ་བཞིན་གཤེགས་པ་སྟོབས་ཆེན་དེ་ལ་ནི། །འཆག་ས་ཁྲུ་བརྒྱད་ཁོར་ཡུག་བཀྲམ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གླང་སྤོས་འཚོང་བུར་གྱུར་ཚེ། །དེ་བཞིན་གཤེགས་པ་བཀོད་པ་རྣམ་གྲོལ་གྱི། །འཆག་ས་སྤོས་ཀྱི་ཆུ་ཡིས་ཆག་ཆག་བཏབ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་རྣམ་གཟིགས་གོས་འཚོང་གྱུར་པའི་ཚེ། །དེ་བཞིན་གཤེགས་པ་གཟིགས་པ་སྒྲིབ་མེད་ལ། །མེ་ཏོག་གི་ནི་གདུགས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྲུག་སྒྲ་རྫ་མཁན་གྱུར་པའི་ཚེ། །
དེ་བཞིན་གཤེགས་པ་སེང་གེའི་སྟབས་དེ་ལ། །སྤོས་དང་རིལ་བ་གཅིག་ཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སེམས་ཁྱེའུ་ལོ་གསུམ་ལོན་པའི་ཚེ། །དེ་བཞིན་གཤེགས་པ་ཀུན་ཏུ་རྣམ་
གཟིགས་ལ། །པད་མ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་བཟང་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་རྩལ་སྦྱིན་དེ་ལ་ནི། །སྣ་མའི་མེ་ཏོག་ཕྲེང་བ་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲི་མེད་ཐ་ག་པར་གྱུར་ཚེ། །དེ་བཞིན་གཤེགས་པ་ལེགས་མཐོང་དེ་ལ་ནི། །འབའ་ཤ་གོ་གཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཟླ་བ་གླང་ཆེན་འདུལ་བའི་ཚེ། །དེ་བཞིན་གཤེགས་པ་གཟུགས་བཟང་དེ་ལ་ནི། །མེ་ཏོག་ཕྲེང་བ་ཁྲུ་གང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་ཆེན་གྲོང་ཁྱེར་རྟེན་
པའི་ཚེ། །དེ་བཞིན་གཤེགས་པ་བློ་གྲོས་གྲགས་དེ་ལ། །མེ་ཏོག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙུག་ན་ནོར་བུ་ཁྱེའུའི་ཚེ། །དེ་བཞིན་གཤེགས་པ་རིན་ཆེན་བཀོད་དེ་ལ། །ས་རྡུལ་
40-1-306b


སྤར་གང་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲག་ཤུལ་ལྷའི་བུའི་ཚེ། །དེ་བཞིན་གཤེགས་པ་སྤ་བའི་འོད་དེ་ལ། །ལྷ་ཡི་གཞལ་མེད་ཁང་གཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་སེང་སྟབས་གདུགས་མཁན་གྱུར་པའི་ཚེ། །དེ་བཞིན་གཤེགས་པ་ཐར་པར་བཞུད་དེ་ལ། །ཚ་བའི་དུས་ཚེ་ལོ་མའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་ལྗོན་པ་ཕྱུགས་རྫིའི་ཚེ། །དེ་བཞིན་གཤེགས་པ་ཡོན་ཏན་བཀོད་དེ་ལ། །ལམ་གྱི་ཤིང་དྲུང་དག་ཏུ་བེའུ་རས་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་རྒྱལ་བ་ལང་
རྫིའི་ཚེ། །དེ་བཞིན་གཤེགས་པ་ངེས་པའི་བློ་དེ་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བརྩེགས་པ་དགེ་སློང་ཚེ། །དེ་བཞིན་གཤེགས་པ་
ཡེ་ཤེས་ཏོག་དེ་ལ། །ཉིན་གཅིག་རངས་པར་ཆོས་ཀྱི་གདན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་གནས་ལྷམ་མཁན་གྱུར་པའི་ཚེ། །དེ་བཞིན་གཤེགས་པ་མི་གཡོའི་བློ་དེ་ལ། །
མཆིལ་ལྷམ་རིམ་པ་གཅིག་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་གྲོས་ལས་བྱེད་ཚེ། །དེ་བཞིན་གཤེགས་པ་སྤྱོད་པའི་བློ་གྲོས་ལ། །རོ་དང་ལྡན་པའི་བཏུང་བ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡན་ལག་སྐྱེས་ནི་མི་འཛིན་ཚེ། །དེ་བཞིན་གཤེགས་པ་གཟུགས་བཟང་དེ་ལ་ནི། །ཁྲུས་རས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་བློ་མཐའ་ཡས་པ་ནི། །ལམ་སྟོན་གྱུར་ཚེ་བདེ་གཤེགས་བདེན་སྨྲ་ལ། །ཤིང་དྲུང་གནས་མལ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཟུགས་བཟང་སྡེ་
40-1-307a


དཔོན་ཚེ། །དེ་བཞིན་གཤེགས་པ་སྐར་དབྱངས་དེ་ལ་ནི། །མེ་ཏོག་ཨུད་པལ་ལྔ་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཁྱེན་ལྡན་དགོན་གནས་དགེ་སློང་ཚེ། །དེ་བཞིན་གཤེགས་པ་
ལེགས་པར་མཐོང་དེ་ཡི། །འཆག་སའི་བྱི་དོར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཤིང་རྟ་མཁན་གྱུར་ཚེ། །དེ་བཞིན་གཤེགས་པ་གཟི་བརྗིད་མཐའ་ཡས་ལ། །ཉལ་ཁྲི་སྟོང་རི་བ་དག་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བརྟུལ་ཞུགས་བརྟན་པ་ནི། །ཕྲེང་རྒྱུད་མཁན་ཚེ་བདེ་གཤེགས་ཡིད་འོང་སེམས། །དེ་ལ་མེ་ཏོག་བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་བཀྲ་ཤིས་ཤིང་ཐུན་ཚེ། །དེ་བཞིན་གཤེགས་པ་གྲགས་པའི་ཤིང་རྟ་ལ། །བུ་ཡུག་ལངས་ཚེ་སྣང་མ་བལྟམ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་ཏོག་ཁྲུས་པའི་ཚེ། །
དེ་བཞིན་གཤེགས་པ་ཡོན་ཏན་མེ་ཏོག་ལ། །ཁ་གདོང་བཀྲུ་བ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མེ་ཏོག་འོད་ཟེར་ལ། །པད་མ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྲེད་མེད་བུ་ནི་སྤོས་འཚོང་ཚེ། །དེ་བཞིན་གཤེགས་པ་གདུལ་བར་དཀའ་ཞེས་བྱ་བ་དེའི། །ཁང་པ་བརྩེགས་པ་ཙན་དན་དམར་པོས་བྱུགས་ནས་ཀྱང་། །
དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལག་བཟངས་རྒྱལ་པོའི་ཕོ་ཉའི་ཚེ། །དེ་བཞིན་གཤེགས་པ་དབྱངས་སྙན་སྒྲོགས་པར་མཛད་པ་གང་། །འཁོར་བཅས་བྱེ་བ་དག་ལ་ཆོས་གོས་གསུམ་ཕུལ་ནས། །
དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་ནི། །ཚན་པོ་ཆེར་གྱུར་གཡུལ་ངོར་ཆགས་པའི་ཚེ། །བདེ་གཤེགས་ལེགས་མཐོང་ལ་ནི་རྒྱལ་མཚན་གཅིག །ཕུལ་ནས་དང་པོར་བྱང་ཆུབ་ཏུ་ནི་སེམས་
40-1-307b


བསྐྱེད་དོ། །དེ་བཞིན་གཤེགས་པ་འོད་འཕྲོ་སྨན་པའི་ཚེ། །དེ་བཞིན་གཤེགས་པ་སྐྱེ་བོའི་མཆོད་རྟེན་ལ། །སྤོས་ཀྱི་རིང་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་
བྱིན་ལམ་སྟོན་ཚེ། །དེ་བཞིན་གཤེགས་པ་འོད་ཆེན་ཞེས་བྱ་བ། །དེ་ལ་ལམ་དག་མཚོན་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འབྱུང་གནས་མཉན་པའི་ཚེ། །དེ་བཞིན་གཤེགས་པ་
རྫི་བ་མེད་གཤེགས་དེ། །ཉན་ཐོས་འཁོར་བཅས་བྱེ་བ་བསྒྲལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་མེ་ཏོག་ནོར་བུ་མཁན། །གྱུར་ཚེ་དེ་བཞིན་གཤེགས་པ་བློ་གསལ་ལ། །ནོར་བུ་རིན་ཆེན་སྤྲས་
པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ལེགས་སེམས་པ་རྒྱལ་བུའི་ཚེ། །དེ་བཞིན་གཤེགས་པ་གསུང་སྙན་དེ་ལ་ནི། །ནོར་བུ་རིན་ཆེན་སྤྲས་པའི་བླ་རེ་ཕུལ། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་ཤིང་མཁན་གྱི། །བུར་གྱུར་ཚེ་ན་བདེ་གཤེགས་སྐར་འོད་ཀྱི། །གཤེགས་ཟམ་དག་ནི་བཤམ་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བློ་གྲགས་ཀུན་དགའ་ར་སྲུངས་ཚེ། །དེ་བཞིན་གཤེགས་པ་ཟླ་བའི་སྒྲོན་དེ་ལ། །མོན་སྲན་གྲེའུ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སྤོབས་བརྩེགས་ཚོང་པའི་བུར་གྱུར་ཚེ། །དེ་བཞིན་གཤེགས་པ་ཡེ་ཤེས་ཏོག་དེ་ལ། །སྦྱིན་པ་ཕུན་སུམ་ཚོགས་པས་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེའི་
རྒྱལ་མཚན་ནི། །ཚལ་གྱི་ལས་བྱེད་ཚེ་ན་དེ་བཞིན་གཤེགས། །བསོད་ནམས་བཀོད་དེ་ལ་ནི་ཨ་མྲ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕན་བཞེད་གྲོང་དཔོན་བུར་
40-1-308a


གྱུར་ཚེ། །དེ་བཞིན་གཤེགས་པ་བསོད་ནམས་འོད་ཅེས་བྱ་བ་ལས། །ཉིན་གཅིག་སྲོག་གཅོད་སྤོང་བའི་བསླབ་གཞི་མནོས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་རོལ་
གྲོང་རྡལ་བྱིས་པའི་ཚེ། །དེ་བཞིན་གཤེགས་པ་ཡེ་ཤེས་འབྱུང་གནས་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མུན་དང་བྲལ་བ་ཡིས། །
དེ་བཞིན་གཤེགས་པ་སྲིད་མཐའ་གཟིགས་དེ་ལ། །མོན་སྲན་གྲེའུ་འབྲུ་མར་མེ་བཞག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ལྷ་ནི་གྲོང་རྟེན་ཚེ། །དེ་བཞིན་གཤེགས་པ་དགའ་
བར་གཟིགས་དེ་ལ། །ཧསྟ་བར་ཤ་ཀ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་བོའི་རྒྱལ་མཚན་ཚོགས་ལྡན་གྱི། །ཁྱེ་འུར་གྱུར་ཚེ་བདེ་གཤེགས་མཐའ་ཡས་འོད། །དེ་ལ་མེ་ཏོག་ཆུན་པོ་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་འོད་ནི་ཕྲེང་རྒྱུད་ཚེ། །དེ་བཞིན་གཤེགས་པ་ཡིད་འོང་དབྱངས་དེ་ལ། །མེ་ཏོག་ལས་བྱས་བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་རིན་ཆེན་སྙིང་པོ་ཁྲུས་པའི་ཚེ། །དེ་བཞིན་གཤེགས་པ་སྣ་ཚོགས་གསུང་བ་ལ། །ཁ་གདོང་བཀྲུ་བ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་
དུ་མཐོར་གཤེགས་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་ཚུལ་ཁྲིམས་སྟབས་དེ་གྲོང་ཁྱེར་དུ། །གཤེགས་པའི་ཚེ་ན་གདན་དག་བཤམས་ཏེ་བཏིང་ནས་ཀྱང་། །དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་སྐར་རྒྱལ་ད་ནུར་མཁན་གྱི་ཚེ། །དེ་བཞིན་གཤེགས་པ་ཡུལ་འཁོར་ལྷ་དེ་ལ། །ཞལ་ཟས་བཅའ་བ་རྣམས་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རུ་རིངས་
40-1-308b


གཞན་གྱི་ཁོལ་གྱུར་ཚེ། །དེ་བཞིན་གཤེགས་པ་གཟི་བརྗིད་དགའ་དེ་ལ། །ལྷུང་བཟེད་འཇམས་ཀྱིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གྲགས་པ་བསོད་
སྙོམས་ཚེ། །དེ་བཞིན་གཤེགས་པ་འོད་ཟེར་མཐའ་ཡས་ལ། །གོས་ཀྱི་རས་མ་སོར་བཞི་ཙམ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཉི་ཟླས་བདེ་གཤེགས་སྲིད་སྦྱིན་དེ། །འཁོར་བཅས་བྱེ་བ་སུམ་བཅུ་དག་ལ་གཙུག་
ལག་ཁང་། །བཟང་པོར་ལོངས་སྤྱོད་ཕྱིར་དང་དཔག་ཚད་བཅུ་པའི་གོས། །གདིང་བ་ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་གཞན་གྱི་ཁོལ་གྱུར་ཚེ། །དེ་བཞིན་གཤེགས་པ་ལྷུན་པོ་ཆེ་དེ་ལ། །
ལྕགས་ཀྱི་སྣོད་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་མཁན་ཚོང་པའི་བུར་གྱུར་ཚེ། །དེ་བཞིན་གཤེགས་པ་ཕྱོགས་གསལ་དེ་ལ་ནི། །ནོར་བུ་རིན་ཆེན་
དཔག་ཚད་གཅིག་འོད་ལྡན། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེང་ཏོག་དེད་དཔོན་གྱི། །བུར་གྱུར་ཚེ་ན་དེ་བཞིན་གཤེགས་པ་པོ། །བློ་གྲོས་བཟང་ལ་ཕྲེང་བ་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དུས་མཁྱེན་རྒྱལ་པོ་ནི། །སྙན་དངགས་མཁན་ཚེ་བདེ་གཤེགས་ཙམ་མཆོག་ལ། །ཚིགས་སུ་བཅད་པའི་དབྱངས་ཀྱིས་བསྟོད་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་གྱི་སྙིང་པོ་ཡིས། །གཞན་གྱི་དགེ་འདུན་བཤོས་གསོལ་ཡི་རང་ནས། །དེ་བཞིན་གཤེགས་པ་བཀོད་པ་ཆེན་པོ་ལ། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་མཐའ་གཟིགས་པ་ཚལ་དག་གི། །ལས་བྱེད་ཚེ་ན་དེ་བཞིན་གཤེགས་པ་པོ། །ཁྱེད་པར་སེམས་ལ་ཆབ་གཙང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
40-1-309a


སེམས་བསྐྱེད་དོ། །བདེ་གཤེགས་གློག་འོད་རྔོན་པའི་བུར་གྱུར་ཚེ། །དེ་བཞིན་གཤེགས་པ་དཔའ་བོའི་སེམས་དེ་ལ། །རྩྭའི་སྟན་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སེང་གེས་བྱིན་པ་ཁྱིམ་བདག་གི། །བུར་གྱུར་ཚེ་ན་བདེ་གཤེགས་པད་སྙིང་ལ། །སྣ་མའི་མེ་ཏོག་ཡོད་པའི་ས་གཞི་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཞན་གྱིས་མི་ཐུབ་རྒྱལ་མཚན་གྱིས། །འཇིགས་
བཅས་ལམ་དུ་འདྲོན་པའི་བསེལ་བྱས་ནས། །དེ་བཞིན་གཤེགས་པ་སྲེད་མེད་བུ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་དགའ་གྲགས་པ་བུ་རམ་ཤིང་། །མཚིར་གྱུར་ཚེ་ན་དེ་བཞིན་གཤེགས་པ་པོ། །བློ་རྣམ་
འབྱེད་ལ་བུ་རམ་བཅུད་ཁུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྩོན་འགྲུས་བརྟན་པ་བྲམ་ཟེའི་བུར། །གྱུར་ཚེ་བདེ་གཤེགས་འོད་ཟེར་མཐའ་ཡས་ལ། །ཁྲུས་རྐྱེན་འདག་པའི་ཆལ་དག་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་རྫོགས་ཆང་འཚོང་བུར་གྱུར་ཚེ། །དེ་བཞིན་གཤེགས་པ་སེང་གེའི་ང་རོ་ལ། །ལོ་མའི་སྣོད་ནས་ཆུ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་བསྙེངས་བྲལ་རྒྱལ་པོའི་བུར་གྱུར་ཚེ། །དེ་བཞིན་གཤེགས་པ་རྒྱལ་པོའི་ང་རོ་ལ། །ལོ་མའི་སྣོད་ནས་བར་ཤའི་མེ་ཏོག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
མཆོད་འོས་ལྷ་ནི་བློན་མཆོག་གྱུར་པའི་ཚེ། །བདེ་གཤེགས་ཡིད་འོང་བློ་འོད་དག་ལ་དཔག་ཚད་གཅིག །ཁོར་ཡུག་ཙམ་གྱི་བསྐྱེད་མོས་ཚལ་ཕུལ་ཨ་ག་རུའི། །བདུག་པས་བདུགས་ཏེ་དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་སྒྲོན་ཆེན་མི་བཀྲེན་གྱུར་པའི་ཚེ། །དེ་བཞིན་གཤེགས་པ་བསོད་ནམས་འོད་དེ་ལ། །རྩྭའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-309b


བདེ་གཤེགས་འཇིག་རྟེན་འོད་ནི་ལྷའི་བུའི་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །མེ་ཏོག་མན་དཱ་ར་བའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་དྲི་ཞིམ་པ་གྱད་གྱུར་ཚེ། །
དེ་བཞིན་གཤེགས་པ་ཡན་ལག་མཛེས་དེ་ལ། །ཁྲུས་རས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཆོག་འཛིན་སྨན་པའི་ཚེ། །དེ་བཞིན་གཤེགས་པ་རྙོག་པ་མེད་དོན་
ལ། །བདུག་པ་དང་ནི་དར་ཡུག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མུན་ངད་རྣམ་བྲལ་རྒྱལ་པོ་ཡི། །མདུན་འདོན་བུར་གྱུར་ཚེ་ན་དེ་བཞིན་གཤེགས། །དགྲ་བཅོམ་གཟི་ལ་མུ་ཏིག་རྒྱན་
ཕྲེང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སེང་གེའི་འགྲམ་པ་ཡིས། །དེ་བཞིན་གཤེགས་པ་དོན་གྲུབ་བློ་དེ་ལ། །འདམ་རྫབ་དག་ཏུ་ཤིང་ཟམ་བཙུགས་ཕུལ་ནས། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་སྤོས་འཚོང་གི། །བུར་གྱུར་ཚེ་ན་བདེ་གཤེགས་དབྱངས་མངའ་ལ། །ཕྱེ་མ་སྤར་གང་དག་ནི་གཏོར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་སྐྱོན་རབ་ཞི་བ་རྒྱལ་བུའི་ཚེ། །གསད་བྱ་བཙོན་དག་འབྲོས་སུ་བཏང་ནས་ཀྱང་། །དེ་བཞིན་གཤེགས་པ་ས་མཆོག་དེ་ལ་ནི། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩི་འཆང་བ་གྲོང་དཔོན་ཚེ། །དེ་བཞིན་
གཤེགས་པ་འོད་འབར་དེ་ལ་ནི། །བཻ་དཱུརྱའི་གདུགས་སྟོང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཟླ་ཕྲེང་རྒྱུད་མཁན་བུའི་ཚེ། །དེ་བཞིན་གཤེགས་པ་ངེས་པར་སེམས་དེ་ལ། །
ཨུད་པ་ལའི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཤིན་དུ་གཟིགས་པ་ནི། །འདུན་དཔོན་ཚེ་ན་དེ་བཞིན་གཤེགས་པ་པོ། །བདེན་པར་གསུང་བ་དེ་ལ་ཕྲེང་བ་ཕུལ། །
40-1-310a


དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་བརྒྱན་གྲོང་ཁྱེར་ལ་རྟེན་པའི། །བུར་གྱུར་ཚེ་ན་བདེ་གཤེགས་མདངས་འོད་ཀྱི། །གྲོང་ཁྱེར་སྒོ་དག་མཛེས་པར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ནོར་འོད་བརྒྱ་བྱིན་གྱུར་པའི་ཚེ། །བདེ་གཤེགས་གཟི་བརྗིད་མེ་ཏོག་རྒྱས་པ་ལ། །དཔག་ཚད་ཁོར་ཡུག་མེ་ཏོག་ཆར་ཕབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་ཀྱི་འབྱུང་གནས་ཀྱིས། །
བདེ་གཤེགས་གྲགས་ཏོག་ཤེས་རབ་ཕ་རོལ་ཕྱིན། །གསུང་ཚེ་ལེགས་གསུངས་ཞེས་ནི་ཡི་རང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ངེས་ལྡན་པ་ཐ་ག་པར། །གྱུར་ཚེ་བདེ་གཤེགས་ཡོན་ཏན་གསལ་
བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚེམས་སྦྱིན་བློ་ཆེན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་སྒྲོན་དེ་ལ། །བསིལ་ཡབ་དག་ནི་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འབྱུང་གནས་གཞུ་མཁན་ཚེ། །དེ་བཞིན་གཤེགས་པ་གསལ་རབ་དཔལ་དེ་ལ། །མེ་ཏོག་སྙིམ་པ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་སྐྱེ་དབང་མཚུངས་པ་རྫ་མཁན་ཚེ། །དེ་བཞིན་གཤེགས་པ་ཞལ་སྡུག་སྡེ་བདག་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟབས་གཤེགས་
ཞིང་པའི་བུར་གྱུར་ཚེ། །དེ་བཞིན་གཤེགས་པ་སེང་གེའི་སྟབས་བཞུད་ལ། །ཟམ་སྟེགས་དག་ནི་གཟུགས་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གནས་ཤིང་སྲུང་བུར་གྱུར་ཚེ། །
དེ་བཞིན་གཤེགས་པ་སྐྱེ་བོའི་མཆོད་རྟེན་ལ། །སེ་འབྲུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གདུགས་མཛེས་བློན་པོའི་བུར་གྱུར་ཚེ། །དེ་བཞིན་གཤེགས་པ་
40-1-310b


རྒྱ་མཚོའི་བློ་དེ་ལ། །ཙམ་པའི་མེ་ཏོག་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙོ་བོ་གསེར་མགར་ཚེ། །དེ་བཞིན་གཤེགས་པ་པད་མའི་སྙིང་པོ་ལ། །བདུག་པས་
བདུགས་པའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་འཕགས་དཔལ་སྤོས་འཚོང་བུར། །གྱུར་ཚེ་དེ་བཞིན་གཤེགས་པ་གདུགས་སྡེ་ཡི། །འཆག་ས་སྤོས་ཆུས་ཆག་ཆག་
བཏབ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་སྒྲ་ནི་རྔ་མཁན་ཚེ། །དེ་བཞིན་གཤེགས་པ་ས་ལའི་རྒྱལ་པོ་ལ། །རྔ་བོ་ཆེ་དག་བརྡུང་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་རྣམ་རོལ་ལྡན་པ་དུང་འབུད་མཁན། །གྱུར་ཚེ་བདེ་གཤེགས་ཉི་མའི་སྙིང་པོ་དེ། །གྲོང་ཁྱེར་གཤེགས་ཚེ་དུང་དག་བུས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་བཞི་པ། དེ་བཞིན་གཤེགས་པ་ཀླུ་འོད་ཟླ་བའི་ཚེ། །དེ་བཞིན་གཤེགས་པ་བྱང་ཆུབ་དགའ་དེ་ལ། །རྔ་བོ་ཆེ་དག་བརྡུང་བ་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རི་བོ་གར་མཁན་བུར། །གྱུར་ཚེ་བདེ་བར་གཤེགས་པ་རབ་ཏུ་ཞི་དེ་ལ། །སྤྱན་སྔར་བྲོ་གར་དག་གིས་མཆོད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཀླུ་དགའ་གར་མཁན་བུར་གྱུར་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །རོལ་མོའི་སྒྲ་དག་བསྒྲགས་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཀྱི་དབང་ཕྱུག་རྒྱལ་པོ་ཡི། །སྲས་མོར་གྱུར་
ཚེ་དེ་བཞིན་གཤེགས་པ་པོ། །པད་དཀར་སྤོས་ལ་མུ་ཏིག་རྒྱན་ཕྲེང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་གྲགས་པ་ཚོང་དཔོན་གྱི། །ཆུང་མར་གྱུར་ཚེ་དེ་བཞིན་གཤེགས་པ་པོ། །ལྷུན་པོའི་འོད་ཟེར་སྤྱི་བོར་
40-1-311a


བླ་རེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་ལྷ་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །བཤོས་དྲོན་ལྷུང་བཟེད་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་ཡོན་ཏན་ཕྲེང་ལྡན་གྱིས། །དེ་བཞིན་གཤེགས་པ་བསྒྱིངས་ལྡན་བཞུད་དེ་ལ། །སངས་རྒྱས་ཕྱག་འཚལ་ཐལ་མོ་ལན་གསུམ་སྦྱར། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཀླུ་
ལག་གྲོང་ཁྱེར་གྱི། །སྒོ་སྲུངས་ཚེ་ན་ཕྱག་དར་བྱས་ནས་ཀྱང་། །དེ་བཞིན་གཤེགས་པ་ཕྱོགས་རྣམས་ལྟ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མིག་བརྒྱན་རྒྱལ་བུའི་ཚེ། །དེ་བཞིན་གཤེགས་པ་ཆོས་
ཀྱི་འོད་དེ་ལ། །ཆུ་དང་སྐྱུ་རུ་ར་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚུལ་ཁྲིམས་གསལ་དེ་སྔ་དྲོ་ཞིག །དེ་བཞིན་གཤེགས་པ་ལེགས་པར་སྦྱངས་པའི་བློས། །དགའ་བས་སངས་རྒྱས་རྗེས་སུ་
དྲན་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟིལ་གནོན་ཡེ་ཤེས་ཀྱིས། །ངན་འགྲོར་འགྲོ་བ་ཚུལ་ཁྲིམས་ལ་བཀོད་ནས། །དེ་བཞིན་གཤེགས་པ་མཐའ་ཡས་བློ་དེ་ལ། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་མཐའ་ཡས་སྤྱན་ནི་གོས་འཚོང་ཚེ། །དེ་བཞིན་གཤེགས་པ་མཐའ་ཡས་གཟུགས་དེ་ལ། །རས་བཅོས་བླ་རེ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་བདེན་གསུང་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་བརྩོན་འགྲུས་བརྟན་དེ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་བཅའ་བ་མཁན་བུའི་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །ལ་དུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-311b


དེ་བཞིན་གཤེགས་པ་དེས་བློ་བཟོ་མཁན་ཚེ། །དེ་བཞིན་གཤེགས་པ་ཀུན་ནས་བློ་དེ་ལ། །གདིང་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐའ་ཡས་གཟུགས་ནི་ཤིང་རྟ་མཁན། །གྱུར་ཚེ་དེ་བཞིན་
གཤེགས་པ་འོད་ཞི་ལ། །པ་ལ་ཤི་ཀ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་པར་སྣང་མཛད་ཁར་བ་མཁན། །གྱུར་ཚེ་བདེ་གཤེགས་མིའི་གཟི་བྱིན་ལ། །མེ་ལོང་གཅིག་ཅིག་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཏོག་ནི་ནོར་བུ་མཁན་གྱུར་ཚེ། །དེ་བཞིན་གཤེགས་པ་བསོད་ནམས་སྟེགས་བཟང་ལ། །ནོར་བུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་ཐེ་ཙོམ་སྤངས་པ་རྒྱལ་པོ་ཡི། །བཙུན་མོར་གྱུར་ཚེ་བདེ་གཤེགས་བརྩོན་བརྟན་ལ། །མེ་ཏོག་བསྐྱེད་མོས་ཚལ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་འདས་པ་མ་མི་ཁར། །
གྱུར་ཚེ་བདེ་གཤེགས་ཐུབ་པར་གྲགས་དེ་ལ། །དབུ་ཞུ་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་རྣམ་གནོན་མི་མཇེད་བདག །ཚངས་ཚེ་བདེ་གཤེགས་གྲགས་པ་རྒྱལ་
མཚན་ལ། །ཆོས་ཀྱི་འཁོར་ལོ་བསྐོར་བར་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྟོགས་པར་མཛད་པ་པོས། །དེ་བཞིན་གཤེགས་པ་དགྲ་བཅོམ་འོད་དེ་ལ། །སྤོས་ཀྱི་རི་ལུ་དག་ནི་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རྒྱལ་མཚན་རྒྱལ་བུའི་ཚེ། །དེ་བཞིན་གཤེགས་པ་ཀུན་ནས་གསལ་དེ་ལ། །རྩྭ་ཡིས་བཀབ་པའི་ཁང་བཟངས་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་རི་དབང་རྒྱལ་པོ་འདྲེག་མཁན་ཚེ། །དེ་བཞིན་གཤེགས་པ་གཟི་བརྗིད་ཆེ་དེའི། །དབུ་སྐྲ་ལེགས་པར་བྲེག་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་
40-1-312a


ཆེན་པོ་འབྲུ་མར་མཁན། །གྱུར་ཚེ་བདེ་གཤེགས་དགྲ་བཅོམ་མཆོད་འོས་ཀྱི། །གཙུག་ལག་ཁང་དུ་སྤོས་བསྒོས་འབྲུ་མར་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་མཛད་གཟིགས་པ་ཏལ་བའི་ཚེ། །
དེ་བཞིན་གཤེགས་པ་དཔལ་གྱི་མཆོག་དེ་ལ། །ལྷང་ཚེར་ལེབ་ལེབ་པོ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་མཐའ་ཡས་འཁོར་ལོས་སྒྱུར་གྱུར་ཚེ། །དེ་བཞིན་གཤེགས་པ་དོན་གྲུབ་སེམས་དཔའ་
དེ་ལ་ནི། །འཛམ་བུའི་ཆུའི་གསེར་གྱི་གདུགས་སྟོང་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་ཆེན་ལྷ་ནི་འཛམ་གླིང་གི། །རྒྱལ་པོར་གྱུར་ཚེ་དེ་བཞིན་གཤེགས་པ་དགས་མཆོད་ལ། །འབྲས་བུའི་
བསྐྱེད་མོས་ཚལ་དག་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གནས་མཁྱེན་པ་ཆང་འཚོང་གི། །བུར་གྱུར་ཚེ་ན་དེ་བཞིན་གཤེགས་པ་ཀུན་དུ་སྦེད། །སྲང་དུ་གཤེགས་ཚེ་
ཐལ་མོ་སྦྱར་ཏེ་ཕྱག་བྱས་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་རྫོགས་རྒྱལ་བུའི་ཚེ། །དེ་བཞིན་གཤེགས་པ་རབ་ཏུ་དང་བ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་དཔའ་བོའི་ཚེ། །དེ་བཞིན་གཤེགས་པ་བློ་གྲོས་སེམས་པ་དེ། །འཇིགས་པ་མེད་པའི་ཚུལ་གྱིས་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་དྲི་མ་བྲལ་བ་ཡིས། །སེམས་ཅན་ཀུན་ལ་ཡུད་ཙམ་བྱམས་བསྒོམས་ནས། །དེ་བཞིན་གཤེགས་པ་ངེས་བྱུང་བློ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་ཚངས་ལྷ་ཤིང་སྲུངས་ཚེ། །དེ་བཞིན་གཤེགས་པ་ལྷུན་པོའི་དབྱངས་དེ་ལ། །བུ་རམ་ཤིང་གི་སྡོང་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སའི་དབང་
40-1-312b


ཕྱུག་ནི། །དགེ་སློང་གྱུར་ཚེ་དེ་བཞིན་གཤེགས་པ་པོ། །སྣ་ཚོགས་གསུང་བའི་ཆོས་གདན་བཏིང་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་སྤྱན་ནི་རྒྱལ་པོ་ཡི། །མིར་གྱུར་ཚེ་ན་བདེ་གཤེགས་འབྲུག་སྒྲ་ལ། །
ཨུད་པལ་དམར་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་འབྱེས་སྐུ་ནི་བཙོ་བླག་མཁན། །གྱུར་ཚེ་བདེ་གཤེགས་འོད་ཆེན་ཕུང་པོ་ཡི། །ན་བཟའ་དག་ནི་བཀྲུ་བཤལ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་འོད་ཀྱིས་ནི་གྲོང་དག་དང་། །ཡུལ་འཁོར་རྣམས་སུ་ཕ་རོལ་ཕྱིན་དྲུག་སྒྲ་བསྒྲགས་ནས། །དེ་བཞིན་གཤེགས་པ་དཔལ་ནི་བརྩེགས་པ་དེ་ལ་ཡང་། །དང་པོ་ཉིད་དུ་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་གཟིགས་སྟོབས་ཀྱི་འཁོར་ལོ་སྒྱུར་བའི་ཚེ། །གཙུག་ལག་ཁང་མཆོག་བྱེ་བ་དྲུག་བཅུ་བྱེད་བཅུག་ནས། །དེ་བཞིན་གཤེགས་པ་མྱ་ངན་མེད་པར་དགའ་དེ་ལ། །དང་པོ་ཉིད་དུ་བྱང་ཆུབ་
བདེ་གཤེགས་ཡོན་ཏན་འོད་གསལ་ཕྱག་དར་པར། །གྱུར་ཚེ་བདེ་གཤེགས་ཡུལ་འཁོར་ལྷ་དེ་ལ། །རྡོ་ལེབ་གདན་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་ཞལ་བྲམ་
ཟེའི་བུར་གྱུར་ཚེ། །དེ་བཞིན་གཤེགས་པ་སེང་གེ་དགའ་བའི་དབྱངས་དེ་ལ། །ཀན་ཏ་རའི་མེ་ཏོག་དག་ནི་གཏོར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དེད་དཔོན་ཚེ། །
དེ་བཞིན་གཤེགས་པ་འོད་མཐའ་ཡས་དེ་ལ། །རིན་པོ་ཆེའི་སྒྲོན་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཏོག་ནི་ལྕགས་མགར་ཚེ། །དེ་བཞིན་གཤེགས་པ་མཐོང་ན་དགའ་དེ་ལ། །
ལྗགས་བཞར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་བླ་ཆང་ཚོང་ཚེ། །དེ་བཞིན་གཤེགས་པ་སྒྲོན་མའི་རྒྱལ་པོ་ལ། །འཛམ་བུའི་རོ་བྲོ་བ་དག་
40-1-313a


ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་བྱེད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་དཔལ་གྱི་ཏོག་དེ་ལ། །མུ་ཤི་ཀབ་ཤའི་མེ་ཏོག་གཏོར་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དཔག་མེད་ཕྲེང་རྒྱུད་ཚེ། །དེ་བཞིན་གཤེགས་པ་ཕྱོགས་སུ་རྣམ་གྲགས་ལ། །པད་མ་འདབ་བརྒྱ་པ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་དུས་མཁྱེན་གོས་འཚོང་ཚེ། །དེ་བཞིན་གཤེགས་པ་སྤྱན་སྡུག་དེ་ལ་ནི། །རས་ཡུག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སེང་གེའི་སྐུ་ནི་སྤོས་འཚོང་ཚེ། །དེ་བཞིན་གཤེགས་པ་ཟླ་བའི་ཏོག་དེ་ལ། །སྤོས་ཀྱི་ཕུར་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཁས་བློ་ཚོགས་དཔོན་ཁོལ་
པོའི་ཚེ། །དེ་བཞིན་གཤེགས་པ་འཇིགས་མེད་སྦྱིན་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱལ་དཀའ་ལྷའི་བུའི་ཚེ། །དེ་བཞིན་
གཤེགས་པ་རྒྱུ་སྐར་རྒྱལ་པོ་ལ། །མེ་ཏོག་མན་དཱ་ར་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་ཕུང་པོ་ནི། །སཱལ་ཆེན་ལྟ་བུའི་བྲམ་ཟེའི་བུར་གྱུར་ཚེ། །
དེ་བཞིན་གཤེགས་པ་ཟླ་བ་ལྷ་དེ་ལ། །ཕྲེང་ཕུལ་དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་ཏོག་སྤོས་འཚོང་ཚེ། །དེ་བཞིན་གཤེགས་པ་ཉི་མའི་འོད་དེ་ཡི། །ཁང་པ་བརྩེགས་
པར་སྤོས་བྱུག་ཕྱིར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་ཐོབ་ཤིང་སྲུངས་ཚེ། །དེ་བཞིན་གཤེགས་པ་གྲགས་པ་ཆེ་དེ་ལ། །དགུན་ཤིང་དག་ནི་དབུལ་བ་བྱས་ནས་ཀྱང་། །དང་པོར་
40-1-313b


བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་མཐའ་ཡས་ཚོང་དཔོན་གྱི། །བུ་ཚེ་དེ་བཞིན་གཤེགས་པ་འཇམ་དབྱངས་ལ། །སེ་འབྲུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཟླ་བ་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་སྟོན་པར་དགྱེས་དེ་ལ། །ཨུད་པལ་ཆང་པ་གང་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲི་མེད་ཚོང་དཔོན་གྱི། །བུ་ཚེ་དེ་བཞིན་
གཤེགས་པ་གྲགས་བླ་ལ། །མེ་ཏོག་འབར་ཞིང་སྐྱེ་བའི་ས་གཞི་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཀུན་གཟིགས་པ་དེད་དཔོན་ཚེ། །དེ་བཞིན་གཤེགས་པ་ལྷའི་རྒྱལ་པོ་ལ། །མུ་ཏིག་དག་
གི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔའ་བོ་སྤོས་འཚོང་ཚེ། །དེ་བཞིན་གཤེགས་པ་དམར་སེར་འོད་དེ་ལ། །ཙན་དན་དག་གི་གདན་ཁྲི་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྱོར་ལྡན་ཚོང་འདུས་པའི་ཚེ། །དེ་བཞིན་གཤེགས་པ་བདེ་བར་འདུད་དེ་ལ། །སྙུན་རྐྱེན་གསོས་སྨན་མར་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་བསོད་ནམས་བ་ལང་རྫིའི་ཚེ། །དེ་བཞིན་གཤེགས་པ་བློ་གྲོས་སེམས་དེ་ལ། །སྣོད་དག་ཞོ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་མ་
ཚལ་གྱི་ལས་བྱེད་ཚེ། །དེ་བཞིན་གཤེགས་པ་དབྱིག་གསལ་དེ་ལ་ནི། །ཨ་མྲའི་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡོན་ཏན་འོད་འཕྲོ་ནི། །རོ་བྲོ་
འཚོང་ཚེ་དེ་བཞིན་གཤེགས་པ་པོ། །སྐྱོན་ཞི་དེ་ལ་ཁ་རའི་དུམ་བུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་ཡངས་ཀུན་རྒྱུའི་ཚེ། །དེ་བཞིན་གཤེགས་པ་རྒྱུ་སྐར་རྒྱལ་པོ་ལ། །ལོ་མ་དག་གི་རི་ལུ་ཕུལ་
40-1-314a


ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སྐྱེས་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་བསྙིངས་དང་བྲལ་དེ་ལ། །ན་བཟའ་སྟོང་ཕྲག་བརྒྱ་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནོར་ལྷ་ཤིང་འཚོང་ཚེ། །དེ་བཞིན་གཤེགས་པ་བློ་གསལ་དེ་ལ་ནི། །རྩྭ་བམ་སྒྲོན་མེ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་གཉིས་སྤོང་བ་
གསེར་མགར་ཚེ། །དེ་བཞིན་གཤེགས་པ་ཡིད་གཉིས་སེལ་མཛད་ལ། །གསེར་གྱི་མེ་ཏོག་དག་ནི་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཛིན་པ་དཔག་མེད་གསེར་རྟོག་ཚེ། །དེ་བཞིན་གཤེགས་པ་
བྱམས་པའི་དཔལ་དེ་ལ། །གསེར་ནི་སྤར་གང་གཏོར་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་སྲིད་སྡེ་དཔོན་གྱི། །བུ་ཚེ་དེ་བཞིན་གཤེགས་པ་གཙོ་མཆོག་ལ། །གསེར་ལས་བྱས་
པའི་གདུགས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོམས་མེད་ལྕགས་མགར་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །ཨ་ཧ་ད་ཀ་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་གནས་གྲོང་ཁྱེར་རྟན་པའི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །མེ་ཏོག་རངས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་དེར་གནས་ཐགས་མཁན་ཚེ། །དེ་བཞིན་གཤེགས་པ་ཟླ་བ་གཟིགས་དེ་ལ། །སྐུ་རགས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཆེན་
གཙོ་བོ་མགོན་མེད་བུར་གྱུར་ཚེ། །དེ་བཞིན་གཤེགས་པ་བདུད་ཟིལ་གནོན་པ་དེ་ལ་ནི། །མོན་སྲན་གྲེའུའི་འབྲུ་མར་མར་མེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་འོད་ཟེར་
40-1-314b


འཁོར་ལོས་སྒྱུར་བའི་ཚེ། །བདེ་གཤེགས་ཤིང་རྟ་ཆེན་པོ་འཁོར་བཅས་བྱེ་སྟོང་ལ། །རྒྱལ་པོའི་ཞལ་ཟས་དག་ནི་བྲིམ་པ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕལ་ཆེན་འཁོར་ལོས་སྒྱུར་བའི་ཚེ། །
དེ་བཞིན་གཤེགས་པ་སེང་གེའི་སྟོབས་ཀྱིས་གཤེགས་དེ་ལ། །དཔག་ཚད་བཅུ་གཉིས་ཁྱོན་ཙམ་བསྐྱེད་མོས་ཚལ་ཕུལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་ནི་འབྲུ་མར་མཁན་གྱི་ཚེ། །དེ་བཞིན་གཤེགས་པ་
འོད་ཟེར་ཚིམ་དེ་ལ། །ཞབས་བསྐུ་བ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཟི་བརྗིད་མཐའ་ཡས་ཁྲུས་པའི་ཚེ། །དེ་བཞིན་གཤེགས་པ་ཀུན་དུ་སྦེད་པ་དེ་ལ་ནི། །འདག་པའི་ཆལ་གྱིས་
སྣོད་དག་བཀང་སྟེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གྱི་བློ་གྲོས་ནད་པའི་ཚེ། །དེ་བཞིན་གཤེགས་པ་དོན་གྲུབ་མཐུ་རྩལ་ལ། །ཁ་རའི་དུམ་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་སྨན་པའི་རྒྱལ་པོ་ཕྱེ་འཚོང་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །ཕྱེ་ཡི་བསོད་སྙོམས་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐ་བ་སྤངས་
པ་སྨན་པའི་ཚེ། །དགེ་འདུན་དག་ལ་མར་ཁུ་ཕུལ་ནས་ཀྱང་། །དེ་བཞིན་གཤེགས་པ་གཟིགས་པའི་ཕུང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིམས་མེད་ཤིང་བཟོ་མཁན་གྱི་ཚེ། །དེ་བཞིན་གཤེགས་པ་
རྣམ་དག་བློ་དེ་ལ། །ཤིང་རྟ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་བྱིན་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཚོགས་ཅན་མྱ་ངན་འདས་པ་ན། །
མར་མེའི་ཕྲེང་བ་དངར་བ་སྟོང་སྙེད་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་བྱིན་གྲོང་ཁྱེར་མཆོད་རྟེན་ལ། །རྟེན་པའི་ཚེ་ན་དེ་བཞིན་གཤེགས་པ་ནོར་བུ་གསལ། །
40-1-315a


གྲོང་ཁྱེར་དག་ཏུ་གཤེགས་ཀར་མེ་ཏོག་གཏོར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མེ་ཏོག་བྱིན་པ་ནི། །ནོར་བུ་མཁན་ཚེ་དེ་བཞིན་གཤེགས་པ་པོ། །ཡོན་ཏན་འོད་ལ་
ནོར་བུའི་བླ་རེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེས་བུས་བྱིན་པ་ཐགས་མཁན་ཚེ། །དེ་བཞིན་གཤེགས་པ་ཉི་མའི་སྒྲོན་དེ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །དེ་བཞིན་གཤེགས་པ་རྡོ་རྗེའི་སྡེ་ནི་ཕྲེང་རྒྱུད་ཀྱི། །བུ་མོར་གྱུར་ཚེ་བདེ་གཤེགས་འབྱོར་ལྡན་འོད་ཟེར་ལ། །མེ་ཏོག་མྱ་ངན་འཚང་དག་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཕལ་ཆེན་བྱིན་ནི་གར་མཁན་ཚེ། །དེ་བཞིན་གཤེགས་པ་སྟོན་པར་དགྱེས་དེ་ལ། །ཚིགས་སུ་བཅད་པ་གཅིག་གིས་བསྟོད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
བཞི་བའི་བློ་གྲོས་རྒྱལ་པོའི་ཚེ། །དེ་བཞིན་གཤེགས་པ་ལེགས་པར་དོན་སེམས་ལ། །བར་ཤི་མེ་ཏོག་དྲི་ལྡན་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་གླང་གདུགས་
མཁན་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །གྲོ་བ་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྲེད་མེད་བུ་ནི་ཁྱིམ་བདག་ཚེ། །འབྲོག་
དགོན་དག་ཏུ་དགེ་སློང་དགེ་འདུན་བཏུང་ཆུ་ཕུལ། །དེ་བཞིན་གཤེགས་པ་སེང་གེའི་རྒྱལ་མཚན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དེས་པ་དམན་ལས་བྱེད་བུའི་ཚེ། །བསླབ་པའི་
གཞི་ལྔ་དག་ལས་གཟུང་བ་བྱས་ནས་ཀྱང་། །དེ་བཞིན་གཤེགས་པ་མཉམ་པར་གནས་པ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་ཚུགས་ནད་པ་མགོན་མེད་བོར་བའི་ཚེ། །དེ་བཞིན་གཤེགས་
40-1-315b


པ་མཐུ་རྩལ་ཆེན་པོ་དེ་ཡི་ལམ། །ལག་མཐིལ་ཙམ་ཞིག་ཕྱག་དར་ལེགས་པར་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཉི་ཟླ་གཽ་ཏམ་ཚེ། །དེ་བཞིན་གཤེགས་པ་མཁས་མཆོག་པད་སྤྱན་ལ། །
དབྱར་གནས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་ཏོག་རྒྱ་མཚོའི་ཚོང་པའི་ཚེ། །ཁྲུ་བརྒྱད་ཀྱིས་བསྐོར་སྤུག་ལས་བྱས་པའི་གདུགས་ཕུལ་ནས། །དེ་བཞིན་གཤེགས་
པ་ཉི་མའི་འོད་ཟེར་དེ་ལ་ནི། །དང་པོར་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་པ་ལས་བྱེད་ཚེ། །དེ་བཞིན་གཤེགས་པ་གསལ་བ་མཐའ་ཡས་ལ། །ལས་བཏང་བྱས་པས་རྙེད་པ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་སྦས་ཤིང་སྲུངས་ཚེ། །དེ་བཞིན་གཤེགས་པ་མཐའ་ཡས་གཟུགས་དེ་ལ། །ཨ་མྲ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཡེ་ཤེས་ཉི་མ་རྫ་མཁན་ཚེ། །དེ་བཞིན་གཤེགས་པ་ལྷའི་གདུགས་དེ་ལ། །ལྷུང་བཟེད་དང་ནི་ཀུན་དྷེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གྲུབ་
སྨན་པའི་ཚེ། །དེ་བཞིན་གཤེགས་པ་རིན་ཆེན་འོད་ཟེར་ལ། །སྤོས་ཀྱི་རེང་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷུན་བརྩེགས་ཁྲལ་མིའི་ཚེ། །བདེ་གཤེགས་ཡུལ་འཁོར་
ཁ་ལོ་སྒྱུར་དེ་ལ། །ལྷགས་པའི་དུས་སུ་ཤིང་ཁུར་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགའ་འདུལ་ཡ་ང་བའི། །དཔྱད་མཁན་ཚེ་ན་བདེ་གཤེགས་ལེགས་མཐོང་དག །འབྲོག་
དགོན་བཞུགས་ཚེ་ལྷང་ཚེར་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་པད་མ་ཕྲེང་རྒྱུད་ཚེ། །དེ་བཞིན་གཤེགས་པ་བཤེས་གཉེན་བཞེད་དེ་ལ། །པད་མ་དག་ནི་དབུལ་བ་བྱས་ནས་ཀྱང་། །
40-1-316a


དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྲ་བཅོམ་གྲགས་པ་ནི། །ནོར་བུ་མཁན་ཚེ་བདེ་གཤེགས་སྐལ་བཞེད་ལ། །ནོར་བུ་རིན་ཆེན་མེ་ཤེལ་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཡེ་ཤེས་འགྲོས་ནི་ཀླུ་རྒྱལ་ཚེ། །བདེ་གཤེགས་ཉི་ཞལ་སོས་ཀའི་དུས་དག་ཏུ། །ལམ་དུ་ཞུགས་ཚེ་ཆར་པ་ཕབ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉོན་མོངས་བྲལ་བ་གར་མཁན་ཚེ། །
དེ་བཞིན་གཤེགས་པ་ཐོགས་མེད་སྤྱན་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འདམ་བུ་དབུལ་པོའི་བུར་གྱུར་ཚེ། །དགོན་པར་བདེ་གཤེགས་སེང་གེའི་སྟབས་དེ་ལ། །
བཤོས་དྲོན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་བཟངས་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་སྒྲོན་མ་ཆེ་དེ་ལ། །ལོ་མ་དག་ལས་བྱས་པའི་གདུགས་ཕུལ་ནས། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་སྲུངས་ནི་ཤིང་སྲུངས་ཚེ། །དེ་བཞིན་གཤེགས་པ་བཞོན་པར་མཛད་དེ་ལ། །བསིལ་ཡབ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ལྷ་གྲགས་གྲོང་ཁྱེར་བརྟེན་པའི་ཚེ། །དེ་བཞིན་གཤེགས་པ་ཡོན་ཏན་གསལ་དེ་ལ། །གསོ་རས་ན་བཟའ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་མཐའ་
གཟིགས་པ་ལམ་སྟོན་ཚེ། །དེ་བཞིན་གཤེགས་པ་བསོད་ནམས་སྙིང་པོ་ཡི། །ལམ་སྲང་དག་ནི་མཚོན་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་བ་སྤོས་
འཚོང་ཚེ། །དེ་བཞིན་གཤེགས་པ་ཆོས་དེ་འཆད་པའི་ཚེ། །དུས་ཀྱི་རྗེས་འབྲང་སྤོས་ནི་ཞོ་གཅིག་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་ཅན་ལས་ཀྱི་ཚེ། །
40-1-316b


དེ་བཞིན་གཤེགས་པ་ལྷ་དགའ་དེ་ལ་ནི། །ཕྱག་འཁར་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཟླ་བ་རྒྱལ་བུའི་ཚེ། །དེ་བཞིན་གཤེགས་པ་བསྙེངས་མེད་
དགྱེས་དེ་ལ། །ཏ་ལ་པ་ཏ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་རྒྱལ་མཚན་རྫ་མཁན་ཚེ། །དེ་བཞིན་གཤེགས་པ་ཤེས་རབ་རྒྱལ་མཚན་ལ། །སུམ་པ་ཀའི་ལྷུང་བཟེད་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་གཏན་དགྱེས་པ་གྲོང་ཁྱེར་གྱི། །ཕོ་ཉའི་ཚེ་ན་བདེ་གཤེགས་མདངས་འོད་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་རྫོགས་ལྡན་རྔོན་པའི་ཚེ། །དེ་བཞིན་གཤེགས་པ་ཟླས་བྱིན་དེ་ལ་ནི། །མིག་མི་འཛུམས་པར་བལྟ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྣམ་རོལ་རྒྱལ་
བུའི་ཚེ། །དེ་བཞིན་གཤེགས་པ་ཡོན་ཏན་དབྱིག་དེ་ལ། །དཔག་ཚད་ཁོར་ཡུག་མེ་ཏོག་ཆལ་བཀྲམ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རིན་ཆེན་ལྗོངས་གཙོའི་ཚེ། །དེ་བཞིན་གཤེགས་
པ་མཐའ་ཡས་འོད་དེ་ལ། །མེ་ཏོག་ཙམ་པ་ཀ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་བཅོམ་གྲགས་པ་མཉན་པའི་ཚེ། །དེ་བཞིན་གཤེགས་པ་དེས་པ་པོ་དེ་ནི། །གྲུ་དག་ལས་ནི་བསྒྲལ་བ་
བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་ངོས་འབྲུ་མར་མཁན་གྱི་ཚེ། །དེ་བཞིན་གཤེགས་པ་གྲགས་པའི་ཏོག་དེ་ལ། །དྲི་ཞིམ་ཞབས་བསྐུ་བ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་མཛོད་སྤུ་ལྡན་པ་ཚོང་པའི་ཚེ། །དེ་བཞིན་གཤེགས་པ་བསྙིངས་མེད་ང་རོ་ལ། །ལྷུང་བཟེད་ཞོ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་
40-1-317a


གྲགས་ཚོང་པའི་ཁོལ་པོའི་ཚེ། །དེ་བཞིན་གཤེགས་པ་ཀུན་དུ་ཡོན་ཏན་ལ། །ལན་ཚྭ་སྲང་འགའ་ཞིག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེ་ནོར་བུ་ཡིས། །དེ་བཞིན་གཤེགས་པ་འབར་
བའི་ཏོག་དེ་ལ། །ཚོད་སྔོན་ཆང་པ་གང་ཞིག་བསོད་སྙོམས་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚེ་དཔག་མེད་ནི་སྨན་པའི་ཚེ། །དེ་བཞིན་གཤེགས་པ་སྲེད་མེད་བུ་དེ་ལ། །མིག་སྨན་རི་ལུ་དག་ནི་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུ་བཀོད་པ་ཁྱེའུ་ཡི་ཚེ། །དེ་བཞིན་གཤེགས་པ་རིན་ཆེན་གསལ་བའི། །ལམ་སྲང་དག་ཏུ་མེ་ཏོག་དཀར་པོ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་དབང་ཆེན་གྱད་ཀྱི་ཚེ། །དེ་བཞིན་གཤེགས་པ་ཀུན་དུ་དགོངས་དེ་ལ། །ཀོ་དྲ་པའི་འབྲུ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འབྱུང་གནས་བྲམ་ཟེའི་ཚེ། །
དེ་བཞིན་གཤེགས་པ་ལེགས་སེམས་དེ་ལ་ནི། །རིལ་པ་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷུན་པོ་གྲགས་པ་ཡིས། །ཕྱོགས་བཞིའི་དགེ་འདུན་དག་ལ་
རྫིང་ཕུལ་ནས། །དེ་བཞིན་གཤེགས་པ་བློ་གྲོས་བཟང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་ཟེར་བཅུ་པ་ལྷའི་བུའི་ཚེ། །བདེ་གཤེགས་གཟི་བརྗིད་མཐའ་ཡས་བྱང་ཆུབ་སྙིང་པོར་ནི། །སྙོམས་
པར་ཞུགས་པའི་ཚེ་ན་སོར་མོ་ལྔ་བསྲེགས་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མ་སྨད་ཤིང་རྟ་མཁན་གྱི་ཚེ། །དེ་བཞིན་གཤེགས་པ་སེང་གེའི་ཕྱག་དེ་ལ། །ལོ་མ་དག་ནི་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གླང་པོའི་འགྲོས་ནི་གྲོང་ཁྱེར་དུ། །རྟེན་པའི་ཚེ་ན་བདེ་གཤེགས་བློ་སྣང་ལ། །ཤ་མ་ཀ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-317b


བདེ་གཤེགས་ཡིད་འཐད་གནག་ལྷས་སྲུང་བའི་ཚེ། །དེ་བཞིན་གཤེགས་པ་ལྷ་ཡི་རྒྱལ་པོ་ལ། །དར་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཟླ་བ་ལམ་སྟོན་ཚེ། །བདེ་གཤེགས་བདེན་པའི་
ཏོག་གི་ལམ་དག་ཏུ། །གོས་ཀྱི་གདན་དག་གདིང་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞི་བ་སྨན་པའི་ཚེ། །དེ་བཞིན་གཤེགས་པ་ལེགས་པར་གནས་དེ་ལ། །ཨུད་པ་ལའི་བཀྲུ་སྨན་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་གསལ་རྒྱལ་པོ་སྤོང་བརྩོན་པའི། །དགེ་སློང་ཚེ་ན་བདེ་གཤེགས་དཔག་མེད་པའི། །ལྷ་ལ་ཨ་ཡོ་ག་དག་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ཁ་ལོ་སྒྱུར་བ་དེད་དཔོན་ཚེ། །དེ་བཞིན་གཤེགས་པ་འཕགས་པའི་མེ་ཏོག་ལ། །ཙན་དན་དམར་པོའི་ཁང་བཟངས་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
དགའ་བའི་དབང་ཕྱུག་ཕྱུག་པོའི་ཚེ། །དེ་བཞིན་གཤེགས་པ་མཆོད་སྦྱིན་ཆེན་པོ་ལ། །རོལ་མོའི་སྒྲ་ཡིས་མཆོད་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙུག་ན་རིན་ཆེན་རྩིས་པ་ཡིས། །
ཁྱེའུ་ཚེ་དེ་བཞིན་གཤེགས་པ་ཏོག་ཆེན་ལ། །མཚུངས་པ་མེད་པའི་ཕྱེ་མ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བསྙིངས་བྲལ་རྩྭ་ཚོང་ཚེ། །དེ་བཞིན་གཤེགས་པ་ཉི་མའི་འོད་
དེ་ལ། །ཀ་ཕིད་ཏའི་ཕུར་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ལྷ་ནི་ཤིང་འཚོང་ཚེ། །དེ་བཞིན་གཤེགས་པ་རིན་ཆེན་འོད་དེ་ལ། །རྩྭ་ལས་བྱས་པའི་མཆིལ་
ལྷམ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ན་ཚོད་བཟང་པོ་གྲོང་སྲུངས་ཚེ། །གྲོང་ཁྱེར་དག་གི་སྒོ་ནི་ཕྱེ་ནས་ཀྱང་། །དེ་བཞིན་གཤེགས་པ་རྨ་བྱའི་ང་རོ་ལ། །དང་པོར་
40-1-318a


བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་དགའ་སྨན་པའི་ཚེ། །དེ་བཞིན་གཤེགས་པ་ཀུན་དུ་རྣམ་རྒྱལ་ལ། །ཤི་རི་ཤའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
རིན་ཆེན་ཕུང་པོ་སྨད་འཚོང་མའི། །གཙོ་མོའི་ཚེ་ན་བདེ་གཤེགས་འབྱོར་འོད་ལ། །ན་བ་མ་ལའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་གཤེགས་ཚོང་དཔོན་བུར་གྱུར་ཚེ། །
དེ་བཞིན་གཤེགས་པ་སྤྱན་ནི་མཐའ་ཡས་ལ། །ཨུད་པ་ལ་ནི་གཅིག་ཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་ཕྱོགས་བཙོ་བླག་མཁན་གྱི་ཚེ། །དེ་བཞིན་གཤེགས་
པ་སྙན་པར་དགྱེས་དེ་ཡི། །ན་བཟའ་བཀྲུ་བཤལ་དག་ནི་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་མཐོར་གཤེགས་གླང་པོ་ཆེའི། །རྫིའི་ཚེ་དེ་བཞིན་གཤེགས་པ་བདེ་
གཤེགས་ཀྱི། །གདན་ནི་འབའ་ཏི་ཤིང་དྲུང་བཏིང་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །ཏྲེ་ཀ་ནི་ཡའི་མེ་ཏོག་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་བཟང་པོ་གྲོང་དཔོན་ཚེ། །དེ་བཞིན་གཤེགས་པ་མཐའ་ཡས་གཤེགས་དེ་ལ། །ཨ་མྲའི་ལྕུག་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་འོད་ནི་སྤོས་འཚོང་ཚེ། །དེ་བཞིན་གཤེགས་པ་ཡུལ་འཁོར་ལྷ་དེ་ལ། །སྤོས་རྣམས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་རིན་ཆེན་གཟི་བརྗིད་བྲམ་ཟེའི་བུ། །དེ་བཞིན་གཤེགས་པ་བློ་ཟབ་དེ་ལ་ནི། །བལ་དང་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐལ་ལྡན་ཤིང་རྟ་རྩྭ་འཚོང་ཚེ། །
40-1-318b


དེ་བཞིན་གཤེགས་པ་སྡེའི་འགྲོས་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་རྒྱལ་འཁྲུལ་འཁོར་མཁན་གྱི་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །
དར་གྱི་ལྡ་ལྡི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་བ་བཀོད་པ་ཚོང་དཔོན་ཚེ། །དེ་བཞིན་གཤེགས་པ་གཟི་བརྗིད་ཕུང་པོ་ལ། །འོ་མར་བཅས་པའི་འབྲས་ཅན་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྟེགས་ནི་མཛད་པ་པོ། །ཤིང་རྟ་མཁན་ཚེ་བདེ་གཤེགས་དགྱེས་ཆུང་ལ། །ཤིང་ལས་བྱས་པའི་མཆིལ་ལྷམ་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་ཀྱི་གླང་པོ་ཁྱིམ་བདག་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །རྨ་བྱའི་བསིལ་ཡབ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་བློ་གྲོས་འོད་འཕྲོ་རྒྱལ་པོའི། །བཙུན་མོའི་ཚེ་ན་བདེ་གཤེགས་རྒྱལ་སྡེ་ལ། །མེ་ཏོག་པར་ཤི་ཆང་པ་གང་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་བོ་རྒྱལ་མཚན་
ཁྱེའུ་ཡི་ཚེ། །དེ་བཞིན་གཤེགས་པ་དོན་གྲུབ་གཤེགས་དེ་ལ། །ལག་པ་འདག་པའི་ཆལ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་བཟངས་ཚོང་དཔོན་ཚེ། །
དེ་བཞིན་གཤེགས་པ་ཟླ་བ་སྡུག་དེ་ལ། །མེ་ཏོག་ཆུན་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་བརྟན་ནོར་བུ་མཁན་གྱི་ཚེ། །དེ་བཞིན་གཤེགས་པ་སེང་གེའི་ང་རོ་ལ། །
རིན་པོ་ཆེའི་གདུགས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དྲག་ཤུལ་གསེར་མགར་ཚེ། །དེ་བཞིན་གཤེགས་པ་སྟོན་པ་གསལ་དེ་ལ། །གསེར་གྱི་མེ་ཏོག་དག་ནི་
40-1-319a


གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་ནོར་བུ་དེད་དཔོན་ཚེ། །དེ་བཞིན་གཤེགས་པ་ཡེ་ཤེས་ཕུང་པོ་ལ། །མུ་ཏིག་དམར་པོ་དག་ནི་གཏོར་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་བཟང་བྱིན་གྲོང་ཁྱེར་རྟེན་པའི་ཚེ། །དེ་བཞིན་གཤེགས་པ་གཟི་བརྗིད་མེ་ཏོག་ལ། །བཤོས་དྲོན་བསོད་སྙོམས་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་
ཕྲེང་རྒྱུད་མཁན་གྱི་ཚེ། །དེ་བཞིན་གཤེགས་པ་གཟི་བརྗིད་ཕུང་པོ་ལ། །ཨུད་པལ་ལྔ་ཞིག་གཏོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་དབྱངས་ལག་བླ་བྱེད་པའི་ཚེ། །དེ་བཞིན་
གཤེགས་པ་རྫུ་འཕྲུལ་འོད་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་ཟླ་བ་རྒྱལ་པོ་ཡི། །ཕོ་ཉ་བྱེད་ཚེ་བདེ་གཤེགས་གཟི་མཐའ་ཡས། །
དེ་ལ་མཆིལ་ལྷམ་དག་ནི་དབུལ་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དཔལ་ནི་འཚོང་དཔོན་བུར་གྱུར་ཚེ། །དེ་བཞིན་གཤེགས་པ་འོད་ཟེར་མཐའ་ཡས་ལ། །གསེར་གྱི་ཕྲེང་བ་དག་ནི་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་སྐྱེས་གསེར་མགར་ཚེ། །དེ་བཞིན་གཤེགས་པ་དཔལ་གྱི་སྙིང་པོ་ལ། །རིན་པོ་ཆེ་ཡི་སྡོང་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་ཐུབ་མེད་ཚོགས་ནི་འདུན་དཔོན་བུར་གྱུར་ཚེ། །དེ་བཞིན་གཤེགས་པ་རྣམ་པར་སྣང་མཛད་གྲགས་པ་ལ། །སྦྲང་རྩིར་བྱས་པའི་འོ་མ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་གྲགས་པའི་བཤེས་གཉེན་ཚོང་དཔོན་གྱི། །བུར་གྱུར་ཚེ་ན་བདེ་གཤེགས་བདེན་ཏོག་ལ། །མེ་ཏོག་དག་གི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་པ་
40-1-319b


ཕྲེང་རྒྱུད་ཚེ། །དེ་བཞིན་གཤེགས་པ་གཟི་བརྗིད་དྲག་ཤུལ་ལ། །མེ་ཏོག་ཆང་པ་གང་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དཀའ་ཐུབ་ཆེན་པོ་ཚོང་དཔོན་ཚེ། །དེ་བཞིན་གཤེགས་པ་ཉི་མའི་ཏོག་དེ་ལ། །
འཁོར་རྣམས་ཐམས་ཅད་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷུན་པོའི་འོད་ཟེར་འཁོར་སྒྱུར་རྒྱལ་པོའི་ཚེ། །དེ་བཞིན་གཤེགས་པ་ལྷུན་པོ་ཆེན་པོ་དེ་ལ་ནི། །རིན་ཆེན་ཡུ་བར་བཅས་པའི་གདུགས་
འབུམ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བརྩེགས་པ་དེད་དཔོན་བུར་གྱུར་ཚེ། །དེ་བཞིན་གཤེགས་པ་མཆོད་པ་བཀོད་པ་དེ་ལ་ནི། །རིན་ཆེན་སྣམ་བུ་ལྡ་ལྡི་དབུལ་བ་བྱས་ནས་ཀྱང་། །
དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་གྲགས་སྩལ་ཆེན་ལྟ་བུའི་བྲམ་ཟེ་ཚེ། །འཁོར་ནི་བྱེ་བར་བཅས་པའི་དེ་བཞིན་གཤེགས་པ་པོ། །འཇིག་རྟེན་རྣམ་པར་གྲགས་ལ་ཁྲུས་ཀྱི་ཡོ་བྱད་ཕུལ། །དང་པོ་
ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་གྲགས་ལམ་སྟོན་ཚེ། །དེ་བཞིན་གཤེགས་པ་དྲག་ཤུལ་བྱིན་པ་ཡི། །འཆག་ས་དག་ནི་ཕྱག་དར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་
གཤེགས་པ་སྦྱིན་འོད་དཔའ་བོའི་ཚེ། །དེ་བཞིན་གཤེགས་པ་མཆོག་ཏུ་གྲགས་དེ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་འབྱིན་གྲོང་དཔོན་ཚེ། །
དེ་བཞིན་གཤེགས་པ་དོན་གྲུབ་མཐུ་རྩལ་ལ། །གདིང་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་གསུང་ཁྱིམ་བདག་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་
ལ། །སྦྲང་རྩིར་བཅས་པའི་འབྲས་ཆན་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཚོ་བྱེད་ལྷ་རིས་པའི་ཚེ། །དེ་བཞིན་གཤེགས་པ་བདེན་པ་པོ་དེ་ཡི། །གཙུག་ལག་ཁང་ནི་ཕྱག་དར་བྱས་ནས་ཀྱང་། །
40-1-320a


དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ན་ཚོད་བཟང་པོ་རྩྭ་འཚོང་ཚེ། །བདེ་གཤེགས་ཟིལ་གྱིས་མི་ནོན་གྲགས་པ་ལ། །རྩྭའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ལེགས་པའི་ཚོགས་ཅན་འཁོར་སྒྱུར་ཚེ། །དེ་བཞིན་གཤེགས་པ་དགྲ་བཅོམ་འོད་དེ་ལ། །ན་བཟའ་རིན་པོ་ཆེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་ངེས་བློ་གྲོས་ཚོང་དཔོན་གྱི། །བུ་ཚེ་
དེ་བཞིན་གཤེགས་པ་སྒྲོན་ཆེན་ལ། །མུ་ཀ་ཙན་ཏྲ་ཀ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྲིད་མཐའ་ནོར་བུའི་སྤོས། །རིམ་གྲོ་པ་ཚེ་བདེ་གཤེགས་བློ་སྤྱོད་ལ། །ཆོས་ཀྱི་གདན་དག་
བཤམ་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བས་དགྱེས་པ་གོས་འཚོང་ཚེ། །དེ་བཞིན་གཤེགས་པ་མཐུ་རྩལ་ཅན་དེ་ལ། །ཆོས་གོས་གསུམ་དག་དབུལ་བ་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་འོད་ཟེར་ལམ་སྟོན་ཚེ། །དེ་བཞིན་གཤེགས་པ་ཐོགས་མེད་གཤེགས་པ་པོ། །ལམ་དུ་ཞུགས་ཚེ་བསྐོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་རྣམ་པར་སྣང་མཛད་རིན་པོ་ཆེ། །རྟོག་ཤེས་ཚེ་ན་དེ་བཞིན་གཤེགས་པ་པོ། །ཡིད་གཉིས་སྤོང་བའི་འཆག་ས་བཤམ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་མཆོག་སྤོས་འཚོང་
ཚེ། །དེ་བཞིན་གཤེགས་པ་བརྟུལ་ཞུགས་ཆེ་དེ་ལ། །སྣ་མའི་མེ་ཏོག་ཆུན་པོ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུའི་ཟླ་བ་ལྷ་བུའི་ཚེ། །དེ་བཞིན་གཤེགས་པ་འཁྲུལ་མེད་གཤེགས་དེ་ལ། །ལྷའི་
གཞལ་ཡས་ཁང་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲག་ཤུལ་འོད་ཟེར་དགོན་པ་ཡི། །དགེ་སློང་ཚེ་ན་བདེ་གཤེགས་ཡུལ་འཁོར་ལྷ། །དེ་ལ་ཆོས་གོས་སྣམ་སྦྱར་ཕུལ་ནས་ཀྱང་། །དང་པོར་བྱང་ཆུབ་
40-1-320b


ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་ཐུབ་མེད་རྒྱལ་བུའི་ཚེ། །དེ་བཞིན་གཤེགས་པ་མཛེས་པར་དགྱེས་དེ་ལ། །གདུགས་དང་དར་ཡུག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་
འགྲོས་མཆོད་གདོལ་བུའི་ཚེ། །ཉི་མ་འགའ་ཞིག་བསླབ་པ་ལྔ་མནོས་ནས། །དེ་བཞིན་གཤེགས་པ་མེ་ཏོག་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུའི་ཚོགས་ནི་བརྒྱ་བྱིན་ཚེ། །དེ་བཞིན་གཤེགས་པ་
མི་འཇིགས་སྦྱིན་དེ་ལ། །གསེར་གྱི་ཤིང་རྟ་རྐྱེན་བཅས་སྟོང་སྙེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་བླ་མ་བྲམ་ཟེའི་ཚེ། །དེ་བཞིན་གཤེགས་པ་ལྷ་དགའ་དེ་ལ་ནི། །མ་ད་ཧུ་ཀའི་མེ་ཏོག་གཏོར་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གླང་ཆེན་སེང་གེ་ལོང་བའི་ཚེ། །དེ་བཞིན་གཤེགས་པ་ཐར་པའི་འོད་དེ་ཡི། །འཆག་ས་དག་ནི་ཆག་ཆག་བཏབ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་
ཟླ་བ་རྒྱལ་པོའི་བུར་གྱུར་ཚེ། །ཟླ་བ་བཞིར་ནི་དགེ་སློང་དགེ་འདུན་ན་བའི། །གསོས་སྨན་དག་ལ་སྤྱན་དྲངས་བདེ་གཤེགས་འོད་འཕྲོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ཟེར་འཁོར་ལོས་སྒྱུར་བའི། །
བཙུན་མོའི་ཚེ་ན་བདེ་གཤེགས་ཡོན་ཏན་འབྱུང་གནས་ལ། །ཡུ་བ་ནོར་བུས་སྤྲས་པའི་རྔ་ཡབ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲགས་ཅན་སྦེད་པ་བཙན་ཆེན་ཚེ། །དེ་བཞིན་གཤེགས་པ་བྱམས་པའི་
བློ་དེ་ཡི། །ལམ་དུ་ཞུགས་ཚེ་བསེལ་བའི་རླུང་ཡབ་བྱས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་མཚོ་གྲོང་རྡལ་གྱི། །བྱིས་པའི་ཚེ་ན་བདེ་གཤེགས་བྱང་ཆུབ་འོད། །དེ་ལ་ཚེམས་ཤིང་དག་ནི་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ལྡན་པ་ཚོང་དཔོན་གྱི། །བུ་ཚེ་དེ་བཞིན་གཤེགས་པ་རྒྱ་མཚོ་ལ། །མར་མེའི་ཁ་ནི་སྟོང་སྙེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-321a


བདེ་གཤེགས་རབ་ཏུ་ཞི་བ་སྟབས་གྱད་ཚེ། །དེ་བཞིན་གཤེགས་པ་བྱང་ཆུབ་དགྱེས་དེ་ལ། །ནོར་བུས་སྤྲས་པའི་མཆིལ་ལྷམ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་བཟང་པོ་
སྤོས་འཚོང་བུར་གྱུར་ཚེ། །དེ་བཞིན་གཤེགས་པ་ལྷ་ཆེན་དེ་ལ་ཕྱེ་མ་ཡིས། །བཀང་བའི་ན་བཟའ་དང་ནི་པད་མ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་གོས་འཚོང་ཁྱེའུ་ཡི་
ཚེ། །དེ་བཞིན་གཤེགས་པ་བློ་ནི་ཟབ་མོ་དེ་ལ་ཡང་། །རྫི་ཆར་བྱུང་བའི་ཚེ་ན་མེ་ཏོག་གདུགས་ཕུལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཤུགས་བཅུ་རྒྱལ་བུའི་ཚེ། །དེ་བཞིན་གཤེགས་
པ་ཆོས་ཀྱི་དབང་ཕྱུག་ཅན། །ལམ་དུ་ཞུགས་ཚེ་གདན་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་དགྱེས་རོལ་མོ་མཁན་གྱི་ཚེ། །དེ་བཞིན་གཤེགས་པ་གཙོ་ཆེན་དེ་ལ་ནི། །དུང་སྒྲ་
དག་ནི་བུད་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་དཔལ་རོལ་མོའི་གླུ་མཁན་ཚེ། །དེ་བཞིན་གཤེགས་པ་བློ་གྲོས་སེམས་དེ་ལས། །གསུམ་ལ་སྐྱབས་སུ་འགྲོ་བ་མནོས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་ཐོབ་མཉན་པའི་ཚེ། །ཆུ་བོ་དག་ལ་ཟམ་པ་བཙུགས་ནས་ཀྱང་། །དེ་བཞིན་གཤེགས་པ་ཡེ་ཤེས་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་མཐུ་ཆེན་ཁྲུས་པའི་ཚེ། །དེ་བཞིན་གཤེགས་པ་དགོངས་པ་འཁྲུལ་མེད་ལ། །ཁྲུས་རས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་སྙིང་པོ་ཚོང་
དཔོན་གྱི། །བུ་ཚེ་བདེ་གཤེགས་བསོད་ནམས་འཕགས་པ་ལ། །དྷ་ནུ་སྐ་རའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་སྤྱོད་སྤོས་འཚོང་ཚེ། །དེ་བཞིན་གཤེགས་པ་ནོར་ལྷའི་བུ་
40-1-321b


གྲགས་ལ། །སྤོས་ཀྱི་རི་ལུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་མཆོག་རྒྱལ་པོ་རྒྱལ་པོའི་ཚེ། །དེ་བཞིན་གཤེགས་པ་བཀོད་ཆེན་སངས་རྒྱས་དེ་ལ་སོགས། །དགེ་སློང་དག་གི་དགེ་འདུན་སྤྱན་
ནི་དྲངས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་རྒྱལ་ཤིང་མཁན་ཚེ། །དེ་བཞིན་གཤེགས་པ་ཟླ་བའི་འོད་ལྡན་པ། །བདེ་གཤེགས་དེ་ལ་ཐལ་སྦྱར་ཕྱག་བྱས་ནས། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་འོད་ཟེར་ཆེན་པོ་ཚལ་གྱི་ལས། །བྱེད་ཚེ་བདེ་གཤེགས་ལྷ་ཡི་འོད་ཟེར་ལ། །ལྗོན་པའི་ཚོན་དག་སྦྱར་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་འོད་རྫ་མཁན་ཚེ། །
བདེ་གཤེགས་འོད་གསལ་དེ་ལ་ཟླ་བ་བཞིར། །བུམ་པ་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་ཆེན་ནད་པའི་ཚེ། །དེ་བཞིན་གཤེགས་པ་བསོད་ནམས་དགྱེས་དེ་ལ། །
ལྕགས་ཀྱི་སྣོད་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་པོ་ཆེ་ནི་ཚོང་དཔོན་གྱི། །བུ་ཚེ་བདེ་གཤེགས་སེང་གེའི་བློ་གྲོས་ལ། །མུ་ཏིག་དག་གི་ཆུན་ཕྲེང་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་འོད་སྤོས་འཚོང་གི། བུ་ཚེ་དེ་བཞིན་གཤེགས་པ་ས་གཙོ་ལ། །ཕྱེ་མས་བཀང་བའི་ཨུད་པལ་ན་བཟའ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
གོ་ཆ་བགོས་པ་ལྷའི་བུའི་ཚེ། །དེ་བཞིན་གཤེགས་པ་རིན་ཆེན་འོད་དེ་ལ། །བསྟོད་པ་དག་གིས་བསྟོད་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་ཕྱག་ནི་ཚལ་གྱི་ལས། །
བྱེད་ཚེ་བདེ་གཤེགས་འོད་ཟེར་བཟང་པོ་ལ། །མེ་ཏོག་དག་གི་ཕུར་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བཟང་པོ་ཡིག་མཁན་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །
40-1-322a


གྲོ་བའི་གླེགས་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཐོན་པོ་ཤལ་ཁྱེར་ཚེ། །དེ་བཞིན་གཤེགས་པ་ཟླ་བ་སྡུག་དེ་ལ། །མར་མེ་དག་ནི་དབུལ་བ་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་མཚོ་རོལ་མོ་མཁན་གྱི་ཚེ། །རྔ་བོ་ཆེ་དག་བརྡུང་བ་བྱས་ནས་ཀྱང་། །དེ་བཞིན་གཤེགས་པ་ཟླ་བའི་གདུགས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་
གཤེགས་པ་ས་འཛིན་མགར་བའི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །མཚོན་ཆ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་བློ་ལྷའི་བུ་ཉི་མའི་ཚེ། །
དེ་བཞིན་གཤེགས་པ་གོས་པ་མེད་དེ་ལ། །མེ་ཏོག་མན་དཱ་ར་བ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བསགས་པ་སྨན་པའི་ཚེ། །དེ་བཞིན་གཤེགས་པ་གྲགས་བླ་བཞུད་པ་ན། །
འདམ་རྫབ་དག་ཏུ་རྡོ་ལེབ་ཟམ་བཙུགས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཚོགས་ནི་སྨན་པའི་ཚེ། །དེ་བཞིན་གཤེགས་པ་ཟླ་བའི་ཞལ་དེ་ལ། །སྐྱུ་རུ་རའི་འབྲས་བུ་གཅིག་ཕུལ་ནས། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མེ་ནི་དེད་དཔོན་ཚེ། །དེ་བཞིན་གཤེགས་པ་ཀླུའི་ལྷ་དེ་ལ། །བཻ་དཱུརྱའི་སྣོད་ཆུ་ཡིས་བཀང་སྟེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
འཇིག་རྟེན་འདས་པ་ཚོང་འདུས་པ། །བྱེད་ཚེ་དགེ་འདུན་དག་ལ་འོད་སྒྲོན་ཕུལ། །དེ་བཞིན་གཤེགས་པ་ཡོན་ཏན་ཕུང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇིག་རྟེན་ཟླ་བ་འཁོར་སྒྱུར་ཚེ། །དེ་བཞིན་
གཤེགས་པ་ཡོན་ཏན་བློ་དེ་ལ། །གཙུག་ལག་ཁང་ནི་སྟོང་སྙེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་རྒྱལ་པོ་བྲམ་ཟེའི་བུ། །ཕྱོགས་བཞིའི་དགེ་འདུན་དག་གི་
40-1-322b


བསམ་གཏན་ཁང་བརྩིགས་ནས། །དེ་བཞིན་གཤེགས་པ་མེ་ཏོག་མཆོག་མ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་ཏོག་བྲམ་ཟེའི་བུ་ཡི་ཚེ། །དེ་བཞིན་གཤེགས་པ་འཇིག་རྟེན་དགའ་དེ་ལ། །
ཀུ་ཤའི་ན་བཟའ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་གཙོ་བོ་བྲམ་ཟེའི་ཚེ། །དེ་བཞིན་གཤེགས་པ་གཟི་བརྗིད་དཔག་མེད་ལ། །རིལ་བ་ཆུ་ཡིས་བཀང་སྟེ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་སྟབས་གླིང་གཅིག་རྒྱལ་པོའི་ཚེ། །དེ་བཞིན་གཤེགས་པ་བདེན་པའི་ཏོག་དེ་ལ། །རས་བཅོས་གདིང་བ་དཔག་ཚད་གཅིག་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་དྲག་ཤུལ་བྱིན་ནི་ཚོང་དཔོན་གྱི། །ཆུང་མའི་ཚེ་ན་བདེ་གཤེགས་ཉི་འོད་ལ། །ཕྱེ་མ་སྤར་གང་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་ཕྲེང་རྒྱུད་ཚེ། །
དེ་བཞིན་གཤེགས་པ་བདུད་རྩིའི་འོད་ཟེར་ལ། །མེ་ཏོག་ཆལ་པར་བཀྲམ་པ་ཀུན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་འོད་ནི་ལྷའི་བུའི་ཚེ། །དེ་བཞིན་གཤེགས་པ་སྟོན་པར་དགྱེས་པ་པོ། །བྱང་ཆུབ་
སྙིང་པོར་བཞུགས་ལ་རྩྭ་གདན་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ཁྱིམ་བདག་ཚེ། །དེ་བཞིན་གཤེགས་པ་གསང་བར་དགྱེས་དེ་ལ། །རས་བཅོས་བྱེ་བ་སྙེད་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་རྒྱལ་བུའི་ཚེ། །དེ་བཞིན་གཤེགས་པ་དབྱིག་གི་འོད་ཟེར་ལ། །བླ་རེ་སྤོས་ཅན་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཚོགས་ཅན་གསལ་བ་རིན་ཆེན་འཚོང་བའི་ཚེ། །དེ་བཞིན་གཤེགས་པ་བསོད་ནམས་འབྱུང་གནས་དེ་ལ་ནི། །རིན་པོ་ཆེ་དག་སྤར་བ་བཀང་སྟེ་གཏོར་ནས་ཀྱང་། །དང་པོ་ཉིད་དུ་
40-1-323a


བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་མཐའ་ཡས་དེད་དཔོན་གྱི། །བུ་ཚེ་བདེ་གཤེགས་མེ་ཏོག་དཔལ་དེ་ལ། །ན་བཟའ་བླ་རེ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་འོད་ཟེར་དོན་ཡོད་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་ཡོན་ཏན་ཕྱག་ལྡན་དེ་ལ་ནི། །མུ་ཏིག་དམར་པོ་སྤར་བ་བཀང་སྟེ་གཏོར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་ལྷ་ཡི་དྲང་སྲོང་དྲང་སྲོང་ཚེ། །དེ་བཞིན་གཤེགས་པ་ཆོས་ཀྱི་སྒྲོན་མ་ལ། །ལོ་མ་དག་གི་གདུགས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་
དབང་འཁོར་ལོས་སྒྱུར་བའི་ཚེ། །དེ་བཞིན་གཤེགས་པ་ཀུན་དུ་འོད་ཟེར་ལ། །གླིང་བཞི་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགེ་འདུན་བརྟན་པ་མཐའ་འཁོབ་
རྒྱལ་པོའི་ཚེ། །དེ་བཞིན་གཤེགས་པ་ཚངས་པའི་དབྱངས་ཅན་དེ་ལ་ནི། །མེ་ཏོག་སྟོང་སྙེད་བཀྲམ་པའི་འཆག་ས་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཕྱོགས་བཟང་
གསེར་འཚོང་ཚེ། །དེ་བཞིན་གཤེགས་པ་བཀོད་པ་ཆེན་པོ་ལ། །གསེར་གྱི་གླེགས་མ་བཀྲམ་པའི་འཆག་ས་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་ནི་གསེར་མགར་ཁྱེའུ་ཡི་ཚེ། །དེ་བཞིན་
གཤེགས་པ་ཐར་པའི་ཉི་མ་ལ། །མར་མེ་བཟང་པོ་བཤམས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་མེ་ཏོག་རྩྭ་འཚོང་ཚེ། །དེ་བཞིན་གཤེགས་པ་བརྩོན་འགྲུས་བརྟན་
པ་ཡི། །འཆག་ས་རྩྭ་ཡིས་ཁེབས་པར་བཀྲམ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་བློ་གྲོས་ཚོང་དུས་པ་ཡི་ཚེ། །ཚོང་དུས་བར་སྲང་དག་ནི་ཕྱག་དར་བྱས་ནས་ཀྱང་། །
40-1-323b


དེ་བཞིན་གཤེགས་པ་བློའི་འོད་ལྡན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རླུང་ཤུགས་ལྟར་གཤེགས་དྷིང་ཏ་ཁྱེའུ་ཡི་ཚེ། །དེ་བཞིན་གཤེགས་པ་ཡོན་ཏན་གྲགས་པ་དེ་ལ་ནི། །བསིལ་ཡབ་དག་གིས་གཡབ་པ་
དག་ནི་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་བསམས་གྲགས་པ་གཏར་མཁན་ཚེ། །དེ་བཞིན་གཤེགས་པ་ལེགས་པའི་བློ་དེ་ལ། །ནོར་བུ་སྐར་འོད་དག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་སྣང་ལྡན་རྒྱལ་པོའི་ཕོ་ཉའི་ཚེ། །དེ་བཞིན་གཤེགས་པ་བཀོད་པ་དཔག་མེད་ལ། །ལན་གསུམ་བསྐོར་བ་དག་ནི་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་ལྷ་ཚོགས་འཁོར་སྒྱུར་བློན་མཆོག་ཚེ། །དེ་བཞིན་གཤེགས་པ་སེང་གེའི་མཆེ་བ་ལ། །གསེར་དང་བྱི་རུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བསྲུངས་པ་འདྲོན་པོའི་ཚེ། །
ལམ་སྲང་དག་ཏུ་རྡོ་སྟེགས་བཙུགས་ནས་ཀྱང་། །དེ་བཞིན་གཤེགས་པ་བསོད་ནམས་མཐུ་རྩལ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་གྱི་བློ་གྲོས་ལྔ་མངོན་ཤེས་པ་པོ། །བྲམ་ཟེའི་ཚེ་ན་དེ་བཞིན་
གཤེགས་པ་ལྷ་མཆོག་གི། ཞབས་ལ་མགོ་བོ་དག་གི་ཕྱག་དག་འཚལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསྙེངས་མེད་ཆུ་རྐ་བསྲུང་བའི་ཚེ། །ཉིན་ཞག་བདུན་དུ་བྱམས་པ་བསྒོམས་
ནས་ཀྱང་། །དེ་བཞིན་གཤེགས་པ་རྣམ་པར་གཟིགས་གནས་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲོགས་བརྟན་གོས་འཚོང་ཚེ། །དེ་བཞིན་གཤེགས་པ་ལྷའི་མཆོད་རྟེན་ལ། །
ཁང་བརྩེགས་མོན་དར་དག་གིས་བཀབ་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་གནས་མཚུངས་པ་དགེ་སློང་ཚེ། །དམ་ཆོས་ཡོངས་སུ་གཟུང་ཕྱིར་སྤྲོ་བསྐྱེད་ནས། །དེ་བཞིན་
40-1-324a


གཤེགས་པ་གློག་གི་འོད་ཟེར་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་ཞབས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་རྒྱལ་བར་དགྱེས་དེ་ལ། །མེ་ཏོག་ཨུད་པལ་ཆང་པ་གང་གཏོར་
ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་གཟི་བརྗིད་གྲོང་དཔོན་བུ་མོའི་ཚེ། །དེ་བཞིན་གཤེགས་པ་ལྷུན་པོའི་རྒྱལ་མཚན་དེ་ལ་ནི། །བསོད་སྙོམས་དང་པོ་དག་ནི་དབུལ་བ་བྱས་ནས་ཀྱང་། །དང་པོ་
ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ངོས་བཟངས་ཕྱུགས་རྫིའི་ཚེ། །དེ་བཞིན་གཤེགས་པ་མེ་ཏོག་འོད་དེ་ལ། །ཞུན་མར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་བློ་བཟངས་ཕྱུག་པོའི་བུ་ཚེ་སངས་རྒྱས་ཀྱི། །དགེ་སློང་ཁ་ཏོན་འདོན་པར་བཟའ་བ་བྱིན་ནས་ཀྱང་། །དེ་བཞིན་གཤེགས་པ་བློ་གྲོས་མཆོག་མ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཀུན་གཟིགས་རབ་བྱུང་ཞག་བདུན་དགེ་སློང་ཚེ། །དེ་བཞིན་གཤེགས་པ་སྤོས་ཀྱི་ངད་ལྡན་བཅོམ་ལྡན་གྱིས། །ལེགས་པར་གསུངས་ལ་རྗེས་སུ་ཡི་རང་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཡེ་ཤེས་མཆོག་ནི་དགེ་སློང་ཚེ། །ཏིང་འཛིན་འདི་ལ་ཡི་རང་བྱས་ནས་ཀྱང་། །དེ་བཞིན་གཤེགས་པ་ཡོན་ཏན་མཐུ་རྩལ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་
གནས་རྒྱལ་བུའི་ཚེ། །དེ་བཞིན་གཤེགས་པ་བློ་གྲོས་ཁྱད་པར་ལ། །ཡན་ལག་ལྔ་ལྡན་སིལ་སྙན་དག་གིས་མཆོད། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་གསུང་ཁྱིམ་བདག་ཚེ། །
དེ་བཞིན་གཤེགས་པ་དྲང་སྲོང་གསལ་དེ་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་བཟངས་སྨན་པའི་ཚེ། །དེ་བཞིན་
40-1-324b


གཤེགས་པ་རིན་ཆེན་སྒྲོན་དེ་ལ། །ཨ་རུ་རའི་འབྲས་བུ་དགུ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་བྱིན་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་གཟི་བརྗིད་འབར་བ་ཡི། །གཙུག་ལག་ཁང་གི་སྐྱང་ནུལ་
བྱུགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེ་སྟབས་ནི་རྒྱ་མཚོའི་ཚོང་པའི་ཚེ། །དེ་བཞིན་གཤེགས་པ་གཟིགས་པ་ཐ་མ་དེ་ལ་ནི། །བྱི་རུ་སྤར་བ་བཀང་སྟེ་གཏོར་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་ཏོག་ནི་རྒྱལ་རིགས་གཞོན་ནུའི་ཚེ། །དེ་བཞིན་གཤེགས་པ་དབྱིག་ལ་དགྱེས་པ་དེ་ལ་ནི། །རིན་པོ་ཆེའི་ཕྲེང་བ་དག་ནི་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཡེ་ཤེས་འབྱུང་གནས་ཕྲེང་རྒྱུད་ཚེ། །དེ་བཞིན་གཤེགས་པ་བཀོད་པ་མཛེས་དེ་ལ། །པད་མའི་རྫིང་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བྱིན་པ་གནས་རྟེན་ཚེ། །
བདེ་གཤེགས་ཡོན་ཏན་དཔལ་གྱི་སྙིང་པོ་ཡི། །འཆག་སར་འཇི་བའི་གོང་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་སྙིང་པོ་དྲང་སྲོང་ཚེ། །དེ་བཞིན་གཤེགས་པ་གཟིགས་པ་
གསལ་དེ་ལ། །རྒྱང་མ་ནས་ནི་ཐལ་སྦྱར་ཕྱག་བྱས་ཏེ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་ཤིང་རྟོག་ཚེ། །དེ་བཞིན་གཤེགས་པ་མདངས་སྟོབས་དེ་ལ་ནི། །ཨ་ཏི་མུག་ཏའི་མེ་
ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་རྨད་བྱུང་རྫ་མཁན་གྱི། །བུ་ཚེ་བདེ་གཤེགས་རྣམ་དག་སྤྱན་དེ་ལ། །ཆུ་ཡི་སྦྱིན་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་མི་ཚུགས་དམངས་རིགས་ཁྱེའུ་ཡི་ཚེ། །དེ་བཞིན་གཤེགས་པ་ཡེ་ཤེས་བརྟུལ་ཞུགས་ལ། །བ་རུ་རའི་འབྲས་བུ་གཅིག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-325a


བདེ་གཤེགས་བསྙེངས་མེད་རྒྱལ་ཆེན་རྣམ་ཐོས་བུ་ཡི་ཚེ། །དེ་བཞིན་གཤེགས་པ་ཞབས་དག་བརྟན་པ་དེ་ལ་ནི། །ལྷ་རྫས་དག་གི་ཙན་དན་དག་གིས་གཏོར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་
འོད་ནི་རྒྱལ་པོ་ཡི། །མདུན་འདོན་བྱེད་ཚེ་བདེ་གཤེགས་འཕགས་སྤྱན་དེ། །ཞག་བདུན་བར་དུ་གདུགས་ཚོད་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་རབ་གཤེགས་པ་མཉན་པའི་ཚེ། །
དེ་བཞིན་གཤེགས་པ་ཐར་པ་དགྱེས་དེ་ལ། །ཆུ་བོའི་འགྲམ་དག་བསྟན་ཅིང་མཚོན་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷའི་མཐུ་རྩལ་ཚོང་དཔོན་ཚེ། །ཕྱོགས་བཞིའི་དགེ་འདུན་སྒོ་གང་ཕུབ་ནས་ཀྱང་། །
དེ་བཞིན་གཤེགས་པ་དབྱངས་ཆེན་དེ་ལ་ནི། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་རྡོ་མཁན་ཚེ། །དེ་བཞིན་གཤེགས་པ་ཡུལ་འཁོར་མཆོག་དེ་ལ། །ལྷ་ཡི་ཞལ་ཟས་དག་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་བདེན་སྨན་རྩ་འཚོང་བའི་ཚེ། །དེ་བཞིན་གཤེགས་པ་ལེགས་པར་སྤྱོད་པའི་འོད་དེ་ནི། །སྙུན་གྱི་གསོས་སྨན་དག་ལ་རྟག་ཏུ་སྤྱན་དྲངས་ནས། །དང་པོ་ཉིད་
དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུའི་སྙིང་པོ་ཉ་བ་ཡི། །ཁྱེའུ་ཚེ་བདེ་གཤེགས་ས་རི་ལས་དེ་ལ། །མེ་ཏོག་བཞི་ཞིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཡོན་ཏན་གྲགས་པ་དཀའ་སྤྱོད་ཚེ། །དེ་བཞིན་གཤེགས་པ་ཡོན་ཏན་གསལ་དེ་ལ། །ཞུགས་ལིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དཔལ་ནི་བཅའ་བ་
མཁན་གྱི་ཚེ། །དེ་བཞིན་གཤེགས་པ་རྣམ་པར་སྣང་མཛད་གྲགས་དེ་ལ། །ལྷུང་བཟེད་བཅའ་བ་དག་གིས་བཀང་སྟེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཅིངས་མེད་རྟེན་བཅས་
40-1-325b


གཅིག་པུའི་ཚེ། །དེ་བཞིན་གཤེགས་པ་སྣང་བའི་མཆོག་དེ་ལ། །གདུགས་ཚོད་གསོལ་ཏེ་སྦྲང་མ་བསྐྲད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་བརྟན་པ་བློན་ཆེན་ཚེ། །དེ་བཞིན་
གཤེགས་པ་དགྱེས་པར་གཟིགས་དེ་ལ། །ཁང་པ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་གཟི་བརྗིད་དམ་ཆོས་ནུབ་པའི་ཚེ། །དགེ་སློང་ཆོས་སྨྲ་སྨྲོས་ཤིག་སྨྲོས་ཤིག་
ཅེས་བརྗོད་ནས། །དེ་བཞིན་གཤེགས་པ་ཟླ་བ་ལྟ་བུར་གསུང་དེ་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པར་ཐུབ་པ་རྒྱལ་པོའི་ཚེ། །དེ་བཞིན་གཤེགས་པ་བླ་མའི་དབྱངས་དེ་ལ། །གྲོང་
ཁྱེར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དལ་བཞུད་དགེ་སློང་རྐྱེན་པའི་ཚེ། །དེ་བཞིན་གཤེགས་པ་བསོད་ནམས་དཔལ་དེ་ལ། །སོ་བི་ར་ཀའི་བཏུང་བ་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་དཀའ་ཐུབ་ཕྱག་དར་པ་ཡི་ཚེ། །དེ་བཞིན་གཤེགས་པ་བསྡུ་བ་མཁྱེན་པ་པོ་དེ་ཡི། །ལམ་སྲང་ཁྲུ་བཅུ་སྲིད་དུ་ཕྱག་དར་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཕུང་པོ་ཁྱིམ་བདག་ཚེ། །དེ་བཞིན་གཤེགས་པ་མཚན་གྱི་རྒྱལ་པོ་དེ། །འཇིགས་པ་མེད་པས་དགོན་པར་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་གཟི་བརྗིད་ཆེན་པོ་རྒྱལ་བུའི་ཚེ། །དེ་བཞིན་གཤེགས་པ་རིམས་ནད་མེད་པ་ཡི། །བློ་མངའ་དེ་ལ་རྒྱན་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཙམ་པ་ཀ་ནི་རྒྱལ་ཕྲན་ཚེ། །དེ་བཞིན་
གཤེགས་པ་འཕགས་པ་དུལ་བ་ལ། །ཨུ་སྣི་ཀ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགའ་མཛད་བྲམ་ཟེའི་ཚེ། །དེ་བཞིན་གཤེགས་པ་ཆོས་ཀྱི་ལྷ་དེ་ལ། །རིལ་བ་སྤྱི་བླུགས་དག་ནི་
40-1-326a


ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་བཟང་པོ་ལྷའི་བུའི་ཚེ། །དེ་བཞིན་གཤེགས་པ་ཡོན་ཏན་བདུད་རྩི་དེས། །ཆོས་ཀྱི་འཁོར་ལོ་བསྐོར་ཚེ་ལེགས་པ་ཕུལ། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་པོའི་རྒྱལ་མཚན་མཆོད་སྡོང་སྲུང་བའི་ཚེ། །དེ་བཞིན་གཤེགས་པ་ཐོགས་པ་མེད་པ་གྲོང་ཁྱེར་དུ། །གཤེགས་པའི་ཚེ་ན་མཆོད་སྡོང་དག་ནི་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་
ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྱེས་པ་སྨན་པའི་ཚེ། །དེ་བཞིན་གཤེགས་པ་བདུད་རྩིའི་ཕུང་པོ་ལ། །སྨན་གྱི་རེང་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣ་མའི་
མེ་ཏོག་འོད་ནི་གར་མཁན་ཚེ། །དེ་བཞིན་གཤེགས་པ་ཟླ་བའི་འོད་ལྡན་དེ་ལ་ནི། །སྣ་མའི་མེ་ཏོག་དག་གི་ཕྲེང་བ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་འོད་ནི་ཆང་འཚོང་
ཚེ། །དེ་བཞིན་གཤེགས་པ་འབྲུག་སྒྲ་དེ་ལ་ནི། །ཕྱེ་མས་བསྒོས་པའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྲུན་མཛད་ཤིང་ལྷའི་ཚེ། །དེ་བཞིན་གཤེགས་པ་དགེ་བའི་ཉི་མ་ལ། །
མེ་ཏོག་དཀར་ནི་ཀ་དག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མདངས་འགྲོ་ཤིང་རྟ་མཁན་གྱི་ཚེ། །དེ་བཞིན་གཤེགས་པ་མི་བསྙེངས་ཐོབ་དེ་ལ། །བཞུགས་ཁྲིའུ་དག་ནི་དབུལ་བ་བྱས་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ལེགས་ངེས་ནི་རྫ་མཁན་ཚེ། །དེ་བཞིན་གཤེགས་པ་མཁས་པ་དགྱེས་དེ་ལ། །ཞག་གཅིག་བཞུགས་པའི་གནས་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ཁྱུ་མཆོག་བློན་ཆེའི་བུར་གྱུར་ཚེ། །དེ་བཞིན་གཤེགས་པ་བློ་མི་འཁྲུལ་དེ་ལ། །སེང་གེའི་གདན་ཁྲི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ།། །།
40-1-326b


འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་ལྔ་པ། བདེ་གཤེགས་ལག་བཟངས་ཐམས་ཅད་བྱེད་པའི་ཚེ། །དེ་བཞིན་གཤེགས་པ་འགྲོ་ལ་དགའ་དེ་ལ། །གོས་ཀྱི་དུམ་བུ་དག་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ལག་བླའི་ཚེ། །དེ་བཞིན་གཤེགས་པ་ལྷ་ཡི་མཆོག་དེ་ལ། །སྐྱུ་རུ་ར་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་
པས་བྱིན་ནི་ཁྲུས་པའི་ཚེ། །དེ་བཞིན་གཤེགས་པ་རྫུ་འཕྲུལ་མཆོག་དེ་ལ། །ཕྱག་དག་བཀྲུ་བའི་ཆབ་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འོད་ནི་དབུལ་པོའི་ཚེ། །དེ་བཞིན་གཤེགས་
པ་ལྷ་ཡི་གདུགས་དེ་ལ། །བཤོས་དྲོན་བཅུད་དང་ལྡན་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་དབྱངས་ནི་རི་མོ་མཁན་གྱི་ཚེ། །དེ་བཞིན་གཤེགས་པ་གཟུགས་བརྙན་དག་ནི་བྲིས་ནས་ཀྱང་། །
དེ་བཞིན་གཤེགས་པ་ཀླུ་ཡི་འོད་ལྡན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེའི་སྡེ་ནི་བཅིངས་པ་མེད་པ་པོ། །རལ་པ་ཅན་གྱི་ཚེ་ན་དེ་བཞིན་གཤེགས་པ་པོ། །མཐུ་རྩལ་དྲག་ཤུལ་ཅན་
ལ་རྡོ་ལེབ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འབྱོར་ལྡན་ཕྲེང་རྒྱུད་ཚེ། །དེ་བཞིན་གཤེགས་པ་ཆོས་ཀྱི་གཟི་བརྗིད་ལ། །ཙམ་པ་ཀའི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་སེང་གེའི་སྟོབས་ནི་ཕྱག་དར་པ་ཡི་ཚེ། །དེ་བཞིན་གཤེགས་པ་སྲིད་པའི་མཐའ་ནི་གཟིགས་པ་པོ། །བཅོམ་ལྡན་དེ་ནི་ཕྲག་ལ་བླངས་ཏེ་འདམ་རྫབ་བསྒྲལ། །དང་པོ་ཉིད་དུ་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་སྤྱན་ནི་འདྲི་མཁན་ཚེ། །དེ་བཞིན་གཤེགས་པ་ཁྲེལ་ཡོད་བཟང་པོ་ལ། །ཀ་ལ་མན་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྲུང་སྦྱངས་
40-1-327a


གནས་དགེ་སློང་ཚེ། །བདེ་གཤེགས་རྒྱ་ཆེན་གཟུགས་ཀྱི་འཆག་ས་དག །ལྷུང་བཟེད་འབྲུ་མར་བཀང་བས་ཆག་ཆག་བཏབ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་གསལ་རྒྱལ་བུའི་ཚེ། །
དེ་བཞིན་གཤེགས་པ་ལྷ་ཡི་སྤྱན་དེ་ལ། །འོད་ཟེར་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་འགྲོས་ནི་རྒྱ་མཚོའི་ཚོང་པའི་ཚེ། །ཉམ་ཐག་ཚེ་ན་སངས་རྒྱས་དག་ལ་ཕྱག་
འཚལ་ཞེས། །ཚིག་ཏུ་བརྗོད་ནས་བདེ་གཤེགས་ཚོགས་ཀྱི་འོད་ཟེར་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་དྲག་ཤུལ་མགར་བའི་ཚེ། །དེ་བཞིན་གཤེགས་པ་ཟླ་བའི་མཆོག་དེ་ལ། །དངུལ་
ལས་བྱས་པའི་ལྷུང་བཟེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་ཆེན་པོ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མཉམ་པར་བཞག་པའི་བདག་ཉིད་དེ། །ཉིན་གཅིག་བཞུགས་པའི་
གནས་ནི་བྱས་ཏེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་འོད་གྲོང་རྡལ་བྱིས་པའི་ཚེ། །དེ་བཞིན་གཤེགས་པ་ཡོན་ཏན་ཏོག་དེ་ཡི། །རས་ཀྱི་གདན་དག་གདིང་བ་བྱས་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་དྲི་མེད་འོད་ནི་མདུན་འདོན་ཚེ། །དེ་བཞིན་གཤེགས་པ་སྐྱེ་དབང་མཚུངས་དེ་ལ། །མཆོད་སྦྱིན་དག་གི་ར་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་
རྣམ་འབྱེས་ཆང་འཚོང་ཚེ། །དེ་བཞིན་གཤེགས་པ་འཇིགས་མེད་བཤེས་གཉེན་ལ། །ཁ་རའི་བཏུང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁེངས་མེད་རྩིས་པའི་
ཁྱེའུ་ཡི་ཚེ། །དེ་བཞིན་གཤེགས་པ་བསྡུ་བའི་བློ་མངའ་ལ། །ཅི་ཙེའི་ཕུབ་མ་ཕྲག་སྟ་གང་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྦྲང་རྩིའི་ཞལ་ནི་ལྷམ་མཁན་ཚེ། །དེ་བཞིན་གཤེགས་
40-1-327b


པ་དགྲ་ཐུལ་དེ་ལ་ནི། །མེ་ཏོག་ཨུད་པལ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་འོད་རྟེན་བཅས་ནད་པའི་ཚེ། །དེ་བཞིན་གཤེགས་པ་ཟམ་པའི་འོད་དེ་ལ། །མོན་སྲན་གྲེའུམ་རུལ་པ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གློག་སྦྱིན་རྒྱལ་པོའི་ཚེ། །དེ་བཞིན་གཤེགས་པ་རི་བོ་བརྩེགས་པ་ལ། །ཡིད་འཐད་ཁང་པ་བརྩེགས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
རབ་ཞིར་གཤེགས་པ་ཤིང་འཚོང་ཚེ། །དེ་བཞིན་གཤེགས་པ་རྩེ་གཅིག་འོད་དེ་ལ། །ཆུ་དྲོན་སྣོད་དག་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འཁྲུགས་པ་ཡིས་དགེ་སློང་དག་ལ་ནི། །ཇི་སྲིད་འཚོ་
བར་གནོད་སེམས་མེད་པར་འཛིན་བཅུག་ནས། །དེ་བཞིན་གཤེགས་པ་སྲེད་མེད་བུའི་མཐུ་རྩལ་ལ། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་བཅོམ་གྲགས་པ་རྫ་མཁན་ཚེ། །དེ་བཞིན་གཤེགས་
པ་སེང་གེའི་ཞབས་དེ་ལ། །སྤོས་ཀྱི་ཟ་མ་ཏོག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་ཡོན་ཏན་ཕྱྭ་མཁན་ཚེ། །དེ་བཞིན་གཤེགས་པ་ཚུལ་ཁྲིམས་དགྱེས་དེ་ལ། །ཁང་པ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞིང་བཟང་ལྷ་ཡི་བཏུལ་ཞུགས་ཚེ། །དེ་བཞིན་གཤེགས་པ་འཇིག་རྟེན་གསལ་དེ་ལ། །གུ་གུལ་བདུག་པ་དག་གིས་བདུགས་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀོད་པའི་རྒྱལ་པོ་འཁོར་སྒྱུར་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །བཻ་དཱུརྱ་ཡི་ཁང་བཟངས་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་མངོན་འཕགས་ལྷ་ལ་དད་པའི་ཚེ། །དེ་བཞིན་གཤེགས་པ་སེང་གེ་རྣམ་བསྒྱིངས་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-328a


བདེ་གཤེགས་སྦྱིན་བསྲེག་འོད་འཕྲོ་དེད་དཔོན་ཚེ། །དེ་བཞིན་གཤེགས་པ་བློ་གྲོས་རྙོག་མེད་ལ། །བཀད་ས་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་དཔལ་ཕྱུག་པོའི་
བུར་གྱུར་ཚེ། །དེ་བཞིན་གཤེགས་པ་གྲགས་པ་གསལ་བ་པོ། །བདེ་བར་གཤེགས་ལ་པད་མའི་མེ་ཏོག་གཏོར། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་བཀོད་པ་ཁྱིམ་བདག་ཚེ། །དེ་བཞིན་གཤེགས་
པ་ངེས་པའི་བློ་དེ་ལ། །ཁྲོན་པ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་བཟང་པོ་ལམ་སྟོན་བུར་གྱུར་ཚེ། །དེ་བཞིན་གཤེགས་པ་གཏི་མུག་སྤངས་པ་དེ་ལ་
ནི། །ལྗོན་པོའི་ལྕུག་མ་ཉི་ཤུ་སྙེད་ནི་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཆོག་ནི་ཤིང་རྟ་མཁན་གྱི་ཚེ། །བཅོམ་ལྡན་དེ་བཞིན་གཤེགས་པ་ཡོན་ཏན་
ཕུང་པོ་དེའི། །གཙུག་ལག་ཁང་གི་སྒོ་དག་བྱས་ཏེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུགས་ནི་ཤིན་དུ་གཞུངས་པ་ཕྱུགས་རྫིའི་ཚེ། །དེ་བཞིན་གཤེགས་པ་
བསྡུ་བའི་བློ་ནི་མངའ་བ་དེ། །ལམ་སྲང་དག་ཏུ་གཤེགས་ཚེ་གོས་དག་བཏིང་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་མཚོས་བྱིན་ནི་མདུན་འདོན་ཚེ། །དེ་བཞིན་གཤེགས་པ་
སྐལ་ལྡན་ཤིང་རྟ་ལ། །མེ་ཏོག་དག་གི་གཞལ་མེད་ཁང་པ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་ཏོག་ཞིང་པའི་ཚེ། །དེ་བཞིན་གཤེགས་པ་བདེན་པའི་མཐུ་རྩལ་ལ། །
མོ་སྲན་གྲེའུ་འབྲུ་སྤར་གང་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་གདུགས་ནིར་ཡུ་ཧ་ཀའི་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །བྱུག་པ་དག་ནི་
40-1-328b


དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་འཕྲོ་སྤོས་འཚོང་གྱུར་པའི་ཚེ། །བདེ་གཤེགས་ཕྱོགས་རྣམས་གཟིགས་པ་སངས་རྒྱས་ཀྱི། །གཙུག་ལག་ཁང་དག་སྤོས་ཀྱིས་བདུགས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲི་མེད་རྒྱལ་པོ་ནི། །རི་མོ་མཁན་ཚེ་བདེ་གཤེགས་སྟོབས་གསལ་དེའི། །སྒོ་གང་དག་ནི་རི་མོ་བྲིས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཡེ་ཤེས་གྲགས་པ་གོས་འཚོང་ཚེ། །དེ་བཞིན་གཤེགས་པ་ངེས་པར་རྟོགས་བཟོད་ལ། །ཆོས་གོས་སྲ་བརྐྱང་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་རྒྱལ་ཚོང་དཔོན་བུར་གྱུར་
ཚེ། །དེ་བཞིན་གཤེགས་པ་ཆོས་ཀྱི་གདུགས་དེ་ལ། །རིན་ཆེན་སེ་མོ་དོ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་ནི་མཐིང་མཁན་ཚེ། །དེ་བཞིན་གཤེགས་པ་
ཚོགས་ཀྱིས་མི་ཐུབ་ལ། །མཐིང་ཕོར་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྒྲ་བསྒྲགས་གོས་འཚོང་ཚེ། །དེ་བཞིན་གཤེགས་པ་ལྷའི་མེ་ཏོག་
ལ། །སྐ་རགས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་རྒྱས་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ལྷ་ཡི་པད་མ་ལ། །ཆུར་བ་དག་ནི་དབུལ་
བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མའི་འོད་ཟེར་བྲམ་ཟེ་ཡི། །རྒྱལ་གཙོའི་བུ་ཚེ་བདེ་གཤེགས་ཀུན་གཟིགས་ལ། །ཧི་དིམ་བ་ར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་བརྟུལ་ཞུགས་བཟང་པོ་སྣོད་སྤྱད་མཁན་གྱི་ཚེ། །དེ་བཞིན་གཤེགས་པ་ཟླ་བའི་འོད་ལྡན་དེ་ལ་ནི། །འབྲས་དྲུས་སྙིམ་པ་གང་དག་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
40-1-329a


སྒྲོན་རྒྱལ་བཅའ་བ་མཁན་གྱི་ཚེ། །དེ་བཞིན་གཤེགས་པ་བཀོད་པའི་ཚོགས་ཅན་ལ། །སྣུམ་ཁུར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གློག་གི་ཏོག་ནི་དེད་དཔོན་ཚེ། །དེ་བཞིན་གཤེགས་
པ་དོན་ནི་དགོངས་པ་ལ། །ན་བཟའ་ཕྲུགས་གཅིག་ཅིག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་རྒྱལ་པོ་རྫ་མཁན་ཚེ། །དེ་བཞིན་གཤེགས་པ་མཚན་གྱི་རྒྱལ་པོ་ལ། །ཁྲུས་རྐྱེན་བུམ་པ་དག་
ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་མཁན་ཚལ་གྱི་ལས་བྱེད་ཚེ། །དེ་བཞིན་གཤེགས་པ་པད་མའི་ཞལ་དེ་ལ། །ལོ་མའི་གདིང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་གྲགས་རྫོགས་ནོར་བུ་འཚོང་བའི་ཚེ། །དེ་བཞིན་གཤེགས་པ་སྙན་པར་དགོངས་དེ་ལ། །རིན་པོ་ཆེའི་བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་སྙིང་སྟོབས་ཀྱི་འཁོར་ལོས་
སྒྱུར་བའི་ཚེ། །དེ་བཞིན་གཤེགས་པ་ལྗོན་པའི་རྒྱལ་མཚན་དེ་ལ་ནི། །དྲི་བསུང་ལྡན་པའི་བསྐྱེད་མོས་ཚལ་དག་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་ནི་འཁོར་ལོས་སྒྱུར་བའི་ཚེ། །
དེ་བཞིན་གཤེགས་པ་འོད་དག་དེ་ལ་ནི། །རིན་ཆེན་གདུགས་ནི་བྱེ་བ་སྟོང་སྙེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་མཛེས་གྲོང་དཔོན་བུ་མོའི་ཚེ། །དེ་བཞིན་གཤེགས་པ་སེང་གེའི་མཐུ་རྩལ་ལ། །མེ་ལོང་དང་ནི་
བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྙོག་པ་མེད་དོན་ཤིང་སྲུངས་ཚེ། །དེ་བཞིན་གཤེགས་པ་ཚོགས་ཀྱི་གཙོ་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་དྲག་ཤུལ་སྡེ་ནི་ཁྱེའུ་ཡི་ཚེ། །དེ་བཞིན་གཤེགས་པ་སྤོས་ངད་ཞིམ་པོ་ལ། །ཕྱག་དར་སྙིམ་པ་གང་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་གཟི་བརྗིད་ལྕི་འཚོང་ཚེ། །
40-1-329b


དེ་བཞིན་གཤེགས་པ་མཁས་པས་བསྔགས་དེ་ལ། །ལྷུང་བཟེད་བཀྲུ་ཕྱིར་ལྕི་བའི་གོང་བུ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐུ་རྩལ་ཅན་ནི་རྩྭ་འཚོང་ཚེ། །དེ་བཞིན་གཤེགས་པ་བསོད་ནམས་མུ་སྟེགས་ལ། །
རྩྭ་ཁུར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་བློ་ནི་མགར་བའི་ཚེ། །དེ་བཞིན་གཤེགས་པ་ཤེས་རབ་འོད་དེ་ལ། །མཚོན་ཆ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་
ནི་སེམས་བསྐྱེད་དོ། །བདེ་གཤེགས་སྒྲ་གཅན་ལྷ་ནི་ལྕགས་མགར་གྱི། །ཁྱེའུ་ཡི་ཚེ་ན་དེ་བཞིན་གཤེགས་པ་པོ། །ཡེ་ཤེས་གོ་ཆ་ལ་ནི་ཁབ་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ཕུང་པོ་འདྲེག་
མཁན་ཚེ། །དེ་བཞིན་གཤེགས་པ་མདངས་སྟོབས་སྐྱེ་བ་ཡི། །སྲེག་ཤང་དག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁ་ལོ་སྒྱུར་བ་དབུལ་པོའི་ཚེ། །དེ་བཞིན་གཤེགས་པ་གཟི་བརྗིད་དྲག་
ཤུལ་ལ། །མཆིལ་ལྷམ་རིམ་གཅིག་པ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་ནི་གྲོང་ཁྱེར་ན། །རྟེན་ཚེ་བདེ་གཤེགས་སངས་རྒྱས་དགྱེས་དེ་ལ། །མོན་སྲན་གྲེའུ་དག་གིས་
གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་ཏོག་ནི་རྒྱ་མཚོ་ཡི། །ཁྱེའུ་ཡི་ཚེ་ན་བདེ་གཤེགས་གསལ་རྒྱལ་ལ། །མཆིལ་མའི་སྣོད་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་སྒྲ་གཅན་འཛིན་ནི་འདྲེག་མཁན་ཚེ། །དེ་བཞིན་གཤེགས་པ་ཐམས་ཅད་དགྱེས་པ་པོ། །བཅོམ་ལྡན་དེའི་སེན་མོ་བཅད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྩི་སྨན་ཆེན་པོ་ཐགས་
མཁན་ཚེ། །དེ་བཞིན་གཤེགས་པ་ཡིད་གཉིས་རྣམ་གནོན་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱུ་སྐར་རྒྱལ་པོ་ཚོང་འདུས་པའི་ཚེ། །དེ་བཞིན་
40-1-330a


གཤེགས་པ་དོན་ནི་ལེགས་པར་དགོངས་དེ་ལ། །བུམ་པ་མར་གྱིས་བཀང་བ་དག་ནི་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པའི་རྒྱལ་པོ་ཚོང་དཔོན་བུར་གྱུར་ཚེ། །དེ་བཞིན་གཤེགས་
པ་ལྷུན་པོ་ཆེན་པོ་དེ་ལ་ནི། །ལྷ་ཡི་ཁང་བཟངས་དག་ནི་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་གླང་པོ་འབྲུ་མར་གྱི། །མཁན་ཚེ་དེ་བཞིན་གཤེགས་པ་འཕགས་དུལ་ལ། །
ཞབས་བསྐུ་བ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཅོད་མཛད་སྨད་འཚོང་བུ་མོའི་ཚེ། །དེ་བཞིན་གཤེགས་པ་མཁས་པ་གསལ་དེ་ལ། །མེ་ལོང་དག་ནི་དབུལ་བ་བྱས་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གྲགས་རྒྱལ་པོའི་ཁྲུས་པ་ཡི། །ཁྱེའུ་ཚེ་བདེ་གཤེགས་བསྡུ་བའི་བློ་མངའ་ལ། །འདག་པའི་ཆལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་འོད་ཟེར་དགེ་སློང་དབྱར་གནས་པའི། །རིམ་གྲོ་པ་ཚེ་དེ་བཞིན་གཤེགས་པ་དབྱངས་སྙན་པ། །དེ་ལ་ཁྲུས་ཆུ་དག་ནི་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་
སེམས་བསྐྱེད་དོ། །དེ་བཞིན་གཤེགས་པ་ཆོས་མཛོད་དཀའ་ཐུབ་ཅན་གྱི་ཚེ། །དེ་བཞིན་གཤེགས་པ་མཐུ་ཆེན་གནས་སུ་ཕྱིན་པ་ལ། །མཚན་མོ་མར་མེ་དག་ནི་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་བཟང་པོ་སྨན་པའི་ཚེ། །དེ་བཞིན་གཤེགས་པ་སེང་གེའི་ང་རོ་ལ། །ཨ་རུ་ར་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་
དབང་མཚུངས་རྩྭ་ཐུན་ཚེ། །དེ་བཞིན་གཤེགས་པ་ཀུན་དུ་རིན་ཆེན་ལ། །བྷད་ཀྲ་ཀ་རི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེའི་སྡེ་ནི་ཚོང་པའི་ཚེ། །དེ་བཞིན་གཤེགས་པ་
40-1-330b


འཇིག་རྟེན་ཀུན་དགའ་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་བརྩེགས་ནི་རྔོན་པའི་ཚེ། །དེ་བཞིན་གཤེགས་པ་བྷར་ག་རྡོ་རྗེ་ཡི། །ལམ་སྲང་དག་ནི་མཚོན་པ་བྱས་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལེགས་གནས་བྲམ་ཟེའི་ཚེ། །དེ་བཞིན་གཤེགས་པ་སེང་གེའི་དབྱངས་དེ་ལ། །བཻ་དཱུརྱ་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་བློ་སྦྱངས་ཕྲེང་རྒྱུད་ཚེ། །དེ་བཞིན་གཤེགས་པ་སྐར་མའི་སྐབས་དེ་ལ། །སྣ་མའི་མེ་ཏོག་བདུན་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་དབྱངས་
ལམ་སྟོན་ཁྱེའུ་ཡི་ཚེ། །དེ་བཞིན་གཤེགས་པ་དེད་དཔོན་དེ་ལ་ནི། །གསེར་གྱི་མེ་ཏོག་དག་ནི་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཆོག་ནི་ཞིང་པའི་ཚེ། །དེ་བཞིན་གཤེགས་པ་མི་ཡི་
ཟླ་བ་ལ། །བལ་སྲན་སྔོན་པོ་སྤར་གང་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྲུག་སྒྲ་དབྱངས་ནི་རྩིས་པ་ཡི། །ཁྱེའུ་ཚེ་དེ་བཞིན་གཤེགས་པ་བཀོད་ཆེན་ལ། །ཕྲེང་བའི་ཆུན་པོ་དག་ནི་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མངོན་ཤེས་ཏོག་ནི་རིགས་གཙོའི་ཚེ། །དེ་བཞིན་གཤེགས་པ་ཉི་མའི་འོད་དེ་ལ། །དར་དང་བདུག་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །དེ་བཞིན་གཤེགས་པ་ཏོག་འོད་རྒྱལ་བུའི་ཚེ། །དེ་བཞིན་གཤེགས་པ་མཛེས་དང་ལྡན་པ་ཡི། །ཞབས་གཉིས་དག་ནི་བཀྲུ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་
གཤེགས་པ་དགེ་བ་ཁྱིམ་བདག་ཚེ། །བདེ་གཤེགས་སྲིད་མཐའ་ནོར་བུའི་སྤོས་དེ་ལ། །དགུན་སྨད་སྦྱར་ཐུག་དག་ནི་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་པ་མཐིང་
40-1-331a


བུ་འཚོང་བའི་ཚེ། །དེ་བཞིན་གཤེགས་པ་ཞི་བར་གནས་དེ་ལ། །མཐིང་བུའི་ནོར་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེས་མཆོག་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་གྲགས་པ་བསྡུས་དེ་ལ། །
གུར་ཀུམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་སྡུག་སྤོས་འཚོང་ཁྱེའུ་ཡི་ཚེ། །དེ་བཞིན་གཤེགས་པ་ཚངས་པས་མཆོད་དེ་ལ། །སྤོས་ཀྱི་ཕྱེ་མ་སྤར་གང་གཏོར་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ཀླུས་སྦྱིན་རྫ་མཁན་ཆུང་མའི་ཚེ། །དེ་བཞིན་གཤེགས་པ་ང་རོ་ཆེན་པོ་ལ། །ཆུ་ཡིས་བཀང་བའི་སྣོད་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེན་ཏོག་
ཚོང་དཔོན་ཚེ། །དེ་བཞིན་གཤེགས་པ་གྲགས་པ་དགྱེས་དེ་ལ། །གསེར་གྱི་ཁྲི་སྟན་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བརྒྱན་པ་སྤོས་འཚོང་ཚེ། །དེ་བཞིན་གཤེགས་པ་མཁས་པ་
གསལ་དེ་ལ། །སྤོས་ཀྱི་ཕུར་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞུམ་མེད་དབྱངས་ནི་ལྕགས་མགར་ཚེ། །དེ་བཞིན་གཤེགས་པ་སྨོན་ལམ་མཐའ་ཡས་ལ། །ལྕགས་ལས་བྱས་
པའི་སྣོད་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དེད་དཔོན་ཚེ། །དེ་བཞིན་གཤེགས་པ་འགྲོ་བའི་འོད་ཟེར་ལ། །སྤོས་ཀྱི་རྡོ་གུ་དག་གིས་བདུགས་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་ནི་བྱིན་པ་ཡིས། །དེ་བཞིན་གཤེགས་པ་ལྟ་བར་བཟོད་དེ་ལ། །དཔྱིད་ཀ་ཆབ་བྲོམ་གོང་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་སེང་གེ་དག་ནི་མགར་བའི་ཚེ། །དེ་བཞིན་གཤེགས་པ་མེ་ཏོག་ཆེན་པོ་ལ། །དེ་ལ་ཁབ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་སྣ་ཚོགས་ཤ་ན་མཁན་གྱི་ཚེ། །
40-1-331b


དེ་བཞིན་གཤེགས་པ་བསྒོམས་པའི་བདག་ཉིད་དེ་ལ་ནི། །ཤ་ན་དག་ལས་བྱས་པའི་ན་བཟའ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དཔའ་བོ་གྲོང་རྡལ་གྱི། །ཁྱེའུ་ཚེ་དེ་བཞིན་གཤེགས་པ་བློ་
གསལ་ལ། །ལ་དུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མའི་སྙིང་པོ་རྩིས་པ་ཡི། །ཁྱེའུ་ཚེ་དེ་བཞིན་གཤེགས་པ་མཁས་བློ་ལ། །མེ་ཏོག་སྙིམ་པ་བཀང་སྟེ་གཏོར་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་རྒྱས་པ་ལག་བླའི་ཚེ། །དེ་བཞིན་གཤེགས་པ་ནོར་སྦྱིན་དེ་ལ་ནི། །དུས་མ་ཡིན་པར་བཅུད་ལྡན་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
མཐུ་རྩལ་སྟོབས་ནི་རལ་པ་ཅན། །སྦྱིན་བསྲེག་མཁན་ཚེ་དེ་བཞིན་གཤེགས་པ་པོ། །ཞུམ་མེད་དབྱངས་ལ་ཞུགས་ལིང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་ཕུང་པོ་ཚོང་
པའི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟུགས་མཆོག་གྲོང་ཁྱེར་སྲུང་བའི་ཚེ། །དེ་བཞིན་
གཤེགས་པ་ཟླ་བ་བཟང་པོ་ལ། །བཏུང་བ་བྱིན་གྱིས་བརླབས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་མཁན་སྤོས་འཚོང་ཚེ། །དེ་བཞིན་གཤེགས་པ་ངེས་པའི་གཟུགས་
དེ་ལ། །སྤོས་ཀྱི་རྒྱུ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བའི་སྒྲོན་མ་སློངས་མོའི་ཚེ། །དེ་བཞིན་གཤེགས་པ་རྣལ་འབྱོར་སེམས་དཔའ་ལ། །འགྲོན་བུ་ཉི་ཤུ་དག་ནི་
གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཕུང་པོ་རྩྭ་ཐུན་ཚེ། །དེ་བཞིན་གཤེགས་པ་ཟབ་མོར་གནས་དེ་ལ། །རྩྭ་ལས་བྱས་པའི་གདུགས་དག་ཕུལ་ནས་ཀྱང་། །དང་པོར་
40-1-332a


བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་རྒྱལ་པོ་ཤིང་རྟ་ཡི། །མཁན་ཚེ་དེ་བཞིན་གཤེགས་པ་དཔལ་འོད་ལ། །ཤིང་རྟ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མི་ཟད་ཤིང་རྟ་མཁན་གྱི་ཚེ། །དེ་བཞིན་གཤེགས་པ་རབ་ཏུ་གདུལ་དཀའ་ལ། །བཞུགས་ཁྲིའུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མངོན་རྟོག་ཅན་ནི་སྨན་
པའི་ཚེ། །དེ་བཞིན་གཤེགས་པ་ཀུན་དུ་གཟིགས་དེ་ལ། །ལྡག་སྨན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡན་ལག་རྒྱས་པ་ཕྱུགས་རྫིའི་ཚེ། །དེ་བཞིན་གཤེགས་པ་ཟླ་
བའི་སྒྲོན་དེ་ལ། །ལྷུང་བཟེད་དར་བས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་ཤེས་རབ་མར་འཚོང་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །ཞུན་མར་
སྲང་བརྒྱད་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་ནི་བོང་རྫིའི་ཚེ། །དེ་བཞིན་གཤེགས་པ་ཟླ་བའི་གདུགས་དེ་ལ། །བཞུགས་པའི་རྡོ་གདན་དག་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཚིམ་མཛད་རྒྱལ་བུའི་ཚེ། །དེ་བཞིན་གཤེགས་པ་འགྲོ་བའི་མུ་སྟེགས་ལ། །སེའུ་འབྲུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །བདེ་གཤེགས་ཤེས་རབ་བྱིན་ནི་མར་འཚོང་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །མར་ཁུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཇམ་དབྱངས་རྫ་
མཁན་ཚེ། །དེ་བཞིན་གཤེགས་པ་རིན་ཆེན་མཆོག་དེ་ལ། །རིལ་བ་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མགོན་པོ་རིགས་བུའི་ཚེ། །བདེ་གཤེགས་བཟང་པོ་ངོ་ཚ་མཁྱེན་
40-1-332b


པ་ལ། །འཆག་ས་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆགས་མེད་མཛོད་ནི་མི་བཀྲེན་ཚེ། །དེ་བཞིན་གཤེགས་པ་བལྟ་བར་བཟོད་དེ་ལ། །ཚོད་མའི་གོང་བུ་དག་ནི་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙོ་བོས་བྱིན་ནི་ལྷའི་བུ། །དབང་ཕྱུག་ཆེ་ཚེ་དེ་བཞིན་གཤེགས་པ་པོ། །སེང་གེའི་ང་རོ་དེ་ལ་བསྟོད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་
གཙོ་བོ་སྤོས་འཚོང་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །སྤོས་ལོའི་རི་ལུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་མཐུ་རྩལ་ཤིང་བསྲུངས་ཚེ། །དེ་བཞིན་གཤེགས་པ་ཀུན་
དུ་གསལ་དེ་ལ། །ཀོ་བི་ད་རའི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་འཕྲོ་དགེ་སློང་ཚེ། །དེ་བཞིན་གཤེགས་པ་དབྱངས་ཀྱི་སྣོད་དེ་ལ། །བུ་རམ་ཆུ་དག་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབང་པོ་ཁྱིམ་བདག་ཚེ། །དེ་བཞིན་གཤེགས་པ་དགའ་བའི་དཔལ་དེ་ལ། །བསྐྱེད་མོས་ཚལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཤུགས་འཆང་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་མཉམ་པར་གནས་པ་པོ། །དེ་ལ་གདུགས་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་རྒྱལ་
འཁོར་ལོས་སྒྱུར་བའི་ཚེ། །བདེ་གཤེགས་ཀུན་གྱི་བློ་དེ་འཁོར་བཅས་ཐེར་འབུམ་དག །དབྱར་གནས་ཚེ་ན་ཕོངས་པ་མེད་པས་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་བཟང་
ཚོང་པའི་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །སྦྲང་རྩི་ཅི་བཞེད་པ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་བྱིན་འཛམ་གླིང་རྒྱལ་པོའི་ཚེ། །དེ་བཞིན་གཤེགས་པ་ཟླ་
40-1-333a


བའི་ཏོག་དེ་ཡི། །གཙུག་ལག་ཁང་ནི་བྱེ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཟུགས་བཟང་སྤོས་འཚོང་ཚེ། །དེ་བཞིན་གཤེགས་པ་བརྟུལ་ཞུགས་བརྟན་དེ་ལ། །སྤོས་ནི་
སྲང་གི་བཞི་ཆ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱལ་པོ་གསེར་རྟོག་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །ཁྲོན་པ་ཆུ་ཡིས་གང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །དེ་བཞིན་གཤེགས་པ་དོན་གྲུབ་བྲམ་ཟེའི་ཚེ། །དེ་བཞིན་གཤེགས་པ་ཐལ་བར་ཀློག་དེ་ལ། །མཆོད་སྦྱིན་ཆེན་པོ་དག་ནི་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་སྡེ་ནི་དབང་
བློན་གྱི། །བུ་ཚེ་དེ་བཞིན་གཤེགས་པ་གྲགས་མཆོག་ལ། །བསྐྱེད་མོས་ཚལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་ལྷའི་བུ་ནི་ཚོང་དཔོན་བུ་མོའི་ཚེ། །དེ་བཞིན་གཤེགས་པ་ཡོན་
ཏན་ཐམས་ཅད་རྫོགས་པ་པོ། །དེ་ལ་ཞབས་བཀྲུ་པ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲགས་པ་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་བློ་བརྟན་དེ་ལ་ནི། །རང་གི་རྒྱན་
རྣམས་དག་ནི་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱལ་བ་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་བདུད་རྩིའི་འོད་ཟེར་ཅན། །དེ་ལ་ཐོད་དག་དབུལ་བ་བྱས་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྒྱ་ཆེན་སྙིང་པོ་ཚོང་པའི་ཚེ། །དེ་བཞིན་གཤེགས་པ་དབྱངས་ཆེན་དེ་ལ་ནི། །མུ་ཏིག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
བསོད་ནམས་འོད་ཟེར་ལྕགས་སྲུང་ཚེ། །དེ་བཞིན་གཤེགས་པ་དབྱངས་གསལ་དེ་ལ་ནི། །སོག་མ་དག་ལས་བྱས་པའི་ཕྲེང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨྲང་འདོན་འབྲུ་མར་མཁན་གྱི་ཚེ། །
40-1-333b


དེ་བཞིན་གཤེགས་པ་སྟོབས་ཆེན་དེ་ལ་ནི། །ལྷུང་བཟེད་འབྲུ་མར་དག་གིས་བཀང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲོན་རྒྱལ་རྩིས་པའི་བུར་གྱུར་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་ལ། །
མེ་ཏོག་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བརྩེགས་ནི་ལྗོངས་དག་གི། །ཕོ་ཉ་ཚེ་ན་དེ་བཞིན་གཤེགས་པ་པོ། །བདུད་རྩི་གསལ་ལ་སྦྲང་རྩིའི་བཏུང་བ་ཕུལ། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་མཆོག་ཤིང་སྲུངས་ཚེ། །དེ་བཞིན་གཤེགས་པ་བྱང་ཆུབ་མཐུ་རྩལ་ལ། །མ་ཏུ་ལུང་ག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་ས་བདག་ཁྱིམ་བདག་ཚེ། །དེ་བཞིན་གཤེགས་པ་སྒྲ་མཆོག་སེམས་པ་ལ། །ཁང་བརྩེགས་གོས་ཀྱིས་གཡོགས་པ་དག་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གྲོལ་བརྙེས་བཙོ་བླག་མཁན་གྱི་ཚེ། །
དེ་བཞིན་གཤེགས་པ་བློ་གྲོས་དྲག་ཤུལ་ལ། །རས་ཡུག་ཁྲ་བོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཙུག་གསེར་ཚོང་དཔོན་ཁྱེའུ་ཡི་ཚེ། །དེ་བཞིན་གཤེགས་པ་ཆུ་ལྷའི་མཐུ་རྩལ་ལ། །གསེར་
གྱི་བུམ་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་བཟང་པོ་སློང་བའི་ཚེ། །དེ་བཞིན་གཤེགས་པ་བརྟུལ་ཞུགས་ཆེན་པོ་ལ། །རྩྭ་ཡི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐུབ་དཀའ་གོ་རི་ཀ་ཡི་ཚེ། །དེ་བཞིན་གཤེགས་པ་འོད་ཟེར་འབར་བ་ལ། །གཤེགས་ཟམ་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་ཐུབ་གསལ་དུང་འཚོང་ཚེ། །དེ་བཞིན་གཤེགས་པ་ཉོན་མོངས་མེད་བློ་ལ། །དུང་དག་སྤར་བ་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བའི་འོད་ཟེར་ཚོང་དུས་པའི། །ཁྱེའུ་ཡི་
40-1-334a


ཚེ་བདེ་གཤེགས་སེང་གེའི་དབྱངས་དེ་ལ། །ཁམ་ཕོར་མར་ཁུས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསེར་འོད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་
ཤིན་དུ་དགྱེས་དེ་ལ། །མུ་ཏིག་ཆུན་ཕྲེང་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷའི་ཡོན་ཏན་དབང་པོ་བློན་ཆེའི་ཚེ། །དེ་བཞིན་གཤེགས་པ་ལེགས་པར་རབ་ཏུ་གནས་པ་ལ། །
དཔག་ཚད་གཅིག་པའི་བསྐྱེད་མོས་ཚལ་དག་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་གདུགས་བྲམ་ཟེའི་ཚེ། །རིའི་རྩེ་མོ་ནས་ནི་བདག་མཆོངས་ནས། །དེ་བཞིན་གཤེགས་
པ་ཉི་མའི་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་ལག་ནི་ཚོང་དཔོན་བུ་མོའི་ཚེ། །དེ་བཞིན་གཤེགས་པ་བདུད་རྩིའི་སྒྲོན་མ་དེ་ལ་ནི། །མེ་ཏོག་མྱ་ངན་འཚང་དག་དབུལ་བ་བྱས་ནས་
ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆགས་མེད་སྤོས་འཚོང་ཁྱེའུ་ཡི་ཚེ། །དེ་བཞིན་གཤེགས་པ་བྱང་ཆུབ་སྟབས་དེ་ལ། །སྲན་གྲེའུ་ཕུལ་གསུམ་ཞིག་ནི་ཕུལ་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་གྱ་ནོམ་རྒྱལ་པོ་ཡི། །ཕོ་ཉའི་ཚེ་ན་བདེ་གཤེགས་རྒྱལ་བ་ཡི། །བཤེས་གཉེན་དེ་ལ་ལན་ཅིག་བསྐོར་བྱས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་
ཞིབ་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་ལེགས་པར་གཟིགས་དེ་ལ། །བུམ་པ་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བྱིན་ཐམས་ཅད་དེད་དཔོན་ཚེ། །དགེ་འདུན་མང་
པོར་ཞལ་ཟས་གསོལ་ནས་ཀྱང་། །དེ་བཞིན་གཤེགས་པ་རྙོག་པ་མེད་དོན་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྩི་སྨན་ལག་པའི་ཚེ། །དེ་བཞིན་གཤེགས་པ་རྟོགས་པའི་མཆོག་དེ་ལ། །སྐྱུ་རུ་ར་དག་
40-1-334b


དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གྲོལ་ཏོག་ནི་རྟེན་བཅས་ཚེ། །འདམ་རྫབ་དག་ཏུ་ཟམ་པ་བཙུགས་ནས་ཀྱང་། །དེ་བཞིན་གཤེགས་པ་མི་ཡི་ཟླ་བ་ལ། །དང་པོར་བྱང་ཆུབ་ཏུ་
ནི་སེམས་བསྐྱེད་དོ། །དེ་བཞིན་གཤེགས་པ་འོད་མཛད་ཞིང་པའི་ཚེ། །དེ་བཞིན་གཤེགས་པ་འོད་འབར་དེ་ལ་ནི། །མེ་ཏོག་དམར་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་
རྒྱལ་པོ་འབྲས་སཱ་ལུ། །ཁུར་ཁྱེར་ཚེ་ན་བདེ་གཤེགས་ཀུན་འོད་ལ། །མེ་ཏོག་ཀར་ནི་ཀ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཇིགས་མཛད་དཔའ་བོའི་ཚེ། །དེ་བཞིན་གཤེགས་
པ་བཀོད་པ་ཆེན་པོ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆུ་བོ་སྤོང་ནི་གྲོང་རྡལ་བྱིས་པའི་ཚེ། །དེ་བཞིན་གཤེགས་པ་སེང་གེའི་རྣམ་པར་བསྒྱིངས་པ་ཡི། །
སྟབས་ལ་མེ་ཏོག་ཨུད་པལ་དག་ནི་གཏོར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་གྲགས་པ་སློང་བའི་ཚེ། །དེ་བཞིན་གཤེགས་པ་ལྷ་དགའ་དེ་ལ་ནི། །མོ་ཙ་ན་དག་དབུལ་བ་བྱས་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདེན་པའི་ཕུང་པོ་ཆང་འཚོང་ཚེ། །དེ་བཞིན་གཤེགས་པ་རི་དབང་མཚུངས་དེ་ལ། །རྫ་རྔ་དང་ནི་ལོ་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །དེ་བཞིན་གཤེགས་པ་དབྱངས་སྙན་རྩྭ་འཚོང་ཚེ། །དེ་བཞིན་གཤེགས་པ་སྟབས་ཆེན་དེ་ལ་ནི། །རྩྭ་སྤྱིལ་དག་ནི་ཕུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་དབང་མཚུངས་ནི་རྒྱལ་བུའི་
ཚེ། །དེ་བཞིན་གཤེགས་པ་ཡིད་དུ་འོང་བའི་དབྱངས། །དེ་ལ་གདུགས་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་བརྩེགས་ལྷ་ཡི་བསྙེན་བཀུར་བ། །བྱེད་ཚེ་བདེ་གཤེགས་
40-1-335a


བསོད་ནམས་བརྩེགས་པ་ལ། །མེ་ཏོག་ཆང་པ་གང་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་གཟི་བརྗིད་རྒྱལ་བུའི་ཚེ། །དེ་བཞིན་གཤེགས་པ་ནོར་བུ་ཟླ་བ་ལ། །ཙག་ཀྲ་ཀུ་
རའི་འབྲས་བུ་བརྒྱད་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་མཛད་གར་མཁན་བུ་མོའི་ཚེ། །དེ་བཞིན་གཤེགས་པ་སྤྱན་སྡུག་དེ་ལ་ནི། །རས་བལ་དག་གི་ཕྲེང་བ་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཞི་སྐུ་ནི་རབ་རྒྱུད་ཚེ། །དེ་བཞིན་གཤེགས་པ་སྙན་པར་གྲགས་དེ་ལ། །ཙམ་པ་ཀ་ཡི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཡིད་འོང་གསུང་ནི་དམག་མིའི་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །རས་ཡུག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་སྦྱངས་སྨན་པའི་ཚེ། །
བདེ་གཤེགས་སེང་གེའི་མཆེ་བ་དགོངས་མལ་དུ། །འབྲུ་མར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆུ་ལྷ་གདུགས་མཁན་ཚེ། །དེ་བཞིན་གཤེགས་པ་རིན་ཆེན་མཆོད་
འོས་ལ། །དུས་སུ་བསིལ་ཡབ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་ལོགས་ནི་དེད་དཔོན་ཚེ། །དེ་བཞིན་གཤེགས་པ་དྲི་ཞིམ་འོད་དེ་ལ། །སྟོན་མོ་ཆེན་མོ་དག་ནི་བྱས་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་མཐུ་རྩལ་རྒྱལ་བུའི་ཚེ། །དེ་བཞིན་གཤེགས་པ་དགྲ་ཞིར་གྱུར་པ་ལ། །དངུལ་ལས་བྱས་པའི་གདན་ཁྲི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་སྐལ་བ་བཟང་པོ་དེད་དཔོན་ཚེ། །དེ་བཞིན་གཤེགས་པ་རྒྱལ་བའི་སྡེ་དེ་ལ། །གསེར་ལས་བྱས་པའི་བླ་རེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མི་འཁྲུགས་མདོག་
40-1-335b


ནི་རྫ་མཁན་ཚེ། །དེ་བཞིན་གཤེགས་པ་བདེན་པའི་བློ་དེ་ལ། །རྫེའུ་ཕྲུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་རྒྱལ་པོ་གྲོང་དཔོན་ཚེ། །གྲོང་ཁྱེར་དག་ནི་ཕྱག་དར་བྱས་ནས་ཀྱང་། །
དེ་བཞིན་གཤེགས་པ་གཟི་བརྗིད་གོ་བགོས་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྟོགས་མཛད་ལག་བླའི་ཚེ། །དེ་བཞིན་གཤེགས་པ་ངེས་པར་རྟོགས་བཟོད་ལ། །ཀ་ར་བཱི་རའི་མེ་ཏོག་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱན་ལེགས་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ཟླ་མཆོག་དཔལ་དེ་ལ། །ལྷུང་བཟེད་མོ་ར་ནས་བཀང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །བདེ་གཤེགས་དོན་གནས་བློ་ནི་ནད་པའི་ཚེ། །དེ་བཞིན་གཤེགས་པ་གླང་པོའི་སྟབས་དེའི། །ཉིན་མོ་བཞུགས་པའི་གནས་ཁང་ཕྱགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་བའི་འོད་ཟེར་
ལྷ་འཕངས་ཚེ། །དེ་བཞིན་གཤེགས་པ་མཁས་པའི་གཙོ་དེ་ལ། །མར་མེའི་སྙིང་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་གཟི་རྒྱལ་པོའི་ཚེ། །དེ་བཞིན་གཤེགས་པ་བདེན་པ་
དགྱེས་དེ་ལ། །ཨུད་པལ་སྔོན་པོ་གཅིག་ཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཀུན་དགའ་མཛད་པ་ཤིང་རྟ་མཁན། །བྱེད་ཚེ་བདེ་གཤེགས་ཨུད་པལ་དྲི་དེ་ལ། །སྣམ་ཕྱི་ས་དག་བྱས་ཏེ་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ཡོད་གཤེགས་པ་ལག་བླའི་ཚེ། །དེ་བཞིན་གཤེགས་པ་སྤོས་ཀྱི་དབང་ཕྱུག་ལ། །ལོ་མའི་སྤྱིལ་བུ་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཁྲོ་བཅོམ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཙམ་པའི་མཆོག་དེ་ལ། །རྫིང་བུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟུགས་མཆོག་ཐ་ག་པའི་ཚེ། །དེ་བཞིན་གཤེགས་པ་བརྟུལ་
40-1-336a


ཞུགས་སྙོམས་པ་ལ། །དབྱར་གནས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་གཤེགས་རོལ་མོ་མཁན་གྱི་ཚེ། །དེ་བཞིན་གཤེགས་པ་ཤེས་པའི་དཔལ་དེ་ལ། །
རོལ་མོའི་རྔ་ཆེན་བརྡུངས་ཏེ་མཆོད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་སྦྱིན་གྲགས་པ་ལ་ཀུ་ས་བྱེད་ཚེ། །དེ་བཞིན་གཤེགས་པ་གཟི་བརྗིད་ཆེན་པོ་དེ་ལ་ནི། །འདག་པའི་ཆལ་དག་སྦྱར་ཏེ་དབུལ་བ་
བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་གཙང་ཁྱིམ་བདག་ཚེ། །དེ་བཞིན་གཤེགས་པ་སྣ་ཚོགས་གསུང་དེ་ལ། །བུ་ཡུག་ལངས་ཚེ་འཇམས་དང་བཏུང་བ་ཕུལ། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་ལྷ་ཉི་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་འདམ་ལས་རྒལ་བ་ལ། །ཞུན་མར་ཅི་དགོས་པ་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་
བྱིན་ནི་ཕུབ་མཁན་ཚེ། །དེ་བཞིན་གཤེགས་པ་མཐའ་ཡས་སྤྱན་དེ་ལ། །ཕུབ་དག་བྱས་ཏེ་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཉམ་གཞག་བདག་ཉིད་ཁྱིམ་བདག་ཚེ། །དེ་བཞིན་གཤེགས་
པ་བློ་འབར་དེ་ལ་ནི། །ཏིལ་འབྲུ་སྤར་བ་བཀང་སྟེ་གཏོར་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་མདངས་འབྲུ་མར་སྤོས་ཅན་མཁན་གྱི་ཚེ། །དེ་བཞིན་གཤེགས་པ་མཆོད་པར་འོས་པའི་དཔལ་དེ་ལ། །སྣ་མའི་མེ་
ཏོག་ཡོད་པའི་འབྲུ་མར་སྲང་བརྒྱད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྒྱལ་རིགས་ལམ་སྟོན་ཚེ། །དེ་བཞིན་གཤེགས་པ་སྣ་ཚོགས་དབྱངས་དེ་ལ། །ལམ་སྲང་དག་ནི་མཚོན་པ་བྱས་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐལ་ལྡན་ཤིང་རྟ་བུ་རམ་ཆང་མཁན་ཚེ། །དེ་བཞིན་གཤེགས་པ་ཡོན་ཏན་དམིགས་པ་བྱིན་དེ་ལ། །སྐྱུ་རུ་རའི་བཅུད་ཁུ་དག་ནི་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་
40-1-336b


སེམས་བསྐྱེད་དོ། །དེ་བཞིན་གཤེགས་པ་གསེར་མཆོག་ཚྭ་འཚོང་ཚེ། །དེ་བཞིན་གཤེགས་པ་གཙང་མར་གནས་དེ་དག །ཟླ་བ་གསུམ་དུ་ཚྭ་ལ་སྤྱན་དྲངས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གྲོལ་གཙུག་ཤིང་
སྲུང་བའི་ཚེ། །དེ་བཞིན་གཤེགས་པ་དྲི་ཞིམ་སྤོས་དེ་ལ། །དགུན་འབྲུའི་བཅུད་ཁུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ལྡན་ཡུར་བ་མཁན་གྱི་ཚེ། །ཡུར་བ་དག་ནི་བརྐོས་ཏེ་བྱས་ནས་
ཀྱང་། །དེ་བཞིན་གཤེགས་པ་ཟླ་བའི་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གནས་ཚོང་དཔོན་ཆུང་མའི་ཚེ། །དེ་བཞིན་གཤེགས་པ་རི་བོའི་ཕུང་པོ་ལ། །དབྱར་གནས་དག་ནི་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲེགས་སྤངས་སྨན་པའི་ཚེ། །དེ་བཞིན་གཤེགས་པ་མེ་ཏོག་དེ་ལ་ནི། །འབྲུ་མར་བཏུང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་
མཛོད་ནི་ཐགས་མཁན་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚངས་གཤེགས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་
མཆོད་པར་འོས་དེ་ལ། །མེ་ཏོག་འབར་ཤིའི་ཆུན་ཕྲེང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཙན་དན་ཚོང་པའི་ཚེ། །དེ་བཞིན་གཤེགས་པ་རི་དབང་བརྩེགས་པ་ལ། །བ་སོ་དག་ལས་བྱས་པའི་
གདན་ཁྲི་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མྱ་ངན་མེད་པ་གསེར་མགར་ཚེ། །དེ་བཞིན་གཤེགས་པ་འོད་འབར་དེ་ལ་ནི། །དངུལ་ལས་བྱས་པའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །དེ་བཞིན་གཤེགས་པ་སེང་གེའི་འོད་ཟེར་ནི། །ཨ་བ་ཀ་རར་གྱུར་ཚེ་དེ་བཞིན་གཤེགས། །སྣང་བའི་གཙོ་ལ་ཨ་བ་ཀན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་
40-1-337a


ཏོག་ནི་ཚོང་པའི་ཚེ། །བདེ་གཤེགས་སྣ་ཚོགས་དབྱངས་བརྒྱན་དེ་ལ་ནི། །བ་སོའི་ཁང་པ་བརྩེགས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མའི་སྙིང་པོ་དགེ་སློང་ཚེ། །འཇི་བ་དག་ལས་
གཟུགས་ནི་བྱས་ནས་ཀྱང་། །དེ་བཞིན་གཤེགས་པ་དོན་ལ་དགྱེས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་མཐའ་ཡས་ཆང་འཚོང་ཚེ། །དེ་བཞིན་གཤེགས་པ་སྤྱོད་པ་གསལ་དེ་ལ། །བཀྲུ་བ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷའི་འོད་ཟེར་དགེ་སློང་ཚེ། །བཅྭ་ལྔའི་ཚེ་ན་ཆོས་ཀྱི་སྦྱིན་བྱས་ནས། །དེ་བཞིན་གཤེགས་པ་མྱ་ངན་སྤོང་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །བདེ་གཤེགས་ཤེས་རབ་མེ་ཏོག་སྤུག་འཚོང་ཚེ། །དེ་བཞིན་གཤེགས་པ་མངོན་ཤེས་འོད་དེ་ལ། །སྤུག་གི་ནོར་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཁས་པ་འབྲས་
འཚོང་ཚེ། །དེ་བཞིན་གཤེགས་པ་མདངས་ཀྱི་སྟོབས་དེ་ལ། །འབྲས་ཀྱིས་སྤར་བ་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱོར་ལྡན་ནི། །ཤིང་རྟ་མཁན་ཚེ་བདེ་
གཤེགས་གསལ་བའི་དཔལ། །དེ་ཡི་རླུང་སྐྱབས་དག་ནི་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱིག་ཤིང་སྲུངས་ཚེ། །དེ་བཞིན་གཤེགས་པ་མཐོང་བར་གྲགས་དེ་ལ། །ག་ན་ཀོ་དག་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྱག་ན་རིན་ཆེན་རྒྱལ་པོའི་ཚེ། །དེ་བཞིན་གཤེགས་པ་རྣམ་གྲོལ་འོད་ཟེར་དེའི། །ན་བཟའ་དག་ནི་ཁ་དོག་བསྒྱུར་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་དབང་ལྡན་ཚལ་གྱི་ལས་བྱེད་ཚེ། །དེ་བཞིན་གཤེགས་པ་ཡིད་གཉིས་རྣམ་གནོན་ལ། །ཁར་ཛུ་རའི་འབྲས་བུ་བརྒྱད་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
40-1-337b


རྫོགས་པར་གསུང་བ་ཤིང་སྲུངས་ཚེ། །དེ་བཞིན་གཤེགས་པ་དུས་མཁྱེན་རྒྱལ་པོ་ལ། །སྟར་ག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོག་གསུང་ཤིང་སྲུངས་ཚེ། །
དེ་བཞིན་གཤེགས་པ་ནགས་ཀྱི་མེ་ཏོག་ལ། །འགོ་ད་ར་ནའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་འོས་རྒྱལ་བུའི་ཚེ། །རྫིང་བུ་དག་ནི་བྱས་ཏེ་བཤམས་ནས་ཀྱང་། །
དེ་བཞིན་གཤེགས་པ་མེ་ཏོག་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་བློན་པོ་ཆེན་པོའི་ཚེ། །བདེ་གཤེགས་རྣམ་པར་སྨིན་པ་ཆེན་པོ་ལ། །རྡོ་ལས་བྱས་པའི་ཁང་པ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འདམ་ལས་རྒལ་བ་སྐུད་འཚོང་ཚེ། །དེ་བཞིན་གཤེགས་པ་གྲགས་པ་ཆེན་པོ་ལ། །སྐུད་པ་སྲང་གཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་
བརྙེས་པ་ཆང་འཚོང་ཚེ། །དེ་བཞིན་གཤེགས་པ་གཤེགས་པར་དགྱེས་དེ་ལ། །བཅུད་ཁུའི་བཏུང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲུབ་པ་གྲོང་དཔོན་ཚེ། །དེ་བཞིན་གཤེགས་པ་
བདུད་རྩི་རྣམ་གནོན་ལ། །གྲོང་གི་མཆོག་མ་བཅུ་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨ་བྱ་འབྲུ་མར་མཁན་གྱི་ཚེ། །དེ་བཞིན་གཤེགས་པ་ཉི་མའི་ཕུང་པོ་ལ། །མེ་ཏོག་འབའ་ཤིས་བསྒོས་པའི་འབྲུ་
མར་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་སྦྱིན་རྒྱལ་བུའི་ཚེ། །དེ་བཞིན་གཤེགས་པ་ཟླ་བའི་དབྱངས་དེ་ལ། །སིལ་སྙན་བརྒྱ་ཡིས་མཆོད་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །དེ་བཞིན་གཤེགས་པ་ཕན་བཞེད་མགར་བའི་ཚེ། །དེ་བཞིན་གཤེགས་པ་ལྷའི་ཡི་མེ་ཏོག་ལ། །དྲ་གྲི་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་ལྡན་པ་དུང་འབུད་ཚེ། །
40-1-338a


དུང་སྒྲ་དག་ནི་བུད་པ་བྱས་ནས་ཀྱང་། །དེ་བཞིན་གཤེགས་པ་རྣམ་དག་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གྲགས་པ་ཚོང་པའི་ཚེ། །དེ་བཞིན་གཤེགས་པ་སྟོན་ཀའི་ཉི་མ་ལ། །ནོར་བུ་
བཻ་དཱུརྱ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་ཟེར་དྲ་བ་ལོ་མའི་ཁུར་ཁྱེར་ཚེ། །དེ་བཞིན་གཤེགས་པ་སྣང་བ་བལྟ་ན་སྡུག་དེ་ལ། །ཧི་མིན་ཛ་ལའི་མེ་ཏོག་དབུལ་བ་བྱས་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཻ་དཱུརྱ་སྙིང་ཤིང་སྲུངས་ཚེ། །དེ་བཞིན་གཤེགས་པ་བརྟན་པའི་བློ་དེ་ལ། །ཨ་མྲ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་མེ་ཏོག་ཤིང་སྲུངས་ཚེ། །དེ་བཞིན་གཤེགས་པ་ལྗོན་པའི་མེ་ཏོག་ལ། །ཏང་གའི་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་རྒྱལ་པོ་དེད་དཔོན་ཚེ། །དེ་བཞིན་གཤེགས་
པ་འབར་བའི་དབྱངས་དེ་ལ། །བསྐྱེད་མོས་ཚལ་ནི་བཅུ་སྙེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་བ་མགར་བའི་ཚེ། །དེ་བཞིན་གཤེགས་པ་བདུད་རྩིའི་གོ་ཆ་ལ། །རིལ་བ་སྤྱི་ལུགས་
དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དྲན་འོད་ལྕགས་མགར་ཚེ། །དེ་བཞིན་གཤེགས་པ་སེང་གེའི་སྒྲ་དེ་ལ། །སྣར་བླུགས་པའི་སྤྱད་དག་ཕུལ་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་འོད་དགེ་སློང་ཚེ། །དེ་བཞིན་གཤེགས་པ་དགེ་བའི་ལྷ་དེ་ལ། །ནོར་བུའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཡོན་ཏན་མཆོག་མ་ཀུན་གྱི་འོད། །ཚོང་པའི་ཚེ་ན་བདེ་གཤེགས་དབྱངས་མཆོག་ལ། །ཤིང་ན་གའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་པོ་ཆེ་ཡི་དཔལ། །
40-1-338b


ཕྱག་དར་པ་ཚེ་བདེ་གཤེགས་དཔལ་དགྱེས་ལ། །གཙུག་ལག་ཁང་དང་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེས་བུ་ཟླ་བ་བྲམ་ཟེའི་ཚེ། །གཅོང་རོང་དག་ཏུ་ཟམ་པ་བྱས་ནས་ཀྱང་། །དེ་བཞིན་
གཤེགས་པ་བདུད་རྩིའི་གྲགས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྒྲ་གཅན་བྲམ་ཟེའི་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་གི། གདན་དག་ཡུད་ཙམ་གདིང་བ་བྱས་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩིའི་འོད་ནི་གཞན་བྲན་ཚེ། །དེ་བཞིན་གཤེགས་པ་བཀོད་པ་ཆེན་པོ་ལ། །ཉིན་མོ་བཞུགས་པའི་གནས་སུ་གདན་བཏིང་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་འཇིག་རྟེན་མཆོག་མ་ཚོང་དཔོན་གྱི། །བུ་ཚེ་བདེ་གཤེགས་འཇིག་རྟེན་བླ་མ་ལ། །དྷ་ནུ་ཀ་རིའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐར་འོད་དེད་དཔོན་ཚེ། །
བདེ་གཤེགས་བློ་མཆོག་ལམ་དུ་ཞུགས་པ་ན། །མཚན་མོ་རྩྭ་སྒྲོན་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞི་བའི་སྟབས་ནི་རྒྱལ་པོའི་བུ། །ཁང་བཟངས་འཛེག་ཚེ་བདེ་གཤེགས་
ལྷུན་འོད་ལ། །མེ་ཏོག་དག་གི་ཆུན་པོ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྒྱ་མཚོ་མི་བཀྲེན་ཚེ། །དེ་བཞིན་གཤེགས་པ་བདུད་རྩིའི་འོད་གཟི་ལ། །སྐྱུ་རུམ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རི་དབང་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་བྱང་ཆུབ་གཟི་བརྗིད་ལ། །མེ་ཏོག་ཕྲེང་བ་ཁྲུ་གང་ཕུལ་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཞི་སྨན་པའི་ཁྱེའུ་ཡི་ཚེ། །དེ་བཞིན་གཤེགས་པ་དགོངས་པ་སྦྱངས་པ་ལ། །སྙུན་གྱི་གསོས་སྨན་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-339a


བདེ་གཤེགས་ཡོན་ཏན་མཐུ་སྟོབས་སྤྱད་རྫིའི་ཚེ། །དེ་བཞིན་གཤེགས་པ་ཏོག་གི་འོད་དེ་ལ། །ཙན་ཙ་ཌི་ཀ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་དབང་རྩིས་པའི་ཁྱེའུའི་
ཚེ། །དེ་བཞིན་གཤེགས་པ་དགྲ་ཐུལ་དེ་ལ་ནི། །མེ་ཏོག་མྱ་ངན་འཚང་གི་ཆུན་པོ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་སྤོས་འཚོང་ཚེ། །དེ་བཞིན་གཤེགས་པ་བདུད་རྩིའི་མེ་ཏོག་གི །
བཞུགས་ཁང་སྤོས་ཀྱིས་བྱུག་པས་བྱུགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ངོས་བཟང་རྩལ་ཆེན་བྲམ་ཟེའི་ཚེ། །དེ་བཞིན་གཤེགས་པ་གྲགས་པ་ཆེན་པོ་ལ། །འདུན་ཁང་དག་ནི་བྱས་ཏེ་ཕུལ་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་གནས་མི་བཀྲེན་ཚེ། །དེ་བཞིན་གཤེགས་པ་ཕན་པར་དགོངས་དེ་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཡོན་ཏན་གཟི་བརྗིད་དཔལ་ནི་ཁྱིམ་བདག་ཚེ། །དགེ་འདུན་དག་ལ་རྙེད་པ་སྣུམ་བག་ཕུལ་ནས་ཀྱང་། །དེ་བཞིན་གཤེགས་པ་བྱང་ཆུབ་དམ་པ་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མཁྱེན་ལྡན་ཟླ་མེད་རྩིས་པའི་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །གུར་ཀུམ་བྱུག་པ་ལག་གིས་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ང་རོ་དཔག་མེད་ཕྱུགས་རྫིའི་
ཚེ། །དེ་བཞིན་གཤེགས་པ་འདམ་ལས་རྒལ་བ་ལ། །ཧ་རི་ནི་ཀའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་བཟངས་སྤོས་འཚོང་ཚེ། །དེ་བཞིན་གཤེགས་པ་སྲིད་པ་སྩལ་
པ་ལ། །ཀུན་དུ་ར་ཀའི་བདུག་པས་བདུགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་ཐུགས་གཞུངས་མི་བཀྲེན་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་ལ། །ཐལ་མོ་སྦྱར་བ་བྱས་ཏེ་
40-1-339b


ཕྱག་འཚལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་དགོངས་གཏི་མུག་བྲལ། །འཁོར་ལོས་སྒྱུར་ཚེ་བདེ་གཤེགས་དཔལ་ཆེན་ལ། །གྲོང་ཁྱེར་དཔག་ཚད་བཅུ་པ་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་དབྱངས་ཀྱི་ཡན་ལག་ཁྱད་པར་འཕགས། །ཤིང་སྲུངས་ཚེ་ན་བདེ་གཤེགས་འོད་བྱེད་ལ། །ཕ་གུའི་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
མཆོག་ཏུ་མཛེས་གཤེགས་རྩིས་པ་ཡི། །བྲན་མོའི་ཚེ་ན་བདེ་གཤེགས་མེ་འོད་ལ། །མེ་ཏོག་ཀར་ནི་ཀ་རས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཞི་དོན་རྒྱལ་པོའི་ཕོ་ཉ་ཚེ། །དེ་བཞིན་གཤེགས་
པ་བལྟ་ན་སྡུག་པ་ལ། །ལན་གྲངས་བརྒྱ་སྙད་བསྐོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐྱོན་མེད་རྟེན་བཅས་ཚེ། །དེ་བཞིན་གཤེགས་པ་སྣང་བར་དགྱེས་པ་ལ། །མོན་སྲན་
སྡེའུ་ཡི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་སྦྱངས་དགེ་བ་ཤིང་འཚོང་ཚེ། །སྒོ་གང་དག་ནི་དབུལ་བ་བྱས་ནས་ཀྱང་། །དེ་བཞིན་གཤེགས་པ་དགའ་བའི་དབྱངས་དེ་ལ། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མའི་མཛོད་ནི་དགེ་སློང་ཚེ། །དེ་བཞིན་གཤེགས་པ་མཆོད་སྦྱིན་བྱིན་པ་ལ། །སྐུའི་ཁྲུས་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་འོད་ཟེར་བཟང་པོ་དབུལ་པོའི་ཚེ། །དེ་བཞིན་གཤེགས་པ་བདེན་པའི་མཐུ་རྩལ་ལ། །བསོད་སྙོམས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སྤོབས་པའི་མདོག་ནི་ཤིང་སྲུངས་ཚེ། །དེ་བཞིན་གཤེགས་པ་ཐོགས་མེད་བློ་དེ་ལ། །ཤུ་ཏིའི་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྟེགས་བཟང་སྒོ་བའི་ཚེ། །བདེ་
40-1-340a


བདེ་གཤེགས་མདངས་འོད་གྲོང་ཁྱེར་གཤེགས་པ་ན། །ཐལ་མོ་སྦྱར་ཏེ་ཕྱག་དག་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་དབང་ཚོང་དཔོན་བུར་གྱུར་ཚེ། །དེ་བཞིན་གཤེགས་
པ་ཟླ་བའི་སྙིང་པོ་ལ། །རྣ་རྒྱན་ཕྲེང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བསྙེངས་བྲལ་བྲམ་ཟེའི་ཚེ། །དེ་བཞིན་གཤེགས་པ་ཚངས་པའི་འོད་དེ་ལ། །མེ་ཏོག་ཏ་ར་ནི་ཡིས་གཏོར་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བཞེད་པ་དབུལ་བའི་ཚེ། །དེ་བཞིན་གཤེགས་པ་བཀོད་པ་ཆེན་པོ་དེ། །ཕོངས་པ་མེད་པས་སྤྱན་དག་དྲངས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །བདེ་གཤེགས་སྤོས་ཅན་དཀའ་ཐུབ་ཅན་གྱི་ཚེ། །དེ་བཞིན་གཤེགས་པ་བདེ་བའི་འོད་དེ་ལ། །ལོ་མའི་སྤྱིལ་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བློ་མཆོག་ཚོང་པའི་ཚེ། །
དེ་བཞིན་གཤེགས་པ་འོད་མཆོག་དེ་ལ་ནི། །ཨ་ག་རུའི་བདུག་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་བ་ཤིང་ཐུན་ཚེ། །དེ་བཞིན་གཤེགས་པ་ཞི་བའི་འོད་དེ་ལ། །བ་རུ་རའི་འབྲས་བུ་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་ཟླ་འོད་ཚོང་པའི་ཚེ། །བདེ་གཤེགས་ཡིད་གཉིས་ལས་ནི་འདས་པ་ལ། །ནོར་བུ་རིན་ཆེན་མེ་ཤེལ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བསྙེངས་མེད་མདུན་འདོན་བུར་གྱུར་ཚེ། །བདེ་གཤེགས་འཁྲུལ་པ་མེད་པའི་བློ་ལྡན་ལ། །སིན་དྷུ་བ་རིའི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟིགས་པ་ཆེན་
པོ་རྩྭ་ཐུན་ཚེ། །དེ་བཞིན་གཤེགས་པ་བརྟུལ་ཞུགས་འབྱོར་དེ་ལ། །ཨ་ག་རུའི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་སྨན་པའི་ཚེ། །དེ་བཞིན་གཤེགས་པ་ཡན་
40-1-340b


ལག་མཛེས་པ་ལ། །རྒྱ་ཤུག་འབྲས་བུའི་ཕྱེ་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབྱངས་བཟང་ལྷ་རིས་པ་ཡི་ཚེ། །བུ་ཡུག་ལངས་ཚེ་ཁང་པ་ཕྱགས་ནས་ཀྱང་། །དེ་བཞིན་གཤེགས་པ་
བསྙེངས་མེད་དགྱེས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་ཆེ་སྟེགས་ནད་པའི་ཚེ། །དེ་བཞིན་གཤེགས་པ་རྣམ་གྲངས་དབྱངས་དེ་ལ། །བྱི་བྱི་ལིང་གི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བློ་གྲོས་ཟླ་མེད་ཚོང་པའི་ཚེ། །དེ་བཞིན་གཤེགས་པ་དབྱངས་ནི་ཆེན་པོ་དེ། །ཉི་མ་འགའ་ཞིག་བཞུགས་པར་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡོ་རྗེ་མཁྲེགས་ནི་བྱིས་
པའི་ཚེ། །དེ་བཞིན་གཤེགས་པ་རྣམ་པར་འབྱེད་ལྡན་ལ། །ཏིལ་དང་འདྲེས་པའི་འབྲས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་བློ་གྲོས་རྫ་མཁན་ཚེ། །དེ་བཞིན་གཤེགས་པ་དགོངས་པ་ཆེན་པོ་
ལ། །མེ་ཏོག་བར་ཤི་ཀ་དག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྗོན་ཤིང་དབང་པོ་རྒྱལ་པོ་ཡི། །ཕོ་ཉའི་ཚེ་ན་བདེ་གཤེགས་གཟུགས་གསལ་ལ། །སྐུ་རེགས་གཅིག་ཅིག་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གདངས་སྙན་འདྲོན་པོའི་ཚེ། །དེ་བཞིན་གཤེགས་པ་མཐུ་རྩལ་ཆེན་པོ་དེ། །འཇིགས་པ་མེད་པས་ལམ་ཀར་སྤྱན་དྲངས་ནས། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་བསོད་ནམས་སྟོབས་ནི་ཚོང་དཔོན་ཚེ། །དེ་བཞིན་གཤེགས་པ་བདེ་བར་གཟིགས་དེ་ལ། །ཞུན་མར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་མཐུ་དཔལ་དགེ་སློང་ཚེ། །བཟོད་པ་དག་ནི་བསྒོམ་པ་བྱས་ནས་ཀྱང་། །དེ་བཞིན་གཤེགས་པ་གནོད་པ་སྤངས་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཕགས་དགྱེས་དགོན་པའི་དགེ་སློང་ཚེ། །དེ་བཞིན་
40-1-341a


གཤེགས་པ་ཞི་བ་གསལ་དེ་ལ། །སྲན་གྱི་ཕྱེད་ཙམ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཐུ་སྟོབས་ཕྲེང་རྒྱུད་ཚེ། །དེ་བཞིན་གཤེགས་པ་རིམས་མེད་བློ་ལྡན་ལ། །
འབྲས་བུ་སར་པ་མཆོག་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐར་དགྱེས་བཅའ་བ་མཁན་གྱི་ཚེ། །དེ་བཞིན་གཤེགས་པ་དགྲ་བཅོམ་སྟེགས་དེ་ལ། །སྣོད་དག་སྦྲང་རྩིས་བཀང་སྟེ་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྲིན་གྱི་རྔ་སྒྲ་སྤོས་འཚོང་ཚེ། །དེ་བཞིན་གཤེགས་པ་བློ་ལྡན་ལེགས་བསགས་ལ། །ཨུ་ཤི་རའི་ཕྱེ་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །དེ་བཞིན་གཤེགས་པ་སྤྱན་དག་སྡུག་པའི་ཞལ། །ཕྱག་དར་པ་ཚེ་རྔ་ཆེན་བརྡུངས་ནས་ཀྱང་། །དེ་བཞིན་གཤེགས་པ་ཀུན་དུ་གསལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་བཟང་བ་
འདུན་དཔོན་ཚེ། །དེ་བཞིན་གཤེགས་པ་ཟླ་བའི་གཟི་བརྗིད་ལ། །སྣོད་དག་འོ་མས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འབྱོར་ལྡན་རྟེན་བཅས་ཚེ། །དེ་བཞིན་
གཤེགས་པ་ལྷ་ཡི་མཆོད་གནས་ལ། །ལ་དུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཕུང་པོ་ཀུན་དུ་རྒྱུ་བའི་ཚེ། །དེ་བཞིན་གཤེགས་པ་ལྷ་ཡི་དབྱངས་དེ་ལ། །
ཀྲིཥྞ་ས་རའི་ལྤགས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསལ་བ་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་མེ་ཏོག་ཉི་མ་ལ། །གསེར་གྱི་ཕྲེང་བ་དག་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་རྒྱལ་མཚན་སློང་བའི་ཚེ། །དེ་བཞིན་གཤེགས་པ་ལེགས་གནས་ཞབས་དེ་ལ། །གོས་ཀྱི་རས་མ་སོར་བཞི་ཙམ་ཕུལ་ནས། །དང་པོར་བྱང་ཆུབ་ཏུ་ནི་
40-1-341b


སེམས་བསྐྱེད་དོ། །བདེ་གཤེགས་ཡེ་ཤེས་ང་རོ་ཚོང་དཔོན་གྱི། །བུ་ཚེ་དེ་བཞིན་གཤེགས་པ་ཏོག་དེ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནམ་མཁའ་ཤིང་
ཐུན་ཚེ། །བདེ་གཤེགས་སྣ་མའི་མེ་ཏོག་གསལ་དེ་ལ། །རྒྱ་ཤུག་དག་གི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་སྦྱིན་ང་རོ་རྟེན་བཅས་ཚེ། །དེ་བཞིན་གཤེགས་པ་སྟོབས་
ཀྱི་འོད་དེ་ལ། །བལ་སྲན་གྲེའུ་དང་སྦྱར་བའི་འབྲུ་མར་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་རྣམ་འགོད་ང་རོ་ནི། །རལ་པ་ཅན་ཚེ་བདེ་གཤེགས་ཡོན་ཏན་བཞེད། །དེ་ལ་དཀའ་ཐུབ་གནས་
དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་འོད་ཟེར་གཟི་བརྗིད་བཟང་མཁན་ཚེ། །དེ་བཞིན་གཤེགས་པ་ཆོས་ཀྱི་མེ་ཏོག་དེ་ཡི་ནི། །ཆོས་གོས་སྣམ་སྦྱར་དག་ནི་དྲུབ་པ་བྱས་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲང་སྲོང་དབང་པོ་བསོད་སྙོམས་ཚེ། །དེ་བཞིན་གཤེགས་པ་གཟི་བརྗིད་མཛེས་པ་ལ། །ཁབ་རལ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བློ་ལྡན་ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་ཟླ་བ་སྣང་མཛད་ལ། །ལྷུང་བཟེད་འོ་མས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་
པའི་ཚོགས་ནི་རྒྱལ་བུའི་ཚེ། །དེ་བཞིན་གཤེགས་པ་ཞི་བའི་འོད་དེ་ལ། །ཙམ་པ་ཀའི་ཚལ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོད་སྦྱིན་བཟང་པོ་ཤིང་ཐུན་ཚེ། །བདེ་གཤེགས་
ཀུན་དུ་ཡོན་ཏན་མཆོག་དེ་ལ། །ཤིང་བྱིལ་བ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཟླ་ཞལ་མར་འཚོང་ཚེ། །དེ་བཞིན་གཤེགས་པ་གཟི་བརྗིད་རྣམ་རྒྱལ་ལ། །ཞུས་མར་
40-1-342a


དག་ནི་འབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་དུ་གཟིགས་པ་ད་ནུར་མཁན། །བྱེད་ཚེ་དེ་བཞིན་གཤེགས་པ་ལྷས་མཆོད་ལ། །བག་ཆོས་དག་ནི་དབུལ་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་དྲུག་པ་སྟེ་ཐ་མ། དེ་བཞིན་གཤེགས་པ་རྡུལ་བྲལ་འདྲེག་མཁན་ཚེ། །དེ་བཞིན་
གཤེགས་པ་ལྷའི་དབྱངས་དེ་ལ། །སྤུ་གྲི་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་ཚོགས་ནི་ཁྲུས་པའི་ཚེ། །བདེ་གཤེགས་འཁྲུལ་པ་མེད་པར་སྦྱོར་བ་ལ། །ཁྲུས་
ཁང་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་ལྡན་ཁྱིམ་བདག་ཚེ་ན་དེ་བཞིན་གཤེགས། །བརྩོན་འགྲུས་ཆེན་པོ་འཁོར་དང་བཅས་པ་བྱེ་བ་དག །དབྱར་གནས་ཟླ་གསུམ་ཞལ་ཟས་
རོ་བརྒྱ་པ་གསོལ་ནས། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་སྤོབས་པ་དབུལ་པོའི་ཚེ། །དེ་བཞིན་གཤེགས་པ་ཡིད་འོང་དབྱངས་དེ་ལ། །མར་མེའི་སྙིང་པོ་དག་ནི་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་རབ་སྦྱིན་བྱི་བོ་བྱེད་པའི་ཚེ། །ཉི་མ་འགའ་ཞིག་ཚངས་པར་སྤྱོད་པ་མནོས་ནས་ཀྱང་། །དེ་བཞིན་གཤེགས་པ་ཀུན་དུ་དབྱངས་ཅན་དེ་ལ་ནི། །དང་པོ་ཉིད་དུ་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་ཟླ་བ་དགྱེས་པ་རྒྱལ་བུའི་ཚེ། །དེ་བཞིན་གཤེགས་པ་སྨོན་ལམ་སྦྱངས་པ་ལ། །སྒེའུ་གཤེར་མེ་ཏོག་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁེངས་
མེད་བཅའ་བ་མཁན་གྱི་ཚེ། །དེ་བཞིན་གཤེགས་པ་ལྷ་འདོད་དེ་ལ་ནི། །མར་མེར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་སྟོབས་ནི་བྲམ་ཟེའི་ཚེ། །དེ་བཞིན་གཤེགས་
40-1-342b


པ་ཤེས་རབ་སྟོབས་དེ་ལ། །ཨ་མྲའི་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་སྒྱུར་རྒྱལ་པོའི་ཁྱིམ་བདག་གི། བུ་ཚེ་བདེ་གཤེགས་ཀུན་དུ་གཟིགས་དེ་ལ། །
སླེ་ཏྲེས་ལོ་མ་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩི་གསལ་བ་མཆོངས་མཁན་ཚེ། །དེ་བཞིན་གཤེགས་པ་ཚངས་པས་མཆོད་དེ་ལ། །གསེར་སྣམ་དག་ནི་དབུལ་བ་བྱས་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསམ་གཏན་སྙོམས་པ་ཤིང་སྲུངས་ཚེ། །དེ་བཞིན་གཤེགས་པ་ཐུབ་པའི་མེ་ཏོག་ལ། །མེ་ཏོག་དག་གིས་དབུལ་བ་བྱས་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁྲུག་མེད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ནམ་མཁའི་བློ་དེ་ལ། །ནོར་བུ་རིན་ཆེན་གླེགས་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་དྲི་མ་རབ་ཞི་ཕྱུག་པོ་ཡི། །བུ་ཚེ་དེ་བཞིན་གཤེགས་པ་རླབས་འཇོམས་ལ། །གདུ་བུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྱོགས་
མ་བསླད་པ་ཁྱིམ་བདག་གི། བུ་ཚེ་བདེ་གཤེགས་ཤེས་རབ་རྫོགས་པ་ལ། །མར་ཁུར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་པ་བུ་རམ་ཤིང་སྲུངས་ཚེ། །
དེ་བཞིན་གཤེགས་པ་ཚེར་མ་དཀྲུགས་པ་ལ། །བུ་རམ་ཤིང་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞལ་བཟངས་ཚོང་པའི་ཚེ། །དེ་བཞིན་གཤེགས་པ་དགྲ་
འདུལ་དེ་ལ་ནི། །མུ་ཏིག་དམར་པོ་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤུགས་གནས་ཡེ་ཤེས་རྫ་མཁན་ཚེ། །དེ་བཞིན་གཤེགས་པ་དགྲ་བཅོམ་དགྱེས་པ་ལ། །
40-1-343a


བུམ་པ་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གསུང་དབང་བཅའ་བ་མཁན་གྱི་ཚེ། །དེ་བཞིན་གཤེགས་པ་ཚུལ་ཁྲིམས་མཆོག་གནས་ལ། །བཅའ་
བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་ཆེན་པོ་སྨན་པའི་ཚེ། །དེ་བཞིན་གཤེགས་པ་ཕྱོགས་མཉམ་དགོངས་པ་ལ། །སྐྱུ་རུ་ར་ཡི་འབྲས་བུ་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གྲོས་ཟབ་མོ་ཁྱིམ་བདག་ཚེ། །དེ་བཞིན་གཤེགས་པ་དགོངས་པ་བསྙེངས་མེད་ལ། །མུ་ཏིག་འབྲུམ་བུ་གསུམ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བདུད་རྩི་གཞན་གྱི་ཁོལ་པོའི་ཚེ། །དེ་བཞིན་གཤེགས་པ་བརྩོན་འགྲུས་གསལ་བ་དེའི། །འཆག་སར་ལྗོན་ཤིང་རིག་བྱེད་བསྐྲུན་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་ཆོས་སྟོབས་ཚལ་གྱི་ལས་བྱེད་ཚེ། །དེ་བཞིན་གཤེགས་པ་གསལ་བ་རྒྱ་ཆེན་ལ། །འོད་མའི་ཚལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཆོད་
ལྡན་རྒན་པོའི་ཚེ། །དེ་བཞིན་གཤེགས་པ་གསན་པའི་བློ་ལྡན་ལ། །རྩྭ་ཡི་རོ་བཅུད་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ནི་ལམ་སྟོན་ཚེ། །དེ་བཞིན་གཤེགས་
པ་སྒྲིབ་མེད་དགོངས་པ་དེའི། །ལམ་དག་ཉེ་བར་མཚོན་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཁམས་གསུམ་མཆོད་གནས་གསེར་རྟོག་ཚེ། །དེ་བཞིན་གཤེགས་པ་བསྙེངས་མེད་འོད་
ཟེར་ལ། །གསེར་སྲང་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ཉི་མའི་སྙིང་པོ་ཕྱེ་འཚོང་ཚེ། །དེ་བཞིན་གཤེགས་པ་བདུད་རྩིའི་དབྱངས་ཅན་དེ་ལ་ནི། །
40-1-343b


ཀཱར་ཥཱ་པ་ནི་རི་བའི་ཕྱེ་དག་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷས་མཆོད་རྩལ་ཆེན་བྲམ་ཟེའི་ཚེ། །དེ་བཞིན་གཤེགས་པ་ལེགས་པར་གསུངས་པ་དེ་ཡི་ནི། །འཁོར་གྱི་
ཁྱམས་དག་གསེར་གྱི་སྣམ་བུ་བཏིང་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་རྒྱལ་མཚན་རས་བལ་མཁན། །བྱེད་ཚེ་བདེ་གཤེགས་མཁས་པ་མཆོག་དེ་ལ། །རས་བལ་དག་
ནི་གཏོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་རྩིའི་འོད་ནི་གཙང་སྦྲ་ཅན་གྱི་ཚེ། །དེ་བཞིན་གཤེགས་པ་ཡོན་ཏན་རྒྱལ་པོ་དེ་ལ་ནི། །སུ་དར་ཤ་ནའི་མེ་ཏོག་གཏོར་བ་བྱས་ནས་
ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྡོ་རྗེ་མི་བཀྲེན་ཚེ། །དེ་བཞིན་གཤེགས་པ་དབང་པོ་སྦས་པ་ལ། །རྒྱ་སྲན་དག་གི་ཕྱེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
དེ་བཞིན་གཤེགས་པ་བརྟན་པ་ཕྲེང་རྒྱུད་ཚེ། །དེ་བཞིན་གཤེགས་པ་ཐར་པའི་བསམ་གཏན་ལ། །སབ་ཏ་པ་རྣའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་ལྡན་ཆེན་པོ་ལམ་དུ་
ཞུགས་པ་ན། །བདེ་གཤེགས་རིན་ཆེན་ཕུང་པོ་འགྲོན་པོ་བྱེད་པ་ཡིས། །ནམ་གྱི་གུང་ཐུན་དག་ལ་མེལ་ཚེ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་གཤེགས་རྩིས་པའི་བུར་གྱུར་ཚེ། །
དེ་བཞིན་གཤེགས་པ་ཙན་དན་སྤོས་དེ་ལ། །ཙམ་པ་ཀ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་ལྟར་གཤེགས་མར་འཚོང་ཚེ། །དེ་བཞིན་གཤེགས་པ་གཟིགས་པ་
གསལ་དེ་ལ། །མར་ཁུའི་བཏུང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དག་པའི་འོད་ནི་དགེ་སློང་ཚེ། །བདེ་གཤེགས་མངོན་འཕགས་སྟེགས་དེའི་འཆག་ས་དག །
40-1-344a


ཆག་ཆག་ཕྱག་དར་བྱས་ཏེ་སྟན་བཏིང་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་ཤུགས་ཚོང་དཔོན་ཚེ། །དེ་བཞིན་གཤེགས་པ་བལྟ་ན་སྡུག་དེ་ལ། །སྣང་སྒྲོན་དག་ནི་དབུལ་བ་བྱས་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་གཙུག་ནི་ཚོང་པའི་ཚེ། །དེ་བཞིན་གཤེགས་པ་དཔག་མེད་བློ་དེ་ལ། །ཙན་དན་དང་ནི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་དཔལ་རྫོགས་བཙོ་བླག་མཁན་གྱི་ཚེ། །བདེ་གཤེགས་ཉི་མ་སྟོང་ལྡན་གཟི་བརྗིད་ལ། །སོས་ཀ་ཚ་བའི་དུས་སུ་སྐྱོ་མ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་སེང་སྟབས་རྒྱལ་པོའི་བུ་མོའི་ཚེ། །དེ་བཞིན་གཤེགས་པ་ཁུར་བོར་དེ་ལ་ནི། །ཆོས་ཀྱི་གདན་དག་གདིང་བ་བྱས་ནས་ཀྱང་། །དང་པོར་བྱང་ཆུ་ཏུ་ནི་སེམས་བསྐྱེད་དོ། །བདེ་གཤེགས་གྱེན་དུ་འཕགས་པ་
ཤིང་སྲུངས་ཚེ། །དེ་བཞིན་གཤེགས་པ་གསལ་བར་གྲགས་དེ་ལ། །ཡུངས་ཀར་སྤར་བ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་བྱིན་པ་ཤིང་སྲུངས་ཚེ། །དེ་
བཞིན་གཤེགས་པ་ཕྱོགས་སུ་རྣམ་གྲགས་ལ། །ཨེ་རཎྜ་ཡི་འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འོད་འགྱེད་ཚོང་པའི་ཚེ། །དེ་བཞིན་གཤེགས་པ་དབང་
སྒྱུར་རྒྱལ་པོ་ལ། །མུ་ཏིག་སྤར་བ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་པད་མ་ཞིང་པའི་ཚེ། །དེ་བཞིན་གཤེགས་པ་མཐའ་ཡས་བློ་དེ་ལ། །ལྷུང་བཟེད་ལོ་ཐོག་
སར་པས་བཀང་སྟེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་ཚོང་པའི་ཚེ། །དེ་བཞིན་གཤེགས་པ་འོད་ཟེར་ཡངས་པ་ལ། །བུ་རམ་གོང་བུ་དག་ནི་ཕུལ་ནས་ཀྱང་། །དང་པོར་བྱང་
40-1-344b


ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀོད་པ་མཛེས་པ་ཤིང་སྲུངས་ཚེ། །དེ་བཞིན་གཤེགས་པ་བཀོད་པ་གསལ་དེ་ལ། །སོའུ་གན་དྷི་དག་སྙིམ་པ་བཀང་སྟེ་གཏོར། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་བཞིན་
གཤེགས་གཏི་མུག་མེད་གནས་བྲམ་ཟེའི་ཚེ། །དེ་བཞིན་གཤེགས་པ་སྤྱན་མཆོག་དེ་ལ་ནི། །མིག་མི་འཛུམས་པས་བལྟ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རྨ་
མེད་ལྷམ་མཁན་ཚེ། །དེ་བཞིན་གཤེགས་པ་ཐར་པའི་བརྟུལ་ཞུགས་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཏོག་གི་རྒྱལ་མཚན་གྲོང་རྡལ་གྱི། །ཁྱེའུ་
ཚེ་བདེ་གཤེགས་ཡིད་འོང་གཟིགས་དེ་ལ། །མེ་ཏོག་བར་ཤིའི་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདེ་བར་དགོངས་པ་ཤིང་ཐུན་ཚེ། །དེ་བཞིན་གཤེགས་པ་འོད་འབར་
དེ་ལ་ནི། །ཨུད་པལ་དམར་པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཏི་མུག་མེད་རྒྱལ་འཁོར་སྒྱུར་ཚེ། །དེ་བཞིན་གཤེགས་པ་དབྱངས་ཆེན་དེ་ལ་ནི། །ན་བཟའ་
རིན་པོ་ཆེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོ་ག་མཁྱེན་པ་བློན་ཆེའི་ཚེ། །འོབས་སུ་སྟེགས་དག་གཟུགས་པ་བྱས་ནས་ཀྱང་། །བདེ་གཤེགས་འོད་ཕུང་གཟི་བརྗིད་
ཆེན་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དག་པའི་རྒྱ་མཚོ་ཚོང་དཔོན་ཚེ། །དེ་བཞིན་གཤེགས་པ་ཏོག་གི་འོད་དེ་ལ། །ཁྲུས་ཁང་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་རིན་ཆེན་མངའ་བ་རྩིས་པའི་ཚེ། །དེ་བཞིན་གཤེགས་པ་དགྲ་བཅོམ་མཆོད་གནས་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
40-1-345a


བདེ་གཤེགས་མི་དམའ་བ་ནི་ཤིང་སྲུངས་ཚེ། །བདེ་གཤེགས་ཡོན་ཏན་གཟི་བརྗིད་ཕུང་པོ་ལ། །རྒུན་ཆབ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་བོ་དགའ་
མཛད་དགེ་སློང་ཚེ། །དེ་བཞིན་གཤེགས་པ་མཚན་གསལ་དེ་ལ་ནི། །སྤོས་ནི་སྲང་གི་བཞི་ཆ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨ་བྱའི་ང་རོ་རྩིས་པའི་ཚེ། །དེ་བཞིན་གཤེགས་པ་
འོད་འཕྲོ་ཆེན་པོ་ལ། །སྐྱེད་མོས་ཚལ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མ་ཞུམ་པ་ནི་རྔོན་པའི་ཚེ། །དེ་བཞིན་གཤེགས་པ་དགྲ་བཅོམ་གསལ་དེ་ལ། །སྐྱོ་མ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་སྲེད་དྲི་སྤངས་ཤིང་སྲུངས་ཚེ། །དེ་བཞིན་གཤེགས་པ་དགོངས་པ་ལེགས་གནས་ལ། །ཤིང་ཤ་པ་ཡི་མེ་ཏོག་གཏོར་ནས་
ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱོད་པའི་སྟེགས་ནི་ཚོང་པའི་ཚེ། །དེ་བཞིན་གཤེགས་པ་སྟེགས་ནི་བཟང་པོ་ལ། །སྲན་ཆུང་དང་ནི་འབྲས་ཆན་གཟེགས་མ་ཕུལ། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ལྷ་མང་སྙན་བསྒྲགས་རིམ་གྲོ་པ། །བྱེད་ཚེ་བདེ་གཤེགས་ཡེ་ཤེས་འབྱུང་གནས་ལ། །རྡོ་ཡི་གདན་ཁྲི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་
ཆེན་སྟོབས་ནི་ཞིང་པའི་ཚེ། །དེ་བཞིན་གཤེགས་པ་ཀུན་དུ་རིན་ཆེན་ལ། །གྲོ་ཡིས་སྤར་བ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་བསྣམས་བཙོ་བླག་མཁན་གྱི་ཚེ། །དེ་བཞིན་
གཤེགས་པ་ཉི་མའི་ཕུང་པོ་དེའི། །ན་བཟའ་དག་ནི་བཀྲུ་བཤལ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དཔལ་ནི་ཁྱིམ་བདག་ཚེ། །དེ་བཞིན་གཤེགས་པ་སྟོན་པའི་སྟེགས་དེ་ལ། །
40-1-345b


བཞུགས་གདན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྲ་རྒྱལ་བྲམ་ཟེའི་ཆུང་མའི་ཚེ། །བདེ་གཤེགས་ཁྲོ་འཇོམས་བྱང་ཆུབ་སྙིང་པོར་ནི། །གཤེགས་ཚེ་སྦྲང་
རྩིར་བསྲེས་པའི་འོ་མ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འབྱོར་ལྡན་གྲགས་པ་སློང་བའི་ཚེ། །དེ་བཞིན་གཤེགས་པ་སེང་གེའི་སྐུ་དེ་ལ། །ཨུ་དུམ་བཱ་རའི་འབྲས་བུ་ཕུལ་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་བཟང་པོ་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་བཤེས་གཉེན་གྲགས་པའི་འོད་དེ་ལ། །ཤིང་འཛམ་བུ་ཡི་འབྲས་བུ་དབུལ་བ་བྱས་ནས་ཀྱང་། །
དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མེ་ཏོག་འོད་ནི་ཕྱུགས་རྫིའི་ཚེ། །དེ་བཞིན་གཤེགས་པ་ང་རོ་རྣམ་དག་ལ། །ལྷུང་བཟེད་དར་བས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་སེང་གེའི་ང་རོ་བྲམ་ཟེའི་ཚེ། །དེ་བཞིན་གཤེགས་པ་བཟང་པོ་བཞེད་དེ་ལ། །བསྟོད་པ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
ཟླ་ལྟར་ཤར་བ་ཚོང་པའི་ཚེ། །དེ་བཞིན་གཤེགས་པ་རབ་ཞི་བདག་པོ་ལ། །དངུལ་ལས་བྱས་པའི་ལྷུང་བཟེད་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཇོམས་པའི་མཆོག་ནི་ཚོང་དཔོན་ཚེ། །དེ་བཞིན་
གཤེགས་པ་དུལ་བའི་གཟི་བརྗིད་ཀྱི། །གཙུག་ལག་ཁང་ནི་ཙན་དན་དམར་པོས་བྱུགས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མི་གཡོ་ཕྲེང་རྒྱུད་ཚེ། །དེ་བཞིན་གཤེགས་པ་གཟི་བརྗིད་ལེགས་
མཆོད་ལ། །མེ་ཏོག་བླ་རེ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕན་ལྡན་གཤེགས་པ་ཚོང་པའི་ཚེ། །དེ་བཞིན་གཤེགས་པ་འཇིག་རྟེན་འོད་དེ་ལ། །དངུལ་ལས་བྱས་པའི་
40-1-346a


མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་སྒྲོན་མ་རྒྱལ་པོའི་འཁོར་སྒྱུར་ཚེ། །དེ་བཞིན་གཤེགས་པ་འཇིག་རྟེན་དག་གི་མཆོད་རྟེན་དེའི། །གདུགས་ཚོད་ལོ་གྲངས་
བདུན་སྟོང་བར་དུ་སྦྱར་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་དབྱངས་སྐུལ་བ་དེད་དཔོན་ཚེ། །དེ་བཞིན་གཤེགས་པ་སྤྱོད་པ་དག་པ་དེའི། །གཙུག་ལག་ཁང་ནི་ཙན་དན་དམར་པོས་བྱས། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཽ་ཏ་མ་ནི་ལམ་སྟོན་ཚེ། །དེ་བཞིན་གཤེགས་པ་སྟེགས་བཟང་གཟི་བརྗིད་ལ། །གདུགས་ཚོད་དག་ནི་སྦྱར་ཏེ་གསོལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་མདངས་སྟོབས་བྲམ་ཟེའི་ཁྱེའུ་ཡི་ཚེ། །དེ་བཞིན་གཤེགས་པ་སྤྱན་མཆོག་དེ་ཡི་ནི། །ལམ་སྲང་དག་ནི་ཕྱག་དར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་
གནས་རང་བཞིན་ཤིང་རྟ་མཁན། །བྱེད་ཚེ་བདེ་གཤེགས་མཐུ་རྩལ་ཆེན་པོ་ལ། །ཤིང་རྟ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་བཟང་པོ་མི་བཀྲེན་ཚེ། །དེ་བཞིན་
གཤེགས་པ་བདུད་རྩིའི་གཟུགས་དེ་ལ། །མར་མེ་ཁ་ཅིག་གཅིག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བྱང་ཆུབ་ཡན་ལག་མེ་ཏོག་ནི། །ཤིང་ཏོག་འཚོང་ཚེ་བདེ་གཤེགས་ཤེས་
རབ་མངའ་བ་ལ། །ཨ་མྲའི་འབྲས་བུ་གསུམ་ནི་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀྲ་ཤིས་སྤོས་འཚོང་བུར་གྱུར་ཚེ། །དེ་བཞིན་གཤེགས་པ་ཡོན་ཏན་སྟེགས་དེ་ལ། །
ཙམ་པ་ཀ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་པར་སྟོན་པ་འཁོར་ལོས་སྒྱུར་བ་ཡི། །བློན་པོའི་ཚེ་ན་བདེ་གཤེགས་ལྷུན་པོའི་འོད་དེ་ཡི། །འཆག་ས་དག་ནི་བཻ་དཱུརྱ་ལས་
40-1-346b


བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་གཟི་བརྗིད་སྟོབས། །ཤིང་སྲུངས་ཚེ་ན་བདེ་གཤེགས་ཞི་བ་ཡི། །བློ་གྲོས་དེ་ལ་སེའུ་འབྲུ་གཅིག་ཕུལ་ནས། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགེ་བའི་སྒྲོན་མ་ཚོང་པའི་ཚེ། །དེ་བཞིན་གཤེགས་པ་མཐུ་རྩལ་ཆེ་དེ་ལ། །བ་སོའི་གཟིམས་ཁྲི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མཐུ་རྩལ་བརྟན་པོ་བྲམ་ཟེའི་ཚེ། །དེ་བཞིན་གཤེགས་པ་དམ་བཅས་བརྟན་པ་ལ། །ཨ་མྲའི་ཁུ་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྷ་སྒྲ་ཚོང་
པའི་ཚེ། །དེ་བཞིན་གཤེགས་པ་དོན་གྲུབ་དེ་ལ་ནི། །པ་ལ་ཤི་ཀ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རབ་ཞི་གོས་འཚོང་ཚེ། །དེ་བཞིན་གཤེགས་པ་ཕན་པར་དགྱེས་
དེ་ལ། །ན་བཟའ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མའི་ཞལ་ནི་ཁྱིམ་བདག་ཚེ། །དེ་བཞིན་གཤེགས་པ་ལྷ་ཡིས་མཆོད་དེ་ལ། །རྫིང་བུ་དག་ནི་དབུལ་
བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐར་པའི་བརྟུལ་ཞུགས་མི་བཀྲེན་ཚེ། །དེ་བཞིན་གཤེགས་པ་སྤོང་བའི་ཤུགས་དེ་ལ། །པྲི་ཡང་ཀུ་ཡི་བསོད་སྙོམས་ཕུལ་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚུལ་ཁྲིམས་འོད་ནི་དབུལ་པོའི་ཚེ། །དེ་བཞིན་གཤེགས་པ་རིན་ཆེན་གཏོང་དེ་ལ། །ཚོད་མའི་ཁུ་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
དོ། །བདེ་གཤེགས་བརྟུལ་ཞུགས་གནས་པ་ཁྱིམ་བདག་གི། བུ་མོའི་ཚེ་ན་བདེ་གཤེགས་ཡེ་ཤེས་ཤུགས། །དེ་ལ་ཨུད་པལ་ལྡ་ལྡི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྡུལ་
40-1-347a


མེད་ཕྲེང་རྒྱུད་བུ་མོའི་ཚེ། །དེ་བཞིན་གཤེགས་པ་ཟམ་པ་དེ་ལ་ནི། །པད་མ་འདབ་བརྒྱ་པ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྙིང་པོ་འཕགས་པ་ཚོང་པའི་ཚེ། །དེ་
བཞིན་གཤེགས་པ་ཐར་པ་བཟང་པོ་ལ། །རས་ཡུག་གཅིག་གིས་དགབ་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མིག་སྨན་ལམ་སྟོན་ཚེ། །དེ་བཞིན་གཤེགས་པ་ཚོགས་ནི་རྣམ་
གནོན་ལ། །ཨ་མྲའི་འབྲས་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་འཕེལ་མཛད་རྒྱལ་པོའི་ཚེ། །དེ་བཞིན་གཤེགས་པ་གཟི་བརྗིད་སྣང་བ་ལ། །གསེར་གདུགས་ཡུ་བ་བཻ་
དཱུརྱས་བྱས་པ། །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་འོད་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་བྱམས་པའི་སྟོབས་དེ་ལ། །བྱུག་པ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་དུས་མཁྱེན་འོད་ནི་རྫ་མཁན་ཚེ། །དེ་བཞིན་གཤེགས་པ་ཟླ་བའི་དཔལ་དེ་ལ། །ཁམ་པ་དག་ལས་བྱས་པའི་ལྷུང་བཟེད་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
དྲན་པའི་དབང་པོ་ཚོང་དཔོན་ཚེ། །དེ་བཞིན་གཤེགས་པ་ཞི་བའི་འོད་དེ་ཡི། །ལམ་དུ་ཟམ་པ་དག་ནི་བཙུགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞལ་བཟངས་ཕྲེང་རྒྱུད་ཚེ། །
དེ་བཞིན་གཤེགས་པ་སྤྱན་ནི་སྡུག་དེ་ལ། །མེ་ཏོག་ཀུ་མུ་ད་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཐོགས་མེད་རྒྱལ་མཚན་འདྲེག་མཁན་ཚེ། །དེ་བཞིན་གཤེགས་པ་ཟླ་ལྡན་དབྱངས་དེ་ཡི། །
ཕྱག་གི་སེན་མོ་དག་ནི་བཅད་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་མཆོག་བགྲོད་ལམ་སྟོན་ཚེ། །དེ་བཞིན་གཤེགས་པ་བདུད་རྩིའི་གཟུགས་དེ་ཡི། །སྤྱན་སྔར་ལམ་དག་མཚོན་པ་བྱས་
40-1-347b


ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤྱོད་གསལ་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་བློ་གྲོས་ལ། །མུ་ཏིག་དོ་ཤལ་དག་ནི་གཏོར་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་དགྱེས་པ་ཕྱག་དར་པ། །བྱེད་ཚེ་བདེ་གཤེགས་ཟླ་བ་ཆེན་པོ་ལ། །མཆོད་ཕྱིར་གླིང་བུ་དག་ནི་བུས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་
ཀྱི་དབང་ཕྱུག་དགེ་སློང་ཚེ། །ཆོས་རྣམས་ཡང་དག་གཟུང་ཕྱིར་སེམས་བཏུད་ནས། །དེ་བཞིན་གཤེགས་པ་ཐོགས་མེད་དབྱངས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཐམས་ཅད་པ་གསེར་རྟོག་ཚེ། །
དེ་བཞིན་གཤེགས་པ་ལྷ་ཡི་མེ་ཏོག་ལ། །གསེར་གྱིས་སྤར་བ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཤེས་གཉེན་ཆེན་པོ་ཤིང་རྟ་མཁན། །བྱེད་ཚེ་བདེ་གཤེགས་སྙོམས་པར་
གཟིགས་དེ་ལ། །ཁང་བཟངས་དག་ནི་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཤེས་གཉེན་བཟང་པོ་ཚོང་པའི་ཚེ། །དེ་བཞིན་གཤེགས་པ་ཟླ་བ་ཆེན་པོ་ལ། །སྣོད་དག་ཆུ་ཡིས་བཀང་སྟེ་ཕུལ་
ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རབ་ཏུ་ཞི་སྟབས་ལམ་སྟོན་ཚེ། །དེ་བཞིན་གཤེགས་པ་བསོད་ནམས་བཞེད་དེ་ལ། །རྩ་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བདུད་རྩིའི་བདག་པོ་ཤིང་ཏོག་ཁྱེར་བའི་ཚེ། །དེ་བཞིན་གཤེགས་པ་ཕུང་པོ་བཅུ་པ་དེ་ལ་ནི། །ལྷུང་བཟེད་ཨ་མྲ་དག་གིས་བཀང་སྟེ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་ལྷུན་པོའི་འོད་ནི་རྒྱལ་པོའི་ཚེ། །དེ་བཞིན་གཤེགས་པ་སྣ་ཚོགས་འོད་དེ་ཡི། །གྲོང་ཁྱེར་དག་ནི་བླ་རེས་གཡོགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཕགས་པས་བསྟོད་པ་ལམ་
40-1-348a


སྟོན་ཚེ། །དེ་བཞིན་གཤེགས་པ་ཀླུ་ཡིས་བྱིན་པ་དེའི། །ལམ་སྲང་དག་ནི་མཚོན་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྣང་ལྡན་ཁྱིམ་བདག་ཚེ། །དེ་བཞིན་གཤེགས་པ་
སྤྲིན་གྱི་དབྱངས་དེ་ལ། །གསེར་ལས་བྱས་པའི་པད་མ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་འབར་བ་རྩྭ་ཐུན་ཚེ། །དེ་བཞིན་གཤེགས་པ་ཡོན་ཏན་མཐུ་རྩལ་ལ། །རྩྭ་སྟན་དག་
ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྣང་གཟིགས་རྩིས་པའི་ཁྱེའུ་ཡི་ཚེ། །དེ་བཞིན་གཤེགས་པ་ཡོན་ཏན་སེམས་དེ་ལ། །རིན་ཆེན་དྲ་བ་དག་ནི་ཕུལ་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སྤྱད་རྣམ་སྨིན་བཅའ་བ་མཁན། །བྱེད་ཚེ་བདེ་གཤེགས་སྤྲིན་གྱི་དབྱངས་དེ་ལ། །ལྷུང་བཟེད་བཅའ་བས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་ལེགས་པར་དགྱེས་པ་དཔའ་བོའི་ཚེ། །དེ་བཞིན་གཤེགས་པ་གསལ་བའི་དབྱངས་དེ་ལ། །རྒྱལ་མཚན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མྱ་ངན་བྲལ་བ་རྩིས་པའི་ཚེ། །དེ་བཞིན་གཤེགས་པ་ངན་སོང་སྤོང་བ་ལ། །མེ་ཏོག་རྣ་རྒྱན་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འོད་ནི་དགེ་སློང་
བསྙེན་བཀུར་བ། །བྱེད་ཚེ་དེ་བཞིན་གཤེགས་པ་ལྷ་ཡི་མེ་ཏོག་ལ། །མར་མེ་དག་ནི་རབ་ཏུ་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྱོད་ལྡན་ཁྱིམ་
བདག་ཚེ། །བསླབ་པའི་གཞི་ལྔ་དག་ནི་བཟུང་ནས་ཀྱང་། །དེ་བཞིན་གཤེགས་པ་སྤྱན་མཛེས་ལྡན་པ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་སྟོབས་ནི་ཁྱིམ་བདག་ཚེ། །
40-1-348b


དེ་བཞིན་གཤེགས་པ་སྒྲོན་མ་ཆེན་པོ་ལ། །མལ་སྟན་ཤིང་བལ་ཅན་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་རྒྱ་མཚོ་ཤིང་རྟ་མཁན། །བྱེད་ཚེ་བདེ་གཤེགས་བརྟུལ་ཞུགས་
ཆེན་པོ་དེའི། །གནས་ཁང་དག་ནི་བྱུག་པས་བྱུགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྨད་བྱུང་སྣང་མ་པ་ཡི་ཚེ། །དེ་བཞིན་གཤེགས་པ་གཟིགས་པ་བརྟན་དེ་ལ། །སྣང་མ་
དག་ནི་བལྟམ་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ང་སྤོང་རྒྱལ་པོའི་བཙུན་མོའི་ཚེ། །དེ་བཞིན་གཤེགས་པ་མྱོས་པ་སྤོང་དེ་ལ། །མེ་ཏོག་ལྡ་ལྡི་དག་ནི་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བདུད་བརླག་མཛད་པ་དམག་མིའི་ཚེ། །དེ་བཞིན་གཤེགས་པ་མཚན་གྱི་མེ་ཏོག་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་བག་ཆགས་རྒལ་སྟབས་ཚོང་པའི་ཚེ། །བདེ་གཤེགས་བསམ་གྱིས་མི་ཁྱབ་འོད་དེ་ལ། །ཕྲེང་བ་དག་ལས་བྱས་པའི་བླ་རེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མི་ཕྱེད་བློ་མངའ་ཤན་པའི་ཚེ། །དེ་བཞིན་གཤེགས་པ་ཀུན་དུ་འོད་དེ་ལ། །ཤིར་ཤའི་ཕྲེང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་རྒྱ་མཚོ་དྲང་པོའི་ཚེ། །དེ་བཞིན་གཤེགས་པ་ཟླ་བའི་འོད་དེ་ཡི། །སྤྱན་སྔར་གླུ་དབྱངས་དག་ནི་བླངས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དག་མཛད་གྲོང་དཔོན་
ཚེ། །དེ་བཞིན་གཤེགས་པ་ཡིད་འོང་ཟླ་བ་ལ། །གསེར་གྱི་མེ་ཏོག་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚོགས་ཅན་གྲོང་རྒྱལ་ཚོང་པའི་ཚེ། །
40-1-349a


དེ་བཞིན་གཤེགས་པ་མཛེས་པའི་དབྱངས་དེ་ལ། །ཁ་གཟར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་འོད་པད་མ་མཁན་གྱི་ཚེ། །དེ་
བཞིན་གཤེགས་པ་བློ་གྲོས་མཆོག་དེ་ལ། །ཀ་རན་ཏ་ཀ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བྱང་ཆུབ་རྒྱལ་མཚན་མདུན་འདོན་ཚེ། །དེ་བཞིན་གཤེགས་
པ་ཟླ་བའི་འོད་དེ་ལ། །ཆོས་ལ་དགབ་པའི་ན་བཟའ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རིན་ཆེན་ཕྲེང་རྒྱུད་ཚེ། །དེ་བཞིན་གཤེགས་པ་མེ་ཏོག་སྙིང་པོ་ལ། །
མེ་ཏོག་དག་ལས་བྱས་པའི་རྒྱལ་མཚན་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་བསིལ་བ་ཁྱིམ་བདག་གི། བུ་ཚེ་དེ་བཞིན་གཤེགས་པ་ཡིད་གཏོད་ལ། །ནོར་བུ་རིན་ཆེན་
མཆིལ་ལྷམ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་རྒྱལ་དེད་དཔོན་ཚེ། །དེ་བཞིན་གཤེགས་པ་མཆོད་སྦྱིན་བྱིན་པ་ལ། །གསེར་ལས་བྱས་པའི་
གོས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་དགྱེས་པ་ཤིང་རྟ་མཁན། །བྱེད་ཚེ་བདེ་གཤེགས་ཡིད་བཞིན་འབྱོར་པ་ལ། །བཞུགས་ཁྲིའུ་དག་ནི་
དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྫུ་འཕྲུལ་ཏོག་ནི་གར་མཁན་ཚེ། །དེ་བཞིན་གཤེགས་པ་ཐར་པ་དགྱེས་དེ་ཡི། །སྤྱན་སྔར་བྲོ་གར་དག་ནི་
བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་པ་ཚོང་དཔོན་གྱི། །བུ་ཚེ་དད་པས་བདེ་གཤེགས་སྟབས་འཇོག་ལ། །གསེར་སྐུད་དག་གིས་གཏོར་བ་བྱས་
40-1-349b


ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ས་ཡི་དབང་ཕྱུག་རྔོན་པའི་ཚེ། །དེ་བཞིན་གཤེགས་པ་དགྲ་དག་འདུལ་བ་ལ། །རྩྭ་ལས་བྱས་པའི་མཆིལ་ལྷམ་ཕུལ་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཉི་མ་དགྱེས་པ་ཕྱེ་མ་མཁན། །བྱེད་ཚེ་བདེ་གཤེགས་ཡུལ་མེད་སྤོང་བ་ལ། །ཨུད་པལ་ཞལ་སྤོས་དག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་ཟླ་བ་གཞན་བྲན་ཚེ། །དེ་བཞིན་གཤེགས་པ་བདུད་རྩིའི་འོད་དེ་ལ། །རྩྭ་ཡི་ཁང་བཟངས་བྱས་ཏེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་མེ་ཏོག་འོད་ནི་དགེ་སློང་ཚེ། །དེ་བཞིན་གཤེགས་པ་ངར་མི་སེམས་པ་ལ། །མཆིལ་སྣོད་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྨན་པའི་
བདག་པོ་བྲམ་ཟེའི་ཚེ། །དེ་བཞིན་གཤེགས་པ་ཡང་དག་སྒྲ་སྒྲོགས་ལ། །བཻ་དཱུརྱ་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མདངས་མངའ་བཟང་
ཀན་ཚེ། །དེ་བཞིན་གཤེགས་པ་དཔག་མེད་སྤྱན་དེ་ལ། །ན་བཟའ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་དགྱེས་པ་བྲམ་
ཟེའི་ཚེ། །དེ་བཞིན་གཤེགས་པ་བརྟུལ་ཞུགས་དཔའ་བོ་ལ། །མེ་ཏོག་ཟད་མི་ཤེས་པས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགའ་སྟོབས་རྔ་མཁན་ཚེ། །
དེ་བཞིན་གཤེགས་པ་འོད་འབར་དེ་ལ་ནི། །རྔ་བོ་ཆེ་དག་བརྡུང་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་སྙན་ཕྱུག་པོའི་ཚེ། །དེ་བཞིན་གཤེགས་པ་ཡོན་ཏན་ཚོགས་དེ་ལ། །
40-1-350a


གླིང་བུ་དག་ནི་བུད་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་བྲམ་ཟེའི་བུར་གྱུར་ཚེ། །དེ་བཞིན་གཤེགས་པ་ཡིད་དུ་འོང་བའི་དབྱངས་དེ་ལ། །ཀུ་ཤ་དག་ལས་བྱས་པའི་ན་བཟའ་
ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱངས་ཞིང་པའི་ཚེ། །བསོད་ནམས་འདོད་ཕྱིར་ཁྲོན་དྲུང་ཆུ་ཏོམ་བཞག །དེ་བཞིན་གཤེགས་པ་དགོངས་པ་ཆེན་པོ་ལ། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་སྤྱོད་བཟང་བ་ལང་རྫི་ཡི་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །སྣོད་དག་ཞོ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁྲུལ་
མེད་བློ་ནི་གླིང་བུ་མཁན། །བྱེད་ཚེ་བདེ་གཤེགས་སེམས་སྤྱོད་བདུད་རྩི་ལ། །ཡིད་དུ་འོང་བའི་སྒྲ་དག་བསྒྲགས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དབྱངས་ཆེན་ཁྱིམ་བདག་ཚེ། །
གཙུག་ལག་ཁང་ནི་སྟོང་སྙེད་བྱས་ནས་ཀྱང་། །དེ་བཞིན་གཤེགས་པ་བློ་གྲོས་གསལ་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྙན་གྲགས་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་སྒྲོན་མ་
མཆོག་དེ་ལ། །ཕྲེང་བ་བརྒྱུས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཏོག་ལྡན་ཤིང་ཐུན་ཚེ། །དེ་བཞིན་གཤེགས་པ་བློ་གྲོས་བརྟན་པ་ལ། །ཨུད་པལ་
གསུམ་ཞིག་གཏོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་རྣམ་གྲགས་ཚོང་དཔོན་གྱི། །བུ་ཚེ་བདེ་གཤེགས་མཐུ་རྩལ་སྟོབས་དེ་ལ། །མེ་ཏོག་དག་གི་ཕུར་མ་
ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་དབང་ཕྱུག་དེད་དཔོན་ཚེ། །དེ་བཞིན་གཤེགས་པ་པད་འདབ་སྤྱན་དེ་ལ། །ནོར་བུའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་
40-1-350b


ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལྗོན་པ་དབུལ་པོའི་ཚེ། །དེ་བཞིན་གཤེགས་པ་བྱང་ཆུབ་འོད་དེ་ལ། །མ་ཥའི་སྒྲོན་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཏི་མུག་རབ་ཟད་བྱ་བའི་ཚེ། །
དེ་བཞིན་གཤེགས་པ་སྒྲ་དབྱངས་མཆོག་དེ་ལ། །ཤ་སྲང་གཅིག་ཅིག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དཔག་མེད་ལྷ་རིས་པ་ཡི་ཚེ། །དེ་བཞིན་གཤེགས་པ་མངོན་ཤེས་དྲུག་
སྒྲ་ལ། །ཚེམས་ཤིང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཟླ་བ་བཟང་པོ་དགེ་སློང་ཚེ། །དེ་བཞིན་གཤེགས་པ་མདངས་སྟོབས་དེ་ལ་ནི། །གདིང་བ་དག་ནི་དབུལ་བ་
བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོབས་པ་མཐའ་ཡས་ཏོག །ཚོང་དཔོན་བུ་ཚེ་བདེ་གཤེགས་མི་ཡི་གྲངས། །མར་མེའི་ཕྲེང་བ་དངར་ཏེ་ཕུལ་ནས་ཀྱང་། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟུལ་ཞུགས་བསྟར་བ་ཚོང་པའི་ཚེ། །བདེ་གཤེགས་རྒྱལ་བའི་མེ་ཏོག་ཚོགས་དེ་ཡི། །སྐུ་ལ་ཙན་དན་དམར་པོས་བྱུགས་ནས་ཀྱང་། །དང་པོར་བྱང་ཆུབ་ཏུ་ནི་
སེམས་བསྐྱེད་དོ། །བདེ་གཤེགས་མཆོད་གནས་ལྷ་ཡི་རིམ་གྲོ་པ། །བྱེད་ཚེ་དེ་བཞིན་གཤེགས་པ་གཙུག་ཆེན་ལ། །མེ་ཏོག་རྙིས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་མྱ་ངན་རྒལ་བ་སྨྱིག་མ་མཁན། །བྱེད་ཚེ་བདེ་གཤེགས་ལྷ་ཡི་བདག་པོ་ལ། །ཏ་ལ་མུ་ཏིག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགེ་དགྱེས་འབྲུ་མར་
མཁན་གྱི་ཚེ། །བདེ་གཤེགས་བག་མི་ཚ་བར་གནས་པ་ལ། །འབྲུ་མར་སྲང་གཅིག་ཅིག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འགྲོ་བའི་བློ་གྲོས་འབྲུ་མར་མཁན། །བྱེད་ཚེ་བདེ་གཤེགས་
40-1-351a


དགྲ་བཅོམ་བྱང་ཆུབ་ལ། །ཡུངས་མར་སྲང་བརྒྱད་སྙེད་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགྱེས་གཤེགས་རྒྱལ་བུའི་ཚེ། །བདེ་གཤེགས་མྱ་ངན་མུན་པ་སེལ་བ་ལ། །
རྨ་བྱ་དག་ལས་བྱས་པའི་བསིལ་ཡབ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཞབས་མཛེས་དེད་དཔོན་ཚེ། །དེ་བཞིན་གཤེགས་པ་ཆུ་བོ་རྣམ་དག་ལ། །མུ་ཏིག་དག་གིས་གཏོར་བ་བྱས་ནས་ཀྱང་། །
དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཨུད་པལ་བརྒྱ་བྱིན་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །སྐུ་ཚེའི་འདུ་བྱེད་གཟུང་བར་གསོལ་བཏབ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་དུལ་གནས་མེ་ཏོག་གསེར་རྟོག་ཚེ། །དེ་བཞིན་གཤེགས་པ་དཔའ་བའི་སེམས་དེ་ལ། །གསེར་དག་གིས་ནི་གཏོར་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པ་མཐའ་
ཡས་འོད་ཟེར་པད་མ་མཁན། །བྱེད་ཚེ་དེ་བཞིན་གཤེགས་པ་ཐར་པའི་ཤེས་རབ་ལ། །ཤིང་ལས་བྱས་པའི་ལྷུང་བཟེད་དག་ནི་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དྲང་སྲོང་གསལ་བ་
ཕྲེང་རྒྱུད་ཚེ། །དེ་བཞིན་གཤེགས་པ་དཔའ་བོའི་སེམས་དེ་ལ། །མེ་ཏོག་དག་ལས་བྱས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་བརྩོན་འགྲུས་ཁྱིམ་བདག་ཚེ། །
དེ་བཞིན་གཤེགས་པ་ཙམ་པའི་སྒྲོན་མ་ལ། །འཇམས་གང་ཞིག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྙིང་པོ་མར་འཚོང་ཚེ། །དེ་བཞིན་གཤེགས་པ་མཆོད་གནས་
དཔལ་དེ་ལ། །ཞུན་མར་སྲང་བརྒྱད་སྙེད་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་བདག་ཀ་རན་ཛ་བྱེད་ཚེ། །དེ་བཞིན་གཤེགས་པ་བློ་གྲོས་ལེགས་སེམས་ལ། །
40-1-351b


བཀྴ་ཀ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་མཐོན་པོ་རྒྱལ་བུའི་ཚེ། །དེ་བཞིན་གཤེགས་པ་གཟི་བརྗིད་དཔལ་དེ་ལ། །སྤོས་དང་ཕྲེང་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་གསལ་བ་ཚོང་པའི་ཚེ། །དེ་བཞིན་གཤེགས་པ་སྐྱེ་བོ་དད་པ་ལ། །སྦྲང་རྩི་བལྡག་པར་བྱ་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྐལ་ལྡན་ཤིང་རྟ་ཅན། །ལྷམ་མཁན་
ཚེ་ན་བདེ་གཤེགས་བློ་མཆོག་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་བློ་གྲོས་ཕྲེང་རྒྱུད་ཚེ། །དེ་བཞིན་གཤེགས་པ་རབ་དགྱེས་གསལ་བ་ལ། །མེ་ཏོག་དག་གི་ཆུན་
པོ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྦྱིན་སྲེག་འོད་འཕྲོ་ཐགས་མཁན་ཚེ། །དེ་བཞིན་གཤེགས་པ་བདག་ཉིད་སྣང་བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་ཡོན་ཏན་མཐའ་ཡས་གཟི་བརྗིད་ཕུང་པོ་ནི། །ཚོང་པ་བྱེད་ཚེ་བདེ་གཤེགས་མི་ཡི་པད་མ་ལ། །རས་ཡུག་ཟུང་དུ་སྦྱར་ཏེ་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
སེང་གེའི་སྟབས་ནི་ཤིང་སྲུངས་ཚེ། །དེ་བཞིན་གཤེགས་པ་སྤོས་དྲི་ཞིམ་པ་ལ། །སེའུ་འབྲུའི་བཅུད་ཁུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མི་གཡོ་ཤིང་སྲུངས་ཚེ། །
དེ་བཞིན་གཤེགས་པ་མཆོད་པ་མཆོག་དེ་ལ། །ཨ་ཏི་མུག་ཏའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རབ་གསལ་སྨན་པའི་ཚེ། །དེ་བཞིན་གཤེགས་པ་མེ་ཏོག་སྣ་
ཚོགས་ལ། །མར་ཁུར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྤྱོད་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་འཕགས་པའི་དཔལ་དེ་ལ། །
40-1-352a


ཕྲེང་བ་བརྒྱུས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གླུ་དབྱངས་ཤིང་རྟ་མཁན་གྱི་ཚེ། །དེ་བཞིན་གཤེགས་པ་ནམ་མཁའ་མཚུངས་དེ་ལ། །གཟིམས་ཁྲི་དག་ནི་དབུལ་
བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གླུ་དབྱངས་སྨན་པའི་ཚེ། །དེ་བཞིན་གཤེགས་པ་པད་མའི་འོད་ཟེར་ལ། །མེ་ཏོག་སིལ་མ་དག་ནི་གཏོར་ནས་ཀྱང་། །དང་
པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁོར་ལོ་འཛིན་པ་ཕྲེང་རྒྱུད་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །མེ་ཏོག་སིལ་མ་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་འཇིག་རྟེན་དགའ་བ་ཚོང་དཔོན་ཚེ། །དེ་བཞིན་གཤེགས་པ་ཟླ་བའི་འོད་དེ་ལ། །ཕྲེང་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་ཟླ་བ་
ལག་བླའི་ཚེ། །དེ་བཞིན་གཤེགས་པ་ཕུང་པོ་ཆེན་པོ་ལ། །ཤིང་མཆོག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཐའ་ཡས་གྲགས་པ་ཕྱུགས་
རྫི་ཡི། །དཔོན་པོའི་ཚེ་ན་བདེ་གཤེགས་སྟོབས་ཆེན་ལ། །འོ་མ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤྲིན་ཏོག་གོས་འཚོང་ཚེ། །
དེ་བཞིན་གཤེགས་པ་ཡུལ་འཁོར་ཡེ་ཤེས་ལ། །རས་ཡུག་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་འགྲོས་ནི་ཁྱིམ་བདག་ཚེ། །འཁོར་གྱི་ཁྱམས་དག་
ཕྱག་དར་བྱས་ནས་ཀྱང་། །དེ་བཞིན་གཤེགས་པ་དྲག་ཤུལ་བློ་གྲོས་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྤོས་བཟངས་དབུལ་པོའི་ཚེ། །དེ་བཞིན་གཤེགས་པ་རི་དབང་བློ་དེ་ལ། །མར་མེའི་སྙིང་
40-1-352b


པོ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནམ་མཁའི་དབྱངས་ནི་ཚོང་པའི་ཚེ། །དེ་བཞིན་གཤེགས་པ་ཡན་ལག་མཛེས་པ་ལ། །ན་བཟའ་ཕྲུགས་གཅིག་ཅིག་ནི་ཕུལ་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་ལྷ་ནི་ལྷ་རིས་པ་ཡི་ཚེ། །ཕྱག་དར་དག་ནི་བྱ་བ་བྱས་ནས་ཀྱང་། །དེ་བཞིན་གཤེགས་པ་དཔལ་གྱི་མཆོག་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་རྒྱལ་
ཕྱུགས་རྫིའི་དཔོན་པོའི་ཚེ། །དེ་བཞིན་གཤེགས་པ་དཔལ་གྱི་བཤེས་གཉེན་ལ། །འོ་མ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ནོར་བུ་གསལ་ནི་དཀའ་ཐུབ་ཅན། །བྱེད་ཚེ་བདེ་
གཤེགས་ཡིད་གཉིས་སྤོང་བ་པོ། །དེ་ལ་གདུགས་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནོར་བཟངས་སྤོས་འཚོང་ཚེ། །དེ་བཞིན་གཤེགས་པ་དགྲ་བཅོམ་ལྡན་དེ་ལ། །ཀཱར་ཥཱ་པ་ནི་
གཅིག་རིའི་འབྲུ་མར་དང་། །སྤོས་ཕུལ་དང་པོར་བྱང་ཆུབ་སེམས་བསྐྱེད་དོ། །དེ་བཞིན་གཤེགས་པ་སྒྲོན་མ་གཽ་ཏམ་ཚེ། །དབྱར་གནས་པ་དག་དབུལ་བ་བྱས་ནས་ཀྱང་། །དེ་བཞིན་གཤེགས་པ་སྤོས་ཀྱི་དཔལ་དེ་ལ། །དང་པོར་
བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རིན་ཆེན་ང་རོ་དབྱངས། །ཚོང་འདུས་པ་ཚེ་བདེ་གཤེགས་དགྲ་བཅོམ་གནས། །དེ་ལ་ཞུན་མར་བྲེ་གང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །བདེ་གཤེགས་སྐྱེ་དབང་རྒྱལ་པོ་ཚོང་དཔོན་ཚེ། །དེ་བཞིན་གཤེགས་པ་ཡོན་ཏན་གནས་དེ་ལ། །ཀུན་དགའ་ར་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་
གཅན་སྦེད་པ་ཤིང་སྲུངས་ཚེ། །དེ་བཞིན་གཤེགས་པ་བརྩོན་འགྲུས་ཆེར་དགོངས་ལ། །སྒེའུ་གཤེར་དག་གི་དུམ་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དགེ་མཛད་
40-1-353a


ཆུ་ཆུན་ཚེ། །དེ་བཞིན་གཤེགས་པ་འོད་ནི་འབར་བ་ལ། །ཆུ་གྲང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་བློ་གྲོས་ཁྱིམ་བདག་ཚེ། །དེ་བཞིན་གཤེགས་པ་མཐུ་
རྩལ་སྡུད་པ་ལ། །མེ་ཏོག་བལྟ་ན་སྡུག་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་ཤིང་སྲུངས་ཚེ། །དེ་བཞིན་གཤེགས་པ་དགོངས་པ་ཟབ་བསྒོམས་ལ། །སྒྲ་དབྱངས་
དག་གི་མཆོད་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་དོན་མཛད་ཕྱུག་པོའི་ཚེ། །དེ་བཞིན་གཤེགས་པ་སྤོས་སྲེག་དེ་ལ་ནི། །རྔ་བོ་ཆེ་དག་བརྡུང་བ་བྱས་ནས་ཀྱང་། །དང་པོར་བྱང་ཆུབ་
ཏུ་ནི་སེམས་བསྐྱེད་དོ། །བདེ་གཤེགས་མཛད་མཐའ་གཟིགས་པ་ཁྱིམ་བདག་ཚེ། །གཙུག་ལག་ཁང་དག་བྱས་ཏེ་ཕུལ་ནས་ཀྱང་། །དེ་བཞིན་གཤེགས་པ་སྤོས་ཀྱི་གླང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
གཤེགས་སྲིད་པའི་མེ་ཏོག་ཁྲུས་པའི་ཚེ། །དེ་བཞིན་གཤེགས་པ་རྣམ་པར་འབྱེད་བློ་ལ། །ཁྲུས་རས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛོད་སྤུ་ལྡན་པ་དྲང་
སྲོང་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །ཀུ་ཤ་དག་ལས་བྱས་པའི་ན་བཟའ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པ་མཚུངས་མེད་རྒྱལ་པོ་རི་མོ་མཁན། །བྱེད་ཚེ་དེ་
བཞིན་གཤེགས་པ་ཡོན་ཏན་བཀོད་པ་པོ། །དེ་ལ་མེ་ཏོག་དག་གི་ཕྲེང་བ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྣམ་འབྱེད་ང་རོ་འགྲོན་པོའི་ཚེ། །དེ་བཞིན་གཤེགས་པ་
བརྟུལ་ཞུགས་སེང་གེ་དེ་ཡི་ནི། །ལམ་སྲང་དག་ཏུ་གོས་ནི་གདིང་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་མཆེ་བ་དགེ་སློང་ཚེ། །དེ་བཞིན་གཤེགས་པ་ཡེ་ཤེས་
40-1-353b


བློ་གྲོས་ལ། །ལྷུང་བཟེད་ཆུང་ངུ་སྐྱུ་རུ་རས་བཀང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་པར་གཤེགས་པ་དེད་དཔོན་ཚེ། །དེ་བཞིན་གཤེགས་པ་ཡོན་ཏན་ལྷུན་པོ་ལ། །སེང་གེའི་
གདན་ཁྲི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འཁོར་ལོས་སྒྱུར་རྒྱལ་ཚེ། །དེ་བཞིན་གཤེགས་པ་ང་རོ་སྦྱངས་པ་ལ། །རིན་པོ་ཆེ་ལས་བྱས་པའི་བླ་རེ་
ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྒྲོན་གདུགས་ནི་ཚོང་པའི་ཚེ། །དེ་བཞིན་གཤེགས་པ་བསྡུ་བ་རྣམ་འབྱེད་ལ། །ལྷུང་བཟེད་རིན་པོ་ཆེ་དག་ཕུལ་ནས་ཀྱང་། །དང་པོར་བྱང་
ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀྲ་ཤིས་ལྡན་པ་ཚོང་དཔོན་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །ཀུན་དགའ་ར་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
བདེ་གཤེགས་ཡུལ་འཁོར་མྱ་ངན་མེད་པ་པོ། །ཚོང་དཔོན་བུ་ཚེ་སྟན་རིངས་ཕུལ་ནས་ཀྱང་། །དེ་བཞིན་གཤེགས་པ་ཟླ་བ་སྣང་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་
གྲོས་སེམས་དཔའ་ཁྱིམ་བདག་ཚེ། །གནས་དང་ཟས་ཀྱི་རྐྱེན་རིས་བཅད་ནས་ཀྱང་། །བདེ་གཤེགས་ཡོན་ཏན་ཕུང་པོ་འོད་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་
པ་བློ་ལྡན་འུག་པའི་ཚེ། །གོས་དང་ཤིང་ལེབ་དག་ནི་བཞག་ནས་ཀྱང་། །དེ་བཞིན་གཤེགས་པ་ཆོས་ཀྱི་སྟོབས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྒྲོན་
སྤྱན་ནི་དབུལ་པོའི་ཚེ། །དེ་བཞིན་གཤེགས་པ་བློ་གྲོས་ལྡན་དེ་ལ། །རྒྱ་སྲན་དྲུས་པ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤུགས་འདོར་བུ་རམ་
40-1-354a


ཆང་མཁན་ཚེ། །དེ་བཞིན་གཤེགས་པ་རྣམ་གྲགས་རྒྱལ་པོ་ལ། །བུ་རམ་ཤིང་གི་བཅུད་ཁུ་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟོབས་ཆེན་ཚོང་པའི་ཆུང་མའི་ཚེ། །
ཕྱེ་ཁལ་གསུམ་ནི་གཉུག་མར་བཞག་ནས་ཀྱང་། །དེ་བཞིན་གཤེགས་པ་དབང་པོ་ཐུལ་བ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་མེ་ཏོག་དེད་དཔོན་ཚེ། །དེ་བཞིན་གཤེགས་པ་སྟབས་ཀྱི་
མཆོག་མ་དེའི། །ལམ་སྲང་དག་ནི་ཕྱག་དར་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བརྟན་པའི་དབྱངས་ནི་དེད་དཔོན་ཚེ། །དེ་བཞིན་གཤེགས་པ་བདུད་རྩིའི་འོད་ཟེར་ལ། །གོས་ཀྱི་བླ་རེ་
དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་བདེ་ལྡན་སྨད་འཚོང་ཚེ། །དེ་བཞིན་གཤེགས་པ་བདུད་རྩི་སེམས་པ་ལ། །ཤི་ཡི་བུར་མ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
བསྐྱེད་དོ། །དེ་བཞིན་གཤེགས་པ་དོན་གསུང་ཚོང་པའི་ཚེ། །དེ་བཞིན་གཤེགས་པ་ཚོགས་ཅན་རབ་མཆོག་ལ། །ཀ་ཤའི་གདན་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགྱེས་
གསལ་གྲོང་རྡལ་བ་ཡི་ཚེ། །དེ་བཞིན་གཤེགས་པ་གཙུག་ཕུད་དགྱེས་དེ་ལ། །ཁ་ར་དག་དང་སྦྱར་བའི་བཏུང་བ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་ཞལ་ནི་ཕྲེང་རྒྱུད་ཚེ། །བདེ་གཤེགས་ཁ་དོག་
ཟིལ་གྱིས་མི་ནོན་ལ། །མེ་ཏོག་ཁལ་བཅུ་དག་གིས་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙུག་ཕུད་ཤིང་སྲུངས་ཚེ། །དེ་བཞིན་གཤེགས་པ་ཀུན་ཏུ་གསལ་བ་ལ། །སྤོས་དང་ཨ་མྲའི་
འབྲས་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་སྣང་མཛད་སློང་བའི་ཚེ། །དེ་བཞིན་གཤེགས་པ་བཀོད་པའི་རྒྱལ་པོ་ཡི། །བཤོས་དག་བདག་ཉིད་བཙོངས་ཏེ་སྦྱར་ནས་ཀྱང་། །དང་པོར་བྱང་ཆུབ་
40-1-354b


ཏུ་ནི་སེམས་བསྐྱེད་དོ། །སངས་རྒྱས་སྟོང་གི་སྔོན་གྱི་སྨོན་ལམ་གྱི་ཚུལ་རྫོགས་སྷོ།། །།དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དེ་ལྟར་སངས་རྒྱས་དག་ལ་ཆུང་བ་ཡི། །ཡོན་ཕུལ་
རྣམ་པར་སྨིན་པ་འདི་དག་ཡིན། །འཁོར་ཚེ་དེ་ཡི་འབྲས་བུ་དེ་འདྲ་ན། །མཁས་པ་སུ་ཞིག་བྱང་ཆུབ་སེམས་མི་སྐྱེད། །ནམ་མཁའ་དག་ནི་ཚད་དག་གཟུང་བ་དང་། །རྒྱ་མཚོ་ཆེན་པོ་མཐར་གྱིས་བགྲང་ནུས་ཀྱི། །སངས་རྒྱས་དག་ལ་དད་པ་ཤས་ཙམ་
གྱི། །བསོད་ནམས་ཚད་གཟུང་བར་ནི་ནུས་པར་དཀའ། །ཇི་སྲིད་མྱ་ངན་འདས་བདེ་མ་རེག་པར། །དེ་སྲིད་མི་ཁོམ་སྡུག་བསྔལ་མྱོང་མི་འགྱུར། །དེ་བས་རྒྱལ་བ་བསོད་ནམས་ཞིང་ཐོབ་ནས། །བག་ཡོད་མི་ཡིས་བཀུར་སྟི་མཆོད་པ་གྱིས། །
སངས་རྒྱས་དག་ལ་ལྷག་པར་མོས་པའི་ཚེ། །བདེ་གཤེགས་མྱ་ངན་འདས་པའི་སྐུ་གདུང་ལ། །མཆོད་པ་ཆུང་ཤས་བྱེད་པའི་ཡོན་ཏན་མཐའ། །བསམ་པར་ནུས་མ་ཡིན་ན་དེ་ལྟ་ཞོག །བྱང་ཆུབ་སེམས་ཀྱིས་རྒྱལ་ལ་ཡོན་ཕུལ་དང་། །གང་
དག་ཚད་མེད་ཆོས་འདི་བཞི་པོ་དང་། །ནམ་མཁའི་ཁམས་དང་སེམས་ཅན་ཁམས་རྣམས་དག །སྟོན་པ་མ་གཏོགས་ཤེས་པར་ནུས་པ་མེད། །གང་ཕྱིར་སེམས་ཅན་ཐམས་ཅད་རྗེས་གཟུང་ཕྱིར། །བྱང་ཆུབ་སེམས་བསྐྱེད་གནས་
པ་ཇི་ལྟ་བར། །དབུལ་པོས་དཔག་ཚད་ཁོར་ཡུག་གཅིག་ཙམ་གྱི། །གཏེར་དག་རྙེད་པ་དེ་ལྟར་དགའ་མ་ཡིན། །སངས་རྒྱས་བྱང་ཆུབ་ཕྱིར་ནི་རྒྱལ་བ་ཡི། །རྣམ་པར་རོལ་པ་བརྒྱད་དང་སྟོབས་བཅུ་དང་། །སེམས་ཅན་སྡུད་པ་ལྔ་བརྒྱ་དགའ་
མཛད་བཞི། །རྟོགས་བྱེད་འཇུག་པ་དག་ནི་བརྒྱད་ཁྲི་དང་། །རྟོགས་པར་དཀའ་བ་བརྒྱད་ཅུ་རྩ་བཞི་དང་། །བླ་ན་མེད་པའི་སྒོ་མོ་དྲུག་ཁྲི་དང་། །ས་རྣམ་འབྱེད་དང་ཡེ་ཤེས་བདུན་ཅུ་དྲུག །སངས་རྒྱས་མཚོན་པ་སྤྱོད་པ་བཅྭ་བརྒྱད་དང་། །
ཕ་རོལ་གནོན་པ་ལྔ་དང་བརྟན་པ་བཅུ། །སྤྱོད་ཡུལ་ཐེར་འབུམ་ཕྲག་ནི་བཅུ་གཅིག་དང་། །གཞན་ཡང་སངས་རྒྱས་དག་གི་ཡོན་ཏན་གང་། །མཚན་དང་དཔེ་བྱད་དག་དང་སྤྱོད་ལམ་དག །རང་སངས་རྒྱས་ཀྱི་སྤྱོད་ཡུལ་ལམ་མིན་ན། །
40-1-355a


ཉན་ཐོས་སྒྲ་རྗེས་འབྲང་བའི་སྨོས་ཅི་དགོས། །མཚུངས་པ་མེད་པ་འདྲ་བ་ཡོད་མིན་པས། །དེས་ན་སངས་རྒྱས་བསམ་མི་ཁྱབ་ཅེས་བརྗོད། །གང་དག་བྱང་ཆུབ་མཆོག་རབ་སེམས་ཡོད་པ། །དེ་དང་དེ་དག་མི་དམན་མཚུངས་
མེད་སྤྱོད། །དེ་དག་དེ་རིང་འཇིག་རྟེན་ནོར་ཆེན་རྙེད། །དེ་དག་འཇིག་རྟེན་ལེགས་པར་འཚོ་བས་འཚོ། །བདུད་རྣམས་བཅོམ་སྟེ་བདུད་རྩི་རེག་བྱས་ནས། །ཆར་སྤྲིན་ལྷུན་སྡུག་ལྟ་བུར་ཚིམ་པར་བྱེད། །གང་དེ་བྱང་ཆུབ་ལ་ཞུགས་འཇིག་རྟེན་སྐྱོབ། །
དེ་དག་ནོར་བདུན་དག་གིས་སྡུད་པར་བྱེད། །གལ་ཏེ་སྡུག་བསྔལ་བརྒྱ་མང་བཟོད་བྱེད་པ། །དེ་བས་བྱང་ཆུབ་གང་ཞུགས་སྐྱོ་མི་འགྱུར། །དེ་ཡིས་ཡོན་ཏན་དེ་དག་མྱུར་འཐོབ་ལ། །འཇིག་རྟེན་ཀུན་གྱི་མཆོག་མ་དག་ཏུའང་འགྱུར། །འདོད་པའི་
རྒྱུ་ཡིས་སྡུག་བསྔལ་མང་པོ་མྱོང་བར་འགྱུར། །གང་གི་རྣམ་པར་སྨིན་པས་ངན་འགྲོར་ལྷུང་བར་འགྱུར། །མཐོ་རིས་འགྲོ་དང་བྱང་ཆུབ་ཡོན་ཏན་དོན་གྱི་ཕྱིར། །མཁས་པ་སུ་ཞིག་བྱིས་པ་དག་དང་འགལ་བར་བྱེད། །བྱིས་པ་འགལ་བྱེད་མཁས་པ་
འགལ་མི་བྱེད། །མི་ཤེས་འཁྲུལ་ཡིན་ཤེས་ལྡན་དྲན་པ་ཐོབ། །བླུན་པོ་འདམ་བྱིང་མཁས་པ་ཐང་ལ་གནས། །གང་དག་ཆོས་སྤྱོད་པ་ནི་དེ་ལ་བཟོད། །དེ་བས་རིགས་པ་ཅན་མིན་སྤང་བྱ་ཞིང་། །གང་དག་ཤེས་ཡུལ་རིགས་ལྡན་བསྟེན་པར་
བྱ། །དཔལ་དང་གྲགས་པ་རྙེད་པ་སྤངས་ནས་ཀྱང་། །ཏིང་ངེ་འཛིན་འདི་ལ་ནི་རྣལ་འབྱོར་བྱ། །སངས་རྒྱས་རེ་རེའི་ཡོན་ཏན་དྲན་པ་ཡང་། །བསྐལ་པ་ཁྲི་ཕྲག་ཚད་མེད་བཟོད་བྱེད་ན། །སངས་རྒྱས་ཡོན་ཏན་བསམ་མེད་སྨོས་ཅི་དགོས། །
དེ་བས་སྡུག་བསྔལ་ཉམ་ཐག་དང་དུ་ལོང་། །བཟོད་དང་ཏིང་འཛིན་དག་གི་གོ་བགོས་ལ། །བརྩོན་འགྲུས་རྒྱལ་མཚན་ཚུལ་ཁྲིམས་ཤིང་རྟ་ཞོན། །སྦྱིན་སྟོབས་ཤེས་རབ་མདའ་ཡིས་བདུད་བཅོམ་སྟེ། །ཕམ་བྱས་བྱང་ཆུབ་དག་ལ་
རེག་པར་གྱིས། །བྱམས་པའི་གྲོགས་དང་བསྒྲུབ་པའི་བཤེས་གཉེན་དང་། །དབྱེར་མེད་ཕ་རོལ་ཕྱིན་པ་སྤྲོ་བྱེད་དང་། །སྟོང་པའི་གནས་བཅས་ཤུགས་ཀྱི་ཟས་སྟེན་ཚེ། །ཐམས་ཅད་མཁྱེན་པའི་ཡོན་ཏན་ཐོབ་པར་གྱིས། །དེ་བས་
40-1-355b


ཇི་སྐད་འདིར་གསུངས་རྣམ་ངེས་ལ། །བག་དང་ལྡན་པས་རྟག་ཏུ་སྦྱོར་བར་གྱིས། །མཁའ་ལ་ངང་པ་སྐད་འབྱིན་དགའ་བ་ལྟར། །ཐམས་ཅད་མཁྱེན་པ་མྱུར་དུ་ཐོབ་པར་གྱིས། །མཆོག་ཏུ་དགའ་བའི་རྒྱལ་པོ་སྔོན་བྱུང་བ་འདས་པའི་དུས་ན། 
དེ་བཞིན་གཤེགས་པ་བརྩོན་འགྲུས་མཐའ་ཡས་ཞེས་བྱ་བ་འཁོར་ཐེར་འབུམ་སྙེད་དང་བཅས་པ་ཞིག་བྱུང་བར་གྱུར་ཏེ་དེ་ཏིང་ངེ་འཛིན་འདི་སྟོན་ཏོ། །དེ་ཏིང་ངེ་འཛིན་འདི་སྟོན་པ་ན་དེའི་ཚེ་རྒྱལ་པོ་བསོད་ནམས་མེ་ཏོག་ཅེས་བྱ་བ་ཞིག་བྱུང་བས་ཐོས་
ནས། དེས་བཙུན་མོ་སྟོང་དང་སྲས་སྟོང་ལ་སྨྲས་པ། ཏིང་ངེ་འཛིན་ཟད་པར་སྣང་བ་འདིའི་དོན་ཀྱང་མི་ཤེས་སོ། །མ་ཤེས་པས་རྟོགས་པར་བྱར་ཡང་མི་ནུས་སོ། །དེ་ལྟ་ཡིན་གྱིས་ཀྱང་དེ་བཞིན་གཤེགས་པས་ལེགས་པར་གསུངས་པ་
ལ་བདག་ཅག་གིས་རྗེས་སུ་ཡི་རང་བར་ནི་བྱའོ། །བཅོམ་ལྡན་འདས་ཀྱིས་ལེགས་པར་གསུངས་ཤིང་བཤད་པའི་ཏིང་ངེ་འཛིན་འདི་ལ་རྗེས་སུ་ཡི་རང་བ་བྱས་པས། དེ་དག་རྗེས་སུ་ཡི་རང་བའི་མོད་ལ་བསྐལ་པ་བརྒྱད་ཁྲིར་འཁོར་བ་
བསྙིལ་ནས་དེ་ལས་ཁ་ཕྱིར་ཕྱོགས་པར་གྱུར་ཏོ། །ཁྱིམ་ཅན་ཞེས་བྱ་བའི་གཟུངས་ཀྱང་ཐོབ་པར་གྱུར་ཏོ། །བྱང་ཆུབ་ཇི་སྐད་བསྟན་པ་ལ་ཡང་ཐེ་ཚོམ་མེད་པར་གྱུར་ཏོ། །དགེ་བའི་རྩ་བ་དེས་ན་སངས་རྒྱས་སུམ་འབུམ་དག་
མཉེས་པར་བྱས་པར་གྱུར་ཏོ། །ཐམས་ཅད་དུ་ཡང་ཏིང་ངེ་འཛིན་འདི་ཐོབ་པར་གྱུར་ཏོ། །ལོག་པར་ལྟུང་བ་དང་། མི་ཁོམ་པ་དག་ཏུ་ནམ་ཡང་ལྟུང་བར་མ་གྱུར་ཏོ། །རྒྱུ་དེ་ཁོ་ནས་བྱང་ཆུབ་མངོན་པར་རྫོགས་པར་
སངས་རྒྱས་སོ། །མངོན་པར་རྫོགས་པར་འཚང་རྒྱ་བར་འགྱུར་རོ། །མཆོག་ཏུ་དགའ་བའི་རྒྱལ་པོ་ཁྱོད་དེའི་ཚེ་དེའི་དུས་ན་རྒྱལ་པོ་བསོད་ནམས་མེ་ཏོག་ཅེས་བྱ་བ་དེ་ཁྱོད་ཀྱིས་གཞན་ཡིན་ནོ་སྙམ་པ་དེ་ལྟར་བལྟ་བར་མི་བྱ་སྟེ། 
དེ་བཞིན་གཤེགས་པ་ཚེ་དཔག་མེད་དེའི་ཚེ་དེའི་དུས་ན། རྒྱལ་པོ་བསོད་ནམས་མེ་ཏོག་ཅེས་བྱ་བར་གྱུར་ཏོ། །བསྐལ་པ་བཟང་པོ་པའི་དེ་བཞིན་གཤེགས་པ་དེ་དག་ནི་དེའི་ཚེ་དེའི་དུས་ན་སྲས་སྟོང་དུ་གྱུར་ཏོ། །དེ་ལྟར་རྗེས་སུ་
40-1-356a


ཡི་རང་བ་ཙམ་གྱིས་ཀྱང་ཏིང་ངེ་འཛིན་འདི་མཐུ་ཆེ་བ་ཡིན་ན་ཀློག་པ་དང་། ལུང་འབོགས་པ་དང་། བསྒྲུབ་པ་ལྟ་སྨོས་ཀྱང་ཅི་དགོས། མཆོག་ཏུ་དགའ་བའི་རྒྱལ་པོ་སྔོན་བྱུང་བ་འདས་པའི་དུས་ན་དེ་བཞིན་གཤེགས་པ་བདུད་
རྩི་དགའ་ཞེས་བྱ་བ་འཁོར་འབུམ་སྙེད་དང་བཅས་པ་ཞིག་བྱུང་བར་གྱུར་ཏེ། དེ་ལ་འཁོར་ལོས་སྒྱུར་བའི་རྒྱལ་པོ་བློ་ཡངས་ཞེས་བྱ་བས་ཁང་བཟངས་གསེར་གྱི་འོད་དང་ལྡན་པ་ཙན་དན་དམར་པོའི་ཆུས་བཏབ་པ། ཨ་ག་རུའི་བདུག་
པས་བདུགས་པ་ཞིག་ཕུལ་ལོ། །ལོངས་སྤྱད་པའི་ཕྱིར་དགེ་སློང་གི་དགེ་འདུན་ཐམས་ཅད་ལ་ཡང་དེ་ཁོ་ན་དང་འདྲ་བ་ཞིག་ཕུལ་བར་གྱུར་ཏོ། །དེ་དག་ཐམས་ཅད་ལ་ཡང་སྐྱེད་མོས་ཚལ་རེ་རེ་ཡང་ཕུལ་བར་གྱུར་ཏོ། །དེས་བཅོམ་ལྡན་འདས་དེ་
ལས་ཏིང་ངེ་འཛིན་བསྟན་པ་འདི་ཡང་ཐོས་སོ། །དེ་ནས་བཅོམ་ལྡན་འདས་དེ་ཉིད་ཀྱི་རིམ་གྲོ་པ་མང་དུ་ཐོས་པ་རྣམས་ཀྱི་མཆོག །ཤེས་རབ་རྫོགས་ཞེས་བྱ་བ་ཞིག་བྱུང་བར་གྱུར་པ་དེ་ལ་དེས་འདི་སྐད་དུ། འདི་ལྟར་བདག་གིས་ཏིང་ངེ་འཛིན་འདི་ཤེས་
པར་བྱ་ན་ཁྱིམ་ན་གནས་པས་ནི་འདི་རྟོགས་པར་དཀའ་ཡིས། ཅི་ནས་ཀྱང་བདག་གིས་སྐྲ་དང་ཁ་སྤུ་བྲེགས་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱ་གོར་མ་ཆག་གོ་ཞེས་སྨྲས་སོ། །དེ་ནས་སྐྲ་དང་ཁ་སྤུ་བྲེགས་ནས། གོས་ངུར་
སྨྲིག་བགོས་ཏེ། ཁྱིམ་ནས་ཁྱིམ་མེད་པར་རབ་ཏུ་བྱུང་ནས། སྲས་ཁྲི་དང་། བཙུན་མོ་བརྒྱད་ཁྲི་བཞི་སྟོང་པོ་དེ་དག་ཐམས་ཅད་དང་ལྷན་ཅིག་ཏུ་རབ་ཏུ་བྱུང་སྟེ། ཏིང་ངེ་འཛིན་འདིའི་རྣམ་པ་དག་ཞུས་པ་དང་། བཅོམ་ལྡན་འདས་
དེས་དེ་དག་གི་བསམ་པ་ཐུགས་སུ་ཆུད་ནས། ཏིང་ངེ་འཛིན་འདི་ཞག་བདུན་གྱི་བར་དུ་རྒྱ་ཆེར་ཡང་དག་པར་བསྟན་ཏོ། །དེ་དག་གིས་ཐོས་ནས་ཀྱང་། གཅིག་ལ་གཅིག་འདི་སྐད་དུ། ཀྱེ་མ་ཏིང་ངེ་འཛིན་འདི་
མཐོང་བར་དཀའ་མོད་ཀྱི། འོན་ཀྱང་ཏིང་ངེ་འཛིན་འདི་ལེགས་པར་བྲིས་ཏེ་བཅང་བར་བྱའོ་ཞེས་འཛེར་ཏོ། །དེ་དག་ཐམས་ཅད་ཀྱིས་ཏིང་ངེ་འཛིན་འདི་བྲིས་ནས་ཀྱང་མཆོད་པ་བྱས་སོ། །བཟུང་ངོ་། །ལུང་
40-1-356b


ཡང་ཕོག་གོ། དེ་ནས་དེ་དག་ཐམས་ཅད་དུས་ལས་འདས་ནས། སླར་དེ་དག་ཚོགས་པར་གྱུར་པས་སངས་རྒྱས་དྲུག་འབུམ་མཉེས་པར་བྱས་པར་གྱུར་ཏོ། །ཐམས་ཅད་དུ་ཏིང་ངེ་འཛིན་འདི་ཐོས་པར་གྱུར་ཏོ། །ཐམས་
ཅད་རབ་ཏུ་བྱུང་ནས། ཏིང་ངེ་འཛིན་འདི་ཐོབ་པར་གྱུར་ཏོ། །སྨོན་ལམ་ཇི་ལྟར་བཏབ་པ་བཞིན། དགེ་བའི་རྩ་བ་འདི་ཁོ་ནས་ཐམས་ཅད་ཀྱིས་བྱང་ཆུབ་རབ་ཏུ་ཐོབ་པར་གྱུར་ཏོ། །མཆོག་ཏུ་དགའ་བའི་རྒྱལ་པོ་ཁྱོད་དེའི་
ཚེ་དེའི་དུས་ན། འཁོར་ལོས་སྒྱུར་བའི་རྒྱལ་པོ་བློ་ཡངས་དེ་ཁྱོད་ཀྱིས་གཞན་ཡིན་ནོ་སྙམ་པ་དེ་ལྟར་བལྟ་བར་མི་བྱ་སྟེ། དེ་བཞིན་གཤེགས་པ་མར་མེ་མཛད་དེ། དེའི་ཚེ་དེའི་དུས་ན་འཁོར་ལོས་སྒྱུར་བའི་
རྒྱལ་པོ་བློ་ཡངས་ཞེས་བྱ་བར་གྱུར་ཏོ། །དེ་བཞིན་གཤེགས་པ་རྣམ་པར་གཟིགས་དེ་ནི། དགེ་སློང་རིམ་གྲོ་པ་ཤེས་རབ་རྫོགས་ཞེས་བྱ་བར་གྱུར་ཏོ། །གང་དག་སྲས་ཁྲི་པོ་དེ་དག་
ནི་བསྐལ་པ་འདི་ནས་བཟུང་སྟེ། བསྐལ་པ་དྲུག་ཅུ་རྩ་ལྔའི་བར་དུ་འཚང་རྒྱ་བར་མི་འགྱུར་རོ། །དེའི་འོག་ཏུ་བསྐལ་པ་གྲགས་པ་ཆེན་པོ་ཞེས་བྱ་བ་ཞིག་འབྱུང་བར་འགྱུར་ཏེ། བསྐལ་
པ་གཅིག་པོ་དེ་ལ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །གང་དག་བློན་པོ་བརྒྱད་ཁྲི་པོ་དེ་དག་ནི། བསྐལ་པ་གྲགས་པ་ཆེན་པོ་འདས་ནས། བསྐལ་པ་བརྒྱད་
ཅུའི་བར་དུ་འཚང་རྒྱ་བར་མི་འགྱུར་རོ། །དེའི་འོག་ཏུ་བསྐལ་པ་སྐར་མ་ལྟ་བུ་ཞེས་བྱ་བ་ཞིག་འབྱུང་བར་འགྱུར་ཏེ། དེ་ལ་བློན་པོ་བརྒྱད་ཁྲི་པོ་དེ་དག་བྱང་ཆུབ་མངོན་པར་
རྫོགས་པར་འཚང་རྒྱ་བར་འགྱུར་རོ། །བསྐལ་པ་སྐར་མ་ལྟ་བུ་འདས་ནས། བསྐལ་པ་སུམ་བརྒྱ་ནི་སངས་རྒྱས་འབྱུང་བར་མི་འགྱུར་རོ། །དེའི་འོག་ཏུ་བསྐལ་པ་ཡོན་ཏན་བཀོད་པ་ཞེས་བྱ་བ་ཞིག་འབྱུང་བར་འགྱུར་རོ། །
40-1-357a


དེ་ལ་བཙུན་མོ་བརྒྱད་ཁྲི་བཞི་སྟོང་པོ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །མཆོག་ཏུ་དགའ་བའི་རྒྱལ་པོ་བྱང་ཆུབ་སེམས་དཔའི་ཏིང་ངེ་འཛིན་འདི་ནི་དེ་ལྟར་འབྲས་བུ་ཆེ་བ་ཡིན་ནོ། །
མཆོག་ཏུ་དགའ་བའི་རྒྱལ་པོ་དེ་ལྟ་བས་ན་བྱང་ཆུབ་སེམས་དཔའི་ལྷག་པའི་བསམ་པ་རྫོགས་པ། ལུས་དང་སྲོག་ལ་མི་ལྟ་བར་གྱུར་པས། ཏིང་ངེ་འཛིན་འདི་བཙལ་བར་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་
མངོན་པར་རྫོགས་པར་འཚང་རྒྱ་བར་འདོད་པས། ཏིང་ངེ་འཛིན་འདི་ལ་རྣལ་འབྱོར་དུ་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་བྱང་ཆུབ་དོན་དུ་གཉེར་བ་གང་། །
དེ་དག་རྒྱལ་པོ་དེ་ཡི་རྗེས་སུ་སློབ། །ཡང་དག་བསྒྲུབ་ལ་གནས་པ་མ་གཏོགས་པར། །གཞན་གྱིས་བྱང་ཆུབ་མཆོག་ནི་འཐོབ་མི་འགྱུར། །དེ་ལྟར་འདིར་ནི་དད་པ་ཆུང་བསྐྱེད་ཀྱང་། །དེ་བཞིན་རྣམ་སྨིན་གྱ་ནོམ་
འཐོབ་པར་འགྱུར། །དེ་བས་གཡོ་མེད་ལྷག་པའི་བསམ་པ་ཡིས། །འདིར་ནི་ཅི་རིགས་བཀུར་སྟིས་རྣལ་འབྱོར་གྱིས། །རྒྱལ་བ་གང་དེ་བདག་གིས་འདིར་བསྒྲགས་པ། །དེ་དག་གང་ཞིག་མཐོང་བར་འདོད་
པ་དང་། །བསྟན་པ་རྒྱ་ཆེར་འཆད་པར་འདོད་པ་དག །ཇི་སྐད་བསྟན་བཞིན་འདི་ལ་རྣལ་འབྱོར་གྱིས། །ཡི་རང་ཉིད་ཀྱིས་ཕུན་སུམ་ཚོགས་འགྱུར་ན། །འཆང་དང་ཀློག་པ་ལྟ་ཞིག་ཅི་སྨོས་ཏེ། །
ཡོན་ཏན་མཐའ་ནི་འགྲོ་བས་བསམ་མི་ནུས། །འདི་ཐོས་སུ་ཞིག་རྣལ་འབྱོར་སྦྱོར་མི་བྱེད། །བྱང་ཆུབ་སོ་སོ་ཡང་དག་རིག་མཚན་དང་། །སྟོན་དང་ཕ་རོལ་སེམས་ནི་གླེང་བ་དང་། །སྒྲུབ་དང་སྣང་བ་
གང་དག་སངས་རྒྱས་ཆོས། །ཏིང་ངེ་འཛིན་འདི་ལས་ནི་བཙལ་བར་བྱ། །ལས་སྦྱོང་དེ་བཞིན་བདུད་རྣམས་འཇོམས་པ་དང་། །ལྟ་སྦྱོང་དེ་བཞིན་སྲིད་པ་ཟད་བྱེད་དང་། །རྣམ་པར་རོལ་དང་ཞིང་བཀོད་འབྱོར་པ་དག །
40-1-357b


འདི་དང་རབ་ཏུ་ལྡན་ལ་དཀོན་མ་ཡིན། །དེ་བཞིན་རྣམ་གྲོལ་སྤོབས་པ་ཕུན་ཚོགས་དང་། །བྱ་བ་ཐམས་ཅད་སྦྱོང་བྱེད་གཟུགས་དག་དང་། །བསམ་པ་ཇི་བཞིན་བྱང་ཆུབ་འཚང་རྒྱ་བ། །དེ་དག་ཐམས་ཅད་འདིར་གནས་མོད་པ་ཡིན། །
ང་ཡིས་དེ་སྙེད་ཚིག་གིས་རྗོད་ནུས་རྣམས། །དེ་ལྟ་བས་ན་དེ་དག་འདིར་སྒྲུབས་ཤིག །ཀུན་མཁྱེན་ཆོས་ལ་དགའ་བར་མ་བྱས་ན། །ཕྱི་དུས་དག་ན་འགྱོད་པར་གྱུར་ཏ་རེ། །ཕ་རོལ་ཕྱིན་པ་ཇི་སྙེད་ངས་བསྟན་དང་། །
གང་དག་ཡེ་ཤེས་རྒྱ་མཚོ་སྦྱོར་ལམ་དག །ལུས་རྟེན་བྱིས་པའི་སྤྱོད་ལ་གནས་པ་ཡིས། །ཤེས་པར་བྱ་བ་དག་ཏུ་ནུས་མ་ཡིན། །དུས་ངན་པ་དང་སེམས་ཅན་མ་རུངས་དང་། །ཆོས་ནུབ་མཐའ་དང་ངན་སོང་
འཕེལ་བ་ན། །མཁས་པས་ཤིན་ཏུ་ཡིད་བྱུང་བྱས་ནས་ཀྱང་། །བག་ཡོད་རི་དགས་བཞིན་དུ་སྐྲག་པར་འགྱུར། །མཆོག་ཏུ་དགའ་བའི་རྒྱལ་པོ། བྱང་ཆུབ་སེམས་དཔའ་གང་ཞིག་གིས་བསྐལ་པ་སྟོང་དུ་ཐབས་
མཁས་པ་མ་གཏོགས་པར། ཕ་རོལ་ཏུ་ཕྱིན་པ་དྲུག་དག་ལ་སྤྱད་པ་བས་ནི། ཏིང་ངེ་འཛིན་འདི་ཐོས་ནས་རྗེས་སུ་ཡི་རང་བའི་བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ་བ་ནས། དཔེའི་བར་དུ་ཡང་
ཉེ་བར་མི་འགྲོའོ། །ཆོས་ཀྱི་རྣམ་གྲངས་འདི་བསྟན་པ་ན། བྱང་ཆུབ་སེམས་དཔའ་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་དག་ཐམས་ཅད་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དང་མིའི་སྐྱེ་དགུའི་ཚོགས་བརྒྱད་འབུམ་སྙེད་ཀྱང་། རྡུལ་མེད་ཅིང་དྲི་མ་དང་བྲལ་ལ་ཆོས་རྣམས་ལ་ཆོས་ཀྱི་མིག་རྣམ་པར་དག་གོ །
ལྷ་དེ་དག་ཆོས་ཀྱི་མིག་རྣམ་པར་དག་པས་བཅོམ་ལྡན་འདས་ཀྱི་ཆོས་ལ་མངོན་པར་དགའ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དག་མེ་ཏོག་གིས་ཆལ་པར་བཀྲམ་པར་གྱུར་ཏོ། །སྟོང་གསུམ་གྱི་
40-1-358a


སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །བར་སྣང་ལས་ཀྱང་ལྷའི་རྔ་སྒྲ་དག་བསྒྲགས་སོ། །མཆོག་ཏུ་དགའ་བའི་རྒྱལ་པོ་ལ་སོགས་པ་བྱང་ཆུབ་སེམས་དཔའ་བྱེ་བ་སྙེད་ཐམས་ཅད་
ཀྱིས་ཀྱང་ཏིང་ངེ་འཛིན་འདི་ཐོབ་བོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། མཆོག་ཏུ་དགའ་བའི་རྒྱལ་པོ་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་། ལྷ་དང་། 
མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ་
རྫོགས་སྷོ།། ། རྒྱ་གར་གྱི་མཁན་པོ་བིདྱཱ་ཀ་ར་སིང་ཧ་དང་། ལོ་ཙྪ་་བ་བན་དེ་དཔལ་གྱི་དབྱངས་ཀྱིས་བསྒྱུར། ཞུ་ཆེན་གྱི་ལོ་ཙྪ་བ་བན་དེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།། །།
ཤོ་ལོ་ག་བདུན་སྟོང་བརྒྱད་བརྒྱ་སྟེ།། །། །།བམ་པོ་ཉི་ཤུ་རྩ་དྲུག་བཞུགས་སྷོ།།    །།བཀྲ་ཤིས་ཤོག   །།   མྃ་ག་ལྃ།། །།    །།